Ke Wò Nuku Atsɔ Eƒe Futɔwo Ƒe Agbowo Anyi Dome 61-0213

Mawu lɔ̃a be yeatsɔ Yeƒe asi afia be esesẽ. Ẽ, Ewɔnɛ. Evivia eŋu be yeatsɔ Yeƒe ŋusẽ fia. Ele lalam zã sia me be yeatsɔ fia le mewò; be yeatsɔ nuvɔ̃wɔla ma eye yeatrɔ eyama tso eƒe mɔdzi, be yeatsɔ nyɔnu xɔ ŋkɔ baɖa ma eye yeatrɔ eyama wòazu nyɔnu mawusosroɖatɔ kple kɔkɔetɔ, atsɔ nyɔnuvi ma si tsɔ mɔ gbegblẽtɔ la, ŋutsuvi ma si tsɔ mɔ gbegblẽtɔ la, agbugbɔ hewo va teƒe la eye wòawɔ wo Mawu ƒe viŋutsuwo kple vinyɔnuwo.

Ele gbesɔsɔ be yeatsɔ ŋutsu ma si le kukum le kaŋsa ta, amema le dziveame ta, amema si nye ŋkuagbagbãtɔ, amema si le fu kpem la, ne ɖeko wòatsɔ eƒe xɔse de eme le afima la atrɔ eyama tso ku gbɔ yiɖe agbe me, ana wòadze egɔme kple ɖaseɖiɖi aɖe. Ele lalam be yeawɔe. Ede mi mɔtetre me tututu be yeakpɔ nusi miawɔ la ɖa. Ede wo mɔtetre ma me tututu le afima. Edze ko abe ɖe dzɔdzɔmea ŋutɔ nɔ eƒe mo ɣlam ene. Ẽ. Agbalẽŋlɔla aɖe gblɔ kpɔ, bena esime woɖo teƒe ma la, yebia yeɖokuise be nuka Mose awɔ. Gbeɖeɖe ɖeka ye wosi be, “Miyi ŋgɔgbe.” Ne miele dɔdeasi ƒe fli me la, meka nusi le mɔ la dzi o…numetoto gãtɔwo kekeake si meɖo kpɔ la yenye be ne mekpe akpɔ kple nane si dzi nyemate ŋu aɖu, alo amu ƒu anyi o la, ke ɖeko menɔa tsitre ɖe afima alé ŋku ɖe Mawu ŋu wòata mɔ aɖe le eme. Nenema wòle be woawɔe. Miɖe zɔ ko. Minɔ zɔɖeɖe dzi. Kpe ŋku ɖe eŋu. Nɔ zɔɖeɖe dzi ko. Kpɔtɔ nɔ yiyim ko. Mawu ata mɔ aɖe.

Gbesiagbebolo

Nye Mawu dɔ eƒe dɔla ɖa wòde ga nu na dzatawo
Daniel 6:23