Dahabu Kililiru Cole’bo Leleturi,

Ma ayikosi ngole ya ovuzu ecizaru emi alu alu pie, firia Orindi alia azini Munguni eriria e’yo nzeria amani tivu bivu. Asiza azi yo afa Eri ni ece amaniri pini. Ama asiki efizaru ayiko si. Ama idriki e’buria tre tu. ‘Ba azi eco afa amani eriri vaa ngoni ru? 

Mi eri lu afa Opi Ma ngulupi ni ‘yo amani ri i: “Emi Ma Kanisa adaruri i, Ma Amuro i. Mani ria, esiki ko’bo dahabu KILILIRURI le. Alatara emini ri ni Ma Alatara ni. Emi arakala ki MA ngulupi ma arakala dizaruri ki. Afa ‘bani emi nizu mgbari ovu esuzaru Ma aa. Afa MANI OVU ri, emi eri egbiria. Afa MANI OVU ERI BE ri, emi eri e’daria..

MANI ria, onzi azi emi aa yo, emi dizaru aaleru azini amveleru. Engazu e’dozu kpere asizania, emi Ma azi ni…azini azi MANI riki dria kililiru.

Ecakini nga ovu e’yo eliza ma aa ku, a’disiku ezata cani ovu ‘bazaru emi dria ku. Ata de nga nyaku ma vuti ovuni ‘bazaru ku, Ma asisile andra Ma Idri ‘Dani’daniri awazu EMI be.

‘Ba azi eco E’yo ‘diki vaa ngoni ru?  Ama omi ecoki afa pari ‘dupiri ki vaa ngoni ru? A’duni ovu ecezaru ni?  Mi ega nga e’yo drinia, leni amani ku owuzu asi amania ani ‘yozu, “Ka, ‘da eco do andra ovu ayi okori alia vule ‘dale saa andra ojio pi mati ni andra ovuzu pizaru oko risi.” Afa azi lezaruni YO amani angu nezu vule, a’disikuni Eri, i ojapiku oazasi azini geri Erini rikisi ri ma e’yo si, ni SAWA ‘DISI ma eselia, e’yo nzeria amani azini luria amani Eri alurile aje, andru azini ‘dani’dani. ‘Di saa AMBORU ‘deni adi wudrikuruni alia oazu alenia ri i. 

Ama ovuki cozaru azini ojizaru ‘bo, efizaru dricita Kristoni andra ku vule risi. Ama lazaru kile kabilo mupi ovupi lizaruri le. Ama ovu ‘dizaru o’dusi zu. Ama dri ci tu, te eri ma aasi dria, ama ofeni tini ku, afaki vini ‘ba azi ‘diyi pini dricizu ku. Erini ria, ama dahabu alaru ovupi cole’bo ri i, ovuni aguzaruku, ovuni nyozaru ku, ovuni anzuzaru ku, te e’dezaru afa onyi riru azini .ayiko vuri ru ‘dani ‘dani obita azini obeta idri ‘divuri ma aari ki si.

Eri di azi ‘diyi ma mbelendu li dria, “Emi goki ro Ale emini Okori vu”. Le yi ma ovu milesi ngole ya mini ecozu E’YO ALUNI ojazu ku risi, ata ndumba azi ni ya kani sere azi ni yani. ‘Da akiri andra adaru oko Sitani ni andra ayu Amvu Edenini aa ri. Lu E’yo aluni o’bazu, lu E’yo aluni ‘duzu amve, ‘daa eri di ‘E’yo rua-onzi i.

Ayi asizu ‘di alia li ama mbilendu kini nabi kakau enzoru ‘diyi nga e’da ra, luzu ‘bapini kini yi kaki yi a’iku azini afa yini ‘yori ki a’iku, emi nga ovu avizaru.  

GERI LU EFI ALU ovuzu ndindi AFAAZI YO ovupi o’bazaruri, afazi yo ovupi ‘duzaru amve ri, afazi yo ovupi ojazaru ra ri…eri O’DUKO MUNGUNI alaruri erizu risi….AVIZURI EKPAZU ri.

Mi fe awa’difo Opi ni ati’bo adaru, ovupi embazaru aitasi, lu orodri O’dukoti eri o’du dria ri ‘yopi yi ma kabilo pini a’dule ku, te ovuzu dricepi adaruri ki, O’dukoti ‘Di, O’duko ‘Di, Tepu ‘Diki ‘baapi OKO AZINI DRILE ‘ba yi ma kanisapi aliari pi ma drilia ri ki si.

Afa ‘diki ‘yozu risi, ma ovu vazaru onzi azini ovu tozaru kanisa ki anzuzu azini luzu ‘bapini kini ma muki kanisaa ku risi. ‘Da ini lu ada ku. E’YO ni ma e’du engazu kanisa tepu ki ‘bapi OKO kanisa yini pi alia ku ‘diyi pivu si. Yi abiriru E’yo erizu engazu Mungu ma Nabi vu. Yi ama ERI O’dukoti azini O’duko orodriru ndeni yini le eri ri. Yi ama kini Eri Ale Munguni Kililruri i tepu nde ki avizu kanisa yini pi alia.

Ma enga drio ‘yo ‘ba pi ni, “EMUKI KANISAA”. Yi kaki zi kini: “Mi ni amasi olu’ba ma oluki nga kiri e’yo?” “Ee.” Ma ‘yoni nga drio kani egani nga drio ma ‘yeki ku ‘dini ri ku. Ma lu lu olu’ba pini, emba’ba pie, ocepi pie, “Mi ‘ye afa Munguni mi omve ‘yeri i, TE KIRIKIRI, mi ‘ba O’duko Munguni mgba tepu ma dria ‘da OKO, OVUNI AZI OLUTANI MINI RI I KU”.

‘Di MA VAZA NI. Yi ma ‘yeki YINI AMA MA ‘YEKI RI le. Ma ovu driwala be ci afa mani ama ri oluzu azini embazu. Yi kaki ‘yo Adripi Branham ‘yoni andra Avizuri Ekpazu Kanisaa ri ma dria e’yo ku, ovupi O’duko Munguni alu alu yini ‘yo yi vuni bi ‘di i, ‘da e’yoni yini.

Orindi Alatararuri ni, azini enga drio ovu, Eri ma Amuro ma dri ceria. Ama a’iki kini Eri luria AMANI, “MI EKPA AVIZURI, MI OA MA NABI BE, MA O’DUKO BE, MA ORINDI ALATARARURI BE.”

Muke, ama nga mu ovu ngo ‘yekeni yari be ra eri ma dria, ko’bo nabi Eliya le ‘di ma drilea. Azini mi ka ovu mva Munguni ri, mi nga mu oa nabi Bibilia ‘dini ri be. Eri E’yo i. Mi ne nga saa ni, ewu ni.

Nabi Bibiliani ri a’di’i, E’yo i, Orindi Alatararuri i!

Orindi Alatararuri ni Nabi sawani ri i; Eri i E’yo Ini e’daria, Eri eceria. Orindi Alatararuri ni andra Nabi sawa Musanisi ri i. Orindi Alatararuri ni andra Nabi sawa Micaiani siri i. Orindi Alatararu, andra E’yo sipi ri, ni emu pasozu E’yo vutia.

Orindi Alatararu sawa ‘dini ri ni ama driceria Eri ma nabi vusi, Erini enga ‘ye ayi driari pi ma aa ri le. Mungu ojani Ima otitaki aluni ku.

Ani, mi ovu aizaru emuzu ruecizu amabe afa amani ama eri Otita Munguni ri i Orindi Alatararuri erizu e’yo nzeria Eri ma nabi vusi azini ma drice ri i ri, Erini amani O’dukoti: Ayi Kanisa Efesoni Ri 60-1205 ni ejiria, sawa azia etusi, Jeffersonvili saa si.

Adri. Joseph Branham i
   

‘Yeta 20:27-30

E’yo Eceza 2:1-7