‘Ba A’itaru Kristo Yesu Alia Leletu ‘Diyi,

Sawa dizaruri ngoi ya amani ovuzu eri be ri. Ama asi ‘baza angiri ni be wiki alu alusi amani ama eciria Eri ma O’duko ageyia ara. Oriteku ovu ofuzaru omi amani orindisiri ma aliasi dria ‘bo. A NIKI ko’boru ra Eri a’di’i yari. A NIKI ko’boru ra Eri a’duni yari. A NIKI ko’boru ra ama a’diki yari; aku alu amboruni ERI BE!

“Eri fe ‘ba ni ovuzu mungu wereruni.” A’disikuni Eri Mungu Ata’i, dika Eri o’ba ‘ba mungu wereriru, ani Eri ‘di oaria-cenisi dika ku, Eri oaria Ima aku be. Ela, Ela, Elohimu. Sawa ‘disi, Eri Yehova’i. Yehova, efini, “‘Ba oapi aku Inibe ri.“

Eri aku Amuroruri ni ovu ‘bazaru kililiru O’duko Yehova ma Ngulupini risi. Eri emba ndra amani geri ari’bo dria omba ‘bapi amabri ndezuri ra; geri amani ecozu eri ndezu azini agazu E’yosi ri, a’disikuni Eri ma E’yo ni idribe azini oaria ama alia. Eri fe amani asiomiza ra, “AMA E’YO’I”. Ani afaci amani zi Eri Rusiri, ama eco ovu eribe ra akaki a’ira ria…AZINI AMA A’IKI RA!

Eri nze azini ece geri ecazu siza agupi azini oku kililirurini ani amani ecozu ovuzu pari oazu Erini oazuri niri amani’bo. Eri omve azini Eri omve Ima Amuro leleturi trazu tualu fezu amani nizu kini I ama Dricepi’i, azini I ndra amadri ce azini ama oce Ima dricepi malaikaru nyakua, William Marrion Branham vusi.

Sawa ‘disi Eri ovu di embata azi ndu Erini avata ambazaru azini ecezaru amani ni be. Eri le ece mgbaru kini ama Eri ma anzi e’duzaruri ki. Ama ru ni lu trotro kile Eri ma Ru le. Ama efu kananiasi ‘bo, amve wudrikuruasi, azini SAWA ‘DISI riria tualu pari ‘Bualeru ‘diyi alia, Mana zizaru, tamaba ciri nyaria.

Sawa ‘disi Eri mu lu amani le ama ma ‘yeki a’duni ani ovuzu otuzaru Eri ma O’dukoti emupiri ni beni, azini a’du eco ta pari ‘duni akaki ‘yera risi yari.

Le aziki Mungu raka azini ovuki ngonde O’dukotini; Ama ngulupiki etrazu tualu ‘ba alatararu ‘diyiru, Baputizi isuzu Orindi Alatararuri si, gazaru tre asindriza Munguni risi; Egata onzi koko; Afazi onzini koko ama alu alu ma rua; E’yo nzeria ale azini ticita alia; Ovuzu omi alu alia, pari alu alia pari ‘Bualeru ‘diyi alia oli ‘Buniri alia; Ezata amani driaki Ari ma vutia, inzita kililiru alia; Dri azini asi amani pie engazu uru Mungu vu, inzita ‘yeria tualu pari ‘Bualeruri pi alia.

Aka afa ‘diyi ‘yera, afa nga pari ‘dupi Sabatu ‘disiri ‘diyi:

• Atita alatararu
• E’yoni okoruri
• E’yo Eceza
• E’yo neza
• Okpoki
• Andreki
• E’yo efi ecezaki
• Ondoa
• Nita
• Asindriza ‘buniriki
• Ayiko nzelekuri azini Dizasi tre

Asi driari ni nga ovuzu gazaru Orindisi. ‘Dini mbeleru noza azi ni nga emu engazu ‘Bua kile olirika nopi okposirile azini Eri nga amani asindriza fe asindriza dria orindisirisi.

‘Da afa mupi pari ‘dupi Sabatu ‘disi sawa 12PM, Jeffersonvili saa siri’i, angu Munguni pari azi nduru ‘dinileni otuzu Amuroni ecozu ruetrazu tualu Eri ma O’duko erizu omi alusiri ma alia ria, dri azini asi amani pie engazaru Mungu vu uru, inzita ‘yeria tualu oli ‘Buleruri alia.

Adri. Joseph Branham i

O’dukoti: Mva Ma ‘Duza #1 60-0515E

E’yo Siza:
Yoweli 2:28
Efeso 1:1-5
1 Korinto 12:13
1 Petero 1:20
E’yo Eceza 17:8
E’yo Eceza 13