Mesagj: 65-0118 Semans Diskòd La
Byenneme 1 of TM [Youn nan Yo – N.D.T.],
Lè moun mande nou:
K: Èske ou se youn nan moun ki “peze Jwe,” ki koute bann, epi ki kwè ke Bondye te voye William Marrion Branham pou rele Lepouz Bondye a pou L soti?
R: WI, m se Youn Nan Yo.
K: Èske ou kwè chak Pawòl ki pwononse sou Bann sa yo?
R: Lwanj pou Seyè a, m se Youn Nan Yo.
K: Kidonk, ou dwe kwè tou ke ou dwe peze Jwe epi koute Vwa Li pou ou ka Lepouz Kris la?
R: Glwa, se egzakteman sa mwen ye, se mwen menm nèt ale… M se Youn Nan Yo.
K: Ou vle di m ke ou vrèman kwè ou se youn nan moun Li chwazi yo, moun Li elu yo, Semans Wayal Li, ki te predestine depi fondasyon mond lan pou kwè nan Pawòl Li, pou vin Lepouz Li, e ke ou pafè nan je Li, san okenn peche, e ke pa gen okenn fason pou yo ka twonpe w?
R: Alelouya, ou byen konprann, se mwen menm, 110%, M SE Youn nan Yo.
Dapre Jezi Li menm, nou se entèpretasyon Pawòl Li a. Pitit Wayòm nan. Manifestasyon Sentespri a. Semans Wayòm nan nan laj sa a.
Ou konn yon bagay? Li lè pou tout moun konnen egzakteman kiyès nou ye, pou pa gen okenn malantandi. N ap kite Bondye pale atravè pwofèt Li epi mete tout bagay ansanm pou ou.
Menm Pouvwa sa a ki te kreye mond lan atravè Pawòl la rete nan moun ki gen Sentespri a. Se vre. Mesye dam, li lè pou nou konnen kiyès nou ye. Dyab la ap eseye kenbe nou kache, li di nou ke nou kapon. Nou pa sa. Nou se pitit gason ak pitit fi Bondye.
Divinete a pa nan Syèl la; li anndan nou. Alelouya!
R: Divinite a pa nan Syèl la; Li viv epi Li rete lakay nou chak!
Avèk chak nouvo jou, avèk chak souf nou pran, Revelasyon Li ban nou sou kiyès nou ye a ap vin pi gran toujou. Nou se Pawòl vivan an k ap viv nan lachè.
Nou konn sa paske Li ban nou Revelasyon sou moun Li te voye nan epòk nou an; moun Bondye Li menm te di, nan Apokalips 22, ke Li t ap voye pou preche epi anseye Pawòl Li a.
Mwen menm Jezi, mwen voye zanj mwen an pou l temwaye bagay sa yo pou nou nan Legliz yo.
Li te voye zanj Li, William Marrion Branham, pou pale nan LEGÈZ LI YO… Sa, zanmi m, sa vle di JWE BANN YO NAN LEGÈZ NOU YO. Ou pa menm bezwen yon revelasyon pou sa; ou jis bezwen li.
Dapre Pawòl la, sa a se epòk ki gen plis twonpri nan listwa mond lan. Lespri verite ak lespri manti a pral tèlman sanble ke li ta sedui menm elu yo, si sa te posib.
Bondye voye Zanj LI nan legliz yo. Nou gen Vwa Li nan pwent dwèt nou. Nou ka tande, egzakteman mo pou mo, sa L te pwononse. Li pa bezwen okenn eksplikasyon ni entèpretasyon; tout sa Lepouz la gen pou L fè se PEZE JWE epi KWÈ.
Li te avèti nou: pa chanje menm yon ti detay nan bann yo. Pa mete pwòp konpreyansyon ou lide pa nou ladann; jis koute Vwa M epi kwè. Jiska prezan, sa pa t posib, men jodi a li posib, paske se mwayen sa a Bondye bay pou jodi a.
Nou fèk sot koute Sèt Laj Legliz yo, epi nan chak laj, lespri sa yo te leve pou detounen moun yo lwen vrè Pawòl la. Nan chak laj, apre mesaje a te fin ale, yo te fè sa yo te fè a pou detounen moun yo epi mennen yo nan direksyon yon kwayans ou yon dogm; nan direksyon tèt yo avèk lide yon moun.
Jodi a, y ap eseye detwi enfliyans nou an lè yo di: “O, yo kwè bann yo se Vwa a ki pi enpòtan ke nou ta dwe tande. Fòk nou nou jwe bann yo nan legliz nou…sa absid. Frè Branham pa t di pou nou jwe bann yo nan legliz la. Kounye a, se vwa ministè yo nou ta dwe tande.”
Pou mwen menm, sa a se semans diskòd la! NOU DWE PEZE JWE epi koute Vwa Bondye nan legliz nou yo, paske se SÈL Vwa ke Bondye konfime Li menm. Nou dwe obeyi chak Pawòl Bondye te pwononse.
Mwen menm Jezi, mwen voye zanj mwen an pou l temwaye bagay sa yo pou nou nan Legliz yo.
Zanj sa a ki konfime ap pale nan Legliz nou, kidonk mwen envite nou pou nou vin jwenn nou pou tande Vwa sa a ansanm avèk Lepouz Li atravè mond lan, a midi lè Jeffersonville, pou koute: 65-0118 – Semans Diskòd La.
Frè Jozèf Branham
