Category Archives: Uncategorized

26-0712 Yesu Kristo Adiyie No

Dɔfoɔ Nkɔmhyɛ Kuo Nkorɔfoɔ,

Sɛnea yɛn ani gye asɛmfua, ADIYIE ho!
Hia a Nokorɛ adiyie nyinaa a ɛnam Honhom Kronkron no so hia ma nokorɛ gyedini no yɛntumi nsi so dua ma no ntra so da.
Adiyie ho hia pii sene nkwa ma Ayeforɔ no; ɛfiri sɛ ƆBOTAN, ADIYIE YI so, na mɛsi M’Asafo, na ɛnam Onyankopɔn adom ne mmɔborɔhunu so no, yɛyɛ N’Asafo a yɛwɔ Ne Nokorɛ Adiyie.

Adiyisɛm Nwoma no nni hɔ mma obiara. Obiara nni hɔ a ɔbɛtumi ate Ɛno ase. Ɛyɛ nkɔmhyɛ Nwoma a wɔtwerɛ maa nkɔmhyɛ nkorɔfoɔ bi, na wɔn nkutoo na wɔbɛtumi ate aseɛ: YƐN, Yesu Kristo Ayeforɔ.

Bible no nyinaa Ɛno nkutoo ne nwoma a Kristo Ankasa twerɛeɛ, nanso Ɔsomaa na Ɔnam Ne bɔfoɔ so de kyerɛɛ N’akoa Yohane. Ná asuafoɔ no nnim nokorɛ nom a wɔatwerɛ ato hɔ yi. Ná wɔnnya nyii no adi nkyerɛɛ wɔn kane no. Yesu mpo antumi anka Ne gyinabea wɔ Ɛmu ho asɛm ankyerɛ wɔn; ɛfiri sɛ na Agya no nnaa no adi nkyerɛɛ No.

Nanso seesei, Ne wuo ne Ne wusɔreɛ akyiri no, ɛna ɛwɔ saa ɛberɛ pɔtee yi mu no, Ɔtumi de Ne ho Adiyie yi ɛto dwa ma Yohane, deɛ N’animuonyam ne animpa wɔ asafo no mu bɛkyerɛ na ɛbɛyɛ.

Nanso seesei mpo, mfie mpem mmienu akyi no, ewiase adwendwene, nyamesɛm ho adesuafoɔ no asua na wɔn abooboo ho, nanso obiara nni hɔ a ɔwɔ nkyerɛaseɛ ne Adiyie a ɛtene ɛfa saa ahintansɛm yi a wɔtwerɛɛ wɔ Adiyisɛm Nwoma no mu de bɛsi nnɛ, kɔsi saa berɛ yi, ɛberɛ a Onyankopɔn somaa saa ɔbɔfoɔ korɔ no ara baa asase so sɛ ɔmmɛda Ne nyinaa adi nkyerɛ YƐN, N’Ayeforɔ a wɔapaw no.

Sɛ wobɔ mmɔden sɛ wobɛte kɛseyɛ a ɛyɛ ase sɛ Onyankopɔn yii me, na Ɔyii wo no; sɛ yɛbɛnya N’Asɛm mu Nokorɛ Adiyie no boro nnipa nkyerɛkyerɛmu so. Ɛberɛ a nnipa pii wɔ hɔ a wɔde to wɔn ho so sɛ wɔdi Nkransɛm no akyi na wɔka sɛ wɔgye di sɛ Onyankopɔn somaa odiyifoɔ bi no, wɔnni Adiyie mua no sɛ worehunu ɛho nsunsuansoɔ sɛ wɔremma Ne Nne ɛnyɛ nne a ɛho hia paa a ƐWƆ SƐ wɔTIE. Nokorɛ nie worenya saa adyie yi a ɛfa Ne Nne ho wɔ saa da yi mu no yɛ Ahweneɛ pa a ne boɔ yɛ den.

Onyankopɔn apaw yɛn nso sɛ Ɔbɛda saa NOKORƐ ADIYIE no adi akyerɛ yɛn. Enti, yɛn na yɛyɛ Ne NOKORƐ ASAFO no, N’asraafoɔ a wontumi nni wɔn so nkonim a Satan nni tumi biara wɔ n’anim, na ampaniampaa wɔasi no kwan. Sɛ Ne Nokorɛ Adiyie wɔ yɛn abrabɔ mu no, asamando apono no ntumi nni yɛn so nkonim, mmom yɛbɛdi wɔn so nkonim. BIBIARA nni hɔ a ɛbɛtumi agyina yɛn anim.

Nokorɛ ɛne Adiyie mua no a ɛwɔ hɔ ɛnnɛ ɛne sɛ wobɛhunu hia a Onyankopɔn Nne ho hia ɛma yɛn da yi. Sɛ worekɔ asɔre, reyɛ asɔre bi mu ni, rebɔ afɔreɛ nom, rebɔ mpaeɛ, ɛne sɛ woresom Onyankopɔn yɛ deɛ Onyankopɔn hwehwɛ nyinaa a, ɛneɛ na Onyankopɔn bɛyɛ Obi ɔbu ntɛnkyea sɛ ɔbɛbu Kain fɔ sɛ ɔreyɛ deɛ Ɔkaa sɛ ɔnyɛ no pɛpɛɛpɛ.

Wei ne deɛ Ɛnne no a ɛwɔ tapes no so kyerɛ ma yɛn:

Wɔde Adiyie no a ɛwɔ adeɛ no nyinaa ho no ato akyire hanom ɛde nhyira ma onii a ɔkenkan Ɛno na ɔtie Ɛno, ɛde nnome ama wɔn a wɔde bɛka ho anaa sɛ wɔbɛyi afiri mu. Ɛyɛ nwoma mua no, oh, osiwieɛ no. Biribiara nni hɔ a wobɛtumi de aka Ɛno ho. Na sɛ onipa bɔ mmɔden sɛ ɔbɛyi biribiara afiri Mu, anaa ɔde biribiara bɛka Ho a, Onyankopɔn kaa sɛ Ɔbɛyi ɔfa korɔ no ara afiri Nkwa Nwoma no mu. Moahu? Anka Ɔbɛyi ne kyɛfa afiri Nwoma no mu, sɛ anka ɔde bi kaaa Ɛno ho a.

Sɛdeɛ ɛbi nsii da no, Onyankopɔn de ƆKWAN A ƐWIE PƐYƐ BI AMA a yɛmmfa bi nka ho na yɛnnyi bi mfiri N’Asɛm mu. Wama yɛn akwanya sɛ yɛbɛtie Ne Nne ɛberɛ a Ɔkasa na Ɔda N’Asɛm adi kyerɛ yɛn no. Biribiara nni hɔ a ɛtumi yɛ kɛseɛ kyɛn saa tiawa.

Wei ne NOKORƐ ADIYIE ma ɛnnɛ.

M’ani agye yie na mewɔ akwanhwɛ kɛseɛ ase ma deɛ Awurade de asie ama yɛn nyinaa ɛberɛ a yɛtie, kenkan, na yɛsua Asafo Mfirinhyia Nson no. Onyankopɔn twerɛɛ Ɛno, somaa Ne bɔfoɔ sɛ ɔmfa Ɛno nkyerɛ Yohane, afei Ɔtwɛn maa sɛ yɛbɛba asase so ha saa berɛ yi ara sɛnea ɛbɛyɛ a Ɔbɛtumi asoma saa ɔbɔfoɔ korɔ no ara aba yɛn nkyɛn ma wada No adie!

Ewiase abakɔsɛm mu no ɛberɛ biara nni hɔ a animuonyam wɔ mu pii kyɛn ɛnnɛ.
Animuonyam kɛseɛ biara nni hɔ a wɔde ama onipa sene sɛ wɔbɛnya akwanya atie Onyankopɔn Nne ama wɔn ankasa ho. Ɛberɛ bi mmaa da a na N’Ayeforɔ no tumi nam Ne Nne so kaa wɔn nyinaa ho bɔɔ mu wɔ ɛberɛ korɔ mu.

Yɛ krado, Onyankopɔn rebɛma yɛn Ɔno Ankasa ho adiyie pii ɛne nnipa ko a yɛyɛ mpo: N’asraafo a wontumi nni wɔn so nkonim, N’Awuraa a wɔayie, apaw no, N’Akomamu tɔfe a Watwɛn no firi ɛberɛ ahyɛaseɛ.

Biribiara ntumi nnye ɛno mfiri yɛn nkyɛn. Ato sɛkyɛ wɔ y’ɛakoma ne yɛn kra nom mu ɛte sɛdeɛ ɛbi nsii da. Seesei abɛyɛ adekann a ɛrema yɛn ohwim mu Gyidie.

Yɛbɛhyɛ yɛn akwantuo kɛseɛ ase Kwasiada wei prɛmtoberɛ wɔ Jeffersonville berɛ mu, ɛberɛ a yɛtie Nkramsɛm a ɛdi kan: 60-1204M Yesu Kristo Adiyie No.

Mepɛ sɛ mehyɛ mo nkuran sɛ monya mo Asafo Mfirinhyia Nson nwoma no, monyɛ dinn nkenkan wɔ mo dan mu na monsua nnɔ sukɔ wɔ ɔfà biara, naawɔtwe biara. Yɛrebɛka abom a yɛretie Ne Nne, afei yɛresua N’Asɛm.

Onuabarima Joseph Branham.

26-0705 Ɔbonsam Eden

Nkransɛm: 65-0829 Ɔbonsam Eden

PDF

BranhamTabernacle.org

Ayeforɔ Dɔfoɔ A Ɔwie Pɛyɛ,

Nanso sɛ yɛbɛhunu ɔtamfo no nnaadaa no, yɛnnyaa ɛda bi a ɛte sɛ wei a yɛte mu seesei no da. Ɛyɛ ɛda a aniteɛ bɔne ne nnaadaa wɔ mu paa. Na sɛ mehunu saa a, ɛde wei ba, ɛno, ɛsɛ sɛ Kristoni no ma n’ani da hɔ ɛnnɛ kyɛn sɛdeɛ na ɔteɛ wɔ mfirinhyia biara mu.

Onuabarima Branham kaa saa nsɛm yi kyerɛɛ Ayeforɔ no bɛyɛ mfie aduosia baako a atwam nie de bɛsi nnɛ. Sɛn na na ɔtamfo no nnaadaa no teɛ wɔ mfie aduosia baako a atwam no sɛ wɔde toto saaberɛ yi ho a? Sɛ yɛbɛka no ɔkwan foforɔ so a, ɛdeɛn technology na na ewiase wɔ mfie aduosia baako a atwam no sɛ wode to ɛnnɛ deɛ ho a?

1961 mu na Ɛwiem Akansie hyɛɛ aseɛ, na computers kɛseɛ ma ɛdan mu yɛ ma na ɛnam vacuum tubes ne punch cards so na ɛyɛ adwuma a na ɛhia ma obi a wakɔdare wɔ abɔdeɛ mu nyansahunu mu sɛ ɔbɛhyehyɛ. Na wɔde telephones kyekyere ɛban ho na na ɛgyina hardwired ɛne analog copper line, Transistor mainframes, mechanical typewriters, paper filing systems ɛne early mechanical calculators so.

Nanso ɛnnɛ yɛwɔ Internet, Artificial Intelligence systems a ɛtumi create arts, writing, na ɛboa nnwumayɛ wɔ mprempren berɛ ankasa mu. Ankorankora rockets a ɛrekɔ Mars. Smartphones a ɛkɔ bɔtɔ mu, smart watches, ɛne personal devices a ɛnya n’ahoɔden firi Global wireless networks a amonom ara ɛka nnipa ɔpepepem nom bom ɛwɔ voice, text ɛne video. Robotic assistants.

Ɔtamfo no aniteɛ bɔne ne ne nnaadaa te sɛ deɛ ɛbi mmaa da. Satan aba bɔne no awie nyini na akyekyere Satan Eden. Nanso ɛberɛ kɔrɔ no ara mu no, Onyankopɔn wɔ Ayeforɔ a wawie nyini, N’Adehyeɛ Aseni a wasiesie Ne Ho ɛnam sɛ Ɔte Ne Ba no animpa, N’Asɛm, Ne Nne.

Na Onyankopɔn nim sɛ ɛsɛ sɛ Ɔma ɔkwan bi a ɛbɛkura N’Ayeforɔ no wɔ saa nnaadaa, mfirinhyia bɔne yi mu. Ɔkwan a ɛwie pɛyɛ a ɛho renhia sɛ ɛyɛ wɔn naa, de adwene bubu, anaa sɛ ɔbɛfa onipa bi asɛm ama Asɛm a mfrafraeɛ nni mu. Na Ɔnim sɛ ɛho bɛhia sɛ wɔn ankasa bɛtie Onyankopɔn Nne no, ɛfiri sɛ Ɔbɔɔ yɛn kɔkɔ sɛ ɛbɛbɛn araa ma sɛ ɛbɛyɛ yie a ɛbɛdaadaa wɔn a Wɔapaw wɔn ankasa no.

Nnipa bɛtumi anya ngosra, na Honhom Kronkron no ahyɛ wɔn ma, na wɔayɛ atorɔfoɔ. Ná ɛsɛ sɛ Ɔde ɔkwan bi ma. Ɛne sɛ, Ɔyɛɛ ƆKWAN A ƐWIE PƐYƐ maa N’Ayeforɔ, a na anka ayɛ sɛdeɛ ɛrentumi nyɛ yie ɛberɛ a Ɔfirii aseɛ sɛ Ɔtwe Ne Nne agu ahoma so wɔ 1947 no; sɛdeɛ wɔn nsatea bɔ so a, ewiase bɛtumi atie Asɛm biara a Ɔkaeɛ ama wɔn ho, mpo ɛwɔ wɔn ankasa kasa mu. NSƐMMISA BIARA NNI hɔ, ADWENEM NAAYƐ BIARA NNI MU. WƆBƐTUMI ATIE SƐ AWURADE SEƐ NIE AMA WƆN HO.

Wayɛ ɔkwan bi mpo a Ɔbɛtumi aka N’Ayeforɔ a wɔwɔ ewiase afanaa nyinaa abom ama wɔn atie Ne Nne, wɔn nyinaa wɔ berɛ korɔ mu, sɛdeɛ ɛbɛyɛ a wɔbɛtumi akɔ adwene koro mu, nteaseɛ baako, retie No sɛ Ɔkasa.

Na ɛsɛ sɛ Ɔfa Ne somafoɔ no, nanso Ɔgyaa Ne Nne, N’Asɛm a ɛwiɛ pɛyɛ maa N’Ayeforɔ a Ɔwie Pɛyɛ. Ɛnam sɛ wɔretie na wɔn ne Ne Nne retena no, wɔbɛhunu sɛ wɔntumi nnaadaa wɔn.

Na ɛno nie: Ɛno ne sɛnea Onyankopɔn si N’Asafo, Asɛm biara sɛdeɛ Ne su teɛ! “Ɛnyɛ paanoo nko ara na onipa bɛdi atena ase, mmom ɛnam Asɛm biara a ɛfiri Onyankopɔn anom so.”

Yɛnim sɛ wei ɛne sɛ woregye Asɛm biara a Honhom Kronkron no ka no die, nanso m’afam no, mewɔ anidie kɛseɛ paa a wɔde ama onipa pɛn. Mɛtumi de m’aso, atie, ƐNNE no ankasa a ƐKA Asɛm biara firi Onyankopɔn anom ba no.

Ɔkwan foforɔ biara nni hɔ ma me. Onyankopɔn ama akwan pii a Ɔfa so de gye Ne mma nkwa, nanso m’afam no, Onyankopɔn de ƆKWAN bi a ƐWIE PƐYƐ ato hɔ sɛ ɛbɛma N’AYEFORƆ AWIE PƐYƐ.

Ɛnnɛ, Satan nam mfomsoɔ so rekyerɛkyerɛ Twerɛsɛm no fã bi a ɛfa ɛnnɛ da yi ho ase. Ɔbɛma woahunu sɛ deɛ Yesu yɛɛeɛ nyinaa yɛ deɛ na ɛwie pɛyɛ. Ɔbɛma woahunu sɛ deɛ Onuabarima Branham yɛɛeɛ nyinaa yɛ deɛ na ɛwie pɛyɛ, na na ɔyɛ Onyankopɔn diyifoɔ. Nanso sɛ ɛba sɛ worebɔ Onyankopɔn Nne no a wɔada mu nokorɛ adie no wɔ wɔn asɔredan mu a, wɔbɛka sɛ ɛno mfa nnɛ da yi ho, ɛyɛ ɔsom adwuma no.

Ɛno ara ne deɛ ɛsɛ sɛ ɔyɛ nyinaa, hwɛ, ɛne sɛ ɔbɛnya nkorɔfoɔ no ama wɔagye Ɛno adi saa kwan no so, na ɛno — ne nyinaa ne no. Ɛfiri sɛ, “Wontumi nyi Asɛm baako mfiri Mu, anaasɛ wode asɛmfua baako bɛka Ho.” Nanso ɛno ne deɛ ɔyɛ.

Ɛdeɛn na wo honhom mu kannifoɔ ɛma so wɔ w’asɔre mu? Ɛnne bɛn na ɛho hia paa a ɛsɛ sɛ Ayeforɔ no tie ɛnnɛ? Wobɛtumi anya titire baako pɛ.

A: Ɔsom adwuma no nne?
B: Onyankopɔn Nne a ɛwɔ tapes so?

“Ɛsɛ sɛ aba biara so ne sɛso.” Saa na Onyankopɔn kyekyeree Ne Eden.

Mentia sɛ ɔsom dwumadie no ɛyɛ ɔsom adwuma. Menim, na megye di sɛ, Onyankopɔn afrɛ wɔn Nanso m’afam no, nokorɛ som adwuma no bɛka akyerɛ n’asafo no sɛ Ɛnne no a ɛwɔ tapes no so no ɛne Ɛnne a ɛho hia paa a ƐSƐ SƐ wɔtie, ɛne sɛ ɛsɛ sɛ wɔbɔ tapes no wɔ wɔn asɔredan mu, ɛfiri sɛ ɛno ne ƐNNE TITIRE no.

Me ne me fie, ɛne Branham Tabernacle deɛ, yɛne Onyankopɔn KWAN A ƐWIE PƐYƐ A ƆDE AMA bɛtena. Yɛrekɔ akɔ PRESS PLAY na yɛatie Onyankopɔn Nne no.

M’ani bɛgye ho sɛ mɛto nsa afrɛ wiase sɛ wɔmmra mmɛka yɛn ho ma yɛntie saa Ɛnne no Kwasiada wei prɛmtoberɛ wɔ Jeffersonville berɛ mu,
ɛberɛ a prɛko bio yɛka bom hyia wɔ Ne kwan a Wayi a Ɔde ama nnɛ no so.

Onuabarima Joseph Branham

Nkransɛm: Satan Eden 65-0829

Twerɛnsɛm wobɛkeken ansa na woatie Nkransɛm no:
2 Timoteo 3:1-9
Adiyisɛm 3:14
2 Tesalonikafoɔ 2:1-4
Isaiah 14:12-14
Mateo 24:24.

26-0621 Wɔda Kristo Adi Wɔ Ɔno Ankasa Asɛm Mu

Ɔhemmaa Dɔfoɔ .

Na nnɛ yi wɔayi Ayeforɔ no afiri Kristo nipadua mu, a ɛreyɛ na ɛreyɛ sɛdeɛ Ɔkaa sɛ Ɛbɛyɛ ama ɛda wei pɛpɛɛpɛ, Ayeforɔ no, Ɔhemmaa no; Ɔhene ne Ɔhemmaa no.

Ɛberɛ a Yesu bɛyɛɛ saa Asɛm no nyinaa no, ɛneɛ na yɛyɛ Ne fã bi SAA BERƐ NO. Ɔbonsam biara nni hɔ, tumi biara nni hɔ, biribiara nni hɔ a ɛbɛtumi agye ɛno afiri yɛn hɔ da. Ɛno ne ɔkra no sɛkyɛ.

Nkannyan paa a Ayeforɔ no renya wɔ Nkransɛm biara a yɛtie no. Ɛboro sɛ onipa dasani de nsɛm bɛkyerɛ. Adwenem naayɛ sunsum baako nni hɔ, Onyankopɔn apaw yɛn na Ɔde N’Asɛm mu NOKORƐ Adiyie a ɛwɔ hɔ ma nnɛ da yi ama yɛn. Enti, yɛnim nnipa ko a yɛyɛ, Ne Hemmaa.

Onyankopɔn Nne a ɛrekasa kyerɛ N’Ayeforɔ wɔ tapes no so no rema N’Ayeforɔ no awie pɛyɛ. Ɔsom adwuma foforɔ biara nni hɔ, ɛnne foforɔ biara nni hɔ; biribiara nni hɔ a ɛbɛtumi ama N’Ayeforɔ awie pɛyɛ gye sɛ Onyankopɔn Ankasa nam nnipa anofafa so rekasa kyerɛ N’Ayeforɔ no tẽẽ. Ebia afoforɔnom bɛpɛ asinanmu bi, nanso N’Ayeforɔ no ɛmpene biribi foforɔ biara so gye Ne NNE, Ne dɔ krataa kɔma N’Ayeforɔ; ɛfiri sɛ Ne Nnwan pɛ sɛ wɔtie Ne Nne nkutoo.

Nkorɔfoɔ ka sɛ yɛsi odiyifoɔ no so dua dodo. Ɛyɛ nwanwa ara ma sɛ nkorɔfoɔ no nnye ntom sɛ Ɔsoro Agya kɛseɛ no Ankasa dwenee Ne bɔfoɔ ho ara ma Ɔde adehiadeɛ a ɛte saa too nkyerɛkyerɛmu adeɛ biara ɛfa ne ho so; ɔkwan a ɔfaa so siesiee ne ho, sɛnea ɔyɛɛ n’adeɛ, ne suban, ne nneyɛɛ.

Ɔde ntade ko a ɔhyɛɛeɛ mpo siesiee ne ho; ne su, ne botaeɛ, biribiara sɛnea na ɛsɛ sɛ ɔyɛ no ara pɛ, Onyankopɔn Ankasa na Ɔyii no pɛpɛɛpɛ maa yɛn…afei ɛka sɛ yɛde pii na ɛto odiyifoɔ no so dodo.

Yɛn afam no, Ɛnne a ɛwɔ tapes no so no nyɛ onipa asɛm, saa nso na Ɛnyɛ onipa na ɔkaeɛ, onipa na ɔde baaeɛ, anaa sɛ saa nso na onipa ntumi nna no adi. Ɛyɛ Onyankopɔn Asɛm a Onyankopɔn Ankasa da no adie, Ɔno Ankasa Nkyerɛaseɛni, Kristo a Ɔreda Ne Ho adi wɔ Ɔno Ankasa Asɛm mu.

Ebinom tumi te, nanso wɔnhunu nkɔsi tire. Wobɛtumi aka akyerɛ wɔn, akyerɛ wɔn nanso wɔntumi nhunu kɛkɛ. Yɛdɔ wɔn, yɛbɔ mpaeɛ ma wɔn, nanso deɛ Onyankopɔn ada no adi akyerɛ yɛn no ɛne deɛ ɛwie Pɛyɛ ma No.

Wei ne Litmus test ma mpaepaemu kɛseɛ a ɛwɔ Kristo Ayeforɔ no mu nnɛ a wɔka sɛ wɔwɔ nokorɛ Adiyie a ɛfa awieɛ berɛ Nkrasɛm kɛseɛ yi ho.

Litmus test nkyerɛaseɛ: Adeɛ baako pɛ a ɛyɛ agyinasie, asɛmmisa, anaa adeyɛ a ntɛm ara ɛda biribi (anaa obi) su, kamayɛ, anaa gyinabea ankasa adi.

Ma menni kan nka prɛko bio sɛ, mewɔ gyedie wɔ Nyame-afrɛ nokorɛ som adwuma mu. Ahiade bi wɔ hɔ, ne beaeɛ bi, ma adwumayɛbea biara. Twerɛsɛm no ka sɛ saa mmarima yi som adwuma no wɔ hɛ sɛ ɛma ahotefoɔ no wie pɛyɛ, nanso ɛnka sɛ ɔsom adwuma num no mu biara bɛma ahotefoɔ no awie pɛyɛ. Onuabarima Branham ka kyerɛ yɛn pefee sɛ ɔsom adwuma a ɛwɔ mfirinhyia biara mu no yera, enti ɛbɛyɛ dɛn na WƆN bɛtumi ama Ayeforɔ no Awie pɛyɛ?

Asɛnkafoɔ, akyerɛkyerɛfoɔ, asomafoɔ ɛne adiyifoɔ dodoɔ, bebree wɔ hɔ a wɔaka sɛ wɔgye saa awieɛ berɛ Nkransɛm yi di na na Onuabarima Branham yɛ Ɛnne a ɛwɔ Adiyisɛm 10:7, a seesei ɔɔmo ka sɛ ɛyɛ atorɔ, ɔyɛ ɔdaadaafoɔ, yɛyɛ ɔsom mu ɛsom.

Ná weinom yɛ asomfoɔ a na yɛbu wɔn kɛseɛ a wɔwɔ asafo akɛseɛ-akɛseɛ a wɔkyinkyinn wiase yɛɛ ɔsom adwuma. Yɛbuu wɔn sɛ Akannifoɔ akɛseɛ wɔ ɔsom adwuma-num no mu, ɛɛka asɛm no wɔ nhyiamu akɛseɛ aeɛ ɛne nsɔre mu wɔ United States. Nnipa no aniso no na wɔwɔ ɔsom adwuma akɛseɛ, na wɔdii wɔn akyi na wɔgye dii sɛ wɔyɛ Onyankopɔn nnipa akokroko.

Afei asomfoɔ bi wɔ hɔ nnɛ a dodoɔ gye wɔn tom sɛ nokorɛ asomfoɔ wɔ ɔsom nwuma num no mu a wɔseɛ sɛ wɔgye saa Nkransɛm yi di ɛnam sɛ wɔreyi Ɛmu nsɛm ka na wɔreka Ɛho asɛm, nanso wɔka nso sɛ saa Nkransɛm yi nyɛ Nea Ɛyɛ Osiwieɛ. Onipa baako Nkransɛm no nna no aba awieɛ. Ɔsom adwuma num no na seesei ɛwɔ sɛ ɛma Ayeforɔ no wie pɛyɛ, na ɛyɛ mfomsoɔ sɛ wobɛbɔ tapes no wɔ asɔredan mu, sɛ yɛbɛyi anumsɛm kakraa bi aka a.

Yɛnim sɛ atorofoɔ a wɔasra wɔn bɛba awieɛ berɛ no mu; odiyifoɔ no bɔɔ yɛn kɔkɔ sɛ yɛnhwɛ wɔn animkwan. Wɔn som adwuma no bɛnya ngosra. Wɔbɛnya Honhom Kronkron no, ɛne sɛ wɔbɛyi anumsɛm afiri ɛdɔn no mu Nkransɛm no mu. Wɔbɛ BƐN PAA sɛ ɛbɛdaadaa wɔn a wɔapaw wɔn ankasa no sɛ ɛbɛyɛ yie a.

Ɛno NYƐ nsɔre nkorabata nom no. Wɔntumi mfiri aseɛ nnaadaa wɔn a wɔapaw wɔn no. Ɛne sɛ, ɛsɛ sɛ ɛbɛn sene saa mpo. Wei nkyerɛ sɛ ɔsomfoɔ BIARA ayera, ɔkwan biara so. Onyankopɔn mmarima akɛseɛ bi wɔ hɔ a wɔka asɛm no na wɔkyerɛkyerɛ nokorɛ no, nanso biribi wɔ hɔ a ɛsɛ sɛ ɔgyedini biara hunu na ɔbisa ne ho:

Ɔsomfoɔ a wodi n’akyi no bɛtumi ayɛ mfomsoɔ anaa?
Wobɛtumi aka amen wɔ asɛm biara a ɔka ho anaa?
Wogye di sɛ Asɛm biara a ɔkyerɛkyerɛ no yɛ Sɛ Awurade Seɛ nie anaa?
Ne nne ne Ɛnne a ɛho hia paa a ɛsɛ sɛ wotie anaa?
Ɔbɛtumi aka asɛm a ɛyɛ mfomsoɔ no anaa?
Ɔbɛtumi ayɛ mfomsoɔ mpo ɛberɛ a waka Nkransɛm no ho asɛm mfie aduasa akyi anaa? Ɔbɛtumi adi ntwo anaa?
Ɔbɛtumi aka nneɛma a ɛyɛ mfomsoɔ no akyerɛ wo anaa?
Wɔbɛtumi adaadaa no anaa?

Afei bisa wo ho nsɛm kɔrɔ no ara fa Onyankopɔn Nne a wɔada mu nokorɛ adi no a wobɛtumi atie wɔ tapes no so no.

Nkransɛm no a ɛwɔ tapes no so no bɛtumi ayɛ mfomsoɔ anaa: DAABI
Wobɛtumi agye adi na woaka AMEN wɔ Asɛm biara a ɔka ho anaa? YIW
Ɛno bɛtumi adi ntwo anaa? DAABI
Ɔbɛtumi aka nneɛma a ɛyɛ mfomsoɔ anaa? DAABI
Ɛno bɛtumi aka adeɛ a ɛyɛ mfomsoɔ akyerɛ wo anaa? DAABI
Wobɛtumi de wo daankwa akwantuo awieɛ ato Asɛm biara a wotie so anaa..YIW!!!
Ɛyɛ Onyankopɔn Nne anaa: YIW

Adɛn nti na meeka saa nsɛm yi? Sɛ ɛbɛda adi sɛ nnipa NYINAA bɛtumi ayɛ mfomsoɔ, na wɔyɛ, nanso ONYANKOPƆN NNE a ɛwɔ tapes no so no ntumi nyɛ mfomsoɔ. Ɛno nti na Ɛno ne ƐNNE a ɛho hia paa a ƐSƐ SƐ WOTIE. Ɛno nti na ɛsɛ sɛ ɔsom adwuma no bɔ tapes no ma wɔn nsɔrenom no. Ɛyɛ Onyankopɔn KWAN A ƐWIE PƐYƐ A WƆDE AMA a Wayɛ ama N’Ayeforɔ no.

Akyinnyeɛ biara nni ho sɛ, megye di sɛ wobɛtumi atie afoforɔ, nanso Ɛnne baako pɛ a ƐSƐ SƐ WOTIE na wogye Asɛm biara die ne Ɛnne a ɛwɔ tapes no so. Saa Ɛnne no NKUTOO na yɛbɛtumi agye Asɛm biara so sɛ AMEN.

Ɛno ne Onyankopɔn ahyɛdeɛ, ɛsɛ sɛ wogye Asɛm biara di, na Asɛm a wotie wɔ tapes no so no ne ASƐM NKUTOO a Ogya Fadum no ada mu nokorɛ adi sɛ ɛno ne nokorɛ no. Onyankopɔn kaa sɛ William Marrion Branham NKUTOO ne N’Asɛm ɔsoro nkyerɛaseɛni, ɛfiri sɛ Ɛnyɛ n’asɛm, Ɛyɛ Onyankopɔn Asɛm.

Mma nnsesa ko anaa atifiasɛm baako. Onipa biara nni hɔ a ɔwie pɛyɛ saa; Onyankopɔn Nne nko ara na ɛwie pɛyɛ saa. Mpo ɛberɛ a yɛnte deɛ yɛtie aseɛ no, ɛsɛ sɛ yɛgye di kɛkɛ sɛ ɛno ne Onyankopɔn Nne a wɔada mu nokorɛ adie de ma N’Ayeforɔ.

Nokorɛ, Honhom Kronkron no redi Nyankopɔn nnipa anim. Nokorɛ, Honhom Kronkron no afrɛ wɔn sɛ wɔnyɛ asɔfoɔ ne asɛnkafoɔ ne akyerɛkyerɛfo; ɛno yɛ nokorɛ, nanso wɔnwie pɛyɛ. Mmom Onyankopɔn ayɛ ɔkwan bi a wobɛtumi atie ASƐM A ƐWIE PƐYƐ no ɛberɛ biara a moboa m’oano.

Nkorɔfoɔ no, saa nso na ɔsom adwuma no repɛ Asinanmu nnɛ. Wobɛtumi de w’adwene abubu deɛ obi de reyɛ ɔsomfoɔ bi deɛ wɔde yɛ Onuabarima Branham?… “Mɛma wo simma aduasa afei ɛsɛ sɛ wogyae, mewɔ Nkransɛm bi a ɛsɛ sɛ mede ba.
Wobɛtumi atie tapes no ɛberɛ biara. Menim deɛ ɛsɛ sɛ asafo yi tie a ɛyɛ mprempren deɛ ma nnɛ.” Dodoɔ no ara mpo mmɔ tape fã bi, na wɔka sɛ ɛyɛ mfomsoɔ sɛ wɔbɛbɔ Onyankopɔn Nne no wɔ wɔn nsɔre mu.

Anyabia obi a n’adwene da hɔ bɛtumi de n’adwene abubu ɔsomfoɔ bi a ɔbɛma anoyie bi, anoyie biara sɛ ɔremmɔ Onyankopɔn Nne wɔ wɔn asɔre mu esiane sɛ wɔgye di sɛ ɛsɛ sɛ wɔka asɛm no nti? Wɔka, nanso wɔnnye nni sɛ ɛyɛ Onyankopɔn Nne, ɛnyɛ saa a anka wɔntumi mma anoyie biara da sɛ wɔremmɔ tapes no.

Ɛbɛyɛ dɛn na obi atumi aka sɛ wɔgye di sɛ wei ne Onyankopɔn Nne na wɔmpɛ sɛ wɔbɔ no wɔ wɔn asɔredan mu? Ɛbɛyɛ dɛn na nkorɔfoɔ a wɔseɛ sɛ wɔgye di sɛ ɛyɛ Onyankopɔn Nne na rekasa na wɔhwehwɛ sɛ wɔn asɔfoɔ bɔ tapes no wɔ wɔn nsɔre mu? Ɛfiri sɛ wɔwɔ honhom korɔ.

Mma nyɛ Nikodemo na nka sɛ, “Mehunu na megye di. Ɛyɛ Onipa Ba no a ɔreda Ne Ho adi wɔ onipa honam mu. Ɛyɛ Sɛ Awurade Seɛ nie. Ɛyɛ Nkransɛm a ɛwie pɛyɛ. Ɛyɛ Onyankopɔn Nne no a ɛwɔ tapes no so, nanso mentumi mma me som adwuma no nkɔ fam kɛkɛ na menka sɛ saa Ɛnne no ho hia pii ma m’asafo no sɛ wɔbɛtie.”

Anuanom mmarima ne mmaa, ɛbia mo ne me nyɛ adwene wɔ wei ho pɛpɛɛpɛ. Mensrɛ mo sɛ monyɛ. Adeɛ baako pɛ, modeɛ mo mfa nkɔ adwene mu kɛkɛ. Deɛ wobɛka akyerɛ me no, mede bɛkɔ adwene mu. Sɛ asomfoɔ ka kyerɛ wɔn asafo sɛ wɔnnye nni sɛ wɔrebɔ tapes no wɔ wɔn nsɔre mu a, ɛyɛ, me nuabarima. Wodeɛ fa deɛ wopɛ biara ma wɔn aduane nni.

Merebɔ mmɔden paa biara sɛ me ne Asɛm no bɛtena pɛɛ, ɛfiri sɛ nnwan mpɛ biribi foforɔ biara gye nnwan aduane na yɛgye di sɛ Ɛnne a ɛwɔ Tapes no so no yɛ yɛn Nnwan Aduane. Ɛno ne deɛ yɛde te aseɛ: Asɛm biara a ɛfiri…Ɛnyɛ Asɛm bi kɛkɛ mprempren ne saa berɛ no; mmom Asɛm biara a ɛfiri Onyankopɔn anom a wɔaka wɔ tapes no so; ɛno ne deɛ yɛde te ase.

Nyame mfa kyɛ me na wo nso fa kyɛ me sɛ mekaa biribi tiaa wo anaa mekaa asɛm bi a ɛntene a. Wei ne deɛ yɛgye di na yɛhunu sɛ ɛyɛ Nokorɛ kɛkɛ a yɛnam so te ase. Onyankopɔn ama yɛn ƆKWAN A ƐWIE PƐYƐ a yɛfa so tie Ne Nne na yɛn ani gye ho.

Sɛnea ɛteɛ daa no, meto nsa frɛ obiara a ɔpɛ sɛ ɔka yɛn ho sɛ ɔbɛtie Saa Ɛnne no ɛberɛ kɔrɔ no ara mu, sɛ ɔmmɛka yɛn ho prɛmtoberɛ wɔ Jeffersonville berɛ mu baabi a yɛbɛka abom sɛ Ɛkoro Bafua retie: 65-0822M Wɔda Kristo Adi Wɔ Ɔno Ankasa Asɛm Mu.

Onuabarima Joseph Branham.

Twerɛnsɛm a ɛsɛ sɛ wokenkan ansa na woatie Nkrasɛm no:
Exodus 4:10-12
Isaiah 53:1-5
Yeremia 1:4-9
Malaki 4:5
Ɔhoteni Luka 17:30
Ɔhoteni Yohane 1:1 / 1:14 / 7:1-3 / 14:12 / 15:24 / 16:13
Galatifoɔ 1:8
2 Timoteo 3:16-17
Hebrifoɔ 1:1-3 / 4:12 / 13:8
2 Petro 1:20-21
Adiyisɛm 1:1-3 / 10:1-7 / 22:18-19

26-0614 Na Wɔnnim

Dɔfoɔ A Wɔapaw Wɔn,

Awo foforɔ no ne Kristo; yɛ adiyie. Onyankopɔn ayi ahintasɛm kɛseɛ yi adi akyerɛ wo, na ɛno yɛ Awo foforɔ. Afei ɛdeɛn na worebɛyɛ sɛ woboaboa saa kuo no nyinaa ano a? baabi a adiyie no kɔ bɛnkorɔ mu pɛpɛɛpɛ,

Onyankopɔn reboaboa N’Akɔdeɛ kuo nyinaa ano abom wɔ baakoyɛ a ɛwie pɛyɛ mu, Ɔreda N’Asɛm adi akyerɛ N’Ayeforɔ.

Onyankopɔn kwan a Ɔrefa so anya ɔhene, te sɛ deɛ na David teɛ no, na ɛyɛ deɛ ɛtene, na wowɔ adwene baako a ɛda mfimfini. Te sɛ ɔkannifoɔ baako ɛne nsu-nomaa dosopuo bi, anaa deɛ ɛkeka ho, wontumi mfa wɔn mu mmienu anaa mmiɛnsa. Afei, woma wɔn nyinaa yɛ sakatuu, wode adwenkyerɛ biara ba a.

Ɛneɛ ɛdeɛn na ɛsɛ sɛ yɛyɛ, Awurade?

Adeɛ nkutoo a ɛsɛ sɛ woyɛ ne sɛ wobɛma wɔn ahunu Me Nne kɛkɛ; wɔnim, ɛfiri sɛ Me nnwan nim Me Nne.

Awurade, ɛdeɛn ne Wo Nne a ɛwie pɛyɛ ɛnnɛ?

Ɛnam saa a mekaeɛ no, sɛ mehyɛɛ wo abufuo a, fa kyɛ me, nanso, metee nka sɛ ɛbia ɛno annyɛ abodwoɔ, nanso, meyɛ Onyankopɔn Nne ma mo.

Yɛde yɛn akoma nyinaa gye ɛno di. Awurade, wei ne sɛnea yɛte nka.

Ɛho nhia sɛ wɔnam abɔdeɛ mu nyansahunu so bɛda biribi mu nokorɛ adi, anaa sɛ wɔbisa Sadukini anaa Farisini biara, anaa biribi foforɔ biara, fa ho. Mekaa ɛno, wɔgye ɛno di, ɛfiri sɛ Me nnwan tie Me Nne.

Ɛdeɛn na Ɛnne a ɛwɔ tapes no so kyerɛ W’Ayeforɔ?

Wei ne Onyankopɔn Nne a ɛwɔ atwerɛdeɛ kwan so, ɛfiri sɛ Wei ne Yesu Kristo adiyie no nyinaa, Apam Dadaa ne Foforɔ a wɔaka abom. Amen. Ɛna ɛdahɔ no.

Anyabiaa ɛnnɛ yi tapes no hia anaa?

Menim sɛ, me kɔrɔ akyi firi asase wei so no, saa tapes no ɛne saa nwoma nom no bɛkɔ so atena ase, na mo mmɔfra nkumaa mu pii bɛhunu, wɔ nna a ɛbɛba no mu, sɛ wei ne Nokorɛ pɛpɛɛpɛ no,…

Awurade, yɛgye di sɛ tapes no ɛne nwoma nom no yɛ Wo som adwuma a ɛte ase, ɛwɔ hɔ mprempren a Wode agya W’Ayeforɔ.

Adɛn nti na tapes no na ɛyɛ ƐNNE A ƐHO HIA PAA ma yɛn sɛ yɛbɛtie?

Mfirinhyia a nnaadaa wɔ mu paa a yɛatena mu da ɛmu na yɛwɔ no.
“Sɛ ɛbɛyɛ yie a, anka ɛbɛdaadaa wɔn a Wɔapaw wɔn ankasa no,” ɛfiri sɛ wɔwɔ ngosra, wɔbɛtumi ɛyɛ biribiara te sɛ wɔn a aka no.

“Obibiara a ɔde asɛmfua baako bɛka Wei ho, anaasɛ ɔbɛyi Asɛm baako afiri Mu.” Ɛsɛ sɛ wonya osiwieɛ bi wɔ baabi.

Ɛne sɛ, ɛsɛ sɛ yɛn osiwieɛ no yɛ Onyankopɔn Asɛm. Woada no adi akyerɛ yɛn sɛ Onyankopɔn Asɛm ne Onyankopɔn Nne yɛ ade korɔ. Ɛnne no yɛ Onyankopɔn adwene nom ankasa a wɔaka, sɛnea Wode adiyfoɔ no yɛɛeɛ no wɔ ɛberɛ a Wotwerɛɛ Bible no; nanso ɛwɔ saa ɛda a ɛdi akyiri yi mu no, Wokoraa W’Asɛm, Wo Nne ɛnam sɛ wɔretwe Ɛno gu ahoma so na wɔde Ɛno reto tape so. Enti, Wo Nne a wɔaka agu tapes so no yɛ Ayeforɔ no osiwieɛ.

Nkorɔfoɔ ɛnwene sɛ ɛho hia sɛ wɔbɔ Nne no wɔ wɔn asɔre mu nnɛ. Wɔkyerɛkyerɛ wɔn wɔ wɔn nsɔre mu sɛ Onuabarima Branham anka da sɛ bɔ tapes no wɔ asɔredan no mu, deɛ wɔhia kɛkɛ ne sɛ wɔbɛtie ɔsom adwuma sɛ wɔka Asɛm no na wɔyi anum Asɛm no ka.

Na sɛ asɔre no na ɛyɛ wo osiwieɛ a, womfa hwee ho deɛ obiara ka. Ɛno ne wo osiwieɛ. O Onyankopɔn, boa ma wei ɛmem kɔ mu! M’afam no, adeɛ no nyinaa yɛ mfomsoɔ. Onyankopɔn Asɛm ɛne deɛ ɛyɛ osiwieɛ. Adeɛbiara a saa Asɛm no ka no, ɛneɛ ɛte saa.

Na Ɔretwɛn sɛ wɔbɛto nsa afrɛ No. Ɛno ne deɛ Ɔretwɛn anadwo yi, sɛ wobɛto nsa afrɛ No. Hyɛ no nso, ɛberɛ a saa asuafoɔ no too nsa frɛɛ No sɛ ɔmmra wɔn ayɔnkoyɛ mu wɔ ɛpono no ho no,

Ɛbɛyɛ dɛn na obi atumi aka, ama nyinasoɔ, anaa ama anoyienom, a ɔka sɛ ɔgye awieɛ berɛ mu Nkransɛm yi di, sɛ ɔmmɔ tapes no wɔ wɔn nsɔre mu ɛberɛ a wɔ wɔ akwanya sɛ wɔbɛtie ONYANKOPƆN NNE ANKASA NO? Ɛyɛ Nsɛm a Onyankopɔn nam nnipa anofafa so firii Ne diyifoɔ a wɔasra no so kaaeɛ. ƐNNE NKUTOO a Ogya Fadum no ada mu nokorɛ adi, ɛde nyinasoɔ ba ɛnam sɛ ɔrehunu akoma mu kokoam nsɛm, ɛde nyinasoɔ ba wɔ nsɛnkyerɛnneɛ ne anwanwadeɛ nom so, sɛ ƐYƐ Onyankopɔn Nne ma awoɔ ntoatoasoɔ yi.

Ɛbɛyɛ dɛn na obi atumi ama anoyie BIARA, nkyerɛkyerɛmu, anaa sɛ ɔnni ɔpɛ sɛ ɔbɛtie Onyankopɔn Nne ɛberɛ koro biara a wɔbɛhyiam?

Awurade, ɛmma memfa Wo Nne a ɛwɔ tapes so no sɛ adeɛ bi a ɛnhia. Ma memmɔ dawuru nkyerɛ wiase ɛberɛ nyinaa Ɛyɛ Ɛnne NKUTOO a ɛhia sɛ wɔtie. Ma mempae mu nka nkyerɛ W’Ayeforɔ no, DEƐ WƆHIA NYINAA NE WO NNE A ƐWƆ TAPES NO SO.

Yɛdɔ sɛ yɛbɔfekuo. Yɛdɔ sɛ sɛ yɛka Wo ho asɛm na yɛyi W’anum Asɛm ka, nanso biribi kɛseɛ biara nni hɔ a anka Wobɛtumi ayɛ ama W’Ayeforɔ no sene sɛ wode W’Asɛm bɛma yɛn wɔ Asɛm no so, Wo Nne Adiyie, na afei yɛbɛhunu ONII KO A YƐYƐ, W’AYEFORƆ NOKWAFOƆ.

Sɛnea mɛtumi akɔ so akɔ so, rebɔ fekuo afa adiyie kɛseɛ a Onyankopɔn de ama yɛn no ho. Ɛnni awieɛ; nanso ade-kɛseɛ paa mɛtumi ayɛ ne sɛ mɛto nsa afrɛ wo sɛ bra na wo ne Ayeforɔ no fà bi bɛtie Onyankopɔn Nne ma w’ankasa wo ho Kwasiada wɔ Prɛmtoberɛ Jeffersonville berɛ mu, ɛberɛ a yɛtie: (Nkransɛm a ɔkaa no Ɔsanaa da du-num wɔ afe apem ahankoron aduosia num mu- Na Wɔnnim

Onuabarima Joseph Branham.

Twerɛnsɛm a wobɛkeken:
Adiyisɛm 3:14-19
Kolosefoɔ 1:9-20

26-0531 Mfirinhyia Bɔne Yi Mu Nyankopɔn No

Dɔfoɔ Kristo Ɔbaabunu ketewa, Asɛm, Nnwankuo, Ayeforɔ:

Sɛnea yɛn akoma dii ahurisie ɛberɛ a yɛtee sɛ Ne bɔfo-hoɔdenfoɔ no paa mu ka sɛ yɛyɛ Onyankopɔn Aba a Wahyɛ ato hɔ a yɛntumi nyɛ biribi foforɔ biara gye sɛ yɛbɛdi Ne Nne akyi. Ɛsom bo pii ma yɛn kyɛn nkwa. Wobɛtumi agye yɛn nkwa nom, nanso wontumi nnye Ne Nne. Yɛne N’Asɛm yɛ Bafua. Yɛne Ne Nne yɛ Bafua. Yɛne No yɛ Bafua.

Akɔyɛ sɛ ɛyɛ yɛn nwanwa sɛ wɔnte yɛn aseɛ saa na wɔdi yɛn ho fɛw ɛfiri sɛ yɛka sɛ yɛwɔ gyedie wɔ sɛ yɛrebɔ tapes mu; sɛ ɛyɛ Onyankopɔn Nne a Ɛrekasa kyerɛ N’Ayeforɔ. Satan adaadaa nkorɔfoɔ no ara a ma wɔdwene sɛ ɛnam sɛ yɛrebɔ no dawuro sɛ yɛyɛ tape asafo, ɛyɛ biribi a atwe ne ho afiri Asɛm no ho, ɛyɛ biribi a ɛyɛ mfomsoɔ, na wɔredaadaa yɛn, a ɛberɛ nyinaa Ɛyɛ Onyankopɔn kwan a ɛwie pɛyɛ a Ɔde ama N’Ayeforɔ.

Ɛbɛyɛ dɛn na atumi ayɛ ɔkwan foforɔ biara? Sɛ wokyea Asɛm baako a wɔaka nkyerɛaseɛ a, woayera. Ebia wɔwɔ tirimpɔ ne botaeɛ a ɛfata, nanso wɔbɛyɛ mfomsoɔ. Obi bɛtumi anya Honhom Kronkron no ngosra na ɔda so ara yɛ mfomsoɔ.

Sɛ nka Onyankopɔn mmaa ɔkwan bi a N’Ayeforɔ no ankasa bɛtumi atie Asɛm biara ama wɔn ho a, ɛneɛ anka ɔkwan foforɔ bi bɛwɔ hɔ. Nanso Ɔde ɔkwan bi ama sɛ onipa biara a ɔwɔ asase so bɛnya akwanya atie sɛ Asɛm no kasa kyerɛ wɔn tẽẽ a ɛho nhia mma nkyerɛkyerɛmu, nkyerɛaseɛ anaa mpɛnsɛnpɛnsɛmu. Ne nyinaa yɛ Sɛ Awurade Seɛ nie…TOM!

Yɛn nyinaa gye tom sɛ ɛsɛ sɛ yɛne Asɛm no tena na yɛayɛ N’Ayeforɔ

Megye di sɛ biribiara a yɛhia no, wɔatwerɛ wɔ Ɛha yi ara, ɛhia sɛ Honhom Kronkron no kyerɛ aseɛ kɛkɛ. Mennye nni sɛ onipa biara a ɔwɔ asase so wɔ hokwan sɛ ɔde ɔno ankasa nkyerɛaseɛ to Asɛm no so. Onyankopɔn nhia obiara sɛ ɔbɛkyerɛ N’Asɛm ase. Ɔyɛ Ɔno Ankasa Asɛm nkyerɛaseɛni. Ɔkaa sɛ Ɔbɛyɛ, na Ɔyɛ.

Ɛda adi pefee sɛ Awurade akasa na Wada no adi akyerɛ N’Ayeforɔ sɛ ɔkwan foforɔ biara nni hɔ a wobɛfa so ayɛ N’Ayeforɔ a Wapaw no gye sɛ wo ne N’Asɛm tena. Onyankopɔn Ankasa na Ɔkyerɛ N’Asɛm ase, na obiara nni hokwan sɛ ɔde ne nkyerɛaseɛ bɛka Ho.

Asɛm no nso ka sɛ NE DIYIFOƆ na ɔyɛ N’Asɛm asekyerɛni. Ɔno ne Onyankopɔn Nne ma nkorɔfoɔ no. Deɛ ɔka no ɛne Asɛm a ɛwɔ hɔ ma yɛn da yi.

Ɛnam Onyankopɔn Nne a yɛretie wɔ tapes no so no, yɛyɛ nkɔmhyɛ a ɛrehyɛ ma.

Biribiara nni hɔ a tumi bebree wom, ɛyɛ kronkron bebree, biribiara nni hɔ a ɛma abotɔyam pii, biribiara nni hɔ a ɛwie pɛyɛ pii kyɛn sɛ woretie Onyankopɔn Nne a wɔada mu nokorɛ adi ɛkasa kyerɛ wo.

Ɛbrɛ a ɛbia afoforɔ bɛka sɛ biribiara nni mu no, akɔdeɛ no de anigyeɛ kɛseɛ a ɛboro so reboaboa wɔn ano ɛna wɔredi ahurusie, wɔ ahotɔsoɔ sɛ wɔredi Onyankopɔn Asɛm so. Ɔka kyerɛɛ yɛn sɛ sɛ wowɔ tape afidie a, boaboa nnipa kuo bi ano, na bɔ, na tie no yie. Ɛnam N’adom ne mmɔborɔhunu so no, ɛno ara ne deɛ yɛreyɛ pɛpɛɛpɛ.

Onyankopɔn afrɛ yɛn afiri saa mfirinhyia bɔne yi mu ama Ne Din. Yɛrefa sɔhwɛ ne nsɔhwɛ pii mu a ɛte sɛdeɛ ɛbi nsii da. Satan ate asi ɔko kwan no so ɛberɛ a ɔnim sɛ ne berɛ aduru awieɛ no. Ɛbia wɔbɛbisa wo ho, ɛbɛyɛdɛn na matumi afa saa nneɛma yi nyinaa mu, na meyɛ N’Ayeforɔ?

Wɔreda wo adi, wɔresɔ wo ahwɛ, na wɔreda wo mu nokorɛ adi akyerɛ Satan, YƐYƐ N’AYEFORƆ. Yɛn na yɛyɛ Asɛm no a ɛwɔ honam mu no. Yɛbɛtumi aka Asɛm no na Ɛbɛba mu. Ɛyɛ SƐ AWURADE SEƐ NIE.

Yɛwɔ Onyankopɔn Nne a Ɛrekasa kyerɛ Satan tẽẽ na ɛreka akyerɛ no:

Satan, woadi nkoguo. Woyɛ ɔtorofoɔ. Na, sɛ me yɛ Onyankopɔn akoa, ɛne nkoa no, yɛhyɛ sɛ ɛwɔ Yesu Kristo Din mu, sɛ tie Onyankopɔn Asɛm, na firi nkorɔfoɔ no mu fi, ’firi sɛ wɔatwerɛ, “Me Din mu wɔbɛtutu ahonhommɔne.”

Deɛ ɛteɛ biara…BIRIBIARA a yɛhia no, ɛhia sɛ yɛbisa kɛkɛ, ɛgye di na yɛgyina hɔ ara. Ɛbia ɛbɛda adi amono mu hɔ ara; ɛbia ɛbɛyɛ nawɔtwe, bosome, afe. Ɛmfa ho deɛ yɛhunu anaa yɛte nka, ƐSII SAA BERƐ NO ARA.

Ɔsom biara a yɛboaboa yɛn ho bɔ mu no yɛ kɛseɛ ne akɛseɛ ma Onyankopɔn akɔdeɛ. Yɛaboaboa yɛn ano wɔ adwene Baako ɛne nteaseɛ Baako mu, abom tete Ɔsoro mmeaeɛ, retie Ɛnne no ɛkasa kyerɛ yɛn na ɛnam N’Asɛm so ɛma yɛwie pɛyɛ.

Yɛbɛpɛ sɛ mobɛka yɛn ho Kwasiada yi prɛmtoberɛ wɔ Jeffersonville berɛ mu, ɛberɛ a yɛte Onyankopɔn Nne sɛ Ɛkasa kyerɛ yɛn prɛko bio na Ɔde Ɔno Ankasa Asɛm nkyerɛaseɛ brɛ yɛn.

Onuabarima Joseph Branham.

Nkransɛm: Mfirinhyia Bɔne Yi Mu Nyankopɔn No 65-0801M

Twerɛnsɛm a wobɛkeken ansa na woatie Nkransɛm no:
Ɔhoteni Mateo ɛtire 24
Ɔhoteni Mateo 27: 15-23
Ɔhoteni Luka 17:30
Ɔhoteni Yohane 1:1
Ɔhoteni Yohane 14:12
Asomafo no Nnwuma 10:47-48
1 Korintofoɔ 4:1-5
1 Korintofoɔ etire 14
2 Korintofoɔ 4:1-6
Galatifoɔ 1:1-4
Efesofoɔ 2:1-2
Efesofoɔ 4:30
2 Tesalonikafoɔ 2:2-4
2 Tesalonikafoɔ 2:11
Hebrifoɔ etire 7
1 Yohane etire 1
1 Yohane 3:10
1 Yohane 4:4-5
Adiyisɛm 3:14
Adiyisɛm 13:4
Adiyisɛm etire 6 kɔsi etire 8
ɛne Adiyisɛm etire 11 kɔsi etire 12
Adiyisɛm 18:1-5
Mmɛbusɛm 3:5
Isaiah 14:12-14

26-0524 Ɛdeɛn Na Ɛtwetwe Aniwa Wɔ Bepɔ No So No?

Dɔfoɔ Akɔdeɛ A Wɔboaboa Wɔn Ano,

Ɛdeɛn ne ade kɛseɛ a ɛrekɔ so wɔ wiase nyinaa yi a ɛtwetwe adwene yi? Nnipa a ɛfiri wiase afannaa nyinaa reboaboa wɔn ano prɛmtoberɛ wɔ Jeffersonville berɛ mu, tete wɔn afiefie ne ɔɔmo nsɔre mu de akwanhwɛ kɛseɛ, retwɛn sɛ wɔbɛte sɛ Onyankopɔn Nne ɛkasa kyerɛ wɔn.

Ɛyɛ nwanwa na nteaseɛ nnim ma wiase sɛ wobetie tapes no ara kɛkɛ. Wɔka sɛ yɛbɛtumi atie tapes no ɛberɛ biara. Woretie wɔ ɛberɛ korɔ mu mfa hwee mma. Ɛsɛ sɛ wotie ɔsom adwuma bi a ɛyɛ live, ɔsɛnkafoɔ bi, na ɛnyɛ tapes kɛkɛ. Wɔabɔ atenaseɛ wɔ wɔn atetesɛm nom mu.

Biribiara a ɛte sɛɛ nsii da wɔ wiase abakɔsɛm mu. Ɛdeɛn na atwetwe saa nkorɔfoɔ yi adwene ama wɔn nyinaa aka wɔn ho abom ɛberɛ korɔ mu sɛ wɔbɛtie saa Ɛnne no sɛ ɛfrɛ N’Ayeforɔ no? Ɛyɛ Onyankopɔn a Ɔrehyɛ Luka etire du nson nkyekyɛmu aduasa ma. Ɛyɛ Onyankopɔn a Ɔrehyɛ Adiyisɛm etire du nkyekyɛmu nson ma. Ɛyɛ Onyankopɔn a Ɔrehyɛ Hebrifoɔ 13:8 ma, Melkisedek wɔ onipa honam mu, sɛnea Ɔyɛ kyerɛɛ Abraham no.

Wɔretwɛn ɛna wɔde wɔn adwene rebubu sɛ, ɛdeɛn na Ɔbɛka? Ɛdeɛn na ɛbɛsi sɛ Ɔhyɛ aseɛ sɛ Ɔkasa a? Wɔpɛ sɛ wɔwɔ hɔ wɔ hook-up no so na wɔanya biribiara a Ɔka. Wɔpɛ Ɛno. Wɔpɛ sɛ wɔne Ayeforɔ a wɔwɔ ewiase afanaa nyinaa tie Ɛno wɔ ɛberɛ korɔ mu. Ɛfiri sɛ wɔgye di sɛ ɔno ne ɛnne a Onyankopɔn yii sɛ ɔnyɛ Ne Nne a ɛbɛfrɛ na adi N’Ayeforɔ anim.

Ɛwom sɛ ɛberɛ mu no nnɔnhwere pii na ɛda wɔn ntam deɛ, nanso wɔn nyinaa abom sɛ ƐKORO BAFUA, sosɔ wɔn nkrato-fidie, retie saa Ɛnne no kasa kyerɛ wɔn firi wɔn Fie Asɔre mu. Wɔtete Ɔba no animpa, rebere ɛna wɔretwɛn Mesia no Mmaeɛ no.

Wɔn akoma rebɔ ntɛmntɛm. Honhom Kronkron no reda deɛ ɛrekɔ so adi akyerɛ wɔn. Onyankopɔn atwɛn de bɛsi ɛda wei sɛ Ɔbɛda N’Asɛm adi na Waboaboa N’Ayeforɔ ano. Ɛrekɔ so, na wɔyɛ Ne fã bi. Deɛ ɛrekɔ so no mu nokwasɛm resosɔ gu wɔn akoma mu. Wɔakenkan ɛho asɛm wɔ Twerɛnsɛm no mu mfie ɔha nom pii, nanso saaberɛ yi ne adekann no. Asɛm no mu Adiyie no nam wɔn so reda adi. Odiyifoɔ no nkɔmhyɛ nom no reba mu.

Ɛberɛ a wɔte Ne Nne a ahoɔden wɔ mu wɔ saa ngosra kɛseɛ no ase no, Ɔpaa mu ka kyerɛ wɔn sɛ wɔnsiesie wɔn ho; ɛfiri sɛ anadwo yi ɔrebɛbɔ mpaeɛ ama wɔn mu baako biara. Ɔka kyerɛ yɛn sɛ sɛ ɔhyɛ aseɛ sɛ ɔrebɔ mpaeɛ no a, monfa mo nsa nto wɔn a wɔyareɛ no so, ɛfiri sɛ Onyankopɔn su a ɛwɔ baabiara no ka wɔn ho wɔ baabiara, ɛmfa ho baabi a wɔwɔ: Texas, wɔ California, wɔ Arizona soro hɔ, Amerika Anaafoɔ, mpo kɔ asese a ɛwɔ kwaeɛbirentuo mu wɔ wiase afa no aka no. Baabiara a wɔretie afiri no, momfa mo nsa ntoto moho moho so sɛ yɛhyɛ aseɛ sɛ yɛrebɔ mpaeɛ a na Onyankopɔn bɛsa wɔn mu biara yareɛ, sɛ wɔgye di a, ɛfiri sɛ Ɛno yɛ Sɛ Awurade Seɛ nie.

Afei na wɔate aseɛ sɛ ɛnam mfirinhyia biara ne odiyifoɔ biara a aba anaa ɔbɛba so no, yɛbɛnya nnipa dodoɔ bi a wɔahyɛ ato hɔ sɛ wɔbɛtie saa Nkransɛm no, na wɔbɛdi Ɛno akyi. Wɔbɛbu wɔn ani agu nnipadɔm no so. Wɔbu wɔn ani gu annyeanie a ɔhwehwɛ mfomsoɔ a ɔka sɛ ɛyɛ mfomsoɔ
anaa sɛ ɛnyɛ Onyankopɔn kwan a Ɔde ama no. Wɔne wɔn nni akyinnyegyeɛ biara. Wɔwɔ adeɛ baako a ƐSƐ SƐ WƆYƐ, ɛno ne sɛ wɔbɛgye adi ɛna sɛ wɔbɛnya Ne mu biribiara a wɔbɛtumi, anonom Ɛno akɔ mu te sɛ Maria a ɔtenaa Yesu Nan ase no. Ɛnnyɛ wɔn aniwuo, ɛyɛ ahohoahoa ara ma wɔn sɛ wɔbɛka sɛ ɔyɛ tape boy anaa tape girl a “ɔpresse play”.

Saa Ɛnne no abɔ wɔn kɔkɔ dada sɛ yɛbɛnya wɔn a wɔasra wɔn ngo wɔ awieɛ berɛ no mu a wɔbɛnya ngosra akɛseɛ, Honhom Kronkron no. Wɔbɛyi odiyifoɔ no nsɛm aka ɛne ɛdɔn no mu Nkransɛm no; de bɛto wɔn ho so sɛ agyidifoɔ, nanso wɔyɛ atorɔ ngosrafoɔ.

Wɔbɛbɛn ngosra kann no ara a ma sɛ anka ɛbɛyɛ yie a, ɛbɛdaadaa wɔn a wɔayi wɔn ankasa no, nanso wɔnim sɛ wɔrentumi nnaadaa wɔn, ɛfiri sɛ wɔn na WƆYƐ ASƐM NO. Wɔn na wɔyɛ nokorɛ Ayeforɔ no a wɔne Onyankopɔn Nne no tenaeɛ no.

Saa Ɛnne no paa mu ka kyerɛ wɔn sɛ ɛwɔ saa da yi mu no Ɛrenyɛ lemon, anaa grapefruit. Ɛno bɛyɛ mmerɛ sɛ wobɛhunu nsonsonoeɛ a ɛwɔ mu no. Mmom ɛbɛyɛ tangelo, lemon fã, ankaa fã, awoɔ mu afrafraeɛ. Ɛbɛyɛ te sɛ ankaa ara pɛ, nanso ɛrenyɛ yie, ɛfiri sɛ saa nkorabata foforɔ no bɛyɛ ɔha mu nkyekyɛmu ɔha te sɛ mfitiaseɛ deɛ no. Wɔne saa mfitiaseɛ Ɛnne Asɛm no BƐTENA. Wɔrentu anamɔn wɔ Atoprɛ so. Wɔne onii ko no a Onyankopɔn no Ankasa paa mu kaa sɛ ɔyɛ NE NNE, N’ASƐM, a Ogya Fadum no ada mu nokorɛ adi no bɛtena.

Ɛdeɛn na ɛrekɔ so yi?

Onyankopɔn Aba a wɔahyɛ no ato hɔ no ntumi nyɛ biribi foforɔ biara gye sɛ wɔbɛdi akyire na wɔatie saa Ɛnne no, ɛfiri sɛ Ɛsom boɔ pii ma wɔn kyɛn nkwa. Wobɛtumi agye wɔn nkwa, nanso wontumi nnye saa Ɛnne no.

Ɛdeɛn ne adeɛ a ɛtwetwe adwene no?

Onyankopɔn, sɛnea Ɔtaa yɛ no, rehyɛ N’Asɛm ma.

Bra bɛka yɛn ho na yɛ odiyifoɔ no nkɔmhyɛ a ɛrehyɛ ma no fa bi Kwasiada yi wɔ prɛmtoberɛ wɔ Jeffersonville berɛ mu, ɛberɛ a yɛtie sɛ Twerɛnsɛm reda adie.

Onuabarima Joseph Branham.

Nkransɛm: 65-0725E “Ɛdeɛn Na Ɛtwetwe Aniwa Wɔ Bepɔ No So No?”

Twerɛnsɛm:
Ɔhoteni Mateo 21:1-4
Sakaria 9:9 / 14:4-9
Isaiah 29:6
Adiyisɛm 16:9
Malaki 3:1 / Etire a ɛtɔ so nan
Ɔhoteni Yohane 14:12 / 15:1-8
Ɔhoteni Luka 17:22-30

26-0517 Wɔn A Wɔasra Wɔn Ngo Awieɛ Berɛ Yi Mu No

Nkransɛm: 65-0725M Wɔn A Wɔasra Wɔn Ngo Awieɛ Berɛ Yi Mu No

PDF

BranhamTabernacle.org

Dɔfoɔ Akɔdeɛ A Wɔreboa Wɔn Ano,

Etire asɛm a ɛda naawɔtwe yi Nkransɛm no so nko ara ɛma anidahɔ a ɛte saa ɛfa Honhom Kronkron no ho kyerɛ Ayeforɔ no. Sɛ wobɛdwene sɛ nnipa a wɔasra wɔn ankasa bɛsɔre wɔ saa da yi mu, a wɔwɔ Honhom Kronkron Korɔgyenn korɔ no ara a na ɛwɔ yɛn diyifoɔ no so, nanso ɛyɛ atorɔ.

Asɛm no ka kyerɛ yɛn sɛ wɔbɛyɛ nsɛnkyerɛnneɛ ne anwanwadeɛ nom, renya nsuo korɔ no ara, nhyira korɔ no ara sɛ nokorɛ diyifoɔ no. Nkorɔfoɔ bɛdane afiri ɛda no mu Asɛm turodoo a wɔada mu nokorɛ adi no ho akɔ deɛ wɔn ankasa akɔnnɔ teɛ, resoa akyerɛkyerɛfoɔ aboa wɔn so, a wɔn aso mu yɛ wɔn hene. Ɛbɛbɛn Asɛm no ankasa ara ma ɛkame ayɛ sɛ ɛbɛdaadaa Wɔn a Wɔapaw wɔn no.

Sɛn paa na saa ngosra no bɛbɛn? Ɛbɛyɛ mmerɛ sɛ wobɛhunu deɛ ɛyɛ nokorɛ ɛne deɛ ɛyɛ atorɔ anaa? Odiyifoɔ no ka kyerɛɛ yɛn sɛ Ɔhene Dawid, ɔbarima a ɔda Onyankopɔn ankasa akoma so, a ngosra wɔ ne so no nyaa nokorɛ adiyie; nanso na ɛyɛ mfomsoɔ.

ƐDEƐN!! Ma ɛno nkɔ mu ɛberɛtia bi. Onyankopɔn Hene a Wayi no no nyaa nokorɛ ngosra ɛne nokorɛ adiyie, nanso na ɛyɛ mfomsoɔ! Ɛho bɛhia sɛ Onyankopɔn nwammaa ma wɔn ani da hɔ yie ama wɔn ahunu sɛ deɛ wɔretie no yɛ nokorɛ anaa atorɔ ngosra; ɛfiri sɛ wɔn daa akwantuo awieɛ no gyina saa agyinasienom yi so.

Yɛnim sɛ Onyankopɔn de nokorɛ asomfoɔ pii a wɔasra wɔn asi hɔ sɛ wɔmmoa ɛmma akwankyerɛ nkora N’Ayeforɔ no wɔ Asɛm no mu. N’Asɛm ka saa, na yɛda Awurade ase paa wɔ wɔn mu biara ho. Wɔafrɛ wɔn sɛ wɔnyɛ nnwanhwɛfoɔ wɔ wɔn nnwan so. Ɛsɛ sɛ wɔkora wɔn wɔ Asɛm no mu. Wɔreyɛ saa no, ɛnsɛ sɛ wɔdi ntwo sɛ wɔbɛbɔ Onyankopɔn Nne NKUTOO a wɔada mu nokorɛ adi no akyerɛ wɔn nwankuo no.

Sɛnea ɛnkyɛree biara yɛtee sɛ onipa biara bɛtumi ayɛ mfomsoɔ no, mpo wɔ nokorɛ ngosra ɛne nokorɛ adiyie mu no. Nanso Ayeforɔ no bɛtumi anya ahotɔsoɔ, ɛfiri sɛ Onyankopɔn ama ɔkwan a ɛwie pɛyɛ ɛberɛ biara wɔbɛtumi atie NOKORƐ NGOSRA, NOKORƐ ADIYIE, NOKORƐ SƐ AWURADE SEƐ NIE; PRESS PLAY KƐKƐ.

“Baabi a Nammono no wɔ,” Manna no wɔ, Asɛm no wɔ, “ɛhɔ na akɔdeɛ no bɛboaboa wɔn ano.”

Baabi a Nammono no wɔ no, ɛhɔ na yɛn Akɔdeɛ bɛboaboa yɛn ano. Faako a Nam a ɛyɛ foforɔ wɔ no, ɛberɛ no mu Asɛm no, ɛdɔn no mu Nkransɛm no. Na baabiara nni hɔ a ɛyɛ foforɔ a wobɛdi saa Manna no a ɛkyɛn sɛ woretie Onyankopɔn Ankasa Nne no sɛ ɛkasa.

Ɛno ne N’Asɛm. “Ɛnyɛ paanoo nko ara na onipa bɛdi atena ase, mmom ɛnam Asɛm biara so.” Moahu? Deɛ wɔayi no ato hɔ no nim wei. “Asɛm a ɛyɛ hɔhoɔ, anaa ɛnne a ɛyɛ hɔhoɔ, wɔrenni akyire.”

Deɛ ɛnti a wɔrenyɛ, na wɔrentumi nnaadaa yɛn, ne sɛ yɛn na yɛyɛ Asɛm no yɛwɔ saa Adiyie yi. Yɛntumi nyɛ biribi foforɔ biara. Yɛntumi ntie biribi foforɔ biara. Yɛnnim biribi foforɔ biara.

“MEYƐ!” Ɛnyɛ “Ná meyɛ, anaasɛ mɛyɛ.” “MEYƐ,” mprempren kabea, mprempren Asɛm no. Ɛnyɛ Asɛm a na ɛwɔ hɔ no, Asɛm no a ɛbɛba no; Asɛm a ɛwɔ hɔ seesei no. Moahu? Moate aseɛ? “MEYƐ!” “MEYƐ ” ne Asɛm no. “Mfitiaseɛ no na Asɛm no wɔ hɔ, na Asɛm no ne Onyankopɔn na ɛwɔ hɔ.” Ɛte saa anaa? “MEYƐ.” “Onyankopɔn somaa me sɛ Ne diyifoɔ, sɛ memmɛda wei mu adi sɛ ɛyɛ nokorɛ: Mene Asɛm yi ho mmuaeɛ no, ka kyerɛɛ me sɛ me mmera ha na me mmɛyɛ wei.”

Na ɛberɛ a ɔyɛɛeɛ no, Farao kaa sɛ, “Wiɛ, yɛwɔ mmranteɛ pii wɔ yɛn kuo no mu a wɔbɛtumi ayɛ saa nso,” asuasuayɛfoɔ.

Yesu kaa sɛ, “Afei, ɛno bɛsan asi bio wɔ nna a ɛdi akyire no mu,” hwɛ, wɔde adekorɔ no ara reto wɔn ho so.

Monyi Awurade ayɛ. Kasa fa ahotɔsoɔ bi ma Ayeforɔ no. Sɛ wowɔ saa Adiyie yi a, ɛneɛ wobɛhunu sɛ woyɛ N’Ayeforɔ a wɔapaw no, akomamutɔfe a wɔahyɛ ato hɔ.

Ɛnam Onyankopɔn Nne a yɛretie wɔ tapes so no, yɛretie Onipa Ba no a ɔne Kristo. Ɔno ne Onii ko a yɛredidi wɔ Ne mu no. Ɛnyɛ onipa mu na yɛredidi; onipa, ne nsɛm bɛdi ntwo. Nanso yɛredidi wɔ Onipa Ba no Nipadua-Asɛm a ɛrenni ntwo no mu.

Sɛ wopɛ sɛ wonya ahotɔsoɔ ɔha mu nkyekyɛmu ɔha sɛ woretie Sɛ Awurade Seɛ nie a, bra bɛka Ayeforɔ no fã bi ho Kwasiada wei wɔ prɛmtoberɛ, Jeffersonville berɛ mu, ɛberɛ a yɛtie Onyankopɔn Nne sɛ ɛda adi kyerɛ yɛn wɔn a wɔasra wɔn no nyinaa wɔ awieɛ berɛ no mu no.

Onuabarima Joseph Branham.

Nkransɛm: Wɔn a Wɔasra Wɔn Wɔ Awieɛ Berɛ No Mu 65-0725M

Twerɛnsɛm:

Mateo 5:44-45 / 7:21 / 24:15-28
Ɔhoteni Luka 17:30 / 18:1-8
Ɔhoteni Yohane 14:12
Efesofoɔ 1:5
Timoteo II 3:1-8
Hebrifoɔ 6:1-8 / 11:4
Adiyisɛm 10:1-7 / 16:13-14
Malaki 4:5
I Ahenfo 22:1-28
Yeremia: Etire 27 & 28

26-0510 Maame Da

Nkransɛm: 59-0510M Maame Da

PDF

BranhamTabernacle.org

Ayeforɔ Dɔfoɔ,

Afei, medwene sɛ anidie a ɛdɔɔso nni hɔ a yɛbɛtumi de ama ɛna bi.

Yɛn Maame ne deɛ ɔdi kan ka yɛn ho, na wɔama no asodie kɛseɛ no a ɛfa deɛ yɛbɛyɛ ɛne ɔkwan a ɛsɛ sɛ yɛfa so. Wɔde ahyɛdeɛ no a ɛfiri Onyankopɔn hɔ ama no sɛ ɔmfa yɛn nsi ɔkwan pa so. Ɛno nti na ɛnanom wɔ nsa soronko, kakra a wɔde ka a Onyankopɔn de ama wɔn no.

Nhyira soronko paa bi a wɔde asie ama yɛn Kwasiada yi, ɛberɛ a yɛde ayɛyideɛ ma Ɛnanom nyinaa, ɛberɛ a yɛte sɛ Onyankopɔn bɔfoɔ a ɔtɔ so nson no reda ɔdɔ ne anidie a yɛn nanom wɔ ɛwɔ yɛn akoma mu adie.

Yɛnim sɛ ɛda biara yɛ Ɛnanom Da, nanso Kwasiada wei yɛde ayɛyideɛ soronko bɛma Ɛnanom nyinaa ɛberɛ a yɛtie sɛ yɛn diyifoɔ no hyɛ wɔn animuonyam ɛberɛ a ɔkasaa mfie aduosia nson a atwam wɔ saa ɛda korɔ no ara, Kitawonsa da du wɔ Afe Apem ahankoron aduonum-nkoron . (10/05/59)

Onuabarima Joseph Branham.

Nkransɛm: Maame Da 59-0510M.
Ɛdɔn no yɛ: Prɛmtoberɛ Jeffersonville berɛ mu.

Twerɛsɛm: Korintofoɔ nwoma a ɛdi kan 15:1-4