26-0517 Bapakolami Na Ntango Ya Suka

Litéya: 65-0725M Bapakolami Na Ntango Ya Suka

PDF

BranhamTabernacle.org

Balingami Ba Mpongo baoyo Bazali Koyangana,

Motó káka ya Litéya ya póso oyo ezali komónisa koyebana ya Molimó Mosanto epai ya Mwasi ya libála. Kobánza ete ekozala na mibali baoyo bapakólámí sóló bakotélema lelo oyo na kopakolama ya Sóló ya Molimó Mosanto yango moko oyo azalákí likoló ya mosakoli na bisó, kasi bakozala lokutá.

Liloba liyebísí bisó bakosala bilembo na bikámwiseli, koyamba mbúla yango moko, mapamboli yango moko lokola mosakoli ya soló. Bato bakolinga kotangwa na Liloba ya Sóló lindimísamákí ya mokolo oyo kokende na bilúlélá ya bango moko, komízuela balakisi, konyómotisa matói na bango. Ekozala mpenza pene ya Liloba ya sóló kino ekozala pene mpenza ya kozímbisa Baponami.

Boni mpenza nde kopakolama yango ekozala? Ekozala nde petee kokesenisa oyo ya sóló na oyo ya lokutá? Mosakoli ayebisákí bisó ete Mokonzi Dawidi, moto kokokana na motéma ya Nzambe Ye moko, na kopakolama likoló na ye, azuákí emóniseli ya sóló; kasi ezalakí libúngá.

NINI!! Bótika ézinda na kati mpo ya mwa ntango. Mokonzi aponámi na Nzambe azalaki na kopakolama ya sóló mpe emóniseli ya sóló, kasi azalaki na libúngá! Ba mpate ya Nzambe bakosengela bázala na bokéngi mingi koyeba ete oyo bazali koyóka ezali kopakolama ya sóló to lokutá; zambí Séko na Sékó ya bango etélémí likoló ya mikáno miye.

Toyébí Nzambe atíí batéyi mingi bapakólámí ya sóló kosunga kokamba mpe kobátela Mwasi na Ye ya libála kati na Liloba. Liloba na Ye lilobí bongo, mpe totóndí na matóndí epai ya Nkoló mpo ya moko na moko na bango. Babiángámí kozala babáteli likoló ya bitongá na bango. Basengeli bábátela bango kati ya Liloba. Na bosáláká bongo, basengeli te bázánga koyókisa bitongá na bango Mongóngó BOBELE moko mondimísámákí.

Lokola toútí káka koyóka boni moto nyoso akokí kokende na libúngá, ata na kopakolama ya sóló mpe emóniseli ya sóló. Kasi Mwasi ya libála akokí kozala amíndimísí, mpo ete Nzambe apésákí nzela ebongí be ete bakokí ntango nyoso koyóka KOPAKOLAMA YA SÓLÓ, EMÓNISELI YA SÓLÓ, YANGO ELOBÍ YAWE YA SÓLÓ; SÉ KOFINA PLAY.

“Epai wapi nzóto ebomámí ezali,” Máná mazalí, Liloba lizalí, “Wana nde ba mpongo bakoyangana.”

Epai wapi Nzóto oyo ebomámí ezali, nde epai wapi bisó ba Mpongo tokoyangana. Epai wapi Mosuni ya kotanga makilá ezali, Liloba ya eleko, Etindá ya ngonga. Mpe Ezali na esíká ya pío ya malamu koleka te kolia Máná yango longólá sé koyóka Mongóngó ya Nzambe koloba Ye moko.

Yango nde Liloba na Ye. “Moto akobika bobélé na kwánga te, kasi na Liloba nyoso.” Bomóní? Oyo abongísámákí libosó ayébí Oyo. “Liloba mopaya, to mongóngó mopaya, bakolanda te.”

Ntina oyo tokosála yango te, mpe tokokí kozímbisama te, ezali mpo ete tozalí Liloba elongó na Emóniseli oyo. Tokoki kozala eloko mosúsu te. Tokokí koyóka eloko mosúsu te. Toyebí eloko mosúsu te.

“NAZALI!” Ezali te “Nazalákí, to Nakozala.” “NAZALI,” eleko beé beé, Liloba sikawa. Ezali te Liloba oyo ezalákí, Liloba oyo ekoyá; Liloba oyo ezali sikawa. Bomóní? Bosimbí yango? “NAZALI!” “NAZALI” nde Liloba. “ Na ebandeli Liloba azalákí, mpe Liloba azalaki mboka na Nzambe.” Ezali sóló? “NAZALI.” “Nzambe atíndakí ngai pelamókó mosakoli na Ye, kondimisa oyo ete ezali sóló. Nazali eyano na Liloba oyo, Ayebisaki ngai kitá awa mpe sálá oyo.”

Mpe ntango asalákí yango, Falo alobakí, “Boye, totóndí na bilengé mibali kati na lisangá ya bisó baoyo bakokí kosála yango, mpe lokóla,” bamekoli.

Yesu alobákí, “Sikawa, ekozóngela lisúsu kati na mikolo ya nsúka,” bomóní, koyambola likambo yango moko.

Masánzoli na Nkoló. Koloba na ntina ya endimiseli mpo ya Mwasi ya libála. Ntango ozali na Emóniseli oyo, na bongo okoyeba ozali Mwasi na Ye ya libála moponami, mobongisami libosó, oyo ya motéma.

Na boyókáká Mongóngó ya Nzambe likoló ya ba bánde, tozali koyóka Mwana ya Moto, Oyo Azali Klisto. Azali Ye oyo útá na Ye nde tozali koléisama. Tozali kolia te longwá na moto; moto, maloba ma ye makokwéa. Kasi tozali kolia útá na Nzóto-Liloba ya Mwana na Moto liyébí kokwéa te.

Soko olingi kozala 100% óndimisama ete ozali koyóka Yango Elobí Nkoló, yaka komíbakisa na eténi ya Mwasi ya libála Lomíngo oyo na 12:00 nsima ya nzángá, ntango ya Jeffersonville, lokola tozali koyóka Mongóngó ya Nzambe komónisa bisó nyoso na ntina ya oyo etálí bapakolami na ntango ya nsúka.

Ndeko Joseph Branh

Litéya: Bapakolami Na Ntango Ya Nsúka 65-0725M

Makomi:
St. Matái 5: 44-45 / 7:21 / 24:15-28
St. Luka 17:30 / 18:1-8
St. Yoane 14: 12
Baefese 1:5
II Timoté 3:1-8
Baebele 6: 1-8 / 11:4
Emóniseli 10:1-7 / 16: 13-14
Malakí 4:5
I Mikonzi 22: 1-28
Yilimia: Mikapo 27 & 28