All posts by AutoPost7

26-1115 Kugirwa Abana bImana 4

Ubutumwa: 60-0522E Kugirwa Abana bImana 4

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi bahindutse,

Mu gufyonda tukavuza, twumviriza Ijambo ry’Imana Ritananirwa. Ni Ukuri kw’Ijambo Ryose, iryungane ryose ryaRyo. Twarahamagawe kandi twarazigamwe, turuzuzwa kandi twashizwe ku ruhande; twuzuye Mpwemu Yera, kandi ubu twaramaze gushika mu Gihugu ca Kanani. Ntidutinya na kimwe…NA KIMWE, turazi abo turi bo.

Kubera ko twagumanye n’Ijambo RyiWe, nk’uko Yadutegetse gukora, Agiye kutubwira ko Yadusigiye umugabane. Ivyo Wabikoze ryari ga Data? Igihe Nabahitamwo maze Nkashira amazina yanyu mu Gitabu c’Ubugingo c’Umwagazi w’Intama imbere y’ukuremwa kw’isi.

Igihe c’ukunengesera c’igihe caza, Narungitse Yesu Umwagazi w’Intama, Yishwe kuva isi iremwa, kugira ngo mushobore kuronka umugabane wanyu kuba abahungu n’abakobwa baNje, imana ntoya.

Nategerezwa kubasuzuma kugira ngo ndabe ko ata rwamo muvuza canke hari ibintu bijegajega imbere y’uko Ndabashira mu bibanza vyanyu.

  • “Mwizera ko kuvuza Ijwi RyaNje ku ma bande mw’ishengero ari bibi?”
  • “Ego, ntimukwiye kuvuza amabande mw’ishengero.”
  • “Muzicireko iteka. Muravuza urwamo.”
  • “Mwizera ko Ijambo Ryanje Riri ku mabande Rikeneye insobanuro?”
  • “Ego, Rikeneye umuntu aRisigura.”
  • Muravuza urwamo. Muzite hanze. Ntimuritegura.”

Igihe muzoba mwiteguye, muzovuga ngo “Amen” kw’Ijambo Ryose.

“Murizera ko Ndi Wawundi ejo, uno munsi n’ibihe bidashira?”

  • “Amen.”
  • “Murizera ko Ijwi RyaNje riri ku mabande ari Ryo JWI RIHAMBAYE CANE mutegerezwa kwumva?”
  • “Amen.”
  • “Murizera ko Ijwi Ryanje Riri ku mabande Rizohuza Umugeni?”
  • “Amen.”
  • “Mwizera ko umumarayika wanje w’inkomezi azobaNyereka ?”
  • “Amen.”

Muriko muregerana ubu. Narabasuzumye ko ata rwamo muvuza canke ata bintu bijegajega. Nditeguriye kwugara urugi. Nzobashirako Ikimenyetso CaNje. Mwararenganye isuzuma ryaNje.

Ubu reka ndababwire ikintu kimwe, bantu banje bakundwa b’agaciro bo mu bihugu vy’amabande; mu mahanga n’aho muri hose, ntimutinye. Vyose ni vyiza. Narabamenye imbere y’ukuremwa kw’isi. Nari nzi ko ivyo vyose vyobaye.

Ndaje kubwanyu vuba kandi ndabajane Ahantu hatagira urupfu, hatagira agahinda, hatagira ishari, hatagira na kimwe; hari ugutungana gusa, urukundo rutunganye.

Gushika ico gihe, ntimwigere mwibagira, Ndabahaye Ijambo Ryanje, MURI IJAMBO RYANJE Ryihaye umubiri. Namba mukeneye IKINTU COSE, mukivuge, hanyuma mucizere; Ni umugabane wanyu.

Ngiye gusubira kubarungikira Ijwi Ryanje kuri uyu w’iyinga kandi Ndabasigurire vyose. Ngiye gusubira kubabwira abo muri bo, aho muriko muraja, n’ingene hariya hameze, ubu nyene.

Ni muze mwifatanye n’Umugeni WaNje mu gihe Ndabicarika hamwe ahantu ho mw’Ijuru kuri uyu w’iyinga isaha zitandatu ku mutaga kw’isaha ya Jeffersonville (isana icumi na zibiri ku mugoroba mu Burundi), maze muNyumvirize ndabashira mu kibanza canyu n’Ijambo RyaNje. 60-0522E Ukugirwa Abana b’Imana #4.

MweneData Joseph Branham

BranhamTabernacle.org

26-1108 Kugirwa Abana bImana 3

Ubutumwa: 60-0522M Kugirwa Abana bImana 3

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakundwa Mwebwe Mwagizwe Abana b’Imana,

Amareta yo kw’isi ariko arabwira abantu ati: “Nimwitegure, mwitegurire umunsi w’amakuba. Nimubikire imiryango yanyu imfungurwa n’amazi kugira ngo mube mufise ibikwiye kubw’ibigiye kuza.” Isi iri mu gatengo. Ni ibiki bigiye gushika? Ejo hazozana iki?

Turiko turabona ubuvugishwa bushitswa imbere y’amaso yacu. Isi iriko irasambuka. Ubwoba n’agatengo biriko birakwiragira isi yose, abantu batazi ikigiye kuza. Kazoza kazozana iki? Dushobora gukora iki? Mbega uyu ni umuhero?

Muri ico gihe nyene, Imana Data na Yo Yamye Itugabisha kandi Idutegura. Yaramaze kutubikira Imfungurwa n’amazi vyacu, kandi turiko turafungura ku mazimano tunanywa kw’iriba ryacu rya arutwaze. Turiteguye, atari ku bw’umunsi w’amakuba, ariko kubw’Izamurwa !!

Umugeni wa Kristo ntiYigeze Agira umunezero no kunyurwa nk’ubu. Imana Data Iriko Irabwira Umugeni WiWe mutoyi wo kw’isi yose Iti: “NTIMUGIRE UBWOBA, munezerwe. Muri abo Nahisemwo. Ndiko Ndabategurira Izamurwa, Umunsi w’Ubukwe bwanyu. Ndiko ndabakura muri aka kajagari. Muri Abahungu n’Abakobwa Nagize abana b’Imana. Ukunengesera kw’igihe kuriko kuraza.”

Mbega umunezero mwinshi turiko turagira! Ijambo Ryose twumva ni akabuye k’izahabu kuri twebwe. Turagafata maze tukaguma tugahanagura gusa, tukongera tukagahanagura twisubiriza. Hanyuma tuvuga tuti :

“Uwera, Uwera, Uwera, ku Mana.” “Uwera, Uwera, Uwera, ku Mama.” “Uwera, Uwera, Uwera, ku Mana.”

Amaso yacu tuyahanze i Karuvariyo, kandi nta kintu na kimwe kizoduhagarika! Turiko tugenda mu Nzira y’Umwami, dusizwe amavuta y’agaciro, twinjira Ahera Cane.

Igihe umwansi agerageje kutubwira ko twazimiye kandi ko tutari Umugeni waYo, duca dufyonda gusa tukavuza maze Igasemerera kandi Ikatubwira Iti:

“Kura ivyo mu bwenge bwawe ko ugiye kuzimira kandi ugiye gukora iki, kandi ufise ubwoba bw’iki. Ntugire ubwoba bw’ikintu na kimwe, kuko Ariko Aragerageza kukubwira aho uri, abo turi bo, n’ingene duhagaze.”

Isi iri mu BWOBA, kandi muri uwo mwanya nyene Imana Data, Iriko Iratubwira Ati: “NTIMUGIRE UBWOBA BW’IKINTU NA KIMWE, Ndiko Ndababwira abo muri bo n’aho muriko muraja.” … IMANA ISHIMWE!!

Mu ntege nke zacu za kimuntu turananirwa buri munsi. Dukora amakosa menshi cane. Dukora ibintu vyinshi tutotegerejwe gukora. Hanyuma umurwanizi akadukubita, akongera akadukubita, avuga ati: “Twoba Umugeni gute?”

Ariko twarakomeye. Turazi neza na neza ico gukora: gufyonda no kuvuza kugira ngo twumve ico Imana Data Ivuga.

Rero, twoshobora gukora ibintu bibi, kandi igihe cose ukoze ikintu kibi, uzogihanirwa. Ego, mugenzi, uzokwimbura ico wabivye! Ariko ivyo nta ho bihuriye n’agakiza kawe. Iyo wavyawe na Mpwemu w’Imana, uba ufise Ubugingo Budashira kandi ntushobora gupfa nk’uko Imana Idashobora gupfa. Uri igice c’Imana, uri umwana w’Imana.

Vyarahimbaye Imana kudutoranya. Vyarahimbaye Imana kutugira Abahungu n’Abakobwa. Vyarahimbaye Imana kutugira abana b’Imana. Vyarahimbaye Imana kuduha Uguhishurirwa nyakuri kw’Uwo Ari We n’abo turi bo. Vyarahimbaye Imana kujana umumarayika waYo hakurya y’igihuzu c’igihe no kumwereka hakurya y’iguhuzu TWEBWE, ku buryo twoshobora kunezerwa no KUTAGIRA UBWOBA.

Ikibabaje, aya mabande si ay’umuntu wese. Ni ay’ishengero ry’umuvugishwa gusa… Imana Ishimwe, abo ni twebwe. Umwanya wose tubishoboye, kandi igihe cose dukoraniye hamwe, ico twipfuza gukora gusa n’ugufyonda no kuvuza kugira ngo twumve Ijwi ry’Imana.

Abandi barabifise vyose. Gusa ntibabibona nk’uko twebwe tubibona. Barabifise kwa kundi nyene, ariko kuri twebwe… Ese ukuntu ari vyiza kubiraba; kuko turazi ko Ari Inzira Imana Data Yateguye uyu munsi.

Buri munsi isi n’abantu bayo barushiriza kwihebura. Ibintu vyose birushiriza kwirabura n’ugucura umwiza gusa. Ariko ku Mugeni, buri munsi uzana ugukaburwa n’Uguhishurirwa kurushirije. Turaruhutse, twuzuye Mpwemu Yera WaYo, twicaye hamwe ahantu ho mw’Ijuru.

Mbega mwarigeze mwibaza uko vyari bimeze ku Munsi wa Pentekote, igihe haza ijwi rimeze nk’iry’umuyaga ukomeye uhuhuta n’inguvu maze Mpwemu Yera Akuzura icumba n’umuntu wese yari ng’aho?

Ntukongere kuvyiyumvira gusa. Ingo wifatanye natwe kuri uyu w’Iyinga isaha zitandatu ku mutaga, kw’isaha ya Jeffersonville (isaha imwe y’ijoro mu Burundi), mu gihe Ikoraniriza hamwe Inkona zaYo, Ikuzuza icumba cawe Mpwemu Yera waYo, kandi Ikadutegurira Ukuza kwiWe kuri hafi mu kutugaburira Imfungurwa zaYo Zabitswe. Muzoba muriko murafungura kandi munywa mu bubiko bwaYo, Ijwi Ry’Imana Riri ku mabande.

MweneData Joseph Branham

Ubutumwa

Kugirwa Abana b’Imana #3 60-0522M

Ivyanditswe:

Matayo 28:19
Yohana 17:7-19
Ivyakozwe n’Intumwa 9:1-6, Ivyakozwe n’Intumwa ibice vya 18 na 19
Abaroma 8:14-19
1 Ab’i Korinto 12:12-13
Ab’i Galatiya 1:8-18
Abanyefeso, Igice ca 1
Abaheburayo 6:4-6, 9:11-12

26-1101 Kugirwa Abana bImana 2

Ubutumwa: 60-0518 Kugirwa Abana bImana 2

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukundwa,

Mbega muriteguye, mwebwe bahungu n’abakobwa mwagaragajwe kandi mwagizwe abana b’Imana, kwicarana ahantu ho mw’Ijuru, mwunze ubumwe n’Umugeni wo hirya no hino kw’isi, kugira ngo mwumvirize Ijwi ry’Imana Rivugana namwe, umunwa wiWe ku gutwi kwanyu?
Ego!!! Turiteguye kwumviriza Ijwi ry’Imana Ritubwira neza na neza abo turi bo.

Ndabita “abakunzi banje” kuko ni ko muri. Mwebwe—mwebwe muri abakunzi banje. Murazi? Reka…Ng’iki Icanditswe. Paulo yavuze ati: “Mbafuhira ifuhe ryo kubw’Imana (Ishengero RyaYo), kuko nabahaye umugabo umwe.” Ng’aho, ico ni co. Ni vyo. “Kuko nabahaye Kristo, ngo ndabaMushingire mumeze nk’inkumi itunganye.’”

Imana ishimwe, umumarayika waYo yaraMudushingiye. Turi inkumi zitanduye ku bijanye n’Ijambo RyaYo, ubu Butumwa, n’Ijwi RyaYo Riri ku mabande. Ubu twaramaze kureherezwa Kristo.

K’uw’iyinga tuzoba twiteguye, kandi turindiranye igishika cinshi. Tuzoba turi mu munezero mwinshi, imitima yacu izoba yuzuye umunezero. Tuzosubira gukoma akaruru, duhimbaza Umwami, dusemerera duti: “Amen, haleluya!” nka kumwe vyagenze igihe inyenyeri zo mu gitondo zaririmbira hamwe, n’abahungu b’Imana bagasesereza impundu; igihe babona umugambi w’agakiza, igihe Imana Yashira amazina yacu mu Gitabu caYo imbere y’uko isi iremwa.

Mbega ubwo twoshobora gutahura ko Imana Data YATURINDIRIYE kuva isi ikibaho gushika uyu munsi? Yarabonye ko twogaragaye mu minsi y’iherezo, kandi yararindiriye, inihira mu mutima, kugira ngo duhagurukane ubushobozi bwa Mpwemu Yera, aduhishurire ibintu vy’amabanga vyari vyaranyegejwe gushika uyu munsi.

Mu bihe vyose vyagiye birabaho, abavugishwa n’Imana bararindiriye gushika muri iyi minsi y’iherezo, kugira ngo ivyo bintu bihishurwe. Imana Data Yavuze ko Yarindiriye ko Ishengero RyiWe Rikura, guhera mu gihe ca Luther, mu gihe c’Ababatisita, mu gihe c’Abametodisiti, mu gihe c’Abapentekoti, gushika ubu, aho Ibuye ry’agasongero rishirwako. Aho rero niho Inyubako izoba yuzuye.

Ya minsi yasezeranwa, Umwami Yari Yaravuze kandi Yipfuza cane, ubu iriko irashika, kandi iriko irarangukira imbere yacu… KANDI NO MURI TWEBWE. Ubu turi muri Kristo Yesu, twiyicariye mu mahoro yo mw’Ijuru, mu mihezagiro yo mw’Ijuru, no muri Mpwemu wo mw’Ijuru, aho vyose ari ivyacu. Turi mu Gihugu c’Isezerano, kandi twigaruriye ikintu cose.

Imbuto yiWe ya mbere yarashitse ku rugero rwo kwera kwose, maze irazungagizwa irya n’ino imbere y’Umugeni wiWe. Mpwemu Yera Yasubiye ku Mana Data gutanga icegeranyo maze amubwira ibi ku vyerekeye umumarayika wiWe w’inkomezi:

“Umumarayika waWe ariko arakurira mu buntu! Afise ishaka ryinshi . Arafata za ntama kandi akazitaho neza na neza nk’uko naWe Ubigenza. Ntazokwigera aziha ivyatsi bibi vyo mu kiyaga. Ntazokwigera aziha ivyatsi vy’amahwa. Iyo baje bakavuga bati: “Turashaka kwinjira mw’ishengero”, ababwira ati: “Hore! Ivyo ntibibabereye! Oya, mugenzi. Ibibabereye ni ibi: “Nimwihane, umuntu wese muri mwebwe abatizwe mw’Izina rya Yesu Kristo, mubone guharirwa ivyaha vyanyu; kandi muzoronka ingabire ya Mpwemu Yera.”

“Mbega uko niko avuga koko?”

“Ego, Mugenzi ata nkeka ni uko nyene abivuga.”

“Yemwe, uko nyene niko nari naraVyanditse.”

“Ni uko nyene na WE nyene abivuga.

“Mbega Urazi? Narabonye Umwepiskopi Mukuru munaka amubwira ko “adashobora kuza muri ico gisagara ngo agire ikoraniro.” Ariko, mbega urazi ko namurongōye gato, ndamubwira nti: “Genda uko biri kwose.” Baramubwiye ko vyomubera vyiza akuyeho ayo mabande yiwe yose mu bantu, kandi ko atoyareka ngo asohoke. Ariko twebwe twaragiyeyo uko biri kwose!”

“Uwo ni umuhungu waNje w’umuragwa nari nararindiriye.Ubu ndashobora kuvugira muri we, ngahishurira intama zaNje amabanga yaNje yose yari yaranyegejwe.”

“Ewe Data Mana, uri mwiza cane!”

“None woba ushaka ko nguha icegeranyo kubijanye n’abandi bana baWe?”

“Ego, none bameze gute?”

” Yooh, Data… Wobanezererwa cane niwabona ingene bameze. Barasa neza na neza na Se wabo. B’abepiskopi ba kera baguma bababwira ikintu kimwe, ngo ntibaze baraja muri ayo mashengero yumviriza amabande mu kwumviriza Ijwi ryaWe. Bavuga ko ayo Mabande atari ryo Jwi Rihambaye kuruta ayandi bategerezwa kwumviriza, ngo ubu hari ayandi majwi ahambaye kuruta.

Mbega woba uzi ico Intama zawe zibwira abo bavugabutumwa?

“HORA! TWEBWE TUGUMA KU MABANDE, TUGUMA KW’IJWI RY’IMANA!”

” Kumbe, ivyo ni vyo bakora koko?

“Ego, Mugenzi, bameze neza na neza nka Wewe.

“Ese ukuntu bihimbaye. Ivyo biranezereza cane. Nari nagumye ndabarindiriye igihe kirekire. Ubu na bo nyene bariteguriye KUGIRWA ABANA B’IMANA!!

“Kur’ uyu w’Iyinga, isaha zitandatu ku mutaga kw’isaha y’i Jeffersonville (isaha imwe y’ijoro mu Burundi) bazoba bari mu bibanza vyabo kugira ngo bumvirize Ijwi RyaWe. Bazoba bunze ubumwe kandi bakoraniye hamwe, hirya no hino kw’isi yose, kandi bazotumira abantu bose ngo bifatanye na bo.

“Ese ukuntu ari vvyiza cane, NZOBA ARIHO NDI, NDIKUMWE NA BO.”

MweneData Joseph Branham

Icibutswa : Ntimwibagire ko amasaha yahindutse

Ubutumwa : Kugirwa Abana b’Imana #2 60-0518

Ivyanditswe :

Itanguriro 1:26
Abanyefeso, Igice ca mbere
Abaroma 8:19
Ab’i Galatiya 1:6-9
Abaheburayo, Igice ca gatandatu
Yohana 1:17

21-0127 Inkukuma Zirakoranira Hamwe

INKUKUMA ZIRAKORANIRA HAMWE

27/01/2021

Bakunzi mwatoranijwe,

Umugeni aracariko araryohererwa mubwiza bw’Ijambo yumvirije kuw’iyinga. Imitima yacu ifise umunezero, impwemu zacu ziri hejuru ; ukumenya yuko turi Abatoranijwe biWe kuriko kuragaragara neza kurushiriza umunsi kumunsi mugihe twumviriza Umuturagaro w’Ubutumwa kandi uratubwira uti ” Umve Nzobarungikira Eliya umuvugishwa. Azoba Ijwi Ryanje kuri mwebwe. Azobahishurira amabanga yaNje. Rizobaha ukwizera kw’izamurwa mukeneye kugira mube umugeni wanje.”

Ivyo dukeneye vyose biri muri IZO NDYA ZABITSWE. Yavuze ati ” Ntakintu nzokora ntagihishuriye umuhanuzi waNJe. Narabimuhishuriye kandi azobibahishurira.” Rero, ivyo dukeneye vyose biri KW’IBANDE.

Ariko yaratuburiye, dutegerezwa kwitegurira ukuza kwiWe igihe cose. Dutegerezwa kuguma kw’Ijambo umwanya wose. Intambara irashushe kandi hari inzira imwe yonyene yo gutsinda umwansi,ni IJAMBO.

Ni ibiki ndiko ngerageza kuvuga ? Sindiko ngerageza kubatera ubwoba, kubakanga. Nsha- nshaka ko mwomera magabo. Ni mwitegure, musenga burimunota. Muvavanure n’ibintu vyanyu vy’imburakimazi. Nimuje gusa mubikorwa hamwe n’Imana, kuko igihe kiregereje kurusha uko muvyiyumvira.

Dutegerezwa kuja mubikorwa. Ijambo ryiwe ryotegerejwe kuba mubwenge bwacu no mumitima yacu buri munota wa buri munsi. Mugihe tuvyutse buri gitondo, mugihe turi kukazi, dukubura inzu, dutwara abana kw’ishure, tugendesha imodoka, mumangazini, ivyo ari vyo vyose tuba turiko turakora, dusabwa kwiyumvira kw’Ijambo no kwifatanya nawe uko umusi wose ungana.

Igihe kiregereje Mugeni, kiregereje cane. Ariko aragaragaza Ijambo ryiWe imbere yacu umusi kumusi. Turiko tubandanya tumera nkaWe buri munsi.Icijiji kiriko kiraba umuco neza na neza nk’uko Yavuze ko Vyobaye.

Nimuze tugume muma sengesho uno munsi ejo n’iminsi yose. Ntimureke satani ngo akugwishe, ni mureke Ijambo ribaduze hejuru. Mureke Data Abibutse mugihe mwifatanya naWe. NTIMUGIRE UBWOBA, NDIKUMWE NAMWE IBIHE VYOSE. NIMUVUGE GUSA IJAMBO, KUKO MURI IJAMBO RYANJE.

Igihe kiregereje, umukwe Ariko araza gutora umugeni wiwe yarindiriye igihe kirekire. Ibintu vyose vyo ku munota wanyuma biriko biratunganywa. Turumva Amakurudumu y’umukogote ariko araza. Mwitegure kandi murindirane igishika. Mbega ni ibiki aza gukora no kumpishurira uno munsi ?

MweneData Joseph Branham

21-0113 Inkukuma Zirakoranira Hamwe

INKUKUMA ZIRAKORANIRA HAMWE

13.01.2021

Bakunzi Bantu Munezerwa,
Mbega ukuntu tubiragira hariya mu mitima yacu iki gihe mu gihe tuzirikana kandi dusenga Umwami, tuMushima kubw’Uguhishurirwa Yaduhaye. Ukwihishura ubwiWe muri iki gihe cacu.

Ni Imana, Ivugira mu Ntumwa mumarayika ahambaye, umwungere wacu, umuhanuzi wacu, ubuzima bwiwe bwibiye muri Kristo. Itara ryiWe rikwega ubuzima n’umuco biva mu butunzi bw’Urwavya Nyamukuru, ubuzima nyene bwa Kristo. Ni Imana Yihisha ubwaYo mu Vyicishije bugufi, Hanyuma Ikihishura muri Ivyo Nyene ku Mugeni waYo.

Kuko Yaduhaye ukwo Guhishurirwa, ubu TWEBWE tuvoma twese mw’Isoko imwe. Twaribijwe twese mu Rwavya Rumwe. Twarapfuye twebwe ubwacu kandi ubuzima bwacu bunyegeje hamwe na Kristo mu Mana.

Twarashizweko ikimenyetso na Mpwemu Yera. Nta muntu ashobora kudukura mu kiganza ciWe. Ubugingo bwacu ntibushobora gukorwako. Ubuzima bwiwe buboneka, buca ibibatsi kandi bukayanganira muri twebwe, butanga umuco n’ukugaragara kwa Mpwemu Yera kw’isi.

Satani ntashobora kudukorako. N’urupfu ntirushobora kudukorako, kuko urupfu rwaratakaje uruboyi rwarwo ; imva yaratakaje intsinzi yayo.

Ni mwumvirize Umwami Avuga kandi Adutera intege uno munsi.

Iryo Jambo ntiryigeze Ryihenda mu kanwa k’abaKristo bizeye. Kandi muri iki gihe ca nyuma Riri ng’aha Rifise inkomezi kandi Rirahambaye kurushiriza ibihe vyose mu mugeni Jambo w’ukuri. Yooo, busho buto, mwa nkehwa zikengeretse, guma kw’Ijambo, Ryuzuze akanwa kanyu n’umutimwa wanyu, nuko umunsi umwe Imana Izobaha ubwami.

Munezerwe kandi muhimbaze Umwami uyu munsi ku vyo Yakoze vyose, kuvyo Agiye gukora, kandi ntimwigere mwibagira ivyo Ariko Aradukorera iki gihe nyene.

MweneData Joseph Branham.

20-1216 Inkukuma Zirakoranira Hamwe

INKUKUMA ZIRAKORANIRA HAMWE

16/12/2020

Mukunzi Shengero Ridafise Udusembwa n’Amarabaga,
Ese ukuntu dushima uno munsi ku bintu vyose Yadukoreye, no ku bintu vyose Ariko Aradukorera. Igihe tuje kuri We mw’isengesho, hanyuma tukagerageza kugaragaza ibiri mu mitima yacu, ntibishoboka. Rero, nk’ibindi vyose dukora, tugaruka kw’Ijambo, kuko Ari VYOSE KURI TWEBWE.

Yooo, reka twunamike imitwe yacu gusa tuvuge tuti : « Data, turaGukunda. TuraGukunda. Yooo, ese ingene tuGukunda ! TuraGushimira gusa, cane rwose, Mwami. Yooo, imitima ya—yacu y’umuntu ikenye ntishobora kuvuga ivyo twiyumvamwo, kubw’ukuntu Watwogeje mu Maraso YaWe Bwite. Twari abanyamahanga, Mwami. Twa—twakunda ibintu vy’isi, kandi twese twari—twese twari twaracumuye hariya mu bintu vy’isi, kandi Wamanutse kubw’ubuntu bwaWe Uramvura ibiganza vyaWe vyera vy’agaciro mw’iborero ry’ivyaha aho twari, Uradutora, Uradutoranya, Uratwoza, Uradutunganya, Udushiramwo Impwemu nsha, maze Uduha kwerekeza urukundo rwacu ku bintu vyo mw’ijuru. Ese ukuntu tugukunda Mwami ! »

UBUNTU bwaWe BUTANGAJE Data. Kwiyumvira ukuntu WEWE Wadutoranije, WEWE Waratwogeje hanyuma WEWE Wadushizemwo Mpwemu waWe. Ego, Mwami, turagukunda !

Muri iki gihe c’uruhendo, ku buryo ata kindi kintu mw’isi dusigaranye, Mwami. Nta kintu gisigaye kubw’isi, ni—ni—ni igihe c’iherezo. Turabona kubwa Bibiliya, igihe cose caraheze. Ubu turi kw’iherezo, tugenda twihuta. Nta gihe gisigaye ngo Yesu Aze. Ewe Mana, Rurumbisha imitima yacu, ntutureke ngo tugume duhagaze.

Ewe, Mwami, ese ukuntu dushima yuko ururumbisha imitima yacu mu kuduhishurira Ijambo ryaWe nkuko bitigeze kuba. Turashobora kubona, biciye mu kwumviriza Ijambo ryaWe, yuko turi kw’iherezo. Ivyanditswe biriko Birashitswa imbere y’amaso yacu buri munsi.

Mwami, iri ni isengesho ryacu rivuye i bwina mu mitima yacu.

Kandi ubu, Mwami, ndasenga ngo Uje gushira ubugingo bwacu mu biganza vyaWe, Utwoze, Utugorore, kuko Bivugwa yuko Wari, « Uje kubw’Ishengero Ritagira agasembwa canke injebejebe. » Reka icuma ca Mpwemu Yera gikure gusa injebejebe zose muri twebwe, kandi turindiranye igishika ukuza kw’Umwana w’umuntu.

Amen Amen.

MweneData Joseph.

20-1202 Inkukuma Zirakoranira Hamwe

INKUKUMA ZIRAKORANIRA HAMWE

02/12/2020

IKETE RIVUYE KWA MWENEDATA JOSEPH BRANHAM

Bakundwa Bana b’Umuco,

Ese ukuntu dukunda kwumviriza Ijambo mugihe We Atubwira ubwiWe mubuMana bwiwe buhambaye. «Ndi Uwufashe inyenyeri indwi mu kuboko kwanJe kw’iburyo; uwari yarapfuye, kandi akaba Ari muzima. Ndi uwufise inkota ikarishe y ubugi bubiri . Mumaso hanje hameze nk’imbeya z’umuriro kandi ibirenge vyanje bisa n’umuringa w’umwakaka. Ndi uwambere n’uwanyuma, Alufa na Omega. NDI Imana Mushobora vyose. »

Rero Yatubwiye ingene Azoturungikira Umumarayika Ntumwa wiwe ahambaye azoba umwigisha muri Mpwemu, kandi azotwereka ibimenyetso n’ibitangaza. Azoduhishurira ingene azoba uwunesha atunganye n’ingene azoronka izina rishasha. Azomuha « Ihishurirwa ridasanzwe» ryico We ari kandi Azomenya ibiMwerekeye vyose. Azoronswa ya Manu ihishijwe, wa mutsima w’ibiterekerwa, hama awuduhe,twebwe Umugeni wiWe.

Yaratubwiye ingene uyu Eliya azotubera Ijwi ry’Imana koko. Azoba uwo Ijambo ryiWe riturukako, kandi azoba afise insobanuro yubuMana y’Ijambo ryiWe. Azoba Umumarayika w’umuco ahambaye azoza mu nkomezi, kandi azoturongorera ku Mwami Yesu Kristo.

Azoduhishurira ibintu vyose vyerekeye malaya ahambaye mw’Ijambo ryiWe n’ukuntu yari afise abana. Ukungene yaretse urukundo rwiwe rwa mbere hama aca ahinduka umunikolayi n’umupagani. Yasambanye n’Ijambi ry’Imana kandi ubu yarapfuye muri Mpwemu kandi azoca mumibabaro.

Ariko kuri twebwe, Umugeni wiWe Ariko Araduha IHISHURIRWA RIVUYE MW’ IJURU, kandi kuri urwo rutare Azokwubakako Ishengero ryiWe, kandi Amarembo y’ikuzimu ntazoRishobora.

Ese ingene dukayangana mu gihe umuco wiwe utumurikira, no kutubwira yuko tumeze nk’inzu yaka umuriro kumunsi w’umuyaga w’igihuhusi, twishwe isi n’ijuru bitarashigwaho, mwozwa mu Maraso yaNje, mwuzuzwa Mpwemu waNje, hamwe n’ibimenyetso nibitangaza bibakurikira. Muri ubusho bwaNje butoya bwagumanye n’ Ijambo ryaNje.

Nimuze dupfukame muvyumba vyacu iri joro ry’uno munsi; twebwe naWe gusa hariya, dushima twongera tuvugana nawe bivuye ibwina mumitima yacu:

Ndanezerewe cane konshobora kuvuga yuko NDI UMWE MURI BO.

MweneData Joseph Branham

20-1125 Inkukuma Zirakoranira Hamwe

INKUKUMA ZIRAKORANIRA HAMWE

25/11/2020

IKETE RIVUYE KWA MWENEDATA JOSEPH BRANHAM

Bakunzi Hanga ry’amaBande,

Reka tuvugire hamwe duti, « Izina ryiWe ni Rishimwe! »

Nta majambo ahari yo gukoresha novugamwo umunezero, urukundo n’amahoro biri mumutima wanje mugihe numviriza ubu butumwa, nk’uko vyari bimeze ubwa mbere.

Ese Uguhishurirwa Ariko araha Umugeni wiwe. Ese icemezo gihezagiye dufise yuko turi umugeni wiwe yatoranijwe. Yavuze biciye mumuhanuzi wiwe kandi yasengeye TWEBWE , abatoranijwe biwe KU MABANDE, twari kumenya yuko ubu Butumwa ari insiguro ivuye ku Mana y’ijambo yahawe kugira arihe Umugeni waYo.

Buri munsi turya kw’ijwi ry’Imana mugihe rivuga biciye mu mumalayika Ntumwa wayo yagaragajwe kandi Ikaduhishurira n’Ijambo ryaYo.

Bavuga ko twishimikiza cane uyo mumalayika kurusha Yesu. Icubahiro cose cotegerejwe kuba kuri Yesu. NIKO BIRI. Ubu butumwa si amajambo y’umumalayika waYo, ni Amajambo y’Imana. Ntidusenga umuntu, ariko Imana IRI muri uwo muntu. Nico kintu nyamukuru kuri ubu butumwa.

Ntimwishushanye n’uyu mukozi w’Imana:

Hama rero umuntu munaka ahagaze kumuryango, ( haraheze imyaka myinshi aha kw’ishengero) umukozi w’Imana yavuze ati, « Yemwe, Imana Ishimwe, sinshaka umuntu uwari we wese kumbwira ivyo. » murabona? Yavuze ati, « nshaka icubahiro cose ko kija ku Mana. » navuze nti, « yemwe, ni uko bimeze. » Murabona ? kandi navuze nti, « Yemwe, ndabikunda, nanje ubwanje. » navuze nti, « Nanje ndabikunda vy’ukuri. » hama navuze nti, « Ntegerezwa kuba umunyakuri. » hama yavuze, yavuze ati, « Yemwe, sinshaka ko abantu bamvugako ivyo, Imana Ihabwe Icubahiro! » navuze nti, « Hari itandukaniro rimwe gusa hagati yanje nawe: ndi imvugakuri kuri ico kintu, ariko wewe siko uri. »

Reka dusubire kwitegereza amajambo make gusa hama turabe akamaro IMANA yashize kuri uwo mumarayika .

Imana Yamuhaye: insobanuro y’ubuMana wampaye.

Yaronse : « Manu ihishijwe. » Manu idahabwa ikoraniro ryose.

Yari: Ihishurirwa ridasanzwe kubera yategerezwa kwigisha abandi.

Ninde yaronse uku guhishurirwa?: Uguhishurirwa kw’Ijambo kwahawe umumarayika wa kirya gihe.

Vyari ibiki? : Ni ihishurirwa rinini ku rugero runaka rw’ico Kristo Ari, n’imiburiburi umuhamagaro uhanitse ku rugero runaka.

Ninde yagenzura ivyo yavuga? : Umumarayika yari mubiganza vyiwe munsi y’ubugenzuzi bwiwe bwite.

Afise ubushobozi nyabaki ?: Kwongereza inkomezi zikomeye ziva kuriWe, buva mu kiganza ciwe c’iburyo.

Amajambo y’uyu mumalayika afise akamaro nyabaki? : Bari munkomezi zitangaje mugihe bari aha kwisi; kuko bo ni Imico iva kuriWe, itanga Umuco kuri kirya gihe c’Ishengero.

Rero reka tuvyemeze gusa.

Ninde ari Umumarayika ntumwa w’indwi? : Umumarayika Ahambaye w’ Umuco azoza kuri twebwe.

Umumarayika azokora iki? : azoturongorera hanze, Mpwemu Yera Ahambaye, aza mubushobozi, kandi azoturongorera ku Mwami Yesu Kristo.

Muvuga yuko, ariko aravuga kuvyerekeye Mpwemu Yera atari umumarayika wiWe : Birashoboka ko atabizi, ariko azoba ng’aha umwe muri ino minsi.

Mpwemu Yera ntazomenya Uwo ari We?

Ntari ng’aha ubu ariko Azoza umunsi umwe?

Ariko avuga kuvyerekeye UMUMARAYIKA W’UMUCO, INTUMWA Y’IGIHE C’ISHENGERO RY’INDWI.

Ariko n’iki Imana Izokorera Umumarayika waYo? : Imana Izomumenyekanisha. Ntazokwimenyekanisha ubwiwe, Imana Izomumenyekanisha. Imana Izogaragaza abaYo. Ivyo nivyo Yavuze igihe Yesu Yari ng’aha kandi ntibaMumenye, murabona. Yavuze ati, « Nimba ntakora ibikorwa vya Data, rero Ntimunyizere; Nimba Nkora Ibikorwa vya Data, kandi ntimushobore kunyizera, rero ni mwizere ibikorwa. »

Nico gituma uyu mumarayika ari Umwungere wacu: Ntuzokwigera ubaho muburyo buhanitse kurusha umwungere wawe. Ni mwibuke gusa ivyo, murabona. Kandi rero… kuko ari Umwungere Akugaburira. Nimba ari umwungere, ategerezwa kumenya aho Manu iri, kugira agaburire i— intama

Kandi twebwe umugeni tuvuga duti: « aho niho turuhukira! »

MweneData Joseph Branham

20-1118 Inkukuma Zirakoranira Hamwe

INKUKUMA ZIRAKORANIRA HAMWE

18/11/2020

Mukunzi Mugeni Utunganye,

Bakunzi mwacunguwe, Mbega ikindi gihe gihambaye twagize kuri uwu w’iyinga mugihe twari twicaye hamwe kandi twumviriza Mpwemu Yera Avugana Natwe biciye mu mubindi watoranijwe, kandi Aduhishurira Ijambo. Igihe ikoraniro ryari rirangiye , Yasubiye kudutera intege Atubwira,ko tuzoMumenya, kandi ko twacunguwe, nitwahagarara iruhande yiWe, tuzoMumenyera ku nkovu z’imisumari mu biganza vyiWe.

Hama Yatubwiye kugendera hamwe n’Izina rya Yesu, no kwunama kubirenge vyiWe mu gukoraniriza imiryango yacu hamwe no kugira amasengesho yo mu muryango.

Yaranatubwiye ukungene twotegerejwe kumwegera muri rino joro mugikorane cacu c’amasengesho.

“Yooo, Shengero ry’Imana, ibi ntibibarengane! Uwusenga amaze kugenda agashikira umwana w’Imana kandi mukwizera aMurambikako ibiganza vyiWe(yoo, Mana we! ), itegereze hariya mumaso hiWe arya mate ari mumaso yiWe, amaraso ajojota mumaso hiWe Yumva ububabare bwa « Mana yanje! Mana yanje! Ni igiki kikumpebesheje? » yooo, mwenedata hamwe wobona ikiguzi catanzwe Ariko Aragupfira, nico Yari Ari, Emmanuel, Imana Ipfa mukibanza cawe.”

Mbega ikindi gihe ciza tuza kugira mukwifatanya naWe.

MweneData Joseph Branham.

20-1007 Inkukuma Zirakoranira Hamwe

INKUKUMA ZIRAKORANIRA HAMWE

20-1007

Mukunzi Mugeni Utunganye,

Muze tuje imbere y’Umwami iri joro kandi dukubite ibipfukamiro ubwacu mu kwicisha bugufi, kugamburuka, no mu gusenga imbere y’Imana Yacu Nzima, maze tuYibwire kutugira ingeso nziza , ubwenge buzima, ukwihangana kuzima, ukwubaha Imana kuzima. Kuduha Inkomezi nzima zivuye ku Mana Nzima.

Ariko arakora iki ? Ibintu bimwe n’ivyo Yesu Yakoze, atambuka nk’uko naWe Yatambuka, akora ibintu bimwe Yakoze. Kuko, si ikintu co mu bwenge. Hariho ibiriho bivyemeza.

Si ikintu co mu bwenge gusa, turi ico kintu kiriho. Turiko turacika Igihagararo c’Umuntu Atunganye. Abahungu n’abakobwa b’Imana, ikibanza co kubamwo aho Ishobora kuba kandi Igatangariza isi Iti, « Uyu ni Umugeni waNje Atungane yashumbushijwe vyuzuye Agumana n’Ijambo ryaNje. »

Abiwe batoranijwe bamwe bisunga kandi barindiriye yuko iki gihe gishika haraheze imyaka ibihumbi. Bari barindiriye ko iri Shengero Ryinjira mu gutungana kugira ngo haze ukuzuka.

Igihe caramaze gushika. Kiriko kirashika kandi kiriko kiragaragazwa muri umwe umwe wese muri twebwe. Izamurwa riri hafi. Umugeni waYo Yariteguye mw’Ijambo Ryavuzwe. Ingo Mwami Yesu.

MweneSo Joseph Branham.