All posts by admin5

Uncategorized

26-1004 Etumba Monene Koleka Oyo Ebundámá

Nsango: 62-0311 Etumba Monene Koleka Oyo Ebundámá

PDF

BranhamTabernacle.org

Balingami Ba Míka,

Etumba monéne koleka oyo ebundámá ndéle ebelémi sikawa kokóta na mosálá. Nzambe Azalaki kopona mapinga na Ye ya makasi mpe mpiko koleka nyoso mpo na mbúla koleka nkóto motóbá mpe bobongísamáki libosó mpe boponamáki kozala kati na Lipinga na Ye Monene.

Azaláki kolátisa binó mpe kolakisa binó, mpe sikawa esiká ya kobunela ebongisámí sikawa, kobongama kobanda. Ezali káka te ete Aponáki binó kozala kati na Lipinga na Ye Monéne, kasi Alongoláki bino kati ya basúsu kozala Mika mosakoli kati na Lipinga na Ye.

Ntango eyéí, mokolo mokómí; okozua boyékolí útá na Likonzí ya Móto Ye Moko kolónga mongúná nyoso. Okoyamba malako godi, Liloba na Liloba, likoló ya likambo ya kosála kolónga molimó mabé nyoso. Ekopúpola mosíká bokono nyoso mpe molimó mabé nyoso oyo ayéi libosó na yo. Elóko moko te ekoki kotelema na nzela na yo.

Nsima ya boyékolisami godi oyo, okokémbisama mpenzá na Liloba na Ye ete okobengana mabé nyoso. Okonyata mabánza nyoso. Konyata kobánga-banga nyoso. Konyata kotungisama nyoso. Konyata makono manso. Konyata lisúmu. Okosósola ete ozali likoló na yango, osékwí kati na Klisto Yesu, ozali kofánda kati na bisíká ya Likoló, na molimó mabé nyoso na nsé ya likaká na yo. Okosósola mpenza mpe KONDIMA ozali Liloba.

Akozala koyekolisa yo likambo ya kotála na bokéngi. Akopésa yo malako oyeba ete soko mongúna na yo akokí kondimisa yo ete bibuneli na yo bizali mpenza makasi te, wana nde abótóli yo bibuneli.

Kasi tokokanisa lisúsu boyékoli ya bisó, basodá, mpe koyebisa molimó mabé wana: Ezali bisó te, tozali elóko te. Ebuneli na bisó nde Liloba ya Nzambe mpe Ekolónga MOLIMÓ MABÉ NYOSO, ntango nyoso, esiká nyoso zambí ezali LILOBA NA YE, MPE AYÉKÓLISÍ BISÓ MPE AMÓNISÍ BISÓ ETE TOZALI SIKAWA LILOBA NA YE LIKÓMI MOSUNI. NA BONGO, tokokí te kolóngama, tozali lipinga ya NZAMBE liyébí kolóngama te.

Moko ya mikolo minéne koleka kati ya lisoló ya mokili ekosalema Lomingo oyo. Ba Mika na Ye bakosangisama elongó longwá na mokili mobimba na nsé ya Mongóngó ya Mokonzi na bango monéne ya mapinga, wapi tokosangisama makási elongó, na lobázo lókó, na elilingi ya ntembe esiká ata moko te.

Nambisa, soko tokondima bobéle kondima, MPE TONDIMI, ekozala te na moto ya bolembú ata moko na mokili mobimba. Soko bobélé tokoki kosala ete likambo wana moko boye libongisama, ekozala te na moto ata nani oyo azali na mposá ya Molimó Mosanto oyo akozánga kozua Yangó, mpe ekozala na lobiko yango moko ya molimo mpe ya nzóto, soko bobélé tobátelí bitémelo ya bisó. Sikawa nde ntango. Bisó nde bato yango. Molimó ya Nzambe Atémisi bendele kotémela molimó mabe nyoso; tozali MOKO NA BANGO mpe ezali na eloko te kotemisa bisó!!

Tokúfí na biyókeli na bisó, tokúfí na mabanza na bisó, tokúfi kati na makambo nyoso wana. Bomoi na bisó ebómbámí mpe tokundámí kati na Nkómbó na Yesu Klisto, mpe tosékwí elongó na Ye. Mpe esiká nyoso ezali Ye, tozali wana mpe lokóla.

Tomifungólelí nzela na bisó kobima, molimó mabé, na bo panzaká yo na, “YANGO ELOBI NKÓLÓ YAWE, YANGO ELOBI NKÓLÓ YAWE, YANGO ELOBI NKÓLÓ YAWE.” Tozali nsúka nsúka kolumbuta nsolo ya mopepe kitóko ya pío. “YANGO ELOBI NKÓLÓ YAWE.” Bisó oyo toyéi yo molimó mabé, toyeli yo etumba miso na miso. “ELOBÍ NKÓLÓ YAWE, OLÓNGÁMÍ.”

Tolóngaka molimó mabé na nini?

LILOBA!
Tóloba yangó; Liloba! Liloba! Liloba!!

MALAKO MINGI YA BOYEKOLI

Sikawa ntango mongúná abundisí mpe amekí koloba ete osengéli kosála oyo, osengeli kosála oyo kúná, ozali malámu te, okoki na eloko moko te, obikisámí te, ozali naino káka na makambo na yo wana moko. Okosála nini?

“Kendé mosíká na ngai.” Papá! Ókáta ye na Liloba. Ézala molimó mabe, ézala mongúna, ézala bokono, ézala malali, ézala ata nini, zua Liloba wana mpe béndá Yangó na Mopanga. Mpe sokó opapí yango mbala ya libosó, emónani lokóla eningání te, papá yangó lisúsu, mpe papá yangó lisúsu, mpe papá yangó lisúsu.

Toyambaka káka Liloba likoló ya mobóko, “Nzambe alobáki bongo,” mpe yango etíi gbagba kati na bisó na Ye. Elekelo moko na moko efungwámí kati na bisó. Tolobaka, “Nayebi te ntango nini Nakozua yango, kasi nakozua yango. NZAMBE ALOBÁKI BONGO. Ntembe nyoso EKEÍ…tozali kútu kobéte ntembe ya bisó ntembe.”

Totéméli satána mpe tozui Liloba ya Nzambe. Soko Nazui eyókeli moko boye, to eyókeli moko te, ézala nini ekómí, Nzambe Alobákí bongo. Ekátí likambo.

Bólanda mitindo oyo, basodá, molongó nsima ya molongó. Bózóngela Maloba maye ntango mongúná azali kobundisa. Ezali Maloba na binó te, ezali MALOBA NA YE, MPE MALOBA MA YE MAKOKI KOKWÉA TE. Apési bisó nguya ya kosalela Liloba na Ye na bokómísáká bisó Liloba na Ye. Ntango Satana azali kobundisa, tangélá ye mitindo na yo.

MALAKO YA MOKONZI NA BISÓ YA MAPINGA

Oyo nde mpenza Nalingí bósála.

Zóngelá ndai oyo mpe ndimá Liloba nyoso mpo ya kokangolama mobimba.

Satána, longwá na yo! Nazali kobima awa. Nakolála awa lisúsu, ata moké te, Nazali kofánda awa lisúsu, ata moké te. Nazali lisúsu na mabelé ya mpaka ya molimó mbabé oyo, ata moke te. Nazali kopasola nzela na ngai kobima, na ntóngó oyo. Nazali mpongo.” Amen! Alelúya!

Nsima, Nalingí bósála oyo:

Kopanza yangó na, “YANGO ELOBÍ NKÓLÓ YAWE. YANGO ELOBÍ NKÓLÓ YAWE. YANGO ELOBÍ NKÓLO YAWE.”

Fungólá makanisi na yo, lobá, “Liloba na Yo ezali sóló.”

Nkóló, Nakotía bokébi moko te na oyo Nazali koyóka, oyo ata nani áloba ye moko. Nazali kotélema na etumba kokanga bikótelo nyoso, Nazali kopúpola moto nyóso na ba balabála na ngai, makambo nyoso ya koyókisa mpási na motéma, mpe ntembe, mpe kozanga kondima nyoso nazuá ndéle. Eyókeli nyoso nazuá ndéle, makono manso nazua ndele, makambo masúsu manso nazuá ndéle, Nazali kopúpola yango nyoso íbima. Nazali koleka yango nyoso. Nazali koya alimá mpenza na molimó na ngai.

KONDIMA na yo ekobanda komata likoló koleka mpe likoló koleka. Nsima lobá na Ye, E Nkóló, kitá. Olobakí ete Osálí ngai moto sómí na bomoto na ngai.

“Ozali yango, mwana na Ngai.”

Malamu, Nafungólí motéma mpe makanisi na ngai.
“Kótá, Nkóló Yesu.”

Símbá Kondima, Mopánga wana ya Molimó, ELOBÍ NKÓLÓ YAWE.

Gángá, Alelúya! Amen.

Nsima kátá mongúná nyoso libosó na yo. Amen. Yango wana. Kátá mongúna nyoso. Sokó mpak–mpaka ya molimó ya kobángisa koyókisa yo nyoso ya…Kátá elóko wana élongwa, na Liloba na Nzambe.

MALAKO NA YO YA NSÚKA SODÁ.
YÉBÍSÁ MONGÚNÁ:

Kendé mosíká na ngai.” Papá!

Yo kátá ye na Liloba. Ézala molimo mabé, ézala mongúná, ézala bokono, ézala maláli, ézala ata nini, kamátá Liloba wana mpe béndá Yangó na Mopánga. Mpe soko opapí yango mbala ya libosó, emónání lokóla ezali kolongwa te, papá yango lisúsu, mpe papá yangó lisúsu, mpe papá yangó lisúsu, mpe papá yangó kino ekosila yo kotobola lidusú kati na yango, pelamóko mwana ya nsósó akomísálelaka nzela na kati ya líki mpo ábima; to mpongo, oyo ozali. Mísáléla nzela na kati ya ekpókóló ya kala wana ya bokono. Kátá ómifungwela nzelá na yo kobima, mpe lobá, Alelúya!
Oyo elandi ezali wapi? Amen. Yango nde etumba. Yango nde sodá. Nde sodá ya ekulúsu. Ee, mobali. Púsa mongúná nyoso ábima. Mpo na nini? Mpo na nini?

Bisó, oyo tobongisámáki libosó, Mombóto ya Bokonzi ya Abalayama.

Nkémbo, mongúna nyoso alóngámí. Ezali na ELÓKO MOKO TE ekokoka kotélema libosó na Liloba na Nzambe, mpe tozali Liloba ya Nzambe. Tozali Mombóto na Ye ya Bokonzi mpe elaká nyoso ezali YA BISÓ.

Mokolo mokómí. Mwasi ya libála andimí Liloba moko na moko mpe azali kosála likoló na Yango. Tomiléngélí na boyókáká mpe bondimáká Liloba na Ye.

Soko ozali na boséngá ya likambo ata nini, soko olingi kotóndisama na Molimó Mosanto, soko olingi kobikisama na malali, soko olingi molimó mabé nyoso ábimisama, soko olingí kozala Mwasi ya libála ya Klisto, sikawa nde ntango yango, koyóka mpe kondima Mongóngó na Ye nde esiká yangó.

Soko osepeli na makambo oyo mpe olingi kozala na bozali ya Nkóló, pene koleka ndéngé ozalá ndéle, yáká komíbakisa na bisó Lomingo oyo na 12:00 nsima ya nzángá, ntango ya Jeffersonville, lokóla Mokonzi ya mapinga na bisó ya minzóto minei azali kopésa mitíndo epai ya Míka na Ye ya nguya Mwasi ya libála loléngé ya kolónga molimó mabé nyoso, mongúná nyoso, kokómisama nsómí, mpe kotóndisama na Molimó Mosanto na Ye, mpe kobélema mpo na Koyá na Ye nokí.

Ndeko Joseph Branham

Litéya: Etumba Monéne Koleka Ebundámá Ndele. 62-0311

Makomi:
1 Peter 5: 8-10
Baefese 6 : 10-17
Danyele 12: 1-7

Uncategorized

26-0927 Nzambe Oyo Atóndí Na Mawa

Nsango: 65-0119 Nzambe Oyo Atóndí Na Mawa

PDF

BranhamTabernacle.org

Balingami Misála ya Nzambe,

Bozali Liloba ya Nzambe limónisámi oyo lilakamáki mpo ya lelo oyo.

Bozalaki na binó bobélé kozala. Bokozala te, kasi sikawa bozali bana mibali mpe bana basi ya Nzambe; zambí Nzambe oyo Atóndí na mawa, Azaláki na bino na makanisi na Ye na ebandeli mpenza.

Libosó kútu Akóma nzóto awa na mabelé; libosó ata nini ézala, ozalaki moko ya biténi na Ye. Ayebáki oyo nkómbó na yo ekozala. Ayébáki lángi na nsúki nini okozua. Ayebaki nyoso na ntina na yo.

Nsima ntango oyokaki Mongóngó na Ye kopela libosó na yo, ezalákí na eloko moko kati na yo oyo egángáki kogánga; oyébí oúti wapi mpe oyéi na Yango. Oyebaki ete ezalaki Sóló. Oyebaki ezalaki nzela ya Nzambe epesámi mpo ya lelo oyo zambi mombóto wana mozaláki ntango nyoso kati na yo.

Azali sikawa komema biso likoló ya mapapú ya mpongo. Liloba liyebisi biso ntango nyoso ete Akokanisaka basakoli na Ye na bampongo. William Marrion Branham nde mpongo ya Nzambe motindami oyo andimisámi mpo ya lelo oyo. Nde mapapú ya mpongo tosengeli komemama likoló na yango kokende na mboka na elaká, zambí ye, mpongo mosakoli ya Nzambe, azali momemi ya etindá ya Nzambe, kobiánga kobima mpe koloba Liloba na Ye, kobongisa be Mwasi na Ye ya libála.

Tozali kolanda Nzambe lokola tozali kolanda William Marrion Branham etindá na Ye ya kokangola. Mpe Biblia elobaki ete, “bakúfaki te elongó na bazangi kondima.” Mpo ete Nzambe Atóndáki na mawa epai na bango; mpo ete bazalaki kolanda mibeko na Ye.

Nzambe Alingi ete tólanda mibeko na Ye, mpe mibeko na Ye milobaki: Nazali Mongóngó ya Nzambe epai na binó. Bóloba KAKA oyo ezali likoló ya ba bande wana. Mongóngó na Ngai nde bobélé Mongóngó mokolobaka Maloba mazangi kokwéa. Elobamáki na bobongi be mpe bóyamba yango koúta na Mongóngó na Ngai. Ntina wana, Mongóngó ya Nzambe likoló ya ba bánde nde nyoso bosengeli na yango, zambí Ngai, Nzambe kati na mawa na Ngai, Natálisi Yangó epái na binó. Ezali Nzela na Ngai mpo ya lelo oyo.

Nzambe oyo Atóndi na mawa aponáki mpe abongísákí bino kozala na Emóniseli koyóka Mongóngó wana. Nzambe oyo atondi na mawa ayebakí na ntango oyo ya nsúka, ntango ekozala na mingi bakosósola mabé, mingóngó mingi mikeséní mpe ndimbólá-ndimbola na Etíndá, oyo esengelámí na Mongóngó mobongi be, mpe nzela ebongí be, mpe nzela Ebongí be tosengelákí kokende na yango mpo tókoka komíyókela, Liloba na Liloba na Liloba, mpenza káka oyo Alingaki koloba na Mwasi na Ye ya libála.

Okoki bobélé te kozua oyo moto mosúsu alobákí. Osengélí kozua oyo Nzambe Alobákí. Alobákí. “Tiká ete liloba ya moto nyoso ezala lokutá, mpe ya Ngai sóló.”

Na bongo, Nzambe, oyo Atondi na mawa, apésákí nzela ete Mwasi na Ye ya libála ákoka ko Yóká 24/7, mikolo 365 Kati na mbúla, na Bofináká Play, mpe koyeisama na bomoi na Mongóngó ya Nzambe koloba mbebu na litói kino na mitéma na bango.

Tozali Liloba na Ye likómi mosuni. Tozali na nguya te, kasi Apésí bisó bokonzi na Ye. Moko na moko na bisó azali na Yango. Soko obóyi Yango, o Kotíkala esiká ozali. Kasi soko toyambi Yango, Ekosála mingi na koleka, zambí Nzambe atóndi na mawa.

Mpe ntango mobali to mwasi, etálí ngai te ózala kati na motindo nini, ozali na bokonzi ya Nzambe, na nzela ya elaká kosálá makambo mingi na koleka, “Soko olobi na ngómbá oyo, longwá, mpe soko obéiti ntembe te na motéma na yo, kasi ondimí ete oyo elobákí yo ekosálema, okoki kozua yango elobákí yo.” Ozali na nguya te, kasi ozali na bokonzi.

Mwasi ya libála akoki bobele kobonga be mpe kasangana na boyókáká Liloba na Ye libongi bé mpe lipésámí mpo ya lelo: Mongóngó na Ye. Ezali Mongóngó bobélé moko mokoki kobongisa be mpe kosangisa Mwasi ya libála. Nde Mongóngó bobélé moko Nzambe Ayebisáki bisó tóyóka mpe TÓLANDA. Lokola Mose, Ndeko Branham ayebaki ete ye nde aponamáki komema bisó bana kuna na mboka ya elaká zambí elaká epésámelaki ye. Mpe asengeli komema bisó na Mboka elakámi.

Mosakoli na bisó mpongo alakisaki bisó na bililingi. Kondimana ya Kala ezalaki elilingi ya Kondimana ya Sika. Ayebisaki biso boni tosengeli kozala na bokebi mpe eloko ya kotálela na ntango ya nsúka. Akebisaki biso na ntina na molimo ya Kóla, mpe na ntina na Datána, mpe bato na bango ya bosámbulu na kozánga kondima, lokola bamekaki komekola. Bamekaki kokótisa elóko moko boye kati na manáka ya Nzambe.

Balingaki na bango manáka ya moto moko te. Balingaki yango te. Basengeli bázala na eloko moko ya kosála. Kóla alobaki, “Boye, ezali na bato mingi bule koleka yo, Mose. ozali kosála lokola nde ezali bobele yo libóngo likoló na…to libangá moké bobele na libóngo, Náloba.” Mpe alobaki, “Na–Na…osengélákí kosála bongo te. Mpe ezali na mibali mingi awa.”

Bandeko mibali mpe basi, Nazali te komeka kokabola mangómbá na bolobáká mpe na bozóngéláká makambo oyo, Molímó Mosanto Azali kosala bokaboli. Boyóka Litéya oyo tobelémi koyoka. Mosakoli nde azali kokébisa Mwasi ya libála likoló ya elóko ya kotálela. Azali koyebisa bisó oyo molimó wana esaláki ndéle, mpe ekosala yango lisúsu na mokolo ya bisó.

Ya sóló, Nazali te komeka kokangisa bato nsima ya bótano ya botei, bakoka na bango káka te kosangisa Mwasi ya libala. Nazali komeka kosangisa bango zingázingá ya Liloba ya Nzambe peto, lizangi kobébisama, Mongóngó bobélé moko oyo ekoki kosangisa Mwasi ya libála.

Tozali koyóka makambo yango moko lelo, Ndeko Branham azali bobélé ye te nde asengélí kotéya Etíndá, tobiángámi kotéya Etíndá. Ya sóló babiángámí, kasi na nsima, kasi bazángi koyéba litómbá ya koyóka Mongóngó wana mpe Kondima Ezali Etíndá ya moto moko, na bolukáká bikimelo KOYÓKÁ TE Mongóngó ya Nzambe kati ya mangómbá na bango, mpe kotia ntómo na bango na litómbá koleka.

Mpe Biblia elobákí, “Mpe bakendeki na nzela ya Balama, mpe bakúfi na kotomboka ya Kóla.” Bakúfáki kati na kotomboka! Kotomboka ya Kóla ezalákí nini? “Na bongo, okanísí yo káka nde moto bobélé moko? Bongo, ya Nzambe…Bisó nyoso tozali bule. Lingómbá mobimba ezali bule. Lingómbá mobimba ezali malámu. Nyoso…Bisó nyoso elongó, nde oyo tosengélí kosála.” Nde esíká bakúfákí, yango. Mpe tosengélí mpenza na yango. Tobongí na kozala yango.

Etíndá oyo, Mongóngó na Ye, ezali Mongóngó sé mokó oyo elobámi polélé mpenzá mpe ezali koyambama polélé na Mwasi ya libála. Botéi sembo ezali nde koyikisa bato mpiko bátikala na Mongóngó na botéyáká mpe bozóngélaká maloba ya Etindá. Kasi kotéya Yango káka te, kasi BASENGÉLI koyóka Yango kati na mangómbá na bangó, mpe koyebisa bato na bango Ezali MONGÓNGÓ YA LITÓMBÁ KOLEKA, na ntina ete Mwasi ya libála akoka koyóka Mongóngó ya Nzambe, útá na Nzambe Ye moko.

Ezali na eloko te monéne koleka koyoka Mongóngó ya Nzambe. Ezali te na epakweli koleka epakweli likoló ya ba bánde. Ezali na nzela mosúsu te kosangisa Mwasi ya libala kasi na nzela ya Mongóngó na Nzambe likoló ya ba bánde. Ezali te na NZELA mosúsu EBONGI BE longólá sé nzela ya KOFINA PLAY MPE KONDIMA LILOBA NYOSO OZALI KOYÓKA. Ezali mpenza Nzambe, oyo Atondi na mawa epai na Mwasi na Ye ya Libála. Ezali nzela na Ye EBONGI BE epesámi mpo ya lelo.

Nabiangi yo óya mpe ósangisama na nsé ya epakweli monene koleka ya mokolo na bisó Lomíngo loye na 12:00 nsima ya nzángá, ntango ya Jeffersonville, lokola tozali koyóka Nzambe koloba mpe kolakisa bana na Ye Liloba libongi be na bomemáká Litéya:
Nzambe Oyo Atóndi Na Mawa 65-0119

Ndeko Joseph Branham

Likomi ya kotánga: Baefese 2: 1-5

Uncategorized

26-0920 Momboto Ya Kozanga Boyokani

Nsango: 65-0118 Momboto Ya Kozanga Boyokani

PDF

BranhamTabernacle.org

Balingami 1 of TM [ Moko na Bango: Mok.],

Ntango bato batúnaka bisó:

M: Ozali moko na bangó “Kofina Play” bato ya bande baoyo bandimaka ete Nzambe Atindáki William Marrion Branham kobiánga Mwasi ya libála ya Nzambe kobima?

E: Ee, Nazali Moko na Bango.

M: Ondimaka Liloba nyoso lilobámáki likoló ya ba Bánde wana?

E: Masánzoli epai ya Nkóló, Nazali Moko na Bango.

M: Na nsima osengeli mpe kondima osengéli Kofina Play mpo koyóka Mongóngó na Ye kozala Mwasi na libála ya Klisto?

E: Nkémbo, yangó mpeza nde Nazali, yango nde Ngai mpenza mpenza…Nazali Moko na Bango.

M: Ozali nde koyebisa Ngai ete, ondimi sóló mpenza ozali moponami na Ye, oyo atángólamí, Mombóto ya Bokonzi oyo ebongisámáki libosó longwá na bozalisi ya mokili kondima Liloba na Ye, kozala Mwasi na Ye ya libála, mpe obongí be na miso na Ye, na lisúmu te, mpe okoki na yo káka te kozimbisama?

E: Alelúya, osímbí yango, nde ngai mpenza 110%, NAZALI Moko Na Bango.

Kokokana na Yesu Ye moko tozali ndimbola ya Liloba na Ye. Bana ya Bokonzi. Komónisama ya Molimo Mosanto. Momboto ya Bokonzi ya eleko oyo.

Boyebi nini? Ntango ekokí mpo moto nyoso áyéba mpenza oyo ezali bisó mpo miko mázala te. Tokotika Nzambe koloba na nzela ya mosakoli na Ye mpe kotia yango nyoso elongó mpo ya bino.

Nguya yango moko oyo eyéisáki mokili mózalisama na Liloba ezali kati na bato wana baoyo bazali na Molimó Mosanto. Ezali sóló. Mibali na basi, ezali ntango tóyeba ozali nani. Zábolo azali komeka kobómba yo na elilíngí, koyebisa yo ete ozali na yo bobéle elóko ezángi ntina ya kobángisa. Bozali yango te, bozali bana mibali mpe bana basi ya Nzambe.

Bonzambe ezali na Lóla te, ezali kati na yo. Alelúya!

E: Bonzambe ezali na Lóla te, ezali kobíka mpe kofánda kati na moko na moko na bisó!

Na mokolo ya sika nyoso, na pema nyoso tozali kopema, Emoniseli Apesi biso ya baoyo tozali ezali kokoma monene mpe monene koleka. Tozali Liloba ya bomoi kofanda kati na mosuni.

Toyebi oyo mpo ete Apesi biso Emoniseli ya nani nde Atindaki kati na mokolo ya bisó; nani nde Nzambe Ye moko Alobaki ete Akotinda koteya mpe kolakisa Liloba na Ye kati na Emoniseli 22.

Ngai Yesu Natindaki mwanje na ngai kotátwela bino makambo oyo kati na mangomba.
Atindaki mwanje na Ye: William Marrion Branham, koloba kati na MANGÓMBA na Ye…Yango nde moningai elingi koloba KOYOKA BA BANDE KATI YA MANGOMBA NA BINO. Oyo wana esengeli kutu na emoniseli te, osengeli kaka kotanga. Kokokana na Liloba, oyo ezali ntango ya kozimbisa koleka nyoso kati na lisoló ya mokili. Molimo ya solo mpe ya lokuta ikozala pene mpenza na lolenge ete ekozimbisa ata baponami mpenza soko nde ekokoka.
Nzambe Atindaki MWANJE NA YE epai ya mangomba. Tozali na Mongóngo na Ye na songe ya misapi ya biso. Tokoki koyoka mpenza Liloba na Liloba oyo Alobaki. Esengeli na koyeisama polele saa te to kolimbolama, nyoso Mwasi na libala asengeli kosala ezali bobele KOFINA PLAY mpe KONDIMA.

Akebisaki biso, bóbongola litono moko te to mokonza moko te likolo ya ba bande. Kotia te lisosoli na yo to makanisi na yo, yoka bobele Mongongo na Ngai mpe ndima. Kino lelo oyo, likambo yango ekokaki te; kasi lelo ezali mpo ete Ezali nzela ya Nzambe epésami mpo ya lelo.

Toúti bobele koyoka Bileko Nsambo ya Lingomba mpe boni na eleko moko na moko, milimó wana mitélémáki kolongola bato na Liloba ya sóló. Boni na eleko moko na moko, nsima ya motindami kolongwa, oyo basalaki kokamba bato kati na endimeli moko boye to lilako; epai ya bango moko mpe likanisi ya moto.

Lelo bazali komeka koboma nkombó na biso na bolobaka, “Oo, bandimaka ete ba bande nde Mongongo ya motuya koleka oyo osengeli koyoka. Bosengeli koyoka ba bande kati na lingomba na bino…ezali bolema. Ndeko Branham alobaki te ete boyoka ba bande kati na lingomba. Sikawa mongongo ya bateyi nde osengeli koyoka.”

Mpo na ngai, oyo wana nde momboto ya kozanga boyokani! BOSENGELI KOFINA PLAY mpe koyóka Mongongo ya Nzambe kati ya mangomba na bino lokola ezali Mongongo BOBELE MOKO endimisamaki na Nzambe Ye moko. Osengeli kotosa Liloba nyoso Nzambe Alobaki.

Ngai Yesu Natindaki mwanje na ngai kotátwela bino makambo oyo kati ya mangomba.

Mwanje yango andimisamáki azali koloba kati ya Lingomba na biso, yango wana Nabiangi yo koya komibakisa na biso koyoka Mongongo yango elongo na Mwasi ya libala longwa na mokili mobimba na ekanganeli ya singa mpe mipepe na 12:00 nsima ya nzanga, ntango ya Jeffersonville, mpe koyóka: 65-0118- Mombóto Ya Kozánga Boyókani”.

Ndeko Joseph Branham

Uncategorized

26-0906 Baseka Zomi, Mpe Bayuda Nkoto Mokamá Na Ntuku Minei Na Minei

Nsango: Baseka Zomi, Mpe Bayuda Nkoto Mokamá Na Ntuku Minei Na Minei 60-1211M

BranhamTabernacle.org

Molingami Mwasi ya libála ya Klisto,
Tíká tóya elongó mokolo mwa Lomíngo na 12:00 nsima ya nzángá, ntango ya Jeffersonville, koyóka 60-1211M Baseka Zómi, Mpe Bayúda Nkóto Mokáma Na Ntúkú Minei Na Minei.

Ndeko Joseph Branham

Uncategorized

26-0830 Eleko Na Lingómbá Ya Filadelefí

Nsango: 62-1210 ELEKO NA LINGOMBA YA FILADELEFI

BranhamTabernacle.org

Molingami Mwasi ya libála ya Klisto,
Tíká tóya elongó mokolo mwa Lomíngo na 12:00 nsima ya nzángá, ntango ya Jeffersonville, koyóka 60-1210 Eleko Ya Lingómba Ya Filadelefí.

Ndeko Joseph Branham

Uncategorized

26-0823 Eleko Ya Lingómba Ya Salade

Nsango: 60-1209 ELEKO NA LINGOMBA YA SALADE

BranhamTabernacle.org

Molingami Mwasi ya libála ya Klisto,
Tíká tóya elongó mokolo mwa Lomíngo na 12:00 nsima ya nzángá, ntango ya Jeffersonville, koyóka 60-1209 Eleko Ya Lingómba Ya Salade.

Ndeko Joseph Branham

Uncategorized

26-0816 ELEKO NA LINGOMBA YA TWATILA

Nsango: 60-1208 ELEKO NA LINGOMBA YA TWATILA

BranhamTabernacle.org

Molingami Mwasi Ya Libála Ya Klisto,
Tíká tóya elongó mokolo mwa Lomíngo na 12:00 nsima ya nzángá, ntango ya Jeffersonville, koyóka 60-1208 Eleko Ya Lingómba Ya Twatíla.

Ndeko Joseph Branham

Uncategorized

26-0809 Eleko Na Lingomba Ya Pelegamo

Nsango: 65-1207 Eleko Na Lingomba Ya Pelegamo

BranhamTabernacle.org

Molingami Mwasi Ya Libála Ya Klisto,
Tiká tóya elongó mokolo mwa Lomíngo na 12:00 nsima ya nzángá, ntango ya Jeffersonville, koyóka 60-1207 Eleko Ya Lingómba Ya Pelegámo.

Ndeko Joseph Branham

Uncategorized

26-0802 ELEKO NA LINGOMBA YA SUMULUNA

Nsango: 60-1206 ELEKO NA LINGOMBA YA SUMULUNA#

BranhamTabernacle.org

Molingami Mwasi Ya Libála Ya Klisto,

Tóya elongó mokolo mwa Lomíngo na 12:00 nsima ya nzángá, ntango ya Jeffersonville, koyóka 60-1206 Eleko Ya Lingómba Ya Sumulúna.

Ndeko Joseph Branham