Gbeƒãɖeɖe: 62-1014E Mɔfiala

PDF

---

• 26-1018 Mɔfiala
• 25-0608 Mɔfiala
• 22-0410 Mɔfiala
• 20-1011 Mɔfiala
• 18-1202 Mɔfiala
• 16-1026 Mɔfiala

BranhamTabernacle.org

Ŋusẽ ƒe aƒe lɔlɔ̃tɔ,

Mawu do ŋugbe be yeaɖo mɔfiala ɖo ɖe Yeƒe Ŋugbetɔ le ŋkeke mamlɛ siawo me ale be wòate ŋu aɖe Eɖokui afia le ŋutilã me, abe alesi Wòwɔe esime Wòva anyigba dzi le Via, Yesu me ene. Egblɔ na mí le Eƒe Nya me be Yeadɔ nyagblɔɖila Eliya, amesi anye Amegbetɔvi si aɖe Eɖokui afia le amegbetɔ ƒe ŋutilã me; elabena nya geɖewo gali wòagblɔ ahafia mí.

elabena maƒo nu le ye ŋutɔ ɖokui si o; ke boŋ nusianu si ke wòase la, eya wòagblɔ : eye wòagblɔ nusiwo gbɔna la, afia mi. Elabena, eya akɔ ŋutinye : elabena aɖe atso tɔnye me, eye wòagblɔe afia mi.

Edɔ William Marrion Branham ɖa be wòawu Yeƒe Nya la ŋu eye wòatu mí ame ɖekaɖekawo be míanye Yesu Kristo ƒe Nɔnɔme; ame deblibo si ate ŋu aɖu futɔ ɖesiaɖe dzi, eye wòanye ŋusẽ ƒe aƒe na Gbɔgbɔ Kɔkɔe la be wòanɔ eme.

Mawu medo kpo mɔfiala ɖoɖo ɖa Eƒe amewo ɣesiaɣi kpɔ gbeɖe o. Gake be nànye Eƒe Ŋugbetɔ la, ele be nàlɔ̃ axɔ mɔfiala ma. Ele be nàxɔe ase. Ele be nàyi le mɔ si wògblɔ la nu alo nàbu. Meka nusi míesusu o, nusi dze abe susu le eŋu ene, alo nusi dze abe ɖe wònye nukokoe nya ene o, míenye ame siwo ate ŋu ama ema me o, mɔfiala la koe nye ame ɖeka.

Miagblɔ be, Nɔviŋutsu Joseph, Gbɔgbɔ Kɔkɔe lae nye ema be wòafia mɔ mí, ke menye Nɔviŋutsu Branham o. Nya siwo wògblɔ la NYE Gbɔgbɔ Kɔkɔe la menye Nɔviŋutsu Branham ye o; ke eyae nye amesi Mawu tia be yeaɖe Gbɔgbɔ Kɔkɔe la afia le eme, eye wòanye míaƒe anyigba dzi mɔfiala.

Ke azɔ Mawu dɔna Eƒe mɔfialawo ɖa ɣesiaɣi, eye mɔfiala megbea Esi nɔnɔ o, to agbenɔɣiwo katã me. Amea ɖe nɔna Mawu si kokoko si ke nɔa Eteƒe le anyigba dzi, le agbenɔɣiwo katã me.

Ele be míade dzesi amesi nye anyigba dzi mɔfiala ma si le Eyama teƒe le anyigba dzi afisia; afimae Ɖeɖefia vavãtɔ la le Eƒe Nya la dzi.

Míenya be Gbɔgbɔ Kɔkɔe lae nye Mɔfiala Gã si Fofo la dɔ ɖa be wòakplɔ Eƒe Ŋugbetɔ la, gake le afisia la Mawu gblɔ be Yedɔa ame ɖa kokoko be wòanye mɔfiala alebe wòanɔ Yeŋutɔ yeƒe teƒe eye wòakplɔ Yeƒe Ŋugbetɔ.

Míaƒe Mɔfiala gblɔ na mí be Kornelio nye bubume gã aɖe si tu gbedoxɔwo. Ewɔ dɔmenyo geɖewo eye wòdo gbe ɖa gbesiagbe. Gake esime Gbɔgbɔ Kɔkɔe la va la, Mɔfiala hĩa nɛ.

Mawu dɔ Gbɔgbɔ Kɔkɔe la ɖo ɖee. Edɔ Esia ɖa le amegbetɔ si nye Petro me, “Elabena esi Petro gale Nya siawo gbɔgblɔ dzi la, Gbɔgbɔ Kɔkɔe la dze edzi.” Mawu zã Mɔfiala to Petro me. Ezã Eyama, elabena Ekplɔ Kornelio to mɔ si dze la dzi.

Esi Petro kpɔtɔ nɔ nu ƒom la, Gbɔgbɔ Kɔkɔe la dze ɖe wo dzi. Petro gblɔ be,

Eye wògblɔ bena, “Alo amea ɖe ate ŋu axe mɔ ɖe tsi be, woaganyrɔ̃ amesiawo o mahã?” _Mikpɔa, Mɔfialae gale nu ƒoƒo dzi, menye Petro o.

Menye ame ye le mía kplɔm o; Gbɔgbɔ Kɔkɔe lae le mía kplɔm, EYA SI LE NU ƑOM TO AME SI MAWU TIA BE WÒANYE MÍAƑE ANYIGBADZI MƆFIALA LA DZI.

Gbɔgbɔ Kɔkɔe si le nu ƒom to Eƒe dɔla mɔfiala dzi la agblɔ Nya la ɣesiaɣi. Egblɔ na mí be, “Nya geɖewo le Asinye magblɔ na mi. Miate ŋu ase Egɔme fifia o, gake nenye be Eva la, Akplɔ mi yi ɖe Egbɔ.”

Gbɔgbɔ lae kplɔ Yohanes be wòŋlɔ Nyaɖeɖefia. Mɔfiala lae kplɔe. Mɔfiala lae kplɔe be wògblɔ bena, “Ne amea ɖe aɖe Nya ɖeka le eme la, alo tsɔ Nya ɖeka akpe ɖe Eŋu la, woaɖe ame ma, ƒe gome, le Agbe Gbalẽ la me.”

Gbɔgbɔ Kɔkɔe la kplɔ Nɔviŋutsu Branham hã be wòagblɔ be ele be míagblɔ nusi le nyaƒokawo dzi ko; menye be woatsɔe akpe ɖe eŋu alo aɖee le eme o. Eye Ena mɔnu aɖe si dzi míato awɔ nusi tututu wòfia mí be míawɔ la, Play Zizi ye.

Azɔ, aleke nàtsɔ nane aɖɔli Mawu ƒe Nya lae, evɔ aganɔ gbɔgblɔm be Gbɔgbɔ Kɔkɔe lae le ye kplɔm mahã?

Gbɔgbɔ Kɔkɔe si na mí Ɖeɖefia kuɖe amesi Wònye ŋu, kuɖe amesi Wòdɔ ɖa be wòanye Eƒe anyigba dzi mɔfiala be wòayɔ Eƒe Ŋugbetɔ la do goe ŋu, ke azɔ kuɖe Tamekpe ma ŋu: kuɖe amesiwo míenye ƒe Ɖeɖefia ŋu lae le mía kplɔm. Ewu nu na amegbetɔ.

Mikpɔ nusi Wòwɔ na mí, le kwasiɖa ʋee mamlɛ siawo me ko la ɖa. Efia mí alesi míaɖu futɔ ɖesiaɖe si ado ɖe ŋgɔ na mí la dzi; alesi míahe míaƒe XƆSE ƒe Yi do go aƒoe wòaku. Naneke meli míavɔ̃ o. Naneke mate ŋu anɔ te ɖe ŋgɔ na mí o.

Alesi Wòdzra Nuɖuɖu ɖo ɖi na Eƒe Ŋugbetɔ be wòaɖu. Esime Eƒe gbedeasitsɔla gale adzɔge ʋĩ gɔ̃ hã la, Mɔfiala aɖe si ŋu xexeame menya naneke le o la gakpɔtɔ le mía si; gake na Eƒe Ŋugbetɔ la, Enye Gbɔgbɔme Nuɖuɖu Le Eɖuɣi, Mana Ɣaɣla si míeɖuna gbesiagbe.

Etu mí ɖe ame deblibowo ƒe nɔnɔme me ale be Wòate ŋu anɔ agbe anɔ mía dometɔ ɖesiaɖe me. Edɔ Eƒe Gbɔgbɔ Kɔkɔe la ɖe mí eye wòɖe Eɖokui fia le ŋutilã me, abe alesi Wòwɔe ƒe 2000 enye esi ene, be yeanye míaƒe Mɔfiala, si le agbe le nuƒom to Eƒe anyigbadzi mɔfiala dzi.

Mele mia dometɔ ɖesiaɖe kpem be miava ase Eƒe, “Hɔ̃ẽ-hɔ̃ẽ, hɔ̃ẽ-hɔ̃ẽ!” afisi Ŋugbetɔ la ava Xɔxlɔ̃ ma gbɔ tẽ le. Awɔ, “Hɔ̃ẽ-hɔ̃ẽ, hɔ̃ẽ-hɔ̃ẽ!” eye yubili aɖe tɔgbe ava me le xexeame godoo. Nukata? Ŋugbetɔ la nya woƒe Mɔfiala ƒe Gbe.

Ne mèdi be yeabu o la, va ɖo to míaƒe Mɔfiala esi Wòle nu ƒo ge to Eƒe anyigbadzi mɔfiala si wòtia la dzi Kwasiɖagbe sia le ŊDƆ ga 12:00 me, Jeffersonville ƒe game dzi.

Nɔvi. Joseph Branham

Gbedeasi:
62-1014E — Mɔfiala
Ŋɔŋlɔawo:
Marko Kɔkɔe 16:15-18
Yohanes Kɔkɔe 1:1 / 16:7-15
Dɔwɔwɔwo 2:38
Efesotɔwo 4:11-13 / 4:30
Hebritɔwo 4:12
Petro II, 1:21
Mose II, 13:21

Gbeƒãɖeɖe: 62-0311 Aʋa Gã Kekeake Si Womewɔ Kpɔ O La

PDF

---

• 26-1004 Aʋa Gã Kekeake Si Womewɔ Kpɔ O La
• 23-0702 Aʋa Gã Kekeake Si Womewɔ Kpɔ O La

BranhamTabernacle.org

Mixa lɔlɔ̃tɔwo,

Aʋa gãtɔ kekeake si womewɔ kpɔ o la le klalo fifia be yeadze dɔwɔwɔ gɔme. Mawu le Eƒe asrafo nyuietɔwo kekeake tiam ƒe akpe ade kple edzivɔe nye si, eye woɖo mi ɖi do ŋgɔ hetia mi be mianɔ Eƒe Aʋakɔ Gã la me.

Enɔ awu dom na mi, eye wònɔ hehe nam mi, ke aʋa la ɖo azɔ, hele gbesɔsɔ be yeadze egɔme. Menye ɖeko wòtia mi be mianɔ Eƒe Aʋakɔ Gã la me ko o, ke boŋ etia mi be mianye Mixa nyagblɔɖila le Eƒe aʋakɔ la me.

Ɣeyiɣia de, ŋkekea de; miele hehe xɔ ge tso Dzosɔti la Ŋutɔ gbɔ tẽ be miaɖu futɔ ɖesiaɖe dzi. Miele mɔfiame tɔxɛwo xɔ ge, Nya ɖe Nya ɖe dzi, le nusi miawɔ atsɔ atsrɔ̃ gbɔgbɔ vɔ̃ ɖesiaɖe ɖa ŋu. Aƒo ya dɔléle ɖe sia ɖe kple abosam ɖe sia ɖe si ava ŋgɔ na mi la ɖa. Naneke mate ŋu atɔ ɖe mɔ dzi na mi o.

Le hehe tɔxɛ sia megbe la, woatsɔ Eƒe Nya la atɔ kpɔ ƒo xlã mi ale gbegbe be mianya vɔ̃wo katã ɖa. Mianya nyaŋububu ɖa. Mianya aʋatsodzixɔsewo ɖa. Mianya dzimaɖitsitsi ɖa. Mianya dɔlélewo ɖa. Mianya nuvɔ̃ ɖa. Miase egɔme be miele wo tame, wofɔ mi ɖe tsitre le Kristo Yesu me, miebɔbɔ nɔ anyi ɖe Dziƒo nutowo me, kple abosam ɖesiaɖe le miaƒe afɔ te. Miase egɔme bliboe eye MIAXƆE ASE be mienye Nya la.

Anɔ hehe nam mi le nusiwo ŋu mianɔ ŋudzɔ ɖo. Afia mɔ mi be ne miaƒe futɔ ate ŋu ana miaxɔe ase be miaƒe Aʋawɔnua ŋu mesẽ kakaka o la, age aʋawɔnua le asiwò.

Gake míaɖo ŋku míaƒe hehexɔxɔ dzi, asrafowo, eye míagblɔ na abosam ma be: Menye míawoe o, míenye naneke o. Míaƒe aʋawɔnu nye Mawu ƒe Nya eye Aɖu Abosam ÐESIAÐE dzi, ɣeyiɣi ɖesiaɖe, teƒe ɖesiaɖe, elabena EƑE NYA ye, EYE ENA HEHE MÍ HEÐE FIA MÍ BE MÍENYE EƑE NYA SI WOWƆ WÒZU ŊŨTILÃ. ALEA, woate ŋu aɖu mía dzi o, míenye MAWU ƒe aʋakɔ si dzi womate ŋu aɖu o.

Ŋkeke gãtɔwo dometɔ ɖeka le xexeame ƒe ŋutinya me le eme va ge le Kwasiɖagbe sia. Eƒe Mixawo awɔ ɖeka tso xexeame ƒe akpa vovovowo le woƒe Aʋafia gã la ƒe Gbe te, afisi míabla ɖe du ale gbegbe le ɖekawɔwɔ me, ɖikeke ƒe vɔvɔli ɖeke manɔ afi aɖeke o me.

Ekema, ne míaxɔe se ko, EYE MÍEXƆE SE HÃ, ame gbɔdzɔ aɖeke manɔ xexeame godoo o. Ne míate ŋu aɖɔ nu ma koŋ ɖo la, anye ne ame aɖeke manɔ Gbɔgbɔ Kɔkɔe la dim eye Maxɔe o, eye luʋɔ kple ŋutilã siaa ƒe dɔyɔyɔ kpata anɔ anyi, ne ɖeko míalé míaƒe tsitrenɔƒewo me ɖe asi. Fifia yenye ɣeyiɣi la. Míawoe nye ameawo. Mawu ƒe Gbɔgbɔ do aflaga dzi ɖe abosam ɖe sia ɖe ŋu; míenye WO DOMETƆ ÐEKA eye naneke meli si atɔ mí te o!!

Míeku na míaƒe nyanyananuwo, míeku na míaƒe nyaŋububu, míeku na nu mawo katã. Míaƒe agbe ɣla eye woɖi mí ɖe Yesu Kristo ƒe Ŋkɔ me, eye wofɔ mí ɖe tsitre Kplii. Eye afisiafi si Wòle la, afimae míawo hã míele.

Míetsɔ adɔ̃ ɖe míaƒe mɔ do goe, abosam, to wò ƒoƒo me kple, “ALE AƑETƆ LA GBLƆ ESI. ALE AƑETƆ LA GBLƆ ESI. ALE AƑETƆ LA GBLƆ ESI.” Míele ya fafɛɛ aɖe ƒe ʋeʋẽ sem mlɔeba. “Ale AƑETƆ LA GBLƆ ESI.” Míawoe nye esi va abosam, míedo míaƒe ta ɖe xexe. “Ale AƑETƆ LA GBLƆ ESI, WOƉU DZI WÒ.”

Nukae míetsɔ ɖua abosam dzi?

Nya la!
Mina míagblɔe be; Nya! Nya! NYA!!

HEHENANA ƑE MƆFIAME BUBUWO

Fifia ne futɔ la ƒo ɖe dzi wò eye wòle agbagba dzem be yeagblɔ be ele be nàwɔ esia, ele be nàwɔ ema, mènyo o, mèdze o, mèkpɔ dɔyɔyɔ o, wò kuxi mawo ke kpɔtɔ le ŋuwò. Nukae wɔ ge nàla?

“Te ɖa le gbɔnye.” Kpam! Èlãe ɖa kple Nya la. Eɖanye gbɔgbɔvɔ̃ o, eɖanye futɔ o, eɖanye dɔlélé o, eɖanye lãmegbegblẽ o, ɖesiaɖe si wònye la, tsɔ Nya ma eye nàhe Esia vɛ kple Yi la. Eye ne exlã nu nɛ zi gbãtɔ, eye mewɔ sigbe yeaʋã o la, xlã nu nɛ ake, eye gaxlã nu nɛ ake, eye nagaxlãe nɛ.

Ðeko míelɔ̃na ɖe Nya la dzi le gɔmeɖoɖo sia nu be, “Mawu gblɔe nenema,” eye wòana tɔsisi aɖe anɔ mía Kple Eyama dome. To ɖesiaɖe ʋu le mía dome. Míegblɔna be, “Nyemenya ɣekaɣie wòasu asinye o, gake asu asinye. MAWU GBLƆE NENEMA. Ðikeke ɖesiaɖe BU…míele ɖi kem le míaƒe ɖikekewo gɔ̃ hã ŋu.”

Míetsia tre ɖe abosam ŋu eye míelɔ̃na ɖe Mawu ƒe Nya la dzi. Ne mese seselelãme aɖe, alo seselelãme aɖeke mele ŋunye o, nuka kee ɖadzɔ o, Mawu gblɔe nenema. Emae ɖɔnɛ ɖo.

Miwɔ ɖe gbeɖeɖe siawo dzi, asrafowo, vaseɖe ŋɔŋlɔdzesi la dzi. Migbugbɔ gblɔ Nya siawo ne futɔ la ƒo ɖe mia dzi. Menye miaƒe Nyawoe wonye o, wonye EƑE NYAWO, EYE EƑE NYAWO MATEŊU ADA ƑU O. Ena ŋusẽ mí be míazã Eƒe Nya la to mí wɔwɔ Eƒe Nya me. Ne Satana ƒo ɖe mia dzi la, mixlẽ miaƒe gbeɖeɖeawo nɛ.

MÍAƑE AƲAFIA ƑE MƆFIAMEWO

Nusi tututu medi be miawɔe nye esi.

Mibugbɔ gblɔ adzɔgbeɖeɖe sia eye miaxɔ Nya ɖesiaɖe dzi ase hena gaɖeɖe blibo.

“Satana, te yi ɖa! Mele dodo ge le afisia.” Nenemae. “Nyemagamlɔ anyi ɖe afisia, ake o. Nyemaganɔ afisia, azɔ o. Nyemegale abosam xoxoe sia ƒe anyigba dzi nɔ ge azɔ o. Mele adɔ̃ tɔmi be mado go, ŋdi sia. Amen. Hɔ̃e menye.” Amen! Aleluya!

Emegbe la medi be miawɔ esia:

Nɔ eƒom kple, “ALE AƑETƆ GBLƆ ESI. ALE AƑETƆ GBLƆ ESI. ALE AƑETƆ GBLƆ ESI.”

Ʋu agbo ɖe wò susu me, gblɔ be, “Wò Nya la nye nyateƒe.”

“Aƒetɔ, nyemele alesi mele sesem le lãme la gbɔ kpɔ ge o, nusi amea ɖe ŋutɔ agblɔ la o. Metɔ te wo, megbã nye toawo katã, dziɖeleameƒowo katã, ɖikekewo, kple dzimaxɔsewo si le menye. Seselelãme ɖesiaɖe si nɔ menye kpɔ, dɔlélé ɖesiaɖe si melé kpɔ, kple nu bubu ɖesiaɖe si va dzinye kpɔ la, megblẽ wo katã dome. Mezɔ to numawo katã ŋuti. Mezɔ va nye gbɔgbɔ la gbɔ tẽ.

Wò XƆSE adze egɔme anɔ dzi yim ɖe dzi wu. Ekema gblɔ Nɛ bena: Oo Aƒetɔ, ɖi va. Ègblɔ be Yewɔm amesi nu lɔlɔ̃nu faa le.”

“Eyae nènye, Vinye.”

Esɔ gbe, meʋu nye dzi kple nye susu hã.

“Ge ɖe eme, Aƒetɔ Yesu.”

Ke lé Xɔse, si nye Gbɔgbɔa ƒe Yi ma, ALE AƑETƆ GBLƆ ESI.

Do ɣli be, “Aleluya!” Amen.

Eye nàlã futɔ ɖesiaɖe si le ŋgɔwò. Amen. Afima nua le. Lã futɔ ɖesiaɖe. Ne—ne gbɔgbɔ dziŋɔ̃ xoxoe ma na be èse nuwo keŋ le ɖokuiwò me la…Lã numa ɖa, kple Aƒetɔ ƒe Nya.

WÒ MƆFIAME MAMLEAWO ASRAFO.
GBLƆ NA FUTƆ LA be:

“Te ɖa le gbɔnye.” Kpam!

Èlãe ɖa kple Nya la. Eɖanye gbɔgbɔvɔ̃ o, eɖanye futɔ o, eɖanye dɔlélé o, eɖanye lãmegbegblẽ o, ɖesiaɖe si wònye la, tsɔ Nya ma eye nàhe Esia vɛ kple Yi la. Eye ne exlã nu nɛ zi gbãtɔ, eye mewɔ sigbe yeaʋã o la, xlã nu nɛ ake, eye gaxlã nu nɛ ake, eye nagaxlãe nɛ. Ke nɔ exlãm nɛ vaseɖe esi nàŋɔ̃ do ɖe eme, abe koklovi si le mɔ dim na eɖokui be yeado go ene; alo hɔ̃ aɖe ene, eyae nènye. Wò ŋutɔ ŋɔ do nàdi mɔ ado le dɔlélé ƒe tsro xoxoe ma me. Ŋɔ mɔ na ɖokuiwò, eye nàgblɔ be, “Aleluya!
Ekae kplɔe ɖo?” Amen. Aʋa lae nye ma. Emae nye asrafo. Emae nye atitsoga srafo la. Ɛ̃, amegã. Ƒo futɔ ɖesiaɖe ƒu anyi. Nukaŋutie? Nukaŋutie?

Mí, amesiwo woɖo ɖi, Abraham ƒe fia ƒome Nukua.

Ŋutikɔkɔe, woɖu futɔ ɖesiaɖe dzi. NANEKE meli si ate ŋu anɔ te ɖe Mawu ƒe Nya la ŋgɔ o, eye míenye Mawu ƒe Nya. Míenye Eƒe Fiaƒome Nuku eye ŋugbedodo ɖesiaɖe nye MÍATƆ.
Ŋkekea ɖo, Ŋugbetɔ la xɔ Nya ɖesiaɖe dzi se eye wòle zɔ ɖem ɖe Edzi. Míedzra Mía Ɖokuiwo ɖo to Eƒe Nya sese kple edzixɔxɔse me.
Ne nane hiã wò, ne èdi be Gbɔgbɔ Kɔkɔe la nayɔ ye fũ, ne èdi be woayɔ dɔ ye, ne èdi be woanya abosam ɖesiaɖe do goe, ne èdi be yeanye Kristo ƒe Ŋugbetɔ la, fifiae nye ɣeyiɣia, Eƒe Gbe sese kple edzixɔxɔse yenye teƒea.

Ne èle nusiawo dim eye nèdi be yeanɔ Aƒetɔ la ŋkume, ate ɖe eŋu wu alesi nèle la, va wɔ ɖeka kpli mí Kwasiɖagbe le ŊDƆ ga 12 me, Jeffersonville ƒe game, esime míaƒe Aʋafiagã si xɔ ka ɣletivi ene le mɔfiame na ge Eƒe Ŋugbetɔ Mixa sesẽ la alesi wòaɖu abosam ɖesiaɖe, futɔ ɖesiaɖe dzi, be wòavo, eye nàyɔ fũ kple Eƒe Gbɔgbɔ Kɔkɔe, eye nànɔ klalo na Eƒe Vava kpuie.

Nɔvi. Joseph Branham

Gbedeasi: Aʋa Gãtɔ Kekeake Si Womewɔ Kpɔ O La. 62-0311

Ŋɔŋlɔawo:
Petro I, 5: 8-10
Efesotɔwo 6:10-17
Daniel 12: 1-7

Gbeƒãɖeɖe: 65-0118 Nuku Si To Vo La

PDF

• 26-0920 Nuku Si To Vo La

BranhamTabernacle.org

WMT 1 Lɔlɔ̃tɔ,

Ne amewo bia mí be:

B: Ðe nènye wo dometɔ ɖeka “Play Zitɔ” nyaƒokatɔ si xɔe se be Mawu dɔ William Marrion Branham be wòayɔ Mawu ƒe Ŋugbetɔ do goa?

Ŋ: Ẽ, menye Wo Dometɔ Ðeka.

B: Èxɔ Nya ɖesiaɖe si wogblɔ le Nyaƒokamawo dzia?

Ŋ: Woakafu Aƒetɔ la, Menye Wo Dometɔ Ðeka.

B: Ekema ele be nàxɔe ase hã be ele be yeazi Play dzi eye yease Eƒe Gbe be yeanye Kristo ƒe Ŋugbetɔ mahã?

Ŋ: Ŋutikɔkɔe, amesi tututu menye yema, nyee nye ema kaka yiɖe eme ke…Menye Wodometɔ Ɖeka.

B: Èle egblɔm nam be, èxɔe edzi se ŋutɔŋutɔ be yenye Eƒe Fiaƒome Nuku si wotɔ asi, hetia, si woɖo ɖi do ŋgɔ tso xexeame ƒe gɔmeɖoanyi ke be nàxɔ Eƒe Nya dzi ase, be nànye Eƒe Ŋugbetɔ, eye yeade blibo le Eƒe ŋkume, nuvɔ̃ aɖeke manɔmee, eye ɖeko womate ŋu aflu wò oa?

Ŋ: Aleluya, èse me, nyee nye ema 110%, MENYE WO DOMETƆ ÐEKA.

Le Yesu Ŋutɔ ƒe nya nu la, míenye Eƒe Nya la gɔmeɖeɖe. Fiaɖuƒea me ƒe viwo. Gbɔgbɔ Kɔkɔe la ƒe ɖeɖefia. Ɣeyiɣi sia me Fiaɖuƒe la me ƒe Nuku.

Ènya nusia? Ɣeyiɣia de be amesiame nanya amesiwo tututu míenye ale be vodada aɖeke naganɔ anyi o. Míana Mawu naƒo nu to Eƒe nyagblɔɖila dzi eye míaƒo wo katã nu ƒu na wò.

Ŋusẽ ma tututu si ƒo nu xexeame dzɔ la le ame mawo siwo si Gbɔgbɔ Kɔkɔe la le me. Esɔ gbe. Ŋutsuwo kple nyɔnuwo, Game la su be míakpɔ amesiwo míenye. Abosam le agbagba dzem be yeaɣla mi ɖe megbe, be yeagblɔ na mi be mienye vɔvɔ̃nɔtɔ aɖe si wozi ɖe to. Mienyee o. Mawu ƒe viŋutsuwo kple vinyɔnuwo mienye.

Mawunyenye mele Dziƒo o, Ele miame. Aleluya!

Ŋ: Mawunyenye mele Dziƒo o, ele agbe hele mía dometɔ ɖesiaɖe me!

Le ŋkeke yeye ɖesiaɖe dzi, le gbɔgbɔ ɖesiaɖe si míegbɔna me la, Ɖeɖefia si Wòna mí tso amesiwo míenye ŋu la le le gã dom ɖe edzi. Míawoe nye Nya gbagbe si le agbe le ŋutilã me.

Míenya esia elabena Ena mí Ɖeɖefia kuɖe amesi Wòdɔ ɖa le míaƒe ŋkekea me ŋu; ame si Mawu Ŋutɔ gblɔ be yeadɔ ɖa be wòaɖe gbeƒã ahafia Yeƒe Nya la le Nyaɖeɖefia 22 lia me.

Nye Yesu ye nye amesi dɔ nye mawudɔla la bene wòaɖi ɖase le nusiawo ŋuti na mi le hamewo me.

Edɔ Eƒe mawudɔla: William Marrion Branham, be wòaƒo nu le EƑE HAMEWO me… Xɔ̃nye ema gɔmee nye ƑO NYAƑOKAWO LE WÒ HAMEWO ME. Ema mehĩa ɖeɖefia gɔ̃ hã o, ɖeko wòle be nàxlẽ.

Le Nya la nu la, esiae nye beble ɣeyiɣi Kekeake le xexeame ƒe ŋutinya me. Nyateƒe kple alakpa ƒe gbɔgbɔ anɔ kplikplikpli ale gbegbe be aflu ame tiatiawo gɔ hã ɖe wòle bɔbɔe.

Mawu dɔ EƑE MAWUDƆLA ɖe hameawo me. Eƒe Gbe le míaƒe asibidɛwo nu. Míate ŋu ase nusi Wògblɔ Nya ɖe Nya teƒe pɛpɛpɛ. Mehiã numekɔkɔ alo gɔmeɖeɖe aɖeke o, nusi wòle be Ŋugbetɔ la nawɔ koe nye be AZI PLAY eye WÒAXƆE SE.

Ena mí tokla be, migatrɔ iota ɖeka alo suetɔ ɖeka le nyaƒokawo dzi o. Migatsɔ miaƒe gɔmesese alo miaƒe susuwo o, mise Nye Gbe eye mixɔe se ko. Vaseɖe egbea la, ema mete ŋu dzɔ o; gake egbea la, esi wònye Mawu ƒe mɔ si wòna egbea tae.

Ðeko míese Hame ƒe Agbenɔɣi Adreawo kple alesi le agbenɔɣi ɖesiaɖe me ʋuu la, gbɔgbɔ mawo tsoa be woaxɔ ameawo tso Nya vavã la gbɔ. Alesi le agbenɔɣi ɖesiaɖe me, ne gbedeasitsɔla dzo vɔ, nusi wowɔ tsɔ kplɔ amewo yi dzixɔse alo nuɖoanyi aɖe gbɔ; va wo ɖokui kple amegbetɔ ƒe susu gbɔ.

Egbea wole agbagba dzem be yewoawu míaƒe hohoɖoɖo eye wogblɔna be, “Oo, woxɔe se be nyaƒokawoe nye Gbe vevitɔ kekeake si wòle be miase. Ele be miaƒo nyaƒokawo le miaƒe hamea me…ema bometsinya ye. Nɔviŋutsu Branham megblɔ be miaƒo nyaƒokawo le hame me o. Fifia subɔsubɔdɔa ƒe gbe wòle be miase.”

Na nyea la, emae nye nuku si to vo la! ELE BE MIAZI PLAY dzi eye miase Mawu ƒe Gbe le miaƒe hamewo me elabena Eyae nye Gbe ÐEKA si dzi Mawu Ŋutɔ ɖo kpe. Ele be nàwɔ ɖe Nya ɖesiaɖe si Mawu gblɔ dzi.

Nye Yesu ye nye amesi dɔ nye mawudɔla la bene wòaɖi ɖase le nusiawo ŋuti na mi le hamewo me.

Mawudɔla ma si dzi woɖo kpe le nuƒom le míaƒe hame la me, ale mele miakpem be miava wɔ ɖeka kpli mí míase Gbe ma kple Eƒe Ŋugbetɔ tso xexeame godoo le katsatsa la me le ŋdɔ ga 12 me, Jeffersonville ƒe game dzi, eye míase: 65-0118 – “Nuku Si To Vo La”.

Nɔvi. Joseph Branham