Mesagj: 65-0801e Evènman Ki Vin Klè Ak Pwofesi
Ankenn responsablite pou Tradiksyon ki fèt nan Branham Tabernacle
Mesagj: 65-0801m Dye Aj Move Sa
Ankenn responsablite pou Tradiksyon ki fèt nan Branham Tabernacle
Byenneme ti Twoupo Epouz Pawòl Vyèj Kris la,
Jan kè nou te kontan lè nou te tande zanj pwisan Li a pwoklame ke nou se Semans Bondye te predestine a, ki pa ka fè anyen lòt ke swiv Vwa Li. Li vo plis ke lavi pou nou. Ou ka pran lavi nou, men ou pa ka pran Vwa Li nan men nou. Nou fè Youn ak Pawòl Li. Nou fè Youn ak Vwa Li. Nou fè Youn avè L.
Sa parèt tèlman etranj pou nou ke yo mal konprann nou epi yo pase nou nan betiz paske nou di nou kwè nan jwe bann yo, ke se Vwa Bondye k ap pale ak Lepouz Li. Satan tèlman twonpe moun yo, yo panse lè nou pwoklame ke nou se yon legliz k ap koute bann se yon bagay ki pa nan Pawòl la, yon bagay ki mal, ke yo twonpe nou, alòske pandan tout tan sa a, se chemen pafè Bondye bay Lepouz Li a.
Ki jan li ta ka otreman? Si ou mal entèprete yon Pawòl ki te pwononse, ou pèdi. Yo ka gen bon motivasyon ak bon objektif, men yo ka nan erè. Yon moun ka resevwa Sentespri a epi li ka toujou nan erè.
Si Bondye pa t bay yon mwayen pou Lepouz Li a te ka tande chak Pawòl poukont li, alò ta gen yon lòt mwayen. Men, Li bay yon mwayen pou chak moun sou latè gen opòtinite pou tande Pawòl la pale dirèkteman avè yo, san yo pa bezwen entèpretasyon, eksplikasyon, oswa klarifikasyon. Tout se “Men Sa Seyè A Di”… Pwen final!
Nou tout dakò ke nou dwe rete avèk Pawòl la pou nou ka Lepouz Li.
Mwen kwè ke tout bagay ke nou gen bezwen ekri drèt Isit la, li jis bezwen Sentespri a entèprete l. Mwen pa kwè ke okenn nonm sou tè a gen dwa mete pwòp entèpretasyon l nan Pawòl la. Bondye pa bezwen pèsonn entèprete Pawòl Li. Li se Pwòp entèprèt pa L. Li te di ke Li t ap fè l, epi Li fè l.
Li klè, Seyè a pale epi Li revele bay Lepouz Li a ke pa gen okenn lòt fason pou w vin Lepouz Li ke L chwazi a apa rete avèk Pawòl Li. Bondye Li menm entèprete pwòp Pawòl Li, epi pèsonn pa gen dwa ajoute pwòp entèpretasyon pa yo ladan L.
Pawòl la di tou ke PWOFÈT Li a se entèprèt Pawòl Li a. Se Li menm ki se Vwa Bondye a pou pèp la. Sa l di a se Pawòl la pou epòk nou an.
Lè nou koute Vwa Bondye a sou bann yo, se nou menm ki pwofesi a k ap akonpli.
Pa gen anyen ki pi pwisan, ki pi sakre, ki pi satisfezan, ki pi pafè pase koute Vwa Bondye a ki konfime k ap pale avè w.
Lè lòt moun ta ka di pa gen anyen nan sa, èg yo ap rasanble epi y ap rejwi avèk anpil jwa, avèk asirans ke yo fidèl avèk Pawòl Bondye a. Li te di nou ke si w gen yon radyo kasèt, rasanble yon gwoup moun, jwe bann sa a, epi koute byen. Avèk gras epi mizèrikòd Li, se egzakteman sa n ap fè.
Bondye rele nou pou nou soti nan move aj sa a, pou nou pote Non Li. N ap pase anpil tès ak eprèv kòm jamè. Satan sou chemen lagè a, paske li konnen tan li prèske fini. Ou ka mande tèt ou, kijan m ka pase pa tout bagay sa yo alòske m se Lepouz Li?
Ou manifeste, w ap pase eprèv, epi ou pwouve Satan ke NOU SE LEPOUZ LI. Nou se Pawòl la nan chè. Nou ka pwononse Pawòl la, epi L ap akonpli. Se Men Sa Seyè A Di.
Nou gen Vwa Bondye a k ap pale dirèkteman avèk Satan epi k ap di l:
Satan, ou pèdi. Ou s on blofè. Epi, antanke sèvitè Bondye, nou ba w lòd nan Non Jezikri, pou w obeyi Pawòl Bondye a epi soti nan moun sa yo, paske li ekri: “Nan Non mwen, y ap chase demon yo.”
Kèlkeswa… KÈLKESWA bezwen nou genyen, nou jis bezwen mande, kwè, epi rete la. Li ka manifeste imedyatman; li ka nan yon semèn, yon mwa, oswa yon ane. Sa nou wè oswa sa nou santi pa enpòtan; LI DEJA RIVE.
Chak sèvis kote nou rasanble ansanm vin pi gran toujou pou Èg Bondye yo. Nou ini nan Yon Sèl panse e Yon Sèl akò, chita ansanm nan lye selès yo, ap koute Vwa a k ap pale avè nou epi k ap pèfeksyone nou atravè Pawòl Li.
Nou ta renmen pou w vin jwenn nou Dimanch sa a midi lè Jeffersonville alò ke n ap koute Vwa Bondye a k ap pale avè nou ankò epi k ap pote nou entèpretasyon Pwòp Pawòl Li.
Frè Jozèf Branham
Mesaj: Dye Aj Move Sa A 65-0801M
Ekriti pou li anvan nou tande Mesaj la:
Matye chapit 24 / 27:15-23
Lik 17:30
Jan 1:1 / 14:12
Akt 10:47-48
1 Korint 4:1-5 / chapit 14
2 Korint 4:1-6
Galasi 1:1-4
Efèz 2:1-2 / 4:30
2 Tesalonik 2:2-4 / 2:11
Ebre chapit 7
1 Jan 1 / 3:10 / 4:4-5
Apokalips 3:14 / 13:4 / chapit 6-8 e 11-12 / 18:1-5
Pwovèb 3:5
Ezayi 14:12-14
Mesagj: 65-0725E Kisa Atraksyon Sou Montay La Ye?
Ankenn responsablite pou Tradiksyon ki fèt nan Branham Tabernacle
Byenneme Èg Ki Rasanble,
Ki gwo atraksyon sa a k ap fèt toupatou nan mond lan? Moun ki soti toupatou nan mond lan ap rasanble a midi lè Jeffersonville, chita lakay yo oubyen nan legliz yo avèk gwo atant, ap tann pou yo tande Vwa Bondye k ap pale avè yo.
Pou lemonn sa sanble etranj e fou pou nou annik koute bann. Yo di nou ka koute bann yo nenpòt ki lè. Pa gen anyen pou tout moun koute an menm tan. Nou ta dwe koute yon ministè an dirèk, yon predikatè, pa sèlman bann yo. Yo kole nan tradisyon yo.
Pa gen anyen konsa ki janm rive nan listwa lemonn. Kisa ki atire moun sa yo pou yo ini an menm tan pou yo tande Vwa sa a k ap rele Lepouz Li a? Se Bondye k ap akonpli Lik 17:30. Se Bondye k ap akonpli Apokalips 10:7. Se Bondye k ap revele Ebre 13:8, Mèlkisedèk nan chè imen, menm jan Li te fè ak Abraham.
Y ap tann epi y ap mande tèt yo, kisa L pral di? Kisa k ap rive lè L kòmanse pale? Yo vle la an dirèk pou yo ka tande nenpòt sa L ap di. Yo vle L. Yo vle tande L an menm tan avèk Lepouz la toupatou nan mond lan. Paske yo kwè ke se li menm ki vwa a ke Bondye te chwazi pou l vin Vwa Li pou l rele epi gide Lepouz Li a.
Malgre yo gen plizyè lè diferans, yo tout fòme YON SÈL INITE, branche, ap koute Vwa sa a k ap pale avè yo depi Legliz Lakay yo. Yo chita nan prezans Pitit la, ap miri epi ap tann pou Mesi a vini.
Kè yo ap bat vit. Sentespri a ap revele yo sa k ap pase a. Bondye tann jouk jounen jodi a pou manifeste Pawòl Li epi rasanble Lepouz Li. Sa ap fèt, epi yo fè pati de Sa. Reyalite sa k ap pase a ap antre nan kè yo. Yo li sou sa nan Lekriti yo pandan plizyè syèk, men kounye a se yon reyalite. Revelasyon Pawòl la ap manifeste atravè yo. Pwofesi pwofèt yo ap akonpli.
Alò ke yo chita anba gwo onksyon Vwa puisan Li a, Li pwoklame yo pou yo prepare; paske aswè a Li pral priye pou yo chak. Li di nou ke lè Li kòmanse priye, nou dwe poze men nou sou moun ki malad yo, paske omniprezans Bondye a toupatou avè yo, kèlkeswa kote yo ye: Texas, lòt bò Kalifòni, anwo Arizona, Amerik di Sid, menm nan ti kay ki nan lajangl lòt bò mond lan. Kèlkeswa kote y ap koute, poze men youn sou lòt lè nou kòmanse priye epi Bondye ap geri yo chak, si yo kwè, paske Se Men Sa Seyè A Di.
Kounye a yo konprann ke nan chak epòk e atravè chak pwofèt, kit se nan tan lontan kit se nan tan kap vini, pral gen yon sèten kantite moun ki predestine pou tande Mesaj sa a, epi y ap swiv Li. Y ap inyore foul moun yo. Y ap inyore kritik enkwayan yo ki di li pa bon, oubyen ke se pa chemen Bondye bay la. Yo pa diskite avè yo. Yo gen yon sèl bagay yo DWE FÈ: kwè epi pran chak ti moso ladan L, tout sa yo kapab, pou absòbe L, tankou Mari, ki te chita nan pye Jezi. Yo pa wont; yo tèlman fyè pou yo di ke yo se moun bann ki peze jwe.
Vwa sa a deja avèti yo ke pral gen moun ki pral wen nan fen tan an ki pral gen yon gwo onksyon, Sentespri a. Yo pral site pwofèt la ak Mesaj lè a; yo pral pretann yo se kwayan, men yo se fo wen.
Yo t ap tèlman pre vrè onksyon an ke li t ap twonpe menm elu a si sa te posib, men yo konnen yo pa ka sedui, paske yo SE PAWÒL LA. Yo se vrè Lepouz la ki rete avèk Vwa Bondye a.
Vwa sa a di yo ke nan jou sa a, Li p ap yon sitwon oswa yon panplemous. Sa t ap fasil pou wè diferans lan. Men, l ap yon tanjelo, mwatye sitwon, mwatye zoranj, yon espès melanje. L ap sanble yon zoranj, men li p ap sa, paske nouvo pye rezen sa a ap 100% tankou orijinal la. Y ap RETE avèk Vwa-Pawòl orijinal sa a. Yo p ap pran okenn chans. Y ap rete avèk sila a ke Bondye Limenm te deklare se VWA LI, PAWÒL LI, ki konfime pa Kolòn Dife a.
Kisa k ap pase?
Semans Bondye a, ki te predestine, pa ka fè anyen lòt ke swiv epi koute Vwa sa a, paske Li vo plis ke lavi pou yo. Ou ka pran vi yo, men ou pa ka retire yo Vwa sa a.
Kisa ki atraksyon an?
Bondye, kòm dabitid, k ap akonpli Pawòl Li.
Vini jwenn nou epi fè pati pwofesi pwofèt la k ap akonpli Dimanch sa a midi, lè Jeffersonville, alò ke n ap tande Ekriti k ap manifeste.
Frè Jozèf Branham
Mesaj: 65-0725E “Kisa Atraksyon Sou Montay La Ye?”
Ekriti:
Matye 21:1-4
Zakari 9:9 / 14:4-9
Ezayi 29:6
Apokalips 16:9
Malachi 3:1 / chapit 4
Jan 14:12 / 15:1-8
Lik 17:22-30
Mesagj: 65-0725M Sila Yo Ki Wen Nan Tan Lafen An
Byenneme Èg Ki Rasanble,
Tit Mesaj semèn sa a poukont li revele bay Lepouz la vijilans Sentespri a. Pou panse pral gen vrè moun wen ki pral leve nan tan sa a, avèk yon vrè onksyon menm Sentespri a ki te sou pwofèt nou an, men ki pral fo.
Pawòl la di nou y ap fè siy ak mirak, y ap resevwa menm lapli a, menm benediksyon ak vrè pwofèt la. Moun yo pral vire do bay vrè Pawòl konfime jou sa a pou yo swiv pwòp dezi yo, yo pral antoure tèt yo ak anseyan ki pral flate yo. L ap tèlman sanble ak vrè Pawòl la ke l ap prèske twonpe Moun ki chwazi yo.
Jis nan ki pwen onksyon sa a pral pre? Èske l ap fasil pou nou distenge sa ki vre ak sa ki fo? Pwofèt la te di nou ke Wa David, yon nonm selon kè Bondye, ki te gen onksyon an sou li, te resevwa yon vrè revelasyon; men li te mal.
KISA!! Kite sa antre nan tèt ou yon ti moman. Wa Bondye chwazi a te gen yon vrè onksyon avèk yon vrè revelasyon, men li te gen tò! Ti mouton Bondye yo ap bezwen veye pou yo konnen si sa y ap tande a si se vrè onksyon an ou si se fo onksyon an; paske destinasyon etènèl yo a repoze sou desizyon sa yo.
Nou konnen Bondye mete anpil vrè minis wen pou ede gide epi kenbe Lepouz Li a nan Pawòl la. Pawòl Li di sa, epi nou rekonesan anpil anvè Seyè a pou yo chak. Yo gen misyon pou yo vin bèje twoupo yo. Yo dwe kenbe yo nan Pawòl la. Lè yo fè sa, yo pa dwe neglije jwe SÈL Vwa Bondye ki konfime a bay twoupo yo.
Jan nou sot tande a, kijan chak moun ka fè erè, menm avèk yon vrè onksyon avèk yon vrè revelasyon. Men, Lepouz la ka rasire, paske Bondye bay yon chemen pafè pou yo ka toujou tande VRÈ ONKSYON AN, VRÈ REVELASYON AN, VRÈ MEN SEYÈ A DI; JIS PEZE JWE.
“Kote Kadav la ye,” Lamàn lan ye, Pawòl la ye, “la a èg yo va rasanble.”
Kote Kadav la ye, se la nou menm Èg yo n ap rasanble. Kote Vyann fre a ye, Pawòl sezon an, Mesaj lè a. Epi pa gen pi bon kote pou manje Lamàn sa a pase tande Vwa Bondye Li menm k ap pale.
Se Pawòl Li. “Lòm p ap viv de pen sèlman, men de tout Pawòl.” Ou wè? Predestine an konn sa. “Yon pawòl etranj, oswa yon vwa etranj, yo p ap swiv.”
Rezon ki fè nou p ap twonpe, e nou pa ka kite yo twonpe nou, se paske nou se Pawòl la avèk Revelasyon sa a. Nou pa ka anyen lòt. Nou pa ka tande anyen lòt. Nou pa konn anyen lòt.
“MWEN YE!” Pa “Mwen te ye, oswa pral ye.” “MWEN YE,” o prezan, Pawòl la kounye a. Pa Pawòl ki te ye a, Pawòl ki pral vini a; Pawòl la ki la kounye a. Ou wè? Nou konprann li? “MWEN YE!” “MWEN YE” se Pawòl la. “Nan kòmansman an se te Pawòl la, e Pawòl la te avèk Bondye.” Èske se vre? “MWEN YE.” “Bondye te voye m kòm pwofèt Li, pou konfime ke sa a se vre. Mwen se repons lan pou Pawòl sa a, Li te di m desann isi a epi fè sa.” E lè l te fè sa, Farawon te di: “Ebyen, nou gen plen ti mesye nan gwoup nou an ki ka fè sa, tou,” imitatè.
Jezi te di: “Bon, sa pral repete ankò nan dènye jou yo,” ou wè, yo pral pretann menm bagay la.
Lwanj pou Seyè a. Pale m de yon asirans pou Lepouz la. Lè ou gen Revelasyon sa a, lè sa a ou konnen ke ou se Lepouz Li chwazi a, predestine a, ke Li renmen anpil.
Lè nou koute Vwa Bondye sou bann yo, n ap koute Fis de Lòm nan, ki se Kris la. Se Li menm k ap nouri nou. Nou p ap manje nan men yon moun; yon moun, pawòl li yo ap echwe. Men, n ap manje Kò-Pawòl Fis de Lòm nan ki pa janm fayi.
Si w vle 100% sèten w ap koute Men Sa Seyè A Di, vin jwenn yon pòsyon nan Lepouz la Dimanch sa a midi, lè Jeffersonville, alò ke n ap tande Vwa Bondye a revele nou tout bagay sou sila yo ki wen nan tan lafen an.
Frè Jozèf Branham
Mesaj: Sila Yo Ki Wen Nan Tan Lafen An
Ekriti:
Matye 5:44-45 / 7:21 / 24:15-28
Lik 17:30 / 18:1-8
Jan 14:12
Efèz 1:5
2 Timote 3:1-8
Ebre 6:1-8 / 11:4
Apokalips 10:1-7 / 16:13-14
Malachi 4:5
1 Wa 22:1-28
Jeremi chapit 27 e 28
Mesagj: 59-0510M Fèt Dè M
Byenneme Lepouz,
Bon, m panse nou pa ka onore yon manman ase jan nou ta dwe.
Manman nou se premye moun ki avè nou, e li resevwa gwo responsablite sou ki moun n ap ye e ki chemen nou dwe suiv. Bondye ba li obligasyon pou mete nou sou bon chemen an. Se poutèt sa manman yo gen yon ti touch espesyal Bondye ba yo.
Ala yon benediksyon espesyal k ap tann nou Dimanch sa a, alò ke n ap onore tout Manman yo, lè nou pral koute setyèm zanj Bondye a k ap eksprime lanmou ak onè nou genyen nan kè nou pou manman nou yo.
Nou konnen Fèt Dè Mè se chak jou, men Dimanch sa a n ap rann yon omaj espesyal a tout Manman pandan n ap tande pwofèt nou an bay yo onè menm jan l te preche sa gen 67 ane de sa nan menm jou sa a, nan dat 10 Me 1959.
Frè Jozèf Branham
Mesaj: Fèt Dè Mè 59-0510M
Lè: midi, lè Jeffersonville
Ekriti: 1 Korint 15:1-4
Mesagj: 65-0718E Manje Espirityèl Nan Bon Sezon An
Mesagj: 65-0718m Eseye Rann Bondye Sèvis San Se Pa Volonte Bondye
Ankenn responsablite pou Tradiksyon ki fèt nan Branham Tabernacle
Mesagj: 65-0429E Chwazi Yon Epouz
Byenneme Epouz Ki Chwazi A,
Alò ke n ap koute Mesaj sa a, Chwazi Yon Epouz, gen moun ki panse ke pwofèt la ap senpleman pale epi enstwi nou sou karaktè ak estati yon gason ta dwe chèche lè l ap chwazi fanm li vle kòm madanm li. Se vre, li fè sa, men gen yon vrè lèt lanmou ki kache nan Pawòl Li yo. Sa Li revele bay Lepouz Li a pi pwofon. Bondye ap pale dirèkteman avè L, Li di L sa L t ap chèche nan Li e poukisa Li te chwazi L depi nan kòmansman an. Li te vle fè L konnen ke Li te chwazi L pou L vin BÈL EPOUZ CHERI LI, avèk ki Li te vle pase Letènite Li.
Nan kòmansman an, Bondye t ap chèche yon Lepouz ki t ap gen menm Karaktè avè L. Menm Lespri avè L la t ap manifeste nan Li. Li te vle yon Lepouz ki t ap bay tèt Li nèt ale ba Li ak Pawòl ke L te pwomèt la, pou ke menm Panse ki te nan Li a te nan Li tou. Li dwe fèt pou L sanble avè L.
Li te vle pou L te tankou L, menm chè, menm zo, menm Lespri, tout menm bagay, egzakteman tankou L. Toude t ap vin YOUN.
Li pa t ap gen yon rega fawouch. Li pa t ap tande okenn lòt vwa, kèlkeswa sa moun la ta di. Li t ap fidèl e lwayal avè L, kèlkeswa sa nenpòt moun ta di. Li t ap vale tout Pawòl Li. Kèlkeswa sa L ta di, LI T AP KWÈ CHAK PAWÒL, kèlkeswa konbyen tan sa t ap pran pou rive vre. Li t ap kwè Li. Li t ap rete ak Pawòl Li.
Li t ap renmen Li menm, epi Li menm sèl. Li pa t oblije ba l gwo richès; li te gen Pèl la ki gen gwo valè, vrè Revelasyon de Kiyès Li ye. Li t ap konnen ke yo se YON sèl e menm moun nan. Lespri L t ap abite nan Li. Kèlkeswa sa L te bezwen, Li t ap ba li L; tout sa L te dwe fè se mande epi kwè, epi Li t ap fè l.
Li te konnen Li t ap ale pou yon bon bout tan pou l bati yon kay pou Li ki t ap egzakteman jan L te renmen l epi ki t ap pòtre Li. Li t ap bati l egzakteman jan Li t ap renmen l. Li te konnen ke yon jou Li t ap retounen vin chèche L, jan Li te pwomèt la, apre sa yo t ap gen yon gwo Soupe Maryaj pandan mil ane. Apre sa, yo t ap ale ansanm nan bèl kay sa a Li te bati pou Li, pou yo pase Letènite.
Pa gen anyen lòt ki t ap enpòtan pou Li. Li pa t ap vle anyen lòt. Li t ap tèlman satisfè e kontan dèske Li gen Revelasyon pou L konnen kiyès Li ye e kiyès Li menm ye. Li t ap konnen ke Li t ap kenbe Pawòl Li. LI T AP KONBLE, LÈ L KONNEN KE SE LI MENM LI TE CHWAZI POU L VIN LEPOUZ LI.
Frè m ak sè m yo, toupwisan Bondye ki nan Syèl la ak tè a te gade nan tout Letènite epi Li CHWAZI W … OU MENM POU W VIN LEPOUZ CHERI L KE L CHWAZI.
M envite nou vin jwenn mwen ak yon pòsyon nan Lepouz Li Dimanch sa a, alò ke L pral pale atravè pwisan zanj Li epi di nou ke nou se Lepouz Li ke L Chwazi A.
Frè Jozèf Branham
Mesaj: 65-0429E / Chwazi Yon Epouz
Lè: Midi, lè Jeffersonville
Ekriti:
Jenèz 24:12-14
Ezayi 53:2
Apokalips 21:9
Mesagj: 65-0418E Eske Bondye Janm Chanje Panse L Sou Pawòl Li?
Mesagj: 65-0418M Se Leve Solèy La
