Mesegi (O’dukoti): Ayi Kanisa Efesoni Ri 60-1205
Amuro Kristoni Leleturi, ama emuki tualu Sabatu sawa 12 P.M., Jeffersonvili saa si, 60-1205 Ayi Kanisa Efesoniri erizu.
Adri. Joseph Branham I
Mesegi (O’dukoti): 60-1204E E’yo Neza Patimoniri
Mesegi (O’dukoti): 65-0829 Edeni Sitanini Ri I
Amuro Kililiru Leleturi,
Te lokiri oletani ari’boniri neria, ama ovuni nga drio o’du azi be kile amani sawa ‘disi oazu ‘dile ku. Eri o’du lokiriru, oletaru ndeni ri’i. Ani mani ‘da nezu, eri ‘di eji, kini, le Kristiani ma ovu paanzi iniri ma dria nde agara andrusi aga ayi cini vuri ra.
Adripi Branham nze andra e’yo ‘diki Amuro dri ogogoni eli 61 vule ‘dale cazu andru. Lokiri oletani ari’boniri eli 61 vule ‘daleri ni o’biru andru be ngoni ru? Eri ‘bazu e’da azi ndunisi, ondua sayanisini ma ayuta eli 61 vule ‘daleri ma o’bita andruri vuri pieri a’duni?
1961 ni ndra angusara Space Raceniri, komputa ki ndra ambo rumusi tre, azi nga ‘baka ho azini karatasi ndra lepi ‘ba sayanisini mbani ma otikinini pi vusi. Foniki ndra suzaru abi pi ma rua azini azinga waya okpo azini baka kopasiri pi vusi, aya acini ndra drio ‘diyi vusi, aya afasizu ondua okusini ki, karatasi ma ta mbata drioriki azini kalukulata ndra drio ‘diyi pie.
Te andru ama ovuko intaneti be, Ondoa Ayani ecopi e’da ‘bapi, afa sipi, azini azi aza kopi sawa dria ‘dileni pie. Roketi ‘bapini yisi ‘dileni ki muria Mars ma dria. Foni wewe jeba pini ki, sawa ondoasiri pie, azini yakani ‘ba alu aluni o’izaru netwak Wudrikurusini pi ma rua ecopi ‘ba billioni niki ecipi o’duko, waraga azini vidio pi vusi ‘dileni. Endru robotiruri ki.
Lokiri azini oleta ari’boniri ni nga kile driori le ku. Ori fi onzi Sitaniniri mba ‘di ‘bo azini o’ba ‘di Sitani ma Edeni ‘bo. Te Sawa aluria, Mungu ovu Amuro azi be mbazaru teketeke, Eri ma Ori Opiru Ima ngulupi ‘bapi ngonde rizu indikindi Eri ma Mvi, Eri ma E’yo, Eri ma O’duko niri ma alia risi.
Mungu ni ndra ra le Ima fe geri azi ra Ima Amuro ma tamabazu ayi oletani, onzi ‘di ma alia. Geri azi killiru ani yi ma abaki, oraki, kani ‘duki agu azi ma e’yo ovuzu E’yo adaru ondikokoriru ‘dinini ku beni. Eri ni dra ra yi ta le mu O’duko Munguniri eri yi ma ngulupi pini ra, a’disikuni Eri li ndra ama bile ndu kini eri ta nga mu ovu ejizaru enyia kpere ecozu ‘Ba opezaruri ki olera ka ecoraria.
‘Ba ecoki ta ovu odu osuzabe, gazaru Orindi Alatararurisi, ani ovuzu enzoru. Le ndra Erini geri azi fezu ra. Ani, Eri e’de GERI KILILIRUNI ima Amuroni, ndra e’dapi ecoruku ‘dileni sawa ndra Erini e’dozu o’dukoni ‘duzu 1947 risi; ani elota yi ma drimvani risi, wudrikuru ecota E’yo driari Erini ndra nzeri eri yi ma ngulupi pini ra, ata yi ma ngulupi ma tisi. ZITA AZINI ABATA ni ta ovu ani yo beni. YI ECO TA ANI ‘DI OPI YONI ERI YI MA NGULUPI PINI BENI.
Eri e’de vini geri Erini ta ecozu Ima Amuro ni ecizu wudrikurusi ara Ima O’duko erizu, dria sawa aluri alia, ani yi ecota ovu omi alu, ‘yeza alu ma alia beni, Eri eriria e’yo nzeria.
Eri ‘du ndra Ima ojio ni ra, te ku Eri ma O’dukoni, Eri ma E’yo kililiruri Ima Amuro Kililiru dri. Eri ma O’duko erizu azini oazu eriberisi, yi nga ta nira yi econi ku ovuzu olezaru.
Ani eri ‘di’i: ‘Da geri Munguni Ima Kanisa ‘bazuri, E’yo dria Ima Obi vusi! “‘Ba econi ovᴜ idrirᴜ enyasi a’dule kᴜ, te e’yo dria efᴜpi Mungu ma tiliarisi.'”
Anikira ‘di e’yo dria Orindi Alatararurini ‘yori a’izuri’i, te maniria, ma ovu inzita ambo ndeni drio ovupi fezaru ‘ba andi vuri be. Ma eco eri ra, ma bile kisi, O’DUKO adaruri ni E’yo dria efupi engazu tile Munguniriari vusiri NZERIA.
Geri azi ndu mani ni yo. Mungu fe geri kakaura Ima anzi ki pazu, te mani, Mungu fe GERI KILILIRURI ‘BO IMA AMURONI ‘BAZU KILILIRU.
Andru, Sitani E’yo Siza ma esele ayuzaru o’du ‘diniri oja onzi. Eri nga lu mini kini afa dria Yesuni ndra ‘ye ‘diyi kililiru ‘yeke. Eri nga lu mini kini afa dria Adripi Branham ni ndra ‘ye ‘diyi kililiru ‘yeke, azini eri ndra Mungu ma nabi ni. Te ka di eca O’duko Munguni mgba e’dazaruri avizu yi ma kanisaa, yi nga ‘yo ‘da eco ovu ayuzaru andru ku, eri azi ngazani.
‘Da lu afa efi alu erini eco ‘yeri, enera, eri fezu ‘ba pini a’izu ‘dale ri’i, ani, ‘da—lu dria ‘ba. A’disiku, “Mi econi ku E’yo alu ‘duzu Eri vusi, kani e’yo alu o’bazu Eri dria.” Te ‘da afa erini ‘yeri.
Dricepi emini orindisiri ni emi kanisa a’du ecu? O’duko ovupi O’duko orodriru ndeni le Amuro ma eriri andruri ngo’i? Mi eco lu ovu Kulu 1 be.
A. O’duko azingazaniri’i?
B. O’duko Munguni tepu pi ma driari’i?
“Le ori dria ma efi ima wura vusi.” ‘Da geri Munguni ndra Ima Edenini ‘bazuri.
Ma gani azingaza ati’ba niri ku. Ma nira, azini aira, Mungu omve ki ni. Te mani, azingaza adari ni nga lu ima ongulumu pini kini O’duko tepu pi ma driari ni O’duko orodriru ndeni LE yi ma erikiri’i, ani le yi ma aviki tepuki kanisa yini pi alia, a’disikuni eri O’DUKO KULU ri’i.
Mani azini jo mani ni, azini Branham Tabanakulu ni, ama nga aa MUNGU MA GERI FELE KILILIRURI be. Ama mu AVIZURI EKPA ani O’duko Munguniri eri zu beni.
Ma le ta wudrikuruni a’i emuzu ruecizu amabe O’duko ‘da erizu Sabatu ‘disi sawa azia etusi (12pm), Jeffersonivili saa si (7pm Ugandaa), amani rueciria paale alu dika geri Erini pe fe andruniri ma ageia.
Adri. Joseph Branham i
O’dukoti: Edeni Sitaniniri 65-0829
E’yo Siza lazarᴜ de nga O’dukoti nde ovu erizaruku ki:
2 Timoteo 3:1-9
E’yo Eceza 3:14
2 Tesalonika 2:1-4
Isaya 14:12-14
Matayo 24:24
Mesegi (O’dukoti): 65-0822E Agu Egataberi Ma Keike
Amuro Kristoni Leleturi, ama ma emuki tualu Sabatusi sawa Azia Etusi (12PM) Jeffersonvili saa si (7PM Ugandaa), ‘di erizu: 65-0822E Agu Egataberi Ma Keike.
Adri. Joseph Branham I.
Mesegi (O’dukoti): 65-0822M Kristoni Ovu Ecezaru Eri Ma Ngulupi ma E’yo Aa 65-0822M
Mesegi (O’dukoti): 65-0815 Ani Niki Andra Ku
Mesegi (O’dukoti): 65-0801e E’yo ‘Yezaki Ovu E’dazaru Gboru E’yo Nabirurisi
Amuro Kristoni Leleturi, ama ma emuki tualu Sabitisi sawa azia Etusi (12PM) Jeffersonvili saa si (7pm Ugandaa), 65-0801E E’yoki Ovu ‘Bazaru Nditiriru E’yo Ondrizasi ni erizu.
Adri. Joseph Branham I
Mesegi (O’dukoti): 65-0801m Mungu Ayi Onzi ‘Divu Ri
Kristo ma Aliria, E’yo, Kabilo, Amuro wereru Leleturi:
Geri ama asi pini ayikozuzu sawa amani ndra Eri ma malaika amboruri erizu ekuzu kini ama Ori Munguni ‘bazaru okoru ecopi afa azi nduni ‘yepiku te lu Eri ma O’duko ma vuti bizu i risi ri. Eri ma efi Idri ma drilea amaniria. Mi eco ama idriki ‘dura, te emi econiku Eri ma O’duko ‘duzu. Ama Alu Eri ma E’yo be. Ama Alu Eri ma O’duko be. Ama Alu Eri be.
Eri e’da ndu tu amani amani ovuzu vazaru onzi tu azini onzozaru agbari amani ‘yozu ama a’iki tepu pi ma avita aa; kini eri Mungu ma O’dukoni e’yo nzepi Eri ma Amuro driri i risi. Sitani fe ‘ba ma ovuki olezaru ani yi di ega amani ekuzu ama kanisa tepuniri iri si, eri afa azi E’yo aasi amve ni, afa azi onzi ni, azini ama drini ovu cezaru onzi ‘dini, isu sawa dria ma alia Eri Mungu ma geri kililiru fele Eri ma Amuroni ri.
Eco ovu geri azi nduni si ngoni ru? Mi ka E’yo ndra nzezaru aluni ma efi ece onzi yani, mi avizaru. Yi ecoki ‘do ovu asisile azini asi ‘yekeri be ra, te ovu onzi. ‘Ba azi eco ovu odu osuza Orindi Alatararurini ri be ani kiri ovu onzi ra.
Mungu ka ndra geri azi fe ani Ima Amuroni ecozu E’yo driari erizu yi ma ngulupini ku yani, ecekini geri azi nduni ni ta ovu ci. Te Eri fe geri azi ra ‘ba ada dria nyakuarini ovuzu drileba be E’yo nde erizu kpi yi ma ngulupi pini e’yo efi eceza, eceta kani e’yo nde ‘bazu nditiriru ni ovuzu lezaru ku ru. Eri dria “‘Di Opi ‘Yonini…LU ‘DA!
Ama dria ai tualu ra kini le ama ma oaki E’yo be ovuzu Eri ma Amuro’i beni.
Ma a’ira kini afa dria amani leri ni sizaru kpi ‘Dia, le lu efi eceza Orindi Alatararuri niri. Ma a’iniku kini agu azi cini nyaku ma dria ovu driwala be ci ima e’yo efi eceza isiri ‘bazu E’yo ma driari. Mungu leni ‘ba azi ciniku Eri ma E’yo efi ecezu. Eri ‘ba Ima Ngulupi ma E’yo efi ecepi ri i. Eri ‘yo ndra Eri ta ‘ye ra, azini Eri eri ‘yeria.
Nditiriru, Opi nze e’yo azini ece Ima Amuro dri ‘bo kini geri azi nduni yo ovuzu Eri ma Amuro pezaru niri pe lu oazu Eri ma E’yo beri si ri. Mungu’i Ima ngulupisi Ima Ngulupi ma E’yo efi eceni, ani ‘ba azi ovupi driwala be yi ma e’yo efi eceza o’bazu Eri ma dria ni yo.
E’yo ‘yo vini Eri ma NABI ni Eri ma E’yo efi ecepi i. Eri O’duko Munguniri’i ‘ba pi dri. Afa erini ‘yori ni E’yo o’du amaniri niri’i.
O’duko Munguni tepu pi ma driari erizuri si, ama e’yo ondrizani ecaria ima paria.
Afa azi yo okpo be agara, inzizaru agara, afazi yo apita fepi agara, afazi yo kililiru agara aga Mungu ma O’duko ovupi e’dazaru rari eriria e’yo nzeria midri ri rari.
‘Ba azi ‘diyini ‘yoria orodri ini afa ‘danini yoria, aji ki yi etraria tualu azini ayiko zuria ayiko azi angiri ‘dileni be, asimbata be kini yi E’yo Munguniri ma ta mbaria ‘dini. Eri ‘yo ndra amani kini mi ka ovu masini tepuniri be ci yani, mi etra ongulumu azi ‘baniniki tualu, mi avi eri, ani emi eri enyia tiri. Yiki azini asindriza Erini risi, ‘da ko’bo afa amani ‘ye ri’i.
Mungu omve ma amve engazu ewu onzi ‘di ma aleasi Ru Eriniri dri. Ama aliria obeta azini o’bita kakau pi ma alesi kile nga driori le ku. Sitanini geri a’diniri alia erini ni ra ima sawa ni di asiriari si. Mi eco mi ngulupi zi, ma eco ali afa ‘di pi ma alesi dria ngoniru, ani ma Eri ma Amuro’i?
Emi ovuria ‘bazaru e’dazaru, o’bizaru, azini eceria Sitani dri, AMA ERI MA AMURO’I. Ama E’yo ruati aliari. Ama eco E’yo nze ra ani Eri eca Ima paria ra. Eri DI OPI ‘YO NI.
Ama ovuki O’duko Munguniri be e’yo’ kpi Sitani dri azini luria erini:
Sitani, mi ndezaru. Mi enzo’bani. Azini, ati’bo Munguniri ru, azini ati’bo pi ru, ama ‘yo kini Ru Yesu Kristoni si, mi ma ru E’yo Munguniri, ani mi mu amve engazu ‘ba pivusi, a’dikisuni eri sizaru, “Ru Manisi yi nga orindi-onzi ki odro.”
Afa ci…AFA CI amani le ri, le lu aziki, a’iki i ani oazu di kpi ‘daa. Eco i e’da coticoti ra; eco ovu wiki alu ra, emba aluru, eli aluru ra. Okpori ovuni afa amani ne kani amari’i ku, ERI ‘YE’I KPI ‘DAA ‘BO.
Inzi alu alu amani ama trazu tualuri ni ecaria amboru azini amboru agara Mungu ma Aji pini. Ama etrazaru omi Alu azini ‘yeza Alu ma alia, riria tualu pari ‘bualeruri pi alia, eriria O’duko ndeni e’yo nzeria amani azini ama ‘baria kililiru E’yo Eriniri si.
Ama le ta tu emini ruecizu amabe Sabatu disi sawa azia etusi (12pm), Jeffersonvili saa si (7pm Ugandaa), amani Mungu ma O’duko eriria paale alu dika ani amadri e’yo efi eceza Eri ma Ngulupi ma E’yoniri ejiria.
Adri. Joseph Branham i
O’dukoti: Mungu Ewu Onzi ‘Divuri 65-0801M
E’yo Siza lazarᴜ de nga O’dukoti nde ovu erizaruku ki:
E’yo Ba Matayoni chaputa 24zuri/ 27:15-23
E’yo Ba Lukani 17:30
E’yo Ba Yohanani 1:1/14:12
‘Yeta 10:47-48
1 Korinto 4:1-5/ chaputa 14zuri
2 Korinto 4:1-6
Galatia 1:1-4
Efeso 2:1-2/4:30
2 Tesalonika 2:2-4/2:11
Ebrania chaputa 7zuri
1 Yohana Chaputa 1 / 3:10 / 4:4-5
E’yo Eceza 3:14 / 13:4 / Chaputa 6-8 azini 11-12 / 18:1-5
E’yo O’beza 3:5
Isaya 14:12-14
Mesegi (O’dukoti): 65-0725E Afa ‘Ba Asi Esepi ‘Be Driari A’duni
