All posts by admin5

26-0531 Mwari WeZera Rino Rakaipa

Mharidzo: 65-0801M Mwari WeZera Rino Rakaipa

PDF

BranhamTabernacle.org

Mudiwa Mhandara duku, Shoko, Boka, Mwenga waKristu:
 
Mwoyo yedu yakafara sei patakanzwa ngirozi Yake ine simba ichidanidzira kuti tiri Mbeu yakatemerwa yaMwari isingagone kuita chimwe chinhu kunze kwekutevera Inzwi Rake. Zvinoreva zvinopfuura upenyu kwatiri. Unogona kutora hupenyu hwedu, asi haugone kutora Inzwi Rake. Tiri Mumwe neShoko Rake. Tiri Mumwe neInzwi Rake. Tiri Mumwe Naye.
 
Zvinoita sezvinoshamisa kwatiri kuti hatinzwisiswi uye tinosekwa nokuti tinoti tinotenda mukuridza matepi; kuti Inzwi raMwari ririkutaura kuMwenga Wake. Satani anoita kuti vanhu vanyengereke pakufunga kuti isu patinoti tiri chechi yematepi, kuti chimwe chinhu chirikunze kweShoko, chinhu chakaipa, uye kuti tiri kutsauswa, asi apo nguva yose Iriyo nzira yaMwari yakakwana yakapihwa Mwenga wake.
 
Zvingave sei imwe nzira? Kana ukadudzira zvisiri izvo Shoko rimwe chete rakataurwa, wakarasika. Vanogona kunge vaine vavariro nechinangwa chakanaka, asi zvisiri izvo. Munhu anogona kuzodzwa neMweya Mutsvene asi akatsveyama.
 
Dai Mwari vasina kupa nzira yekuti Mwenga Wakeazvinzwire ega Shoko rose, ipapo paizova neimwe nzira. Asi Akapa nzira yekuti munhu wese ari panyikaave nomukana wokunzwa Shoko richitaura zvakananga kwavari pasina kuti zvidudzirwe, kutsanangurwa, kana kujekeswa. Zvose iZvanzi naJehovha…Zvoga!

Tese tinobvumirana kuti tinofanira kugara neShoko kuti tive Mwenga wake.

Ndinotenda kuti zvose zvatinoda zvakanyorwa Ipapa, zvinongoda kududzirwa noMweya Mutsvene. Handitendi kuti chero munhu panyika ane kodzero yekuisa dudziro yake kuShoko. Mwari havadi chero munhu kuti adudzire Shoko ravo. Ndiye Anozvidudzirira Shoko Rake. Akati Achazviita, uye Anozviita.

Zviripachena, Ishe vakataura nekuzarura kuMwenga wake kuti hapana imwe nzira yekuva Mwenga wake akasarudzwa asi kugara neShoko Rake. Mwari pachaKe anodudzira Shoko Rake, uye hapana ane kodzero yekuwedzera dudziro yake paRiri.
 
Shoko rinotiwo MUPOROFITA Wake ndiye mududziri weShoko Rake. Ndiye Inzwi raMwari kuvanhu. Zvaanotaura iShoko renguva yedu.
Nokuteerera Inzwi raMwari pamatepi, tiri chiporofita chiri kuzadzikiswa.
Hapana chimwe chine simba, chinoyera, chinogutsa, hapana chakakwana sekuteerera kuInzwi raMwari rakasimbiswa richitaura kwauri.
 
Apo vamwe vachiti hapana zviripo, zvapungu zvirikuvungana uye zvichifara nomufaro mukuru kwazvo, zviine gutsikano yokuti zviri kuchengeta Shoko raMwari. Akatiudza kuti kana une muchina wematepi, unganidza boka revanhu, wouridza, uye wonyatsoteerera. Nenyasha netsitsi Dzake, ndizvo chaizvo zvatiri kuita.
 
Mwari akatidana kubva muchizwarwa chino chakaipanokuda kwezita Rake. Tiri kupinda nemumiyedzo yakawanda zvisina kumboitika kare. Satani ari munzira yehondo sezvo achiziva kuti nguva yake yapera. Unogona kuzvibvunza kuti, sei ndiri kupfuura memuzvinhiu zvese izvi, ini ndiri Mwenga wake?
 
Uri kuratidzwa, kuedzwa, uye kuratidza  Satani, TIRI MWENGA WAKE. Tiri Shoko riri munyama. Tinogona kutaura Shoko uye Rigoitika. IZVANZI NAJEHOVHA.

Tine Inzwi raMwari ririkutaura zvakananga kuna Satani uye richimuudza kuti:

Satani, wakakundwa. Uri murevi wenhema. Uye, semuranda waMwari, uye sevaranda, tinoraira nemuZita raJesu Kristu, kuti uteerere Shoko raMwari, uye ubude muvanhu, nokuti zvakanyorwa, “MuZita Ranguvachadzinga mweya yakaipa.”

Chipi zvacho…CHIPI ZVACHO chatinoda, tinongokumbira, totenda toramba takabata. Zvinogona kuratidzwa pakarepo; zvinogona kutora vhiki, mwedzi, gore. Hazvinei zvatinoona kana kunzwa, ZVINONGA ZVATOITIKA IPAPO.
 
Shumiro yega yega patinoungana pamwe chete inowedzera kukura nekukura kuZvapungu zvaMwari. Takaungana mukufunga nemukuwiririrana kumwe, takagara pamwechete munzvimbo dzeKudenga, tichiteerera kuInzwi richitaura kwatiri nokutinatsa neShoko Rake.
 
Tingafara kuti mubatane nesu musi uno weSvondo na12:00 masikati, nguva yeJeffersonville, patichanzwa Inzwi raMwari richitaura kwatiri zvakare uye richitiunzira dudziro yeShoko Rake Pachake.
 
Hama Joseph Branham


 
Mharidzo: Mwari Wechizvarwa Chino Chakaipa 65-0801M 

Magwaro ekuverenga tisati tanzwa Mharidzo:
Mateo chitsauko 24/27:15-23
Ruka 17:30
Johani 1:1/14:12
Mabasa 10:47-48
1 VaKorinte 4:1-5/14
2 VaKorinte 4:1-6
VaGaratiya 1:1-4
VaEfeso 2:1-2 / 4:30
2 VaTesaronika 2:2-4; 2:11
VaHebheru chitsauko 7
1 Johani chitsauko 1/3:10/4:4-5
Zvakazarurwa 3:14 / 13:4 / chitsauko 6-8 uye 11-12 / 18:1-5
Zvirevo 3:5
Isaya 14:12-14

26-0524 Chii Chiri Kukwezva Meso PaGomo?

Mharidzo: 65-0725E Chii Chiri Kukwezva Meso PaGomo?

PDF

BranhamTabernacle.org

Vadiwa Zvapungu zviriKuvungana

Chii ichi chinokwezva zvikuru chiri kuitika pasi rose? Vanhu vanobva kumativi ose enyika vachiungana na12:00 masikati nguva yeJeffersonville, vakagara mudzimba dzavo nemachechi avo netarisiro huru, vakamirira kunzwa Inzwi raMwari richitaura kwavari.
 
Zvinoshamisa uye zvinoita sezvisina musoro kunyika kungoteerera matepi. Vanoti tinogona kunzwa matepi chero nguva. Hapana Nyaya iripo pakuteerera panguva imwe chete. Unofanira kuteerera kushumiro mhenyu, muparidzi, kwete matepi chete. Vakarambira mutsika dzavo.
 
Hakuna zvakadai zvakamboitika munhoroondo yepasi rose. Chii chiri kukwezva vanhu ava kuti vabatane panguva imwe chete kuti vanzwe Inzwi iri richidana kuMwenga wake? NdiMwari vari kuzadzikisa Ruka 17:30. NdiMwari vari kuzadzikisa Zvakazarurwa 10:7. NdiMwari vachizarura VaHebheru 13:8, Merikizedheki munyama yemunhu, sezvaAkaita kuna Abrahama.
 
Vakamirira uye vachishamisika, kuti Achati kudii? Chii chichaitika paAnotanga kutaura? Vanoda kuvapo parunhare kuti vawane chero chaAnotaura. VanoZvida. Vanoda kuZvinzwa zvose panguva imwe chete neMwenga pasi rose. Nokuti vanotenda kuti iye inzwi rakasarudzwa naMwari kuti rive Inzwi Rake kuti ridanenokutungamirira Mwenga Wake.
 
Kunyange vakaparadzana maawa akawanda munguva, asi vose vari pamwe chete seCHINHU CHIMWE, vakateya nzeve, vachiteerera kuInzwi iroro richitaura kwavari kubva kuHome Chechi. Vakagara muhupo hweMwanakomana, vachiibva uye vakamirira Kuuya kwaMesia.
 
Mwoyo yavo iri kutakwaira. Mweya Mutsvene uri kuzarura kwavari zviri kuitika. Mwari akamirira kusvika zuva ranhasi kuti aratidze Shoko Rake nekuunganidza Mwenga Wake. Zviri kuitika, uye ivo chikamu chaZvo. Chokwadi chezviri kuitika chiri kupinda mumwoyo yavo. Vakaverenga nezvazvo muMagwaro kwemazana emakore, asi zvino zvave kuitika. Chizaruro cheShoko chave kuratidzwa kubudikidza navo. Zvakaporofitwa nemuprofita zvave kuzadzikiswa.
 
Pavanenge vagere pasi pechizoro chikuru cheInzwi Rake guru, Anodanidzira kwavari kuti vagadzirire….nokuti manheru ano Achanamatira mumwe nomumwe wavo. Anotiudza paAnotanga kunamata, endai munoisa maoko pamusoro pevanorwara, nokuti Hupo hwaMwarihukuru, huri kwese-kwese kwavari, zvisinei kuti varikupi…Texas, uko kuCalifornia, uko kuArizona, South America, kunyange mutumba turi mumasango ari kune rimwe divi renyika. Pose pavanenge vachiteerera parunhare, isai maoko pamusoro pomumwe nomumwe patinotanga kunamata uye Mwari achapodza mumwe nomumwe wavo… kana vakatenda, nokuti  iZVANZI NAJEHOVHA.
 
Vavekunzwisisa zvino kuti muzera rega-rega uye nemuprofita wese akambovepo kana kuti achazovepo, pachave nechitsama chevanhu vakafanotemerwa kuti vanzwe Shoko irori, uye vachaRitevera. Vachafuratira mhomho. Vachafuratira kutsoropodza kwemunhu asingatendi anoti zvakaipa kana anoti haisi nzira yakapihwa naMwari. Havana nharo navo. Vane chinhu chimwe chete chavaNOFANIRA KUITA, kutenda uye kuti vawane chese chaVanogona, kuzvimedza mukati saMaria akagara patsoka dzaJesu. Havanyare, vanodada kutaura kuti ndiri mukomana wematepi kana musikana wematepi anodzwanya nokuridza.
 
Inzwi iroro rakatovayambira kare kuti kuchava nevazodziwa munguva yekupedzisira vachange vaine chizoro chikuru, Mweya Mutsvene. Vanotora Zvakataurwa nemuporofita neShoko renguva; vanozviti vatendi, asi vari vazodziwa venhema.
 
Vanenge vari pedyo nechizoro chechokwadi zvekuti dai zvaigoneka zvaitonyengera vasanangurwa chaivo, asi vanoziva kuti havanyengedzeki, nokuti IVO ISHOKO. Ndivo Mwenga wechokwadi vakagara neInzwi raMwari.
 
Inzwi iroro rinozivisa kwavari kuti muzuva rino hazvifanani nemuchero weremani, kana grapefruit. Izvozvo zviri nyore kuona mutsauko. Asi uchange uri michero wakaita setanjelo, hafu remani, hafu orenji, zvakasanga. Zvicharatidzika seranjisi, asi zvisiri, nokuti bazi idzva richange rakaita serepakutanga zvachose. VachaGARA ne’Nzwi Shoko repakutanga. Havatore mukana. Vachagara naiye, uyo Mwari pachaKe akadanidzira kuti ndiye INZWI RAKE, SHOKO RAKE, rakasimbiswa neShongwe yeGore reMoto.
 
Chii chiri kuitika?

Mbeu yakatemerwa yaMwari haigoni kuita chimwe chinhu kunze kwekutevera nokuteerera kuInzwi iroro, nokuti Rinoreva zvinopfuura hupenyu kwavari. Unogona kutora hupenyu hwavo, asi haukwanise kutora Inzwi iroro.
 
Chii chiri kukwezva?
 
Mwari, semazuva ose, vachizadzisa Shoko ravo.
Huya ubatane nesu uye uve chikamu chechiporofita chemuporofita chiri kuzadzikiswa musi uno weSvondo na12:00 masikati, nguva yeJeffersonville, patichanzwa Magwaro achiratidzwa.
 
Hama Joseph Branham
 
Mharidzo: 65-0725E “Chii Chinokwezva Pagomo?”
 
Magwaro:
Mateo 21:1-4
Zekaria 9:9 / 14:4-9
Isaya 29:6
Zvakazarurwa 16:9
Maraki 3:1 / Chitsauko 4
Johani 14:12 / 15:1-8
Ruka 17:22-

26-0517 Vazodziwa Panguva Yokuguma

Mharidzo: 65-0725M Vazodziwa Panguva Yokuguma

PDF

BranhamTabernacle.org

Vadiwa Zvapungu Zviri Kuvungana,
 
Musoro wega chete weMharidzo yevhiki rino unozarura kumwe kujekerwa kweMweya Mutsvene kuMwenga. Kufunga kuti kuchave nevarume vakazodzwa vechokwadi vachamuka muzuva rino, nechizoro chechokwadi cheMweya Mutsvene mumwe chete waiva pamuporofita wedu, asi vari venhema.
 
Shoko rinotiudza kuti vachaita zviratidzo nezvishamiso, vachigamuchira mvura imwe chete, maropafadzo mamwe chete semuporofita wechokwadi. Vanhu vachabva kuShoko rechokwadi rakasimbiswa rezuva ranhasi vachitevera ruchiva rwavo, vachizviunganidzira vadzidzisi, vane nzeve dzinowavarira kunzwa zvakawanda. Zvichange zviri pedyo zvikuru neShoko chairo kusvikira pedyo pekunyengera Vasanangurwa.
 
Kuzodzwa ikoko kunenge kuri pedyo sei? Zvichava nyore here kuziva chokwadi nenhema? Muporofita akatiudza kuti Mambo Davidi, murume aive pamwoyo waMwari pachake, aine chizoro paari, akawana chizaruro chechokwadi; asi zvakange zvisiri izvo.
 
CHII!! Rega izvozvo zvinyure mukati kwechinguva. Mambo waMwari akasarudzwa aive nechizoro chechokwadi uye chizaruro chechokwadi, asi zvakatsweyama! Makwayana aMwari anofanira kungwarira zvikuru kuti vazive kuti zvavari kunzwakuzodzwa kwechokwadi kana kwenhema; nokuti magumo avo ekusingaperi akazemberra pasarudzo idzodzo.
 
Tinoziva kuti Mwari akaisa vashumiri vazhinji vechokwadi vakazodzwa kuti vabatsire kutungamirira uye nekuchengeta Mwenga wake muShoko. Shoko rake rinotaura kudaro, uye Tinotenda zvikuru Jehovha nokuda kwomumwe nomumwe wavo. Vakadanwa kuti vave vafudzi vemapoka avo. Vanofanira kuachengeta muShoko. Mukuita kudaro, havafanire kutadza kuridza Inzwi raMwari CHETE rakasimbiswa kumakwai avo.
 
Sezvotichangonzwa kuti munhu wese anogona kukanganisa sei, kunyangwe aine chizoro chechokwadiuye nechizaruro chechokwadi. Asi Mwenga anogona kuzorora chaizvo, nokuti Mwari akavapa nzira yakakwana yokuti vagare vachinzwa CHIZORO CHECHOKWADI, CHIZARURO CHECHOKWADI, ZVANZI NAJEHOVHA YECHOKWADI; KUNGO DZWANYA NOKURIDZA.

“Pane Mutumbi”, ndipo pane Manna, ndipo pane Shoko, “ndipo pachaungana zvapungu.”

Pane Mutumbi ndipo isu, Zvapungu, patichaungana. Pane Nyama ichangobva kuurawa, Shoko remwakaiwoyo, Shoko renguva. Uye hapana nzvimbo itsva yokudyira Manna iyoyo kupfuura kunzwa Inzwi raMwari richitaura Iye paChake.

Ndiro Shoko Rake. “Munhu haangararami nechingwa chete, asi neShoko rose.” Maona? Vakatemerwa vanoziva izvi. “Shoko risinganzwisisike, kana izwi risinganzwisisike, havateveri.”

Chikonzero tisinga, uye tisingagoni kunyengerwa, ndechokuti tiri Shoko neChizaruro ichochi. Hatigoni kuva chimwe chinhu. Hatigoni kunzwa chimwe chinhu. Hapana chimwe chatinoziva.

“NDIRI!” Kwete “Ndakanga ndiri, kana kuti ndichave.” “NDIRI,” nguva yazvino, Shoko ikozvino. Kwete Shoko rakanga riripo, kana Shoko richauya; Izwi riripo nhasi. Maona? Mazvibata here? “NDIRI!” “NDIRI” iShoko. “Pakutanga Shoko rakange riripo, uye Shoko rakanga riri kuna Mwari.” Ndizvo here? “NDIRI.” “Mwari wakandituma semuporofita Wake, kuzosimbisa izvi kuti ichokwadi. Ndini mhinduro kuShoko iri, akandiudza kuti ndiuye nekuita izvi.

Uye paakazviita, Farao akati, “Zvakanaka, tine vakomana vakawanda muboka redu vanokwanisa kuzviitawo,” vaedzeseri.

Jesu akati, “Zvino, zvichadzokorora zvakare mumazuva okupedzisira,” maona, vachiita zvimwe chetezvo.

Rumbidzai Jehovha. Taura nezvesimbiso kuMwenga. Kana wave neChizaruro ichi, ipapo uchaziva kuti uri Mwenga Wake wakasanangurwa, akatemerwa, anodikanwa.
 
Nokuteerera Inzwi raMwari pamatepi, tirikuteerera kuMwanakomana woMunhu, uyo anova Kristu. Ndiyewatiri kudya paari. Hatisi kudya pamunhu; munhu, mashoko ake anokundika. Asi tiri kudya paMutumbi-Shoko risingakundike reMwanakomana weMunhu.
 
Kana uchida kuva nechokwadi chakazara chekuti urikuteerera ZVANZI NAJEHOVHA, huya ubatane nechikamu cheMwenga musi uno weSvondo na12:00 masikati, nguva yeJeffersonville, apo patichanzwa Inzwi raMwari richizarura zvose kwatiri pamusoro pevazodziva munguva yekupedzisira.
 
Hama Joseph Branham
 
Mharidzo: Vazodziwa Panguva Yokupedzisira 65-0725M


Magwaro:
Mateu 5:44-45 / 7:21 / 24:15-28
Ruka17:30 / 18:1-8
Johane 14:12
VaEfeso 1:5
2 Timotio 3:1-8
VaHebheru 6:1-8 / 11:4
Zvakazarurwa 10:1-7 / 16:13-14
Maraki 4:5
1 Madzimambo 22:1-28
Jeremiya: Chitsauko 27 ne2

26-0510 Zuva RaAmai

Mharidzo: 59-0510M Zuva RaAmai

PDF

BranhamTabernacle.org

Mudiwa Mwenga,


 
Zvino, ndino funga kuti hapana rumekedzo rwakakura rwatingapa kuna amai.

Amai vedu ndivo vekutanga nesu, uye vakapihwa basa guru rekuti tizove zvatichava uye nenzira yatinofanira kufamba. Vakapihwa mutoro kubva kuna Mwari wekutiisa panzira kwayo. Ndosaka vana amai vaine kabatiro kakatsaurwa, kavakapihwa kubva kuna Mwari.
 
Maropafadzo akatsaurwa sei atakachengeterwa musi uno we Svondo, paticharemekedza vana Amai vose, patichanzwa mutumwa waMwari wechinomwe achitsanangura rudo nerukudzo urwo vana amai vedu vanarwo mumwoyo yedu.
 
Tinoziva kuti zuva rega rega iZuva raAmai, asi musi uno weSvondo tichapa ruremekedzo rwakatsaurwa kuna vana amai vose patichanzwa muporofita achivaremekedzapaakataura makore 67 apfuura musi mumwe chete sanhasi Chivabvu 10, 1959.
 
Hama Joseph Branham.
 
Mharidzo: Zuva raAmai 59-0510M
Nguva: 12 masikati, nguva yeJeffersonville
Magwaro: I Vakorinde 15:1 – 4

26-0503 Chikafu ChepaMweya MuMwaka Wakafanira

Mharidzo: 65-0718E Chikafu ChepaMweya MuMwaka Wakafanira

PDF

BranhamTabernacle.org

Mudiwa Mwenga

Inzwi ratinofarira kunzwa tose richataura musi uno we Svondo, richitiunzira Shoko reTsamba Yakatsaurwa yeRudo, ye Mwenga waJesu Kristu chete.

Inzwi iroro richangobva kutaura kupasi rose richivayambira, “Musaidza kundiitira basa zvisiri mukuda Kwangu. Ndine nzira yakakwana yandakapa yandakakuitirai, Mwenga Wangu. Rangarirai Mashoko Angu, ingotaurai zvandakataura pamaTepi Angu, nokuti mava kupinda mukutongwa. Vanhu vakaramba Tsisti. Asi farai, uye mutende, nokuki ndakakuunzirai uye nekukupai Chikafu Chakavigwa, Chikafu CheMweya, kuti murarame mukunaka netsitsi dzechiZaruro chaJesu Kristu.

Iko zvino kwave nenzara panyika yekunzwa Inzwi Rangu. Havakunzwisisei nokuti munoti muri vanhu vemaTepi, uye munongoda kunzwa Inzwi Rangu pamaTepi; asi ndaka kudanai ndikazarura kwamuri Nzira Yangu yakakwana yandakapa kuzuva ranhasi.

Hamuna kufambidzana nevasingatendi panguva yenzara. Ndakakupai Inzwi Rangu kuti rikuraramisei. Nokuridza Inzwi Rangu, dengu renyu hariperi, kana chinu chenyu chemafuta hachiperi, kusvikira zuva raNdichauya kuzokutorai seMwenga wangu.

Ndicho chikonzero chaicho ndakaita kuti Inzwi Rangu rirekodwe, kuti muve nenzvimbo yakakwana yekuenda kwairi, pasina kukanganisa, pasingadi dudziro, asi chete Inzwi Rakachena RaMwari. Nzvimbo yamunogona kuenda kuti munzwe chaizvo zvandakataura: Zvanzi naJehovah
Ndichataura zviripachenachena kwamuri musi uno weSvondo. Handidi kuti mufe makakanganwa zvandichataura kwamuri. MaTepi aya ndicho Chikafu chenyu CheMweya muMwaka uno. Zvakanyanyopfuma kune vamwe; havakwanisi kuzvitambira. Hazvina kuzarurwa kwavari, asi Ndaka Kusarudzai, ndikakupai Chizaruro chenzira Yangu yandakapa yakakwana.

Kwamuri, Chikafu chakavigwa, pamuri kurarama mukunaka netsitsi dze Shoko Benyu.

Pandakange ndichirarama munyama muMwanakomana wangu, vakatadza kugamuchira zvaNdaive: Mwari munhu. Zvino ndakavimbisa kuti ndaizodzoka zvakare mumazuva ekupedzisira ndigorarama zvakare munyama sezvo ndakaita pamberi paAbrahama, ndigoburuka ndichizviratidza munyama sezvo ndakaita paya.

Hezvino zvavakapotsa, ipapo uye nazvino, asi handidi kuti imi mukanganwe. Chikafu chakachengetwa chandiri kukupai, uye nemutumwa wangu, zvimwe chete. Haugone kuzvipatsanura. Shoko nemutumwa zvimwe chete. Ndakakuvudzai MuShoko Rangu zvandichaita muzuva rino. Ndoochikonzero kuri kuda Kwangu kuti Ndiise Inzwi Rangu mumachechi enyu, mudzimba dzenyu, kwese kwamunoenda; nokuti ndiro Inzwi rakakoshesesa ramunofanira kunzwa. Ndiro chete Inzwi rakasimbiswa rinotaura Zvanzi naJehovah.

Tsitsi dzakarambwa. Mave kurarama neShoko Rangu. Ndakakupai Chizaruro chekuti Ndiri Ani uye kuti IMI MURI VANAANI. Hapafaniri kuwanikwa kupokana kupi zvako mumwoyo nemupfungwa dzenyu. Muri Mwenga Wangu wakaSanangurwa, wakaSarudzwa, wakaTemerwa. Muri Shoko Rangu Rakataurwa rakange riri mandiri pakutanga.
Mune mukana wekuwana Chikafu, Chikafu cheMweya, chisingazivikanwi nenyika.

Mune mukana wekupodzwa kwemiviri yedu panokundika vanachiremba. Ndicho chimwe chikafu chandakavimbisa nekukupai mumazuva ekupedzisira.

Ndakavimbisa kuzarura zvakavanzika zvemwoyo yenyu nekuita zvinhu izvi. Ndiri mamuri. Imi muri chikamu Changu, uye Ini ndiri chikamu chenyu. Zviratidzo izvi zvichatevera avo vanotenda.

Musi uno weSvondo ndichange ndichibatanidza Mwenga Wangu kubva pasi rose neInzwi Rangu. Ndichakuudzai kuti muturikane mawoko. Usazvinamatira iwe, namatira uyo wawakaisa mawoko ako paari, nokuti ivo vari kukunamatira. Tichanamata pamwe chete, uye hapazovi nemunhu achasara anehutera kupi zvako pasi rose kana ukatenda.
Kana uchitenda, usina kupokana mumoyo wako, Ndichadanidzira:

Satan, wakundwa! Jesu Kristu akakukunda! Akamuka kubva kuvakafa uye amire pamberi pedu Manheru ano, achisimbisa Shoko iri remazuva ekuguma. Buda kubva muvanhu ava! Vasiye, Muzita raJesu Kristu! “NeZita Rangu vachadzinga mweya yetsvina,” uye wadzingwa. Muzita raJesu Kristu, ibva pavungano iyi!

Pachave nekupodzwa kuchaitika pasi rose zvisina kumboitika kare.

Ko tichamirirei zvakare, hama hangu inodiwa, hanzwadzi, hezvi, Mweya Mutsvene, Mwari, ipopano, Chinhu chaicho chataitaura nezvacho.

Ndinokoka pasi rose kubatana nesu musi uno weSvondo nenguva dza 12 masikati, nguva yeJeffersonville, kunzwa Shoko uye nemutumwa wake achitiunzira Chikafu cheMweya muMwaka wakaFanira, Chikafu chakaVigwa cheMwenga

Hama Joseph Branham
 
Mharidzo: Chikafu cheMweya muMwaka wakaFanira 65-0718E

Mutumwa: Rev. William Marrion Branham

Magwaro: 1 Madzimambo 17:1-7 / Amosi 3:7 / Joere 2:28 / Maraki 4:4 / Ruka 17:30 / St. Johane 14:12

26-0426 Kuedza Kuitira Mwari Basa Ikwo Kusiri Kuda KwaMwari

Mharidzo: 65-0718M Kuedza Kuitira Mwari Basa Ikwo Kusiri Kuda KwaMwari

PDF

BranhamTabernacle.org

Mudiwa Mwenga Anofarirwa

Nguva yapera. Nguva yasvika. Sarudzo inofanirwa kuitwa. Mwari vari kuyambira vana vavo. Ishe Mwari wedu vakataura vakasimbisa kwatiri kuti Chokwadi chavo ndechipi kubudikidza neShoko ravo, uye noMweya Wavo. Kwete nesimba, kana nehondo, asi noMweya Wangu, uye Shoko Renyu Izvokwadi.
 
Vakanyatso simbisa kuMwenga wavo nhasi kuti Jesu Kristu ndiye mumwe chete zuro, nhasi nekusingaperi. Akatiratidza nekuzarura kwatiri Shoko reNguva nemutumwa wenguva kuti zvimwe chete. Akazarura kwatiri zvakavanzika zvake zvose zvakange zvakavigwa muShoko. Akazviratidza kwatiri kubudikidza noMweya Wake Mutvsene. Hapasisina mubvunzo mupfungwa dzedu, mumwoyo kana mumunhu wemukati. Inzwi Rake pamatepi IZVANZI NAJEHOVHA KUMWENGA WAKE.

Mwari nguva dzose vagara vachitendera nzira dzakawanda dzekuuya nadzo kwaari. Vanoita kuti kuda kwavo kwekuregedzera kupinde muKuda kwavo Kwakakwana. Uyevo nguva dzose vagara vachipa KUDA KWAKAKWANA NENZIRA YAKAKWANA KUVANA VAVO. Vazhinji vanoedza kuuya nenzira yakasiyana nekuitira Mwari basa, asi kusiri kuda Kwake kwakakwana. Zvinogona kuratidzika nekunzwika sekuda kwake Kwakakwana, asi zvisiri maringe ne Shoko Rake.
 
Kunyange munhu mukuru, akange achangozodzwa, achibva muhupo chaihwo hwaMwarti, Akawana chizaruro chekuitira Mwari chimwe chinhu, uye aida kuzviitira Mwari; asi chizaruro chaakange anacho chakange chakatsveyama.

Mumwe nemumwe wedu anofanira Kuwana nzira YaMwari yakakwana yaakapa. Tichaziva sei kuti tiri muKuda Kwake Kwakakwana kana mumwe akazodzwa zvirokwazvo, achibva muhupo chaihwo hwaMwari, aine chizaruro, kuti arimukuda Kwakakwana kwaMwari?
 
Pane NZIRA IMWE CHETE ZVIROKWAZVO YEKUZIVA NAYO, uye Mwari vakapa nzira iyoyo kuMwenga wavo.
 
Inzwi raMwari Amene rakaudza kereke ino, nemi vanhu mose pamatepi, nevanhu vose vari parunhare pamasaisai, kune dzimwe nzvimbo pasi rose, nguva iyoyo NAZVINO. Akatiudza kuti tinyatso teererazvaaitaura, uye kuti TISAKUNDIKE.

Saka Ndinoti, muZita raJesu Kristu: Musa wedzera chinhu chimwe, musabvise, musaise pfungwa dzenyu paZviri, taurai chete izvo Zvakataurwa pamatepi iwayo, ingoitai izvo zvaka rairwa naShe Mwari kuti muite; musawedzera paZviri.

Haana kutaura kuti, uye hazvirevi kuti, vaparidzi havagoni kuparidza Shoko, kuti vadzidzisi havagoni kudzidzisa Shoko, kana kuti vafudzi kana vaporofita havachaiti zvavaka danirwa kana kugadzwa kuti vaite. Vanofanira, ini ndinofanira. Takadanwa uye takagadzwa kuita izvozvo. Tinofanira kunongedzera nekudoma Shoko irori nemutumwa kuvanhu, nokuti ndiro Shoko rezuva redu.
 
Asi anonyatso tiudza kuti tose tinogona kuzodzwa, nechizoro chechokwadi, kuzadzwa neMweya Wake Mutsvene, nechizaruro chitswa, asi tiri kunze kwekuda kwake. Muzuva redu, Akatipa NZIRA YAKAKWANA yekuziva kuti zvirokwazvo uri kunzwa Inzwi raMwari, kubva kunaMwari Pachake. Ndiyo nzira CHETE yakakwana.

Hushumira haufaniri kungo paridza nekudoma Shoko chete, tinofanira kuridza Inzwi raMwari pamatepi kuvanhu. Hapana CHIZORO CHIKURU kupfuura kunzwa Inzwi raMwari. Hapana imwe nzira yekuziva pasina kupokana kuti zvatiri kunzwa NDIZVO CHAIZVO Zvakataurwa naMwari.
 
Muzuva rino, kusiyana nemamwe mazuva ose munhorondo yenyika, Mwari vakapa nzira yekuti tirege kuZvipotsa zvachose, ndo kana uri Mwenga Wake wakatemerwa. Zvakasimbiswa uye zvikazarurwa neShongwe yeGore reMoto Amene kuti Inzwi raMwari Pachake riri kutaura zvakananga kuKereke Yake.

Muzviuru zvakawanda zvemakore, vana vaMwari vaishuvira nekunzwa nzara ye kuzvinzwira pachavo Inzwi raMwari. Vanoshuva sei kuti dai vaivepo zuva riya apo Jesu akaparidzira zviuru pagomo. Kunzwa matauriro ake paaitaura Shoko ne rudo netsistsi. Nekunzwa kutsinhira kwaaiita shoko rimwe nerimwe. Uye kuti zvaitaura sei nekusimudzira mwoyo yavo.
 
Tiri vapenyu zvino uye tiri Muhupo hwaMwari tichinzwa Inzwi raMwari.
 
Nerimwe zuva nekukurumidza hatizodzokeri kuhupenyu hwerudzi urwu zvakare. Tichadzoka tave vanhu vasingafi. Chivi chinonga chisisipo. Satani achasungwa kwemakore ane chiuru uye tichararama panyika ino yatakapihwa naIshe Mwari wedu.
 
Takakwana zvizere.

Hatina kumbofara sekufara kwatinako zvino kana kuva nemibvunzo muhupenyu hwedu. Tiri Mumwe Naye uye neShoko Rake. Tiri MUKUDA KWAKE KWAKAKWANA KUBUDIKIDZA NEKUGARA NEINZWI RAKE, SHOKO RAKE. Achadzoka nerimwe zuva kuzotitora kuti Aende nesu.
Tinokutendai Ishe Jesu!

Jehovah  Mwari wenyu wakakuparidzirai kwamuriChokwadi. Jehovah  Mwari wenyu wakasimbisa Chokwadi, kubudikidza neShoko Rake uye noMweya Wake. “Kwete nesimba, kana nehondo, asi noMweya Wangu”. Uye, Mweya, “Mwari vanotsvaga vanoMunamata muMweya neMuzvokwadi” “Shoko Renyu iZvokwadi” Uye akanyatso simbisa kuti Jesu Kristu mumwe chete zuro nhasi, nekusingaperi, Akaratidza Mbeu dzemanheru kwamuri.  Akazvizarura kwamuri muShoko. Akazviratidza kwamuri, noMweya Wake.

Nemwoyo wangu wese, ndinokukokai mumwe nemumwe wenyu kuti mubatane nechikamu cheMwenga Wake patino batana kubva pasi rose na 12 masikati, nguva yeJeffersonville, kuzonzwa Inzwi Rake richitaura kubudikidza ne mutumwa wake ngirozi yechinomwe achitiunzira Shoko: Kuedza Kuitira Mwari Basa Asi Kusiri Kuda kwaMwari 65-0718M
 
Hama Joseph Branham
 
Magwaro ekuverenga tisati tanzwa Mharidzo
Dhuteronomi 4:1-4 / 4:25-26
1 Makoronike 13
1 Makoronike 15:15
Mapisarema 22
Mako 7:7
Joeri 2:28
Amosi 3:7
Maraki 3
Mateo 11:1-15
1 VaKorinte 13:1

26-0419 Kusarudzwa KweMwenga

Mharidzo: 65-0429E Kusarudzwa KweMwenga

PDF

BranhamTabernacle.org

Mudiwa Mwenga Wakasanangurwa,
 
Patinoteerera Mharidzo iyi, Kusarudzwa KweMwenga, vamwe vanofunga kuti muporofita ari kungotaura achitidzidzisa nezvehunhu nechimiro chinofanira kutariswa nemurume paanenge achisarudza munhukadzi waanoda kuti ave mudzimai wake. Ichocho ichokwadi, ndizvo zvaari kuita, asi pane tsamba yerudo yakavanzika yechokwadi muMazwi Ake. ZvaAri kuzarura kuMwenga wake zvakadzama kupfuura izvozvo. Mwari ari kutaura kwaari zvakananga, achiMuudza izvo zvaAkange achitsvaga maAri, uye kuti sei AkaMusarudza kubva pakutanga. Aida kuti azive kuti AkaMusarudza kuti ave MWENGA WAKE WAKANAKISA WEPAMOYO, waAida kugoverana naye Zienda naKuenda Rake.
 
Pakutanga, Mwari akange achitsvaka Mwenga aizova neHunhu hwakafanana neHwake. Mweya wake mumwe chete uchiratidzwa maAri. Aida Mwenga akangeakazvipira zvachose kwaAri, neShoko raKe rakavimbiswa, kusvikira Pfungwa chaiyo yaive maAri yave maAri. Anofanira kuumbwa sezvaAri.
Aida kuti Iye ave nyama yaKe imwe chete, mapfupa mamwe chete, Mweya mumwe chete, zvose zvakafanana, zvakangofanana naYe. Vaviri ava vaizova MUMWE.
 
Anenge asina katarisiro kekupenga mumaziso ake. Anenge asinga tambi zvechiramu nemamwe manzwi.Anenge ari pachokwadi uye akatendeka kwaAri, zvisinei zvinotaurwa nani. Anongomira neShoko raKe chete.Chero zvaAtaura, ANONGOTENDA SHOKO ROSE, zvisinei kuti zvaizotora nguva yakareba sei kuti zviitike, iye anongozvitenda chete. Anongogara neShoko raKe.
 
AizoMuda, uye kuda Iye chete. Haaifanira kumupa hupfumi hukuru, Atori neParera remutengo mukuru, Chizaruro chechokwadi chaIye. Aitoziva, kuti iye naye MUMWE chete, vakafanana. Mweya Wake waizogara maAri. Chero chaaida, Mwari Aimupa; Chaaifanira kungoita kukumbira nokutenda, Mwari wozviita.
 
Aiziva kuti Achaenda kwenguva yakareba kunomuvakira imba yaizove nezvose zvinomugutsa nekumufadza. Akange achiivaka nenzira yaanoda chaiyo. Aiziva kuti rimwe zuva Achadzoka kuzoMutora, sokuvimbisa kwaAkaita, zvino vozova neChirairo chikuru cheMuchato kwemakore ane chiuru. Zvino, vozoenda pamwe chete kuMusha uya wakaisvonaka waAkange aMuvakira kuti vagare vose nokusingaperi.
 
Hapana chimwe chaizokosha kwaAri. Hapana chimwe chaaizoda. Aizogutsikana nekugadzikana zvikurunekuve neChizaruro chekuziva kuti Chikomba ndiani, uye kuti Iye ndiani. Aizoziva kuti Aizochengeta Shoko raKe. AIZOSVIKA PAKUZADZIKISWA, ACHIZIVA KUTI NDIYE AKASARUDZWA KUVA MWENGA WAKE.
 
Hama nehanzwadzi dzangu, Mwari samasimbaweDenga nenyika akatarira Zienda naKuenda rose uyeAKAKUSARUDZAI…IMI KUTI MUVE MWENGAMUDIWA WAKE WAKASARUDZWA.
 
Ndinokukokai kuti muuye kuzobatana neni nechikamu cheMwenga wake musi uno weSvondo, paAchataura kubudikidza nemutumwa Wake mukuru achitiudza kuti tiri Mwenga Wake Wakasanangurwa.
 
Hama Joseph Branham
 
Mharidzo: 65-0429E / Kusarudzwa KweMwenga
Nguva: 12:00 masikati, nguva ye Jeffersonville
Magwaro:
Genesisi 24:12-14
Isaya 53:2
Zvakazarurwa 21:9

26-0412 Ko Mwari Vanomboshandura Pfungwa YaVo Here Pamusoro PeShoko RaVo?

Mharidzo: 65-0418E Ko Mwari Vanomboshandura Pfungwa YaVo Here Pamusoro PeShoko RaVo?

PDF

BranhamTabernacle.org

Vadiwa Avo VakaMutsurudzwa,
 
Mwoyo yedu yakabhururuka sei mudenga se zvaChapungu pawikendi yeEaster iyi. Zuva nezuva chizoro Chake chaiwedzera kukura. Chirairo, Kuvigwa, Kukwaniswa, zvino nhongonya huru yaanga atigadzirira: Uku Ndiko Kubuda Kwezuva…KUBWINYA, AKAMUKA uye mupenyu mune mumwe nemumwe wedu. Aizarura Shoko rake kune mumwe nomumwe wedu zvatisati takambonzwa kumashure. Chizoro chakazadza mwoyo yedu, Hupo hwake hwakazadza nzvimbo; zvakaita sokunge Kubvutwa kwatosvika.
 
Akatiudza zvakange zvaitika makore 2000 akapfuura, uyezve zvino zvakange zvave kuitika muna 2026. Jesu akange ari Chisote chekutanga cheGorosi raMwari chakange chamutswa kubva kuvakafa. Akangeamutswa neSimba raMwari rekumutsurudza. Mwari akange amutsurudza Hupenyu hwake, akamumutsa kubva kuvakafa, uye akave chibereko chokutanga cheavo vavete. Ndiye wekutanga kusvika pakuibva, Chisote chaMwari chakazunguzirwa semurangaridzo wekutenda kuna Mwari, tichitenda kuti nesu tose tichauyawo. Chaive chiratidzo.
 
ZVINO WAKAZARURA KWATIRI ZVIRI KUITIKA NHASI. Sokuzunguzirwa kwaAkaitwa paZuva rePentekosti pakauya ruzha kubva Kudenga semhepo inozunguzwa, mhepo inovhuvhuta nesimbaichizunguzwa pamusoro pavanhu. Yakangeichizunguzwa zvakare pamberi pevanhu sekuvimbisa kwaAkaita muna Ruka 17:30 naMaraki 4, apo Mwanakomana wemunhu (S-o-n) achazarurwanekuzunguzirwa zvakare pamusoro pevanhu.

Zvino, ndiani Mwanakomana wemunhu uyu? “Pakutanga Shoko rakange riripo, uye Shoko rakangeriri kuna Mwari, uye Shoko rakange riri Mwari. Shoko rakazove nyama, rikagara pakati pedu. Uye kana dzidziso yose yatinayo, nekusimbiswa kweShoko raMwari; kubudikidza neShoko raMwari, nezviratidzo, nezvishamiso, tinoona nhasi, kuti muBhuku ra—raRuka pano, kuti sezvatichangobva kutaura kubva kwariri, kana—kuna Ruka chitsauko 17 nendima 30; naMaraki 4, neMagwaro akasiyana atinoziva, kuti Shoko irorozvakare rinozunguzirwa pamusoro pevanhu, kuti tsika dzakafa dzevanhu dzafa, uye Mwanakomana waMwari mupenyu zvakare nerubhabhatidzo rweMweya Mutsvene pakati pedu, uye ari kutipa Hupenyu.

Mweya Mutsvene wakaramba uchingozunguzwa nekuzunguzwa pamusoro pedu, uchizarura nekuzarura Shoko Rake…..Moto, hurongwa, Simba rekumutsurudza…

Zvino, pazvakaita sokunge Hazvichagoni kukurakupfuura ipapo, Akatiudza:

Akanditendera kuti nditarise kuseri kwechidzitiro, ndikakuonai imi mose ikoko…“Vose vawakamboda, uye vose vakambokuda, vapihwa  kwauri.” Waona? Ndakavaona vese ikoko saizvozvo. Chaiva chii? Simba Rinomutsurudza.

AKATIONA IKOKO!! Kuseri kwechidzitiro chenguva….taive IKOKO naye; vadikanwa vedu vese vakaenda mberi kwedu … vanababa, vanamai, vana. Takange tiriko navo uye navose vatisina kumboonana navo: Mosesi, Eria, Petro, Pauro….taivepo tose pamwe chete.
 
Zvino, seMweya Mutsvene wakanaka sezvo Ari, Haana kuda kutikanganwa isu tinorwara, takaora mwoyo uye vakarohwerwa pasi, saka Akazvizunguza zvakarepamusoro pedu kuti munhu wese aporeswe pane zvese zvataida.

Vanhu ava, vagari pamwe chete veHumambo, avo vane Simba rekumutsurudzwa, rimutsurudzei kwavari, Ishe, iko zvino. Deno Mweya wabva pachapungu uchienda kune chimwe chapungu, kubva paShoko uchienda kuShoko, kusvikira kuzara kwaJesu Kristu kwaratidzwa mumutumbi mumwe nomumwe, kuitira zvavanoshuva panyama, pamweya, kana chipi nechipi chavanoda, patinoisa maoko edu pamusoro pomumwe nomumwe. Muzita raJesu Kristu.

Shoko iroro. Inzwi iroro. ZVOSE zvatinoda zviri pamatepi, Mwenga. Mwari havashandure pfungwa dzavo pamusoro peShoko ravo. Hapana kana donhwerimwe chete kana vara rimwechete rinogona kushandurwa, saka Akaita nzira yekuti Mwenga Wakeanzwe nenzeve dzavo IZVO CHAIZVO zvaAida kutaura kwavari.
 
Mwari vakataura kuMwenga wavo vakazarura ZVINHU ZVOSE. Zvakaiswa pamatepi. Mwenga anofanira kuuya kuChikomba; ndiyo Nzira Yake yakakwana yakaitwa kuzuva ranhasi. IZVANZI NAJEHOVHA.
 
Mwari anomboshandura pfungwa dzake pamusoro peShoko rake here? KWETE. Ane KUDA KWAKAKWANA UYE KUDA KWEKUREGEDZERA. Mwenga anofanira kunge ari muKUDA kwake KWAKAKWANA.

Hapana Kuda kwakakwana, kana nzvimbo yakakwana, inopfuura kunzwa Inzwi raMwari richibva kuna Mwari Pachake.
 
Kokero yangu kwamuri ndeyekuti mubatane nesu mumwe nemumwe wenyu musi uno weSvondo na12:00 masikati, nguva yeJeffersonville, kuti tinzwe Inzwi raMwari richitiunzira Shoko Rakachena. Hapana zvekufembera zvinodiwa, kungogara zvako uchiti AMEN KUSHOKO ROSE….hapana imwe nzvimbo kwazvingaitwe, asi chete kungo Dzwanya nokuRidza.
 
Hama Joseph Branham.
 
Mharidzo: 65-0418E — Mwari Anoshandura Pfungwa Dzake Pamusoro peShoko Rake Here?
 
Tichatangira pandima 61. 
 
Magwaro ekuverenga tisati tanzwa Mharidzo:
 
Ekisodho 19 chitsauko
Numeri 22:31
Mateo 28:19
Ruka 17:30
Zvakazarurwa chitsauko 17