Mharidzo: 65-0822E Sefa YeMunhu Anofunga
Mudiwa Mwenga waKristu,
Uyai tibatane pamwe chete na 12:00 masikati, nguva ye Jeffersonville, kuzonzwa 65-0822E Sefa yeMunhu Anofunga
Hama Joseph Branham
Mharidzo: 65-0822M Kristu Anozarurwa MuShoko RaKe Omene
Mudiwa Mambokadzi,
Zvino Mwenga nhasi unotorwa kubva pamutumbi waKristu, uyo urikuita nokuita chaizvo sezvaAkataura kuti Zvichaita muzuva rino, Mwenga, Mambokadzi; Mambo naMambokadzi.
Jesu paakava Shoko iroro rose, takabva tave chikamu chaKe. Hakuna dhimoni, kana simba, hapana kana chinhu chingazvitora kubva kwatiri. Ndiyo hoko yemunhu wemukati.
Rumutsiriro rwakadini rwuri kuitwa neMwenga neMharidzo yega yega yatinonzwa. Zvinopfuura mashoko angataurwa nemunhu. Hapana kana mumvuri wekupokana, Mwari vakatisarudza nekutipa Chizaruro CHECHOKWADI cheShoko raVo chanhasi. Nokudaro, tinoziva kuti tiri vanaani, Mambokadzi Wake.
Inzwi raMwari rinotaura kuMwenga waKe pamatepi riri kukwanisa Mwenga waKe. Hakuna imwe shumiro, hapana rimwe inzwi; hapana chinhu chingakwanisa Mwenga wake kunze kwaMwari pachaKe achitaura nemuromo wemunhu zvakananga kuMwenga wake. Vamwe vangada chinotsiva, asi Mwenga waKe hapana chimwe chaanoda kunze kweIZWI raKe, tsamba yaKe yerudo kuMwenga wake; nokuti Makwai aKe anongoda chete kunzwa Inzwi raKe.
Vanhu vanoti tinonyanyokoshesa muporofita. Zvinoshamisa kuti vanhu havacherechedzi kuti Babavakuru veKudenga Vamene vakaitira hanya zvikurungirozi Yavo zvokuti Vakaisa hukoshi hwakadaro pazvinhu zvose pamusoro pake; mapfekero aaiita, maitiro ake, hunhu hwake, netumwe tumaitiro twake.
Akatomupfekedza mhando yenguvo dzaaipfeka; hunhu hwake, vavariro yake, zvese nenzira yaaifanira kunge ari, akanyatsosarudzwa naMwari paChake kuitira isu…zvino moti tinonyanyokoshesa muporofita.
Kwatiri, Inzwi riri pamatepi harisi shoko romunhu, Harina kutaurwa nomunhu, kana kuunzwa nomunhu, uye harigone kuzarurwa nomunhu. IShoko raMwari rakazarurwa naMwari pachaKe, Mududziri paChake, Kristu achiZvizarura muShoko raKe.
Vamwe vanogona kunzwa, asi vasinganyatsocherechedza. Unogona kuvaudza, kuvaratidza, asi havagone kuzviona. Tinovada, tinovanamatira, asi Mwari zvavakaratidza kwatiri ndiko Kukwanisa Kwake.
Heino Litmus test maringe nekupatsana kukuru pakati peMwenga waKristu nhasi vanoti vane Chizaruro chechokwadi cheShoko renguva yekuguma.
Dudziro ye shoko rekuti Litmus test: Chinhu chimwe, chiratidzo, mubvunzo, kana chiitiko chinokurumidza kuratidza hunhu, hunaku kana hushati, kana chimiro chechinhu (kana chemunhu).
Regai nditi zvakare, ndinotenda muhushumiri hwechokwadi hwakadanwa naMwari. Hofisi yega yegainodikanwa, uye ine nzvimbo yayo. Magwaro anotihushumiri hwevarume ava ndehwekukwaniswa kwevatsvene, asi haati hushumiri hwese hwakapetwa kashanu huchakwanisa vatsvene. Hama Branham vanotiudza pachena kuti hushumiri muzera rega rega hunotsauka, saka HUNO kwanisa sei Mwenga?
Kune vaparidzi vakawanda, vadzidzisi, vaapositori nevaporofita vakaparidza kuti vanotenda Shoko renguva yekuguma uye kuti Hama Branham vaive Inzwi raZvakazarurwa 10:7, avo vave kuti zvino inhema, munyengeri, uye kuti isu tiri boka rakatsauka.
Ava vaive vashumiri vairemekedzwa zvikuru vaive neungano huru vaifamba pasi rose vachiparidza. Vaionekwa sevatungamiri vakuru mu 5-fold ministry, vachiparidza muma Conventions nemumakereke muUnited States yose. Vaive neshumiro huru mumaziso evanhu, uye vanhu vakavatevera vachivatenda kuti vaiva vanhu vakuru vaMwari.
Uyezve kune vashumiri nhasi vanozivikanwa zvikuru sevashumiri ve 5-fold yechokwadi vanoti vanotenda Shoko reNguva nokutora zvinokorwa nokuriparidza, asi vanotiwo Shoko reNguva harisi Mhedziso. Mazuva eMharidzo yemunhu mumwe akapera. Hushumiri hwakapetwa kashanu ndihwo hwave kukwanisa Mwenga, uye zvakaipa kuridza matepi muchechi, kungotaura zvishoma zvavanotaura.
Tinoziva kuti pachava nevazodziwa venhema munguva yekupedzisira; muporofita akatiyambira kuti tivachenjerere. Hushumiri hwavo hunenge hwakazodzwa. Vanenge vaneMweya Mutsvene, nokudaro vachataura zviri muShoko reN guva. Vanenge vari PEDYO ZVIKURU zvekunyengera vasanangurwa chaivo dai zvaibvira.
Avo HAVASI masangano. Masangano haagonikunyengera vasanangurwa. Saka, zvinofanira kunge zviri pedyo kupfuura izvozvo. Izvi hazvireve kuti Mushumiri WESE akarasika, kwete.
Kune vanhu vakuru vaMwari vanoparidza nekudzidzisa chokwadi, asi pane chimwe chinhu mutendi wese chaanofanira kuziva nekuzvibvunza kuti:
Mushumiri wauri kutevera anogona kukanganisa here?
Ungati ameni kushoko rose raanoparidza here?
Unotenda here kuti Shoko rose raanodzidzisa iZvanzi naJehovah?
Inzwi rake ndiro Inzwi rakakoshesesa here raunofanira kunzwa?
Anogona kuparidza zvisiri izvo here?
Anogona here kurasika kunyange aparidza Shoko iri kwemakore makumi matatu? Anogona kukundika here?
Anogona kukuudza zvinhu zvisiri izvo here?
Anogona kunyengerwa here?
Zvino zvibvunze mibvunzo mimwecheteyo pamusoro peInzwi raMwari rakasimbiswa raunogona kunzwa pamatepi.
Shoko riri pamatepi ringakanganisa here? KWETE
Unogona here kutenda uye kuti AMEN kuShoko rose raanotaura? HONGU
Rinogona Kukundika here? KWETE
Rinogona kuparidza zvinhu zvisiri izvo here? KWETE
Rinogona kukuudza zvisiri izvo here? KWETE
Unogona here kuisa ramangwana rako rekusingaperi paShoko rega rega raunonzwa…HONGU!!!
Inzwi raMwari here: HONGU
Sei ndiri kutaura zvinhu izvi? Kuratidza kuti vanhu VOSE vanokwanisa, uye vanogona kukanganisa, asi INZWI RAMWARI pamatepi harigoni kukanganisa. Ndiko kusaka Riri INZWI rakakoshesesaRAUNOFANIRA KUNZWA. Ndiko kusaka hushumirihuchifanira kuridza matepi mumakereke avo. Ndiyo NZIRA yaMwari YAKAKWANA YAKAPIWA kuMwenga wake.
Zvirokwazvo, ndinotenda kuti unogona kunzwa vamwe, asi Inzwi roga raUNOFANIRA KUNZWA uye kutenda Shoko rose Inzwi riri pamatepi. Inzwi iroro NDIROCHETE ratinogona kuti AMEN kuShoko rose.
Ndiwo murairo waMwari, unofanira kutenda Shoko rose, uye Shoko raunonzwa pamatepi ndiro SHOKO CHETE rakasimbiswa neShongwe yeGore reMoto kuti ichokwadi. Mwari wakati William Marrion Branham ndiye chete mududziri wemweya weShoko Rake, nokuti harisi shoko rake, iShoko raMwari.
Usashandura donhwe kana chidimbu chimwe. Hakuna munhu akakwana zvakadaro; Inzwi raMwari chete ndiro rakakwana kudaro. Kunyangwe tisinganzwisise zvatinonzwa, tinongofanira kutenda kuti Inzwi raMwari rakasimbiswa kuMwenga wake.
Zvirokwazvo, Mweya Mutsvene uri kutungamirira vanhu vaMwari. Zvirokwazvo, Mweya Mutsvene wakavadana kuti vave vafundisi nevaparidzi nevadzidzisi; ichokwadi, asi hatingati vakakwana zvizere. Asi Mwari vakagadzira nzira yekuti munogona kunzwa SHOKO RAKAKWANA pese pamunoungana.
Vanhu, pamwe chete nehushumiri, vari kuda zvinotsiva nhasi. Fungai munhu achiita kumushumirti zvavanoita kuHama Branham?…“Ndichakupai maminitsi makumi matatu momira, ndine mharidzo yandinofanira kuunza. Munogona kunzwa matepi chero nguva. Ndinoziwa zvinofanira kunzwika ne ungano ino zvezuva ranhasi. Vazhinji havatomboridzi kana chikamu chetepi, uye vanoti zvakaipa kuridza Inzwi raMwari mumachechi avo.
Pane munhu ane pfungwa dzakanaka here angafungidzire mushumiri angaita pembedzo, chero chikonzero, kusaridza Inzwi raMwari muchechi yavo nokuti anotenda kuti anofanira kuparidza? Vanozvitaura, asi havatendi kuti Inzwi raMwari, dai vaizvitenda havaimbopa pembedzo yekusaridza matepi.
Munhu angati sei anotenda kuti iri Inzwi raMwari uye osada kuriridza muchechi yake? Ko vanhu vanozviti vanotenda kuti Inzwi raMwari ririkutaura uye vasingamanikidze vafundisi vavo kuti varidze matepi mumachechi avo? Nokuti vane mweya mumwe chete.
Usaita saNikodhimo woti, “Ndinozviona uye ndinozvitenda. Mwanakomana woMunhu arikuzviratidza munyama yemunhu. I Zvanzi naJehovah. IMharidzo yakakwana. Inzwi raMwari pamatepi, asi handikwanisi kuderedza shumiro yangu ndoti Inzwi iroro ndiro rakanyanya kukosha kuti chechi yangu inzwe.”
Hama nehanzwadzi, munogona kusabvumirana neni chaizvo pane izvi. Handikumbiri kuti mudaro. Chinhu choga, nyatso zvifungei. Zvaunondiudza, ndichazvifunga. Kana vashumiri vachiti kumachechi avohavatendi mukuridza matepi mumachechi avo, zvakanaka, hama yangu. Vape zvokudya chero zvaunoda.
Ndiri kuedza nepandinogona napo kugara neShoko, nokuti makwai haadi chimwe chinhu kunze kwezvokudya zvamakwai uye tinotenda kuti Inzwi riri paMatepi ndicho Chikafu chedu chemaKwai.
Ndizvo zvatinorarama nazvo: Shoko rose rinobva… Kwete Shoko apo nepapo; asi Shoko rose rinobuda mumuromo maMwari rinotaurwa pamatepi; ndizvo zvatinorarama nazvo.
Mwari ndiregerereiwo imi mondiregererawo kana ndakugumburai kana kutaura zvisina kunaka. Izvi ndizvo zvatinotenda nekuona kuti iChokwadi chatinorarama nacho. Mwari vakatipa NZIRA YAKAKWANA yekunzwa Izwi rake uye tinoida.
Senguva dzose, ndinokoka munhu wose anoda kubatana nesu kuti tinzwe Inzwi Iroro panguva imwe cheteyo, kuti abatane nesu na12:00 masikati, nguvayeJeffersonville, apo tichange takabatana seChinhu Chimwe tichinzwa: 65-0822M Kristu Anozarurwa MuShoko Rake Pachake.
Hama Joseph Branham
Magwaro ekuverenga tisati tanzwa Mharidzo:
Eksodho 4:10-12
Isaya 53:1-5
Jeremia 1:4-9
Maraki 4:5
Ruka 17:30
Johani 1:1 / 1:14 / 7:1-3 / 14:12 / 15:24 / 16:13
VaGaratia 1:8
2 Timotio 3:16-17
VaHebheru 1:1-3 / 4:12 / 13:8
2 Petro 1:20-21
Zvakazarurwa 1:1-3 / 10:1-7 / 22:18-19
Mharidzo: 65-0815 Uye Vasingazvizive
Vadiwa Vasanangurwa.
Kuberekwa kutsva ndiKristu; chizaruro. Mwari vazarurakwauri chakavanzika chikuru ichi, uye ndiko Kuberekwa kutsva. Zvino uchaitei kana waunganidza boka rose iroro pamwechete? Apo chizaruro chave kunyatsoenderana,
Mwari vari kuunganidza boka rake rose reZvapungu pamwe chete mukuwirirana kwakakwana, achizaruraShoko raKe kuMwenga wake.
Nzira yaMwari yekuva namambo, sezvakanga zvakaita Davidi, yakanga yakarurama, uye nepfungwa imwe pakananga zvose. Semutungamiri mumwe weboka remadhadha, kana zvakadaro, haukwanise kutora maviri kana matatu kutungamirira. Ukadaro, unozvikanganisa, wopedzisira wava nepfungwa chero.
Zvino chii chatinofanira kuita, Ishe?
Chinhu choga chaunofanira kuita kungoita kuti Inzwi Rangu rizivikanwe; vanoriziva, nokuti makwai Anguanoziva Inzwi Rangu.
Chii Inzwi Renyu rakakwana kuzuva ranhasi, Ishe?
Kana ndakugumburai nekutaura izvozvo, ndiregererei, asi, ndanzwa kuti izvozvo zvine wazvatsamwiswa, asi, Ndiri Inzwi raMwari kwamuri.
Tinozvitenda nemwoyo yedu yese. Ndiwo manzwiro atinoita, Ishe.
Havafanire kushandisa sainzi kujekesa chinhu chipi zvacho, kana kubvunza chero muSadhusi kana muFarisi, kana chimwe chinhu, pamusoro pazvo. Ndakazvitaura, vanozvitenda, nokuti makwai aNgu anonzwa Inzwi raNgu.
Chii Inzwi riri pamatepi kuMwenga Wenyu?
Iri iInzwi raMwari muchimiro chezvinyorwa, nokuti Ichi ndicho chizaruro chose chaJesu Kristu, Testamente Yekare neItsva pamwechete. Ameni. Hezvoka izvo.
Matepi achiri kukosha here nhasi?
Ndinoziva kuti, mushure mokuenda kwangu kubva panyika pano, matepi nemabhuku aya achange achirarama, uye vazhinji venyu imi vechidiki muchaona, mumazuva anotevera, kuti izvi iChokwadi chaicho,…
Ishe, tinotenda kuti matepi nemabhuku ishumiro yeNyu mhenyu, inorarama yaMakasiira Mwenga Wenyu.
Sei matepi ari INZWI RAKAKOSHESESA kwatiri kuti tinzwe?
Tiri muzera rinonyengera zvikuru kupfuura ose atakamborarama maari. “Zvinogona kunyengera Vasanangurwa chaivo dai zvaigoneka,” nokuti vane chizoro, vanokwanisa kuita chero sevamwe vavo.
“Ani nani anowedzera shoko rimwe chete kune Izvi, kana kubvisa Shoko rimwe kubva kwaRiri.” Unofanira kuva neyaunoti mhedziso.
Saka, Mhedziso yedu inofanira kunge iri Shoko raMwari. Makaratidza kwatiri kuti Shoko raMwari neInzwi raMwari zvakafanana. Inzwi ipfungwa chaidzo dzaMwari dzakataurwa, sezvoMakaita nevaporofita pamakanyora Bhaibheri; asi muzuva rino rokupedzisira, Makachengetedza Shoko reNyu, Inzwi reNyu, nokuRirekodha nokuRiisa pamatepi. Saka, Inzwi reNyu rakataurwa pamatepi ndiyo mhedziso yeMwenga.
Vanhu havafungi kuti zvakakosha kuridza Izwi mukereke yavo nhasi. Vanodzidziswa mumakereke avo kuti Hama Branham havana kumboti ridzai matepi mukereke, vanofanira kungonzwa vafundisi vachishumiranekutaura zvitaurwa zveShoko.
Zvino kana kerekei iriyo mhedziso yako, hauite hanya nezvinotaurwa nemunhu. Ndiyo mhedziso yako. O Mwari, batsirai kuti izvi zvinyure! Kwandiri, zvose zvakatsveyama. Shoko raMwari ndiyo mhedziso. Chero zvinotaurwa neShoko iroro, ndizvozvo.
Akange akamirira kuti vamukoke. Ndizvo zvaAkamirira manheru ano, kuti iwe uMukoke. Cherechedzai, vadzidzi vaya pavakaMukoka kuti apinde mukuyanana kwavo patafura,…
Ko munhu angati, kana kupembedza, kana kupa zvikonzero, uyo anotaura kuti anotenda Shoko rino renguva yekupedzisira, kusaridza matepi mumakereke avo kana awana mukana wekunzwa IZWI CHAIRO RAMWARI? Ndiwo Mashoko akataurwa naMwari kubudikidza nemuromo wemunhu muporofita Wake wakazodzwa. Inzwi CHETE rakasimbiswa neShongwe yeGore reMoto, rikaratidzwa nekuziva zvakavanzika zvemwoyo, rikasimbiswa nezviratidzo nezvishamiso, kuti Inzwi raMwari kuchizvarwa chino.
Zvingaita sei kuti munhu awane CHERO chikonzero, tsananguro, kana kusave nechishuwo chekunzwa Inzwi raMwari nguva yega yega yavanoungana?
Ishe, ngandirege kutora Inzwi reNyu pamatepi sezvisina maturo. Regai ndizivise nyika yose nguva dzose kuti ndiro Inzwi CHETE ravanofanira kunzwa. Regai ndishambadzire kuMwenga Wenyu, CHAVANONGODA CHETE IZWI RENYU PAMATAPI.
Tinofarira kutaura pamusoro peNyu nekutaura zvitaurwa zveShoko reNyu, asi hapana chikuru chaMaigona kuitira Mwenga Wenyu chinopfuura kutipa Shoko reNyu pamusoro peShoko, Chizaruro cheInzwi reNyu, uye nekucherechedza kuti TIRI VANAANI, MWENGA WENYU WAKATENDEKA.
Ndaigona kuenderera, nekuenderera mberi, tichiyanana pamusoro pechizaruro chikuru chatakapiwa naMwari. Hazvina magumo; asi chinhu chikuru chandaigona kuita kukukokai kuti muuye muzvinzwire Inzwi raMwari nechikamu cheMwenga musi uno weSvondo na12:00 masikati, nguva yeJeffersonville, patichanzwa: 65-0815 – Uye Haasi Kuziva.
Hama Joseph Branham
Magwaro ekuverenga:
Zvakazarurwa 3:14-19
VaKorose 1:9-20
Mharidzo: 65-0801E Zviitiko Zvichijekeswa NeChiporofita
Mharidzo: 65-0801M Mwari WeZera Rino Rakaipa
Mudiwa Mhandara duku, Shoko, Boka, Mwenga waKristu:
Mwoyo yedu yakafara sei patakanzwa ngirozi Yake ine simba ichidanidzira kuti tiri Mbeu yakatemerwa yaMwari isingagone kuita chimwe chinhu kunze kwekutevera Inzwi Rake. Zvinoreva zvinopfuura upenyu kwatiri. Unogona kutora hupenyu hwedu, asi haugone kutora Inzwi Rake. Tiri Mumwe neShoko Rake. Tiri Mumwe neInzwi Rake. Tiri Mumwe Naye.
Zvinoita sezvinoshamisa kwatiri kuti hatinzwisiswi uye tinosekwa nokuti tinoti tinotenda mukuridza matepi; kuti Inzwi raMwari ririkutaura kuMwenga Wake. Satani anoita kuti vanhu vanyengereke pakufunga kuti isu patinoti tiri chechi yematepi, kuti chimwe chinhu chirikunze kweShoko, chinhu chakaipa, uye kuti tiri kutsauswa, asi apo nguva yose Iriyo nzira yaMwari yakakwana yakapihwa Mwenga wake.
Zvingave sei imwe nzira? Kana ukadudzira zvisiri izvo Shoko rimwe chete rakataurwa, wakarasika. Vanogona kunge vaine vavariro nechinangwa chakanaka, asi zvisiri izvo. Munhu anogona kuzodzwa neMweya Mutsvene asi akatsveyama.
Dai Mwari vasina kupa nzira yekuti Mwenga Wakeazvinzwire ega Shoko rose, ipapo paizova neimwe nzira. Asi Akapa nzira yekuti munhu wese ari panyikaave nomukana wokunzwa Shoko richitaura zvakananga kwavari pasina kuti zvidudzirwe, kutsanangurwa, kana kujekeswa. Zvose iZvanzi naJehovha…Zvoga!
Tese tinobvumirana kuti tinofanira kugara neShoko kuti tive Mwenga wake.
Ndinotenda kuti zvose zvatinoda zvakanyorwa Ipapa, zvinongoda kududzirwa noMweya Mutsvene. Handitendi kuti chero munhu panyika ane kodzero yekuisa dudziro yake kuShoko. Mwari havadi chero munhu kuti adudzire Shoko ravo. Ndiye Anozvidudzirira Shoko Rake. Akati Achazviita, uye Anozviita.
Zviripachena, Ishe vakataura nekuzarura kuMwenga wake kuti hapana imwe nzira yekuva Mwenga wake akasarudzwa asi kugara neShoko Rake. Mwari pachaKe anodudzira Shoko Rake, uye hapana ane kodzero yekuwedzera dudziro yake paRiri.
Shoko rinotiwo MUPOROFITA Wake ndiye mududziri weShoko Rake. Ndiye Inzwi raMwari kuvanhu. Zvaanotaura iShoko renguva yedu.
Nokuteerera Inzwi raMwari pamatepi, tiri chiporofita chiri kuzadzikiswa.
Hapana chimwe chine simba, chinoyera, chinogutsa, hapana chakakwana sekuteerera kuInzwi raMwari rakasimbiswa richitaura kwauri.
Apo vamwe vachiti hapana zviripo, zvapungu zvirikuvungana uye zvichifara nomufaro mukuru kwazvo, zviine gutsikano yokuti zviri kuchengeta Shoko raMwari. Akatiudza kuti kana une muchina wematepi, unganidza boka revanhu, wouridza, uye wonyatsoteerera. Nenyasha netsitsi Dzake, ndizvo chaizvo zvatiri kuita.
Mwari akatidana kubva muchizwarwa chino chakaipanokuda kwezita Rake. Tiri kupinda nemumiyedzo yakawanda zvisina kumboitika kare. Satani ari munzira yehondo sezvo achiziva kuti nguva yake yapera. Unogona kuzvibvunza kuti, sei ndiri kupfuura memuzvinhiu zvese izvi, ini ndiri Mwenga wake?
Uri kuratidzwa, kuedzwa, uye kuratidza Satani, TIRI MWENGA WAKE. Tiri Shoko riri munyama. Tinogona kutaura Shoko uye Rigoitika. IZVANZI NAJEHOVHA.
Tine Inzwi raMwari ririkutaura zvakananga kuna Satani uye richimuudza kuti:
Satani, wakakundwa. Uri murevi wenhema. Uye, semuranda waMwari, uye sevaranda, tinoraira nemuZita raJesu Kristu, kuti uteerere Shoko raMwari, uye ubude muvanhu, nokuti zvakanyorwa, “MuZita Ranguvachadzinga mweya yakaipa.”
Chipi zvacho…CHIPI ZVACHO chatinoda, tinongokumbira, totenda toramba takabata. Zvinogona kuratidzwa pakarepo; zvinogona kutora vhiki, mwedzi, gore. Hazvinei zvatinoona kana kunzwa, ZVINONGA ZVATOITIKA IPAPO.
Shumiro yega yega patinoungana pamwe chete inowedzera kukura nekukura kuZvapungu zvaMwari. Takaungana mukufunga nemukuwiririrana kumwe, takagara pamwechete munzvimbo dzeKudenga, tichiteerera kuInzwi richitaura kwatiri nokutinatsa neShoko Rake.
Tingafara kuti mubatane nesu musi uno weSvondo na12:00 masikati, nguva yeJeffersonville, patichanzwa Inzwi raMwari richitaura kwatiri zvakare uye richitiunzira dudziro yeShoko Rake Pachake.
Hama Joseph Branham
Mharidzo: Mwari Wechizvarwa Chino Chakaipa 65-0801M
Magwaro ekuverenga tisati tanzwa Mharidzo:
Mateo chitsauko 24/27:15-23
Ruka 17:30
Johani 1:1/14:12
Mabasa 10:47-48
1 VaKorinte 4:1-5/14
2 VaKorinte 4:1-6
VaGaratiya 1:1-4
VaEfeso 2:1-2 / 4:30
2 VaTesaronika 2:2-4; 2:11
VaHebheru chitsauko 7
1 Johani chitsauko 1/3:10/4:4-5
Zvakazarurwa 3:14 / 13:4 / chitsauko 6-8 uye 11-12 / 18:1-5
Zvirevo 3:5
Isaya 14:12-14
Mharidzo: 65-0725E Chii Chiri Kukwezva Meso PaGomo?
Vadiwa Zvapungu zviriKuvungana
Chii ichi chinokwezva zvikuru chiri kuitika pasi rose? Vanhu vanobva kumativi ose enyika vachiungana na12:00 masikati nguva yeJeffersonville, vakagara mudzimba dzavo nemachechi avo netarisiro huru, vakamirira kunzwa Inzwi raMwari richitaura kwavari.
Zvinoshamisa uye zvinoita sezvisina musoro kunyika kungoteerera matepi. Vanoti tinogona kunzwa matepi chero nguva. Hapana Nyaya iripo pakuteerera panguva imwe chete. Unofanira kuteerera kushumiro mhenyu, muparidzi, kwete matepi chete. Vakarambira mutsika dzavo.
Hakuna zvakadai zvakamboitika munhoroondo yepasi rose. Chii chiri kukwezva vanhu ava kuti vabatane panguva imwe chete kuti vanzwe Inzwi iri richidana kuMwenga wake? NdiMwari vari kuzadzikisa Ruka 17:30. NdiMwari vari kuzadzikisa Zvakazarurwa 10:7. NdiMwari vachizarura VaHebheru 13:8, Merikizedheki munyama yemunhu, sezvaAkaita kuna Abrahama.
Vakamirira uye vachishamisika, kuti Achati kudii? Chii chichaitika paAnotanga kutaura? Vanoda kuvapo parunhare kuti vawane chero chaAnotaura. VanoZvida. Vanoda kuZvinzwa zvose panguva imwe chete neMwenga pasi rose. Nokuti vanotenda kuti iye inzwi rakasarudzwa naMwari kuti rive Inzwi Rake kuti ridanenokutungamirira Mwenga Wake.
Kunyange vakaparadzana maawa akawanda munguva, asi vose vari pamwe chete seCHINHU CHIMWE, vakateya nzeve, vachiteerera kuInzwi iroro richitaura kwavari kubva kuHome Chechi. Vakagara muhupo hweMwanakomana, vachiibva uye vakamirira Kuuya kwaMesia.
Mwoyo yavo iri kutakwaira. Mweya Mutsvene uri kuzarura kwavari zviri kuitika. Mwari akamirira kusvika zuva ranhasi kuti aratidze Shoko Rake nekuunganidza Mwenga Wake. Zviri kuitika, uye ivo chikamu chaZvo. Chokwadi chezviri kuitika chiri kupinda mumwoyo yavo. Vakaverenga nezvazvo muMagwaro kwemazana emakore, asi zvino zvave kuitika. Chizaruro cheShoko chave kuratidzwa kubudikidza navo. Zvakaporofitwa nemuprofita zvave kuzadzikiswa.
Pavanenge vagere pasi pechizoro chikuru cheInzwi Rake guru, Anodanidzira kwavari kuti vagadzirire….nokuti manheru ano Achanamatira mumwe nomumwe wavo. Anotiudza paAnotanga kunamata, endai munoisa maoko pamusoro pevanorwara, nokuti Hupo hwaMwarihukuru, huri kwese-kwese kwavari, zvisinei kuti varikupi…Texas, uko kuCalifornia, uko kuArizona, South America, kunyange mutumba turi mumasango ari kune rimwe divi renyika. Pose pavanenge vachiteerera parunhare, isai maoko pamusoro pomumwe nomumwe patinotanga kunamata uye Mwari achapodza mumwe nomumwe wavo… kana vakatenda, nokuti iZVANZI NAJEHOVHA.
Vavekunzwisisa zvino kuti muzera rega-rega uye nemuprofita wese akambovepo kana kuti achazovepo, pachave nechitsama chevanhu vakafanotemerwa kuti vanzwe Shoko irori, uye vachaRitevera. Vachafuratira mhomho. Vachafuratira kutsoropodza kwemunhu asingatendi anoti zvakaipa kana anoti haisi nzira yakapihwa naMwari. Havana nharo navo. Vane chinhu chimwe chete chavaNOFANIRA KUITA, kutenda uye kuti vawane chese chaVanogona, kuzvimedza mukati saMaria akagara patsoka dzaJesu. Havanyare, vanodada kutaura kuti ndiri mukomana wematepi kana musikana wematepi anodzwanya nokuridza.
Inzwi iroro rakatovayambira kare kuti kuchava nevazodziwa munguva yekupedzisira vachange vaine chizoro chikuru, Mweya Mutsvene. Vanotora Zvakataurwa nemuporofita neShoko renguva; vanozviti vatendi, asi vari vazodziwa venhema.
Vanenge vari pedyo nechizoro chechokwadi zvekuti dai zvaigoneka zvaitonyengera vasanangurwa chaivo, asi vanoziva kuti havanyengedzeki, nokuti IVO ISHOKO. Ndivo Mwenga wechokwadi vakagara neInzwi raMwari.
Inzwi iroro rinozivisa kwavari kuti muzuva rino hazvifanani nemuchero weremani, kana grapefruit. Izvozvo zviri nyore kuona mutsauko. Asi uchange uri michero wakaita setanjelo, hafu remani, hafu orenji, zvakasanga. Zvicharatidzika seranjisi, asi zvisiri, nokuti bazi idzva richange rakaita serepakutanga zvachose. VachaGARA ne’Nzwi Shoko repakutanga. Havatore mukana. Vachagara naiye, uyo Mwari pachaKe akadanidzira kuti ndiye INZWI RAKE, SHOKO RAKE, rakasimbiswa neShongwe yeGore reMoto.
Chii chiri kuitika?
Mbeu yakatemerwa yaMwari haigoni kuita chimwe chinhu kunze kwekutevera nokuteerera kuInzwi iroro, nokuti Rinoreva zvinopfuura hupenyu kwavari. Unogona kutora hupenyu hwavo, asi haukwanise kutora Inzwi iroro.
Chii chiri kukwezva?
Mwari, semazuva ose, vachizadzisa Shoko ravo.
Huya ubatane nesu uye uve chikamu chechiporofita chemuporofita chiri kuzadzikiswa musi uno weSvondo na12:00 masikati, nguva yeJeffersonville, patichanzwa Magwaro achiratidzwa.
Hama Joseph Branham
Mharidzo: 65-0725E “Chii Chinokwezva Pagomo?”
Magwaro:
Mateo 21:1-4
Zekaria 9:9 / 14:4-9
Isaya 29:6
Zvakazarurwa 16:9
Maraki 3:1 / Chitsauko 4
Johani 14:12 / 15:1-8
Ruka 17:22-
Mharidzo: 65-0725M Vazodziwa Panguva Yokuguma
Vadiwa Zvapungu Zviri Kuvungana,
Musoro wega chete weMharidzo yevhiki rino unozarura kumwe kujekerwa kweMweya Mutsvene kuMwenga. Kufunga kuti kuchave nevarume vakazodzwa vechokwadi vachamuka muzuva rino, nechizoro chechokwadi cheMweya Mutsvene mumwe chete waiva pamuporofita wedu, asi vari venhema.
Shoko rinotiudza kuti vachaita zviratidzo nezvishamiso, vachigamuchira mvura imwe chete, maropafadzo mamwe chete semuporofita wechokwadi. Vanhu vachabva kuShoko rechokwadi rakasimbiswa rezuva ranhasi vachitevera ruchiva rwavo, vachizviunganidzira vadzidzisi, vane nzeve dzinowavarira kunzwa zvakawanda. Zvichange zviri pedyo zvikuru neShoko chairo kusvikira pedyo pekunyengera Vasanangurwa.
Kuzodzwa ikoko kunenge kuri pedyo sei? Zvichava nyore here kuziva chokwadi nenhema? Muporofita akatiudza kuti Mambo Davidi, murume aive pamwoyo waMwari pachake, aine chizoro paari, akawana chizaruro chechokwadi; asi zvakange zvisiri izvo.
CHII!! Rega izvozvo zvinyure mukati kwechinguva. Mambo waMwari akasarudzwa aive nechizoro chechokwadi uye chizaruro chechokwadi, asi zvakatsweyama! Makwayana aMwari anofanira kungwarira zvikuru kuti vazive kuti zvavari kunzwakuzodzwa kwechokwadi kana kwenhema; nokuti magumo avo ekusingaperi akazemberra pasarudzo idzodzo.
Tinoziva kuti Mwari akaisa vashumiri vazhinji vechokwadi vakazodzwa kuti vabatsire kutungamirira uye nekuchengeta Mwenga wake muShoko. Shoko rake rinotaura kudaro, uye Tinotenda zvikuru Jehovha nokuda kwomumwe nomumwe wavo. Vakadanwa kuti vave vafudzi vemapoka avo. Vanofanira kuachengeta muShoko. Mukuita kudaro, havafanire kutadza kuridza Inzwi raMwari CHETE rakasimbiswa kumakwai avo.
Sezvotichangonzwa kuti munhu wese anogona kukanganisa sei, kunyangwe aine chizoro chechokwadiuye nechizaruro chechokwadi. Asi Mwenga anogona kuzorora chaizvo, nokuti Mwari akavapa nzira yakakwana yokuti vagare vachinzwa CHIZORO CHECHOKWADI, CHIZARURO CHECHOKWADI, ZVANZI NAJEHOVHA YECHOKWADI; KUNGO DZWANYA NOKURIDZA.
“Pane Mutumbi”, ndipo pane Manna, ndipo pane Shoko, “ndipo pachaungana zvapungu.”
Pane Mutumbi ndipo isu, Zvapungu, patichaungana. Pane Nyama ichangobva kuurawa, Shoko remwakaiwoyo, Shoko renguva. Uye hapana nzvimbo itsva yokudyira Manna iyoyo kupfuura kunzwa Inzwi raMwari richitaura Iye paChake.
Ndiro Shoko Rake. “Munhu haangararami nechingwa chete, asi neShoko rose.” Maona? Vakatemerwa vanoziva izvi. “Shoko risinganzwisisike, kana izwi risinganzwisisike, havateveri.”
Chikonzero tisinga, uye tisingagoni kunyengerwa, ndechokuti tiri Shoko neChizaruro ichochi. Hatigoni kuva chimwe chinhu. Hatigoni kunzwa chimwe chinhu. Hapana chimwe chatinoziva.
“NDIRI!” Kwete “Ndakanga ndiri, kana kuti ndichave.” “NDIRI,” nguva yazvino, Shoko ikozvino. Kwete Shoko rakanga riripo, kana Shoko richauya; Izwi riripo nhasi. Maona? Mazvibata here? “NDIRI!” “NDIRI” iShoko. “Pakutanga Shoko rakange riripo, uye Shoko rakanga riri kuna Mwari.” Ndizvo here? “NDIRI.” “Mwari wakandituma semuporofita Wake, kuzosimbisa izvi kuti ichokwadi. Ndini mhinduro kuShoko iri, akandiudza kuti ndiuye nekuita izvi.
Uye paakazviita, Farao akati, “Zvakanaka, tine vakomana vakawanda muboka redu vanokwanisa kuzviitawo,” vaedzeseri.
Jesu akati, “Zvino, zvichadzokorora zvakare mumazuva okupedzisira,” maona, vachiita zvimwe chetezvo.
Rumbidzai Jehovha. Taura nezvesimbiso kuMwenga. Kana wave neChizaruro ichi, ipapo uchaziva kuti uri Mwenga Wake wakasanangurwa, akatemerwa, anodikanwa.
Nokuteerera Inzwi raMwari pamatepi, tirikuteerera kuMwanakomana woMunhu, uyo anova Kristu. Ndiyewatiri kudya paari. Hatisi kudya pamunhu; munhu, mashoko ake anokundika. Asi tiri kudya paMutumbi-Shoko risingakundike reMwanakomana weMunhu.
Kana uchida kuva nechokwadi chakazara chekuti urikuteerera ZVANZI NAJEHOVHA, huya ubatane nechikamu cheMwenga musi uno weSvondo na12:00 masikati, nguva yeJeffersonville, apo patichanzwa Inzwi raMwari richizarura zvose kwatiri pamusoro pevazodziva munguva yekupedzisira.
Hama Joseph Branham
Mharidzo: Vazodziwa Panguva Yokupedzisira 65-0725M
Magwaro:
Mateu 5:44-45 / 7:21 / 24:15-28
Ruka17:30 / 18:1-8
Johane 14:12
VaEfeso 1:5
2 Timotio 3:1-8
VaHebheru 6:1-8 / 11:4
Zvakazarurwa 10:1-7 / 16:13-14
Maraki 4:5
1 Madzimambo 22:1-28
Jeremiya: Chitsauko 27 ne2
Mharidzo: 59-0510M Zuva RaAmai
Mudiwa Mwenga,
Zvino, ndino funga kuti hapana rumekedzo rwakakura rwatingapa kuna amai.
Amai vedu ndivo vekutanga nesu, uye vakapihwa basa guru rekuti tizove zvatichava uye nenzira yatinofanira kufamba. Vakapihwa mutoro kubva kuna Mwari wekutiisa panzira kwayo. Ndosaka vana amai vaine kabatiro kakatsaurwa, kavakapihwa kubva kuna Mwari.
Maropafadzo akatsaurwa sei atakachengeterwa musi uno we Svondo, paticharemekedza vana Amai vose, patichanzwa mutumwa waMwari wechinomwe achitsanangura rudo nerukudzo urwo vana amai vedu vanarwo mumwoyo yedu.
Tinoziva kuti zuva rega rega iZuva raAmai, asi musi uno weSvondo tichapa ruremekedzo rwakatsaurwa kuna vana amai vose patichanzwa muporofita achivaremekedzapaakataura makore 67 apfuura musi mumwe chete sanhasi Chivabvu 10, 1959.
Hama Joseph Branham.
Mharidzo: Zuva raAmai 59-0510M
Nguva: 12 masikati, nguva yeJeffersonville
Magwaro: I Vakorinde 15:1 – 4
Mharidzo: 65-0718E Chikafu ChepaMweya MuMwaka Wakafanira
Mudiwa Mwenga
Inzwi ratinofarira kunzwa tose richataura musi uno we Svondo, richitiunzira Shoko reTsamba Yakatsaurwa yeRudo, ye Mwenga waJesu Kristu chete.
Inzwi iroro richangobva kutaura kupasi rose richivayambira, “Musaidza kundiitira basa zvisiri mukuda Kwangu. Ndine nzira yakakwana yandakapa yandakakuitirai, Mwenga Wangu. Rangarirai Mashoko Angu, ingotaurai zvandakataura pamaTepi Angu, nokuti mava kupinda mukutongwa. Vanhu vakaramba Tsisti. Asi farai, uye mutende, nokuki ndakakuunzirai uye nekukupai Chikafu Chakavigwa, Chikafu CheMweya, kuti murarame mukunaka netsitsi dzechiZaruro chaJesu Kristu.
Iko zvino kwave nenzara panyika yekunzwa Inzwi Rangu. Havakunzwisisei nokuti munoti muri vanhu vemaTepi, uye munongoda kunzwa Inzwi Rangu pamaTepi; asi ndaka kudanai ndikazarura kwamuri Nzira Yangu yakakwana yandakapa kuzuva ranhasi.
Hamuna kufambidzana nevasingatendi panguva yenzara. Ndakakupai Inzwi Rangu kuti rikuraramisei. Nokuridza Inzwi Rangu, dengu renyu hariperi, kana chinu chenyu chemafuta hachiperi, kusvikira zuva raNdichauya kuzokutorai seMwenga wangu.
Ndicho chikonzero chaicho ndakaita kuti Inzwi Rangu rirekodwe, kuti muve nenzvimbo yakakwana yekuenda kwairi, pasina kukanganisa, pasingadi dudziro, asi chete Inzwi Rakachena RaMwari. Nzvimbo yamunogona kuenda kuti munzwe chaizvo zvandakataura: Zvanzi naJehovah
Ndichataura zviripachenachena kwamuri musi uno weSvondo. Handidi kuti mufe makakanganwa zvandichataura kwamuri. MaTepi aya ndicho Chikafu chenyu CheMweya muMwaka uno. Zvakanyanyopfuma kune vamwe; havakwanisi kuzvitambira. Hazvina kuzarurwa kwavari, asi Ndaka Kusarudzai, ndikakupai Chizaruro chenzira Yangu yandakapa yakakwana.
Kwamuri, Chikafu chakavigwa, pamuri kurarama mukunaka netsitsi dze Shoko Benyu.
Pandakange ndichirarama munyama muMwanakomana wangu, vakatadza kugamuchira zvaNdaive: Mwari munhu. Zvino ndakavimbisa kuti ndaizodzoka zvakare mumazuva ekupedzisira ndigorarama zvakare munyama sezvo ndakaita pamberi paAbrahama, ndigoburuka ndichizviratidza munyama sezvo ndakaita paya.
Hezvino zvavakapotsa, ipapo uye nazvino, asi handidi kuti imi mukanganwe. Chikafu chakachengetwa chandiri kukupai, uye nemutumwa wangu, zvimwe chete. Haugone kuzvipatsanura. Shoko nemutumwa zvimwe chete. Ndakakuvudzai MuShoko Rangu zvandichaita muzuva rino. Ndoochikonzero kuri kuda Kwangu kuti Ndiise Inzwi Rangu mumachechi enyu, mudzimba dzenyu, kwese kwamunoenda; nokuti ndiro Inzwi rakakoshesesa ramunofanira kunzwa. Ndiro chete Inzwi rakasimbiswa rinotaura Zvanzi naJehovah.
Tsitsi dzakarambwa. Mave kurarama neShoko Rangu. Ndakakupai Chizaruro chekuti Ndiri Ani uye kuti IMI MURI VANAANI. Hapafaniri kuwanikwa kupokana kupi zvako mumwoyo nemupfungwa dzenyu. Muri Mwenga Wangu wakaSanangurwa, wakaSarudzwa, wakaTemerwa. Muri Shoko Rangu Rakataurwa rakange riri mandiri pakutanga.
Mune mukana wekuwana Chikafu, Chikafu cheMweya, chisingazivikanwi nenyika.
Mune mukana wekupodzwa kwemiviri yedu panokundika vanachiremba. Ndicho chimwe chikafu chandakavimbisa nekukupai mumazuva ekupedzisira.
Ndakavimbisa kuzarura zvakavanzika zvemwoyo yenyu nekuita zvinhu izvi. Ndiri mamuri. Imi muri chikamu Changu, uye Ini ndiri chikamu chenyu. Zviratidzo izvi zvichatevera avo vanotenda.
Musi uno weSvondo ndichange ndichibatanidza Mwenga Wangu kubva pasi rose neInzwi Rangu. Ndichakuudzai kuti muturikane mawoko. Usazvinamatira iwe, namatira uyo wawakaisa mawoko ako paari, nokuti ivo vari kukunamatira. Tichanamata pamwe chete, uye hapazovi nemunhu achasara anehutera kupi zvako pasi rose kana ukatenda.
Kana uchitenda, usina kupokana mumoyo wako, Ndichadanidzira:
Satan, wakundwa! Jesu Kristu akakukunda! Akamuka kubva kuvakafa uye amire pamberi pedu Manheru ano, achisimbisa Shoko iri remazuva ekuguma. Buda kubva muvanhu ava! Vasiye, Muzita raJesu Kristu! “NeZita Rangu vachadzinga mweya yetsvina,” uye wadzingwa. Muzita raJesu Kristu, ibva pavungano iyi!
Pachave nekupodzwa kuchaitika pasi rose zvisina kumboitika kare.
Ko tichamirirei zvakare, hama hangu inodiwa, hanzwadzi, hezvi, Mweya Mutsvene, Mwari, ipopano, Chinhu chaicho chataitaura nezvacho.
Ndinokoka pasi rose kubatana nesu musi uno weSvondo nenguva dza 12 masikati, nguva yeJeffersonville, kunzwa Shoko uye nemutumwa wake achitiunzira Chikafu cheMweya muMwaka wakaFanira, Chikafu chakaVigwa cheMwenga
Hama Joseph Branham
Mharidzo: Chikafu cheMweya muMwaka wakaFanira 65-0718E
Mutumwa: Rev. William Marrion Branham
Magwaro: 1 Madzimambo 17:1-7 / Amosi 3:7 / Joere 2:28 / Maraki 4:4 / Ruka 17:30 / St. Johane 14:12
Mharidzo: 65-0718M Kuedza Kuitira Mwari Basa Ikwo Kusiri Kuda KwaMwari
Mudiwa Mwenga Anofarirwa
Nguva yapera. Nguva yasvika. Sarudzo inofanirwa kuitwa. Mwari vari kuyambira vana vavo. Ishe Mwari wedu vakataura vakasimbisa kwatiri kuti Chokwadi chavo ndechipi kubudikidza neShoko ravo, uye noMweya Wavo. Kwete nesimba, kana nehondo, asi noMweya Wangu, uye Shoko Renyu Izvokwadi.
Vakanyatso simbisa kuMwenga wavo nhasi kuti Jesu Kristu ndiye mumwe chete zuro, nhasi nekusingaperi. Akatiratidza nekuzarura kwatiri Shoko reNguva nemutumwa wenguva kuti zvimwe chete. Akazarura kwatiri zvakavanzika zvake zvose zvakange zvakavigwa muShoko. Akazviratidza kwatiri kubudikidza noMweya Wake Mutvsene. Hapasisina mubvunzo mupfungwa dzedu, mumwoyo kana mumunhu wemukati. Inzwi Rake pamatepi IZVANZI NAJEHOVHA KUMWENGA WAKE.
Mwari nguva dzose vagara vachitendera nzira dzakawanda dzekuuya nadzo kwaari. Vanoita kuti kuda kwavo kwekuregedzera kupinde muKuda kwavo Kwakakwana. Uyevo nguva dzose vagara vachipa KUDA KWAKAKWANA NENZIRA YAKAKWANA KUVANA VAVO. Vazhinji vanoedza kuuya nenzira yakasiyana nekuitira Mwari basa, asi kusiri kuda Kwake kwakakwana. Zvinogona kuratidzika nekunzwika sekuda kwake Kwakakwana, asi zvisiri maringe ne Shoko Rake.
Kunyange munhu mukuru, akange achangozodzwa, achibva muhupo chaihwo hwaMwarti, Akawana chizaruro chekuitira Mwari chimwe chinhu, uye aida kuzviitira Mwari; asi chizaruro chaakange anacho chakange chakatsveyama.
Mumwe nemumwe wedu anofanira Kuwana nzira YaMwari yakakwana yaakapa. Tichaziva sei kuti tiri muKuda Kwake Kwakakwana kana mumwe akazodzwa zvirokwazvo, achibva muhupo chaihwo hwaMwari, aine chizaruro, kuti arimukuda Kwakakwana kwaMwari?
Pane NZIRA IMWE CHETE ZVIROKWAZVO YEKUZIVA NAYO, uye Mwari vakapa nzira iyoyo kuMwenga wavo.
Inzwi raMwari Amene rakaudza kereke ino, nemi vanhu mose pamatepi, nevanhu vose vari parunhare pamasaisai, kune dzimwe nzvimbo pasi rose, nguva iyoyo NAZVINO. Akatiudza kuti tinyatso teererazvaaitaura, uye kuti TISAKUNDIKE.
Saka Ndinoti, muZita raJesu Kristu: Musa wedzera chinhu chimwe, musabvise, musaise pfungwa dzenyu paZviri, taurai chete izvo Zvakataurwa pamatepi iwayo, ingoitai izvo zvaka rairwa naShe Mwari kuti muite; musawedzera paZviri.
Haana kutaura kuti, uye hazvirevi kuti, vaparidzi havagoni kuparidza Shoko, kuti vadzidzisi havagoni kudzidzisa Shoko, kana kuti vafudzi kana vaporofita havachaiti zvavaka danirwa kana kugadzwa kuti vaite. Vanofanira, ini ndinofanira. Takadanwa uye takagadzwa kuita izvozvo. Tinofanira kunongedzera nekudoma Shoko irori nemutumwa kuvanhu, nokuti ndiro Shoko rezuva redu.
Asi anonyatso tiudza kuti tose tinogona kuzodzwa, nechizoro chechokwadi, kuzadzwa neMweya Wake Mutsvene, nechizaruro chitswa, asi tiri kunze kwekuda kwake. Muzuva redu, Akatipa NZIRA YAKAKWANA yekuziva kuti zvirokwazvo uri kunzwa Inzwi raMwari, kubva kunaMwari Pachake. Ndiyo nzira CHETE yakakwana.
Hushumira haufaniri kungo paridza nekudoma Shoko chete, tinofanira kuridza Inzwi raMwari pamatepi kuvanhu. Hapana CHIZORO CHIKURU kupfuura kunzwa Inzwi raMwari. Hapana imwe nzira yekuziva pasina kupokana kuti zvatiri kunzwa NDIZVO CHAIZVO Zvakataurwa naMwari.
Muzuva rino, kusiyana nemamwe mazuva ose munhorondo yenyika, Mwari vakapa nzira yekuti tirege kuZvipotsa zvachose, ndo kana uri Mwenga Wake wakatemerwa. Zvakasimbiswa uye zvikazarurwa neShongwe yeGore reMoto Amene kuti Inzwi raMwari Pachake riri kutaura zvakananga kuKereke Yake.
Muzviuru zvakawanda zvemakore, vana vaMwari vaishuvira nekunzwa nzara ye kuzvinzwira pachavo Inzwi raMwari. Vanoshuva sei kuti dai vaivepo zuva riya apo Jesu akaparidzira zviuru pagomo. Kunzwa matauriro ake paaitaura Shoko ne rudo netsistsi. Nekunzwa kutsinhira kwaaiita shoko rimwe nerimwe. Uye kuti zvaitaura sei nekusimudzira mwoyo yavo.
Tiri vapenyu zvino uye tiri Muhupo hwaMwari tichinzwa Inzwi raMwari.
Nerimwe zuva nekukurumidza hatizodzokeri kuhupenyu hwerudzi urwu zvakare. Tichadzoka tave vanhu vasingafi. Chivi chinonga chisisipo. Satani achasungwa kwemakore ane chiuru uye tichararama panyika ino yatakapihwa naIshe Mwari wedu.
Takakwana zvizere.
Hatina kumbofara sekufara kwatinako zvino kana kuva nemibvunzo muhupenyu hwedu. Tiri Mumwe Naye uye neShoko Rake. Tiri MUKUDA KWAKE KWAKAKWANA KUBUDIKIDZA NEKUGARA NEINZWI RAKE, SHOKO RAKE. Achadzoka nerimwe zuva kuzotitora kuti Aende nesu.
Tinokutendai Ishe Jesu!
Jehovah Mwari wenyu wakakuparidzirai kwamuriChokwadi. Jehovah Mwari wenyu wakasimbisa Chokwadi, kubudikidza neShoko Rake uye noMweya Wake. “Kwete nesimba, kana nehondo, asi noMweya Wangu”. Uye, Mweya, “Mwari vanotsvaga vanoMunamata muMweya neMuzvokwadi” “Shoko Renyu iZvokwadi” Uye akanyatso simbisa kuti Jesu Kristu mumwe chete zuro nhasi, nekusingaperi, Akaratidza Mbeu dzemanheru kwamuri. Akazvizarura kwamuri muShoko. Akazviratidza kwamuri, noMweya Wake.
Nemwoyo wangu wese, ndinokukokai mumwe nemumwe wenyu kuti mubatane nechikamu cheMwenga Wake patino batana kubva pasi rose na 12 masikati, nguva yeJeffersonville, kuzonzwa Inzwi Rake richitaura kubudikidza ne mutumwa wake ngirozi yechinomwe achitiunzira Shoko: Kuedza Kuitira Mwari Basa Asi Kusiri Kuda kwaMwari 65-0718M
Hama Joseph Branham
Magwaro ekuverenga tisati tanzwa Mharidzo
Dhuteronomi 4:1-4 / 4:25-26
1 Makoronike 13
1 Makoronike 15:15
Mapisarema 22
Mako 7:7
Joeri 2:28
Amosi 3:7
Maraki 3
Mateo 11:1-15
1 VaKorinte 13:1
