26-0524 KOBENDAMA LIKOLO YA NGOMBA EZALI NINI?

Nsango: 65*-0725E KOBENDAMA LIKOLO YA NGOMBA EZALI NINI?

BranhamTabernacle.org

Balingami Ba Mpongo Baoyo Bazali Koyangana,

Kobéndama monéne níni oyo ezali kosálema kati ya mokili mobimba? Bato longwá na mokili mobimba koyángana na 12:00 nsima ya nzángá, ntango ya Jeffersonville, kofanda kati na ba ndáko na bango mpe masámbo na bango na lúku-lúku monéne na mitéma, kozila koyóka Mongóngó ya Nzambe koloba na bango.

Ezali mpenza likambo ya kokámwa mpe elekí mabánza ya moto epai ya mokili bobélé koyóka ba bánde. Balobí tokoki koyóka ba bánde ntángo sé ntángo. Ntína moko ezali te kozala koyóka na ntango yango moko. Osengélí koyóka mosáli, motéi, bobélé ba bánde te. Bakangámí Kati ya mimeseno ya bango.

Likambo ya motindo oyo lisálémá ndéle te Kati na lisoló ya ntango ya mokili. Nini nde ebéndákí bato oyo kosangana nyoso na ntango yango moko koyóka Mongóngó yango kobiánga Mwasi na Ye ya libála? Ezali Nzambe kokokisa Luka 17:30. Ezali Nzambe kokokisa Emóniseli 10:7. Ezali Nzambe komónisa Baebele 13:8, Melikisedeke Kati na mosuni ya moto, lokola esáláki Ye epai ya Abalayama.

Bazali kozila mpe komítúna, Akoloba nini? Nini nde ekosálema ntango akobanda koloba? Balingí kozala wana likoló ya bikanganeli ya biyókeli koyamba eloko ata nini Alobí. Balingí Yango. Balingí báyóka Yango bango nyoso na ntango yango moko elongó na Mwasi ya libála ya mokili mobimba. Zambí bandimí azali mongóngó oyo Nzambe aponákí kozala Mongóngó na Ye kobianga kobima mpe kokamba Mwasi na Ye ya libála.

Ata ko bakeseni na ba ngonga kati ya ntango, kasi bazali nyoso elongó lokola LISANGÁ MOKO, kotía litói, koyóka Mongóngó yango koloba na bango útá na Lingómbá ya Ezalelo ya bango. Bazali kofánda na bozali ya Mwana, kotela mpe kozila Boyei ya Masíya.

Mitéma na bango mizali kobéta nokí-nokí. Molimó Mosanto azali komónisa bango oyo ezali kosálema. Nzambe azilákí tíí lelo oyo komónisa Liloba na Ye mpe koyánganisa Mwasi na Ye ya libála. Ezali kokóma, mpe bazali eténi na Yango. Sóló ya oyo ezali komónana ezali kotanga kati na mitéma ya bango. Batángá mpo na yango kati ya Makomi mpo ya mbúla nkámá na nkámá, kasi sikawa ezali bo sóló. Emóniseli ya Liloba ezali komónana na nzela na bango. Masakoli ya mosakoli mazali kokokisama.

Lokola bafándí na nsé ya kopakolama monéne oyo ya Mongóngó na Ye ya nguya, Ayébísí bango bámíléngela; mpo na mpókwa oyo Akobóndela mpo ya moko na moko na bango. Ayébísí bisó ete ntango Abandí kobóndela, bokende kotia mabóko likoló na bango bazali kobéla, mpo ete bozali ya Nzambe na bisiká nyoso Ezali esiká nyoso elongó na bango, bázala ata wapi: Texas, kuna na California, ngámbo ya likoló kuna na Arizona, Amerika ya Ngelé, ata na ba ndáko ya matíti kati na ba zámba ya ngonda na ngámbo mosúsu ya mokili. Epai sé epai bazali kolanda na biyókeli, bótianela maboko ntango tobandí kobóndela mpe Nzambe akobíkisa moko na moko na bango, soko bandimí, mpo ete ezali Yango Elobí Nkoló.

Basósólí sikawa ete kati ya eleko moko na moko mpe mosakoli moko na moko oyo azalá ndèle to oyo alingákí kozala, ekozala na motángo moko boye ya bato baoyo babongisamákí libosó koyóka Etindá yango, mpe bakolanda Yango. Bibólo ya bato etáli bango te. Etálí bango te kolobamela mabe na mozangi Kondima oyo azali koloba ete ezali libúngá to ezali te nzela ya Nzambe oyo epésámí. Bakobéndana na bango maloba te. Bazali na eloko moko BASENGELI KOSÁLA, yango nde Kondima mpe kozua mwa eténi moko na moko na Yango oyo bakokí, kozindisa Yango na kati pelamókó Malia oyo azalaki kofanda na Makáká ya Yesu. Bayókí nsóni te, bazali mpenza na lipambú koloba ete Nazali mwana mobali to mwana mwasi ya bánde oyo Nafinaka Play.

Mongóngó wana esili kokébisa bango ete ekozala na bapakolami na ntango ya nsúka baoyo bakozala na epakweli monéne, Molimó Mosanto. Bakozóngela ndambo ya maloba ya mosakoli mpe na Etíndá ya ngonga; kobéta tólo ete bazali bandimi, kasi bazali bapakolami ya lokutá.

Bakozala mpenza pene ya mopakolami ya sóló na motindo ete ekozímbisa ata moponami mpenza soko nde ekokákí, kasi bayebí bakokí kozimbisama te, mpambate BAZALI LILOBA. Bazali Mwasi ya libála ya sóló oyo atikálí na Mongóngó ya Nzambe.

Mongóngó yango ezali koyébisa bango ete lelo oyo Ekozala te lilálá ya ngai-ngai to lilálá ya monéne ya bololo. Oyo wana ekozala petee kokesenisa. Kasi ekozala lilálá ya kati-káti, ndámbo lilálá ya ngai, ndámbo lilálá ya elengi, elóko esangisámí. Ekomónana káka lokola lilálá ya elengi, kasi ekozala te, mpámba te etápe wana ya sika ekozala 100% lokola ya ebandeli. Bako TÍKALA na Liloba Mongóngó wana ya ebandeli. Bakondima te kobéta libakú mabé. Bakotíkala na moko, Oyo Nzambe Ye Moko Alobákí kozala MONGÓNGÓ NA YE, LILOBA NA YE, oyo endimisámákí na nzela ya Likonzí ya Móto.

Nini nde ezali kosálema?

Mombóto ya Nzambe ebongísámákí libosó ekokí kosála eloko mosúsu te kasi kolanda mpe koyóka Mongóngó yango, mpámba te Ezali na ntina koleka bomoi epai ya bango. Okoki kozua bomoi ya bango kasi okoki te kozua Mongóngó wana.

Kobéndama ezali nini?

Nzambe, lokola momeseno, kokokisa Liloba na Ye.

Yaka komíbakisa na bisó mpe zalá eténi ya lisakoli ya mosakoli kokokisama Lomíngo oyo na 12:00 nsima ya nzángá, ntango ya Jeffersonville, lokola tozali koyóka Likomí komónisama.

Ndeko Joseph Branham

Litéya: 65-0725E “Kobéndama Likoló Ya Ngómbá Ezalí Níni?”

Makomi:
St. Matái 21:1-4
Jekalia 9:9 / 14: 4-9
Yisaya 29:6
Emóniseli 16:9
Malaki 3:1 / Mokapo ya 4
St. Yoane 14:12 / 15: 1-8
St. Luka 17:22-30