Category Archives: Uncategorized

22-1204 Melekizedeki ‘Di A’di I?

Egata Munguni Leletu ‘Diyi,

A’ba asi kini mi gonde Sabatu ‘dini. E’yo nzezu geri ama asi pini muzu vezu ama ma aa Eri ni o’yoria amabe gerikoasi aku amani pi alea kanisa pie ria…ETE NGALU!

Emba ajeri alea Eri lu andra amani ovuzu ndindi kini ama o’bo ‘yekeri alea…ani ama ‘dale. Eri lu andra amani kini Orifi Munguni adaru ri cani nga ovu karimvani jorovu be ku…’daa Eri ‘yo di, AMA ORIFI ‘DA I. ‘Daa di, ama eriki di ama bile si, Munguni e’yo nzeria agu azi vusi ani ecezu gboru ama dri, O’du ‘Disi, E’yo Siza ‘Di Ece Ima Paria’bo ama mileti gbaria ‘di.

Eri ‘yo amani Sabatu ‘da ma vutia risi kini ama Munguma Pari Pe Inzitaniri alia, ani a’disiku Amani ovuzu ‘daa risi, a’bakini nga alu KU E’yo Erini risi. Ani, ama Eri Ma Amuro Kililiru E’yoru ri i.

Sabatu ‘disi, Eri mu ama etra dria tualu dika ani e’yo nzezu trai Eri ma nabi malaikaru amboruri vusi ani ‘yozu ama dri, MA MELEKIZEDEKI ‘DI I, Ma ma ngulupi ece emi dri ruati ‘ba adani aasi, lu Mani ‘yo E’yo Mani alea Ma ta mu ‘ye rile.

DIZA! Mi ayikosi ya? Mi ovu tusucozaru aga e’yoni nzeri i ri ra ya? ‘Yeke, AZI ANGIRI TU EMUPI NI NGA KIRI CI. Eri mu a’diko amboru ‘di ma ti etra.

Mi ega ngalu ‘eyo drinia, AMA,  andra egata Munguni gbari pi alea engazu okokele si. Eli alifu su denga Yesu emuni nyakua kuria, eli alifu kakau denga mi emuni nyakua kuria, Yesu, Omi Munguniri alea, dra andra ezata amani ki si. AZINI VINI ‘DAA, AMA RU ovuki andra di sizaru Kabilomva Ma Buku Idriniri alia.

‘Dani ce firia omi miniri alia? Mungu ‘ba andra ama ruki okoru ani ‘badi andra yi Kabilomva Ma Buku Idriniri alia denga wudukuru gbari ma vuti ovuni ‘bazaru ku.  Eri ni andra ama mileki ra, geri amani ovuzu sizaru riki, afa dria ama ‘aduni yari pie. Ama andra Eri ma egata ma alia okokelesi….Mungu ma egata alia! Ani di, afa lu ci amani ovuzuri eri Mungu ma E’yo e’dazaru’bo ri i ri. Eri ni Eri egazu’bo ri ma vutia, Eri nze eri ra. ani ama di be ‘di.

Eri ewaewa vazu. Munguni amani afa ‘diki luria dria. Eri le ama tu kpere ani ledi andra ovu ndindi kini ama ma eriki Eri kpi engazu Eri ma Ngulupi vu, ani fe di andra Eri ma o’duko ma ovu ‘duzaru ci ani Sabatusi, ‘Ba Mudrini iri, 4, 2022 si, Eri ecota ani pale alu dika Amuro Ini ejizu tualu ra beni ani luzu ama dri: “Ma ‘ye ‘di dria lu emi ni.  Ma le ta emi eriki Eri kpi engazu Ma vu. ALE EMI TU. EMI MA AMURO I. MA EMURIA EMINI MBELERU AMBAMBA.”

‘Da di asisile amani nizu ra kini akaki emu Indikindi Munguni alea ‘dini, afa azi ama aani ni luria amani kini ama engaki angu azia, ani ama di dri goria vule ‘dale dika Okpo ama esepi ‘dasi.

Mungu ‘du di afa afa’da a’bupi dria ri ‘bo ani ama ecoki di Eri nera. Mungu i, zizaru, a’buzaru Aci Piriruri alea. Mungu i, zizaru, Agu omvele Yesu ri alea. Mungu i, zizaru, Kanisa Eri ni alea. Mungu ama dria oru, Mungu amabe, Mungu ama aa; geri Munguni I erizu eleri i.

Ama ovuki afa azi be orizaru tuaku. Afa azi orazu ani ni yo, ata dra ni. Akaki angu di ku’bo, ata ama ovukini drazaru ku. Jorovu nyakua di ka ovu anzuzaru’bo, ama ovuki azini be ci GONDE ama teria, Zizaru.

Aca di gbaria te ku Eri ni e’yo nzeria ama dri azini afa ‘diki eceria dria ama dri Sabatu ‘disi sawa azia etusi, Jeffersonvili saa si. Mi emu ruecizu ama be pari lu ci mini ecozu O’duko Munguniri ovupi e’dazaru’bori erizu luria mini tivu bivu Eri A’DI I YARI, ama A’DIKI YARI, azini ama muria ngwa yari.  MI EKPA AVIZURI.

Melekizedeki ‘Di A’di I?  65-0221E

Adri. Joseph Branham i

E’yo siza lazaru riki

E’doza Capta 18 zuri

Efuza 33:12-23

E’yo Ba Yohanani 1:1

Rumi 8:1

2 Koronito 5:1

2 Tesalonika 4:13-18

Timoteo Okori 3:16 / 6:15

Iburania 7:1-3 /13:8

E’yo Eceza 10:1-7 / 21:16

22-1127 Ru ‘Duzu Azini Ru Erezuri

Nabi Ma Kabilo Leletu ‘Diyi,

Mi egara, Ma lu ‘di ‘yo ongulumu mani rini. Ani amve olia ‘daa, ma lu ‘di ‘yo ‘ba ma vuti bipiri pi ma ngulupi ni. O’dukoti ‘di lu yini, azini afa mani mu ‘yo ‘diari.

Olu’ba cini, eri ‘ba ini ri pini, ee, ‘da eri ma kabilo oceriki, ma ‘ye afa ci ini leri i. ‘Da eri ma eselea Mungu be. Atalo cini, olu’ba cini, ‘da ini pi mi dria, ma adripi.

Ma lu e’yo nze ‘dia Jeffersonvilia, angu lu ci mani ta e’yo nzezura ri i, a’disikuni eri kabilo mani ri pini. Eri kabilo Orindi Alatararuri ni fe madri vazaru eri onezuri, azini Eri nga matia zita zi ani ra ri i. Ani ‘ba oa’diki engaki asi oja ‘dia engazu angu ‘disi ara, mani dri niki ecezu Kristo vu riki.

Okuu ‘dole wiki Awa’difofezani ri ngo i. Ma awa’difosi tu ovuzu esele kabilo wereru erini nga kiri oneri ki emi alu alu be. Angu azi ‘duni yo amani ta muzu ra ri.

Ata efe amani aji azi amboru ngapi ngangani Eri ma Amuro dri cezu. O’duko ‘bapi ma asi orupi azini E’yo Eri ma nabi ni enga nze’bori nzepi riki kakau, te O’DUKO ovupi ti epezaru Amuro Erini ma dri cezu azini etrazuri lu ALU.

E’yo Mungu ma nabini nze tepu ma dria riki ama Driaruri i.  Ama ovu vazaru onzi a’disikuni ama ‘yo ama a’iki E’YO DRIARI, te Mungu ma nabi fe andra amani azita ‘da ‘yezu ko’bo ‘dale.

Ani am ‘yo Ru Yesu Kristoni si: Mi o’bani afa azi aluni ku, mi ‘duku, kaniku egata miniki ‘bazu Eri dria, mi ‘yo lu afa ovupi ‘yozaru tepu pi ma dria ri i, mi ‘ye lu ko’bo afa Mungu Opi ni fe azitaru ‘yezaru ri i; mi o’bani Eri dria ku!

Mi engaa wudukuru. Sawa ‘di enyia ogogo. E’yo Mungu ma nabini andra nze riki, MUNGU FE AZITARU amadri; a’izu, ‘yozu azini ‘yezu, KO’BO erini andra ‘yo tepu pi dria rile. Ovuni afa mani ‘yo ri i ku, ovuni afa mi atolo kaniku olu’ba pini ‘yo ri i ku, te afa Mungu ma nabini ‘yo ‘bo TEPU MA DRIA RI I.

Afa azi orodriru cikani yo erizaru aga O’duko ‘Daa ovupi tepu ma dria ‘da ra, AFA AZI YO. Ama e’yoni mu ovu lizaru afa ovupi nzezaru TEPU PI MA DRIA riki si. Ovuni afa mani ‘yoriki ku, te afa ERINI ‘YORI.

Ma le ONYIRU NDENI ri i mi dri. E’yo mani were ‘diki lu emi asi embazu, lu ko’bo ocepi cini ni ‘ye rile, E’yo dria a’izu. Ma embani emi ku: afa ci mini eri tepu ma driani abazu, ‘yozu e’yo ‘yekeku riki tepu pi ma dria ci, ‘yozu le emi eriki ma trotro emini nabini erizu ri le. Ma e’yo wereru riki si emi oruzu OAZU E’YO ADARU OKO RIBE, MI EKPA AVIZURI.  Ma le mi ma ovu Amuro E’yoru alatararu, ondikokori i.

Mungu fe Ima o’duko ma ovu ‘duzaru o’du ‘disi ani afa idribe riki dria ecoki ta Eri ma O’duko erira beni. O’du Pauloni kisi, yi ovuki lu andra karani pie afa erini andra oluriki sizu vaa, ‘da Bibilia ni. Te ANDRU, Mungu le eri ma ovu ata ANGIRI AGA. Ama ecoki avizuri ekpazu ra ani ama ngulupi pi ma bile si Yesu Kristo engapi ‘bori erizu e’yo nzeria amabe tivu bivu.

O’du amani oazu alenia ‘do ngo i. Gbaria wudukuru ni di i awaria ama ageyisi ara ria, ama ovuki pari azi fezaru ni be ci amani muzu ani lu ava lizu ri i. Ama eri isu TEPU  ma dria. Rizaru anzu ama kurijo pini ri alea ani Ta Ovupi Tambazaru engapi ovupi ‘bazaru erojoa ri nyazu. Ama nabi eco ovu di muzaru sawa ezu ra, te ama kiri egara kini afa ‘diki ada, ani lu ko’bo Munguni fezaru amani azitaru yi ‘yezu ri le, MI OA TEPU PIE.

Mi emu ovuzu omu Awa’difofezani onyiru ndeni mini drio nyara ri be Sabatu ‘disi sawa azia etusi, Jeffersonvili saa si O’duko Munguniri ni O’dukoti: Ru ‘Duzu Azini Ru Erezuri 65-0221M ni nzeria ama dria.

Adri. Joseph Branham i

E’yo Ba Matayoni 5: 31-32 / 16: 18 / 19: 1-8 / 28:19

‘Yeta 2:38

Rumi 9:14-23

Timoteo Okori 2:9-15

Koronito Okori 7:10-15 /14:34

Iburania 11:4

E’yo Eceza 10:7

E’doza Capta 3 zuri

‘Ba Levini 21:7

Yobu 14:1-2

Isaya 53

Ezekieli 44:22

22-1113 O’du ‘Disi E’yo Siza ‘Di Ece Ima Paria’bo Ri

Mesegi (O’dukoti): 65-0219 O’du ‘Disi E’yo Siza ‘Di Ece Ima Paria’bo Ri

BranhamTabernacle.org

Oriefi Iburahimuni Opiru Orindisi Leleturi,

Kanisa mi ni ecozu muzu ra ani nizura ‘baza wereni kokoru kini E’yo dria mini eri ri eri ‘Di Opi ‘Yoni ri ngo i? Angu azia yo, pelu mi ka O’duko Munguniri e’yo nzeria midri tepu pi dria ria.

Ama aji Munguni riki ani acakini nga enza o’ba E’yo aluni ma dria ku. Aleki lu Mana o’diruri i inzita alualusi azini eri cani emu o’diru ndeni aga eri erizu kpi engazu Mungu ma Ngulupi vu ri ku. Ama nga oru azini oru dika amani O’dukoti alualu eri ria. Amani muria oru oruria, ama afa angirini ki ne. Mana ka ovu kanisa ‘di ma aa yo yani, aji Munguni riki eyi engaria were oru drile kpere yini Eri esuria.

Geri ama asi pini mbozu ayikosi amani Munguni eriria e’yo nzeria amani azini luria amani kini ama Eri ma Kanisa Munguni ovupi adaru, osizaru-o’diru, E’yo Munguni dria a’ipira afa dria ma drilea eri ka tro ovu a’duni ti yari riki ri, a’disikuni ama Eri ma Amuro E’yoru aliriaru ondikoko riki.

Ngiri ngiri azi ci ‘bapi ma eselea andrusi. Eri ni andra ovuzu o’du Yesuni ki si ri le, ‘ba ‘yo’ba kini yi a’ira iniani ‘da ki andra e’yo efi eceza afa ataloni ‘yo E’yo Siza ma driari vuri ‘du i. Yi andra ‘ba ada ma e’yo efi eceza E’yoni ri ‘du i. ‘Da asisile yini andra e’dezu te E’yo Ada Munguniri nezu ri i, a’disikuni e’yo efi eceza E’yo Munguni rini ‘ba adani ejini ri ki andra kakau. Mungu leni ‘ba azi ku Eri ma E’yo efi ecezu. Eri ‘ba Ima Ngulupi ma E’yo efi ecepi ri i.

Mi a’ira kini mi ka andra oa sawa Yesuni si, mi andra mu E’yo dria Erini ‘yori a’ira, atalo ka andra tro ‘yo ngoni yari ti ri ra? Mi eco andra ‘yo mi ataloni kini Yesuni erizuri eri afa orodriru tu mini eco ‘yera ri i ri ra? Mi eco andra ‘yo erini kini Yesu ma E’yo lekini e’yo efi eceza ku ri ra? Yi kaki andra oa tepu Yesuni e’yo oluzu ri pie ci, mi eco andra lu mi ataloni kini mi le ma ekpa avizuri ani mini ecozu afa Yesuni ‘yori erizu ko’bo azini geri Erini Eri ‘yozu ri ngoni yari ra?

Muke, ‘da ovuni andra ayi mini ri ku; ‘di ayi miniri, ‘di sawa mini ri. Bibilia ‘yo kini, Eri alurile aje, andru azini ‘dani ‘dani. Afa mini ‘ye azini ‘yo sawa ‘disi ri eri lu ko’bo afa mini andra mu ‘ye vule ‘dale ri i.

Ama a’iki kini Mvi Munguni (S-o-n) andra emupi engazu kala etuni efuria ani Ima ngulupi e’dapi Mungu ru ruati alea ri, eri Mvi Munguni (S-o-n) alualu kala etuni ‘deria Ima ngulupi e’dapi ama eselea ri i. Ama a’ikira o’du ‘disi E’yo Siza ‘di ece i ma paria ‘bo ama drilea.

Ma a’i ‘adaru ra kini ‘di eli ovupi aizaru ra ri i, eli yubilivu ri i. Mi ka le awi ati’boru ani O’dukoti ‘di a’izu ovuzu ‘Di Opi ‘Yoni ri ru ku; O’dukoti ‘di ka ovu mi E’yo Driariruri i ku yani; mi ka a’i kini le agu azi ma fe e’yo efi eceza O’dukoti ndevu ri ni; mi ka a’i kini eri onzi tepu ki avizu kanisa mini pi alea; Ece kini mi ‘du ‘di ‘bo azini ‘bule ovu’di luzaru mi bilea ayasi ‘bo, ani mi di nga opi ati’bo pini ‘da dri azi nga o’du mini kisi dria .

Te Kanisa Amuroni adaruri ni E’yo Munguni dria ri a’iria Eri ma tre ma alea azini Eri ma Okpo ma alea. Ama Kanisa Pezaru i esepi amve azini i ‘bapi kala engazu afa ‘da pivu si ri ki, azini e’data Munguniri ese asi amani riki ‘bo. Ama Oriefi Opiru Iburahimuni orindisi riki.

Ama awa’difo si mini ovuzu ‘dia aluza tiecita ‘diniri etumuzu ama be risi, ‘ba ovu pi asi ‘baza be kini Munguni mu amani afa azi fe tiecita ‘di ma aa ra ‘diyi.

Ani ama ni ai ruecizu amabe Sabatu ‘disi sawa azia etusi, Jeffersonvili saa si, amani 65-0219 O’du ‘Disi E’yo Siza ‘Di Ece Ima Paria’bo Ri eriria. Ama asi ‘baza angiri ni be afa Munguni ye tiecita ‘di pi ma aa ri ma dria. Diza ondreni Mvi ni ri eca ‘bo.

Adri. Joseph Branham i

E’yo Ba Yohanani Capta 16 zuri
Isaya 61:1-2
E’bo Ba Lukani 4:16

22-1106 Ori Ovuni Karimvani Orima Jorovu Be Ku

Amuro Aliria E’yoruriru Leleturi, 

Ama ‘di. Ama ecaki’bo. Sawa ‘di enyia ogogo. Jorovu oriniri co’di esele engazu ori vusi ‘bo. Ama enga ovu lazaru Indikindi Mvi niri alea, niria. Ama nga oa Indikindi ‘da ma aa kpere ama ongulumu wereruri ni ecazu nizaru Kristo dri, kpere amani ecaria mukatini Eri ma mesa tia.  Awania ma ovu Mungu vu! 

O’dukoti ‘di e’da Malaki 4 i, e’da Luka 17:30 i, eda Iburania 13:8 i, E’yo Ba Yohanani 14:12 i, e’da E’yo Eceza capta 10 zuri i, A’buza Aziriri pi ma ti nzita i, e’yo zizaru Munguni riki, ori orini ri i, ru’duzu azini ruerezu ri i azini e’yo zizaru azi engapi ovupi zizaru ediafe pi ma vutia ewu ‘dikisi dria ri ki. 

Ama aliriaki E’yo ni. Ama ecokiku azini cakini nga vini ku afa azi nduni elozu. O’dukoti alu alu amani eriri si, eri o’diru azini o’diru; Mana o’diru nga lu e’depi engazu ‘Bua ri i. 

Te le andra ama bile ra kini sawa asizanisi orindi iri yi nga ovu ejizaru ambamba, kpere ecota ‘ba opezaru riki olera, ka ta i ecora ria.  Ani, le di ama ma suki mile orindi ‘da nezu ra erini nga e’dazu Amuro ma ngulupile risi. 

Mi ne di, mi ne ovu ejizaru ngole yari. Matayo ‘yo kini, E’yo Ba Matayoni 24:24, ‘yo kini, “Orindi iri ndeki o’du asizu ‘diyisi,” orindi kanisani ‘ba kanisani pivu ri, azini Orindi Amuroni ‘Ba Amuroruri pivu ri, “yi nga ovu ejizaru ambamba, kpere ecota ‘Ba opezaru riki olera, ka ta i ecora ria”. ‘Da eri enyia ngole yari. 

‘Yo andra ORINDI ‘ba kanisaniri pini ri azini ORINDI ‘ba Amuroruri pini ri be nga ovu enyia ejizaru ambamba yi ma eselea. Le di ‘da ma efi ma ovu kini orindi ‘ba kanisaniri pini ri le ma ‘yo kini eyi a’i O’dukoti sawani ri ra ‘dini ani ecozu ovuzu ENYIA ‘DALE NDO.  

‘Da cani ta ovu Methodist ki, Baptisti ki, Presipiteria ki, kaniku ata Pentekoti ki ‘dini ku; yi ziritu engazu E’yovusi azini yi gaki vini ata O’dukoti nde si. Yi ma azi aluni yo ovupi orindi be enyia Amuro vuri le ri.  

Sitani o’bira, azini enga agaara, oleta ma ‘yeta si.  Ata engazu okokelesi, ‘yolu andra ewakoko kini, “Adaru,” ani luzu Evani ima omi ayuzu e’yo vasi azini le ma eri engazu i vu ani ovuni lu E’yo vu a’dule ku.  Afa andra azitaru ovupi fezaru eri dri ‘yezaruri andra alu: mi oa E’yo be.  

E’yo adaruriki: 

Mi ka ovu zita azi be ci, le omvita azi ma aa ci. ‘Da afa nabini andra ‘yo amani ri i. Le omvitani ma emu engazu E’yo vu. E’yo ni lu emu nabi vu.  nabi ni ‘ba lu E’yo efi ecepi ni ri i. Agu azi kaniku oku azi ka omvita azi fe yani, le ma ovu afa nabi ni ‘yo ‘bo ri i. Eri cani ovu yi ma e’yo efi ecezani, egatani kaniku e’yo vazani ku. Le mi ma fe erini atita E’yo ovupi nzezaru Mungu ma nabi ovupi e’dazarura ri vu risi. Ovuni e’yo nabi niri riki azini driania ‘dale ku, eri lu afa nabi ni ‘yo’bo ri i. 

Egataki kuluru iri.  

1: Le mi ma a’i E’yo dria tepu pi driari kini Eri O’dukoti orodriru ndeni le mi ma eri ra ri ki.  

2: Le ni mi ma a’i E’yo dria tepu pi dria riki ‘dini ku, azini azi ngaza sawa ‘disirini o’dukoti orodriru ndeni le mi ma eri ra riki ‘dini. 

Esele egata irizu ‘divu riki kakau kakau tu: Orindi Alatararuri nga ma dri ce kaniku ma ocepi ma dri ce luzu amani E’yoruri ngo i azini E’yoruku ri ngo i yari ni.  Aleki angiri tu aga afa andra lu Adripi Branham ni ‘yo tepu ma dria riki. Le mi ma ovu azi ngaza be ci E’yo ecezu kilili kaniku opiizu vazaru ani beni. Azi ngaza kokoru mi econi oa Amuro i ku. 

E’yo rueripiku riki tre ‘diyi ma drilea, te eri ecozaruku yi otizu dria olazaru. Te ojata azi kaniku erita-ako azi yo oko ‘dani. Eri lu, MI A’I E’YO MA DRIARI I. 

‘Ba O’dukoti sawa ma asizani ‘di a’ipiri ru, mi zi nga mi ngulupi zita ‘diki si:   

1: Mi a’i afa nabi ni ‘yo tepu pi driari ovuzu mi E’yo Driaruriru, kani mi a’i kini eri Orindi Alatararu mi ma aa kaniku mi ocepi ma aa ri i?  

2: Mi a’i kini azi ngaza geri towisi riki o’dukoti orodriru tu ndeni le Amuro ma eri ri ki ya, kani eri O’dukoti tepu ma dria riki? 

Mi ocepi i, olu’ba i, embapi i, ‘ba e’yo bari olupi ri i kaniku nabi ka lu mini kini tepu pi ma erita ki O’DUKOTI ORODRIRU TU NDENI le mi ma eri ra riki ‘dini ku, eri ‘ba azi ENZORUNI, AZINI ORINDI ANDRA NABI NI AMA BILE LIZU KINI ERI NGA EMU RA RI I. 

Eri ka ‘yo YI KI O’dukoti orodrirutu ndeni mi eco erira ri i, te ka kiri ga tepu ki avizu ima kanisaa si, AFA AZI ONZI CI. Eri ka adaru a’i kini tepu ma erita ki afa orodrirutu ndeni mi ni eco ‘yera ri i ‘dini, ece kini eri ta mu tepu ki avi OKO, ‘daa ‘di e’yo oluzu ndo ka ama i dri ovu cezaru ‘dale ria. 

E’yo azi ecezaru geri ewakokosi ni:   

Ma ka ta ‘yo mini, yi mvuza alaruri mvuzuri ni afa lu alu orodriru ndeni mi eco ‘ye alata mi idrini ra ri i, esu yi mvuza ovupi e’dazaru azini sizaru kini eri kililiruri lu alu ‘dini…te mi ka emu jo maniaa nyaka ondreni ri nyazu, a fe midri yi nde nizarura kini eri kililiru ‘da ku. Ma ‘di ‘yo mini, “mi eco yi ‘da mvu engazu aku miniaa ra te ma joaa, le mi ma mvu afa mani fe mini ri i.” 

Yi ‘da ka ovu AFA MUKE NDENI mani eco fe mi ni alata mi idriniri ni ra, mi ni nga idri fe pi ri i, ece kini afa oko mani mu fe mini mi ka efi aku mani aa ‘bori eri yi mvuza kililiru ‘da i.  

Ma onzi ya ‘yozu kini, “TEPU PI MA AVITA EMI KANISAA RI, eri afa muke ndeni mini eco ‘ye ‘ba mini pini ra ri i ri. Eri ‘Di Opi ‘Yoni i ri.”  

Kani, eyi onzi yini ‘yozu kini, “Eri onzi tepuki avizu kanisa pi alea, Adrpi Branham ‘yoni andra emi avi tepuki emi kanisaa ‘dini ri ku ye. Ama ‘yo ‘bapi ni tepu ki avizu aku yini pi alea, motoka emini pi alea, sawa driasi, TE kanisaa ria le ma eri ki MA I.” 

Orindi ngo ni mi dri ceni? Mi ‘yo kini, “afa ovupi ‘yozaru tepu pi ma dria ri ni ma E’yo Driaruriru ri i azini afa orodrirutu ma ni eco eri ra ri i”? Kani, mi ‘yo, “E’yo tepu vuri cani ku. Eri ovuni ma E’yo Driaruriru ri i ku azini ovuni afa orodriru ndeni erizu ri i ku, eri azi ngaza i”? 

Sawa ‘disi eri sawa Orini ri i kaniku sawa Amuroni ri i. Jorovu orini riki drazaru. Jorovu orini riki ‘wizaru. Sawa E’yo aliriaruri niri, nga elozaru ku. Eri aliria ni, mi egara, sawa E’yo aliriaruri niri. 

Mi emu Mana o’diru ngalu e’depi engazu ‘Buari erizu Sabatu ‘disi sawa azia etusi, Jeffersonvili saa si amani: 65-0218 Ori Ovuni Karimvani Orima Jorovu Be Ku ni erizu. 

Adri. Joseph Branham i 

22-1030 Agu Azi Apapi Engazu Indikindi Opini Ma Aari Siri I

Opi Ma Kabiloanzi Leletu ‘Diyi,

Ama asi ki o’du ‘di ma ava ta wiki alu alusi amani ecozu ama etrazu tualu engazu wudukuru si ara O’duko Munguniri erizu E’yo Idriniri nzeria amani ngole ya. Afa azi ndu apita fepi idri amanirini azini vico amaniri atipini yo pele O’duko Munguniri.

Mi ‘yo andra amani, Ata, kini amvu amboruri ma ori di emve, wazaru azini ori efi di sawa ‘disi gonde o’biza amboruri ni. Ori efi ni di sawa ‘disi elaria Indikindi Mvini ri aa azini wazaru Suru Munguniri dri.

Ama pa so, Ata, afa asi amaniri ni ni eri E’yo Adani risi; Mi O’duko tepu ma dria ri ni LU O’duko mupi ama, Mi Amuro i ‘bapi kililiru ri i.

Eri ewaewa ama dripika azini amvipika pini ama vazu onzi ambamba risi. Ama ai azini zi eyini apazuku engazu Eri ma Indikindia risi, te ama nzuki Eri ma Indikindia

Aniki ra kini agupi ovupi odu osuzabe Mini pe azini ‘ba kabilo Miniki onepi riki kakau, eyi leki O’dukoti ‘di tu asi yinisi dria, te Ata yi e’de te O’duko Mini tepu dria ovupi e’dazarura ri ‘bazu. Yi e’de te luzu yini kini ‘di O’dukoti agupi-alunini azini kini Mi pe andra agu nde Mi Amuro ma dri cezu ri.  Yi e’de te lulu yini kini O’duko Mini ri ni O’duko LU mupi Amuro Miniri etrapi azini ‘bapi kililiru ri i.

Le ma ma “Wu rua nia onzi ra.” Wuzu afa dria ma rua, azini ‘ba dria ovupi Tepu Mini ma avitasi kanisa yini ma aari ma rua onzi pi ama rua onzi.   Wuzu azi ngaza yini pi ma rua onzi, wuzu kansa yini pi ma rua onzi, wuzu nabi yini pi ma rua onzi, wuzu olu’ba yini pi ma rua onzi, wuzu atalo yini pi ma rua onzi. Le ma ma wu afa nde ma driari ma rua onzi ra! 

 ‘Yozu, ma emu vaa ruecizu emi pie. Inira, Ma a’ira ma nga mini afa mani mu ‘yeru lu ra. Ma ovu lu afa azi wereru ni be ‘doa ci mani a’ira Ma eco eri fe ma….ama ejizu dria tualu ri, azini ‘yezu ‘dini, ‘dani kaniku geri azi ‘dasiri.”

Le ma ma wu rua nia onzi ra, Mi E’yo, Mi nabini nzeni ri ni lu ecozu AMA ejizu TUALURI si ri ni.  

Yi ma e’yo oluta eco ngoni ngoni? Yi eri dria yi yima eseleaku azini yi afaki ne ndundu engazu yi ma alualu vusi, pelu afa aluni, yi dria ecikiti a’izu…. TEPU KI AVIZUKU KANISA YINI PI ALEA. ‘Da eco ovu ngoni ru ya, Ata?

Mi ‘yo andra amani ama ma ovuki DRIARIRU ALU BE, Mi E’yo i. Mi ‘yo andra amani Mi E’yo ni emu LU Mi nabi vu.  Mi ‘yo andra amani eri ‘ba LU ecopi E’yo Miniri ma efi ecepira ri i. Mi ‘yo andra amani kini olu’ba dria, ‘ba dria e’yo eripi eriri, ‘ba ada dria, ma ‘YOKI LU AFA ERINI ANDRA ‘YO’BORI I. Eri ma O’duko ni O’DUKO LU ovupi e’dazaru ra Mi Aci Pirirurisi ovuzu ‘Di Opi ‘Yoni Ri i.

Ma ‘yoria kini yi enzoru azini ma oluki e’yoku ‘dileri ku. Ma vini ‘yoria kini Opi ni yi be indiku ‘dileri ku, kaniku yi odu osuza koko ‘dile azini ovuki omvezaru e’yo oluzuku ‘dileri ku, te le ma ma wu yi ma rua onzi ra yi kaki lu ‘ba yini pini kini tepu ma erita ni afa orodriru tu ndeni yini eco ‘ye ra ri i ri ku ria.

Ndumba alu kaniku afa wereru ndeni aluri ojazuri dra ni. Mi fe geri Amuro mini ri dri ‘bo ‘Di Opi ‘Yoni ri erizu bile yi ma ngulupi niri kisi. Yi eco di olu ‘ba yiniri pini ku ngoniru kini Eri O’dukoti orodrirutu nde yini eco erira ri i ri? Eri O’dukoti lu mani ecozu AMENA ‘yozu ra E’yo driani ri i, erini ovuzu ‘ba ada ma E’yoni ku risi, kaniku ‘ba ada ma e’yo efi eceza E’yo Miniri niri i ku risi, eri E’yo Mini Kililiru ri i.

Mi ‘yo andra kini O’dukotiki ‘ba o’dukoti ojipiri be alu. Mi nabu nze andra Eri ra azini Mi nga ta fe Eri ma eca pari ini ma aa ra ‘dini. E’yo Mini ovupi nzezaru nabi Mini vusi ri le ni e’yo efi ecaza KU erini ovuzu Mvi ‘Bani i e’yo nzeria kpi Amuro Erini ni ri i risi. 

Le ma ma maa ‘baki ra, emi emuki ro ale emini oko ri vu. Emi emuki afa emini ni eri ‘DI OPI ‘YONI ri vu. Mi ka enga osu geri mini muzuri ngoleru yari si kaniku a’du ‘yezu yari si, mi ne, mi efi ama be o’bo aa ondre ‘disi. Ama muria andra Ninevea, wurua yi rua. Ama ovuki azi le angakira ri be Mungu ma drilea, ‘da O’dukoti tepu ma dria ‘di’i.

Ama a’ikira kini emuta Opini ri enyia, azini Eri mu ovu Amuro azi be ci, ani ama di ecaria ngonde. Alekini afa azi ku pe lu E’yo Munguni Kililiru Eri ma nabini nze’bo ri i. Ama muria ‘Dizaa, me emu efizu o’bo amani alea.

Mi ka a’ira O’dukoti ‘di ni E’yo Adaru, drifupi ra oazu erini, drifupi ra drazu erini ri i, mi emu ruecizu amabe Sabatu ‘disi sawa azia etusi, Jeffersonvili saa si, amani O’dukoti azi amani a’ira eri orodriru azini le ama ma eriki mbeleru ni erizu: Agu Azi Apapi Engazu Indikindi Opini Ma Aari Siri I  65-0217.

Emi Kabiloanzi mani ki. Eri ngoniru ya? Emi Opi ma Kabiloanzi Erini fe mani nyaka fezu yini riki.

Adri. Joseph Branham i.

E’yo siza lazaru riki

Yona 1:1-3

Malaki 4

E’yo Ba Yohanani 14:12

Luka 17:30

22-1023 Zitaki Azini Omvitaki #4

Adripi Joseph Leleturi

1. Ma eri mi ‘yo kini mi a’i E’YO DRIA O’dukoti ‘diniri ovuzu ‘DI OPI ‘YONI.

Engazu ele asi mani alia azini esele rua manini driari si M A’I ‘DA RA. Eri O’duko Munguniri mgbari i e’yo nzeria tivu bivu Eri ma Amuro ni ri i.

Mungu nze e’yo trai Eri ma nabi vusi ani ‘yozu:

Ani ma ‘yo, Ru Yesu Kristoni si! Mi o’ba afa azi aluni ku. Mi ‘du ku, mi egata miniki ‘bazu drinia. Mi ‘yo lu afa ovupi ‘yozaru tepu ‘da pi ma dria ri i. Mi’ye lu ko’bo afa Munguni azi ‘yezaruri i. Mi o’ba Eri dria ku.

Mi ka ‘yo kini mi a’i O’dukoti sawa-asizani ‘di ra, le mi indi ma a’i E’YO DRIA ri i ani ovuzu Eri ma Amuroru beni. Sitani ni o’bi Eri ma dri otra azi ngaza vusi ani ‘yo kini, “Adripi Branhamni andra e’yo dori pivu ‘daki oluria kaniku ‘yoria kini ’emi ovuki ‘ba enya onyiru ndeni suru ma aari be’ dini, kaniku ‘Ma ovu E’yo Siza be ‘dani ku, te mamu mini afa Mani ega driniari lu’ dini; Leni mini eseleni ‘da a’izu indi ‘dini ku.   Orindi Alatararuri ni ‘dia ama dri cezu amani vazu E’yo ru ngoi azini E’yoruku ri ngoi yari.” ‘DA SITANI ALUALU ANDRA E’YO NZEPI EVANI RI I ANI ANDRA ‘YOZU, ADA ADARU….  ERI ‘YONI KINI E’YO DRIANI ‘DINI KU. Eku nilerariru ce?

Eyi lu ko’bo ada andra erini AZI yini ‘yezaruku ri ‘ye. Eri ‘yo andra kini MI ‘YO AFA OVUPI ‘YOZARU tepu pima driari i, ovuni mini mi egataki kaniku vazaki o’bazu Eri dria ‘dini ku. Awini andra ‘yoku ye kini, “afa driaki PELU esele azi ‘di’i kaniku ‘da’i, azini mi ocepi ni nga lu emini kini sawa ‘di ma aa andra Orindi Alatararuri e’yo nzeriani azini sawa ‘di ma aa Eri ama ma’i e’yo nzepiri ri i.” Ma lu oparafia wereru yitia oni amboruri pi ma eselea ri i.

2. Mini egarisi Adripi Branham i azini/kaniku eri ma tepu ki driaruri ki ‘dini ku?

Adripi Branham ovuni ma Driaruri i ku te O’dukoti erini olu tepu ma dria ni ma Driaruri i ni.

‘Ba kakauki ‘yo kini ‘da enzoru, Bibiliani Driaruri i ni. Ma agyi, Bibilia azini O’dukoti tepu ma driari ki afa alu ri i. ‘Da oaza O’dukotini mgbari i. O’dukoti tepu pi driari ki e’yo efi eceza Bibiliani ri i. Eyi alu azini alurule.

E’yo adaru kpi ri, 1: Bibilia ni E’yo i. 2: E’yoni emu nabi vu.  3: Nabi ni LU ‘ba E’yo ma efi ecepi geri Mungunisi ri i. 4: Ama nabi, William Marrion Branham, ni E’yo ovupi e’dazaru o’du amanisi ri i azini ovu andra ti epezaru E’yo efi ecezu. 5: Mungu ma E’yo leni e’yo efi eceza ku. Afa Erini nze Eri ma nabi vusi tepu ma driari NI E’YO EFI ECEZA ERI MA E’YONI RI I. 

Bibilia ‘yo amani kini Eri andra mu emu dika ani oazu ruati alia ko’bo Erini andra ‘ye Iburahimu be azini Yesu Kristo be ri le. Eri ‘yo andra kini I ovu afa kakau pie luzaru amani. Eri ‘yo andra kini Eri ta nga e’yo dria nileku ovupi zizaru Eri ma E’yo alia ‘diki ece. Eri ‘uo andra kini eri leni e’yo efi ecezaku. Awini andra ‘yo kini eri mu ongulumu azi ma ti epe ani Eri ma ‘baki etrazu tualu ‘dini ku, ERI MA NGULUPI NI TA NGA ‘BAPI MA DRI CI NI ERI MA NABI VUSI KO’BO ERINI DRIO ‘YE’BO RI LE.  E’YO ERINI CANI RU OJA KU.

3. Mi a’i kini ocepi ma aviki tepuki yi ma kanisa pi alia ‘dini?

Ocepi alu alu ma yi geri erini amazu Opini ima dri cezu ‘yezu risi, kanisa alu aluni ovuzu driwala inibe risi. Ma a’ira, azini enga eri ‘yo pale kakau’bo alitara ma dria, kini ocepi ma ‘baki Adripi Branham i vule yi ma alitara pi ma dria tepu pi ma avitasi. Ma awini nga ‘yo kuye kini ma kuki e’yo oluta ja ‘dini ku, ma avikilu tepuki i. Te eyi e’yo rutruzu egazaru cini ayu O’duko Munguniri avizu aniku kanisa yini pi alia.

Mamu fe nabi ma ‘yo geri mani ma amazu ocepi mupi O’duko ‘da avipi kanisa eyini pi ma aa kuri ma dria ni.

Sawa ‘disi, Adripi Junior Jackson ovu andra driwala be ci ‘da gazu si. Le ima kanisa…’Ba nde leki dria e’yo nze andra ndundusi azini afa azi ‘da pie ongulumu ma aa. ‘Da ocoko Adripi Junior vuri ki; ‘da-da eri ni. Te Junior Jackson a’i O’dukoti ‘di ra lu alu rile ko’bo…ama azi asipi ‘di pivu cirile.  Eri ama azi.
    

4. Mi a’ira kini olu’ba ma kuki di e’yo oluza ja ‘dini?

Yo, ma ‘yo nga ini ‘dale ku ata ma a’i ‘dale ku indi. E’yo lu amani kini, azini Adripi Branham enga ovu ndiriru O’dukoti Zita & Omvita pivu ‘diyi ma dria, olu’ba pini muzu drile.

Ma ama lu ma dricezaru, kanisa manini, rueceta azi mbelea ‘dileni ‘yezu; kaniku geri waraga nisi sawa ‘disiria, azini di avizuri ekpazu ani Mungu ma O’duko ovupi e’dazaru’bo andruni ri erizu. Ma ‘yo pale kakau’bo kini ma ovu azi ngaza amborutu ndeni ri be wudukuru dria, ma O’duko Munguniri ece kanisa mani ri dri Sabatu alualu vusi.

5. ‘Baki yo kini mi ama mi ka inzita Branham Tabanakulua riki esezu geri oliarisi ku kini mi ovu di Amuroni ku ‘dini?

Ma awini ‘da ‘yo TUAKUYE kaniku ata e’yo egazu drinia ‘dale, ma adripika azini amvipika la. ‘Ba ci e’yo azi ‘daleni ‘yopi ri ni onzi ‘daa. Ocepi Branham Tabanakuluari ru, ma ama ma dricezaru teou Adripi Branhamvu riki avizu. Ma a’ira O’duko ‘da i afa lu ci mupi Amuro etrapi tualu ri i.

Mani ta ‘yo oko ‘bori le, Ma a’ira kini afa dria ovupi tepu pi ma driari ni ‘Di Opi ‘Yoni azini le e’yo efi eceza ku. Ma eco amena ‘yo E’yo dria mani eriri ni ra. Ma a’ira kini William Marrion Branham i andra ti epezaru Amuro azi omvezu amve. Pari mani azi ngaza geri towi siri pi ma alia ri ‘baki e’dazu ‘ba o’dukoti ojipi ‘da vu ani di avizuri ekpazu beni. Afa azi angiri ndeni aga O’duko ‘da erizuri ra ni yo. Odu osuza ndeni ri tepu pi ma dria, ani le di ma ma fe kanisa mani ni afa azi nduni i ka a’dusi?

Sabatu alu alu vusi ma wudukuru ai O’dukoti Opi ni ‘ba asi mani ma aa avizaru kanisa mani niri erizu. ‘Ba dria ovu aizaru ra erizu sawa aluri alia.

Ma afa Adripi Branhamni ‘yo tepu pi ma driari ayu ma dri cezu.

Ama ovu di sawa ‘disi otita foni ni ri be, eri onyiru tu, ambamba. ‘Ba ecokidi ra rizu aku yi pi alia kaniku yi ma…rutrazu yi ma paria pi alia ra, yi ma kanisa pi alia, azini angu azi ‘diyi pie ani inzita ki erizu ra. ‘Da si ma awa’difosi.

Sawa ‘disi, ocepi, ale mi ma ni kini, kini, ‘di lu ongulumu maniri dri amani e’yo ‘diki ‘yozuri. Azini ma ovu driwala be ci ‘da ‘yezu, a’disikuni ma ovu ‘bazaru Orindi Alatararuri si kabilo ‘dipi ma orule gazu.

O’dukoti ‘di i, azi O’dukoti azi dria mani e’yo nzezu drinia riki, yi ongolumu maniri pini. Ovuni ongulumu mini ri pini ku pelu eyi ka la Eri aira ria.  Te Eri ‘ba ‘dia ri pini.

Ani ‘da wudukurusi ara. ‘Baki enga sawa inini aziasi inisi, suru okuru ‘diyipi aa, yi sawa zizani ‘da ma ta mba sawa aluria. ‘Mgbaria, ‘ba mudri pale alifu azini alifu pale alifu ni ki e’yo ziria sawa alu ri alea. Munguni lera ki eri ra; emi lu ‘Bu ni epiria e’yo zizasi, enera, ani le Ma eri ra.

6. Eri onzi muzu kanisaa?

Ma awini ‘da ‘yo tuakuye kaniku a’i vini ‘dale ku. Ma ka ta ‘da a’ira ma ta ‘di ovu kanisa be a’dusi? Branham Tabanakulua ama ovu andra inzita pie 3 wiki alualu vusi kpere eca di mani ewaewa ovuzu inzita pie kalafe ‘dasi wiki alualusi azini azi ngazu VGRaa. Ama ovudi ‘da vutia inzita be pale 2 wiki alualusi Tabanakulua kpere ecodi ku ‘baki trazu dria. Ani amuki di jo amani andra ayu ‘ba oderuru pini ri alia, andra ovupi angu avita ‘yezuri i ri.

Opi ‘ba andra asi mania e’yo azi nzezu Sabatu aluni ma o’butisi. A ‘yo di ata eyi ka kanisa ‘di mi ma ti opici o’su alu, acakini ni nga afa azi ece aluniku ama ocepi ni ecozu ra e’yo nzezu amani angu ci amani oazuria risi. Emba alu ma vutia, ama ovu andra azo COVID ru andra kanisa ki opipi wudukurusi ara ci ‘di be.

Ma ama andra ma dricezaru sawa ‘dasi, eri ta oa driwala onyiruni angu avitani ‘da ojazu, amani andra jo inzitaniri le risi. Ani, ama engaki oa ayikosi aku amanipi alia, ecizaru azini Mungu ma nabi ni eriria tepu ma dria esele azi Amuroni ni be wudukuru si ara, kanisa jo ni ovuzu ojazaru ria.

Ama di lu sawa ‘disi jo nde deria, te lu ko’bo andra Adripi Branham ni ovuzu Branham Tabanakulua ‘diari le, angu amani si mutukaki ‘bazuri cani di ku ‘bo. Le di lu ama ma ziki e’yo ani nezu Opi ni mu ama dri ce ngoni yari.

Anira kini zita kakau, kakau niki ci asi ‘bapiniri pi alia. Afa kakau mani ‘yo ovupi vazaru onzi riki. Adripi Branham ka andra ovu vazaru onzi, ma di mu ovu tu ngole?

Ma eco ovu onzi ra afa mani ‘yori ma aa. Ma ecota ‘do ki ‘yo cika kaniku ovu mgboru cika ra geri mani yi ejizu risi. Te afa ci MANI NIRA eri ‘yeke ri alu, O’DUKOTI ‘DI KILILIRU.  Leni mi eri e’yo mavu kaniku afa mani ‘yori vu ‘dini ku, te le MI MA EKPA AVIZURI AZINI A’I E’YO DRIA RI.

Pale alu dika, Ma mi ai ruecizu Branham Tabanakulu be Sabatu ‘disi sawa azia etusi, Jeffersonvili saa si, amani: Zitaki Azini Omvitaki #4 64-0830E eriria.

Adri. Joseph Branham i

22-1009 Zitaki Azini Omvitaki #2

Aliria Alaru Ovupi Azizaru’bo Leleturi, 

Mungu le ama tu amba amba ani Eri fe di Eri ma nabi omvi ama zitaki DRIA, azini omvita ndeki ‘bazu tepu ma dria. Akaki avani ta ya ani, afa lu ci le ama ma ‘yeki ri A’IZU AZINI AVIZURI EKPAZU.

Ma ovu di Orindi Alatararuri be ya?

Sadini Orindi Alatararuri niri, Mungu ka eri ece midri’bo azini mika eri ne ovuzu, ‘DI OPI ‘YONI azini a’ira ri’i. 

Ecekini ma ovu Eri be ci Opi, Mini O’dukoti di ecezu mani’bo risi azini ma a’ira Erini ovuzu ‘DI OPI ‘YONI!

Te, eri e’da kile ma e’de ambamba?…dika tedi nga ‘yeza mani elipi’bo riki di?

Ovuni mi a’duni, mi enga ovu a’duni yari ku, kaniku ‘da ovu afa azi ‘yezaruni be ku, eri afa Munguni ‘ye mini sawa ‘disi ‘bori i.  Sadini ni di be ‘da.

Opi, Mi neni ma ‘yeza vule ‘dale rikiku azini mine ata ma nzota pale palesi ‘diki sawa ‘disi ku, Mi lu ma o’duko eri i; Diza Opi, MA OVU ORINDI ALATARARURI BE CI.

Adripi Branham, anira i’yo kini mi ovuni lu okparafia yitia ciari i ku, te a’dini nga Amuro Kristonini geri e’da sawa asizuriarisi ni?

Azakoma Munguni risi, Ma a’ira kini ma Amuro Yesu Kristoni rini geri e’daria.

Ma ovu afa kaka pie asi mania, mama ‘ye di a’duni ya?

Afa azi sawa ‘disi orodrirutu ni yo pe lu anzi Munguniki ejizu tualu ani ‘yozu, “Amuki” ri i.  

Awania Mini Opi, ‘da di be lu amani ‘yeri i. Afa azi orodriru amanini yo pelu E’yo Mini ri i. Orindi Alatararu miniri ni amani geri e’da Mi nabi vusi ani ama di ama traria E’yo Mini ageyia engazu wudukurusi ara, azini ama gonde di muzu.

Ma ovu zita kaka pie, ale driceza, azakoma azini omvitaki ra. Ma ‘da esu ngua ya?

Ma ‘dia o’bizu mi azakozu, agbari mani mi le ra risi. Emi ma anzi mani ti Kristoni riki. Ma emi alualu ri dria. Ma ri emi ondre ‘disi; Ma ri emi sawa dria alia; Ma emi ri sawa dria si, ani ‘da kile ma adripiru azini amvupiru.

Aleki vini mi indi Adripi Branham. Aniki ra Mungu epe andra mi ti ama dricezu azini geri e’dazu amani. Ama andriki Eri E’yo si ‘bo azini Eri otizaru kililiru.

A’di i ata mani ri i ni E’yo Bari ma alea?

Emi anzi maniki; Ma–Ma emi ata E’yo Bari aleari i, ovuni ata ko’bo erini ovu atalole ri’i ku, Ma–Ma ata emini E’yo Bari ma alea ri’i ko’bo Pauloni ‘yo diari le. 

Anikira Eri Orindi Alatararuri i mi dri cepi ama dri cezu ri’i, Adripi Branham. Mi ‘yoria lu ko’bo Pauloni ‘yo Bibilia rile, afa mi ‘yori ma vuti bizu ko’bo, Erini ovuzu e’yo adani risi, ani erini lezu ama ma ojaki ndumba alu kaniku afa siza wereru ndeni aluni ku risi.

Mi ta mu a’du ‘ye ya Adripi Branham?

Ma ti emi Kristoni ‘bo, ani sawa ‘disi, Ma-Ma azi mi ‘bo Kristoni; ‘da mi emizu Kristoni aliaria alaruri ru ri i. Ifeki ma e’deku! Ifeki ma e’deku! Emi oaki aliria alaruriru.

Mi azi ama Kristoni aliria pi ru E’yo Erini ri ni. Ama ecokiniku, azini cakini nga ku ruazizu azi nduni be.. Ama afa dria amani eri azini ‘yeri andrii Mi E’yo tambazaru ci risi.

Afa orodriru ndeni mani eco ‘ye ani ovuzu Eri ma Amuroruri a’duni, Adripi Branham?

Mi oa lu E’yo be.

Omvita dria zita amaniri pini ri ecoki ovu etrazaru e’yo ‘diyiki si:

MI OA LU E’YO BE.

O’dukoti ‘di NI E’yo o’du amaniri niri. Adripi Branham ni O’duko Munguni o’du amaniri niri i.  Le afa dria ma ovu otizaru E’yo be. E’yo nde leni e’yo efi ecezaku. Akaki AVIZURI EKPA, AFA DRIA AMANI LE RIKI OVU FEZARU ‘DAA, TEPUPI MA DRIA.

Mi ovu afa azi be asi mini alia mini omvitani lezuri i ya? Mi emu ruecizu amabe Sabatusi sawa azia etusi, Jeffersonvili saa si, amani ama omvita driariki esuria amani: 64-0823E – Zitaki Azini Omvitaki #2 eriria.
    

Adri. Joseph Branham i

22-1002 Zita Ki Azini Omvita Ki

Branham Tabanakulu Leleturi,

Mi ka eco emu kanisaa ‘diaku, mi ma esu kanisa azi angu azia; emu alenia. Mi ka eco tepuki eri amabe ku, mi eri tepuki angu azia. Tepuki avizu azini erizuri eri afa oridriru ndeni olu’ba azi, embapi azi, ‘ba ti peleri azi, nabi azi, ‘ba E’yobari olupi azi kani mini eco ‘yeri.

‘Di angu mani akuari’i; ‘di angu mavu aku amboruri i; ‘di angu amani ama otizu alenia ri i. Sawa ‘disi, mi bi ‘da omi mini alia a’du katro pari ‘duni yari ti. Sawa ‘disi, mi ka ovu ondua be, mi nga afa azi va ra. A’du katro pari ‘duni yari ti, ‘di angu amavu aku amboruri i, ‘dia ogogo! Ani emba ‘da ma ta omia azini mi ego dri ro tepu ‘di vu o’du azisi, kini mi eri andra ma ra e’yo ondriria nabiru. Muke, mi ma ega ‘da’i!

Nabini andra a’du ‘ye ya?  Nyaka tambaria. Nyaka tambaria ani ama nga ovu Afa azibe nyazaru ci beni, ani ama nga ovu Afa azibe nyazu drinia beni. Ama Eri esu ama tepu pi dria rizaru anzu ama kurujo piniri alia.

‘Yo andra kini jo erojoru suru alesi nduluri lu werearu alu, erojo azi wereru aluni. O’ba afa nyazaki ‘da kakau; Alama, Driaruri, A’buzaki, Ayi Kanisani Aziri Riki, Aku Droziri i, E’yo Erini Ecezuri, dria amani, ani ama eco ta lu oa ani ‘dia azini erizu erini muzu ‘bori ma vutia.

Eri e’da kile mu andra driori le, te ama kiri egara, afa ‘diki ada. ‘Di idri azi le ama ma aciki a’duleni.

Eroki TRE. Nyaka azi nduni Mungu Ma ngulupini ‘yo kini eri E’YO KILILIRU ondi azi kokoni yo.

Mi ka ta le nya amabe ra, ama mi ai ruecizu amabe, Sabatu ‘disi Sawa azia etusi Jeffersonvili saa si amani emuria Table vu ani ‘nyazu Eri ma omu le.

Zita Ki Azini Omvita Ki 64-0823M

Adri. Joseph Branham i