Message: 61-0730M Indagilo Sya Gabrieli Kwa Danieli
Mwebapala Basooka Panja Bala,
Bo bukaali u Buhombeligwe ukutendekigwa, bo akaali u Mbepo Mwikemo ukoneleligwamo siku panja, bo lukaali u Lwitikano Ulukulu ukusimbigwa pasi, pala pakabagile ukufuma pakuyapo imbonekelo-pabwelu. Ikyene kyafiimbilisigwaga ukugulila mpaka akabalilo aka. Umwene aagulilaga u nsololi Gwake nu kuguulila uswe!
Lilino ifindu fyosa fikusongoligwa kubwa ku ibwe-lya-pantu, ku bubonekela-pabwelu bwa banabalumiana ba Kyala ukwisa kangi. U Mbepo gwa Kyala aaliisile mwa gwandumi Gwake ugwamaka mbupelelesye fiyo, mpaka ubutumigwe bwake bo kifuki fiyo ku bwaKristi, mpaka ikyene kisa kulungisania Umwene ni Kipanga Kyake palikimo. Kyala yo Ikufwika abana Bake kuli u Nyaakiligwo ugugukwisa.
Ko kabalilo akapamwanya nki uswe tufumile ukuya nako bo u Mbepo Mwikemo ikuyoba kwa uswe nu kusetula i Lisyu Lyake. Ifindu ifikulumba fikubombigwa, mosa-mubili nkisu, kangi ukulondigwa kwingipo, mwa Nsingiligwa.
Amabulwane ga nkisu-kyosa gala papapa pa kiboko. Uswe tubagile ukubuka mu lufumbi pa sekondi yiliyosa. Aligwesa u mundu gwamahala abagile ukupilika i nongwa-sya-nyuzi, ukupilikisya ku bandyali nu kumanya ukuti ikindukimo kikwiitendekesya ukuboneka pabuyo. Ulutende lukuponjola abandu ba kisu.
Balinga bapilike ubusakisyo ubu, ukuti ukwisa Januari ilya 1, ukwene kusakisigwe ukuti fyosa-fibili United States na Russia fisa kuya mfwandilo gwa bupufuke-bwa-kisu? Ikyo kyo kyosa uswe tukufumbwa. Ukwene kwiilileko ukukinda muno uswe tukwinogonela. Muketile? Popapo, linga uswe tuli kifuki fiyo mpaka abanyambala ba kisu-kya-pasi iki bikusakisya ikindu ikisisya iki ukubombigwa, uswe kinunupo tuye pa butego, kilikyosa palapala losa ku lisiku, ifyakulapilana fyosa fitendekigwe, kilikyosa kitendekisye, nongwa yakuti uswe tukamanya itolo ko kabalilo nki u Ntwa gwitu isa kutubilikila uswe. Kangi akabalilo kako Umwene ikupa ingoolelo, “Isaga fyusa mmwanyapo,” kinunupo yaga mwiitendekesye. Kangi ikyene kikuyaga pakwisa mu sala iyi ugwe utikwinogona mma.
U Mbepo Mwikemo ali pakati pa uswe, ikuyoba kwa uswe ukwisila mwa nsololi Gwake, ukutupela uswe biitendekesye ukubuka mmwanya nu kikilania Yorodani. Uswe tukupilikisya ukwisila mu kubala kwa Buku nu kupilika i Lisyu-lya-pakanwa Lyake pa matepi iki kikuboneka pabuyo. Kyala ikuyoba ukwisila mu gwaandumi Gwake pa matepi nkisu-kyosa-kipapate ukusubisya abandu Bake nu kubabula abene, “uswe tuli ku kabalilo ka kuusulo, loli komma ukutila ikisu iki, kabuno une ndi na umwe, na NKATI MWA UMWE. Ugwe gwe Lisyu Lyangu litendekigwa nyofu. Ugwe ukaya nakyo NAKIMO UKUTILA.”
Kuli imyesi, Umwene afumile pakuya na uswe mu bufunde bwa Buku gwa Busetuli bwa Yeso Kristi. Uswe twisile ukukindamo mu Ngulilo sya Kipanga kangi u Bufwiikigwe, kangi twe lilino twiitendekisye ukupilika nu kufunda I Milungu Malongo-mahano-na-mabili ga Danieli.
Polelo sikwisamo i Fuungilo, i Fiswigu, i Soka, a mapalalila, u nkiikulu mu lisuba, nu kukaga panja kwa nyiifwila ingesefu, ukufuungilila ukusosyapo, a maelifu mia-yumo-na-malongo-mana-na-mana bala, ni findu fyosa.
Bo yu Danieli, uswe tukubala nu kupilika iki u nsololi aayobile kisa kwisa kukuyako. Lisimbo likufwanikisigwa. Ko kabalilo-kako nki kuli u Nsingiligwa ukuya ikupilika iki lilino na kayilo aka ikisu kilimo umwisyugu.
I Kipanga kifuungiligwe losa. Ababibi bikubomba ububibi bwingipo. Ifipanga fikwisa ukuya bakipangapanga ukongelelapo. Abikemo bikwisa kifukiko kwa Kyala. I fikuungilwa fya Mbepo fikwanda ukolokana mu tubugutila utunini. Uswe tuli ku kabalilo ka kuusulo.
Uswe tukupilikisya ukuti mu masiku gabumalikisyo pala pisa kwisa i njala, kangi iyene yitisa kuya kuli u nkate na misi gene mma, loli kuli ukupilika a Masyu ga Kyala aganaloli. Abandu bisa kubuka ku busookelo, bwiingililo, kululu, na kwitongo, bikulondesya ukupilika ilyanaloli i Lisyu lya Kyala. I fipanga fisa kuya fipananisigwe fiyo nu kupinyiligwa mbufinyu losa mpaka abene bisa kutoligwa ukupilika Ilyene.
Loli uswe tukupilikisya ukwisila mu kubala kwa Buku nu kupilika i Lisyu-lya-pakanwa Lyaka pa matepi ukuti pisa kuyapo u Lusaamba lukutupuka mmwanya ukufuma kwa Davidi. Kala akabugutila akanini kisa kubinda kukina nu kupilika i Lisyu-lya-pakanwa lya Kyala pa matepi.
Ilisiku ili, u lwipuuto ulu lukufwanikisigwa.
Ntwa, uswe tukuketa ukwisila m’Mabuku, lyope, Buku Gwaako, i Buku lya Yesaya, i Buku lya Yeremia, i Buku lya Yaakobo, Yoohani, Luka, Mariko, Matai, u Buku gwa Busetuli, gosa a Mabuku Gako, ukuti uswe tuli kuusulo. Kangi uswe tubiikile ikisyo kyitu kubwa Kumwanya, mu lwiputo, mapepekelo, ukwaga kuko uswe tulimo bumi, Ntwa. Uswe tukwanda ukuketa u lumuli lwa pamusi lukupaanda, Kangi, Ntwa, uswe tukwisa kwa Ugwe. U lwitiko lwitu lukuketa kwa Ugwe lilino. Ukulambalika palubafu ubusito bulibosa, ubutulwanongwa bulibosa, kosa akasitakwitika akanini aka kaabagile mbupepe fiyo ukupinga uswe, uswe lilino tukugutila kubwa ku bungw’ale bwa ngolelo iyapamwanya, tumenye ukuti akabalilo kitu kapimba.
Bo ulutende lukwisusya i kisu kangi abene bikugela ukwiitendekesya kuli iki kikwisa ukwisila mu kulundiko mmwanya ifyakulya, uswe tukubilikila ugwe ukwisa nu kulya a Manna amafisigwe aga Umwene atalile atendekisye nu kusonda-mu-ndamba kuli u Nsingiligwa Gwake.
Nkundwe Yosefu Branham
Ndumi: 61-0730M Indagililo sya Gabrieli Kwa Danieli
Akabalilo: Pandungu, 12:00 PAMUSI, akabalilo ka Jeffersonville
Masimbo:
Masalimo 99
Busetuli 1-3
Yeremia 32
Busetuli 5: 8-14
Yeremia 25:8-17
Danieli 9
Matai 24:15
Busetuli 7