Mwendwa Ũũkĩ,
Nĩwĩharĩĩrie, inyui ciana nyonĩthanie na ikahio wathani, arĩu na aarĩ a Ngai, gũkara hamwe kũndũ igũrũ, mũnyitaine hamwe na Mũhiki kuuma thĩ yothe, kuigua Mugambo wa Ngai ugĩkwarĩria kuuma iromo nginya gũtũ?
Ĩĩni, nĩtwihariirie kũigua Mugambo wa Ngai ugitwira kuna kuna ithui twi aa.
Ndamwita “ũũkĩ” tondũ nĩguo mũrĩ. Inyui – inyui mwĩ mauki makwai. Nĩmũĩ? Reke … Haha he Rĩandiko rĩoka, Paulo augite “Ndĩna ũĩru igũrũ rĩanyu (Kanitha Wake) ũĩru wa kĩũngai, tondũ nĩnda muhire inyui.” Niho hau, nĩndahanyĩta. Niho, “Tondũ nĩndamuhire inyui, ngĩmunyitĩthania na Krĩstũ, ta mũhiki gathĩrange.”
Rĩrĩ kwĩ Ngai, Muraika Wake nĩatuhire kuri We. Ithui twĩ ahiki gathĩrange kurĩ Kiugo Gĩake. Ndũmĩrĩri ino, kurĩ Mugambo Wake wĩ thĩinĩ wa tumikwa (tapes), Riu Nitunyitĩthanitio na Krĩstũ.
Nitwĩharĩĩrie rung’u rwa matanya mawene Kiumia. Nitukaria ciara ciitũ, tũkunye mũoyo witũ na tũkonye ngoro citũ. Rĩta ringĩ tugukorwo, Mwathani agoocwo, tukianagĩrĩra “ameni halleluya” ota hĩndĩ ĩria njata ici cia Kĩroko ciainire hamwe na arĩu a Ngai makianĩrĩra nĩ gĩkeno, rĩria monire mũbango wa uhonokio hĩndĩ iria Ngai ekirire maritwa maitũ Ibukuini Rĩake ombere ya kwarwo kwa mĩthingĩ ya thĩ.
No tuhote gutaukwo ati Baba Ngai aturite etereire, kuuma o kĩambĩrĩria gĩa thĩ, nginya mũthenya ũyũ, NĨNDU WĨTŨ? Nĩ onire ũria tukonithanio matukũini ma kurigĩrĩria, na akoretwo etereire na agĩcaya nĩndu wĩtũ nigetha turiuke twina hinga wa Roho Mũtheru aguũrie kurĩ ithuĩ maũndũ ma hitho maria maturite me mahithe nginya mĩthenya ũyũ.
Matinaini moothe, anabii maturite metereire nginya matukũ maya ma thutha nigetha maũndũ maya monithanio. Baba Ngai augire atĩ atũrĩte etereire Kanitha Wake ũkũre kuuma ĩtina rĩa Lutha, ĩtina rĩa Babutisti, ĩtina rĩa Methondisti, ĩtina rĩa Apentekosito, na rĩu igũrũ gukinyĩra kurĩ Kahiga ga gacumbĩrĩ kurikĩrĩria. Mwako nĩ muriku.
Matukũ maria meranĩrwo, Maria Mwathani arĩrie, na akamerirĩria rĩu nĩmarathii na mbere na kuhingio mbere itũ…. NA ME THIINI WITU. Rĩu twĩ thĩinĩ wa Kristu Jesu, tuikarĩte Mathĩni na thayu, irathĩmo cia Kimatũini, Roho wa Kimatũini, kũria kĩndũ giothe nĩ gĩtu. Twĩ Bũrũrini wa kĩranīro twĩna wigwatiri wa kĩndũ giothe.
Mbeu yake ya mbere nĩkũrite biu na igĩthinguthio mbere ya Mũhiki Wake. Roho Mũtheru nake agitangatha kurĩ Ngai Baba na akiaria ũndũ ũyũ uĩgii Muraika ũyũ Wake wihinya.
Muraika Waku niakurite thĩinĩ wa ũtũgĩ! Nĩaithiranitie gĩthaka. Oyaga ngũndu ici na niarahota gũcamongerera o Tawe uria wikaga. Ndangĩcihe tũhiti twa gũciuragatua irĩaini na ndangĩcihe tũhiti twa gũciuraga twa gĩthaka. Hĩndĩ ĩria cioka cikiugaga, ‘tũrenda kwinyitithania na kanitha,’ akoiga, ‘Tumiai tũnua tũu twanyũ, mûtirabatara kiu! Aca, muthuri ũyũ. Gikĩ nĩkio murabatara, “ Mwirirei na mubatithio, o umwe wanyu, thĩinĩ wa rĩtwa ria Jesu Kristu, nĩundu wa urekeri wa mohia manyu. Ni, mukwamukira kiheo kia Roho Mũtheru.”
“Ũĩ ĩiya, biu niaugaga uguo?”
“lĩni, Muthuri ũyũ, niaugaga.”
“Nĩwega, uguo notaguo Ndakĩandikire”
“Ĩyo nĩyo njira iria Akĩugire.”
“Nĩuĩ undu ũngĩ? Ndironire Muthikabu Munene Ng’auia-na-ng’ania kwoguo mwire atĩ ndangĩhota gũika tauni ĩno na kugia na mucemanio.’ No,Wee niuĩ, nĩtandiramutongoririe, ndĩroiga, ‘Thĩ ona kuri uguo.’ Makimwira eyeheranie na tumikwa tũu twake twothe, na ndukaneke tume nja. Nĩtwathiire ona kurĩ ũguo!”
“Ucio niwe Mũrũ wakwa uria nete wathani uria Ngoretwo njetereire. Rĩu no njarie kuhitũkĩra hari we na nguũirie Hitho ciothe Ciakwa kuri ngondu Ciakwa.”
“Magegania Baba Ngai.”
“Rĩurĩ no wende ngutangathire Wee iguru ria ciana icio iugi Ciiku?”
“Iĩni, mahana atia?”
“Uĩ Baba…Ugukenio mũno nĩo. Mahana biu ota ithe. Mabicobu acio anene no maramera ũndũ o uria umwe atĩ matigathĩe kwi makanitha macio marathĩkĩrĩrio tumikwa kuigua Mugambo Waku. Moigaga tumikwa titwo Mugambo uria magiriire guthikĩrĩria, hena mĩgambo ingi yabata riu.”
“Nĩuĩ uria ngondu Ciaku irera ahunjĩa acio?”
“HĨNGAI TŨNŨ TŨU TWANYU TŨGŨIKARA NA TUMIKWA, TŨGŨKARA NA MUGAMBO WA NGAI”
“Nĩguo bĩa mareka?”
“Iĩni, Muthuri ũyũ, mahana o Tãwe.”
“Ui ĩya, nĩundu wa magegania atia! Ũndũ ũcio nĩurangenia Nii muno. Ngoretwo ndimetereira ihinda iraya muno. Onao rĩu nĩmeharĩĩrie nĩ ũndũ wa GUTUO CIANA CIINA WATHANI!!”
“Megukorwo oothe wĩraini wao mũthenya ũyũ wa Kiumia 12:00PM., mathaa ma Jeffersonville, nigetha maigue Mugambo Waku. Mekunyitana hamwe na macokanirĩre hamwe thĩ yothe na mete mũndũ wothe oke eturanire nao.”
“Magegania, NGUKOROVO HAU NAO.”
Mũrũ wa Ithe Witu Joseph Branham
Kĩririkania: Ndukariganirwo kuiga mathaa ma mũthenya.
Ndumirĩri: Gutuo Ciana ciina Wathani Gĩcũnjĩ gia Keeri 60 – 0518
Mandiko:
Kiambiriria 1:26
Aefeso Gicunjĩ Kiambere
Aroma 8:19
Agalatia 1:6-9
Ahibirania Gicunjĩ gia Ithathatũ
Johana 1:17