Nsango: 62-1014E Mokambi

PDF

• 26-1018 Mokambi
• 25-0608 Mokambi
• 22-0410 Mokambi
• 20-1011 Mokambi
• 18-1202 Mokambi
• 16-1026 Mokambi

BranhamTabernacle.org

Molingami Eutelo Ya Nguya,

Nzambe alakaki kotinda mokambi epai na Mwasi na Ye ya libala kati na mikolo oyo ya nsuka na ntina ete Akoka komimonisa kati na mosuni, bobele lokola esalaki Ye ntango Ayaki na mabele kati na Mwana na Ye, Yesu. Ayebisaki biso kati na Liloba na Ye ete Akotinda Eliya mosakoli, oyo akozala Mwana ya Moto komimonisa kati na mosuni ya moto; zambi Azali naino na makambo mingi ya koloba mpe kolakisa biso.

Akoloba mpo na ye moko te; kasi ezala ata nini ekoyoka ye, yango ekoloba ye: mpe akomonisa bino makambo makoya. Zambi akopesa Ngai nkembo: zambi akozua oyo ezali na ngai mpe akotalisa yango na bino.

Atindaki William Marrion Branham kokokisa Liloba na Ye mpe kotonga biso lokola bato kozala Litongi na Yesu Klisto; moto abongi be oyo akokaki kolonga monguna nyoso, mpe alingaki kozala eutelo ya nguya mpo ya Molimo Mosanto kobika na kati.

Nzambe Atikala kozanga ata mbala moko te kotinda ntango nyoso mokambi epai na bato na Ye. Kasi kozala Mwasi na Ye ya libala, osengeli koyamba mokambi wana. Osengeli kondima yango. Osengeli kokende nzela alobi to okosuka na kobunga. Etali te tokanisi nini, nini emonani lokola yango nde emonani malamu, to oyo emonani likambo ya bozoba, topesameli nzela te ya kokabola yango, mokambi azali bobele moko.

Olobi, Ndeko Joseph, Yango nde Molimo Mosanto kokamba biso, ezali Ndeko Branham te. Maloba malobaki ye EZALI Molimó Mosanto kasi Ndeko Branh te; kasi ye nde oyo aponami na Nzambe komonisa Molimo Mosanto kati na ye, mpe kozala mokambi na biso ya mabele.

Mpe sikawa Nzambe ntango nyoso atindaki bakambi na Ye, atikala kozala te na kozanga mokambi, ntango nyoso kati na bileko. Nzambe Azalaki ntango nyoso na moto moko oyo atelemaki na esika na Ye na mabele oyo, kati na bileko nyoso.

Tosengeli toyeba nani nde mokambi yango ya mabele azali oyo atelemi na esika na Ye awa na mabele; wana nde Emoniseli ya solo elali likolo na Liloba na Ye.

Toyebi Molimo Mosanto nde Mokambi Monene oyo Tata atindaki kokamba Mwasi na Ye ya libala, kasi awa Nzambe alobaki ete Atindaka ntango nyoso moto kozala mokambi kotélema na esíká na Ye moko mpe kokamba Mwasi na Ye ya libala.

Mokambi na biso ayebisaki biso ete Kolonelio azalaki moto monene ya lokumu oyo atongaki mangomba. Afutaki makabo mpe abondelaki mokolo nyoso. Kasi ntango Molimo Mosanto ayaki, asengelaki na Mokambi.

Nzambe atindelaki ye Molimo Mosanto. Atindaki Yango kati na moto ya Petelo, “Zambi wana ezalaki naino Petelo koloba Maloba oyo, Molimo Mosanto akweaki likolo na ye.” Nzambe asalelaki Mokambi na nzela ya Petelo. Asalelaki Yango, mpo ete Akambaki Kolonelio na nzela alima.

Ntango Petelo azalaki naino koloba, Molimo Mosanto akweaki likolo na bango. Petelo alobaki,

“Moto akopekisa nde ete baoyo babatisama te?” Bomoni, naino Mokambi azalaki koloba, Petelo te.

Tozali kokambama na moto te; tozali kokambama na Molimo Mosanto, OYO AZALI KOLOBA NA NZELA YA MOTO OYO NZAMBE APONAKI KOZALA MOKAMBI NA BISO YA MABELE.

Molimo Mosanto koloba na nzela ya mwanje na Ye mokambi akoloba ntango nyoso Liloba. Ayebisaki biso, “Nazali na makambo mingi ya koyebisa bino. Bokoki kososola Yango sasaipi te, kasi wana ekoya Ye, Akokamba bino na Yango.”

Yoane akambamaki ntango akomaki Emoniseli. Atambwisamaki na Mokambi. Atambwisamaki mpe na Mokambi koloba ete, “Ye nani akolongola Liloba moko na Yango, to kobakisa Liloba moko na Yango, moto yango mpenza akolongolama, eteni na ye, longwa na Buku ya Bomoi.”

Molimo Mosanto mpe akambaki Ndeko Branham koloba tosengeli koloba bobele oyo ezali likolo ya ba bande; kobakisa te to kolongola te. Mpe apesaki nzela tokoki kosala mpenza kaka oyo alakaki biso tosengeli kosala, Kofina Play.

Sikawa, ebanda boni otia eloko mosusu na esika ya Liloba ya Nzambe, mpe oloba naino ete okambami na Molimo Mosanto.

Tokambami na Molimo Mosanto oyo apesi biso Emoniseli ya oyo ezali Ye, nani nde Atindaki lokola mokambi na Ye ya mabele kobianga Mwasi na Ye ya libala kobima, mpe sikawa libanga yango ya moto: Emoniseli ya baoyo tozali. Ezali koleka maloba ya moto kobimisa yango.

Botala oyo Asalaki mpo na biso, bobele na mwa ba mposo oyo. Alakisaki biso boni kolonga monguna moko na moko oyo ayei liboso na biso. Boni kobenda Mopanga na biso ya KONDIMA mpe kopapa ye na kufa. Tozali na eloko ya kobanga te. Eloko moko te ekokoka kotelema liboso na bisó.

Boni Abombaki Bilei mpo ya Mwasi na Ye ya libala kolia. Ata ntango motindami na Ye azali mosika mpenza, tozali naino na Mokambi oyo mokili eyebi eloko moko te na ntina na wana; kasi epai ya Mwasi na libala, Ezali Bilei ya Molimo na Eleko Esengeli, Mana mabombami tozali kosala na yango lipati mokolo na mokolo.

Atongi biso na matongi ya bato babongi be na ntina ete Akoka kobika mpe kofanda kati ya moko na moko na biso. Atindelaki biso Molimo na Ye Mosanto mpe Amimonisi kati na mosuni, lokola Asalaki eleki mbula 2000, kozala Mokambi na biso, kobika mpe koloba na nzela ya mokambi na Ye ya mabele.

Nazali kobianga moko na moko na bino koya mpe koyoka, “Honk-honk, honk-honk” na Ye, epai wapi Mwasi ya libala akoya mbala moko alima na Honk wana. Ako, “Honk-honk, honk-honk!” mpe ekozala na yubile ya ndenge wana zingazinga na mokili mobimba. Mpo ya nini? Mwasi ya libala ayebi Mongongo ya Mokambi na bango.

Soko olingi kobunga te, yaka koyoka Mokambi na biso wana ezali Ye koloba na nzela ya mokambi na Ye oyo aponamaki Lomingo loye na 12:00 nsima ya nzanga, ntango ya Jeffersonville.

Ndeko Joseph Branham

Liteya:
62-1014E–Mokambi

Makomi:
St. Malako 16:15-18
St. Yoane 1:1 / 16:7-15
Misala 2:38
Baefese 4:11-13 / 4:30
Baebele 4:12
2 Petelo 1:21
Esode 13:21

Nsango: 62-0311 Etumba Monene Koleka Oyo Ebundámá

PDF

• 26-1004 Etumba Monene Koleka Oyo Ebundámá
• 23-0702 Etumba Monene Koleka Oyo Ebundámá

BranhamTabernacle.org

Balingami Ba Míka,

Etumba monéne koleka oyo ebundámá ndéle ebelémi sikawa kokóta na mosálá. Nzambe Azalaki kopona mapinga na Ye ya makasi mpe mpiko koleka nyoso mpo na mbúla koleka nkóto motóbá mpe bobongísamáki libosó mpe boponamáki kozala kati na Lipinga na Ye Monene.

Azaláki kolátisa binó mpe kolakisa binó, mpe sikawa esiká ya kobunela ebongisámí sikawa, kobongama kobanda. Ezali káka te ete Aponáki binó kozala kati na Lipinga na Ye Monéne, kasi Alongoláki bino kati ya basúsu kozala Mika mosakoli kati na Lipinga na Ye.

Ntango eyéí, mokolo mokómí; okozua boyékolí útá na Likonzí ya Móto Ye Moko kolónga mongúná nyoso. Okoyamba malako godi, Liloba na Liloba, likoló ya likambo ya kosála kolónga molimó mabé nyoso. Ekopúpola mosíká bokono nyoso mpe molimó mabé nyoso oyo ayéi libosó na yo. Elóko moko te ekoki kotelema na nzela na yo.

Nsima ya boyékolisami godi oyo, okokémbisama mpenzá na Liloba na Ye ete okobengana mabé nyoso. Okonyata mabánza nyoso. Konyata kobánga-banga nyoso. Konyata kotungisama nyoso. Konyata makono manso. Konyata lisúmu. Okosósola ete ozali likoló na yango, osékwí kati na Klisto Yesu, ozali kofánda kati na bisíká ya Likoló, na molimó mabé nyoso na nsé ya likaká na yo. Okosósola mpenza mpe KONDIMA ozali Liloba.

Akozala koyekolisa yo likambo ya kotála na bokéngi. Akopésa yo malako oyeba ete soko mongúna na yo akokí kondimisa yo ete bibuneli na yo bizali mpenza makasi te, wana nde abótóli yo bibuneli.

Kasi tokokanisa lisúsu boyékoli ya bisó, basodá, mpe koyebisa molimó mabé wana: Ezali bisó te, tozali elóko te. Ebuneli na bisó nde Liloba ya Nzambe mpe Ekolónga MOLIMÓ MABÉ NYOSO, ntango nyoso, esiká nyoso zambí ezali LILOBA NA YE, MPE AYÉKÓLISÍ BISÓ MPE AMÓNISÍ BISÓ ETE TOZALI SIKAWA LILOBA NA YE LIKÓMI MOSUNI. NA BONGO, tokokí te kolóngama, tozali lipinga ya NZAMBE liyébí kolóngama te.

Moko ya mikolo minéne koleka kati ya lisoló ya mokili ekosalema Lomingo oyo. Ba Mika na Ye bakosangisama elongó longwá na mokili mobimba na nsé ya Mongóngó ya Mokonzi na bango monéne ya mapinga, wapi tokosangisama makási elongó, na lobázo lókó, na elilingi ya ntembe esiká ata moko te.

Nambisa, soko tokondima bobéle kondima, MPE TONDIMI, ekozala te na moto ya bolembú ata moko na mokili mobimba. Soko bobélé tokoki kosala ete likambo wana moko boye libongisama, ekozala te na moto ata nani oyo azali na mposá ya Molimó Mosanto oyo akozánga kozua Yangó, mpe ekozala na lobiko yango moko ya molimo mpe ya nzóto, soko bobélé tobátelí bitémelo ya bisó. Sikawa nde ntango. Bisó nde bato yango. Molimó ya Nzambe Atémisi bendele kotémela molimó mabe nyoso; tozali MOKO NA BANGO mpe ezali na eloko te kotemisa bisó!!

Tokúfí na biyókeli na bisó, tokúfí na mabanza na bisó, tokúfi kati na makambo nyoso wana. Bomoi na bisó ebómbámí mpe tokundámí kati na Nkómbó na Yesu Klisto, mpe tosékwí elongó na Ye. Mpe esiká nyoso ezali Ye, tozali wana mpe lokóla.

Tomifungólelí nzela na bisó kobima, molimó mabé, na bo panzaká yo na, “YANGO ELOBI NKÓLÓ YAWE, YANGO ELOBI NKÓLÓ YAWE, YANGO ELOBI NKÓLÓ YAWE.” Tozali nsúka nsúka kolumbuta nsolo ya mopepe kitóko ya pío. “YANGO ELOBI NKÓLÓ YAWE.” Bisó oyo toyéi yo molimó mabé, toyeli yo etumba miso na miso. “ELOBÍ NKÓLÓ YAWE, OLÓNGÁMÍ.”

Tolóngaka molimó mabé na nini?

LILOBA!
Tóloba yangó; Liloba! Liloba! Liloba!!

MALAKO MINGI YA BOYEKOLI

Sikawa ntango mongúná abundisí mpe amekí koloba ete osengéli kosála oyo, osengeli kosála oyo kúná, ozali malámu te, okoki na eloko moko te, obikisámí te, ozali naino káka na makambo na yo wana moko. Okosála nini?

“Kendé mosíká na ngai.” Papá! Ókáta ye na Liloba. Ézala molimó mabe, ézala mongúna, ézala bokono, ézala malali, ézala ata nini, zua Liloba wana mpe béndá Yangó na Mopanga. Mpe sokó opapí yango mbala ya libosó, emónani lokóla eningání te, papá yangó lisúsu, mpe papá yangó lisúsu, mpe papá yangó lisúsu.

Toyambaka káka Liloba likoló ya mobóko, “Nzambe alobáki bongo,” mpe yango etíi gbagba kati na bisó na Ye. Elekelo moko na moko efungwámí kati na bisó. Tolobaka, “Nayebi te ntango nini Nakozua yango, kasi nakozua yango. NZAMBE ALOBÁKI BONGO. Ntembe nyoso EKEÍ…tozali kútu kobéte ntembe ya bisó ntembe.”

Totéméli satána mpe tozui Liloba ya Nzambe. Soko Nazui eyókeli moko boye, to eyókeli moko te, ézala nini ekómí, Nzambe Alobákí bongo. Ekátí likambo.

Bólanda mitindo oyo, basodá, molongó nsima ya molongó. Bózóngela Maloba maye ntango mongúná azali kobundisa. Ezali Maloba na binó te, ezali MALOBA NA YE, MPE MALOBA MA YE MAKOKI KOKWÉA TE. Apési bisó nguya ya kosalela Liloba na Ye na bokómísáká bisó Liloba na Ye. Ntango Satana azali kobundisa, tangélá ye mitindo na yo.

MALAKO YA MOKONZI NA BISÓ YA MAPINGA

Oyo nde mpenza Nalingí bósála.

Zóngelá ndai oyo mpe ndimá Liloba nyoso mpo ya kokangolama mobimba.

Satána, longwá na yo! Nazali kobima awa. Nakolála awa lisúsu, ata moké te, Nazali kofánda awa lisúsu, ata moké te. Nazali lisúsu na mabelé ya mpaka ya molimó mbabé oyo, ata moke te. Nazali kopasola nzela na ngai kobima, na ntóngó oyo. Nazali mpongo.” Amen! Alelúya!

Nsima, Nalingí bósála oyo:

Kopanza yangó na, “YANGO ELOBÍ NKÓLÓ YAWE. YANGO ELOBÍ NKÓLÓ YAWE. YANGO ELOBÍ NKÓLO YAWE.”

Fungólá makanisi na yo, lobá, “Liloba na Yo ezali sóló.”

Nkóló, Nakotía bokébi moko te na oyo Nazali koyóka, oyo ata nani áloba ye moko. Nazali kotélema na etumba kokanga bikótelo nyoso, Nazali kopúpola moto nyóso na ba balabála na ngai, makambo nyoso ya koyókisa mpási na motéma, mpe ntembe, mpe kozanga kondima nyoso nazuá ndéle. Eyókeli nyoso nazuá ndéle, makono manso nazua ndele, makambo masúsu manso nazuá ndéle, Nazali kopúpola yango nyoso íbima. Nazali koleka yango nyoso. Nazali koya alimá mpenza na molimó na ngai.

KONDIMA na yo ekobanda komata likoló koleka mpe likoló koleka. Nsima lobá na Ye, E Nkóló, kitá. Olobakí ete Osálí ngai moto sómí na bomoto na ngai.

“Ozali yango, mwana na Ngai.”

Malamu, Nafungólí motéma mpe makanisi na ngai.
“Kótá, Nkóló Yesu.”

Símbá Kondima, Mopánga wana ya Molimó, ELOBÍ NKÓLÓ YAWE.

Gángá, Alelúya! Amen.

Nsima kátá mongúná nyoso libosó na yo. Amen. Yango wana. Kátá mongúna nyoso. Sokó mpak–mpaka ya molimó ya kobángisa koyókisa yo nyoso ya…Kátá elóko wana élongwa, na Liloba na Nzambe.

MALAKO NA YO YA NSÚKA SODÁ.
YÉBÍSÁ MONGÚNÁ:

Kendé mosíká na ngai.” Papá!

Yo kátá ye na Liloba. Ézala molimo mabé, ézala mongúná, ézala bokono, ézala maláli, ézala ata nini, kamátá Liloba wana mpe béndá Yangó na Mopánga. Mpe soko opapí yango mbala ya libosó, emónání lokóla ezali kolongwa te, papá yango lisúsu, mpe papá yangó lisúsu, mpe papá yangó lisúsu, mpe papá yangó kino ekosila yo kotobola lidusú kati na yango, pelamóko mwana ya nsósó akomísálelaka nzela na kati ya líki mpo ábima; to mpongo, oyo ozali. Mísáléla nzela na kati ya ekpókóló ya kala wana ya bokono. Kátá ómifungwela nzelá na yo kobima, mpe lobá, Alelúya!
Oyo elandi ezali wapi? Amen. Yango nde etumba. Yango nde sodá. Nde sodá ya ekulúsu. Ee, mobali. Púsa mongúná nyoso ábima. Mpo na nini? Mpo na nini?

Bisó, oyo tobongisámáki libosó, Mombóto ya Bokonzi ya Abalayama.

Nkémbo, mongúna nyoso alóngámí. Ezali na ELÓKO MOKO TE ekokoka kotélema libosó na Liloba na Nzambe, mpe tozali Liloba ya Nzambe. Tozali Mombóto na Ye ya Bokonzi mpe elaká nyoso ezali YA BISÓ.

Mokolo mokómí. Mwasi ya libála andimí Liloba moko na moko mpe azali kosála likoló na Yango. Tomiléngélí na boyókáká mpe bondimáká Liloba na Ye.

Soko ozali na boséngá ya likambo ata nini, soko olingi kotóndisama na Molimó Mosanto, soko olingi kobikisama na malali, soko olingi molimó mabé nyoso ábimisama, soko olingí kozala Mwasi ya libála ya Klisto, sikawa nde ntango yango, koyóka mpe kondima Mongóngó na Ye nde esiká yangó.

Soko osepeli na makambo oyo mpe olingi kozala na bozali ya Nkóló, pene koleka ndéngé ozalá ndéle, yáká komíbakisa na bisó Lomingo oyo na 12:00 nsima ya nzángá, ntango ya Jeffersonville, lokóla Mokonzi ya mapinga na bisó ya minzóto minei azali kopésa mitíndo epai ya Míka na Ye ya nguya Mwasi ya libála loléngé ya kolónga molimó mabé nyoso, mongúná nyoso, kokómisama nsómí, mpe kotóndisama na Molimó Mosanto na Ye, mpe kobélema mpo na Koyá na Ye nokí.

Ndeko Joseph Branham

Litéya: Etumba Monéne Koleka Ebundámá Ndele. 62-0311

Makomi:
1 Peter 5: 8-10
Baefese 6 : 10-17
Danyele 12: 1-7

Nsango: 65-0118 Momboto Ya Kozanga Boyokani

PDF

• 26-0920 Momboto Ya Kozanga Boyokani

BranhamTabernacle.org

Balingami 1 of TM [ Moko na Bango: Mok.],

Ntango bato batúnaka bisó:

M: Ozali moko na bangó “Kofina Play” bato ya bande baoyo bandimaka ete Nzambe Atindáki William Marrion Branham kobiánga Mwasi ya libála ya Nzambe kobima?

E: Ee, Nazali Moko na Bango.

M: Ondimaka Liloba nyoso lilobámáki likoló ya ba Bánde wana?

E: Masánzoli epai ya Nkóló, Nazali Moko na Bango.

M: Na nsima osengeli mpe kondima osengéli Kofina Play mpo koyóka Mongóngó na Ye kozala Mwasi na libála ya Klisto?

E: Nkémbo, yangó mpeza nde Nazali, yango nde Ngai mpenza mpenza…Nazali Moko na Bango.

M: Ozali nde koyebisa Ngai ete, ondimi sóló mpenza ozali moponami na Ye, oyo atángólamí, Mombóto ya Bokonzi oyo ebongisámáki libosó longwá na bozalisi ya mokili kondima Liloba na Ye, kozala Mwasi na Ye ya libála, mpe obongí be na miso na Ye, na lisúmu te, mpe okoki na yo káka te kozimbisama?

E: Alelúya, osímbí yango, nde ngai mpenza 110%, NAZALI Moko Na Bango.

Kokokana na Yesu Ye moko tozali ndimbola ya Liloba na Ye. Bana ya Bokonzi. Komónisama ya Molimo Mosanto. Momboto ya Bokonzi ya eleko oyo.

Boyebi nini? Ntango ekokí mpo moto nyoso áyéba mpenza oyo ezali bisó mpo miko mázala te. Tokotika Nzambe koloba na nzela ya mosakoli na Ye mpe kotia yango nyoso elongó mpo ya bino.

Nguya yango moko oyo eyéisáki mokili mózalisama na Liloba ezali kati na bato wana baoyo bazali na Molimó Mosanto. Ezali sóló. Mibali na basi, ezali ntango tóyeba ozali nani. Zábolo azali komeka kobómba yo na elilíngí, koyebisa yo ete ozali na yo bobéle elóko ezángi ntina ya kobángisa. Bozali yango te, bozali bana mibali mpe bana basi ya Nzambe.

Bonzambe ezali na Lóla te, ezali kati na yo. Alelúya!

E: Bonzambe ezali na Lóla te, ezali kobíka mpe kofánda kati na moko na moko na bisó!

Na mokolo ya sika nyoso, na pema nyoso tozali kopema, Emoniseli Apesi biso ya baoyo tozali ezali kokoma monene mpe monene koleka. Tozali Liloba ya bomoi kofanda kati na mosuni.

Toyebi oyo mpo ete Apesi biso Emoniseli ya nani nde Atindaki kati na mokolo ya bisó; nani nde Nzambe Ye moko Alobaki ete Akotinda koteya mpe kolakisa Liloba na Ye kati na Emoniseli 22.

Ngai Yesu Natindaki mwanje na ngai kotátwela bino makambo oyo kati na mangomba.
Atindaki mwanje na Ye: William Marrion Branham, koloba kati na MANGÓMBA na Ye…Yango nde moningai elingi koloba KOYOKA BA BANDE KATI YA MANGOMBA NA BINO. Oyo wana esengeli kutu na emoniseli te, osengeli kaka kotanga. Kokokana na Liloba, oyo ezali ntango ya kozimbisa koleka nyoso kati na lisoló ya mokili. Molimo ya solo mpe ya lokuta ikozala pene mpenza na lolenge ete ekozimbisa ata baponami mpenza soko nde ekokoka.
Nzambe Atindaki MWANJE NA YE epai ya mangomba. Tozali na Mongóngo na Ye na songe ya misapi ya biso. Tokoki koyoka mpenza Liloba na Liloba oyo Alobaki. Esengeli na koyeisama polele saa te to kolimbolama, nyoso Mwasi na libala asengeli kosala ezali bobele KOFINA PLAY mpe KONDIMA.

Akebisaki biso, bóbongola litono moko te to mokonza moko te likolo ya ba bande. Kotia te lisosoli na yo to makanisi na yo, yoka bobele Mongongo na Ngai mpe ndima. Kino lelo oyo, likambo yango ekokaki te; kasi lelo ezali mpo ete Ezali nzela ya Nzambe epésami mpo ya lelo.

Toúti bobele koyoka Bileko Nsambo ya Lingomba mpe boni na eleko moko na moko, milimó wana mitélémáki kolongola bato na Liloba ya sóló. Boni na eleko moko na moko, nsima ya motindami kolongwa, oyo basalaki kokamba bato kati na endimeli moko boye to lilako; epai ya bango moko mpe likanisi ya moto.

Lelo bazali komeka koboma nkombó na biso na bolobaka, “Oo, bandimaka ete ba bande nde Mongongo ya motuya koleka oyo osengeli koyoka. Bosengeli koyoka ba bande kati na lingomba na bino…ezali bolema. Ndeko Branham alobaki te ete boyoka ba bande kati na lingomba. Sikawa mongongo ya bateyi nde osengeli koyoka.”

Mpo na ngai, oyo wana nde momboto ya kozanga boyokani! BOSENGELI KOFINA PLAY mpe koyóka Mongongo ya Nzambe kati ya mangomba na bino lokola ezali Mongongo BOBELE MOKO endimisamaki na Nzambe Ye moko. Osengeli kotosa Liloba nyoso Nzambe Alobaki.

Ngai Yesu Natindaki mwanje na ngai kotátwela bino makambo oyo kati ya mangomba.

Mwanje yango andimisamáki azali koloba kati ya Lingomba na biso, yango wana Nabiangi yo koya komibakisa na biso koyoka Mongongo yango elongo na Mwasi ya libala longwa na mokili mobimba na ekanganeli ya singa mpe mipepe na 12:00 nsima ya nzanga, ntango ya Jeffersonville, mpe koyóka: 65-0118- Mombóto Ya Kozánga Boyókani”.

Ndeko Joseph Branham