UJUMBE: 65-0221E Huyu Melkizedeki Ni Nani?

PDF

• 26-0329 Huyu Melkizedeki Ni Nani?
• 24-0630 Huyu Melkizedeki Ni Nani?
• 22-1204 Huyu Melkizedeki Ni Nani?
• 19-0707 Huyu Melkizedeki Ni Nani? + Preliminari
• 17-1105 Huyu Melkizedeki Ni Nani? +Preliminari

BranhamTabernacle.org

Mpendwa Bibi-arusi Wa Uzima Wa Milele,

Sauti hiyo ni nani inayozungumza nasi kwenye kanda?

Tunaweza tu kujua jibu la swali hilo kwa Ufunuo kutoka kwa Mungu. Ni Bibi-arusi Wake aliyechaguliwa tangu zamani peke yake ndiye atakayekuwa na Ufunuo huo. Kwa hivyo, lazima tutafute Neno Lake ili kuelewa alisema Yeye alikuwa ni nani: Mfasiri pekee wa Neno Lake. Ni nani angeivunja na kuifunua ile Mihuri Saba? Ni nani angezifunua siri zote zilizofichwa za Biblia? Ni nani atakayemwita atoke na kumwongoza Bibi-arusi Wake? Ni nani atakayekuwa na ile Sauti ya kutokukosea?

Kulingana na Neno, si mwingine ila Melkizedeki, Yeye Mwenyewe. Mtu asiye na baba wala mama, Ambaye hakuwa na mwanzo wala mwisho wa siku Zake. Mungu, Ambaye alifanyika mwili na akala nyama na mkate wa mahindi, akanywa maziwa ya siagi, na akanena na Ibrahimu. Yeye alikuwa Mtu mwenye utu, akiishi katika mwili wa mwanadamu.

Neno lilo hilo lililosema kwamba Melkizedeki, Mtu huyo, utu huo, angeishi na kujifunua Mwenyewe tena katika mwili wa mwanadamu kama vile alivyofanya kwa Ibrahimu, kisha tena katika Yesu Kristo; bali leo, katika malaika-mjumbe Wake wa saba wa Ufunuo 10:7.

Roho Wake angeiteketeza hiyo maskani ya duniani ili Yeye aweze kuzungumza na kujifunua Mwenyewe kwa Bibi-arusi Wake. Mungu Mwenyewe akiishi na kuzungumza katika mwili wa mwanadamu. Mbegu Yake ya kwanza iliyorejeshwa kikamilifu ilikuwa imefikia kukomaa kabisa. Ule mpango kamili wa Mungu ulikuwa umewasili; Mungu na mwanadamu walikuwa Mmoja. Mungu alikuwa akizungumza mdomo kwa mdomo na Bibi-arusi Wake kama alivyofanya kwa Ibrahimu.

Akaingia na kuishi katika huo, katika Utu wa Melkizedeki. Ndipo baadaye hatukusikia tena habari za Melkizedeki, kwa sababu Yeye alifanyika Yesu Kristo. Melkizedeki alikuwa yule Kuhani, bali akafanyika Yesu Kristo, Basi, wewe uliruka hilo, kwa kuwa katika umbo hilo Yeye alijua yote, Nawe haujapata kujua hayo bado.

BADO…!! Basi sisi ni nani?

Macho yetu, kimo chetu, chochote kile tulichokuwa, tulikuwa katika mawazo Yake hapo mwanzo. Kabla hajakuwepo Malaika, nyota, Kerubi, au chochote kile. Yeye aliliwazia, Akalinena, nasi hawa hapa.

Hiyo ni isiyo kikomo. Hatuwezi kuelewa kwa akili zetu. Bali huyo ni Mungu. Mungu, asiye kikomo.

Kwa kuwa tulikuwa ndani Yake hapo mwanzo, nini kinachotokea kwetu sisi baada ya maisha haya yapatikanayo na mauti hapa duniani kwisha?

Joho hili la mwili linapobwagwa chini, kunao mwili wa kawaida, mwili wa kiungu, mwili ambao haukujengwa kwa mikono, wala kuzaliwa na mwanamke, ambamo tunaingia. Ndipo huo mwili unarudi huku na kuchukua mwili uliotukuzwa.

Ni mambo ya kupendeza vipi aliyowekewa Bibi-arusi Wake. Angalia yale yanayoendelea sasa hivi wakati Yeye akitufunulia Neno Lake zaidi ya wakati wowote ule. Nena kuhusu barua ya mahaba kwa Bibi-arusi Wake! Ni siku iliyoje tunayoishi.

Tuna Ufunuo na tunajua ni Melkizedeki, Sauti ya Mungu, anayezungumza nasi kwenye kanda. Tuna Ufunuo ndio mapenzi ya Mungu yaliyoandaliwa na makamilifu kwa ajili ya siku hii. Hivyo, tunamjua YEYE NI NANI NASI NDIYE BIBI-ARUSI WAKE.

Ufunuo huo unazidi kuwa mkubwa zaidi na zaidi kila siku. Kila siku ipitayo hutuletea furaha zaidi, Ufunuo zaidi. Bibi-arusi anajiweka mwenyewe tayari kwa kuketi katika uwepo wa Sauti Yake, Yeye anapotuambia Sisi ni nani, jinsi gani Yeye anavyotupenda Sisi, jinsi ambavyo Yeye anavyosubiri kwa hamu kuwa pamoja Nasi!!!

Njooni, mjiweke tayari saa 06:00 MCHANA, masaa ya Jeffersonville,(Ni saa 1:00 JIONI ya Afrika Mashariki) kwa ajili ya kile kinachokaribia kutukia, tunapoisikiliza Sauti ya Melkizedeki.

Ndugu Joseph Branham

Ujumbe: 65-0221E “Huyu Melkizedeki Ni Nani?”

Maandiko ya kusoma:
Mwanzo Sura ya 18
Kutoka 33:12-23
Yohana Mt. 1:1
Warumi 8:1
2 Wakorintho 5:1
1 Wathesalonike 4:13-18
Timotheo wa Kwanza 3:16 / 6:15
Waebrania 7:1-3 /13:8
Ufunuo 10:1-7 / 21:16

UJUMBE: 65-0221M Ndoa Na Talaka

PDF

• 26-0322 Ndoa Na Talaka
• 24-0623 Ndoa Na Talaka
• 22-1127 Ndoa Na Talaka

BranhamTabernacle.org

Mpendwa Bibi-arusi Aliyechaguliwa, Mteule, na Aliyekusudiwa Kimbele:

Nakumbuka nilipokuwa kijana mdogo nikikua, nikijaribu kuchagua kanda ya kusikiliza. Nilipokuwa nikisoma majina ya jumbe daima Niliwaza, sitasikiliza Ndoa na Talaka, kwani huo hauna uhusiano wowote nami; ni kwa watu waliooa tu.

Kisha siku moja, nilipokuwa nikisikiliza Ndoa na Talaka, Baba akanipa Ufunuo wa Ujumbe huo. Upako Wake ulikuja moyoni mwangu. Yeye anazungumza nami. Ujumbe huu NI kwa ajili yangu. ANANIAMBIA Alinichagua mimi kabla ya kuwekwa misingi ya ulimwengu. Huu ndio sherehe yangu ya arusi. Simtaki mtu mwingine ila Yeye. Mimi ni mkweli na mwaminifu Kwake, na kwa Neno Lake, na kwa Sauti Yake, PEKE YAKE. Sisi ni MMOJA.

Kwa kweli Ujumbe huu ulikuwa kwa ajili ya ndugu na dada wengi waliokuwa wameoana na sasa wamepeana talaka, na Yeye akiwaambia kile wanachopaswa kufanya; Lakini hapo kulikuwa na maana KAMILI NA KUBWA zaidi, iliyo kuu zaidi, yenye nguvu zaidi.

Kulikuwa na Mume mmoja, na Yeye alikuwa akiwaita na kuzungumza na Bibi-arusi Wake wengi, waliochaguliwa.  SAUTI YA MUNGU ILIKUWA IKIMWITA ATOKE BIBI-ARUSI MSAFI, NENO BIKIRA WAKE, ASIYEGHOSHIWA. Yule ambaye hajaguswa au kuchafuliwa na mwanamume. Yule ambaye ni mkweli na mwaminifu Kwake na kwa Neno Lake peke yake. Yule ambaye aliyeridhika kabisa Naye na Sauti Yake.

Kwa Neema na Rehema Zake, leo tunaweza kusema, bila shaka yoyote, SISI NDIYE BIBI-ARUSI NENO BIKIRA WAKE. UTUKUFU!!

Yeye alitaka kuhakikisha kuwa hakutakuwa na mambo yaliyoachwa linapokuja suala la kumwita Bibi-arusi Wake, kwa hivyo Yeye alikuja Mwenyewe na kuishi katika mwili wa mwanadamu ili kulifunua Neno Lake na kumwita Bibi-arusi Wake Kwake. Yeye alikuwa ndiye Eliezeri ambaye angemchagua Bibi-arusi Wake mwenyewe.

Ili kuhakikisha kuwa hakukuwa na njia ambayo tungechanganyikiwa ni nani aliyekuwa akituchumbia, Yeye Mwenyewe alikithibitisha chombo Chake kiteule kwa kuzungumza naye kutoka katika kisulisuli kilichokuwa kikining’inia kwenye mti. Kisha akazungumza naye waziwazi kule chini kwenye Mto Ohio mbele ya maelfu.

Yeye hata alipigwa picha pamoja naye ili kuuonyesha na kuuambia ulimwengu, NILIWAAMBIA NITARUDI TENA NA KUISHI KATIKA MWILI.  YEYE NDIYE NILIYEMCHAGUA KUISHI NDANI YAKE, KUWAITA NINYI MTOKE ILI MUWE BIBI-ARUSI WANGU. SI YEYE; NI MIMI NINAYENENA KUPITIA YEYE. NINAITUMIA SAUTI YAKE TU KUWA SAUTI YANGU KWENU. MIMI NDIYE NILIYEWAITA NA KUWAKAMILISHA ILI MUWE BIBI-ARUSI WANGU MKAMILIFU.

Ufunuo wa Ujumbe Huu, Neno Lake, Sauti Yake, na sasa SISI ni NANI yapita maneno ya mwanadamu kujaribu kueleza. Najua mnajua hasa kile ninachosema. Imani ya kunyakuliwa inatendeka. Bibi-arusi anajiweka Mwenyewe tayari kwa kuketi katika uwepo wa Mungu Mwenyewe, akikamilishwa.

Ni fursa iliyoje dunia iliyonayo kuisikia Sauti ya Mungu ikizungumza nao; kuketi na kulisikiliza Neno kwa Neno anaponena na kulifunua Neno Lake na kutuambia sisi ni nani. Hakuna cha kufananisha na kuketi katika uwepo Wake, kwa hivyo njooni muungane nasi Jumapili saa 6:00 MCHANA, masaa ya Jeffersonville,(Ni saa 1:00 JIONI ya Afrika Mashariki) tunapomsikia Yeye akizungumza na Bibi-arusi Wake, Ujumbe, “Ndoa Na Talaka” 65-0221M.

Ndugu Joseph Branham

Maandiko ya kusoma kabla ya kuusikia Ujumbe:

Mathayo Mt 5:31-32 / 16:18 / 19:1-8 / 28:19

Matendo 2:38

Warumi 9:14-23

Timotheo wa Kwanza 2:9-15

Wakorintho wa Kwanza 7:10-15 / 14:34

Waebrania 11:4

Ufunuo 10:7

Mwanzo sura ya 3

Walawi 21:7

Ayubu 14:1-2

Isaya 53

Ezekieli 44:22

UJUMBE: 65-0220 Mahali Alipopachagua Mungu Pa Kuabudia

PDF

• 26-0315 Mahali Alipopachagua Mungu Pa Kuabudia
• 24-0616 Mahali Alipopachagua Mungu Pa Kuabudia
• 22-1120 Mahali Alipopachagua Mungu Pa Kuabudia

BranhamTabernacle.org

Mpendwa Bi. Yesu Kristo,

Hii ndiyo siku yenyewe. Huu ndio wakati wenyewe. Mungu alimtuma tai Wake mwenye nguvu duniani kumwita Bi. Yesu Kristo Wake atoke, kunena na kumwambia, “Wewe NDIYE niliyemchagua. Wewe NDIYE ninayempenda. Wewe ndiye Bibi-arusi Neno bikira Wangu Mkamilifu. Sisi ni MMOJA.”

Kuyasikia maneno hayo tu, mioyo yetu inaruka kwa furaha. Kuwazia, katika ulimwengu wote, pamoja na mamilioni na mamilioni yake ya watu, kuna Bi. Yesu Kristo MMOJA tu, na WEWE ndiye Huyo, YULE anayemjia.

Kuna mahali PAMOJA tu palipochaguliwa pa kuabudia. Kuna Ujumbe MMOJA tu mkamilifu uliochaguliwa. Kuna BIBI-ARUSI MMOJA tu MKAMILIFU aliyechaguliwa…NASI NDIO!!

Baba ana mahali PAMOJA peke yake alipopachagua pa kuabudia, Bwana Yesu Kristo; Yeye ni Neno. Leo, kuna mahali PAMOJA peke yake ambapo mauti ya kiroho haiwezi kupiga: Neno. Mauti haiwezi kulipiga Neno, kwa sababu ni Neno la Mungu lililo Hai.

Ufunuo kamili wa Neno hilo lililo Hai umefunuliwa kwa Bi. Yesu Kristo peke yake. Kuna mahali PAMOJA tu palipochaguliwa ambapo Bi. Yesu Kristo anaweza kwenda na kulisikia NENO KAMILIFU LIKINENWA. Kuna nabii MMOJA tu aliyechaguliwa kuwa Sauti ya Mungu. Kuna mahali PAMOJA tu ambapo Bi. Yesu anapoweza kwenda na kuisikia, BWANA ASEMA HIVI: KUBONYEZA PLAY.

Kutakuweko Nuru mnamo wakati wa jioni, mahali pekee alipopachagua Mungu pa kuabudia. Loo, Ujumbe huu umefika wapi, Yeye atafanya nini? Na katika siku yake itakuweko Nuru wakati wa jioni, na (nini?) kuwakaribisha watoto Wake wanaporudi nyumbani kwenye Nchi ya kweli ya ahadi, kwa ishara ile ile ya Nguzo ya Moto ambayo iliwaongoza wana wa Israeli kupitia nyikani.

Jinsi gani Bibi-arusi Wake anavyopaswa kuwa mwangalifu kuifuata na kuisikia Sauti ya Mumewe ikizungumza Naye. Kuna mahali PAMOJA tu tunapoweza kwenda na kuwa na hakika 100%. Kuna Sauti MOJA tu tuliyoiwekea kikomo chetu cha Milele.

Bi. Yesu Kristo anaamini kwamba Maneno anayoyasikia kwenye kanda ni Maneno ya Mumewe. Yeye anaamini Neno Lake halihitaji fasiri yoyote. Kwa hivyo, Yeye anaamini kuna mahali PAMOJA tu palipoandaliwa ambapo Yeye anapoweza kwenda na kusema AMINA kwa kila Neno, Sauti ya Mumewe iliyo kwenye kanda.

Kwa mara nyingine tena, Bi. Yesu Kristo, kutoka kote ulimwenguni, anaweza kusema, “Leo, Neno hili lililonenwa, linatimizwa”.

Mungu Mpenzi, huko chini kuvuka majangwa kule Tucson, huko mbali California, juu huko Nevada na Idaho, kwenda hadi Mashariki na kila mahali, chini huko Texas; wakati mwaliko huu unatolewa, watu wamekiketi katika—katika makanisa madogo, vituo vya mafuta, majumbani, wakisikiliza.

Umealikwa kuja kusikiliza pamoja na Maskani ya Branham saa 6:00 MCHANA, masaa ya Jeffersonville,(Ni saa 1:00 JIONI ya Afrika Mashariki) tunapomsikia Mungu akizungumza na Bibi-arusi Wake mteule, Ujumbe: “Mahali Alipopachagua Mungu Pa Kuabudia” 65-0220.

Ndugu Joseph Branham

Maandiko: Kumbukumbu la Torati 16:1 hadi 3.

UJUMBE: 65-0219 Leo Maandiko Haya Yametimia

PDF

• 26-0308 Leo Maandiko Haya Yametimia
• 24-0609 Leo Maandiko Haya Yametimia
• 22-1113 Leo Maandiko Haya Yametimia
• 19-0616 Leo Maandiko Haya Yametimia – Preliminari

BranhamTabernacle.org

Mpendwa Uzao Mkuu Wa Kifalme,

Ule wakati ambao tumekuwa tukiusubiri kwa hamu na kuutamani umewadia. Tumewasili. Tunauona ukijifunua mbele ya macho yetu. Kila siku unabii unatimia, nasi tunaweza kusema: LEO MAANDIKO HAYA YAMETIMIA MBELE YA MACHO YETU.

Ni changamko la Ufunuo lililoje linalotukia kwa Bibi-arusi. Kwa kila Ujumbe tunaousikia, tunahisi ndani ya mioyo na roho zetu, ” Linawezaje kuwa kubwa zaidi ya hapa na la ajabu zaidi kuliko hivi, Bwana?” Ndipo Yeye anakuja miongoni mwetu kwa mara nyingine tena na kututia mafuta tunapoisikia Sauti Yake ikituita na kusema, “Wewe ni Kipenzi Changu. Nilikuchagua wewe uwe Bibi-arusi Wangu. Kama vile nilivyokuahidi, ninakuja kukuchukua. Niko njiani. Hivi karibuni Tutakuwa pamoja milele.”

Tunapaza sauti kutoka kote ulimwenguni, tukivumisha Mbingu kwa haleluya zetu, utukufu, sifa, na kuabudu kwetu Kwake. Shetani ameshindwa. Baba ameyaondolea mbali mashaka yetu yote, kutokuwa na uhakika kwetu kote, kudhania kote. Tunaweza kutangaza kwa mioyo na roho zetu zote, SISI NDIO ule Uzao Mkuu wa Kifalme wa Ibrahimu. Bibi-arusi wa Kifalme kwa Mwana yule wa Kifalme aliyeahidiwa.

Uwepo wa Bwana umekuwa wa ajabu mno kwa anavyotufunulia Neno Lake kuliko hapo awali. Yeye amemuunganisha Bibi-arusi Wake pamoja na Neno Lake, na kutuweka katika Nia moja kwa umoja kama jamii moja, tukiisikiliza Sauti ya Mungu ikinena na kutukamilisha kwa Neno Lake.

Kila Ujumbe tunaousikia ni kama vile kisima kinachofoka maji kinachofurika ndani ya nafsi zetu; kikitiririka, kikisukuma, na kububujika kutoka kwenye Kiti cha Enzi cha Mungu. Tunakunywa, kunywa na kunywa, yakiziburudisha nafsi zetu.

Ndugu na Dada zangu, sisi ndio utimilifu wa Maandiko yanayosema Yeye atakuwa na Bibi-arusi Neno bikira. Sisi ndio: Leo Maandiko haya yametimia.

Mungu Mwenyewe alinena kutoka Mbinguni na malaika Wake wa saba na kusema, “Kama vile Yohana Mbatizaji alivyotumwa kutangulia Kuja kwa kwanza kwa Kristo, Ujumbe wako utatangulia Kuja Kwake kwa pili, duniani kote.” Bibi-arusi anaweza kusema: Leo Maandiko haya yametimia.

Je, hivi tunaweza kuelewa kwamba Sauti ya Mungu halisi imenena katika siku yetu kupitia midomo ya mwanadamu, ikarekodiwa, ikahifadhiwa, na kutunzwa ili Yeye aweze kunena na kila mmoja wetu, Bwana Asema Hivi? Yeye ameliwezesha hilo ili tusichukue neno la mtu yeyote, mawazo ya mtu yeyote, fikra za mtu yeyote, ni sisi kuketi tu na kuisikiliza Sauti Yake ikinena nasi moja kwa moja Neno Lake Safi.

NI KITU GANI KINACHOTENDEKA LEO?

Na M-w-a-n-a yule yule wa Mungu aliyetokea mashariki na kujithibitisha Mwenyewe kama Mungu aliyefanyika mwili, ndiye M-w-a-n-a yule yule wa Mungu aliyeko katika kizio cha magharibi cha dunia, ambaye anajitambulisha Mwenyewe kati ya kanisa usiku huu, Yeye yule jana, leo, na hata milele. Ile Nuru ya jioni ya Mwana imekuja. Leo Maandiko haya yametimia mbele yetu.

JE! TUKO KATIKA MAPENZI MAKAMILIFU YA MUNGU KWA SISI KUSEMA NA KUAMINI KUWA: “KUZICHEZA KANDA NDIO NJIA ILIYOANDALIWA NA MUNGU KWA AJILI YA BIBI-ARUSI WAKE”?

JE! KUNA KITU KILICHO KIKUU ZAIDI YA KUZISIKILIZA KANDA?

Kila mara katika utatu kama nilivyosema usiku uliopita Mungu huwakilishwa. Pale kulikuwako Wasodoma. Walutu, na Waibrahimu. Ni hali ile ile usiku huu, ulimwengu ukikaa tu hivyo!
Tazama, Yule aliyekaa pamoja na Ibrahimu alikuwa Mungu Mwenyewe; na wale wengine wawili walikuwa Malaika wajumbe.

KWA HIVYO NI NANI ANAYEZUNGUMZA NASI KWENYE KANDA?

Hebu niwaulizeni kitu fulani. Tazama utaratibu huu sasa. Ibrahimu alimwita huyu aliyeongea naye, “Elohim.” Neno la Kiebrania Elohim maana yake ni “Yule aridhishaye kwa vyote. Yeye yule Aliye wa Milele,” Elohim, Mungu Mwenyewe!

NI MUHIMU JINSI GANI KUBONYEZA PLAY?

…“wakati mmoja Roho Mtakatifu atakuja na kufanya mambo yale yale, na kunena tu neno moja dhidi Yake hautasamehewa kamwe. Hiyo ni siku hizi, ambapo kila neno yapasa liunganike pamoja. Nena neno dhidi Yake, halitasamehewa katika dunia hii wala dunia ijayo.”

Haleluya zetu za wiki iliyopita na kumsifu Bwana zilikuwa ni maandalizi tu ya kutuandaa kwa ajili ya kile kitakachotendeka Jumapili hii, Kwani Bibi-arusi kwa mara nyingine tena anaungana na kumsikiliza MUNGU akitutia moyo na kutuhakikishia kwamba sisi ndiyo wateule Wake, Naye anakuja hivi karibuni kutupeleka kwenda kwenye Karamu yetu kuu ya Harusi, kisha Makao yetu ya Baadaye.

Siku hii ndiyo aliyoifanya BWANA; tutashangilia na kuifurahia.

Ndugu Joseph Branham

Ujumbe: 65-0219 – “Leo Maandiko Haya Yametimia”

Maandiko:
Yohana Sura ya 16
Isaya 61:1-2
Luka 4:16

UJUMBE: 65-0218 Ile Mbegu Haitarithi Pamoja Na Kapi

PDF

• 26-0301 Ile Mbegu Haitarithi Pamoja Na Kapi
• 24-0602 Ile Mbegu Haitarithi Pamoja Na Kapi
• 22-1106 Ile Mbegu Haitarithi Pamoja Na Kapi
• 19-1027 Ile Mbegu Haitarithi Pamoja Na Kapi – Preliminari
• 17-0104 Ile Mbegu Haitarithi Pamoja Na Kapi

BranhamTabernacle.org

Mpendwa Bibi-arusi Neno Bikira,

Nimeketi hapa asubuhi ya leo nikiuhisi upako Wa aina yake ninapousikiliza, kuusoma na kujifunza Ujumbe huu ambao Bibi-arusi atakaousikia Jumapili. Utu wangu wote umejaa upako. Moyo wangu unabubujika kwa furaha kubwa nikijua, SOTE TUTAKUSANYIKA PAMOJA KUTOKA KOTE ULIMWENGUNI KWA UPAKO HUU ULE ULE. Tutakuwa tukifurahi, tukimsifu Bwana, sote kwa wakati mmoja, Yeye anapozungumza na kila mmoja wetu na kulifunua Neno Lake.

Upako utakuwa mkubwa sana hivi kwamba kutakuwa na kupiga makelele na kupaza sauti, “haleluya, amina, Jina la Bwana lisifiwe” kote ulimwenguni kwa wakati mmoja, tunapovumisha Mbingu kwa sifa na kuabudu kwetu.

Kitu gani kitakachotukia? Mungu atakuwa akimuunganisha na kuzungumza na Bibi-arusi Wake. Tutakuwa Jamii Moja, katika nia moja kwa umoja anapojifunua na kujidhihirisha Mwenyewe kwetu.

Hakuna mahali pakuu zaidi unapoweza kwenda, hakuna Sauti kuu zaidi unayoweza kuisikia; hakuna upako mkuu zaidi kuliko Sauti ya Mungu ikizungumza nawe moja kwa moja kwenye kanda.

Mungu amelilinda Neno Lake tangu mwanzo na ameandaa mahali ambapo watoto Wake wote wanaweza kwenda na kumsikia Yeye akinena na kulifasiri Neno Lake Mwenyewe. Mahali ambapo hakuna kubahatisha, hakuna kutumai, hakuna kushangaa-shangaa; Ndio mahali palipoandaliwa na Mungu pa kuisikia BWANA ASEMA HIVI.

Wakati hilo linapofunuliwa kwako, ni kama nuru kubwa ambayo imewashwa moyoni na nafsini mwako…unapaza sauti, “hili ndilo. Naliona. Mimi ni MMOJA NA NENO. MIMI NI NENO. MIMI NDIYE BIBI-ARUSI. NIMEWASILI.”

Linatendeka, nao hawajui. Hiyo ni kweli. Mwaona? Naam, bwana! “Kwa kuwa po pote ulipo mzoga, ndipo watakapokusanyika tai,” halisi tu kama ulimwengu. Unaona? Hivyo ndivyo ilivyosema. Je, mzoga ni nini? Neno. Yeye ni Neno, mzoga, Kristo! “Kristo ndani yako” yeye yule jana leo, na hata milele. Jinsi ilivyo kweli!

Tunapokusanyika kulisikiliza Neno, wasiwasi wetu wote, msongo wetu wote wa mawazo, matatizo yetu yote, hutoweka tu. Tunafurahi tunapogundua kuwa hatuna cha kuwa na wasiwasi nacho; sisi ni Bibi-arusi Wake. Yeye Hayuko tu pamoja nasi, BALI YU NDANI YETU. SISI NI ILE MBEGU BIBI-ARUSI NENO. Kila kitu ni kikamilifu. Wakati Wake ni mkamilifu. Sisi ni wakamilifu.

Tumeridhika mno na kushukuru sana kusema sisi ni Neno Lake lililodhihirishwa tuliyozaliwa kibikira; Yesu Kristo yeye yule jana, leo, na hata milele, akiishi na kukaa ndani yetu. Haleluya!

Hatuwezi kupatana hata kwenye NENO MOJA. Lazima tuisikie Sauti ya Mungu iliyo kwenye kanda.

Je, umepata kuona tai akipatana? La, bwana! Yeye hapatani kamwe. Wala Mkristo halisi pia. Yeye si mtu mdhaifu. Yeye atawinda hata atakapoipata. Amina! Naam, bwana! atapata nyama yake. Yeye anataka mana mpya. Atafika kule na kuchimbua mpaka aipate. Ataruka juu zaidi na zaidi. Iwapo haimo kwenye bonde hili, ataruka juu zaidi. Kadiri urukavyo juu, ndivyo unavyoweza kuona mbali zaidi. Kwa hivyo ni wakati wa tai wa siku hizi kuruka juu zaidi, wakachimbue kwenye ahadi za Mungu, si kuishi kwa chakula cha mwewe kilichouawa miaka mingi iliyopita. Tokeni kwake.

Kaa tayari ewe Bibi-arusi, tutaila Mana hiyo mpya, tukiketi chini ya ule upako mkuu zaidi uliopo, Jumapili hii saa 06:00 MCHANA, masaa ya Jeffersonville,(Ni saa 2:00 USIKU ya Afrika Mashariki) tunaposikia: 65-0218 Ile Mbegu Haitarithi Pamoja na Kapi.

Tunawaalika Bibi-arusi kutoka kote ulimwenguni kuungana nasi kula kwenye Njia kamilifu ya Mungu iliyoandaliwa kwa ajili ya siku hii. Mahali pekee ambapo BIBI-ARUSI Anaweza kusema amina kwa kila Neno. Ambapo upako mkuu wa Roho Mtakatifu unaponena na kumkamilisha Bibi-arusi Wake kwa Kubonyeza Play na kusikia na kulipokea Neno Lake.

Ndugu. Joseph Branham

Maandiko:
Mathayo 24:24
Luka 17:30
Yohana 5:24 / 14:12
Warumi 8:1
Wagalatia 4: 27-31
Waebrania 13:8
1 Yohana 5:7
Ufunuo 10
Malaki 4

UJUMBE: 65-0217 Mtu Anayejiepusha Na Uso Wa Bwana

PDF

• 26-0222 Mtu Anayejiepusha Na Uso Wa Bwana
• 24-0526 Mtu Anayejiepusha Na Uso Wa Bwana
• 22-1030 Mtu Anayejiepusha Na Uso Wa Bwana

BranhamTabernacle.org

Wapendwa Wana-kondoo,

Ni heshima na majaliwa yaliyoje kusema, “Sisi ni wana-kondoo wa Mungu, ambao Yeye alimtuma malaika-mjumbe Wake wa saba kuwaita na kuwalisha Mana Yake iliyohifadhiwa na iliyofichwa.”

Tumeridhika na tunaamini Ujumbe huu ni Sauti ya Mungu ambayo imetumwa kumkamilisha Bibi-arusi Wake. Tunaamini kapi linajiondoa kwenye ngano, na sasa Bibi-arusi Wake amekaa katika Uwepo wa Mwana, AKIBONYEZA PLAY apate kuiva.

Na hilo ndilo kusudi letu la kuwa hapa, rafiki, kukaa katika Uwepo wa Mwana hata kundi letu dogo la watu hapa, hata litakapoiva sana kwa ajili ya Kristo, liwe mkate kwenye meza Yake. Hivyo ndivyo ninalitaka lifanye.

Yeyote ambaye haamini kwamba KUBONYEZA PLAY na kuisikia Sauti ya Mungu iliyothibitishwa ikinena ndiyo Sauti iliyo muhimu zaidi unayopaswa kuisikia, ni mtu anayejiepusha na uso wa Bwana.

Hamna budi kulikabili, ama kufanya jambo fulani juu yake.Una jukumu, kila mtu analo, nawe huna budi kukabiliana na mambo haya.

Jinsi gani nukuu hii ilivyo ya kweli na muhimu kwa ajili ya siku hii. Kuna mgawanyiko mwingi miongoni mwa walioitwa watoke wa Mungu. Je, ni muhimu zaidi kuzicheza kanda kanisani ili kuisikia Sauti ya Mungu, au hivi sasa ni muhimu zaidi wahudumu kulihudumu Neno?

Mungu amewaita na kuwaweka wahudumu hapa ili kulidumisha Neno mbele ya watu. Wao ni Wachungaji. Neno linafundisha hili. Wanapaswa kuheshimiwa na kutambuliwa kama watu ambao Mungu amewaita na kuwaweka.

Hatuwezi, na hatupaswi, kusema kamwe wao si Bibi-arusi. Hilo ni KOSA na si kulingana na kile nabii alichotufundisha. Nimesikia watu wakisema: “Kama hawachezi kanda makanisani mwao, wao ni wapinga Neno.” Haupaswi kamwe kusema kitu kama hicho. Hilo linanionyesha una roho asiye sahihi.

Nimesikia wengine wakisema, “Wote lazima wasikilize hewani pamoja na BT la sivyo wako nje ya mapenzi ya Mungu”. Haupaswi kamwe kusema kitu kama hicho. Mungu peke yake ndiye anayejua ni nani aliye Bibi-arusi na ni nani asiye. Hiyo si roho ya Bibi-arusi kusema kitu kama hicho.

Hata baadhi ya watu wanaosikiliza hewani pamoja na BT wanasema, “ukienda kanisani kusikiliza kanda na usisikilize hewani nyumbani mwako umekosea!” Hilo si sahihi ndugu na dada. Kama unasema hivyo, ACHA, umekosea. Kila mmoja lazima wafanye vile WANAVYOJISIKIA WANAONGOZWA NA BWANA KUFANYA.

Wahudumu wengi wanahisi kuhubiri ndio njia iliyoandaliwa na Mungu kwa ajili ya siku hii. Sisi tunaona tu mambo tofauti, hiyo ni sawa. Ni mara ngapi Ndugu Branham alifanya ulinganisho huu uleule? Tumetoka kumsikia kwenye Maswali na Majibu, watu walipokuwa wakizungumza kuhusu Ndugu Jackson kuwa amekosea, aliwakemea kusema lolote dhidi yake na kanisa lake.

Mimi ndo nahubiri hivyo kwa njia ya barua hii kile Mimi ninachoamini ndio njia iliyoandaliwa na Mungu kwa ajili ya Maskani ya Branham. Wao ni ndugu na dada zetu. Wanampenda Bwana na Ujumbe huu. Hivyo ndivyo wanavyohisi Bwana anawaongoza. Bwana asifiwe.

Wao wanaliona kwa njia moja na sisi tunaliona kwa njia nyingine, hilo ni sawa. Mimi siwezi kuliona kwa njia yao nao hawawezi kuona yangu. Nionavyo mimi, kuna njia nyingi ambazo Mungu ameandaa, lakini kuna NJIA MOJA TU KAMILIFU, NA KWANGU MIMI, HIYO NI KUBONYEZA PLAY.

Natumai sieleweki vibaya hapa. Kuweka mikono na kuwaombea watu ni 100% kulingana na Neno. Kupakwa mafuta na kuwaombea wagonjwa ni Neno la Mungu kulingana na Maandiko. Ndugu Branham alituhubiria na kutufundisha yote kuwa ni Neno. Lakini Mimi naitaka NJIA KAMILIFU YA MUNGU ALIYOIANDAA….KUAMINI TU KWA SABABU MUNGU ALISEMA HIVYO. Hilo ndilo ninalojitahidi kufanya.

Lakini sasa kwa ajili ya uponyaji, ni rehema ya Mungu tu kwamba Yeye, “Kwa kupigwa Kwake wewe uliponywa.” Sasa, kwanza Neno linasema hivyo, linapaswa kutosha, lakini ikiwa huliamini katika Neno, basi kuna karama Kanisani, kama vile wanaume waliovuviwa kujua jinsi ya kufundisha hilo, hilo litalifanya liwe wazi kwako, ndilo, na imani ya kuamini.

Ninaamini katika huduma 5. Ninaamini katika watu walioitwa na Mungu kuhubiri na kulifundisha Neno. Lakini, naamini kuisikia Sauti ya Mungu iliyo kwenye kanda ndio NJIA KAMILIFU YA Mungu KWANGU MIMI.

Katika kuzisikiliza kanda, sihitaji hata kuelewa, NAAMINI TU KILA NENO NINALOSIKIA. Hakuna mtu, hakuna mhudumu, hakuna mahali pengine ninapoweza kwenda ambapo ninaamini KILA NENO na kukiweka kikomo changu cha Milele, isipokuwa kanda.

Haijawahi kutokea tangu mwanzo wa wakati Mungu kuwapa watu Wake fursa na uwezo wa kuisikia Sauti Yake wao wenyewe ikizungumza mdomo kwa sikio. Kila siri inafunuliwa kwenye kanda. Kila swali linajibiwa kwenye kanda. Kila kitu Bibi-arusi anachokihitaji ili kukamilishwa kiko kwenye kanda.

Kila Neno lililonenwa kwenye kanda ni Neno la Mungu. Huenda nisielewe ama nisiweze kuelezea kila kitu, lakini si lazima nifanye hivyo. Yeye ananitaka tu niseme AMINA KWA KILA NENO, nazo KANDA ndio mahali PEKEE ninapoweza kufanya hivyo.

Bali inapo—inapokulazimu kufanya jambo ambalo ni tofauti, wakati inapokulazimu kutetea unayoamini kuwa ni Kweli, hiyo ndiyo sehemu iliyo ngumu, hapo ndipo mkwaruzo unapokuja, papo hapo.

Ninaamini kwa yote yaliyo ndani yangu, tuko katika Mapenzi makamilifu ya Mungu na katika meli inayoelekea Ninawi. Ningependa ulimwengu wote uje usafiri pamoja nasi katika meli yetu Jumapili hii saa 6:00 MCHANA,. Masaa ya Jeffersonville,(Ni saa 2:00 USIKU ya Afrika Mashariki) tunapomsikia Mungu akizungumza na Wana-kondoo Wake.

Ndugu. Joseph Branham

Ujumbe: 65-0217 “Mtu Anayejiepusha Na Uso Wa Bwana”

Maandiko ya kusoma:
Yona 1:1-3
Malaki 4
Yohana Mtakatifu 14:12
Luka 17:30

UJUMBE: 64-0830E Maswali na Majibu #4

PDF

• 26-0215 Maswali na Majibu #4
• 24-0519 Maswali na Majibu #4
• 22-1023 Maswali na Majibu #4
• 18-0225 Maswali na Majibu #4

BranhamTabernacle.org

Wapendwa Familia ya Kifalme,

Kuna mahali PAMOJA tu palipothibitishwa ambapo unaweza kwenda kumsikia Bwana akinena kupitia malaika Wake na kukuambia, “Daima Kumbukeni, ninyi ni watoto wa Mungu, Familia ya Kifalme wenye Damu ya Kifalme. Hakuna Damu bora zaidi duniani kuliko yenu. Ninyi ni watoto wangu, mmetawanyika kote ulimwenguni, ambao nimemzalia Kristo.”

Sisi ni Familia ya Mungu ya Kifalme wenye Damu ya Kifalme ikitiririka mishipani mwetu. Watoto aliomzalia Kristo kwa Sauti ya Mungu inenayo kupitia nabii Wake mwenye nguvu. Hakuna njia bora ya kulieleza kuliko hiyo, enyi marafiki.

Ndugu Branham, je, Bibi-arusi atahitaji kuhamia Jeffersonville au Arizona ili kuwa katika Unyakuo?

“Wawili watakuwa kitandani; nitamtwaa mmoja na kumwacha mmoja; na wawili watakuwa kondeni; nitamtwaa mmoja na kumwacha mmoja.” Ona? Kwa hivyo huenda wao…Kote ulimwenguni, hawatakusanyika mahali pamoja na kuwa na vitu shirika. Lakini makundi madogo yatakuwa yametawanyika kote duniani.

Kwa hivyo kimwili, hatutakuwa mahali pamoja kwa wakati mmoja. Bali utukufu kwa Mungu, Yeye alikuwa na mpango mkuu zaidi wa kumkusanya Bibi-arusi Wake pamoja.

Tunayaombea makanisa yote na makusanyiko ambayo yamekusanyika kuzunguka vile—vile—vile vipaza sauti vidogo nchini kote, kutoka kwenye taifa, kote kote hata kwenye Pwani ya Magharibi, kule juu kwenye milima ya Arizona, chini kwenye mabonde ya Texas, mbali sana hata Pwani ya Mashariki, nchini kote, Bwana, ambako wao wamekutanika. Tuko umbali wa masaa mengi, bali, Bwana, sisi tuko pamoja usiku wa leo kama jamii moja, waamini, tukingojea kuja kwa Masihi.

Leo, si tu kwamba Yeye anamkusanya Bibi-arusi Wake kutoka kote nchini, bali pia Yeye anatukusanya SISI kutoka mabara 7 ya dunia. Kuanzia Afrika hadi Antaktika. Amerika Kaskazini hadi Amerika Kusini, Asia, Australia na Ulaya. Yeye anamkusanya na kumuunganisha Bibi-arusi Wake kama JAMII MOJA ili kuisikia Sauti ya Mungu.

Yeye alituambia twende kanisani; hata pale wafundishapo nusu ya Neno, MPAKA tutakapolipata kanisa ambapo wanafundisha NENO LOTE. Mungu asifiwe Bibi-arusi Sasa yeye amepapata mahali hapo, ni Sauti ya Mungu iliyo kwenye Kanda ndio NENO LOTE.

Iwe uko katika kanisa lako la Kanda la Nyumbani, kanisa lako ambamo familia nyingi zimekusanyika, au katika kibanda katika misitu ya Amazon au Afrika, popote unapoweza Kubonyeza Play kuisikia Sauti ya Mungu ikizungumza nawe mdomo kwa sikio, utakuwa u katika KANISA LA NENO LOTE.

Sisi tumelipata hilo kanisa la Neno lote nasi tunakualika uungane nasi Jumapili hii saa 06:00 MCHANA, masaa ya Jeffersonville,(Ni saa 2:00 USIKU ya Afrika Mashariki) tunaposikia: Maswali na Majibu #4 64-0830E.

Ndugu Joseph Branham

UJUMBE: 64-0830M Maswali na Majibu #3

PDF

pakua – m4a

pakua – amr

• 26-0208 Maswali na Majibu #3
• 24-0512 Maswali na Majibu #3
• 22-1016 Maswali na Majibu #3
• 18-0218 Maswali na Majibu #3

BranhamTabernacle.org

Wapendwa Aliomzalia Kristo,

Mtu anawezaje kuuweka katika maneno matupu ya kibinadamu upendo na furaha iliyo mioyoni mwetu kuujua Ufunuo wa kweli wa Neno Lake kwa ajili ya siku yetu? Kuwazia, hatukuwa na uhusiano wowote nalo, lakini YEYE, Yule MIMI NIKO aliye Mkuu, kwa uchaguzi Wake Mwenyewe, Yeye alituchagua SISI kimbele kuwa na kitu kikubwa zaidi ambacho angeweza kutupa, UFUNUO WA NENO LAKE KWA AJILI YA WAKATI WETU.

Yeye alingoja, hadi utimilifu wa wakati ulipotimia, atupulizie pumzi ya uhai ndani yetu, ili tuweze kumsikia Yeye akizungumza nasi na kusema:

Sasa, nimejaribu kadiri niwezavyo ku—ku—kuwaarifu ninyi watu na kuwaongoza kama baba angewaongoza watoto wake. Ninyi mu watoto wangu; nimewazaa katika Kristo kwa Injili hii ninayohubiri. Ona? Nami—ni—ni—ninawatakeni mkuze watoto waliokomaa vilivyo, au—au watoto. Nami nataka kuwakabidhini Kristo siku hiyo, kama vile Paulo alivyosema, “Bikira safi.” Hakuna kitu katika Neno ila lile moyo wako utaitikia kwa “amina.”

Mungu, akinena kupitia malaika Wake mwenye nguvu, anatuelekeza na kutuongoza, Bibi-arusi wa Yesu Kristo. Sisi ndio bikira Wake safi, watoto waliyokomaa. Na kwa neema Yake ya ajabu, tunaliitikia kila Neno tunalosikia kwa AMINA! Ndio fasiri kamilifu ya Neno lenye thibitisho la Kiungu!

• Ikiwa Sauti tunayoisikia kwenye kanda ndio: fasiri kamilifu ya Neno, ni kitu gani kingine ambacho Bibi-arusi wa Yesu Kristo anachohitaji?… HAKUNA!

Yeye ametuchagua SISI, kundi Lake dogo alilolichagua kwa mkono Wake, ili tuwe na Ufunuo wa kweli wa Neno Lake la wakati wetu. Sisi ndio aliowachagua kuwapo duniani, katika miili ya nyama, wakati wa ile miaka elfu moja ya Utawala wa Miaka Elfu.

Enyi marafiki, hebu tulizungumzie hilo kwa dakika moja.

Tutakuwa na mwili uliotukuzwa papa hapa duniani. Tutakuwa tukila, tukinywa, tukijenga majumba, tukiishi kama tunavyoishi sasa kwa miaka elfu moja. Itakuwa ni fungate yetu ambapo Bibi-arusi (SISI) na Bwana harusi (Bwana Yesu Kristo) wamefanyika MMOJA.

Tunakesha na kungoja wakati huu mtukufu kila dakika ya kila siku. Uko karibu sana kiasi kwamba inaonekana kama tunaweza kuugusa. Ninaamini, kwa moyo wangu wote, hili ndilo linalotendeka kwetu sisi leo:

Loo, huo muungano wa kiroho wa Kristo na Kanisa Lake sasa, wakati mwili unapofanyika Neno, nalo Neno linafanyika mwili, linadhihirishwa, linathibitishwa. Vile vile hasa Biblia ilivyosema ingetendeka katika siku hii, inatendeka, siku baada ya siku. Mbona, inalundikana upesi sana huko nje, katika yale majangwa, na mambo yanayotendeka, hata nisingeweza kufuatilia jambo hilo. Tuko karibu na kule Kuja kwa Yesu, kuunganishwa na Kanisa Lake, ambapo Neno linafanyika Neno.

Kwa kila Ujumbe tunaosikia, ndivyo Yeye anavyozidi kutupata Ufunuo zaidi. Unalundikana upesi sana hivi kwamba hata hatuwezi kufuatilia jambo hilo. Tunaliona Neno likifanyika Neno zaidi ya wakati wowote. Hakuna shaka moja hata chembe; kwa Ufunuo, tunajua sisi ni nani haswa.

Yeye anamuunganisha Bibi-arusi Wake kama vile tu alivyosema angefanya, nasi tu sehemu ya hilo. Tunaliona likitendeka kwa macho yetu wenyewe. Wengine huenda wasilione ama kulielewa. Hilo si kwa ajili yao, NI KWA AJILI YETU SISI, WATOTO WAKE ALIOWAZAA.

Bibi-arusi walikuwa na maswali ya kumuuliza nabii.

Je, inatosha kusikiliza Sauti ya Mungu PEKE YAKE kwenye kanda? Mungu alijibu na kusema: NDIYO!!

Je, watoto wetu pia wanaweza kupata kila kitu wanachokihitaji ili kuwa Bibi-arusi wa Kristo kwa kusikiliza kanda tu: NDIYO!!

Kwa hivyo, Kila kitu Bibi-arusi anachokihitaji kipo KWENYE KANDA.

Pia tunajua Mungu ameziandaa njia zingine nyingi kwa ajili ya watoto Wake.

“Kwa kupigwa Kwake wewe uliponywa.” Sasa, kwanza Neno linasema hivyo, hilo linapaswa kutosha, lakini ikiwa huliamini katika Neno, basi kuna karama Kanisani, kama vile wanaume waliovuviwa kujua jinsi ya kufundisha hilo, hilo litafanya liwe wazi kwako, ndilo, na imani ya kuamini.

Tunashukuru mno Mungu amewaandaa wanaume waliovuviwa kujua jinsi ya kufundisha uponyaji na Neno Lake ili kulifanya wazi kwa wengine, lakini Bibi-arusi Wake anataka NJIA YAKE KAMILIFU ILIYOANDALIWA ITOSHELEZAYO. Ndiyo tu TUNAYOHITAJI.

Ningependa kuwaalika muungane na Maskani ya Branham Jumapili hii saa 06:00 MCHANA, masaa ya Jeffersonville,(Ni saa 2:00 USIKU ya Afrika Mashariki) tunaposikia: Maswali na Majibu #3 64-0830M.

Ni jambo la kupendeza vipi kuwa na Ufunuo wa Neno Lake na kujua kwamba sisi ni Neno lililofanyika mwili.

Ndugu Joseph Branham

UJUMBE: 64-0823E Maswali na Majibu #2

PDF

pakua – m4a

pakua – amr

• 26-0201 Maswali na Majibu #2
• 24-0505 Maswali na Majibu #2
• 22-1009 Maswali na Majibu #2
• 18-0211 Maswali na Majibu #2

BranhamTabernacle.org

Wapendwa Wana Tai,

Palipo na Mzoga, hapo ndipo Bibi-arusi watakapokusanyika. Na kwetu sisi, kuna mahali pamoja tu pa kamilifu tunapoweza kuipata hiyo nyama mbichi ya Mana: kwa kubonyeza play na kuisikia Sauti ya Mungu iliyo kwenye kanda.

Nena kuhusu Mana MPYA, Je, hivi tunaweza hata kuanza kuwazia kile tulicho nacho katika ncha ya vidole vyetu? Sauti halisi ya Mungu ikizungumza na Bibi-arusi Wake mpendwa kwenye kanda, ambapo hakuna kubahatisha, hakuna kushangaa, hakuna kuhoji wala kutilia shaka kile tunachokisikia ni Mungu, akitumia sauti ya mwanadamu, kunena Bwana Asema Hivi kwa Bibi-arusi Wake.

Kwa ufunuo, tunaamini ndipo mahali PEKEE tunapoweza kwenda na kuzipumzisha nafsi zetu kwamba Maneno tunayoyasikia si neno la mwanadamu, wala fasiri yake au wazo lake halijaongezwa Kwake, bali ni Neno safi la Mungu likizungumza nasi wana tai, akilifunua Neno Lake.

Tunashiriki kwenye Neno. Tunalisoma Neno Lake katika Biblia zetu.  Hata tunawasikia watu waliyowekwa wakfu na kuitwa waliojazwa na Roho Wake Mtakatifu, wakilinukuu na kulihubiri Neno la Mungu, bali katika wakati wetu, Mungu ameandaa mahali ambapo sisi tunaweza kulisikia NENO Lake KAMILIFU LIKINENWA, kwa kubonyeza Play.

Baba hata Yeye anampa Bibi-arusi Wake fursa ya kuuliza maswali yaliyokuwa mioyoni mwetu ili tupate jibu lililo kamilifu:

• Je, Shetani anaweza kutumia karama za lugha au ya unabii katika mtu aliye na Roho Mtakatifu?
• Yesu alimaanisha nini katika Mathayo 12, mstari wa 32?
• Tafadhali fafanua Wakorintho wa Kwanza 13:8-12.
• Je, wanawake wanaruhusiwa kufanya kazi katika mahali pa umma hali wakiwa na waume wenye afya na watoto?
• Je, ni kosa kwa mwanamke kusokota nywele zake?

Mungu ameandaa njia nyingi sana za kumbariki na kumtia nguvu Bibi-arusi Wake, lakini kuna mahali pamoja tu Yeye alipopaandaa ambapo Bibi-arusi Wake wanaweza kuwa na ujasiri 100% kuwa kile wanachokisikia ni NENO LAKE KAMILIFU. Chemchemi Moja ya Maji ya Uzima ambapo Wana tai wanapoweza kunywa ambapo hakuna uwezekano wa vimelea vyovyote. BONYEZA PLAY.

Ninakualika uje kunywa kutoka kwenye Chemchemi hiyo Jumapili hii saa 6:00 MCHANA, masaa ya Jeffersonville,(Ni saa 2:00 USIKU ya Afrika Mashariki) ambapo tutasikia 64-0823E “Maswali na Majibu #2.”

Ndugu Joseph Branham

UJUMBE: 64-0823M Maswali na Majibu #1

PDF

pakua – m4a

pakua – amr

• 26-0125 Maswali na Majibu #1
• 24-0428 Maswali na Majibu #1
• 22-1002 Maswali na Majibu #1
• 18-0204 Maswali na Majibu #1

BranhamTabernacle.org

Mpendwa Maskani Ya Branham,

Salamu kwa Bibi-arusi wa Yesu Kristo waliopo kote ulimwenguni, wanaoamini Maskani ya Branham, Sauti ya Mungu, ndio kanisa lao la nyumbani ambapo wanalishwa kiroho kwa Mana iliyofichwa ambayo imehifadhiwa na kutunzwa kwa ajili ya Bibi-arusi wa Kristo.

Hiki ndicho kituo changu cha nyumbani; haya ndiyo makao yangu makuu; hapa ndipo tumeimarika. Sasa, shikilia hilo mawazoni haijalishi itakuwaje. Sasa, kama mna busara, mtashika jambo fulani. Haijalishi itakuwaje, haya ndiyo makao yetu makuu, papa hapa!

Waamini wengi wamekuwa wakielewa vibaya au kuweka wazo lao wenyewe au fasiri yao wenyewe kwenye kile nabii alichosema hapa, bali yeye anamwambia Bibi-arusi moja kwa moja, “kama mna busara, mtashika jambo fulani, haya ndiyo makao yetu makuu, papa hapa!”

Alimaanisha nini kwa jambo hilo?

Ndugu Branham alipokuwa hapa, wengi hawakumwelewa nao walidhani Bibi-arusi alipaswa kwenda Arizona na kumfuata yeye huko, ili waweze Kunyakuliwa. Ndugu Branham aliwajibu waziwazi: KAENI HAPA, HAPA NDIPO MAHALI PENYEWE.

Kundi kubwa mno lao waliondoka hivyo, nao walitaka kuenda hivi na kufanya yale baada ya mimi kuwaambia wakae pale. Kaeni pale, kaeni papa hapa; hapa ndipo mahali panapofaa.

Watu waliondoka kutoka kila mahali kote Marekani kwenda Arizona, lakini yeye aliwaambia waziwazi: Kaeni papa hapa, hapa ndipo mahali penyewe!

Kaeni Jeffersonville? Hivyo ndivyo yeye alivyosema!

Ufunuo wangu ni kwamba, ilikuwa ni Mungu, akizungumza kupitia nabii Wake na kuwaambia watu, “KAENI NA KANDA.” Hapo ndipo MAHALI PENYEWE!

Alikasirika mno na akasema ilibidi afanye jambo fulani kuhusu watu hao wote. Yamlazimu afanye nini? Angewapeleka kwenye kanisa gani? Wao wanapaswa waende wapi? Ndugu Branham alisema inamlazimu afanye nini?

Kwa hivyo sasa, yanipasa kuwarudisha hao watoto hapa wapate kula. Wako chini kule jangwani wakiumia kwa njaa.

Yeye hakusema ati wangehitaji kwenda kwenye kanisa la mahali na kupata vipande vidogo ambavyo wangeweza kula. Yeye alisema lazima AWARUDISHE HAPA wapate kula, la sivyo WANGEKUFA KWA NJAA.

UFUNUO WANGU, Enyi MARAFIKI.

Sasa, msimwelewe vibaya kwa mara nyingine tena, au kusema kitu fulani ambacho hakusema, kwa kusema, “Ndugu Branham alitaka kila mwamini ahamie Jeffersonville ili kuwa Bibi-arusi.” Ndugu Branham aliwajua watu hao wote, na KILA mwamini kutoka kote ulimwenguni, hawangeweza kuhamia na kuishi Jeffersonville. Hilo lisingewezekana. Kwa hivyo yeye alimaanisha nini? Yeye alikuwa ANAMUUNGANISHA Bibi-arusi wa Kristo kwenye KANDA ambazo zilikuwa zimerekodiwa na kuhifadhiwa kwa ajili ya Bibi-arusi kuzila.

Ujumbe huu, Sauti Hii, ndilo Neno la Mungu Lililonenwa kwa ajili ya siku hii nalo Litamuunganisha na kumkamilisha Bibi-arusi wa Yesu Kristo.

Mzoga ni kile anachokula tai. Sasa, tai huhesabiwa katika Biblia, nabii. Nabii ni tai. Mungu—Mungu hujiita Mwenyewe Tai, nasi tu “wana tai” basi, wa—waamini. Mwaona? Na mzoga waulao ni nini? Ni Neno. Po pote lilipo Neno, tabia halisi ya ndege itajidhihirisha yenyewe.

Liko wapi Neno la Bwana lililo safi, lililothibitishwa, lisilo na mkanganyiko, Bwana Asema Hivi kwa ajili ya siku hii? Kuna mahali pamoja tu, kwenye Kanda.

Ningeweza kuendelea na kuendelea, nukuu kwa nukuu, lakini Ujumbe huu na kile Ndugu Branham alichosema kinahitaji Ufunuo kutoka kwa Mungu. Yatupasa kusoma katikati ya mistari kwa ufunuo, bali tuseme kile yeye alichosema. Kwa maana ni NENO SAFI.

Maswali na Majibu ya leo na kile MIMI NINACHOAMINI.

Leo, wahudumu wengi wanawaambia watu kwamba kwa sisi kuwa na Kanisa La Kanda La Nyumbani tumetoka nje ya Neno na kile Ndugu Branham alichosema tufanye. Wao wanahisi ni lazima tuende kwenye kile wanachokiita na kukichukulia kanisa.

Kuna nukuu nyingi, nyingi sana kiukweli ambapo Ndugu Branham analisema hili waziwazi.

Sasa, ninyi endeni kwa kanisa fulani nzuri la Injili Nzima mpate kanisa la nyumbani.

Nami naliamini hilo kwa moyo wangu wote, kwa sababu yeye alisema hivyo. Lakini naamini sisi tunafanya hivyo kwa KUWA NA KANISA LA KANDA LA NYUMBANI. Mahali petu si ndipo palipo muhimu kwa Bwana. Hilo ni jengo tu. Lakini wajibu wetu kwa Bwana ni kukaa na Neno Lake, SIO MAHALI AU JENGO. Mahali hapo hapamwokoi na kumkamilisha Bibi-arusi, NENO NDILO.

Kama nikienda kwenye jengo la kanisa, lakini wao wamesahau JAMBO LILILO KUU: kuisikia Sauti ya Mungu kwa Kubonyeza Play, nao wameibadilisha hiyo kwa kuwasikia wahudumu TU wakiuhubiri Ujumbe, Je, hilo litairidhisha na kuilisha nafsi yako kabisa? Huenda hilo likairidhisha nafsi yako, ndugu na dada yangu, bali hilo halitamridhisha Bibi-arusi.

Hebu niingilie kati hapa na niseme kuna maelfu ya watu ambao hawana jengo la kanisa la kwenda. Je, wamepotea? Ikiwa hawana mchungaji au kanisa, Je, hiyo ina maana kwamba hawawezi kuwa Bibi-arusi? Ikiwa unaishi ndani ya maili 100 kutoka kwenye jengo la kanisa, Je, ni lazima uende kwenye kanisa hilo? Lakini ikiwa ninaishi mbali zaidi, si lazima? Nalazimika kumsikiliza Mhubiri hewani, lakini siwezi kusikiliza kanda hewani? Je, jengo la kawaida ndilo ambalo nabii anasema ndilo jambo lililo muhimu zaidi tunalopaswa kwenda?

Nabii alitaka kumleta Bibi-arusi wapi?

Kama hamwezi kuja hapa maskanini, tafuteni kanisa fulani mahali fulani; enendeni kwalo.

Kwa mara nyingine tena, liko wapi chaguo lake la kwanza la kuwapeleka watu? Kwenye Maskani ya Branham, Neno, kanda. Hilo ndilo Mungu amempa Bibi-arusi Wake kufanya katika wakati huu wa mwisho, nasi tunafanya hivyo kila siku NA kila Jumapili.

Msinielewe vibaya. MIMI SISEMI lazima usikilize kanda hewani pamoja na Maskani ya Branham ili uwe Bibi-arusi. SISEMI hupaswi kwenda kanisani. SISEMI huwezi kuwasikiliza wahudumu. Ikiwa unaamini hivyo, uko nje ya Neno. Ninasema kuisikia Sauti ya Mungu iliyo kwenye kanda ndio Sauti iliyo muhimu zaidi UNAYOPASWA KUISIKIA, na ninaamini kwamba kila mchungaji anapaswa kuicheza Sauti hiyo, Kanda, katika makanisa yao. Lakini wao wametoa kila namna ya udhuru uliopo ILI KUTOZICHEZA KANDA. Ikiwa hilo ndilo kanisa lako, wewe huli Neno.

Hili ni wazi jambo ambalo yeye hakutaka litokee na ndicho ambacho watu walichokuwa wakifanya.

Nanyi nendeni kanisani; msiketi nyumbani, kuenda kuvua samaki, na kuwinda, na mambo kama hayo mnamo Jumapili.

Sisi hatufanyi hivyo. Sisi tunaungana kwenye kitu pekee kitakachomuunganisha Bibi-arusi, Ujumbe huu, Sauti hii.

Kwa mara nyingine tena, Mimi ninaamini katika kwenda kanisani. Kuna makanisa mengi ulimwenguni kote ambayo yanaziweka kanda nafasi ya kwanza kwenye mimbara zao, Bwana asifiwe. Je, ninaamini lazima ukae nyumbani la sivyo wewe si Bibi-arusi? LA, LA, LA….Sijawahi kuliwazia, sijawahi kuliamini. Nataka tu UBONYEZE PLAY bila kujali uko wapi au unaenda kwenye kanisa gani.

Kama huna Ufunuo wa kile anachosema, basi unaweza kusema waziwazi, “Sihitaji kumsikiliza Ndugu Branham au hata kulazimika KUKUBALIANA na yote asemayo. Hata hivyo alisema, kuna watu wengine wengi walioitwa na Mungu.”

Endelea. Twaona hapa lasema, “Yatupasa kuhuduria kanisa lingine lisilokubaliana nawe?” Hakika, si…Mimi siye changarawe pekee pwani, mwajua. Kuna—kuna watu wengine wacha Mungu kila mahali; natumai mimi ni mmojawao.

Sauti ya Mungu iliyo kwenye kanda ndio JIWE LA UFUKWENI LANGU, MWAMBA WANGU. Ndio Sauti ninayotaka Mimi kuisikia na ndio Sauti ninayotaka Maskani ya Branham waisikie.

Kama mngependa kuungana nasi, mnakaribishwa mno, ndugu na dada zangu. ungeneni nasi Jumapili saa 6:00 MCHANA, masaa ya Jeffersonville,(ni saa 2:00 USIKU ya Afrika Mashariki) tunapoisikia Sauti ya Mungu ikinena na kuyajibu maswali mengi unayoweza kuwa nayo moyoni mwako. Na usikie mwenyewe ikiwa mambo niliyoyasema katika barua hii hayako sawa na Neno na nimeelewa vibaya kile Mungu anachomwambia Bibi-arusi Wake.

Kile yeye anachosema kwenye kanda ni Bwana Asema Hivi. Si kile mimi Ninachosema anasema, au kile Ninachoamini anasema, na Mungu PEKE YAKE ndiye anayeweza kukupa Ufunuo wa kweli.

Ndugu Joseph Branham