Obubaka: 65-0815 So Tokimanyi

• 26-0614 So Tokimanyi
• 24-0901 So Tokimanyi
• 23-0212 So Tokimanyi
• 21-1017 ra Nga Takimanyi

BranhamTabernacle.org

Abalonde Abaagalwa,

Okuzaalibwa Okuggya ye Kristo; kwe kubikkulirwa. Katonda akubikkulidde ekyama kino ekikulu, era ekyo kwe Kuzaalibwa Okuggya. Kale ogenda kukola ki bw’onokuŋŋaanye ekibiina ekyo kyonna awamu awo okubikkulirwa bwe kukwatagana obulungi,

Katonda akuŋŋaanya ekibiina Kye kyonna eky’Empungu mu kukwatagana okutuukiridde, ng’abikkula Ekigambo Kye eri Omugole We.

Engeri ya Katonda ey’okuba ne kabaka, nga Dawudi bwe yali, yali ntuufu, era nga balina endowooza emu ng’eteeredde ku kintu kimu. Nga omukulembeze omu n’ekibinja ky’enbaata z’okumazzi, oba ebirala, toyinza kutwala bbiri oba satu ku zo. Olwo ojja bitabula byonna wamu, ojja kufunamu buli kika kya ndowooza.

Kale tulina kukola ki, Mukama?

Ekintu kyokka kye mulina okukola kwe kumanyisa Eddoboozi Lyange; balimanye, kubanga endiga Zange zimanyi Eddoboozi Lyange.

Eddoboozi Lyo ettuukiridde elyo lwa leero lye liruwa, Mukama?

Bweba banyiiziza olw’okwogera ekyo, munsonyiwe, naye mpuwulira nti kiyinza okugaanibwa, naye nze ndi Ddoboozi lya Katonda jemuli.

Tukkiriza ekyo n’emitima gyaffe gyonna. Bwe tutyo bwe tuwulira, Mukama.

Tebateekwa kukikakasa mu bya ssaayansi, oba okubuuza Omusaddukaayo oba Omufalisaayo, oba ekintu ekirala kyonna, ku kyo. Nakyogera, ne bakkiriza, kubanga endiga Zange ziwulira Eddoboozi Lyange.

Eddoboozi eriri ku Ntambi eri Omugole Wo kye ki?

Lino lye Ddoboozi lya Katonda mu ngeri y’ennukuta, kubanga lino lyennyini kwe kubikkulirwa kwonna okwa Yesu Kristo, Endagaano Enkadde n’Empya nga ziteereddwa wamu. Amiina. Awo we muli.

Entambi zikyali nkulu leero?

Mmanyi nti, bwe ndimala okuva ku nsi eno, Entambi ezo n’ebitabo ebyo birisigala nga biramu, era bangi ku mmwe abaana abato mulizuula, mu nnaku ezijja, nti kino ddala ge Mazima,…

Mukama, tukkiriza nti Entambi n’ebitabo bwe buweereza Bwo obulamu, obulamu ddala, bwe walekera Omugole Wo.

Lwaki Entambi lye DDOBBOOZI ERISINGA OBUKULU eri ffe okuwulira?

Tuli mu mulembe ogusinga obulimba gwe twali tubaddemu. “Gwandilimbye n’Abalonde ddala singa kyali kisoboka,” kubanga zilina amafuta, zisobola okukola buli kintu ng’abalala bwe bakikola.

“Buli aligattako ekigambo kimu ku Kino, oba n’aggyako Ekigambo kimu ku Kyo.” Olina okuba n’ekyenkomeredde awantu wonna.

N’olwekyo, ekyenkomeredde kyaffe kirina okuba Ekigambo kya Katonda. Watubikkulira nti Ekigambo kya Katonda n’Eddoboozi lya Katonda kye kimu. Eddoboozi bye birowoozo bya Katonda ebyayogerwa, nga bwe Yakola okuyita mu bannabbi bwe Yawandiika Bayibuli; naye mu lunaku luno olw’enkomerero, Yakuuma Ekigambo Kye, Eddoboozi Lye, nga Aririkoodinga era n’Ariteeka ku Ntambi. Kale, Eddoboozi Lyo eryayogerwa ku Ntambi kye kyenkomeredde eri Omugole.

Abantu tebalowooza nti kikulu ozannya Eddoboozi mu kkanisa yaabwe leero. Bayigirizibwa mu makanisa gaabwe nti Ow’oluganda Branham teyagamba kuzannya Ntambi mu kkanisa, kyokka beetaaga okuwulira Muweereza ow’obuweereza nga buulira era nga bujuliza Ekigambo.

Era singa ekkanisa yo kye kyenkomeredde gy’oli, tofaayo muntu yenna ky’ayogera. Ekyo kye kyenkomeredde kyo. Ai Katonda, nyamba kino kinnyikire! Gye ndi, ekintu kyonna kikyamu. Ekigambo kya Katonda kye kyenkomeredde. Buli Ekigambo kye kyogera, ekyo kyekiba ekituufu.

Yali abalindiridde okumuyita. Ekyo ky’Alindiridde akawungeezi kano, nti omuyite. Weetegereze, abayigirizwa abo bwe baamuyita mu kussekimu kwabwe ku mmeeza,

Omuntu yenna ayinza atya okwogera, okw’ejjako omusango oba okuleeta ensonga, ng’agamba nti akkiriza Obubaka buno obw’ennaku ez’enkomerero, obutazannya Ntambi mu makanisa gaabwe nga te balina omukisa okuwulira DDOBBOOZI DDALA ELYA KATONDA? Bye Bigambo Katonda bye Yayogera okuyita mu mimwa gy’omuntu ng’afukiddwako amafuta, nnabbi We. EDDOBBOOZI LYOKKA eryakakasibwa n’Empagi y’Omuliro, eryakakasibwa olw’okumanya ebyama eby’omu mutima, eryakakasibwa n’obubonero n’eby’amagero, nti LYE Ddoboozi lya Katonda eri omulembe guno.

Omuntu ayinza atya okuleeta ENSONGA YONNA, ennyonnyola yonna, oba obutaba na kwagala okuwulira Eddoboozi lya Katonda buli lwe bakuŋŋaana?

Mukama, leka nneme okutwala Eddoboozi Lyo eriri ku Ntambi ng’ekintu ekya bulijjo. Leka mbe nga mbuulira ensi nti LYE DDOBBOOZI LYOKKA lye beetaaga okuwulira. Leka mbe nga njulira eri Omugole Wo nti BYONNA BYE BETAAGA LYE DDOBBOOZI LYO ERIRI KU NTAMBI.

Twagala okussa ekimu. Twagala okw’ogera kko era n’okujulira Ekigambo Kyo, naye tewali kintu kikulu ky’owandiyinziza okukolera Omugole Wo okusinga okumuwa Ekigambo Kyo ku ntikko y’Ekigambo, Okubikkulirwa kw’Eddoboozi Lyo, era n’okutegeera KYE TULI, OMUGOLE WO OMWESIGWA.

Nga bwe nnyinza okugenda mu maaso n’okwogera ku kubikkulirwa okukulu Katonda kw’atuwadde. Tekuliko komo ; naye ekisinga obukulu kye nnyinza okukola kwe kukuyita ojje weewulire wekka Eddoboozi lya Katonda awamu n’ekitundu ky’Omugole ku Ssande ku ssaawa 12:00 ez’emisana, mu budde bwa Jeffersonville, nga tuwulira:
65-0815 – So Tokimanyi

Ow’oluganda Joseph Branham

Ebyawandiikibwa eby’okusoma:
• Okubikkulirwa 3:14-19
• Abakkolosaayi 1:9-20

Obubaka: 65-0801E Ebyokubaawo Ngabitangazibwa Obunnabbi

• 26-0607 Ebyokubaawo Ngabitangazibwa Obunnabbi
• 24-0825 Ebyokubaawo Ngabitangazibwa Obunnabbi
• 23-0205 Ebyokubaawo Ngabitangazibwa Obunnabbi
• 21-1010 Ebyokubaawo Ngabitangazibwa Obunnabbi
• 20-0223 Ebyokubaawo Ngabitangazibwa Obunnabbi
• 18-1104 Ebyokubaawo Ngabitangazibwa Obunnabbi
• 17-0129 Ebyokubaawo Ngabitangazibwa Obunnabbi

BranhamTabernacle.org

Omugole wa Kristo omwagalwa, ka tukunŋŋaanire wamu ku Ssande ku ssaawa 12:00 P.M., mu budde bwa Jeffersonville, okuwulira 65-0801E Ebigenda Mumaaso Ng’Obunabbi Bwabirambulula

Ow’oluganda. Joseph Branham

Obubaka: 65-0801M Katonda W’Omulembe Guno Omubi

• 26-0531 Katonda W’Omulembe Guno Omubi
• 24-0818 Katonda W’Omulembe Guno Omubi
• 23-0129 Katonda W’Omulembe Guno Omubi
• 21-1003 Katonda W’omulembe Guno Omubi
• 20-0216 Katonda W’Omulembe Guno Omubi

BranhamTabernacle.org

Embeerera entono eya Kristo, Ekigambo Ekisibo, Omugole, omwagalwa:

Emitima gyaffe gyajaguza nnyo bwe twawulira Malayika We ow’amaanyi ng’alangirira nti tuli Nsigo ya Katonda eyategekebwa edda etasobola kukola kirala kyonna okuggyako okugoberera Eddoboozi Lye. Kino gye tuli kisinga obulamu bwennyini. Basobola okutwala obulamu bwaffe, naye tebasobola kutwala Ddoboozi Lye. Tuli Omu n’Ekigambo Kye. Tuli Omu n’Eddoboozi Lye. Tuli Omu Naye.

Kirabika kyewuunyisa nnyo gye tuli nti tetutegeerwa bulungi era tusekerebwa kubanga twogera nti tukkiriza okuzannya entambi; nti eryo lye Ddoboozi lya Katonda eryogera n’Omugole We. Sitaani alimbye nnyo abantu okutuusa lwe balowooza nti olw’okulangirira nti tuli kkanisa ey’entambi, kiba kintu ekiri ebweru w’Ekigambo, ekikyamu, era nti tukulembedwa bubi, ate nga mu butuufu elyo lye kkubo lya Katonda erituukiridde ryawadde Omugole We.

Kiyinza kitya okuba mu ngeri endala? Bw’ovvuunula obubi Ekigambo kimu ekyayogerwa, obuze. Bayinza okuba n’ekigendererwa ekituufu n’omulamwa omutuufu, naye nga bakyamu. Omuntu ayinza okuba ng’afukiddwako Omwoyo Omutukuvu naye nga akyali mukyamu.

Singa Katonda teyawa Omugole We ekkubo mw’asobolera okuwulira buli Kigambo nga ye, olwo waandibaddewo engeri endala. Naye Yateekawo ekkubo buli muntu ku nsi okufuna omukisa okuwulira Ekigambo kyogera gy’ali butereevu nga tekyetaagisa kuvvuunulwa, kunnyonnyolwa, oba kutereezebwa. Byonna biri BW’ATI BW’AYOGERA MUKAMA…KISEERA!

Ffenna tukkiriza nti tulina okusigala n’Ekigambo okusobola okuba Omugole We.

Nzikiriza nti buli kintu kye twetaaga kiwandiikiddwa wano, kyetaagisa bwetaagisa kuvvuunulwa Omwoyo Omutukuvu. Ssikkiriza nti waliwo omuntu yenna ku nsi alina olukusa okuteeka okuvvuunula kwe ku Kigambo. Katonda teyeetaaga muntu yenna kuvvuunula Kigambo Kye. Ye yeyevvuunulira. Yagamba nti Ajja kukikola, era Akikola.

Mu bulaabbulukuffu, Mukama ayogedde era n’abikkulira Omugole We nti tewali kkubo ddala lyonna ery’okuba Omugole We omulonde okuggyako okusigala n’Ekigambo Kye. Katonda yennyini avvuunula Ekigambo Kye, era tewali muntu alina ddembe kwongerako kuvvuunula kwe ku Kyo.

Ekigambo era kigamba nti Nnabbi We ye muvvuunuzi w’Ekigambo Kye. Ye lye Ddoboozi lya Katonda eri abantu. Ky’ayogera kye Kigambo eky’omulembe gwaffe.

Nga tuwuliriza Eddoboozi lya Katonda ku ntambi, ffe bunnabbi Obutuukiriziddwa.Tewali kintu kya maanyi nnyo, kya butukuvu nnyo, kituukiriza nnyo, kituukirifdde nnyo ng’okuwuliriza Eddoboozi lya Katonda eryakakasibwa nga lyogera naawe.

Abalala bayinza okwogera nti tewali kintu kyonna mu kino, empungu zikuŋŋaana ne zisanyuka ne ssanyu eringi nnyo, nga zirina obukakafu nti zikuuma Kigambo kya Katonda. Yatugamba nti bw’oba n’ekyuma ekikwaata entambi, kuŋŋaanya kuŋŋaanya ekibiina ky’abantu, ozannya olutambi, era owulirize bulungi. Olw’ekisa Kye n’okusaasira Kwe, ekyo ddala kye tukola.

Katonda yatuyita okuva mu mulembe guno omubi olw’Erinnya Lye. Tuyita mu kugezesebwa n’ebikemo bingi nnyo nga tebibangawo. Sitaani ali ku lutalo kubanga amanyi nti obudde bwe buli kumpi okuggwaako. Oyinza okwebuuza nti, nnyinza ntya okuyita mu bintu bino byonna ate nga ndi Mugole We?

Oli mu kulabisibwa, okugezesebwa, era ng’okakasa eri Sitaani nti, FFE TULI MUGOLE WE. Ffe tuli Kigambo mu mubiri. Tusobola okwogera Ekigambo era ne kituukirira. KIRI BW’ATI BW’AYOGERA MUKAMA.

Tulina Eddoboozi lya Katonda nga lyogera butereevu eri Sitaani nga limugamba nti:

“Sitaani, owanguddwa. Oli mulimba. Era ng’omuweereza wa Katonda, era ng’abaweereza, tukulagira mu Linnya lya Yesu Kristo, nti ogondere Ekigambo kya Katonda, era ove mu bantu, kubanga kyawandiikibwa nti, ‘Mu Linnya Lyange baligoba emizimu.’”

Buli kye twetaaga…BULI kye twetaaga, twetaaga bwetaazi kusaba, okukkiriza era n’okusigala wo. Kiyinza okulabisibwa amangu ago; kiyinza okutwala wiiki, omwezi, oba omwaka. Tetufaayo kye tulaba oba kye tuwulira, KYAKOLEBWA MU KISEERA EKYO KYENNYINI.

Buli lukuŋŋaana lwe tukuŋŋaanamu lweyongera obukulu n’obulungi eri Empungu za Katonda. Tukuŋŋaanye mu ndowoozo emu ne mu mwoyo gumu, nga tutudde awamu mu bifo eby’omu Ggulu, nga tuwuliriza Eddoboozi nga lyogera naffe era nga litutuukiriza n’Ekigambo Kye.

Twandyagadde nnyo mwegatte naffe ku Ssande eno ku ssaawa 12:00 ez’emisana, mu budde bwa , Jeffersonville nga bwe tuwulira Eddoboozi lya Katonda nga lyogera naffe nate era nga lituleetera okuvvuunula kw’Ekigambo Kye Yennyini.

Ow’oluganda Joseph Branham

Obubaka: 65-0801M Katonda W’omulembe guno omubi

Ebyawandiikibwa byolina okusoma nga tonnawulira Bubaka:
Matayo essuula ey’oku 24 / 27:15-23
Lukka 17:30
Yokaana 1:1 / 14:12
Ebikolwa 10:47-48
1 Abakkolinso 4:1-5 / essuula ey’oku 14
2 Abakkolinso 4:1-6
Abaggalatiya 1:1-4
Abaefeso 2:1-2 / 4:30
2 Abassessalonika 2:2-4 / 2:11
Abaebbulaniya essuula ey’oku 7
1 Yokaana essuula 1 / 3:10 / 4:4-5
Okubikkulirwa 3:14 / 13:4 / essuula 6-8 ne 11-12 / 18:1-5
Engero 3:5
Isaaya 14:12-14

Obubaka: 65-0725E Kiki Ekisikiriza Ku Lusozi?

• 26-0524 Kiki Ekisikiriza Ku Lusozi?
• 24-0811 Kiki Ekisikiriza Ku Lusozi?
• 23-0122 Kiki Ekisikiriza Ku Lusozi?
• 21-0926 Kiki Ekisikiriza Ku Lusozi?
• 20-0419 Kiki Ekisikiriza Ku Lusozi?
• 18-1028 Kiki Ekisikiriza Ku Lusozi?
• 17-0122 Kiki Ekisikiriza Ku Lusozi?

BranhamTabernacle.org

Empungu Ezikuŋŋaana Abaagalwa,

Kiki kino ekisikiriza eky’amaanyi ekigenda mu maaso okwetoloola ensi yonna? Abantu okuva mu nsi yonna bakuŋŋaana ku ssaawa 6 ez’emisana mu budde bw’a Jeffersonville, nga batudde mu maka gaabwe ne mu makanisa gaabwe nga balindiridde nnyo n’okwesunga okuwulira Eddoboozi lya Katonda nga lyogera nabo.

Kirabika nga kya njawulo nnyo era tekitegeerekeka eri ensi okuwulira entambi zokka. Bagamba nti tusobola okuwulira entambi ekiseera kyonna. Tebalaba mugaso gw’okuwulira wamu mu kiseera kye kimu. Bagamba nti olina okuwulira buweereza obuliwo obw’olabakko, omubuuliz, so si entambi zokka. Basigadde mu nnono zaabwe.

Tewabangawo kintu ng’ekyo mu byafaayo by’ensi yonna. Kiki ekisikiriza abantu bano okwegatta bonna mu kiseera kye kimu okuwulira Eddoboozi eryo nga liyita Omugole We? Katonda atuukiriza Lukka 17:30. Katonda atuukiriza Okubikkulirwa 10:7. Katonda alabisa Abaebbulaniya 13:8, Melukizeddeeki mu mubiri gw’omuntu, nga bwe Yakola eri Ibulayimu.

Balindiridde era nga bewuunnya nti, “Anaayogera ki?” “Kiki ekinaabaawo bw’atandika okwogera?” Baagala okubeera ku buyungiro bwe simu eyo okusobola okuwulira buli kimu ky’anaayogera. Baagala Ekyo. Baagala okukiwulira bonna mu kiseera kye kimu n’Omugole okwetoloola ensi yonna. Kubanga bakkiriza nti ye lye ddoboozi Katonda lye yalonda okubeera Eddoboozi Lye okuyita n’okukulembera Omugole We.

Wadde nga bawuukana nnyo mu biseera, naye bonna bali wamu ng’EKITOLE KIMU, nga batadeko, nga bawuliriza Eddoboozi eryo nga lyogera nabo okuva mu Kkanisa yaabwe ey’Ewaka. Batudde mu Kubeerawo kw’Omwana, nga bakula era balindiridde Okujja kwa Masiya.

Emitima gyabwe gikuba nnyo. Omwoyo Omutukuvu aba bikkulira ekigenda mu maaso. Katonda alindiridde okutuusa olunaku luno okulabisa Ekigambo Kye n’okukuŋŋaanya Omugole We. Kiri mu baawo kati, era nabo bali kitundu ku Kyo. Obutuufu bw’ekigenda mu maaso butandise okubayingira mu mitima gyabwe. Bakisomye mu Byawandiikibwa okumala ebyasa bingi, naye kati kyafuuse kyabuliwo. Okubikkulirwa kw’Ekigambo kulabisibwa okuyita mu bo. Obunnabbi bwa nnabbi butuukirizibwa.

Nga batudde wansi w’okufukibwako okwo okw’amaanyi okw’Eddoboozi Lye ery’amaanyi, Ababulira okweetegeka; kubanga ekiro kino Agenda kubasabira buli omu ku bo. Atugamba nti bw’anaatandika okusaba, muteeke emikono ku balwadde, kubanga okubeerawo kwa Katonda kuli wonna gye bali, awatali kufaayo oba bali Texas, California, Arizona, South America, oba ne mu busisira obyw’omu nsiko ku luuyi olulala olw’ensi. Wonna gye bayungidwa nga bawuliriza, muteeke emikono ku bannaabwe nga tutandise okusaba era Katonda anaawonya buli omu ku bo bwe banaakkiriza, kubanga kiri BW’ATI BW’AYOGERA MUKAMA.

Kati bategeera nti mu buli mulembe na buli nnabbi eyaliwo oba agenda okubawo, wajja kubeerawo omuwendo gw’abantu abaategekebwa edda okuwulira Obubaka obwo, era banaabugoberera. Tebajja kufaayo ku bungi bw’abantu. Tebajja kufaayo ku kukolokota kw’abatakkiriza abagamba nti kikyamu oba si kkubo Katonda ly’ataddewo. Tebalina mpaka nabo. Balina ekintu kimu kye BATEEKEDDWA okukola, kwe kukkiriza n’okufuna buli katundu kaabwo ke basobola okufuna, ne babunnyikiza mu bo nga Malyamu eyatuula ku Bigere bya Yesu. Tebakwatibwa nsonyi; basanyufu nnyo okugamba nti bo ba “tape boy” oba “tape girl” abanyiga zzannya.

Eddoboozi eryo lyabakuutira dda nti wajja kubaawo abafukibwako amafuta mu nnaku ez’enkomerero abaliba n’okufukibwako okw’amaanyi, Omwoyo Omutukuvu. Banaajuliza nnabbi n’Obubaka bw’essaawa eno; nga beeyita abakkiriza, naye nga bafukibwako amafuta ab’obulimba.

Banaaba befananyiriza nnyo n’okufukibwako okw’amazima okutuusa n’okulimba Abalonde singa kyali kisoboka, naye bamanyi nti tebasobola kulimbibwa, kubanga BO YE KIGAMBO. Bo ye Mugole ow’amazima eyasigala n’Eddoboozi lya Katonda.

Eddoboozi eryo lyabagamba nti mu lunaku luno tekijja kuba niimu oba muzabibu. Ekyo kyandibadde kyangu okwawula. Naye kijja kuba ssecungwa, ekitundu niimu n’ekitundu mucungwa, ekika ekitabuddwa. Kijja kufaananira ddala nga omucungwa, naye tekijja kuba kyo, kubanga ettabi eryo eppya lijja kuba 100% ng’eryasooka. Banjja kusigala n’Eddoboozi eryo nnakabala ely’Ekigambo. Tebajja kugezaako mukisa mulala . Bajja kusigala n’Oyo omu Katonda Yennyini gwe yalangirira okuba EDDOBOOZI LYE, EKIGAMBO KYE, ekyakakasibwa Empagi ey’Omuliro.

Kiki ekigenda mu maaso?

Ensigo ya Katonda eyategekebwa edda tesobola kukola kirala kyonna okuggyako okugoberera n’okuwuliriza Eddoboozi eryo, kubanga Lisinga obulamu gye bali. Osobola okutwala obulamu bwabwe, naye tosobola kutwala Eddoboozi eryo.

Kiki ekisikiriza?

Katonda, nga bulijjo, atuukiriza Ekigambo Kye.

Jjangu wegatte naffe obe kitundu ku bunnabbi bwa nnabbi obutuukirizibwa ku Ssande eno ku ssaawa 6 ez’emisana mu budde bw’a Jeffersonville, nga tuwulira Ebyawandiikibwa nga birabisibwa.

Obubaka:
65-0725E “Kiki ekisikirize ku Lusozi?”

Ebyawandiikibwa:
Matayo Omutukuvu 21:1-4
Zekkaliya 9:9 / 14:4-9
Isaaya 29:6
Okubikkulirwa 16:9
Malaki 3:1 / Essuula ey’Okuna
Yokaana Omutukuvu 14:12 / 15:1-8
Lukka Omutukuvu 17:22-30

Obubaka: 65-0725M Abafukeko Amafuta Mu Kiseera Eky’Enkomerero

PDF

• 26-0517 Abafukeko Amafuta Mu Kiseera Eky’Enkomerero
• 24-0804 Abafukeko Amafuta Mu Kiseera Eky’Enkomerero
• 23-0115 Abafukeko Amafuta Mu Kiseera Eky’Enkomerero
• 21-0919 Abafukeko Amafuta Mu Kiseera Eky’Enkomerero
• 20-0405 Abafukeko Amafuta Mu Kiseera Eky’Enkomerero
• 18-1021 Abafukeko Amafuta Mu Kiseera Eky’Enkomerero
• 17-0115 Abafukeko Amafuta Mu Kiseera Eky’Enkomerero

BranhamTabernacle.org

Empungu Ezikuŋŋaana abaagalwa,

Omutwe gwokka ogw’Obubaka bwa wiiki eno gw’oleka okutegeera kw’Omwoyo Omutukuvu ng’okwo eri Omugole. Okulowooza nti wajja kubaawo abasajja abaafukibwako amafuta abatuufu okuyimuka mu lunaku luno, n’okufukibwako amafuta okwa nnamaddala okw’Omwoyo Omutukuvu y’omu eyali ku nnabbi waffe, naye nga ba bulimba.

Ekigambo kitugamba nti bajja kukola obubonero n’ebyewuunyo, nga bafuna enkuba y’emu, emikisa gye gimu nga nnabbi ow’amazima. Abantu bakyuka okuva ku Kigambo ekituufu eky’omu kiseera ekyo ekyakakasibwa ne badda mu kwegomba kwabwe, nga beetuumira abasomesa, nga balina amatu agasiiwa. Kijja kuba kumpi nnyo n’Ekigambo ekituufu okutuusa kumpi lwe kinaalimbalimba Abalonde.

Okufukibwako amafuta okwo kujja kuba kufanagana kwenkana wa? Kinaaba kyangu okutegeera amazima n’eky’obulimba? Nabbi yatugamba nti Kabaka Dawudi, omusajja eyalina omutima gwa Katonda yennyini, ng’afukiddwako amafuta, yafuna okubikkulirwa okwa nnamaddala; naye kw’ali kukyamu.

KIKI!! Ekyo leka kinnyikire mu kaseera katono. Kabaka Katonda gwe yalonda yalina okufukibwako amafuta aga nnamaddala n’okubikkulirwa okwa nnamaddala, naye yali mukyamu! Abaana b’endiga ba Katonda bajja kuba balina okuba bulindaala nnyo okumanya kye bawulira kwe kufukibwako amafuta okwa nnamaddala oba okw’obulimba; kubanga ekifo kyabwe eky’olubeerera kiwummulidde ku kusalawo kuno.

Tukimanyi nti Katonda ataddewo abaweereza bangi ab’amazima abaafukibwako amafuta okuyamba okuluŋŋamya n’okukuuma Omugole we mu Kigambo. Ekigambo kye bwe kityo bwe kigamba, era twebaza nnyo Mukama ku lwa buli omu ku bo. Baayitibwa okuba abasumba be bisibo byabwe. Balina okuzikuuma mu Kigambo. Mu kukola ekyo, tebalina kulemererwa kuzannya Eddoboozi lya Katonda LYOKKA erikakasibwa eri ebisibo byabwe.

Nga bwe twaakawulira engeri buli musajja gy’ayinza okugenda mu nsobi, ne bwaba yafukibwako amafuta aga mazima n’okubikkulirwa okwa nnamaddala. Naye Omugole asobola okuwummula, kubanga Katonda ataddewo ekkubo erituukiridde nti bulijjo basobola okuwulira OKUFUKIRWAKO AMAFUKA OKW’AMAZIMA, OKUBIKKURILWA OKW’AMAZIMA, BW’ATYO BW’AYOGERA MUKAMA; NNYIGA BUNNYIZZI ZANNYA.

“Ennyama ensu w’eli,” Emaanu w’eli, Ekigambo wekiri, “awo empungu we zinaakuŋŋaanyizibwa.”

Ennyama nsu w’eli, awo ffe Empungu gye tugenda okukuŋŋaanira. Ennyama ensu gyeri, Ekigambo kya sizoni, Obubaka bw’essaawa. Era tewali kifo kipya eky’okuliiramu Emaanu eyo okusinga okuwulira Eddoboozi lya Katonda nga lyeyogera.

Ekyo kye Kigambo kye. “Omuntu tabeera mulamu na mmere yokka, wabula buli kigambo.” Okilaba? Abategekebwa edda kino bakimanyi. “Ekigambo eky’enjawulo, oba eddoboozi ery’njawulo, tebajja kubigoberera.”

Ensonga lwaki tetujja, era tetusobola kulimbibwa, eri nti tuli Kigambo ekirina Okubikkulirwa kuno. Tetusobola kuba kintu kirala kyonna. Tetusobola kuwulira kintu kirala kyonna. Tetulina kirala kye tumanyi.

“NZE NDI!” Si “Nze nnali, oba nja kubeera.” “NZE,” ekiseera ekiriwo, Ekigambo kati. Si Kigambo ekyaliwo, Ekigambo ekigenda okujja; Ekigambo ekyakati. Okilaba? Okifuna? “NZE NDI!” “NZE” kye Kigambo. “Ku lubereberye waaliwo Ekigambo, n’Ekigambo yali wamu ne Katonda.” Ekyo kituufu? “NZE NDI.” “Katonda yansindika nga nnabbi we, okukakasa kino okuba ekituufu.Nze eky’okuddamu eri Ekigambo kino, yang’amba okujja wano okole kino.”

Era bwe yakikola, Falaawo n’agamba nti, “Kale, twafuna abalenzi bangi mu kibinja kyaffe nabo basobola okukola ekyo,” abagegenyi.

Yesu yagamba nti, “Kati, ekyo kigenda kuddamu mu nnaku ez’oluvannyuma,” laba, nga yogera ekintu kye kimu.

Mukama atenderezebwa. Yogera ku kukakasa eri Omugole. Bw’oba n’Okubikkulirwa kuno, olwo ojja kumanya nti oli Mugole we eyalondebwa, eyategekebwa, omwagalwa.

Nga tuwuliriza Eddoboozi lya Katonda ku ntambi, tuba tuwuliriza Omwana w’Omuntu, nga ye Kristo. Y’oyo gwe tulyaako. Tetulya ku muntu; omusajja, ebigambo bye bijja kulemererwa. Naye tulya ku Kigambo Omubiri ekitalemererwa eky’Omwana w’Omuntu.

Bw’oba oyagala okukakasa 100% nti owuliriza Bw’ati bw’ayogera Mukama, jangu weegatte ku kitundu ky’Omugole ku Ssande eno ku ssaawa 12:00 P.M., obudde bwa Jeffersonville, nga bwe tuwulira Eddoboozi lya Katonda nga litubikkulira byonna ebikwata ku baafukibwako amafuta mu kiseera eky’enkomerero.

Ow’oluganda Joseph Branham.

Obubaka: Abaafukibwako amafuta mu Kiseera Eky’enkomerero 65-0725M

Ebyawandiikibwa:
Matayo Omutukuvu 5:44-45 / 7:21 / 24:15-28
Lukka Omutukuvu 17:30 / 18:1-8
Yokaana Omutukuvu 14:12
Abeefeso 1:5
II Timoseewo 3:1-8
Abebbulaniya 6:1-8 / 11:4
Okubikkulirwa 10:1-7 / 16:13-14
Malaki 4:5
I Bassekabaka 22:1-28
Yeremiya: Essuula 27 & 28

Obubaka: 59-0510M Olunaku Lwa Maama

PDF

• 26-0510 Olunaku Lwa Maama

BranhamTabernacle.org

Mugole Omwagalwa,

Kaakano, ndowooza nti tewali kitiibwa kimala kye tuyinza kuwa ba maama.

Maama waffe ye asoooka okubeera naffe, era aweereddwa obuvunaanyizibwa obunene ku kye tuliba n’ekkubo lye tulina okutambulIiramu. Katonda yamukwasa omulimu okututeeka mu kkubo ettuufu. Eyo y’ensonga lwaki ba maama baweebwa okukwatako okw’enjawulo okuva eri Katonda.

Nga mukisa gw’anjawulo ogututegekeddwa ku Ssande eno, bwe tunaaba tuwa ekitiibwa eri ba Maama bonna, nga tuwulira malayika wa Katonda ow’omusanvu ng’alaga okwagala n’ekitiibwa ba maama bye balina mu mitima gyaffe.

Tumanyi nti buli lunaku Lunaku lwa Maama, naye ku Ssande eno tujja kuwa ekitiibwa eky’enjawulo eri ba Maama bonna nga tuwulira nnabbi waffe ng’ayoleka ekitiibwa nga bwe yayogera emyaka 67 egiyise ku lunaku lwe lumu olwo, nga May 10, 1959.

Ow’oluganda Joseph Branham

Obubaka: Lunaku lwa Maama 59-0510M

Obudde: 12:00 ez’emisana, obudde bwa Jeffersonville

Ebyawandiikibwa: Abakkolinso Ekisooka 15:1-4

Obubaka: 65-0718E Emmere Ey’Omwoyo Mu Ntuuko Zaayo

PDF

• 26-0503 Emmere Ey’Omwoyo Mu Ntuuko Zaayo
• 24-0728 Emmere Ey’Omwoyo Mu Ntuuko Zaayo
• 23-0108 Emmere Ey’Omwoyo Mu Ntuuko Zaayo
• 21-0912 Emmere Ey’Omwoyo Mu Ntuuko Zaayo
• 20-0329 Emmere Ey’Omwoyo Mu Ntuuko Zaayo
• 18-1014 Emmere Ey’Omwoyo Mu Ntuuko Zaayo
• 16-1221 Emmere Ey’Omwoyo Mu Ntuuko Zaayo

BranhamTabernacle.org

Omugole Omwagalwa,

Eddoboozi ffenna lye twagala okuwulira lijja kwogera ku Ssande eno, era lituleetera ebbaluwa ey’Omukwano ey’enjawulo,ku lw’Omugole wa Yesu Kristo yekka.

Eddoboozi eryo lyogedde eri ensi ne ligilabula nti, “Temugezaako kukolera mulimu nga si kwagala kwange. Nina ekkubo erituukiridde etuufu eribategekeddwa,Gwe Omugole wange. Mujjukire Ebigambo byange; mwogere byokka bye nayogera ku ntambi zange, kubanga muli mu kiseera eky’okusalirwa omusango. Ekisa kyagaaniddwa. Naye musanyuke era mwebaze, kubanga mbawadde Emmere Enkweke, Emmere ey’Omwoyo, mulyoke mubeere ku bulungi n’ekisa eky’Okubikkulirwa kwa Yesu Kristo.

Kaakano waliwo enjala mu nsi ey’okuwulira Eddoboozi lyange. Tebabategeera kubanga mwogera nti muli bantu ba ntambi, nga mwagala okuwulira Eddoboozi lyange ku ntambi; naye mbayise ne mbabikkulira ekkubo lyange etuufu ery’ennaku zino.

Temwegasse ku batakkiriza mu kiseera kino eky’enjala. Mbawadde Eddoboozi lyange okubayimirizaawo. Nga muzannya Eddoboozi lyange, ensuwa yammwe tejjja kukalira, wadde akasumbi kammwe tejjja kukala okutuusa lwe ndijja okubabatwala ng’Omugole wange.

Eno ye nsonga lwaki naleka Eddoboozi lyange likwatibwe, mube n’ekifo ekituufu awatali nsobi wadde okwetaaga okuvvuunula gyemulaga , wabula Eddoboozi lya Katonda erilongoofu. Ekifo we musobola okugenda okuwulilira ddala kye nayogera: “Bw’ati bw’ayogera Mukama.”

Ku Ssande njagala okwogera nammwe mu ngeri ennyinnyonnyofu. Temwerabira bye ndibagamba. Entambi zino ye mmere yammwe ey’Omwoyo mu kiseera kino. Zilimu ebirungo bingi eri abalala; tebaziyinza, kubanga tekyababikkulirwa, naye nze mbalonze mmwe ne mbawa okubikkulirwa kw’ekkubo lyange etuufu.

Mmwe, gye muli y’Emmere Enkweke, nga mubeera ku bulungi n’ekisa eky’Ekigambo ekiramu.

Bwe nali mbeera mu mubiri mu Mwana wange, tebaasobola kukkiriza nti nze ndi Katonda era n’omuntu. Awo ne nsuubiza okudda nate mu nnaku ez’enkomerero, mbeere mu mubiri gw’omuntu nate nga bwe nnali mu maaso nga Ibulayimu, era ndikka wansi ne nneeyoleka nate mu mubiri gw’omuntu nga bwe nnakola olubereberye.

Kino kye baalemwa okutegeera luli ne kaakano, naye temukyerabiranga. Emmere eyaterekebwa gye mbaliisa, n’omubaka wange, kye kimu. Temusobola kubyawulamu. Obubaka n’omubaka kye kimu. Nabagamba mu Kigambo kyange kiki kyendikola mu nnaku zino. Kyekivudde njagala Eddoboozi lyange libe mu makanisa gammwe, mu maka gammwe, buli wamu gye mugenda; kubanga lye ddoboozi eryasinga obukulu eririna okuwulirwa. Lye ddoboozi LYOKKA erikakasiddwa eryogera nti, “Bw’ati bw’ayogera Mukama.”

Ekisa kyagaaniddwa. Kaakano mubeerawo kulwa Kigambo kyange. Mbawadde okubikkulirwa kw’akiki kyendi nammwe Kyemuli. Tewalina kubaawo kubuusabuusa kwonna mu mitima gyammwe ne birowoozo.Muli Omugole wange omulonde, eyategekebwa edda, Kigambo ekyogere okuva ku lubereberye.

Mulina olukusa ku mmere ey’Omwoyo ensi gy’etamanyiko. Mulina olukusa ku kuwonyezebwa kw’emibiri gyammwe, ne bwe baba nga basawo balemeddwa. Kino kye kimu ku mmere gye nasuubiza okubawa mu nnaku ez’enkomerero.

Nasuubiza okubikkula ebyama by’emitima gyammwe n’okukola bino. Ndi mu mmwe, Muli kitundu ku nze nange ndi kitundu ku mmwe. Obubonero buno bunaagobereranga abo abakkiriza.

Ku Ssande ndigatta Omugole wange okuva mu nsi yonna n’Eddoboozi lyange. Ndibagamba muteeke emikono ku bannammwe. Temwesabira nga mmwe; musabire abo be mukutteko, kubanga nabo babasabira.Tunaasabira wamu, era tewaliba muntu n’omu munafu mu nsi yonna bwe munaakkiriza.

Bwe munaakkiriza ne mutaba na kubuusabuusa kwonna mu mitima gyammwe, naagilangirira nti:

“Sitaani, owanguddwa! Yesu Kristo yakuwangula! Yazukira mu bafu era ayimiridde wakati waffe ng’akakasa Obubaka buno obw’ennaku ez’enkomerero. Va mu bantu bano! Baveemu, mu Linnya lya Yesu Kristo! ‘Mu Linnya lyange banaagobanga emizimu,’ era ogobeddwa. Mu Linnya lya Yesu Kristo, vva mu kibiina kino!”

Wajja kubaawo okuwonyezebwa mu nsi yonna okutabangawo.

Lwaki tulinda nate, muganda wange, mwannyinaze? Laba, Mwoyo Omutukuvu, Katonda yennyini ali wano, ekyo kye tubadde twogeraako.”

Mpita ensi okujja okutwegattako ku Ssande eno ku ssaawa 12:00 P.M., obudde bwa Jeffersonville, tuwulire Obubaka n’omubaka we atuleete Emmere ey’Omwoyo Mutuuko Zaayo, Emmere Eyakwekebwa kulw’Omugole.

Ow’oluganda Joseph Branham

Obubaka:  Emmere ey’Omwoyo Mutuuko Zaayo 65-0718E

Omubaka: Rev. William Marrion Branham

Ebyawandiikibwa: 1 Bassekabaka 17:1-7 / Amosi 3:7 / Yoweeri 2:28 / Malaki 4:4 / Lukka 17:30 / Yokaana Omutukuvu 14:12

Obubaka: 65-0718M Okugezaako Okuweereza Katonda Nga Katonda Si Bw’Ayagala

PDF

• 26-0426 Okugezaako Okuweereza Katonda Nga Katonda Si Bw’Ayagala
• 24-0721 Okugezaako Okuweereza Katonda Nga Katonda Si Bw’Ayagala
• 23-0101 Okugezaako Okuweereza Katonda Nga Katonda Si Bw’Ayagala
• 21-0905 Okugezaako Okuweereza Katonda Nga Katonda Si Bw’Ayagala

BranhamTabernacle.org

Omugole Ayagalwa ennyo Omwagalwa,

Obudde buyise. Ekiseera kituuse. Okusalawo kulina okukolebwa. Katonda alabula abaana be. Mukama Katonda waffe atubulidde era n’atukakasa amazima ge kye gali mu kigambo kye, n’Omwoyo gwe. Si lwa maanyi, si lwa buyinza, wabula lwa Mwoyo Wange, era Ekigambo Kyo ge Mazima.

Akakasizza ddala Omugole leero nti Yesu Kristo y’omu eggulo, leero, n’emirembe gyonna. Atulaze era atubikkulidde Obubaka n’omubaka w’essaawa bye bimu. Atubikkulidde ebyama bye byonna ebyali bikwekeddwa mu Kigambo. Atukakasizza n’Omwoyo we Omutukuvu. Tewali kibuuzo mu birowoozo byaffe, mu mitima gyaffe oba mu mmeme zzaffe. Eddoboozi lye ku ntambi liri BW’ATI BWAYOGERA MUKAMA ERI MUGOLE WE.

Katonda bulijjo akkirizza engeri nnyingi ez’okujja gy’ali. Aletera okwagala kwe okutatuukiridde okuyingira mu kwagala kwe okutuukiridde. Era bulijjo abadde awa ABAANA BE OKWAGALA OKUTUUKIRIDDE N’ENGERI EY’ETUUKIRIDDE. Bangi bagezaako okujja mu ngeri ey’enjawulo nga bakolera Katonda omulimu nga tekuli mu kwagala kwe okutuukiridde. Kiyinza okulabika n’okuwulikika ng’okwagala kwe okutuukiridde, naye nga tekusinziira ku Kigambo kye.

Nga musajja wakitalo, eyaakafukibwako amafuta, ng’ava mu Kubeerawo kwa Katonda kwennyini, yafuna okubikkulirwa Okubaako kyakolera Katonda, era n’ayagala okukikolera Katonda; naye okubikkulirwa kwe yalina kwali kukyamu.

Buli omu ku ffe tulina okufuna ekkubo lye erituukiridde eryatuweebwa. Tulina okumanya tutya nti tuli mu kwagala kwe okutuukiridde singa omuntu eyafukibwako amafuta mu mazima, ng’ava mu maaso ga Katonda gennyini, n’okubikkulirwa, ali mu kwagala kwa Katonda okutuukiridde?

Waliwo ENGERI EMU YOKKA Y’OKUMANYA MU BUTUUFU, era Katonda ataddewo ekkubo eryo eri Omugole we.

Eddoboozi lya Katonda yennyini litegeezezza ekkanisa eno, na mmwe mwenna abantu abali ku ntambi, n’abantu abali ku buyungiro bwamasimu okubuna ebitundu by’ensi ebirala, luli ne KAAKATI. Yatugamba tuwulirize by’ayogera bulungi ddala, neri ffe OBUTALEMERERWA.

Kale nange ŋŋamba, mu Linya lya Yesu Kristo: Togattako kintu na kimu, totolako, kukiteekamu ebirowoozo byo, yogera bwogeze ebyogeddwa ku ntambi ezzo, kola bukozi ekyo kyennyini Mukama Katonda ky’alagira okukola; toyongera ku Kyo!

Teyagamba, era tekitegeeza, nti ababuulizi tebasobola kubuulira Kigambo, abasomesa tebasobola kuyigiriza Kigambo, oba abasumba oba bannabbi okukola ekyo kye twayitilwa okukola; balina, nange nteekwa. Tuyitiddwa era ne twawulibwa okukikola. Tulina okusonga n’okujuliza Obubaka buno n’omubaka eri abantu, kubanga Kye Kigambo eky’olunaku lwaffe.

Naye atugamba bulungi nti ffenna tusobola okufukibwako amafuta, n’okufukibwako amafuta okwa nnamaddala, nga tujjudde Omwoyo we Omutukuvu, n’okubikkulirwa okupya, ne tubeera wabweru w’okwagala kwe. Mu kiseera kyaffe, atuwadde ENGERI ENTUUFU okumanyira ddala nti tuwulira Ddoboozi lya Katonda, okuva eri Katonda yennyini. Y’engeri YOKKA etuukiridde.

Obuweereza tebulina kukoma bukomi ku kujuliza na kubuulira Bubaka buno, tulina okuzza nnya Eddoboozi lya Katonda ku ntambi eri abantu. Tewali KUFUKIBWAKO MAFUTA KUKULU okusinga okuwulira Ddoboozi lya Katonda. Tewali ngeri ndala yonna gye tuyinza kumanya awatali kisiikirize kya kubuusabuusa kye tuwulira kyekyo DDALA Katonda kye yayogera.

Mu lunaku luno, nga tewali lunaku lulala mu byafaayo by’ensi, Katonda ataddewo ekkubo erikiletera obutasobora kukisubwa, bw’oba oli Mugole We Eyateekebwateekebwa. Kikakasibwa era ne kibikkulwa Empagi y’Omuliro yennyini okuba Eddoboozi lya Katonda lyennyini ng’ayogera butereevu eri Ekkanisa Ye.

Okuyita mu byaasa byonna, abaana ba Katonda beegombanga era n’okulumwa enjala okuwulira Eddoboozi lya Katonda nga bbo. Nga baagala nnyo ssinga baaliyo ku lunaku olwo Yesu bwe yabuulira enkumi n’enkumi z’abantu abaali ku lusozi. Okuwulira engeri gye yayogeranga mu Ekigambo kye n’okwagala n’okusaasira. Okuwulira engeri gye yassa essira ku buli Kigambo. Engeri gye kyandiyogedde n’okuzzaamu emitima gyabwe amaanyi.

Tubeera kaakati mu Maaso ga Katonda nga tuwulira Eddoboozi lya Katonda.

Olunaku lumu mu bbanga ttono nnyo tetujja kuddamu kudda mu bulamu obw’ekika kino. Tujja kudda ng’ebitonde ebitafa. Ekibi kijja kuggwaawo. Sitaani ajja kusibibwa okumala emyaka lukumi era tujja kubeera ku nsi eno Mukama Katonda waffe gye yatuwa.

Tujjuziddwa 100%. Tetubangako basanyufu oba okuddamu okwebuuza mu bulamu bwaffe. Tuli Bumu naye n’Ekigambo kye. Ffe tuli Kigambo kye. TULI MU KWAGALA KWE OKUTUUKIRIDDE NGA TUSIGALA N’EDDOBOZI LYE, EKIGAMBO KYE. Ajja kuba akomawo olunaku lwonna kati okututwala awamu naye.

Webale Mukama Yesu!

Mukama Katonda wo Amazima agakubuulidde. Mukama Katonda wo Amazima agakakasizza, nga akozesa Ekigambo Kye n’Omwoyo We. “Si lwa maanyi, si lwa buyinza, wabula lwa Mwoyo Wange.” Ate, Omwoyo, “Katonda anoonya abo abamusinziza mu Mwoyo ne mu Mazima.” “Ekigambo Kyo Mazima.” Era akakasirizza ddala nti Yesu Kristo y’omu jjo, leero, n’emirembe gyonna. Abalaze Ensigo ez’akawungeezi. Azibabikkulidde, mu Kigambo. Azikakasizza gye muli, nga akozesa Omwoyo We.

N’omutima gwange gwonna mpita buli omu ku mmwe okujja okwegatta ku kitundu ky’Omugole We nga bwe twegatta okuva mu nsi yonna ku ssaawa 12:00 P.M., obudde bwa Jeffersonville, okuwulira Eddoboozi lye nga lyogera okuyita mu mubaka we malayika ow’omusanvu n’okutuleetera Obubaka: Okugezaako Okuweereza Katonda Nga Si Bw’Ayagala 65-0718M.

Ow’oluganda Joseph Branham.

Ebyawandiikibwa by’olina okusoma nga tonnawulira Bubaka:

Ekyamateeka 4:1-4 / 4:25-26
1 Ebyomumirembe 13
1 Ebyomumirembe 15:15
Zabbuli 22
Makko Omutukuvu 7:7
Yoweeri 2:28
Amosi 3:7
Malaki 3.
Matayo Omutukuvu 11:1-15
1 Abakkolinso 13:1

Obubaka: 65-0429E Okweroboza Omugole

PDF

• 26-0419 Okweroboza Omugole
• 23-0319 Okweroboza Omugole
• 21-0822 Okweroboza Omugole

BranhamTabernacle.org

Omugole Omulonde omwagalwa,

Nga tuwuliriza Obubaka buno, Okweroboza Omugole, abamu balowooza nti nnabbi ayogera bwogezi na kutulaga ku mpisa n’ekikula omusajja ky’alina okunoonya ng’alonda omukazi gw’ayagala abeere mukyala we. Ekyo kituufu, ye, naye waliwo ebbaluwa y’omukwano eya nnamaddala enkweke mu bigambo bye. By’abikkulira Omugole we bisingako wala. Katonda ayogera naye butereevu, ng’amubuulira kye yali anoonya mu Ye, n’ensonga lwaki yamulonda okuva ku ntandikwa. Yali ayagala akimanye nti Amulonze abeere MUGOLE WE SWEETHEART OMWAGALWA, gwe yali ayagala okugabana naye Obutaggwaawo.

Mu kusooka, Katonda yali anoonya Omugole eyandibadde n’Empisa ze ze zimu. Omwoyo we yennyini yandibadde yeeyolekera mu Ye. Yali ayagala Omugole eyewereddeyo ddala gyali, n’Ekigambo kye ekyasuubizibwa, okutuusa ng’Ebirowoozo byennyini ebyali mu Ye bijja kuba mu Ye. Ateekwa okubumbibwa nga Ye bw’ali.

Yali ayagala abeere omubiri gwe gube gwe gumu, amagumba ge ge gamu, Omwoyo gwe gumu, buli kimu kye kimu, nga Muffananira ddala. Bombi bafuuke OMU.

Teyandibadde na tunula yamu nsiko mu maaso ge. Tayinza kupepeya na ddoboozi eddala lyonna. Yandibadde wa mazima era omwesigwa gy’ali, ne bwe bandibadde boogera ki. Yandimututte ku Kigambo kye. Kyonna kye yayogera, YAANDIKKIRIZA BULI KIGAMBO, ne bwe kyanditutte bbanga ki okutuukirira, yandikikkirizza. Yandisigadde n’Ekigambo kye.

Yandimwagadde, era Ye yekka. Teyalina kumuwa bugagga bungi, yalina Luulu ey’omuwendo omunji, Okubikkulirwa kwe okwa nnamaddala. Yanditegedde, baali OMU era nga be bamu. Omwoyo we yandibadde abeera mu Ye. Kyonna kye yali yeetaaga, Yakimuwa; kyokka kye yalina okukola kwe kusaba n’okukkiriza, era Yandikikoze.

Omugole yali akimanyi nti ajja kuba yagenda okumala ebbanga ddene okumuzimbira ennyumba egenda okubaamu buli kimu nga kikye kububwe and nga bwakyagala. Yali agizimba mu ngeri yokka gye yandigyagaddemu. Yali akimanyi nti olunaku lumu yali agenda kudda ku lulwe, nga bwe yasuubiza, olwo bajja kuba n’ekyeggulo ky’embaga ekinene okumala emyaka lukumi. Olwo, baali bagenda wamu mu Mumaka ago amalungi ge yali amuzimbidde okubeeramu Emirembe n’emirembe.

Tewali kirala kyandibadde kikulu gy’ali. Teyandiyagadde kintu kirala kyonna. Yandibadde mumativu nnyo era nga mumativu okuba n’Okubikkulirwa ng’amanyi Bba ky’ali, era naye ky’ali. Yanditegedde nti ajja kukuuma Ekigambo kye. AJJA KUTUUKIRIZIBWA, NGA AMANYI NTI YE YALI OYO GWE YALONDA OKUBEERA MUGOLE WE.

Baganda bange ne Bannyinaze, Katonda ow’amaanyi ow’eggulu n’ensi yatunula okuyita mu buttaggwaawo era N’AKULONDA… GGWE OKUBEERA MUGOLE WE SWEETHEART OMULUNGI.

Nkuyita okujja okwegattako n’ekitundu ky’Omugole we ku Ssande eno, nga bw’ayogera ng’ayita mu malayika we ow’amaanyi n’atubulira nti tuli Mugole we Omulonde.

Ow’oluganda Joseph Branham.

Obubaka: 65-0429E / Okweroboza Omugole
Obudde: Ssaawa 12:00 P.M. Obudde bwa Jeffersonville

Ebyawandiikibwa:
Olubereberye 24:12-14
Isaaya 53:2
Okubikkulirwa 21:9

Obubaka: 65-0418E Katonda Waliwokko Lw’Akyusa Endowooza Ye Ku Kigambo Kye?

PDF

• 26-0412 Katonda Waliwokko Lw’Akyusa Endowooza Ye Ku Kigambo Kye?
• 24-0707 KATONDA WABAAWOKKO LW’AKYUSA ENDOWOOZA YE KU KIGAMBO KYE?
• 22-1218 KATONDA WABAAWOKKO LW’AKYUSA ENDOWOOZA YE KU KIGAMBO KYE?

BranhamTabernacle.org

Abaazuukizibwa Abaagalwa ,

 Engeri emitima gyaffe gye gyaseyeyezaamu ng’Empungu ku wiikendi eno eya Paasika.  Lunaku ku lunaku, okufukibwako amafuta kwe kweyongera nekweyongera.  Okusembera, Okuziika, Okutuukirizibwa, olwo okumaliriza okwamanyi kwe yali atuzimbidde: Kwe Kuvaayo Kwe Njuba… EKITIIBWA, ASUUKIDDE era mulamu mu buli omu ku ffe.   Yali abikkura ekigambo kye eri buli omu ku ffe nga bwe tutawulirangako.  Amafuta gajjuza emitima gyaffe, Okubeerawo kwe kwajjuza empewo;  kyalabika ng’Okukwakulibwa kwali kumpi.

 Yatubuulira ebyaliwo emyaka 2000 egiyise, n’oluvannyuma ebyali bigenda mu maaso kati mu 2026. Yesu ye Ssingo y’Eŋŋaano ya Katonda eyasooka eyazuukizibwa mu bafu.  Yali azuukiziddwa Amaanyi ga Katonda agazuukiza.  Katonda yali azuukizza obulamu bwe, n’amuzuukiza mu bafu, era Ye bibala ebyasooka eby’abo abebaka.  Ye yasooka okutuuka mu kukula, Ekinwa kya Katonda ekyawuubibwa ng’ekijjukizo ky’okwebaza Katonda, nga tukkiriza nti ffe abasigaddewo tujja kujja.  Kyali kabonero.

 AWO NATUBIKULIRA BIKI EBIGENDA MUMAASO LEERO.  Nga bwe yawuubibwa ku lunaku lwa Pentekooti bwe wajja eddoboozi okuva mu Ggulu ng’okuwuuba, empewo ey’amaanyi edduka n’ewuubibwa ku bantu.Kyaddamu okuwuubibwa mu maaso g’abantu nga bwe yasuubiza mu Lukka 17:30 ne Malaki 4, Omwana w’omuntu lw’agenda okubikkulibwa era n’addamu okuwuubibwa ku bantu.

 Kati, Omwana w’omuntu y’ani?  “Mu kusooka yali Kigambo, n’Ekigambo kyali wamu ne Katonda, n’Ekigambo kyali Katonda: Ekigambo n’ekyambala omubiri, n’abeera mu ffe.”  Era singa okuyigiriza kwonna kwe tulina, n’okukakasibwa okw’ekigambo kya Katonda;  olw’Ekigambo kya Katonda, olw’obubonero, olw’ebyewuunyo, tulaba leero, nti mu Kitabo kya—kya Lukka wano, nti nga bwe twaakajuliza, oba — Lukka essuula ey’ekkumi n’omusanvu n’olunyiriri olw’amakumi asatu;  ne Malaki 4, n’Ebyawandiikibwa eby’enjawulo bye tumanyi, nti Ekigambo ekyo nate kiwuubibwa ku bantu, nti obulombolombo bw’omuntu obufu bufudde, era Omwana wa Katonda azzeemu okuba omulamu n’okubatiza kw’Omwoyo Omutukuvu mu ffe ddala, era atuwa Obulamu.

 Omwoyo Omutukuvu yasiggala awuubibwa n’okuwuubibwa ku ffe, ng’abikkula n’okubikkula Ekigambo kye… Amaanyi, Enkola entuufu, amaanyi agazzukiza…

 Awo, bwe kyalabika nga Tekisobola kusingawo, Yatugamba nti:

 Yandeka okutunula okusukka olutiimbe, ne mbalaba mwenna eyo…Byonna bye wayagala, era byonna ebyakwagala, bikuwadde.”  Olaba?Nabalaba eyo mwenna bwemutyo. Kyali kiki? Amaanyi agazzukiza

 YATUULABA YO!!  Okusukka olutiimbe olw’ebiseera….twali YOO naye; na abaagalwa baffe bonnaabatusooka…ba taata, ba maama, abaana.  Twaliyo nabo n’abo bonna be tutasisinkanangako: Musa, Eriya, Peetero, Pawulo….ffenna twali eyo wamu.

 Awo, nga Omwoyo Omutukuvu omwagalwa bw’ali, teyayagala kutwerabira ffe abalwadde,  abanyigirizibwa era abakubiddwa, n’olwekyo n’addamu okuwuubibwa ku ffe buli muntu asobole okuwonyezebwa kyonna kye twali twetaaga.

 Abantu bano, nga batuuze bannaffe ab’Obwakabaka, abalina Amaanyi agazzukiza, kiwe obulamu gye bali, Mukama, kati kaakano.  Era Omwoyo agende okuva ku mpungu okudda ku mpungu, okuva mu kigambo okudda mu kirala, okutuusa obujjuvu bwa Yesu Kristo lwe bulabikira mu buli gumu ku mibiri, olw’ebyomubiri, eby’omwoyo, oba obwetaavu bwonna bwe beetaaga, nga bwe tussa emikono gyaffe ku bannaffe.  Mu Linya lya Yesu Kristo.

 Ekigambo ekyo.  Eddoboozi eryo.  BULI  kimu kye twetaaga kiri ku ntambi, Omugole.  Katonda takyusa ndowooza ye ku Kigambo kye.  Tewali katonyeze naakamu oba tittle naakamu akayinza kukyusibwa, kale yakola engeri Omugole we gye yali asobola okuwulira n’amatu gaabwe DDALA ekyo kye yali ayagala okubagamba.

 Katonda ayogedde n’Omugole we era n’abikkula BULI KIMU.   Kikwatiddwa ku ntambi.  Omugole alina okujja eri Omugole omusajja;  elyo ly’Ekkubo lye erituukiridde eryaweebwa erikoleddwa olwaleero.  Kiri BW’ATI BW’AYOGERA MUKAMA.

 Katonda akyusizza Endowooza ye ku Kigambo kye?  NEDDA.  Alina OKWAGALA KWE OKUTUUKIRIDDE N’OKWAGALA OKWEKYELEKELEZI.  Omugole alina okuba mu MUKWAGALA KWE OKUTUUKIRIDDE.  Tewakyaliwo  Kwagala kutuukiridde, oba ekifo ekituukiridde, okusinga okuwulira Eddoboozi lya Katonda butereevu okuva eri Katonda yennyini.

 Okuyita kwange eri buli omu ku mmwe kwe kutwegattako ku Ssande ku ssaawa 12:00 P.M., obudde bwa Jeffersonville, okuwulira Eddoboozi lya Katonda nga lituleetera Ekigambo Ekirongoofu.  Tewali kutebereza kwetagisa, tuula butuuzi era okube  AMIINA KU BULI KIGAMBO….tewali kifo kirala wekiyinzaka okukolebwamu, okujjako NNYIGA ZZANNYA YEKKA.

 Ow’oluganda Joseph Branham.

 Obubaka: 65-0418E — Katonda Waliwokko Lw’akyusa Endowooza Ye Ku Kigambo Kye?

 Tujja kutandika ku katundu 61.

 Ebyawandiikibwa by’olina okusoma nga tonnawulira Bubaka:

 Okuva essuula ey’ekkumi n’omwenda

 Okubala 22:31

 Matayo Omutukuvu 28:19

 Lukka 17:30

 Okubikkulirwa essuula ey’ekkumi n’omusanvu