Sermon: 65-0829 Edeni Gwa Sétano

PDF

• 26-0705 Edeni Gwa Sétano
• 24-0922 Edeni Gwa Sétano

BranhamTabernacle.org

Gwempala Nsīngilìgwa Umpēlelèsye,

Lõli ukukēta u busyobi bwa ndugu, uswe tukafumamo nasiku pakuya ni lisiku bo ili uswe tukwītúgalamo lilino. Ilyēne lyo likomu ukukinda-gosa, lisiku ilisyobekesye. Kangi akabalilo kãko Une nguketa ikyo, ikyēne kikutwala iki, ukuti, u Nkristi ikufimbilisigwa ukuya pa bunyatuko bwãke ubwingipo umwīsyùgu ukukinda umwẽne ayīlèmo siku mu ngulilo yiliyõsa.

Nkundwe Branham ãyobìle amasyu aga ku Nsīngilìgwa kifuki ifyinja 61 ifi fikindilepo mpaka lino. Ngimba ubusyobi bwa ndugu bwãfwánikisigwàga bulebule ifyinja 61 ifi fikindilepo ku lilino? Ukubika nkaketelo akangi, ngimba ubumang’anyi bwa kisu-kya-pasi ifyinja 61 ifi fikindilepo bwali buki ukufwanikisania ku iki ubwene buyilile umwisyugu?

1961 yãli bukye bwa Ngulilo ya Mmwanya, imikupyuta gyãli minywamu, imiyengelelo imīsule-nkyumba gikubombela amapipa gafwasi-nkati na makadi amatoboligwe igi gyãlondigwàga abasayansi bapasima ukubatikila-kumbumbo. Amatelefoni gapīnyiligwàga ku fimato kangi gãbombelàga isambo ingafu ni ngoye sya analog sya kõpala, imiyengelelo gya Transista, ifisimbilo-fya-kutaipila ifyakwendakwenda, ifipanganio fya kusimbila pa kalatasi kangi ifyakonganisila ifyapabwandilo ifyakwendakwenda.

Lõli umwīsyùgu uswe tuli na Intaneti, imbãtìko sya Amahala Amãtìgwe aga gãbagìle ukwata ifikwatakwata, ukusimba, nu kutula ni mbombo nkabalilo kalakala. Imiroketi gyakuyamo-abandu gikubuka ku Mars. Ama selofone ga-munyambi, iwochi ingomu, nu tombo twagwimwene utu tukwasyigwa mu ndungisanio Syakisu-kyosa insita-sambo isi akabalilo kalakala sikulungisania maelifu-elifu-elifu ga bãndu ukwīsìla mu lisyu-lya-pakanwa, utusimbo, ni vidiyo. Abatuli bakiroboti.

U bukomu nu busyobi bwa ndugu buli ngati nasiku pabutasi. U luyungu ulubībi ulwa Sētàno lo luli mu butone ubwīsùsye kangi lupelile u Edeni gwa Sētàno. Lõli pa kabalilo kalakala, Kyāla ãli nu Nsīngilìgwa uyu ãli mu butone ubwīsùsye, Ulwãke u Luyungu Ulwabunyafyale ulu luntendìke Mwēne mwītendekèsye ukwīsìla mu kwītúgàla mu kuyapo kwa Mwanundumiana Gwãke, Lisyu Lyãke, Lisyu-lya-pakanwa Lyãke.

Kyāla ãmènye ãfimbilisigwàga ukupa injila ukuswililla u Nsīngilìgwa Gwãke mu ngulilo insyobi, imbībi iyi. Injila imbelelesye iyi abēne ãngàli batikuswiga, ukusakisya, pamo ukwega i lisyu lya mūndu aligwēsa mbuyo bwa Lisyu lyanaloli ilisita kubwapuligwa. Umwẽne ãmènye ãngàli bikufumbwa ukupilika kuli bībène i Lisyu-lya-pakanwa lya Kyāla, kabuno Umwẽne ãtusokìle uswe ikyēne ãngali kikuya kifuki fīyo ikyēne ãngali kikusyoba a Basaligwa balabala linga kyakubombigwa.

Abanyambala babágìle ukupakigwa, ukwisusigwa na Mbepo Mwīkèmo, nu kuya babutungulu. Umwẽne alinkufimbilisigwa ukupa injila. Kokuti, Umwẽne atēndìke INJILA IMBELELESYE kuli u Nsīngilìgwa Gwãke umpelelesye, iki ãngàli kikuboneka kisitakubombigwa akabalilo kãko Umwẽne alyandile ukwegelela i Lisyu-lya-pakanwa Lyãke mu 1947; ukuti ku bupalamasye bwa lõbe lwãbo, i kīsu-kya-pãsi kyãbagile ukupilika kuli bēne i Lisyu lililyõsa Umwẽne ãyobìle, na mope mu njobelo yabo bēne. Pala ãngàli patikuyapo AMALÃLÙSYO NAGAMO, UKUSWIGA NAKUMO. ABĒNE BÃBAGILE UKUPILIKA U ISI SYO IKUTI U NTWA PABĒNE

Umwẽne apelile nukupela i njila iyi Umwẽne ãbagìle ukõngàna u Nsīngilìgwa Gwãke ukusyūngutìla i kīsu-kya-pãsi ukupilika i Lisyu-lya-pakanwa Lyãke, bõsa akabalilo kamokene, ukuti abēne bãbágìle ukuya mu linogonelo limolyene, ubufwane bumobwene, ukupilika Umwẽne ikuyoba.

Umwẽne ãfimbilisigwàga ukwega u ntumigwa Gwãke, lõli ãlekìle i Lisyu-lya-pakanwa Lyãke, Lyãke i Lisyu ilipēlelesye kuli u Nsīngilìgwa Gwãke umpelelesye. Ukwīsìla mu kupilikisya nu kusyala ni Lisyu-lya-pakanwa Lyãke, abēne ãngàli bikumanya abēne bakabagila ukusyóbìgwa.

Kangi po apa lelo: Umo mõmùmo Kyāla ikutugasya i Kipãnga Lyãke, i Lisyu lililyõsa ukufuma ku luko Lwãke. “Umundu atisa kwītúgàla nu nkate gwene mma, lõli ni Lisyu lililyõsa likusoka pa kanwa ka Kyāla.”

Uswe tumenye iki kyo kwītika i Lisyu lililyõsa u Mbepo Mwīkèmo ikuyoba, lõli kwa une, une ndi nu lugīndìko ulukulumba -ukukinda ulu lupigwemo siku ku mūndu-gwabundu yumo. Une mbagile ukupilika, ni mbulukutu syãngu, i lyanaloli i LISYU-LYA-PAKANWA LIKUYOBA i Lisyu lililyõsa likusoka ukufuma nkanwa ka Kyāla.

Yikayako injila iyingi kuli une. Kyāla apèle injila nyingi ukupokela abana Bãke, lõli kwa une, Kyāla apèle i NJILA IMBELELESYE KU NSĪNGILÌGWA GWÃKE UMPĒLELÈSYE.

Umwīsyùgu, Sētàno ikuniongasya i kiyabo kya Lisīmbo ili likubagilila ku lisiku ili. Umwene isakukuleka ugwe umanye kyõsa Yeso ãbómbìle kyãli mbupelelesye kinunu. Umwẽne isakukuleka ugwe umanye kyõsa Nkundwe Branham ãbómbìle kyãli mbupelelesye kinunu, kangi umwẽne ãli nsololi gwa Kyāla. Lõli akabalilo kãko kikwisa ukukina lilalila ilisisimikisigwe i Lisyu-lya-pakanwa lya Kyāla mu kipãnga kyãbo, abēne bisa kuyoba ikyēne kitikubomb’imbombo ku mwīsyùgu, ubwēne bo bubõmbi.

Ikyo kyo itolo kyõsa umwẽne ikufimbilisigwa ukubõmba, muketile, ko kwega abãndu ukwītìka Ikyēne injila yila, kangi ikyo–ikyi kyo kyõsa. Kabuno, “Ugwe ukabagila ukwega i Lisyu limolyene ukusosyapo ukufuma ku Lyēne, pamo ukõngelélàko ilisyu limolyene ku Lyēne.” Lõli ikyo kyo iki umwẽne ikubomba.

Ngimba kyo fiki iki undõngòsi gwãko gwamwambepo ikufyusya mu kipãnga kyãko? Ngimba lyo Lisyu-lya-pakanwa nki ilipala fiyo u Nsīngilìgwa ikufimbilisigwa ukupilikisya umwīsyùgu? Ugwe ubagīle itolo ukuya ni Kikulumba kimokyene.

A: Lisyu-lya-pakanwa lya bubombi?
B: Lisyu-lya-pakanwa lya Kyāla pa matepi?

“U luyungu lulilosa lubagile ukwīsa pãnja ulwa luko lwake lwene.” Umo mõmùmo Kyāla alyalile u Edeni Gwãke. Ngimba ikyo kyo kutalusya?

Une ndikulwana nu bubombi ukulūmbilìla. Une mmenye, kangi ngwitika, Kyāla ababilikile abēne. Lõli kwa une, u bubombi ubwabwanaloli bwisa kukibula ikilūndilo kyãke i Lisyu-lya-pakanwa pa matepi lyo Lisyu-lya-pakanwa ililondigwe-fiyo abēne BIKUFIMBILISIGWA ukupilika, kokuti abēne bikufimbilisigwa ukukina a matepi mu kipãnga kyãbo, kabuno ilyēne lyo LISYU-LYA-PAKANWA ILINYWAMU.

Ukuya kuli une ni nyumba yãngu, kangi i Branham Tabernacle, uswe twisa kusyala ni ya Kyāla i NJILA IMBĪGWE IMBELELESYE. Uswe tukuyaga pa KUBINDA KINA nu kupilika i Lisyu-lya-pakanwa lya Kyāla.

Une mbagile ikugana ukubilikila i kīsu-kya-pãsi ukwīsa ukwīlúngìsya na uswe ukupilika i Lisyu-lya-pakanwa Lila Pandungu ugu pa 12:00 PAMUSI, akabalilo ka Jeffersonville, bo uswe kamokene kãngi tukongana ukusyūngutìla Iyake injila imbīgwe insaligwa kuli umwīsyùgu.

Nkundwe Yõsèfu Branham

Ndumi: Edeni Gwa Sētàno 65-0829

Amasimbo ga ku bala bo mukali ukupilika i Ndumi:
Gwakibili Timoti 3:1-9
Busetuli 3:14
Batesaloniki Bakibili 2:1-4
Yesaya 14:12-14
Matai 24:24

Gwempala Nsīngilìgwa gwa Kristi, unko uswe twise palikimo Pandungu pa 12:00 PAMUSI, akabalilo ka Jeffersonville, ukupilika 65-0822E, Ikisūjilo Kya Nyãmbàla Gwãkwīnógòna.

Nkundwe Yõsèfu Branham

Gwempala Mwēhe,

Kãngi u Nsīngilìgwa umwīsyùgu ēgìgwe pãnja ukufuma mu mbili gwa Kristi, uyu ikubombela nu kubõmba itolo katikati bomūmo Umwẽne ãyobìle Ikyēne ãngàli kikubõmba kuli i lisiku ili, u Nsīngilìgwa, u Mwēhe; u Mwalafyale kangi u Mwēhe.

Akabalilo kãko Yeso ãlísìle ukuya lõsa Lisyu lila, polelo uswe tuli kiyabo kya Umwẽne POLELO. Akayapo nayumo u mõhèsi, nagamo amaka, umma nakimo kibagilemo siku ukwega ikyo ukufuma kwa uswe. Ikyo kyo mbanda iyakupinyila ya moyo.

Lo luyigo nki u Nsīngilìgwa ikuyanalo na kila Ndumi uswe tukupilika. Ikyēne kyo ukukinda amasyu gwãbùndu ukulīngania. Gukayapo mma unsyūngùlu gumogwene ntiga gwa kwilamwa, Kyāla atusūngwìle uswe kangi atupele uswe u Busetuli BWÃNALÒLI bwa Lisyu Lyãke kuli umwīsyùgu. Polelo, uswe tumenye uyu uswe tuli, u Mwēhe Gwãke.

I Lisyu-lya-pakanwa lya Kyāla likuyoba pa matepi likupelelesya u Nsīngilìgwa Gwãke. Bukayapo ubutumigwe ubungi, nalimo i lisyu-lya-pakanwa ilingi; kikayapo nakimo kibagile ukupelelesya u Nsīngilìgwa Gwãke lõli Kyāla Mwēne ikuyoba ukwīsìla mu milomo gyãbùndu nubutalule ku Nsīngilìgwa Gwãke. Abangi babágìle ikulonda ikyakwingisyapo kimo, lõli u Nsīngilìgwa Gwãke atisakutēngàna kuli nakimo ikīngi lõli I LISYU-LYA-PAKANWA Lyãke, u Gwãke Kalata gwalugano ku Nsīngilìgwa Gwãke; kabuno i Ng’osi Syãke sikulonda kwene ku kupilila i Lisyu-lya-pakanwa Lyãke.

Abãndu bikuyoba uswe tukubīka ulubīndíkìsyo lwīngi-fīyo pa nsololi. Ikyēne kyo kihesya fiyo ukuti abãndu bitikwitikisya ukuti u nkulumba Tata Gwakumwanya Mwēne ãpákìsye mbwingi fīyo kuli u gwãndùmi Gwãke mpaka Umwẽne ãbīkílèpo ubūlóndìgwe ubunywamu pa bufungamilo bulibõsa ukusyūngutìla umwẽne; injila umwẽne ãfwálìle, injila umwẽne ãbómbìle, akayīlo kãke, imbombelo syãke.

Umwẽne alīmfwíkìle nukumfwīka umwẽne mu luko lwa myenda igi umwẽne ãfwèle; akapeligwe kãke, ikinyonywo Kyãke, kilikyõsa itolo injila umwẽne ãfimbilisigwàga ukuya, itolo nubupelelesye asúngulìgwe na Kyāla Mwēne kuli uswe…polelo kuyoba uswe tukubikapo fingi fīyo pa nsololi.

Kwa uswe, i Lisyu-lya-pakanwa pa matepi likaya mma lisyu lya mūndu, napamo ukuti Ilyēne liyobigwe nu mūndu, ukutwaligwa nu mūndu, napamo libagile Ilyēne ukusetuligwa nu mūndu. Ilyēne lyo Lisyu lya Kyāla lisetuligwe na Kyāla Mwēne, U Nsanusi Gwãke Mwēne, Kristi ikwisetula Mwēne mu Lisyu Lyãke Lyēne.

Bamo babágìle ukupilika, lõli batikukyagania lõsa. Ugwe ubagīle ukubabūla abēne, ukubanãngìsya abēne, lõli abẽne mbupepe bakabagila ukuketa. Uswe tubagile abēne, tukubīputìla abēne, lõli iki Kyāla asetwile kwa uswe bo Bupelelesye Bwãke.

Apa lulipo u lugelo lwa Litmus kuli ulutapukano ulukulumba pakati pa Nsīngilìgwa gwa Kristi umwīsyùgu aba bikuyoba abēne balinabo u Busetuli BWABWANALOLI bwa iyi ingulumba i Ndumi ya kabalilo-kabumalikisyo.

Ubulīngànio bwa lugelo lwa Litmus: Kimokyene ntiga, ikibagililo kyalutumulilo, ililãlùsyo, pamo ikyakubõmbìgwa iki mbibimbibi kikusetula ikipeligwa kyãnaloli, akayīlo, pamo ubuyīlìlo bwa kindukimo (pamo umunduyumo).

Unko une tãsi njobe kamokene kãngi, une ngwitika mu ubutumigwe ububilikigwe-na-Kyala ubwãnalòli Bulipo ubufūmbwe, kangi ubuyo bumo, kuli kila bubombelambombo. I Lisīmbo naloli likuyoba ubutumigwe bwa banyambala aba bo buli ku bupelelesye bwa bīkèmo, lõli ikyēne kitikuyoba ukuti aligwēsa gwa butumigwe ubupeteke-ka-5 isa kupelelesya abīkèmo. Nkundwe Branham pabwelu ikutubula uswe ubutumigwe mu kila ngulilo yikubuka mbuyonge, polelo bo bulebule ABĒNE bãbagile ukupelelesya u Nsīngilìgwa?

Balipo bīngi, bīngi abalūmbilìli, abamanyisi, abatumigwa kãngi abasololi aba balumbilile ukuti abēne bikwitika iyi i Ndumi ya kabalilo-kabumalikisyo kangi ukuti Nkundwe Branham ãli Lisyu-lya-pakanwa lya Busetuli 10:7, aba lilino bikuyoba ikyēne kyo kyabutungulu, umwẽne yo nsyobi, uswe yuswe basyobigwe.

Aba bãli balumbilili abagindikigwa bamwanya ni filundilo ifikilumba aba balyéndìle i kīsu nu kulumbilila. Abēne balyegigwe ukuya balongosi bakulumba ba butumigwe ubupeteke-ka-5, bikulumbilila mu ngomano ingulumba na mfipanga ukukilania u United States. Abēne bãli nu butumigwe ubukulumba mmaso ga bandu, kangi abēne bakongile nu kibitika abēne ukuya banyambala bakulumba ba Kyāla.

Polelo balipo abalūmbilìli umwīsyùgu aba bo mbupapate bēgigwe ukuya balumbilili banaloli ba bupeteke-kahano aba bikwīyobèla ukwītìka i Ndumi iyi ukwīsìla mu kwãndìsya Iyene nu kulumbilila Iyene, lõli abẽne kangi bikuyoba i Ndumi iyi yikaya Kimalisye yula mma. Amasiku ga butumigwe bwa nyãmbàla-yumoywene gakīndìle. Ubutumigwe ubupeteke-ka-5 bo lilino bwakupelelesya u Nsīngilìgwa, kangi ikyēne kisobi ukukina amatepi mu kipãnga, ukwandisya amabuyobi manini itolo.

Uswe tumenye bisakuyapo abapakigwe ababusyobi bala mu kabalilo kabumalikisyo; u nsololi ãtusokìle uswe ukuya maso na bēne. U butumigwe bwãbo bwisa kuya bupakigwe. Abēne bisa kuyanayo u Mbepo Mwīkèmo, kokuti abēne bisa kwãndìsya i Ndumi ya sala iyi. Abēne bisa kuya KIFUKI FĪYO ikyēne ãngali kikusyoba balabala abasunguligwe linga ikyēne kyãli kyakubombigwa.

Ikyo kikaya MMA fipãnga-fipãgùke. Ifyene fikãbagìle ukwandako ukusyoba abasunguligwe. Kokuti, ikyēne kibagile ukuya nukuya kifukiko ukukinda ikyo. Iki kitikusanusya ALIGWESA undūmbilìli abukile mbuyonge, na panandi. Balipo abanyambala abakalumbu ba Kyāla aba bikulumbilila nu kumayisya u bwãnalòli, lõli kilipo ikindukimo umwitiki aligwēsa ãbagìle ukukyagania nu kwilãlùsya bene:

Ngimba u ndumbilili uyu ugwe kukōnga ãbagìle ukutendeka ubusobi?
Ngimba ugwe ubagīle ukuyoba ameni ku lisyu lililyõsa ili umwẽne ikulumbilìla?
Ngimba kwītika i Lisyu lililyõsa ili umwẽne ikumanyisya lyo Isi Syo Isi Ikuti U Ntwa?
Ngimba i lisyu-lya-pakanwa lyãke lyo Lisyu-lya-pakanwa ilipala fiyo ugwe kulondigwa ukupilika?
Ngimba umwẽne abagile ukulūmbilìla ikindu ikisobi?
Ngimba umwẽne abagile ukubuka mbusobi napãpo afumile pakulumbilila ku fyinja 30? Ngimba abagile umwẽne ukutoligwa?
Ngimba umwẽne abagile ukubabūla umwe ifindu ifisobi?
Ngimba umwẽne abagile ukusyóbìgwa?

Lilino ilãlùsya gwimwēne amalãlùsyo galagala ukufwana ni Lisyu-lya-pakanwa lya Kyāla ilisisimikisigwe ugwe ubagīle ukupilika pa matepi.

Ngimba i Ndumi pa matepi tubagile ukusulwa ubusobi? UMMA.
Ngimba ugwe ubagīle ukwītìka nu kuyoba AMENI ku Lisyu umwẽne ikuyoba? ENA.
Ngimba Iyene yibagile ukutoligwa? UMMA.
Ngimba umwẽne abagile ukulūmbilìla ifindu ifisobi? UMMA
Ngimba Iyēne yibagile ukukubula ugwe ikindu ikisobi? UMMA
Ngimba ugwe ubagīle ukukitika ubufikilo bwãko ubwasyepwa pa Lisyu lililyõsa ugwe kupilika? …ENA
Ngimba Iyēne yo Lisyu-lya-pakanwa lya Kyāla? ENA.

Nongwa yafiki une nguyoba ifindu ifi? Ukusõsòla pãnja ukuti abanyambala BÕSA babágìle, kangi bikubomba, ukutendeka ubusobi, lõli i LISYU-LYA-PAKANWA LYA KYĀLA pa matepi likabagila ukutendeka ubusobi. Iyo yo nongwa Ilyēne lyo lilondigwe fiyo LISYU-LYA-PAKANWA UGWE KUFĪMBILISIGWA UKUPILIKA. Iyo yo nongwa u butumigwe bukufimbilisigwa ukukina a matepi ku fipãnga fyãbo. Iyene yo ya Kyāla INJILA IMBĪGWE IMBELELESYE Umwẽne atēndìke kuli u Nsīngilìgwa Gwãke.

Naloliloli, une ngwitika ugwe ubagīle ukupilika abangi, lõli li lyene ntiga i Lisyu-lya-pakanwa ugwe KUFĪMBILISIGWA UKUPILIKA nu kwītika i Lisyu lililyõsa lyo Lisyu-lya-pakanwa pa matepi. Lila i Lisyu-lya-pakanwa lyo LYĒNE NTIGA uswe tubagile ukuyoba AMENI ku Lisyu lililyõsa.

Iyo yo ngomelesyo ya Kyāla, ugwe kufīmbilisigwa ukwītìka i Lisyu lililyõsa, kangi i Lisyu ugwe kupilika pa matepi lyo LISYU LYĒNE ili lisisimikisigwe ni Mbanda ya Moto ukuya bwãnalòli bula. Kyāla ãyobìle William Marrion Branham yo MWĒNE nsanusi gwamwakyala gwa Lisyu Lyãke, panongwa yakuti Ilyēne likaya lisyu lyãke mma, Ilyēne lyo Lisyu lya Kyāla.

Komma ukwandula amasimbo kamo pamo akakong’ondelo kamo. Nayumo u nyãmbàla ali mpelelesye bo lula; lyene li Lisyu-lya-pakanwa lya Kyāla lyo lipelelesye bo lula. Napãpo uswe tutikupilikisya iki uswe tukupilika, uswe itolo tukufīmbilisigwa ukwītìka ilyo lyo lya Kyāla ilisisimikisigwe i Lisyu-lya-pakanwa ku Nsīngilìgwa Gwãke.

Naloli, u Mbepo Mwīkèmo ikulõngosya abanyambala ba Kyāla. Naloli, u Mbepo Mwīkèmo ababilikile abēne ukuya batimi kangi balumbilili kangi bamanyisi; ikyo kyo kyãnaloli, lõli abẽne bakaya bapelelesye. Lõli Kyāla apelile injila iyakuti umwe mubagīle ukupilika i LISYU ILIPĒLELESYE akabalilo kalikõsa ntiga umwe mukubūngàna.

A bãndu, na bu butumigwe, bikulondesya ifyakupyanikisyapo umwīsyùgu. Ngimba ugwe ubagīle ukwīnogonèla umunduyumo ikubomba ku ndumbilili iki abēne bikubomba kwa Nkundwe Branham?…”Une nisa kukupa ugwe amaminiti 30 polelo ugwe kufīmbilisigwa ukwīma, une ndinayo i ndumi une ngufumbwa ukutwala.
Umwe mubagile ukupilika amatepi akabalilo kalikõsa. Une mmenye iki ikilūndilo iki kikufumbwa ukupilika iki kyo kya lululu kuli umwīsyùgu.” Bingi-fiyo batisa nukukina na kayabo kamo aka tepi yimo, nu kuyoba ikyēne kyo kisobi ukukina i Lisyu-lya-pakanwa lya Kyāla mu fipãnga fyãbo.

Abagìle aligwēsa mu līnogòno lyabo ilinunu ukwīnogonela u ndumbilili uyu ãbagìle ukupela u luleyo, ululeyo lulilosa, kisita kukina i Lisyu-lya-pakanwa lya Kyāla mu kipãnga kyãbo panongwa yakuti abēne bukufimbilisigwa ukulūmbilìla? Abēne bikuyoba ikyēne, lõli abẽne batikwitika ilyene lyo Lisyu-lya-pakanwa lya Kyāla, kisita-ikyo abēne bakãbagìlemo siku ukutendeka ululeyo lulilosa ukusita kukina amatepi.

Abágìle bulebule yumo ukwīyobèla abēne bikwitika ili lyo Lisyu-lya-pakanwa lya Kyāla kangi atisakulonda ukukina ikyēne mu kipãnga kyãbo? Bo bulebule babágìle a bãndu aba bikwīyobèla abēne bikwitika ukuti ilyēne lyo Lisyu-lya-pakanwa lya Kyāla likuyoba kangi kisita kufīmbilisigwa abatimi bãbo ukukina amatepi mu fipãnga fyãbo? Panongwa yakuti abēne bali ni mbepo yimoyēne.

Komma ukuya Nikodemu bikuyoba, “Une ngukibona ikyēne kangi une ngwitika ikyēne. Ikyēne yo Mwanundumiana gwa Mūndu ikwisetula Mwēne mu nyõfu gwãbùndu. Ikyēne yo Isi Syo Ikuti U Ntwa. Iyene yo Ndumi imbelelesye. Ilyēne lyo Lisyu-lya-pakanwa lya Kyāla pa matepi, lõli une itolo ngabagila ukupepusyako ubutumigwe bwangu nu kuyoba i Lisyu-lya-pakanwa lyo lyakulondigwa mbwingipo kuli i kipãnga kyangu ukupilikisya.”

Bakundwe na bakalumbu, umwe mubagīle ukusita ukwitikana na une itolo katikati pa iki. Une ndikubalálùsya umwe ukubõmba. Ikindu kyēne, umwe itolo īnogónèla ikyēne. Linga abalūmbilìli bikuyoba ku fipãnga fyãbo ukuti abēne batikwitika mu kukina amatepi mu fipãnga fyãbo, ikyo kyõsa kinunu, nkundwe gwãngu. Ugwe balyesya abēne ifi ugwe kunyonywa.

Une ngugela ubununu bwangu fiyo ukusyala palapala ni Lisyu, panongwa yakuti i ng’osi sikulonda nakimo ikingi lõli ikyãkùlya kya ng’osi kangi uswe tukwitika i Lisyu-lya-pakanwa lya Kyāla ma Matepi kyo kyītu Kyãkùlya kya Ng’osi. Ikyo kyo iki uswe tukwītúgalìla būmi: i Lisyu lililyõsa ili likusõkamo…Komma itolo i Lisyu apa na apo, lõli i Lisyu lililyõsa ili likusõkamo nkanwa ka Kyāla liyobigwe pa matepi; ikyo kyo iki uswe tukwītúgalìla būmi.

Kyāla nswaga une kangi umwe nswaga une linga une mbasulumanisye umwe pamo njobile ikindukimo ikisobi. Iki kyo itolo iki uswe tukwitika nu ukukēta ukuya Bwãnalòli uswe tukwītúgalìla būmi. Kyāla atupele uswe INJILA IMBELELESYE ukupilikisya i Lisyu-lya-pakanwa Lyãke kangi uswe tukukigana ikyēne.

Bo bwila, une ngubilikila aligwēsa uyu ikulonda ukwīlúngìsya na uswe ukupilika i Lisyu-lya-pakanwa Lila pa kabalilo kamokene, ukwīlúngìsya na uswe pa 12:00 PAMUSI, akabalilo ka Jeffersonville, kūko uswe twisa kongana ukuya Kilundiko Kimo ukupilikisya: 65-0822M Kristi Ikisetuligwa Mu Lisyu Lyãke Lyēne.

Nkundwe Yõsèfu Branham

Amasimbo gãkubala bo tukãli ukupilika i Ndumi:
Kusõka 4:10-12
Yesaya 53:1-5
Yeremiya 1:4-9
Malaki 4:5
Mwīkèmo Luka 17:30
Mwīkèmo Yõhàni 1:1 / 1:14 / 7:1-3 / 14:12 / 15:24 / 16:13
Bagalatiya 1:8
Gwakibili Timoti 3:16-17
Bahiburi 1:1-3 / 4:12 / 13:8
Gwakibili Peteri 1:20-21
Busetuli 1:1-3 / 10:1-7 / 22:18-19

Mwebapala Basaligwa Bala,

U Bupakigwe ubupya yo Kristi, bo busetuli. Kyāla asetwile kwa ugwe ikyambutitu ikikulumba iki, kangi ubo bo Bupakigwe ubupya. Lilino ngimba ugwe kubombaga fiki akabalilo kãko ugwe kwega kyõsa ikibugutila kila palikimo? kūko u busetuli buli nubupelelesye mu bwitikisanio,

Kyāla ikubungania kyõsa ikibugutila kya Ngwasi Syãke mu bwitikisanio ubupelelesye, ikusetula i Lisyu Lyãke ku Nsīngilìgwa Gwãke.

Injila ya Kyāla iya kuya nu ntemi yumo, bõmùmo Davidi ãli, ãli ntalusye, kangi umwe mulinalyo ilīnogónèlo lilipakati pala. Ngati undõngòsi yumoywene ntiga kangi ikipãmbo kya masekwa, pamo fyõsa bo ifyo, ugwe ukabagila ukwega babili pamo batatu ba bēne. Polelo, ugwe kupalagania abēne bõsa palikimo, ugwe kwisapo nu luko lulilosa lwa fūndo.

Polelo ngimba tukulondigwa tubõmbe fiki, Ntwa?

Ikindu kyēne ugwe kufīmbilisigwa ukubõmba ko itolo ukutendeka i Lisyu-lya-pakanwa Lyãngu limanyigwege; abēne bamenye ikyēne, kabuno i ng’osi Syãngu simenye i Lisyu-lya-pakanwa Lyãngu.

Ngimba lyo liliku i Lyãko i Lisyu-lya-pakanwa ilipēlelesye kuli u mwisyugu, Ntwa?

Linga une nãbasulumanìsye umwe mu ukwīsìla ukuyoba ikyo, nswaga une, lõli, une nãlīpilìke ikyo kyãbagile ukuya kīkalaligwe, lõli, une yõne Lisyu-lya-pakanwa lya Kyāla kwa umwe.

Uswe tukwitika ikyo ni ndumbula syītu syõsa. Umo mõmùmo uswe tukwipilikila, Ntwa.

Abēne batikufīmbilisigwa ukusisimikisya mwasayansi kalikõsa, pamo ukulãlùsya aligwēsa u m’Sadukai pamo u m’Farisai, pamo kilikyõsa ikīngi, ukufwana ni kyēne, abēne bikwitika ikyēne, kabuno i ng’osi Syãngu sikupilika i Lisyu-lya-pakanwa Lyãngu.

Ngimba lyofiki i Lisyu-lya-pakanwa pa matepi ku Nsīngilìgwa Gwãko?

Ili lyo Lisyu-lya-pakanwa lya Kyāla mu luko lwa Kalata, panongwa Iki kyo kyõsa busetuli bwa Yeso Kristi, Lwitikano Ulukulu nu Lupya fibikigwe palikimo. Ameni. Mwaketa lelo umwe.

Ngimba amatepi gakãli gãkulóndìgwa umwīsyùgu?

Une mmenye ukuti, ukufuma pabusokepo bwangu ukufuma pa kīsu-kya-pãsi iki, amatepi gala na mabuku gala gisakukindilaga ukuya mūmo, kangi bīngi ba umwẽne bana bakeke mwisa kwaga, mmasiku aga gikwisa, ukuti iki kyo katikati u Bwãnalòli,…

Ntwa, uswe tukwitika amatepi na mabuku fyo Bwãko ubwabumi, ubutumigwe ubuyepo ubu Ugwe ulékìle kuli u Nsīngilìgwa Gwãko.

Nongwa yafiki amatepi lyo LISYU-LYA-PAKANWA LYÃKULÓNDÌGWA FIYO kuli uswe ukupilika?

Uswe tuli mu ngulilo isyobi fiyo iyi uswe twītúgelèmo siku. “Ikyēne ãngàli kikusyoba balabala a Basaligwa linga ikyēne kyãli kyakubagila,” panongwa yakuti abēne balinabo ubupakigwe, abēne babágìle ukubõmba kilikyõsa bomūmo abasyale ba bēne.

“Aligwēsa isa kõngelélàko ilisyu limolyene ku Iki, pamo ukwega i Lisyu limolyene ukufuma ku Lyēne.” Ugwe kufīmbilisigwa ukuya na kimalisye yumo kubuyobumo.

Kokuti, u Kimalisye gwītu ikufimbilisigwa ukuya Lisyu lya Kyāla. Ugwe usetwile kwa uswe ukuti i Lisyu lya Kyāla ni Lisyu-lya-pakanwa lya Kyāla fyo kimokyene. I Lisyu-lya-pakanwa lyo minogono galagala ga Kyāla gayobigwe, bomūmo Ugwe gwãbómbìle na basololi akabalilo kãko Ugwe gwãsímbìle i Bãngèli; lõli mu lisiku lyabumalikisyo ili, Ugwe gwãpayìle i Lisyu Lyãko, i Lisyu-lya-pakanwa Lyãko, ukwīsìla mu kulyēgelèla Ilyēne nukubìke Ilyēne pa tepi. Popãpo, i Lisyu-lya-pakanwa Lyãko liyobigwe pa matepi yo kimalisye gwa Nsīngilìgwa.

Abãndu batikwinogona ikyēne kyo kyakulõndìgwa ukukina i Lisyu-lya-pakanwa m’fipãnga fyãbo umwīsyùgu. Abēne bikumanyisigwa mu fipãnga fyãbo ukuti Nkundwe Branham akãyóbìlemo siku ukukina amatepi mu kipãnga, abēne bikufumbwa itolo ukupilika undūmbilìli ikulumbilìla nu kwãndìsya i Lisyu.

Kãngi linga i kipãnga yo kimalisye gwãko, ugwe utikupãkisya iki aligwēsa ikuyoba. Ikyo yo kimalisye gwãko. O Kyāla, tūla iki ukwīyúbìka nkati! Kwa une, ikindu kyõsa kyo kisyobi. Ilisyu lya Kyāla yo kimalisye. Kilikyõsa i Lisyu lya Kyāla likuyoba, polelo ikyo kyo kitalusye.

Umwẽne ãgúlilàga kuli abēne ukumbilikila Umwẽne. Ikyo kyo iki Umwẽne ikugūlìla ikilo iki, kuli ugwe ukumbilikila Umwẽne. Kētèsya, akabalilo kãko bala abafundigwa bãlīmbílikìle Umwẽne nkati ku bulilanisi bwãbo ukusyūngutìla i kigemo,

Abagìle bulebule aligwēsa ukuyoba, ukubīkàp’inongwa, pamo ukupela ilēyelo, aba bãfumwìsye ukuti abēne bikwitika mu Ndumi ya kabalilo-kabumalikisyo iyi, kisita kukina amatepi mu fipãnga fyãbo akabalilo kãko abēne Bali nu lusako ukupilika LILALILA I LISYU-LYA-PAKANWA LYA KYĀLA? Ikyēne go Masyu aga Kyāla ãyobìle ukwisila mu milomo gwãbùndu nu nsololi Gwãke umpakigwe. I LISYU-LYA-PAKANWA LYĒNE ili lisisimikisigwe ni Mbanda ya Moto, lisisimikisigwe ukwīsìla mu kumanya ifyakusofu filafila fya ndumbula, lisisimikisigwe ni fimanyilo ni fiswigo, ukuti ilyēne LYO Lisyu-lya-pakanwa lya Kyāla ku ngulilo iyi.

Abagìle bulebule aligwēsa ukupela ubulēyo bulibõsa, ubulīngànio, pamo ukusita kuya ni kinyonywo ukupilika i Lisyu-lya-pakanwa lya Kyāla kila kabalilo abēne bikubūngana?

Ntwa, ulindeka une nasiku nēge i Lisyu-lya-pakanwa Lyãko pa matepi kyaitolo. Unko une bwīla nsansanie ku kīsu-kya-pãsi Ilyēne lyo LYĒNE i Lisyu-lya-pakanwa abēne bikufumbwa ukupilika. Unko une mfumusye ku Nsīngilìgwa Gwãko, KYÕSA IKI ABENE BIKUFUMBWA LYO LISYU-LYA-PAKANWA PA MATEPI.

Uswe tukugana ukulilanila. Uswe tukugana ukuyoba isya Ugwe nu kwãndìsya i Lisyu Lyãko, lõli kikayapo nakimo ikikulumbapo Ugwe gwãbagìle ukubõmba kuli u Nsīngilìgwa Gwãko ukukinda ukupa i Lisyu Lyãko pamwanya pa Lisyu, u Busetuli bwa Lisyu-lya-pakanwa Lyãko, kangi polelo ukusyagania YWÃNI USWE TULI, U NSĪNGILÌGWA GWAKO UNSUBILILIGWA.

Mūmo une nãbagìle ukubuka ngukīndilìla kangi ngukīndilìla, ukukīlīlánìla isya busetuli ubukulumba ubu Kyāla apèle kwa uswe. Kikayapo kubumalikisyo nabumo, lõli ikikulumba fiyo iki une mbagile ukubõmba ko kukubilikila ugwe ukwīsa pilika kuli gwīmwène i Lisyu-lya-pakanwa lya Kyāla ni kiyabo kya Nsīngilìgwa Pandungu pa 12:00 PAMUSI, akabalilo ka Jeffersonville, bo uswe tukupilikisya: 65-0815 – Kangi Ikumanya Ikyēne Umma

Nkundwe Yõsèfu Branham

Gwempala Nsīngilìgwa gwa Kristi, unko uswe twīse palikimo Pandungu pa 12:00 PAMUSI, akabalilo ka Jeffersonville, ukupilikisya 65-0801E Ifibonèke Fipélìgwe Fyãpabwèlu Nu Busólòli

Nkundwe Yõsèfu Branham

Gwempala mfwana-na-Kristi, Mfunde, Lisyu, Ntimo, Nsīngilìgwa:

Mūmo indumbula syītu syãsángalwìke bo uswe tupilike u gwãndùmi Gwãke ugwamaka ikufumusya uswe yuswe Mbeyu nsūngilìgwe-ngãni iya Kyāla aba bakabagila ukubõmba nakimo lõli ukukõngèsya i Lisyu-lya-pakanwa Lyãke. Ikyēne kikusanusya ukukinda u būmi kwa uswe. Ugwe ubagīle ukwega a mabumi gītu, lõli ugwe ukabagila ukwega i Lisyu-lya-pakanwa Lyãke. Uswe tuli Yumo ni Lisyu Lyãke.Uswe tuli Yumo ni Lisyu-lya-pakanwa Lyãke. Uswe tuli Yumo n’Umwẽne.

Ikyēne kikuboneka kihesya fiyo kwa uswe ukuti uswe tutikupilikisigwa fīyo nu kūgílìgwa panongwa yakuti uswe tukuyoba uswe tukwitika mu kukina amatepi; ukuti ilyēne lyo Lisyu-lya-pakanwa lya Kyāla likuyoba ku Nsīngilìgwa Gwãke. Sētàno abasyobile fīyo abãndu mpaka abēne bikwīnogòna ukuti pãpo uswe tukufumusya uswe twe kipãnga kya tepi, ikyēne kyo kindukimo iki kili pãnja pa Lisyu, ikindukimo ikisyobi, kangi uswe tukuyõngésìgwa, napãpo akabalilo kõsa Iyēne yo njila imbelelesye imbīgwe na Kyāla ku Nsīngilìgwa Gwãke.

Ngimba ikyēne kibagile bulebule ukuya njila yīngi? Linga ugwe kusofani’ubulīngànio i Lisyu limolyene ili lyãyobìgwe, ugwe uyõngìle. Abẽne babagìle ukuya ni kyakulonda ni fūndo innunu, lõli nukuya basobi. Yumo abagìle ukupakigwa na Mbepo Mwīkèmo kangi põpe nukuya nsobi.

Linga Kyāla akapēle injila yimo yakuti u Nsīngilìgwa Gwãke ãbagìle ukupilika kuli bēne i Lisyu lililyõsa, polelo pala ãngàli yilipo injila iyīngi. Lõli Umwẽne apēle injila yimo ku mūndu aligwēsa pa kīsu-kya-pãsi ukuya nu lusako ukupilika likuyoba nubutalule ku bēne kisita bufumbwe bwa kusanusya, ukulīngania, pamo ukwēlusya. Ilyēne lyo Isi Ikuti U Ntwa… POPÃPO!

Uswe twesa tukwitikisania uswe tukufīmbilisigwa ukusyala ni Lisyu ukuya Nsīngilìgwa Gwãke.

Une ngwitika ukuti kilikyõsa iki uswe tukufumbwa kisīmbìgwe papapa Apa, kikulondigwa itolo ukusanusigwa na Mbepo Mwīkèmo. Une ndikwitika ukuti u mūndu aligwēsa pa kīsu-kya-pãsi ali nu bwabuke ukubīka ulusanusyo lwãke mwēne ku Lisyu. Kyāla atikufumbwa yumo gwesa ukusanusya i Lisyu Lyãke. Umwẽne yo nsanusi Gwãke Mwēne. Umwẽne ãyobìle Umwẽne ãbagìle ukubõmba ikyēne, kangi Umwẽne ikubomba ikyene.

Pabwelu, u Ntwa ayobile kangi asetwile ku Nsīngilìgwa Gwãke ukuti yikayako nayimo injila iyingi ukuya Gwãke u Nsīngilìgwa unsaligwe lõli ukusyala ni Lisyu Lyãke. Kyāla Mwēne ikusanusya i Lisyu Lyãke Mwēne, kangi nayumo ali nu bwabuke ukõngelélàko ulusanusyo lwãbo ku Lyēne.

I Lisyu lyope likuyoba ukuti u NSOLOLI Gwãke yo nsanusi gwa Lisyu Lyãke. Umwẽne you Lisyu-lya-pakanwa lya Kyāla ku bãndu. Iki umwẽne ikuyoba lyo Lisyu kuli ilisiku lyītu.

Ukwīsìla mu kupilika ku Lisyu-lya-pakanwa lya Kyāla pa matepi, uswe yuswe busololi bukufwanikisigwa.

Kukayako nakimo ikyamaka mīngipo, ikisisya mbwigipo, nakimo ikyakwīkutisya mbwigipo, nakimo ikipēlelesye mbwigipo ukukinda ukuya kupilikisya i Lisyu-lya-pakanwa lya Kyāla ilisisimikisigwe likuyoba kwa ugwe.

Akabalilo kãko abangi babágìle ukuyoba kukayako nakimo ku kyēne, i ngwasi sikutelengana nu kusangaluka nu buhobufu ubukulumba nubukinde, nu busisimisye abēne bikukyunga i Lisyu lya Kyāla. Umwẽne ãtubúlìle uswe linga ugwe uli na makina ga tepi, aga akabugutila palikimo, kangi kina iyene, kangi pilika kifuki. Ni lipyana Lyãke ni kisa, ikyo kyo katikati iki uswe tukubomba.

Kyāla atubilikile uswe pãnja pa ngulilo imbībi iyi kuli i Ngamu Yãke. Uswe tukukindamo mu ngelo nyingi fīyo nu kugeligwa ngati nasiku pabutasi. Sētàno ali pa njila-ya-bwite kabuno umwẽne amenye akabalilo kake kali kūsùlo. Ugwe ubagīle ukwīlálùsya gwimwēne, ngimba une mbagile bulebule ukukindamo mu findu fyõsa ifi, kangi une y’une Nsīngilìgwa Gwãke?

Umwe mukupeligwa babonekele-pabwelu, mukugeligwa, kangi mukusisimikisya kwa Sētàno, USWE Y’USWE NSĪNGILÌGWA GWÃKE. Uswe y’uswe Lisyu mu nyõfu. Uswe tubagile ukuyoba i Lisyu kangi Ilyēne lisa kwisa kukuyako. Ikyēne yo ISI SYO IKUTI U NTWA.

Uswe tuli ni Lisyu-lya-pakanwa lya Kyāla likuyoba nubutalule kwa Sētàno nu kumbula umwẽne:

Sētàno , ugwe uponjololigwe . Ugwe y’ugwe ntungulu. Kangi, ukuya mbombi gwa Kyāla, kangi ukuya babombi, uswe tukulagila ukuti ugwe pilikila i Lisyu lya Kyāla, kangi buka pãnja pa bãndu aba, nongwa yakuti ukwẽne kusīmbìgwe, “Mu Ngamu Yangu abēne bisa kukagila pãnja imisyētáno.”

Kilikyõsa… KILIKYÕSA uswe tukufumbwa, uswe itolo tukufumbwa ukusuma, ukwītìka nu kusyala palapala pala. Ikyēne kibagile bukubonekela-pabwelu palapala; ikyēne kibagile ukuya ndungu gumo, u mwesi gumo, ikyinja kimo. Ikyēne kikaya ni mbombo iki uswe tukukēta pamo ukwīpilika, IKYĒNE KIKUBONEKA PALAPALA AKABALILO KALA.

Kila bulumbilili uswe tukubungana palikimo kikuya kinywamupo kangi kinywamupo kuli i Ngwasi sya Kyāla. Uswe tukubungana mu līnogonèlo Limolyene kangi mbwitikisanio Bumobwene, ukwitúgàsya palikimo mmabuyo Gamwanya, tukupilika ku Lisyu-lya-pakanwa likuyoba kwa uswe nu kutupelelesya uswe ni Lisyu Lyãke.

Uswe tubagile ikugana kuli umwe ukulūngisania na uswe Pandungu ugu pa 12:00 PAMUSI, akabalilo ka Jeffersonville, bo uswe tukupilika i Lisyu-lya-pakanwa lya Kyāla likuyoba kwa uswe kamokene kãngi nu ukutwalila uswe ulusanusyo lwa Lisyu Lyãke Mwēne.

Nkundwe Yõsèfu Branham

Ndumi: U Kyāla Gwa Ngulilo Imbībi Iyi 65-0801M

Masimbo gakubala bo kukãli ukupilikisya i Ndumi

Mwīkèmo Matai untu gwa 24 / 27:15-23
Mwīkèmo Luka 17:30
Mwīkèmo Yõhàni 1:1 / 14:12
Imbombo 10:47-48
1 Bakorinti 4:1-5 / 14th chapter
2 Bakorinti 4:1-6
Bagalatia 1:1-4
Baefesi 2:1-2 / 4:30
2 Batesaloniki 2:2-4 / 2:11
Bahiburi untu gwa 7
1 Yõhàni untu 1 / 3:10 / 4:4-5
Busetuli 3:14 / 13:4 / mitu 6-8 and 11-12 / 18:1-5
Syambupingamu 3:5
Yesaya 14:12-14

Mwebapala Ngwasi Syakutelengana,

Ngimba lo luki ulu lukwabo ulukulumba ulu lukwega ubuyo ukusyūngutìla i kīsu-kya-pãsi? Abãndu ukufuma mõsa ukukilania i kīsu-kya-pãsi bikubūngana pa 12:00 PAMUSI akabalilo ka Jeffersonville, bitūgèsye ntwaya twabo na mfipanga fyãbo nu lugūlìlo ulukulumba, bikugūlìla ukupilika i Lisyu-lya-pakanwa lya Kyāla likuyoba ku bēne.

Ikyēne kyo kihesya fiyo kangi kisita kupilikisigwa ku kīsu-kya-pãsi ukupilikisya amatepi itolo. Abẽne bikuyoba uswe tubagile ukupilika amatepi akabalilo kalikõsa. Kukayako nakimo ku kupilikisya ku kabalilo kamokene. Ugwe ubagīle ukupilikisya ku butumigwe ubwabumi, u ndumbilili, komma itolo amatepi. Abẽne bakamandanigwe mu nyīho syãbo.

Nakimo bo iki kibonikemo siku mu syambukulu sya kīsu-kya-pãsi. Kyo kiliku kikwãbìle abãndu aba ukõngàna bõsa akabalilo kamokene ukupilika i Lisyu-lya-pakanwa likubilikila pãnja ku Nsīngilìgwa Gwãke? Ikyēne yo Kyāla ikufwanikisya Luka 17:30. Ikyēne yo Kyāla ikufwanikisya Busetuli 10:7. Ikyēne yo Kyāla ikusetula Bahiburi 13:8, Melekisedeki mu nyõfu gwãbùndu, bomūmo Umwẽne ãbómbìle kwa Abraham.
Abẽne bikugūlìla nu kuswiga, ngimba Umwẽne isa kuyoba fiki?
Ngimba kyofiki kisa kuboneka akabalilo kãko Umwẽne ikwanda ukuyoba? Abẽne bikulonda ukuyapo pala pa bulungisanio ukwega kalikõsa aka Umwẽne ikuyoba. Abẽne bikulonda Ikyēne. Abẽne bikulonda ukupilika Ilyēne bõsa akabalilo kamokene nu Nsīngilìgwa ukusyūngutìla i kīsu-kya-pãsi. Kabuno abēne bikwitika umwẽne yo lisyu-lya-pakanwa ili Kyāla ãsálìle ukuya Lisyu-lya-pakanwa Lyãke ukubilikila pãnja nu kulõngòsya u Nsīngilìgwa Gwãke.

Palema nalonga abēne bali sala nyingi ukupãgúkàna, lõli abẽne bo bõsa palikimo ngati KILUNDIKO KIMO, bachunile mula, bikupilikisya ku Lisyu-lya-pakanwa likuyoba ku bēne ukufuma ku Kipãnga Kyakukaya kyãbo. Abẽne bikwitúgàsya mu kuyapo kwa Mwanundumiana, bikukya nu kugūlìla kuli u Kwisa kwa Messiya.

Indumbula syãbo sikubopa. Umbepo Mwīkèmo ikusetula ku bēne iki kikuboneka pabuyo. Kyāla agūlìle mpaka ilisiku ili ukunãngìsya-pabwelu i Lisyu Lyãke nu kubūngania u Nsīngilìgwa Gwãke. Ikyēne kikubombigwa, kangi abēne bo kiyabo kya Ikyēne. Ubwabwanaloli bwa iki kikubombigwa kikusatukila mu ndumbula syãbo. Abẽne babalile isya ikyēne mu Lisīmbo ku bafyīnja-mia bīngi, lõli lilino ikyēne kyãbwãnalòli. U Busetuli bwa Lisyu bukubonekela-pabwelu ukwīsìla mu bēne. I sololi sya nsololi sikufwanikisigwa.

Bo abēne bikwitúgàsya pãsi pa bupakigwe Bula ubukulumba bwa Lisyu-lya-pakanwa Lyãke ilyamaka, Umwẽne ikufumusya ku bēne ukuya bīténdekèsye; kabuno Umwẽne ikuyaga pakwiputila kila yumo gwa bēne. Ikutubula uswe akabalilo kãko Umwẽne ikwanda ukwiputa, buka kãle amaboko pala bala bãbo babine, kabuno ubuyepo-posa bwa Kyāla buli palipõsa na bēne, kisita kupasya kugu abēne baliko: Texas, ukukilania mu California, ukufyuka mu Arizona, Kwītòngo kwa Amerika, nakõpe ku kutusyenga ku lubafu ulungi lwa kīsu-kya-pãsi. Kulikosa abēne bikuchunilako, apa amaboko pa kila yumo nu nníne akabalilo kãko uswe tukwanda ukwiputa kangi Kyāla isakubumbulusya kila yumo gwa bēne, linga abēne bikwitika, kabuno Ikyēne kyo Isi Syo Ikuti U Ntwa.

Abẽne lilino bikupilikisya ukuti ukukindamo mu ngulilo yiliyõsa nu nsololi aligwēsa uyu ãfumile pakuyako pamo ãbagìle ukuyako, pisa kukapo ubwingi bumo bwa bãndu aba basūngilìgwe-ngãni ukupilika i Ndumi kangi abēne bisa kukōnga Iyēne. Abẽne bisa kusūla ifilūndilo. Abẽne bikusūla ubwīlàmwe bwa basitakwitika aba bikuyoba ikyēne kyo kisyobi pamo yikaya njila imbīgwe na Kyāla. Bakaya ni ngãnikano nasimo na bēne. Abẽne balinakyo ikindu kimokyene abēne BABÁGÌLE UKUBÕMBA, uko ko itika nu kwega akapatu kalikõsa ka Ilyēne abene babágìle, ukubūndasya Ilyēne nkati ngati Maria uyu ãli ku Njayo sya Yeso. Abẽne bakaya ni soni, abēne bo bakwimogela fiyo ukuyoba ukuti abēne bo balumiana ba tepi pamo balīndwana ba tepi aba bikubīnda bikukina.

I Lisyu-lya-pakanwa lya Kyāla litalile libasokile abẽne ukuti bisa kuyapo abapakigwe bala nkabalilo kabumalikisyo aba bisa kuyanabo ubupakigwe ubukulumba, u Mbepo Mwīkèmo. Abẽne bisa kwãndìsya u nsololi ni Ndumi ya sala iyi; bikwiyobela ukuya bītiki, lõli abẽne bo bapakigwe basyòbi.

Abẽne bisa kuya kifuki fīyo ku bupakigwe ubwabwanaloli ukuti ikyēne ãngali kikusyoba balabala a basaligwa linga ikyēne kyãli kyakubagila, lõli abẽne bamenye abēne bakãbagìle ukusyóbìgwa, kabuno abēne BO LISYU LILA. Abẽne bo Nsīngilìgwa ugwabwanaloli uyu ãsyèle ni Lisyu-lya-pakanwa lya Kyāla.

I Lisyu-lya-pakanwa lila likufumusya ikyēne kitisa kuya līndìmu, pamo ikiluki-ikikali. Ikyo ãngàli kikuya kipepe ukukindanisya ubukīndàne. Lõli ikyēne ãngali kikuya i tangelo, sinda līndìmu, sinda lūki, i kipaãpisanio ikifuluganie. Ikyēne kisa kuboneka itolo ngati lūki, lõli ikyēne kitisa kuya, kabuno ulusamba ulupya lula lwisa kuya mia-pa-mia ngati kyapabwandilo. Abẽne bisa KUSYALA na lila ilyapabwandilo i Lisyu lya Lisyu-lya-pakanwa. Abẽne batisa kwega ulusako lumo. Abẽne bisa kusyala na Kyāla yumoywene, Yūyo Umwẽne Mwēne, afūmwìsye ukuya LISYU-LYA-PAKANWA LYÃKE, LISYU LYÃKE, lisisimikisigwe ni Mbanda ya Moto.

Ngimba kyo fiki kikuboneka pabuyo?

U lusunguligwe-ngãni u Luyungu lwa Kyāla lukabagila ukubõmba nakimo ikingi lõli ukukõngèsya nu kupilikisya ku Lisyu-lya-pakanwa lila, kabuno Ilyēne kikusanusya ukukinda būmi ku bēne. Ugwe ubagīle ukwega imyumi gyãbo, lõli ugwe ukabagila ukwega i Lisyu-lya-pakanwa lila

Ngimba lofiki u lukwãbo?

Kyāla , vo bwila, ikufwanikisya i Lisyu Lyãke. Isaga lūngìsàniaga na uswe kangi yaga kiyabo kya busololi bwa nsololi ukuya bukufwanikisigwa Pandungu ugu pa 12:00 PAMUSI, akabalilo ka Jeffersonville, bo uswe tukupilika i Lisīmbo likuboneseligwa- pabwelu.
Nkundwe Yõsèfu Branham

Ndumi: 65-0725E ” Ngimba Lo Lukwabo Nki Pa Kyãmba Kila?”

Masimbo:
Mwīkèmo Matai 21:1-4
Sekaria 9:9 / 14:4-9
Yesaya 29:6
Busetuli 16:9
Malaki 3:1 /nuntu gwa 4
Mwīkèmo Yõhàni 14:12 / 15:1-8
Mwīkèmo Luka 17:22-30

Abapakígwe Bala Ku Bumalĩkísyo Bwa Kabalílo 65-0725M

PDF

• 26-0517 Abapakigwe Bala Ku Kabalilo Kabumalikisyo

BranhamTabernacle.org

Mwebapala Ngwasi Syakutelengana,

U ntu pagwēne gwa Ndumi ya ndungu ugu gukusetula ubwãganio bwa luko bwa Mbepo Mwīkèmo ku Nsīngilìgwa. Ukwīnógòna bisakuyapo abanyambala abapakigwe mbwanaloli bikutupuka nu lisiku ili, nu bupakigwe ubwabwanaloli bwa Mbepo Mwīkèmo yulayula uyu ãli pa nsololi gwītu, lõli ukuya basyòbi.

I Lisyu likutubula uswe abēne bisa kubõmba ifimanyilo ni fiswigo, bikwãmbililàga ifula yilayila, isayo silasila bo yu nsololi ugwanaloli. Abãndu ãngàli bikusyūmbutùka ukufuma ku lyanaloli i Lisyu ilisisimikisigwe lya lisiku ili ukubuka ku finyonywo fyãbo bēne, bikulūndìka kuli bēne abamanyisi, balinasyo imbulukutu inyēgèle. Ikyēne kisa kuya kifuki fīyo ku Lisyu ilyãnalòli mpaka ikyēne kisa kusyoba kifuki a Basaligwa.

Kyo kifuki itolo bulebule bula ubupakigwe bwisa kuyaga? Ngimba ikyēne kisa kuyaga kipepe ukumanyila-ngãni iki kyo kyãnaloli na iki kyo kisyobi? U nsololi ãtubúlìle uswe ukuti u Mwalafyale David, u nyãmbàla ukufuma ku ndumbula ya Kyāla yēne, nu bupakigwe pa mwēne, ãli nu busetuli ubwanaloli; lõli ubwēne bwãli busobi.

FIKI!! Unko ikyo kīngìle nkati kuli akabalilo akanini. Mwalafyale unsaligwa na Kyāla ãli nu bupakigwe ubwabwanaloli nu busetuli ubwabwanaloli, lõli umwẽne ãli nsobi! Utwakang’osi twa Kyāla twisa kufīmbilisigwàga ukuya bamaso fīyo ukumanya iki abēne bikupilikisya kyo bupakigwe ubwabwanaloli pamo ubusyobi; kabuno ubufikilo bwãsyèpwa bukwīgémekèsya pa salo isi.

Uswe tumenye Kyāla abīkìle-mbuyo bīngi ababõmbi ukutila ukulõngosya nu kukyunga u Nsīngilìgwa Gwãke mu Lisyu. Lisyu Lyake likuyoba lūlo, kangi uswe tukupãlisya kwa Ntwa kuli kila yumo gwa bumo. Abẽne babilikigwe ukuya batimang’osi pamwanya pa mitimo gyãbo. Abẽne bo bakukyunga abēne mu Lisyu. Mu kubõmba lūlo, abēne balingasulwa ukutoligwa ukukina LYĒNE ilisisimikisigwe i Lisyu-lya-pakanwa lya Kyāla ku mitimo gyãbo.

Bomūmo uswe itolo tupilike mūmo unyãmbala aligwēsa abagìle ukubuka mbusobi, na bu bupakigwe ubwabwanaloli nu busetuli ubwabwanaloli. Lõli u Nsīngilìgwa abagìle ukwīgémekèsya īsisimikìsye, panongwa yakuti Kyala apēle injila imbelelesye iyi abēne babágìle akabalilo kõsa ukupilika U BUPAKIGWE BWABWANALOLI, U BUSETULI BWABWANALOLI, UGWANALOLI ISI SYO IKUTI U NTWA; ITOLO BINDA KINA.

Kūko u Mfimba guliko,” a Manna gali, i Lisyu lili, “kula i ngwasi sisa kutelengana.”

Kūko u Mfimba guli, kula ko kuko uswe Ngwasi twisa kubūnganisìgwa. Kūko i Nyama imbupwe yiliko, i Lisyu lya kabalilo-kãke, i Ndumi ya sala iyi. Kangi bukayako ubuyo ubupupwanopo ukulya a Manna gala ukukinda ukupilika i Lisyu-lya-pakanwa lya Kyāla Mwēne.

Ilyo lyo Lisyu Lyãke. “Mūndu atisa kuya mūmi nu nkate gwene mma, lõli ni Lisyu lililyõsa.” Muketile? Abasunguligwe-ngãni bamenye iki. “I lisyu ilihēsya, i lisyu-lya-pakanwa ilihēsya, abēne batisa kukōnga.”

I nongwa uswe tutisa mma, kangi tukabagila ukusyóbìgwa, yo nongwa yakuti uswe yuswe Lisyu nu Busetuli ubu. Uswe tukabagila ukuya nakimo ikīngi. Uswe tukabagila ukupilika nakimo ikīngi. Uswe tukamanya nakimo ikīngi.

“UNE YÕNE!” Komma, “Une nãli, pamo nisa kuya.” “UNE YÕNE!” itensi yalilino, i Lisyu lilino. Komma i Lisyu ili lyãli, i Lisyu ili lisa kwisa; i Lisyu ilyo lyo lilino. Muketile? Umwe mukupilisya ikyēne? “UNE YÕNE!” “UNE YÕNE” yo Lisyu lila. “Mu bwãndìlo lyãli Lisyu, kangi i Lisyu lyãli na Kyāla.” Ngimba ikyo kyo kutalusya? “UNE YÕNE.” “Kyāla ãlīndúmìle une ukuya nsololi Gwãke, ukusisimikisya iki ukuya kyãbwãnalòli. Une ne lyãmulo ku Lisyu ili, ãlīmbúlìle une ukwīsa ukusuluka kuno nu kubomba iki.”

Kangi akabalilo kãko umwẽne ãbómbìle ikyēne, Farao alinkuti, “Ena, uswe tulinabo mwalomwalo gwa balumiana mu kubugutila kyītu babágìle ukubõmba ikyo, bõpe,” bēgélèli.

Yeso ãyobìle, “Lilino, ikyo kisa kuyaga pakwandisya kangi mu masiku gabumalikisyo,” muketile, ukwīyobèla ikindu kilakila.

Ntufye u Ntwa. Yoba isya ubusisimikisyo kuli u Nsīngilìgwa. Akabalilo kãko ugwe uli nu Busetuli ubu, polelo ugwe kwisa kumanya ugwe gwe nsaligwa Gwãke, nsūngulìgwe-ngãni, Nsīngilìgwa ndumbula-nyafu.

Ukwīsìla mu kupilikisya i Lisyu-lya-pakanwa lya Kyāla pamatepi, uswe tukupilikisya u Mwanundumiana gwa Mūndu, uyu yo Kristi. Umwẽne yo Yula uswe tukuswīlígwàpo. Uswe tutikuswīlígwàpo pa mundu yumo; u mūndu, amasyu gãke gisa kutoligwa. Lõli uswe tukuswīlígwàpo pa unsitakutoligwa Lisyu-Mbili lya Mwanundumiana gwa Mūndu.

Linga ugwe ikulonda ukuya mia-pa-mia nsisimikisye ugwe kupilikisya ku Isi Syo Ikuti U Ntwa, isaga lūngìsània ni kiyabo kya Nsīngilìgwa yula Pandungu ugu pa 12:00 PAMUSI, akabalilo ka Jeffersonville, bo uswe tukupilika i Lisyu-lya-pakanwa lya Kyāla likusetula kwa uswe twesa isyakufwana na bapakigwe bala mu kabalilo akabumalikisyo.
Nkundwe Yõsèfu Branham.

Ndumi: Abapakigwe Bala Ku Kabalilo Kabumalikisyo 65-0725M

Masimbo:
Mwīkèmo Matai 5:44-45 / 7:21 / 24:15-28
Mwīkèmo Luka 17:30 / 18:1-8
Mwīkèmo Yõhàni 14:12
Baefesi 1:5
II Timoti 3:1-8
Bahiburi 6:1-8 / 11:4
Busetuli 10:1-7 / 16:13-14
Malaki 4:5
I Banyafyale 22:1-28
Yeremia: Mitu 27 & 28

Sermon: 59-0510M Lisìku lya Yũba

PDF

• 26-0510 Lisìku lya Yũba

BranhamTabernacle.org

Gwempala Nsīngilìgwa,

Lilino, une ngwīnogona ukuti lukayako ulugīndìko lwakufwana ulu uswe twãbagìle ukupa kwa yūba.

U Yūba gwītu yo gwãkwànda na uswe, kangi apīgwe ubumeleligwe ubukulumba bwa uswe twisa kuyaga ni njila uswe tubagile ukwenda. Umwẽne apīgwe ulufimbilisyo ukufuma kwa Kyāla ikutubula Uswe pa nsebwe untalusye. Fyõbène abãyūba balinako akapasima, akapalamasyo akanini kapīgwe ku bēne ukufuma kwa Kyāla.

Lo lusayo lwapasina nki luli mu ndãmba kuli uswe Pandungu ugu, bo uswe tukupa ulutufyo ku bõsa a Bãyùba, akabalilo kãko uswe tukupilika u gwãndùmi gwakihano-na-kibili ikuyoba u lugano nu lugīndìko abãyūba balinalo mu ndumbula syītu.

Uswe tumenye ilisiku lililyõsa lyo Lisiku Lya Yuba, lõli Pandungu ugu uswe twisa kuhomba ulutufyo lwapasima ku bõsa Bãyùba bo uswe tukupilikisya u nsololi gwītu ikupa ulugīndìko ku bēne bo umwẽne ãyobìle ifyinja 67 ifi fikindilepo pa lisiku lila lilalila, Meyi 10, 1959.

Nkundwe Yõsèfu Branham

Ndumi: Lisiku Lya Yūba 59-0510M
Kabalilo:12:00 PAMUSI akabalilo ka Jeffersonville.

Masimbo: Gwãkwànda Bakorinti 15:1-4

Sermon: 65-0718E Ikyãkùlya Kyãmwambèpo Nkabalilo Kãke

PDF

• 26-0503 Ikyãkùlya Kyãmwambèpo Nkabalilo Kãke

BranhamTabernacle.org

Gwempala Nsīngilìgwa,

I Lisyu-lya-pakanwa uswe twesa tukugana ukupilika lisa kuyoba Pandungu ugu, nu kututwálìla uswe i Ndumi Ya Kalata Gwa Lugano Yapasima, itolo kuli u Nsīngilìgwa gwa Yeso Kristi.

Lila i Lisyu-lya-pakanwa liyobile itolo ku kīsu-kya-pãsi nu kubasoka abēne, “Komma ukugela ukumbombela Une ububombelo bumo kisita ikyēne ukuya bwīgàne Bwangu. Une ndinayo imbelelesye injila imbīgwe Une mbelile kuli ugwe, Nsīngilìgwa Gwãngu. Kumbuka a Masyu Gãngu, ugwe itolo yoba iki Une njobile pa matepi Gãngu, kabuno ugwe kwīngila mu bulongi. Kisa kifumile pakufuyuligwa. Lõli sangalukaga, kangi yaga gwakupãlìsya, kabuno Une mbele kangi ngupele ugwe i Kyãkùlya Ikifisigwe, Ikyãkùlya Kyãmwambepo, ukuti ugwe ubagīle ukuya mūmi pa bununu ni kisa kya Busetuli bwa Yeso Kristi.

Luliko u lulangalanga lilino nkisu kuli ukupilika i Lisyu-lya-pakanwa LYÃNGU. Abẽne batikubapilikisya umwe panongwa yakuti umwe mukuyoba umwe mwe bãndu ba Tepi, kangi mukulonda itolo ukupilika i Lisyu-lya-pakanwa Lyãngu pa Matepi; lõli une mbabilikile umwe pãnja kangi nsetwile kwa umwe i Yangu imbelelesye injila imbīgwe kuli umwīsyùgu.

Umwe mukalilanila Mwibēne na basitakwitika ukukindamo mu lulangalanga. Une mbapele umwe i Lisyu-lya-pakanwa Lyãngu ukubakyunga umwe. Ukwīsìla mu kukina i Lisyu-lya-pakanwa Lyãngu, ikilundu kyīnu kitisa kubukamo siku lisitakandu, napamo akapake kinu nasiku ukuya kūmu, mpaka ilisiku Une ngwisa nu kwega umwe ukuya Nsīngilìgwa Gwãngu.

Iyo yo nongwa yilayila Une nãli ni Lisyu-lya-pakanwa Lyãngu lyēgelelìgwe, ukuti umwe mwãbagile ukuyanabo ubuyo ubupelelesye ubupīgwe ubwakubukako, kuko kukayako nabumo ubusobi, nakumo ukufumbwa kuli ubulinganio, itolo i Lisyu-lya-pakanwa Ilipēlelesye Lya Kyāla. U buyo umwe mubagīle ukubukako ukuti umwe mubagīle ukupilika katikati iki Une njobile: Isi Syo Ikuti U Ntwa.

Une nguyaga pakuyoba mwapabwelo fiyo Pandungu. Une ngulonda umwe ukwibwamo nasiku iki Une nguyaga pakuyoba kwa umwe. Amatepi aga go kyīnu Kyãkùlya Kyãmwámbèpo mu Kabalilo aka. Ikyēne kikafu fīyo ku bamo ba bēne; abēne bakabagila itolo ukulya Ikyēne. Ikyēne kikasetuligwa ku bēne, lõli Une mbasalile UMWE, kangi mbapele umwe u Busetuli ubwa Yangu injila imbīgwe imbelelesye.

Kwa umwe, Ikyēne kyo Kyákùla Ikifisigwe, kūko umwe mukuswiligwa pa bununu ni kisa kya Lisyu Lyabumi.

Akabalilo kãko Une nītúgalàga mu nyõfu mu Mwanundumiana Gwãngu, abēne balinkusita itolo ukwitikisya ywãni Une nãli; Kyāla nu mūndu. Polelo Une nãfíngìle Une ãngàli kugomokela kangi mu masiku agabumalikisyo nu kwītúgàla mu nyõfu gwãbùndu kamokene kangi bomūmo Une nãbómbìle bo akãli Abraham, kangi Une ãngàli ngusuluka pãsi nu kuya-mundu Nīmwène mu nyõfu gwãbùndu bomūmo Une nãbómbìle akabalilo kala.


Apa kilipo iki abēne bãpóndìlwe, lula kangi lilino, lõli Une ngulonda umwe ukwibwamo nasiku. Ikyãkùlya Ikikyūngìgwe iki Une ngubalyesya umwe, nu ntumigwa, fyo kimo. Ugwe ukabagila ukupãgulania ifyẽne. I Ndumi nu ntumigwa fyo kimo. Une mbabūlìle umwe mu Lisyu Lyãngu iki Une Nisa kubomba mu Lisiku ili. Fyõbène ubwene bo bwīgàne Bwangu ukubīka i Lisyu-lya-pakanwa Lyãngu mu fipãnga, ntwaya twīnu, kulikosa umwe mukubuka; kabuno Ilyēne lyo Lisyu-lya-pakanwa ilipala fiyo ili umwe mubagīle ukupilikisya. Ilyēne lyo LYĒNE Lisyu-lya-pakanwa ilisisimikisigwe ili likuyoba Isi Syo Ikuti U Ntwa.

Kisa kifumile pakufuyuligwa. Umwe lilino mukuswiligwa pa Lisyu Lyãngu. Une mbapele umwe u Busetuli bwa ywãni Une ndi kangi ywãni UMWE MULI. Palingayaga nagumo unsyūngùlu gwa kwilamwa mu ndumbula syīnu na mīnogonèlo. Umwe mwe  Basaligwa Bãngu, Basunguligwa, Nsīngilìgwa Ummanyigwe-ngãni. Umwe mwe Lisyu Lyãngu Iliyobigwe ili lyãli mwa Une m’bwãndìlo.

Umwe mulinabo ubufikilo ku Kyãkùlya, Kyãkùlya Kyãmwámbèpo, ikyo i kīsu-kya-pãsi kikamanyapo nakimo.

Umwe mulinabo ubufikilo ku lubumbulusyo lwa mibili akabalilo kãko abaganga batoligwe; Ikyēne kyo kimo mwa Fyákùlya Une nãfíngìle kangi mbapele mu masiku agabumalikisyo.

Une nãfíngìle ukusetula ifyakusofu fya ndumbula syīnu nu kubomba ifindu ifi. Une ndi mwa umwe. Umwe mwe kiyabo kya Une, kangi Une me kiyabo kya umwe. Ifimanyilo ifi fisa ukukõnga bala bãbo bikwitika.

Pandungu ugu Une nisa kõngánàga u Nsīngilìgwa Gwãngu ukufuma ukusyūngutìla i kīsu-kya-pãsi ni Lisyu-lya-pakanwa Lyãngu. Une nisa kubabula umwe ukwala amaboko gīnu pa yumo nu nníne. Komma ukwiyiputila gwimwēne, iputa kuli yumo yuyo ugwe ulinafyo ifiboko fyako pamwanya, kabuno abēne bikukwīpútìla ugwe. Uswe twisa kwīpùta palikimo, kangi patisa kuyapo umundu yumo umonywa kulikosa ukusyūngutìla i kīsu-kya-pãsi linga umwe mwisa kwītika.

Linga umwe mukwitika, kangi mulinabo nabumo ubwilamwe mu ndumbula yinu, Une nisa kufumusya:

Sētàno, ugwe uponjololigwe! Yeso Kristi akupõnjwìle ugwe! Umwẽne ãsyúkìle ukufuma ku bafwe kangi ikwīsa pakati pa uswe ikilo iki, ikusisimikisya i Ndumi iyi iya masiku gabumalikisyo. Sõka pãnja pa bãndu aba! Baleka abēne, mu Ngamu ya Yeso Kristi! “Mu Ngamu Yangu abēne Bisa kukagila pãnja imisyētáno,” kangi ugwe ukagigwe pãnja. Mu Ngamu ya Yeso Kristi, sõkamo mu kilundilo!

Pisa kuyapo ulubumbulusyo lukuboneka pabuyo ukusyūngutìla i kīsu-kya-pãsi ngati nasiku pabutasi.

Nongwa yafiki uswe tubagile ukugūlìla kalipo kalikõsa, gwãngu mpala nkundwe, kalumbu, apa Ikyēne kilipo, u Mbepo Mwīkèmo, Kyāla, papapa apa, i Kīndu kilakila uswe tuyobilepo.”

Une ngubilikila i kīsu-kya-pãsi ukwīsa ukulungisania na uswe Pandungu ugu pa 12:00 PAMUSI, akabalilo ka Jeffersonville, nu kupilika i Ndumi nu ntumigwa Gwãke ukutwalila uswe Ikyãkùlya Kyãmwambèpo Mu Kabalilo Kãke, Ikyãkùlya Ikifisigwe kuli u Nsīngilìgwa.

Nkundwe Yõsèfu Branham

Ndumi: Ikyãkùlya Kyãmwambèpo Mu Kabalilo Kãke 65-0718E

Ntumigwa: Rev. William Marrion Branham

Masimbo: 1 Banyafyale 17:1-7/ Amosi 3:7/ Yoeli 2:28
Malaki 4:4/ Luka 17:30/ Mwīkèmo Yõhàni 14:12