Mbega ibihe bidasanzwe turimo kugira. Tuba dutegerezanyije amatsiko buri cyumweru igihe cyo kuza guteranira hamwe ku Ijwi Ryayo. Imitekerereze yacu yo mu buryo bw’umwuka iba nta kuvangirwa kurimo ikeye. Tukaba TUZI neza Uwo Ari We. TUZI neza Icyo Aricyo. TUZI neza abo turibo; umuryango umwe munini HAMWE NAWE!
Iyahaye umuntu kuba imana nto. Kubera ko We ni Imana Data, kandi Yaremye umuntu ngo abe imana nto, uko niko Yo yibeshaho ubwayo; Ibana n’Umuryango Wayo. Amena. Elah, Elah, Elohim… Ubu, noneho Yo ni Yehova, ”Yehova“ bisobanuye ”Ubana n’umuryango We.“
Yavuganye natwe kandi Iduhishurira uburyo duhindukamo abagabo n’abagore b’igihagaro gikwiriye kugira ngo duhinduke ahantu h’ubuturo Aho Itura. Yavuze honk ndetse yongera kuvuga honk kugira ngo Ateranirize hamwe Umugeni We mukundwa kugira ngo Atumenyeshe ko Ari We Muyobora Wacu, kandi Yagiye Atuyobora kandi atwereka inzira binyuze muri marayika umuyobora We wo ku isi, William Marrion Branham.
Ubu Afite irindi somo ridasanzwe Ashaka kutwigisha no Kuduhishurira. Arashaka gutangaza ko turi abo Yagize abana. Izina ryacu ni ryiza kimwe n’Irye. Twasohotse I Kanani, dusohoka mu isi, kandi UBU twicaye ahantu hamwe ho Mu Ijuru, turya Manu yahishwe yaduhunikiwe.
Ibyo nibyo bigomba kubaho kuri iki Cyumweru I Saa Sita z’Amanywa ku Isaha y’I Jeffersonville (saa kumi n’ebyiri ku isaha y’I Kigali n’I Bujumbura), aho Imana yateguye ahantu hadasanzwe aho Umugeni ashobora guteranira hamwe kugira ngo yumve Ijwi Ryayo n’umutima umwe, ahantu hamwe, hamwe n’ibiganza byacu n’imitima bizamuwe ku Mana, kugira tumuramye hamwe mu kirere cyo mu Ijuru.
Mwene Data Joseph Branham
Ubutumwa: Kugirwa Abana #1 60-0515E
Ibyanditswe:
Yoweli 2:28 Hanyuma y’ibyo, nzasuka Umwuka wanjye ku bantu bose, abahungu banyu n’abakobwa banyu bazahanura, abakambwe banyu bazarota, n’abasore banyu bazerekwa.
Abefeso 1:1-5 Pawulo wagizwe intumwa ya Kristo Yesu nk’uko Imana yabishatse, ndabandikiye mwebwe abera bari muri Efeso bizera Kristo Yesu, ubuntu bube muri mwe n’amahoro biva ku Mana Data wa twese no ku Mwami Yesu Kristo. Imana y’Umwami wacu Yesu Kristo, ari yo na Se ishimwe, kuko yaduhereye muri Kristo imigisha yose y’umwuka yo mu ijuru, nk’uko yadutoranirije muri we isi itararemwa, kugira ngo tube abera tutariho umugayo imbere yayo. Kuko yagambiriye kera ku bw’urukundo rwayo ko duhinduka abana bayo, tubiheshejwe na Yesu Kristo ku bw’ineza y’ubushake bwayo,
1 Abakorinto 12:13 kuko mu Mwuka umwe twese ari mo twabatirijwe kuba umubiri umwe, naho twaba Abayuda cyangwa Abagiriki, naho twaba imbata cyangwa ab’umudendezo. Kandi twese twujujwe Umwuka umwe.
1 Petero 1:20 wamenywe n’Imana kera isi itararemwa, ariko akerekanwa ku mperuka y’ibihe ku bwanyu,
Imana yasezeranye kohereza umuyobozi ku Mugeni Wayo muri iyi minsi yanyuma kugira ngo Ibashe Kwihishura Ubwayo mu mubiri, nkuko Yabikoze igihe Yazaga ku isi mu Mwana Wayo, Yesu. Yaratubwiye mu Ijambo Ryayo ko Yajyaga kohereza Eliya umuhanuzi, ariwe ugomba kuba Umwana w’Umuntu wihishura Ubwe mu mubiri w’umuntu; kubera ko Afite byinshi byo kutubwira no kutwigisha.
kuko atazavuga ku bwe, ahubwo azavuga ibyo azaba yumvise byose, kandi azabamenyesha ibintu byenda kubaho. Kubera ko uwo azanyubahisha; kuko azafata ku byanjye akabibamenyesha.
Yohereje William Marrion Branham kugira ngo asohoze Ijambo Ryayo no kutwubaka ubwacu nk’abantu ku giti cyabo ngo tube igihagararo cya Yesu Kristo; umuntu utunganye ushobora kunesha buri mwanzi wese, kandi tukaba inzu ikomeye yo guturwamo n’Umwuka Wera akahaba.
Muravuga ngo, Mwene Data Joseph, ese si Umwuka Wera ugomba kutuyobora, hari ubwo ari Mwene Data Branham. Amagambo avuga NI Umwuka Wera kandi ntabwo ari Mwene Data Branham; ahubwo niwe watoranijwe n’Imana guhishura Umwuka Wera, kandi akaba umuyobozi wacu wo ku isi.
Kandi rero, Imana burigihe yohereje abayobozi Bayo, igihe cyose, ntihigize habaho na rimwe igihe aho Itari ifite Umuyobozi, ibihe byose. Imana burigihe yabaga ifite umuntu wayihagarariraga kuri iyi si, mu bihe byose.
Tugomba kumenya uwo uwo muyobozi wo ku isi ariwe kandi ko ari Yo ahagarariye hano ku isi; aho hari Uguhishurirwa k’ukuri ku Ijambo Ryayo. Turabizi ko Umwuka Wera ari we Muyobozi Mukuru uwo Data yohereje kuyobora Umugeni Wayo, ariko hano Imana yavuze ko igihe cyose Yohereza umuntu kugira ngo abe umuyobozi wo kuyihagararira no kuyobora Umugeni Wayo.
Umuyobozi Wayo yatubwiye ko Koroneriyo yari umuntu ukomeye w’umunyacyubahiro wubatse insengero. Watangaga ubufasha hamwe no gusenga buri munsi. Ariko igihe Umwuka Wera yaje, yarakeneye Umuyobozi.
Imana yamwoherereje Umwuka Wera. Yamwohereje mu muntu witwa Petero: “Ariko, Petero akivuga ayo magambo Umwuka Wera arabamanukira.” Imana yakoresheje Umuyobozi, Inyuze muri Petero. Yaramukoresheje, kubera ko yayoboye Koroneliyo inzira nziza.
Igihe Petero yarataratangira kuvuga, Umwuka Wera arabamanukira. Petero aravuga ngo,
Ninde ubasha kwima amazi aba bantu ngo batabatizwa?” Murabibona, Umuyobozi akomeza kuvuga, ntabwo yari Petero.
Ntabwo turimo kuyoborwa n’umuntu; tuyoborwa n’Umwuka Wera. UVUGA BINYUZE MU MUNTU W’IMANA WATORANIJWE KUGIRANGO ABE UMUYOBOZI WO KU ISI.
Umwuka Wera urimo uvuga binyuze mu muyobozi marayika Wayo uzavuga igihe cyose Ijambo. Yaratubwiye ngo, “Mfite byinshi byo kubabwira. Ntabwo mushobora kubisobanukirwa ubu, ariko igihe Azaza, Azabayobora kuri Ryo.” Yohana yari ayobowe igihe yandikaga Ibyahishuwe. Yari ayobowe n’Umuyobozi. Ndetse yari ayobowe n’Umuyobozi kuvuga ngo, “Uzagira Ijambo akura kuri Iri, cyangwa akongera ijambo kuri Ryo, nawe umugabane we uzakurwaho, mu Gitabo cy’Ubugingo.”
Umwuka Wera ndetse wayoboye Mwene Data Branham kuvuga ko tugomba kuvuga gusa ikivuzwe ku makasete; nta kongeraho cyangwa ngo ukureho. Kandi Yatanze inzira y’aho dushobora gukora neza neza icyo yatwigishe dukwiriye gukora, Gukandaho Bikavuga.
None, ni buryo ki mushobora gusimbuza ikindi kintu Ijambo ry’Imana, mugakomeza kuvuga ko muyobowe n’Umwuka Wera.
Turimo turayoborwa n’Umwuka Wera uwo waduhaye Guhishurirwa k’uwo Ariwe, uwo Yohereje nk’umuyobozi Wayo wo ku isi kugira ngo ahamagare Umugeni Wayo, kandi ubu iryo buye risoza: Guhishurirwa k’uwo turiwe. Ni ibirenze ibyo amagambo y’umuntu yashobora kugaragaza.
Murebe ibyo yadukoreye, neza neza mu byumweru bike bishize. Yatwigishije uburyo bwo gutsinda buri mwanzi uza imbere yacu; uburyo bwo gukuramo Inkota yacu yo KWIZERA maze tukamucumita kugeza apfuye. Ntacyo dufite cyo gutinya. Nta gihari cyashobora guhagarara imbere yacu.
Uburyo yahunitse Ibyo Kurya Umugeni azarya. Habe n’igihe intumwa Yayo iri kure, turacyafite Umuyobozi uwo isi idafite na kimwe iziho; ariko ni iby’Umugeni Wayo, Ni Ibyo Kurya by’Umwuka Mu Gihe Gikwiriye, Manu yahishwe niyo dufungura buri munsi.
Yatwubatsemo igihagararo cy’umuntu utunganye bityo kugira ngo Abashe kutubamo kandi ature muri buri umwe wese muri twe. Yatwoherereje Umwuka Wera no kwihishura Ubwe mu mubiri, nkuko Yabikoze mu myaka 2000 ishize, kugira ngo abe Umuyobozi wacu, uba kandi akavugira mu muyobozi Wayo wo ku isi.
Ndatumira buri wese muri mwe kuza maze akumva izo za “Honk-honk, honk-honk!” aho Umugeni azaza yihuta kuri izo Honk. Azakora “Honk-Honk, honk-honk!” kandi aho hazaba hari kubera yubile ahantu hose ku isi. Kubera iki? Umugeni azi Ijwi ry’Umuyobozi Wabo.
Niba udashaka kuzimira, ngwino utege amatwi Umuyobozi wacu mu gihe Avuga anyuze mu muyobozi washyizweho wo ku isi kuri iki Cyumweru I Saa Sita z’Amanywa ku I saha y’I Jefferisonvile (saa kumi n’ebyiri ku isaha y’I Kigali n’I Bujumbura.)
Mwene Data Joseph Branham
Ubutumwa : 62-1014E –Umuyobozi
Ibyanditswe Mariko 16:15-18 Arababwira ati “Mujye mu bihugu byose, mwigishe abaremwe bose ubutumwa bwiza. Uwizera akabatizwa azakizwa, ariko utizera azacirwaho iteka. Kandi ibimenyetso bizagumana n’abizera ngibi: bazirukana abadayimoni mu izina ryanjye, bazavuga indimi nshya, bazafata inzoka, kandi nibanywa ikintu cyica nta cyo kizabatwara na hato, bazarambika ibiganza ku barwayi bakire.”
Yohana 1:1 Mbere na mbere hariho Jambo; Jambo uwo yahoranye n’Imana kandi Jambo yari Imana.
Yohana 16:7-15 Ariko ndababwira ukuri yuko ikizagira icyo kibamarira ari uko ngenda, kuko nintagenda Umufasha atazaza aho muri, ariko ningenda nzamuboherereza. Ubwo azaza azatsinda ab’isi, abemeze iby’icyaha n’ibyo gukiranuka n’iby’amateka; iby’icyaha, kuko batanyizeye, n’ibyo gukiranuka kuko njya kwa Data, kandi namwe muzaba mutakimbona, n’iby’amateka kuko umutware w’ab’iyi si aciriweho iteka. Ndacyafite ibyo kubabwira byinshi, ariko ubu ntimubasha kubyihanganira. Uwo Mwuka w’ukuri naza azabayobora mu kuri kose kuko atazavuga ku bwe, ahubwo ibyo azumva ni byo azavuga, kandi azababwira ibyenda kubaho. Uwo azanyubahiriza, kuko azenda ku byanjye akabibabwira. Ibyo Data afite byose ni ibyanjye, ni cyo gitumye mvuga nti Azenda ku byanjye abibabwire.’
Ibyakozwe n’Intumwa 2:38 Petero arabasubiza ati “Nimwihane, umuntu wese muri mwe abatizwe mu izina rya Yesu Kristo ngo mubone kubabarirwa ibyaha byanyu, kandi namwe muzahabwa iyi mpano y’Umwuka Wera,
Abefeso 4:11-13 Nuko aha bamwe kuba intumwa ze, n’abandi kuba abahanuzi, n’abandi kuba ababwirizabutumwa bwiza, n’abandi kuba abungeri n’abigisha, kugira ngo abera batunganirizwe rwose gukora umurimo wo kugabura iby’Imana no gukomeza umubiri wa Kristo, kugeza ubwo twese tuzasohora kugira ubumwe bwo kwizera no kumenya Umwana w’Imana, kandi kugeza ubwo tuzasohora kuba abantu bashyitse bageze ku rugero rushyitse rw’igihagararo cya Kristo,
Abefeso 4:30 Kandi ntimuteze agahinda Umwuka Wera w’Imana wabashyiriweho kuba ikimenyetso, kugeza ku munsi wo gucungurwa.
2 Petero 1:21 kuko ari nta buhanuzi bwazanywe n’ubushake bw’umuntu, ahubwo abantu b’Imana bavugaga ibyavaga ku Mana bashorewe n’Umwuka Wera.
Kuva 13:21
Uwiteka ku manywa yabagendaga imbere ari mu nkingi y’igicu ngo abayobore, nijoro yabagendaga imbere ari mu nkingi y’umuriro ngo abamurikire, babone uko bagenda ku manywa na nijoro.
Turimo gufata umwanya wa Kristo, dukomeza umurimo We. Atura mu gihagararo cy’umuntu mu gihe Yigaragaza Ubwe muri twe. Ubu dufite uburyo bwo kumuramya butunganye! Ni Imana irimo yiyerekana Ubwayo muri twe, kuko turi Ingando Yayo.
Ni iki twishingikirijeho tutanyeganyega mu kwemera ibintu nk’ibi? KWIZERA. Kandi kwizera kwacu nta kindi gukeneye; kubera ko kwizera kwacu kwizera Ijambo ry’Imana. Kubera ko kwizera kuzanwa no kumva, no kumva Ijambo ry’Imana, kandi Ijambo ry’Imana riza gusa ku muhanuzi, kandi ushobora KUMVA umuhanuzi binyuze gusa mu Gukandaho Bikavuga… YITERE!!
Icyubahiro Kibe icy’Uwiteka…!!! Ntitwitaye kuba dutuye mu ihema, mu karuri, kubaho cyangwa gupfa, kwibira cyangwa kurengerwa. Iki nicyo kintu cyonyine kidushishikaje, UBU BUTUMWA, IRI JWI, IJAMBO RY’IMANA. Ni Ubwami bw’Imana. Niyo nzira yateguwe n’Imana kubw’uyu munsi. Burimo kubaka Igihagararo cy’Umuntu Utunganye, ARI WE TURI WE!
Yohana 5:14 Hanyuma y’ibyo Yesu amubona mu rusengero aramubwira ati “Dore ubaye muzima, ntukongere gukora icyaha utazabona ishyano riruta irya mbere.”
Yohana 14:12 Ni ukuri, ni ukuri, ndababwira yuko unyizera, imirimo nkora na we azayikora ndetse azakora n’iyiruta, kuko njya kwa Data.
Ibyakozwe n’Intumwa 2:38 Petero arabasubiza ati “Nimwihane, umuntu wese muri mwe abatizwe mu izina rya Yesu Kristo ngo mubone kubabarirwa ibyaha byanyu, kandi namwe muzahabwa iyi mpano y’Umwuka Wera,
Ibyakozwe n’Intumwa 7:44–49 Ba sogokuruza bari bafite ihema ry’ubuhamya bari mu butayu, nk’uko Iyavuganye na Mose yamutegetse kurirema, arishushanije n’icyitegererezo cy’iryo yabonye. Iryo ba sogokuruza barihawe na ba se riba uruhererekane, barizana Yosuwa abagiye imbere ubwo batsindaga amahanga, ayo Imana yirukanaga imbere yabo kugeza mu gihe cya Dawidi wari utonnye imbere y’Imana, asaba kubakira Imana ya Yakobo ubuturo. Ariko Salomo ni we wayubakiye inzu. Nyamara Isumbabyose ntiba mu mazu yubatswe n’amaboko, nk’uko wa muhanuzi yavuze ati Ijuru ni ryo ntebe yanjye, Isi ni yo ntebe y’ibirenge byanjye. Muzanyubakira nzu ki? Ni ko Uwiteka ababaza. Cyangwa nzaruhukira hantu ki?
Ibyakozwe n’Intumwa Igice cya 10 Hariho umuntu w’i Kayisariya witwaga Koruneliyo, umutware utwara umutwe w’abasirikare wo mu ngabo zitwa Italiyana. Yari umuntu w’umunyadini wubahana Imana n’abo mu rugo rwe bose, wagiriraga abantu ubuntu bwinshi, agasenga Imana ubudasiba. Abona ku mugaragaro mu iyerekwa marayika w’Imana yinjiye iwe nko mu isaha ya cyenda y’umunsi, aramuhamagara ati “Koruneliyo.” Aramutumbira, aramutinya, aramubaza ati “Ni iki Mwami?” Aramusubiza ati “Gusenga kwawe n’ubuntu bwawe byazamukiye kuba urwibutso imbere y’Imana. Kandi none tuma abantu i Yopa, utumire umuntu witwa Simoni wahimbwe Petero. Acumbitse kwa Simoni w’umuhazi, urugo rwe ruri iruhande rw’inyanja.” Marayika wavuganaga na we amaze kugenda, ahamagara abagaragu be babiri, n’umusirikare w’umunyadini wo mu bamukorera iteka, amaze kubabwira ibyo byose, abatuma i Yopa. Bukeye bw’aho bakiri mu nzira benda gusohora mu mudugudu, Petero ajya hejuru y’inzu gusenga nko mu isaha ya gatandatu. Arasonza ashaka kurya, bakibyitegura aba nk’urota abona ijuru rikingutse, maze ikintu kiramanuka gisa n’umwenda w’umukomahasi, gifashwe ku binyita bine kijya hasi. Harimo inyamaswa z’amoko yose zigenza amaguru ane, n’ibikururuka hasi byose, n’ibiguruka mu kirere byose. Ijwi riramubwira riti “Haguruka Petero, ubage urye.” Petero ati “Oya Mwami, kuko ntigeze kurya ikizira cyangwa igihumanya.” Iryo jwi rimusubiza ubwa kabiri riti “Ibyo Imana ihumanuye wibyita ibizira.” Biba bityo gatatu, icyo kintu giherako gisubizwa mu ijuru. Petero agishidikanya mu mutima we uko ibyo yeretswe bisobanurwa, abantu batumwe na Koruneliyo bamaze kubaza inzu ya Simoni iyo ari yo, bahagarara ku irembo, barahamagara babaza yuko Simoni wahimbwe Petero acumbitsemo. Petero agitekereza ibyo yeretswe, Umwuka aramubwira ati “Dore abantu batatu baragushaka. Haguruka umanuke ujyane na bo udashidikanya, kuko ari jye ubatumye.” Petero aramanuka asanga abo bantu arababwira ati “Ni jyewe uwo mushaka, mwazanywe n’iki?” Baramusubiza bati “Koruneliyo umutware utwara umutwe w’abasirikare ijana, umuntu ukiranuka wubaha Imana, ushimwa n’ubwoko bwose bw’Abayuda, yabwirijwe na marayika wera kugutumira, ngo uze iwe yumve amagambo yawe.” Nuko arabinjiza arabacumbikira. Petero ajya kwa Koruneliyo Bukeye bw’aho Petero arahaguruka avanayo na bo, na bene Data bamwe b’i Yopa na bo bajyana na we. Bukeye bagera i Kayisariya, basanga Koruneliyo abategereje, yateranije bene wabo n’incuti z’amagara. Petero agiye kwinjira, Koruneliyo aramusanganira, yikubita imbere y’ibirenge bye, aramuramya. Ariko Petero aramuhagurutsa ati “Haguruka, nanjye ndi umuntu nkawe.” Bakivugana arinjira, asanga abantu benshi bahateraniye arababwira ati “Muzi yuko kizira ko Umuyuda yifatanya n’uw’ubundi bwoko cyangwa ko amugenderera, ariko jyeweho Imana yanyeretse ko ntagira umuntu nita ikizira cyangwa igihumanya. Ni cyo cyatumye ntanga kuza ntumiwe. None ndababaza icyo muntumiriye.” Koruneliyo ati “Dore uyu ni umunsi wa kane, uhereye ubwo nari ndi mu nzu yanjye nsenga magingo aya ari yo saa cyenda, nuko umuntu ahagarara imbere yanjye yambaye imyenda irabagirana, arambwira ati Koruneliyo, gusenga kwawe kwarumviswe, n’ubuntu bwawe bwibutswe imbere y’Imana. Nuko tuma i Yopa, utumireyo Simoni wahimbwe Petero, acumbitse kwa Simoni w’umuhazi hafi y’inyanja.’ Uwo mwanya ndagutumira, nawe wakoze neza ubwo uje. Nuko none turi hano twese imbere y’Imana, dushaka kumva ibyo Umwami Imana yagutegetse kutubwira.” Petero aterura amagambo ati “Ni ukuri menye yuko Imana itarobanura ku butoni, ahubwo mu mahanga yose uyubaha agakora ibyo gukiranuka iramwemera. Ijambo ry’ubutumwa bwiza bw’amahoro Imana yatumye ku bana ba Isirayeli ivugishije Yesu, ari we Mwami wa bose, iryo jambo murarizi ryamamaye i Yudaya hose, rihereye i Galilaya hanyuma y’umubatizo Yohana yabwirizaga, ni irya Yesu w’i Nazareti, uko Imana yamusutseho Umwuka Wera n’imbaraga, akagenda agirira abantu neza, agakiza abo Satani atwaza igitugu, kuko Imana yari iri kumwe na we. Natwe turi abagabo bo guhamya ibyo yakoreye mu gihugu cy’Abayuda byose n’i Yerusalemu: uwo bamwicishije kumubamba ku giti, ariko Imana imuzura ku munsi wa gatatu, imwerekana ku mugaragaro. Icyakora ntiyamweretse abantu bose, ahubwo yamweretse abagabo yatoranije bitari byaba, ni twebwe abasangiraga na we amaze kuzuka. Adutegeka kubwiriza abantu no guhamya ko ari we Imana yategetse kuba Umucamanza w’abazima n’uw’abapfuye. Abahanuzi bose baramuhamije, bavuga yuko umwizera wese azababarirwa ibyaha ku bw’izina rye.” Petero akivuga ibyo, Umwuka Wera amanukira abumvise ayo magambo bose. Abizeye bo mu bakebwe bajyanye na Petero barumirwa bose, kuko n’abanyamahanga na bo bahawe Umwuka Wera akaba abasutsweho, kuko bumvise bavuga izindi ndimi bahimbaza Imana. Maze Petero arababaza ati Aba ngaba bahawe Umwuka Wera nkatwe, ni nde ubasha kubima amazi ngo batabatizwa? Ategeka ko babatizwa mu izina rya Yesu Kristo. Baherako baramwinginga ngo amareyo iminsi.
Ariko tuzibuka imyitozo yacu, abasirikare, maze tubwire satani ngo : ntabwo ari twe, ntacyo turicyo. Intwaro zacu ni Ijambo ry’Imana kandi rizatsinda BURI DAYIMONI YOSE, igihe cyose, ahantu hose, kubera ko ni IJAMBO RYAYO, KANDI YARADUTOJE NDETSE ADUHISHURIRA KO UBU TURI IJAMBO RYAYO RYAMBAYE UMUBIRI. KUBW’IBYO, ntidushobora gutsindwa, turi ingabo z’IMANA zidatsindwa.
Umwe mu minsi ikomeye kuruta indi mu mateka y’isi ugiye kubaho kuri iki Cyumweru. Ba Mikaya Bayo baraza kwiyunga hamwe baturutse hirya no hino ku isi bumva Ijwi ry’Umugaba Mukuru, aho tuza kuba twunzwe hamwe duhuje umutima, nta n’agacu ko gushidikanya aho ariho hose.
Noneho, nituba twizeye gusa, KANDI TURIZEYE, nta munyantegenke uzaba uhari hose mu isi. Niba dushobora kureka icyo kintu kikabaho, haraba nta muntu n’umwe ushaka Umwuka Wera utarawubona, kandi haraba gukira indwara by’ako kanya byombi ubugingo n’umubiri, nituramuka tugumye mu gihagararo cyacu. Noneho ubu nicyo gihe. Turi ubwoko. Umwuka w’Imana washyizeho igihagararo kirwanya buri dayimoni; turi UMWE MURI BO kandi nta gishobora kuduhagarika!!
Twapfuye ku byiyumvo byacu, twapfuye kugutekereza kwacu, twapfuye kuri ibyo bintu byose. Ubuzima bwacu burahishwe kandi twahambwe mu Izina rya Yesu Kristo, maze tuzukana na We. Kandi aho Ari hose, niho natwe tuba turi.
Twisaturiye inzira yacu turasohoka, satani,kubwo kukujegeza dukoresheje, “UKU NIKO UWITEKA AVUZE. UKU NIKO UWITEKA AVUZE. UKU NIKO UWITEKA AVUZE.” None ku iherezo turimo turahumeka umwuka mwiza ufutse. “UKU NIKO UWITEKA AVUZE.” Aha turaje satani, twasohoye imitwe yacu hanze. “UKU NIKO UWITEKA AVUZE, WATSINZWE.”
Ese ni iki dutsindisha satani?
Ijambo! Reka tubivuge; Ijambo ! Ijambo ! IJAMBO!!
ANDI MABWIRIZA KU MYITOZO
Noneho igihe umwanzi ateye maze akagerageza kukubwira ko ugomba gukora ibi, ugomba gukora biriya, akubwira ko utari mwiza, ko udakwiriye, ko utakize indwara, ko ugifite bya bibazo bimwe. Ni iki ugiye gukora?
“Jya kure yanjye.” Mutere! Mukebeshe Ijambo. Yaba ari dayimoni, yaba ari umwanzi, yaba ari uburwayi, yaba ari icyorezo, icyo cyaba aricyo cyose, mufate iryo Jambo hanyuma murikururishe Inkota. Niba kandi muyiteye bwa mbere, mukabona itanyeganyega, yitere indi nshuro, ndetse wongere uyitere, maze wongere uyitere.
Twemera ijambo tugendeye ko, “Ari ko Imana yavuze,” kandi ibyo bishyiraho umuyoboro hagati yacu na Yo. Buri muyoboro ugomba gufunguka hagati yacu. Turavuga ngo, “Ntabwo nzi igihe ngiye kubyakirira, ariko nzabyakira. IMANA NIKO YAVUZE. Buri gushidikanya KWAGIYE… turi gushidikanya ku gushidikanya kwacu. “
Igikurikiye kiri he?” Amina. Iyo ni yo ntambara. Uwo ni we musirikare. Nguwo umusirikare w’umusaraba. Yego mugabo. Mukubite hasi buri mwanzi. Kubera iki? Kubera iki?
Kuko tudakirana n’abafite amaraso n’umubiri, ahubwo dukirana n’abatware n’abafite ubushobozi n’abategeka iyi si y’umwijima, n’imyuka mibi y’ahantu ho mu ijuru.
Rero, Imana, inkungahaye ku mbabazi Zayo, yatanze inzira kugira ngo Umugeni Wayo abashe kumva Ijwi Ryayo 24/7, mu munsi 365 y’umwaka, kubwo Gukandaho Bikavuga, no kwakira ubuzima binyuze mu Ijwi ry’Imana rivuga umunwa ku gutwi ribwira imitima yabo.
Turi Ijambo Ryayo ryambaye umubiri. Nta mbaraga dufite, ariko Yaduhaye ubutware Bwayo. Buri wese muri twe arabufite. Nimuramuka mubwanze, muzaguma aho muri. Ariko nituramuka tubyakiriye, bizakora ibirenze ibyo dutekereza, kubera ko Imana ikungahaye ku mbabazi Zayo.
Kandi igihe umugabo cyangwa umugore, ntabwo nitaye ku mimerere urimo, ufite ububasha mu Mana binyuze mu isezerano, kubera ko Yo ni umutunzi kandi Yasezeranye gukora ibirenze cyane. “Nuramuka ubwiye uyu musozi ngo, ‘Shinguka aho,’ maze ntushidikanye mu mutima wawe, ahubwo ukizera ibyo wavuze biraza gusohora, ushobora kubona icyo wavuze.” Nta mbaraga ufite, ariko ufite ububasha.
Umugeni yashobora gutunganywa no kugirwa umwe no kumva Ijambo Ryayo ritunganye ryatanzwe kubw’uyu munsi: Ijwi Ryayo. Niryo Jwi ryonyine rishobora kunga no gutunganya Umugeni. Niryo Jwi ryonyine Imana yatubwiye ko tugomba kumva kandi TUGAKURIKIRA. Kimwe na Mose, Mwene Data Branham yari azi ko ari we watoranijwe kujyana abana akabambutsa mu Gihugu cy’Isezerano kubera ko isezerano ariwe ryari ryahawe. Kandi agomba kutwambutsa mu Gihugu cy’isezerano.
Umuhanuzi kizu wacu yatwigishirije mu ngero. Isezerano Rya Kera ryari igicucu cy’Isezerano Rishya. Yatubwiye uburyo dukwiriye kwitonda cyane n’icyo dukwiye kurebaho muri iki gihe cya nyuma. Yatuburiye ku mwuka wa Kora, no kubyerekeye Datani, n’iryo tsinda ryabo ry’abatizera, uko bagerageza kwigana. Bagerageza kugira ikintu bongera muri gahunda y”Imana.
Ntabwo bashakaga gahunda y’umuntu umwe. Ibyo ntabwo babishakaga. Bagombaga kugira icyo nabo bakora. Kora aravuga ati, “Rero, hari abantu bera kukurusha, Mose. Ukora nkaho ari wowe wenyine ku nkombe… cyangwa nkaho ari wowe kabuye konyine ku nyanja.” Maze aravuga ngo, “Njye–njye… ntabwo wari ukwiriye gukora ibyo. kandi hari abantu benshi hano.
Bene Data na bashiki bacu, sindimo ngerageza gutandukanya amatorero kubwo kuvuga no gusubiramo ibi bintu, Ni Umwuka Wera urimo gutandukanya. Mutege amatwi ubu Butumwa tugiye kumva. Umuhanuzi niwe uburira Umugeni icyo akwiriye kuba arebaho. Arimo aratubwira icyo uwo mwuka wakoze kuribo icyo gihe, kandi nicyo uzongera gukora mu gihe cyacu.
Nyakuri, ntabwo ndimo ngerageza gukururira abantu ku bukozi butanu, nyakuri ntibashobora kunga Umugeni. Ndimo ndagerageza kubungira ku Ijambo ry’Imana ry’ukuri ritavangiye, Ijwi ryonyine rishobora kunga Umugeni.
Twumva ibyo bintu bimwe uyu munsi, Mwene Data Branham ntabwo ariwe wenyine ushobora kubwiriza Ubutumwa, twahamagariwe kubwiriza Ubutumwa. Nyakuri niko biri, ariko noneho, hari icyo bananirwa gusobanukirwa umumaro wo kumva iryo Jwi no kwizera ko Ari Ubutumwa bw’umuntu umwe, bagashyiraho inzitwazo zo KWANGA gucuranga Ijwi ry’Imana mu nsengero zabo, ahubwo bagashyira ubukozi bwabo imbere ko aribwo bw’ingenzi.
Kandi Bibiliya iravuga iti, “Bagendeye mu nzira ya Balamu, kandi barimbukira mu kwigomeka kwa Kora.” Barimbukiye mu kwanga ukuri kwa… Kwanga kumva ukuri kwa Kora kwari iki? “Kubera iki utekereza ko ari wowe muntu wera wenyine? Kubera iki, Imana… Twese turi abera. Itorero ryose ni uko riri. Buri wese… Twese tujye hamwe; icyo nicyo dukwiriye gukora.” Aho niho barimbukiye; ibyo, Kandi mu kuri nibyo bidukwiye. Dukwiriye kuba ibyo.
Nta kintu kinini cyaruta kumva Ijwi ry’Imana. Nta gusigwa kunini kwaruta gusigwa kuri ku makasete. Nta yindi nzira yo kunga Umugeni uretse Ijwi ry’Imana ku makasete. Nta yindi NZIRA ITUNGANYE usibye binyuze MU GUKANDAHO BIKAVUGA NO KWIZERA BURI JAMBO MURIMO MWUMVA. Ni Imana nyakuri, Ikungahaye ku mbabazi Zayo kubw’Umugeni Wayo. Niyo nzira Yayo ITUNGANYE Yatanze kubw’uyu munsi.
Ndagutumira ngo uze wiyunge ku gusigwa kuruta ukundi kose ko mu minsi yacu kuri iki Cyumweru I Saa Sita z’Amanywa., ku Isaha y’I Jeffersonville,[saa kumi n’ebyiri ku isaha y’i Kigali n’i Bujumbura.Ed] mu gihe twumva Imana ivuga kandi ikigisha abana Bayo Ijambo ritunganye kubwo kuzana Ubutumwa: Imana Ikungahaye ku Mbabazi 65-0119
Mwene Data Joseph Branham
Ibyanditswe byo gusoma Abefeso 2:1-5 Namwe yarabazuye, mwebwe abari bapfuye muzize ibicumuro n’ibyaha byanyu, ibyo mwagenderagamo kera mukurikiza imigenzo y’iyi si, mugakurikiza umwami utegeka ikirere, ari we mwuka ukorera mu batumvira. Kandi natwe twese twahoze muri bo dukurikiza ibyo kamere yacu yifuza, tugakora ibyo kamere n’imitima byacu byishakira, kandi ku bwa kavukire yacu twari abo kugirirwa umujinya nk’abandi bose. Ariko Imana kuko ari umutunzi w’imbabazi, yaduhinduranye bazima na Kristo ku bw’urukundo rwinshi yadukunze, ubwo twari dupfuye tuzize ibicumuro byacu (ubuntu ni bwo bwabakijije),
Mukundwa 1 muri TM [umwe mu Murimo w’Amakasete .Ed]
Igihe abantu batubajije ngo:
Q: Ese uri umwe muri abo “Bakandaho Bikavuga” bizera ko Imana yohereje William Marrion Branham guhamagara Umugeni w’Imana?
A: YEGO, ndi Umwe muri Bo.
Q: Wizera buri Jambo ryavuzwe ku Makasete?
A: Icyubahiro kibe icy’Uwiteka, Ndi Umwe muri Bo.
Q: None se ugomba no kwizera ko kugira ngo ube Umugeni wa Kristo uhatiwe Gukandaho Bikavuga ndetse ukumva Ijwi Ryayo?
A: Icyubahiro kibe icy’Uwiteka, icyo nicyo ndicyo, uwo niwe njye kugera ku musokoro… Ndi Umwe muri Bo.
Q: Ushaka kumbwira ko, nyakuri wizera ko uri uwo Yatoranije, Intore, Urubyaro rw’Ubwami urwo rwagenwe mbere y’imfatiro z’isi ko rugomba kwizera Ijambo Ryayo, rukaba Umugeni Wayo, kandi rutunganye mu maso Yayo, nta cyaha na kimwe bafite, kandi nta n’uburyo na bumwe bashobora gushukwa?
A: Halleluya, wabimenye, uwo niwe njye 110%[birenze uko bitekerezwa .Ed], NDI Umwe Muri Bo.
Nkuko Yesu Ubwe yabivuze ko turi ubusobanuro bw’Ijambo Ryayo. Abana b’Ubwami. Kugaragazwa k’Umwuka Wera. Urubyaro rw’Ubwami rwo muri iki gisekuru.
Muzi ikintu? Ni igihe aho buri wese agomba kumenya neza abo turibo kuburyo nta kwibeshya kwazamo. Turibureke Imana ivugire mu muhanuzi kandi byose ibishyire hamwe kubwanyu.
Za mbaraga zimwe zabwiye isi ngo ibeho ziri mu bantu bafite Umwuka Wera. Uko niko biri. Bagabo namwe bagore, ni gihe cyo kumenya abo muri bo. Satani arimo kugerageza kubahisha aho inyuma ababwira ko muri abantu b’imbabare. Ntabwo ari uko muri. Muri abahungu n’abakobwa b’Imana.
Ubumana ntabwo buri mu Ijuru, Buri muri mwe. Halleluya!
Uwo Malayika wahamirijwe uvugira mu Itorero ryacu; rero ndabatumiye ngo mwifatanye natwe kumva iryo Jwi hamwe n’Umugeni Wayo wo hirya no hino ku isi binyuze mu ihuzamirongo ku isaha ya saa sita z’amanywa (12:00 P.M.) ku isaha y’I Jeffersonville, kandi twumve: 65-0118 – “ Imbuto Yo Kunyuranya”
