Category Archives: Uncategorized

26-1101 Kukhazikitsidwa #2

Uthenga: 60-0518 Kukhazikitsidwa #2

PDF

BranhamTabernacle.org

Wokondedwa Okondendwa

Kodi inu mwakonzeka, ana aamuna ndi aakazi a Mulungu owonetseredwa ndi oleredwa, kukhala pansi pamodzi m’malo amwambamwamba, mogwirizana ndi Mkwatibwi wochokera kuzungulira padziko lonse lapansi, kumva Liwu la Mulungu likulankhula kwa inu pakamwa ndi khutu?

Inde!!! Ife takonzeka kumva Liwu la Mulungu likutiwuza ife bwino lomwe yemwe ife tili.

Ine ndakutchulani inu “okondedwa” chifukwa inu muli. Inu—inu ndi okondedwa anga. Inu mukudziwa chiyani? Mundilole…Apa pakubwera Lemba. Paulo anati, “Ine ndikukuchitirani inu nsanje (Mpingo Wake) ndi nsanje ya umulungu, pakuti ine ndakupalisani inu ubwezi.” Ndi zimenezotu, amene amva izo. Ndi zimenezotu. “Pakuti ine ndakupalisani inu ubwezi, ndakutomeretsani inu kwa Khristu, ngati namwali wangwiro.”

Ulemerero kwa Mulungu, mngelo wake watipalitsa ife ubwezi kwa Iye. Ife ndife namwali oyera mtima ku Mawu Ake, Uthenga uwu, ku Liwu Lake pa matepi. Tsopano ife tatomeredwa kwa Khristu.

Ife tidzakhala okonzeka komanso pansi pa kuyembekezera kwakukulu Lamlungu. Ife tidzaluma chala chathu, tidzatsina miyoyo yathu, ndi kukantha mitima yathu. Ife kamodzinso tidzakhala tikufuulanso, kutamanda Ambuye, kufuula “ameni, haleluya”, monga momwe nyenyezi za m’mawa zinayimbira limodzi ndi ana a Mulungu anafuula ndi chisangalalo; pamene anaona dongosolo la chipulumutso, pamene Mulungu anaika mayina athu m’Buku Lake maziko a dziko asanakhazikitsidwe.

Kodi ife tingamvetse kuti Atate Mulungu wakhala akuyembekezera, kuyambira pachiyambi cha dziko lapansi, mpaka lero, PA IFE? Iye anaona komwe ife tidzawonetseredwe m’masiku otsiriza, ndipo wakhala akuyembekezera ndi kutililira ife kuti tidzuke ndi mphamvu ya Mzimu Woyera kuti atiululire zinthu zachinsisi zomwe zabisika mpaka lero.

M’mibadwo yonse, aneneri akhala akuyembekezera mpaka masiku otsiriza ano kuti zinthu izi ziwonetsedwe. Atate Mulungu anati wakhala akuyembekezera kuti Mpingo Wake ukule kuchokera ku nthawi ya Lutera, nthawi ya Baptisti, nthawi ya Methodisiti, nthawi ya Pentekosite, ndipo tsopano mpaka ku Mwala wapa mutu kuti ukhazikike. Kenako mpaka Chimango titatsilizika.

Masiku olonjezedwa amene Ambuye analankhula ndi kuwalakalaka tsopano akuchitika ndipo akukwaniritsidwa pamaso pathu… NDIPONSO MWA IFE. Tsopano ife tili mwa Khristu Yesu, tikukhala mu mtendere wamwambamwamba, madalitso amwambamwamba, Mzimu wamwambamwamba, kumene chilichonse ndi chathu. Ife tili mu Dziko Lolonjezedwa ndipo tili ndi chilichonse mumchikwanekwane. Mbewu Yake yoyamba inafika ku kukhwima kokwanira ndipo inaweyulidwa pamaso pa Mkwatibwi Wake. Mzimu Woyera unabwerera kwa Atate Mulungu ndipo unanena izi za mngelo Wake wamphamvu:

Mngelo wanu akukula mu chisomo! Akuponya zipolopolo m’nkhalango.Iye amatenga nkhosa zanu ndipo amatha kuzigwira monga momwe Inu mumachitira. Iye sadzawapatsanso iwo udzu wa m’nyanja. Iye sadzawapatsanso iwo udzu wachitsulo. Pomwe iwo anabwera mozungulira, nanena, ‘Ife tikufuna kulowa mu mpingo,’ iye anati, ‘Tsekani pakamwa panu, simukusowa zimenezo! Ayi, bwana.Izi ndi zomwe inu mukufunikira, “Lapani, mubatizidwe, aliyense wa inu, mu Dzina la Yesu Khristu, kuti machimo anu akhululukidwe. Inu mudzalandira mphatso ya Mzimu Woyera.”‘

“O, kodi Iye akunenadi zimenezo?”

“Inde, Bwana, iye amaterodi.”

“Chabwino, ndi kokha momwe ine ndinazilembera.”

“Ndi momwemo mokha iye amanenera izo.”

“Inu mukudziwa chiyani? Ine ndinaona Arikibishop Wakuti-ndi-wakuti akumuuza kuti iye ‘sakuyenera kubwera mumzinda uno ndikudzachita msonkhano.’ Koma, inu mukudziwa,ine ndinali kumutsogolera iye, ine ndinati, ‘Pita mulimonsemo.’Iwo anamuuza iye kuti kunali bwino awasiye matepi ake onse, ndipo inu musawalole iwo kuti atuluke. Ife tinapita mulimonse!”

“Uyo ndiye mwana wanga woleredwa amene ine ndakhala ndikumuyembekezera. Tsopano nditha kulankhula kudzera mwa iye ndikuulula zinsinsi zanga zonse zobisika kwa nkhosa zanga.”

“Wabwino Atate Mulungu.”

“Tsopano kodi inu mungakonde kuti ine ndikuuzeni inu za ana anu ena?”

“Inde, iwo akuchita motani?”

“Oh Atate…inu kotero mungakhoze kuwanyadira iwo. Iwo ndi otemeredwa ma khoma achikalekale. Mabishopu awo akale aja akuwauzabe iwo chinthu chomwecho, kuti iwo asamapite ku matchalitchi awo a tepi kuti akamve Liwu Lanu. Iwo amati matepi si Liwu lofunikira kwambiri lomwe iwo ayenera kumva; pali maliwu ochuluka ofunikira kwambiri tsopano.”

“Inu mukudziwa zomwe Nkhosa Zanu zimawauza alaliki awo?”

“TSEKANI PA KAMWA PANU,IFE TIKUKHALA NDI MATEPI, TIKUKHALA NDI LIWU LA MULUNGU.”

“Kodi iwo amaterodi?”

“Inde, Bwana, iwo kokha ali ngati Inu.”

“O, izo ndi zopambana bwanji. Zimenezo zimandipanga ine kusangalatsa kwambiri. Ine ndakhala ndikuwayembekezera iwo kwa nthawi yayitali. Tsopano nawonso ali okonzeka KUKHAZIKITSIDWA!!”

“Iwo adzakhala pa mzere wawo wa ntchito Lamlungu lino nthawi ya 12:00 PM, nthawi ya ku Jeffersonville, kuti adzamve Lawu Lanu. Iwo adzagwirizana ndipo adzasonkhanitsidwa kuchokera padziko lonse lapansi ndi kuitana aliyense kuti agwirizane nawo.”

“Zopambana, INE NDIDZAKHALA PAMODZI NDI IWO.”

M’bale Joseph Branham

Chikumbutso: Musaiwale za Nthawi Yosunga ya Masana

Uthenga: KUKHAZIKITSIDWA #2 60-0518

Malemba Opatulika:
Genesis 1:26
Chaputala Choyamba cha Aefeso
Aroma 8:19
Agalatiya 1:6-9
Chaputala Chachisanu ndi Chimodzi cha Ahebri
Yohane 1:17

26-1025 Kukhazikitsidwa #1

Uthenga: 60-0515E Kukhazikitsidwa #1

PDF

BranhamTabernacle.org

Wokondedwa Wokhulupirika mwa Khristu Yesu,

Ndi nthawi ya ulemerero yotani yomwe ife tili nayo. Ife timakhala pansi pa kuyembekezera kwakukulu sabata iliyonse pamene tikulumikizana pamodzi mozungulira Liwu Lake. Maganizo athu auzimu si ali osokonezeka. Ife TIMADZIWA bwino lomwe yemwe Iye ali.Ife timadziwa bwino lomwe chomwe Iye ali.Ife TIMADZIWA bwino lomwe yemwe ife tili; banja limodzi lalikulu NDI IYE! “

“Iye anampatsa munthu kuti adzakhale mulungu wamng’ono.” Chifukwa Iye ndi Mulungu Atate, ndipo Iye anamupanga munthu kukhala mulungu wamng’ono, chotero Iye si wokhalapo yekhanso, Iye akukhala ndi banja Lake. Elah, Elah, Elohim. Tsopano, tsopano Iye ndi Yehova. Yehova, kutanthauza, “Mmodzi Amene akukhala ndi banja Lake.

Banja la Mkwatibwi Wake likupangidwa la mngwiro ndi Liwu la Yehova Mwiniwake.Iye Watiphunzitsa ife momwe tingamenyane ndi mdani aliyense amene amayambana ndi ife; momwe ife tingamupambanire ndikumugonjetsa iye ndi Mawu, chifukwa Mawu Ake ali ndi moyo ndipo amakhala mkati mwa ife.Iye anatitsimikizira ife kuti, “IFE NDIFE MAWU”. Choncho chilichonse chimene ife tipempha m’Dzina Lake, tikhoza kuchilandira icho ngati tikhulupirira… NDIPO IFE TIMAKHULUPIRIRA!

Iye walankhula ndi kutiwululira ife momwe tingakhalire ma thunthu angwiro amuna ndi akazi kuti tikhale malo okhalamo Iye. Iye anafuula ndi kufuula kuti asonkhanitse Mkwatibwi Wake wokondedwa pamodzi kuti atidziwitse ife kuti Iye ndiye Mtsogoleri wathu, ndipo anali kutitsogolera ndi kutilondolera ife kudzera mwa namulondola wake wa mngelo wapadziko lapansi, William Marrion Branham.

Tsopano iye ali ndi phunziro lina lapadera lomwe akufuna kutiphunzitsa ndi kutiwululira ife.Iye akufuna kulengeza kuti ndife ana ake okhazikitsidwa. Dzina lathu ndi labwino monga momwe Dzina lake lilili. Ife tatuluka ku Kanani, kutuluka m’dziko lapansi, ndipo TSOPANO tikukhala pamodzi m’malo amwambamwamba, tikudya Mana wobisika, wosungidwa.

Tsopano Iye atiuza ife zomwe tiyenera kuchita kuti tikhale okonzekera Uthenga Wake wotsatira, ndi zomwe zingachitike ngati ife titatero.

Ife tiyenera kupempheredwa ndi kukonzekera Uthenga; Kudzisonkhanitsa ifeeni pamodzi monga oyera mtima kuti timve Liwu Lake, Kubatizidwa ndi Mzimu Woyera, kudzazidwa ndi madalitso a Mulungu; Popanda malingaliro oipa; Popanda chotsutsana wina ndi mnzake; Kulankhula mu mchikondi ndi mogwirizana; Kukhala mu umodzi, pamalo amodzi pamodzi m’malo amwambamwamba pansi pa mlengalenga wakumwamba; Machimo athu onse pansi pa Magazi, mu mkupembedza kwangwiro; Manja athu ndi mitima yathu zokwezedwa kwa Mulungu, kupembedza pamodzi m’malo amwambamwamba.

Ngati ife tichita zinthu izi, izi ndi zomwe zidzachitike Lamlungu lino:

  • .Machiritso a uzimu
  • .Kudziwa za mtsogolo .
  • .Vumbulutso
  • .Masomphenya .
  • .Mphamvu
  • .Malilime
  • .Kutanthawunzira
  • . Nzeru
  • .Chidziwitso
  • .Madalitso amwambamwamba .
  • Chimwemwe chosaneneka komanso chodzadza ndi Ulemerero

Mtima uliwonse udzadzazidwa ndi Mzimu. Kenako mwadzidzidzi kudzamveka mkokomo wonga mphepo yothamanga mwamphamvu kuchokera Kumwamba ndipo Iye adzatidalitsa ife ndi madalitso onse awuzimu.

Icho ndicho chimene chidzachitike Lamlungu lino nthawi ya 12:00 PM, nthawi ya ku Jeffersonville, komwe Mulungu wapereka malo apadera komwe Mkwatibwi angasonkhane pamodzi kuti amve Liwu Lake mu mgwirizano umodzi, mu mmalo amodzi, ndi manja ndi mitima yathu zokwezedwa kwa Mulungu, kupembedza pamodzi mu mchikhalidwe chakumwambamwamba.

M’bale Joseph Branham

Uthenga:
Kukhazikitsidwa #1 60-0515E 

Malemba:
Yoweli 2:28
Aefeso 1:1-5 1
Akorinto 12:13 1
Petulo 1:20
Chivumbulutso
17:8
Chivumbulutso 13

26-1011 Thunthu La Munthu Wangwiro

Uthenga: 62-1014M Thunthu La Munthu Wangwiro

PDF

BranhamTabernacle.org

Wokondedwa Thunthu La munthu wangwiro,

Ndi maphunziro otani omwe ife takhala tili nawo. Liwu la Mulungu lakhala likulankhula ndi kutilangiza ife, mawu pa mawu ndipa mawu, ndendende momwe ife tingagonjetsere mdani aliyense. Iye wawululidwa ndi kuzikika mu mtima mwathu, IFE NDIFE MAWU. Kotero, ife sitingagonjetsedwe.

Pomwe mdani akabwera pa ife, timangomumenya ndikumumenya ndi kumumenya ndi bomba lathu la atomiki, mawu olankhulidwa a Mulungu, omwe amakhala ndi kukhazikika mwa ife.

Zoonadi, nkhondoyo ili mkati, koma tsopano ife tilibenso mantha mkomwe; ife tilibenso nkhawa mkomwe. Ife sitikumvera chikumbumtima chathu .Ife sitikumvera kukumbukira kwathu.Ife sitikumvera zokonda zathu. Ife tatseka malingaliro athu ku zinthu izi ndikuyika mzimu wa Mawu Ake mu mtima ndi moyo wathu. Ife tapemelera kunja chilichonse chosiyana ndi mawu ake.

Kukayika kulikonse kwapita. Mantha onse atha.Kunvelera kwa ku Kukayikira kulikonse kwapita. Kumverera kulikonse kwapita. Palibe chilichonse chikuyima pamenepo koma mawu a Mulungu okhala ndi kukhazikika mwa ife, ndipo Satana sangathe kulimbana ndi izi.

Tikukhala chihema chamoyo cha Mulungu wamoyo. Ndi Mulungu wokhala MWA IFE, ndipo Satana sangathe kumenyana ndi icho.Ife tikukhala kachisi wa moyo wa Mulungu wa moyo.Iye ndi Mulungu akukhala mwa ife kutipangitsa ife kukhala monga iye mwini, kudzinyezimilitsa Iyemwini mwa ife.

Ife tikutenga malo a Khristu, kupitiriza utumiki wake. Iye akukhala mu mthunthu la munthu pamene iye akudziwonetsera yekha mwa ife. Tsopano ife tili ndi kupembedza kwangwiro ndi Iye! Ndi Mulungu akudziwonetsera yekha mwa ife, kukhala Kachisi Wake.

Kodi maziko athu osasunthika okhulupirira zinthu izi ndi chiyani? CHIKHULUPILIRO. Ndipo chikhulupiriro chathu sichisowa kalikonse; Pakuti chikhulupiriro chathu chimakhulupirira mawu a Mulungu. Pakuti chikhulupiriro chimadza pakumva, ndi kumva mawu a Mulungu, ndipo mawu a Mulungu amabwera kwa Mneneri yekha, ndipo timangomva mneneri pokanikiza kusewera…PHWAA!!

pakuvetsera ku Liwu Lake ,Ife tikutsanyulidwiramo ndipo ife tafa kukuganiza kwathu komwe. Chikhulupiriro chathu chakhala chikhulupiriro chenicheni, ndipo moyo wake wayikidwa mwa ife. Ife takhala zolengedwa zamoyo za Mulungu, malo okhalamo momwe Mzimu Woyera amatha kutumiza madalitso Ake owoneka bwino.

Kodi Liwu ilo limene lili pa matepi likuchita chiyani?

Khristu wandituma ine kuti ndidzammange munthu aliyense payekha kukhala thunthu la Yesu Khristu, kuti iwo adzakhoze kukhala nyumba ya mphamvu ndi malo okhalamo a Mzimu, mwa Mawu Ake. Mwa Mawu Ake, mwaona, kumumanga munthuyo kuti afike pa malo amenewo.

Pa kumva Liwu Lake, ndi kukhulupirira ndi kutsatira Liwu Lake, izo zatimanga ife kuti tikhale mathunthu ya Yesu Khristu; malo okhalamo Mzimu Wake. Ife ndife makhalidwe abwino amoyo, chidziwitso chamoyo, kuleza mtima kwamoyo, umulungu wamoyo, Mphamvu yamoyo, yochokera kwa Mulungu wamoyo, yomwe imatipanga ife kukhala munthu wamoyo, chifaniziro chamoyo, mu mthunthu la Mulungu.

Koma Thupi Inu munandikonzera Ine,” Thupi limene Mulungu angakhoze kukhalamo, Mulungu akhoza kuyendamo, Mulungu akhoza kuwoneramo, Mulungu akhoza kuyankhulamo, Mulungu akhoza kugwiriramo ntchito. Ameni! Chida chamoyo cha Mulungu, Mulungu akuyenda pa mapazi awiri, mwa inu. Ulemelero! “Mapazi a olungama amalamulidwa ndi Mulungu,” Mulungu kumayenda mwa inu. “Pakuti ndinu akalata olembedwa, owerengedwa ndi anthu onse.

Ulemerero…!!! Choncho, ife sitikusamala ngati tikukhala mu hema kapena m’nyumba, kaya kukhala ndi moyo kapena kufa, kuzama kapena kumira m’madzi. Chinthu chimodzi ichi chokha ndi chimene ife tikakhala nacho osangalatsidwa nacho: UTHENGA LIWU, MAWU A MULUNGU. Iwo ndi Ufumu wa Mulungu. Iyo Ndi njira yoperekedwa ndi Mulungu ya tsiku lino.Iyo ndikumanga Thunthu La Munthu Wa Ngwiro, yemwe ndiye ife!

Tiyeni tidzabwere pamodzi ndikuwunika miyoyo yathu pamene tidzamva Mlangizi wathu akutiphunzitsa zimene tiyenera kuchita, ndi mmene ife tiyenera kukhalira moyo, kuti tikhale ana aamuna ndi aakazi a Mulungu A-N-G-W-I-R-O.

Ife tidzalonjeza Ambuye kuti mothandizidwa ndi Iye komanso mwa chisomo Chake, tidzapemphera ndi kumufunafuna tsiku ndi tsiku mosalekeza, mpaka titamva kuti chilichonse chimene Iye amafuna chikuyenda mu mthunthu lanthu. Ife Tidzakhala pamenepo mpaka titakhala mawonetseredwe a Khristu wamoyo.

Sabata iliyonse, chisangalalo ndi chiyembekezo cha zimene Ambuye achite ndi kuziwulura kwa ife ndizoposera mawu kuzifotokoza.Momwe ine ndikufuna kuti dziko lonse lidzagwirizane nafe, chifukwa palibe chinthu chachikulu kapena changwiro kwambiri kuposa kukhala mu mkupezeka kwa Liwu la Mulungu ndi kukhala Thunthu La Mngwiro La Mkwatibwi Wa Mawu Ake Angwiro.

M’bale Joseph Branham.

Uthenga: Thunthu La Munthu Wangwiro 62-1014M.

Nthawi: 12:00PM nthawi ya ku Jeffersonville.

Malemba:
Mateyu 5:48;
Luka 6:19; Y
ohane 1:1 / 3:3 / 3:16 / 5:14 / 14:12;
Machitidwe 2:38 / 7:44–49 / Chaputala 10 / 19:11 / 28:19;
Aefeso 4:11-13;
Akolose Chaputala 3.
Ahebri 10:5 / 11:1 / 11:32-40
Yakobo 5:14
2 Petro Woyera 1:1-7
Yesaya 28:19

26-1004 Nkhondo Yaikulu Imene Yakhala Ikumenyedwa

Uthenga: 62-0311 Nkhondo Yaikulu Imene Yakhala Ikumenyedwa

PDF

BranhamTabernacle.org

Okondedwa AMikaya,

Nkhondo yaikulu kwambiri imene idamenyedwapo tsopano yakonzeka kuyamba kuchitika. Mulungu wakhala akusankha asilikali Ake apamwamba kwa zaka zoposa sikisi sawuzande, ndipo inu munakonzedweratu ndi kusankhidwa kuti mukhale mu Gulu Lankhondo Lake Lalikulu.

Iye wakhala akukuvekani inu, ndi kukuphunzitsani inu, ndipo tsopano mzere wa nkhondo wakhazikitsidwa, kukozekela kuti iyambe. Osati kokha kuti Iye wakusankhani inu kuti mukhale mu Gulu Lankhondo Lake Lalikulu, koma wakusankhani inu kuti mukhale Mikaya mneneri mu gulu lankhondo Lake.

Nthawi yafika, tsiku lafika; Inu mudzalandira maphunziro molunjika kuchokera ku Lawi la Moto Iyemwini kuti mugonjetse mdani aliyense.Inu Mudzalandira malangizo apadera, Mawu pa Mawu, pa zomwe inu muyenera kuchita kuti muwononge mizimu yonse yoipa. Idzachotsa matenda aliwonse ndi mdierekezi aliyense amene abwera pamaso panu. Palibe chimene chingathe kuyima pa njira yanu.

Pambuyo pa maphunziro apaderawa, mudzalimbikitsidwa ndi Mawu Ake kotero kuti mudzatulutsa zoipa zonse. Mudzachotsa kulingalira. Mudzachotsa zikhulupiriro zachabe. Mudzachotsa nkhawa. Mudzachotsa matenda. Mudzachotsa tchimo.Inu mudzamvetsetsa kuti muli pamwamba pa izo, mwaukitsidwa mwa Khristu Yesu, mukukhala m’malo amwambamwamba, ndi mdierekezi aliyense pansi pa phazi lanu.

Inu mudzamvetsetsa kwathunthu ndi KUKHULUPIRIRA kuti ndinu Mawu.

Iye adzakhala akukuphunzitsani inu zomwe muyenera kukhala nazo a tcheru.Iye adzakulangizani inu kuti ngati mdani wanu angakuchititseni kukhulupirira kuti Chida chanu sichili champhamvu mokwanira,iye adzakulandani chida chanu.

Koma ife tidzakumbukira maphunziro athu, asilikali, ndi kumuwuza mdierekezi uja kuti: Si ife, ife sindife kanthu. Chida chathu ndi Mawu a Mulungu ndipo adzagonjetsa MDIEREKEZI ALIYENSE, nthawi iliyonse, malo aliwonse, chifukwa ndi MAWU AKE, NDIPO IYE WATIPHUNZITSA IFE NDI KUTIULULIRA IFE KUTI TSOPANO NDIFE MAWU AKE OPANGIDWA THUPI. CHONCHO,ife sitingagonjetsedwe, ndife gulu lankhondo losagonjetseka la MULUNGU.

Limodzi mwa masiku aakulu kwambiri mu mbiri ya dziko lapansi lichitika Lamlungu lino. A Mikaya Ake adzagwirizana pamodzi kuchokera kuzungulira dziko lonse lapansi pansi pa Liwu la wa Wankhondo wawo wamkulu, pamene tidzalumikizidwa pamodzi mu mtima umodzi, popanda mthunzi umodzi wa kukayika kulikonse.

Ndiye, ngati ife tingokhulupirira kokha, NDIPO IFE TIMAKHULUPIRIRA, sipadzakhala munthu wofooka kuzungulira padziko lonse lapansi. Ngati ife tingakhoze kutenga chinthu icho china chake kukonzedwa, sipakanakhala munthu wina aliyense wofuna Mzimu Woyera koma akanawulandira iwo, ndipo pakanakhala kuchiritsidwa kwadzidzidzi kwa moyo ndi thupi, ngati ife tidzasunga malo athu. Tsopano nthawi ndi ino.Ife ndife anthu. Mzimu wa Mulungu wadzutsa muyeso woyenera kutsutsana ndi mdierekezi aliyense; ife ndife MMODZI MWA IWO ndipo palibe chotiletsa ife!!

Ife Tafa ku zokhudzira zathu, tafa ku kulingalira kwathu, tafa ku zinthu izo zonse. Moyo wathu wabisika ndipo taikidwa m’manda mu Dzina la Yesu Khristu, ndi kuukitsidwa pamodzi ndi Iye. Ndipo kumene Iye ali, komweko ife tilinso.

Ife tatulukila panja panthu, mdierekezi, pa kukuphulitsa ndi, “PAKUTI ATERO AMBUYE. PAKUTI ATERO AMBUYE. PAKUTI ATERO AMBUYE.” Ife Potsiriza tikununkhiza m’pweya wabwino. “PAKUTI ATERO AMBUYE.” pano ife Tikubwera mdierekezi, tatulutsa mitu yathu panja. “PAKUTI ATERO AMBUYE, IWE WAGONJETSEDWA.”

Kodi ife timagonjetsa mdierekezi ndi chiyani?

Mawu!
Tiyeni ife tinene izo; Mawu! Mawu! MAWU!!

MALANGIZO ENA OCHURUKA OPHUNZITSIRA

Tsopano m’dani akamalimbana ndi kuyesa kunena kuti iwe uyenera kuchita izi, iwe uyenera kuchita izo, iwe ndiwe wopanda pake, suyenera, sunachiritsidwe, iwe ukanalinso ndi mavuto ako ofanana omwewo. Kodi iwe uchite chiyani?

Choka kwa ine.” Phwaa! Inu mumudule iye ndi Mawu. Kaya icho ndi chiwanda, kaya iye ndi mdani, kaya awo ndi matenda, kaya iyo ndi nthenda, chirichonse chimene icho chiri, muwatenge Mawu amenewo ndipo muwakoke Iwo ndi Lupanga. Ndipo ngati inu muchimenya icho nthawi yoyamba, icho nkusamawoneka kuti chikusuntha, muchimenyenso icho kachiwiri, ndi kuchimenyanso icho, ndi kuchimenyanso icho.

Ife Timangovomereza Mawu pa maziko akuti, “Mulungu adanena choncho,” ndipo izo zimakhazikitsa chilumikizano pakati pa ife ndi Iye. Njira iliyonse yakhala yotseguka pakati pathu.Ife timanena kuti, “Ine Sindikudziwa kuti ndidzazipeza liti izo, koma ine ndidzazipeza izo. MULUNGU ANENANA CHONCHO. Kukayika kulikonse KWAPITA…ife tikukayikiranso ngakhale kukayika kwathu.”

Ife timakaniza mdierekezi ndi kutenga Mawu a Mulungu. Ngati ndimva kutentheka, kapena kusamva kutentheka, ziribe kanthu zomwe zichitika, Mulungu ananena choncho. Izo zimakhazikitsa izo.

Tsatirani malangizo awa, asilikali, ku kalata. Bwerezani Mawu awa pamene mdani akulimbana nanu. Si Mawu anu, iwo ali MAWU AKE, NDIPO MAWU AKE SANGAKHOZE KULEPHERA. Iye watipatsa ife mphamvu kuti tigwiritse ntchito Mawu Ake potipanga ife kukhala Mawu Ake. Pamene Satana akulimbana nanu, muwerengereni iye malamulo anu.

MALANGIZO A MKULU WATHU WANKHONDO

Apa pali ndendende zomwe ine ndikufuna kuti inu muzichita.

Bwerezani lumbiro ili ndi kukhulupirira Mawu aliwonse pa chiwombolo chathunthu.

Satana, pita kutali! Ine ndikutulukamo muno.” Ndi zimenezotu. “Ine sindikhala muno, panonso. Ine sindikhalanso muno, panonso. Ine sindiri pa bwalo la Mdierekezi wakale uyu panonso. Ine ndikukonkhomola njira yanga kuti ndituluke, mmawa uno. Ameni. Ndine mphungu.” Ameni! Aleluya!

Kenako ine ndikufuna kuti inu muzichita izi:

Kuphulitsa izo ndi, “PAKUTI ATERO AMBUYE. PAKUTI ATERO AMBUYE. PAKUTI ATERO AMBUYE.”

Tsegulani maganizo anu, nenani, “Mawu Anu ndi oona.”

Ambuye, ine sindilabadira chirichonse cha momwe ine ndikumverera, chimene aliyense, akudzinenera yekha. Ine ndasiya, ine ndikupemerera uliwonse wa mpita wanga, kukhumudwitsidwa kulikonse, ndi kukaikira, ndi kusakhulupirira kumene ine ndinayamba ndakhalapo nako. Kumverera kulikonse kumene ine ndinayamba ndakhalapo nako, matenda onse amene ine ndinayamba ndakhalapo nawo, chirichonse chimene ine ndinayamba ndakhalapo nacho, ine ndikuzipemerera izo zonse. Ine ndikuzilambalala zonse izo. Ine ndikubwera molunjika kwa mzimu wanga.

CHIKHULUPIRIRO chanu chidzayamba kukwera m’mwamba ndi m’mwamba. Kenako nenani kwa Iye, O Ambuye, tsikani. Inu munati munandipanga ine kukhala wakhalidwe mwaufulu.

“Iwe ndiwe, mwana Wanga wamamuna.”

Chabwino, ine ndatsegula mtima wanga ndi maganizo anga.

“Lowani mkati, Ambuye Yesu.”

Ndipo mugwire Chikhulupirirocho, Lupanga ilo la Mzimu, PAKUTI ATERO AMBUYE.

Mufuule, “Aleluya!” Ameni.

Ndiye mudulire pansi mdani aliyense pamaso panu. Ameni. Ndi zimenezotu. Kumudula mdani aliyense. Ngati—mzimu wakale wa chipukwani ukukupangani inu kumadzimverera…Muchidulepo chinthu chimenecho, ndi Mawu a Ambuye.

MALANGIZO ANU OTSIRIZA MSILIKALI.
UZANI MDANI:

Choka kwa ine.” Phwaa!

Inu mumudule iye ndi Mawu. Kaya icho ndi chiwanda, kaya iye ndi mdani, kaya awo ndi matenda, kaya iyo ndi nthenda, chirichonse chimene icho chiri, muwatenge Mawu amenewo ndipo muwakoke Iwo ndi Lupanga. Ndipo ngati inu muchimenya icho nthawi yoyamba, icho nkusamawoneka kuti chikusuntha, muchimenyenso icho kachiwiri, ndi kuchimenyanso icho, ndi kuchimenyanso icho. Ndipo muchimenye icho mpaka inu mutabowola dzenje pamenepo, monga ngati kamwanapiye kakang’ono kakamasuzumira panja; kapena mphungu, chimene inu muli. Kusuzumira nokha kudutsa chikhokhombe chakale icho cha matenda. Mudzidulire njira yanu, ndi kuti, “Aleluya! Kodi china chiri kuti?” Ameni. Nkhondoyo ndi imeneyo. Ameneyo ndiye msilikari. Ameneyo ndiye msilikari wa mtanda. Inde, bwana. Kumugwetsera panja mdani aliyense. Bwanji? Bwanji?

Ife, Mbewu yokonzedweratu, yachifumu ya Abrahamu.

Ulemerero, mdani aliyense wagonjetsedwa. PALIBE chimene chingaime pamaso pa Mawu a Mulungu, ndipo ife ndife Mawu a Mulungu. Ife ndife Mbewu Yake Yachifumu ndipo lonjezo lililonse NDI LATHU.

Tsiku lafika, Mkwatibwi amakhulupirira Mawu aliwonse ndipo akuchita pa Iwo. Ife tadzikonzekeretsa tokha mwa kumva ndi kukhulupirira Mawu Ake.

Ngati inu mukusowa chilichonse, ngati mukufuna kudzazidwa ndi Mzimu Woyera, ngati mukufuna kuchiritsidwa, ngati mukufuna kuti mdierekezi aliyense atulutsidwire kunja, ngati inu mukufuna kukhala Mkwatibwi wa Khristu, tsopano nthawi ndi yino, kumva ndi kukhulupirira Liwu Lake ndiye malo.

Ngati inu mukulakalaka zinthu izi ndipo inu mukufuna kukhala pamaso pa Ambuye, pafupi kuposa momwe munakhalapo kale lonse, bwerani mudzalumikizane nafe Lamlungu nthawi ya 12:00PM, nthawi ya ku Jeffersonville, pamene Mkulu wathu Wankhondo wa nyenyezi zinayi akulangiza Mkwatibwi Wake wamphamvu Mikaya momwe angagonjetsere mdierekezi aliyense, mdani aliyense, kuti amasulidwe, ndi kudzazidwa ndi Mzimu Woyera Wake, ndi kukonzekera Kudza Kwake posachedwa.

M’bale Joseph Branham

Uthenga: Nkhondo Yaikulu Kwambiri Imene Idamenyedwapo. 62-0311

Mawu:
1 Petro 5:8-10
Aefeso 6:10-17
Danieli 12:1-7

26-0920 Mbewu Ya Chisokonezo

Uthenga: 65-0118 Mbewu Ya Chisokonezo

PDF

BranhamTabernacle.org

Wokondedwa Mmodzi Wa Iwo,

Momwe anthu akatifunsa ife:

Funso: Kodi inu ndinu m’modzi mwa anthu omwe amakhulupirira kuti Mulungu anatumiza William Marrion Branham kuti adzaitane Mkwatibwi wa Mulungu?

Yankho: INDE, ndine m’modzi wa iwo.

Funso: Inu mumakhulupirira Mawu onse omwe ananenedwa pa matepi awo?

Yankho: Ambuye alemekezeke, ndine m’modzi wa iwo.

Funso: Ndiye muyeneranso kukhulupirira kuti muyenera Kukanikiza Kusewera ndikumva Liwu Lake kuti mukhale Mkwatibwi wa Khristu?

Yankho: Ulemerero, ndine ndendende ameneyo, ndine ameneyo mpaka kufikila mkati…Ndine m’modzi wa iwo.

Funso: Inu mukundiwuza ine, inu mukukhulupiriradi kuti ndinu Mbewu Yake yosankhidwa, yosankhidwiratu, Yachifumu yomwe idakonzedweratu kuchokera ku maziko a dziko lapansi kuti ikhulupirire Mawu Ake, kukhala Mkwatibwi Wake, ndikukhala angwiro pamaso Pake, opanda tchimo lililonse, ndipo simungathe kunyengedwa?

Yankho: Haleluya,inu mwamvetsa, ine ndine ameneyo 110%, INE Ndine Mmodzi Wa Iwo.

Malingana ndi Yesu mwiniwake, ife ndife kutanthauzira kwa Mawu Ake. Ana a Ufumu. Kuwonetseredwa kwa Mzimu Woyera. Mbewu ya Ufumu ya nthawi ino.

Mukudziwa chiyani? Yakwana nthawi yoti aliyense adziwe bwino lomwe kuti palibe cholakwika.Ife timalola Mulungu kulankhula kudzera mwa mneneri wake ndikuyika izo zonse pamodzi kwa inu.

Mphamvu yomweyo yomwe inalankhula dziko lapansi kuti likhalepo ili mwa anthu omwe ali ndi Mzimu Woyera. Ndizo kulondola. Amuna ndi akazi, ndi nthawi yoti ife tipeze kuti Inu ndinu ndani_ . Mdierekezi akuyesera kukubisani inu kumbuyo, kukuuzani inu kuti ndinu kanthu kena konyozeka. Inu simuli.Inu ndinu ana aamuna ndi akazi a Mulungu.

UMulungu siwuli Kumwamba, wuli mwa inu. Haleluya!

Yankho: Mulungu sali Kumwamba, akukhala ndi moyo mwa aliyense wa ife!

Ndi tsiku lililonse latsopano, ndi mpweya uliwonse womwe ife timapuma, Vumbulutso lomwe watipatsa la yemwe ife tili limakhala likukula ndi kukula. Ndife Mawu amoyo okhala m’thupi.

Tikudziwa izi chifukwa watipatsa Vumbulutso limene Iye anatumiza m’masiku athu ano; amene Mulungu mwiniwake anati adzatumiza kuti akalalikire ndi kuphunzitsa Mawu Ake mu Chivumbulutso 22.

Ine Yesu ndatumiza mngelo wanga kudzachitira umboni kwa inu zinthu izi mmipingo.

Iye anatumiza mngelo Wake: William Marrion Branham, kuti akalankhule m’mipingo YAKE…Izo mnzanga zikutanthauza KUSEWERA MATEPI M’MIPINGO YANU. Zimenezo sizitengera vumbulutso mkomwe, inu muyenera kungowerenga.

Malingana ndi Mawu, ino ndi nthawi yonyenga kwambiri mu mbiri ya dziko lapansi. Mzimu wa chowonadi ndi wabodza udzakhala moyandikana kwambiri moti ukanadzanyenga osankhidwa omwe ngati n’kotheka.

Mulungu anatumiza Mngelo WAKE ku mipingo. Ife tili ndi Liwu Lake kusonga ya zala zathu. Ife tikhoza kumva ndendende Mawu pa Mawu omwe Iye analankhula. Izo Sizikusowa kufotokozera kapena kutanthauzira, chomwe Mkwatibwi ayenera kuchita ndi kokha KUNGOKANIKIZA KUSEWERA NDI KUKHULUPILIRA.

Iye anatichenjeza ife, musasinthe kolemba kamodzi kapena dontho limodzi pa matepi. Musayike kumvetsetsa kwanu kapena malingaliro anu, ingomverani Liwu Langa ndikukhulupirira. Mpaka lero, izo zakhala zisakukhala zotheka; koma lero ndi chifukwa chakuti ndi njira yoperekedwa ndi Mulungu lero.

Tangomva kumene Mibadwo Isanu ndi iwiri ya Mpingo ndi momwe m’badwo uliwonse, pamenepo panabuka nimizimu imeneyo kuti ichotse anthu ku Mawu owona. Momwe mu m’badwo uliwonse, mthenga atachoka, zomwe iwo ankachita kuti atengere anthu ku kukachikhulupiliro kapena mbalume; kwa iwo eni ndi ku lingaliro la munthu.

Lero akuyesera kupha chikoka chathu ndikuti, “O, iwo amakhulupirira kuti matepi ndi Liwu lofunikira kwambiri lomwe muyenera kumva. Inu muyenera kusewera matepi mu mpingo wanu … ndizopanda pake. M’bale Branham sananene kuti sewerani matepi mu mpingo. Tsopano ndi liwu la utumiki lomwe inu muyenera kumva.”

Kwa ine, imeneyo ndi mbewu ya chisokonezo! INU MUYENERA KUKANIKIZA KUSEWERA ndikumva Liwu la Mulungu m’mipingo yanu chifukwa Ndilo Liwu LOKHALO lomwe linatsimikizilidwa ndi Mulungu Mwiniwake.Inu muyenera kumvera Mawu onse omwe Mulungu analankhula.

Ine Yesu ndatumiza mngelo wanga kudzachitira umboni kwa inu zinthu izi mmipingo.”

Mngelo wotsimikiziridwa uja amalankhula mu Tchalitchi chathu, motero ine ndikukuitanani inu kuti mudzabwere kulumikizana nafe kudzava Liwu limenelo ndi Mkwatibwi Wake kuchokera kuzungulira padziko lonse lapansi pa 12:00 PM, nthawi ya ku Jeffersonville, ndi kudzamva: 65-0118 – “Mbewu ya Chisokonezo”.

M’bale Joseph Branham

26-0913 M’badwo Wa Mpingo Wa Laodikaya

Uthenga: 60-1211E M’badwo Wa Mpingo Wa Laodikaya

PDF

BranhamTabernacle.org

Wokondedwa Mkwatibwi wa Khristu, tiyeni tidzabwere pamodzi Lamlungu pa 12:00 PM, nthawi ya ku Jeffersonville, kuti tidzamve 60-1211E M’badwo wa Mpingo wa Laodikaya.

M’bale Joseph Branham

26-0906 Anamwali Khumi, Ndi Ayuda Handirede Ndi Forte-Foro Sauzande

Uthenga: 60-1211M Anamwali Khumi, Ndi Ayuda Handirede Ndi Forte-Foro Sauzande

PDF

BranhamTabernacle.org

Wokondedwa Mkwatibwi wa Khristu, tiyeni tidzabwere pamodzi Lamlungu pa 12:00 PM, nthawi ya ku Jeffersonville, kuti tidzamve 60-1211M Anamwali Khumi, Ndi Ayuda Handirede Ndi Forte-Foro Sauzande

M’bale Joseph Branham