Ijambo ry’Umunsi / Umutsima wa Buri Munsi

24-0303

57-0825m Abaheburayo igice ca kabiri #1

Imana Imisi yose yama Ishinga intahe. Ubuzima bwawe buzoshinga intahe. Sinzi igishingantahe cawe, ariko ubuzima bwawe buravuga cane birengeje ku buryo ijwi ryawe ritokumvikana, ubu—ubuzima bwawe bw’iminsi yose buzoshinga intahe y’ico uri. Imana Irashinga intahe, ego. Mpwemu Yera ni ikidodo, kandi ikidodo gishirwa ku mpande zibiri z’urupapuro. Barakubona igihe uri ng’aha hamwe n’igihe wagiye. Si kw’ishengero gusa, ariko umusi wose w’ibikorwa. Ushizweko ikidodo ku mpande zibiri, imbere n’inyuma. Kubw’umunezero ufise, n’ubuzima ubayeho washizweko ikimenyetso imbere n’inyuma, aho rero uca umenya ko wakijijwe kandi n’isi irazi ko wakijijwe, kubw’ubuzima ubayeho, kuko Imana Irashinga intahe. Ni hashimwe Izina ryiWe Ryera.

Umutsima wa Buri Munsi

Kandi n’Umwami wacu ni ko yageze kw abavuga ubutumwa bgiza batungwa n’ubutumwa.
1 Ab’i Korinto 9:14

24-0302

*53-0831 Imana Yaravuganye na Mose *

Amashengero uyu munsi, menshi muri yo arondera abantu bafise ubukerebutsi, umuntu kanaka azi kubana n’abantu kandi umuntu asshobora gukora iki na kiriya ashobora kurondera aho abantu baruhukira bakinezereza, bagakina ivyo bita golf, hamwe n’ibirori n’ibindi.

Rero, isi irondera abakerebutsi beza, ariko Imana Irondera abatandukanya, abo bazokwitandukanya ubwabo. « Nimuve muri bo, emwe bantu banje ntimwifatanye n’ivyaha vyabo. » mwitandukanye…

Muri Egiputa umwagazi w’intama waratanzwe, Imana Yashizeho ubudasa. Yatandukanije A— Abisirayeri na— n’abanyamahanga, hanyuma ashiraho itandukaniro hagati yabo. Ihanga ry’Imana ni ihanga ryashizwe iruhande, ihanga ryera, abantu b’igitangaza, abantu biharije, abakora ibitangaza.

Kubw’ ivyo isi ntizokwigera ibatahura. Kubwo ivyo ntimukiyumvire isi, iyumvire kubijanye n’Imana ivyo nivyo bibereye.

Umutsima wa Buri Munsi

Nuko Roti ahitamw’ico kiyaya cose co kuri yorodani ; aragenda aja i burasirazuba bahana inta.
Itanguriro 13 :11

24-0301

64-0306 Uruta Salomo Ari hano

Imana, iminsi yose mu bihe vyose, Yamye Itanga ingabire zaYo ku bantu bayo. Ukwo niko Yagaragara Akanamenyekana, kubwo ingabire ziWe za Mpwemu. Nuko Iyo Imana Irungitse ingabire ya Mpwemu ku bantu baYo, hanyuma iyo ngabire ntiyakirwe, rero, abo—abo bantu baca baja mu mwijima w’umuzitanya. Igihe cose, mu bihe vy’Ishengero, igihe Imana Irungikiye ikintu kinaka abantu, ingabire, hanyuma bakayanka, abo bantu baca batabwa kure n’Imana kubera bataye imbabazi z’Imana.

Yooo, mbega umutekano wobaye iri joro, ukuntu vyobaye ibihambaye kurusha ubwihisho bwose bw’ama bombe n’i—n’ibibanza vyose twokwiyumviriye, namba iki gihugu, citwa igihugu giKristo, cokwakira ingabire y’Imana cahawe, Mpwemu Yera w’Ubwiza Yasutswe muri iyi minsi ya nyuma. Mbega ukuntu vyogenze iyaba iki gihugu coMwakiriye, hobaye umutekano urushirije kurusha ahantu hose bogiye. Ariko baramwanse, rero nta kindi gisigaye atari urubanza n’akajagari.

Umutsima wa buri munsi

Ninde azi ubwenge ? N’atahure ivyo ! Ni nde w’umuhanga ? N’abimenye ! Kukw inzira z’Uhoraho ar’iziroranye, kand’abagororotsi ni bo bazozigendamwo ; arikw abacumura bazozigwamwo.
Hoseya 18 :9

24-0228

51-0508 Ukwizera ni Ikintu Kiboneka

Nta gihe kirekire kihaciye, umwana wanje mutoya yarampamagaye igihe nari hano ikindi gihe. Vyampaye iciyumviro. Yavuze ati, « Papa nshaka ko uza i muhira. »
Kandi navuze nti, « Mukunzi, nakurungikiye i— igipupe gitoya kivuye i Texas. » yavuze— ko yari afise imyaka ine.navuze nti, « Nakurungikiye igipupe gitoya mukunzi. »
Yavuze ati, « Nakironse Papa. » hanyuma navuze – yavuze ati, « Nshaka ko uza i muhira Papa. »
Kandi navuze nti, « Rero, mukunzi nakurungikiye agakwavu gatoya kavuye hariya hepfo i Cattanooga. »
Yavuze ati, « Nakaronse, Papa. » ariko yavuze ati, « Nshaka yuko uza i muhira. » murabona ?
Hanyuma navuze nti, « rero, mukunzi, jewe, papa… »
Yavuze ati, « Papa, ndagukunda, kandi ndakunda utuganuke wampaye ariko nshaka Papa. »
Nta kindi. Ingabire zose ziwe ni nziza cane, ariko nshaka Papa. Ndakunda ingabire ziwe, kumwumviriza mu kugaragara, mu guhimbaza Imana, kuvuza induru, gukiza indwara, no kuvuga mu ndimi, hamwe n’insobanuro zizo ndimi, n’izo ngabire zitandukanye. Ndakunda kw’icara hanyuma nkazitegereza. Ntazo mfise, ariko ndakunda kuzitegereza zikorekera mw’Ishengero. Ariko inyuma yivyo vyose ndakunda Yesu. Nda— ndazishaka. Ingabire ziwe ni nziza. Ariko nshaka kuraba uwuzitanga ngaha imbere. Murabona. Ukwo ni ukuri

Umutsima wa Buri Munsi

Sinzobasiga nk’impfuvyi, nzoza kuri mwebge.
Yohana 14:18

24-0227

54-0404 Kurwanira ukwizera

Yooh, Imana Ishaka gushiraho ukwizera kwahawe abera rimwe rizima. Uvuga uti, “MweneData Branham, kwoba ari ukwo kwizera?” Yaco ufata u—umugenzo w’aba metodisiti, umugenzo w’aba batisiti canke umugenzo w’aba pentekoti, fata Bibiliya. Turabe ico bo, bakoze. Bari bakoraniye hamwe mu cumba co hejuru, bahuje umutima n’inama, hanyuma giturumbuka, uwo muyaga w’igihuhusi waraje uvuye mw’Ijuru, wuzura iyo nzu yose bari bakoraniyemwo. Ivyo ubivuga ko iki? Bavuze bati, “Yooh sinzi ko ntegerezwa gukora ibi canke biriya. Ninasohoka hanze barantwenga. Ninagira ico mvuga ico ari co cose: ʻ Ko mbona ari we yambwiye gusohoka.ʼ” Oya mugenzi, Mpemu Yera yari yahuye nabo, uwo mugwi w’abanyabwoba. Bari baronse ubugingo hanyuma basohoka baciye mu madirisha n’imiryango, baca basohokera mw’ibarabara, hanyuma bigenza nk’umugwi w’abasazi, bahemagirika, bavuza induru, basemerera, hamwe n’ibindi nk’umugwi w’abantu b’imborerwa; kuburyo ishengero ry’amategeko ry’ico gihe ryavuze riti, “ abo bantu baborewe igisama”
Kandi ni wumve mushiki wanje, ubu wewe wigenza nk’umuntu w’umwubahwa muri uwo mugwi wo mw’ishengero ryawe, hamwe n’ibindi, ukaba ufise igihagararo kidasanzwe aho ubaye ng’aho i Louisville, New Albany, n’i Jeffersonville, inkumi Mariya yahezagiwe yari hariya. Kandi asangwa Imana mushobora vyose yarasavye ivyo, inkumi Mariya Itunganye kandi akaba atashobora kuja mw’Ijuru kugeza aronse ukwo kugiriranira imigenderanire n’Imana, ni gute woshobora kuzojayo, uretse nawe uhuye n’ico kintu?

Umutsima wa Buri Munsi

Ariko jeho nzogushikanira ikimazi nsesereza impundu, Kandi nzoshitsa ivyo nasezeranye. Agakiza kava k’Uhoraho.
Yona 2:9

24-0226

65-1206 Ibintu Bishika Muri Iki Gihe Bisigurwa N’Ubuvugishwa

Mu gihe c’Umwami Yesu iyo abantu bari kurondera Imana gusa hanyuma bakamenya ivyari vyegereje gushika, ntibari gucira Yesu urwo gupfa. Ariko icabitumye, n’uko Ivyanditswe vyategerezwa gushitswa, kuko abayuda bategerezwa guhumishwa. Ivyo twese turabizi.

Mbega murabona neza ko ivyo vyasezeranywe ubugira kandi mu gihe tubamwo ? Igihe c’Ishengero ry’i Lawodikiya, iki gihe c’indwi c’ishengero turimwo ubu, kigenda amenya, carafutanye, ni impumyi kandi ntikibizi. Nk’uko Yabahumishije kirya gihe kugira ngo Ubutumwa BwiWe bushikire abantu batoranijwe, ni ko Yabisezeranye muri iki gihe.

Kandi mwonyemerera nkabwira ibi beneData na bashiki bacu bose muri Kristo nciye bugufi: umwe muri iyi misi umuntu kanaka azovuga ati, “Mbega ntihanditswe ko ibi bintu bitegerezwa kubanza kuba?”

Hanyuma bizomera nk’uko vyari bimeze kirya gihe, “N’ukuri, ndabibabwiye, yaramaze kuza, kandi bamwigiriye uko bagomba kwose.”

Umutsima wa Buri Munsi

Mwebge murasesa mu vyanditswe, kuko mugira ngo muri vyo ni ho mufise ubugingo budashira, kand’ ari vyo binshingira intahe,
Yohana 5:39

24-0225

57-0922E Abaheburayo igice c’indwi #2

Ariko, ubu, ndizera yuko Bibiliya yigisha kuvyerekeye Gehinomu nyakuri yaka umuriro. Bibiliya irigisha ivyo, yuko ivyaha n’abanyakibi bazohanwa, ibihe n’ibihe. Ivyo si ibihe bidashira, ubu. Nkumbure ni nk’imyaka cumi y’amatriyoni. Bishoboka kuba imyaka ijana y’amatriyoni, ariko igihe kinaka bitegerezwa kugira iherezo. Kuko ikintu cose gifise itanguriro gitegerezwa no kugira iherezo. Ni birya bintu bidafise itangurira bitogira iherezo.

Muribuka ico cirwa ubu (ikoraniro rivuze riti Amen)? Ukuntu twasubiye inyuma maze tubonako ikintu cose gifise itangurira cononekaye, murabona, ukwononekara . Kandi munyuma, vyagarutse mu bihe bidashira. Kandi ko kuzimu yose, imibabaro yose n’ivyibutso vyose bizokamanganira mu bihe bidashira. Ibintu vyose bifise itanguriro ,bizorangira.

Umutsima wa Buri Munsi

Rupfu na Kuzimu batererwa mu kiyaga caka umuriro. Ico kiyaga caka umuriro ni co rupfu rwa kabiri
Ivyahishuriwe Yohana 20 :14

24-0224

61-1119 Inkomezi zitunganye mu ntege nke zitunganye

Rero ni ivyo. Tu—turamwirukana. Tumushiburira kure yacu. Kuva ku bakene gushika ku batunzi bo muri twebwe. Kuva kuri batoya gushika ku bahambaye. Twigiza Imana kure y’ubuzima bwacu twebwe ubwacu.

Kenshi na kenshi namye mvuga nti, « Umwansi wa mbere mfise ni Branham, niwe yishira mu nzira y’Imana. Niwe anebwa, nwe yishira mu kibanza aho ashobora kwiyumvira ko yogira ico abikozeko. Kandi igihe abikoze, ivyo vyigiza kure ugukora kw’Imana. Hanyuma igihe nigiye kure y’uyo muntu, igihe mvuye mu murongo. Rero Imana Irashobora kuza gushitsa ivyo William Branham yirengagije.

Aho niho Imana Ishobora gukoresha umwe wese muri mwebwe, Ashobora gukoresha umuntu wese mu gihe twivanye mu nzira. Ariko mu gihe twijanye mu nzira, rero ntitwoshobora ikintu na kimwe.

Umutsima wa Buri Munsi

Ehe mpagaze ku rugi, ndaramukije. Umuntu ni yumva ijwi ryanje, akugurura urugi, ndinjira i we, dusangire.
Ivyahishuriwe Yohana 3:20

24-0223

24-0222

63-0321 Agashashara Ka Kane

Imana Yama Ikorana n’umuntu umwe. Abantu babiri bogira ivyiyumviro bibiri. Ntihigeze haba abahanuzi babiri bahambaye kw’isi, bavugishwa mu mwanya umwe. Subiza amaso inyuma murabe namba vyarabaye. Oya, mugenzi. Vyoba uruzazane rurenze! Ico Ikeneye, ni umuntu umwe yiyegurira kuri Yo, hanyuma Igakoresha uwo muntu. Irondera uwo muntu.

Ariko hazobaho umwe, igihe kimwe, umuntu munaka azoYumviriza, Ijambo kw’Ijambo. Sindajwe ishinga n’ico uwundi muntu uwo ari we wese avuga, ntibazoRivako. Ivyo ni vyo. Bazorindira “UKWO NIKO UHORAHO AVUZE. Kandi, rero, ntibazonyiganyiga gushika ico gihe. Azoba yagaragajwe bikwiye. Muzo…

Rero, isi yo hanze izovyanka, ariko Urubuto rwatowe, Urubuto rwatoranijwe, nk’ukwo vyari mu gihe ca Yesu, igihe Umuco warasa, rurya Rubuto ruzoza ku Bugingo nka kurya. [MweneData Branham akubise urutoke rwiwe rimwe—Umwanditsi.] BazoMumenya. BazoMutahura. Ntimuzokenera kuvuga ijambo kuri Ryo.

Umutsima wa Buri Munsi

Uwakira umuntu avugishwa n’Imana kukw avugishwa na yo azohabga impera nk’iy’ uvugishwa n’Imana; uwakira umuntu agororotse kukw agororotse azohabga impera nk’iy’ umugororotsi. Matayo 10:41

24-0221

52-0224 Ukwizera Imana

Kandi ndazi iki kintu, yuko bamwe muri twebwe bafise ukwizera kunini kurusha abandi, kandi abo bafise ukwizera kwinshi bategerezwa gusengera abo bandi. Ariko iyo utabayeho ubuzima bugororotse, vyoba vyiza ubihevye; umurwanizi azotwenga amasengesho yawe. Ariko iyo ubayeho mu bugororotsi, ugakora ibigororotse, ukagenda ugororotse, ukaba ufise ukwizera mu Mana, Satani azohinda agashitsi igihe uvuze. Kuko Imana Yarahiye ko Izokwishura iryo sengesho. Ukwo ni ukuri.

Umutsima wa Buri Munsi

Kandi ko tuzi yuko yumva ico dusavye cose, bitumenyesha yuko duhawe ivyo tuyisavye. 1 Yohana 5:15

24-0220

52-0224 Ukwizera Imana

Kandi ndazi iki kintu, yuko bamwe muri twebwe bafise ukwizera kunini kurusha abandi, kandi abo bafise ukwizera kwinshi bategerezwa gusengera abo bandi. Ariko iyo utabayeho ubuzima bugororotse, vyoba vyiza ubihevye; umurwanizi azotwenga amasengesho yawe. Ariko iyo ubayeho mu bugororotsi, ugakora ibigororotse, ukagenda ugororotse, ukaba ufise ukwizera mu Mana, Satani azohinda agashitsi igihe uvuze. Kuko Imana Yarahiye ko Izokwishura iryo sengesho. Ukwo ni ukuri.

Umutsima wa Buri Munsi

Kandi ko tuzi yuko yumva ico dusavye cose, bitumenyesha yuko duhawe ivyo tuyisavye. 1 Yohana 5:15

24-0218

64-0719M Umunsi mukuru w’inzamba

Kandi Bibiliya Ivuga yuko We azosohorwa mw’ishengero, mu Bihe Ndwi vy’Ishengero. Azosohorwa mw’ishengero. Uzoba umwijima w’intimbatimba, hanyuma ukamangane… Ni hehe hazobera umwijima? Mu gihe rija mu buryo bwo gukora kw’idini, muri ino nama mpuzamashengero, Inama mpuzamashengero y’Isi. We… Yashiburiwe hanze rwose. Ijambo ryiWe, ntibashobora kwemeranya naRyo. Murazi ko batobishobora. Ntibashobora mbere no kwemeranya n’imirwi yabo mito mito; ni gute bazobihurizako? Rero, bafata ikindi kimenyetso c’igikoko, igishushanyo c’igikoko. Mwibuke, Bibiliya Yavuze iti, «Hari igikoko cakorewe igishushanyo caco.»

Kandi Reta zunze ubumwe, yamye ifise igiharuro cumi na gatatu. Yatanguranye n’ibihugu cumi na bitatu, amakoloni cumi n’atatu; inyenyeri cumi na zitatu, imirongo cumi n’itatu; igiharuro cumi na gatatu, kandi igihe cose yama ari umugore. Agaragara mu gice ca cumi na gatatu c’Ivyahishuriwe Yohana. Kandi, ubwa mbere, ni umwagazi w’intama; ubwitonzi, uburengazira bwo gushikiriza iciyumviro, uburenganzira bwo gusenga, n’ibindi; kandi rero baronse inkomezi, hanyuma yavuganye inkomezi zose iz’ico gisato cari gifise imbere yiwe. Ni igiki? Ico gisato cari igiki? Roma. Murabona, yari ifise ikidodo, ikimenyetso ca ca gikoko, kugira ngo ihaguruke kurwanya Ishengero ry’Imana ry’ukuri. Muri ayo madini, bazotera kino kintu! Ariko, nibatangura kubikora:
Umwagazi w’Intama Azotwara Umugeni ngo Yame iruhande yiWe,

Umutsima wa Buri Munsi

Kukw Imana itaduhaye umutima w’ubujora : ariko yaduhaye uw’ubushobozi n’urukundo n’ukwirinda. II Timoteyo 1 :7

Kand’ ababa kw isi bose bazogisenga, umuntu wese atanditswe izina mu gitabo c’ubugingo c’Umwagazi w’Intama yatanzwe kw ikimazi uhereye ku kuremwa kw’isi. Ivyahishuriwe Yohana 13:8

24-0215

63-0626 KUKI ?

Bibiliya Ivuga ko « Ivyaha vy’i sodomu vyatuntuza ubugingo bwa Loti umunsi ku munsi. »Ubugingo bw’uwo muntu bwari bugororotse maze akabona ivyaha vyo mu gihugu, yari azi ko ari bibi, ko bakora nabi ariko naho vyari uko, ntiyari afise ishaka ryo guhagararira ivyo yizeye.

Ntibitangaje kw’isi yose yahindutse Sodomu na Gomora hamwe na ba Loti mu gihugu no kw’isi yose, bari mu mashengero, bemezwa ko Yesu Kristo uko Yari Ari ejo n’uyu munsi niko Ari, niko Azokwama ibihe bidashira, kandi ko ubushobozi bwiWe buragaragara neza na neza uyu munsi nk’uko bwamye bugaragara, ariko nta shaka bafise ryo guhagarara kuri Alutari no gucirako iteka icaha, kubera intambamyi yobatandukanya bakava mw’ishirahamwe barimwo. Turacagaruka iminsi yose ku maraso ya Yesu Kristo, umuti wonyene uhari.

« Kuki ? Kuki ? »

Umutsima wa Buri Munsi

Kukw Imana itaduhaye umutima w’ubujora : ariko yaduhaye uw’ubushobozi n’urukundo n’ukwirinda. II Timoteyo 1 :7

24-0214

62-0603 Ivugabutumwa ryo mu gihe c’iherezo

Igihe cose caronse ubutumwa bwaco hamwe n’intumwa zaco. Uko umwanya wagenda, igihe cose caba gifise ubutumwa bwaco n’intumwa. Imana, igihe cose mu bubwiriza bwaYo, yararungika umuntu yasizwe na Mpwemu Yera kugira ngo azane ubutumwa bwiwe bwagenewe ico gihe,igihe cose.

Rero, turashobora gusubira inyuma kugira ngo turabe neza, twemeze ibi. Kuva kw’itanguriro ubwaryo, Imana Yari intumwa kw’itanguriro, Ibwira Adamu na Eva Iti, “ Muzorya ibi ariko ntimuzorye biriya.” Ubwo bwari ubutumwa. Kandi igihe umuntu yarenga itegeko ry’Ubutumwa bw’igihe, ivyo vyatwaye kiremwa- muntu cose mu rupfu no mu marushwa. Ng’ico icerekana ukudafyina kw’Ubutumwa. Kandi mwibuke, ivyo Eva yizeye, ntikwabaye uguta burundu ivyo Imana Yavuze, ariko kwabaye ukubifata minenerwe canke—canke kuriha insobanuro itariyo, neza na neza kwabaye kuRyongerako akantu gatoya canke kurikurako akantu gatoya.

Ng’ico igituma nizera ko Ijambo Ari Ukuri.

Umutsima wa Buri Munsi

Uwo Imana yatumye,ni we avuga amajambo y’Imana,kukw idatanga Mpwemu ku ngero. Yohana 3:34

24-0212

62-0603 Ivugabutumwa ryo mu gihe c’iherezo

Igihe cose caronse ubutumwa bwaco hamwe n’intumwa zaco. Uko umwanya wagenda, igihe cose caba gifise ubutumwa bwaco n’intumwa. Imana, igihe cose mu bubwiriza bwaYo, yararungika umuntu yasizwe na Mpwemu Yera kugira ngo azane ubutumwa bwiwe bwagenewe ico gihe,igihe cose.

Rero, turashobora gusubira inyuma kugira ngo turabe neza, twemeze ibi. Kuva kw’itanguriro ubwaryo, Imana Yari intumwa kw’itanguriro, Ibwira Adamu na Eva Iti, “ Muzorya ibi ariko ntimuzorye biriya.” Ubwo bwari ubutumwa. Kandi igihe umuntu yarenga itegeko ry’Ubutumwa bw’igihe, ivyo vyatwaye kiremwa- muntu cose mu rupfu no mu marushwa. Ng’ico icerekana ukudafyina kw’Ubutumwa. Kandi mwibuke, ivyo Eva yizeye, ntikwabaye uguta burundu ivyo Imana Yavuze, ariko kwabaye ukubifata minenerwe canke—canke kuriha insobanuro itariyo, neza na neza kwabaye kuRyongerako akantu gatoya canke kurikurako akantu gatoya.

Ng’ico igituma nizera ko Ijambo Ari Ukuri.

Umutsima wa Buri Munsi

Uwo Imana yatumye,ni we avuga amajambo y’Imana,kukw idatanga Mpwemu ku ngero. Yohana 3:34

24-0211

53-0405s Genda ubwire abigishwa banje

Ahantu hose mu gihugu, hari abantu banegura kubijanye no gukira ingwara kuva ku Mana.Rero, mweneData ikindi nokora ni iki atari ukwizera ugukira ingwara kuva ku Mana, mu gihe ari kamere nyene ya Mpwemu Yera. Umuntu wese yavyawe na Mpwemu w’Imana azokwizera insigabwenge, kuko we ari igice c’Imana, yaje ava ku Mana.

Mvuga yuko “Usa na so ” Bavuga ko “ufise izuru risa na…” bambwira ko mfise izuru risa n’irya data; ko mfise umunwa usa na data. Kuki? We ni data. Mfise uburenganzira bwo gusa nawe.

Haleluya! Rero, asangwa Imana ari Data, mfise uburenganzira bwo kwizera ivy’insigabwenge, kuko navyawe na Mpwemu w’insigabwenge. Ivyo bingira ikiremwa c’insigabwenge. Imbere, inyuma ndi—ndi ikibumbano gikozwe mw ibumba; uri ikibumbano gikozwe mw’ibumba. Ariko imbere, iyo uvyawe na Mpwemu w’Imana, uca uba ikiremwa c’insigabwenge aho, kandi ico kiremwa nsigabwenge gifise inzara n’inyota vyo gushika aho kizoba mw’Ijuru .Ukwo ni ukuri.

Umutsima wa buri Munsi

Mwese mur’abana b’Imana kubgo kwizera kristo Yesu.
Ab’I Galatiya 3:26

24-0210

57-0228 Uwuruta Salomo Ari Hano

Yooo, nshaka kubereka ikintu ciza hano. Igihe Yesu Yasenda idayimoni, cabaye ikintu gisanzwe ku buryo yakoresheje urutoki rwiWe mu kuyirukana. Ivyo nivyo Akeneye gusa. Yooo, nihahezagirwe Izina ryiWe ryera. Yakoresheje gusa urutoki rumwe kugira Acuvye idayimoni ihambaye yashobora kuza ivuye mu muriro waka. Kubw’urutoki rwiWe rutoya Yarayirukanye. Ni ivyo Akora gusa. Ariko, iyo intama ntoya mu ntama ziWe izimiye, yafashe iyindi nzira, rero iyo Ayizanye, arayifata akayishira ku bitugu vyiWe. Igice gihambaye c’umubiri w’umuntu ni umugongo n’ibitugu. Rero akoresha igice gikomeye c’umubiri wiwe ariko ntabwo ari urutoki rwiWe. Ariko intama izimiye, Ayishira ku bitugu vyiWe maze akayikorera mu bwitonzi kugira ngo Ayigarukane mu ruhongore. Mu gihe kw’idayimoni akoresha urutoki …

Umutsima wa buri Munsi

Mugira ngw iki ? umuntu afise intama ijana, imwe yozimira, ntiyosigazimwe mirongwicenda n’icenda, akagenda mu misozi kurondera iyazimiye ? Matayo 18 :12

24-0206

58-0128 Kuba umwe mu bumwe

Yesu Ntiyari gushobora kwemerera abigishwa biwe kuvuga ubutumwa bwiza kiretse bamaze kuronka Mpwemu Yera, yamara, bari bagendanye nawe imyaka itatu n’inusu. Naho bari abantu bagororotse bemewe mu Nyonga hiWe ariko ntiyari gushobora kubareka ngo bigishe gushika barindiririye hariya. Kandi bararonse ugutandukana kwose kuvuye muri bo. Maze ico gihe Mpwemu Yera Yaraje.

Ico isi ikeneye uyu munsi ni kurya kwuzuzwa nyene, igihe ugukurwamwo ivy’isi kwaza, hari hakenewe ukwuzuzwa. Ni igiki ukwo kwuzuzwa gukora igihe kwinjiye. Aho ufise ugukekeranya kuhazana ukwizera, aho ufise ukutanerwa ibintu, kuhazana urukundo. Aho wari ufise urwanko, kuhazana gufatanya.

Kandi rero, igihe, ishengero ry’Imana nzima, umunsi umwe rizokwiyunga munsi y’uburongozi buhambaye kandi ubwo buzoba u—uburongozi bw’Imana, Imana kandi mu bumwe bw’Umubiri wa Kristo, Izoba umurongozi n’Umwami hamwe n’Imana kw’ishengero ryose munsi y’ububasha bwiWe. Hanyuma Rizokwakirwa.

Umutsima wa buri Munsi

Avuze ivyo, abahumekerako, ati Ni mwakire Mpwemu Yera.
Yohana 20:22

24-0204

65-0718M Kugerageza Gukorera Imana Igikorwa Atari Ubugombe Bw’Imana

Uwu yari Mose yavugana na Isirayeli, inyuma yaho yari yemejwe n’Imana, n’Inkingi y’Umuriro, no kumenya ko yagaragajwe ngo abe umukozi w’Imana wo kubarongora ngo baveyo. Kandi imbere yo kuja muri kirya gihugu, imbere yuko binjira, Mose yavuze ati, « Rero, amajambo nababwiye, mpamagaye ijuru n’isi nk’ivyabona vyanyu. Nimwongerako ikintu na kimwe kuri Aya, canke mugakurako Ijambo na rimwe kuri Aya, ntimuzoguma mu gihugu Umwami Imana Yabahaye. »

Kubw’ivyo ndavuze, mw’Izina rya Yesu Kristo ! Ntimwongere ko ikintu na kimwe. Ntimukureko, ngo mushire Ko ivyiyumviro vyanyu. Muvuge gusa ibivurwa kuri ayo mabande. Kora neza na neza ico Umwami Imana Yategetse gukora. NtimwongereKo.

We nkuko bisanzwe, Yarashikije isezerano ryiWe kuri twebwe. Isezerano ryose Yatanze Yararishikije.Mbega Yarababwiye ikintu kizoshika, maze nticashika ? Nzanye amajuru n’isi imbere yanyu uno munsi, kubahimiriza. Imana Yarigeze Ivuga ikintu na kimwe kitashitse kandi gikorwe neza na neza nkuko Yavuzeko Azokidukorera ? Yagikoze nkuko Yari Yavuze ko Azogikora ? Ivyo ni vyo . Rero Abandanya Akora ivyo. Gusa ntimwongereKo. NtimukureKo. MuVyizere gusa kandi mugende muciye bugufi imbere y’Umwami Imana Yanyu…

Umutsima wa buri Munsi

Kandi ni hagira umuntu akura ku majambo y’igitabo c’ibi vyavugishijwe na yo, Imana izomukura ku mugabane wa ca giti c’ubugingo no ku wa wa murwa wera, vyanditswe mur’ iki gitabo. Ivyahishuriwe Yohana 22:19

24-0203

61-0117 Mesiya

Muriteguye ? Yohana 14 :12, Yesu Yavuze ati, “ Uwunyizera, ibikorwa nkora nawe azobikora”: Ba Mesiya, uko ni ukuri. ubuserukizi kwa Mesiya kw’isi kandi uyu munsi.

Mariko 16, yavuze ati,” ni mugende mwisi yose maze mwigishe ubutumwa bwiza. Ibi bimenyetso bizokurikira (Ba Mesiya): Uwuzokwizera akabatizwa azokizwa. Uwuzokwizera ntazotsindwa n’urubanza kandi ibi bimenyetso bizokurikira abizera.” Gushika hehe? Kwisi yose. Kuri bande? Ivyaremwe vyose. Yooo, ndanezerewe cane. Ni gute mwoshobora kuzimanganya ivyo? –

Yavuze ati,” ni ivya abigishwa.”
Abigishwa ? yavuze ati, « kwisi yose kandi ku vyaremwe vyose. Ibi bimenyetso bizokurikira abizera. »

Umutsima wa buri munsi

N’ukuri, n’ukuri ndababgire: Unyizera, ibikorwa jewe nkora na we azobikora: kand’ azokora ibibiruta, kuko jewe ngiye kwa Data.
Yohana 14:12

24-0202

55-1110 Ubuzima bunyegejwe muri Kristo

Muratinya. Abantu uyu munsi bafise ubwoba. Mutinya iki ? Yemwe, n’urupfu bwite ntirutinya Umukristo. « Wa rupfu we, uruboyi rwawe ruri he ? »

Ivyiyumviro vy’abantu bihindishwa agashitsi. « Yoo, MweneData Branham, umuganga yambwiyeko ntashobora gukira. » Utinya iki ? Hariho impongano iri hariya kubwawe. Atankeka. « Rero MweneData Branham, nakoze ivyaha vyinshi. Na… » Utinya iki ? Hariho impongano ikurindiriye. Hariho umuntu agukunda. Ntutinye.

Amajambo yamaho ya Yesu, Ntimutinye, ndi uwari yarapfuye none ni muzima ubugira kandi, kandi ni muzima ibihe vyose. Ntimutinye. » Ronka uko gusirwa hirya no hino yanyu, Ronka uko gusirwa.

Umutsima wa buri munsi

Uhoraho ni we muco wanje n’agakiza kanje : nzotinya nde ?
Zaburi 27 :1

24-0201

53-0531 Kurondera Yesu

Ha— hariho ugushikuza gufatanye n’ugukira indwara kuvuye ku Mana. Hariho ugushikuza gufatanye n’intambuko yose y’ikintu ushaka gukora. Mu mashengero yanyu hariho abantu bashikuza cane, abashikuzi kw’ Ijambo ry’Imana, ariko ntibisigura yuko ata Mana nyakuri Ibaho. Ntibisigura ko ata muKristo w’inkomoko abaho. Ahubwo vyerekana ko— ko hariho umwe w’ukuri. Nimba mufise i dollari ritari ryo, kizoba ari icemezo ntasubirwamwo ko hariho i dollari ry’ukuri ryakoreshejwe mu gukora ririya rindi. Ivyo si vyo ? atari ukwo, i dollari ritari ryo ryobaye i dollari ry’ukuri: ukwigana inoti. Ariko, nimba hariho ukwigana inoti ivyo vyerekana ko hariha inoti y’ukuri. Kandi igihe mubona umuntu agerageza kwigira canke ashaka kwigira umuKristo, ivyo vyerekana ko hariho umuKristo nyakuri w’inkomoko ahantu hanaka.
Iyo mubonye umuntu akora igikorwa co gukiza indwara kuvuye ku Mana mu buryo bwo gushikuza, ivyo vyerekana ukubaho kw’ikintu nyaco ahantu hanaka aho vyaje biva. Ukwo ni ukuri. Mu bintu vyose hariho uwuvyemera n’uwubirwanya, icijiji n’ikintu nyezina, uw’ukuri n’uw’ikinyoma.

Umutsima wa Buri Munsi

uku ni k’Umwami Uhoraho agize, ati Bazobona ibara, abo ba kamenyi b’ibipfu, bakurikira ivyiyumviro vyabo ubgabo, kand’ ata co beretswe!
Ezekiyeli 13:3

24-0131

56-1003 Yezebeli afise amarangi mu maso

Izina ryawe ntirikugira ico uri, ni kamere yawe ikugira ico uri co. Kamere yawe irakubumba hanyuma ikakugira ico uri.

Nama mvuga nti, “Reka ngende mu nzu y’umuntu.” Hanyuma mureke ahagarare mu nzira, ashinge intahe, aririmbe, asemerere, avuge mu ndimi, atambe muri Mpwemu, ikintu ico arico cose ashaka gukora. Ni mundeke nje mu nzu yiwe maze nitegereze ibi bintu vy’ibicapo vy’abakobwa ku mpome zose… Reka nitegereze ibimenyeshamakuru ariko arasoma ng’aha ku meza yiwe, hanyuma ndamwumvirize ariko arumviriza i radiyo ku bintu bijanye n’indirimbo z’ubupfu zo muri Afrika za rock and roll na Boogie woogie, ndashobora kukubwira neza na neza ubwoko bw’i Mpwemu afise.

Itegereze ivyo afungura. Ntaco bintwaye ukuntu agenda mw’ibarabara hariya, ibi nivyo vy’ukuri bimubeshejeho. Izi nizo mfungurwa ziwe zihariye. Ukwo ni ukuri.

Reka… kangahe… ntaco bitwaye incuro yosemerera canke avugwa neza mu kibano, n’igihagararo ciwe canke ico ari mu kazi kiwe, ivyo ntibizana itandukaniro na gatoya. Itegereze impwemu imubeshejeho, imiziki yumviriza, ivyo asoma, ivyo yitegereza. Ushobora kubona ibimugize ico gihe. Kandi kamere yiwe izokwama yivugira.

Umutsima wa Buri Munsi

Nuko muzobamenyera ku vyo bama.
Matayo 7:20

24-0130

65-0718M Kugerageza Gukorera Imana Igikorwa Atari Ubugombe Bw’Imana

Ntimuzigere mutanguza canke mugerageze gushinga idini. Ntimugerageze kuryubakako ikintu ico ari co cose.

Ariko guma muciye bugufi imbere y’Umwami Imana Yanyu, kuko bisa n’irembo rishobora kubugururirwa ngo mwinjire mu Gihugu mwasezeraniwe vuba. Rero twinjire n’indirimbo z’ukuri n’umunezero igihe Umugeni n’Umukwe bazofata icicaro ku Ntebe y’Ubwami.

Baho mu guca bugufi. Baho mu gukundana. Mukundane. Ntimukagire ikintu na kimwe hagati yanyu. Namba mubonye ikintu kinaka kije mu mitima yanyu kirwanya umuntu kanaka, gisohore ningoga. Ntimureke…

Kandi satani azokora uko ashoboye aze muri mwebwe. Murabona ? Ntimureke ivyo ngo bishike. Birashoboka ko umuntu afise akarimi gasosa ashobora kuza kandi akagerageza kubashiburira kure y’Ivyo. Mwibaza ko bari kubwira Mose ngo ave mu Nyonga h’Imana, aho yari ahagaze harya kandi yaYibonye ? Oya, Mugenzi. Oya. NtidukuraKo canke ngo twongereKo. Bigumye gusa nk’uko Umwami Yabivuze. Ntidushaka idini. Ntidushaka idini. Ntidushaka imigambi y’abantu. Ntidushaka uburiganya. Ntidushaka abashwana. Dushaka Imana, kandi niWe Jambo

Umutsima wa Buri Munsi

Mugerageze vyose, mugumye ivyiza,
1 Ab’i Tesalonike 5:21

24-0129

60-0925 Uriya Munsi I Kaluvariyo

Yari neza na neza Umuntu umwe, Umuntu Atunganye. Yatanze ubugingo bwiWe, kandi Akubera akarorero. Ubu dutegerezwa gukora iki ?

Ubu, ikintu ca mbere nshaka kuvuga, n’uko Yesu Atigeze Abaho kubwiWe. Ubuzima BwiWe bwabereyeho abandi. Ukwo ni ukunengesera kw’Ubugingo Budashira. Iyo uvuga ko uja mu rusengero, kandi ugakora ibikorwa vyiza, ivyo ni vyiza. Ariko iyo ubayeho ubuzima bwawe kubwawe, ntufise Ubugingo Budashira. Ubugingo budashira ni ukubaho kubw’abandi. Nico Bwemeje hamwe Bwaza mu Mwagazi w’Intama w’Imana. Yabayeho Anafise Ubugingo Budashira kuko Atabayeho ku bwiWe. Yabayeho kubwo abandi. Kandi wakiriye ubugingo Budashira, mu kwakira urya munsi, kandi ntiwasubiriye kubaho ku bwawe ukundi. Ubayeho kubwo abandi.

Umuntu umwe yavuze ati, “Ni gute ushobora kureka umuntu wese akakwita amazina mabi?” Ntubayeho kubwawe. Ubaho kubw’abandi, kugirango ucungure uwo muntu. Muhinduka abana b’Imana. Kandi ikibazo cavyo n’uko, ishengero ryibagiye ko ari abana. Uri umwana. Ufata ikibanza ca Kristo. Uri umwana, rero ntukabeho kubwawe. Baho kubw’abandi.

“Kandi rero, MweneData Branham, ndashobora kubaho kubw’uyu mweneData, kuko ari umugabo mwiza ata nkeka.” Siko bimeze.

Baho kubw’urya muntu akwanka. Baho kubw’urya muntu yoshobora kukwica abishoboye. Nivyo baMukoreye. BaraMwishe, maze Arapfa, kugira ngo abacungure. Ubwo ni bwo Bugingo Budashira.

Umutsima wa Buri Munsi

Ariko mwebge mwumva ndababgire: Mukunde abansi banyu, mugirire neza ababanka, Luka 6:27

24-0128

61-0122 Nk’uko inkukuma ikangura ivyana vyayo mu cari

Ni nk’uko inkukuma papa yiyumvira kubw’abana baYo,yooo es’ ingene Igenda yiyemera. Arabakankamira ;nabo bakamusubiza.Ivuga iti, « Ni ivyo. Ndi uwo Nari .

« Amen Papa. »
« Ndi uwo Ndi. »
« Amen Papa. »
« Ndi Uwugiye kuza. »
« Amen Papa »
« Ndi wa Wundi ejo uno munsi no mu bihe bidashira.”
“Amen Papa.”
“Nguma Ndi Uwukiza indwara.”
“Amen Papa”
“Ndacatanga Mpwemu Yera”
“Amen Papa.”
“Ndi wa Wundi ejo uno munsi no mu bihe bidashira.”
“Amen Papa.”
“Amen.”
Igikona gitoya kivuga kiti, “a, a, a.
“ Wa gisiga gitoya we, ni igiki uzwiragirira?Sohoka uve muri ico cari. Wa kinyakabaka we,ivyo ari vyo vyose, wewe ntushobora kurya imfungurwa z’inkukuma.”Ukwo ni ukuri. Yoo, Mana We.

Umutsima wa Buri Munsi

Nk’uko inkukuma ikangura ivyana vyayo mu cari, Igahungiriza amababa hejuru yavyo, Igasanza amababa, ikabijana, Ikabiheke ku mababa yayo.
Gusubira mu Vyagezwe 32: 11

24-0127

62-1122 Kugaruka na Yubile

Ni mugaruke, ni mugaruke. Mpwemu Yera Arasemerera Ati, « Ni mugaruke. » Ndashobora kwiyumvira igihe Yesu Kristo Yitegereza I Yerusalemu maze Ararira. Yarahakunze hanyuma baramwanse.

Kandi umuntu yuzuye Mpwemu Yera iri joro arashobora kwitegereza hanze y’ishengero hanyuma akabona abantu bakaka, buzuye ubushobozi bw’ubwiza bw’Imana. Kandi Mpwemu Yera mu mitima yanyu Araboroga amarira yo kwicuza. None twakoze iki ?

Imana Yaraduhamagariye gusohoka, yahamagariye gusohoka ba sogokuruza bacu haraheze imyaka mirongo itanu hama twarasubiriye inyuma, kandi murabona ico vyatuzaniye, umugwi uteye isoni munsi y’izina rya Pentekoti, abantu banwa itaba, abantu banwa inzoga, abantu barongora gatatu canke kane, abagore bakata imishatsi yabo, bisiga amarangi, bambara udukabutura, bambara impuzu ziteye isoni n’ibindi. Biyita ubwabo abakobwa b’aba Pentekoti. Mbega ibiterasoni kw’izina rya Kristo. Mbega ibiterasoni kw’ishengero ryiWe, ntibitangaje yavuze ko amazina y’amarogotano yavuye i babuloni, idini, uruzazane, akajagari kose n’ubwoko bwose bw’ibi bintu, birya n’ibindi . Kristo ari hehe mu kintu cose ? bagenzi ni mugaruke.

Umutsima wa Buri Munsi

… uwo mwaka uzobabere uwa yubile ; umuntu wese muri mwebwe aheze agaruke mw’itongo ryiwe kandi umuntu wese agaruke mu b’i wabo. Abalewi 25 :10

24-0126

56-0814 Urukundo rw’Imana n’ubuntu burengeye vyose

Nisanze ndi kumwe na … Naruriye kw’ifarasi ndayigenderako hamwe n’ibindi. Nuriye hejuru y’umukogote w’ifarasi nakoranirije hamwe, imyaka myinshi, mu buryo ubu canke ubundi, inyuma y’iminota mikeya, nasanga yarambitse umutwe wayo ku bitugu vyanje. Nashira wa musego bicarako hejuru y’ifarasi ngaca ndayigenderako umwanya, kandi ikintu ca mbere mwomenya, naca ndayurira nkayigenderako. Murabona ? i… iragukunda. Kandi asangwa uyikunda vy’ukuri, irabimenya.

Ubu ni mwumvirize, ngomba kubabwira ikintu. Abantu bazi ubwenge kurusha ibikoko, kandi ntushobora kubwira abantu yuko ubakunda… ntibashobora kuvyemera, kugeza habonetse ikintu c’ukuri kibigaragaza. Rero muvuga muti, « Yooo, mweneData, urazi twagize ugufatanya kwa beneData guhambaye. » Kandi ibwina mu mutima wawe, hariyo inzigo ? Irazi ibitandukanye n’ivyo. Imana Irabizi. Umugenzi wawe arabizi. Utegerezwa kuba utunganye, uri imvugakuri, ukabona kuvuga uti ; « Mwami Mana, Remera muri jewe, umutima utunganye ngo nshobore gukunda. »

Umutsima wa Buri Munsi

Abo nkunda, dukundane : kuk’urukundo ruva ku Mana. Umuntu wese akundana yavyawe n’Imana, kand’azi Imana. 1 Yohana 4:7

24-0125

61-1119 Inkomezi zitunganye mu ntege nke zitunganye

Ba umunyantege nke kugira ushobore kuba umunyenkomezi. Nivyo bizotsinda amadayimoni yose. Nivyo bizomaramaza abahanga. Nivyo bizozana abagabo n’abagore abo Imana Yahamagaye, kandi bo bonyene.

Wibuke yuko, « Ivyabaye mu gihe ca Nowa bizoshika no mugihe c’ukuza kw’umwana w’umuntu, harokotse ubugingo umunani. » Mu gihe ca Eliya, ibihumbi indwi nibo bari baMufise. Yooo, iyumvire rero igihe tubayemwo. Igihe Yohana yashika ku rubuga, rirya shengero ritoya ryari rifise abantu bakeya, ariko hari hakiri imikuza vyo gusukamwo amavuta. Haleluya.

Mana, reka twiyambure vyose.

Iyambure, bagenzi. Mucike abanyantegenke! Jugunya kure inkomezi zanyu bwite! Kandi namwe hariya kw’iradiyo… Atari iradiyo, ariko hariya mu… muriko murumviriza izi bande, aho ari ho hose zoba zivuye, iyambure vyose. Itange nk’ikimazi kuri Alutari y’Imana. Reka Umumarayika azane ikara ryaka umuriro, uzuza uwo mukuza n’ubushobozi bw’Imana Ihoraho. Mucike… rero Azobagira abanyenkomezi, Azobaha Ubuntu bwo kuguma muhagaze.

Umutsima wa Buri Munsi

Murondere Uhoraho n’inkomezi ziwe; Murondere mu nyonga hiwe ibihe bidashira.
1 Ngoma 16:11

24-0124

65-0418E Mbega Imana Irahindura Ivyiyumviro VyaYo kw’Ijambo ryaYo?

Imana Yaremereye Isirayeli kugira icagezwe, mu Kuvayo, igice c’i 19 mu gihe ubuntu bwari bwabahaye umuhanuzi, inkingi y’umuriro, Umwagazi w’ikimazi, ubushobozi bw’incungu ariko bobo baguma basemerera basaba Icagezwe. Ntabwo bwari ubugombe bw’Imana, ariko cashizweho kubera umuntu yashaka kukironka. Kandi yavumwe kubw’ico cagezwe yariko ararondera.
Ni vyiza kuronka ubugombe bw’Imana. Nivyo Yatwigishije. « Ivyo Ugomba bibe. Ubwami bwaWe buze. Ivyo Ugomba bibe. » Dutegerezwa kwiyegurira Ubugombe bwiWe n’Ijambo ryiWe. Ntimwigere murikekeranya. Ryizere. Ntimurondere uburyo bwo kurica inyuma. Rifate ukwo Riri.
Abantu benshi bashaka kurica inyuma, bagafata iyindi nzira. Kandi iyo mubikoze, muzobona ko mubandanya ukwo nyene, muzobona ko Imana Ibahezagira, ariko muba muriko murakorera mu bugombe bwiWe bwo gupfa kwemera yamara atari ubugombe bwiwe bw’Ubumana, butunganye.
Azovyemera nk’ukwo nabibabwiye, ariko nta—ntazoreka ngo ivyo bibe ubugombe bwiWe bugororotse ; ariko Azokora ku buryo ivyo bifataniriza hamwe gutanga icubahiro hamwe no guhezagira ubugombe bwiWe bugororotse.

Umutsima wa Buri Munsi

Arababarira, ati Ni mwasenga, muvuge muti Data, izina ryawe ryubahwe, ubgami bgawe buze;
Luka 11:2

24-0123

62-0128M Ukutizera Ntiguhagarika Imana

Asangwa twari dufise,hamwe tuzaniwe ukwizera ukwo ari kwo kwose kunyuranye n’Ijambo ryanditswe, ntitwotegerejwe kukwakira, kuko ari uko Satani yagiriye Eva. Yari afise Ijambo, ariko yariko ararondera umuco mushasha ; kandi Satani yari arajwe ishinga nuko yowakira. Rero, ntitwotegerjwe kongera ikintu na kimwe kw’Ijambo, canke ngo dukureko na gatoya kw’Ijambo ; ariko ni murigumize uko Riri. Ni mugume neza na neza kw’Ijambo, kuko ikindi cose kinyuranye na Ryo ni ukutizera.

Umutsima wa Buri Munsi

Usene inzira y’ibirenge vyawe, kand’ingendo zawe zose zitungane
Imigani 4 : 26

24-0122

58-0130 Inyandiko ku rusika

Uriko ukora iki ? uruja n’uruza mu kabare, n’ahandi hantu mu micungararo, hamwe no mu ntambo za Rock and Roll, na hariya muri ririya shengero ritoya ry’abanyamategeko ; kugira ngo wumvirize umwungere ariko arigisha ku kintu kinaka ! Yooo, araryoshe kwumviriza, ukwo ni ukuri, akantu gatoya, kuko niko kazi kamubeshejeho.

Ntimwigeze mumpa akazi ngo nze ng’aha, ntimushobora kunyirukana, kuko ni Imana Yampaye akazi. Nivyo. Nta musenyeri, nta musenyeri mukuru, nta shengero na rimwe rimbwira ivyo nigisha ;numviriza Imana, nkaronka Ubutumwa bwiWe, Ni ivyo gusa. Sinigera ntwara amahera yanyu, sinazanywe n’amahera yanyu, nta nayo nkeneye.

Naje kugira ndabagabishe, mw’Izina rya Kristo, mwitegure, igihe kiregereje ; kandi iherezo ry’igihe c’ishengero rishobora gushika imbere y’uko umutwenzi utambika.

Umutsima wa Buri Munsi

Guhera ubwo, Yesu atangura kwigisha, ati Mwihane, kuk’ubwami bwo mw’ijuru buri hafi.
Matayo 4 :17

24-0121

50-0200 Nta Gisagara gihoraho dufise ng’aha

Namwe rwaruka mwibuke.Uyu munsi asangwa mugiriwe ubuntu bwo kuba mugifise so na nyoko bakiriho, bakunde, bubahe. Igihe kizoza muzovuga ko bari abantu badasanzwe muri iyi si, asangwa nubu atari ko biri. Kandi ntimukigere na rimwe , bana bato, mukoresha iri jambo ryo kubasuzugura ngo : « mutama » hamwe na « mutamakazi ». Ntabwo ari mutama na mutamakazi. Ni papa na mama.

Kandi umunsi umwe, igihe bazovanwa mu nzu , bari mw’isandugu ririko amashurwe, mu mwanya bazoba babamanuye mu mva, muzokumva umwungere avuga ati : umunyota usubiye mu munyota n’umukungugu…« Muri uwo mwanya ntazoba ari « mutama » ntazoba ari « mutamakazi ». Azoba ari mama. Muzokwikubagura mwongera murira.Ukwo ni ukuri.

Mugihe rero nyoko akiri muzima, muhe amashurwe ubu, kandi uha amashurwe so. Ukwo ni ukuri. Kandi rero amashurwe ahambaye woshobora kubaha, ni ukububaha.Kandi iryo ni isezerano rya mbere muri Bibiliya, icagezwe ca mbere hamwe n’isezerano : Wubahe so na nyoko, kugira ng’urambire mu gihugu jewe Uhoraho Imana yawe nzoguha.

Umutsima wa Buri Munsi

Wumvire so yakuvyaye, kandi ntugakengere nyoko ashitse mu butamakazi Imigani 23: 22

24-0120

59-0823 Imiranga y’inzige zikegeta, Izararaye, Izitaragurika n’iziyigiza

Rero, asangwa hari ikitagenda neza mw’ishengero, uyu munsi, asangwa ridatera imbere nk’uko ryotegerejwe, kubwanje twotegerejwe kugaruka ku rwandiko rwo kwa muganga rwerekana ingene umuntu afata imiti, kugira ngo turabe ikitagenda neza, turabe igituma ishengero rirwaye, turabe igituma indwara iri mw’ishengero ryacu, indwara y’icaha. Dutegerezwa rero kumenya ico umuganga yanditse, hamwe no kuraba nimba abungere bacu batanga imiti yanditswe. Kandi, mwibuke, mushobora kwongera ku canditswe cagaragajwe neza na neza, gutyo mugaca mwica umurwayi. Hama rero, simvuga yuko arivyo twakoze, yamara asangwa bamwe mu batanga imiti bacu boba bongeyeko ikintu k’umuti wanditswe n’Imana ? Asangwa barabikoze, bariko bica umurwayi, bariko batuma bapfira mu vyaha.

Umutsima wa Buri Munsi

Ntimuzimire, bene Data nkunda Yakobo 1:16

24-0119

63-0901M Ikimenyetso

Kuvy’isi ibona, ni ubusazi. Ariko, ku Mana, ni yo nzira yonyene. Ikintu conyene Asaba ni ico Kimenyetso. Gitegerezwa kuba gihari. Kandi ntushobora kugira Ikimenyetso ikiguzi kitabanje kurihwa, rero uri mwene ico Kimenyetso kiguha uburenganzira bwo kurengana ata ngorane. « Ni Nabona amaraso, Nzobarengana. » Mbega igihe,mbega ibakwe ryo kumenya ko ufise muri wewe murekarengane ! « Ninabona amaraso , Nzobarengana . » Ni co kintu conyene Azokwemera. Nta kindi kintu gishobora gufata ikibanza caco ; nta gisubirizi, nta dini, nta kindi kintu. Ico ni co gisabwa. Imana Yaravuze Iti, « Nta kindi nzoraba Atari Ico. »

Umutsima wa Buri Munsi

Kandi ntimukababaze Mpwemu Yera w’Imana, yabashiriweko kuba ikimenyetso, gushitsa ku musi wo gucungurwa.
Abanyefeso 4:30

24-0118

58-0517E Icaha c’ukutizera

Imana yo muri kahise yokumarira iki, mu gihe atari Iy’uno munsi ? Asangwa umuriro wa Pentekoti utaka co kimwe n’uwa kiriya gihe,iciza wokora mu kuwuvuga coba ari ikihe ? Vyomara iki mugihe umuntu yoba yishwe no gukanya birenze hama ugaca umucapako umuriro ukamubwira ko umurira waka ? Ivyo ntivyomushusha na gatoya. Ntihakenewe umuriro w’igicapo ; asangwa yatimvye,ico akaneye ni umuriro uriko uraka. Kandi asangwa –abantu basoma Bibiliya ntibakeneye Imana Yabayeho muri kahise. Reka tugire Imana y’ uyu munsi, Imeze neza na neza nk’Iriya ya kiriya gihe. Dukeneye Imana yo muri kubu.

Umutsima wa Buri Munsi

Imana ni yo buhungiro bwacu n’inkomezi zacu,N’umufasha atabura guseruka mu magorwa
Zaburi 46 ;1

24-0117

55-1120 Hari iki mu kiganza cawe ?

Iyi Bibiliya ni icete c’Imana. Kandi Isezerano ryose Riri muri Yo ni rwawe, hamwe woRyizera ukaryemerana intumbero igororotse. Riri muri wewe, ivyizigiro vy’Ubwiza, Kristo.

Itegereze. Mbega mwinjira gute muri Kristo ubu ? Ubwa mbere, tumWakira kubw’ukwizera, mu kuMwizera. Ubwa kabiri, « Kubwa Mpwemu umwe niho twese twabatirijwe, kugira ngo tube Umubiri umwe. » 1 Ab’Ikorinto 12. Kubwo kuba umunywanyi gusa ? Kubwa Mpwemu umwe, twabatirijwe twese mu mubiri umwe. Abo ni Abizera bamaze kwizera Umwami Yesu Kristo, babatizwa na Mpwemu Yera umwe, kugira ngo bagire umubiri wa Yesu Kristo. Ivyo binyuranye n’inyigisho zanje z’iki Batisiti, ariko ni Bibiliya.

Ndi umu Batisiti mu gihe cose ivyo biguma muri Bibiliya ; hanyuma ndi Bibiliya.

Umutsima wa Buri Munsi

Mbega mwarahawe Mpwemu Yera igihe mwizera ?
Ivyakozwe n’Intumwa 19 :2

24-0116

62-0204 Isangira Ryera

Rero, dushaka kwiyumvira kuri Yesu no gufatanya na We, kuco Yari . Umubiri wiWe, ni iki ? Umubiri wa Kristo ni igiki ? ni umubiri w’abizera bifatanije naWe muri Mpwemu Yera. Si ikigirwamana, si akamanyu k’umukate, ariko ni Mpwemu Ari mu mutima w’uwizera, kandi bafatanirijwe hamwe, ni igihe umuntu n’Imana bashobora kuvugana umwe ku wundi, abahungu n’abakobwa b’Imana. Guseswa kw’ amaraso vyatumye umuntu apfa, akurwako icaha. Kandi uwo mugabo, uwo mugore, uwo muhungu, uwo mukobwa, bifatanije na Kristo, bagiriranira isangira ryera naWe, umubiri.

Umutsima wa Buri Munsi

natwe ni ko turi; turi benshi, kandi tur’ umubiri umwe muri Kristo, umuntu wese n’urugingo rwa mugenzi we.
Abaroma 12:5

24-0115

63-0630M Ukuvayo kwa Gatatu

Ndizigiye ko ubwenge bwa mpwemu bushobora kubitahura. Ndazi neza ko mwabitahuye. Ariko ndibaza, hariya hanze. Ukwo bimeze kwose, ntushobora kugendera igihugu cose. Ushobora kukirungikira amabande. Imana Izoronka uburyo bunaka bwo gukura kirya ciyumviro hariya aho rurya rubuto rwatewe. Ni vyo. Kandi ubwo nyene Umuco ururasiye [MweneData akomye amashi rimwe—Umwanditsi.] ruragiye, rufata Ubugingo. Nka wa mugore mutoya kw’iriba, yavuze ati, « Ng’ubwo. » YaraBucakiye.

Umutsima wa Buri Munsi

Kand’ ubu butumwa bgiza bg’ubgami buzovugwa mw isi yose, ngo bube ikimenyetso kibere icabona amahanga yose, maz’ umuhero uzoca uza.
Matayo 24:14

24-0114

56-0219 Kurongorwa na Mpwemu Yera

Rero, ico nico kintu kiriko kirashika uyu munsi, igihe tubona abantu , kandi abantu bisutse mu kintu kibatuma bavugangwa ku mugaragaro, ku buryo hari ukwibaza ibibazo rimwe na rimwe. Ntimuze mwigere na rimwe mushira umuntu hejuru mumurutishije uwundi. Oya mugenzi, ntaco bitwaye uwo yoba ari wese, naho yoba ari umuntu mutoya w’intwari atanga udutabu mw’ibarabara canke umu- umu billy graham.

Ntaco bitwaye uwo yoba ari wese, asangwa ari umukozi w’Imana, bubahe co kimwe bose, bose hamwe. Nti mukagire uwutoneshejwe kurusha uwundi . Ivyo ntavyo dufise. Ivyo nti mubikore. Kandi ntimukubahe umuntu umwe mumurutishije uwundi. Nimube… abantu bose ni bafatwe kumwe.

Kandi mweneData na mushiki wacu, mw’Izina ry’agaciro rya Yesu, ndabasavye mufate mweneSo ko ari mutoya cane muri bariya beneData. Murabona? Nyene nka… jewe- simvuze ivyo ngo mbe uwuciye bugufi. Mvuze ivyo bivuye mu mutima wanje kuko ari vyo niyumvira. Ni Yesu Kristo ndiko ngerageza guserukira kuri mwebwe (murabona?) Yesu Kristo Umwana w’Imana.

Umutsima wa buri munsi

Arikw iyo murobanuye abantu ku cubahiro, muba mukoze icaha, mutsinzwe n’ivyagezwe ko mubaye abanyabicumuro.
Yakobo 2:9

24-0113

63-1128E Ikimenyetso

Igihe Imana Yatanguza ukuvayo,ukuva muri Egiputa, Iriko Ihamagara Isirayeli ngo ive muri Egiputa, ije mu gihugu c’isezerano, nta kwisigura kwabaho. Umuntu wese yategerezwa kwerekana ku mugaragaro amaraso.

Kandi uyu munsi, ukuvayo kuriko guhamagarira gusohoka mu madini no kwinjira mu mugeni. Ntaco bitwaye amadini wabayemwo, haracariho ikimenyetso c’Ubugingo bwa Yesu Kristo ubugira kandi. Nta kindi kintu na kimwe kizokora, iminsi yose ni ikimenyetso gisabwa.

Umuntu wese, naho yoba ari umuntu ameze neza. Yoshobora kuba yarabaye farawo wo muri Egiputa,yari umuntu ahambaye wo muri ico gihe, mugabo ikimenyetso categerezwa gushirwako, no kuri we nyene. Ukwo yoba yari umuntu ahambaye kwose. Yaba musenyeri, umuherezi, uwo ari we wese, umukuru w’igihugu, umwami, umukuru w’abami, umunyabubasha. Ivyo ntaco vyasana n’ivyo. Ni ico kimenyetso conyene Imana Yemera kw’ihanga ry’isezerano.

Umutsima wa Buri Munsi

Mwibuke isezerano ryiwe imisi yose, Ijambo yashinze muryibuke uk’ urunganwe rwanyu rugenda rukurikirana gushitsa ibihe igihumbi,
1 Ngoma 16:15

24-0112

49-1225 Ubumana bwa Yesu Kristo

Kandi uwo muntu hano, ico nico niyumvira kizana ibihari vyinshi mu ruhande rw’abatizera n’abantu batandukanye. Ariko igihe kiraje aho Imana Isutse Umuco waYo; ng’iki igihe aho Imana Iriko Ishitsa ibi bintu. Ukwo ni ukuri. Kandi rero ubu iyo baharira bati, « Rero amaguru yiwe asa n’ay’idubu n’ibiganza vyiwe vyasa n’i—n’inguge canke i—inkende canke ikindi kintu, » Kandi bagerageza kuvuga bati inkomoko yiwe yazananye ng’aho. Ivyo ntaco bisa bisana.

Uwu, ni umubiri w’inyama uwo abamwo, ni nk’inzu. Uzosubira mu mukungugu w’iy’isi. Ariko impwemu ihoraho; yavuye ku Mana. Ni iyo shusho y’Imana. Imana ni Mpwemu.

Urya muntu yatakarije inkomoko yiwe mu murima wa Edeni, imigenderanire yiwe n’Imana, ugufatanya kwiwe naYo vyakuriweho hariya kubera icaha n’ukutizera. Ukutizera iki? Ijambo ry’Imana. Eva yeretswe ifoto umunsi umwe, kandi yamubwira ko vyose vyobaye vyiza kurushiriza, hamwe yoretse—gusa Ijambo ry’Imana, « Agahindukirira ivyiyumviro ». Ntubikore. Imana…

Hariho itandukaniro hagati y’ivyiyumviro n’Ijambo ry’Imana. Ijambo ry’Imana ni ukuri; ivyiyumviro ni ikinyoma. Nta kintu woshobora gutorera inyishu kubw’ivyiyumviro. Ukwo ni ukuri. Ubwenge bwacu ntabwo, murabona, ntibwobishobora, kandi ntibuzokwigera bushobora kwinjira mu bwenge bw’Imana Ihoraho. Nico gituma ari bibi kuVyiyumvira; dutegerezwa kuVyizera.

Umutsima wa Buri Munsi

Mbeg’ umunyabgenge yokwishurana amagambo asunitswe n’impwemu, Umuyaga akaba ari wo yuzuza inda? Mbega yoburanisha amagambo atagira ikimazi, Canke yovuga ibitagira ico bivura? Yobu 15:2-3

24-0111

63-0120E Rindi rimwe, Mwami

Bibiliya ivuga iti, « Rirya shengero ritunze ry’i Laodikiya ataco rikenye muga rigenda amenya, impumyi, umutindi ariko ntiribimenye» Ubu, ubonye umuntu ari mw’ibarabara, agenda amenya kandi w’impumyi, ugashobora kumubwiye ko ari muri ubwo buryo, ko agenda amenya, ko yotegerezwa kuja ahantu maze akihisha, rero urashobora gukura uwo muntu mw’ibarabara. Ariko asubiye inyuma, nuko adafise inkomezi zihagije z’ubwenge zo kubimenya ; rero ubu ishengero ntirifise inkomezi zihagije za Mpwemu zo kubimenya. Rigenda amenya, ryarafutanye, rirahumye, ni umutindi, rirakenye. Kristo Ari hanze, Adodora, Agerageza kwinjira, ariko ukavuga ko ataco ukenye.
Ndazi ko kuri bamwe muri mwebwe ari ivy’ingenzi, ariko ukwo ni ukuri kw’Imana. Ijambo rirabivuga ariko ntibacakira iyo mbono.

Umutsima wa Buri Munsi

kuko kera mwar’ umwiza, none mukaba mur’ umuco mu Mwami wacu: mugende nk’abana b’umuco,
Abanyefeso 5:8

24-0109

56-0404 Ukutihenda kw’Ijambo ry’Imana ryavuzwe

Ubuntu, ni kirya Imana Yabakoreye; ibikorwa nivyo mukorera Imana. Murabona ? Ni ubuntu bubazana ku Mana; Ibikorwa ni ivyo mu—mukorera Imana. Murabona ?

Rero nk’uko Aburahamu yatsindanishirijwe n’ukwizera, kuko yizeye Imana. Paulo Yamutsindanishirije kubw’Ukwizera; Yakobo nawe, Yamutsindanishirije kubw’ibikorwa. Ariko Paulo yariko avuga ivyo Imana Yabona, hanyuma Yakobo yariko avuga ivyo Umuntu yabona. Asangwa uvuze yuko uri uwizera, maze rero ugaca ukora ibinyuranye n’ivyo wavuze, aho ntabwo uba uri uwizera. Murabona ? Asangwa ubwiye Imana uti, « Ego, ndizera vy’ukuri ubu. » Hanyuma mweneData, nta kindi kintu na kimwe woshobora gukora uretse gukora ibijanye n’ivyo wizeye. Ukwo ni ukuri.

Umutsima wa Buri Munsi

Iyi niyo nzira, mube ari yo mujana. Yesaya 30 :21

24-0108

63-0724 Imana Ntirengutsa Umuntu Mu Rubanza Itabanje Kumuburira

Ico ari co cose Imana Ishaka ko ukora, rero ugikore nyene mu buryo bwa mbere uzi bwiza bwo kugikora. Uko coba ari gito kwose, uko coba ari gito kwose, utegerezwa kugikora.

Uvuga uti, “emwe…” Ingorane yavyo, n’uko, umwe wese muri twebwe ashaka gukora akazi k’umuntu akurikira. Twese dushaka gufata umupira, nkuko tuvuga, murabona.

Ni nk’iyi saha, rero, buri ntambuko ntoya muri yo ifise ikibanza cayo. Rero, igice cose muri yo ntigishobora kuba inshinge. Rero, ndaba gusa ku nshinge kugira ngo mbone igihe ico ari co. Ariko kamwe muri utwo twuma dutoduto muri yo kavuye ku murongo, igihe ntikizoguma ari ic’ukuri.

Kandi uko ni ko biri ku bantu. Twese, Umubiri wa Kristo, utegerezwa kuba mu kibanza cawo, mu mu kunywana. Murabona ? Aho rero dushobora kuraba irya n’ino maze tukabona igihe c’umunsi aho kigeze. Murabona? Aho rero isi iraraba ngo ibone ico ari co. Murabona? Murabona? Ariko barakuraba. Kandi namba uri akuma gato gusa, icuma gikuru, canke ico uri cose, wewe ukore akazi keza gashobotse ushobora gukora kuri ivyo.

Umutsima wa buri munsi

Mukunde Uhoraho, yemwe bakunzi biwe mwese: Uhoraho azigama abizigirwa, Ukora ivy’ ubgibone abimusubiriza mu nkoko kenshi. Zaburi 31:23

24-0107

57-0307 Imana Ishitsa Ijambo ryaYo #2

Abantu benshi bavuga bati, « Yemwe ntatandukaniro bizana kuvyo nizera, mu gihe ndi imvugakuri mu vyo nizeye. » rero, asangwa bimeze uko, uwizera Mohamed yarakijijwe, uwizera Buda yarakijijwe, kandi abo bose ; abapagani barakijijwe.kuko mvuze yuko bashobora kudusumvya umunsi uwo ari wo wose, igihe hageze ugusenga, kwisonzesha, n’imishishimuko canke n’ibindi ; barashobora kudusumvya, kandi agakiza ntikerekeye canke ntigashingiye kuri ivyo, canke ikindi kintu kiretse Ijambo ry’Imana. Imana nuko itegerezwa kubivuga.

Agakiza ntigashobora gushingira kw’ishengero iryo ari ryo ryose, canke nemera iyo ari yo yose, nta kindi kiretse Ijambo ry’Imana, kuko ni Ijambo ry’Imana. Ijambo ry’Imana riratunganye rwose, nta kanyuguti na kamwe karYo kazonanirwa. Amajuru yose azonanirwa ; isi izonanirwa. Yohana yavuze mu—mu kizinga ca Patimo ati, « Nabonye Ijuru n’Isi nshasha, kuko Ijuru rya mbere n’isi ya mbere vyari vyakuweho. » ariko Ijambo ry’Imana ryarabandanije, co kimwe.

Umutsima wa Buri Munsi

Kuko, Abafise umubiri bose basa n’ivyatsi, Ubgiza bgabo bgose bumeze nk’amashurwe y’ivyatsi; Ivyatsi biruma, amashurwe agahunguruka, Arikw ijambo ry’Uhoraho ryamah’ ibihe bidashira.
1 Petero 1:24-25

24-0106

60-0802 Imana Ishobora vyose

Ingwara niki ? Ingwara ni icamwa c’icaha. Ubwa mbere nta ngwara twari dufise, nta caha twari dufise. Ingwara yaje nk’icamwa c’icaha, nkumbure, si icaha cawe ariko, icaha c’abavyeyi bawe. Nk’uko wabihawe igihe wavuka, n’ibindi.

Rero, ntutegerezwa gusa… namba isato niniya canke— canke igikoko nk’intambwe, yacumise amajanja yayo mu rubavu rwanje, ico cari ikivyimba canke canseri kandi yagerageje kunyica. Nta kamaro ko kugerageza gukata ikirenge ciwe kugira haboneke ugukira indwara kuvuye mw’ijuru. Namba umukubise mu mutwe gusa, ivyo vyokwica ibintu vyose.

Kandi igihe Yesu yapfira ivyaha, yapfiriye buri gace kose icaha cazanye. Murabona ? rero igihe icaha carangira, vyose vyari birangiye, umugambi wose wo gucungurwa. Rero turi… bisaba kumukubita mumutwe, ikibazo c’icaha, mu kwica icaha, wica ibikigize vyose. Murabona ?

Icaha niki ? kutizera. Rero igihe wishe ukutizera kwose, yemwe, ucumenya ko ijambo ry’Imana ari ukuri, ko ari wa wundi ejo n’ibihe bidashira, rero amasezerano yose ni ayanyu. Gendagenda mu gihugu, vyose ni ivyanyu, birabegukira. Mubinezerererwe, ni ivyanyu. Imana yarabibahaye.

Umutsima wa buri munsi

… nk’abatagira ico batunze, yamara dutunze vyose. 2 Ab’I Korinto 6 :10

24-0105

65-0217 Umuntu ahunga mu nyonga h’Uhoraho

Biroroshe kujana inzira isi yafashe. Biroroshe gukurikira ako gakuku.

Genda wicare hariya mu bwato bwawe hejuru y’uruzi. Akira ingafe zawe utangure gusoza. Ujana iyo umukuba uzanana; ntuzogenda unyaruka kandi bizoba bigoye. Ariko rekura ingafe zawe hanyuma witegereze umuvuduko uzoba ufise imbere y’ibiti urengana umanuka, ariko itegereze iyo uriko uraja!

Igihe ibintu bigenda neza, mwibuke, uba uriko uragenda ugana u—umumanuko w’amazi. Uba uriko ugana umumanuko uhambaye w’amazi, kuko ata mwanya urahera uzogwa muri ayo mazi. Biroroshe gufata inzira y’isi, ukwo igenda, si ivyo mukeneye. Oya, mugenzi. Ariko mutegerezwa inshi-… guhangana n’inshingano zanyu.

Rero, muravyizera, kandi mu-… Mwiyumvira ko Ari Ukuri.

Kandi inshingano Imana Yaduhaye muri iki gihe , ni iyo gutwara ubu butumwa! Kandi nk’uko ndiko ndasaza, nkaba nzi yuko iminsi yanje iriko iragabanuka, ndushiriza kwiyumvamwo iyi nshingano nk’uko bitigeze bimbako na rimwe. Kubandanya, udahesha, nivyo dutegerezwa gukora! Dutegerezwa kubibamwo, hose aho tuja, tugaca dutanganza ubu butumwa; maze—maze tubwire abantu ko Yesu Kristo Agarutse, ko Ari Imana kandi ko Agarutse vuba. Nta kindi gisigaye—ikindi cizere kw’isi uretse ukugaruka kw’Umwami.

Umutsima wa Buri Munsi

BeneData, jeho ku bwanje sinibwira yuko maze kugifata, arikw ico nkora n’iki kimwe gusa, nibagira ibir’inyuma kandi nshingira ibir’imbere
Mbandaniriza gushika aho dutanguranirwa, ku mpera y’umuhamagaro w’Imana muri Kristo Yesu wo kuja mw Ijuru
Ab’I Filipi 3:13-14

24-0104

62-1013 Ukwandukizwa n’Uwundi

Luka 24 : 49 havuga hati, « Ehe, ngire ndabarungikire ico Data Yasezeranye, ariko mugume mu gisagara Yerusalemu kugeza aho muzokwambikirwa ubushobozi buvuye mw’Ijuru. »

Igihe kingana gute? Isaha imwe, amasaha abiri, iminsi cumi, amezi ane, amezi atandatu ? Ivyo nta tandukaniro bigira. « Kugeza aho… » Ivyo bifata igihe kingana gute ? Neza kugeza aho gusa… Igihe usavye Imana ikintu, guma neza hariya kugeza aho… Amen. Whew! Ni—niyumva neza. Guma aho kugeza aho… Kugeza aho iki? Kugeza aho bishika. Bisabe. Vyizere. Bigumye. Bikore. Bishingire intahe. Imana Ishimwe! Ego. Shinga intahe. Ntutinye. Bikore.

Bari mu cumba co hejuru. Bakora iki? Bahimbaza kandi bashima Imana. Kubera iki? Isezerano. Bari bazi ko ritegerezwa gushika. Ni ivyo. Bishire mu bikorwa. Genda uhimbaze Imana kugeza aho isezerano rishika. Mufise isezerano.

Umutsima wa Buri Munsi

… at’Ariko murorere isezerano rya Data. Ivyakozwe n’intumwa 1:4

24-0103

63-0126 Imitahe

AbaKristo ntibotegerejwe gutiga. « Yooo, rero ibi ni vyiza cane. Bizonzanira amahirwe kuri ivyo.” Ntimukabikore .
Akarorero karatanzwe, umugambi warateguwe neza, kandi ntituzowusanga mu mugwi munaka w’abantu. Ni mw’Ijambo ry’Imana. Ntugatigire kuri ivyo. Rero ,ivyo bintu ntubigerageze.
Kandi kenshi ikindi kintu nkunda kubona mu bantu . Ni umuntu aronka amahera makeya, maze agaca agerageza kuyashira mu mugambi w’akazi kamubwira ko azotunga ningoga, umugambi utazwi. Uzohasiga impuzu zawe kandi urabizi. Murabona? Ntimukagerageze kubikora. Umudandaza mwiza, yiyumvira ntiyokora ivyo. Ahubwo ni umuntu atamenyereye ako kazi yokwigerezako. Ntibizokuronsa amahera na gatoya.

Umutsima wa Buri Munsi

Hahirwa umuntu yironkera ubgenge, N’umuntu aronse ugutahura.
Imigani 3:13

24-0102

54-1219M Ugukira Indwara kuvuye ku Mana

Sinemeranya n’ivyizerwa vy’ aba katorika. Sinshobora kuba umu katorika mu buryo bw’ishengero katorika ry i Roma, kubera ko kuri bo “papa ntiyihenda kandi ishengero riza imbere y’Ijambo;kandi ishengero riri hejuru ya Bibiliya.” Ivyo sinoshobora kubikora.
Sinobikora mu bivuye ku mutima, ndi umu poloti kuko ntashaka gufata igice c’Ijambo hanyuma ngo mvuge nti: “iki gice carahumetswe, kandi iki naco carahumetswe; iki gisobanura ikindi kintu hamwe n’iki.”
Jewe ndi umusenzi wa Bibiliya. Nizera y’uko Iyo, Iyo ari Ijambo ry’Imana. Nta na kimwe kiri hejuru yaYo, nta na kimwe kizobaho na rimwe. Kandi mugihe hari ibihe bidashira, izo kwama ari Ijambo ry’Imana. Murabona? Nizera ko ari uko bimeze. Rero jewe…
Hashobora kuba hari ibintu ntatahura, birashoboka ko harimwo ibintu ntoshobora gushitsa, hamwe n’ukwizera kwanje gutoya mfise. Birashoboka ko ntoshobora kubishitsa, ariko biguma ari ukuri. Ni Ijambo ry’Imana. Ni Ijambo ry’Imana ntibiraba ivyo uwo ari we wese yovuga, ndaYizera ko ari Ijambo ry’Imana.

Umutsima wa Buri Munsi

Na we aramwishura, ati Cane-cane hahirwa abumva ijambo ry’Imana bakaribungabunga.
Luka 11:28

24-0101

64-0830M Ibibazo n’Inyishu #3

Yoo, nda- ndaMukunda. Mu mutima wanje ndaMukunda, namba nzi umutima wanje. Ndizera yuko namwe mu mukunda. Rero twese hamwe turi abana biWe. Turakundana. Rero, sinshobora kubakunda ntamukunda. Kandi namba mvuze yuko ndaMukunda hanyuma sindabakunde, Bibiliya Ivuga yuko ndi umubeshi. Murabona? Kandi namba…namba mushaka- namba mushaka, kunkunda canke gukunda umuryango wanje… Icifuzo nshaka nuko mutora hagati yo kunkunda canke gukunda umuryango wanje; kunda umuryango wanje. Noshima yuko mukunda Billy Paul hako mukunda jewe. Hokenerwa yuko mucagura, nokunze cane ko mukora ivyo. Ndashaka ko munyumviriza jewe, kubera ko Billy si umuvugaButumwa. Ariko ndashaka ko mwumviriza ivyo ndiko ndababwira; ariko mugihe… namba mushaka gukunda umuntu, kumukunda vy’ukuri, hanyuma mukavuga muti, “Nshaka gukunda wewe canke Billy,” kunda Billy. Murabona? Imana Itwiyumvirako gutyo. Kandi ntidushobora… Rero ndazi yuko mudashobora gukunda Billy mutankunda, kubera ko we ari igice c’iwanje. Murabona? Rero sinshobora gukunda Imana ntabakunda, kubera muri igice c’Imana. Kandi turakundana.

Umutsima wa Buri Munsi

Ndabaha icagezwe gisha: ni mukundane; nk’uko nabakunze, abe ariko namwe mukundana.
Yohana 13:34

23-1231

64-0619 Kwihata

Ibirwanisho vyose vy’Imana ni insigabwenge. Ibirwanisho vy’Imana ni ukuvuga iki? Urukundo, urukundo ni igiki? Nyereka ukoresheje ubumenyi urukundo ico ari co. Mbega ruri hehe? Muri mwebwe, ni bangahe bakunda? Shira ukuboko kwanyu hejuru; urakunda umugore wawe, urakunda mwenewanyu, urakunda bagenzi bawe? n’uko rero, nifuza kubwo ukugaragazwa k’ubumenyi ko umuntu yonyereka kimwe mu gihimba canyu coba ari urukundo. Ni hehe barugurira? Mu bubiko bw’imiti ya hehe? Ndarukeneye rwinshi. Urukundo, umunezero, mufise umunezero? Amahoro, ukwihangana, kugira neza, ivyo ni ibiki? Ivyo vyose ni insigabwenge.

Imana Ni Insigabwenge, ntushobora kwerekana Imana ukoresheje ubumenyi. Wizera Imana. ukaYizera. Asangwa utayizera, umuntu atangaza yuko “Ikintu cose kitagaragajwe kubwo ubumenyi, nticemewe, si ic’ukuri,” Uwo muntu ntazokwigera aba umuKristo na rimwe. Ategerezwa kwizera. Ni kubwo ukwizera twizera Imana. Si kubw’inyigisho canke tewolojiya. Ariko ni kubwo ukwizera twacunguwe.

Umutsima wa Buri Munsi

…Ikitava ku kwizera cose n’icaha.
Abaroma 14:23

23-1230

60-0313 NimuMwumvirize
Ntaco bitwaye ico wokora naho coba gitoya, Arazi ico ari co cose ukora. Gifashwe mu majwi mw’ijuru, ivyo ukora uko vyoba bingana kwose, nk’ivyo Billy Graham akora, canke Oral Roberts, canke abandi bakoresha ibikorane, si ibintu bihambaye dukora rimwe na rimwe ; yamara ibintu bitobito tudakora.
Kukw’Imana itarobanura abantu ku butoni .Yesu ntiyitwaririka umugwi. Yesu yahuye n’imigwi itandukanye, imigwi y ‘igihagararo gitandukanye n’ahantu hatandukanye, igihe kimwe yahuye n’abantu amajana atanu ; rimwe na rimwe abantu ibihumbi, igihe kimwe tumubona ari kumwe n’abantu cumi na babiri ; ikindi gihe, ari kumwe n’abantu batatu eka mbere ikindi gihe Yari kumwe n’umuntu umwe. Ntibiraba igihagararo c’umugwi, igikenewe, n’uko Yesu aba ng’aho kugira ngo ahure n’uwo mugwi. Ishengero ryoba ritoya canke rinini, igitigiri c’abantu mwigisha uko congana kwose, ikibazo ni iki, mbega mwarishikaniye Imana kugira ngo Yesu yifatanye namwe ?

Umutsima wa Buri Munsi

Ikintu cose ukuboko kwawe kwerekeje gukora ugikorane inkomezi zawe.
Umusiguzi 9 :10

23-1229

64-0307 IGISHINGANTAHE MU KIYAGA

Hamwe woba ufise umwana w’umuhungu akiri mutoya yicaye mw’ ibarabara,hanyuma ukavuga uti, « Gahungu, mukunzi, vyoba vyiza utashe mukunzi. Birashoboka, sinzi, ko imiduga yoguca irya n’ino». Ntukunda uwo mwana. Ni ukuri. Uzosohoka hanze uce umukosora, canke umwinjize ku nguvu. Ivyo ni ukuri. Uramukunda.

Uko niko Ubutumwa Bwiza bumeze. Imana iragukunda. « Nuko abo Ikunda bose Irabahana Igakangira abo bana bose baza kuri We ». Nimba mutihanganiye igihano, mugaca mwigira hama mugaca mushangashirwa kubera ivyo, aho rero muba muri abana b’ibivyarwa, ntimuba muri abana b’Imana. Rero, ni mwibuke, ko ico ari Icanditswe.

Ubu, ijambo rimwe ryiWe rirengeye ivyo jewe noshobora kuvuga vyose mu buzima bwanje bwose. Ni We. Turazi Isezerano ryiWe. Turazi ivyo yasezeranye gukora.

Umutsima wa Buri Munsi

Hahirwa umuntu Imana ihana : Nuko rero ntukagaye igikangiro c’Ushobora vyose. Yobu 5 :17

23-1228

64-0306 Uwuruta Salomo ari hano

Imana ntikeneye umusobanuzi.
Turasigura, tukavuga tuti, “ Ibi, ibi ni ivyo, kandi ibi ni biriya, » n’ibindi.

Imana ntikenera Umusobanuzi. Yo ubwayo ni umusobanuzi. Imana ntidukeneye ngo dusobanure Ijambo ryaYo. Bibiliya , handitswe, kandi havurwa ko ata nsobanuro y’ibanga ihari. Imana niko yavuze , mw’itanguriro ati, “ Reka habeho umuco,” kandi haciye habaho Umuco. Iyo niyo nsobanuro yavyo. Imana yavuze iti, “ Inkumi izosama inda,” Kandi niko yavuze. Iyo niyo nsobanuro yavyo. Ntihakenewe umuntu wo kubisigura.

Imana yavuze, muri iki gihe, ibi bintu vyoshitse, kandi niko biri, Ntibikeye insobanuro n’imwe. Ni Imana iriko yikorera insobanuro yayo bwite. Birashika. Ntaco bitwaye uko twoshobora kubikomeza kwose, kandi tukavuga tuti, “ Ntibisigura Ibi, kandi ntibisugira biriya.” Bisigura ivyo neza na neza, kandi Imana niyo musobanuzi wayo ubwayo. Yemeza Ijambo ryaYo, kandi iyo niyo nsobanuro yavyo, kuko vyarashitse.

Umutsima wa Buri Munsi

Ntukungurire ku majambo yayo, Kugira ngo ntiz’ iguhane
Imigani 30:6

23-1227

61-0120 Umubatizo wo mu mazi

Rero iyo turambitse ibiganza vyacu kubwo kwizera kuri urya Mwagazi w’Intama w’Imana uhinda agashitsi, twumva umubiri wiwe uduhindisha agashitsi kandi utujugumiza, kandi ibiganza vyacu bihinduka ivyogejwe n’Amaraso yiwe, , hamwe n’ubugingo bwacu, Ubuzima bwari muri We ntibwari gusa ubw’umuntu, kandi ntibwari n’ubw’igikoko, Yari Imana, kuburyo ubwo Buzima bwagarutse kuwejejwe, hanyuma ahinduka umuhungu canke umukobwa, uruvyaro rw’Imana, murabona, Ubugingo bw’Imana. Turi abahungu n’abakobwa b’Imana biciye muri ukwo kumeneka kw’akaremangingo k’amaraso, Yesu Kristo.

None, ivyo ni ibiki rero? Imana ubugira kandi mu bantu bayo, Ifatanya nabo nk’uko yabikoze mw’itongo ryo muri Edeni. Murabona ? aho rero muri abahungu n’abako-…ivyo sivyiza ? Murabona ? Imana ubugira kandi…

Umutsima Wa Buri Munsi

Ukwo kugomba kwayo ni kwo kwatumye twezwa, tubiheshwa n’uk’umubiri wa Yesu Kristo watanzwe rimwe gusa.
Abaheburayo10 :10

23-1226

65-0219 Uyu Munsi Iki Canditswe Kirashitswe

Kandi ibi bintu Yehova Akora ubu, hazoza igihe abantu b’ibihe bizoza , namba bazoba bahari , bazopfa kubw’iki kintu nyene turiko turavugako uyu munsi. Muzotegerezwa kubikora, igihe muzoshirwako ikimenyetso ca ca gikoko , n’igihe batazobaha uruhusha rwo kwigisha nk’uku Ijambo ry’Imana . Igihe hazoba ugukoranira hamwe guhambaye kw’amashengero, ibiriko birategurwa kubw’ ishengero ry’isi, muzotegerezwa kumatanisha igishingantahe canyu kubw’ibi bintu n’ubuzima bwanyu.

Rero,mutegerezwa kuvyizera . Namba abo baherezi, barya bamuciriye urubanza, boshoboye kuzuka, ntiboMutsindishije ubugira kandi. « Ariko, » muvuga muti, « Iyo nari kuba ndi hariya, jewe nari gukora uku na kuriya. » Rero, kirya nticari igihe canyu. Ariko iki nico gihe canyu, uyu niwo mwanya wanyu.

Muvuga muti, « Rero, iyo yari kuba Ari aha ! »
Bibiliya ivuga iti, « Ukwo Yari Ari Ejo, N’uyu munsi niko Ari kandi niko Azokwama ibihe Bidashira, » Wa wundi nyene, rero Ari ng’aha.

Umutsima wa Buri Munsi

Mbona intebe z’ubgami, mbona abicara kuri zo, bahabga ubucamanza. Kandi mbona ubugingo bg’abaciwe amazosi, babahora gushingira Yesu, n’ijambo ry’Imana, ni bo batasenze ca gikoko cank’igishushanyo caco, kandi ntibemeye gushirwa ikimenyetso caco mu ruhanga canke ku kiganza. Baba bazima, bafatanya na Kristo kuganza imyaka igihumbi.
Ivyahishuriwe Yohana 20 :4

23-1225

64-0823M Ibibazo n’ Inyishu #1

Si ndi umunyateworojiya ;kubw’ivyo,ntegerezwa kwigisha ivyo nzi vyose kubijanye na Bibiliya nkoresheje ibitutu n’ibigereranyo.Munyita uwugereranya. Ariko hamwe noraba kirya gihome,nkaba ntigeze nibona jewe ubwanje ;hama mukwiraba nkabona ko mfise umutwe, amatwi,n’amaboko,hamwe…Nzogira iciyumviro c’uko nsa,asangwa umunsi umwe,narigeze kwibona jewe ubwanje. Murabona ?asangwa narabonye icijiji canje mucirore,ndazi uko nzoba nsa hamwe gusa nokwira ndi kure.

Rero,nuko mfata Bibiliya yanje. « Ivyo bintu vyose » niko mubaroma 26 havuga, « … vyabaye ngo bitubere akarorero. »Turashobora kuraba inyuma kugira tumenye ico vyari,ni nk’ukwezi kwerekana umuco w’izuba . Turamenya uko izuba rizoba rimeze,asangwa tutigeze tubona izuba,mu gihe twoshobora kuraba ukwezi,tugaca tubona ko rigiye kuba irihambaye kukurusha .Rero,igihe mubonye ivyashitse mw’Isezerano rya kera,ni icijiji c’ibiriko biraba muri Rishasha

Umutsima wa Buri Munsi

Ivyanditswe vyose vyahumetswe n’Imana ,kandi bigira ikimazi co kwigisha umuntu , no kumuhana, no kumutunganya,no kumutoza indero nziza mu kugororoka. 2Timoteyo 3 :16

23-1224

62-0408 Kuvuga ikintu utabifitiye icemezo

Mutegerezwa kugira intambara. Asangwa muronka ibintu ata nkomezi ziroyemwo, rero muri… none ni igiki ugiye gutsinda ? Baranesheje kubera Ijambo ry’Imana hamwe no kubera ugushinga intahe kwabo, amaraso ya Kristo.

Mutegerezwa gutsinda ikintu kinaka, gutyo mutegerezwa guhura n’intambamyi. Abantu batemeranya na mwebwe, babita abera bikumbagaza hasi, n’ibindi, hamwe n’ibintu vyashizwe imbere yawe, ni igipimo. Asangwa mudafise ivyo, rero nta n’ubwo muri mu ntambara. Kubera iki mwifatanije n’ishengero…

Kubera iki wiyandikishije mu gisirikare kandi ukaba wararonse irya nyigisho? Kugira ngo utakaze umwanya, wiruka mu mabarabara kugira ngo wiyerekane? Ni muri ubwo buryo abaKristo bamwe bamwe bakoreramwo. Dushaka ko abantu babatangarira. Ntibazobatangarira. Bazobanka. “ Kuko abazogenda bubaha Imana bari muri muri Kristo Yesu bazohamwa.” Fata inkota, witandukanye n’ivyo bintu kandi ushishikare kubandanya.

Umutsima wa Buri Munsi

wame urwana intambara nziza yo kwizera, ucakire ubugingo budashira, ubgo wahamagariwe 1 Timoteyo 6:12

23-1223

63-1214
Kubera iki Betelehemu Ntoya ?

Yesu Yar Imana, ntiYari umuyuda. Mwibuke, akaremangingo k’amaraso kava ku gitsina gabo. Kandi ntiYari umuntu, umuyuda canke umunyamahanga, Yari Imana Iremewe mu mubiri. Ntidukizwa n’amaraso y’umuyuda canke umunyamahanga, dukizwa n’Amaraso y’Imana. Yari Imana, nta kindi munsi y’ico. Ntiyari umuyuda canke umunyamahanga. Kubw’Amaraso arema y’Imana muri We, ducika… Asangwa Yari umuyuda canke umunyamahanga, twese twarazimiye. Yari Imana mu mubiri. Neza.

Sinsenga umuyuda, nsenga Imana iyo ndiko ndasenga Yesu Kristo.

Umutsima Wa Buri Munsi

Iyo muba mwaraMmenye, na Data muba muMuzi.
Yohana 14:7

23-1222

63-0608 Inama

Itegereze. Yategerezwa kuRyubaha, Ijambo kw’Ijambo. « Mose, kura inkweto zawe, kuko aha hantu uhagaze ari ahera. »

Mbega vyobaye gute iyo Mose avuga ati, “Ni vyiza, ubu Mwami, narigishijwe inyigisho runaka. ‘Gukura inkofero ni ikimenyetso c’icubahiro, rero nzokura inkofero yanje’ » Ivyo ntaco vyomaze.

Iyo Imana Ivuze, « Inkweto » Yashaka kuvuga inkweto.

Iyo Imana Ivuze Iti, « Kuvuka ubwa kabiri.” Yashaka kuvuga kuvuka ubwa kabiri. Ntiyashaka kuvuga guhana ibiganza canke gusubiramwo nemera. Abantu bose baratinya ukwo kuvuka ubwa kabiri.

Umurwanizi, mu kibanza cakwo, yashizeho umugenzo w’umuntu canke ubwoko kanaka bukwemeza mu vyiyumviro buti, “Ego, naravutse ubwa kabiri.” Yamara ubuzima bwanyu burerekana ico muri, ubuzima buri imbere muri mwebwe.

Mwigira abavyawe na Mpwemu w’Imana hanyuma mugahakana Ijambo ry’iyi Bibiliya; ivyo vyerekana ko atari ko muri. Mugerageza kuBishira inyuma ku kindi kintu, ivyo vyerekana ko atari Mpwemu Yera, kuko ntiYokwigeze na rimwe Ahakana Ijambo ryiWe ubwiWe. Muvuga muti, “Rero ishengero ryanje ryigisha ivyo.” Ni ivyo, bigaragaza ko atari ko muri. Ntimwavyawe n’Imana, mwavyawe n’ishengero. Iri ni Imana, Ijambo ryaYo.

Umutsima wa Buri Munsi

Ni mwitondera ivyagezwe vyanje, muzoguma mu rukundo rwanje…
Yohana 15:10

23-1221

61-0427 Izere gusa

Ngira ndababaze ikibazo. Ishengero Pentekoti ryoba rihagaze neza kuri uyu mugoroba, kubera ko ryigabuyemwo ibice vy’amadini miringo itatu atandukanye, canke ryari rihagaze neza igihe ryatangura? Murabona? Nimwibaze ico kibazo. Tuguma tubandanya kumera nabi. Abagabo n’abagore bo mu mashengero yacu ya Pentekoti basa n’abera, barasenga? Nimunyereke ahantu mu gisagara aho bagira amakoraniro y’amasengesho ijoro ryose, umunsi ku munsi, kubw’ivyaha vyakorewe mu gisagara, nk’uko babikora kera. Twoba turi beza cane? Turushiriza kuba babi.

Yooo, inyubako zacu zirushiriza kuba izishajije. Yooo, dushitse ku rwego rumwe nk’ayandi mashengero. Ariko ninde yipfuza kumera nk’ayo? Jewe, nshaka kumera nka Yesu. Kandi umuntu wese yotegerejwe kwipfuza gusa nawe: na Kristo. TuYizane ku rubuga. Murabona? Hama twebwe… a—a—amashengero ariko arapfa. Rero, dutegerezwa gukora ikintu. Dutegerezwa kwihuta. Ntidutegerezwa… ntidutegerezwa kurindira gushika mu nganji y’imyaka igihumbi kugira ngo tubikore. Asangwa tugiye kubikora, tubikore ubunyene, Atari ukwo, azoba ari urupfu. Ikintu kinaka kigiye gushika.

Umutsima wa Buri Munsi

…Ni nde ari ku ruhande rw’Uhoraho? N’aze hano aho ndi.
Kuvayo 32:26

23-1220

60-0925 Wa munsi I Karuvariyo

Rero ni mwitegereze. Yesu yavuze. Itegereze ukuntu yabivuze ati, “ ibikorwa nkora,” Ariko aranabikora ubunyene. Ibikorwa ndiko ndakora ubunyene, gukiza indwara, kuzura abapfuye, guhumura amaso y’impumyi, namwe ibi bikorwa muzobikora. Muzokora ibi asangwa munyizeye. Muzokora ibi bikorwa. Kandi nibibiruta muzobikora, kuko ngiye kwa Data.”

“ Hasigaye igihe gito isi ntibe ikimbona, ariko mweho muzombona. Nzobana namwe, no muri mwebwe, gushika kw’iherezo ry’isi. Sinzobasiga nk’impfuvyi, nzosaba Data, abarungikire uwundi mwitsa ari we Mpwemu Yera , uwo isi idashobora kwakira, yamara, mweho mushobora kumwakira,”

Nimwitegereze. Ibikorwa “bihambaye” kwari ukugira ubushobozi mw’Ishengero, atari gusa gukiza abarwayi kubw amasengesho; gusenda amadayimoni kubw’amasengesho, ariko guhereza abizera Ubugingo Budashira. Mpwemu Yera yaraje, hanyuma ashirwa mu biganza vy’Ishengero, kugira atange Ubugingo. Yooo! Ico nico Karuvariyo yasigura. Yafashe abagabo n’abagore basuzuguritse kandi bahengamye hanyuma abadugana mu kibanza kinaka, kugira babe abahungu n’abakobwa b’Imana, mu gukiza abarwayi, no gutanga ubugingo budashira; mu guha Mpwemu Yera Abizera bubaha, abantu bari abatizera igihe kimwe , bahindutse Abizera, maze bagatanga Mpwemu, Ubugino Budashira.

Umutsima wa Buri Munsi

N’ukuri, n’ukuri ndababgire: Unyizera, ibikorwa jewe nkora na we azobikora: kand’ azokora ibibiruta, kuko jewe ngiye kwa Data.
Yohana 14:12

23-1219

56-1002A Data, Igihe kirageze

Wari uzi ko Yesu Kristo Yavuze ati, «Umuntu wese araba umugore akamwifuza, aba amaze gusambana na we mu mutima wiwe.” Hari n’umwe azi ivyo bintu? Bi—… kandi nimba wambara gisambanyi, naho wokwibaza ko ari ibintu vyiza, maze ukaja mw’ibarabara, imigwi y’abanyavyaha ikakwitegereza, ikakwipfuza, ku munsi w’amateka, uzokwagirwa n’icaha c’ubusambanyi hamwe n’uwo muntu, igihe azoba ariko aravyishura. Kubera iki ari ukwo? yari wewe, ni wewe wabikoze; wigaragaje ubwawe muri ubwo buryo, rero uragirwa n’icaha. Kandi wewe, naho woba wabayeho ugororotse kandi utunganye gute, uragigwa no kuba warasambanye n’umunyavyaha imbere y’Imana nk’uko woba warabikoze. Niko Yesu Yavuze. Si amatererwa mweneData; ukwo ni ukuri. Ni intsinga zihanda. Ariko niko Ijambo ry’Imana Rivuga, rirakarishe kurusha inkota y’ubugi bubiri

Umutsima wa Buri Munsi

Ariko jeho ndababgira yuk’ umuntu wese araba umugore akamwifuza, aba amaze gusambana na we mu mutima wiwe.
Matayo 5:28

23-1218

53-0601 Ico ababarira cose Mugikore

Rero, ukwizera nyakwo, nk’urukundo nyarwo, rwirukana ubwoba bwose, ugukekeranya kwose. Namba uvyizeye, uko ibimenyetso vyoba biri, uko inyishu z’ibipimo vyoba biri, uvyizera nka kurya nyene. Mbega birabashikira kwemezwa yuko hari ikintu kigiye kuba ? Ukwo vyosa –vyosa nk’uko bitoshobora kuba, ariko bikazoshika ukwo arikwo kwose kuko uvyizeye ukwo nyene.

Rero, igihe Yesu Avuze ikintu ico arico cose, Ijambo ryiWe ni urubuto. Kandi urubuto rwose ruzorondoka ukwo ubwoko bwarwo ruri. Namba ari imbuto y’isezerano y’agakiza izozana agakiza. Namba ari isezerano y’ugukira indwara, rizocika ugukira indwara. Namba ari isezerano ry’umunezero, amahoro, ivyo arivyo vyose mukeneye, iyo mihezagiro yose ijanye n’incungu iri muri Kristo. Kandi Yicaye iri joro nk’umuherezi mukuru w’ukwatura kwanyu kubw’ukwihana kwawe( Abaheburayo 3:1), Yicaye mu buryo bw’Imana mw’Ijuru, kugira ngo abasengere bijanye n’ukwatura kwanyu.

Umutsima wa Buri Munsi

Ni co gitumye mbabgira yukw ivyo musenga canke musaba vyose, mwizere yuko mubihawe, kandi muzobibona. Mariko 11:24

23-1217

64-0311 Imana Irangwa n’ibiyigize

Yamara bamwe mu bari bahagaze ng’aho, ntibavyizeye. Bavuze bati, « Uyu mugabo arimwo Belzebuli, kandi araragura. »

Yesu Yavuze Ati, « Ndabahariye ivyo. Ariko igihe Mpwemu Yera Azozira, Akora ikintu kimwe nk’ico, ijambo rimwe rizoba ribirwanya, ntirizoharirwa muri iki gihe canke mu kizoza. »

Murabona, ikimazi nticari bwatangwe. Murabona, ntihobonetse, ntimwoshoboye kuronka… ntimushobora gutabwa muri Gehinomu imbere yo gucirwako iteka. Iki gihugu nticobikora, Imana naYo nyene Ntiyobikora. Murabona. Muri mu kibanza, murindiriye, mwugaraniwe mw’ibohero, kugeza muciriweko iteka. Kandi murabona, ntiyashobora kubirukana, kubera ko ikimazi kitari bwatangwe.

Ariko inyuma y’urupfu rwiWe, inyuma y’ihambwa ryiWe, maze ikimenyetso kikazanana mu maraso, Mpwemu Yera, muri uwo Mwanya, kuvuga ibinyuranyije navyo ni icaha kidaharigwa. Gusa Ijambo rimwe, ni ivyo mutegerezwa kuvuga bibirwanya, hanyuma rero nta guharirwa kwigera kubaho na rimwe. Ijambo rimwe gusa Ribirwanya, murabona, mbega ingene ari ikintu gihambaye.

Umutsima wa Buri Munsi

Amajambo yawe ni yo azotuma utsinda cank’ amajambo yawe ni yo azotuma utsindwa. Matayo 12:37

23-1216

53-1205 Izuka

Haraje igihe aho utegerezwa guhagarika guhendahenda abantu. Ntutegerezwa kubabobotereza. Ni iyo ngorane y’uyu munsi. Abavugabutumwa bambara a—amaseseti y’intoke z’idini kugira bahinyanyure ubutumwa neza. Ni iyo ngorane y’uyu munsi. Ico dukeneye uyu munsi ni ubutumwa bukaze, budahendahenda, bukwereka kuri umunyavyaha, uri mu nzira ija mu muriro. Nimba udafise Mpwemu Yera, uri hanze y’Ubwami bw’Imana. Ukwo ni ukuri. Ntushobora gushika aho wizera insigabwenge kuko utigeze na rimwe uvuka ubwa kabiri. Kandi igihe umaze kuvuka ubwa kabiri, wizera ata guhigimanga insigabwenge kuko na wewe ubwawe uri insigabwenge.

Umutsima wa Buri Munsi

Ufatanye nanje kwihanganira imibabaro, nk’uko bikwiye umusoda mwiza wa Kristo Yesu. 2 Timoteyo 2:3

23-1215

23-1214

61-0216 Ikimenyetso ca ca gikoko n’ikidodo c’Imana 1

Abeli yapfiriye kuri rwa rutare nyene hamwe n’umwagazi w’intama wiwe. Uwizera wese ategerezwa gukora ico kintu nyene : Pfira kuri urwo rutare hamwe n’umwagazi w’intama wawe. Umwagazi w’intama ufise ikintu kimwe gusa, kandi ni ubwoya bwawo. Hanyuma utegerezwa kuvavanura n’ibintu vyose ufise. Ntuvyidogera. Iyo ufashe uwo mwagazi w’intama maze ukawuterera hariya Nk’uko navuze, umwagazi w’intama ucika ikiragi imbere y’abawukata ubwoya bwawo. Urakatwa ubwoya. Ntuvyidogera. Uba witeguriye guheba ikintu kimwe gusa ufise.

Hanyuma tukavuga yuko turi abaKristo. Umuntu munaka yanyandikiye ikete ritoya ubuheruka kandi— icanditswe gitoya, hanyuma igitangaje ndagifise hariya, cavuga giti, « Ndafise uburenganzira, ndi umwenegihugu w’umunyamerika ; nambara impuzu z’ubwoko ubwo ari bwo bwose nshaka. » Bandanya, ni vyiza. Ivyo vyerekana ko uri impene, Ukwo ni ukuri. Ni ubandanye gusa maze uzambare namba ubishaka. Ariko wibuke, namba uri umwagazi w’intama urabifitiye uburenganzira, ariko uvavanura n’uburengazira bwawe bwose kubwa Kristo. Ndafise uburenganzira bwo kunywa inzoga muri iri joro ; ndi umwenegihugu w’umunyamerika. Ndafise uburenganzira bwo kunywa itabi ; ndi umwenegihugu w’umunyamerika. Kandi nico kimwe na wewe, ariko turaheba uburenganzira bwacu. Iyambure ivyo bintu vyose. Kora nk’abashingantahe, nk’abapfasoni, ambara nk’uko bibereye, maze mukora nk’uko bikwiriye hanyuma mubeho nk’uko bibereye. Vavanura n’uburenganzira bwanyu.

Umutsima wa Buri Munsi

Nuko bene Data, ndabahanura kubg’ imbabazi z’Imana, ngo mutange imibiri yanyu ibe ibimazi bizima vyera, bihimbara Imana, ni kwo kuyikorera kwanyu kwogira ikimazi.
Abaroma 12:1

23-1213

57-1222 Gukayangana kw’Umuco guhambaye

Igihe wavuga uti, « Musozi we shinguka,” Kandi ugaca uguma uhagaze hariya, uvuga uti, « Rero nta cabaye » ? Yooo, carabaye. Igihe wavuga uti, « Musozi shinguka, » Birashoboka ko akavunji gatoya k’umusenyi ataco kamaze mu ma miliyaridi n’amiliyaridi y’ama toni y’umusenyi, kaba kimatuye. Akavunji gatoya kagiye, ariko hari ikintu catanguye kuba. Gumya ukwizera kandi witegereze ingene uyo musozi ushinguka. Ata nkeka.

Uzovuga mu mutima wawe uti, « Wa ndwara, va mu mwana wanje. Wa ndwara we, va mu mubiri wanje mw’izina ry’Umwami Yesu, » Kandi ntukekeranye. Ubwo nyene imbuto zizoca zambara ikirwanisho gishasha hanyuma zice zifata ibindi birwanisho bishasha, gutyo umurwanizi aca ahunga. Yatsinzwe, kubera Kristo igihe yanwa vino ivanze n’umururazi i kaluvariyo yatsinze umurwanizi n’ubushobozi bwiwe bwose.

Umutsima wa Buri Munsi

Kandi nta kitazobashobokera.
Matayo 17 :20

23-1212

58-1221E Ubumwe Bw’Imana Imwe Mw’ishengero Rimwe

Yooo, ese ukuntu hari ubudasa iyo Kristo Aje. Murashobora kuraba inyuma mukavuga muti, « Ni gute ibi bintu nagumye kure yavyo ? Ni gute ibi bintu nabitaye kure ? » Vyose biba bitandukanye. Nta mwansi uba ugifise ; bose baba bameze neza. Uba ushobora guharira ivyo bagukoreye vyose, umwansi wa ruhasha kuri wewe, ushobora kumusengera uri mu nzira, ugashira amaboko yawe hirya no hino y’ibitugu vyiwe, ukanamuhagurutsa ; ntibiraba nemera yiwe, idini avamwo, ni icaremwe Kristo Yapfiriye. Ng’ivyo ivyo Imana Ishaka ko Mwuzura, ng’uko ukwuzura, ng’ubwo Ubwami, ng’ico ikitugira umwe.

Rero, turi umwe. Atari—ugushira imbere idini, atari ugushira imbere kwirema ibice, canke –nemera. Turi umwe, kubwo guteza imbere Ubwami bw’Imana. Rero aho tuba twisunze gahunda yaYo yo muri kazoza, kandi, igihe cose Bibiliya ihezagiye, ivuze ikintu, Mpwemu Yera Aba muri mwebwe Aca Asemerera Ati, “Ni ukwo bimeze! Iryo ni Ijambo ryanJe!”

Umutsima wa Buri Munsi

Kuko muri yo ari ho tubeshejweho, tugenda, turi n’ubugingo.
Ivyakozwe n’intumwa 17:28

23-1211

59-1125 Kw’itanguriro si uko vyari bimeze

Kandi neza na neza tubona nyene ca kintu Yesu yari Yavuze ko kizoshika. Ijambo ryiWe ubwaRyo ryari ryabitangaje. « Uko vyari bimeze mu gihe ca Loti niko bizoba bimeze igihe umwana w’umuntu azozira ». Ikintu nk’ico nyene. Itegereze igihugu canyu ukungene cononekaye. Raba mubimenyeshamakuru. Mu bushakashatsi, nabonye, mubimenyeshamakuru ko abagabo barongora abandi bagabo vyaduze ku rugero rwa mirongo ibiri kw’ijana kuva mu mwaka uheze, mu gice c’uburengerazuba, icaha ca Sodomu. Itegereze ukuntu ikintu cose—ikintu cose kiriko kirononekara. Amazi, inzuzi, vyose vyaranduye. Indwara, imigera abaganga ataco bazi ku bivyerekeye… Turi mu gihe c’iherezo. Hungira ku Rutare. Hungira kuri Kristo. Injira muri We mwihuta shengero.

Ntimusamazwe no kutigishwa kwanje, no kutagira ubumenyi. Umviriza gusa ivyo ndababwira kubw’Ijambo ry’Imana. Kandi Imana irarishigikira Yerekana ko ari ukuri. Ni muMwizere mubone gukizwa.

Umutsima wa Buri Munsi

Kand’ashingira intahe ayandi majambo menshi, arabahanura, ati Ni mwikize ab’iki gihe kigoramye. Ivyakozwe n’intumwa 2:40

23-1210

55-1009 Ukuntu Twoba mu Gufatanya

Hariho ibintu bibiri birongora umuntu, kandi kimwe muri vyo ni-ni ukwizera, ari kwo kuzana inyishu; hanyuma ica kabiri ni ubwoba, budafise akamaro muri vyo na gatoya. Ukwizera ni ukw’Imana. Ubwoba ni ubw’umugwanizi. Ubwoba bugutuma uta umutwe; Ubwoba bugutuma ugira ibibazo vyinshi muri wewe. Hamwe noba ngiye gupfa mu gitondo, vyonyungura iki ngumye nta umwanya kuri vyo? Vyocura iki iyaba nari ngiye kwicwa n’umuyagankuba muri iki gitondo, hanyuma ubuzima bwanje bukaba bugiye kurangira ejo mu gitondo, ni iki vyonyungura ku bitako umwanya?
“Rero,” muvuga muti, “ Vyonyungura iki kuronka Ukwizera?” Ukwizera kurashobora kunsabira Imbabazi, vy’ukuri; Hariho akamaro mu kwizera. Ntute umwanya; Ntugire ubwoba; ntushavure; gira gusa Ukwizera hanyuma wizere. Kandi uburyo bumwe bwogutuma ugira ukwizera, ni ukugira Urukundo ubwa mbere, kuko Urukundo ruzana Ukwizera. Kubwo urukundo rutunganye… mubitahure. Urukundo rutunganye rukuraho ubwoba bwose.

Umutsima wa Buri Munsi

Arababaza, ati N’iki kibateye ubgoba, mwa bafise Ukwizera guke mwe… Matayo 8:26

23-1209

59-1125 Kw’itanguriro si uko vyari bimeze

Kandi neza na neza tubona nyene ca kintu Yesu yari Yavuze ko kizoshika. Ijambo ryiWe ubwaRyo ryari ryabitangaje. « Uko vyari bimeze mu gihe ca Loti niko bizoba bimeze igihe umwana w’umuntu azozira ». Ikintu nk’ico nyene. Itegereze igihugu canyu ukungene cononekaye. Raba mubimenyeshamakuru. Mu bushakashatsi, nabonye, mubimenyeshamakuru ko abagabo barongora abandi bagabo vyaduze ku rugero rwa mirongo ibiri kw’ijana kuva mu mwaka uheze, mu gice c’uburengerazuba, icaha ca Sodomu. Itegereze ukuntu ikintu cose—ikintu cose kiriko kirononekara. Amazi, inzuzi, vyose vyaranduye. Indwara, imigera abaganga ataco bazi ku bivyerekeye… Turi mu gihe c’iherezo. Hungira ku Rutare. Hungira kuri Kristo. Injira muri We mwihuta shengero.

Ntimusamazwe no kutigishwa kwanje, no kutagira ubumenyi. Umviriza gusa ivyo ndababwira kubw’Ijambo ry’Imana. Kandi Imana irarishigikira Yerekana ko ari ukuri. Ni muMwizere mubone gukizwa.

Umutsima wa Buri Munsi

Kand’ashingira intahe ayandi majambo menshi, arabahanura, ati Ni mwikize ab’iki gihe kigoramye Ivyakozwe n’intumwa 2:40

23-1208

65-1205 Ibintu Bitegerezwa Kuba

Rero mwibuke, twiyumvira cane kuri uyu mubiri. Tuwambika impuzu nyinshi. Tuwukorera ibintu vyinshi, bidakenewe, bihindagurika, n’ivyo bintu vyose. Kandi—kandi, yo, ni k’umuntu uwo ari we wese.

Reka gusa umuntu munaka atangure ikintu. Urasiga intambuko zawe ibara ritukura hanyuma uce uraba abo kwa Jones bazoca basiga izabo zitukure. Uhinduye ukava kuri Chevrolet ukaja kuri Ford, kandi ntibazovyihanganira. Ni igihe co kwigana. Uretse u… Uretse umugore akaza mw’ishengero, yambaye ubwoko bw’inkofero bunaka, curaba abandi bagore ingene bakora ico kintu nyene; na cane cane ari umugore w’umwungere, murabona, itegereze neza igica gishika. Rero, ukwo ni ukuri. Ukwo ni ukuri kutagabanije. Ni igihe co kwigana. MweneData, gitegerezwa kuba igihe co kwigana. Kandi ivyo vyose— ivyo bintu vyose bi—bishika kubw’intumbero.

Ntaco bintwaye namba ikoti yanje yoba ijanye n’ipantaro yanje. Ntavyo nshoboye. Umugore wanje canke umukazana wanje yotegerejwe kumbwira ubwoko bw’ikaravati ntegerezwa kujanisha. Ariko si—sinitaho yuko biberanye. Nshaka ko ibikorwa vyanje vyoberana n’Ijambo ry’Imana. Ni ivyo, kuko aho ni ho nipfuza kuba; si hariya hepfo mw’ikona n’abo kwa Jones, ariko hariya mu bwiza aho Yesu Ari, aho Yagiye kudutegurira ikibanza. Ego, ni ivyo dushaka . Ego, mugenzi.

Umutsima wa Buri Munsi

Ikibaganyisha impuzu n’iki? Ni murabe amashurwe yo ku misozi ingen’akura… Matayo 6:28

23-1207

56-1230 Yosefu Ahura na Bene Wabo

Rero kw’itanguriro, igihe Imana Yavuga, na satani niho yari ahagaze maze aravyumva.

Kandi abantu baracagerageza kurondera ico kiremwa kibuze. Ndakibabarira, kubwo guhishurirwa asangwa mushaka kuvyakira. Uwo muntu atahari ari hagati y’igikoko n’umuntu ni inzoka, imbere yuko abura amaguru yiwe. Bibiliya ivuga iti, « Yari izi ubwenge kurusha ibikoko vyose, » Nticari igikoko gikwega inda hasi, « Mw’ishamba ryose. » Niwe yahenze umugore, kubwo ubwiza bwiwe, aca atwara inda. Rero igihe yakora ivyo, Imana Imaze kubona icaha camaze kuza, yaciye Iyivuma ku buryo ubumenyi butoshobora kumenya isano hagati y’irya nzoka n’ikiremwa muntu. Ariko ng’iki, ikiremwa cakorowe kandi gitakaza akaranga hagati ya…, vyatumye kigira ubuzima nk’ubw’ibikoko bindi. Ni ivyo.

« Imana Yarahishije ivyo bintu abanyabwenge n’abahanga, ariko igiye kubihishurira abana biteguriye kwigishwa. » Murabona ?

Ng’uwo wa muntu yatakaza ibimuranga…

Umutsima wa Buri Munsi

Inzoka yarusha ubugunge ibikoko vyose vyo mw’ishamba Uhoraho Imana yaremye. Ibaza uwo mugore, iti Mbega n’ivy’ukuri koko yukw Imana Yavuze ngo Ntimurye ku giti na kimwe co mur’iri tongo?
Itanguriro 3:1

23-1206

65-1205 Ibintu Bitegerezwa Kuzobaho

Uronka Yesu Kristo mu kwizera; atari ico ushobora kugaragaza mu buryo bw’ubumenyi, ariko ico wizeye. Sinshobora kubagaragariza mu buryo bw’ubumenyi, muri iri joro, muri iyi nyubako, yuko hariho Imana, ariko yamara ndazi yuko Iri ng’aha. Ariko, ni kubw’ ukwizera kwanje, kuvyemeza.

Aburahamu ntiyoshoboye mu buryo bw’ubumenyi kubagarariza yuko yari agiye kuronka umwana kuri urya mugore, kandi we yari yegereje imyaka ijana. Ariko ukwizera kwiwe kwaravyemeje. Murabona? Ntiyari akeneye icemezo na kimwe c’ubumenyi. Rero, u… Rero, umuganga yoshoboye kuvuga, ati, “Wa mutama yasaze, hariya, ariko aravuga ko agiye kuronka u – umwana kuri urya mugore; we afise imyaka ijana, kandi umugore afise imyaka mirongo icenda.” Ariko murabona, Imana Yavuze uko, rero ivyo ntibisaba ubumenyi. Bisaba ukwizera, kwizera Ijambo ry’Imana, atari ubumenyi.

Umutsima wa Buri Munsi

… ko twatsindanishirijwe no kwizera, dufise amahoro ku Mana kubg’ Umwami wacu Yesu Kristo,
Abaroma 5:1

23-1205

62-0117 Kugerageza kuvuga ikintu utagifitiye icemezo

Ndizera ibi. Ndizera ko Imana Ari Nziza.
Umuhungu w’umuyabaga yavuze, nta gihe kinini giheze, mu gisagara cacu, mu mugwa wacu. Yavuze ati, “Urazi n’amakuru?” Yavuze ati, “Imana Ni nziza cane, mweneData Branham.” Yavuze ati, “Urazi, Imana Ni Nziza ku buryo Indeka nkakora ivyo arivyo vyose. » Yavuze ati, « Ntaco bimubwiye. NtibiMubabaza kubera Ari mwiza kuri jewe. » Ubwo ni ubuhumvyi !
Imana ni Imana Nziza. Twumva vyinshi kuri We yuko Ari Imana Nziza, kandi ndizera ko Ari Imana Nziza. Ukwo ni ukuri. Ni Imana Nziza. Ariko nimba Ari Imana Nziza, Itegerezwa kuba Imana iri Igororotse. Ntishobora kuduha icagezwe kinaka, kandi ntitucubahirize maze twizera guhunga Urubanza. Kandi ni Imana y’uburake, Imana y’urubanza. Ivyo nivyo bimugira Imana Nziza, kubera ko Ishitsa Ijambo ryaYo. IraRyitwararika.
Rero ntitwoca twitega gukora ibintu atari vyiza, ivyo bintu dukora, maze bice vyijana ukwo nyene. Oyaha. Turi gusa… ntabwo Ari… ntabwo Ari…
Ni mwiza. Ukwo ni ukuri. Sinshaka ko muntahura nabi. Ariko Imana Ni Imana Nziza. Ukwo ni ukuri.
Ariko, mwibuke, inzira yonyene Ishobora kuba mwiza ni mu kuba Igororotse. Kandi nimba Igororotse, Itegerezwa kugumana ivyagezwe vyiWe. Kandi nimba Yitondera ivyagezwe vyaYo, si vyiza na gato ko umuKristo agira imigenderanire n’isi. Si vyiza. Ntitwari dukwiye gukora ivyo. Dutegerezwa kuba abantu batandukanye.

Umutsima wa Buri Munsi

Arikw imanza ziroranye, reka zisendanishe nk’amazi, n’ukugororoka gusendanishe nk’uruzi rudahoka.
Amosi 5:24

23-1204

53-0506 Yesu Kristo uko yari ari ejo n’uyu munsi niko ari niko azokwama ibihe bidashira

Mu myaka mirongo ibiri y’ubushakashatsi bwa Bibiliya, kandi mvugana n’umumalayika w’Umwami, n’ibintu vyinshi, nasanze hariho ibintu bibiri : Navyo ni urukundo n’ukwizera. Asangwa ukunda Imana , urukundo gusa rutanduye, Utegerezwa kuYigirira Ukwizera, bizojana n’ukwizera buri gihe. Kandi igihe urukundo n’ukwizera binywanye, usabe ico ushaka hanyuma uzokironka. Nivyo…Igihe uzi yuko Data wo mw’Ijuru adashobora kukubwira ikinyoma, ni Imana. Ntishobora kubesha. Kandi rero igihe Umwizeye n’umutima wawe wose kandi ukizera yuko ivyo wasavye utabisabanye intumbero y’ukwigungirako ariko ukaba wabisabanye intumbero nziza kubwo ubwiza bw’Imana hanyuma ukizera atagukekeranya na gatoyi, yuko So adashobora kukubwira ikinyoma, ikintu kinaka kizoshika, igihe ukuye ivyatsi bibi vyose mu nzira, hanyuma ugahanga amaso I Karuvariyo, hanyuma ugaheza ukavyizera n’umutima wawe wose.

Umutsima wa buri munsi

kandi naho nogira ukwizera kwose, ngashobora gukurah’ imisozi, ariko ntagira urukundo, noba nd’ ubusa.
1 Ab’i Korinto 13:2

23-1203

62-0607 Kwambara ikigwanisho Cose C’Imana

Rero, bafise umuntu azunguruka mu kirere. Murazi, bose nta kindi bavuga, “ Dufise umuntu azunguruka mu kirere. » yemwe, ivyo ntaco bivuze, twebwe abaKristo twari dufise umwe mu kirere ikiringoo c’imyaka ibihumbi bibiri, murabizi. Ukwo ni ukuri. Ukwo ni ukuri. Baharirira kuri ivyo, nta gishasha kiri muri ivyo, ivyo ni ivya kera kuri twebwe. Turabizi ivyo kuva kera. Rero, murabona ? murabona, aho niho tugeze, ntibabitahura gusa.

Ego, bubaka amabarabara maniniya hamwe n’ibintu vyiza nk’uko hanyuma bakagerageza kugira isi ahantu heza n’ibindi, ntibatahura abatekereza bazorarwa isi, rero ngivyo. Rero gusa—gusa… murabona, Imana Yarabidutahujije nivyo, ikintu conyene dutegerezwa gukora, ni kuguma kuri we gusa hanyuma tukabandanya. Murabona ? rero ni kwizera vyose. Ivyo nivyo adusaba gukora. Azotuma dutera intambuko.

Umutsima wa Buri Munsi

Bamwe bizigira imikogote, abandi bizigira amafarasi, Ariko tweho tuzokwizigira izina ry’Uhoraho, Imana yacu.
Zaburi 20:7

23-1201

59-0811 Ntimugire ubwoba, ni Jewe

Ndonka amakete avuga ngo, « Ni ukuhe kwizera kwawe mweneData Branham ? Wari umu Batisiti, uracizera umutekano w’ibihe bidashira ? uri umu Yesu wenyene ? Mbe ura… ubatiza uyuhe mubatizo ? Umijira amazi ku mutwe ? »
Navuze ibi, « Mfise ukwizera kumwe, ukwizera kw’ivugabutumwa guhambaye kwa Bibiliya. Kuvyo nzi, sinigeze na rimwe mva mw’ikoraniro nsize inyuma yanje uruzazane, nagerageje ukwo nshoboye iminsi yose kuva mw’ikoraniro iryo ari ryo ryose nsize inyuma yanje uburyohe bwa Mpwemu Yera. Sinigeze na rimwe ndondera kugwiza abanywanyi, sinigeze na rimwe ndondera gutwara abigishwa b’uwundi muntu. Ico nifuza gukora ni ukwongerereza umunyavyaha kw’ishengero we yitoreye. Ica ngombwa gusa, abe avyawe na Mpwemu w’Imana, uwo ni mweneData kandi ni mushikanje.
Ku bijanye n’inyigisho… ndafise ivyiyumviro vyanje ariko ndabigumiza kuri jewe ubwanje.
Rero iyo nje hano canke ahandi hantu… hamwe nofata uruhande rumwe canke urundi, rero vyoca biba… noba ndiko ndakoresha ukwandukizwa kwose Umwami yampaye kugira ngo nteze imbere idini rinaka. Nico gituma ntashigikira na rimwe muri yo. Ngumana na zose kandi nkagerageza kuzishira hamwe, mvuga nti, « Turi BeneData, turi BeneData.”

Umutsima wa Buri Munsi

Kand’ umushumba w’Umwami wacu ntakwiye gutongana, arikw akwiye kugira ineza kuri bose, no kuba uburyo bgo kwigisha, no kwihangana,
2 Timoteyo 2:24

23-1129

23-1128

61-0224 Ntimugire ubwoba

Igihe Yesu Yari Imana Yambaye umubiri, ukunengesera kw’Ubumana kwari muri We. Yari Afise Mpwemu Atagira igipimo. Twebwe tumufise ku rugero. Ubu tuvuge ko mugiye hariya kurondera ikiyiko ca- c’amazi yo mw’ibahari. Rero, ayo—ayo niyo Yesu Yari Afise : Ibahari yose ; ariko wewe na jewe, dufise akayiko kayo. Ng’ubwo ubudasa. Rero, nta n’ubwo vyogaragara, Ashobora kuturengana, mugabo twebwe, ntitwoshobora kuMurengana. Yamara mufashe ako kayiko k’amazi hanyuma mukakazana mw’ipimiro, ibigize amazi yose ari mw’ibahari biri muri ako kayiko.

Kandi igihe Imana ku munsi wa Pentekoti, Igihe Yamanuka nk’umuyaga w’igihuhusi, mwarabonye, Yari inkingi y’umuriro, ariko mwarabonye ko Yitandukanije, n’iyo nkingi y’umuriro, yarigabanganijemwo ibice mw’ihanga ryiWe, kandi ibirimi vy’umuriro bitandukanye vyagiye kuri umwe umwe muri bo : Imana Yigabaguramwo ibice kubw’Ishengero ryaYo. Ntibitangaje ko Yavuze Ati, « Aho babiri canke batatu bazoba bakoraniye mw’Izina ryanJe, Nzoba ndi hagati muri bo. »

Umutsima wa Buri Munsi

Ntihashobora kuba Umuyuda canke Umugiriki, ntihashobora kuba Umugurano canke Uwidegemvya, ntihashobora kuba umugabo canke umugore ; kuko mwese mur’umwe muri Kristo Yesu.
Ab’i Galatiya 3 :28

23-1127

56-0218E Umunyavyaha asumba bose mu Gisagara

Ndipfuza guhagarara aho Yahagaze. Nokwipfuje guhagarara muri kirya kibanza aho yari ahagaze. Murazi ivyo nokoze? Yooo, sinorajwe ishinga n’ibikorwa bijanye n’ishengero iyaba nogiriwe ubuntu bwo guhagarara imbere yiwe; nokwikubise hasi nubamye nkavuga nti, « Mukunzi Mwami Yesu, Mwigisha w’Ubugingo, ngirira imbabazi kubw’Ubuntu bwawe.»

Ndiyumvira ko ari hafi ico cipfuzo c’umwe wese hano kuri uyu mugoroba.Twokoze bimwe. Jewe… ariko uyu munsi bimeze neza na neza uko vyari bimeze ico gihe. Turafatiriwe cane n’ibintu dukora mw ishengero, ibintu vyinshi ishengero ridusaba, n’ibibanza vyinshi vyo gukoreramwo, ku buryo usanga twahushije iryo bakwe. Kandi birashoboka, ko imigoroba imwe imwe twokora igikorwa c’indirimbo. Turakeneye gukora ikindi gikorwa kanaka c’ishengero, Ariko igihe Mpwemu Yera ariko avugana n’umutima wawe, vyokubera vyiza iminsi yose wishuye, uko coba kiri kwose, isaha y’ijoro iyo ari yo yose, canke ubwoko bw’igikorwa woba watumwe, kubera ko bishoboka ko Atosubira kuvuga na gatoya igihe kirekire canke bikaba birangiye.

Umutsima wa Buri Munsi
Ni mwisigireho, mumenye kw ari jewe Mana…
Zaburi 46:10

23-1126

56-0218E Umunyavyaha asumba bose mu Gisagara

Ndipfuza guhagarara aho Yahagaze. Nokwipfuje guhagarara muri kirya kibanza aho yari ahagaze. Murazi ivyo nokoze? Yooo, sinorajwe ishinga n’ibikorwa bijanye n’ishengero iyaba nogiriwe ubuntu bwo guhagarara imbere yiwe; nokwikubise hasi nubamye nkavuga nti, « Mukunzi Mwami Yesu, Mwigisha w’Ubugingo, ngirira imbabazi kubw’Ubuntu bwawe.»

Ndiyumvira ko ari hafi ico cipfuzo c’umwe wese hano kuri uyu mugoroba.Twokoze bimwe. Jewe… ariko uyu munsi bimeze neza na neza uko vyari bimeze ico gihe. Turafatiriwe cane n’ibintu dukora mw ishengero, ibintu vyinshi ishengero ridusaba, n’ibibanza vyinshi vyo gukoreramwo, ku buryo usanga twahushije iryo bakwe. Kandi birashoboka, ko imigoroba imwe imwe twokora igikorwa c’indirimbo. Turakeneye gukora ikindi gikorwa kanaka c’ishengero, Ariko igihe Mpwemu Yera ariko avugana n’umutima wawe, vyokubera vyiza iminsi yose wishuye, uko coba kiri kwose, isaha y’ijoro iyo ari yo yose, canke ubwoko bw’igikorwa woba watumwe, kubera ko bishoboka ko Atosubira kuvuga na gatoya igihe kirekire canke bikaba birangiye.

Umutsima wa Buri Munsi
Ni mwisigireho, mumenye kw ari jewe Mana…
Zaburi 46:10

23-1125

63-0117 Ugukangura Yesu

Rero muri Yesu hari Imana. « Imana Yari muri Kristo, Yiyuzuza n’abari mw’isi.” Abo bantu barizera igishingantahe ciWe. Kandi barya baMwizera, barashobora kuMukurako umuhezagiro w’Imana. Kandi igihe bakora ivyo Yavuze ko, “Ubushobozi bwasohotse muri We.” Ubushobozi ni inkomezi. Ya…mu yandi ma jambo namba twoshobora kubivuga uno munsi: Yaracika intege igihe abantu bamukurako ikintu. Rero namba ico gikorwa carakorewe muri uwu mubiri w’umuntu, vyobaye uko nyene mu wundi mubiri w’umuntu.
Dutuma haba icuka hirya no hino yacu, umwe wese muri twebwe. Muramaze kuba hamwe n’abantu, bakaba bari abantu bameze neza ariko bikabananira kwihanganira kubana nabo. Muramaze kandi kuba hamwe n’abandi bantu mukunda kubana nabo. Rero ni wewe utuma haba ico cuka. Kandi, yooo, ntiwokunze kubana n’Imana n’akanya gatoya? birahimbaye! Kubona kirya cuka Yazana, ndibaza ko cari icuka kinini c’urukundo, kwubaha, n’ugutinya Imana.

Umutsima wa Buri Munsi
Inzira y’Uhoraho n’igihome gikingira umugororotsi,
Imigani 10:29

23-1124

49-1225 Ubumana bwa Yesu Kristo

Kandi bwa bushobozi nyene, umwe Kristo nyene! Haleluya! Reka Abashakashatsi n’abantu bahakana ubushobozi bw’Imana bavuge ko Atari vyo. Ariko ubwo bushobozi nyene bwaremye isi kubwo Ijambo buri mu bantu bafise Mpwemu Yera. Ukwo ni ukuri. Bagabo namwe bagore, igihe kirageze co kumenya abo muri bo. Umurwanizi ashaka kubanyegeza mu gafuruka, akababwira ko muri abanyabwoba. Siko muri. Muri abahungu n’abakobwa b’Imana. Ubumana ntiburi mw’Ijuru; buri muri mwebwe. Haleluya! Ndazi ko mwibaza ko ndi umusazi, ariko reka ndakubwire ikintu kimwe mweneData: Igihe umaze kubona yuko Imana Ihambaye Iba muri wewe, Ubugingo budapfa, “Ndabaha ubugingo bwanje Zoe”, ubugingo bw’Imana buri mu kiremwa muntu.

Umutsima wa Buri Munsi

Kand’ uwitondera ivyagezwe vyayo aguma muri yo, na yo ikaguma muri we. kand’ ikitumenyesha yukw iguma muri twebge, ni Mpwemu yaduhaye. 1 Yohana 3:24

23-1123

63-0630M Ukuvayo kwa gatatu

Imana yabwiye Aburahamu imbere yuko bishika Iti, “ Uruvyaro rwawe ruzoba inyambukira muri Egiputa, imyaka amajana ane, hanyuma nzorukurayo.” Iyo niyo mpamvu babibonye, kuko bari baratoranirijwe kubibona. Ni abatoranijwe. Isilayeli yari yaratoranirijwe kubona ikimenyetso c’Imana, kandi barasohotse Egiputa aho abatizera bahoneye.

Kandi, uyu munsi, Imana iriko irahamagara abatoranijwe bayo, Uruvyaro rwa Mpwemu rwa Aburahamu, kubwo Ukwizera yari afise mw’Ijambo ry’Imana. Ntimubona uruvyaro rwa Mpwemu, uyu munsi? [Ikoraniro rivuze riti, “ Amen.” Umwanditsi.”] Urwo ntirubona ishengero ry’ubumenyi. Rubona Ijambo. Kandi rwarahamagawe ruvuye muri ayo madini manini manini, Ruza mu nyonga ha Yesu Kristo.

Umutsima Wa Buri Munsi

Kuko nagucunguye, naguhamagaye izina, ur’uwanje
Yesaya 43: 1

23-1122

65-0801E Ibintu Bishika Bisigurwa n’Ubuvugishwa

Ino Bibiriya Iravuga bitaraba, mu buvugishwa, umunsi turiko turabamwo, n’igihe turiko turabamwo, n’ubwoko bw’ibintu vyotegerejwe kuzoshika. Ibivuga bitarashika neza na neza urudome ku rundi, kandi ntIrigera Yihenda ku gihe na kimwe, ibihe vyose. Nta gihe na kimwe Irigera Yihendako, kandi ntibizoba, kuko abatoranirijwe kubibona bazobibona. Yesu Yavuze Ati, “Nta muntu aza kuri Jewe, Data Atamukwegereye, kandi Abo Data Yampaye bose bazoza.” Ni Ijambo Rifatana n’Ijambo. NtiRishobora gukora ikindi kintu. Turabizi, umunsi turiko turabamwo.

Ariko nk’uko vyamye mu bihe vyose, abantu barareka abagabo bagashira insobanuro zabo muri Rino Jambo, kandi bikabatuma bahumishwa ku bintu vyashitse. Ikintu kimwe cakozwe ku Bafarisayo n’Abasadukayo.

Umutsima wa Buri Munsi

Nta n’umwe ashobora kuza kuri jewe Data yantumye atamukwegereye; nanje nzomuzura ku munsi w’iherezo .
Yohana 6:44

23-1120

55-0807A UBWIBONE

Abanyamerika, biciye ku mboneshakure n’ireresi, babonye vyinshi vy’abigira ico batari ku buryo nabo nyene bahindutse abigira ico batari: birababaje. Kandi tubibona no mw’ishengero, abigira ico batari. Hmmmm. Imana ntibakeneye. Kuba abigira ico tutari ni bibe kure yacu. Ni mugume uko muri.Ni uko Imana ishaka ko tumera. Sinkunda kubona umuntu ariko arondera gukora ikintu adashoboye.

Mbega ibimaramare, narabibonye ibihe vyinshi, amajwi meza Imana yahaye abantu, impano, kandi gutyo bagaca babimenyereza birengeje urugero, sinkunda kumviriza amajwi yamenyerejwe birengeje urugero,iyo bahagurutse kuririmba, iyo bashikiriye kw’inota kanaka ryo kuririmbirako, aho bagaca barigumako rwose ku buryo no mu maso habo hahinduka hagasa n’ubururu, akaba ata kindi uretse kwereka ishengero umwanya ashobora kumara nk’aho ivyo ari ubuzima bwabo. Kandi iyo baririmba bamanura amajwi naho, abo bantu ntibaba bariko barahimbaza Imana, ahubwo ivyiyumviro vyabo biba biri ku manota bariko bararirimbirako.

Umutsima wa Buri Munsi

Ntitwifate uko tutari. Ab’i Galatiya 5:26

23-1119

57-0303A Kubera iki abaKristo benshi babona ko ari ikigoye kubaho ubuzima bwa GiKristo?

Raba neza ubu, “Nzobaha impwemu nshasha, kandi nzoshira Mpwemu wanje…” Itegereze: umutima mushasha washizwe hagati na hagati y’ico muri. Kandi Impwemu nshasha yashizwe hagati na hagati y’umutima wanyu mushasha. Hanyuma Mpwemu wiwe yashizwe hagati na hagati y’impwemu yanyu nshasha.
Ni nka ka kuma gatuma ubwoko buzwi bw’isaha izunguruka, igihe u… igihe ubwo bwoko bw’akuma buri hagati na hagati mw’isaha, gasuzuma ugukora kw’iyo saha. Kandi ni aho hari ingorane bagenzi. Ubu niyumvira ko muzobibona . Kandi simvuze ibi kugira ngo ngire… nonone canke nzane icemezo c’ubudasa; asangwa ndabivuze n’uko nzi ko umunsi umwe nzorenguka mu rubanza hamwe na mwebwe. Murabona, Asangwa Mpwemu Yera Ari hagati na hagati y’Impwemu yanyu… kandi n’ako kuma nyamukuru k’iyo saha gatuma ugukora kuja ku murongo neza na neza bijanye n’iyi saha, kugira ngo yerekane neza na neza igihe nyaco. Igihe Mpwemu Yera Ari hagati na hagati y’impwemu yanyu, ivyo Bizana ibikorwa vya Mpwemu Yera biri muri mwebwe bija ku murongo neza na neza ata guhusha ku gukora kw’Imana, Bibiliya. Ni vyiza.

Umutsima wa Buri Munsi

Kandi nzobaha umutima musha, mbashiremw’ impwemu nsha; nzokura umutima ukomeye nk’ibuye mu mibiri yanyu, mbahe umutima woroshe nk’inyama. Kandi nzobashiramwo Mpwemu wanje, ndabagendeshereze mu vyagezwe vyanje, namwe muzokwitondera amabgirizwa yanje, muyashitse.
Ezekiyeli 36:26-27

23-1118

59-0525 Gusa na Kristo

Abahinga bambariye ubuhinga bakoresha imbere y’aho bahora baturirira izahabu, mu gukura ubucafu kw’izahabu, icuma, ibuye ry’agaciro.Ibuye ry’agaciro risa rwose n’izahabu nyakuri twita izahabu itaramuye ariko ubuhinga bakoresha kugira bakureko ivyo vyose n’uko bayikubitisha inyundo. Niko abahindi babikora kera. Kandi niko abacuzi ba kera babikora. Barayikubitisha inyundo bayihindura bongera bayihindukiza kugeza aho ubucafu bwose bwayivamwo. Kandi uburyo bwonyene buhari bwo kumenya ko isigaye ari izahabu yonyene, ni uko urya yayikubita yashobora kubona ishusho yiwe muri yo. Urya yayikubita, yaguma ayiraba adahengeshanya kugeza aho yashobora kwimwa umushatsi wiwe imbere y’ishusho yiwe bwite yerekanywe n’iyo zahabu yakubise.

Kandi igihe Mpwemu w’Imana Atanguye kudukubitisha inyundo y’Ubutumwa bwiza, Akadukubita kugeza aho ibintu vy’isi vyose bituvamwo hanyuma tugaca dusa n’ishusho y’Umwami Imana, naho rero nibaza ko duhinduka abaKristo. Kubera ko Ijambo « UmuKristo » risobanura « Gusa na Kristo » kuMwibonamwo.

Umutsima wa Buri Munsi

Kand’ ico gice ca gatatu nzobacisha mu muriro wo mu ruganda, mbakuremw’ inkamba nk’uko bazikura mw ifeza, mbageragereshe kubavugutira, nk’uko bagerageza izahabu: bazokwambaza izina ryanje, nanje nzobumva; nzovuga, nt’ Abo n’abantu banje, na bo bazovuga, bat’ Uhoraho ni we Mana yanje.
Zekariya 13:9

23-1117

63-1127 Isi Iriko Irasambuka Ubugira Kandi

Kandi Abahanuzi bamye bavuga amajambo ibihe vyose yategerezwa gushitswa ukwo ibihe vyagenda bikurikirana. Kandi igihe Imana …

Abantu bagira ingorane, hama Imana Ikabishura. Yabarungikira Umuhanuzi Yasizwe canke Intumwa kanaka kuko Adashobora kwivuguruza kw’Ijambo ryaYo yaba Yageneye ico gihe. Ariko, ico Akora, Yarungika intumwa Ituma ico gice c’Ijambo kiba kizima muri ico gihe. Nivyo Yamye Akora igihe cose, murabona. Yashizeho Ijambo ryaYo kw’itanguriro. Yamenya iherezo kuva kw’itanguriro. Yavuga Ijambo ryaYo. Kandi igihe cose, iyo bagiye mu ngorane, bashobora… bashobora gusenga, hanyuma Imana Ikarungika Uwasizwe. Rero uwo Yasizwe Yategerezwa gushiraho iryo sezerano ry’ico gihe ryari ryaravugishijwe mbere na mbere ,rikabaho kubw’ico gihe. Nuko ivyo n’ivyo Ikora igihe cose. Imana Ntiyigera na rimwe Ihindura gahunda yaYo. Rero, ntitwigera tubona Imana Ihinduka.

Umutsima wa Buri Munsi

Ereg’ Umwami Uhoraho ntazogira ico akora, atabanje kwibira akabanga abasavyi biwe avugisha. Amosi 3:7

23-1116

55-1111 Aho nibaza ko abapentekoti bihendeye

Mose yararongoye mu bugaragwa abantu imiriyoni zibiri. Yabarongoye mu gihe c’imyaka mirongo ine, kandi amaze gushika hakurya, nta n’umwe muri bo yari afise intege nke.

Mwebwe, baganga, ubu muri iri joro, canke bamwe muri mwebwe, ntimwipfuza kumenya ico muganga Mose yari afise, ku rupapuro rw’imiti ? Mbega abo bantu yabaha iki ? Mbega havuka inzoya zingahe buri joro ?Mbega hari abasaza bangahe n’ibindi ? Abacumbagira bangahe n’abagendana ubumuga ? N’ abarwaye mu nda bangahe, n’ibindi, yategerezwa kwitaho mw’ijoro ? Kuko muganga Mose yitwararika ico ari co cose c’ivyo.

Mbega mushaka gukubita akajisho mw’isakoshi y’imiti no kumenya ubwoko bw’imiti yabandikira ? Muripfuza kumenya ivyo ari vyo ? Reka tubirabe. Ng’ibi : « Ndi Uhoraho Akiza indwara zawe zose. » Amina. Uwo ni wo muti wonyene yari afise, kandi warakoze ku bantu imiriyoni zibiri.

Umutsima wa Buri Munsi

…iyaba uyo muvugishwa n’Imana akurangiye ikintu kigoye, ntiwari kugikora ? 2 Abami 5 :13

23-1115

56-0120 Gufatanya n’Imana kubwo ubuhuza

Abantu bamwe bavuga bati, « Rero, mwotegerejwe kubaho ubuzima bwiza, mukibagira ivya kera mukaja kuri bishasha, uyu ni umwaka mushasha. » Yooo, ni ingingo zingana gute mwafashe kandi zose ntimuzubahirize ? Ntibizigera bigenda neza. Hakenewe ugupfa n’ukuvuka bushasha, uguhinduka ica—icaremwe gishasha muri Yesu Kristo. Ico nico isi ikeneye uyu munsi. Ico nico ishengero rikeneye uyu munsi, ni umuvyuro wa Mpwemu Yera mu buryo bwa kera bw’intumwa, hakaba kunyiganyizwa n’Imana. Ukwo ni ukuri. Sinshaka kuvuga umugwi w’abashikuza. Sinizera umugwi w’abanyabishobisho ariko ico ndiko ndavuga ni ikinyakuri, agakiza k’ukuri kabonetse kubw’amaraso kagira umuntu uwidegemvya kakamukura mu caha, kakamugira icaremwe gishasha muri Kristo. Amen. Murazi ko ukwo ari ukuri.

Ni muze kuri urwo rufatiro. Muze ku Mana muri ubwo buryo, hanyuma muzoraba ibizoshika. Fata Yesu Kristo nka Kibirengeye ; Ni mumenye ko mwapfuye kandi ubuzima bwanyu buhishijwe muri We kubw’Imana, bukaba bunahishijwe hariya kubwa Mpwemu Yera. Hanyuma muce mwegera Data. Muca muhinduka igice c’Imana, kamere nyaYo y’Imana Iri muri wewe, uri umwana w’Imana; uri umukobwa w’Imana.

Umutsima wa Buri Munsi

… Kandi si mwe mwiganza, kuko mwaguzwe igiciro. Nuko rero, mushimishe Imana mu mibiri yanyu. 1 Ab’i Korinto 6: 19-20

23-1114

55-0225 Yesu Yahawe Ubwiza

Kayini na Abeli, abo bahungu bose uko ari babiri baratahuye yuko bari abo gupfa, ko bari bagiye gupfa, ko bari bagiye kuzima nk’i buji. Kandi ko umunsi umwe bari bagiye gusubira mu mukungugu, ku Muremyi yabaremye. Kandi ko bipfuza kugirirwa ubuntu n’Imana. Rero bose ukwo ari babiri baraje gusenga.
Ng’ako akantu gatoya dutegerezwa kumerako magabo, neza ubu, kugira ngo ubu mutahure neza… rero niyumvirako umuntu wese yotegerejwe kugira ishengero ahantu hanaka. Ni igikorwa canyu, mutegerezwa kwifatanya n’ishengero. Yamara kuba gusa uri uwo mw’ishengero, ntaco bizogutunganiriza. Murabona ? Niyumvira ko abantu bose bategerezwa gusenga. Dutegerezwa gusenga Umwami Yesu Kristo mu guca bugufi kwo mu mutima, mu kwera kwo mu mutima, ariko mu bisanzwe ivyo ntibikwiye. Nizera ko umuntu wese ategerezwa kugira ukwizera mu Mana, ukwizera guhebuje mu Mana. Ariko naho biri ukwo, n’ubundi ntibihagije. Murabona ? asangwa ari ukuja kw’ishengero, kuba umunywanyi w’ishengero, kuriha ibigiracumi vyawe, gusenga Imana, hamwe n’ivyo bintu vyose dukora uyu munsi twita idini, Imana Yoba Itagororotse kuba Yaciriyeko iteka Kayini kubera ko ivyo vyose yabikoze.

Umutsima wa Buri Munsi

Ukwizera ni kwo kwatumye Abeli aha Imana ikimazi kiruta ica Kayini, ni kwo kwamuhesheje gushingirwa intahe kw ar’ umugororotsi, hamwe Imana yashingira intahe amashikanwa yiwe yukw ari meza, kandi ni kwo kwatumye na none akivuga, naho yapfuye.
Abaheburayo 11:4

23-1111

54-0723 Umuhanuzi Elisa

Biradushikira rimwe na rimwe kuja mu kintu ahantu hanaka kandi ntitwiyumvire ku Mana,no kugisengera ntitubikore,kubaza Umwami ko ico kintu twogikora canke ntitugikore ,gurtyo ugaca usanga ingaburo y’imigisha yacu yahagaze. Rero, tukibaza rimwe na rimwe tuti, « kubera iki ntakironka umuhezagiro n’umwe. » Ni ukubera mutaba maso, mwarahevye bwa buzima bwanyu bw’amasengesho. Muvuga muti, « ariko ndi umukristo. » Ng’ico rero ikindi kimenyetso ko wotegerejwe gusenga, nk’uko utahora usenga. Soma Bibiliya buri munsi. Senga buru munsi. Ntufate ingingo giturumbuka utabanje kubaza Imana kubivyerekeye. Mubaze uti : « Mbega nokora ibi ga Data ? » Mubaze uti, « mbega ni ubugombe bwawe ko nkora ibi » ? Hama urabe ico Mpwemu Yera azokubwira. Ashobora kutabaha ukwerekwa, ariko Azovugana namwe mu buryo ubu canke buriya, kugira ngo Abibamenyeshe, asangwa muri imvugakuri maze mukaMubaza.

Umutsima wa Buri Munsi

Muzondondera kandi muzombona, ni mwandondeza umutima wanyu wose. Yeremiya 29: 13

23-1109

61-0213 Kandi uruvyaro rwawe ruzokwegukira Amarembo y’Abansi Barwo

Imana Irakunda kwerekana ikiganza caYo c’Ubushobozi. Nivyo, Irabikora. Irakunda kwerekana ububasha bwaYo. Irindiriye kuri uyu mugoroba kubwerekana muri wewe ; kwakira uwo munyavyaha ikamuhindura burundu, Ifata uwo mukobwa yafashe inzira mbi, uwo muhungu yafashe inzira mbi, Ikabagarukana mu bibanza vyabo, hanyuma bakavamwo abahungu n’abakobwa b’Imana. Iriteguriye gufata uwo mugabo yamunzwe na kanceri, uwo afise ingorane y’umutima, uwo ahumye, uwo ababaye, asangwa ashize ukwizera kwiwe hariya azohinduka ave mu rupfu yinjire mu bugingo, atangurane igishingantahe gishasha. Ararindiriye kubikora. Igushira mu mutego kugira ngo arabe ico wokora.Ibashira muri uwo mutego hariya. Vyagaragaye y’uko ibiremwa ubwavyo vyahishijwe mu maso havyo. Ego. Umwanditsi yavuze igihe kimwe, igihe bashika muri ico kibanza, bibajije ico Mose yokoze. Yari afise itegeko rimwe ryavuga riti, « Bandanya. » Asangwa muri mu nzira mwotegerejwe kubamwo, ntaco bitwaye uko ingorane iyo ari yo yose mu nzira…ibintu bihambaye vyashitse naciyemwo, ni igihe nahura n’ikintu kinaka ntashobora kurengera canke ngo ndacirukane, hanyuma nahagaze hariya nitegereza Imana Ica inzira muri ivyo. Iyo niyo nzira yokubikora. Bandanya, vyonyene. Bandanya. Ntimucike intege. Bandanya gusa. Bandanya gusa. Imana izoca inzira.

Umutsima wa buri munsi

Imana Yanje yarungitse umumarayika wayo, azibira iminwa y’ intambwe, nta co zankozeko; kuko nabonetse imbere yayo ntagira igicumuro, kandi nawe, mugenzi, nta kibi nakugiriye.
Daniyeli6:22

23-1108

61-0209 Yehova Yire

Nareretswe umunsi umwe i Tulsa muri Oklahoma, aho nariko nkoresha igikorane mu nyubako niniya. Kandi—kandi umuntu umwe yari umukozi w’Imana ahantu hamwe yari yadomweko urutoke mu gikorane (Nizera ko yari umukozi w’Imana w’umubatisiti), nca ntangura kumubarira ku vyerekeye ubuzima bwiwe. Umwe mu bungere bo mu gisagara bashigikira igikorane, yahamagaye uwo muntu aramubaza ati, « Vyari vyo ? Woba warigeze kumenya mweneData Branham? » Ntiyari azi ko nzobimenya vyose mu cumba canje c’i hoteli. Murabona ? Ariko I… Inyuma yuko Umwami Ahejeje kumpishurira ivyo yakoze, n’uko rero naritegereje,kandi-umwe muri bo yari yagiye hariya maze avuga ati, « mweneData Branham iyo yasizwe ni umukozi w’Umwami ariko inyigisho ziwe si nziza. Niko Yavuze, “Ni Umuhanuzi iyo yasizwe.” “Ariko Yavuze ati, “Iyo ugusigwa kumuvuyeko,” Yavuze ati, “Yooo, inyigisho ziwe si nziza.”

Umuntu ashobora kuvuga ivyo, ntazi neza ico ijambo Umuhanuzi risobanura. Insobanuro y’umuhanuzi ni “Umuhishuzi w’Ijambo avuye ku Mana” Murabona? Kandi ivyo bimenyetso ni ivyemezo vyerekana ko ari ukuri.

Umutsima wa Buri Munsi

Yemwe mwa murabwenge mwe, imitima yanyu itevye cane kwizera ivyo abavugishwa n’Imana bavuze vyose.
Luka 24:25

23-1107

62-0401 Ubumenyi burwanya ukwizera

Shengero ry’Imana nzima, abari ng’aha n’abariko barumviriza i bande, nabo nyene, mwoba muzi aho muhagaze ? mbega murazi ko mwahamagawe n’Imana , ko Mpwemu Yera Aganza mu mitima yanyu kandi Ijambo ry’Imana iryo ari ryo ryose Ari iry’ukuri kuri mwebwe ? [Ishengero rivuze riti, « Amina. »–Umwanditsi] Yooo, mweneData ! Vyoshoboka bite ko Satani arwanya ivyo ? Gute yoshobora kubuza ko ivyo bitera imbere ? Gute yobuza Ibimenyetso ko bibikurikira ? Rero, woshobora kubata mw’ibohero. Abo, ivyo wobakorera vyose, asangwa wobishobora, barabibakoreye. Babiciye mu ma bohero. Babahaye intambwe ngo zibarye. Babakatishije imisumeno. Babaciyemwo ibipande. Ishengero ryatoranijwe vy’ukuri, ntushobora kuryica. « Abo yamenye mbere, yarabahamagaye. » Nk’uko Yamenye Yesu, « Abo Yahamagaye Yarabatsindanishirije. Kandi abo Yatsindanishirije, Yamaze kubaha Ubwiza, baratoranijwe. »

Kandi ubu, mu minsi ya nyuma, mu gihe urubuto rwose rwabibwe ; ikintu cose kiri mu kibanza caco, Isi iri mu kibanza cayo, igihe carateye imbere, Ishengero riri mu kibanza caRyo, urubuto, imico yo ku kagoroba, ibimenyetso yavuze « Nk’uko vyari bimeze mu gihe c’i sodomu. » Umumarayika w’Imana, Mpwemu Yera, Baramanuka, Bagakora, bagashitsa ibimenyetso Yakoze ico gihe. Malaki 4 yasezeranye ko mu minsi ya nyuma yorungitse ivyo Yari Yarasezeranye. Kandi ivyo vyose tubibona hano nyene. Hehe ? Hehe ? [ Ikoraniro rivuze riti, « Amina. » Umwanditsi—]

Amen, Amen, Amen, Amen, Amen.

Umutsima wa buri munsi

Kukw ivyaremwe vyiteze uguhishirirwa kw’abana b’Imana biguhahamiye cane. Abaroma 8 :19

23-1106

64-0306 Uwuruta Salomo ari hano ubu

Kandi rero tubona yuko Antikristo, Mu gihe ca nyuma, “ Azohenda ababa kw’isi bose, abo amazina yabo atanditse mu Gitabu c’Ubugingo c’Umwagazi w’Intama kuva isi ishirwaho.” Izina ryawe ryashizwe mu Gitabu c’Imana imbere yuko Umwagazi w’Intama wicwa. Igihe umugambi wiwe washirwaho, ikintu cose, Wamenywe muri uwo mugambi kuko waronse Ubugingo budashira. Ijambo Rihoraho, ntiryigeze rigira itanguriro kandi ntirishobora kugira n’iherezo, Kandi mwari igice c’ivyiyumviro vy’Imana imbere yuko n’isi ishirwaho. Ubwo nibwo buryo bwonyene ushobora kuronkamwo Ubugingo budashira. Kandi ubwo Bugingo, yariko irakwiyumvirako, Buri muri wewe ubu. Nta buryo bwo kubutandukanya. Buzoguma hariya.

Umutsima wa buri munsi

Kandi nanje mbaha Ubugingo Budashira, ntaho bazokwigera bapfa rubi gushitsa ibihe bidashira, kandi ntawushobora kubanshikura mu kuboko kwa kwanje.
Yohana 10:28

23-1104

60-1206 Igihe c’Ishengero Ry’i Simuruna

Ntihabaho umuriro Uhoraho. Kuko namba hobaye umuriro Uhoraho, rero wamyeho ibihe vyose, kuko Uwuhoraho… Hariho Ubugingo Budashira bumwe gusa, ubwo ni bwo turwanira twese. Kandi namba uzosha ibihe vyose n’Ibihe Bidashira, rero Ubugingo Budashira bwoba buriko burasha, kandi rero yobaye ari Imana Iriko Irasha. Ntiworonka umuriro Uhoraho, kandi Bibiliya Ivuga neza yuko «umuriro waremwe.» Rero nimba wararemwe, si Uwuhoraho. Ikintu cose Gihoraho nticigeze kiremwa ; camyeho, ni Igihoraho. Kandi Bibiliya Ivuga yuko, « Umuriro waremwe kubw’umurwanizi n’abamarayika biwe. » Umuriro wararemwe, si Uwuhoraho. Kandi sinizera yuko umuntu azohanwa Ibihe Bidashira.

Umutsima wa Buri Munsi

Maz’ azobgira n’abar’ i bumoso, ati Mva i ruhande, mwa bivume mwe, muje mu muriro utazima wateguriwe wa Murwanizi n’abamarayika biwe.
Matayo 25:41

23-1103

65-0220 Ahantu Imana Yatoye ho gusengera

Kandi tubona ko Yesu Yanavuze Ati, « Naje mw’izina rya Data hanyuma ntiMwanyakira. » Rero, Izina rya Data ritegerezwa kuba ari Yesu. Ukwo ni ukuri. Izina rya Data ni Yesu kuko Yesu niko Yavuze. « Mfise Izina rya Data. Naje mw’izina rya Data, hanyuma ntimwaNyakira.” Rero Izina ryiWe, ryari Yesu.

Kandi Gaburiyeli Yamwise Yesu, Abahanuzi bamwise Yesu kandi ata gukekeranya Yari Yesu. Imbere yo kuvuka kwiWe n’umuhanuzi atunganye Yamwise Izina rya Imanweli risobanurwa ngo, “ Imana Iri kumwe natwe.” Rero Imana Yagaragaye mu mubiri, kugira ngo Ikure icaha c’abari mw’isi”, kandi mu gukora ivyo, Yari Yahawe izina rya Yesu. Rero Izina ni Yesu.

Kandi Izina ryari ryashizwe mu Muntu; Atari mw’ishengero, Atari idini, Atari nemera, yamara Umuntu! Yahisemwo kw’izina ryiWe ryoba muri Yesu Kristo. Ubu tubona rero ko Yabaye ico kibanza c’Imana, aho muMusengera.

Umutsima wa Buri Munsi

Yesu aramubgira, ati Ni jewe nzira n’ukuri n’ubugingo: nta wushika kuri Data ntamujanye.
Yohana 14:6

23-1102

65-0217 Umuntu Ahunga mu Nyonga h’Uhoraho

Hanyuma muri ubu bwivuzi bw’amazina ni mwitegereze rero ingene bwashitse. Nari nicaye hariya, n’umwana mutoya akengeretse afise urupapuro yatiye, navuze nti :

Ndarambiwe, yooo, ndarambiwe cane n’ubu burengero bushira ubumanuko buri kure,

Aho ibitutu bigwa hasi inyuma y’umusozi utotahaye.

Ndashobora kubona imbwebwe yinyegeje mu vyatsi vy’umutugutu (violet);

Ndashobora kwumva imbwebwe y’uruvuzo yabira mu canya c’ubwatsi butotahaye bw’inka.

Ahantu hanaka mu manga, ndumva ubwoko bw’ingwe yabira, hariya kure ku musozi catalina muri Arizona.

Haciye imyaka mirongo ine, nisanga muri iyo manga nyene, amaso mu yandi na ya ngwe.

Ewe Mana, hariho igihugu ha kurya y’uruzi, ahantu hanaka kiri hariya n’ivy’ukuri. Murabona ? Hariho—hariho ibintu vyinshi bibishingira intahe. Ibi bintu vyose si ibitito gusa ; ni … ni ivy’ukuri. Ni ukuri. Ndahimbawe cane kuba ndi ng’aha uyu mugoroba ndi kumwe n’abo bantu abo niteze ko tuzobana hariya ibihe vyose, aho ata ndwara, urupfu n’ugutandukana bizohaba. Kandi ugufata ingendo ataco bizoba bimaze ico gihe.

Umutsima wa Buri Munsi

Bizohanagura amosozi yose ku maso yabo, kand’urupfu ntiruzoba rukiriho, kand’amaborogo no gutaka n’uburibwe ntibizoba bikiriho : kukw’ivya mbere bishize.
Ivyahishuriwe Yohana 21 :4

23-1031

55-0116A Ikibanza c’uwizera muri Kristo

Rero asangwa tumaze kuronka ikibanza cacu maze tukamenya yuko ari Ijambo ry’Imana ryabisezeranye… ico nico gituma Yosuwa na Kalebu batatinye ko batoshobora gufata i- igihugu c’isezerano. Kuko icenda bose bari basigaye basubiye inyuma, canke cumi, maze bavuga bati, « ntidushobora kubikora kuko ivyo bisagara vyari bifise ibihome birebire, kandi twebwe tugaragara nk’inzige imbere y’abo bantu. Bobo ni ibigatanya kandi bafise ibirwanisho, » nuko bavuga bati, « ntitwobishobora. » murabona, barabishije urugingo rw’ivyiyumviro

Ntushobora kuraba ukoresheje urugingo rw’ivyiyumviro utegerezwa kuraba kw’isezerano ry’Imana. Rero, Imana yari Yamaze kurungika Umumarayika waYo kandi Umumarayika yariko agendagenda muri urwo rusago. Nuko uguhishurirwa kw’Imana kwazanye ukugaragazwa kw’Ijambo ry’Imana. Rero bari biteguriye kwinjira mu gihugu c’Isezerano.

Umutsima wa buri munsi

Yewe w’Ukwizera guke, n’iki cagukekeranishije ?
Matayo 14 :31

23-1030

63-0628M Irindi rimwe gusa , Mwami

Ntihigeze habaho muri kahise, ahantu na hamwe, aho ishengero ryigize idini, yose yaraguye, ntiyigeze asubira kuvyuka.

Abana b’Isilayeli, mu kigereranyo, bategerezwa gukurikira inkingi y’umuriro. Kandi buri joro bategerezwa kwitegura, Atari kwigira idini no kwicara hariya, ariko kugendana n’umuriro.Ivyo nivyo Imana ishaka ko abantu bayo bokora, Gendana na Mpwemu, gendana n’igihe!

Muvuga muti, “ Rero, mwenedata Branham, twararonse ubwoko bw’imvura bwose, imvura y’imbere n’imvura y’inyuma.” Uri incabwenge. Ntaco bimbwiye uko uguhishurirwa kwoba kumeze , n’ukuntu kwoba gusa neza, , namba kutajanye n’Ijambo ry’Imana , kureke. Ng’iki igicapo c’ukujabuka ubugaragwa, Ijambo ry’Umwami.

Umutsima Wa Buri Munsi

Nuko rero noneh’abari muri Kristo Yesu nta rubanza ruzobatsinda
Abaroma 8: 1

23-1028

61-0119E Umwamikazi w’i Sheba

…Asangwa ishami rya mbere ry’umuzabibu ryazanye ishengero rya Pentekoti, irindi shami ryose rivuye kuri uwo muzabibu rizozana irindi shengero rya Pentekoti. Ariko dufise ayandi mashami menshi yorekerewe, kandi arondoka nk’uko ubwoko bwayo bumeze. Dufise ishami rya Metodisiti ryorekerewe aho, ishami Batisiti, ishami Pentekoti, ubwoko bwose bw’amashami. Azana ivyamwa vyayo bwite.

Ushobora gufata igiti c’umucungwe ukagishirako igiti ca Pamplemouse. Kizobeshwaho n’ubuzima bw’ico giti ariko kandi kizokwama ama Pamplemouse. Gishireko indimu, kizokwama indimu, atari imicungwe naho kibeshwaho n’ubuzima bw’umucungwe. Murabona, icamwa cose c’ubwo bwoko…

Ishengero ryose rivuga ko ari irya Kristo rikura ubuzima bwaryo mu bwiza no mu mashimwe ya Kristo. Ariko ntirishobora kuzana ivyamwa. Ntirizoronka Ubuzima bwa Kristo mu gihe Kristo Atazoba AriWe Yazanye iryo shami ubwiWe. Kandi rero rizoba—rizoba igitabo gishasha c’ivyakozwe n’intumwa kiziyandika inyuma y’ivyo ( Ukwo ni ukuri), kubera ko ari ibikorwa vya

Umutsima wa Buri Munsi

Ariko noneho, ko mwacunguwe ngo ntimuganzwe n’icaha, mukajakarira Imana, mufise imbuto zanyu zizana ukwezwa, kand’amaherezo ni ubugingo budashira.
Abaroma 6 :22

23-1026

58-0128 Kuba Umwe Mu Bumwe

Iki ni igihe co guhitamwo. Ntushobora kuguma hagati na hagati. Birashoboka ko wogenda ubu Butumwa butarahera, ariko ntushobora kurengana uyu muryango ngo ugume uri wa wundi nk’igihe winjira. Ni ukuri. Uzorengana uru rwinjiro kuri uyu mugoroba uri umuntu mwiza canke u—umuntu mubi kurusha ukwo wari uri igihe winjira. Ntaho wobihungira. Ni ahawe ho gufata ingingo. Rero, itegereze. Ni igihe co kugira ihitamwo. Ntushobora kuba hagati na hagati. Ni igihe co kugira ihitamwo. « Utegerezwa guhitamwo wewe uyu munsi uwo ugiye gukorera. »

Umutsima wa Buri Munsi

Ewe masinzi n’amasinzi ari mu kiyaya kizorundurirwamw’imanza ! Kuk’umusi w’Uhoraho uri hafi, ah’imanza zizorundurirwa mu kiyaya !Yoweli 3 :14

23-1025

Yehova Yire 56-0613
Asangwa ndazwe Inzu, ndazi neza ko ntoyimukiramwo ntarayijamwo ngo nsuzume ikintu cose. Ndashaka kuraba ivyanje. Ndashaka kuraba ibinyegukira. Kandi kuva igihe nararwa Ubwami bw’Imana, kubwo Ukugororoka kwa Yesu Kristo, kubwo umubatizo, narinjiye muri iyi mangazine y’imihezagiro y’Imana ihoraho, ndipfuza kugendagenda maze mbone ivyanje ( Amen), Itegereze ku gaserama hanyuma murabe ibi ivyo ari vyo. Ni ibi, isezerano ryose mu Gitabu ni iry’uwizera wese. Ntureke ngo umuntu agusunikire mw’ikona, aguhe utwo kubesha umunwa, hanyuma akubwire kurindira . Ntiwumvirize ivyo bintu. Isezerano ry’Imana riri hano ubu. Rigusunikira mu nganji y’imyaka igihumbi ahantu hanaka… Bibiliya uvuga iti, “ Rero turi abana b’Imana.” Si tuzoba, turi ubu, umwanya wa kubu.

Umutsima Wa Buri Munsi

Ariko ko tur’abana boyo, tur’abararwa; tur’abaragwa b’Imana, tur’abaraganwa na Kristo…
Abaroma8 :17

23-1024

63-0825M Mbega nonesha gute ?

Hamye iminsi yose hari ubwato mu butunzi bw’Imana. Harabaye ubwato mu gihe ca Nowa, kubw’agakiza k’abantu biWe. Harabaye isandugu mu gihe c’amategeko, isandugu y’ibishinga intahe. Mu gihe c’amategeko bakurikira isandugu.
Kandi ubu hariho ugukora kwa gatatu ; nko mu gihe ca Nowa, mu gihe ca Loti, hamwe n’ubu muri iki gihe. Hariho ubwato ubu. Kandi ubwo bwato si idini, kandi si n’ibikorwa vyiza ukora. Ni « Kubwa Mpwemu umwe, » Abaroma 8 :1 « Twese twabatijwe mu mubiri umwe, aho hantu h’ubwo Bwami, umubatizo wa Mpwemu. » Ukwo mwoba mumeze neza kwose, ukwo mwoba mumeze nabi kwose, ico arico cose muri, muri muri ubwo bwami kubwo-kubw’umubatizo wa Mpwemu Yera

Umutsima wa Buri Munsi

Undamire, nzoba ndarusimvye, Nze name ntumbera ivyo washinze.
Zaburi 119:117

23-1023

56-0223 Isezerano ry’Imana kuri Aburahamu n’uruvyaro rwiwe

Imana Ntishiraho itandukaniro hagati y’abana bayo. Umwana wese ava ku Mana, ategerezwa kugezwa canke guhanwa. Murabitahura? Ubwa mbere muragezwa canke mugahanwa, mugakosorwa, umwana yamenyerejwe, yigishijwe, ata n’umwe avuyemwo, umwana wese… woba waraciye mu bigeragezo? Woba waraciye mu mibabaro? Woba waraciye mu guhamwa? Rero muciye muri ibi bintu, muba muri abana b’Imana b’ukuri.

Ariko igihe mudashobora kwihanganira igihano igihe inkoni ikubise, iremereye, maze mugahunga hanyuma mugasubira mw’isi, Bibiliya ivuga yuko muba muri abana b’ibivyagwa kandi mutari abana b’Imana. Kubw’ivyo igihe umuntu avyawe na Mpwemu w’Imana, yitega ivyo bintu, kandi akunda ivyo bintu.

Kandi Bibiliya ivuga yuko igihe ibigeragezo bije kuri twebwe, ibigeragezo bikomeye, biba ari vyiza cane gusumba izahabu kuri twebwe, ni mwuvyiyumvireko.

Umutsima wa Buri Munsi

Eh’ abihanganye tubita abahirwe Yakobo 5:11

23-1022

47-1123 Abana b’Isirayeli

Turi mu ntambuko yacu ya gatatu ariyo ntambuko ya nyuma. Kandi mwibuke igihe c’abapentekoti ni igihe catawe. Birangora kubivuga kubera ko ntigeze mbona ukwizera na kumwe mw’ishengero iryo ari ryo ryose uretse ishengero rya Pentekoti. Ariko ryaranswe kubera ko ari iry’igihe ca nyuma, igihe c’ishengero ry’I Lawodikiya ry’akazuyazi. Kristo Azoridahwa rivuye mu kanwa kiwe. Ariko Imana Izosohora ihanga ryaYo ng’aho irikura mu gihe c’abapentekoti.

Muvuga muti, “Rero, ndindiriye igihe gihambaye.” Ndabizi, benshi muri mwebwe bantu… hariho inyigisho, amashure y’abavugishwa. Bavuga ko igihe gihambaye c’ishengero gitegerezwa kuza. Ntimwizere ivyo. Ikintu gikurikira, ni Kristo Aza kurondera ishengero ryiWe. Ukwo ni ukuri. Ku… rero mwibuke igihe c’ishengero rya nyuma ni igihe c’ishengero rya Lawodikiya. Igihe c’akazuyazi, ico Imana Yadashwe kiva mu kanwa kaYo. Ni ukuri. Kandi ivyo murabizi.

Umutsima Wa Buri Munsi

Yaje mu vyiwe, arikw abiwe ntibamwakiriye.
Yohana 1:11

23-1021

63-0119 Inzira y’Umuhanuzi w’ukuri

Bibiliya Ivuga iti, « Igihe Imana… Igihe intambwe iroshe, ni nde atotinya? Kandi Imana Ivuze, ni gute tutovugishwa ?» Gute tutobikora ? Imana Ivuze, umuhanuzi atangaza Ijambo ryavuzwe. Kandi iyo Ari Ijambo ry’Imana…

Kandi intambwe iroshe, iminzerere, n’ibindi vyose, biranuma, kubera bitinya, u—u—umwami wavyo aba—aba ariko aravuga. Bifise u—ubwenge burashe, ishaka, n’ukwubaha gukwiye, kugira bubahe umwami wabo igihe avuga.

Rero, Imana Ivugira mw’Ijambo ryaYo, kandi reka ikiremwa cose caremwe naYo, kibe magabo. Iriko Iravuga muri iyi minsi ya nyuma.

Umutsima Wa Buri Munsi

Bukeye bw’aho abona Yesu aza kuri we, aravuga ati, Ng’uyu Umwagazi w’Intama w’Imana ukurah’icaha c’abari mw’isi.
Johana 1 :29

23-1020

61-0226 Yehova Yire

Ntimwirabe, raba umwagazi w’Intama.Imana ntibemera ; Yemeye Umwagazi w’Intama. Kandi Umwagazi w’Intama wafashe ikibanza canyu. Yooo, Mana ! Ntimubibona ? Si mwebwe, ntimubereye. Simbereye. Nta n’umwe muri twebwe abereye. Ariko, murabona, We, Arabereye ? Imana Yavuze ko Abereye. Yaramwemeye. Yavuze Ati, “ Uyu ni Umwana wanJe nkunda Akampimbara. Uyu ni Umwana wanJe. Ni muMwumvirize, » ku munsi wo kumwemera nka Samuragwa, « Uyu niWe. »

Ntimukavuge ngo, « Rero, umuganga yambwiye ko ntazokwigera nkira. » Ivyo ni muganga avuga, ariko uwo mugabo ni umuhinga. Araba kuvyerekeye uko ibintu bisanzwe vyifashe. Agaca abona ko mutazokwigera mukira. Ubwenge bwiwe bumwereka ivyo.

Rero, ivyo nivyo araba. Asangwa muraba ibintu nkawe, ntimuzokwigera mukira. Ariko yaco muraba kuvyo yavuze. Yaco muraba kuvyo… ukuntu museserejwe. Ariko raba ku kimazi canyu. Ni ivyo. Kandi mwibuke ko muri uruvyaro rwa Aburahamu, abaraganwa nawe. Kandi asangwa muri bo, gumana n’isezerano, mwakire nk’umukiza wanyu. Maze mugume ng’aho.

Umutsima Wa Buri Munsi

Bukeye bw’aho abona Yesu aza kuri we, aravuga ati, Ng’uyu Umwagazi w’Intama w’Imana ukurah’icaha c’abari mw’isi.
Johana 1 :29

23-1019

57-0818 Ivyibutso vy’Imana Vyagejejwe

Murabona, ingeso z’umuntu zerekanwa n’ibikorwa vyiwe. Ikintu cose uri, ibikorwa vyawe bigaragaza ico uri. Ntaco bitwaye uko woshinga intahe kwose, ikintu cose wovuga, ikigishigikira canke ikikirwanya, ntaco bisa bisana n’ivyo. Ibikorwa vyawe vyerekana ico uri, vyerekana uko umeze imbere. Igikorwa cose ukora, kigaragaza ico uri.

Na mwebwe bagwizatunga, namba mukora akazi mwikurayo vyonyene, murabona ico nshaka kuvuga, kudaheza akazi kanyu, ntimugakore. Namba mudashobora kugakora neza, ntimugakore. Ukwo ni ukuri.

Igihe uza kuri Kristo, namba udashobora vy’ukuri kwitanga wese, maze ukaza kuri Kristo, ntuze. Ariko igihe ushaka vy’ukuri kuba umuKristo witandukanye. Bigaragaze. Ukwo niko Imana Ishaka ko Umera. Kandi ivyo bizo—bizogaragaza, ibikorwa vyawe bizogaragaza ingeso zawe. Ingeso zawe zigaragarira mu bikorwa ukora.

Umutsima Wa Buri Munsi

Kandi n’umwana amenyekanira ku vyo akora, Kw ingeso ziwe zizotungana zikaba nziza. Imigani 20 :11

23-1017

64-0418B Ikintu c’insigabwenge

Nk’akarorero, vyobaye gute iyaba mfise ububasha bwo kugucira urubanza nk’uko Imana ibufise ku kintu cose, « Hama nkababwira nti, rero murazi, uwuzoraba kuri uyu muco azopfa, nk’uko bimeze kubijanye no kurya ku giti. »? Nuko ikintu ca mbere mwomenya, uyu mweneData yicaye hano, yokiravye. Yonteye ikigongwe. Si—sinipfuza ko yopfa. Nzozana Terry ng’aha ku— ivyo ntivyobaye vyiza. Oya. Rero, hamwe noba mfise umwana wanje bwite ngo abikore? Ivyo ntivyobaye vyiza. Hariho inzira imwe yo nyene nziza noshobora kubikoramwo, iyo nayo ni ugufata ikibanza ciwe.

Rero Imana ntiyari gufata ikibanza c’umuntu, kuko Yari Mpwemu. Nuko Imana Yaremye akaremangingo k’amaraso, ako nako kakaba kari Umwana waYo bwite, Yesu Kristo. Imana ica Iraza Yinjiramwo Yibera aho. Iba ng’aho, Yishushanije ubwaYo muri Kristo. Iyo yari Imana, Imanweli. Yesu yavuze ati, « Jewe na Data turi Umwe. Data aba muri jeWe» murabona? « Imana muri Kristo Yiyuzuza n’abari mw’isi. » Yesu yari umubiri, inyubako, Imana yari Mpwemu yibera muri We.

Umutsima Wa Buri Munsi

Kuk’urukundo Imana yakunze abari mw isi ari rwo rwatumye itanga umwana wayo w’ikinege, ng’umwizera wese ntaz’apfe rubi, arikw ahabge ubugingo budashira.
Yohana 3:16

23-1016

60-0109 Bagenzi Turashaka kuraba Yesu.

Aho niho ukwizera kwanje gushinzwe, nta kindi uretse Ijambo Rihoraho ry’Imana Ihoraho , kandi
Imana ntirusha agaciro Ijambo ryayo, jewe sindusha agaciro ijambo ryanje, na wewe nturusha agaciro ijambo ryawe, asangwa ntokwizera kubw’ijambo ryawe aho rero si…ntibinakwiye ko mvuga
Ko nkwizeye , kuko ntobishobora. Kandi asangwa utonyizera kubw’ijambo ryanje ntibikenewe ko umbwira ko umfitiye icizere. Kuko ntiwobishobora. Rero asangwa tutokwizera Imana kubw’Ijambo ryaYo ntidushobora kuYizera . Ariko igihe Imana yaRivuze maze ukizera n’umutima wawe wose ko ari wewe vyerekeye, ivyo bitegerezwa gukoreka.
Reka rero ubu ntangaze ibi : yuko inyifato ibereye yo mumutima kw’isezerano ryose ry’Imana izobishitsa.

Umutsima Wa Buri Munsi

Nuko ntimute ubushizi bw’ubwoba bwanyu buri n’impera ikomeye
Abaheburayo10 :35

23-1015

62-0711 Ni muMwumvirize

Mbega wiyumvira ko Imana Yokora iki uno munsi, igihe Mpwemu Yera Aza maze AkaYibwira ko, mu mashengero yacu twemeye imyizerere mu gishingo c’Ijambo RyaYo ? Wiyumvira iki, twaremeye za nemera mu gishingo ca Kristo ? Wiyumvira ko Ikora iki igihe… igihe Aje maze Akavuga ko abakobwa baYo bose bamoye imishatsi yabo, bambara amabutura, banywa itabi ? Ni… Bibiliya Ivuga ko abantu nk’abo badashobora kwinjira ? Kutizera… Uvuga uti : « Nta kintu bihindura. » Ntiwemere ko umurwanizi akubwira ivyo. Namba Imana Yarabivuze… Paulo yavuze, ng’aha, mu b’i Galatiya 1 :8 ati : « Naho yoba Umumarayika Avuye mw’Ijuru, ababarira Ubutumwa bunyuranye n’ubwo twababariye, arakavumwa. » Kubera iki vyahindura ikintu ? N’ikintu gitoya ko umugore wa Lot yahindukiye, guhindukiza ibitugu, yahindutse inkingi y’umunyu. Utegerezwa gufata Ijambo. Hariho ugufata minenerwe ahantu hanaka. Utegerezwa kugaruka ku Butumwa Bwiza, kugaruka kuri Kristo, kugaruka kw’Ijambo Rizima, ntuRice iruhande kubera ikintu kinaka kiri ahandi, utegerezwa kuRyizera.
Umutsima wa buri munsi

kugira ngo dushire ubgana, ntituzungazungishwe n’imipfunda, ngo tujanwe irya n’ino n’imiyaga yose y’inyigisho n’amangetengete y’abantu, n’ubugunge bgabo, n’uburyo bginshi bgo kutuzimiza.
Abanyefeso 4:14

23-1014

57-0901 Abaheburaho Igice Ca Gatatu

Kubijanye n’idini ryonyene n’urukundo hamwe n’Agakiza dufise, biri mu bantu batunganye vy’ukuri. Murazi, Bibiliya yavuze ko ivyo vyoshitse.[Ishengero rivuze riti: “Amen.”u— ]. Ego. Mwebwe basomyi ba Bibiliya nabumvise musemerera muti, “ amen”, hanyuma Umuvugabutumwa hariya epfo akavuga ati, ukwo ni ukuri. Urukundo umuntu yovuga ko ruzoba atarukiriho mu minsi ya nyuma; urukundo rwonyene ruzoba rusigaye hagati y’abantu b’Imana batoranijwe. “umugabo azorwanya umugore n’umugore arwanye umugabo, abana barwanya abavyeyi n’abantu batanduukanye, bamwe bagwanya abandi.” Kandi urukundo rwonyene ruzosigara, ruzoba ari urwo abatoranijwe, urwo abatoranijwe nyene. Ijambo “gutoranywa” riva mw’ijambo “ abatoranijwe”, Ihanga ryatoranijwe n’Imana

Umutsima wa Buri Munsi

Maze kuk’ ubugarariji buzogwira urukundo rw’abenshi ruzotimba.
Matayo 24:12

23-1013

62-0513M Inzira y’umuhanuzi w’ukuri

Ewe, Ntambwe yo mu muryango wa Yuda, haguruka, utontome ! uriko uratontoma ku munsi wa nyuma. Amaso yawe aramerereje. Uraba hasi. Uriko witegereza icaha c’iki gihugu cigira igiKristo hamwe n’ic’isi. Uriko witegereza icaha c’iki gihugu, naho biri ukwo, cacunguwe n’amaraso y’agaciro. Uriko witegereza amadini ariko ahonyanga Ijambo ryaWe, ukabona abavugishwa b’ibinyoma babesha. Bahakana ukuri kw’Imana.

Tontoma, ewe Ntambwe ya Yuda ! Reka abavugishwa bawe basemerere. “Iyo Imana Ivuze, ninde atovugishwa?” ni Ijambo ry’Imana riva muri Bibiliya rigaca rija mu mubanuzi. Mbega Ashobora guceceka gute? Aramutse abikoze, yomanyagurikamwo ibipande. Ewe Mana, reka Umuhanuzi wawe atontome, Mwami. Umvikanisha ugutontoma kw’Ubutumwa bwaWe, ewe Mana, kandi icaremwe cawe cose co mu Bwami bwaWe kimere magabo.

Nibahagarare. Abagore nibahagarare, hanyuma bisuzume ubwabo. Ese abagabo bohagarara maze bakisuzuma ubwabo. Ese umuvugabutumwa wese yumviriza ino bande, yohagarara akisuzuma ubwiwe, kubera ko intambwe yo mu muryango wa Yuda iratontomye. Hanyuma Ijambo ry’ukuri rizanana ku bahanuzi, bakaritangaza bavuga bati, “Ihane hanyuma muhindukire, igihe kitararengana.”

Umutsima wa Buri Munsi

Intambge irivuze, none ni nde atotinya? Umwami Uhoraho aravuze, none ni nde atovugishwa?
Amosi 3:8

23-1012

56-0723 Kurongorwa na Mpwemu w’Imana

Mushaka – mushaka ko Imana Ibarungikira ubushobozi, genda musenge kandi mwizere. Mpwemu Yera azobibazanira, ugukira indwara, agakiza, ico ari co cose mukeneye Imana izokibazanira.

Ndashobora kubona umugwi w’abantu bari bafise ubwoba ijana na mirongo biri. Yoo, abantu bato ba kera bafise ubwoba kandi niko bari bameze. Baduze intambuko ntoya igihe kimwe, Kuko Imana yari yavuze iti,” Rero, ntimusubire kwigisha, ntimusubire kuririmba, ntimusubire gushinga intahe gushika mwujujwe Mpwemu Yera. Hanyuma azobarongorera mu mahanga yose kuvuga Ubutumwa bwiza.”

Baduze mu nzu yo hejuru hanyuma baguma hariya, bafise ubwoba, inzugi zari zugaye, amadirisha yugaye, basenga buhorobuhoro , kandi bihishije Abayuda gushika aho Mpwemu Yera abamanukiyeko.

“ Hanyuma haje igihinda kivuye mw’Ijuru nk’umuyaga w’inkomezi, gikwira mu nzu yose bicayemwo. Hababonekera ibirimi vyigabanije nk ivy’umuriro bibajako umwe umwe. bagiye hanze y’imiryango n’amadirisha baja mw’ibarabara barongowe na Mpwemu Yera. Kandi wa muriro nyene waka ku munsi wa Pentekoti uracakora ku mitima kuva ico gihe gushika uno munsi. Abantu bashaka kurongorwa na Mpwemu Yera…

Umutsima wa Buri Munsi

Abakora ibibi vyo kurwanya isezerano azobazimirisha akarimi keza; arikw abantu bazi Imana yabo bazoshikama bakore ibikomeye.
Daniyeli 11:32

23-1011

64-0816 Ukwemeza Ijambo ryaYo

Imana niYo musobanuzi waYo bwite.

Igihe Yasezerana, Yavuze Iti, « Nihabe Umuco, » maze umuco uraza. Yavuze Iti, « Inkumi izosama inda, » maze irayisama. Murabona, ico Imana Ivuze ico ari co cose, Imana Iracemeza.

Naho wogerageza gute kwiyumvira yuko izuka ry’umubiri ritoshobora kuba, kandi abantu bagarutse hariya, ari umukungugu gusa w’isi, kandi ko batakiri umukungugu ubu, ariko bahindutse ama aside n’ivyuka ivyo imibiri yabo yari ikozwemwo. Ubugingo bwabo buracariho. Imana Yavuze Iti, « Nzowuzura. » Yobu Yavuze ati, «Kandi urukoba rwanje ni rwamara kubora, nzobona Imana nambaye umubiri. » Murabona, nta ngorane, Ijambo Ryose Ritegerezwa kwitonderwa, kandi umuntu azotungwa n’iryo Jambo.

Umutsima wa buri Munsi

Maz’arambaza, ati Mwana w’umuntu, mbeg’aya aya magufa yoshobora kuba mazima ? Ndishura, nti Mwami Uhoraho, ni wewe wobimenya.
Ezekiyeli 37 :3

23-1009

54-0515 Ibibazo n’inyishu

Hano Bibiliya Ivuga ko Reta Zunze Ubumwe za Amerika, twayibonye mu buvugishwa, yaduze, isa n’umwagazi w’intama, « Umwidegemvyo wo gusenga » Hama haheze umwanya bakoranirije hamwe ivyo bintu. Ica Ivuga nk’igisato, kandi Igakoresha bwa bubasha nyene igisato cari gifise imbere yiwe. Iyo, ni reta zunze ubumwe za America ! Ukwo ni ukuri.

Umukozi w’Imana Yambwiye nta gihe kirekire kihaciye, umugenzi wanje yavuze ati, « MweneData Branham, Imana Ntizokwemera ko reta zunze ubumwe za Amerika zigwa, kubera urufatiro ba sokuruza bari barashizeho ku bijanye no gusenga. »

Navuze nti, « Yarahevye Abayuda ; barajanwa mu mahanga kandi bari bafise igihagararo ciza kurusha ico twari dufise. » Ukwo ni ukuri. Imana Ntiyubahirije urunganwe runaka rwarenganye ; ni mugende mugororotse, atari uko muzokwurwa mu Bwami, ivyo birahagije. Ata gukekeranya. Ivyo birakaze ariko ni vyiza kuri mwebwe.

Umutsima wa Buri Munsi

Ariko kimwe gusa, mwiyubare, mugire umwete wo kwirinda mu mitima, mwoye kwibagira ivyo amaso yanyu yiboneye, vyoye kuva mu mitima yanyu imisi yose muzoba mu kuriho ; ariko muze mubimenyeshe abana banyu n’abuzukuru banyu.
Gusubira mu Vyagezwe 4 :9

23-1008

61-0219 Umwamikazi w’i Sheba

Iminsi yose mwibuke shengero, amajambo y’Imana ni ay’ukuri. Ndizera yuko ivyiyumviro vyiza ku bijanye n’isezerano ry’Imana rizoshitswa, igikenewe gusa ni ukuriraba ryiza. Ariko mwibuke, kandi ibi vyari u—urufatiro nyamukuru rw’ubuzima bwanje. Itegereze ico nihatiye gukora. Ubwa mbere nshaka kubona namba arivyo canke atari vyo, ko ari ubugombe bw’Imana. Aho rero… namenya ko ari ubugombe bw’Imana, intumbero nshaka gushikako n’igituma kinsunikira kubikora, rero, asangwa bijanye n’ubugombe bw’Imana hama intumbero yanje akaba ari iy’ukuri n’intego yanje akaba ari iy’ukuri, mba mfise ukwizera yuko bizoba. Kubera ko ubwa mbere ari ubugombe bw’Imana kandi mfise…rero intego yanje ni iyo kuMuhimbaza hamwe n’ intumbero yanje yo kumuha icubahiro cose. Murabona? Rero ntibivana n’intumbero yo kwikunda. Asangwa mfise intumbero yo kwikunda, ntibizogenda neza, ariko intego yawe asangwa ari iyo kwironderera amafaranga canke ikindi kintu nk’ico, rero ntibizokunda. Kandi mugerageje gukora ikindi kintu Atari ubugombe bw’Umwami, n’ukuri kuva ku ntango, ntibizogenda neza.

Umutsima wa Buri Munsi

Mugire wa mutima muri mwebge wari muri Kristo Yesu.
Ab’i Filipi 2:5

23-1007

51-0729A Izuka rya Lazaro

Itegereze. Ubumana… ndi igice ca Charles Branham, kubera navutse nzananye kwa Charlie Branham , data. Ndi igice ciwe. Uruhanga rwanje ni nk’ urwiwe. Imishatsi yanje yari imeze nk’ iyiwe. Ndi umuntu muto muto nka we. Mfise kamere nk’akiwe, kubera ko ari data.

Asangwa duhinduka muri mpwemu abana b’Imana, aho rero Ubumana buba mu muntu. Haleluya ! Rero muvuga kuvyerekeye amaso y’impumyi ahumuka.

Bavuga ko ata kinanira Imana. Imana Ivuga ko vyose bishoboka kuri wewe, mu gihe uvyizeye, si Imana, ariko wewe. Ubumana buri mu muntu.

Ya Mana Yahagaze hariya ahantu h’insigabwenge havugigwa ubutumwa ho mu bihe bidashira kandi kubwo amaboko yiWe, akaba yabumbabumvye amasi, maze Arema ivyo bintu vyaguhaye ibakwe ryo kuba umwana waYo, nuko uri igice ciWe. Imana Iba mu muntu, kandi umuntu ubwiwe ni Ubumana. Haleluya ! Ni ivyo. Vyobagora kwemera ariko ni muvyigeko umwanya mutoya. Murabona ?

Umutsima wa Buri Munsi

Mpwemu ubwiwe abwiririkanya n’impwemu yacu, ar’icabona, yuko tur’abana b’imana
Abaroma 8 :16

23-1006

58-0202 Ihute guhungira ng’aha

Yooo mweneData, mbega umunsi turiko tubamwo. Bibiliya yavuze ko kuri uyu munsi (Muri 2 Timoteyo) , « Mpwemu Avuga vyeruye, yuko mu minsi ya nyuma, abantu bazota ukwizera, bikunda, bibona, bakunda ibibahimbara bakarutisha Imana. »

Naje mw’ishengero mugoroba umwe. Hari hakanye cane kandi cari igihe kibi co kuza ng’aha. Ariko bari bafise urukino rw’amaboko hariya hantu. Vyabaye ngombwa kwankira abantu amajana ko binjira. Ivyo bisigura iki? Imana Yabo, ni urukino rw’amaboko. Rero, muri ico gihe, Imana yanyu ni Iki? Ni impwemu zipoperanirije mu kantu kamwe. Ndanezerewe cane ko Imana yacu Ari Umwami Yesu Kristo, Umuntu Yazutse mu bapfuye, Umuremyi muzima Yashizeho amajuru n’isi. Ariko kuri bo ni ico bipfuza kuraba. Ubwoko bw’impwemu iri muri bo, ibakwegera kuri ico. Mpwemu Ari mu mu Kristo, Amukwegera kuri Kristo. “Umuntu ashobora kuza gute kuri Jewe Data Atamukwegereye?”

Umutsima wa Buri Munsi

Mushire imitima ku biri hejuru, ntimuyishire ku biri mw isi.
Ab’i Kolosayi 3:2

23-1005

63-1229M Hariho Umuntu Ng’aha Ashobora Kwatsa Itara

Mwibuke, mu gihe cose, mu gihe c’umwiza, Imana Yamye ituma Ijambo ryaYo Ritandukanya Umuco n’umwiza.
Yarabikoze mu gihe ca Luther, igihe ishengero rya Katolika ryari rifise vyose; Yarungitse Luther nk’Umuco wakaka, hanyuma Luther yatandukanije Umuco n’umwiza.
Kandi n’igihe aba Luteriyano bagwa, Yaciye Ihagurutsa John Wesley, yatandukanije Umuco n’umwiza.
No mu misi ya Pentekoti, igihe abo kwa Wesley bagwa…hanyuma aba Metodisiti bakavangirwa, hamwe n’Ababatisiti, mbere n’aba Peresibiteriyano, Yarungitse ubutumwa bwa pentekoti butandukanya Umuco n’umwiza.
Aba Pentekoti baciye basubira ubugira kandi aho hanze mu mwiza, uko, mu madini yabo, bafashe imigenzo yabo n’ibindi.
Rero igihe cageze kw’ iri Jambo rigaragazwa. Arungika Umuco, Ijambo ryagaragajwe nk’uko Yabikoze kw’itanguriro; arungika Ijambo, kandi rikigaragaza.

Umutsima wa Buri Munsi

Kandi nzobashumbusha iyo myaka mwamaze inzige zisanganguye ivyanyu, zimwe zararaye n’izitaragurika n’iziyigiza n’izikegeta,
Yoweli 2:25

23-1004

61-0903 Umuco Wanyu Ni Uboneshe Imbere y’Abantu

Uburyo bwonyene tubonamwo Kristo, ni igihe Agaragariye muri jewe no muri wewe. Ndabona Kristo muri wewe. UraMubona muri jewe. Ukwo ni ko tubona Kristo. Ndaza mw’ikoraniro. Ngatangura kuvuga ubutumwa. Nkitegereza abantu . Haciye umwanya muto, urashobora kubona ko bariko barakurikira canke atariho bari. Iyo witegereje abantu bari mw’ikoraniro, urashobora kubona ko uriko urabagora canke atari vyo. Murabona?
Kandi haciye umwanya, ubabona bicaye hariya, bacakira Ijambo ryose, biteze ikintu. Murabona? Ndabona Kristo Yigaragariza mu muntu munaka, kuko afise inzara n’inyota vy’Imana. Kandi igihe nigisha Ijambo ry’Imana, nawe arabona Kristo yigaragaza muri jewe. Ndabona Kristo Yigaragaza muri we. Bisigura yuko Kristo Ari hagati muri twebwe. Amen. “Mugihe dufise inzara n’inyota.” Nditegereza abantu bari mw’ikoraniro, uburyo bakira kirya kintu. Iyo mvuze ikindi kintu, nkitegereza ingene kibagirako ububasha. Iyo mbonye mu maso habo hasayangana, huzuye umunezero, baba biteguriye kwakira ikintu kinaka. Uwo ni Kristo. Ndabona Kristo Yigaragariza mu muntu munaka, kuko Ubutumwa bwiza, bwa Butumwa bwiza bwa Kristo buciye bugufi, Bwacakiye uwo mutima, kuko bafise inzara n’inyota.

Umutsima wa Buri Munsi

Ijambo rya Kristo ribe muri mwebge rigwiriye…
Ab’i Kolosayi 3:16

23-1002

53-0613 Inzira yateguwe n’ Imana

Uwo mugani w’amazimano y’ubukwe wigishijwe mu buryo bw’igitangaza. Yabonye umuntu atari yambaye impuzu y’ubukwe. Rero, niko bigenda kenshi. Igihe kinaka mu burengero, iyo bategura i—indya zo ku mugoroba canke ikintu kijanye n’ico, ni Umukwe yategerezwa kuzana amakanzu. Uko—uko niko bimeze kuri uyu munsi mukuru nawo, umunsi mukuru w’ubukwe turiko turajamwo.

Kandi rero, umukwe yarondera umuntu ahagarara ku muryango kandi abari bafise ubutumire bose baca ku muryango. Baba ari abatunzi canke abakene, abo baba ari bo bose, babambika ikanzu. Bamaze kwinjira, bose barasa. Ivyo ndabikunda.

BeneData, iyo winjiranye mu muryango, ntihaba hakiri jewe ndi mukuru nawe uri mutoya. Nuko rero yasanze umuntu inyuma hariya atari afise impuzu y’ubukwe. Yari yinjiriye ahandi hantu atari mu muryango. Yesu Yamubajije Ati, « Mugenzi, uriko ukora iki hano ? » Ntiyigeze akurako umunwa.

Rero namwe mugerageza kwuririra ku nyifato yanyu bwite nziza canke kubwa nemera zawe zinaka canke amashengero kanaka. MweneData, uzokwisanga mu kintu kimwe nk’ico. Umuntu uwo ari we wese yazananye muri uwo muryango agiye kuronka nk’irya kanzu nyene. Kandi iyo kanzu ni umubatizo wa Mpwemu Yera. Kandi umuntu uwo ari we wese ategerezwa gukora gurtyo.

Umutsima wa Buri Munsi

Kuko mwese mur’umwe muri Kristo Yesu. Ab’i Galatiya 3 :28

23-0930

64-0112 Shalom

Ugutamanzura kw’umunsi mushasha, ndakwumva kuntwikiriye muri uyu mwanya. Umuco w’umunsi mushasha ; Umuco w’umunsi uzira ijoro, nta mwiza, nta bitutu, nta birere, nta—nta birere vyijimye kandi bitabona neza, nta mva, nta mashurwe ku ruhande rw’umusozi, nta gutegura ibikoresho vyo guhambamwo abapfuye, nta baganga, nta buruhukiro bw abapfuye. Amen. Nda—ndashobora kumva imishwarara y’umuco ikubita mu bugingo bwanje. Umunsi mushasha, uwaheze wamaze gukamangana .

Nk’uko numva amaraso apfa atembera mu mubiri wanje, inyuma y’ivyo ndumva uguhinda kwa Mpwemu Yera kuvuga kuti, « haguruka ukayangane. »

Ikintu kinaka kimbwira kiti, « Billy Branham » uriko urasaza, inguvu zigenda zigabanuka,watunye amabega, imishatsi yawe iriko izamwo imvi kandi iriko iraherengetera. Ukwo ni ukuri. Kandi umwiza n’umwiza w’intimbatimba uri kw isi.

« Ariko haguruka ukayangane.» Ndumva uguhinda kw’inkomezi, kw’Umuco w’ubwiza bw’ Ubutumwa Bwiza bwa Yesu Kristo bwangize ikiremwa gishasha muri We. Ndindiriye uwo munsi, amen, umunsi mushasha.

Umutsima wa Buri Munsi

Ivyagira kuri ya ntebe iravuga, iti Raba vyose ndabihindura bisha.

Ivyahishuriwe Yohana 21 :5

23-0929

61-1015M Ibibazo n’Inyishu

Yesu ni Manu inyegejwe. Kristo ni Manu y’Ishengero. Mbega Manu ni iki ? Manu mw’isezerano rya kera ni kirya camanuka kikiri kizima buri joro kugira ngo gihe inkomezi ishengero mu rugendo rwaryo, ukwo si ukuri ? Rero, mw’isezerano rishasha Manu yanyegejwe ni iki ? « Hasigaye igihe gito, isi ntibe ikimbona (Aranyegejwe); ariko mweho muzoMbona kuko nzobana namwe, mbe muri mwebwe kugeza ku muhero w’isi. » Kandi Kristo ni ya Manu Yanyegejwe yaje ivuye ku Mana mw’Ijuru, Yama Ari nshasha iminsi yose—iminsi yose.
Ntitwoshobora kuvuga duti, « Rero haheze indwi zibiri ndonse imigenderanire ihambaye n’Imana ariko ubu hoho bimeze gute ? Murabona ? Iminsi yose, mushasha, umuhezagiro mushasha, ikindi kintu gishasha kiza kivuye ku Mana, Manu yanyegejwe yururuka ivuye mw’Ijuru ku Mana : Kristo. Turanezererewe iyo Manu, ariyo Kristo, kandi niWe Aduha inkomezi mu rugendo rwacu, kugeza igihe tuzoshikira i—igihugu co ku rundi ruhande.

Umutsima wa Buri Munsi

Kuk’ umutsima w’Imana ar’ umanuka uva mw ijuru, ugaha abari mw isi ubugingo. Yohana 6:33

23-0928

60-1002 Umuvyeyi Mucunguzi

Umunyamerika akora nk’Umunyamerika, Umudagi akora nk’Umudagi, kuko ari zo mpwemu zabo z’igihugu. Nuko natwe dufise Impwemu y’igihugu.Iyo ni Mpwemu Yera ava ku Mana, mw’Ijuru, kandi uca ukora nkaYo. Ituma wigenza nk’uko bigenza Hariya hejuru, kuko muri abo muyindi Si.

Tuba muri Amerika, uko ni ukuri.Ico ni igice c’umubiri. Ariko ubugingo buturongora, kamere yacu, iva hariya hejuru.Ubuzima tubayeho ni ubwo hejuru.Kuko twavukiye hejuru.Abakristo bose bamuka iyo hejuru.Yesu Yavuze Ati, « Si nd’uw’iyi si. Jeho namutse iyo hejuru. Iyaba ubwami bwanje bwar’ubwo mur’iyi si, abagendanyi banje baba barwanye. Ariko Ubwami bwanje ni ubwo mw’Ijuru. » Rero ni uko amera uwavukiye mu Bwami bw’IMana, ni uwamuka mw’Ijuru.

Umutsima wa Buri Munsi

Yemwe mwa busho buto, ntimutinye:kuko So bimuhimbara kubaha ubwami
Luka 12:32

23-0926

60-0522E Kugirwa Samuragwa, Igice ca 5

Ntimwacunguwe n’amaraso, muguma mucunguwe n’amaraso ariko mwacunguwe kubw’ubuntu biciye mu nzira y’ukwizera, mu kuvyizera. Imana Yadodoye ku mutima wawe kuko yagutoranije. Waravye hejuru, hanyuma uravyizera, uravyemera. Rero, amaraso ni ikimazi c’ivyaha vyawe. Mwibuke, navuze nti, « Imana Nticirako iteka umunyavyaha kuko yakoze icaha. » Ni umunyavyaha kuva kw’itanguriro. Icirako iteka umuKristo kuko yakoze icaha. Kandi, kubera Yamuciriyeko iteka, ni ico gituma Kristo Yakiriye ugucirwa iteka kwacu Akwishirako. Nta gucirwa iteka ubugira kandi ku bari muri Yesu Kristo, batakigendeshwa n’umubiri ariko bagendeshwa na Mpwemu. Kandi ni mwakora ikintu kibi, ntimugikoze mushaka. Ntimukora icaha mugishaka. Umuntu akoze icaha agishaka, asohoka kugira ngo aje gukora icaha abishaka, ntiyigeze na gatoya yinjira muri urya Mubiri. Ariko iyo umuntu aWinjiyemwo, aca apfa, kandi ubuzima bwiwe buba buhishijwe mu Mana, kubwa Kristo, agashirwako ikimenyetso ca Mpwemu Yera, kandi Umurwanizi ntiyoshobora kumuronka, aba ari kure cane ibwina. Vyosabwa ko asohoka aho hantu imbere yuko satani ashobora kumucakira. « Kuko uba wapfuye. »

Umutsima wa Buri Munsi

Unzigame nk’imbone y’ijisho, umpishe mu gitutu c’amababa yawe.
Zaburi 17 :8

23-0925

23-0924

50-0227 Imana mu bantu baYo

Abantu benshi barabitahuye. Ihanga ryamwumvirizanya ishaka. N’ubu naho, nico kimwe. Ariko narabonye ko abantu ; hafi amadini yose arakurikirana inama. Tuhasanga n’aba Orthodoxe, abayuda, abagiriki, aba katolika, n’abandi. Ariko Imana ntiyubaha amadini atandukanye ; yubaha ukwizera kuri mu muntu. « Asangwa wizeye birashoboka » niko yavuze.

Kandi yavuze ati, « Ni wigire ariko guhera ubu ntuzusubire gukora icaha kugira ngo ntuzushikirwe n’ibirengeye ibi. » Rero kubw’ivyo, kugira ngo ushobore kwakira ugukira indwara kwawe, utegerezwa kuba umuKristo inyuma yo gukira indwara kwawe. Kandi ndizera—novuga ibi ku bijanye n’impangano zibiri—yuko igihe ukize indwara, ivyaha vyanyu biraharirwa. Sinumvise amen nyinshi , kuri ivyo, ariko ni ukuri. « Mwaturanire ivyaha vyanyu, musengeranire, kugira ngo mubone gukira indwara zanyu. »

« Ni wigire ariko guhera ubu ntuzusubire gukora icaha kugira ngo ntuzushikirwe n’ibiruta ivyo. » Yesu yavuze ati, « Icoroshe n’ikihe, n’ukuvuga nt’ Uhariwe ivyaha vyawe; canke n’ukuvuga nti Vyuka ugende? » Ivyo vyose bishingiye ku rufatiro rumwe.

Umutsima wa Buri Munsi

Mwaturanire ivyaha vyanyu, musengeranire, kugira ngo mukire indwara. Ugusaba kw’umugororotsi kugira ikimazi kuri vyinshi mu gikorwa cakwo.
Yakobo 5:16

23-0923

51-0717 Ukugaragara kwa Mpwemu

Ubu, ni gute woshobora gucungurwa ? Reka tuvyerekane mu buryo busanzwe, buciye bugufi, kuburyo uwizera wese, ntaco bitwaye naho woba uri—ishengero ryose woba uvamwo. Kandi umwungere wawe, asangwa vy’ukuri ari umwungere nyawe, azokubwira ivyo—ko ata yindi nzira mwocungurwawo uretse ukwizera, atari kubwo ibikorwa, ariko kubwo ukwizera. Rero wizera ko Yagucunguye.
Rero ikintu ca mbere,ivyo bizanana mu mutima, uka vyizera. Uka bigenderamwo kandi ukavyatura. Ukavuga uti: “Ndemeye Yesu nk’Umucunguzi wanje bwite. Ndizera ko Yacunguye.” Nta kintu kiboneka kiri mw’isi coshobora kwerekana y’uko wacunguwe. Ibara ry’amaso yawe ni rya rindi, kandi ishati wambara ni ya yindi. Urasohoka ukaja hanze ka karwi kawe ka kera kakavuga kati, “Nta kintu c’ukuri kiri muri ivyo.” Ariko wewe ukizera ibitandukanye, sivyo?
Ubu, nigute… hamwe wovuga uti, “Rero ngiye kuraba ikizoba munyuma.” Nta na kimwe kizoba, uretse ubandanirije ku gishingantahe cawe.
Urizera ko wacunguwe. Ugakora nk’uwacunguwe. Ukavuga ko wacunguwe. Hama ukifananya n’abacunguwe. Kandi ukwo ni uko Agakiza kawe gashika. Ukwo si ukuri? hanyuma ikindi kintu kizogushikira ni ugukira indwara kuvuye ku Mana. Ukora nk’aho Yamaze kugukiza. Ukavuga ko wakize indwara. Kandi We ni umuherezi Mukuru wo kwatura kwawe kugira ngo hashitswe ivyo watura vyose ko Yakoze, imbere— imbere ya Data. Nuko bimeze.

Umutsima wa Buri Munsi

Nuko, ko dufise umuherezi mukuru akomeye, yaciye mw ijuru, ni Yesu Umwana w’Imana, tubangirize ivyo twizera tukavyatura.
Abaheburayo 4:14

23-0922

55-0603 Yesu Kristo uko yari ejo n’uyu musi niko ari kandi niko azokwama ibihe bidashira

Rero nk’umuvugabutumwa, siniyumvira ko Yesu Yari umuvugabutumwa Ahambaye, w’Umunyenkomezi. Yohani Umubatizi yari umuvugabutumwa ariko nta kimenyetso na kimwe yakoze. Ntiyigeze akora igitangaza na kimwe.
Ariko Yesu Yaraje, Atavuga ubutumwa mu buryo bw’inkomezi nka Yohana ariko, hari ibimenyetso n’ibitangaza vyamukurikira. Yavuze ati, « Asangwa mudashoboye kuNyizera, izere ibikorwa Nkora. Asangwa mudashoboye kuNyizera, izere ukwemezwa Imana Yampaye kubinyerekeye, kuko ibikorwa nkora binshingira intahe ko Data Yantumye. » Mbega itangazo !
Ni muvyiyumvireko. « Ibikorwa nkora bishinga intahe ko Data yantumye. » Umuntu yokora ubwoko bwose bw’itangazo, ariko asangwa Imana Idashingiye intahe iryo tangazo, uba ufise uburenganzira bwo kuvuga ko ari ikinyoma. Ariko igihe Imana Ije, Ikemeza iryo tangazo ko ari iry’ukuri rero ni icaha kutavyizera.
Mbega icaha ni iki ? Icaha ni ikintu kimwe, « Ukutizera »

Umutsima wa buri munsi

None rero ni wumve amajambo y’Uhoraho.
1 Samweli 15:1

23-0921

61-1119 Inkomezi zitunganye mu ntege nke zitunganye

Ntihigeze haboneka na rimwe ahantu bahamagarira abantu gusengerwa imbere kuri Alutari muri Bibiliya. Nta kintu nk’ico kiri mu vyanditswe. Uko ibihe vyagiye birarengana, nta hantu na hamwe tubibona, ivyo vyashizweho mu gihe c’abametodisiti, haraheze nk’imyaka amajana abiri, murabona.
Ivyo guhamagarira abantu imbere aho gusengerwa, ni igihe bagerageza kwemeza no gukwega abantu: “Wari uzi ga Yohana, ba… nyoko yapfuye ariko agerageza kugusengera. Wari uzi ga Yohana.” Ukwo si ukwizera udakekeranya bagenzi banje. Oya, bobo—bene abo, jewe…ni gake wumva bashitse kure. Kandi ikindi muri ivyo, uhasanga ibintu vyinshi. Nico gituma ishengero uyu munsi riri muri sokwe ni ruze, ni ukubera bene ubwo bwoko bw’ivyo bintu.
Ukwemezwa: aho ntuba ukeneye kuvuga ijambo na rimwe mweneData. Imana Iba Iri ng’aho kandi Iba Yaramaze gushitsa igikorwa. “Petero akiriko aravuga ayo majambo, Mpwemu Yera Yamanukiye ku bariko bumviriza Ijambo.” Murabona? Murabona? Murabona? Nta hantu hariho imbere ho guhamagarira abantu, murabona, nta kintu nk’ico.

Umutsima wa Buri Munsi

Mana, ngirira ikigongwe, nd’ umunyavyaha.
Luka 18:13

23-0920

Umutsima wa Buri Munsi

– –

23-0919

62-1013 Ukwandukizwa n’Uwundi

Iyo uriko urakina urukino rw’umupira, nk’uko ari igihe c’umupira w’amaguru, ikintu dushaka gukora, si uko bose bagerageza gukura umupira ku muntu awufise. Agerageza kurinda uwo muntu, kumukingira, kumureka ngo arengane. Turiko tugeregeza kwinjiza igitsindo. Murabona?
Ariko murashobora kwibaza umugwi utagize imyimenyerezo ku buryo babona umuntu, umuntu wabo, afise umupira yiruka aja mw’izamu, hanyuma rero aho kugerageza kwirukana umwansi ngo amuveko, umugwi murwana, kureka umuntu wanyu yafashe umupira awirukankana, umuntu wese agerageza gukura umupira mu kiganza ciwe? Yemwe, aho mutegerezwa gutsindwa.
Kandi muri iki gihe dufise ikintu kimwe. Iyo tubonye Imana Ije ku rubuga kandi Igiye guhezagira ikintu kinaka, tugumize abansi bose kure yaco. Mureke dukoreshe ububasha bwacu nk’abasatirizi, atari abiruka, abasatirizi bakingira uwiruka, tumureke ashikane umupira; kuko atakimurwanya, ico ategerezwa gukora conyene ni ukuguma yiruka gusa. Kandi twotegerejwe kuba abasatirizi.

Umutsima wa Buri Munsi

mbandaniriza gushika aho dutanguranirwa, ku mpera y’umuhamagaro w’Imana muri Kristo Yesu wo kuja mw ijuru.
Ab’i Filipi 3:14

23-0918

50-0115 Urizera ivyo ?

Ubu nshaka ko mwitegereza kw’itandukaniro riri hagati ya Mariya na Zakariya. Zakariya, uwo mukozi w’Imana, uwo mukozi w’Imana w’Ubutumwa Bwiza, canke umuvugabutumwa, nk’uko vyari biri muri ico gihe, umuherezi mu rusengero yari azi ibintu vy’ubwoko bwose vyabaye kubw’ubushobozi bw’igitangaza c’Imana, ariko yarakekeranyije Umumarayika mu vyamuraba we, mugihe Mariya yavuze ati, « Ehe ndi umugurano w’Umwami Imana. » Ntiyigeze agira ikibazo kuco yari canke ibindi.
Kandi itegereze ico yategerezwa kwizera, cari ikintu kirengeye cane rwose, ico we yategerezwa kwizera. Muri kahise, Hana yari yaronse umwana mu gihe yari yararengeje imyaka yo kuvyara. Muri kahise Sara yararonse umwana inyuma yuko yari yararengeje imyaka yo kuvyara. Kandi ivyo vyarabaye incuro nyinshi. Ariko Mariya yategerezwa kwizera ikintu kitari bwigere kiba. Nta mugore yigeze kuronka umwana muri ubwo buryo mw’isi atabonanye n’umugabo.
Ariko yategerezwa kwizera cane kurusha ivyo Zakariya yizeye. Kubw’ivyo ntiyigeze akekeranya Imana ; yafatiye Imana kw’Ijambo ryaYo. Amen. Ivyo ndabikunda. Fatira Imana kw’Ijambo ryaYo. Yizere ukwo biri kwose. Ntaco bitwaye ukwo vyoba biboneka kwose ko bidashoboka, izere Imana, kandi Izobishitsa.

Umutsima wa Buri Munsi

Na we ati Ndizeye, Mwami. Araheza aramupfukamira.
Yohana 9:38

23-0917

55-0224 Amazi ava mu rutare

Kandi Imana Irafise gahunda yaYo, kandi Izogufata Igushire muri Kristo, mu mwanya aho uzoMukorera neza birushirije. Asangwa ugumye mu muhamagaro wawe.

Yaco urondera umuhamagaro w’uwundi muntu. Guma mu muhamagaro wawe ubwawe. Asangwa uri umugore wo muhira, guma uri umugore wo muhira. Ico Imana Yoguhamagarira gukora, guma aho gusa. Irazi ahantu Yoshira ikiganza caYo hejuru yawe no kugukoresha.

Igihe kimwe, Yari Ifise umugore w’intwari yitwa Hana, umugore mutoya wo mu nzu. Yari Izi ahantu Ikwiye kuMushira, n’ico Yari Igiye kuMukoresha. Yari Ifise umwe yitwa Mariya, Igihe kimwe. Yo, Mana we! Izogukoresha wewe ico Ishaka ko ukora asangwa gusa uYiretse ngo Ibikore. Gusa guma wicishije bugufi, uMwishikanire, hanyuma ushishikare ubandanya.

Umutsima wa Buri Munsi

Kand’ ivyo vyose mbikora kubg’ ubutumwa bgiza, kugira ngo mfatanye n’abandi muri bgo.
1 Ab’i Korinto 9:23

23-0915

62-0630B Kw’itanguriro, s’uko vyari bimeze

Urashobora kutiyumvira yuko abantu bakwitegereza, yamara baritegereza intambuko zawe zose . Muri Bibiliya ku bantu benshi. Nico gituma dutegerezwa kuba maso kuvyo dukora, ku rudandazwa rwacu, hamwe no ku bindi bintu vyose dukora mu ntambuko zose. Ni mwiyegurire Mpwemu gusa, maze Imana IzokWiyerekanira muri mwebwe, nk’uko nabivuze ku muzabibu. Yesu Yavuze muri Yohana 15 Ati, « Ndi umuzabibu, namwe muri amashami. » Rero, ubu ni mwibuke, umuzabibu ntiwama ivyamwa ; ni ishami ryama ivyamwa. Ariko Ishami rikura ubuzima bwaryo mu muzabibu.

Umutsima wa Buri Munsi

Si mwebwe mwantoranije, ariko ni jewe nabatoranije, nabashizeho kugira mugende murama imbuto. Yohana 15 :16

23-0914

54-0314 Kubera iki nsengera abarwayi ?

Ntiyigeze Adutuma kwubaka amashengero. Ntiyigeze adutuma kwubaka ibitaro, kwubaka ishure, canke iseminari. Nta na rimwe Yigeze Adutuma gukora ivyo. Ivyo bintu vyose ni vyiza, ariko naho biri ukwo Yadutumye kuvuga Ubutumwa Bwiza kw’isi yose. Ariko twebwe twarubatse amashure, amaseminari, kandi twigisha Tewolojiya, kandi naho biri uko, ni ica gatatu conyene c’isi kimaze kwumva ivya Yesu.
Ariko inyuma y’ivyo, dukwiragiza udu tabu duto duto si ukwigisha Ubutumwa Bwiza. « Ubutumwa Bwiza ntibwaje mu majambo gusa, » Niko Paulo yavuze, « Ariko bwaje mu bushobozi no kugaragazwa kwa Mpwemu Yera. » Murabona, muzogende… atari gusa kwigisha Ijambo, ariko kuvuga Ubutumwa Bwiza, mugaragaze Ijambo. Ijambo ritegerezwa kugirwa Rizima. Ni icete gipfuye gushika kigaragajwe. Aho rero, rigirwa rizima, maze rigaca rishitswa, niko Imana Yabivuze. Ubwo ni bwo Butumwa Bwiza mu bikorwa, UbuKristo bw’Isezerano Rishasha.

Umutsima wa Buri Munsi

Ico mbabaririra mu mwiza muze mukivugire mu muco, kand’ ico mwongorewe mu gutwi muze mukivugire ku mazu hejuru.
Matayo 10:27

23-0913

49-1225 Ubumana bwa Yesu Kristo

Kandi mwitegereze rero, yuko amaraso yaje kandi yari… kandi yari Yesu Kristo. Imana ubwaYo, yavuye mw’ishusho ya Mpwemu, ica yinjira muri Yesu Kristo. Kandi Bibiliya ivuga yuko, « Imana Yari muri kristo, Yiyuzuza ubwaYo n’abari mw’isi ». Ukwo si ukuri ? [Ikoraniro rivuze riti, « Ukwo ni ukuri. »–Umwanditsi.] Imana ubwaYo, Yehova Yaba muri Kristo hanyuma ahinduka umuvyeyi wacu kuko, nka twebwe, yavukiye mu mubiri w’umuntu. Ukwo si ukuri ? [« Amen »]. Udutsi ndemangingo tw’Amaraso yiWe twaremwe n’Imana hanyuma u—udutsi ndemangingo tw’umubiri wiWe twaremewe mu nda ya Mariya, yavyariye uwo mwana mw’isi. Rero Imana Yaramanutse hanyuma Yibera mu mubiri w’umuntu. Kandi yarageragejwe mu buryo bwose nk’uku kwacu. Ivyo muravyizeye ? [« Amen »] Ni vyiza.

Kandi rero igihe yakora ivyo, yatanze amaraso yiwe kubwo ugushaka kwiWe. Ntivyari ngombwa ko Abikora. Yatanze ico kimazi, Yari kwidugira neza na neza mu bwiza. Yari gushobora guhinduka ukundi, nk’uko Yabikoreye ku musozi wo gukayangana, Akidugira mw’Ijuru atarinze kudupfira. Ariko Yarashatse neza kudupfira, Yatanze amaraso yiWe i Kaluvariya kubw’ubushake bwiWe. Ukwo ni ukuri. Kandi Yahisemwo… Yari umunyamibabaro Yuzuye agahinda kandi Yashinze igishangantahe ku mugaragaro.

Umutsima wa Buri Munsi

ni kwo kuvuga yukw Imana yari muri Kristo yiyuzuza n’abari mw isi, ntiyabaharurakw ibicumuro vyabo, kandi yatubikije ijambo ry’umwuzuzo.
2 Ab’i Korinto 5:19

23-0911

53-0906A Ivyo uravyizera

Kandi hamwe abagore, iyaba gusa mwokwiyumviye ama miliyaridi y’ama dollar abagore batanga buri mwaka muri Amerika muvyo kwipodora, ivyo mushira ku mavi… ku minwa. Sinzi ivyo arivyo, ivyo bintu. Muri make, ni ama miliyoni y’ama dollar abo bantu baronka kubw’ivyo bintu bisiga mu maso hamwe no kwipora n’ibindi…

Mugihe hari abana bakiri bato hariya hanyuma kandi aba misiyonari bakaguma hano, ataco bakora, kubera ko badashobora kugenda. Ntibafise amahera akwiye kugira ngo babandanye. Muzobibazwa imbere y’Imana ku munsi w’urubanza. Ivyo ni vyo. Ukwo ni ukuri.

Nivyo Bakristo, mwigira abaKristo, hanyuma mugashika mwitunganije neza kandi mwipodoye.Harabaye umugore umwe muri Bibiliya yipodora mumaso Uwo ni Yezebeli. Mbega murazi ico Imana Yamukojeje ? Yamugaburiye imbwa. Ukwo ni ukuri.

Kandi iyo mubonye umugore yigenza mwene ukwo maze akiyita umuKristo, mubwire muti, « Mwaramutse nkumi gatsima k’imbwa we. » Ico noco ari :agatsima k’imbwa.Imana Yamugaburiye imbwa.Ego mugenzi.

Yooo, ico dukeneye uyu munsi, ni kwa gukaburwa kubwa Mpwemu Yera kwa kera hagati mu bantu, kubwo kuzana ubugira kandi abagabo n’abagore ku Mana Nzima.

Umutsima wa Buri Munsi

Kwitwaririka ivy’ umubiri kuzana urupfu, ariko kwitwaririka ivy’ impwemu kuzana ubugingo n’amahoro.
Abaroma 8:6

23-0910

62-1216 Ugusambuka kw’Isi

Imana Itegerezwa gucira urubanza isi ikoresheje ikintu kinaka. Hamwe Yoruca Ikoresheje ishengero, Izoruca Ikoresheje irihe ? Rero ntibishoboka kwizoruca Ikoresheje rimwe muri ayo. Hasigaye rero ikintu kimwe : Ijambo ryaYo—ni Irihoraho, nta kindi kintu na kimwe gishobora kwongerwako canke ngo gikurweko.
NaRimaditseko ubugingo bwanje, rero mu guca bugufi nashize ibiganza vyanje ku kimazi canje, nca natura ko ataco maze. Nta na kimwe kiri muri jewe, yooo Mwami Mana. Rungika uwo Mesiya kuri jewe hanyuma uhindure ibingize, mvuye muco nari, umbumbabumbe mu buryo bwawe ukwo Wewe Ushaka ko mba.
Ntaco bitwaye ukwo umuntu yoturira umubiri, ukuntu umuntu ashobora kwononekara, ukuntu yoshobora kuvugwa bamurwanya canke ico bovuga cose, umunsi umwe Azotuzura ubugira kandi. Kandi hariho Ubwami ubwo twakira budashobora kunyiganyizwa. Yooo, Mana Wee!

Umutsima wa Buri Munsi

Kandi k’umugororotsi akizwa agarukiye ku manga, utubaha Imana n’umunyavyaha bazoboneka hehe?
1 Petero 4:18

23-0909

65-0424 Umwe Mu Muriyoni

Yesu Yaravuze , kw’isi Ati, «Umuntu ntabeshwaho n’umutsima gusa ;ariko n’Ijambo ryose. Ijambo ryose ! Si Ijambo rimwe igihe kinaka, ariko ni Ijambo ryose.

Ryari Ijambo rimwe ritizewe, ry’Imana… ry’ivyagezwe vy’Imana, ryazanye urupfu, umubabaro, n’ingwara zose, n’ingorane, kureka Ijambo Ry’Imana, Ijambo rimwe ! Asangwa vyakwegeye ubwoko bw’abantu urupfu, mu kureka, mukutizera Ijambo rimwe, « vy’ukuri ,» vy’ukuri. Ariko Yaravuze ko bizoshika. Satani yaravuze ati, « Vy’ukuri ntibizoshika. » Ariko vyarashitse.

Kubw’ivyo, dutegerezwa gufata Ijambo ryose ry’Imana. Kandi asangwa umuntu n’iyi mibabaro yose n’ibintu vyashikiye ubwoko bw’abantu, kubwo gutahura nabi, canke – canke kutizera Ijambo rimwe,mbega tuzosubira gute kureka na Rimwe, asangwa vyaguzwe iki giciro cose, n’ubuzima bw’Umwana wiWe ?

Umutsima wa Buri Munsi

Kukw ivyiwe ar’ ibgirizwa ku rindi, ibgirizwa ku rindi, n’umurongo ku wundi, umurongo ku wundi, hamwe tumwe, ahandi utundi.
Yesaya 28:10

23-0908

59-1216 Mpwemu Yera n’Iki ?

Iyo umugenduzi aje, gusuzuma ubuzima bwawe, kuraba yuko hariho ibintu utitayeho, utitaho ubuzima bw’amasengesho yawe, kurya gushavura, kudafata ururimi, iyo uvuga abandi nabi, ntashobora gushira ikidodo ku modoka itwara ibidandaza. Ingeso mbi, ibintu biteye isoni, ivyiyumviro bibi, ntashobora gushira ikidodo ku modoka itwara ibidandaza.

Ariko iyo uwo mugenduzi Asanze ibintu vyose mu kibanza cavyo, , rero Azobishirako ikidodo. Hagire umuntu ahirahira kugurura iyo modoka itwara ibidandazwa iriko ikidodo imbere y uko ishika aho igiye, aho yateguriwe gushika ! Ng’ivyo.

Umutsima wa Buri Munsi

Kandi ntimukababaze Mpwemu Yera w’Imana, yabashiriweko kuba ikimenyetso, gushika ku musi wo gucungurwa.
Abanyefeso 4 :30

23-0907

54-1114 Ugucungurwa Biciye Mu Rubanza
Abantu bavuga ko hari amakosa y’inyandiko muri Bibiliya, ko baYisobanuye nabi, n’ibindi. Itegereze. Yaco mwitaho ivyo abantu bavuga, ko hari amakosa y’inyandiko muri Bibiliya. Asangwa hari amakosa y’inyandiko ng’aha, bazovuga n’ibindi bintu bati, « Hariho ikosa ry’inyandiko ng’aha, » rero ukwizera kwawe uzogushira kuki ? IRi ni Ijambo ry’Imana. Ng’uku ukuntu Rimeze neza na neza ng’ aha. Murabona ? Kandi ndaRyizera neza nk’uko…

Rero, Ijambo… Ubu, ng’iki ikimenyamenya. Wa mugore yaza kuri jewe ng’aha, haraheze igihe… Kandi jewe_ ntiyizera ko Izina ryiWe Ryari Yesu. Yizera ko Izina ryiWe Ryotegerezwa kuba Yehova mutoya. Hmm ! Navuze nti, « Mupfasoni… » Murabona ibishika, bagenzi, nuko abantu bafise bene ivyo vyiyumviro, abantu bafise ivyiyumviro biva mu—mu « myizerere, » itandukanye, ikintu kimwe mwomenya, barayakira, impwemu y’ubuzimire, hanyuma bakagenda maze bakizera ikosa. Kandi ba—baba biteguriye ikintu nk’ico. Rero ntimu, ntimukore ivyo. Nimube abantu bakuze. Bibiliya Ivuga iti, « Shikama, ntimunyiganyige (murabona ?) Mubandanya gutera intambuko muri Kristo. »

Umutsima wa Buri Munsi

Mwirinde, ntihakagire ubagira inyagano, abanyagishe ubgenge bg’abantu ar’ibihendo vy’ubusa, …

Ab’i Kolosayi 2 :8

An Independent Church of the WORD