Okop’ba Leleturi,

Mungu azi ndra Ima Amuro dricepi azi ma ti epezu o’du asizu ‘diyi ma alia ani Eri ecota Ima ngulupi ece ruatisi beni, kile lu Erini ndra emuzu nyakua Ima Mvi Yesu ma aliari le. Eri lu ndra amani Ima E’yo ma alia kini I ta nga nabi Eliya, ta mupi ovupi Mvi ‘Bani i Ima ngulupi eceria ruati aliari’i ri ma ti epe; a’disikuni Eri ovu nga kiri afa kakau be ‘yozaru azini embazaru amani.

Eri muni e’yo nze ima ngulupini ni ku; te afa ci erini nga eri ri, eri nga nze i: azini eri nga emi dri afa mupi emupi riki e’da. Eri nga ‘ba ma ma ovᴜ dizarᴜ, erini ngale afa mani ma azi e’dule olᴜle emi tiarisi.

Eri epe ndra William Marrion Branham ma ti E’yo Iniri ni pari ‘duzu azini ama sizu alu alu Sita Yesu Kristoniri ru; agu azi kilili ta ecopi ari’bo dria ndepi, azini ta ovupi okpo’ba Orindi Alatararuri ni oazu eri ma aliari ruri’i.

Mungu eceni nga drioku sawa driasi Ima ‘bapini dricepi azi ma ti epezu. Te ovuzu Eri ma Amuroru, le mi ma ai dricepi ‘da ra. Le mi ma a’i eri ra. Le mi ma mu geri erini ‘yo mi mu ani risi kanisiku mi emu efu avizaru. Ama tro a’du ega yari ti, afa e’dapi amasiri a’duni yari ti, kaniku afa e’dapi azazaru a’duni yari ti, ama ovuni ‘ba ‘da awapiri ki ku, dricepini ‘ba a’duleri’i.

Mi ‘yo, Adripi Joseph, ‘da Orindi Alatararuri’i ma dricepiri, ovuni Adripi Branham’i ku. E’yo ndra erini nzeri Orindi Alatararuri I te ovuni Adripi Branham’i ku; te eri ‘ba Munguni pe Orindi Alatararuri acezu aleniari, azini ovuzu dricepi nyakuari’i.

Dika sawa ‘disi Mungu enga drio Ima dricepi pi ma ti epe, Eri enga drio ovu dricepi azi be ku ‘dinini yo, ayi dria pi alia. Mungu enga sawa dria ovu ‘ba azi pasopi Eri ma paria nyaku ‘di ma driani be ci, ayi dria pi alia.

Le ama ma vaki dricepi nyakua pasopi Eri ma paria nyaku dria ‘da a’di’i yari ci; e’yo ada E’yo Eceza Erini E’yoniri ‘bazaru ‘daa’da.

Anikira Orindi Alatararurini Dricepi Amboru Atani ti epe Ima Amuro ma dricezuri, te ‘dia Mungu ‘yo Eri sawa dria agu azi ma ti epe ovuzu dricepi azi ru pasozu Ima ngulupi ma paria azini Ima Amuro ma dricezu.

Ama Dricepi lu ndra amani kini Kurunalio ni ndra agu azi inzitaru kanisa ki sipi ‘dileni. Eri fe ndra sende azakoma azini zi ndra Mungu o’du dria. Te sawa Orindi Alatararuri ni emuzurisi, eri le ndra Dricepi azi ni.

Mungu epe ndra erni Orindi Alatararuri ma ti. Eri epe Eri ma ti Petero ma oata ma alia, “Peteroni nga e’yo ‘diri ‘yoria, Orindi Alatararᴜ esi va eri ma dria.” Mungu ayu ndra Dricepi trai Petero vusi. Eri ayu ndra Eri’i, a’dikisuni Eri ce ndra Kurunalio ma dri geri ‘yekeria.

Peteroni nga e’yo nzeria, Orindi Alatararuri ede yi dria. Petero ‘yo,

“A’di eco yi ogazᴜ baputizi fezᴜ ‘ba ‘diyi drini ya?” Enera, kiri Dricepi’i e’yo nzeria, Petero’i ku.

Agu azi ceni ama drini ku; Orindi Alatararu, E’YO NZEPI AGU MUNGU PE OVUZU DRICEPI NYAKUARI RURI ni ama driceni.

Orindi Alatararuri e’yo nzepi Ima dricepi malaikaruri vusiri ni nga sawa driasi E’yo nze. Eri ‘yo amani, “Ma ovu afa kakau pie luzaru emi dri. Emi econi ku Eri vazu sawa ‘disi, te Eri ka emu ‘bo, Eri nga emi drice Eri vu.”

Yohana ma dri ndra cezaru sawa erini E’yo Eceza sizurisi. Dricepini ndra eri ma driceni. Eri ndra vini dricezaru Dricepi vusi ‘yozu, “‘Ba nga ci E’yo alu ‘dupi engazu Erivusi ri, kaniku e’yo alu o’bapi Eri drinia, alu aluri nira ovu ‘duzaru, esele eriniri, engazu Buku Idriniri aliasi.”

Orindi Alatararuri ce vini ndra Adripi Branham ma dri ‘yozu le ama ‘yoki lu afa ‘yozaru tepu pi ma driari’i; o’bazu drinia kani ‘duzu erivusi ku. Dika Eri fe geri azi amani ecozu ko’bo afa erini azi le ama ma ‘yeki ri niri ra, Avizuri Ekpazu.

Sawa ‘disi, mi eco di mu afa azi nduni oja E’yo Munguniri ma paria, ani kiri ‘yo Orindi Alatararurini mi dri ceni ngoniru.

Ama dri ni ovu cezaru Orindi Alatararu amani E’yo Eceza Eri a’di’i, ‘ba Erini ti epe ovuzu Ima dricepiru nyakua Ima Amuro omvezu amveri vusi, ani di sawa ‘disi onidri: E’yo Eceza ama a’diki yari niri. Eri pure e’yo ‘bani pivusi eri ecezu.

Emi ne nga afa Erini ‘ye amaniri, lu wiki asizu were ‘diyi ma alia. Eri emba ndra amani geri ari’bo dria emupi ama drileari ndezuri ra; geri Sei ama A’ITA niri esezu ani eri gbazu kai ri. Ama ovuki afa azi be orizaru ku. Afa azi eco paso ama drilea ku.

Geri Erini Nyaka tamabazu Eri ma Amuro ma nya beniri. Ata Eri ma ojio ka oa re, ama ovuki kiri Dricepi azi wudrikuruni e’yo aluni nizu drinia ku ni be; te Eri ma Amuro dri, Eri Nyaka Orindisi Sawa ‘Yekeri Alia ri, Mana Zizaru amani nya o’du driani.

Eri si ama sita agu kililiruri niri piru ani Eri eco oa azini aa ama alu alupi alia beni. Eri epe amani Eri ma Orindi Alatararuri ma ti azini ece Ima ngulupi ruati alia, kile Erini ‘ye eli 2000 vule ‘dale rile, ovuzu ama Dricepini, oazu azini e’yo nzezu Eri ma dricepi nyakuari vusi.

Ma emi alu alu ai emuzu Eri ma “Honk-honk, honk-honk!” erizu angu Amuro ni muzu emuzu kpi O’duko ‘da vu. Eri nga, Honk-honk, honk-honk!” ani ayiko zuza wudrikuru ara ‘dileni nga ovu ni. A’dusi? Amuro niki yi ma Dricepi ma O’duko ci.

Mi ka le amviku, mi emu ama Dricepini erizu Erini e’yo nzeria Ima dricepi Eri pe nyakuari vusi Sabatu ‘disi sawa 12:00 etusi, Jeffersonvili saa si.

Adri. Joseph Branham i

O’dukoti:
62-1014E — Dricepi Azi

E’yo Sizaki:
E’yo Ba Marako 16:15-18
E’yo Ba Yohanani 1:1 / 16:7-15
‘Yeta 2:38
Efeso 4:11-13 / 4:30
Ebrania 4:12
2 Petero 1:21
Efuza 13:21

• 26-1004 A’di ‘Diza Drio ‘Diri
• 23-0702 A’di ‘Diza Drio ‘Dileri

BranhamTabernacle.org

Micaia Leletu ‘Diyi,

A’di ‘diza ambo ndeni dria ‘diri ni di sawa ‘disi i ‘yeria. Mungu enga Ima asikari onyiru ‘diyi ope eli alifu azia ru, azini mi ebi ovu ‘ba ‘bani ope drioru azini ‘bani pele ovuzu Eri ma Asikari Amboruri ma alia.

Eri ebi mi su, azini mini imbata fe, ani pari a’di ‘diza niri di ngonde, otuta ‘yezu e’dozu. Eri pe mi lu ovuzu Eri ma Asikari Amboruri ma alia a’dule ku, te Eri pe vini mi ovuzu nabi Micaia Erima asikari ma eselea ri ru.

Sawa nde eca ‘bo, o’du nde eca ‘bo; mi mu embata esu Kpi engazu Aci Piriruri ma ngulupi vu ari’bo dria ndezu. Mi mu azita nduru niki esu, E’yo vu E’yo vu, a’di ‘yezu orindi onzi dria ofuzu beni ri ma dria. Eri nga azo azini orindi onzi dria emupi mi drialia ‘diyi ogba. Afazi yo ecopi pasopi mi geria ri.

Embata nduru ‘di ma vutia, mi nga ovu cezaru kuru Eri ma E’yo kpere mi nga orindi driaki odro. Mi ku omi orata ja. Mi ku aita toko ja. Mi ku orata ja. Mi ku azoki ja. Mi ku ezata ja. Mi nga vara mi eri ma drilia, Kristo Yesu engapi ‘bori, riria pari ‘Bualeruri alia, orindi onzi dria pie mi ma palaa. Mi nga va teketeke ra azini A’I ra mi E’yo’i.

Eri nga mi emba a’du ma orule gazu yari. Eri nga mini embata fe ra kini ari’bo mini ka fe mini a’izu kini Nyafe mini ma okpo caku ‘dini, eri ma mi nyafe pa ra.

Te ama nga ama embata egara, askari la, azini lu sitani ‘dani: Ovuni ama’i ku, ama afa azini ku. Ama nyafe E’yo Munguniri azini Eri nga SITANI DRIA yi ndera, saa cirisi, pari ciri alia, a’disiku eri ERI MA E’YO NI, AZINI EMBA AMA AZINI ECE AMA DRI ‘BO KINI AMA ERI MA E’YO ‘BA RUATISI ‘DIYI. ANI, ama econi ku ovuzu ndezaru, ama MUNGU ma asikari neleku diyi.

O’du adi wudrikuruni ma alia amboru nderi ma azi ni nga ovu Sabatu ‘disi. Eri ma Micaia ki nga ovu ti ecita be tualu engazu wudrikurusi ara yi ma Generol ambori ma O’duko palaa, angu amani nga ovuzu sozaru tualu ‘yeza alu ma alia, endrilendri abaza ni ovuzu pari azia yori alia.

‘Dini, akaki lu a’i ra, AZINI AMA A’IKI RA, ‘ba azi mupi ovupi okpokoko wudrikurusi ara ni yo. Aka eco lu afa azi ‘da otu ra, ‘ba azi ngapi Orindi Alatararu lepi te awipi esupiku ni nga ovu yo, azini atita idrini azini ruaniri ni nga ovu ezuzaru, ama ka lu awi ama pari pi ma aliaria. Sawa ni sawa ‘disi. Ama ‘ba nde ki. Orindi Munguni enga omgb sitani dria ma ruatia’bo; ama YI MA AZI azini atrita amani yo!!

Ama drazaru ama amata pivusi, drazaru ama egata pivusi, drazaru afa dria pivusi. Idri amani zizaru azini ana sazaru Ru Yesu Kristoni akia, azini engazaru Eri be. Azini anguci Erini ovuzuria, ama vini ‘daa indi.

Ama egaki ama geri amve ‘bo, sitani, mi ahwezu, “‘DI OPI ‘YONI risi. ‘DI OPI ‘YONI. ‘DI OPI ‘YONI.” Ama di asizu oli azi alani seria. “‘DI OPI ‘YONI.” Ama emuria sitani, ama ovuki dri amani pie amveleru. “‘DI OPI ‘YONI, MI NDEZARU.”

Ama sitani nde a’dusi?

E’yo’i!
Ama ma ‘yoki eri: E’yo! E’yo! E’YO!!

AZITA EMBATANI O’BAZARU NIKI

Sawa ‘disi ari’bo ka omba ‘ba azini o’bi ‘yo mini kini mi ma ‘ye e’yo ‘di, mi ma ‘ye ‘da, mi ovuni onyiru ku, mi ovuni orodriru ku, mi ovuni atizaru ku, mi ovu nga kiri e’yo ewaru mini ‘diyi be. Mi mu a’duni ‘ye?

“Mi dami ma vurisi.” Traa! Mi eri li E’yo si. Eri ka tro ovu orindi-onzini, eri ka tro ovu ari’boni, eri ka tro ovu azoni, eri ka tro ovu azoni, eri a’duni yari ti, mi ‘du E’yo ‘da ani mi ese Eri Sei si. Ani mi ka eri gbaa traa paale oko risi, eri ka e’da muni ku yani, mi gbaa eri dika, azini mi gbaa eri dika, azini mi gbaa eri dika.

Ama lu E’yo a’i e’yo ‘bani ‘yole “Mungu ‘yo ni,” ri ma dria, ani ‘da ni yi ara ‘ba ama eselea Eri be. Yi geri dria ovu nzizaru ‘bo ama eselea. Ama ‘yo, “Ma nini ma mu eri isu sawa ngosi yari ku, te ma mu eri isu ra. MUNGU ‘YONI. Abaza dria MU ‘BO…ama ata ama abaza ki abaria.”

Ama ‘ba asusupiri gasi ani E’yo Munguniri ‘du’i. Ma ovu amata azi be, kani amata azi koko, a’du ‘ye’i ni yari ti, Mungu ‘yoni. ‘Da de i lu ‘da.

Emi obi azita ‘diyi ma vuti, askari la, nukuta ni vu. Emi amvi E’yo ‘diyi sawa ari’boni omba ‘bazurisi. Yi ovuni E’yo miniki ku, yi ERI MA E’YOKI, AZINI E’YO ERINI ‘DIYI CAKINI E’DEKU. Eri fe ama dri okpo E’yo Erini ayuzu ama ‘bazu di E’yo Eriniri. Sitani ka omba ‘ba, mi la eri dri mi azitaki.

AZITA GENEROL NIRI KI

E’yo mani le mi ma ‘ye ri eri ‘di’i.

Mi ma omvi oyo ‘di dika mi ma a’i E’yo dria mi onzezu teketeke.

Sitani, mi ‘da mi! Ma emuria amve ‘dia.

Ma la ma ‘dia dika ku. Ma ri ‘dia dika ku. Ma ovu vu ‘ba asusupiri ni ria ‘dia dika ku. Ma ma geri egaria amve, o’biti ‘disi.

Ma aji ni. Amena! Haleluya!

Ani ma le mi ‘ye ‘dini:

Eri ahwezu, “‘DI OPI ‘YONI si. ‘DI OPI ‘YONI. ‘DI OPI ‘YONI.”

Mi nzi omi mini, ‘yozu, “E’yo mini ada.”

Opi, ma mu ni asi ‘ba e’yo ci mani amari ma dria ku, ‘ba cini, ngulupisi ka ‘yo ngoni yari ti. Ma pasoria uru, ma geri mani driaki vuria, drifuza dria pie, dika abaza pie, azini a’itaako mani drio ovuzu eyi pie ri pie. Amata dria mani drio ovuzu yi be ‘diyi, azo dria mani drio ovuzu yi be ‘diyi, afa dria mani drio ovuzu yi be ‘diyi, ma yi vu dria amve. Ma ‘daki ali dria. Ma emuria kpi orindi mani vu.

AITA mini ni nga tu uru azini uru. Ani mi ‘yo Eri dri, “Opi la, Mi emu vaa. Mi ‘yo ndra mi ‘ba ma ‘ba drilemgbo beri ru.”

“Mi ‘dinile, Ma mvi.”

Muke, Ma ma asi nzi ma omi be.

“Mi emu aa, Opi Yesu.”

Mi bi A’ita nde, Sei Orindi ‘da’i, ‘DI OPI ‘YONI.

Mi tre, “Haleluya!” Amena.

Ani mi li ari’bo dria mi drilea riki. Amena. Eri ‘da’i. Mi li ari’bo driaki. Orindi azi-azi okuru ori fepini ka fe mini ama dria…Mi le afa ‘da te, E’yo Opiniri si.

AZITA MINI ASIZU ‘DIYI ASIKARI.
MI LU ARI’BONI:

“Mi dami ma vurisi.” Traa!

Mi eri li E’yo si. Eri ka tro ovu orindi-onzini, eri ka tro ovu ari’boni, eri ka tro ovu azoni, eri ka tro ovu azoni, eri a’duni yari ti, mi ‘du E’yo ‘da ani mi ese Eri Sei si. Ani mi ka eri gbaa traa paale oko risi, eri ka e’da muni ku yani, mi gbaa eri dika, azini mi gbaa eri dika, azini mi gbaa eri dika. Ani mi gbaa eri kpere mini ‘bule luria, kile au wereru ima ngulupi ekpopi amverile; kani aji azi le, mini ovuzuri. Mi emi mi ngulupi kpi fuzu jorovu okuru azoni ‘da ma alesi. Mi li geri mini amve, ani ‘yozu, “Haleluya!
Afa vutiniari ngoa?” Amena. ‘Da a’di nde’i. ‘Da asikari ni. ‘Da asikari patialaza niri. Ee culu. Mi gba ari’bo driaki. A’dusi? A’dusi?

Ama, Ori Iburahimuni opiru, ‘bale ndra drio ‘diyi.

Diza, ari’bo driaki ndezaru. AFAZI YO ecopi pasopi E’yo Munguni ma drileari, azini ama E’yo Munguniri’i. Ama Eri ma Ori Opiruri azini aziza driaki AMANI.

O’du nde eca ‘bo, Amuro a’i E’yo driari ra azini eri e’yo ‘yeria Eri dria. Ama ‘baki Ama ngulupi ngonde ‘bo Eri ma E’yo erizu azini a’izuri si.

Mi ka afa azi cini ma avata, mi ka le ga tre Orindi Alatararurisi, mi ka le ovu atizaru, mi ka le orindi onzi dria dro amve, mi ka le ovu Amuro Kristoni, sawani sawa ‘disi, pari niri Eri ma O’duko erizu azini a’izuri’i.

Mi ka afa ‘dike le azini le ovuzu indikindi Opiniri alia, enyia aga mini drio ovuzuri ra yani, mi emu ruecizu amabe Sabatusi sawa azia etusi (12PM), Jeffersonvili saa si (7PM Ugandaa), ama Generol oni be suri ni azita feria Ima Amuro Micaiaru amboruri dri geri sitani driari ndezu, ari’bo driari pie, ani ovuzu truzaru, azini gazaru tre Orindi Alatararurisi, ani ovuzu ngonde Eri ma Emuta mbeleruri ma dria.

Adri. Joseph Branham i

O’dukoti: A’di ‘Diza Drio ‘Diri. 62-0311

E’yo Sizaki:
1 Petero 5: 8-10
Efeso 6:10-17
Danieli 12: 1-7