24-1203

ALYANS ENKONDISYONÈL KE BONDYE TE FÈ AK PÈP LI A 54-0306

Ou p ap janm ka fè tèt ou pase pou yon bagay ou pa ye. Si w ap jis imite Krisyanis, menm si w ap preche Levanjil, ou bezwen yon apèl alotèl pou nanm ou. Se vre. Si w ap jis eseye aji tankou moun sa a kise yon Kretyen, w ap meprize tèt ou, paske ou konnen nan kè ou pa sa vre.

E si fwi Lespri yo pa swiv ou : pasyans, seryozite, aji ak dousè, bon kè, pasyans, lè sa a ou bezwen yon apèl alotèl nan kè ou. Ou jis pè lanfè epi ou kòmanse ap eseye pou vin yon Kretyen. Bondye dwe rele ou pou vin yon Kretyen. Bondye te rele Abraham. Pou L ba li… Li te chwazi l.
PEN KOTIDYEN
Ki espwa ki gen pou mechan an lè Bondye rele l, lè Li pral pran nanm li.
Jòb 27:8

24-1201

SILA YO KI WEN NAN TAN LAFEN AN
65-0725M

Twa bagay prezante devan nou kounye a menm.

Premyèman. Mond lan nan yon kondisyon Sodòm. Jezi te di sa tap rive. Gade pèvèsyon an; fanm nou yo ap eseye aji tankou gason; gason nou yo ap eseye aji tankou fanm, efemine; pouri, degoutan, meprizab, posede ak demon, epi yo pa konn sa. Bib la te di sa tap rive, e se la l ye.

Dezyèmman. Se nan lè sa a, dapre Lekriti isi a, ke Jannès ak Jambrès ap parèt. Dezyèmman.

Twazyèmman. Se nan menm lè sa a ke Fis de lòm lan dwe revele.

Men kwayan nou an, swadizan kwayan nou an, ak enkwayan nou an. Gen yon Pawòl otantik ki kanpe, konfime; men swadizan kwayan an k ap imite Li; e men enkwayan an k ap rejte tout bagay la nèt.

PEN KOTIDYEN
Se poutèt sa M ap di nou, jou jijman an an y a pini nou pi rèd pase moun lavil Sodòm yo. Matye 11:24

24-1130

BONDYE BAY MOYIZ YON KOMISYON 53-0508

Mwen te tande yon endividi ki tap di lòt jou ke maladi… Seyè a te fè maladi, li voye maladi sou ou; sa te ka posib si ou peche. Ou fè yon bagay ki mal, regle sa ak Bondye. Se vre. Se verite. Men maladi soti nan dyab la. Epi maladi se yon atribi peche. akoz peche nou gen maladi. Petèt, se pa paske ou te peche, men se yon bagay ki soti atravè jenerasyon yo. Li te parèt menm jiska twazyèm e katryèm jenerasyon. Men San Jezikri a te retire peche, epi Li te retire maladi. Sèlman nou menm David yo se pou nou pare pou nou reklame plas nou… Wi, mesye.

PEN KOTIDYEN
Se poutèt sa, avèk yon sèl moun peche te antre nan mond lan, e se akòz peche lanmò te antre. Kidonk lanmò vini pou tout moun paske tout moun peche. Women 5:12

24-1128

Lafwa Abraham nan 55-1118

Mwen ka tande tout sen ki nan Ansyen Testaman yo k ap di,“ Leve non, pòt etènèl, ,se pou leve, epi kite Wa Laglwa antre.”

Mwen ka tande Anj yo k ap chante dèyè a lòt bò a la, “ Kiyès ki Wa Laglwa a?”

Yo te reponn, “ Letènèl dèzame, ki pwisan nan batay la.” Se Li, Bondye, Jewova Jire a.

Kijan pòt yo te louvri? Yo te peze bouton an, epi pòt paradi a te louvri. Men Jezi vini, Li te mennen kaptif yo nan kaptivite. Men Li k ap desann kòm konkeran an. L ap mache atravè vil yo ki nan nouvèl Syèl la, epi L ap avanse devan Papa a, L ap di,“ Papa, men yo. Yo tout te mouri anba bon lafwa a, anba sakrifis Ayo a, men M ap prezante yo ba Ou.”

“Bon travay. Monte isi a, chita adwat Mwen, paske M pral revoye Sentespri a desann. Epi Ou Menm chita la a jiskaske tout enmi Ou yo tounen machpye Ou.” Glwa pou Bondye. N ap chache Li pou L vini ankò yon jou nan Laglwa. Epi sa yo ki nan pousyè latè va leve epi yo va chanje nan yon bat je, epi y ap vin menm jan ak Li… “Posterite yo va posede pòtay lenmi an.”

PEN KOTIDYEN
Wete lento pot yo! Louvri batan pòt yo gran louvri pou Wa ki gen pouvwa a ka antre. Kilès ki Wa ki gen pouvwa sa a ? Se Seyè ki chèf lame a, se Li menm ki Wa ki gen pouvwa a.
Sòm 24:9-10

24-1127

ÈskE W KWÈ SA A?
53-0906A

Bon, menm kote premye lamàn la te tonbe a, Bondye te di Arawon ak Moyiz, “Soti deyò a epi ramase kèk kantite pou ranpli po a nèt epi plase l dèyè a nan lye trè sen an, pou ke lè pitit pitit nou yo, tout sa yo ki va rantre nan sakrifikati a, ya va goute lamàn orijinal la.” Oo, ala yon privilèj lè yon nonm vin yon sakrifikatè…

Kounye a, sonje apa lye trè sen an, ki te sèl kote pou konsève l. Li pa t ap ka konsève pandan venn katrè. Li t ap fè vè. Se sa ki pwoblèm lan ak legliz Pannkotis la jodi a. Amèn. Kisa ki pwoblèm nan? Eksperyans ou te fè ennan pase a gen vèmin ladann jodi a, debarase w de bagay sa a, annou gen youn kounye a.

Ou konn kisa ti tèmit sa yo oswa ti vè toutotou nan rezèvwa ki fann nan , ak dlo dòmi sa yo…mwen konn kisa m te genyen yè. Mwen konn kisa m genyen jodi a. Alelouya. M ap tann pi plis. Seyè, ranpli nanm mwen chak jou. Wi, mesye.

PEN KOTIDYEN
Lòm pa viv ak pen ase, men li viv ak tout pawòl ki soti nan bouch Seyè a.
Detewonòm 8:3

24-1126

SO PAK LA 65-0410

Jodi a m ap mande m. Sa k ap pase konsa. Èske nou vrèman kapte moun yo pou Bondye, oswa nou jis kapte yo pou legliz ? Nou dwe kapte yo pou Kris, kote pwisans vivifyant sa ye. Li bon pou n al legliz. Sèten. Si nou paka ale pi lwen, savledi li pa tèlman lwen. Lè w al mache nan yon legliz, se byen; men depi nan legliz la kontinye jouk ou rive ak Kris, paske nou dwe resevwa pwisans vivifyant sa a, si nou toujou ap tann pou nou patisipe nan rezireksyon jeneral sa a, paske se sèl bagay k ap toujou retire nou nan lanmò. “Paske si Lespri ki te resisite Jezi a abite nan ou, Li va vivifye, li va fè,li va pote lavi ak kò mòtèl ou a. ” Gade yon pwomès ki pou nou!

PEN KOTIDYEN
Banm lavi ankò daprè pawòl Ou. Sòm 119:25

24-1125

Kesyon Ak Repons nimewo 1

mwen pa yon teyolojyen. Mwen pa yon teyolojyen; kidonk, mwen oblije anseye tout sa m konnen konsènan Bib la apati de lonbraj ak tip yo. Nou rele m yon jan de tipolojis. Men si m ka gade sou miray sa, e mwen pa t janm te konn wè tèt mwen; epi m gade, e mwen ka wè ke m gen yon tèt, ak zòrèy, ak men, ak…Mwen konn kichòy konsènan a kisa m ap sanble si m ta janm wè tèt mwen. Ou wè? Si m wè reflè mwen nan yon glas, mwen konnen a kisa m t ap sanble si m ka kanpe a distans pou m ap gade tèt mwen.
Kounye a, sa se fason mwen panse de Bib la. “Tout bagay sa yo,” Women 26 di, “te rive pou sèvi nou egzanp.” Nou ka gade dèyè pou wè kisa sa te ye, tankou lalin lan k ap reflete solèy la. Nou konn kisa solèy la ap ye, si jamè nou wè solèy la, lè, nou ka wè lalin lan, epi wè ke sa pral pi gran ke sa a. Ebyen, lè w wè sa k te rive nan Ansyen Testaman an, se jis yon reflè de sa k rive nan Nouvo a.
PEN KOTIDYEN
Se Bondye ki enspire tout Ekriti yo. Yo sèvi pou montre verite a, pou konbat moun ki nan erè, pou korije moun k ap fè fot, pou montre yo kijan pou yo viv byen devan Bondye. 2 Timote 3:16

24-1123

Fòs Pafè Pa Yon Feblès Pafè 61-1119

Pat janm te genyen yon apèl alotèl ki te fèt nan tout Bib la. Pa gen bagay konsa nan Lekriti yo. Pa gen okenn kote atravè aj yo sa te fèt jiskaske nou rive nan aj Metodis la, depi apeprè desan lane, ou wè.

Apèl alotèl yo se lè moun yo vini epi y ap eseye konvenk epi atire moun, “ Vini non, Jan. Ou konnen, yo… manman ou te mouri, pandan l t ap priye pou ou. Vini non, Jan.” Se pa konviksyon sa, zanmi m yo. Non. Yo—yo , mwen… raman ou tande ke gen youn nan yo ki te rive lwen. Epi, nan tout bagay sa, ou jwenn tout kalite bagay. Se rezon sa a kifè legliz la nan tout konfizyon li ye jodi a, se akoz jan de bagay sa yo.

Lè se Konviksyon, ou pa gen pou di yon bagay, frè, Bondye la epi Li te fin fè travay la. “ Nan moman Pyè t ap pwononse Pawòl sa yo Sentespri a te tonbe sou sila yo ki te tande Pawòl la.” Ou wè ? Ou wè ? Ou wè ? Pat gen okenn apèl alotèl, ou wè, pat gen bagay konsa.

PEN KOTIDYEN
Bondye gen pitye pou mwen kise yon pechè. Lik 18:13

24-1122

TIMOUN IZRAYÉL YO 47-1123

Papa nou ki nan syèl la, jounen jodi sa a, m kanpe la tou fatige devan gwoup moun sa yo, fèb, pye ak men m yo ap fè m mal, m gen doulè, m about, epi m tiraye pasi pala. O Kris, kite sèvitè ou ale anpè yon jou, konsa nou kapab travèse rivyè a. M gen konfyans ke ou pral ban m repo lòt bò a.

Papa, Ou konnen kijan m santi m jodi a, kijan m ta menm renmen lakay mwen pou Thanksgiving nan, pou m ka chita ak madanm lan epi ak fanmi an, men, O Bondye, kriye sa yo ki rale nou anwo nan Portland, atravè yo, Oregon, eta yo ki anlè a, epi moun cheri sa yo isi a nan Phoenix, ki soti nan diferan nasyon, nan diferan pèp, ki antre ansanm isi a pou yo ka geri.

Epi Papa, se pou nou gen yon Thanksgiving ansanm, yon jou, lè ou kouwone Wadèwa epi Seyè dè seyè, gwo jou Thanksgiving day sa a, lè tout sen yo pral ralye yo ansanm. Bondye ede nou travay pou jou sa a pandan nou isi a sou tè a, e se pou ba nou fòs Divin.

Epi Papa, kòm n ap louvri Pawòl Ou kounye a pou yon ti moman, se pou Sentespri a desann epi pran bagay Bondye yo, epi mete yo anndan gwoup bon moun sa yo, epi simen semans lanmou ak kominyon nan asanble moun sa yo, jiskaske chak legliz va beni, epi moun yo va kòmanse yon revèy, Seyè, nan mitan yo, mennen anpil nanm pèdi nan twa pwochen reynyon k ap vini an. Fè l, Papa, epi n ap ba Ou lwanj pou sa, paske nou mande l nan Non Li. Amèn.

PEN KOTIDYEN
Antre nan tanp Li, di L mèsi. Antre kote ki apa pou Li a, chante pou Li…
Sòm 100:4

24-1121

Abiye W Ak Tout Ekipman Bondye Yo Nèt 62-0607

Kidonk nou konnen enmi an pa atak li yo. Petèt ke ou pa sezi l byen fason m te di l la. Nou konnen enmi nou an: lè nenpòt moun, nenpòt lespri, nenpòt moun ap eseye pou l andezakò avèk Pawòl Bondye, sonje, se enmi ou lan, se enmi ou lan. Nou konnen ansyen atak li a, sa l te kraze ras imen an avèk li a, e se fason sa a ankò li kraze yo jodi a. E se fason sa a li elwaye ou de Bondye, Kise pa kwè Pawòl Li a.

Sèl fason pou ka toujou rete an kominyon ak Bondye, se pale avèk Li lè sware a fè fre, kise rete djanm nan Pawòl la toude bò yo, kite rido Pawòl Bondye a tonbe toutotou ou, epi ou se yon gout ki jis nan mitan Li. Se vre. Lè sa a ou vin fò. Glwa!

PEN KOTIDYEN
Abiye w ak tout ekipman bondye yo nèt, pou nou ka kenbe tèt anba riz Satan. Efezyen 6:11

24-1119

Poukisa Moun Yo Sitèlman ajite konsa? 56-0101

Glwa Pou Bondye.

Gen yon plas kache, yon plas etènèl, kote nou ka mache nan prezans Bondye epi kache lwen bagay mond sa a. Ou pa tande yo ankò. Yo izole. Alelouya! Izole. Mond lan deyò, li manke souf epi l ap gade. Men ou menm ou anndan an, nan Prezans Etènèl la, Bondye etènèl la.

Ap manje lamann sa a ki va dire anpil ane, santèn ane. Li pa janm kontamine, nitou li pa janm fini.

PEN KOTIDYEN
Ou se plas kote m kache epi se Où ki defans mwen. Mwen mete tout espwa nan Ou.
Sòm 119:114

24-1118

INITE YON SÈL BONDYE NAN YON SÈL LEGLIZ 58-1221E

Bondye chita sou twòn kè ou, nan chanm kontwòl Li a, L ap kontwole pouvwa ou yo, L ap kontwole konsepsyon ou yo, pou fè ou youn avèk Li, nan kominyon fratènèl e nan lanmou. Epi Bondye ranpli ou ak lanmou. Li ranpli ou ak pisans. Li ranpli ou ak Lespri. Li ranpli ou ak pwòp nati Divin Li a, epi Li chanje nati chanèl ou pou vin nati pa Li. Lè sa a, konsa, ou vin yon nouvèl kreyasyon nan Kris.

PEN KOTIDYEN
Mwen sèten Bondye ki te kòmanse bon travay sa a nan nou, li gen pou kontinye l jouk li va fini l nèt, lè jou Jezikri a va rive.
Filipyen 1:6

24-1117

Batime Avèg la 55-1115

Panse ak bagay ki pozitif. Pa janm kite panse negatif travèse ou, jis, oubyen, pa kite l rete, menm, si l kòmanse travèse. Kite panse ou rete pozitif : Jezi.

Piga panse, pandan ou chita la a sou chèz woulant lan, ke ou san zespwa, ou san sekou. Ou pa sa. Pa janm kite panse negatif sa a travèse lespri ou, oswa pa kite l ankre. Ou paka anpeche l travèse lespri ou ( se vre.), Men pa kite l rete.

Tankou vye peyzan an te di, “ Mwen paka anpeche zwazo yo vole sou tèt jaden m nan.” Men li te gen yon fizi ki gen de kanon li te konn al lachas avè l, li te di, “ Sèten mwen ka anpeche yo poze sou pyebwa yo ” Kidonk fè menm bagay la, pou ou tou. Ou wè ? Pa kite yo poze. Kite yo pase.

PEN KODYEN
Lòm pa ka fe sa, men Bondye ka fè l: paske pa gen anyen Bondye paka fè.
Mak 10:27

24-1116

Pèsevere 64-0619

… Epi gen kèk moun ki imajine ke Samson gen zepòl tankou yon gwo pòt; kounye a pagen anyen etranj nan sa, pou wè yon nonm ki ka pran baryè lavil Gaza epi mache avè l, oswa pran yon lyon epi koupe l ande. Men ou konnen ke Samson te jis yon bèl ti gason… daprè langaj lari a, yon ti gason chetif, bèl ti gason, cheve boukle, efemine, pitit gason manman, avèk sèt très boukle. Se te yon bagay etranj. Lè, yo te panse ke yon nonm, yon gwo gason di pyè, te ka pran yon lyon, sèten, li touye li. Men bagay etranj lan se te, ti jenonm sa a te parèt san sekou jiskaske Lespri Seyè a vin sou li. Se pat Samson. Se te Lespri Seyè a.

Se rezon sa a ki fè se pat apòt yo. Jezi te chwazi yo tout, pratikman yo chak pat menm gen ase edikasyon pou siyen non yo. Li pat chwazi prèt yo. Li pat chwazi teyolijyen yo. Li te chwazi pechè pwason ak gadò mouton, inyoran ak moun ki pa konn li, pou l te ka pran sa nan men Li, epi Li pran sa ki pa anyen Li fè l vin yon bagay. Se nati Li.

PEN KOTIDYEN
Li te di m, gras Mwen sifi pou ou, lè ou fèb, se lè sa a moun wè pouvwa M nan ou. 2 Kòrentyen 12:9

24-1115

Jezikri Se Menm Nan Ayè, Jodi A E Pou Toutan 53-0506

Nan ventan rechèch nan Bib la, epi pandan m t ap pale ak Anj Seyè a, ak anpil bagay, mwen jwenn isi a gen de bagay : Kise lanmou ak lafwa. Si ou renmen Bondye, jis yon lanmou pi ki pa melanje, w ap gen lafwa nan Li, li va akonpanye lafwa a chak fwa. E lè lanmou ak lafwa marye, mande sa ou vle, epi w ap genyen l. Se… Lè ou konnen ke Papa ou ki nan syèl la paka ba ou okenn manti, Li se Bondye. Li paka bay manti. E lè ou kwè l ak tout kè ou, epi ou kwè ke sa ou mande a, ou pa mande l ak yon motif egoyis, men vrè motif ki dèyè l la se mande l pou laglwa Bondye, epi kwè san yon lonbraj dout, ke Papa ou pa ka ba ou manti, yon bagay pral pran plas, lè ou retire tout pikan yo sou wout la, epi jis gade dwat la a sou Kalvè a, epi kwè l ak tout kè ou.

PEN KOTIDYEN
Menm si Mwen ta gen lafwa anpil nan Bondye pou m fè mòn yo chanje plas, si m pa gen renmen nan kè m, mwen pa anyen.
1 Kòrentyen 13:2

24-1114

KESYON AK REPONS 54-0515

Epi Bib la deklare ke Etazini, nou jwenn li nan pwofesi a, parèt tankou yon mouton, “ libète relijyon,” e franchman yo uni bagay sa yo ansanm, epi li te pale tankou yon dragon e li te egzèse menm pisans dragon an te genyen anvan. Sa se Etazini ! Se vre.

Yon predikatè te di m sa pa fè lontan, yon bon zanmi mwen, li te di: “ frè Branham, Bondye p ap janm kite Etazini tonbe, paske baz zansèt li yo te fonde sou relijyon.”

Mwen te reponn li: “ Li te kite jwif yo; asireman Li te sipòte yo, epi yo te nan pibon pozisyon pase nou.” Se Vre. Bondye pagen asepsyon pou okenn jenerasyon ki pase; swa w mache nan liy nan swa w deyò Wayòm nan, se tou. Vrèman! Sa di, men se li ki bon pou w.

PEN KOTIDYEN
Tansèlman, veye kò nou! Atansyon pou nou pa janm bliye bagay nou te wè ak pwòp je nou, pou nou pa janm wete yo nan lide nou pandan tout lavi nou. Okontrè, se pou nou moutre pitit nou ak pitit pitit nou yo tout bagay sa yo. Detewonòm 4: 9

24-1113

JOUNEN JODI A EKRITI SA A AKONPLI 65-0219

Ala yon egzanp pafè sa ye de Levanjil Jezikri a! Lè L te preche, nan tan gras la, ak nan tan Jibile a; nenpòt moun nan, pe enpòt ki moun ou ye , ki koulè w, nan ki denominasyon ou fè pati ,
jiska ki pwen ou te plonje nan peche, oswa sa k pa kòrèk avè w; ou ka ale lib lè w tande twonpèt Levanjil la sonnen. Ou lib!

Men si w te vire do bay Mesaj la epi w te refize tande L, remake, yo te pèse zòrèy ou, ak yon pik. Sa vle di, , ke w te travèse liy ant gras la ak jijman an, e ou pap janm tande Levanjil la ankò. Ou pap janm al pi lwen. Ou oblije yon esklav pou sistèm ou ladann nan, pou rès jou w yo, lè w refize tande ane gras la.

PEN KOTIDYEN
Men mwen menm, se Ou menm m ap toujou lapriyè o Seyè. Li mèt nan tan gras la, o Bondye, paske ou gen bon kè. Reponn mwen paske Ou ap toujou pote m sekou. Sòm 69:13

24-1112

Jezi Glorifye 55-0225

Nou fè apèl alotèl epi nou mennen moun sou lotèl la. Sa se yon— yon bon tradition nan legliz, men nan tan Bib la,
“ tout moun ki te kwè Seyè a…” jis aksepte Li, kèlkeswa kote Li te ye a. “ Tout moun ki te kwè, yo te sove.

Yo pat gen apèl alotèl. Sa te kòmanse nan legliz Metodis, legliz Metodis primitif la te konn ale alotèl. Se yon bon bagay. Nou pa dwe janm kite l. Kenbe l. M panse se yon bon bagay. Soti la a, devèse kè ou devan Bondye. Se fason sa a pou l fèt. Men sa p ap sove ou vrèman. Ou ka rete la a sou lotèl la, epi priye tout nwit la, rele, monte—desann sou lotèl la. Ou ka fè tout penitans ou kapab. Ou ka vann tout sa ou genyen pou bay pòv yo. Ou ka al fè yon jèn karant jou epi jèn nan tèlman—tèlman fini avè ou jouk ou paka mache, sa p ap janm fè anyen pou ou, jiskaske, ou aksepte l anvan… Se sa. Se pati pa ou la. Bondye te fè pati pa L la. Bon, ou fè pati pa ou la, jis yon senp bagay pou kwè l, e lè ou kwè l, sa regle tout bagay pou toutan.

Bon, ou ka kwè l mantalman, epi w ap toujou devine l. Men lè ou kwè nan kè ou, sa regle tout bagay pou toutan.

PEN KOTIDYEN
Tout moun ki kwè nan Jezi, y ap delivre anba peche lalwa Moyiz pat ka wete pou yo. Akt 13:39

24-1111

ENVESTISMAN 63-0126

Kwayan yo pa dwa janm fè paryaj. “ O, ebyen, se yon bagay ki nòmal. M ap pran chans mwen sou li.” Pinga fè sa.

Gen yon modèl ki te bay, yon bagay definitif, e Li pa pou nenpòt gwoup moun. Se Pawòl Bondye. Pinga fè paryaj sou Sa. Bon, pinga pran chans.

Epi yon lòt bagay ke m remake kèkfwa nan mitan moun yo, espesyalman. Yon nonm ki gen yon ti lajan nan men l, epi aprè l al eseye envesti I nan yon jan de bagay ki pou fè l rich vit, yon biznis ki flou. W pral pèdi chemiz ki sou do w la, e w konn sa. Wè ? Pinga eseye sa. Yon bon bizismann ki sanse epi ki konn reflechi p ap fè sa. Se yon moun ki pagen experyans ki fè yon bagay konsa. Sa p ap janm gen pwofi.

PEN KOTIDYEN
Ala bon sa bon pou moun ki gen konesans, pou moun ki rive gen bon konprann. Pwovèb 3 : 13

24-1110

KOTE FÒS OU PATI ALE SAMSON ? 59-0702

Samson te fè move frekantasyon. E ou ka toujou sonje ke lè w fè move frekantasyon, ou andeyò volonte Seyè a. Vye manman m moun nan sid mwen an te konn abitye di m, “Si w kouche bò kote yon chen ki gen pis, w ap leve ak pis.” Sa se plis yon ekspresyon mabyal, men li gen anpil bon sans popilè ladann. Ou jis pa ka asosye ou ak bagay mond lan epi espere—epi espere rete espirityèl e enb devan Seyè a. Yo rekonèt ou pa frekantasyon w. Genyen yon vye pwovèb ki di, “Montre m moun ou frekante, m a di ou ki moun ou ye.”

E lè legliz kòmanse nan frekantasyon avèk mond lan. Lè sa a se plis mond lan. Li soti nan fratènite Sentespri a, li kite frekantasyon Bondye, ak zanj yo, ak eritaj Bondye a, lè l kòmanse ap vagabonde jan Samson te fè a.

PEN KOTIDYEN
Frè m yo, men sa m ap mande nou nan Non Jezikri, Seyè a, pran distans nou ak tout frè k ap viv nan dezòd, ki pa konfòme yo ak sa m te montre nou. 2 Tesalonisyen 3:6

24-1109

Ini Nan Inite A 58-0128

Se yon tan pou fè yon chwa. Ou paka rete net ankò. Ou ka pati anvan mesaj la fini, men ou paka soti nan pòt sa a menm moun ou te antre a. Se vre. Ou va travèse pa pòt sa a aswè a, swa yon bon moun swa yon—yon pi move moun ke ou te ye lè ou te antre a. Ou paka fè anyen. Se ou menm ki pou pran desizyon an. Bon, remake, se yon tan pou fè yon chwa. Ou paka net. Se yon tan pou fè yon chwa. “Ou dwe chwazi jodi a sa nou vle sèvi a.”

PEN KOTIDYEN
Foul moun sou foul moun nan fon jijman an. Paske joi Seyè a pa lwen rive nan fon jijman an.
Jowèl 3:14

24-1108

Kòmansman Ak Finisman Moun Lòt Nasyon Yo 55-0109E

Sonde Ekriti yo.

“Pawòl Bondye a se yon lanp nan pye nou,” ke nou— ki dwe gide nou. Se Limyè ki swiv wout k ap dirije nou de viktwa an viktwa.

Bon, anvan ou ka gen yon viktwa, te genyen yon batay. E si pa gen batay, p ap gen viktwa. Kidonk nou dwe rekonesan pou batay yo ak eprèv yo, epi se Bondye ki ba nou opòtinite pou nou gen viktwa. O, la la! Èske sa pa fè ou yon ti kras pi byen kounye a ? Ou wè ? Batay la ap apwoche ; yon moun di yon bagay mal de ou; maladi tonbe sou ou. Petèt Bondye ba ou afliksyon lejè sa yo, pou Li ka geri ou epi pou L montre ou favè L anvè ou, jis pou L montre ou kisa L vle di, Li renmen ou.

PEN KOTIDYEN

Seyè, Ou gen pouvwa, Ou gen kouray. Se pou Ou tout lwanj. W ap dominen sou tout bagay pou toutan. Tout sa ki nan syèl la ak sou tè a se pou Ou yo ye… 1 Kwonik 29:11

24-1107

Enflyans Yon Lòt Moun 62-1013
Lè w ap jwe boul, kòm se sezon foutbòl, bagay nou vle fè, se pa pou tout moun retire boul la nan pye moun ki genyen l lan. Men se eseye pwoteje nonm sa a, pwoteje l, kite l pase. Pou nou eseye make gòl la. Ou Wè ?
Men èske ou ka imajine yon ekip ki sitèlman mal antrene ki jwenn yon jwè, pwòp jwè yo, k ap kouri ak boul la pou l rive nan kan an, olye pou l eseye bloke enmi an, sa vle di ekip advès la, l ap chache poul pran boul la nan men pwòp jwè li a pito. Bon, ou tou pèdi.
Jodi a se menm bagay la. Lè nou wè Bondye vin sou sèn nan epi L ap kòmanse beni yon bagay kèlkonk, ann repouse tout enmi byen lwen bagay sa a. Ann itilize enflyans nou tankou yon atak, se pa tankou yon moun k ap kouri, men se atake pou pwoteje moun k ap kouri a, Ann kite l pase ak boul la ; paske pa gen opozisyon, tout sa li gen pou fè se jis kontinye kouri. Epi nou dwe atake.
PEN KOTIDYEN
M ap kouri dwat devan m sou mak kote m prale a, pou m ka jwenn rekonpans Bondye rele m vin resevwa nan syèl la, gremesi Jezikri.
Filipyen 3:14

24-1106

Inite 62-0211

Satan pi entèlijan anpil pase Èv. Li pat… li pat menm nan tablo a. Men li pat sipoze entèlijan, li te sipoze obeyisan. Nou pa sipoze entèlijan. Jezi di timoun mond sa a, oswa, wayòm mond sa a entèlijan anpil, timoun fènwa a pi entèlijan pase timoun Limyè a. Yo konpare nou ak mouton. Mouton yo paka menm dirije tèt yo. Yo dwe gen yon gadò mouton. Bondye pa vle pou nou entèlijan, Li vle pou nou apiye sou entèlijans Li, amèn, jis kote Li vle kondwi a. Amèn. Nou wè tablo a. Piga apiye sou pwòp entèlijans nou. Pwovèb 5:3. Piga apiye sou pwòp entèlijans nou, apiye sou pwòp entèlijans Li. Kèlkeswa jan sa parèt kontrè, kijan gwo limyè yo klere deyò la a, pa fè atansyon ak sa. Jis apiye sou entèlijans Li. Sa Li di se Laverite.
PEN KOTIDYEN
Mete konfyans nou nan Seyè a ak tout kè nou. Piga apiye sou pwòp entèlijans nou.
Pwovèb 3:5

24-1105

Èske Ou Kwè Sa? 50-0115?

Sa pa fè lontan, mwen te kanpe nan yon mize. Te gen yon foto yon nonm la a, ki te peze san senkant liv. E yo— yo te bay rezilta analiz kò chimik li. Li vo katreven kat santim. Se tout sa yon nonm ki peze San senkant liv vo, se katreven kat santim. Men l ap sètènman mete yon chapo di dola sou katreven kat santim sa a epi l panse l se yon gwo bagay. Se vre. Yon fanm ap vlope katreven kat santim sa a nan yon kostim san dola epi li p ap pale ak mwatye nan vwazen li yo.

Ki pwoblèm nan ? Lanmou Bondye pran ou yon kote. Se vre. Kisa l ye? Se toujou katreven kat santim ke ou ap byen pran swen. Men nanm sa a ki vo di mil mond lan, w ap kite nenpòt bagay pike l. Se vre. Se laverite.

PEN KOTIDYEN
Mwen ta renmen pou tout medam yo abiye yon Jan ki kòrèk, tou senp, san fè endesans. Yo pa bezwen nan fè gwo kwafi, mete gwo bijou lò ak bèl grenn pèl ni rad ki koute chè sou yo.
1 Timote 2:9

24-1103

Mak Bèt La 56-0715

Jodi a, lè yon nonm tande bòn nouvèl la, “ Kris te mouri nan plas ou; ou paka fè anyen pou sa. Kris te peye pri a, ” Kri Levanjil la.

Ou ka jete tout sigarèt, tout pit tabak, tout boutèy wiski, tout— tout bagay ki
mare ou, epi di, “ Mwen lib. Sa se bòn nouvèl la, Kris te fè m lib.” Ou se yon pèp lib. Ou pa gen pou fè menm wout la ankò. Ou pa gen pou sèvi dyab la ankò. Ou ka lib si ou vle lib. Kounye a ou pa gen pou bwè. Ou pa gen pou kouri sa ela. Ou pa gen pou maltrete madanm ou. Ou pa gen pou bay madichon. Ou pa gen pou bay manti. Ou pa gen pou vòlè. Ou pa gen pou santi ou fatige. Bon, ou gen resous, anlè a, ki poko janm eksplwate, abondans benediksyon Bondye yo, ke mond lan pa konnen anyen de yo.

Ou di, “ Mwen dwe gen yon ti plezi.”

Bon, frè, si yon jou ou tande bòn nouvèl twonpèt la, plezi mond lan vin sitèlman ensiyifyan. Yo se yon tanbou k ap fè bwi ak yon senbal k ap sonnen. Ou pa bezwen yo ankò.

PEN KOTIDYEN
Si Pitit Bondye a ban nou libète, na lib tout bon
Jan 8:36

24-1102

Men Ki Kote M Panse Pannkotis Yo echwe 55-1111
Epi Bondye p ap janm… Ou p ap janm fin itilize lanmou ak mizerikòd Bondye pou ou. Ou di, “ Ebyen, mwen pa renmen deranje Ou anpil konsa, Papa.”
Li vle pou L deranje nan fason sa a. Li vle sa. Piga janm panse ke ou ka mande Bondye twòp bagay. Mwen kwè ke Ekriti a di, “ Nou pa genyen paske nou pa mande. Epi nou pa mande, paske nou pa kwè.”
Li vle nou mande epi kwè pou ke lajwa nou ka pafè. Li vle nou mande anpil. Mande gwo bagay ; piga limite lafwa ou ak yon ti grenn moutad. Pase isi a ak yon lòt kalite lafwa, epi avanse ak gwo bagay yo. Mande… Gwo bagay yo fasil pou jwenn tou tankou ti bagay yo. Ou dwe jis kwè ; se tou. Epi ou gen lafwa, ou jis pa konnen kijan pou itilize l egzakteman, e tout bagay ap vin byen. Ou ka mete l annaksyon epi tout bagay ap vin byen.
PEN KOTIDYEN
Jouk kounye a nou poko mande anyen nan Non Mwen. Mande na jwenn pou nou ka kontan nèt ale. Jan 16:24

24-1101

Mond lan ap disloke 62-1216

Yo te di nou ke nouvo sistèm denominasyon sa a, k ap fòme Konsèy Mondyal Legliz yo, se sa ki va pote lapè nan mond lan. Ala yon— ala yon mank dega, ala yon— yon move kalòt nan je Bondye ! Ala yon mank respè, se yon bagay sakrilèj sa ye! Se dyab la. Yon nonm ka òganize yon bagay ki pi meyè pase sa Bondye ka voye pou li? Tou Babèl la! Se yon lòt Babilòn ki dwe tonbe. Lapè sou latè ? Yon fo mèsi! Yon antikris nan ansèyman li. Kijan ou pral mete denominasyon sa yo ansanm lè yo pa menm… yo pa menm ka dakò antre yo alòske ke yo divize an ti sistèm, Kijan yo pral ini yo ansanm pou yo ka rive la? Wi. Ou wè. Se yon fo estrikti. Yo te fè tout bagay sa yo pou yo te mete pwotestantis la anndan Womanis la. Yon fo, ansèyman antikris.

PEN KOTIDYEN
Pa mete m nan menm sak ak mechan yo, ak Moun k ap komèt inikite. Ak moun ki gen bèl pawòl nan bouch yo men ki gen mechanste plen kè yo.
Sòm 28:3

24-1031

Kisa Ou Tande Eli? 59-0609

E si ou konnen ou te dwe ne denouvo, epi ou ranpli ak Sentespri a, epi ou gen yon eksperyans tankou yo te genyen nan jou Pannkot la, epi ou kite kèk kredo legliz kache ou dèyè yon bagay ke ou panse ke se laverite, piga ou atann Bondye ap toujou reponn priyè ou. Li p ap fè l. Se vre.

“ Legliz mwen pa deklare, epi legliz mwen pa… sa pa gade m sa legliz kwè ; se sa Bondye di. Ou konnen ke ou dwe ne denouvo, epi ou dwe menm jan ak Kris. E si ou poko fè eksperyans sa a, epi pou tout kondanasyon mond lan ak lòt bagay yo soti nan ou, ou mèt retounen vit nan twou wòch la oubyen anba pye jenevrye a, epi antre anndan twou wòch la jis nan fon ou ka ale, epi koute e wè sa ou ka tande. Ou va tande yon bagay plis pase yon gwo van. Ou va tande yon bagay plis pase yon sansasyon, oswa yon gerizon Divin, oswa yon san, yon dife, yon lafimen, oswa sa yo te toujou genyen an, tout bagay sa yo k ap kontinye a, oswa yon gwo legliz, oswa patisipe nan sa, oswa yon apèl pou yon sèvis oubyen yon bagay pou mache ladann, oswa yon gwo òganizasyon; ou va tande yon Vwa k ap pale ak ou. Ou va tande Bondye k ap desann pou L antre nan nanm sa a epi pou L fè ou konfese tout bagay, epi pou al fè l byen.

PEN KOTIDYEN
Yo pral Kache kò yo nan twou wòch. Yo pral fouye twou anba tè pou yo chape anba kòlè Seyè a. Ezayi 2 :10

24-1030

Lafwa Se Prèv La 51-0508

Bon, pa panse mwen se yon inivèsalis ki kwè ke tout moun sove epi ap sove; mwen pa kwè sa, non, mesye. Mwen kwè ke tou sila yo—tout moun te sove osi lontan ke sa te depann de Bondye, paske Jezi te peye tout penalite a pou peche lè L te mouri.

Kounye a, sa pap itil ou anyen jiskaske ou aksepte l. Ou wè? Ou dwe aksepte l. E se pa jan w w kriye fò, jan w sipliye, jan w konvenk moun; se yon kè ki soumèt a Bondye avèk lafwa pou ap kwè ke Li te fè l.

Menm apèl alotèl ke nou fè, nan mennen moun toutotou lotèl la, yo pa t konn fè sa nan tan Labib; sa se yon tradisyon moun nou yo, ki te pran ofisyèlman orijin li nan legliz Metodis. Men gade, se yon bon bagay. M pa renmen repantans je chèch sa a. Mwen renmen wè moun ki leve e ki vrèman regrèt sa yo te fè, epi ki vrèman serye.

Men kèlkeswa jan w priye, yo pap janm padone w jiskaske w kwè yo padone w, alò ou konfese ke yo padone w, alò viv tankou youn yo padone.

PEN KOTIDYEN
Nonm lan di, “Seyè, mwen kwè. Epi li mete ajenou devan Jezi. Jan 9:38

24-1029

Kote Mwen Panse Pannkotis Fayi 55-1111

Èske w ka imajine, pou y ap pale de epwize lanmou Bondye, ak pwisans epi benefis sa rapòte w. Èske w ka imajine yon ti pwason tou zwit, apèn sa nan longè, deyò a la nan mitan oseyan k ap di, “Bon, tann yon minit. M ta fè mye konsidere bagay sa a. M ta fè mye bwè bwè nan dlo sa ak rezèv, paske yon jou mwen ka epwize l.” Yon ti pwason, apeprè gwo konsa, nan mitan oseyan sa deyò la…

Ebyen, sa te ka fèt byen fasil, pi fasil ke si w t ap mande twòp de Bondye. Li se Fontèn inepwizab Lavi a. Kèlkeswa sa w bezwen an, mande l Li epi kwè. Li te founi sa nan benediksyon redanmsyon yo lè L te mouri sou Kalvè epi te ba w yon pwomès pou tout sa w te bezwen pandan w nan vwayaj la. Epi se pa w, si w va mande epi kwè sa. Se sa.

PEN KOTIDYEN
Li konte konbyen zetwal ki genyen. Li konnen non yo chak. Sòm 147:4

24-1028

Pisans Dyab la 55-1005

Petèt aswè a, yon kansè ap konkeri ou; petèt yon lòt bagay ki mete men sou ou, yon maladi, menm maladi peche tou, oubyen kèlkeswa sa l ye a. Tout bagay ka parèt nwa epi sonb pou ou kounye a ; sanble ke ou p ap janm geri, sanble petèt ou paka geri de tibèkiloz sa a, de pwoblèm pwostat sa a, oswa de pwoblèm poumon sa a, kèlkeswa sa l ye a, de timè sa a, de kondisyon enfim sa a. Petèt doktè a di ke pagen lespwa ankò. Men gen yon bagay ki kanpe drèt bò kote ou la aswè a, li pare pou l pran ou, se je lafwa ki kanpe la a ki wè viktwa a lòt bò a la atravè Seyè Jezikri a.
Alelouya.

Voye Satan jete ak tout tristès li a, e avèk lafwa nan Seyè Jezikri a, lafwa Bondye toupisan an. Lafwa kapab pran pozisyon sakre li a sou Woche dè Zaj la, epi li pèse l ak yon je èg atravè chak nyaj loraj lè vag lanmò ak desepsyon ap eseye lave fondasyon li a anba l. Li ka kanpe la a epi l gade lòt bò syèl la pou di, “ Bondye gen rezon,” epi kwè konsèy Bondye vivan ki saj la. Amèn.

PEN KOTIDYEN
Se Bondye ki refij nou, ak fòs nou. Li se yon sekou lè nous anba tray.
Sòm 46:1

24-1027

Kwayan ki soti nan kè 57-0623

O, nanm mwen ta kriye “ alelouya” pou Bondye, lè m panse ke Bondye mete nan legliz Li a pibon bagay ke Li te ka jwenn. Bondye pran pitit Li yo epi Li teste yo avèk yon tès asid , lè sa a Li plase yo nan kò Kris la paske yo te teste. Yo kwè. Yo travèse eprèv yo. Yo gen eksperyans. Yo se temwen Li. Yo konnen de kisa y ap pale. Se pa jis yon konsepsyon entèlektyèl, men yo te ne denouvo, ak presye Sentespri a, epi yo te eseye yo epi teste yo, jouk nanm yo te fixe tankou yon wòch sou Kalvè a. Wi, Yo fè prèv yo. Yo se temwen pisans Li

PEN KOTIDYEN
Ou pral sèvi L temwen, ou pral fè tout moun konnen sa ou te wè ak sa ou te tande. Akt 22:15

24-1026

Li Sousye L. E Oumenm?
63-0721

Nou kwè ke doktè ede moun. Mwen kwè ke Bondye geri pa medikaman. Bondye geri pa operasyon. Bondye geri pa konpreyansyon. Bondye geri pa lanmou. Jis yon ti kras lanmou fè byen anpil. Pran yon moun ki fache, epi jis montre l ke w gen sousi pou li. Ou wè? Bondye geri pa lanmou. Bondye geri pa lapriyè. Bondye geri pa mirak. Bondye geri pa Pawòl li. Bondye geri! Kèlkeswa sous li ye a, Bondye geri pa li. Se Bondye ki geri, paske L di, “Mwen se Senyè a ki geri tout maladi w yo.” Alò tou sa ta dwe travay ansanm, e moun ki nan diferan ministè ta dwe travay ansanm pou sa. Ou wè? Bon, men yo pa fè l, paske pafwa yo entèdi pou yo pran kèk pozisyon pou Pawòl Bondye a, paske kalite denominasyon yo a pa pèmèt yo fè sa. Men, menm jan an tou, sa pa anpeche Verite a, Bondye kontinye geri menm jan an.
PEN KOTIDYEN
Y a mete men sou tèt moun malad, Moun malad yo va geri. Mak 16:18

24-1025

Zèv Yo Se Lafwa Exprime 65-1126

Bon, lafwa se yon revelasyon. Se la a mwen vle rete, la a, jis yon moman. Se yon revelasyon. Se ak gras Li Li te revele l ak ou . Se pa yon bagay ou te fè. Se pa ak pwòp efò ou ke ou jwenn lafwa. W ap toujou gen lafwa, se ak gras Bondye yo te ba ou li. Epi Bondye revele l ak ou , kidonk lafwa se yon revelasyon. Epi tout Legliz Bondye a nèt bati sou revelasyon.

PEN KOTIDYEN
Lè sa a, Jezi di, “ O Papa, ou menm ki mèt syèl la ak tè a, Mwen di ou mèsi anpil daprè bagay ou te kache nan je gwo save ak Moun lespri yo Ou devwale yo bay ti piti yo.
Matye 11:25

24-1024

Idantifye Avèk Kris 59-1220E

Kounye a, si ou vle pale nan yon lang enkoni, mwen kwè Bondye va kite ou fè sa. Men daprè Ekriti yo, ou toujou pa anyen jouk Sentespri a vini.

Konsa, aprè Sentespri a vini, lè sa a ou ka pale anlang epi gen… Bondye va jis pran nati ke ou genyen an, epi koupe l pou ou, epi fè ou vin pibon sèvitè ou kapab ye. Petèt Li ka fè ou preche Levanjil la. Petèt Li ka fè ou gen yon don pale anlang. Petèt Li ka fè ou yon pwofèt. Petèt Li ka ba ou yon lespri pwofesi. Petèt Li kapab. Li di pou rakonte sa L te ka fè pou ou. Sèlman, Li te ka fè tout bagay sa yo pou ou. Men premye bagay la, se pou Sèten, ke, “ Pa yon…” Se pa sansasyon. “ Men pa yon sèl Lespri nou tout te batize nan yon sèl Kò.” Epi don yo soti nan Kò sa , ou wè, pale anlang ak lòt bagay yo.

PEN KOTIDYEN
Bondye pa bay tout moun menm don. Men, nou fèt pou nous sèvi ak kado a daprè favè Bondye fè nou an… Women 12:6

24-1023

An Antant 53-0507

Koute sa timoun yo, Pawòl Bondye va— va konbat Satan nenpòt kote, nan nenpòt plas, nan nenpòt ki kondisyon, a nenpòt kilè.

Lè Jezi te isi a Li te Bondye. Bondye se te Kris ki t ap rekonsilye mond avèk Li Menm, men Li pat janm itilize okenn nan don Li yo. Lè L te rankontre Satan, Li te pote Wayòm Bondye a sitèlman ba, jouk Kretyen ki pi fèb la te ka itilize l. Lè Satan te vin jwenn Li pou di L, “ Si ou se Pitit Bondye, bay wòch sa yo lòd…”

Li te di, “ Li ekri.” Pawòl la. Li te pran L, li t ap eseye disimile Pawòl la pou Li. Men Jezi te di, “ E li ekri tou ”.

Li te mennen L sou tèt mòn nan, pou di, li te dwe ap gade tout wayòm sa yo, “M ap ba ou yo si ou adore m.”

Li te reponn, “ Li ekri.” Men li

Epi li ekri, “ Kèlkeswa bagay ou vle lè w ap priye, kwè ke ou resevwa l ;ou va jwenn li. Kidonk konbat Satan avèk Pawòl Bondye a.

PEN KOTIDYEN
Si yon moun pa asepte wayòm Bondye a tankou yon timoun, li p ap ka antre ladann. Mak 10:15

24-1022

Li Te Jire Sou Tèt Pa L
54-1212

Mache senpleman enkonsyan de zafè laperèz. Mache san w pa fè ka de kritik. Mache san pran konsyans de zafè mond lan. Mache, pandan w ap fè sa nan Kris, mache avèk Li. San pote atansyon a ni adwat ni agòch, jis kontinye avanse. Si yon bagay rive nan legliz, mache ak Bondye. Jis kontinye mache ak Bondye. Alelouya! Si maladi frape w; mache ak Bondye. Si vwazen an pa renmen w; mache ak Bondye. Jis kontinye mache ak Bondye.

Enòk, yon jou, t ap mache fason sa a. Ou konn kisa l te fè? Li te mache nèt al Lakay, ak Bondye. li te rive sitèlman lwen sou wout la, ke li pa t vle retounen dèyè ankò. Amèn.

Mache ak Bondye! Doktè di ou pral mouri; mache ak Bondye. Ya. Doktè di ou pa ka…Ebyen, mache ak Bondye Jis mache ak Bondye, se tou.. Paske Bondye te pwomèt ou, “M ap avèk ou jouk nan fen mond lan.” E Li te fè sèman, ak alyans sa Li te ba ou a, ke Li t ap konfime sa. Alò, jis mache ak Bondye.

W ap gen bon ak move moman. Pa enkyete w. Ou oblije pase pa branch pikan pike ( moman difisil), travèse eprèv di, mache sou wòch koupant file, travèse pant difisil, desann sou flan kolin yo, monte tèt mòn, travèse dlo; men mache ak Bondye. Wi, mesye. “Gen sitèlman kolin pou w grenpe, ap monte,” ou te tande vye kantik la, “men ala sa va parèt piti lè w va rive nan fen wout la.” O la la, la la! Jis gade la, tout sa sa te ye, lè w gad dèyè sou anprent mak pye w, se p ap anyen.

PEN KOTIDYEN
Seyè a pran men lèzòm, Li mete yo nan bon chemen. Li kontan wè yo mache dwat. Sòm 37:23

24-1021

Lè Lanmou Diven Pwojte Gras Souveren Pran Plas Li 57-0126 E

Konsa lè ou vin yon pitit gason oswa yon pitit fi Bondye, dispozisyon ou chanje; atitid ou chanje; tout ou menm chanje, jan ou gade lavi a ak lòt moun yo chanje. Sa pa vle di ke ou al mache nan yon legliz ; sa vle di ou te rejenere. Ou vin yon nouvèl kreyati nan Kris Jezi, ke ou gen… bagay ki ansyen yo pase, epi Bondye pale ak ou, epi ou vin yon nouvèl kreyati. Mwen vle transmèt bagay sa ak manb legliz yo.

Konsa kòm ou ta renmen nan prezans Kris, epi ou vin yon pati nan Kris, lè sa a moun yo renmen vin nan prezans ou, paske ou vin yon pati Bondye, pitit gason ak pitit fi Bondye.

PEN KOTIDYEN
Nou tout fè pati pèp Bondye a, se Li Menm ki te renmen nou, ki te chwazi nou pou nou ka viv pou Li. Se poutèt sa se pou nou gen kè sansib anpil, pou n aji byen yonn ak lòt, san lògèy, avèk anpil dousè, anpil pasyans. Se pou nou youn sipòte lòt, pou nou youn padone lòt…
Kolosyen 3:12-13

24-1020

Tan Mwason An

Pa revelasyon Pawòl la, Pawòl Bondye a anvan menm li te ekri, “Abèl pa lafwa te ofri bay Bondye yon sakrifis pi ekselan ke Kayen, sa ki te rann temwayaj ke li te jis,” Pawòl la t ap reflete tèt pa l atravè li, ak ofrann li an.

O, Kayen te ale epi pran fwi nan chan yo. Li te panse ke Èv te manje yon pòm. Pi fò teyoloji seminè te chanje sa kounye a pou yon abriko. Se te yon adiltè. E tout moun konn sa, sa yo ki konn Bib la. Sèten, se te sa.

Remake, semans sèpan an te pwodui pa premye Èv la ki te elwaye l de Pawòl la. Dezyèm Èv la fè menm bagay la nan Nise, Wòm. E kisa l te jwenn? Yon bann timoun denominasyon. Se vre. O, yo kòrèk moralman, se sèten, moun de byen. Men sa k rive konsènan sa? Yo mouri, atravè kredo yo.

PEN KOTIDYEN
Paske mwen menm, mwen pa t resevwa l nan men pèsonn, ni se pa yon moun ki te moutre m li. Men se Jezikri menm ki te revele m li.
Galat 1:12