Category Archives: Uncategorized

26-0412 Ko Mwari Vanomboshandura Pfungwa YaVo Here Pamusoro PeShoko RaVo?

Mharidzo: 65-0418E Ko Mwari Vanomboshandura Pfungwa YaVo Here Pamusoro PeShoko RaVo?

PDF

BranhamTabernacle.org

Vadiwa Avo VakaMutsurudzwa,
 
Mwoyo yedu yakabhururuka sei mudenga se zvaChapungu pawikendi yeEaster iyi. Zuva nezuva chizoro Chake chaiwedzera kukura. Chirairo, Kuvigwa, Kukwaniswa, zvino nhongonya huru yaanga atigadzirira: Uku Ndiko Kubuda Kwezuva…KUBWINYA, AKAMUKA uye mupenyu mune mumwe nemumwe wedu. Aizarura Shoko rake kune mumwe nomumwe wedu zvatisati takambonzwa kumashure. Chizoro chakazadza mwoyo yedu, Hupo hwake hwakazadza nzvimbo; zvakaita sokunge Kubvutwa kwatosvika.
 
Akatiudza zvakange zvaitika makore 2000 akapfuura, uyezve zvino zvakange zvave kuitika muna 2026. Jesu akange ari Chisote chekutanga cheGorosi raMwari chakange chamutswa kubva kuvakafa. Akangeamutswa neSimba raMwari rekumutsurudza. Mwari akange amutsurudza Hupenyu hwake, akamumutsa kubva kuvakafa, uye akave chibereko chokutanga cheavo vavete. Ndiye wekutanga kusvika pakuibva, Chisote chaMwari chakazunguzirwa semurangaridzo wekutenda kuna Mwari, tichitenda kuti nesu tose tichauyawo. Chaive chiratidzo.
 
ZVINO WAKAZARURA KWATIRI ZVIRI KUITIKA NHASI. Sokuzunguzirwa kwaAkaitwa paZuva rePentekosti pakauya ruzha kubva Kudenga semhepo inozunguzwa, mhepo inovhuvhuta nesimbaichizunguzwa pamusoro pavanhu. Yakangeichizunguzwa zvakare pamberi pevanhu sekuvimbisa kwaAkaita muna Ruka 17:30 naMaraki 4, apo Mwanakomana wemunhu (S-o-n) achazarurwanekuzunguzirwa zvakare pamusoro pevanhu.

Zvino, ndiani Mwanakomana wemunhu uyu? “Pakutanga Shoko rakange riripo, uye Shoko rakangeriri kuna Mwari, uye Shoko rakange riri Mwari. Shoko rakazove nyama, rikagara pakati pedu. Uye kana dzidziso yose yatinayo, nekusimbiswa kweShoko raMwari; kubudikidza neShoko raMwari, nezviratidzo, nezvishamiso, tinoona nhasi, kuti muBhuku ra—raRuka pano, kuti sezvatichangobva kutaura kubva kwariri, kana—kuna Ruka chitsauko 17 nendima 30; naMaraki 4, neMagwaro akasiyana atinoziva, kuti Shoko irorozvakare rinozunguzirwa pamusoro pevanhu, kuti tsika dzakafa dzevanhu dzafa, uye Mwanakomana waMwari mupenyu zvakare nerubhabhatidzo rweMweya Mutsvene pakati pedu, uye ari kutipa Hupenyu.

Mweya Mutsvene wakaramba uchingozunguzwa nekuzunguzwa pamusoro pedu, uchizarura nekuzarura Shoko Rake…..Moto, hurongwa, Simba rekumutsurudza…

Zvino, pazvakaita sokunge Hazvichagoni kukurakupfuura ipapo, Akatiudza:

Akanditendera kuti nditarise kuseri kwechidzitiro, ndikakuonai imi mose ikoko…“Vose vawakamboda, uye vose vakambokuda, vapihwa  kwauri.” Waona? Ndakavaona vese ikoko saizvozvo. Chaiva chii? Simba Rinomutsurudza.

AKATIONA IKOKO!! Kuseri kwechidzitiro chenguva….taive IKOKO naye; vadikanwa vedu vese vakaenda mberi kwedu … vanababa, vanamai, vana. Takange tiriko navo uye navose vatisina kumboonana navo: Mosesi, Eria, Petro, Pauro….taivepo tose pamwe chete.
 
Zvino, seMweya Mutsvene wakanaka sezvo Ari, Haana kuda kutikanganwa isu tinorwara, takaora mwoyo uye vakarohwerwa pasi, saka Akazvizunguza zvakarepamusoro pedu kuti munhu wese aporeswe pane zvese zvataida.

Vanhu ava, vagari pamwe chete veHumambo, avo vane Simba rekumutsurudzwa, rimutsurudzei kwavari, Ishe, iko zvino. Deno Mweya wabva pachapungu uchienda kune chimwe chapungu, kubva paShoko uchienda kuShoko, kusvikira kuzara kwaJesu Kristu kwaratidzwa mumutumbi mumwe nomumwe, kuitira zvavanoshuva panyama, pamweya, kana chipi nechipi chavanoda, patinoisa maoko edu pamusoro pomumwe nomumwe. Muzita raJesu Kristu.

Shoko iroro. Inzwi iroro. ZVOSE zvatinoda zviri pamatepi, Mwenga. Mwari havashandure pfungwa dzavo pamusoro peShoko ravo. Hapana kana donhwerimwe chete kana vara rimwechete rinogona kushandurwa, saka Akaita nzira yekuti Mwenga Wakeanzwe nenzeve dzavo IZVO CHAIZVO zvaAida kutaura kwavari.
 
Mwari vakataura kuMwenga wavo vakazarura ZVINHU ZVOSE. Zvakaiswa pamatepi. Mwenga anofanira kuuya kuChikomba; ndiyo Nzira Yake yakakwana yakaitwa kuzuva ranhasi. IZVANZI NAJEHOVHA.
 
Mwari anomboshandura pfungwa dzake pamusoro peShoko rake here? KWETE. Ane KUDA KWAKAKWANA UYE KUDA KWEKUREGEDZERA. Mwenga anofanira kunge ari muKUDA kwake KWAKAKWANA.

Hapana Kuda kwakakwana, kana nzvimbo yakakwana, inopfuura kunzwa Inzwi raMwari richibva kuna Mwari Pachake.
 
Kokero yangu kwamuri ndeyekuti mubatane nesu mumwe nemumwe wenyu musi uno weSvondo na12:00 masikati, nguva yeJeffersonville, kuti tinzwe Inzwi raMwari richitiunzira Shoko Rakachena. Hapana zvekufembera zvinodiwa, kungogara zvako uchiti AMEN KUSHOKO ROSE….hapana imwe nzvimbo kwazvingaitwe, asi chete kungo Dzwanya nokuRidza.
 
Hama Joseph Branham.
 
Mharidzo: 65-0418E — Mwari Anoshandura Pfungwa Dzake Pamusoro peShoko Rake Here?
 
Tichatangira pandima 61. 
 
Magwaro ekuverenga tisati tanzwa Mharidzo:
 
Ekisodho 19 chitsauko
Numeri 22:31
Mateo 28:19
Ruka 17:30
Zvakazarurwa chitsauko 17

Isita ya2026 – Chirairo Chakatsaurwa  neShumiro yeKugezena Tsoka

Vadiwa Vagari vemu Humambo,

Isita iyi inoratidza kuti ichave Isita huru iyo Mwenga akambova nayo. Tange takagara muHupo hweMwanakomana, tichiibva, tichicherechedza kuti tiri vanaani. Huzaro hwaJesu Kristu huri kuratidzwa mune mumwe nemumwe wedu apo Shoko Rake, Inzwi Rake, riri kudanidzira, Chapungu kune chapungu, richitidana kuChirairo chedu cheMuchato.

Gore rega rega panguva ino Mwenga anopinda pasi pekutarisira kukuru kwevhiki yeIsita iri kuuya. Nguva yaachatibatanidza kubva pasi rose kwemazuva mana akateedzana, tichimunamata, tichimutenda, tichimurumbidza; nokuti akamuka uye anogara mune mumwe nomumwe wedu. Chikomba neMwenga vavekuve MUMWE.

Ari kutipa nguva yakakosha iyi yekuvharira kunze zvinhu zvese zvepanyika zvakatipoteredza kuti tive nenguva Naye. Ngatibvise zvinotsausa zvenyika ino, patinenge tichisika nyika yedu Naye. Tovhara mikova yedu, todzima tunhu twedu twose twemagetsi twatinoshandisa uye chero chinhu chinotibvisa kubva kwaAri.

Chishuvo chikuru chemumwe nemumwe wedu ndechekuva pedyo naye. Tinoda kurarama hupenyu hwakatsaurwa zvakanyanya kwaAri; kugara tiri mukuda kwake Kwakakwana nguva dzose. Kugadzirira Kuuya Kwake. Hapana chinhu munyika ino, kana muhupenyu hwedu, chakakosha kupfuura ichi.

Akatipa mukana uyu wakatsaurwa kuti tive nenguva Naye. kutaura nekufunga neZvake. Kupinda muhuvepo hwake nekuzarura mwoyo yedu kwaari. CHINHU CHINOSHANDURA HUPENYU KUMWENGA WAKE!

Anoziva kuti zvinogona kuomera vamwe venyu vane vana, mhuri, uye nezvimwe zvekuita zvatinazvo, asi kana tikashandisa kanguva kega kega katinako kutaura kwaAri, kuswedera pedyo kwaAri, kuzarura mwoyo yedu kwaAri, pachava neshanduko chaiyo mukufamba kwedu Naye, zvekuti hatizovi vamwe chete zvakare.

Sezvo Akaita muzuva raMosesi paakaunza vana Vake mudzimba dzavo, ropa rakange raiswa uye vakange vagadzirira Kubuda kwavo; ndizvo zvichaitawo vhiki ino yeIsita yakakosha yaAkatigadzirira kune mumwe nemumwe wedu.

CHINA

Waive musi weChina manheru apo Ishe Jesu vakaita chirairo chekupedzisira nevadzidzi vake, mukurangarira Pasika vana vaIsraeri vasati vabuda. Mukana wakadini watinawo wekutaura naIshe mudzimba dzedu, kutangira wikendi yedu iyi inoyera, uye nokuvakumbira kuti vatiregerere zvitadzo zvedu, uye kuti vatipe zvose zvatinoda murwendo rwedu.

Baba voKudenga, tinotenda nokuda kweiyi, imwe nguva kuungana pamwe chete, kudivi rino reZienda naKuenda. Uye nekutarisira mangwanani ano kuvandudzwa kwesimba kubva kwaMuri, kuti mutipe kushinga parwendo rwuri mberi. Taungana sezvaiitwa nevana vechiHebheru mangwanani-ngwanani, kuti titore mana yavakanga vapiwa usiku hwose, kuti vararame muzuva raitevera. Tinoungana nokuda kweManna yemweya, mangwanani ano, kuti itipe simba rerwendo.

Ngatitangei tose na6:00 manheru nguva yekwamuri ikoko kuti tinzwe Mharidzo Chirairo 62-0204, uye ipapo muporofita achatipinza muSevhisi yedu inokosha yeChirairo neKushambidzana Tsoka panopera tepi, iyo inenge ichiridzwa paLifeline app (muChirungu), kana kuti unogona ku downloader sevhisi yacho muChirungu kana mimwe mitauro nekudzvanya pa link iri pazasi.

CHISHANU

Ngatiende kumunamato nemhuri dzedu na9:00mangwanani, uye zvakare na12:00 masikati, tichikoka Ishe kuti vave nesu uye vazadze dzimba dzedu noMweya Mutsvene patinozvikukumidza kwaAri.

Pfungwa dzedu ngadzidzokere kuzuva riya paCalvari, makore angangoita 2000 apfuura, uye tione Muponesi wedu akarembera pamuchinjikwa. Ngatirangarirei mutengo mukuru waAkatibhadharira. Akange ari mwanakomana waMwari akange asina chivi, asiakatambura sezvisina kumboitika kune mumwe, nokuda kwekuti zvitadzo zvedu zvakaiswa paari.

Akamuendesa kugehena akatongerwa rufu, (Maona?), nokuti Akatora zvivi zvedu. Uye Kristu akafa, kwete arimutsvene; Kristu akafa ari mutadzi. Maona? Kristu haana kumbotadza pachake, asi akatora zvivi zvedu paari.

Zvino na12:30 masikati, ngatibatanei pamwechete mudzimba dzedu kuti tinzwe: 57-0419 Kukwaniswa.

Zvino ngatibatanei pamwe chete muminamato mushure meshumiro, mukurangarira kurovererwa kwaIshe wedu.

MUGOVERA

Ngatibatanei tose zvakare mumunamato na9:00mangwanani, uye na12:00 masikati, uye togadziriramwoyo yedu nokuda kwezvinhu zvikuru zvaAchatiitira pakati pedu.

Ndinomunzwa achiti, “Satani, huya pano!” Ndiye Mukuru zvino. Anosvika, otora kiyi yerufu negehena kubva parutivi rwake, oiturika parutivi rwake Iye. “Ndinoda kukupa notisi. Wanga uri munyengeri nguva ndefu, zvakwana. Ndiri Mwanakomana akaberekwa nemhandara waMwari mupenyu. Ropa Rangu richakanyorova pamuchinjikwa, uye chikwereti chakazara chabhadharwa! Hauchina kodzero zvachose. Wakururwa. Ndipe makiyi iwayo!”

Zvino nenguva dza12:30 masikati, tose tinoungana kuti tinzwe SHOKO: 57-0420 Kuvigwa kwaKristu.

Richava ZUVA REMURANGARIRO MUKURU rakadini kuMwenga wake pasi rose.

Zvino ngatibatanei pamwe chete zvakare mumunamato mushure meShumiro.

SVONDO

Ngatitangei nekumuka mangwanani-ngwanani sezvakaita Hama Branham mangwanani apo shamwari yavo duku, kadhimba, kakavamutsa na5:00 mangwanani. Ngatingotendai Ishe nekumutsa Jesu kubva kuvakafa:

Nenguva dza 5:00 mangwanani ano, kashamwari kangu kaduku kane chipfuva chitsvuku kabhururuka pafafitera ndokundimutsa. Zvaiita sokunge kamoyo kakokachaputika, kachiti, “Amuka.”

Na9:00 mangwanani. ngatibatane zvakare mungetani yedu yemunamato, tichinamatirana uye tichizvigadzirira kuti tinzwe Inzwi raMwari.

Na9:30 mangwanani, tichaungana kuti tinzwe Mharidzo yedu yeIsita: 65-0418M Uku Ndiko Kubuda Kwezuva.

Na12:00 masikati tichasimudza mazwi edu kwaAri tichimutenda nokuda kweSimba rekuVandudzwa.

Na 3:00 masikati, ngatibatanei zvakare mumunamato, tichimutenda neVhiki RAKANAKISISA RAATIPA NAYE UYE NEMWENGA WAKE POSE PASI.

Kuhama nehanzvadzi dzangu dziri mhiri kwemakungwa, segore rapfuura, ndinoda kukukokai kuti mubatane nesu nenguva yeJeffersonville, kuitira nguva dzose dzeminamato pachirongwa chino. Ndinoziva, zvisinei, kuti kuridza Matepi musi weChina, Chishanu, neMugovera masikati nenguva yeJeffersonville zvingakuomerai vazhinji venyu, saka ndapota sunungukai kuridza Mharidzo idzodzo panguva yakakunakirai. Ndinoda, zvisinei, kuti tose tibatane pamwe chete neSvondo na9:30 mangwanani, nguva yeJeffersonville, kuti tinzwe Mharidzo yedu yeSvondo pamwe chete.

Ndinodawo zvakare kukukokai imi nevana venyu kuti muve chikamu chezvirongwa zveCreations, kunyora zvinyorwa, uye mabikirwo, ayo mhuri yenyu yese inogona kufarira pamwe chete. Tinofunga kuti muchazvida sezvo zvose zvichienderana neSHOKO ratichanzwa kupera kwesvondo rino.

Maringe nehurongwa hwewikendi, ruzivo rwekugadzirira sevhisi yeChirairo, zvinhu zvichadikanwa pamapurojekiti eCreations, uye rumwe ruzivo, onai malink ari pazasi.

Ngativharei mafoni edu pawikendi ino yeIsita kunze kwekutora mafoto, kunzwa Chitaurwa cheZuva, uye kuridza matepi kubva paTable app, Lifeline app, kana pa link ye kudownloader.

Rukudzo rukuru kwandiri kukukokai imi nemhuri dzenyukuti muuye pamwe chete neMwenga pasi rose pawikendi izere neKUSHUMIRA, KURUMBIDZA NEKUPORESWA. Ndinotenda kuti zvechokwadi iwikendi ichashandura hupenyu hwako nekusingaperi.

Hama Joseph Branhamh

26-0329 Merkisedheki Uyu Ndiani?

Mharidzo: 65-0221E Merkisedheki Uyu Ndiani?

PDF

BranhamTabernacle.org

Mudiwa Mwenga, Hupenyu Husingaperi
 
Ndiani Inzwi riya riri kutaura nesu pamatepi?
Tinogona chete kuziva mhinduro kumubvunzo iwoyo neChizaruro chinobva kuna Mwari. Mwenga wake akafanotemerwa ndiye chete achava neChizaruro ichocho. Nokudaro, tinofanira kunzvera Shoko rake kuti tinzwisise kuti Iye akati aiva ani: Mududziri woga weShoko rake. Ndiani aizomedura nekuzarura Zvisimbiso Zvinomwe? Ndiani aizozarura zvakavanzika zvose zveBhaibheri? Ndiani achadana nokutungamirira Mwenga wake? Ndiani achava neInzwi risingakundiki?
 
Maringe neShoko, haasi mumwe kunze kwaMerikizedeki, paChake. Murume asina baba kana amai, Akange asina mavambo kana magumo emazuva. Mwari, akava nyama, akadya nyama nechingwa chezviyo, akanwa mukaka wakakora, akataura naAbhurahama. Aive Munhu aive nehunhu, airarama munyama yemunhu.
 
Shoko rimwe chete iroro rakati Merikisedheki, Munhu iyeye, hunhu ihwohwo, aizorarama nokuZvizarura zvakare munyama yemunhu sezvaAkaita kuna Abrahama, uye zvakare muna Jesu Kristu; asi nhasi, mumutumwa waKe wechinomwe waZvakazarurwa 10:7.
 
Mweya wake waizozadza tabhenakeri yepanyika kuti Ataure nokuzviratidza kuMwenga Wake. Mwari pachavo vachirarama nekutaura vari munyama yemunhu. Mbeu yavo yokutanga yakadzoreredzwa zvizere yakanga yaibva zvizere. Hurongwa hwaMwari hwakazarahwakange hwasvika; Mwari nemunhu vakange vaveMumwe. Mwari vaitaura muromo kunzeve kuMwenga wavo sezvaVakaita kuna Abrahama.

Vakapinda vakagara imomo, muMunhu waMerikizedeki, zvino kubva ipapo hatina kuzonzwa zvakare nezvaMerikizedeki, nokuti Akazova Jesu Kristu, Merikisedheki aive Muprista asi Akazova Jesu Kristu, zvino, iwe wakanyenyeredza izvozvo, nokuti muchimiro ichocho Aiziva zvinhu zvose, asi iwe hausati wavekukwanisa kuziva izvozvo.

ASI…!! Zvino isu ndisu vanaani?

Meso edu, chimiro chedu, chero zvataive, takange tiri mukufunga kwake pakutanga. Kusati kwave neNgirozi, nyeredzi, Kerubhi, kana chimwe chinhu. Akazvifunga, Akazvitaura, hezvo tiri pano.

Izvozvo hazvina mugumo. Hatikwanise kuzvinzwisisa mupfungwa dzedu, asi ndizvo zviri Mwari. Mwari, haana magumo!

Nokuti taive maAri pakutanga, chii chichaitika kwatiri mushure mekunge hupenyu hunofa pano panyika hwapera?

Kana nguwo iyi yenyama yabviswa, pane mutumbiwenyama, mutumbi weShoko, mutumbi usina kugadzirwa nemaoko, usina kuberekwa nemukadzi, watinoenda kwauri. Zvino mutumbi iwoyo unodzoka wotora mutumbi wakabwinyiswa.

Zvinhu zvinoshamisa sei zvakachengeterwa Mwenga wake. Tarirai zviri kuitika iye zvino paari kuzarura Shoko rake kwatiri zvisina kumboitika kare. Taura nezvetsamba yerudo kuMwenga wake! Izuva rakadii ratiri kurarama mariri.
 
Tave nechiChizaruro uye tave kuziva kuti ndiMerikizedeki, Inzwi raMwari, rinotaura kwatiri pama Tepi. Tine Chizaruro chekuti ndiyo nzira yakapihwa uye yakakwana yaMwari kuzuva ranhasi. Nokudaro, tinoZIVA KUTI IYE NDIANI UYE KUTI TIRI MWENGA WAKE.
 
Chizaruro ichocho chiri kuwedzera kukura zuva nezuva. Zuva rimwe nerimwe rinopfuura rinotiunzira mufaro wakawedzerwa, Chizaruro chakawedzerwa. Mwenga arikuzvigadzirira nekugara muhuvepo hweInzwi Rake, paanotiudza kuti Tiri Vanaani, uye kuti AnoTida sei, uye kuti zvave kuMunonokera kuti Ave Nesu!!!
 
Huya, uzvigadzirire na 12:00 masikati, nguva yeJeffersonville, pane zvave kuda kuitika, paticha teerera kuInzwi raMerikizedeki.
 
Hama Joseph Branham
 
Mharidzo: 65-0221E “Merikizedheki Uyu Ndiani?”
 
Magwaro ekuverenga:
Genesisi Chitsauko 18
Eksodho 33:12-23
Johane 1:1
VaRoma 8:1
2 VaKorinte 5:1
1 VaTesaronika 4:13-18
Timotio Wokutanga 3:16; 6:15
VaHebheru 7:1-3/13:8
Zvakazarurwa 10:1-7 / 21:16

26-0315 Nzvimbo Yakasarudzwa NaMwari Yokunamatira

Mharidzo: 65-0220 Nzvimbo Yakasarudzwa NaMwari Yokunamatira

PDF

BranhamTabernacle.org

Mudiwa Mudzimai waJesu Kristu
 
Nhasi ndiro zuva. Ino ndiyo nguva. Mwari vakatuma chapungu Chavo chine simba panyika kuzodana Mudzimai Wake, Mudzimai waJesu Kristu, kuti vataure uye vamuudze kuti, “Ndiwe wandakasarudza, ndiwewandinoda. Ndiwe Mhandara Mwenga weShoko Ranguwakakwana. Tiri MUMWE
 
Kungonzwa mashoko iwayo, mwoyo yedu inosvetuka nomufaro. Kufunga kuti, munyika yose, inemamiriyoni nemamiriyoni evanhu, kune Mudzimayi MUMWE chete Mudzimai waJesu Kristu, uye NDIWE IYE, UYO waari kuuya kuzotaora.   
 
Pane nzvimbo IMWE chete yakasarudzwa yekunamatira. Pane Shoko RIMWE chete rakasarudzwa rakakwana. Pane MWENGA MUMWE CHETE wakasarudzwa WAKAKWANA …UYE TISU IYE!!
 
Baba vane nzvimbo IMWE chete yokunamatira yakasarudzwa, Ishe Jesu Kristu; Ndiye Shoko. Nhasi, pane nzvimbo IMWE chete iyo rufu rwepamweya rusingagoni kubata: Shoko. Rufu harugoni kurova Shoko, nokuti iShoko Benyu raMwari.
 
Chizaruro chakazara cheShoko Benyu chakazarurwa chete kune Mudzimai waJesu Kristu. Pane nzvimbo iMWE chete yakasanangurwa iyo Mudzima waJesu Kristu anogona kuenda kunonzwa SHOKO RAKAKWANA RAKATAURWA. Pane muporofita MUMWE chete akasarudzwa kuti ave Inzwi raMwari. Pane nzvimbo IMWE chete iyo Mudzimai waJesu Kristu anogana kuenda kwairi uye nekunonzwa, ZVANZI naJEHOVHA: KURIDZA MATEPI. 

Kuchava neChiedza panguva dzemanheru, nzvimbo chete yakasarudzwa yaMwari yokunamatira. O, Mharidzo iyi yasvika kupi, chii chaAchaita? Uye muzuva raKe kuchava neChiedza panguva yamadekwana, uye (chii?) kugamuchira vana vaKe kumusha kuNyika yechokwadi yechipikirwa, nechiratidzo chimwe chete cheShongwe yeGore reMoto yakatungamirira vana vaIsraeri murenje. 

Mwenga waKe unofanira kungwarira sei kutevera nekunzwa Inzwi reMurume waKe richitaura kwaAri. Pane nzvimbo IMWE chete yatinogona kuenda uye kwatine chokwadi chakazara.  Pane Inzwi RIMWE chete ratakaisa mugumo wedu Usingaperi pariri.
 
Mudzimai waJesu Kristu unotenda kuti Mashoko aanonzwa pamatepi Mashoko eMurume wake. Anotenda kuti Shoko raKe haridi dudziro.  Nokudaro, Anotenda kuti pane nzvimbo IMWE chete yakapiwa yaAnogona kuenda kwairi achiti AMEN kuShoko rose, Inzwi reMurume Wake pamatepi. 
 
Zvakare, Mudzimai waJesu Kristu, kubva pasi rose, anogona kuti, “Nhasi, Shoko iri rakataurwa, riri kuzadzikiswa”.  

Mwari Vanodikanwa, zasi kuzasi kwerenje uko kuTucson, uko kuCalifornia, kumusoro uko kuNevada neIdaho, uko kuMabvazuva nezvimbo dzakapoteredza, zasi kuTexas; apo kokero iyi ichipiwa, vanhu vagere—mumachechi maduku, pama service station, mudzimba, vachiteerera.  

Munokokwa kuti muuye kuzoteerera pamwe cheteneBranham Tabernacle na12:00 masikati, nguva yeJeffersonville, apo patichanzwa Mwari vachitaura kuMwenga wavo waakasanangura, Mharidzo: “Nzvimbo Yakasanangurwa yaMwari Yekunamatira” 65-0220.  
 
Hama Joseph Branham 
 
Magwaro: Dhuteronomi 16:1-3