Ubutumwa : 60-0515E Kugirwa Abana #1
Mukundwa Uwo Kwizerwa Muri Kristo Yesu,
Mbega ibihe bidasanzwe turimo kugira. Tuba dutegerezanyije amatsiko buri cyumweru igihe cyo kuza guteranira hamwe ku Ijwi Ryayo. Imitekerereze yacu yo mu buryo bw’umwuka iba nta kuvangirwa kurimo ikeye. Tukaba TUZI neza Uwo Ari We. TUZI neza Icyo Aricyo. TUZI neza abo turibo; umuryango umwe munini HAMWE NAWE!
Iyahaye umuntu kuba imana nto. Kubera ko We ni Imana Data, kandi Yaremye umuntu ngo abe imana nto, uko niko Yo yibeshaho ubwayo; Ibana n’Umuryango Wayo. Amena. Elah, Elah, Elohim… Ubu, noneho Yo ni Yehova, ”Yehova“ bisobanuye ”Ubana n’umuryango We.“
Umuryango w’Umugeni WE urimo gutunganywa binyuze mu Ijwi rya Yehova Ubwe. Yatwigishije uburyo tugomba kurwana urugamba turwanya buri mwanzi uduteye; uburyo dushobora gutsinda kandi tukanesha dukoresheje Ijambo, kubera ko Ijambo Ryayo riba kandi Rigatura muri twe. Yaduhamirije ko, “TURI IJAMBO.” Kubw’ibyo buri kintu dusaba mu Izina Rye, dushobora kugihabwa niba twizeye… KANDI TURIZEYE!
Yavuganye natwe kandi Iduhishurira uburyo duhindukamo abagabo n’abagore b’igihagaro gikwiriye kugira ngo duhinduke ahantu h’ubuturo Aho Itura. Yavuze honk ndetse yongera kuvuga honk kugira ngo Ateranirize hamwe Umugeni We mukundwa kugira ngo Atumenyeshe ko Ari We Muyobora Wacu, kandi Yagiye Atuyobora kandi atwereka inzira binyuze muri marayika umuyobora We wo ku isi, William Marrion Branham.
Ubu Afite irindi somo ridasanzwe Ashaka kutwigisha no Kuduhishurira. Arashaka gutangaza ko turi abo Yagize abana. Izina ryacu ni ryiza kimwe n’Irye. Twasohotse I Kanani, dusohoka mu isi, kandi UBU twicaye ahantu hamwe ho Mu Ijuru, turya Manu yahishwe yaduhunikiwe.
None ubu Agiye kutubwira icyo tugomba gukora kugira ngo tube twiteguye kubw’Ubutumwa Bwe bukurikiraho, n’igishobora kubaho nitubikora
Tugomba gusenga cyane kandi tukaba twitegye Ubutumwa; Tukajya hamwe ubwacu nk’abera kugira ngo twumve Ijwi Rye, tukabatizwa n’Umwuka Wera, tukuzuzwa n’imigisha y’Imana; nta gitekerezo kibi; nta kibi hagati y’umwe n’undi; tuvugana urukundo no guhuza; tukaba duhuje umutima, turi ahantu hamwe ho mu Ijuru turi mu mwuka w”Ijuru; ibyaha byacu byose biri munsi y’amaraso, mu kuramya gukwiriye; ibiganza byacu n’umutima bizamuwe imbere y’Imana, turimo turamya hamwe ahantu ho mu Ijuru.
Niba dukora ibi bintu, ibi nibyo biza kubaho kuri iki Cyumweru:
- Gukira indwa kwa Kimana
- Kumenya mbere ibizaba
- Guhishurirwa
- Amayerekwa
- Imbaraga
- Kuvuga mu ndimi
- Kuzisobanura
- Ubwenge
- Kumenya
- Imigisha yo Mu Ijuru
- Umunezero utavugwa kandi wuzuye Ubwiza
Buri mutima wujujwe Umwuka. Hanyuma ako kanya haraza kumanuka umuriri uvuye mu ijuru umeze nk’umuyaga uhuha cyane kandi Araduha umugisha hamwe n’imigisha yose y’umwuka.
Ibyo nibyo bigomba kubaho kuri iki Cyumweru I Saa Sita z’Amanywa ku Isaha y’I Jeffersonville (saa kumi n’ebyiri ku isaha y’I Kigali n’I Bujumbura), aho Imana yateguye ahantu hadasanzwe aho Umugeni ashobora guteranira hamwe kugira ngo yumve Ijwi Ryayo n’umutima umwe, ahantu hamwe, hamwe n’ibiganza byacu n’imitima bizamuwe ku Mana, kugira tumuramye hamwe mu kirere cyo mu Ijuru.
Mwene Data Joseph Branham
Ubutumwa: Kugirwa Abana #1 60-0515E
Ibyanditswe:
Yoweli 2:28
Hanyuma y’ibyo, nzasuka Umwuka wanjye ku bantu bose, abahungu banyu n’abakobwa banyu bazahanura, abakambwe banyu bazarota, n’abasore banyu bazerekwa.
Abefeso 1:1-5
Pawulo wagizwe intumwa ya Kristo Yesu nk’uko Imana yabishatse, ndabandikiye mwebwe abera bari muri Efeso bizera Kristo Yesu,
ubuntu bube muri mwe n’amahoro biva ku Mana Data wa twese no ku Mwami Yesu Kristo.
Imana y’Umwami wacu Yesu Kristo, ari yo na Se ishimwe, kuko yaduhereye muri Kristo imigisha yose y’umwuka yo mu ijuru,
nk’uko yadutoranirije muri we isi itararemwa, kugira ngo tube abera tutariho umugayo imbere yayo.
Kuko yagambiriye kera ku bw’urukundo rwayo ko duhinduka abana bayo, tubiheshejwe na Yesu Kristo ku bw’ineza y’ubushake bwayo,
1 Abakorinto 12:13
kuko mu Mwuka umwe twese ari mo twabatirijwe kuba umubiri umwe, naho twaba Abayuda cyangwa Abagiriki, naho twaba imbata cyangwa ab’umudendezo. Kandi twese twujujwe Umwuka umwe.
1 Petero 1:20
wamenywe n’Imana kera isi itararemwa, ariko akerekanwa ku mperuka y’ibihe ku bwanyu,
Ibyahishuwe 17:8
Iyo nyamaswa ubonye yahozeho nyamara ntikiriho, kandi igiye kuzamuka ive ikuzimu ijye kurimbuka. Abari mu isi amazina yabo atanditswe mu gitabo cy’ubugingo, uhereye ku kuremwa kw’isi, bazatangara babonye iyo nyamaswa yahozeho ikaba itakiriho, kandi ikazongera kubaho.
Ibyahishuwe 13
Ngihagarara ku musenyi wo ku nyanja, ngiye kubona mbona inyamaswa iva mu nyanja ifite amahembe cumi n’imitwe irindwi. Ku mahembe yayo hariho ibisingo cumi, no ku mitwe yayo hariho amazina yo gutuka Imana.
Iyo nyamaswa nabonye yasaga n’ingwe, amajanja yayo yasaga n’aya aruko, akanwa kayo kasaga n’ak’intare. Cya kiyoka kiyiha imbaraga zacyo n’intebe yacyo y’ubwami, n’ubutware bukomeye.
Nuko mbona umwe mu mitwe yayo usa n’ukomeretse uruguma rwica, ariko urwo ruguma rwawishe rurakira. Abari mu isi yose bakurikira iyo nyamaswa bayitangarira.
Baramya icyo kiyoka kuko cyahaye iyo nyamaswa ubutware bwacyo, baramya n’iyo nyamaswa bati “Ni nde uhwanye n’iyi nyamaswa, kandi ni nde ubasha kuyirwanya?”
Ihabwa akanwa kavuga ibikomeye n’ibyo gutuka Imana, ihabwa no kurama ngo imare amezi mirongo ine n’abiri.
Ibumburira akanwa kayo gutuka Imana, no gutuka izina ryayo n’ihema ryayo n’ababa mu ijuru.
Ihabwa kurwanya abera no kubanesha, ihabwa no gutwara imiryango yose n’amoko yose, n’indimi zose n’amahanga yose.
Abari mu isi bose bazayiramya, umuntu wese izina rye ritanditswe mu gitabo cy’ubugingo cy’Umwana w’Intama, watambwe uhereye ku kuremwa kw’isi.
Ufite ugutwi niyumve.
Nihagira ujyana abandi ho iminyago na we ubwe azajyanwa ho umunyago, kandi uwicisha abandi inkota na we akwiriye kwicishwa inkota. Aho ni ho kwihangana kw’abera kuri no kwizera kwabo.
Nuko mbona indi nyamaswa izamuka iva mu butaka. Iyo yo yari ifite amahembe abiri nk’ay’umwana w’intama, ivuga nk’ikiyoka.
Itegekesha ububasha bwose bwa ya nyamaswa ya mbere mu maso yayo, ihata isi n’abayirimo ngo baramye ya nyamaswa ya mbere yakize uruguma rwayishe,
kandi ikora ibimenyetso bikomeye, imanura umuriro uva mu ijuru ugwa mu isi mu maso y’abantu.
Iyobesha abari mu isi ibyo bimenyetso yahawe gukorera imbere ya ya nyamaswa, ibabwira kurema igishushanyo cya ya nyamaswa yari ikomerekejwe n’inkota ikabaho.
Ihabwa guha icyo gishushanyo cy’inyamaswa guhumeka, ngo kivuge kandi cyicishe abatakiramya bose.
Itera bose aboroheje n’abakomeye, n’abatunzi n’abakene, n’ab’umudendezo n’ab’imbata, gushyirwaho ikimenyetso ku kiganza cy’iburyo cyangwa mu ruhanga,
kugira ngo hatagira umuntu wemererwa kugura cyangwa gutunda, keretse afite icyo kimenyetso cyangwa izina rya ya nyamaswa, cyangwa umubare w’izina ryayo.
Aha ni ho ubwenge buri: ufite ubwenge abare umubare w’iyo nyamaswa kuko ari umubare w’umuntu, kandi umubare we ni magana atandatu na mirongo itandatu n’itandatu.