Message: 62-0311 Ubwĩte Ubukulumba Ukukĩnda-bosa Ubu Bulwĩgwémo Síku
Mwebapala baMikaya,
U bwite ubukulumba-ubukīnde ubu bwilwīgwèmo siku bo lilino bukubuka nkabombo. Kyāla afumile pakusala abasikali Bãke abapamwanya kuli ukukinda ifyinja maelifu ntãndàtu, kangi ugwe ufumile pakumanyiligwa-ngãni kangi usūngulìgwe ukuya mu Babwite Bake Abakulumba.
Umwēne afumile pakukufwíka ugwe, ukumang’anyisya ugwe, kangi ububambe bwa bwite bo lilino bubãtikigwe, bukuya bwīténdekisye ukwanda. Kukaya itolo ukuti Umwēne akusūngwìle ugwe ukuya mu Bãke Ababwite Abakulumba, lõli Umwēne akusalile ugwe ukuya Mikaya yumo u nsololi mu babwite Bãke.
Akabalilo kīsìle, ilisiku lifikile; ugwe kwisa kwambilila ubumang’anyisigwe kitalule ukufuma kwa Mbanda ya Moto Mwēne ukupõnjola undugu aligwēsa. Ugwe kwisa kwambilila indagilo syapasima, pa ikyakubomba ukumasya imbepo inyali yiliyosa. Ikyēne kisa kuputa ububine bosa ukusõkàpo kangi u mõhèsi aligwēsa uyu abagile ukwisa pankyeni pa ugwe. Nakimo kibagile ukwima mu njila yako.
Ukufuma pa bumang’anyisigwe bwapasima ubu, ugwe kwisa kuya uyengeleligwe fiyo ni Lisyu Lyãke mpaka ugwe kwisa kusatisya pãnja ububibi bosa. Saatisya pãsi ukwinogonela. Taga pãsi inyiho. Saatisya pãsi ulupãsyo. Taga pãsi imbungo. Taga pãsi ubutulwanongwa. Ugwe kwisa kupilikisya ugwe guli pamwanya pa ikyēne, usyusigwe mwa Yeso Kristi, gwītúgèsye mu Mabuyo gammwanya, nu mõhèsi aligwēsa pãsi pa luyayo lwako. Ugwe gwe mbwisusye kwisa kupilikisya nu KWITIKA ugwe gwe Lisyu lila.
Umwēne isa kukumang’anyisyaga ugwe ikyskukētesyako. Umwēne isa kukulagila ugwe ukuti linga undugu gwako abagile ukukutwala ugwe ku kwitika i Kilwilo kyãko kikaya kyamaka ukufwana mma, umwene isakukufūl’ikilwilo ugwe.
Lõli uswe twīsa kukumbukila ubumang’anyisigwe bwitu, basikali, nu kumbula u mõhèsi yula: Ikyēne kikaya uswe mma, uswe y’uswe nakimo. I Kilwilo kyitu lyo Lisyu lya Kyāla kangi Ilyene lisa kuponjola u MÕHÈSI ALIGWĒSA, akabalilo kalikosa, ubuyo bulibosa, panongwa yakuti ilyēne lyo LISYU LYÃKE, KANGI UMWĒNE ATUMANG’ANYISYE USWE KANGI ASETWILE KWA USWE UKUTI USWE LILINO Y’USWE LISYU LYA KYĀLA LITENDEKIGWE NYÕFU. KOKUTI, uswe tukabagila ukuponjoligwa, uswe y’uswe babwite ba Kyāla abasitakuponjoligwa.
Limo mwa masiku amakulumba-fiyo mu syambulu sya kīsu-kya-pãsi lisa kubonekaga pabuyo Pandungu ugu. A baMikaya Bãke bikuyaga bõngène palikimo ukufuma ukusyungutila i kīsu-kya-pãsi pãsi pa Lisyu-lya-pakanwa lya gwabo u Nkulumba-gwa-bwite, kūko uswe twīsa kuya balukigwe palikimo fiyo mu mufwane bumobwene, kisita nagumo u nsyungulu gwa kwilamwa paliposa.
Polelo, linga itolo uswe twīsa kwitika, KANGI USWE NALOLI TUKWITIKA, patisa kuyapo nayumo u mundu umonywa ukusyungutila i kīsu-kya-pãsi. Linga itolo uswe tubagile ukutwala ikindu kila kimokyene kitendekesigwe, patisa kuyapo nayumo ikunyonywa Mbepo Mwīkèmo lõli aba bisa kwambilila Ikyēne, kangi pisa kuyapo ulubumbulusyo lwa papo-na-papo lwa fyosa-fibili u mbili nu moyo, linga uswe twīsa kukolelela amabuyo gitu. Lilino ko kabalilo. Uswe y’uswe bandu. U Mbepo gwa Kyāla afyusisye i ndembela ukulwana nu mõhèsi aligwēsa; uswe y’uswe YUMO GWA BENE kangi pakayapo nakimo ukwimika uswe.
Uswe tufwile ku fyakwīpilikila fyitu, tufwile ku kwinogonela kwitu, tufwile ku findu fyosa fila. U būmi bwitu bufisigwe kangi uswe tusyīlìgwe mu Ngamu ya Yeso Kristi, kangi tusyusìgwe nu Mwēne. Kangi kulikosa Umwēne aliko, kula uswe tuliko nuswe.
Uswe tutobwile injila yitu pãnja, mõhèsi, ukwisila mu kupufulania ugwe na “ISI SYO IKUTI UNTWA, ISI SYO IKUTI UNTWA, ISI SYO IKUTI UNTWA.” Uswe kubumalikisyo tukunūngisya imbepo yimo imbupwe. “ISI SYO IKUTI UNTWA.” Apa uswe tukwisa mõhèsi, uswe tuli ni mitu gyitu pãnja. ISI SYO IKUTI UNTWA, UGWE UPONJOLIGWE.”
Ngimba uswe tukubombaga fiki ukuponjola nakyo u mõhèsi?
I Lisyu!
Unko uswe tuyobe ikyēne; Lisyu, Lisyu, LISYU!!
INDAGILO ISYAKONGELELAPO ISYA BUMANG’ANYISIGWE
Lilino akabalilo kako undugu ukusiganila kangi ikugela ukuyoba ugwe ubagile ukubõmba iki, ugwe ubagile ukubõmba kila, ugwe ukaya nnunu mma, ugwe ukaya gwakufikapo, ugwe ukabumbulusigwa, ugwe ukãli guli ni ndamio silasila. Ngimba ugwe kuyaga pakubomba fiki?
Sokapo ukufuma kwa une.” Ligiti! Ugwe kukeka umwene ni Lisyu. Kali ikyēne kiyege lisyētàno, kali ikyēne kiyege ndugu, kali ikyēne kiyege bubine, kali ikyēne kiyege mbūngo, kilikyõsa ikyēne kili, ega i Lisyu kangi kwaba Ikyēne nu Lūbo. Kangi linga kuligita ikyēne akabalilo ka kwanda, ikyēne kukuboneka ngati ikyēne kitikusema, ligita ikyēne kangi, kangi ligita ikyēne kangi, kangi ligita ikyēne kangi.
Uswe itolo tukwitikisya i Lisyu pa lwalo, “Kyāla ãyóbìle lulo,” kangi kila kikubika ubusululuke pakati pa uswe na Umwēne. U nkolofwa guligosa gwīsìle ukuya mwīguke pakati pa uswe. Uswe tukuyoba, “Une ngamanya mo ndili une nisa kukyaga ikyēne, lõli une nisa kukyaga ikyēne. KYĀLA ÃYÓBÌLE LULO. Ukwīlàmwa kilikyõsa KUKINDILE…uswe tukwīlàmwa ni nyīlàmwe syītu.”
Uswe tukukanikana nu mõhèsi kangi tukwega i Lisyu lya Kyāla. Linga une ngwīpilika ulunyenyemusyo lumo, pamo ulunyenyemusyo nalumo, kali kyo fiki kukuboneka, Kyāla ãyóbìle lulo. Ikyo kikumasya ikyēne.
Konga indagilo isi, nsikali, ku sopelo. Andisya a Masyu aga akabalilo kako undugu ikusiganila. Agēne gakaya Masyu gako mma, agēne go MASYU GÃKE, KANGI AMASYU GÃKE GAKABAGILA UKUTOLIGWA. Umwēne atupel’amaka uswe ukubombela i Lisyu Lyãke ukwisila mu kutupela uswe Lisyu Lyãke. Akabalilo kako Sétàno ikusiganila, mbalila umwēne indagilo syako.
INDAGILO SYA NKULUMBA-GWA-BWITE GWITU.
Apa kilipo katikati iki Une ngulonda ugwe ukubõmba.
Andisya ulufingo ulu kangi itika i Lisyu lililyosa kuli ububangi ubumalisye.
Sétàno, sokapo! Une ngusoka pãnja pa apa. Une ndikulambalala apa, kangi mma. Une ndikwitugasya apa kangi mma. Une ngaya pa ugu umfu gwa mõhèsi gwaiyolo kangi mma. Une ngufyolotoka injila yangu pãnja, ulubunju ulu.
Une ne ngwãsi yumo.” Amen! Hallelujah!
Polelo une ngulonda umwe ukubõmba iki:
Ukupufula ikyēne na, “ISI SYO IKUTI U NTWA. ISI SYO IKUTI U NTWA. ISI SYO IKUTI U NTWA.”
Igula lõsa ilinogonelo lyako, yoba, “Lyako i Lisyu lyo lyabwanaloli.”
Ntwa, une ndikuyaga kukutega ulutego lulilõsa lwa muno une ngwīpilikila, iki aligwēsa, nimwene ikuyoba. Une ngwima lõsa, une ngupufulania panja gyosa gya misebwe gyangu, gõsa amabusulumanie, ni nyīlàmwe, ni sitalwitiko isi njilemo nasyo siku. Ulwipiliko lulilõsa une njilemo nalo siku, bosa ububine une njilemo nabi siku, ikindu kilikyõsa ikingi une njilemo nakyo siku, une ngupufulania ifyene fyosa pãnja. Une ngukisania fyõsa fila. Une ngwisa kulakula kitalule ku Mbepo gwangu.
U LWĪTÌKO lwãko lwisa kwanda ukufyuka mmwanyapo kangi mmwanyapo. Polelo yoba ku Mwēne, O Ntwa, isa suluka. Ugwe gwãyobìle Ugwe gwalimbelile une untuli gwakayilo umwabuke.”
“Ugwe y’ugwe mwanundumiana Gwangu.”
Umma ndaga, une ngwīgula lõsa indumbula yangu ni linogonelo lyangu.
“Isaga nkati, Ntwa Yeso.”
Kamata u Lwītìko, u Lūbo lula lwa Mbepo, ISI SYO IKUTI U NTWA.
Ywega, “Hallelujah!” Ameni.
Polelo kekela pãsi undugu aligwēsa mu nkyeni mwa ugwe. Ameni. Pala ikyēne kili. Keka undugu aligwēsa. Linga i–i yaiyolo imbepo yamisyuka yikukupela ugwe ukwipilika mõsa…Keka ikindu kila ukusõkàpo, ni Lisyu lya Ntwa.
INDAGILO SYAKO ISYABUMALIKISYO NSIKALI.
MBULA U NDUGU:
Sokapo ukufuma kwa une.” Kwa!
Ugwe nkeka umwēne ni Lisyu. Kali ikyēne kiyege lisyētàno, kali ikyēne kiyege ndugu, kali ikyēne kiyege bubine, kali ikyēne kiyege mbūngo, kilikyõsa ikyēne kili, ega i Lisyu lila kãngi kwaba Ikyēne nu Lūbo. Kãngi linga ugwe kuligita ikyēne akabalilo kakwanda, ikyēne kikuboneka ngati ikyēne kitikusema, ligita ikyēne kangi, kangi ligita ikyēne kangi, kãngi ligita ikyēne kãngi. Kãngi ligita ikyēne mpaka ugwe utobwile ikibwina ukukisania, ngati akakuku akanini kakulīngulila kēne pãnja, pamo akangwasi, iki ugwe guli. Lingulila gwimmwene mulamula nkyeni ukukisania kila ikikalang’asa ikyaiyolo ikya bubine. Keka injila yako pãnja, kangi yoba, “Hallelujah!”
Kili kugu kila ikikonge?” Ameni. Ubo bo bwite. Uyo yo nsikali. Uyo yo nsikali gwa kipīngika. Ena, nkulumba. Kung’unda undugu aligwēsa pãnja. Fiki?Fiki?
Uswe, a bamanyiligwe-ngãni, i Mbeyu iyabunyafyale ya Abraham.
Lwīmìko, undugu aligwēsa apõnjolìgwe. Pakayapo NAKIMO kibagile ukwima pankyeni pa Lisyu lya Kyāla, kãngi uswe y’uswe Lisyu lya Kyāla. Uswe y’uswe Luyungu Lwake Lwabunyafyale kãngi ulufingo lulilõsa lo LWĪTU.
Ilisiku lifikile, u Nsīngilìgwa ikwitika i Lisyu lililyõsa kangi ikubombapo pa Lyēne. Uswe twīténdìke Twībène bīténdekèsye ukwisila mu kupilika nu kwitika i Lisyu Lyãke.
Linga ugwe uli nu bufumbwe bwa kandu kalikosa, linga ugwe kulonda ukwisusigwa na Mbepo Mwīkèmo, linga ugwe kulonda ukubumbulusigwa, linga ugwe kulonda u mõhèsi aligwēsa ukusatisigwa pãnja, linga ugwe kulonda ukuya Nsīngilìgwa gwa Kristi, lilino ko kabalilo kala, ukupilika nu kwitika i Lisyu-lya-pakanwa Lyãke bo buyo bula.
Linga ugwe kunyonywa ifindu ifi kãngi kulonda ukuya mu buyepo bwa Ntwa, kifukiko ukukinda mūmo ugwe uyīlèmo siku, isaga ilūngisya na uswe Pandungu pa 12:00 PAMUSI, akabalilo ka Jeffersonville, bo ugwītu u Nkulumba-gwa-bwite ugwa ndondwa-ina ikulagila u Gwãke ugwamaka u Nsīngilìgwa gwa Mikaya akaponjolelo ka mõhèsi aligwēsa, undugu aligwēsa, ukuya mbikigwe mwabuke, nu kwisusigwa na Mbepo Mwīkèmo, kangi ukuya mwīténdekèsye kuli Ukwisa Kwake kwakibili.
Nkundwe Yõsèfu Branham
Ndumi: U Bwīte Ubukulumba Ukukinda-gõsa Ubu Bulwīgwèmo Siku. 62-0311
Masimbo:
1 Peteri 5: 8-10
Baefesi 6: 10-17
Daniel 12: 1-7