Omugole Wa Kristo Omwagalwa, leka tujje wamu ku Sande ku ssaawa 6:00 (Mukaaga) ez’omu ttuntu, mu budde bw’e Jeffersonville (y’essawa 1(emu) ey’omu kawungeezi e Uganda), okuwulira 60-1205 Omulembe Gw’Ekkanisa Y’Efeso.
Omugole Wa Kristo Omwagalwa, leka tujje wamu ku Sande ku ssaawa 6:00 (Mukaaga) ez’omu ttuntu, mu budde bw’e Jeffersonville (y’essawa 1(emu) ey’omu kawungeezi e Uganda), okuwulira 60-1204E Okwolesebwa Okw’e Patumo.
Nga twagala nnyo ekigambo, OKUBIKKULIRWA! Obukulu bw’Okubikkulirwa KWONNA okw’amazima okuweebwa Omwoyo Omutukuvu eri omukkiriza ow’amazima tebuyinza kuggumizibwa kussukkawo. Okubikkulirwa kwa makulu nnyo eri Omugole n’okusinga obulamu; kubanga ku LWAZI LUNO, OKUBIKKULIRWA, ndizimba Ekkanisa yange, era olw’ekisa n’okusaasira kwa Katonda, ffe Ekkanisa ye erina Okubikkulirwa kwe okw’amazima.
Ekitabo ky’Okubikkulirwa tekigendereddwa kubeera kya buli muntu. Teri asobola kuKitegeera. Kitabo kya bunnabbi ekyawandiikibwa kulw’ekibiina ky’abantu abamu ab’obunnabbi, era nga kiyinza kutegeerwa bo bokka: FFE, Omugole wa Yesu Kristo.
Kye Kitabo kyokka Kristo kye Yeewandiikira Mwennyini mu bitabo by’omu Baibuli yonna, wabula Yakiweereza era n’Akimanyisa nga Akozesa malayika wE gwe Yatuma eri omuddu wE Yokaana. Abayigirizwa baali tebamanya mazima gano agawandiikiddwa. Gaali tegababikkulirwangako ke batuukira awo. Ne Yesu yali tasobola kubabuulira ku kifo kyE mu Go; kubanga Kitaffe yali tannakiMubikkulira.
Naye kati, oluvannyuma lw’okufa kwE n’okuzuukira kwE, era mu kigero ky’ekiseera kino kyennyini, Asobola okusoosootola Okubikkulirwa kuno okwa Ye Mwene eri Yokaana, ekitiibwa kye n’okubeerawo kwe mu kkanisa kye bitegeeza era kye bikola.
Naye ne kaakano, oluvannyuma lw’emyaka enkumi bbiri, ensi efumiitirizzanga, abasomi b’ebya Katonda beekkaanyizzanga era ne bawaddenga endowooza zaabwe ensengejje, wabula tewali alina nzivuunula ntuufu na Kubikkulirwa kutuufu okw’ebyama bino ebyawandiikibwa mu Kitabo ky’Okubikkulirwa n’okutuusa leero, okutuusa ku kiseera kino, Katonda lwe Yasindika malayika oyo yennyini ku nsi okuKitubikkulira FFE, Omugole wE gwe Yeeroboza.
Okugezaako okutegeera obunene bwakyo nti Katonda Yannonda nze, era Yakulonda ggwe; okubeera n’Okubikkulirwa okw’amazima okw’Ekigambo kyE kisukkiridde okunnyonnyolwa kw’omuntu. Wadde nga waliwo bangi abagamba nti bagoberera Obubaka era nga bagamba nti bakkiriza nti Katonda Yatuma nnabbi, tebalina Kubikkulirwa kujjuvu mu kumanya ekiva mu butafuula Ddoboozi lye eddoboozi erisinga obukulu lye BATEEKEDDWA OKUWULIRA. Okubeera n’Okubikkulirwa kuno okw’Eddoboozi lyE mu lunaku luno ddala ye Luulu eri ey’omuwendo omunene.
Katonda alonze ffe nga ab’okubikkula OKUBIKKULIRWA okwo OKW’AMAZIMA eri bo. N’olwekyo, ffe KKANISA Ye EYA NNAMADDALA, eggye lye li Mutawangulwa Sitaani ly’atabeerera wa maanyi mu maaso gaalyo, era ebigendererwa bye we biyingibwa mu ngeri emalamu amaanyi. Nga tulina Okubikkulirwa kwE okw’amazima mu bulamu bwaffe, emiryango gy’emagombe tegirina ngeri gye gituyinza, wabula tuligiyinza. TEWALI KINTU kiyinza kutwesimba mu maaso.
Okubikkulirwa okw’amazima era okujjuvu okw’olwaleero kwe kutegeera obukulu bw’Eddoboozi lya Katonda ery’olunaku lwaffe. Bwe kiba nti okugenda mu kkanisa, okubeera ow’ekkanisa, okwewaayo, okusaba, n’okusinza Katonda bye byonna Katonda by’Atwetaaza, olwo Katonda aba teyali mwenkanya okusingisa Kayini omusango olw’okukola ekyo kyennyini kye Yamugamba okukola.
Kino Eddoboozi eriri ku ntambi kye litegeeza gye tuli:
Okubikkulirwa kw’ekintu kyonna nga kuteekeddwa emabega wano nga kujjirako n’omukisa eri oyo aKusoma n’aKuwulira, era nga kujjirako n’ekikolimo eri abo abanaakwongerako oba okukitoolako. Ye ssemateeka mu bulambirira, oh, abusoluuti oyo. Mpaawo kiyinza kwongerwa ku Kwo. Era omuntu bw’agezaako okuKisonjolamu ekintu kyonna, oba okuKinyigamu ekintu kyonna, Katonda Yagamba nti oyo yennyini alimuggyako omugabo gwe mu Kitabo ky’Obulamu. Okiraba? Wa kuggya omugabo gwe mu Kitabo, singa aba akyongeddeko.
Nga bwe kitabangawo, Katonda ataddewo ENGERI ENTUUKIRIVU ey’obutongerako yadde okutoola ku Kigambo kye. Atuwadde omukisa okuwulira Eddoboozi lyE nga bw’Ayogera n’okutubikkulira ekigambo kyE. Mu ngeri ennyangungu tewayinza kubaawo kintu kyonna kisinga ekyo.
Kuno kwe KUBIKKULIRWA OKUTUUFU okw’olunaku luno.
Ndi musanyufu nnyo era nga ndi wansi wa kusuubira okw’amaanyi olwa byonna Mukama by’Atutegekedde nga bwe tuwuliriza, nga tusoma, era nga tuyiga n’okwetegereza Emirembe gy’Ekkanisa Omusanvu. Katonda Yakiwandiika, n’Atuma malayika wE okuKimanyisa eri Yokaana, olwo n’Atulinda okubeera wano ku nsi mu kaseera kano kennyini asobole okututumira malayika oyo yennyini okuKibikkula!
Tewabangawo kiseera kya kitiibwa mu byafaayo by’ensi okusinga leero. Tewabangawo kussibwamu kitiibwa kwa waggulu mu muntu okusinga okufuna omukisa okwewulirira Eddoboozi lya Katonda ku bwabwe. Tewabangawo kiseera Omugole wE lwe yali asobodde okugattibwa awamu nga akozesa Eddoboozi lyE bonna mu kiseera kye kimu.
Mubeere beetegefu, Katonda agenda kutuwa Okubikkulirwa okusingawo ku Ye n’ekyo kye tuli: Eggye lye li Mutawangulwa, Omukyala wE Omulonde gwe Yeeroboza, ow’oku mutima gw’alindiridde okuva ku ntandikwa y’ebiseera.
Ekyo tewali kiyinza kukituggyako. Kisudde ennanga mu mitima gyaffe ne mu mmeeme zaffe nga bwe kitabangawo. Kati kifuuse ekya nnamaddala ekiri mu kutuwa Okuyimusibwa okw’amaanyi ennyo mu Kukkiriza.
Tugenda kutandika olugendo lwaffe olw’amaanyi ku Ssande eno ku ssaawa 6:00 (Mukaaga) ez’omu ttuntu, mu budde bw’e Jeffersonville (y’essawa 1(emu) ey’omu kawungeezi e Uganda), nga bwe tuwulira Obubaka obusooka: 60-1204M Okubikkulirwa Kwa Yesu Kristo.
Nnandyagadde okukukubiriza okufuna ekitabo kyo eky’Emirembe gy’Ekkanisa Omusanvu, okisomere mu mbeera ensirifu mu kisenge kyo era oyige nga weetegereza, ssuula ku ssuula, buli wiiki. Tugenda kuba tugattiddwa mu bumu nga tuwuliriza Eddoboozi lyE, awo ne tusoma Ekigambo kyE.
Naye bw’olaba obulimba bw’omulabe leero, tetubangako na kiseera kyenkana na kino kye tulimu kaakati. Lwe lunaku olukyasinzeeyo mu bukalabakalaba, n’obulimba. Kale bwe ndaba ebyo, bireeta kino, nti, Omukristaayo alina okwongera okubeera bulindaala leero okusinga bwe yali abadde mu mulembe omulala gwonna.
Ow’oluganda Branham ebigambo bino yabyogera eri Omugole kumpi emyaka 61 egiyise okutuusa kati. Obulimba bw’omulabe emyaka 61 egiyise bwali butya bw’ogeraageranya ne kati? Okukiteeka mu ngeri ey’enjawulo, tekinologiya w’ensi yali atya emyaka 61 egiyise bw’ogeraageranya ne bw’ali leero?
1961 ye yali entandikwa y’empaka wakati w’Amerika n’amawanga amasoviyeeti okwefuga obwengula bw’ensi, kompyuta gaali guuma ga mujjula-bisenge agaakolenga ku bipiira ebisikemu omukka n’agapapula agawummulemu ebituli okuterekamu amagezi gaazo nga zino zeetaagisanga bannassaayansi abakugu okuziruŋŋamyanga ku ky’okukola. Amasimu gaatindirwanga ku bisenge era nga geeyambisanga waya za kkopa enjokyereko ate eza analoogo, ebibyuma ebinene ebyongezaayo amaloboozi, ebyuma ebiwandiika ennukuta nga bya kunyigisa maanyi, ebitereka amabaluwa n’empapula nga bya mukono-mukono n’obuuma obubala ennamba nga si bwa masannyalaze.
Naye leero tulina Omutimbagano, sisitiimu ezitegeerera kompyuta (E Ayii) ezisobola okutondawo ebifaananyi, okuwandiika, n’okuyambako mu mirimu nga eno okola ebirala. Ebizungirizi eby’abantu ba ssekinnoomu nga gigenda ku mmunyeenye Maazi wabweru w’ensi, amasimu ga kalimagezi agaja mu nsawo y’olugoye lwo, essaawa zi kalimagezi, n’ebyuma eby’abantu nga ba sekinnoomu ebijja amaanyi ku bitimba bi mibuna-nsi awatali waya ebiyungirawo obuwumbi n’obuwumbi bw’abantu nga bitambuza eddoboozi, obubaka obuwandiike n’ebifaananyi ebitambula. Ebyuma bi Loboti ebiyambi.
Obukalabakalaba n’obulimba bw’omulabe buli nga bwebutabangako emabega. Ensigo embi eya Sitaani ekuze mu bujjuvu era etonzeewo olusuku Adeni olwa Sitaani. Wabula mu kiseera kye kimu, Katonda alina Omugole akuze mu bujjuvu, Ezzadde lye eddangira eryeteeseteese nga Lituula mu maaso g’Omwana wE, Ekigambo kyE, Eddoboozi lyE.
Katonda Yakimanya nti Yalina okuteekawo engeri y’okuyimirizaawo Omugole wE mu mulembe guno ogw’obulimba, omubi. Engeri etuukiridde gye batandyetaaze kwebuuza, kuteebereza, oba okutwala ekigambo ky’omusajja yenna nti ky’Ekigambo ekituufu ekitatabikiddwamu birala. Yamanya nti bajja kwetaaga okwewulirira Eddoboozi lya Katonda nga bo, kubanga Yatulabula nti kijja kuba kisembereganye nnyo kiririmba abalonde bennyini oba nga kiyinzika.
Abantu bayinza okuba nga bafukibbwako amafuta, nga bajjuziddwa Omwoyo Omutukuvu, ne baba nga ba bulimba. Yalina okuteekawo ekkubo. Bw’Atyo, Yakolera Omugole wE EKKUBO ETTUUKIRIVU, eryandirabise ng’eritasoboka bwe Yatandika okukwata Eddoboozi lyE ku lutambi mu 1947; kisoboke okuba nti nga bakwatako bukwasi n’olunwe lw’olugalo lwabwe, ensi erisobola okwewulirira bo buli Kigambo kye Yayogera, ne mu lulimi lwabwe bo. Waali tewajja kubaawo BIBUUZO, MPAAWO KYEWUUNYA. BAJJA KUSOBOLA OKUWULIRA BW’ATYO BW’AYOGERA MUKAMA KU BWABWE.
Atuuse n’okukola engeri gy’Ayinza okugatta Omugole wE okwetoloola ensi yonna okuwulira Eddoboozi lyE, bonna mu kiseera kye kimu, basobole okuba mu ndowooza emu, mu kukkaanya kumu, nga baMuwulira ng’Ayogera.
Yalina okutwala omubaka wE, wabula Yalekawo Eddoboozi lyE, Ekigambo kyE ekituukiridde eri Omugole wE Atuukiridde. Nga bawulira era ne basigala n’Eddoboozi lyE, banditegedde nti tebasobola kulimbibwa.
Era kiikino wano: Bw’atyo Katonda bw’ateekawo Ekkanisa Ye, buli Kigambo kyonna n’embala y’akyo! “Omuntu taabenga mulamu na mmere yokka, naye na buli Kigambo ekiva mu kamwa ka Katonda.”
Tukimanyi kino kwe kukkiriza buli Kigambo Omwoyo Omutukuvu ky’Ayogera, naye gyendi, mpeereddwa ekitiibwa ekisinga obunene ekyali kiweereddwa omuntu. Nsobola okuwulira, n’amatu gange, EDDOBOOZI erya nnamaddala nga LYOGERA buli Kigambo ekiva mu kamwa ka Katonda.
Tewali ngeri ndala ku lwange. Katonda ataddewo engeri nnyingi ez’okulokolamu abaana bE, wabula ku lwange, Katonda ataddewo ENGERI ETUUKIRIDDE EY’OKUTUUKIRIZAAMU OMUGOLE WE.
Leero, Sitaani ali mu kunyoola ekitundu ekyo eky’Ekyawandiikibwa ekikwata ku mulembe guno gwennyini. Ajja kukuleka otegeere nti byonna Yesu bye yakola tebyaliko nsobi yonna. Ajja kukuleka otegeere nti byonna ow’oluganda Branham bye yakola tebyaliko nsobi yonna, era yali nnabbi wa Katonda. Naye bwekituuka ku kuzannya Eddoboozi lya Katonda eryakakasibwa obutalekaawo kabuuza lyennyini mu kkanisa yaabwe, bajja kugamba nti ekyo tekikola leero, buweereza bwe buliko.
Omukulembeze wo ow’omwoyo atumbula ki mu kkanisa yo? Ddoboozi ki erisinga obukulu Omugole ly’alina okuwulira leero? Osobola okuba ne Major emu yokka. [Major – eky’essira erisingako ku birala].
A: Eddoboozi ly’obuweereza? B: Eddoboozi lya Katonda ku ntambi?
Era Omugole leero aggibwa mu Mubiri gwa Kristo, nga akola era ng’akolera ddala nga bwe Yayogera nti bwe Gulikola ku lunaku luno, Omugole, Nnabagereka; Kabaka ne Nnabagereka.
Yesu bwe yafuuka Ekigambo ekyo kyonna, olwo naffe twali kitundu Kye MU KISEERA EKYO. Tewali ssitaani, tewali maanyi, tewali kintu kyonna ekiyinza okutuggyako ekyo. Eyo ye mpagi ey’emmeeme.
Nga kudda bujja Omugole kw’alina na buli Bubaka bwe tuwulira bwe kuli okw’ekitalo. Kisukka ku bigambo eby’omuntu okukinnyonnyola. Tewali kisikirize na kimu kya kubuusabuusa, Katonda yatulonda era n’atuwa Okubikkulirwa OKW’AMAZIMA okw’Ekigambo Kye eky’olunaku luno. N’olwekyo, tumanyi ffe baani, Nnabagereka We.
Eddoboozi lya Katonda nga lyogera n’Omugole We ku Ntambi lituukiriza Omugole We. Tewali buweereza bulala, tewali ddoboozi ddala; tewali kintu ekiyinza okutuukiriza Omugole We okuggyako Katonda Yennyini ng’ayogera okuyita mu mimwa gy’omuntu butereevu eri Omugole We. Abalala bayinza okwagalira ebikolaanga, naye Omugole We tajja kumatira ku kirala kyonna okuggyako EDDOBOOZI LYE, ebbaluwa Ye ey’omukwano eri Omugole We; kubanga Endiga Ze zaagala okuwulira Ddoboozi Lye lyoka.
Abantu bagamba nti tussa nnyo essira ku nnabbi. kyewuunyisa nnyo nti abantu tebakkiriza nti Kitaffe ow’omu Ggulu Omukulu Yennyini yali afaayo nnyo ku malayika We n’ateeka obukulu obwenkana awo ku buli kimu ekimukwatako; engeri gye yayambalanga, engeri gye yeeyisangamu, empisa ze, engeri gye yakolanga ebintu.
Yamwambaza n’engoye ez’ekika kye yayambalanga; obutonde bwe, ebyo bye yayagalanga okutuukiriza, buli kimu nga bwe kyalina okuba, nga kirondeddwa bulungi ddala Katonda Yennyini ku lwaffe… ate ne bagamba nti tussa nnyo essira ku nnabbi.
Eri ffe, Eddoboozi eriri ku Ntambi si kigambo kya muntu, wadde okugerwa muntu, Oba kuleetebwa muntu, oba okubikkulirwa muntu. Kye Kigambo kya Katonda ekyabikkulirwa Katonda Yennyini, Yeye vvunnulira, Kristo ng’eyeebikkula Mu Kigambo Kye Yennyini.
Kino kye Kigezo kya Litmus kulwo kwawula okukulu eri mu Omugole wa Kristo leero abagamba nti balina Okubikkulirwa okw’amazima okw’Obubaka buno obw’ennaku ez’enkomerero.
Amakulu ga Litmus Test: Ekintu kimu, ekisala ensonga, ekibuuzo, oba ekibaawo ekiraga amangu obutonde obw’amazima, omutindo, oba ekifo ky’ekintu (oba eky’omuntu).
Leka nsooke njogere nate nti, nzikiriza mu buweereza obw’amazima obwayitibwa Katonda. Waliwo obwetaavu, n’ekifo, eri buli ofiisi. Ebyawandiikibwa byogera nti obuweereza bw’abasajja bano bwa kutuukiriza abatukuvu, naye tebwogera nti buli buweereza bwa mitendera etaano bulituukiriza abatukuvu. Ow’oluganda Branham atutegeeza bulungi nti obuweereza mu buli mulembe bukyama okuva ku kkubo, kale bo bandiyinzizza batya okutuukiriza Omugole?
Waliwo ababuurizi bangi nnyo, abayigiriza, abatume ne bannabbi ababuulidde nti bakkiriza Obubaka buno obw’ennaku ez’enkomerero era nti Ow’oluganda Branham ye yali Eddoboozi lyo Okubikkulirwa 10:7, naye kaakano bagamba nti kya bulimba, nti mulimba, era nti ffe tuli ekibiina eky’eddiini.
Bano baali baweereza abaassibwamu ekitiibwa nnyo nga balina ebibiina ebinene, abaali batambula ensi yonna nga baweereza. Baali batwalibwa ng’abakulembeze abakulu mu buweereza obw’emitendera etaano, nga babuulira mu nkuŋŋaana ennene ne mu makanisa okwetoloola Amerika. Baalina obuweereza obukulu mu maaso g’abantu, era abantu baabagobereranga era nga bakkiriza nti baali basajja ba Katonda abakulu.
Ate waliwo abaweereza leero abamanyiddwa ennyo ng’abaweereza ab’amazima ab’emitendera etaano abagamba nti bakkiriza Obubaka buno nga babujuliza era nga babubuulira, naye era bagamba nti Obubaka buno si kye kyenkomeredde . Ennaku z’Obubaka bw’omuntu omu zaggwaako. Kaakano obuweereza obw’emitendera etaano bwe bulina okutuukiriza Omugole, era nti kikyamu okuzannya Entambi mu kkanisa, okujuliza ebigambo bitono.
Tumanyi nti walibaawo abafukibwako amafuta ab’obulimba mu biro eby’enkomerero; nnabbi yatulabula okubeegendereza. Obuweereza bwabwe buliba bufukiddwako amafuta. Baliba n’Omwoyo Omutukuvu, n’olwekyo balinokola Obubaka bw’essaawa eno. Baliba BA SSEMBEREDDE NNYO ne kiba nti kyandilimbye n’Abalonde ddala singa kyali kisoboka.
Abo SI madiini. Tebaayinza na kutandika kulimba Balonde. N’olwekyo, kirina okuba nga kisembedde nnyo okusinga awo. Kino tekitegeeza nti BURI muweereza yenna yakyama okuva ku kkubo, nedda ddala. Waliwo abasajja ba Katonda abakulu ababuulira era abayigiriza amazima, naye waliwo ekintu buli mukkiriza ky’alina okutegeera era ne yeebuuza:
Omuweereza gw’ogoberera ayinza okukola ensobi? Osobola okw’ogera nti Amiina eri buli kigambo ky’abuulira? Okkiriza nti buli Kigambo ky’ayigiriza kiri “Bw’Atyo Bw’Ayogera Mukama”? Eddoboozi lye lye Ddoboozi erisinga obukulu ly’olina okuwulira? Ayinza okubuulira ekintu ekikyamu? Ayinza okukyama ne bwaba nga amaze emyaka 30 ng’abuulira Obubaka? Ayinza okulemererwa? Ayinza okukugamba ebintu ebikyamu? Ayinza okulimbibwa?
Kaakano weebuuze ebibuuzo bye bimu ku Ddoboozi lya Katonda eryakakasibwa ly’oyinza okuwulira ku Ntambi.
Obubaka obuli ku Ntambi buyinza okukola ensobi: NEDDA Osobola okukkiriza era n’ogamba nti AMIINA eri buli Kigambo kya yogera? YEE Buyinza okulemererwa? NEDDA Buyinza okubuulira ebintu ebikyamu? NEDDA Buyinza okukugamba ekintu ekikyamu? NEDDA Osobola okwesigamya obulamu bwo obutaggwaawo ku buli Kigambo ky’owulira? YEE!!! Lye Ddoboozi lya Katonda? YEE
Lwaki njogera ebintu bino? Kulaga nti ABANTU BONNA bayinza, era bakola, ensobi, naye EDDOBOOZI LYA KATONDA eriri ku Ntambi teriyinza kukola nsobi. Eyo y’ensonga lwaki Lye DDOBBOOZI ERISINGA OBUKULU LY’OLINA OKUWULIRA. Eyo y’ensonga lwaki obuweereza bulina okuzannya Entambi mu makanisa gaabwe. Eyo ye NGERI YA KATONDA ETTUUKIRIDDE GYE YATEEKAWO eri Omugole We.
Mazima, nzikiriza nti osobola okuwulira abalala, naye Ddoboozi lyokka LY’OLINA OKUWULIRA era n’okkiriza buli Kigambo lye Ddoboozi eriri ku Ntambi. Eryo lye DDOBBOOZI LYOKKA lye tusobola okugamba nti AMIINA eri buli Kigambo.
Ekyo kye kiragiro kya Katonda, olina okukkiriza buli Kigambo, era Ekigambo ky’owulira ku Ntambi kye KIGAMBO KYOKKA ekyakakasibwa n’Empagi y’Omuliro okuba amazima. Katonda yagamba nti William Marrion Branham ye Muvvuunuzi ow’Obwakatonda yekka ow’Ekigambo Kye, kubanga si kigambo kye, Kigambo kya Katonda.
Tokyusangako n’akatonnye oba akabonero. Tewali muntu atuukiridde bwa atyo; Eddoboozi lya Katonda lyokka lye lituukiridde bwe lityo. Ne bwe tuba nga tetutegeera kye tuwulira, tulina Kukkiriza bukkiriza nti eryo lye Ddoboozi lya Katonda eryakakasibwa eri Omugole We.
Abantu, nga n’obuweereza bwe butyo, baagala ebikolanga leero. Osobola okulowooza ku muntu okukola omuweereza kye bakola Ow’oluganda Branham?… “Nja kukuwa ddakiika 30, olwo olina okumariliza, kubanga nnina obubaka bwe nneetaaga okuleeta. Osobola okuwulira Entambi ekiseera kyonna. Mmanyi ekibiina kino kye kyetaaga okuwulira ekituukana n’ennaku zino.” Abasinga obungi tebayinza na kuzannya kitundu na kimu ku Ntambi, era bagamba nti kikyamu okuzannya Eddoboozi lya Katonda mu makanisa gaabwe.
Omuntu yenna nga ali mu endowooza ze entuufu ayinza okulowooza ku muweereza anaaleeta obusonga, ensonga bwonna, obutazannya Ddoboozi lya Katonda mu kkanisa ye kubanga akkiriza nti alina okubuulira? Bakyogera, naye tebakkiriza nti lye Ddoboozi lya Katonda, kubanga singa baakikkiriza, tebaandifunye nsonga yonna obutazannya Ntambi.
Omuntu ayinza atya okugamba nti akkiriza nti lino lye Ddoboozi lya Katonda naye n’atayagala kulizannya mu kkanisa ye? Abantu abagamba nti bakkiriza nti lye Ddoboozi lya Katonda eryogera bayinza batya obutalagira basumba baabwe kuzannya Ntambi mu makanisa gaabwe? Kubanga balina omwoyo gwe gumu.
Tobeera Nikoodemo n’ogamba nti, “Nkilaba era nkikkiriza. Ye Mwana w’Omuntu nga Yeebikkula mu mubiri gw’omuntu. Kiri ‘Bw’Atyo Bw’Ayogera Mukama.’ Bwe Bubaka obutuukiridde. Lye Ddoboozi lya Katonda eriri ku Ntambi, naye sisobola kukakanya buweereza bwange ne ŋŋamba nti Eddoboozi lisinga obukulu eri ekkanisa yange okuwulira.”
Ab’oluganda ne bannyinaze, muyinza obutakkiriziganya nange ddala ku kino. Ssibasabye kukola bwe mutyo. Ekintu kyokka, mukifumiitirizeeko. Kye mumbuulira, nange ndikirowoozaako. Abaweereza bwe bagamba ekkanisa yaabwe nti tebakkiriza kuzannya Ntambi mu makanisa gaabwe, tewali buzibu, muganda wange. Mu baliise bye mwagala okubaliisa.
Ngezaako nnyo nga bwe nsobola okusigala nga ndi mutuufu eri Ekigambo, kubanga endiga tezeetaaga kirala kyonna okuggyako emmere y’endiga era tukkiriza nti Eddoboozi eriri ku Ntambi ye Mmere yaffe ey’Endiga. Ekyo kye kitubezaawo: buli Kigambo ekifuluma… si Kigambo kimu buli luvannyuma lwa kiseera; naye buli Kigambo ekifuluma mu kamwa ka Katonda ekyayogerwa ku Ntambi; ekyo kye kitubezaawo.
Katonda ansonyiwe nammwe nsaba munsonyiwe bwe ba banyiiziza oba bwe ba jogedde ekintu ekikyamu. Kino kye kintu kyokka kye tukkiriza era kye tulaba okuba Amazima ge tubeerelawo. Katonda atuwadde ENGERI ETUUKIRIDDE okuwuliramu Eddoboozi Lye era tukyagala.
Nga bulijjo, mpita buli muntu ayagala okwegatta naffe okuwulira Eddoboozi Eryo mu kiseera kye kimu, okwegatta naffe ku ssaawa 12:00 ez’emisana, mu budde bwa Jeffersonville, gye tunaaba nga tuli Kimu nga tuwulira: 65-0822M Kristo Abikkuliddwa Mu Kigambo Kye.
Okuzaalibwa Okuggya ye Kristo; kwe kubikkulirwa. Katonda akubikkulidde ekyama kino ekikulu, era ekyo kwe Kuzaalibwa Okuggya. Kale ogenda kukola ki bw’onokuŋŋaanye ekibiina ekyo kyonna awamu awo okubikkulirwa bwe kukwatagana obulungi,
Katonda akuŋŋaanya ekibiina Kye kyonna eky’Empungu mu kukwatagana okutuukiridde, ng’abikkula Ekigambo Kye eri Omugole We.
Engeri ya Katonda ey’okuba ne kabaka, nga Dawudi bwe yali, yali ntuufu, era nga balina endowooza emu ng’eteeredde ku kintu kimu. Nga omukulembeze omu n’ekibinja ky’enbaata z’okumazzi, oba ebirala, toyinza kutwala bbiri oba satu ku zo. Olwo ojja bitabula byonna wamu, ojja kufunamu buli kika kya ndowooza.
Tebateekwa kukikakasa mu bya ssaayansi, oba okubuuza Omusaddukaayo oba Omufalisaayo, oba ekintu ekirala kyonna, ku kyo. Nakyogera, ne bakkiriza, kubanga endiga Zange ziwulira Eddoboozi Lyange.
Eddoboozi eriri ku Ntambi eri Omugole Wo kye ki?
Lino lye Ddoboozi lya Katonda mu ngeri y’ennukuta, kubanga lino lyennyini kwe kubikkulirwa kwonna okwa Yesu Kristo, Endagaano Enkadde n’Empya nga ziteereddwa wamu. Amiina. Awo we muli.
Entambi zikyali nkulu leero?
Mmanyi nti, bwe ndimala okuva ku nsi eno, Entambi ezo n’ebitabo ebyo birisigala nga biramu, era bangi ku mmwe abaana abato mulizuula, mu nnaku ezijja, nti kino ddala ge Mazima,…
“Buli aligattako ekigambo kimu ku Kino, oba n’aggyako Ekigambo kimu ku Kyo.” Olina okuba n’ekyenkomeredde awantu wonna.
N’olwekyo, ekyenkomeredde kyaffe kirina okuba Ekigambo kya Katonda. Watubikkulira nti Ekigambo kya Katonda n’Eddoboozi lya Katonda kye kimu. Eddoboozi bye birowoozo bya Katonda ebyayogerwa, nga bwe Yakola okuyita mu bannabbi bwe Yawandiika Bayibuli; naye mu lunaku luno olw’enkomerero, Yakuuma Ekigambo Kye, Eddoboozi Lye, nga Aririkoodinga era n’Ariteeka ku Ntambi. Kale, Eddoboozi Lyo eryayogerwa ku Ntambi kye kyenkomeredde eri Omugole.
Abantu tebalowooza nti kikulu ozannya Eddoboozi mu kkanisa yaabwe leero. Bayigirizibwa mu makanisa gaabwe nti Ow’oluganda Branham teyagamba kuzannya Ntambi mu kkanisa, kyokka beetaaga okuwulira Muweereza ow’obuweereza nga buulira era nga bujuliza Ekigambo.
Era singa ekkanisa yo kye kyenkomeredde gy’oli, tofaayo muntu yenna ky’ayogera. Ekyo kye kyenkomeredde kyo. Ai Katonda, nyamba kino kinnyikire! Gye ndi, ekintu kyonna kikyamu. Ekigambo kya Katonda kye kyenkomeredde. Buli Ekigambo kye kyogera, ekyo kyekiba ekituufu.
Yali abalindiridde okumuyita. Ekyo ky’Alindiridde akawungeezi kano, nti omuyite. Weetegereze, abayigirizwa abo bwe baamuyita mu kussekimu kwabwe ku mmeeza,
Omuntu yenna ayinza atya okwogera, okw’ejjako omusango oba okuleeta ensonga, ng’agamba nti akkiriza Obubaka buno obw’ennaku ez’enkomerero, obutazannya Ntambi mu makanisa gaabwe nga te balina omukisa okuwulira DDOBBOOZI DDALA ELYA KATONDA? Bye Bigambo Katonda bye Yayogera okuyita mu mimwa gy’omuntu ng’afukiddwako amafuta, nnabbi We. EDDOBBOOZI LYOKKA eryakakasibwa n’Empagi y’Omuliro, eryakakasibwa olw’okumanya ebyama eby’omu mutima, eryakakasibwa n’obubonero n’eby’amagero, nti LYE Ddoboozi lya Katonda eri omulembe guno.
Omuntu ayinza atya okuleeta ENSONGA YONNA, ennyonnyola yonna, oba obutaba na kwagala okuwulira Eddoboozi lya Katonda buli lwe bakuŋŋaana?
Mukama, leka nneme okutwala Eddoboozi Lyo eriri ku Ntambi ng’ekintu ekya bulijjo. Leka mbe nga mbuulira ensi nti LYE DDOBBOOZI LYOKKA lye beetaaga okuwulira. Leka mbe nga njulira eri Omugole Wo nti BYONNA BYE BETAAGA LYE DDOBBOOZI LYO ERIRI KU NTAMBI.
Twagala okussa ekimu. Twagala okw’ogera kko era n’okujulira Ekigambo Kyo, naye tewali kintu kikulu ky’owandiyinziza okukolera Omugole Wo okusinga okumuwa Ekigambo Kyo ku ntikko y’Ekigambo, Okubikkulirwa kw’Eddoboozi Lyo, era n’okutegeera KYE TULI, OMUGOLE WO OMWESIGWA.
Nga bwe nnyinza okugenda mu maaso n’okwogera ku kubikkulirwa okukulu Katonda kw’atuwadde. Tekuliko komo ; naye ekisinga obukulu kye nnyinza okukola kwe kukuyita ojje weewulire wekka Eddoboozi lya Katonda awamu n’ekitundu ky’Omugole ku Ssande ku ssaawa 12:00 ez’emisana, mu budde bwa Jeffersonville, nga tuwulira: 65-0815 – So Tokimanyi
Omugole wa Kristo omwagalwa, ka tukunŋŋaanire wamu ku Ssande ku ssaawa 12:00 P.M., mu budde bwa Jeffersonville, okuwulira 65-0801E Ebigenda Mumaaso Ng’Obunabbi Bwabirambulula
Emitima gyaffe gyajaguza nnyo bwe twawulira Malayika We ow’amaanyi ng’alangirira nti tuli Nsigo ya Katonda eyategekebwa edda etasobola kukola kirala kyonna okuggyako okugoberera Eddoboozi Lye. Kino gye tuli kisinga obulamu bwennyini. Basobola okutwala obulamu bwaffe, naye tebasobola kutwala Ddoboozi Lye. Tuli Omu n’Ekigambo Kye. Tuli Omu n’Eddoboozi Lye. Tuli Omu Naye.
Kirabika kyewuunyisa nnyo gye tuli nti tetutegeerwa bulungi era tusekerebwa kubanga twogera nti tukkiriza okuzannya entambi; nti eryo lye Ddoboozi lya Katonda eryogera n’Omugole We. Sitaani alimbye nnyo abantu okutuusa lwe balowooza nti olw’okulangirira nti tuli kkanisa ey’entambi, kiba kintu ekiri ebweru w’Ekigambo, ekikyamu, era nti tukulembedwa bubi, ate nga mu butuufu elyo lye kkubo lya Katonda erituukiridde ryawadde Omugole We.
Singa Katonda teyawa Omugole We ekkubo mw’asobolera okuwulira buli Kigambo nga ye, olwo waandibaddewo engeri endala. Naye Yateekawo ekkubo buli muntu ku nsi okufuna omukisa okuwulira Ekigambo kyogera gy’ali butereevu nga tekyetaagisa kuvvuunulwa, kunnyonnyolwa, oba kutereezebwa. Byonna biri BW’ATI BW’AYOGERA MUKAMA…KISEERA!
Ffenna tukkiriza nti tulina okusigala n’Ekigambo okusobola okuba Omugole We.
Nzikiriza nti buli kintu kye twetaaga kiwandiikiddwa wano, kyetaagisa bwetaagisa kuvvuunulwa Omwoyo Omutukuvu. Ssikkiriza nti waliwo omuntu yenna ku nsi alina olukusa okuteeka okuvvuunula kwe ku Kigambo. Katonda teyeetaaga muntu yenna kuvvuunula Kigambo Kye. Ye yeyevvuunulira. Yagamba nti Ajja kukikola, era Akikola.
Mu bulaabbulukuffu, Mukama ayogedde era n’abikkulira Omugole We nti tewali kkubo ddala lyonna ery’okuba Omugole We omulonde okuggyako okusigala n’Ekigambo Kye. Katonda yennyini avvuunula Ekigambo Kye, era tewali muntu alina ddembe kwongerako kuvvuunula kwe ku Kyo.
Ekigambo era kigamba nti Nnabbi We ye muvvuunuzi w’Ekigambo Kye. Ye lye Ddoboozi lya Katonda eri abantu. Ky’ayogera kye Kigambo eky’omulembe gwaffe.
Nga tuwuliriza Eddoboozi lya Katonda ku ntambi, ffe bunnabbi Obutuukiriziddwa.Tewali kintu kya maanyi nnyo, kya butukuvu nnyo, kituukiriza nnyo, kituukirifdde nnyo ng’okuwuliriza Eddoboozi lya Katonda eryakakasibwa nga lyogera naawe.
Abalala bayinza okwogera nti tewali kintu kyonna mu kino, empungu zikuŋŋaana ne zisanyuka ne ssanyu eringi nnyo, nga zirina obukakafu nti zikuuma Kigambo kya Katonda. Yatugamba nti bw’oba n’ekyuma ekikwaata entambi, kuŋŋaanya kuŋŋaanya ekibiina ky’abantu, ozannya olutambi, era owulirize bulungi. Olw’ekisa Kye n’okusaasira Kwe, ekyo ddala kye tukola.
Katonda yatuyita okuva mu mulembe guno omubi olw’Erinnya Lye. Tuyita mu kugezesebwa n’ebikemo bingi nnyo nga tebibangawo. Sitaani ali ku lutalo kubanga amanyi nti obudde bwe buli kumpi okuggwaako. Oyinza okwebuuza nti, nnyinza ntya okuyita mu bintu bino byonna ate nga ndi Mugole We?
Oli mu kulabisibwa, okugezesebwa, era ng’okakasa eri Sitaani nti, FFE TULI MUGOLE WE. Ffe tuli Kigambo mu mubiri. Tusobola okwogera Ekigambo era ne kituukirira. KIRI BW’ATI BW’AYOGERA MUKAMA.
Tulina Eddoboozi lya Katonda nga lyogera butereevu eri Sitaani nga limugamba nti:
“Sitaani, owanguddwa. Oli mulimba. Era ng’omuweereza wa Katonda, era ng’abaweereza, tukulagira mu Linnya lya Yesu Kristo, nti ogondere Ekigambo kya Katonda, era ove mu bantu, kubanga kyawandiikibwa nti, ‘Mu Linnya Lyange baligoba emizimu.’”
Buli kye twetaaga…BULI kye twetaaga, twetaaga bwetaazi kusaba, okukkiriza era n’okusigala wo. Kiyinza okulabisibwa amangu ago; kiyinza okutwala wiiki, omwezi, oba omwaka. Tetufaayo kye tulaba oba kye tuwulira, KYAKOLEBWA MU KISEERA EKYO KYENNYINI.
Buli lukuŋŋaana lwe tukuŋŋaanamu lweyongera obukulu n’obulungi eri Empungu za Katonda. Tukuŋŋaanye mu ndowoozo emu ne mu mwoyo gumu, nga tutudde awamu mu bifo eby’omu Ggulu, nga tuwuliriza Eddoboozi nga lyogera naffe era nga litutuukiriza n’Ekigambo Kye.
Twandyagadde nnyo mwegatte naffe ku Ssande eno ku ssaawa 12:00 ez’emisana, mu budde bwa , Jeffersonville nga bwe tuwulira Eddoboozi lya Katonda nga lyogera naffe nate era nga lituleetera okuvvuunula kw’Ekigambo Kye Yennyini.
Kiki kino ekisikiriza eky’amaanyi ekigenda mu maaso okwetoloola ensi yonna? Abantu okuva mu nsi yonna bakuŋŋaana ku ssaawa 6 ez’emisana mu budde bw’a Jeffersonville, nga batudde mu maka gaabwe ne mu makanisa gaabwe nga balindiridde nnyo n’okwesunga okuwulira Eddoboozi lya Katonda nga lyogera nabo.
Kirabika nga kya njawulo nnyo era tekitegeerekeka eri ensi okuwulira entambi zokka. Bagamba nti tusobola okuwulira entambi ekiseera kyonna. Tebalaba mugaso gw’okuwulira wamu mu kiseera kye kimu. Bagamba nti olina okuwulira buweereza obuliwo obw’olabakko, omubuuliz, so si entambi zokka. Basigadde mu nnono zaabwe.
Tewabangawo kintu ng’ekyo mu byafaayo by’ensi yonna. Kiki ekisikiriza abantu bano okwegatta bonna mu kiseera kye kimu okuwulira Eddoboozi eryo nga liyita Omugole We? Katonda atuukiriza Lukka 17:30. Katonda atuukiriza Okubikkulirwa 10:7. Katonda alabisa Abaebbulaniya 13:8, Melukizeddeeki mu mubiri gw’omuntu, nga bwe Yakola eri Ibulayimu.
Balindiridde era nga bewuunnya nti, “Anaayogera ki?” “Kiki ekinaabaawo bw’atandika okwogera?” Baagala okubeera ku buyungiro bwe simu eyo okusobola okuwulira buli kimu ky’anaayogera. Baagala Ekyo. Baagala okukiwulira bonna mu kiseera kye kimu n’Omugole okwetoloola ensi yonna. Kubanga bakkiriza nti ye lye ddoboozi Katonda lye yalonda okubeera Eddoboozi Lye okuyita n’okukulembera Omugole We.
Wadde nga bawuukana nnyo mu biseera, naye bonna bali wamu ng’EKITOLE KIMU, nga batadeko, nga bawuliriza Eddoboozi eryo nga lyogera nabo okuva mu Kkanisa yaabwe ey’Ewaka. Batudde mu Kubeerawo kw’Omwana, nga bakula era balindiridde Okujja kwa Masiya.
Emitima gyabwe gikuba nnyo. Omwoyo Omutukuvu aba bikkulira ekigenda mu maaso. Katonda alindiridde okutuusa olunaku luno okulabisa Ekigambo Kye n’okukuŋŋaanya Omugole We. Kiri mu baawo kati, era nabo bali kitundu ku Kyo. Obutuufu bw’ekigenda mu maaso butandise okubayingira mu mitima gyabwe. Bakisomye mu Byawandiikibwa okumala ebyasa bingi, naye kati kyafuuse kyabuliwo. Okubikkulirwa kw’Ekigambo kulabisibwa okuyita mu bo. Obunnabbi bwa nnabbi butuukirizibwa.
Nga batudde wansi w’okufukibwako okwo okw’amaanyi okw’Eddoboozi Lye ery’amaanyi, Ababulira okweetegeka; kubanga ekiro kino Agenda kubasabira buli omu ku bo. Atugamba nti bw’anaatandika okusaba, muteeke emikono ku balwadde, kubanga okubeerawo kwa Katonda kuli wonna gye bali, awatali kufaayo oba bali Texas, California, Arizona, South America, oba ne mu busisira obyw’omu nsiko ku luuyi olulala olw’ensi. Wonna gye bayungidwa nga bawuliriza, muteeke emikono ku bannaabwe nga tutandise okusaba era Katonda anaawonya buli omu ku bo bwe banaakkiriza, kubanga kiri BW’ATI BW’AYOGERA MUKAMA.
Kati bategeera nti mu buli mulembe na buli nnabbi eyaliwo oba agenda okubawo, wajja kubeerawo omuwendo gw’abantu abaategekebwa edda okuwulira Obubaka obwo, era banaabugoberera. Tebajja kufaayo ku bungi bw’abantu. Tebajja kufaayo ku kukolokota kw’abatakkiriza abagamba nti kikyamu oba si kkubo Katonda ly’ataddewo. Tebalina mpaka nabo. Balina ekintu kimu kye BATEEKEDDWA okukola, kwe kukkiriza n’okufuna buli katundu kaabwo ke basobola okufuna, ne babunnyikiza mu bo nga Malyamu eyatuula ku Bigere bya Yesu. Tebakwatibwa nsonyi; basanyufu nnyo okugamba nti bo ba “tape boy” oba “tape girl” abanyiga zzannya.
Eddoboozi eryo lyabakuutira dda nti wajja kubaawo abafukibwako amafuta mu nnaku ez’enkomerero abaliba n’okufukibwako okw’amaanyi, Omwoyo Omutukuvu. Banaajuliza nnabbi n’Obubaka bw’essaawa eno; nga beeyita abakkiriza, naye nga bafukibwako amafuta ab’obulimba.
Banaaba befananyiriza nnyo n’okufukibwako okw’amazima okutuusa n’okulimba Abalonde singa kyali kisoboka, naye bamanyi nti tebasobola kulimbibwa, kubanga BO YE KIGAMBO. Bo ye Mugole ow’amazima eyasigala n’Eddoboozi lya Katonda.
Eddoboozi eryo lyabagamba nti mu lunaku luno tekijja kuba niimu oba muzabibu. Ekyo kyandibadde kyangu okwawula. Naye kijja kuba ssecungwa, ekitundu niimu n’ekitundu mucungwa, ekika ekitabuddwa. Kijja kufaananira ddala nga omucungwa, naye tekijja kuba kyo, kubanga ettabi eryo eppya lijja kuba 100% ng’eryasooka. Banjja kusigala n’Eddoboozi eryo nnakabala ely’Ekigambo. Tebajja kugezaako mukisa mulala . Bajja kusigala n’Oyo omu Katonda Yennyini gwe yalangirira okuba EDDOBOOZI LYE, EKIGAMBO KYE, ekyakakasibwa Empagi ey’Omuliro.
Jjangu wegatte naffe obe kitundu ku bunnabbi bwa nnabbi obutuukirizibwa ku Ssande eno ku ssaawa 6 ez’emisana mu budde bw’a Jeffersonville, nga tuwulira Ebyawandiikibwa nga birabisibwa.
