Mesegi (O’dukoti): 65-0718m O’bizu Munguni Azi Azi Ngazu Dere Eri Ale Munguni KU
BranhamTabernacle.org
Mesegi (O’dukoti): 65-0429e Amuro Azi Pezuri’i
Kari’ba Agyiru Kari Ndeni Leletu ‘Diyi,
Engata ‘dini azi muzu ovuzu Engata amboru ndeni Amuroni nga mu ovuzu eri be ri’i. Ama engaki ovu rizaru Indikindi Mviniria, niria, amaria ama a’diki yari. Ovuza tre Yesu Kristoniri ni ovu e’dazaru ama alu alu pi ma alia Eri ma E’yoni, Eri ma O’dukoni treria, Aji ajivu, ama omveria amve ama Ondre ta Oku bizani rini.
Eli alu alusi sawa ‘dinilerisi Amuroni eca asi’bata ambo ni ma alia Engata ma wiki deza emupi ‘dini. Sawa azi Erini nga ama ecizu engazu wudrikurusi ara o’du su kpi ru, Eri inzizu, awa’difo fezu Erini, Eri epizu; a’disikuni Eri enga’bo azini oaria ama alu alu alia. Izioki Amuro be ecaria ALU.
Eri amani sawa nduru ‘di fe afa wudrikuru ama ageyia ‘diyi agbuzu dria amve ani di lu sawa ayuzu Eri be. Dri ezaza wudrikuru ‘divuri vuri yo, amani ama ngulupi ma wudrikuru o’baria Eri be. Jotile ki opizu, ama afa aciniri ki fuzu dria azini afa ci ama driezapi engazu Erivusi ‘diyi pie.
Avataza ndeni ama alu alu piniri ni oazu enyia Erivu agara. Aleki idri azi owizaru agarani oa Erini; sawa dria ovuzu Eri ma ale kililiruri alia. Ovuzu ngonde Eri ma Emuta ni. Afa azi yo wudrikuru ‘di alia, kani idri amani alia, orodriru aga ‘di rari.
Eri fe amani sawa nduru ‘di lu sawa ayuzu Eri be, e’yo nzezu azini orazu Eri ma dria. Fizu Eri ma indikindia azini asi amani ki nzizu Eri dri. ERI MU OVU IDRI MA OJATARU AMURO DRI!
Eri ni ra eri eco ovu ewaewa ra emi azi ovupi anzi nyiri pie, aku pie azini azi azi amani ovuzu yi pie ‘diyini, te akaki nga sekondi alu alu amani ovuzuri ayu E’yo nzezu Eri vu, ruesizu enyia Eri vu, asi maniki nzizu Eri vu, ojata azi ama acita Eri beri ma aliani nga ovu ci, pere acani nga ovu alurile dika ku.
Kile Erini ndra ‘ye o’du Musanisi sawa ndra Erini Ima anzi ki ejizu yi ma aku pi aa, ari ‘dasi ovu ‘bazaru ‘bo azini yini ndra yi ma ngulupiki ‘ba ngonde yi ma Efuza niri le; ‘dinile wiki ma deta Engatani Erini otu amani ‘dini vini nga ovu amani.
Otita amani ‘diyi nga ovu ‘dinile:
Eri andra O’du Su ma inisi Opi Yesuni ovuzu Ondreta Asizuri be Ima ‘ba imbale ‘diyi beri, Agaza-‘ba-drilesi de nga anzi Israelini efukiku ri ma e’yo egazu. Drileba amani ovuzu eri be tiecizu Opi be aku amanipi aliari ngo’i, ama wiki-ma-deta alaruri ma drilea, azini Eri zizu ama truzu ama izataki si, azini afa dria amani le aci amaniri niri ki fezu.
Ata ‘Buari, ama awa’difosi sawa azi dika ruetrazaru tualu, ‘Dani ‘dani ma kalaa ‘doleru ‘disi. Azini ama luria o’biti ‘disi okpo ma engazani emuzu engazu Mi vu, amani asi mba fezu okpo be aci nga ovupi ama drilia ‘dini. Ama etrazazu kile anzi Iburaniani andri o’biti drio driokisi rile, mana engapi ovupi efezaru yini ini ndesi, yi tambazu o’du nde omupi ‘dasiri ‘duzu. Ma ru tra Mana orindisiri ni, o’biti ‘disi, amani ani okpo fezu aci ndeni.
Ama ma e’doki sawa mudrini iri (6pm) sawa mivu akua ‘dale risi Omuopini 62-0204 ni erizu, ani ‘daa nabi ni di nga ama ji ama Inzita nduru Omuopini Pa Ojitaberi ma alia, mupi ovupi avizaru Lifeline appua (Mundutisi) ri, kaniku mi eco eri enze mi fonia ra Mundutisi kaniku ti azi ‘diyiki si geri ti andreleru ‘di mizuri si.
Ama ma muki aku amani pie ziza alia sawa Na O’bitisi (9am), ‘daa azini dika sawa Aziasi (12pm), Opi ni a’izu tezu amabe azini ama akuki efizu Orindi Alatararurisi amani ama ngulupiki owiria Eri vu.
Ama omi ma goki dri vule o’du Kalivaria ‘da vu, eli 2000 ma drilea vule ‘dale, ani ama ‘Ba ‘ba papiri nezu izaru patialaza sia. Ama ma egaki aje amboru Erini ofe amasiri ma e’yo. Eri ndra Mvi Munguni ezatakokori, te ci ndra dri kile agupi azi cinini driciri le, a’dikisu ezata amaniki ndra ‘bazaru Eri ma dria.
Le ndra ra Erini Eri ma ti pezu pari ‘ba drijazuniria tozaru (Enera?), a’disiku Eri ndu ndra ezata amaniki. Ani Kristo dra ndra, ovuni alatararu ku; Kristo dra ndra eza’ba ru. Enera? Kristo ezani ndra ezata Ima ngulupisi ku, te Eri ‘du ndra ama ezataki Ima dria.
‘Daa di sawa Azia alibe (12:30pm), ama ma eciki ama tualu aku amani pi alia ‘di erizu: 57-0419 Ovuza Kililiruri.
Ama ma rueciki ama ziza alia inzita nde ma vutia coti coti, Opi ma dita patialaza ruari ma e’yo egazu.
Ama ma eciki ama tualu paale alu dika ziza alia sawa Na obutisi (9AM), azini Sawa azia etusi (12PM), ani ama asi ki otuzu afa amboru Erini mu ‘ye ama esekelea ri ni.
Ma eco Eri erira ‘yozu, “Mi emu ‘doa, Sitani!” Eri di Ambo’i sawa ‘disi. Eju dri ra, pa fungua drani azini pari ‘ba drazaniri engazu eri ma ejeasi, ‘yi eri Ima Ngulupi ma ejea. “Ma le mi ni e’yo aziza ‘di fe. Mi enga ‘baki eci enzosi ezuru ca’bo. Ma Mvi Mungu idriruri ni aliriani-tile niri’i Ari mani ri nga kiri ebiru musalaba sia, ani mari nde ovu di ofezaru dria ‘bo! Mi ovuni di driwala azi be dika ku. Mi ovu otruzaru ‘bo. Mi fe Ma dri fungua ‘daki!”
‘Daa di sawa Azia alibe (12:30Pm), ama nga emu tualu E’yo: Sata 57-0420 ni eri zu.
O’DU AMBORU NUKUTA-EKASI nga pi mupi ovupi Eri ma Amuroni wudrikurusi ara ri ni nga mu ovu ngo’i ya.
Ama ma etraki ‘daa ama dika tualu ziza alia inzita nde ma vutia.
Ama ma egaki okoria drio drio ko’bo Adripi Branham ni andra ‘ye o’buti eri ma agyi wereru, robini, ni andra eri engazu sawa Mudrini Alu angu sarasi (5AM) rile. Ama ma feki lu Opi ni awa’difo Yesu ni engazu engazu drata ma aa risi:
Sawa Mudrini Alu o’biti ‘disi, ma agyi wereru agati be ekaruri engata derisa mania ani enga di ma o’duarisi. E’data ko’bo eri ma asi wereruri ni mu ahwete ri le, ‘yoria “Enga ‘bo.”
Sawa Na O’bitisi (9AM) ama eciki ama paale alu dika ruecita zizani ria, e’yo zizu amani ama eselia azini ama ngulupi ki oturia O’duko Munguniri erizu.
Sawa Na alibe (9:30am), ama nga emu tualu O’dukoti Engataniri erizu: 65-0418M Ero Etu Ma Efutani.
Sawa Azia alibe (12pm) ama nga o’duko amaniki enga Eri vu Erini awa’difo fezu Okpo Idrinifepirini risi.
Sawa Oromi etusi (3pm), ama eciki ama dika ziza alia, awa’difo fezu Eri dri WIKI MA DETA ONYIRU ERI NI FE AMANI ERI BE AZINI ERI MA AMURO WUDRIKURUSI ARA RI BE RI SI.
Ma adripika azini amvupika miri ma kalaa ‘daleruri pini, ko’bo eli ajerisi rile, Ma le emi ai ruecizu ama be e’yo pari ‘dupi ‘diki si Jeffersonvili saa si, otita zizani ri pini dria ko’bo otile’bo rile azini tepu avita Sabatu ma etu alasiri ni. Te ma amara, kini tepu ki avizu O’du Susi, Towisi azini Azia ma etu alasi Jeffersonvili saa si ri ni mu ovu ewaru emi azi ‘diyi pini, ani kirikiri mi ama mi drilegbo be O’dukoti ‘daki avizu saa ci o’duni mini ‘yekeri ma aa. Ma leta, te, amani dria ruecizu tualu Sabatusi sawa na alibe (9:30am), Jeffersonvili saa si (4:30pm Ugandaa), O’dukoti amani Sabatusi ri erizu tualu.
Ma leta vini mi ai azini anzi emini pie ovuzu esele e’yo ‘yeza karatasi dria azini embata Creations vuri ru, azini embata enya a’dizuri pie, aku eminiri ni ta eco ale ayikosi dria ra ‘dile ri i. Amani egasi emi mu yi le ra yi ni ovuzu engazu dria E’YO amani mu eri wiki di ma detasi ri ki si risi.
Otita wiki ma detani rini, e’yo onizaru otuta inzita Omuopiniri niri pie, afa ovupi lezaru azi ngaza Creations niri pie, azini afa azi onizaru ri pie, mi ma ne geri ti intanetini eleleru ‘di i.
Ama ma anyuki ama simu ki dria te Wiki deza Engataniri ni pelu edaki ‘duzu, Esele Elaza O’duniri, azini tepuki avizu engazu Table appua, Lifeline appua kaniku geri ti ‘yini ecozu ovuzu enjezaru rari siri mizu.
Eri inzita azi amboru ‘dileni emi aizu aku emini pie emuzu tualu Amuro wudrikurusi ara ri be wiki ma deta tre INZITA SI, RU EKUTA PIE AZINI ATITA PIE ri vu. Ma a’ira eri adaru wiki deza ngapi mupi idri miniri ojapi drilealuru ri i.
Adripi Joseph Branham i
Mesegi (O’dukoti): 65-0221E Melekizedeki ‘Di A’di I?
Mesegi (O’dukoti): 65-0221M Ru ‘Duzu Azini Ru Erezuri
Amuro Opezaru, Pezaru & ‘Bazaru-Okoru Leleturi:
Ma egara ovuzu karileru zozuzoria, o’bizu ndra tepu azi pezu erizaru. Yi ma drikuluki laria ma adri sawa driasi ega, ma muni Aje azini Aje Ereza eriku, ‘dani ovuzu afa azi be yo ‘yezaru ma be risi; lu ‘ba ru’dupi’bori pini.
‘Dini o’du alu, Aje azini Aje Ereza eriria, Ata fe ndra ma dri E’yo Eceza O’dukoti ‘Daniri ra. Eri ma Odu osuza emu ndra asi mania. Eri o’yo ma be. O’dukoti ‘di NI mani. Eri luria mani I pe ndra ma de nga wudrikuru ma vuti ovuni ndra ‘bazaruku. ‘Di omu ma ajeniri’i. Ma leni ‘ba azini ku te Eri’i. Ma adaru azini a’itasi Erivu, azini E’yo Erini vu, azini O’duko Erini vu, LU. Ama ALU.
Adaru O’dukoti ‘di ndra adripi azini amvipi kakau ndra ovupi aje ma alia ani sawa ‘disi rueripi teri pini, azini Erini luria yini yi ma ‘yeki a’duni yari’i; te efini azi ndra TRE AZINI ANGIRI TU ni ci, angiri tu ambamba, okporutu ambambani.
Agupi ndra alu, azini Eri ndra omveta ‘ye azini e’yo nzeria Ima Amuro kakau, pele’bori dri. O’DUKO MUNGUNIRI NDRA IMA AMURO ALIRIARU E’YO KILILIRU, EZAZARUKURI RURI OMVERIA. Azi ovupi nga elozaru kaniku ezazaku agupi azi vusi ri’i. Azi ovupi adaru azini a’itasi Erivu, azini E’yo Erini vu lu ri’i. Azi ovupi apizaru teketeke Eri si azini O’duko Erinisi ri’i.
Asindriza azini yiki Erinisi, andru ama eco ‘yo ra, indrika abazani aluni kokoru, AMA ERI MA AMURO E’YO ALIRIARURI KI. DIZA!!
Eri le ndra ovu ndindi kini e’yo azi ti be kuzaru agani ma ovu yo ka eca Eri ma Amuro omveria, ani Eri emu ndra Ima ngulupisi azini aa rua ‘bani alia Ima E’yo ecezu azini Ima Amuro omvezu Ima Ngulupi vu. Eri ndra Elieza ta mupi Eri ma ngulupi ma Amuro pepiri’i.
Ovuzu ndindi kini geri azi ma ovu yo amani ta abazu a’dini ama aziniri siria, Eri’i Ima Ngulupisi e’da Ima afajo peleri e’yo nzezu erini engazu oli wiliwiliru ‘izaru pati azi ma sia risi. ‘Daa Eri nze ndra e’yo nezarura erini ele Yiara Ohioniria ‘ba alifu ma drilea.
Eri fe ndra vini Ima e’da ma ovu ‘duzaru eri be e’dazu azini luzu wudrikuru dri, MA LU NDRA EMI DRI RA KINI MA TA NGA MU EMU DIKA RA ANI OA RUATI MA ALIA. ERI ‘BA MANI NDRA PE OAZU ALENIA RI’I, EMI OMVEZU AMVE OVUZU MA AMURO’I. ERI ERI’I KU; ERI MA’I E’YO NZEPI ERIVUSI RI’I. MA LU ERI MA O’DUKO AYU OVUZU MA O’DUKO EMIDRI RI RU. MA ‘BA EMI OMVEPI AMVE ANI EMI ‘BAZU KILILIRU OVUZU MA AMURO KILILIRURI I.
E’yo Eceza O’dukoti ‘Dini, E’yo Erini, O’duko Eriniri, azini sawa ‘disi AMA A’DIKI yari ali ‘di e’yo ‘ba adani eco o’bi eceri ra. Ma nira emi niki ko’borura ma ‘di e’yo nze a’du ma dria yari. ‘Duta Uru Aita ma aliari ni pari ‘duria. Amuro ni Ima ngulupi ‘baria ngonde rizu indikindi Mungu ma Ngulupinia, ovuria ‘bazaru kililikuri risi.
Drileba wudrikuru ni ovuzu eri be O’duko Munguniri erizu e’yo nzezu yi dri; rizu azini Eri erizu E’yovusi E’yovusi Erini e’yo nzeria azini Ima E’yo eceria azini luria amani ama a’diki yari ‘do ngo’i. Afa azi ‘yo kile ovuzu rizaru Eri ma indikindiari leri, ani mi emu ruecizu amabe Sabatusi sawa azia etusi (12pm), Jeffersonvili saa si, amani Eri eriria O’dukoti ‘di nzeria Ima Amuro dri, “Aje Azini Aje-ereza” 65-0221M
Adri. Joseph Branham i
E’yo siza lazaru O’dukoti nde ma drilia riki:
E’yo Ba Matayoni 5: 31-32 / 16:18 / 19:1-8 / 28:19
‘Yeta 2:38
Rumi 9:14-23
Timoteo Okori 2:9-15
Koronito Okori 7:10-15 /14:34
Iburania 11:4
E’yo Eceza 10:7
E’doza Capta 3 zuri
‘Ba Levini 21:7
Yobu 14:1-2
Isaya 53
Ezekieli 44:22
Mesegi (O’dukoti): 65-0220 Mungu Ma Pari Pe Inzitani Ri
Oriefi Opiru Okporu Leleturi,
Sawa amani enga te asidriasi azini avatari ni di indi. Ama ecaki’bo. Ama eri neria ruayuria ama miletia. O’du alu alusi e’yo ondriza ni pari ‘duria, azini ama ecoki ‘yora: O’DU ‘DISI E’YO SIZA ‘DI ECE I MA PARIA ‘BO AMA MILETIA.
Atita E’yo Ecezasi pari ‘dupi Amuro be ‘do ngo’i ya. O’dukoti alu alu amani eririsi, ama ama ama asi azini indri pi alia, “Eri ecora ecazu cika agara azini onyiru tu agara ngoniru ya, Opi?” ‘Daa Eri di emu ama eselea pale alu dika ani ama dria odu osuzu amani Eri ma O’duko eriria ama omveria ani ‘yoria, “Emi ma Asialuza i. Ma pe ndra Emi ovuzu Ma Amuroru. Mani ndra azi Miniri le, Ma emuria Mini. Ma geri mania. Mbeleru Ama nga ovu tualu ‘Dani’dani.”
Ama itre engazu wudrikurusi ara, ‘Bu adriria ama haleluyaki si, diza pie, epita pie ani Eri inzizu. Sitani ovu ndezaru’bo. Ata ‘du ama abata driari ki, ama aniako driari ki, e’yo vaa kililikuri pie dria ‘bo. Ama ecoki eku asi azini indri amani driari kisi ra, AMA Oriefi Opiru Iburahimunini Okporuriki. Amuro Opiru Mvi Opiru azizaru rini.
Indikindi Opiniri enga ovu onyirutu Erini Ima E’yo eceria amadri kile nga driorile kuria. Eri eci Amuro Iniri tualu’bo E’yo Inisi, azini ‘ba ama Omi alu alia azini ‘yeza alu alia rua aluru, eriria O’duko Mungunirini e’yo nzezu azini ama ‘baria kililiru E’yo Inirisi.
O’dukoti alu alu amani eriri ni kile yi a’di a’wepi ama indri alia; e’buria, emiria, azini e’buria o’diru engazu Ogunga Munguvuri ma siasi ri le. Ama mvuria azini mvuria azini mvuria, ama idri pi ma adriko egaria.
Ma Adripi azini Amvipi, ama E’yo Siza ma pari ‘duta ‘yopi kini Eri nga ovu Amuro E’yoru aliriaruri be riki. Ama ‘dini: O’du ‘disi, E’yo Siza ‘di ‘du pari ‘bo.
Mungu ma Ngulupi nze e’yo engazu ‘Bua Ima malaika azirizuri vu ani ‘yozu kini, “Kile Yohana Baptista ma tini ndra ovu epezaru Kristo ma Emuta okori ekuzuri le, Mi O’dukoti ni nga Eri ma Emuta irizuri eku, wudrikuru driari ma alia.” Amuro eco ‘yo ra: O’du ‘disi, E’yo Siza ‘di ‘du pari ‘bo.
Ama ecoki vaara ya kini O’duko Munguniri ma mgbari nze e’yo o’du amaniri alia trai tile ‘banisi, o’duko ‘duzaru, tambazaru, ‘bazaru ri ani Eri ecota e’yo nze ama alu alu ni, ‘Di Opi ‘Yoni iri? Eri ‘ba erini ovuzu ecozarura mani ani lezaruku ‘ba azi ma e’yo ‘duzu, ‘ba azi ma egataki ‘duzu, ‘ba azi ma omiki ‘duzuri, lu rizu ani Eri ma O’duko erizu Eri ma E’yo Nditiriruri nzezu kpi amani.
A’DUNI PARI ‘DU ANDRUNI?
Ani Mvi Munguni (S-o-n) andra emupi engazu kala etuni efuria ani Ima ngulupi e’dapi Mungu ru ruati alea ri, eri Mvi Munguni (S-o-n) alualu kala etuni ‘deria Ima ngulupi e’dapi kanisa ma eselea ondre ‘disiri’i, alurile aje, andru azini ‘dani ‘dani. Diza ondreni Mvi ni ri eca ‘bo. O’du ‘disi E’yo Siza ‘di eca i ma paria ‘bo ama drilea.
AMA ALE MUNGUNI KILILIRURI MA ALEA ‘YO AZINI A’IZU KINI: “TEPUKI AVIZURI NI MUNGU MA GERI FE IMA AMURO DRI RI’I”?
AFA AZI ANGIRI TU AGA TEPUKI ERIZURI CI?
O’du dria na na pi alia, kile mani ‘yo ini ajerisi rile, Munguni ovu ecezaru. Ndra indiri ‘Ba Sodomuniki, ‘Ba Lotiniki, azini ‘Ba Iburahimuniki. Eri pari aluri ma alia ondre ‘disi, wudrikuru ovu ‘bazaru kile ‘dale.
Mine, ‘Ba ndra awipi Iburahimu beri ndra Mungu ma Ngulupi’i. Azi iri riki ndra ‘ba o’dukoti ojipi Malaikaruriki.
ANI A’DINI E’YO NZE AMANI TEPU PI MA DRIANI?
Ma zi nga mi afa azi si. Mi ne nga oata ‘di sawa ‘disi. Iburahimu omve ndra Agu e’yo nzepi ibe ri “Elohimu” i. E’yo ti Iburanianisi Elohimu ‘di ma efi “‘Ba Drifupi Driarari’i, ‘Ba ovupi ‘Dani’daniri’i,” Elohimu, Mungu ma Ngulupi’i!
ERI ORODRIRU AVIZURI EKPAZU NGORU?
… “o’du asizi Orindi Alatararuri ni nga emu ani afa aluri ‘ye, ani e’yo aluni nzezu Eri ma rua onziri ngani ovu truzaru ku.” ‘Da o’du ‘di’i, pari le E’yo dria ma ovu ‘izaru tualu ri’i. “Mi nze e’yo aluni Eri ma rua onzi; eri cani nga ovu truzaru ku wudrikuru ‘di ma alia kani wudrikuru emupiri ma alia.”
Ama haleluya azini Opi ma inzita wiki ajerisiri ki ndra lu otutani ama ‘bazu ngonde afa mupi pari ‘dupi Sabatu ‘disi rini, Amuroni paale alu dika rueciria ani MUNGU ni eriria amani asiokpo fezu azini asioruta fezu amani kini ama Eri ma ‘Ba pile’bo riki, azini Eri emuria mbeleru ama jizu ama Ondre ta Oku bizani amboruri alia, vutinia di ama Aku Droziria ria.
‘Di O’du Opini ‘baleri’i; ama nga ayiko ‘ba nyonga be eri alia.
Adri. Joseph Branham i
O’dukoti: 65-0219 – “O’du ‘Disi, E’yo Siza ‘Di ‘Du Pari’bo”
E’yo Sizaki:
E’yo Ba Yohanani Chaputa 16zuri
Isaya 61:1-2
E’bo Ba Lukani 4:16
Amuro Aliria E’yoruriru Leleturi,
Ma riria ‘doa o’biti ‘disi odu osuza azi amaria mani O’dukoti Amuroni mu eri Sabatusi ‘di eriria, laria azini oniria. Oaza mani driari ni odu osuzaru. Asi maniri ni egburia ayikosi niria, AMA NGA DRIA OVU ETRAZARU TUALU ENGAZU WUDRIKURUSI ARA ODU OSUZA ALU ALU ‘DI BE. Ama ayiko zu, Opini inziria, dria sawa aluri alia, ERI ni e’yo nzeria ama alu aluni azini E’yo Erini eceria.
Odu osuza ni nga ovu amboru kpere treta azini otreta “haleluya, amena, inzita ma ovu Ru Opiniri vu” ri ki nga ovu wudrikurusi dria ara sawa aluri alia, amani ‘Bu ebi ama epita pisi inzita pie.
A’duni mu pari ‘duni? Mungu ni mu Amuro Erini eci azini Erini e’yo nze. Ama nga ovu Rua Aluni, omi alu azini ‘yeza alu alia Erini Ima ngulupi eceria azini e’daria amani.
Pari azi amboru agara mini ecozu muzura ni yo, O’duko amboru agara mini eci erira ni yo, odu osuza azi amboru aga O’duko Munguni e’yo nzepi pki midri tepu ma driari ra ni yo.
Mungu enga E’yo Iniri ma orule ga engazu e’doria azini fe pari azi ra Ima anzi driari pini ecozu muzu ani Eri erizu e’yo nzezu azini Ima Ngulupi ma E’yo efi ecezu. Pari azi e’yo vaavari ni ovuzu yo, asi’baza yo, azini abaza yo ni i; Eri Mungu ma pari fe ‘DI OPI ‘YONI erizuri.
Sawa erini ovuzu ecezaru miniri si, eri kile diza azi ambo ovuzu ‘bazaru dizu asi azini idri miniri alia rile…mi tre, “eri ‘di’i. Ma ne eri ra. Ma ALE E’YO BE. MA E’YO’I. MA AMURO’I. MA ECA’BO.”
Eri i ‘yeria, ani yi nikini ku. See, eri ‘da’i. Enera? Ee, culu. “A’disikuni angu Za o’dirurini ovuria, ‘daa aji yi nga ovu etrazaru tualu,” lu ndindi wudrikuru ni ovu indiri le. Enera? ‘Da afa Erini ovuzuri’i. Za o’diruri a’duni? E’yo’i. Eri E’yo’i, Za o’diruri, Kristo’i! “Kristo’i mi alia,” alurile aje, andru azini ‘dani ‘dani. Eri ada ngole ya!
Amani ma traria E’yo eriria, asita amani driaki, asisuta amani driaki, e’yo ewaru amani driaki, lu avi te. Ama ayiko zu amani amaria kini afa azi yo amani lezu orazuri; ama Eri ma Amuro’i. Eri ovuni lu amabe a’dule ku, TE ERI AMA AA. AMA AMURO E’YO MA ORI EFO RURI. Afa dria ni kililiru. Sawa eriniri kililiru. Ama kililiru.
Ama apizaru tu azini awa’difosi tu ‘yozu ama Eri ma E’yo tile-aliriaru ovupi e’dazaruri; Yesu Kristo alurile aje, andru, azini ‘dani ‘dani, oaria idriru azini oaria ama alia. Haleluya!
Ama econi ku inza ‘bazu E’YO ALUNI ma dria. Le ama ma eriki O’duko Munguni tepu pi ma driari.
Drio mi ne aji ni inza o’baria ‘bo? Yo, culu. Inza ‘bata eri ma alia yo. Kristiani adaadari ‘ye vini ku indi. Eri ovuni akaza ku. Eri nga nda kpere erini Eri isu. Amena. Ee, culu. Eri nga ima ‘Yaka isu ra. Eri le Mana o’diruri’i. Eri nga fi ele ‘daa ani ga pere erini Eri isuzu. Eri nga sa uru azini uru agaara. Azini ka ovu a’bu ‘di ma alia ‘yo yani, eri nga sa uru were dika. Mini muria uru ururia, mi afa angirini ki ne. Ani eri sawa aji o’du ‘disiri piniri pini saazu uru agaara, gazu Mungu ma aziza pima aliari’i, ovuni oazu ‘yaka roko pini engapi ovupi ‘diza eli kakau kisi vule ‘daleri ma dria ‘dini ku; mi efu amve eri vusi.
Mi ovu ngonde Amuro, ama mu Mana o’diruri nya, riria odu osuza amboru ndeni ovupi indiri ma vutia, Sabatu ‘disi sawa azia etusi (12PM) Jeffersonvili saa si, amani ‘di eriria: 65-0218 Ori Ovuni Karimvani Orima Jorovu Be Ku ni erizu.
Ama Amuro wudrikurusi arari ai ruecizu amabe nyazu Mungu ma Geri kililiru fe o’du ‘diniri ma dria. Pari lu efi alu AMURO ni ecozu amena ‘yozu E’yo driani rari’i. Angu Odu osuza Orindi Alatararurini oru ndeniri ni e’yo nzezu azini Eri ma Amuroni ‘bazu kililiru Avizuri Ekpazurisi ani Eri ma E’yo erizu azini a’izuri’i.
Adri. Joseph Branham i
E’yo Sizaki:
E’yo Ba Matayoni 24:24
E’yo Ba Lukani 17:30
E’yo Ba Yohanani 5:24/14:12
Rumi 8:1
Galatia 4: 27-31
Iburania 13:8
1 Yohana 5:7
E’yo Eceza 10
Malaki 4
