Category Archives: Uncategorized

26-0816 igba Ìjọ Tiatira

Ìyàwó Kristi ọ̀wọ́n, ẹ jẹ́ kí a péjọpọ̀ ní ọjọ́ Àìkú ní agogo mejila osan, àkókò Jeffersonville, láti gbọ́ iwaasu 60-1208 igba Ìjọ Tiatira

Arákùnrin Joseph Branham

26-0802 Igba ìjo ti Smina

Ẹ̀yin Ìyàwó Kristi,
E Jẹ́ ká kóra jọ ní ọjọ́ Sọ́ndè ní ago mejila ọ̀sán, àkókò Jeffersonville, láti gbọ́ iwaasu Igba ìjo ti Smina 60-1206
Arákùnrin Joseph Branham

26-0726 Igba ìjo ti Éfésù

Ìyàwó Kristi ọ̀wọ́n, ẹ jẹ́ kí a péjọpọ̀ ní ọjọ́ Àìkú ní agogo méjìla osan, àkókò Jeffersonville, láti gbọ́ 60-1205 Igba ìjo ti Éfésù.

Arákùnrin Joseph Branham

26-0719 Iran Patmosi

Ìyàwó Kristi ọ̀wọ́n, ẹ jẹ́ kí a péjọ ní ọjọ́ Àìkú ní agogo méjìlá osan, àkókò Jeffersonville, láti gbọ́ iwaasu “Iran Patmosi” 60-1204E.

Arákùnrin Joseph Branham

26-0712 Ìfihàn ti Jésù Kristi

Eyin egbe awon omo woli owọn,

Èwo bi ati feran oro naá to. IFIHAN…Akole so asoju bi gbogbo ifihan otito nipase emi mimo se je pataki to fun onigbagbo otito. Ifihan see pataki ju iye lo fun aya Kristi. Nitori Jesu wipe ..”LORI APATA YI, tii se IFIHAN, ni emi yio ko ijo mi le, ati nipa oore ofe ati aanu Ólorun, awa ni ijo re ton duro lori ifihan otito re.

Iwe ifihan kii se fun gbogbo enìyàn. Kosi eniti ole loye re. Iwe asolete woli ti a ko fun egbe awon Omo woli ni. Awọn nikan losi le loye re. Awa nio, awa iyawo Jesu Kristi ni.

Iwe ifihan je iwe kan ti Kristi ko funrare ninu gbogbo Bibeli. Sugbon o ran angeli re lati fi han Johanu iranse re. Awon omo ehin re ko loye awon otito ti a ko sile wonyi. Akoiti fi han won saaju Akoko naa. Jesu paapa kole salaye aye tire funwon nibe, nitori wipe Baba re koiti fi haan.
Ṣùgbọ́n nísinsìnyí, lẹ́yìn ikú àti àjíǹde Rẹ̀, àti ní lowolowo yìí, Ó lè ṣàlàyé Ìfihàn Ara Rẹ̀ yìí fún Jòhánù, ohun tí ògo Rẹ̀ àti wíwà laayè Rẹ̀ yio se nínú ìjọ.

Ṣùgbọ́n nísinsìnyí, lẹ́yìn ẹgbẹ̀rún ọdún méjì, ayé ti ronú jinlẹ̀, àwọn onímọ̀ eko bibeli ti kẹ́kọ̀ọ́ wonsi nfori kori, ṣùgbọ́n kò sí ẹni tí ó ní ìtumọ̀ àti Ìfihàn tóotọ́ nipa àwọn ohun ìjìnlẹ̀ wọ̀nyí tí a kọ sínú Ìwé Ìfihàn títí di òní yìí, títí di àkókò yìí, nígbà tí Ọlọ́run rán áńgẹ́lì kan náà sí ayé láti fi gbogbo Rẹ̀ hàn fún wa, Ìyàwó Rẹ̀ tí Ó yàn.

Bi a ba gbìyànjú láti lóye ohun nla nipa bí Ọlọ́run ṣe yàn mí, tí Ó sì yàn ọ́; láti ní Ìfihàn Òtítọ́ ti Ọ̀rọ̀ Rẹ̀ kọjá ohun ti ale fi s’apejuwe.
Bó tilẹ̀ jẹ́ pé ọ̀pọ̀ ènìyàn ló sọ pé wọ́n ń tẹ̀lé Ìse iranse yi, tí wọ́n sì nsọ wipé wọ́n gbàgbọ́ pé Ọlọ́run rán wòlíì kan, wọn kò ní ekunrere Ìfihàn lati mo ijiya àìsọ Ohùn Rẹ̀ di ohùn pàtàkì jùlọ tí wọ́n gbọ́dọ̀ maa gbọ́. Níní Ìfihàn Ohùn Rẹ̀ yìí ní ọjọ́ yìí jẹ́ isura iyebíye gidi.

Ọlọ́run ti yàn wá láti fí Ìfihàn Òtítọ́ yẹn han wa. Nítorí náà, àwa ni ìjọ rẹ̀ tòótọ́, ẹgbẹ́ ọmọ ogun rẹ̀ tí a kò lè ṣẹ́gun, tí Sátánì kò lágbára niwaju re, tí a sì ti ba agbara re je. Pẹ̀lú ìfihàn tòótọ́ rẹ̀ nínú ìgbésí ayé wa, ẹnu ọ̀nà ọ̀run àpáàdì kò lè borí wa, ṣùgbọ́n àwa ni yóò borí wọn. Kò sí ohun tí ó lè dúró níwájú wa.

Ekunrere Ìfihàn tòótọ́ fún ojo òní ni láti mọ pàtàkì ohùn Ọlọ́run fún ọjọ́ wa. Tí lílọ sí ṣọ́ọ̀ṣì, jíjẹ́ omo ìjọ, fifi arawa rubọ, gbígbàdúrà, àti ijọ́sìn si Ọlọ́run bá jẹ́ ohun tí Ọlọ́run ń béèrè niyen, nígbà náà Ọlọ́run yóò jẹ́ aláìṣòdodo láti dá Kainì lẹ́bi fún aíṣe ohun tí Ó sọ pé kí ó ṣe gan-an.

Èyí ni ìtumọ̀ ohun tí Ohùn woli lórí àwọn fonran náà túmọ̀ sí fún wa:

Ìfihàn gbogbo ohun tí a gbé kalẹ̀ níbí pẹ̀lú ìbùkún fún ẹni tí ó nkà á tí ó sì ngbọ́ ọ, pẹ̀lú ègún fún awọn tí yóò fi kún tàbí yo kúrò nínu re. Ó jẹ́ ìwé àkójọpọ̀ pípé, ah, ani paripátápátá ni. Kò sí ohun tí a lè fi kún un. Nígbà tí ènìyàn bá gbìyànjú láti yo ohunkóhun kúrò nínú Rẹ̀, tàbí láti fi ohunkóhun kún un, Ọlọ́run sọ pé Òun yóò yo ipá tire kúrò nínú Ìwé Ìyè. Se e rii? Ó máa yo ipa tirẹ̀ kuro ninú Ìwé náà, bí ó bá fi kún un.

Kò tíì sí ìgbà kan rí, ti Ọlọ́run ti pèsè ọ̀nà pípé láti má ṣe fi kún tàbí yo kúrò nínú Ọ̀rọ̀ Rẹ̀. Ó ti fún wa ní àǹfààní láti maa gbọ́ ohùn Rẹ̀ bí Ó ṣe ń sọ̀rọ̀ ti osi nfi Ọ̀rọ̀ Rẹ̀ hàn wá. Ni kukuru, kò sí ohun tó ju eyi lọ.

Èyí ni ÌṢÍPAYA TÒÓTỌ́ fún ojo òní.

Inu mi dun gidigidi mosi wa ni ìfojúsùn ńlá fún gbogbo ohun tí Olúwa ní ní ìpamọ́ fún wa bí a ṣe ń fetísílẹ̀, ti a nkà, ti asi nkẹ́kọ̀ọ́ nípa Igba ìjo Méje. Ọlọ́run lo kọ ọ́, ó si fi rán áńgẹ́lì Rẹ̀ láti fi hàn Jòhánù, lẹ́yìn náà ó dúró dè wá láti wà níbí lórí ilẹ̀ ayé ní àkókò yìí gan-an kí Ó lè rán áńgẹ́lì kan náà sí wa láti fi hàn wá!

Kò tíì sí àkókò ti o lógo julo bi t’ojo òní nínú ìtàn ayé. Kò tíì sí ọlá nla tí a fi fún ènìyàn ju láti ní àǹfààní láti gbọ́ ohùn Ọlọ́run fún ara wọn lọ. Kò tíì sí àkókò kan rí tí a lè so ìyàwó Rẹ̀ pọ̀ nípasẹ̀ Ohùn Rẹ̀ ní àkókò kan náà.

Múra sílẹ̀, Ọlọ́run yóò fún wa ní ìfihàn ara rẹ̀ sí i làti mo ẹni tí a jẹ́: Ẹgbẹ́ ọmọ ogun rẹ̀ tí a kò lè ṣẹ́gun, ìyáàfin rẹ̀ tí o ti yàn, olólùfẹ́ rẹ̀ tí ó ti ń dúró dè láti ìbẹ̀rẹ̀ ayé.

Kò sí ohun tí ó lè gba èyí lọ́wọ́ wa. Ó dúró sinsin sínú ọkàn àti oọkàn aya wa ju ti tẹ́lẹ̀ lo. Ó ti di òótọ́ tí ó ń fún wa ní ìgbagbọ́ ìgbàsoke báyìí.

A ó bẹ̀rẹ̀ ìrìn àjò wa ńlá yi ní ọjọ́ Àìkú yìí ní agogo mejila òsan, àkókò Jeffersonville, bí a ṣe ń gbọ́ Ìwaasu akọ́kọ́ ti woli pe ni: Ìfihàn ti Jésù Kristi 60-1204M.

Mo fẹ́ gbà ọ́ níyànjú láti gbe ìwé Igba ìjo meje tirẹ, ka á nínu yara re pelu idákẹ́ jẹ́ẹ́ kí o sì kẹ́kọ̀ọ́ rẹ̀, ni orí kookan, ní ọ̀sẹ̀ kọ̀ọ̀kan. A ó para pọ̀ láti gbọ́ ohùn Rẹ̀, lẹ́yìn náà kí a kẹ́kọ̀ọ́ Ọ̀rọ̀ Rẹ̀.

Arákùnrin Joseph Branham

26-0705 Édẹ́nì ti Sátánì

Ìyàwó Pípé Ọ̀wọ́n,

Ṣùgbọ́n láti rí ẹ̀tàn ọ̀tá, kò tíì sí ọjọ́ kan bí èyí tí a ń gbé ninu re báyìí rí. Ọjọ́ ẹ̀tàn àti ẹ̀tàn to ga jùlọ ni. Nígbà tí mo bá sì rí èyí, ó mú èyí wá, pé, Kristẹni gbọ́dọ̀ wà ní Oju l’alakan Fi nsori lónìí ju bí ó ti rí ní gbogbo awon iran isaju lo.

Arákùnrin Branham sọ àwọn ọ̀rọ̀ wọ̀nyí fún Ìyàwó ní nǹkan bí ọdún mokanlelogota (61 years) sẹ́yìn títí di òní. Báwo ni ẹ̀tàn ọ̀tá ṣe rí ní ọdún mokanlelogota sẹ́yìn sí ìsinsìnyí? Láti fi ojú ìwòye mìíràn wo, bawo, ni ìmọ̀ ẹ̀rọ ayé se ri ní ọdún mokanlelogota sẹ́yìn ní ìfiwéra pẹ̀lú ohun tí ó jẹ́ lónìí?

Ọdún 1961 ni ìbẹ̀rẹ̀ eré-ìje imo sayensi lo sinu ofurufu Awọn ero kọ̀ǹpútà ńla gbangba bi ero amohumaworan. Awọn nkan bi káàdì ‘ní ó nlò àwọn onímọ̀ sáyẹ́ǹsì to kose mose lo le loo. . A maa nso àwọn tẹlifóònù mọ́ ògiri ni, waya ni o nlo, alafowoyi si ni. Beena ni ero Redio, ero itewe alafowotemole, ati ero isiro owo oni batiri.

Ṣùgbọ́n lónìí a ní ero ayelujara (Íńtánẹ́ẹ̀tì), àwọn ètò ọgbọ́n àtọwọ́dá tí ó lè ṣẹ̀dá iṣẹ́ ọnà, iwe kiko, àti ṣíṣe ìrànlọ́wọ́ pẹ̀lú àwọn iṣẹ́ lai f’àkókò jafara. Àwọn rọ́kẹ́ẹ̀tì ara tí won fi ń lọ sí Mars. Àwọn fóònù alágbéká tí kó tóbi, àwọn aago ọlọ́gbọ́n, àti àwọn ẹ̀rọ ara ẹni tí àwọn ero alatagba aláìlókùn àgbáyé ń ṣiṣẹ́ tí wọ́n ń so àwọn ènìyàn bílíọ̀nù pọ̀ lẹ́sẹ̀kẹsẹ̀ nípasẹ̀ ohùn, atejise, àti fídíò. Àwọn ero olùrànlọ́wọ́ ti a mosi robot.

Àrékérekè àti ẹ̀tàn ọ̀tá ni iran yi tayo t’awon iran ti o ti kòja lo. Irúgbìn búburú ti Sátánì ti dàgbà o si ti gbo, ó sì ti ṣẹ̀dá Édẹ́nì ti Sátánì. Ṣùgbọ́n ní àkókò kan náà, Ọlọ́run ní Ìyàwó kan tí ó ti dàgbà ti o si ti gbo. Irú Ọmọ Ọba naa tí ó ti múra sílẹ̀ nípa jíjókòó níwájú Ọmọ Rẹ̀, Ọ̀rọ̀ Rẹ̀ ati Ohùn Rẹ̀.

Ọlọ́run mọ̀ pé Ó ní láti pèsè ọ̀nà láti maa bo Ìyàwó Rẹ̀ ní àkókò ẹ̀tàn àti iran búburú yìí. Ọ̀nà pípé tí wọn kò ní ní láti was nì ailoye, láti maa se eyi je, eyi ò je tàbí láti fi ọ̀rọ̀ ẹnikẹ́ni ropo Ọ̀rọ̀ Olorun tòótọ́ tí kò ní àbùla. Ó mọ̀ pé wọn yóò nílò láti gbọ́ Ohùn Ọlọ́run fún ara wọn, nítorí Ó kìlọ̀ fún wa pé yóò sún jo arawon débi pé yóò tan àwọn Àyànfẹ́ náà jẹ bí ó bá ṣeé ṣe.

Àwọn ènìyàn lè jẹ́ ẹni àmì òróró, kí wọ́n kún fún Ẹ̀mí Mímọ́, kí wọ́n sì jẹ́ èké. Ólorun ní láti pèsè ọ̀nà kan. Nítorí náà, Ó ṣe Ọ̀nà Pípé fún Ìyàwó Rẹ̀, èyí tí yóò dàbí ohun tí kò ṣeé ṣe nígbà tí Ó bẹ̀rẹ̀ sí ní gba ohùn Rẹ̀ sílẹ̀ ní ọdún 1947; pé nípa fífi ìka wọn tee mole, ayé lè fi eti arawon gbo gbogbo Ọ̀rọ̀ tí Ó bá sọ, koda ní èdè tiwọn. Kò ní sí ìbéèrè, kò si ni si ìyàlẹ́nu. Wọ́n lè fún ara wọn gbo bayi ni Oluwa wi.

Ó tilẹ̀ ti la ọ̀nà kan tí Ó lè fi so Ìyàwó Rẹ̀ pọ̀ kárí ayé láti gbọ́ Ohùn Rẹ̀, ní àkókò kan náà, kí wọ́n lè wà ní ọkàn kan, ní ìṣọ̀kan, kí wọ́n gbọ́ Ọ̀rọ̀ Rẹ̀.

Ó ní láti mú ìránṣẹ́ Rẹ̀, ṣùgbọ́n Ó fi Ohùn Rẹ̀ sílẹ̀, Ọ̀rọ̀ Rẹ̀ pípé fún Ìyàwó Rẹ̀ Pípé. Nípa gbígbọ́ àti dídúró pẹ̀lú Ohùn Rẹ̀, wọn yóò mọ̀ pé a kò lè tàn wọ́n jẹ.

Ewa gbo o, Bẹ́ẹ̀ ni Ọlọ́run ṣe gbé Ìjọ Rẹ̀ kalẹ̀, ki gbogbo Ọ̀rọ̀ maa so irú tire! “Ènìyàn kì yóò wà láàyè nípa akara nìkan, bí kò ṣe nípa gbogbo Ọ̀rọ̀ tí ó ń jáde láti ẹnu Ọlọ́run.”

A mọ̀ wipé èyí ni gbígbàgbọ́ nínú gbogbo Ọ̀rọ̀ tí Ẹ̀mí Mímọ́ ń sọ, ṣùgbọ́n nitemi, mo ní ọlá títóbi jùlọ tí a tíì fún ènìyàn rí. Mo lè fi eti mi gbọ́, Ohùn gidi ton sọ gbogbo Ọ̀rọ̀ tí ń jáde láti ẹnu Ọlọ́run.

Kò sí ọ̀nà mìíràn fún mi mo. Ọlọ́run ti pèsè ọ̀pọ̀lọpọ̀ ọ̀nà láti gba àwọn ọmọ Rẹ̀ là, ṣùgbọ́n nitemi, Ọlọ́run ti pèsè ọ̀nà pípé láti ṣe ìyàwó rẹ̀ ní pípé.

Lónìí, Sátánì ń ṣi Ìwé Mímọ́ tí a kòsi le fun Iran yi tumo. Yóò jẹ́ kí o mọ̀ pé gbogbo ohun tí Jésù ṣe dára pátápátá. Yóò jẹ́ kí o mọ̀ pé gbogbo ohun tí Arákùnrin Branham ṣe dára pátápátá, òun sì ni wòlíì Ọlọ́run. Ṣùgbọ́n nígbà tí ó bá kan ṣíṣe atunte Ohùn Ọlọ́run tí a ti fìdí rẹ̀ múlẹ̀ nínú ìjọ wọn, wọn yóò sọ pé kii se fun ojo t’ónìí, iṣẹ́ ìránṣẹ́ kan lokan je.

Ohun tí ó ní láti ṣeniyen, eeri? , oun ni láti mu kí àwọn ènìyàn gbaàgbọ́ gegebi woli wa se so, ìyẹn ni—ko jubee lo. Nítorí, “O kò le mú ọ̀rọ̀ kan kúrò nínú rẹ̀, tàbí kí o fi ọ̀rọ̀ kan kún un.” Ṣùgbọ́n ìyẹn ni ohun tí satani ń ṣe.

Kí ni olórí ẹ̀mí rẹ ń gbé lárugẹ nínú ìjọ rẹ? Kí ni Ohùn pàtàkì jùlọ tí Ìyàwó gbọ́dọ̀ gbọ́ lónìí? Olórí kan ṣoṣo ni o lè ní.

A: Ohùn iṣẹ́ ìránṣẹ́?
B: Ohùn Ọlọ́run lórí àwọn fonran?

“Gbogbo irúgbìn gbọ́dọ̀ so irú tirẹ̀.” Bẹ́ẹ̀ ni Ọlọ́run ṣe dá Édẹ́nì Rẹ̀ sílẹ̀.

Èmi kò tako sise iṣẹ́ ìránṣẹ́ gegebi ojise Ólorun. Mo mọ̀, mo sì gbàgbọ́ pé Ọlọ́run ti pè wọ́n. Ṣùgbọ́n nitemi, iṣẹ́ ìránṣẹ́ tòótọ́ yóò sọ fún ìjọ rẹ̀ pé Ohùn lórí àwọn fonran ni Ohùn pàtàkì jùlọ tí wọ́n gbọ́dọ̀ gbọ́, nítorí náà wọ́n gbọ́dọ̀ máa gbo atunte ohun woli nínú ìjọ wọn, nítorí pé ó jẹ́ Ohùn PÀTÀKÌ.

Ní ti èmi àti ilé mi, àti Branham Tabernacle, a ó dúró pẹ̀lú Ọ̀nà Pípé tí Ọlọ́run pèsè. A ó máa tẹe ao si maa gbọ́ Ohùn Ọlọ́run.

Mo fẹ́ kí gbogbo ayé wá dara pọ̀ mọ́ wa láti gbọ́ Ohùn yẹn ní ọjọ́ Àìkú yìí ní agogo méjìlá osan, àkókò Jeffersonville, bí a ṣe tún para pọ̀ yí ọ̀nà tí Ó yàn fún wa lónìí ká.

Arakunrin Joseph Branham

Ìwaasu: Édẹ́nì ti Sátánì 65-0829

Àwọn Ìwé Mímọ́ láti kà kí a tó gbọ́ Ìránṣẹ́ náà:
2 Tímótì 3:1-9
Ìfihàn 3:14
2 Tẹsalóníkà 2:1-4
Isaiah 14:12-14
Matteu 24:24