NSANGO: 61-0730M Malako Ya Gabriele Epai Na Danyele
All posts by AutoPost7
26-1115 Kotiama Lokumu Ya Mwana #4
NSANGO: 60-0522E Kotiama Lokumu Ya Mwana #4
- 26-1115 Kotiama Lokumu Ya Mwana #4
- 25-0525 Kotiama Lokumu Ya Mwana #4
- 21-0711 Kotiama Lokumu Ya Mwana #4
- 18-0708 Kotiama Lokumu Ya Mwana #4
- 16-0228E Kotiama Lokumu Ya Mwana #4
Balingami Babóngólámí,
Na Bofináká Play, tozali koyóka Liloba ya Nzambe lizangí kokwéa. Ezali Liloba moko na moko Solo, lisakola moko na moko ya Yango. Tobiangami mpe tobatelámí, totóndisámí mpe totiamí pembeni; totóndisámí na Molimó Mosanto, mpe sikawa tosili koíngela kati ya Mboka ya Kanana. Tozali na nsómo ya eloko moko te…ELOKO MOKO TE, toyebí baoyo tozali.
Mpo ete totikali na Liloba na Ye, lokola Apesáki bisó motindo tósala, Akoyebisa bisó ete Atikelákí bisó libulá. Ntango nini nde Osalákí yango, Tata? Ntango Naponaki bino mpe Natiaki nkombó ya bino likoló ya Búku ya Bomoi ya Mwana Mpate libosó ya bozalisi ya mokili.
Wana esilaki litondí ya ntango koya, Natindaki Yesu Mwana Mpate, Oyo abomamákí longwá na bozalisi ya mokili, ete bókoka koyamba libula ya binó kozala bana ya Ngai mibali mpe basi, banzambe mike. Nasengeláki nátala-tala bino mpo ya makeléle mpe koningana-ningana libosó ete Nakoka kotia binó.
- “Bondimí ete koyóka Mongóngó na Ngai likoló ya ba bande kati na losambo ezali mabe?”
- “Ee, bosengelaki te koyóka bande kati ya losámbo.”
- “Longólá yango. Bozali kosala makeléle.”
- Bondimí ete Mongóngó na Ngai likoló ya ba bande esengeli na ndimbola?”
- “Ee, Esengeli na moto moko kolimbola Yango.”
- “Ozali kosala makeléle. Bwaká yango libandá. Obelémí naino te.”
Ntango obelemí, okoloba, “”Amen” na Liloba moko na moko.
- “Ondimí ete Nazali lolengé moko lobi, lelo mpe libela?”
- “Amen.”
- “Ondimí ete Mongóngó ya Ngai likoló ya ba bande nde MONGÓNGÓ YA LITÓMBÁ KOLEKA Osengeli koyóka?”
- “Amen.”
- “Ondimí ete Mongóngó ya Ngai likoló ya bande nde ekosangisa Mwasi ya libala?”
- “Amen.”
- “Bondimí ete mwanje ya Ngai ya nguya nde akotálisa binó epai na Ngai?”
- “Amen”
Bozali kokangama makasi sikawa. Natálí-tálí bino mpo ya makeléle mpe bisiká ya kolemba-lemba. Nabelémí kokanga ekuke. Nakotia Elembo ya Ngai likoló na bino. Bolóngí momekano mwa Ngai.
Sikawa bótika náyebisa bino likambo moko, balingami na ngai bato ya motúya kati na mikili ya ba bande; ngambo ya bibale minéne mpe epai sé epai bozali, bóbanga te. Nyoso ezali malamu. Nayebakí bino libosó ya bozalisi ya mokili. Nayebaki eloko moko na moko oyo ekokaki kokóma.
Nazali koya mpo ya binó nokí mpe komema binó na Esiká wapi kúfa ezali te, bwalé te, zúwa te, eloko te; bobele bobongi be, bolingo bobongí be.
Kino ntango wana, bóbósana te, Napesi bino Liloba ya Ngai, boZALI LILOBA YA NGAI likómí mosuni. Soko bosengeli na eloko ATA NINI, bóloba Yango, nsima bóndima Yango, Ezali libulá ya bino.
Nakotinda Mongóngó ya Ngai epai na binó lisúsu Lomíngo loye mpe kolimbola Yango nyoso epai ya binó. Nakoyebisa binó mbala moko lisúsu bozali banani, wapi bozali kokende, mpe Eúlání na nini na ngambo kuna, sikawa mpenza.
Yaka komíbakisa na Mwasi na Ngai ya libala lokola Nazali na bango nyoso bafándí elongó na bisiká ya likoló Lomíngo loye na 12:00 nsima ya nzángá, ntango ya Jeffersonville, mpe koyóka Ngai na botíami mpenza kotia binó na nzela ya Liloba ya Ngai. 60-0522E Kotiama Na Bokonzi Ya Mwana # 4
Ndeko Joseph Branham
26-1108 Kotiama Lokumu Ya Mwana #3
NSANGO: 60-0522M Kotiama Lokumu Ya Mwana #3
- 26-1108 Kotiama Lokumu Ya Mwana #3
- 25-0518 Kotiama Lokumu Ya Mwana #3
- 21-0704 KOTIAMA NA BOKONZI YA MWANA #3
- 18-0701 Kotiama Lokumu Ya Mwana #3
- 16-0228M Kotiama Lokumu Ya Mwana #3
Balingami Baoyo Batiami na Bokonzi ya Bana,
Makonzi ya mokili mazali koyebisa bato, “Bomibongisa, bomibongisa mpo na mokolo ya libebi. Bobomba bilei mpe mai mpo na libota na bino mpo bozala na bisaleli mpo na oyo ezali koya.” Mokili ezali na nsomo. Nini ekosalema? Lobi ekomema nini?
Tozali komona lisakolli kokokisama liboso ya miso na biso. Mokili ezali kopanzana. Bobangi mpe mobulu ezali kopalangana na mokili mobimba, zambi bayebi te oyo ezali koya. Ntango ekoya ekomema nini? Tokoki kosala nini? Oyo nde nsuka?
Na ntango yango moko, Tata Nzambe azalaki kokebisa mpe kobongisa biso mpe lokola. Asili abombi bilei mpe mai na biso mpo na biso, mpe tozalaki kolia mpe komela uta na libulu na biso ya etoko. Tobongisami, mpo na mokolo ya libebi te, kasi mpo na Konetolama!!
Mwasi ya libala ya Klisto azalaki naino na esengo mpe kimia ndenge oyo liboso te. Tata Nzambe azali koloba na Mwasi na Ye moke na mokili mobimba, “BOBANGA TE, bosepela. Bozali baponami na Ngai. Nazali kobongisa bino mpo na Konetolama, Mokolo ya Libala na bino. Nazali kolongola bino na mobulu oyo. Bozali bana na Ngai mibali mpe basi batiami na bokonzi ya bana. Litondi ya ntango ezali koya.”
Yubile nini tozali na yango. Liloba nyoso toyoki ezali eteni moke ya libanga ya wolo mpo na biso. Tozui Yango mpe tokobi kopetola Yango mpe kopetola Yango lisusu mbala na mbala. Na nsima tolobi:
“Mosanto, mosanto, mosanto, epai na Nkolo.” “Mosanto, mosanto, mosanto, epai na Nkolo.” “Mosanto, mosanto, mosanto, epai na Nkolo.”
Miso na biso matiami na Kalvari, mpe eloko moko te ekopekisa biso! Tozali kotambola na nzela monene ya Mokonzi, wana topakolami mafuta ya motuya mingi, kokota na Esika Mosanto koleka.
Ntango monguna azali komeka koyebisa biso ete tobungi mpe tozali Mwasi na Ye ya libala te, tofini kaka Play mpe Ye azali koganga epai na biso mpe koloba:
Bolongola yango na makanisi na bino ete bozali kobunga mpe bozali kosala boye, mpe bozali kobanga boye. Bobanga eloko moko te, zambi azali komeka koyebisa bino epai bozali, bozali ba nani, ndenge botelemi.
Mokili ezali kati na BOBANGI, mpe na ntango yango moko Tata Nzambe azali koloba na biso, “Bobanga ELOKO MOKO TE, Nazali koyebisa bino bozali ba nani mpe epai bozali kokende.” …NKEMBO!!
Na bolembu na biso ya bato tozali kokweya mokolo na mokolo. Tozali kosala mabunga mingi. Tozali kosala makambo mingi oyo tosengeli kosala te. Na nsima zabolo azali kobeta biso mpe kobeta biso, koloba ndenge nini tokoki kozala Mwasi ya libala.
Kasi tozali makasi. Toyebi mpenza oyo tosengeli kosala: Kofina Play koyoka oyo Tata Nzambe azali koloba.
Sikawa, mbala mosusu osali makambo mabe, mpe mbala nyoso osali likambo mabe okofutama mpo na yango. Ee, tata, okobuka oyo okoni! Kasi yango ezali na likambo moko te na lobiko na yo. Ntango obotami na Molimo ya Nzambe, ozali na Bomoi ya Seko mpe okoki kokufa lisusu te lokola Nzambe Akoki kokufa te. Ozali eteni ya Nzambe, ozali mwana ya Nzambe.
Esepelisaki Nzambe kobongisa biso liboso. Esepelisaki Nzambe kokomisa biso Bana mibali mpe Bana basi. Esepelisaki Nzambe kotia biso na bokonzi ya bana. Esepelisaki Nzambe kopesa biso Emoniseli ya solo ya oyo Azali mpe oyo tozali. Esepelisaki Nzambe kokamata mwanje na Ye na nsima ya ezipelo ya ntango mpe komonisa ye BISO na ngambo mosusu mpo tosepela mpe tozala na BOBANGI TE.
Mawa ezali ete, ba bande oyo ezali mpo na moto nyoso te. Ezali mpo na lingomba ya mosakoli kaka…Nkembo, nde biso. Monuti nyoso tokoki, mpe ntango nyoso toyangani elongo, nyoso tolingi kosala ezali kaka Kofina Play mpo na koyoka Mongongo ya Nzambe.
Basusu bazali na yango malamu. Bamonaka na bango kaka te lokola biso, bazui yango kaka ndéngé moko, kasi epai na biso… Ezali malamu mingi kotala yango; zambi toyebi ete Yango nde nzela Tata Nzambe apesi mpo na lelo.
Mokolo na mokolo mokili mpe bato na yango bakomi na mawa mingi. Nyoso emonani molili tuu mpe londende. Kasi mpo na Mwasi ya libala, mokolo na mokolo ememaka kolamukiisama na nzela ya Emoniseli. Tozali na kopema, totondi na Molimo Mosanto na Ye, kofanda elongo kati na bisika ya likolo.
Bosila ndele komituna ndenge ezalaki na mokolo ya Pentekoste ntango mopepe ya makelele makasi eyaki mpe Molimo Mosanto atondisaki ndako, mpe moto nyoso kuna?
Banza lisusu te. yaka komibakisa na biso Lomingo oyo na 12:00 nsima ya nzanga, ntango ya Jeffersonville, lokola Azali koyanganisa ba mpongo na Ye elongo, kotondisa eteni ya ndako na bino na Molimo Mosanto na Ye, mpe kobongisa biso mpo na Koya na Ye ya noki na koleisa biso bilei na Ye bibombamaki. Bokozala kolia mpe komela uta na ndako na Ye ya ebombelo, Mongongo ya Nzambe likolo na ba bande.
Ndeko Joseph Branham
Liteya: Kotiama Na Bokonzi Ya Mwana #3 60-0522M
Makomi:
Matai 28:19
Yoane 17:7-19
Misala 9:1-6, Mikapo 18 mpe 19
Baloma 8:14-19
1 Bakolinti 12:12-13
Bagalatia 1:8-18
Baefese Mokapo ya Liboso
Baebele 6:4-6, 9:11-12
26-1101 Kotiama Lokumu Ya Mwana #2
Nsango: 60-0518 Kotiama Lokumu Ya Mwana #2
- 26-1101 Kotiama Lokumu Ya Mwana #2
- 25-0511 Kotiama Lokumu Ya Mwana #2
- 20-0620 Kotiama na bokonzi ya mwana # 2
- 18-0617 Kotiama Lokumu Ya Mwana #2
- 16-0224 Kotiama Lokumu Ya Mwana #2
Molingami wa Motema Mpenza,
Bomilengeli, bana mibali mpe bana basi ya Nzambe oyo bomonisami mpe boyambami kotiama na bokonzi ya bana, kofanda elongo kati na bisika ya likolo, kosangana na Mwasi ya libala uta mokili mobimba, mpo na koyoka Mongongo ya Nzambe kolobela bino monoko na litoyi?
Ee!!! Tomilengeli koyoka Mongongo ya Nzambe koyebisa biso mpenza ba nani tozali.
Nabiangi bino “balingami ya motema mpenza” zambi bozali yango. Boza—bozali bolingo mpenza na ngai. Boyebi nini? Tika… Tala Likomi oyo eyei. Paulo alobaki, “Nazali na zuwa likolo na bino (Lingomba na Ye) na zuwa ya Nzambe, zambi nasili nabalisi bino.” Tala yango, ezali yango. Yango nde. “Zambi nabalisi bino, nabandisi bino na Klisto, lokola moseka peto.”
Nkembo na Nzambe, mwanje na Ye abalisi biso na Ye. Tozali baseka peto na Liloba na Ye, Etinda oyo, na Mongongo na Ye na ba bande. Sikawa tobalisami na Klisto.
Tokozala tobelemi mpe na bozili na etingia monene mokolo mwa Lomingo. Tokoswa mosapi na biso mino, tokofina bomoto na biso, mpe tokobenda mitema na biso. Tokozala mbala moko lisusu, kokumisa Nkolo na koganga, tokoganga “amen, aleluya”, kaka lokola ntango minzoto na ntongo iyembaki esika moko mpe bana ya Nzambe bagangaki na esengo elongo, ntango bamonaki etandelo ya lobiko, ntango Nzambe atiaki bankombo na biso na Buku na Ye liboso ya bozali ya mokili.
Tokoki nde kososola ete Tata Nzambe azalaki kozila, uta ebandeli ya mokili kino mokolo oyo, MPO NA BISO? Amonaki epai tokomonisama na mikolo ya nsuka, mpe azalaki kozila mpe kosuma mpo totelema na nguya ya Molimo Mosanto mpo na komonisa biso makambo mabombamaki kino lelo oyo.
Na bileko nyoso, basakoli bazilaki kino mikolo oyo ya nsuka mpo makambo oyo mamonana. Tata Nzambe alobaki ete azalaki kozila mpo lingomba na Ye likola uta eleko ya Luther, eleko ya Baptisiti, eleko ya Methodisiti, eleko ya Pentekoste, mpe sikawa kino libanga ya nsuka ya moto kokita. Na nsima Litongi lisili.
Mikolo millakamaki, oyo Nkolo alobaki mpe azilaki mingi, mizali sikawa kosalema mpe kokokisama liboso na biso… MPE KATI NA BISO. Tozali sikawa kati na Klisto Yesu, kofanda kati na kimia ya Likolo, mapamboli ya Likolo, Molimo ya Likolo, epai wapi nyoso ezali ya biso. Tozali na mokili ya elaka mpe tozali na bozwi mobimba ya makambo nyoso.
Momboto na Ye ya liboso ekomaki na bokoli mobimba mpe moningisamaki liboso ya Mwasi na Ye ya libala. Molimo Mosanto azongaki epai ya Tata Nzambe mpe alobaki boye na ntina na mwanje na Ye ya nguya:
Mwanje na Yo azali kokola kati na ngolu! Azali kobuka nkoni. Azwi bampate wana mpe akoki kokamba bango bobele lokola Yo. Akopesa bango matiti mabe te. Akopesa bango bisaniya soki moke te. Ntango bakoya koloba, ‘Tolingi kokota na lingomba,’ alobi, ‘Kanga monoko na yo, ozali na bosenga na yango te! Te, mobali. Oyo osengeli na yango nde, “Bobongola mitema mpe bobatisama, moko na moko na bino, na Nkombo ya Yesu Klisto, mpo na bolimbisi ya masumu na bino. Bokozwa likabo ya Molimo Mosanto.”’
“Oo, alobi yango solo?”
“Ee, Tata, alobi yango solo.”
“Boye, yango nde ndenge Nakomaki Yango.”
“Yango nde ndenge alobi Yango.”
“Oyebi nini? Namonaki Episkopo Mokonzi songolo-pakala koyebisa ye ete ‘akoki te koya na engumba oyo mpe kosala losambo.’ Kasi, Oyebi, nakambaki ye moke, nalobaki, ‘Kende ata bongo.’ Bayebisaki ye ete aloba mpe asala ete alongola ba bande na ye nyoso, mpe atika yango kobima te.’ Tokendaki ata ko bongo!”
“Nde Mwana na Ngai oyo Nayambi oyo nazalaki kozila. Sikawa nakoki koloba na nzela na ye mpe komonisa makambo nyoso na Ngai mabombami epai ya bampate na Ngai.”
“Tata Nzambe ya kokamwa.”
“Sikawa olingi napesa Yo lapolo na ntina na bana na Yo mosusu?”
“Ee, bazali ndenge nini?”
“Oo Tata… Okosepela mingi na bango. Bazali lokola tata na bango. Ba Episkopo mikonzi wana bazali naino koyebisa bango makambo wana moko, kokende te na mangomba ya ba bande mpo na koyoka Mongongo na Yo. Balobi ete ba bande ezali Mongongo ya ntina koleka te oyo basengeli koyoka, ezali na mingongo mosúsu ya ntina koleka sikawa.”
“Oyebi oyo bampate na Yo bayebisi bateyi wana?”
“KANGA MONOKO NA YO, TOZALI KOTIKALA NA BA BANDE, TOZALI KOTIKALA NA MONGONGO YA NZAMBE.”
“Bazali solo kosala bongo?”
“Ee, Tata, bazali kaka lokola Yo.”
“Oo, kitoko nini oyo. Yango esepelisi Ngai mingi. Nazalaki kozila bango uta kala. Sikawa bango mpe babongisami mpo na KOTIAMA NA BOKONZI YA BANA!!”
“Bakozala na esika na bango ya mosala Lomingo oyo na ngonga ya 12:00 nsima ya nzanga, ntango ya Jeffersonville, mpo na koyoka Mongongo na Yo. Bakozala basangani mpe bayangani uta mokili mobimba mpe bakobianga moto nyoso amibakisa na bango.”
“KITÓKO MINGI, NAKOZALA WANA ELONGO NA BANGO.”
Ndeko Joseph Branham
Ekaniseli: Bóbósana te na ntina ya Mbóngwáná ya Ntango ya Moi.
Liteya: Kotiama Na Bokonzi Ya Mwana #2 60-0518
Makomi:
Genese 1:26
Baefese Mokapo ya Liboso
Baloma 8:19
Bagalatia 1:6-9
Baebele Mokapo ya Motoba
Yoane 1:17
20-1111 BA-MPONGO BAZALI KOSANGANA
BA-MPONGO BAZALI KOSANGANA
11 novembre 2020
Baoyo Bazali Balingami ya Tata,
Ezali mpenza kitoko mingi pe ezali kotondisa mitema na biso na esengo, boye te?
Tolingaka mpenza koyoka mikanda na Ye ya bolingo oyo Alobelaka biso mokolo na mokolo, wana Azali kolobela biso ete tozali bolingo ya bomoi na Ye. Alobelaka biso mpenza makanisi pe ba-sekele ya motema na Ye oyo Abombaki mpo na Ye moko na ntango nyonso eleki. Lokola mobali alobelaka mwasi na ye ya bolingo makambo oyo azalaka na yango na motema na ye mpo na mwasi na ye, pe mpo na ye moko kaka, Tata pe azali kolobela bolingo monene oyo Azalaka na yango mpo na moko na moko na biso, pe biso kaka.
Azali mpenza na esengo mingi ete suka-suka Azali na Mwasi-na-libala na Ye oyo Alukaki ntango molai pe azelaki mingi. Ye oyo Akoki koloba pe komonisa makambo nyonso oyo Asilaki kobomba na motema na Ye. Azelaki mpenza mpo na kozua Ye, MWASI-NA-LIBALA NA YE OYO ABONGI BE, mpo amonana pe akokakola ata Liloba moko te. Akondima pe akokangama na Liloba nyonso oyo Alobelaka Ye.
Azali na bosenga ya moto moko te mpo na kolimbola Mikanda ya bolingo na Ye mpo na Ye-mwasi, mpo esengeli na ndimbola moko te. Azali na ntina na yango ata moke te, mpo ezali Mobali na ye Moko nde azali kolobela Ye mbala moko na mokanda moko na moko.
Ntango ba-mbua ya zamba bayaki pe bamekaki kopesa ye ndimbola oyo ekeseni, Ye-mwasi akangamaki nà mikanda ya ebandeli bobele ndenge Elobamaki na Ye.
Ee, balobaka, “Nakolobela yo, Ndeko Branham, yo ozali na ndimbola ya malamu te.” Biblia elobaki ete, “Lisakoli esengeli na ndimbola ya moto moko te.” Mpo na nini? Mpo na nini esengeli na ndimbola ya moto moko te? Mpo na nini? “Liloba na Nkolo eyaki na basakoli.” Ezali kolimbolama na mosakoli. Ekoki kozala na ndimbola ya moto moko te. Basakoli basili kolimbola Yango mpo na bino. Yango wana, esili kokomama bobele Wana. Lolenge wana nde esengeli kozala. (62-0401 – Mayele Ezali kotelemela Kondima)
Lolenge wana nde esengeli kozala mpo na Ye-mwasi. Mosakoli na Ye alimbolaka pe alobelaka Ye-mwasi na mokanda moko na moko. Ye-mwasi asepelaka mpenza mobimba pe apemaka nye.
Ntango tokobeta mabolongo na biso na mpokwa oyo, tofungola mitema na biso epai na Mobali na biso pe tolobela Ye boni-boni tolingaka Ye mpo na Liloba moko na moko oyo Alobelaka biso na moko na moko na mikanda ya bolingo na Ye. Lolenge nini tozali kopema likolo na LILOBA NYONSO, ELAKA NYONSO oyo Apesaki biso. Bolobela Ye ete tozali na esengo mingi, na matondi mingi, pe topambolami mingi mpo na kozala Mwasi-na-libala na Ye. Tozali komibongisa biso moko na nzela ya koyoka pe kondima Liloba nyonso oyo Alobelaka biso.
Ndeko Joseph Branham
Source
https://branham.org/articles/11112020_TheEaglesGatheringTogether