All posts by AutoPost7

26-1115 Bufwĩkígwe #4

Message: 60-0522E Bufwĩkígwe #4

PDF

BranhamTabernacle.org

Mwebapala Bapiinduki,

Ukwisila mu Kubinda Kina, uswe tukupilikisya ku lisitakutoligwa Lisyu lya Kyala. Ilyene lyo Lisyu lililyosa lya Bwanaloli, akayobelo kalikosa ka Ilyene. Uswe tubilikigwe kangi tukyungigwe, twisusigwe nu kubikigwa palubafu; twisusigwe na Mbepo Mwikemo, kangi twe lilino tutalile tuli mu Kisu kya Kenani. Uswe tutikutila nakimo…NAKIMO, uswe tumenye ywani uswe tuli.

Panongwa yakuti uswe tusyeele ni Lisyu Lyake, bomumo Umwene aatulagile uswe ukubomba, Umwene ikuyaga pakutubula uswe ukuti Umwene atulekile uswe ikilingo kimo. Ngimba Ugwe gwaabombile ndili ikyo, Tata? Akabalilo kako Une naabasalile umwe nu kubika ingamu syinu mwa Buku gwa Kang’osi gwa Bumi bolukaali u lwalo lwa kisu.

Akabaliko kako ubwisusye bwa kabalilo bwaaliisile, Une naatumile Yeso u Kang’osi, Uyu aabuutigwe ukufuma ku lwalo lwa kisu, ukuti umwe mubagile ukwambilila i kilingo ukuya Bangu banabalumiana na banabalindwana, bakyala abakumanyilila.

Une naafiimbilisigwaga ukugela umwe kuli utusegesege nu tubuyo utuholobondoke bongaali Une ukubikambuyo umwe.

“Ngimba umwe mukwitika ukukina i Lisyu-lya-pakanwa Lyangu pa matepi mu kipanga kyo kisobi?

“Ena, ugwe ulingasulwa ukukina amatepi mu kipanga.”

“Taga ikyene. Ugwe kusegesa.”

Ngimba umwe mukwitika i Lisyu Lyangu pa matepi likufumbwa ulusanusyo?”

“Ena, Ilyene likufumbwa umunduyumo ukulingania Ilyene.”

“Ugwe kusegesa. Baya ikyene panja. Ugwe ukaya mwitendekesye mma mpaka lino.”

Akabalilo kako ugwe gwiitendekisye, ugwe kwisa kuyoba, “Ameni” ku Lisyu lililyosa.

“Ngimba ugwe kwitika ukuti Une ne yulayula mmayolo, umwiisyugu na bwila-na-bwila?”

“Ameni.”

“Ngimba ugwe kwitika i Lisyu-lya-pakanwa Lyangu pa matepi lyo LISYU ILILONDIGWE UKUKINDA ugwe kufiimbilisigwa ukupilika?”

“Ameni.”

“Ngimba ugwe kwitika i Lisyu-lya-pakanwa Lyangu pa matepi lisa koongana u Nsingiligwa?”

“Ameni.”

“Ngimba ugwe kwitika Ugwangu ugwandumi gwamaka isa kutwala ugwe kwa Une?”

“Ameni.”

Ugwe kuya nkanyisye lilino. Une ngugelile ugwe kuli utusegese na mabuyo amaholobondoke. Une niitendekisye ukwigala i kifigo. Une nisa kubika i Fuungilo Yangu pa ugwe. Ugwe ufyukile ubuketesye Bwangu.

Lilino unko Une mbabule umwe ikindukimo, Bangu baganigwa bandu bapala mu fisu fya tepi; ukukilani’inyanja na kulikosa umwe muliko, komma ukutila. Kilikyosa kyo mosa kitalusye. Une naabamenye umwe bolukaali u lwalo lwa kisu. Une naamenye kilikyosa iki aangali kikuboneka.

Une ngwisa kuli umwe lululu ulu nu kubega umwe ku Buyo bumo kuko kukayako nifwa nayimo, nalumo ulusalumanio, nabumo ubuufi, nakamo nakimo; itolo bupelelesye, lugano lwa bupelelesye.

Mpaka akabalilo kala, komma ukwibwa, Une ngubapa umwe i Lisyu Lyangu, umwe MULI LISYU LYANGU lipeligwe nyofu. Linga ugwe uli nu kufumbwa kwa KALIKOSA, yoba Ikyene, Polelo itika Ikyene; Ikyene kyo kilingo kyako.

Une nguyaga pakutuma i Lisyu-lya-pakanwa Lyangu kwa ugwe kangi Pandungu ugu nu kulingania Ilyene losa kwa ugwe. Une nguyaga pakukubula ugwe kamokene kangi ywani ugwe guli, kugu ugwe kubuka, kangi Ikyene kili ngati ukukilania kula, lululu lilino.

Isaga ilungisania nu Nsingiligwa Gwangu bo Une ndinabo abene biituugesye palikimo mu mabuyo gamwanya Pandungu ugu pa 12:00 PAMUSI, akabalilo ka Jeffersonville, nu kupilika Une ngubika mbuyobwake ugwe ukwisila mu Lisyu Lyangu. 60-0522E Bufwikigwe #4

Nkundwe Yosefu Branham

26-1108 Bufwĩkígwe #3

Message: 60-0522M Bufwĩkígwe #3

PDF

BranhamTabernacle.org

Mwebapala Bafwikigwe Bala,

A Mabulagali ga kisu-kya-pasi gikubabula abandu, “Yaga biitendekesye, yaga tayali kuli ilisiku lyampyuto. Sonda ifyakulya na misi kuli ikikolo kyako ukuti ugwe kwisa kuya gwafyombo kuli iki kikwisa.” I kisu-kya-pasi kili mu mbwalanganio. Ngimba kyofiki kisa kubonekaga pabuyo? Ngimba kilabo ikutwala fiki?

Uswe tukuketa ubusololi bukufwanikisigwa pankyeni pa fisige fyitu. I kisu-kya-pasi kikulagatika. Ulutende nu kwalangana fikubaala ukusyungutila i kisu-kya-pasi, kisita kumanya iki kikwisa. Ngimba kilabo isa kukolelelaga fiki? Ngimba uswe tubagile ukubomba fiki? Ngimba ubu bo bumalikisyo?

Losa-ulu, Baba Kyala afumile pakutusoka nu kututendekesya uswe nuswe. Umwene atalile afumile pakusonda losa i fyakulya na misi kuli uswe, kangi uswe tufumile pakulya nu kunwa ukufuma ku kisiba kyanyiibuko. Uswe y’uswe baakwiitendekesya, komma kuli ilisiku-lya-mpyuto, loli kuli u Bunyakiligwe!

U Nsingiligwa ya Kristi akayamo siku nsangalukepo pamo mwikutisigwe mbwingipo. Baba Kyala ikubuula u Gwake unnini u Nsingiligwa ukusyungutila i kisu-kya-pasi, “Yaga NSITA LUTENDE, sangaluka. Umwe mwe Bangu abasunguligwe Bala. Une ngubatendekesya umwe kuli u Banyakiligwe bumo, i Lisiku lyinu Ilyabwegi. Une ngubasosyamo umwe ukufuma mu bufuluganiko ubu. Umwe mwe Bangu Abanabalumiana Na Banabalindwana Abafwikigwe. U bukye bwa kabalilo bo bukwisa.”

Lo lusekelo-lwa-jubilii nki uswe tukuya nalo. Kila Lisyu uswe tukupilika lyo luposo lwa sahabu kwa uswe. Uswe itolo tukwega Ilyene kangi itolo tukumilisya ukupuputa Ilyene nu kupuputa Ilyene kangi na kangi. Polelo uswe tukuyoba:

“Mwikemo, mwikemo, mwikemo, kwa Ntwa.” “Mwikemo, mwikemo, mwikemo, kwa Ntwa.” “Mwikemo, mwikemo, mwikemo, kwa Ntwa.”

Uswe tuli ni fisige fyitu fibikigwe pa Kalvari, kangi kikayapo nakimo kisa kwimika uswe. Uswe tukwenda ukusuluka u Nsebw’unywamu gwa Mwalafyale, tupakigwe na Mafuta amapala agakupaka, tukusemela nkati mu Bwikemo-fiyo bwa mabwikemo.

Akabalilo kako u ndugu ikugela ukutubula uswe tuyongile kangi uswe tukaya Nsingiligwa Gwake, uswe tuku Binda Kina itolo kangi Umwene ikulaata panja kwa uswe nu kuyoba

Sosyamo ikyo ukufuma mu linogonelo lyako ukuti ugwe kuyaga pakuya njonge kangi ugwe kwisa kubomba iki, kangi ugwe gwe kutila iki. Komma ukuya gwakutila gwa nakimo, kabuno umwene ikugela ukubula ugwe kuko ugwe uliko, ywani ugwe guli, kwima bulebule ugwe.

I kisu-kya-pasi kili mu LUTENDE, kangi pa kabalilo kalakala Baba Kyala ikutubula uswe, “Komma ukuya balutende ba NAKIMO, Une ngubabula umwe ywani umwe muli kangi kuko umwe mukubuka.”…LWIMIKO!!

Mu bwitu u bonywa bwabundu uswe tukutoligwa kila lisiku. Uswe tukutendeka amabusobi ga mingi. Uswe tukubomba ifindu fingi ifi uswe tulingasulwa ukubomba. Polelo u mohesi ikututika uswe nu kututika uswe, ikuyoba bo bulebule uswe tubagile ukuya Nsingiligwa.

Loli uswe tufumile pakumanyisigwa. Uswe tumenye katikati ikyakubomba: Binda Kina ukupilika Baba Kyala ikufimbilisigwa ukuyoba.

Lilino, ugwe ubagile ukubomba ifindu mbusobi, kangi akabalilo kalikosa ugwe kubomba kalikosa akasobi ugwe kuyaga pakuhombesigwa kuli ikyene. Ena, nkulumba, ugwe kwisa kufunja iki ugwe kubyala! Loli ikyo kikayanakyo nakimo ukubomba nu bupoki bwako. Akabalilo kako ugwe upaapigwe mwa Mbepo gwa Kyala, ugwe ulinabo u Buumi Bwasyepwa kangi ukabagila kangi mma ukufwa ukukinda Kyala abagile ukufwa. Ugwe gwe kiyabo kya Kyala, ugwe gwe mwanundumiana gwa Kyala.

Ikyene kyaasaangalwisye Kyala ukumanyila-ngaani uswe. Ikyene kyalinsangalwisye Kyala ukupela uswe Banabalumiana na Banabalindwana. Ikyene kyalinsangalwisye Kyala ukutu Fwika uswe. Ikyene kyalinsangalwisye Kyala ukupa uswe u Busetuli bwabwanaloli bwa ywani Umwene ali kangi ywani uswe tuli. Ikyene kyalinsangalwisye Kyala ukwega ugwaandumi Gwake ukukindapo pa kikingo kya kabalilo nu kunnangisya umwene USWE ku lubafu ulungi ukuti uswe twabagile ukusangaluka nu kuya nu LUTENDE NALUMO.

Mwasoka, amatepi aga gakaya kuli aligwesa. Agene go itolo kuli ikipanga kya nsololi…Lwimiko, abo bo uswe. I miniti yiliyosa uswe tubagile, kangi akabalilo kalikosa uswe tukukomana palikimo, kyosa uswe tukulonda yo Binda Kina ukupilika i Lisyu-lya-pakanwa lya Kyala.

Abangi balinakyo ikyene mosa kanunu. Abene itolo batikuketa ikyene muno uswe tukubombela. Abene balinakyo ikyene itolo kifwene, loli kwa uswe…Ikyene kinunu fiyo ukuketako ku kyene; kabuno uswe tumenye Ikyene yo njila imbiigwe ya Baba Kyala kuli umwisyugu.

Ilisiku lililyosa i kisu-kya-pasi na bandu bake bikuya basulumanie mbwingipo. Kilikyosa kikuboneka kitituko kangi kyangisipo. Loli kwa Nsingiligwa, ilisiku lililyosa likutwala unsisimusyo ubwingipo ukwisila mu Busetuli. Uswe tuli pa butusyo, twisusigwe na Mbepo Mwikemo Gwake, tukwitugasya palikimo mmabuyo gwamwanya.

Ngimba umwe muswigilemo siku fyofiki ikyene kyayiilile pa lisiku lya Pentekosti akabalilo kako pala palisile umbelo ugwamaka ugwakubopabopa kangi u Mbepo Mwikemo alinkwisusya i kyumba, na aligwesa mula?

Inogonela nakamo kangi mma. Isaga ilungisya na uswe Pandungu pa 12:00 PAMUSI, akabalilo ka Jeffersonville, bo Umwene ikubungana ingwasi Syake palikimo, ikwisusya ikyumba kyako na Mbepo Mwikemo Gwake, kangi ikutendekesya uswe kuli Ukwake kwalululu Ukwisa ukwisila mu kuswila uswe Ikyake ikyakulya ikikyungigwe. Umwe mwisa kulyaga nu kunwa ukufuma ku ndamba Yake, i Lisyu-lya-pakanwa lya Kyala pa matepi.

Nkundwe Yosefu Branham

Ndumi: Bufwikigwe #3 60-0522M

Masimbo:

Matai 28:19
Yohani 17:7-19
Imbombo 9:1-6, Mitu 18 and 19
Baroma 8:14-19
1 Bakorinti 12:12-13
Bagalatia 1:8-18
Baefesi Untu 1
Bahiburi 6:4-6, 9:11-12

26-1101 Bufwĩkígwe #2

Message: 60-0518 Bufwĩkígwe #2

PDF

BranhamTabernacle.org

Gwempala Lūki,

Ngimba umwe mwīténdekìsye, babonekela-pabwelu kangi bafwikigwe banabalumiana na banabalindwana ba Kyāla, ukwītúgàsya palikimo mu mabuyo gamwanya, mõngéne nu Nsīngilìgwa ukufuma ukusyungutila i kīsu-kya-pãsi, ukupilika i Lisyu-lya-pakanwa lya Kyāla likuyoba kwa umwe mulomo ku mbulukutu?

Ena!!! Uswe y’uswe bīténdekèsye ukupilikisya i Lisyu-lya-pakanwa lya Kyāla likutubula uswe ywani uswe tuli.

Une ngubabikikila umwe “lūki” pakuti umwe y’umwe. Umwe mumenye fiki? Unko…Apa lilipo i Lisimbo likwisa. Pauli ãyóbìle “Une ndi gwãbùfi pa umwe (Kipãnga Kyãke) nu būfi bwabunyakyala, namanga une nabasongile umwe.” Mwaketa lelo umwe, aba bakyãgìle ikyēne. Ikyo kyo ikyēne. “Kabuno une nabasõngile umwe, nãbakwìle umwe kwa Kristi, ukuya mfunde unsitakupalamásigwa.”

Lwīmìko kwa Kyāla, u gwãndùmi Gwãke atusõngìle uswe ku Mwēne. Uswe twe bafunde abasitakupalamásigwa ku Lisyu Lyãke, i Ndumi iyi, ku Lisyu-lya-pakanwa Lyãke pa matepi. Uswe lilino tukwìgwe kwa Kristi.

Uswe twīsa kwītendekesya nu kuya pasi pa bugūlìlo ubukulumba Pandungu. Uswe twīsa kulumaga inyobe syītu, ukutita imyoyo gyītu, nu kwapa indumbula syītu. Uswe kamokene kangi twīsa kuywegaga, ukumpala u Ntwa, tukulãta “ameni, aleluya”, itolo bomūmo indondwa syakulubunju silinkwimba palikimo, kãngi abanabalumiana ba Kyāla balinkuywega kuli ubuhobofu; akabalilo kãko abēne bãkétìle ulubãtìko lwa bupoki, akabalilo kãko Kyāla ãbíkìle ingamu syītu pa Buku Gwãke bo lukayako u lwãlo lwa kīsu.

Ngimba uswe tubagile ukupilikisya ukuti Baba Kyāla agúlìle, ukufuma bwãndilo bwa kīsu, mpaka ilisiku ili, KULI USWE? Umwēne ãkétìle kūko uswe ãngàli tukubonekela mu masiku gabumalikisyo, kangi afumile pakugūlìla nu kulãma kuli uswe ukufyuka mmwanya na maka ga Mbepo Mwīkèmo ukusetula kwa uswe ifindu ifyakusofu ifi fifumile pakufisigwa mpaka ilisiku ili.

Ukukindamo syosa i ngulilo, abasololi bagúlìle mpaka amasiku agãkúsùlo aga kuli ifindu ifi ukunãngísìgwa. Baba Kyāla ãyóbìle Umwēne agūlìle kuli i Kipãnga Kyãke ukukula ukufuma ku ngulilo ya kiLuteri, ingulilo ya kiBaptisti, ingulilo ya kiMethodisti, ingulilo ya kiPentekosti, kangi lululu lilino ukufika ku Ibwe ilyakitili ukutugasigwa pãsi. Polelo u Buyengi bumãlísìgwe.

Amasiku amafīngìgwe aga u Ntwa ãyóbìle kangi alīsyúkìleko go lilino gikuboneka pabuyo kangi gikufwãnikísìgwa pankyeni pa uswe…KANGI MWA USWE. Uswe tuli lilino mwa Kristi Yeso, twitúgèsye mu luténgàno lwa Kumwanya, sayo sya Kumwanya, Mbepo gwa Kumwanya, kūko kilikyõsa kyo kyītu. Uswe tuli Kīsu ikifingigwe kangi mu bwenenakyo ubwīsùsye bwa kilikyõsa.

Imbeyu Yake iyakwanda yikwisa ku bukye lõsa kangi yayuganisigwe pankyeni pa Nsīngilìgwa Gwãke. U Mbepo Mwīkèmo ãbúlìle ukugomokesya kwa Baba Kyāla kangi ãyóbìle iki ukufwana na Gwãke u gwãndùmi gwamaka:

U gwãndùmi Gwãke ikukula mu ipyana! Umwēne ukupufula a matengele. Umwēne ikwega ing’osi sila kangi abagile ukupãkisya isyene mūmo Ugwe kubõmbèla. Umwēne atisamo siku ukulyesya isyene imitulwatulwa. Akabalilo kãko abēne bikwisa ukusyungutila, bikuyoba, ‘Uswe tukulonda ukwīngila ikipanga,’ umwēne ikuti, ‘Igala undomo gwako, ugwe utikufumbwa ikyo! Umma nkulumba. Apa kilipo iki ugwe kufumbwa, “Pinduka kangi osigwaga, aligwēsa gwa umwe, mu Ngamu ya Yeso Kristi, kuli obõmole bwa mbībi syīnu. Umwe mwisa kwambilila i kikungilwa Kya Mbepo Mwīkèmo.”‘

“O, ngimba umwēne naloli ikuyoba ikyo?”
“Ena, Nkulumba, umwēne naloli ikubomba.”
“Ena, ulo lo lūlo itolo muno Une nãsímbìle Ilyẽne.”
“Iyo yo itolo njila umwēne ikuyoba Ikyēne.”

“Ugwe umenye fiki? Une numbwene Bishopu-nkulumba Gwakuti-na-gwakuti ikumbula umwēne ukuti umwēne akãbagìle ukwisa ku tauni iyi nu kutendeka u lukomano.’ Lõli, Ugwe umenye, Une mu lūko lumo nãlíndongolìle umwēne, Une ndinkuti, ‘Buka mulimosa.’ Abēne balimbūlile umwēne kinunupo umwēne agomoleko gosa amatepi gake, kangi komma ukuleka agēne ukubuka pãnja. Uswe twabúkìle mulimosa!”

“Uyo yo mwanundumiana Gwãngu Umfwikigwe Une mfumile pakugúlìla. Lilino Une mbagile ukuyoba ukwisila mwa umwēne nu kusetula fyosa i Fyangu ifyakubutitu ififisigwe ku ng’ osi Syangu.”

“Nnunu Baba Kyāla.”

“Lilino ngimba Ugwe ubagile ukulonda une ukukubūla kwa Ugwe isya pa Bãko abana abangi?”

“Ena, ngimba abēne bikubomba bulebule?”

“O Baba…Ugwe ubagile ukuya gwakwitufya isya abēne. Abēne bo kapãtu ukufuma ku kikomboli kyaiyolo. Bala abaiyolo babishopu-bakulumba bakãli bikubabula abēne ikindu kilakila, komma ukubuka ukubuka ku fila ifipanga fya matepi ukwakupilika i Lisyu-lya-pakanwa Lyãko. Abēne bikuyoba amatepi gakaya Lisyu-lya-pakanwa ililondigwe-fiyo abēne bikufimbilisigwa ukupilika; galipo amasyu-ga-pakanwa amalondigwe fiyopo lilino.”

“Ugwe umenye iki Ing’osi Syako sikubabula bala abalumbilili?”

“IGALA UNDOMO GWÃKO, USWE TUKUSYALA NA MATEPI, USWE TUKUSYALA NI LISYU-LYA-PAKANWA LYA KYĀLA.”

“Ngimba abēne bikubomba naloli?”

“Ena, Nkulumba, abēne bali itolo bo Ugwe.”

“O, bo bununki. Ikyo kikumbela Une nsangaluke fiyo. Une mfumile pakugúlìla kabalilo katali fiyo kuli abēne. Lilino batonile fiyo kuli u BUFWIKIGWE!!”

Abēne bisa kuyaga pa bwabo ubuyo bwa mbombo Pandungu ugu pa 12:00 PAMUSI, akabalilo ka Jeffersonville, ukupilika i Lisyu-lya-pakanwa lya Kyāla. Abēne bisa kongãna nu kubūngàna ukufuma ukusyungutila i kīsu-kya-pãsi nu kubilikila aligwēsa ukulungisania na bene.”

“Kinunu, UNE NISA KUYAGA KULA NA BĒNE.”

Nkundwe Yosefu Branham

Lukumbusyo: Komma ukwibwa isyakufwana na Kabalilo Ka Kupoka Ubwelu-bwa-lisiku.

Ndumi: Bufwikigwe #2 60-0518

Masimbo:
Bwãndilo1:26
Baefesi Untu Gwakwanda
Baroma 8:19
Bagalatia 1:6-9
Bahiburi Untu Ntãndàtu
Yõhani 1:17