Eyin Ilé-Agbára owọn,

Ọlọ́run ṣèlérí láti rán afinimọna kan sí Ìyàwó Rẹ̀ ní ígbà ìkẹyìn yí kí Ó lè fi Ara Rẹ̀ hàn nínú ara, gẹ́gẹ́ bí Ó ti ṣe nígbà tí Ó wá sí ayé nínú Ọmọ Rẹ̀, Jesu Kristi. Ó sọ fún wa nínú Ọ̀rọ̀ Rẹ̀ pé Òun yóò rán wòlíì Elíjàh, ẹni tí yóò jẹ́ Ọmọ-Ènìyàn tí ń fi Ara Rẹ̀ hàn nínú ara ènìyàn; nítorí pé Ó ní ọ̀pọ̀lọpọ̀ ohun tí ó ṣì ku láti sọ àti latí kọ́ wa.

Kì yóò sọ oro ara rẹ̀; ṣùgbọ́n ohunkóhun tí ó bá gbọ́, òun ni yóò máa sọ: yóò sì sọ ohun tí ń bọ̀ fún yín. Nítorí pé, òun yóò máa yìn Mí lógo: nítorí tí yóò gbo latenu mi, yóò sì máa fi han yín.

Ó rán William Marrion Branham láti mú Ọ̀rọ̀ Rẹ̀ ṣẹ, àti láti kọ́ eni kookan wa gege bi Ìri ati aworan Jesu Kristi; gege bi ọkùnrin pípé tí ó lè ṣẹ́gun gbogbo ọ̀tá, tí ó sì maa jẹ́ ilé-agbára fún Ẹ̀mí Mímọ́ láti gbé nínú rẹ̀.

Ọlọ́run kò tíì kùnà ri láti máa rán afinimọna sí àwọn ènìyàn Rẹ̀. Ṣùgbọ́n láti jẹ́ Ìyàwó Rẹ̀, o ní láti gba afinimọna náà. O ní láti gbàa gbọ́. O ní láti tọ̀ ọ̀nà tí ó fi han o, ai jebe ìwọ yóò sọnù. Botiwu ki erò okan wa dabi pe o dara to, tàbí ibaa je ohun asán, Olorun ko funwa ni áṣẹ láti pín ọ́ro naa; afinimọna ni ẹni kan ṣoṣo ti a fi ran.

Ole sọ wipé, Arákùnrin Joseph, Ẹ̀mí Mímọ́ ni láti tọ́ wa, kì í ṣe Arákùnrin Branham.

Emi mimo ni Àwọn Ọ̀rọ̀ to so, kì í sì ṣe Arákùnrin Branham; ṣùgbọ́n òun ni ẹni tí Ọlọ́run yàn láti fi Ẹ̀mí Mímọ́ hàn nínú rẹ̀, àti láti jẹ́ afinimọna wa ni ayé yi.

Àti nísinsìnyí Ọlọ́run ti máa ń rán àwọn afinimọna Rẹ̀, Kò sí ìgbà tí Olorun kò ní afinimọna, láti ìgbà dé ìgbà. Ọlọ́run ti máa ní ẹnìkan tí ó ń ṣojú Rẹ̀ nínu ayé yìí, ní gbogbo ìgbà.

A gbọ́dọ̀ mọ ẹni tí afinimọna ayé náà jẹ́ tí ń ṣojú Rẹ̀ níbí lórí ile ayé; níbẹ̀ ni Ìfihàn òtítọ́ Ọ̀rọ̀ Rẹ̀ gbe wa.

A mọ̀ pé Ẹ̀mí Mímọ́ ni Atọ́nà to ga julo tí Baba rán láti darí Rẹ̀, ṣùgbọ́n níbí yi, Ọlọ́run sọ pé Òun máa rán ọkùnrin kan láti jẹ́ afinimọna láti ṣojú Ara Rẹ̀ àti lati darí Ìyàwó Rẹ̀.

Afinimọna wa sọ fún wa pé Koniliu jẹ́ eni ńlá àti ijóyè kan tí ó kọ́ àwọn ile ìjọsin fun awon eniyan. Ó n se itọrẹ àánú, ó sì ń gbàdúrà lójoojúmọ́. Ṣùgbọ́n nígbà tí Ẹ̀mí Mímọ́ dé, Koniliu nílò Afinimọna.

Ọlọ́run rán Ẹ̀mí Mímọ́ sí i. Ó ráan nínú ènìyàn, iyen nipase Peteru, Bibeli wipe “Nígbà tí Peteru ń sọ àwọn Ọ̀rọ̀ wọ̀nyí, Ẹ̀mí Mímọ́ sokale, o bale won” Ọlọ́run lo Afinimọna nípasẹ̀ Peteru. Ó lò Ó, nítorí pé Ó tọ́ Koniliu sí ọ̀nà tòótọ́.

Nígbà tí Peteru ń sọ̀rọ̀, Ẹ̀mí Mímọ́ bale wọn. Peteru si wipe,

“Enikeni haa lè ṣe ìdènà omi, kí a má baptisi wọ́n bi?” Wò ó, Afinimọna lo ń sọ̀rọ̀ níbẹ̀, kì í ṣe Peteru.

A kì í darí wa latodo eniyan; a ń darí wa nípasẹ̀ Ẹ̀mí Mímọ́ ni, ẸNI TÍ Ń SỌ̀RỌ̀ NÍPASẸ̀ ỌKÙNRIN TÍ ỌLỌ́RUN YÀN LÁTI JẸ́ AFINIMỌNA WA NINU AYÉ YI.

Ẹ̀mí Mímọ́ ń sọ̀rọ̀ nípasẹ̀ Angeli afinimọna Rẹ̀ yóò máa sọ kiki Ọ̀rọ̀ re.

Ó sọ fún wa pe, “Mo ní ọ̀pọ̀lọpọ̀ ohun láti ba yin sọ. sugbon kò lè yé yin nísinsìnyí, ṣùgbọ́n nígbà tí Ó bá dé, Òun yóò tọ́ yín ”

A dari Johanu nígbà tí ó kọ iwe Ìfihàn. A darí re nípasẹ̀ Afinimọna. A tun darí re nípasẹ̀ Afinimọna láti sọ pé, “Ẹnikẹ́ni tí ó bá yọ ọ̀rọ̀ kan kúrò nínú Rẹ̀, tàbí kí ó fi ọ̀rọ̀ kan kún Un, òun náà ni a ó yọ, ipá rẹ̀, kúrò nínú Ìwé Ìyè.”

Ẹ̀mí Mímọ́ tún darí Arákùnrin Branham láti sọ pé a gbọ́dọ̀ sọ ohun tí ó wà lórí àwọn fonran nìkan; kí a má fi kún tàbí yọ kúrò. Ó sì ti pèsè ọ̀nà kan tí a lè ṣe gangan ohun tí ó kọ́ wa pé a gbọ́dọ̀ ṣe, Tẹ̀ Play.

Nísinsìnyí, báwo ni ìwọ yóò ṣe fi nkàn miran rọ́pò Ọ̀rọ̀ Ọlọ́run, tí o sì tún n sọ pé Ẹ̀mí Mímọ́ ń darí re?

A ń darí wa nípasẹ̀ Ẹ̀mí Mímọ́ ẹni tí ó ti fún wa ní Ìfihàn ẹni tí Ó jẹ́, ẹni tí Ó rán gẹ́gẹ́ bí afinimọna wa ninu ayé yi láti pe Ìyàwó Rẹ̀ jáde, àti nísinsìnyí okuta asibori náà: Ìfihàn ẹni tí a jẹ́. Ó kọjá ohun ti ènìyàn lee ṣàlàyé re.

Wò ohun tí Ó ti ṣe fún wa, nínú àwọn ọ̀sẹ̀ díẹ̀ tó kọjá yìí. Ó kọ́ wa bí a ṣe lè ṣẹ́gun gbogbo ọ̀tá tí ó bá wa síwájú wa; bí a ṣe lè fa Idà ÌGBÀGBỌ́ wa yo láti pa á. A kò ní ohun kankan láti bẹ̀rù. Kò sí ohun tí ó lè dúró níwájú wa.

Bí Ó ṣe pa Oúnjẹ Naa mọ́ fún Ìyàwó Rẹ̀ láti jẹ. Bí ìránṣẹ́ Rẹ̀ tile wà lòkèerè gaan, a sì ní Afinimọna kan tí ayé kò mọ̀ nkankan nípa rẹ̀; ṣùgbọ́n sí Ìyàwó Rẹ̀, Ó jẹ́ Oúnjẹ Ẹ̀mí ní Àkókò Tó Tọ́, Manna Ìkọ̀kọ̀ tí a ń jẹ lójoojúmọ́.

Ó ti kọ́ wa gege bí ìri àwọn ọkùnrin pípé kí Ó lè maa gbé nínú ẹni kọ̀ọ̀kan wa. Ó rán Ẹ̀mí Mímọ́ Rẹ̀ sí wa, Ó sì fara Rẹ̀ hàn nínú ara, gẹ́gẹ́ bí Ó ti ṣe ní egberun odun meji sẹ́yìn, láti jẹ́ Afinimọna wa, o ń gbé osi n sọ̀rọ̀ nípasẹ̀ afinimọna Rẹ̀ lori ile aye.

Mo pe ẹni kọ̀ọ̀kan yín láti wá gbọ́ “Honk-honk, honk-honk!” Rẹ̀, níbi tí Ìyàwó yóò tọ́ tààrà sí Honk náà. Òun Naa yóò, “Honk-honk, honk-honk!” ìrohìn ayọ̀ ńlá yóò sì wà káàkiri gbogbo ayé. Kí ló dé? Ìyàwó mọ Ohùn Afinimọna re.

Bí o kò bá fẹ́ sọnù, wá gbọ́ Afinimọna wa bí Ó ṣe ń sọ̀rọ̀ nípasẹ̀ afinimọna wa layé tí a yàn ní ọjọ́ Ìsìnní yìí ní agogo mejila ọ̀sán, àkókò Jeffersonville.

Arákùnrin Joseph Branham

Akori Ìwaasu: 62-1014E — “Afinimọna Kan”

Ìwé Mímọ́:
Márkù 16:15-18
Johánù 1:1 / 16:7-15
Ìṣe Àwọn Aposteli 2:38
Efesu 4:11-13 / 4:30
Heberu 4:12
2 Peteru 1:21
Éksódù 13:21

Eyin Micaiah, owon

Ogun tí o tóbi jùlọ tí a tíì jà ti ṣetán láti bẹ̀rẹ̀ sii farahan bayi. Ọlọ́run ti ń yan àwọn ọmọ ogun rẹ̀ tí ó gbajúmọ̀ fún oti lé ní ẹgbẹ̀rún mẹ́fà ọdún bayi, a sì ti yàn yín láti wà nínú ẹgbẹ́ ọmọ ogun ńlá Rẹ̀.

Ó ti ń wọ yin laṣọ, ó sì ń kọ́ yín logun jija, oju ogun náà sì ti wà níkale, ó ń múra sílẹ̀ láti bẹ̀rẹ̀. Kì í ṣe pé ó ti yàn yín láti wà nínú ẹgbẹ́ ọmọ ogun ńlá Rẹ̀ nìkan ko o, ṣùgbọ́n ó ti yàn yín láti jẹ́ wòlíì Mikaiah nínú ẹgbẹ́ ọmọ ogun Rẹ̀.

Àkókò ti dé, ọjọ́ náà ti dé; ẹ̀yin yóò gba ìdánilẹ́kọ̀ọ́ tààràta láti ọ̀dọ̀ ọ̀wọ́n iná fúnrarẹ̀ láti ṣẹ́gun gbogbo ọ̀tá. Ẹ̀yin yóò gba ìtọ́ni pàtàkì, Ọ̀rọ̀ le Ọ̀rọ̀, lórí ohun tí ẹ ó ṣe láti pa gbogbo ẹ̀mí búburú run. Yóò fe gbogbo àìsàn àti gbogbo ise esu tí ó bá wá síwájú yin danu. Kò sí ohun tí ó lè dí yín lọ́wọ́.

Lẹ́yìn ìdánilẹ́kọ̀ọ́ pàtàkì yìí, a óo fi mọro re ro yin lagbára tó bẹ́ẹ̀ tí o e o fi lé gbogbo ibi kúrò. Le èrò ọkàn Buburu jade. Kọ àwọn ìgbàgbọ́ èké sílẹ̀. Kọ àníyàn sílẹ̀. Le àwọn àrùn jade. Kọ ẹ̀ṣẹ̀ sílẹ̀. O óo mọ̀ pé o ti ga juu lo, ati jí o dìde nínú Kristi Jesu, o wà ní ìbi giga ninu awọn ọ̀run, pẹlu gbogbo àwon emi esu lábẹ́ atelẹsẹ̀ rẹ. O óo lóye kíkún o sì gbàgbọ́ pé ìwọ ni Ọ̀rọ̀ náà.

Olorun yióò kọ́ yin ní ohun tí e gbọ́dọ̀ ṣọ́ra fún. Yóò kọ́ yin pé tí ọ̀tá yin bá lè jẹ́ kí e gbàgbọ́ pé Ohun ìjà yin kò lágbára tó, yóò gba ohun ija yin lowo yin.

Ṣùgbọ́n a óo rántí ìdánilẹ́kọ̀ọ́ wa, gege ọmọ ogun, a óo sì sọ fún satani náà pé: àgbara wa ko, a kò jẹ́ nǹkan kan. Oro Olorun ni Ohun ìjà wa, Yóò sì ṣẹ́gun gbogbo emi Esu, nígbàkúgbà, níbikíbi, nítorí pé Ọ̀rọ̀ Rẹ̀ ni, Ó sì ti kọ́ wa, Ó sì ti fi hàn wá pé àwa ni Ọ̀rọ̀ Rẹ̀ tí a sọ di ẹran ara nísinsìnyí. Nítorí náà, esu kò lè ṣẹ́gun wa, àwa ni ẹgbẹ́ ọmọ ogun Ọlọ́run tí a kò lè ṣẹ́gun.

Ọ̀kan lára ​​àwọn ọjọ́ tó ga jùlọ nínú ìtàn ayé ni yóò wáyé ní ọjọ́ ìsinmi yìí. Àwọn Mikaiah rẹ̀ yóò para pọ̀ láti gbogbo àgbáyé lábẹ́ ohùn ọ̀gágun ńlá wọn, níbi tí a ó ti pejopo ní ìṣọ̀kan, láìsí òjìji iyèméjì kankan níbikíbi.

Nígbà náà, tí a bá le gbàgbọ́, tí a sì gbàgbọ́, kò ní sí alailagbára kankan mo ní gbogbo àgbáyé. Tí a bá lè mu ohun gbogbo to, kò ní sí ẹnikẹ́ni tí ó fẹ́ Ẹ̀mí Mímọ́ tí kò ni rigbà, ìwòsàn ọkàn àti ara yóò sì wà loju ese, bí a bá kàn le di ipò wa mú. Àkókò yìí ni. Àwa ni ènìyàn naa. Ẹ̀mí Ọlọ́run ti gbé opagun sókè lòdì sí gbogbo ise esu; àwa jẹ́ Ọ̀kan nínú wọn kò sì sí ohùn tole dawa duro!!

Àwa ti kú sí ìmọ̀lára wa, a ti kú sí ìrònú wa, a ti kú sí gbogbo nǹkan wọ̀nyẹn. Ìgbésí ayé wa farasin a sì sin wá ní Orúkọ Jésù Kristi, a sì jí wa dìde pẹ̀lú Rẹ̀. Àti níbikíbi tí Ó bá wà, a wà níbẹ̀ pẹ̀lú.

Ona abajáde ti la fun wa, satani, n kanra mo yin pelu, “BAYI NI Olúwa wí. BAYI NI OLUWA wí. BAYI NI OLUWA wí.” Asehin wa Asehin bo, a ti ń gbóòórùn afẹ́fẹ́ itura. “BAYI NI OLUWA wí.” Iwo satani, a ti dé, a ti yorí sita. “BAYI NI OLUWA wí, A ti ṣẹ́gun rẹ.”

Kí ni a fi ń ṣẹ́gun Satani?

Ọ̀rọ̀ náà!
Ejẹ́ kí a sọ ọ́; Ọ̀rọ̀! Ọ̀rọ̀! Ọ̀rọ̀!!

Àwọn ìdánilẹ́kọ̀ọ́ itoni míràn

Nígbà tí ọ̀tá bá kọlù e, tí ó sì gbìyànjú láti sọ pé o gbọ́dọ̀ ṣe èyí, o gbọ́dọ̀ ṣe tohun, o kò dára, o kò yẹ, O kò le rí ìwòsàn gbà, o ṣì ní àwọn ìṣòro rẹ kan náà. Kí ni ìwọ yóò ṣe?

Sofun satani wipe “Kúrò lọ́dọ̀ mi.” Ẹ kú o! E fi Ọ̀rọ̀ náà gé e. Yálà ẹ̀mí esu ni, tabi ọ̀tá, ìbáà ṣe àìsàn, ìbáà ṣe àrun, ohunkóhun ti ibaa jẹ́, mú Ọ̀rọ̀ náà kí o sì fi idà fà á. Tí o bá sì lù ú ní ìgbà àkọ́kọ́, tó dà bíi pé kò gbéra, tún lù ú, o lù ú, o sì tún lù ú leekan si.

Ani lati gba Ọ̀rọ̀ náà nítorí pé, “Ọlọ́run sọ bẹ́ẹ̀,” èyí sì ni isan omi láàrín àwa àti Òun. Gbogbo ọ̀nà ti ṣí sílẹ̀ láàrín wa. A ń sọ pé, “Mi ò mọ ìgbà tí màá gbà á, ṣùgbọ́n màá gbà á. Ọlọ́run sọ bẹ́ẹ̀. Gbogbo iyèméjì ti lọ… a tilẹ̀ ń ṣiyèméjì àwọn iyèméjì wa.”

A kọjú ìjà sí esu a sì gba Ọ̀rọ̀ Ọlọ́run. Tí mo bá nímọ̀lára tàbí tí mi ò bá nímọ̀lára, ohunkóhun ti ibá ṣẹlẹ̀, Ọlọ́run sọ bẹ́ẹ̀. Oro buse.

Eyin ọmọ ogun, e tele àwon ilana ti doju ami. Emaa tún àwọn Ọ̀rọ̀ wọ̀nyí sọ nígbà tí ọ̀tá bá kọlu yin. Wọn kì í ṣe Ọ̀rọ̀ yin, wọ́n jẹ́ Ọ̀rọ̀ Rẹ̀, Ọ̀rọ̀ Rẹ̀ kò sì lè kùnà. Ó ti fún wa lágbára láti lo Ọ̀rọ̀ Rẹ̀ nípa sísọ wá di Ọ̀rọ̀ Rẹ̀. Nígbà tí Sátánì bá kọlu wa, epàṣẹ Oro Olorun fún un.

ÀWỌN ÌTỌ́NI ÀGBÁGBÁ WA

Èyí ni ohun tí mo fẹ́ kí o ṣe gan-an.

Tún majemu yìí wi kí o sì gba gbogbo Ọ̀rọ̀ naa gbọ́ fún ìdande pátápátá.

Sátánì, pada lehin mi! Mo ń jade kuro nibi.

Èmi kò ní dùbúlẹ̀ síbí mọ́. Èmi kò ní joko síbí mọ́. Èmi kò sí ní ilẹ̀ Ogbologbo ti satani mọ́. Mo ń jáde lọ ní òwúrọ̀ yìí.

Idì ni mí.” Àmín! Hallelujah!

Nígbà náà mo fẹ́ kí o ṣe èyí:

Kigbe mo pelu, “BÁYI NI Olúwa wí. BAYI OLUWA WI. BAYI OLUWA WI.”

Ṣí ọkàn rẹ sílẹ̀, sọ pé, “Òtítọ́ ni ọ̀rọ̀ rẹ.”

Olúwa, n kò ní fiyèsí bí o ṣe ń semi lára, ohun tí ẹnikẹ́ni nsọ. Mo ń dákẹ́, mo ń fe gbogbo ìrúkèrúdò, àti iyèméjì, àti àìnígbàgbọ́ tí mo ti ní rí kuro lona mi. Gbogbo ìmọ̀lára tí mo ní rí, gbogbo àìsàn tí mo ní rí, gbogbo ohun mìíràn tí mo ní rí, mo ń fe gbogbo wọn danu. Mo ń re gbogbo won koja. Mo ń padà sí ẹ̀mí mi tààrà.

ÌGBÀGBỌ́ rẹ yóò bẹ̀rẹ̀ sí í gòkè sí i. Lẹ́yìn náà, sọ fún un pé, Olúwa, sọ̀kalẹ̀ wá. O sọ pé o ti da mí latí yan ohun ti oba wumi.”

“Ìwọ ni, ọmọ mi.”

Ó dára, mo ṣí ọkàn àti èrò inú mi sílẹ̀.

“Wọlé, Jesu Olúwa ”

Ja Ìgbàgbọ́ gba, idà Ẹ̀mí yẹn, tiise BAYI BI OLUWA WI.

Kígbe, “Hallelujah!” Àmín.

Lẹ́yìn náà, gé gbogbo ọ̀tá tí ó wà níwájú rẹ lulẹ̀. Àmín. Beeni. Gé gbogbo ọ̀tá lule. Tí ó bá jẹ́ pé—ẹ̀mí àtijọ́ tí ó ń mú kí o nímọ̀lára gbogbo nǹkan… Gé nǹkan náà kúrò, pẹ̀lú Ọ̀rọ̀ Olúwa.

ÌTỌ́NI ÌKẸYÌN RẸ̀ Ọ̀MỌ-ogun.
SỌ FÚN Ọ̀TÀ NÁÀ:

Pada lehin mi.” Luu!

Ìwọ fi Ọ̀rọ̀ náà gé e. Yálà ẹ̀mí esu ni, yálà ọ̀tá ni, yálà àìsàn ni, yálà àìlera ni, ohunkóhun tí ibaa jẹ́, mú Ọ̀rọ̀ náà kí o sì fi idà fà á. Tí o bá sì lù ú ní ìgbà àkọ́kọ́, tó dà bíi pé kò gbéra, lù ú lẹ́ẹ̀kan sí i, kí o sì lù ú lẹ́ẹ̀kan sí i, kí o sì lù ú lẹ́ẹ̀kan sí i. Kí o sì lù ú títí tí omaa fi lu ihò kan, bí oromodìyẹ tí ó ń yọ ori rẹ̀ jáde ninu eyin; tàbí idì, ohun ti o ba jẹ́. Yori rẹ sita kuro ninu apo àìsàn àtijọ́ yẹn. Gbé ọ̀nà rẹ jáde, kí o sì wí pé, “Hallelujah!
Eyí tí ó tẹ̀lé da?” Àmín. Ogun niyen. Ọmọ ogun niyen. Ọmọ ogun àgbélébùú ni. Bẹ́ẹ̀ni, sa. Pa gbogbo ọ̀tá run. Kí ló dé? Kí ló dé?

Àwab ni, àwon ọmọ ọba Ábúráhámù tí a ti yàn tẹ́lẹ̀.

Ògo nifun Olorun, gbogbo ọ̀tá ni a ti ṣẹ́gun. Kò sí ohunkóhun tí ó lè dúró níwájú Ọ̀rọ̀ Ọlọ́run, àwa sì ni Ọ̀rọ̀ Ọlọ́run. Àwa ni Irú Ọmọ Ọba Rẹ̀, gbogbo ìlérí sì jẹ́ TIWA.

Ọjọ́ náà ti dé, Ìyàwó ti gbà gbogbo Ọ̀rọ̀ naa gbọ́, ó sì ń fi sewahu. A ti múra sílẹ̀ nípa gbígbọ́ àti gbígbọ́ Ọ̀rọ̀ Rẹ̀.

Bí ẹ bá nílò ohunkóhun, tí ẹ bá fẹ́ kí a kún yin fún Ẹ̀mí Mímọ́, tí ẹ bá fẹ́ kí a wò yín sàn, tí ẹ bá fẹ́ kí a lé gbogbo emi esu jáde, tí ẹ bá fẹ́ jẹ́ Ìyàwó Kristi, àkókò niyi, gbígbọ́ àti gbígba ohùn Rẹ̀ gbó nibiyi.

Bí ẹ bá fẹ́ nǹkan wọ̀nyí, tí ẹ sì fẹ́ wà níwájú Olúwa, kí ẹsi sún mọ́ Olorun ju bí ti tele lọ, ẹ wá dara pọ̀ mọ́ wa ní ọjọ́ Àìkú ní agogo 12:00 osan, àkókò Jeffersonville, gẹ́gẹ́ bí Ọ̀gágun wa oníràwọ̀ mẹ́rin ṣe ń kọ́ àwọn alágbára Rẹ̀. Iyawo Mikaiah bawo ni a ṣe le ṣẹgun gbogbo eṣu, gbogbo ọta, lati di ominira, ki a si kun fun Ẹmi Mimọ Rẹ̀, ki a si mura silẹ fun Wiwa Rẹ̀ laipẹ.

Àrakunrin Joseph Branham

Iwaasu: Ogun Ti o tobi Julọ Ti A Ti Ja Ri. 62-0311

Awọn Iwe Mimọ:

1 Peteru 5: 8-10

Efesu 6:10-17

Daniẹli 12: 1-7

Ẹyin 1 nínú TM, (TheM, Tape Ministry Ed.)

Nígbà tí àwọn ènìyàn bá nbi wá pé:

Ìbéèrè: Ṣé o je ọ̀kan lára ​​wọn tí wọ́n gbàgbọ́ pé Ọlọ́run rán William Marrion Branham láti pe ìyàwó Ọlọ́run?

Ìdahun: BẸ́Ẹ̀NI, Èmi je ọ̀kan lára ​​wọn.

Ìbéèrè: Ṣé o gbà gbogbo ọ̀rọ̀ tí a sọ lórí wọn gbo?

Ìdahun : Hallelujah, Èmi je ọ̀kan lára ​​wọn.

Ìbéèrè: Nígbà náà o gbọ́dọ̀ gbàgbọ́ pé o gbọ́dọ̀ tẹ Play kí o sì gbọ́ ohùn Rẹ̀ láti jẹ́ ìyàwó Kristi?

Ìdahun : Ògo nifun Olorun, Emi gan-an niyen, emi gaan nìyẹn ni èmi dé gbàá de góńgó…Èmi je ọ̀kan lára ​​wọn.

Ìbéèrè: Ṣé o ń sọ fún mi pé, o gbàgbọ́ ní tòótọ́ pé ìwọ ni irú ọmọ Ọba tí a yàn, tí a yàn, tí a ti yàn tẹ́lẹ̀ láti ìpìlẹ̀ ayé láti gba Ọ̀rọ̀ Rẹ̀ gbo, láti jẹ́ ìyàwó Rẹ̀, tí a sì pé ní ojú Rẹ̀, láìsí ẹ̀ṣẹ̀ kankan, àti pé a kò lè tàn ọ́ jẹ?

Ìdahun: Hallelujah, oo gbọ́, iyẹn ni mi 110%, MO JẸ́ Ọ̀kan ninu wọn.

Gẹ́gẹ́ bí Jésù fúnra rẹ̀ ti wi àwa ni ìtumọ̀ Ọ̀rọ̀ Rẹ̀. Àwọn ọmọ Ìjọba naa. Ìfarahàn Ẹ̀mí Mímọ́. Irú-ọmọ Ìjọba ti àkókò yìí.

Ṣé o mọ̀? Ó tó àkókò fún gbogbo ènìyàn láti mọ ẹni tí a jẹ́ gan-an, nítorí náà kò sí àṣìṣe kankan. A ó jẹ́ kí Ọlọ́run sọ̀rọ̀ nípasẹ̀ wòlíì Rẹ̀, kí ó sì kó gbogbo rẹ̀ jọ fún yín.

Agbára kan náà tí ó sọ ayé di alààyè wà nínú àwọn ènìyàn tí ó ní Ẹ̀mí Mímọ́. Bẹ́ẹ̀ ni. _Àwọn ọkùnrin àti obìnrin, ó tó àkókò tí a ó fi mọ ẹni tí ẹ jẹ́. Satani ń ngbìyànjú láti fi yín pamọ́, kí ó sọ fún yín pé ẹ jẹ́ ohun kan tí a ti dẹ́rù bà. Ẹ̀yin kì í ṣe bẹ́ẹ̀. Ẹ̀yin jẹ́ ọmọkùnrin àti ọmọbìnrin Ọlọ́run.

Ọlọ́run kò sí ní ọ̀run, ó wà nínú yín. Hallelujah !

Ìdahun: Ọlọ́run kò sí ní ọ̀run, ó wà láàyè, ó sì ń gbé nínú olúkúlùkù wa!

Pẹ̀lú ọjọ́ tuntun kọ̀ọ̀kan, pẹ̀lú gbogbo èémí tí a ń gbà, Ìfihàn tí Ó ti fún wa nípa ẹni tí a jẹ́ ń pọ̀ sí i. Àwa ni Ọ̀rọ̀ alààyè tí ń gbé nínú ara.

Àwa mọ̀ èyí nítorí Ó ti fún wa ní Ìfihàn tí Ó rán ní ọjọ́ wa; ẹni tí Ọlọ́run fúnra rẹ̀ sọ pé Òun yóò rán láti wàásù àti láti kọ́ni ní Ọ̀rọ̀ Rẹ̀ nínú Ìfihàn 22.

Èmi Jesu ti rán áńgẹ́lì mi láti jẹ́rìí fún yín nípa àwọn nǹkan wọ̀nyí nínú àwọn ìjọ.

Ó rán áńgẹ́lì Rẹ̀: William Marrion Branham, láti sọ̀rọ̀ nínú àwọn ìjọ Rẹ̀…Èyí túmọ̀ sí pé ọ̀rẹ́ mi ńte àwọn fonran nínú àwọn ìjọ Rẹ̀. Èyí kò tilẹ̀ gba ìfihàn, o kàn ní láti kaà ni.

Gẹ́gẹ́ bí Ọ̀rọ̀ náà ti wí, àkókò yìí ni àkókò ẹ̀tàn jùlọ nínú ìtàn ayé. Ẹ̀mí òtítọ́ àti èké yóò sún mọ́ ara won débi pé yóò tan àwọn àyànfẹ́ náà jẹ bí ó bá ṣeé ṣe.

Ọlọ́run rán Áńgẹ́lì Rẹ̀ sí àwọn ìjọ. A ní Ohùn Rẹ̀ ní ìka ọwọ́ wa. A lè gbọ́ Ọ̀rọ̀ fún Ọ̀rọ̀ ní pàtó ohun tí Ó sọ. Kò nílò àlàyé tàbí ìtumọ̀ kankan, gbogbo ohun tí Ìyàwó ní láti ṣe ni kí ẹ tẹe GBÀDÚRÀ kí ẹ sì GBÀGBỌ́.

Ó kìlọ̀ fún wa pé, ẹ má ṣe yí gbolohun kan tàbí àkọlé kan padà lorí àwọn fonran náà. Ẹ má ṣe fi òye yín tàbí èrò yín sii, ẹ gbọ́ ohùn mi kí ẹ sì gbàgbọ́. Títí di òní yìí, ìyẹn kò ṣeé ṣe; ṣùgbọ́n lónìí ó jẹ́ nítorí pé ọ̀nà tí Ọlọ́run pèsè fún òní ni.

A ṣẹ̀ṣẹ̀ gbọ́ nípa Ìgbà Ijo Méje àti bí ó ṣe jẹ́ pé làti ibere titi de opin akoko, àwọn ẹ̀mí wọ̀nyẹn dìde láti mú àwọn ènìyàn kúrò nínú Ọ̀rọ̀ òtítọ́. Báwo ní àkókò kọ̀ọ̀kan, lẹ́yìn tí ìránṣẹ́ náà ba ti lọ, bi wọ́n ṣe mú àwọn ènìyàn lọ sí ìgbàgbọ́ tàbí ẹ̀kọ́ adamo; sí ara wọn àti èrò ènìyàn.

Lónìí wọ́n gbìyànjú láti pa agbára wa run wọ́n sì wí pé, “Ó, wọ́n gbàgbọ́ pé àwọn foran náà ni Ohùn pàtàkì jùlọ tí ẹ gbọ́dọ̀ gbọ́. Ẹ gbọ́dọ̀ fi awon fonran naa kọ àwọn eniyan nínú ìjọ yín…ìyẹn jẹ́ ọ̀rọ̀ asiwere. Arákùnrin Branham kò sọ pé kí ẹ maa fi awon fonran naa kọ àwọn eniyan ní ṣọ́ọ̀ṣì. Nísinsìnyí, ohùn iṣẹ́ ìránṣẹ́ ni ẹ gbọ́dọ̀ gbọ́.”

Ni temi o, ìyẹn ni irúgbìn ìyàtọ̀! O GBODO TẸ̀ PLAY PLAY ki o si gbọ Ohùn Ọlọrun ninu awọn ijọ yin nitori Ohùn kanṣoṣo ti Ọlọrun funra Rẹ dmfowosi niyen. O gbọdọ gbọ gbogbo Ọrọ ti Ọlọrun sọ.

Emi Jesu ti ran angẹli mi lati jẹri awọn nkan wọnyi fun yin ninu awọn ijọ.

Angẹli ti a ti fi idi re mule yẹn n sọrọ ninu ijọ wa, nitorinaa mo pe yin lati wa darapọ mọ wa lati gbọ Ohùn yẹn pẹlu Iyawo Rẹ lati gbogbo agbaye lori ipade ni agogo 12:00 osan, akoko Jeffersonville, ki o si gbọ: 65-0118 – “Iru adamodi”.

Arakunrin Joseph Branham