All posts by admin5

26-1025 Gūtūō Cīana Cīīna Wathani Gīcunjī Kīa Mbere

Kūrī Ehokeku thīinī wa Jesu Krīsto

Nī īhīnda rī rīrī atīa twīnarīo. Twīna mwīrīgīrīro mūnene o kīūmīa o Kīūmīa o ūria tūracokanīrīra hamwe kūrīgīcīrīa Mūgambo ūyu Wake. Mecīria maītū ma kīroho mothe matīrahakwo. NITUI kūna kuna We nuu, NITUI kūna kuna kīrīa We arī, NITUI kūna kuna Ithui twī aa. Bamīrī īmwe nene HAMWE NAKE.

Aheanīre mūndū atwīke gakaī kanīni “Tondu nīwe Ngai Baba, na akīūmba mūndū e gakaī kanīni, kwogwo ndatūraga e wīkī hīndī īngī. Matūraga na Bamīrī yake, Ela, Ela Elohīm. Rīu rīu Nīwe Jehovah. Jehovah, kūūga, “Ūria utūūīre hamwe na bamīrī Yake.”

Bamīrī yake Mūhīkī nīīrakīnyanīrīo nī Mūgambo wa Jehovah We mwene. Nī atūrūtīte ūria tūngīrua na thū yoothe īngītūtharīkīra, ūria tūngīmī hoota na kūmītorīa na Kīūgo, tondu Kīūgo Giake gītūūraga na gūīkara hamwe naīthuī. Nīatūmenyīthīrīe wega atī “ITHUĪ NĪĪTHUĪ KĪŪGO” kwogwo kīrīa gīothe tworīa thīinī wa Rītwa Rīake, no twīgwatīre korwo no twītīkīe — NA NĪTWĪTĪKĪTĪE!

Nī arītīe na kūgūūrīa kūrī Ithuī ūrīa tūngītūīka ciūga cīa andū akīnyanīru, arume na atūmīa, nīguo tūtūīke gītūūro harīa We atūūraga na gūīkara thīinīī witū. We nīa honkīre na akīhonk nigetha acokererie Mūhīkī ūyu Mwendwa Wake hamwe nīgetha atūmenyīthīe atī Nīwe Mūtongoria witū, na Nīwe watūtongoragīa na gūtūtongorīa kūhītūkīra mūraika ūyu Wake wa gūku thī, William Marrion Branham.

Rīu ena Ithomo rīngī rīa mwanya We arerīrīrīa kūrutana na gūtūgūūrīrīa. Arenda kwanīrīra atī nīīthuī Ciana Cīake anete wathani. Rītwa rīitū no ūndū ūmwe na Rīake. Nītūmīte Kanani, kuma kūrī thī na RĪU tūīkarīte hamwe Kūndū Igūrū Matuinī, tūkīrīa īrio īrīa ciagīrwo, Mana irī hīthe.
Rīu We Egūkorwo agītwīra ūria twagīrīīre gwīka nigetha twīthagathage nīūndū wa Ndūmīrīrī īyo īngī īroka na nīatīa kūngīhanīka tweka ūguo.
Nongīnya tūhoe kūīgana na twīharīrīe nīūndū wa Ndūmīrīrī;

ūcokanīrīre hamwe ta atheru tūīgue Mūgambo Wake, Tūbatīthūo na Roho Mūtheru, tūīyūrwo nī īrathīmo cīa Ngai; hatarī na mecīria mathūku; Hatarī ūndū mūru gatagatī ka ūmwe na ūria ūngī; Tukīarīa na Wendo na ūrumwe; Tukorwo tunyītaīne hamwe, handu hamwe kūndū Igūru Matuinī rungu rwa Rīera rīa Kīmatuinī; Mehīa maītū moothe mīe rungu rwa Thakame, Twīna ūthathaīya mukīnyanīru; Moko maītū na ngoro cītu mambararītīo kurī Ngai, Tūgīthathaīya hamwe kūndū Igūru Matuinī.

Weka maundū maya, ūu nīguo gūkuhana mūthenya uyu wa kīumīa

  • Ukhorania wa Ungai
  • Umenya wa Kabere
  • Kūguurīrīo
  • Cīonekī
  • Mahīnya
  • Thīomī
  • Motaurī
  • Umenyo
  • Ugī
  • Irathīmo cīa Kīmatuinī
  • Gīkeno gītangītarīrīka na Kūyūrītwo nī Rīrī

Ngoro o yothe nī īkūīyūrwo nī Roho na orīmwe nīgūkūma kuma Matuinī mūgambo uhana wa rūhuho runene na We nīegūtūrathīma na kīrathīmo gīa Kīroho.

Ūguo nīguo gūkahana mūthenya uyu wa Kīūmīa mathaa ma thaa thīta 12:00 PM ma Jeffersonville, arīa Ngai nīaneanīte handu ha mwanya harīa Mūhīkī Wake angīcokanīrīra hamwe nīgetha aīgue Mūgambo Wake mī hamwe, handuīnī hamwe, moko maītū na ngoro cīoetwo naīgūrū kwī Ngai, tūgīthathaīya hamwe rīeraīnī rīa Kīmatuīnī.

Nīnīī Mūrū Wa Ithe Wanyū Joseph Branham

Ndūmīrīrī: Gūtūō Cīana Cīīna Wathani Gīcunjī Kīa Mbere 60-0515E

Mandīko:
Joeli 2:28
Aefeso 1:1-5
Akorīnītho Wembere 12:13
Marua ma Petero Wambere 1:20
Kūguurīrio 17:8
Kūguurīro 13

26-1018 Mūtongorīa

Mwendwa Kanyūmba Ka Hinya

Ngai nīeranīire gūtūma Mūtongoria harī Mūhikī Wake matūkūinī maya makūrīgīrīria nigetha ahote kūigūūria We Mwene e thīnīi wa mwīrī, Ota ūria ekīre hindī īria Okīre gūkū thī e thīnīi wa Mūriu Wake, Jesu. Agītwīra thīnīi wa Kiūgo Giake atī nīagatūma Elīja ūria Mūnabii, ūria ūgakorwo arī we Mūrū wa Mūndū akīgūūria We Mwene thīnīi wa mwīrī wa Mūndū.

Ndakarīa Maūndū Make Kīūmbe, otīga marī akaigua, mau nomo akaarīai na niakamūonia maūndū marīa magoka. Nīūndū nīnīi akagocīthīa, tondu nī Maundū makwa akamukīra, acoke amūonie maūndū mau.

Nīatūmīīre William Marrion Branham nigetha ahīngie Kiūgo Giake na atwake ta mūndū kīūmbe tūkorwo tūrī Kiūga kīa Jesu Krīsto; mūndū mūkinyagīru angīhota kūhoota thī o yothe na akorwo arī Kanyūmba Ka Hinya ka Roho Mūthenu gagūtūūra.

Ngai ndarī aga hingo ciothe gūtūma Mūtongoria kūrī andū Ake. No nigetha utwīke Mūhiki Wake, no nginya wītīkīre Mūtongoria ucio. No nginya wītīkīre Gīkī, No nginya ūthīī na njīra īria arauga kana wīkore urīte. Gūtīkūmakania ūria tūrecīria, ūria uronekana wī mwega, kana wina kīrīrīkano kīhana atīa, tutīrī na ūhoti wa kūgayana maūndū macio, Mūtongoria nowe tu ūmwe.

Ukoiga, Mūrū wa Ithe witū Joseph, Ucio nī Roho Mūtheru ūgūtūtongoria ti Mūrū Wa Ithe witū Branham; Cīūgo īrīa arīrie Nīcio Roho Mūtheru no ti Mūrū wa Ithe witū Branham; no nīwe ūthūratwo nī Ngai agūūrīe Roho Mūtheru e thīnīi, na atūīke Mūtongoria witū wa gūka thī.

Narīu Ngai hingo ciothe nīatūmaga atongoria ake. Ndarī akorwo atarī na mūtongoria, matīnainī moothe. Ngai hingo ciothe nīakoragwo na Mūndū wa kūmūrūgamīrīra gūku thī, matīnainī moothe.

Nongīnya tūkurane Mūtongoria ūyu wa gūku thī nūū ūria Ūmūrūgamīrīīte gūku thī, ucio hau Ugūririo wa Kīūgo Giake wama.

Nītūūī Roho Mūtheru nīwe Mūtongoria Mūnene ūria Baba atemīre nigetha atongorie Mūhiki Wake, No Ngai haha augīte atī We hīngo ciothe atūmaga mūndū e mūtongoria wa kūmūrūgamīrīra. We Mwene na atongorie Mūhiki Wake.

Mūtongoria witū atwīrīre at Korinerio aarī mūndū mūnene mūndū wa gūtīītka ūria wakīte makanitha. Nīateithaga athīni na akohoya o mūthenya. No rīria Roho Mūtheru oka, we nīabataragī Mūtongoria.

Ngai nīamūtūmīīre Roho Mūtheru. We amūtūmīīre thīinīi wa Umūndū wa Petro. “Tondu hīndī īria Petro aragīa ciūgo ici, Roho Mūtheru akīharuruka harī we.” Ngai ahūthīrīre Mūtongoria kūhītūkīra Petro. Nī Ahūthīrīre, tondu nīatongorīrie Korinerio kūrī njīra īria njega.

Hīndī īria Petro aragīa, Roho Mūtheru akīmaharurukīra. Petro akīūga.

“Mūndū no akīgīrie maai atī aya matīkabatīthio?” Nīūkuona, o narīu no Mūtongoria akīaria, na ti Petro.

Ithuī tutītongoragīo nī mūndū; Tutongoragīo nī Roho Mūtheru, ŪRIA URARIA KŪHĪTŪKĪRA MŪNDŪ ŪYU NGAI ATHŪRĪRE ATŪĪKE MŪTONGORIA WITŪ GŪKŪ THĪ.

Roho Mūtheru akīaria kūhītūkīra mūraika Mūtongorīa Wake hīngo cīothe aragīa Kiūngo. Atwīrīre, “Ndīna maūndū maingī mūno makūmwīra. Mūtīngītaukwo nīmo rīu, no hīndī īria We agooka, We nīakamūtongorīa kūrī kīo. “

Johana nīatongoretīo hīndī īria andīkīre Kūguurīrio. Atongoretīo nī Mūtongoria. Nīngī nīatongoretīo nī Mūtongorīa kūūga, “Ūria woothe akaruta Kūngo kīmwe kuma Kurīkīo, kana ongerere kiūgo kīmwe harī Kīo, noguo gūkeherio gīcunjī gīake kuuma Ibukūinī Rīa Mwoyo.”

Roho Mūtheru nīngī nīatongorīrie Mūrū Wa Ithe Witū Branham kūūga atī nongīnya tūge ūria wī thīinīī wa (tapes) kamukwa; tūtīkongerere kana tūrūtarūte kuma kūrī Ko. Na nīathondekete njīra īria tūngīhota kūga kūna kūna gwīka ūria atūwathīte no nginya twīke Press Play (Hīhīnya Tape) kamukwa.

Rīu nīkīī ūngīcenjania kīndū na Kīūgo kīa Ngai na ucoke ūge atī utongoretīo nī Roho Mūtheru.

Rīu Tūtongoragīo nī Roho Mūtheru Ūria utūhete Ugūūrīrio wa We nūū, Ūria We atūmīre e ta Mūtongoria Wake wa gūku thī nigetha ete Mūhiki Wake Oīme, narīu ikīga rīa gacumbīrī: Ugūūrīrio wa Ithuī twī aa. Undūūcio nīukīrīte ūtarīrīa wa mūndū na ciūgo.

Rora ūria We atūīkīīre, thīinīī wa cīumīa ninī hītūkī. Nīatūrūtīre urīa tūngīhoota thī yothe īngīūka mbereitū; urīa tūngīgūcia Rūhīu rwītū rwa WITĪKĪO na tūmūgūthe nginya akue. Tūtīrī nakīndū gīa gūītigīra. Hatīrī kīndū kūīngīrūgama mbere īitū.

Ūria We aigīre Irīo cīa Mūhiki Wake arīe. Ona rīrīa mūtūmwō ūyu Wake e kuraya Tūrī ona Mūtongoria thī etoī ūndū Ūmwīgīī. No kūrī Mūhiki nī Irīo cīa Kīroho cī hīndī īrīa njagīrīru. Manna hīthe īrīa turarīa o mūthenya.

Nī atūmbīte ta ciūga cīa andū makīnyanīru nīgetha atūre na aikare thīinī witū. Atūmīre Roho wake Mūtheru na akīīgūūrīa thīinī wa mwīrī ta ūria ekīre miaka 2000 mīhītūku, atūīke Mūtongoria witū, agītūūra na kwaria kūhītūkīra Mūtongoria ūyu Wake wathī.

Nīndamūnyīta ūgeni mūke mūīgwe “Honk-honk, honk-honk!” Yawe kurīa Mūhiki egūka rīmwe kwa rīmwe harī Honk īno. We nīekū “Honk-honk, honk-honk!” na nīgūgūkorwo na nyūmbīrīī (mūkūngūīyo) Thī yoothe. Nīkī? Mūhiki nīoī Mūgambo wa Mūtongoria wao.

Angīkorwo ndūkwenda kūūra, uka ūthīkīrīrīe Mūtongorīa witū agīthīī nambere kwaria akīhītūkīra Mūtongorīa ūyu wake Mūthūure wa gūkū thī mūthenya wa Kīūmīa thaa thīta 12:PM., mathaa ma Jeffersonville.

Nīnīī Mūrū Wa Ithe Wanyū Joseph Branham.

Ndūmīrīrī:
62-1014E – Mūtongorīa

Maandīko
Marīko 16:15-18
Johana 1:1 / 16;7-15
Atũmwo 2:38
Aefeso 4:11-13 / 4:30
Ahibirania 4:12
2 Petero 1:21
Thaama 13:21

26-1011 Kĩuga kĩa Mũndũ ũrĩa Mukinyanĩru

Mwendwa, Kĩuga kĩa Mũndũ ũrĩa Mukinyanĩru,

Nĩ ũrutani ũhanatia tukoretwo naguo. Mũgambo wa Ngai nĩ ũkoretwo ukiaria na guturuta, Kiugo gwa Kiugo gwa Kiugo, ũrĩa kũna tugihota thũ ciothe. Nĩ aaguũritie na kuhanda wega ngoro-inĩ ciitũ, NĨITHWI KIUGO. Hakĩrĩ uguo ĩthuĩ tutigĩhoteka.

Rĩrĩa thũ ĩngĩtũũma thutha, O rĩmwe tũkamihuura na tũkamihuura na tũkamihuura na mbomu ya atomu, Kiugo Kĩaria kĩarie kia Ngai, kĩrĩa gĩtũũraga na gĩikaraga thĩinĩ witũ.

Oma, Mbaara nĩharĩrĩe, no rĩu tũtirĩ na gũoya rĩngĩ; tũtirĩ na kumaka rĩngĩ. Tũtirathikĩrĩria thamiri ciitũ. Tũtirathikĩrĩria Kiririkano. Tũtirathikĩrria mauigwi, . Nĩ tũhingĩte meciria maitũ kuuma maũndũ macio na tũikĩrite Roho wa Kiugo gĩake ngoro-inĩ na muoyo-inĩ. Nĩ tũhuhorĩte maũndũ mothe marĩa matarĩ Kiugo gĩake.

Nganja ciothe nĩ ithirĩte. guoya wothe nĩ ũthirĩte. Maũigwi mothe ma nganja nĩ mathirĩte. Muigwire o wonthe ni ũthirĩte. Gũtirĩ kĩndũ gĩikaraga hau no Kiugo kĩa Ngai gĩtũũraga na gĩikaraga THĨINĨ WITŨ, na Satani ndangĩrua na Ũcio.

Tũgagĩtuaka Hekaru ĩĩ muoyo ya Ngai ũrĩa ũtũũraga. Nĩ Ngai ũikaraga thĩinĩ witũ, agĩtũma tũkorwo ta We mwene, akionithania Umundu Wake thĩinĩ witũ.

Tũroya ithenya rĩa Kristo, tũgĩtwarithia na mbere ũtungata wake. Nĩ We ũikaraga thĩinĩ wa muhanire wa mũndũ ta ũrĩa o akĩyonithanagia Umundu wake thĩinĩ witũ. Rĩu tũrĩ na ũthathaya ũria mukinyaniru nake! Nĩ Ngai akiyonania thĩinĩ witũ, turi Hekaru Yake.

Nĩ kĩĩ kĩrĩa kĩrĩ mũthingĩ witu ũtangĩthingithio wa gwĩtĩkia maũndũ macio? WĨTĨKIO. Na wĩtĩkio wiitũ ndurĩ na kĩndũ kĩngĩ urenda; nĩ ũndũ wĩtĩkio wiitũ wiĩtĩkagia Kiugo kĩa Ngai. Nĩ ũndũ wĩtĩkio umanaga na kũigua, na kũigua nĩ Kuuma Kiugo kĩa Ngai, na Kiugo kĩa Ngai gĩũkaga kwi mũnabii, na TŨNGĨIGUA mũnabii o na Kũhũra Play…HUURA!!

Na ũndũ wa kũigua Mũgambo wake, tũkagĩa na ũhoti wake na tũrĩ akuũ kuuma meciria maitũ. WĨtĩkio wiitũ nĩ utuikĩte wĩtĩkio wa ma, na Ũtũũrĩ wake nĩ ũgũũkĩte thĩinĩ witũ. Tũgagĩtuaka indo ciĩ muoyo cia Ngai, gĩtũũro kĩrĩa Roho Mũtheru agĩtũma miruri ya irathimo Ciake kũkĩtũkira thĩinĩ.

Nĩ kĩĩ Mũgambo ũcio ũrĩ tape-inĩ ũreeka?

Kristo nĩ aandũmire ngaake andũ kuri umundu wa Jesũ Kristo, nĩguo matuĩke nyũmba ya ũhoti na gĩtũũro kĩa Roho, na ũndũ wa Kiugo gĩake. Na ũndũ wa Kiugo gĩake, niukuona, ũmaake mũndũ o mũndũ nginya handũ hau.

Na kũigua Mũgambo Wake, na gwĩtĩkia na kũrũmĩrĩra Kiugo Gĩake, nĩ gutwakĩte tũkagia na ũmũndũ wa Jesũ Kristo; gĩtũũro kĩa Roho Wake. Tũrĩ hinya ũrĩa ũtũũraga, ũmenyo ũrĩa ũtũũraga, ũkirĩrĩria ũrĩa ũtũũraga, Ungai wa Ngai ũrĩa ũtũũraga, Ũhoti ũrĩa ũtũũraga, ũkiuma kurĩ Ngai ũrĩa ũtũũraga, ũrĩa ũtũmaga tũtuĩke mũndũ ũtũũraga, kĩonereria gĩtũũraga, thĩinĩ wa muhanire wa Ngai.

“No nĩ Mwĩrĩ Wahaarĩrĩirie,” Mwĩrĩ ũrĩa Ngai angĩikara, Ngai angĩgera e thiĩnĩ, Ngai angĩona e thĩĩnĩ, Ngai angĩaria e thĩĩnĩ, Ngai angĩruta wira e thĩĩnĩ. Amen! Kiĩndu kiri muoyo kia Ngai, Ngai agithiĩ na magũrũ merĩ, thĩinĩ waku. Riiri! “Makinya ma andũ arĩa athingu matongoragĩo ni Ngai,” Ngai githiĩ thĩinĩ waku. “Nĩ ũndũ inyuĩ mwĩ marũa mũandĩkĩtwo, magũthomagwo nĩ andũ othe.”

Riiri…!!! Kwoguo, tũtimakaga angĩkorwo tũtũũraga hemainĩ kana o kanyũmba kanini, tũtũũre kana tũkue, turike kana tutonyerere. Ũhoro ũyũ nĩguo witũ ũrĩa tũkwenda, NDUMIRIRI

ĨNO, MŨGAMBO ŨYŨ, KIUGO KĨA NGAI. Nĩ Ũthamaki wa Ngai. Nĩ njĩra ĩrĩa Ngai aheanite ũmũthĩ. Nĩyo iraaka mundu wa Ngai uria mukinyanĩru. ũrĩa ARIWE WE ITHŨĨ!

Reke tũũke hamwe na tũroranie mĩtũrĩre iitũ rĩrĩa tũkũigua Mũrutani witũ akĩrutana ũrĩa twagire guĩka, na ũrĩa twagĩire gũtũũra, nĩguo tũtuĩke ariũ na aarĩ a Ngai A-K-I-N-Y-A-N-Ĩ-R-U.

Ni tũkuirĩra Mwathani atĩ na ũteithio wake na ũtugi wake, tũrimu hoyaga na kũmũcaria o mũthenya hatarĩ na gutiguthiria, nginya tũigue ũrĩa ũkwenda wothe niuratherĩra thĩinĩ wa ũmũndũ witũ. Tũgaikara hau nginya tũtuĩke kĩonereria gĩa Kristo ũrĩa ũtũũraga.

O kiumia macanjamuko na wĩrĩgĩrĩro wa ũrĩa Mwathani egwika na agũtũguuria ithui ũndũ ũrĩa ũtangĩtarĩrika. Ngĩkĩrirĩirie thĩ yothe ĩũke hamwe na ithuĩ nĩ ũndũ gũtirĩ kĩndũ kĩnene, kana gĩkinyaniru gũkĩra gũikara mbere ya Mũgambo wa Ngai na gũtuĩka Mũndũ mukinyaniru wa ukinyaniru wa Muhiki Kiugo.

Mũrũ wa Ithe Wĩtũ. Joseph Branham

Ndumirĩri: Kĩuga kĩa Mũndũ ũrĩa Mukinyanĩru,
— 62-1014M

Mathayo 5:48
Luka 6:19
Johana 1:1; 3:3; 3:16; 5:14; 14:12
Atũmwo 2:38; 7:44–49; gĩcunjĩ gĩa 10; 19:11; 28:19
Efeso 4:11–13
Akolosai gĩcunjĩ gĩa 3
Ahibirania 10:5; 11:1; 11:32–40
Jakobo 5:14
2 Petero 1:1–7
Isaia 28:19