Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni wa Kristo, reka tuje hamwe kuri uyu w’iyinga isaha zitandatu z’umutaga kw’isaha ya Jeffersonville (isaha icumi na zibiri ku mugoroba mu Burundi), kugira twumvirize 65-0822E Akayungiro K’Umuntu Yiyumvira.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukundwa Mwamikazi,
Kandi Umugeni uno munsi akurwa mu mubiri wa Kristo, Yigenza kandi Akora neza nk’uko Yavuze ko Yokoze muri iki gihe, Umugeni, Umwamikazi; Umwami n’Umwamikazi.
Igihe Yesu Yahinduka iryo Jambo Ryose, rero twari igice ciWe ICO GIHE. Nta dayimoni iriho, nta nkomezi, nta kintu na kimwe cokwigera kidukurako ivyo. Uwo ni umugozi udacika w’ubugingo.
Mbega umuvyuro Umugeni ariko aragira hamwe n’Ubutumwa bwose twumviriza. Birarengeye amajambo yo kubiserura y’umuntu apfa. Nta gukekeranya na gutoya, Imana Yaraduhisemwo kandi Yaduhaye uguhishurirwa kw’UKURI kw’Ijambo RyaYo ry’iki gihe. Kubw’ivyo turazi abo turi bo, Umwamikazi WaYo.
Ijwi ry’Imana Rivugana n’Umugeni WaYo ku ma bande Ririko Riratunganya Umugeni WaYo. Nta kindi gikorwa c’ibango, nta rindi jwi; nta na kimwe gishobora gutunganya Umugeni WaYo atari Imana ubwaYo biciye ku minwa y’abantu Itaziguye ku Mugeni WaYo. Abandi boshobora gushaka igisubirizi, ariko Umugeni WaYo ntazokwishimira ikindi kintu kiretse IJWI RyaYo, ikete ryaYo ry’urukundo ku Mugeni WaYo ; kuko Intama ZaYo zishaka gusa kwumva Ijwi RyaYo.
Abantu bavuga ngo dushimika cane rwose ku muvugishwa. Biratangaje cane ko abantu batemera ko Data Wo mw’Ijuru Ahambaye ubwiWe Yitwararika cane rwose umumarayika wiWe Yashize agaciro nk’ako ku kintu cose kimwerekeye; uburyo yambara, uburyo yigenza, kamere yiwe, imyitwarire yiwe.
Yaramwambitse mbere n’ubwoko bw’impuzu yambara; kamere yiwe, icipfuzo ciwe, vyose nk’uko yari akwiye kuba, nyene yaratoranijwe neza n’Imana ubwaYo ku bwacu… hanyuma bakavuga ko dushimika cane ku muvugishwa.
Kuri twebwe, Ijwi Riri ku ma bande si ijambo ry’umuntu, eka mbere ntirivugwa n’umuntu, ntiRyazanywe n’umuntu, canke nta n’ubwo Rishobora guhishurwa n’umuntu. Ni Ijambo ry’Imana Ryahishuwe n’Imana ubwaYo, Umusiguzi WaRyo bwite, Kristo Yihishura mw’Ijambo RyiWe bwite.
Ehe igipimo ca Litmus c’amacakubiri akomeye hagati y’Umugeni wa Kristo uno munsi kivuga ko bafise Uguhishurirwa kw’ukuri kw’ubu Butumwa bukomeye bw’igihe c’iherezo.
Reka mbanze mvuge rimwe kandi, nizera ko igikorwa c’Imana cahamagawe n’Imana. Hariho ivya nkenerwa, n’ahantu, ku biro vyose.
Ivyanditswe biravuga ko igikorwa c’Imana c’abo bagabo ari ic’ugutunganya abera, ariko ntibivuga ko igikorwa c’Imana cose kirimwo 5 kizotunganya abera.
MweneData Branham atubwira neza ko igikorwa ca buri gihe kizimiza, none ni gute BO bashobora gutunganya Umugeni ?
Hariho abavugabutumwa, abigisha, intumwa n’abavugishwa benshi cane bavuze ubutumwa ko bizera ubu Butumwa bw’iherezo kandi ko MweneData Branham yari Ijwi ry’Ivyahishuriwe Yohana 10:7, ubu bavuga ko ari ibinyoma, ko ari umubeshi, ko turi igice.
Abo bari abakozi b’Imana bubaha cane bafise amashengero akomeye bagendagenda kw’isi yose kandi bakorera Imana. Babonwa nk’abarongozi bakomeye mu gikorwa c’Imana kirimwo bitanu, bakavuga ubutumwa mu makoraniro no mu mashengero yo muri Leta Zunze Ubumwe za Amerika. Bari bafise igikorwa c’Imana gikomeye mu maso y’abantu, na bo barabakurikira kandi bakabemera ko ari abantu b’Imana bakomeye.
Hanyuma hariho abakozi b’Imana iki gihe bemerwa cane ko ari abakozi b’Imana b’ukuri mu gikorwa kirimwo bitanu bavuga ko bizera ubu Butumwa mu kubusubiramwo no kubuvuga, ariko kandi bavuga ko ubu Butumwa atari Icantabanduka. Iminsi y’Ubutumwa bw’umuntu umwe yaraheze.
Igikorwa c’Imana kirimwo bitanu ubu ni ugutunganya Umugeni, kandi ni bibi kuvuza ama bande mw’ishengero, gusubiramwo amajambo makeyi.
Ni kuki ndiko ndavuga ibi bintu ? Kugira ngo nerekane ko abantu BOSE bashobora, kandi bakora amakosa, ariko IJWI RY’IMANA riri ku ma bande ntiRishobora gukora ikosa. Ni co gituma ari IJWI Rihambaye kuruta ayandi yose UTEGEREZWA KWUMVA. Ni co gituma abakozi b’Imana bategerezwa kuvuza ama bande mu mashengero yabo. Ni INZIRA ITUNGANYE YATANZWE y’Imana Yakoreye Umugeni WaYo.
Nta gukeka, nizera ko ushobora kwumviriza abandi, ariko Ijwi Ryonyene UTEGEREZWA KUMVA no kwizera Ijambo Ryose ni Ijwi Riri ku ma bande. Iryo Jwi ni ryo RYONYENE dushobora kuvugira AMEN kw’Ijambo Ryose.
Iryo ni ryo tegeko ry’Imana, utegerezwa kwizera Ijambo Ryose, kandi Ijambo wumva ku ma bande niryo JAMBO RYONYENE Ryemejwe n’Inkingi y’U muriro ko ari ukuri. Imana Yavuze ko William Marrion Branham ari we musiguzi avuye ku Mana WENYENE w’Ijambo RyaYo, kuko si ijambo ryiwe, Ni Ijambo ry’Imana.
Ntuhindure akanyuguti kamwe canke agace k’urudome rumwe. Nta muntu atunganye gutyo; Ijwi ry’Imana Ryonyene ni Ryo Riratunganye. Mbere igihe tudatahura ivyo twumva, dutegerezwa gusa kwizera ko ari Ijwi ry’Imana Ryemejwe ku Mugeni WaYo.
Mu vy’ukuri, Mpwemu Yera ni We Arongora abantu b’Imana. Vy’ukuri, Mpwemu Yera Yarabahamagariye kuba abungere n’abavugabutumwa n’abigisha; ivyo ni ukuri, ariko ntibatunganye. Ariko Imana Yakoze uburyo bwo kwumva IJAMBO RITUNGANYE igihe cose mukoraniye hamwe.
Woshobora kwumviriza ama bande igihe cose ushakiye. Ndazi ico iri shengero rikeneye kandi gikwiriye uyu munsi.” Benshi ntibazovuza mbere n’igice c’ibande, kandi bavuga ko ari bibi kuvuza Ijwi ry’Imana mu mashengero yabo.
Mbega hari umuntu ari mu vyiyumviro vyiwe bigororotse yoshobora kwiyumvira ko umukozi w’Imana yozana urwitwazo, urwo ari rwo rwose rwo kutavuza Ijwi ry’Imana mw’ishengero ryabo kuko bizera ko bategerezwa kuvuga ubutumwa ? Barabivuga, ariko ntibizera ko ari Ijwi ry’Imana, canke ntiboshobora kwigera bazana urwitwazo urwo ari rwo rwose rwo kutavuza ama bande.
Ni gute umuntu yovuga ko bizera ko iri ari Ijwi ry’Imana kandi ntibazoshake kuRivuza mw’ishengero ryabo? Ni gute abantu bavuga ko bizera ko ari Ijwi ry’Imana Rivuga hanyuma ntibasabe abungere babo kuvuza ama bande mu mashengero yabo? Kubera bafise iyo mpwemu nyene.
Ntube Nikodemu maze uvuge ngo “Ndabibona kandi ndavyizeye. Ni Umwana w’Umuntu Yihishura mu mubiri w’umuntu. Ni Uko Niko Uhoraho Agize. Ni Ubutumwa Butunganye. Ni Ijwi Ry’Imana ku ma bande, ariko sinshobora gucisha bugufi igikorwa c’Imana canje no kuvuga ko iryo Jwi Ari Irihambaye cane kwumvirizwa kw’ishengero ryanje.
BeneData na bashikibacu, mwoshobora kutemeranya nanje nyene neza na neza kuri ibi. Sindabibasaba.
Ikintu conyene co gukora, muvyiyumvire gusa. Ivyo mumbwira, nzovyiyumvira. Namba abakozi b’Imana babwira ishengero ryabo ko batizera ivyo kuvuza bande mu mashengero yabo, ivyo ni vyiza, mweneData. Ubagaburira ivyo wipfuza vyose.
Ndiko ndagerageza uko nshoboye kwose kugumana n’Ijambo, kuko intama nta kindi zishaka atari imfungurwa z’intama kandi twizera ko Ijwi riri ku ma Bande ari Imfungurwa z’Intama zacu. Ivyo ni vyo bitubeshejeho : Ijambo Ryose Riva…Si Ijambo gusa rimwe na rimwe ; ariko Ijambo Ryose Riva mu kanwa k’Imana Ryavuzwe ku ma bande; ivyo ni vyo bitubeshejeho.
Imana Imbabarire namwe mumbabarire nimba nabababaje canke navuze ikintu kitari co. Ibi ni ivyo twizera gusa kandi tubona ko ari Ukuri Kutubeshejeho. Imana Yaduhaye INZIRA ITUNGANYE yo kwumva Ijwi RyaYo kandi turabikunda.
Nk’uko vyama, ndatumiye uwushaka wese kwifatanya natwe kwumviriza Iryo Jwi mu mwanya umwe na twebwe, kugira ngo yifatanye natwe isaha zitandatu ku mutaga, kw’isaha ya Jeffersonville (isaha icumi na zibiri ku mugoroba mu Burundi), aho tuzoba twunze ubumwe nk’Umuce Umwe twumviriza : 65-0822M Kristo Yihishura Mw’Ijambo RyiWe Bwite.
Ijwi RyaWe Ritunganye ry’iki gihe ni irihe, ga Mwami?
Namba nabababaje mu kuvuga ivyo, mumbabarire, ariko, numvise ko ivyo bishobora kwumvikana nabi, ariko, ndi Ijwi ry’Imana kuri mwewe.
Ivyo turavyizeye n’umutima wacu wose. Uku ni ko twiyumva, Mwami.
Ntaco bategerezwa kwemeza mu buryo bw’ubumenyi, canke kubaza Umusadukayo canke Umufarisayo uwo ari we wese, canke ikindi kintu cose, kuri ivyo. Narabivuze, baravyizera, kuko intama zaNje zumva Ijwi RyaNje.
Ni irihe Jwi riri ku ma bande Ry’Umugeni Wawe ?
Iri ni Ijwi ry’Imana mu buryo bw’inyuguti, kuko Ibi ni uguhishurirwa kwose kwa Yesu Kristo, Isezerano rya Kera n’Isezerano Rishasha bishizwe hamwe. Amen. Ng’ivyo.
None ama bande aracahambaye muri iki gihe?
Ndazi ko, maze kuva kuri iyi si, ayo ma bande n’ivyo bitabu bizoba biriho, kandi benshi muri mwebwe abana bato muzobona, mu minsi izoza, ko uku ari kwo Kuri neza na neza,…
Mwami, twizera ko ama bande n’ibitabu ari igikorwa c’ibango kizima caWe Wasigiye Umugeni WaWe.
Kubera iki amabande ari ryo JWI NGIRAKAMARO CANE dutegerezwa kwumviriza?
“Uwo wese azokwongerako ijambo rimwe kuri Ibi, canke akureko Ijambo Rimwe kuri Ibi .” Utegerezwa kugira icantabanduka ahantu hanaka.
Gutyo, icantabanduka cacu gitegerezwa kuba Ijambo ry’Imana. Waduhishuriye ko Ijambo ry’Imana n’Ijwi ry’Imana ari kimwe. Ijwi ni ivyiyumviro nyene vy’Imana vyavuzwe, nk’uko wabikoze ku bavugishwa igihe Wandika Bibiliya; ariko muri iki gihe ca nyuma, Warazigamye Ijambo Ryawe, Ijwi Ryawe, mu kurifata amajwi no kurishira ku ma bande. Rero, Ijwi Ryawe Rivuga ku ma bande ni icantabanduka c’Umugeni.
Abantu ntibiyumvira ko bihambaye kuvuza iryo Jwi mu mashengero yabo iki gihe. Bigishwa mu mashengero yabo ko MweneData Branham atigeze avuga ko ama bande avuzwa mu mashengero, ahubwo bakeneye gusa kwumviriza umukozi w’Imana yigisha kandi asubiramwo Ijambo.
Kandi namba ishengero iriryo ica ntabanduka cawe, rero ntuha agaciro ivyo umuntu wese avuga. Kuko ni icantabanduka cawe. Ewe Mana, fasha ibi vyinjire mu mitima neza! Kuri jewe, ivyo vyose aba ari ikinyoma. Ijambo ry’Imana niryo ntabanduka. Ico Ijambo rivuze cose ni co c’ukuri.
Yari arindiriye ko baMutumira. Ico ni co Arindiriye muri iri joro, ngo uMutumire. Raba, igihe abo bigishwa baMutumira ngo basangire ku meza…
Ni gute umuntu ashobora kuvuga, kwisigura, canke agira urwitwazo, bamenyesha ko bizera ubu Butumwa bw’iherezo, ntibavuze ama bande mu mashengero yabo igihe bafise akaryo ko kwumviriza IJWI NYENE RY’IMANA ? Ni Amajambo Imana Yavuze biciye ku minwa y’umuntu mu muvugishwa waYo yasizwe. IJWI RYONYENE Ryemejwe n’Inkingi y’Umuriro, ukumenya amabanga y’ibwina mu mitima, ibimenyetso n’utwumiza, Ivyo nivyo vyagaragaje ko ari Ijwi ry’Imana kur’uru runganwe.
Ni gute abantu bashobora kugira urwitwazo URWO ARI RWO RWOSE, insiguro, canke kutagira icipfuzo co kwumviriza Ijwi ry’Imana igihe cose bakoraniye hamwe?
Mwami, Umpe kutazokwigera mfata Ijwi RyaWe ku ma bande nk’ikintu gisanzwe. Umpe kwama menyesha isi ko ari ryo Ijwi RYONYENE bakeneye kwumva. Reka ntangarize Umugeni Wawe, ko IVYO BAKENEYE VYONYENE ARI IJWI RYAWE KU MA BANDE.
Turakunda gufatanya. Turakunda kuvuga ivyaWe no gusubiramwo Ijambo RyaWe, ariko nta kintu gikomeye wari gukorera Umugeni Wawe kuruta kuduha Ijambo RyaWe Uguma wisubiriza, Uguhira kw’Ijwi RyaWe, hanyuma no kumenya ABO TURI BO, UMUGENI WAWE W’UMWIZIGIRWA.
Ese ukuntu noshobora kuguma mbandanya,nongera mbandanya kuyaga ivyerekeye uguhishurirwa guhambaye Imana Yaduhaye. Nta herezo bifise. Ariko ikintu gihambaye kuruta ibindi noshobora gukora ni ukubatumira ngo muze mwiyumviririze ubwanyu Ijwi ry’Imana hamwe n’igice c’Umugeni kur’uyu w’iyinga isaha zitandatu ku mutaga kw’isaha ya Jeffersonville, (isaha icumi na zibiri ku mugoroba mu Burundi) mu gihe twumviriza : 65-0815 – Kandi Ntavyo Uzi.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni wa Kristo, reka tuje hamwe kuri uyu w’iyinga isaha zitandatu z’umutaga, kw’isaha ya Jeffersonville (isaha icumi na zibiri k umugoroba mu Burundi), kugira twumvirize 65-0801E Ibintu Bishika Bisigurwa n’Ubuvugishwa.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Busho Buto, bw’Umugeni Jambo Nkumi ya Kristo :
Mbega ukuntu imitima yacu yanezerewe igihe twumva umumarayika wiWe w’inkomezi atangaza ko turi Uruvyaro rw’Imana Rwatoranijwe Rudashobora gukora ikintu na kimwe kindi atari ugukurikira Ijwi RyiWe. Bifise agaciro karenze ubuzima kuri twebwe. Urashobora kutwaka ubuzima bwacu, ariko ntushobora kudutwara Ijwi RyiWe. Turi Umwe n’Ijambo RyiWe. Turi Umwe n’Ijwi RyiWe. Turi Umwe na We.
Bisa n’ibitangaje cane kuri twebwe ko dutahurwa nabi cane kandi tugatwengwa kuko tuvuga ko twizera kuvuza bande; ko ari Ijwi ry’Imana Rivugana n’Umugeni WaYo. Satani yarahenze abantu cane ku buryo biyumvira ko kuba dutangaza ko turi ishengero ry’amabande, ari ikintu kiri hanze y’Ijambo, ikintu kibi, kandi turiko turarongorwa nabi, mu gihe igihe cose ari inzira y’Imana itunganye Yatanze ku Mugeni WaYo.
None bishobora gute kuba ukundi? Iyo usiguye nabi Ijambo Rimwe Ryavuzwe, uba wazimiye. Bashobora kuba bafise impamvu n’intumbero nziza, ariko bakaba bihenda. Umuntu ashobora gusigwa na Mpwemu Yera kandi akaguma yihenda.
Iyo Imana Idatanga inzira ku buryo Umugeni WaYo Yoshobora kwiyumvira Ijambo Ryose, rero hobayeho ubundi buryo. Ariko Yatanze uburyo kugira ngo umuntu wese wo kw’isi aronke akaryo ko kwumviriza Ijambo Ribabwira Ridaciye ku ruhande hatanakenewe insiguro, ugusiguriwa, canke ugutomora neza. Vyose ni Uko Niko Uhoraho Agize…NTA KINDI !
Nizera ko ivyo dukeneye vyose vyanditswe Ng’aha nyene, bikeneye gusa gusigurwa na Mpwemu Yera. Sinemera ko hari umuntu n’umwe kw’isi afise uburenganzira bwo gushiramwo insiguro yiwe bwite kw’Ijambo. Imana nta n’umwe Ikeneye ngo asigure Ijambo RyaYo. Ni Yo Musiguzi waYo ubwaYo. Yavuze ko Yobikoze, kandi Irabikora.
Mu buryo butomoye, Umwami Yavuze kandi Yahishuriye Umugeni WaYo ko ata bundi buryo bwo kuba Umugeni WaYo Yatoye atari ukugumana n’Ijambo RyaYo. Imana ubwaYo Irasigura Ijambo RyaYo bwite, kandi nta n’umwe afise uburenganzira bwo kwongerako insiguro yiwe kuri Ryo.
Ijambo Rivuga kandi ko UMUVUGISHWA waYo ariwe musiguzi w’ijambo RyaYo. Ni Ijwi ry’Imana ku bantu. Ivyo avuga ni Ijambo ry’igihe cacu.
Mu kwumviriza Ijwi ry’Imana Riri ku ma bande, tuba turi ubuvugishwa buriko burashitswa. Nta kintu gikomeye kuruta, ceranda kuruta, nta kintu kinyurwisha birushirije, nta kintu gitunganye kuruta kuba uriko urumviriza Ijwi ry’Imana Ryemejwe Rivugana nawe.
Imana Yaduhamagariye kuva muri iki gihe kibi kubw’Izina RyaYo. Turaca mu bibazo n’ibigeragezo vyinshi cane nk’uko tutari bwigere tubibona mbere. Satani yiteguriye intambara mu gihe azi ko igihe ciwe kiri kw’iherezo. Woshobora kwibaza uti, noba ndiko ndaca muri ivyo vyose gute, kandi ndi Umugeni WaYo ?
Turiko turagaragazwa, tugeragezwa, kandi twemeza Satani, ko TURI UMUGENI WAYO. Turi Ijambo mu mubiri. Turashobora kuvuga Ijambo kandi Rizoshika. Ni UKO NIKO UHORAHO AGIZE.
Turafise Ijwi ry’Imana Rivugana na Satani Ridaciye ku ruhande kandi Rimubwira ngo:
Satani, waratsinzwe. Uri umubeshi. Kandi, nk’umusavyi w’Imana, kandi nk’abasavyi, turategetse mw’Izina rya Yesu Kristo, ko wumvira Ijambo ry’Imana, kandi uve mu bantu, kuko handitswe ngo, “Mw’Izina RyaNje bazokwirukana amadayimoni.”
Ivyo vyose…IVYO dukeneye VYOSE, dukeneye gusa gusaba, kwizera no kuguma aho nyene. Bishobora kugaragara ubwo nyene; bishobora kuba mw’iyinga rimwe, mu kwezi kumwe, mu mwaka umwe. Ntaco bitwaye ivyo tubona canke twumviriza, BIBA VYASHITSE UWO MWANYA NYENE.
Igikorane cose dukoraniye hamwe kirushiriza kuba kinini ku Nkona z’Imana. Dukoranye mu mutima umwe n’inama imwe, twicaye hamwe ahantu ho mw’Ijuru, twumviriza Ijwi Ritubwira kandi Ridutunganya mw’Ijambo RyiWe.
Twokunda ko mwifatanya natwe kuri uyu w’iyinga isaha zitandatu ku mutaga, kw’isaha ya Jeffersonville, (isaha icumi na zibiri mw’ijoro mu Burundi) mu gihe twumviriza Ijwi ry’Imana Risubira kuvugana natwe kandi Rituzanira insiguro y’Ijambo RyaYo Bwite.
MweneData Joseph Branham
Ubutumwa: Imana Y’Iki Gihe Kibi 65-0801M
Ivyanditswe vyo gusoma imbere yo kwumviriza Ubutumwa: Matayo Mweranda igice ca 24 / 27:15-23 Luka Mweranda 17:30 Yohana Mweranda 1: 1 / 14: 12 Ivyakozwe n’Intumwa 10:47-48 1 Ab’i Korinto 4:1-5 / igice ca 14 2 Ab’i Korinto 4:1-6 Ab’i Galatiya 1:1-4 Abanyefeso 2:1-2 / 4:30 2 Ab’i Tesalonike 2:2-4 / 2:11 Abaheburayo igice ca 7 1 Yohana igice ca 1 / 3:10 / 4:4-5 Ivyahishuriwe Yohana 3:14 / 13:4 / ibice vya 6 gushika kuri 8 na 11 hamwe na12 / 18:1-5 Imigani 3:5 Yesaya 14:12-14
Mu gihe bicaye munsi yuko gusigwa guhambaye kw’Ijwi RyiWe Ry’inkomezi, arabamenyesha ngo bitegure; kuko muri iri joro Agiye gusengera umwe wese muri bo. Aratubwira iyo Atanguye gusenga, kuja kurambika ibiganza ku barwaye, kuko ukubaho kw’Imana hose icarimwe kuri kumwe na bo hose, aho boba bari hose: Texas, hariya muri California, haruguru muri Arizona, muri Amerika y’Epfo, mbere no ku tuzu tw’ivyatsi mu mashamba yo ku rundi ruhande rw’isi. Aho bari hose kugira baze kwumviriza, barambikaneko ibiganza igihe dutangura gusenga kandi Imana Izokiza umwe wese muri bo, namba bizeye, kuko Ni Uko Niko Uhoraho Agize.
Ubu baratahura ko mu bihe vyose kandi biciye ku muvugishwa wese yabayeho canke azobaho, hazoba abantu bamwe bamwe batoranirijwe kwumviriza ubwo Butumwa, kandi bazoBukurikira. Bazokwirengagiza amasinzi y’abantu. Birengagiza ukunegura kw’uwutizera avuga ko ari bibi canke ko atari inzira Imana Yatanze. Nta mpari bagiriranira na bo. Bafise ikintu kimwe BATEGEREZWA GUKORA, ni ukwizera no kugira ngo bashobore kuronka igice cose c’Ivyo, ico bashobora cose, kuvyishiramwo nka Mariya yicara ku birenge vya Yesu. Nta nsoni bafise, barishimira cane kuvuga ko ari abahungu b’ama bande canke abakobwa b’ama bande bafyonda bakavuza.
Iryo Jwi Ryaramaze kubaburira ko mu gihe c’iherezo hazoba abasizwe, bazoronka ugusigwa gukomeye, Mpwemu Yera. Bazosubiramwo umuvugishwa n’Ubutumwa bw’igihe; bavuga ko ari abizera, ariko ni abasizwe b’ikinyoma.
Bazoba bari hafi cane y’ugusigwa nyakuri ku buryo vyohenda abatoranijwe nyene iyoba vyoshoboka, ariko barazi ko badashobora guhendwa, kuko BARI IJAMBO. Ni bo Mugeni w’ukuri Yagumanye n’Ijwi ry’Imana.
Iryo Jwi Ribamenyesha ko muri iki gihe Ritazoba indimu, canke umucungwe. Ivyo vyoba vyoroshe gutandukanya. Ariko izoba ari tangelo, igice c’indimu, igice c’umucungwe, ubwoko buvanze. Bizosa n’umucungwe gusa, ariko ntibizoba bisa, kuko iryo shami rishasha rizoba ari iry’inkomoko 100%. BazoGUMANA n’iryo Jwi-Jambo ry’inkomoko. Bazoba magabo. Bazogumana n’uwo Imana, Yo ubwaYo Yatangaje ko ari IJWI RYAYO, IJAMBO RYAYO, Yemeje biciye mu Nkingi y’Umuriro.
Ni igiki kiriko kiraba?
Uruvyaro rw’Imana Rwatoranijwe nta kindi Rushobora gukora atari ugukurikira no kwumviriza Iryo Jwi, kuko Risobanura ibirengeye ubuzima kuri bo. Mushobora kubaka ubuzima bwabo, ariko ntimushobora kubaka rino Jwi.
None ni ukuhe gukwegwa?
Imana, nk’uko bisanzwe, Ishitsa Ijambo RyaYo.
Nimuze mwifatanye natwe mube igice c’ubuvugishwa bw’umuvugishwa buriko burashitswa kuri iri yinga isaha zitandatu ku mutaga, kw’isaha ya Jeffersonville, (isaha icumi na zibiri ku mugoroba mu Burundi) mu gihe twumva Ivyanditswe biriko biragaragazwa.
MweneData Joseph Branham
Ubutumwa: 65-0725E “Ni Ukuhe Gukwegwa Kuri Kuri Wa Musozi ?”
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Bakunzi Nkona Zikoranira Hamwe,
Umutwe w’Ubutumwa bw’iri yinga wonyene urahishura mwene ukwo kumenya Mpwemu Yera ku Mugeni. Kwiyumvira ko hazoba abasizwe b’ukuri bazohaguruka muri iki gihe, bafise ugusigwa kw’inkomoko kwa Mpwemu Yera nyene kwari ku muvugishwa wacu, ariko bikaba ari ibinyoma.
Impamvu tutazo… kandi tudashobora kuzimira, ni uko turi Ijambo hamwe n’uku Guhishurirwa. Ntidushobora kuba ikindi na kimwe. Ntidushobora kwumviriz ikindi na kimwe. Ntituzi ikindi na kimwe.
“NDIHO!” Si “Nari, canke Nzoba.” “NDIHO,” igihe c’ubu, Ijambo ubu. Si Ijambo Ryariho, Ijambo Rizoza; Ijambo ry’ubu. Murabona? Murabitahura ? “NDIHO!” “NDIHO” ni Ijambo. “Ubwa mbere Jambo Yariho, kandi Jambo Yahoranye n’Imana.” Mbega ni ko biri? “NDIHO.” “Imana Yantumye nk’umuvugishwa waYo, kwemeza ibi ko ari ukuri. Ndi inyishu kuri iri Jambo, Yambwiye kumanuka ng’aha no gukora ibi.”
Kandi igihe yabikora, Farawo yavuze ati: “Yemwe, turafise abahungu benshi mu mugwi wacu bashobora gukora ivyo, na bo nyene,” abigana.
Yesu Yavuze Ati, “Ubu, ivyo bizosubira kandi mu minsi ya nyuma,” murabona, bivugira ico kintu nyene.
Umwami Ashimwe. Muvuge ivyerekeye ivyizigiro ku Mugeni. Igihe ufise uku Guhishurirwa, niho umenya ko uri Umugeni WiWe Yatowe, Yatoranijwe, umukunzi wiWe.
Mu kwumviriza Ijwi ry’Imana Riri ku ma bande, tuba turiko turumviriza Umwana w’Umuntu, ari We Kristo. Ni We Atugaburira. Ntitugaburirwa n’umuntu; umuntu, amajambo yiwe azonanirwa. Ariko tugaburirwa Ijambo ry’Umubiri Ritananirwa ry’Umwana w’Umuntu.
Namba ushaka kumenya neza 100% ko wumviriza Uko niko Uhoraho Agize, n’uze wifatanye n’igice c’Umugeni kuri uwu w’iyinga isaha zitandatu ku mutaga, kw’isaha ya Jeffersonville, (isaha icumi na zibiri zo ku mugoroba mu Burundi) mu gihe twumviriza Ijwi ry’Imana Riduhishurira ibintu vyose vyerekeye abasizwe mu gihe c’iherezo.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mugeni Mukundwa,
Rero, nibaza ko ata cubahiro gikwiye twoshobora guha umumama.
Umumama wacu ni we wa mbere tuba turi kumwe, kandi yahawe inshingano ikomeye y’ico tuzoba n’inzira dutegerezwa gucamwo. Yarahawe inshingano ivuye ku Mana yo kudushira mu nzira igororotse. Ni co gituma abamama bafise ukwitaho gutoyi kudasanzwe, bahawe n’Imana.
Mbega umuhezagiro udasanzwe tubikiwe kuri uyu w’iyinga, mu gihe dutera iteka Abamama bose, iyo twumvise umumarayika w’indwi w’Imana aserura urukundo n’icubahiro abamama bacu bafise mu mitima yacu.
Turazi ko buri munsi ari umunsi mukuru w’abamama, ariko kuri uyu w’iyinga tuzotera iteka abamama bose mu gihe twumva umuvugishwa wacu abaha icubahiro nk’uko yabivuze ubu hakaba haciye imyaka 67 kuri uwo munsi nyene, igenekerezo rya 10 Rusama 1959.
MweneData Joseph Branham
Ubutumwa : Umusi Mukuru W’Umumama 59-0510M
Igihe : 12 :00 ku mutaga kw’isaha y’i Jeffersonville (isaha icumi na zibiri ku mugoroba mu Burundi).
Iyo ni yo mpamvu nyene yatumye Ijwi RyaNje Rifatwa amajwi, ku buryo mwogira ahantu hatunganye hatanzwe ho kuja, aho ata makosa, ata nsobanuro ikenewe, Ijwi ry’Imana Ritagira agatosi gusa. Ahantu ushobora kuja ku buryo ushobora kwumviriza neza na neza ivyo Navuze : Uko Niko Uhoraho Agize.
Ngiye kuzovugana namwe neza mu buryo butomoye ku munsi w’iyinga. Ndashaka ko utazokwigera wibagirwa ivyo ngiye kukubwira. Aya ma bande ni Imfungurwa zawe za Mpwemu muri iki Kihe. Zirakungahaye birenze kuri bamwe muri bo; ntibashobora nyene kuZifata. Ntivyabahishuriwe, ariko NaraBAtoye, Nabahaye Uguhishurirwa kw’inzira yaNje itunganye yatanzwe.
Kuri wewe, Ni Imfungurwa Zihishijwe, aho ubayeho ku neza n’imbabazi z’Ijambo Rizima.
Igihe nari mbayeho mu mubiri mu Mwana WaNje, ntibashobora gusa kwakira Uwo Nari We: Imana hamwe n’umuntu. Rero Nasezeranye ko Nzosubira kugaruka mu minsi y’iherezo no kubaho mu mubiri w’umuntu ubugira kandi nk’uko Nabigize imbere ya Aburahamu, kandi Nomanuka maze Nkihindura umubiri w’umuntu nk’uko Nabikoze ico gihe.
Ng’ibi ivyo bahushije, ico gihe n’ubu, ariko Sinigera Nshaka ko mwibagira. Imfungurwa Zabitswe Ndiko Ndabagaburira, hamwe n’intumwa yanje, ni zimwe. Ntimushobora kubitandukanya. Ubutumwa n’intumwa ni kimwe. Nababwiye mw’Ijambo Ryanje ivyo Nzokora muri iki gihe. Niyo mpamvu ari ubugombe bwaNje gushira Ijwi Ryanje mu mashengero yanyu, mu ngo zanyu, aho muja hose; kuko Ni Ijwi Rihambaye kuruta ayandi yose mutegerezwa kwumviriza. Ni Ryo Jwi RYONYENE Ryemejwe Rivuga Uko ni ko Uhoraho Agize.
Imbabazi zaranswe. Ubu muriko mubeshwaho n’Ijambo Ryanje. Narabahaye Uguhishurirwa kw’Uwo Ndi We n’uwo URI WE. Nta gukekeranya na gutoya gukwiye kuba mu mitima yanyu no mu vyiyumviro vyanyu. Muri Umugeni Wanje Yatowe, Yahiswemwo, Yatoranijwe. Muri Ijambo RyaNje Ryavuzwe Ryari muri Jewe mu ntango.
Mufise uburenganzira bwo kuronka Imfungurwa, Imfungurwa za Mpwemu, isi ataco iziziko na kimwe. Mufise uburenganzira bwo gukira ku mibiri yacu igihe abaganga bananiwe; Ni kimwe mu Mfungurwa Nasezeranye kandi Nabahaye mu gihe ca nyuma.
Nasezeranye guhishura amabanga yo mu mitima yanyu no gukora ibi bintu. Ndi muri mwebwe. Muri igice caNje, nanje Ndi igice canyu. Ibi bimenyetso bizokurikira abizera.
Kuri uyu w’iyinga nzoba ndiko ndahuza Umugeni Wanje wo kw’isi yose n’Ijwi RyaNje. Nzobabwira ngo murambikaneko ibiganza. Ntiwisengere, sengera uwo washizeko ibiganza, kuko bariko baragusengera. Tuzosengera hamwe, kandi ntihazobaho umuntu w’intege nke aho ari ho hose kw’isi yose namba mwizera. Ni wizera, kandi udakekeranya mu mutima wawe, nzotangaza nti,
Satani, waratsinzwe! Yesu Kristo Yaragutsinze! Yarazutse mu bapfuye, Ari hagati muri twebwe muri iri joro, Yemeza ubu Butumwa bw’igihe c’iherezo. Muve muri aba bantu! Mubareke, mw’Izina rya Yesu Kristo ! “Mw’Izina RyaNje bazokwirukana amadayimoni,” kandi urirukanywe. Mw’Izina rya Yesu Kristo, va muri iri koraniro !
Ndatumiye isi kuza kwifatanya natwe kuri uyu w’iyinga isaha zitandatu ku mutaga, kw’isaha ya Jeffersonville, (isaha icumi na zibiri ku mugoroba mu Burundi) maze wumvirize Ubutumwa n’intumwa yiWe batuzanire : Imfungurwa Za Mpwemu Mu Gihe Gikwiriye, Imfungurwa Zihishijwe z’Umugeni.
MweneData Joseph Branham
Ubutumwa: Imfungurwa Za Mpwemu Mu Gihe Gikwiriye 65-0718E
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni Ukundwakajwe,
Igihe kigeze kure. Igihe kiri hafi. Ingingo itegerezwa gufatwa. Imana Iriko Iragabisha abana baYo. Umwami Imana Yacu Yaradutangarije kandi Yaratwemeje ico ari co Ukuri kwiWe mw’Ijambo RyiWe, no muri Mpwemu WiWe. Si kubw’ubushobozi, si kubw’inkomezi, ariko ni muri Mpwemu WaNje, kandi Ijambo Ryawe Ni Ukuri.
Yaremeje neza Umugeni uno munsi ko Yesu Kristo uko Yar’ar’ejo, n’uyu munsi ni kw’Akiri, ni kw’Azokwama ibihe bidashira. Yaratweretse kandi Yaraduhishuriye ko Ubutumwa n’intumwa y’igihe ari ikintu kimwe. Yaraduhishuriye amabanga yiWe yose yari anyegeje mw’Ijambo. Yarabitwemeje na Mpwemu Yera WiWe.
Nta kibazo kiri mu vyiyumviro vyacu, mu mitima yacu canke mu bugingo bwacu. Ijwi RyiWe ku ma bande ni UKO NIKO UHORAHO AGIZE KU MUGENI WIWE.
Imana Yamye Yemera inzira nyinshi zo kuza kuri Yo. Ihindura ubugombe bwaYo bwo kwemera mu bugombe bwaYo butunganye. Kandi Yama Itanga UBUGOMBE BUTUNGANYE N’UBURYO BUTUNGANYE KU BANA BAYO. Benshi bagerageza kuza mu buryo butandukanye mu gukorera Imana igikorwa atari ubugombe bwayo butunganye. Ivyo bishobora gusa nk’ubugombe bwaYo butunganye ariko kandi bitajanye n’Ijambo RyaYo.
Ariko Iratubwira mu buryo butomoye ko twese dushobora gusigwa, n’ugusigwa kw’ukuri, kwuzura Mpwemu Yera WaYo, n’uguhishurirwa gushasha, kandi turi inyuma y’ubugombe bwaYo. Mu gihe cacu, Yaratanze UBURYO BUTUNGANYE bwo kumenya neza ko twumviriza Ijwi ry’Imana, Rivuye ku Mana ubwaYo. Ni bwo buryo BWONYENE butunganye.
Umukozi w’Imana ntategerezwa gusubiramwo no kwigisha ubu Butumwa gusa, dutegerezwa kuvugiriza abantu Ijwi ry’Imana ku ma bande. Nta GUSIGWA KURUTA kwumviriza Ijwi ry’Imana. Nta bundi buryo bwo kumenya tudakekeranya na gatoya ko ivyo turiko turumviriza ari vyo Imana Yavuze NEZA NA NEZA.
Muri iki gihe, gusumba ikindi gihe muri kahise k’isi, Imana Yatanze uburyo butuma bidashoboka kubihusha, namba uri Umugeni WaYo Yatoranijwe. Vyaremejwe kandi vyarahishuwe n’Inkingi y’Umuriro ubwaYo ko ari Ijwi Ry’Imana UbwaRyo Rivugana n’Ishengero RyaYo Ritaziguye.
Mu myaka igihumbi yose, abana b’Imana baripfuje kandi bagize inzara yo kwumviriza Ijwi Ry’Imana ubwabo. Ese ukuntu bipfuje ko boba bari ng’aho uwo munsi igihe Yesu Yabwira Ubutumwa abantu ibihumbi n’ibihumbi ku musozi. Kwumviriza ingene Yavuga Ijambo RyiWe n’urukundo n’ikigongwe. Kwumviriza ingene Yashimika kw’Ijambo Ryose. Ingene vyavuga kandi vyaremesha imitima yabo.
Turi bazima ubu kandi turi imbere y’Imana twumviriza Ijwi Ry’Imana.
Umunsi umwe vuba cane ntituzosubira muri ubu buzima nk’ubwo kandi. Tuzogaruka nk’ikiremwa kidapfa. Icaha kizoba cakuweho. Satani azobohwa imyaka igihumbi kandi tuzoba kuri iyi si Umwami Imana Yaduhaye.
Turuzuye 100%. Ntitwigeze tunezerwa nk’uko canke ngo tube abatagira ibibazo mu buzima bwacu. Turi Umwe na Yo hamwe n’Ijambo RyaYo. Turi Ijambo RyaYo. TURI MU BUGOMBE BWAYO BUTUNGANYE MU KUGUMANA N’IJWI RYAYO, IJAMBO RYAYO. Izogaruka umunsi uwo ari wo wose ubu kugira Itujane na Yo.
Urakoze Mwami Yesu!
Umwami Imana yanyu Yarabatangarije Ukuri ico ari co. Umwami Imana Yawe Yaremeje Ukuri uko ari kwo, mw’Ijambo RyiWe no muri Mpwemu WiWe. “Si kubw’ubushobozi, si kubw’inkomezi, ariko ni kubwa Mpwemu wanje.” Kandi, Mpwemu, “Imana Irondera abaYisenga muri Mpwemu no mu Kuri.” “Ijambo RyaWe ni Ukuri.” Kandi Yaremeje neza ko Yesu Kristo uko Yar’ar’ejo, n’uyu munsi ni kw’Akiri, ni kw’Azokwama ibihe bidashira. Yaberetse Imbuto z’umugoroba. Yarabibahishuriye, mw’Ijambo. Yarabibemeje, biciye kuri Mpwemu WaYo.
N’umutima wanje wose ndatumiye umwe wese muri mwebwe kuza kwifatanya n’igice c’Umugeni WaYo mu gihe dufatanya kw’isi yose isaha zitandatu ku mutaga, kw’isaha ya Jeffersonville (isaha icumi na zibiri ku mugoroba mu Burundi), kugira ngo twumvirize Ijwi RyaYo Rivuga biciye ku ntumwa mumarayika waYo w’indwi kandi Rituzanira Ubutumwa: Kugerageza Gukorera Imana Igikorwa Atari Ubugombe bw’Imana 65-0718M.
MweneData Joseph Branham
Ivyanditswe vyo gusoma imbere yo kwumviriza Ubutumwa :
