Ubutumwa: 65-0711 Uguterwa Isoni

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

Mukunzi Branham Tabernacle,

Turakenguruka cane ko Yadutoranirije guhitamwo ishengero ryiza ryo gushiramwo imiryango yacu.

Namba nari guhitamwo ishengero, nohisemwo ishengero ry’inkomoko, ry’ishingiro, ry’Ubutumwa Bwuzuye, rya Bibiliya, namba nari guhitamwo iryo gushiramwo umuryango wanje.

Turakenguruka cane ko tubwira isi umwungere wacu uwo ari we, kandi ko twigenza neza nka we.

Namba uzokwitegereza imigenzo y’iryo shengero, witegereze neza umwungere umwanya mutoya, uzobona ko akenshi ishengero ryigenza nk’umwungere.

Turakenguruka cane ko ataco bitwaye aho turi hose mw’isi, Abonana natwe.

Yasezeranye guhura aho ari ho hose babiri canke batatu bakoraniye hamwe. Ni ukuri. Aho ni ho uwizera w’ukuri ashingira ivyizigiro vyiwe, ni kuri iryo Jambo ry’Imana Ryagaragajwe mu Kuri.

Turakenguruka cane ko twizeye umuhanuzi wiWe, n’Ijambo Ryose Ryavuzwe.

Namba mwizeye ko ndi umuhanuzi w’Imana, mwumvirize ico nababwiye.

Umuhanuzi wiWe yategerezwa kwigisha iki ?

Ubutumwa Butunganye, kugaruka kw’Ijambo.

Yarungikiwe iki?

“Genda uzane urya Mugeni!” Iyo ni inshingano. Ico ni co mbereye ng’aha. Ico ni co ngerageza gukora, ni uguhamagarira Umugeni gusohoka.

Vyogenda gute tuvuye mu murongo ?

Kandi ico ni co twotegerejwe gukora, kugumiza urya Mugeni mu murongo.

Ubu Data Afise iki mu kigega c’Umugeni ?

Nsubiye muhira, gusubiramwo indagano zanje ubugira kandi, no gutangura bushasha. Rero ivyo ni vyo dutegura gukora, ico ni co mbereye ng’aha.

Umwami Ashimwe, ni ryari tuzotangura gusubiramwo ibikorane ?

Kandi rero, Umwami Abishatse, kuw’iyinga uza mu gitondo tuzotangura igikorane. Kandi mwese mumfashe, kandi tuzosenga, kuko vyari mu mutima wanje kugerageza… Bavuze bati, “Yemwe twoshobora kuja Louiville canke twoshobora kuja muri New Albany ariko igikorane cotegerejwe kuba ica Jeffersonville. Nzoja i Louisville na New Albany, mu bihe bitandukanye, ariko ibi vyotegerejwe kubera ng’aha Jeffersonville.

Turiteguye Data. Inkukuma zawe zizoba zikoranye kandi zumviriza? Ni igiki kigiye kuba muri iki gihe?

“… Nkeneye ukwizera kurushirijeho.” Ico ni co mbereye muhira ubu ni ukuronka u—umuvuduko mushasha w’ukwizera.

Umwami Ashimwe, natwe ivyo ni vyo dushaka Data umuvuduko mushasha w’UKWIZERA. Turazi ko ukwizera kuzanwa n’ukwumva, kwumva Ijambo RyaWe, kandi Ijambo RyaWe Riza ku muhanuzi.
Ubu Butumwa, Ubushobozi bw’Imana Mushoboravyose, Bwakwiragijwe kw’isi yose, ariko ubu igihe co gutandukana kirashitse. Imana Iriko Irahamagara Umugeni, kandi umurwanizi ariko arahamagara ishengero. Turi igice c’Ubu Butumwa, Ijambo RyiWe, Umugeni WiWe!

Dufise ivyizigiro kandi turazi ico turiko turavuga. Ntiduterwa isoni ko twizeye ubu Butumwa n’intumwa yiWe, kuko biri co kimwe. Ntiduterwa isoni no kuvuga tuti, “twizeye Ijambo Ryose.” Ntiduterwa isoni no kuvuga tuti : “Tuvuza amabande mw’ishengero ryacu.” Ntiduterwa isoni no kuvuga ko turi abantu b’Amabande.

Biratugora gutahura ko uwizera uwo ari we wese canke umukozi w’Imana w’ibikorwa bitanu biri hamwe, avuga ko yizeye ubu Butumwa, kandi avuga ko mweneData Branham ari umuhanuzi w’Imana n’intumwa, rero yokwizera kandi akabwira abantu ko ari bibi kandi bitajanye n’Ijambo kuvuza mu ma shengero yabo Ijwi ry’Imana nyene Ryagaragajwe.

Uhore ugavye mu gihe gikwiye no mu kidakwiye, uhane, wihanize, uhanure, mu kwihangana kwose no mu kwigisha. Kuko igihe kizoza, batazokwemera kwumva ukwigisha kuzima; ariko kuko amatwi abarya yifuza kwumva ibibanezereza, bazokwirundaniriza abigisha bahuje n’ukwifuza kwabo, kandi bazokwiziba amatwi, ngo ntibumve ukuri, bazozimira bakurikire imigani y’ibinyoma.

Iyo hageze kw’Ijambo Ry’Imana Ry’inkomoko, Ritavanze, Ryemejwe n’Imana, Ijwi ry’Imana Ryagaragajwe, bisa n’ibizazanira n’uwundi mugwi. Bazazanirwa kuri Ryo kandi bizeye ko, ari ukurwanya Ijambo, kuba Ishengero rya Bande.

Ariko kuri twebwe, Ni ibiboneka. Ntitugira isoni. Igihe twaronka Ukwo Guhishurirwa, hariho Ikintu Kinaka Cakuye ibihari muri twebwe, kandi ubu nta na kimwe gishobora gufata ikibanza cavyo. Dushimishwa no kwitwa Umwe muri Bo. Ishengero rya Bande. Umugwi wa Bande, Abantu ba Bande.

Turabatumiye kuza kwumviririza hamwe na Branham Tabernacle igikorwa c’Imana ca Bande, kuw’iyinga isamunani ku muhingamo, isaha ya Jeffersonville, mu gihe tuzoba dukoraniye hamwe n’igishika cinshi; dusubiramwo indagano zacu ubugira kandi, hanyuma dutangure bishasha, mu kwumviriza : Uguterwa Isoni, Ubutumwa bwavuzwe kw’igenekerezo rya 11 mukakaro umwaka wa 1965.

MweneData Joseph Branham.

Ivyanditswe vyo gusoma :

Uwera Mariko 8:34-38

Ubutumwa: 65-0429e Uguhitamwo Umugeni

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

Mukunzi Mugeni w’Imana Watowe,
Data Yahisemwo Umugeni wiWe imbere y’itanguriro ry’isi. Yashaka Umugeni ashikama kw’Ijambo ryaYo naYo Ikamuhozako Inyonga zaYo.

Umugeni YoMwiyegurira n’Ijambo Ryasezeranywe, gushika aho Ivyiyumviro nyene vyari muri We vyoba muri bo. Boba umubiri umwe wiWe, amagufa amwe, Impwemu imwe, ikintu cose kimwe, bubatse neza na neza gushika aho abo babiri baba umwe.

Yashaka kubumba kamere yiWe nyene muri bo, kuko Ategerezwa kuba neza nka We. Yararindiriye kuva aho Yashize Adamu wiWe wa mbere na Eva kw’isi kugira ngo Ashumbushe Umugeni wiWe Atunganye. Yaramubundikiriye, Amugarukana ku kugaragara kwiWe kwuzuye; kuko bazoba Umugeni wiWe Jambo Ryavuzwe.

Igihe YaMubona, Yaranezerewe cane, amaherezo Yaronse Umugeni Atazogira imyumvikano kw’Ijambo Rimwe. Umugeni Atokekeranya na gatoya kuri Ryo, ariko ARifata ukwo Riri. Bazobwira isi ko Ridakeneye insiguro, kuko Ari Ijambo ry’Imana Ritagira agatosi.

Mu gihe Yaraba Umukenyezi wiWe mukundwa atunganye mutoya, Yari Amwishimiye, Yategerezwa gusa kuMwerekana. Kubw’ivyo Yahamagaye Umumarayika wa 7 wiWe w’inkomezi, ku buryo Yashobora kuMubona mbere. Yashaka kuMubona, no kuMwerekana, ku buryo yashobora kuMubwira gusa ukuntu Yari mwiza. Kubw’ivyo Yashobora kuMutera intege no kuMumenyesha gusa Uwo Ari We.

Rero Yafashe umumarayika wiWe maze Amushira ahantu hejuru ku buryo yashobora kuMubona mbere. Mu gihe yaraba Mpwemu w’Imana Yavuganye nawe maze Avuga Ati, “Ng’uyu Umugeni.” Yararavye, kandi Yabonye MWEBWE hariya. Umutima wiwe wari unezerewe.

Umwe wese muri MWEBWE yari yambaye, umwambaro w’igihugu canyu c’aho muturuka : Ubu Suisse, Ubudagi, kw’isi yose, igihugu cose. Imishatsi miremire nyayo myiza ipfungiye neza inyuma, amaboko n’amajipo amanuka neza. Kandi MWEBWE mwese mwatambuka ku mudiho “Ingo, basoda b’abaKristo, muje ku rugamba.” Mu gihe yaraba, Twatanguye gutambuka tuduga mu kirere; Twari Ijambo.

Urakoze Data. Ese ukuntu bitera intege imitima yacu uno munsi. TuraGukunda n’Ijambo ryaWe hamwe n’ibiri muri twebwe vyose. Twizeye Ijambo Ryose. Ubu Butumwa buradukwiye nk’ishesheti ryo mu kiganza.

Dushaka kuba Umugeni waWe Jambo Atunganye. Ntituzi ubundi buryo bwo gukora ivyo atari kugumana n’Ijambo ryaWe, iyi Manu Yanyegejwe Wasigiye Umugeni waWe kugira ngo Imutegure ubwiWe?

Turabona ko igihe cegereje. Isi inyiganyigira munsi yacu hamwe na za nyamugigima. Abamarayika batohoza bari ahantu hose. Isi iracuramye. Intambara, ukugwana, ukwica, imigera n’indwara ahantu hose. Umwansi yakajije ibitero adahagarika, agerageza kubabaza Umugeni waWe, ariko Umukenyezi waWe mukundwa Watoye ASHIKAMIYE kw’Ijambo ryaWe.

Dufashe Data kutava mu ntambuko. Ese twogumiza amaso yacu kuri Wewe kandi tukagumya Ikiganza caWe kidahinduka. Utwongerereze UKWIZERA kwacu, uduhe ivyo dukeneye. Ingo hamwe n’Umugeni wawe kuri uyu w’iyinga, isaha umunani kw’isaha y’i Jeffersonville, mu gihe tuzoba dukoraniye kw’Ijwi ryaWe ry’igihe maze tuKwumvirize Uvuga : Uguhitamwo Umugeni, Ubutumwa bwavuzwe kw’igenekerezo rya 29 ku mugoroba ukwezi kwa ndamukiza, umwaka wa 1965.

Iri ni isengesho ryacu Data :

Ewe Mana Yo mw’Ijuru, Girira imbabazi isi y’ivyaha n’abantu b’abanyavyaha, Mwami, nk’uko tumeze iri joro. Mana, ndiko ngerageza guhagarara hagati kandi nsaba imbabazi zivuye mw’ijuru, kugira ngo Uvugire muri iri shengero ry’abantu iri joro kandi ukwegere Umugeni waWE kumera magabo Mwami, kugira ngo ntagendere mu kimenyetso ca nemera iyo ari yo yose, kiretse Ijwi ry’Ubutumwa bwiza bw’Umwami Yesu Kristo. Ewe Mana, bituronse. Reka bimenyekane, iri joro, ko Uri Imana, kandi ko Ijambo RyaWe Ari Ukuri. Mu gihe, duhagaze ku mugaragaro, imbere y’aba bantu, tubahamagarira kumera magabo kw’ Ijambo RyaWe.

MweneData Joseph Branham.

Ivyanditswe vyo gusoma :

Itanguriro 24:12-14

Ivyahishuriwe Yohana 24:9

Ubutumwa: 65-0429b Urubuto Ntiruzoraganwa nIgishishwa

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

Mukunzi Kara ko Mu Mara Yiwe,
Ndanezerewe cane yuko Imana Idahindura ivyiyumviro vyaYo kubijanye n’ Ijambo ryaYo. Uko yari ejo, niko ari nuno musi kandi niko azokwama ibihe bidashira. Ukuntu yakoze ibintu uhereye ku ntango, Abikora co kimwe n’uno musi. Imana, UbwaYo, Yigaragaje mu mubiri w’umuntu, kubw’Amaraso ya Yesu Kristo, kugira ngo yeze ubuzima yari gushobora kwiyerekaniramwo.
Intumwa yacu uyu munsi ifise ivyemezo vy’Ivyanditswe Vyayo hagati muri twebwe. Ni Mpwemu yera, Ubwayo, yitunganiriza insobanuro yayo bwite. Ntibikenewe kuva kuri uyu tuja kuri uriya kugira ngo turonke ukuri canke insobanuro; Mpwemu Yera yarahaye Ishengero Ryayo Abanyefeso 4, vyose mu muntu umwe, Umuhanuzi Wayo yagaragajwe.
Umuhanuzi: Intumwa bisigura” Uwarungitswe,” canke, “ Umumisiyonari.” Ndi umu Misiyonari.
Umuhanuzi: uranyizera ko ndi Umuhanuzi w’Imana?
Umuvugabutumwa: “ Kora igikorwa c’ Umuvugabutumwa. Shitsa icemezo cuzuye c’Ibango ryawe. Igihe kizoza aho batazohangana n’Ijwi ry’Inyigisho.”
Umwungere: Wanyise,” Mwungere wanyu”; kandi muvuga vyo,kuko ari ko ndi.
Umwigisha: Nshaka kuvuga kuvyerekeye Ijambo, canke kwigisha iki cigwa c’ishure ryo kuw’iyinga, kw’Ijambo ry’Ikimenyetso.
Bingana= Ndabazi, beneData, munyitezeko kuba icishimikizo ntanyiganyizwa .. mu gihe nigana Imana, nk’uko Paulo yavuze mu vyanditswe ati,” Munyigane, nk’uko nigana Kristo.’’

Ubu Butumwa ni icishimikizo ntanyiganyizwa cacu. Kubw’ivyo tumwigana nk’uko yigana Kristo.

Nsishatse kuvuga yuko hariho Imana nyinshi twokwita abagabo b’abanyefeso 4 bahawe amabango maze bagahamagarwa n’Imana gushitsa ibi bikorwa, kubw’ UBUNTU Bwiwe, ndi Umwe muri Bo. Ariko turi bato, Umumarayika w’ Indwi Muhanuzi W’Imana niwe MUKURU.

Kubari kw’isi yose bita” Branham Tabernacle’’ Ishengero ryo muhira’’ ryabo. Umwungere wacu, Ibango ryacu rizima, Icishimikizo cacu ntanyiganyizwa, abanyefeso 4 bose bari kuri Bande. Turizera ko ari igikorwa c’inkomoko yari afise igihe yari hano kw’ isi.

Mbega amahoro, uburuhukiro, ntaco twigera twinona canke ngo tugire ikibazo, canke uruhagarara igihe turiko turumviriza Ijambo. Ryaremejwe, Ijambo ry’Imana Ryagaragajwe, manu nshasha buri gihe turayumviriza kandi ico dutegerezwa gukora gusa ni ukwicara maze tukahimbagwa igihe imitima yacu ididagirizwa muri twebwe mu gihe avugana natwe buri gihe.

‘’Kandi abo Data yampaye bose bazoza. Intama zanje, Inuma zanje zumva Ijwi Ryanje uwo zitazi ntizomukurikira.” None Ijwi ry’Imana ni irihe? Ni Ijambo ry’ Imana. Ijwi ry’ umuntu wese n’iki Kiretse Ijambo ryayo? Ni Ijambo ry’Imana; bazokwumviriza Ijambo ry’Imana

Kandi haracariho BENSHI kubwo Ishengero ryiwe si gusa kumenya iki gihe n’ubutumwa bwaco, Ijambo ry’iki gihe, ariko umunezero uhambaye watanzwe ku muntu warashikijwe. TURI Igice C’Impwemu Yiwe, turi igice c’Umubiri Wiwe; akara ko mu mara Yiwe, igufa ryo mu magufa Yiwe;
Ijambo ry’ Ijambo ryiwe, ubuzima bw’ubuzima bwiwe, TURI UMUGENI WA KRISTO!

Imana ishimwe!! Izina ry’Umwami rihabwe icubahiro!! Haleluya!! Umugeni wiwe yaritahuye kandi ariko aritegura kubwo Ijambo ryayo.

Nico Ishengero ririko rirakora uyu musi, kuko Yesu ni Ijambo kandi ni Umukwe kandi Umugeni ni igice c’umukwe. Kubw’ivyo Ijambo ritegerezwa gushitswa iki gihe, nica gice nyene c’Ijambo ryashikijwe mu gihe ciwe, kandi nirya Jambo nyene, kwa kugiriranira imigenderanire nyene, bwa buzima nyene.

Ni muze hanyuma tugiriranire imigenderanire n’Ijambo muri kwa kugiriranira imigenderanire nyene, bwa buzima nyene kuri uyu w’Iyinga isaha umunani z’umuhingamo isaha y’i Jeffersonville maze twumvirize: *Urubuto ntiruzoraganwa n’igishishwa 65-0429 B. *
Mwenedata Joseph Branham

Ivyanditswe vyo gusoma :

Matayo 1:18-20/24:24
Luka 17:30
Yohana 5:24
Ab’I Galatiya 4:27-31
Itanguriro 2:15
Yesaya 9:6
Malaki 4

Ubutumwa: 65-0427 Mbega Imana Irahindura Ivyiyumviro VyaYo

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

Mukunzi Mugeni Bugombe Butunganye,

Ewe Mana Mukunzi, ntidushaka ubugombe bwaWe bwo gupfa kwemera, Data. Reka Tugendere mu bugombe bwaWe butunganye. Ntidufate gusa—gusa Ijambo ng’aha na hariya, maze tuRijanishe n’ivyizerwa canke nemera, canke ikintu kinaka. Reka Dufate Ijambo nk’ukwo Riri, twizeye Ubutumwa Bwiza bwose, ivyo Yesu Yatwigishije vyose gukora.

Ico nico cipfuzo cacu gihambaye kandi c’ibwina, kuba mu bugombe bw’Imana butunganye. Ntitwigere na rimwe tuMubabaza, ariko tuMuhimbare mu vyo tuvuga no muvyo dukora vyose. Dushaka kuba mu bagizwe abahungu n’abakobwa biWe kandi bagaragaye.

Ni hehe tubona ukuntu tuba mu bugombe bwiWe butunganye kandi tukaMuhimbara? Dutegerezwa kuja kw’Ijambo ryiWe, kuko turazi ko Ijambo ryiWe ari ukuri n’ubugingo. Ijambo ryiWe Ryama ari rya rindi, integuro yiWe yama ari yayindi, kuko Ntashobora guhinduka.

Ijambo Ritubwira, uburyo Yakoze ibintu ubwa mbere, Azokwama Akora co kimwe. Ategerezwa kuguma Ari Wawundi ibihe vyose. Intumbero yiWe yamye ari yayindi. Ibikorwa vyiWe vyamye ari vya bindi. Uburyo Akora ibintu, uburyo Akiza abantu, uburyo Arongora abantu biWe, Azoguma iminsi yose ari Wawundi.

Bibiliya Itubwira mw’Ijambo ryiWe Ridahinduka ko Ijambo ry’Uhoraho Riza ku bahanuzi biWe bonyene. Ntiyigeze Arihishurira abakuru b’amadini canke umunyatewolojiya, ku bahanuzi biWe gusa. Yavuze kandi ko Atakoze ikintu na kimwe Atabanje kucereka abahanuzi biWe.

Umuntu yamye ashaka uburyo bwo gukora kw’abantu, umugwi w’abantu bo kubarongora. Ariko ivyo ntivyigeze biba inzira y’Imana, Yamye Arungika umurongozi yahamagawe n’Imana, umuhanuzi yagenywe hamwe n’Ijambo ryo kurongora ihanga ryiWe. Uwo muhanuzi yagaragazwa kandi yatorwa kugira ngo abe umurongozi wabo w’ico gihe.

Imana Yatoye kandi Yashize mu kibanza abarongozi benshi bandi bagenywe buzuye Mpwemu Yera; kandi bafise ahantu habo, ariko Yagabishije abo barongozi Ati, “mugume kure y’Inkingi y’Umuriro.” Ni igiki iyo Nkingi y’Umuriro ikora… IRONGORA IRYO HANGA UMURANGO N’IJORO. Rero Ijambo Ritubwira Riti, “Nk’ukwo vyari bimeze mu minsi ya Sodomu, niko bizomera mu minsi y’aho Umwana w’umuntu Azohishurirwa.” Bijanye n’Ijambo ryiWe muri Malaki 4, n’Ivyanditswe vyinshi, Ategerezwa kugaruka mw’Ishengero ryiWe mw’ishusho y’umubiri, mu bantu, mu biremwa muntu, mu buryo bwo kuba umuhanuzi.

Tuzomenya gute uyu muhanuzi ? Azokwemeza uwo ari we biciye mw’Ijambo. Azomenya amabanga nyene ari mu mitima. Azohishurira abantu Ijambo Ryose. Azogaragazwa n’Inkingi y’Umuriro kugira ngo Arongore Umugeni. Imana Izoba Inafise ifoto yaYo yafashwe Iri kumwe n’umuhanuzi waYo.

Bamwe bazoba nka Yohana ku kizinga ca Patimo maze bagerageze kumusenga, ariko azovuga ati, “Raba ntubikore, kuko ndi umugurano mugenzawe, kandi uwo mu bavugishwa n’Imana, asenga Imana.” Umugeni azomenya ko atari kumusenga uwo muntu, kiretse gusenga Imana MURI URYA MUNTU.

Tuzomenya ko ariwe Imana Yahisemwo kuvuga Ijambo ry’ukutihenda. Azomenya ko yari irya ntumwa mumarayika ndwi yatowe n’Imana. Isi izobona kandi izokwumva Ijwi ry’Imana Rivugira muri We kandi izobona Adamu wa mbere yashumbushijwe umurava.

Azorongora Umugeni n’Inkingi y’Umuriro. Azokura aya makuru muri Logos maze ayahe Umugeni ari mu nzira yiwe ija mu Gihugu casezeranywe. Umugeni Azoronka uguhishura kandi Azomenya iyi ntumwa Imana Yateguye. Iyi ni inzira Imana Yateguye. Ubu ni UBUGOMBE BUTUNGANYE bw’Imana.

Muze dufatanye kuw’iyinga isaha umunani, isaha y’I Jeffersonville, maze twumvirize : Imana Irahindura Ivyiyumviro vyaYo? Ubutumwa bwavuzwe kw’igenekerezo rya 27 ndamukiza umwaka wa 1965.

MweneData Joseph Branham

Icanditswe co gusoma imbere yo kwumviriza ubutumwa

Guharura 22:31

Ubutumwa: 65-0426 Ukwemeza Ijambo Rya Yo

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

bakunzi Bana bashaka kwiga,
Mbega ahantu ho mw’Ijuru twari twicaye kuw’iyinga mu gihe Umugeni wa Kristo yakoraniye hamwe mu Nyonga ha Mpwemu Yera. Twashobora kuMwumva Agira mizima imibiri yacu ipfa.

Nta gusigwa guhambaye gusumba, canke ikirere gihambaye gusumba igihe Ufyonda Ukavuza maze ukwumviriza Ijwi ry’Imana Rivugana nawe. Imana Yatunganirije amatwi yacu kwumva no kwizera Ijambo ryose, kuko nta kindi atari El, Elah, Elohim, Uwibeshejeho, Uwihagije, Umunyenkomezi, Avugana n’umwe wese muri twebwe kandi Aduhishurira ko turi abahungu n’abakobwa biWe bagaragaye.

Mbega ukuntu vyari ivy’inkomezi mu gihe Urubuto rw’Imana rwatoranijwe, kw’isi yose, rwarambikanako ibiganza vyabo vyera. Ingo n’amashengero vyacu vyari vyuzuye Ukuba ng’aho kwa Mpwemu Yera. Ukwizera kwacu kwarubatswe, kuko twamenye Uwavugana natwe. Rero Yatubwiye ko zirya nkomezi zizana ubuzima zari MURI TWEBWE. Twarizeye n’imitima yacu yose n’ubugingo bwacu bwose, kuko niko Yavuze.

Rero Yatubwiye kuvuga ngo, « Mwami Imana, ndizera n’umutima wanje wose. » Twasubiyemwo Ijambo ryose kuva ibwina mu mitima yacu. Yavuze Ati, « Indwara ntishobora kwihangana mu mugwi nk’uyu. » Impwemu yacu yaranezerewe mu gihe twumva aya Majambo, kuko twamenye icariko kiraba.

Yavuze ati, « Abashaka Mpwemu Yera bose, muduze ibiganza vyanyu, AHO MURI HOSE abaMushaka… Ndizera ko Imana Ija kwuzuza Mpwemu Yera umwe wese muri mwebwe, UBU NYENE. » Uwo mwanya nyene, twarujujwe, kandi turasubira turuzuzwa Mpwemu Yera, Ijwi ry’Imana neza niko Ryavuze.

Rero kuri abo bari bakeneye ugukira mu mubiri wabo, Yavuze Ati, « Ndabategetse, mw’Izina rya Yesu Kristo guhagarara no kwemera ugukira kwanyu. » Muri uwo mwanya nyene, uwizera wese, kw’isi yose, yagize UKWIZERA kandi yizeye, YARAKIZE.

Mbega ibi vyabereye hehe ? Mu mugwi umwe mutoya w’abantu bari bakoraniye hamwe ? Oya, vyari KW’ISI YOSE mu gihe Umugeni Yicaye hamwe ahantu ho mw’Ijuru Yumviriza Ijwi ry’Imana ry’igihe cacu.

NTIBISHOBOKA ku muntu uwo ari we wese, canke umugwi w’abantu, guhuza Umugeni nka kurya. Mpwemu Yera Wenyene Ashobora gukora ivyo mu kuvugira mu ntumwa yaYo Yateguriye ico gihe. Ubu Butumwa ni NIKO UHORAHO AGIZE. Nta kwibaza, nta gucacisha. Imana Yaremeje ko iyi ari inzira yaYo yateguwe yo muri iki gihe.

Mbega uburuhukiro n’amahoro dufise. Ntidutegerezwa na rimwe kwiganyira canke gukekeranya ivyo twabwiwe. Nta na rimwe dutegerezwa gusubira kw’Ijambo kuRisuzuma, kuko twumviriza Ijambo ry’Imana Ryemejwe ry’igihe cacu. Turicara gusa, tukugurura imitima yacu, ivyiyumviro n’ubugingo vyacu, kandi tukavuga duti AMEN, AMEN, AMEN.

Oya, ntitubereye. Oya, ntidutahura ikintu cose. Ariko TWIZEYE Ijambo Ryose. Yavuze ko ico cari ikimenyetso c’ukuri ko mufise Mpwemu Yera, kandi k’Umugeni wiWe wenyene Azokwizera kandi Azogumana n’Ijambo ryose. TURI URYA MUGENI. Haleluya !

Bica hejuru y’abahambaye, abitwa abiyumvira vyimbitse, maze Akabihishurira abana biteguriye kwiga.

Ndakenguruka cane ko ndi umwana ashaka kwiga.

Yaremeje uko ibinjana vyakurikiranye Uwo Yari We mu gihe cose. Yaravyemeje mu bahanuzi baYo. Yaravyemeje igihe Yaza mu mubiri, Yakiriye ivyaha vyacu kandi Acumitwa imisumari ku musaraba, hanyuma Arazuka ubugira kandi maze Arungika Mpwemu Yera.

Ubu Yaravyemeje mu gihe cacu mu kugaruka no kwihishura ubwiWe mu mubiri w’umuntu ubugira kandi nk’ukwo Yasezeranye ko Yobikoze mw’Ijambo ryiWe. Yaremeje ubwiWe ko Ari Umwana w’umuntu, ibango ry’igikorwa ca Yesu Kristo ubwiWe, Yambaye umubiri w’umuntu.

Kandi ubu, igice ciWe ca nyuma, impamvu nyene y’iyi nteguro ihambaye, yo kutuzira twebwe, Umugeni waYo Yashumbushijwe rwose, Yemejwe, Yagumanye n’Ijambo.

Mbega wari gukunda kuba kuri urya musozi urya munsi igihe Yesu Yabwira abantu 5000? Wari gukunda kuMubona Yemeza isi Uwo Yari We mu gutanga imikate n’amafi? Wari gukunda kuba wicaye munsi ya kurya gusigwa, wumviriza gusa Ijwi ryiWe ryirura umutima wawe n’Amajambo yiWe y’Ubugingo Budashira?

Urabishobora, namba wizeye Ubu Butumwa n’umutima wawe wose.

Muze mwicare munsi y’ukwo gusiwa ku musozi hamwe natwe kuri uyu w’iyinga isamunani, isaha y’i Jeffersonville, maze mwumvirize Imana Yemeza isi Uwo Ari We mu gihe cacu. Luka 17:30 avugana namwe kandi ababwira ko B-R-A-N-H-A-M ari Ijwi Ryanje kuri mwebwe, Ryemejwe kandi Ryatowe. Muze mumwumvirize : Ukwemeza Ijambo ryiWe, Ubutumwa bwavuzwe kw’igenekerezo rya 26 ndamukiza umwaka wa 1965.

MweneData Joseph Branham.

Ivyanditswe vyo gusoma :

Matayo : 11:4-19/28;20
Mariko : 11:22-26
Luka : 8:40-56/17:30
Yohana : 14:12
Abaheburayo 4:12-15/13:8
Malaki 4

Ubutumwa: 65-0425 Ahantu ho gusengera Imana Yateguye

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

Bakunzi Bagizwe bazima,

Ese ukuntu dukunda gukoranira hamwe buri yinga kugira ngo dukorere umunsi mukuru kuri Manu ya Mpwemu Yatanze kubw’Umugeni wiWe. Biduha inkomezi dukeneye z’urugendo rwacu. Ni Ubuzima nyene bwa Mesiya, bwagaragaye, butegura Ishengero ryiWe kubw’Izamurwa.

Inkingi y’Umuriro Yaduhamagariye gusohoka hanze, kandi Iturongorera mu Gihugu c’Isezerano, munsi y’ugusigwa kw’umuhanuzi w’inkomezi wiWe, William Marrion Branham.

MweneData Branham si Inkingi y’Umuriro. Ni umurongozi yasizwe, munsi y’Inkingi y’Umuriro. Inkingi y’Umuriro Igaragaza gusa Ubutumwa bwiwe hamwe n’ibimenyetso n’ibitangaza. Ni Mpwemu Yera wiWe Ahambaye Yagaragaye hagati muri twebwe kandi ni incuro ibihumbi gusumba abandi bahanuzi bose mbere.

Ntimushobora kubona Umwana w’umuntu, Umwana w’umuntu mw’ishusho ry’Ubutumwa bwavugishijwe, agaruka ubugira kandi mw’Ishengero ryiWe, mu buvugishwa, buhishura Yesu Kristo wawundi nyene ejo, uno munsi no mu bihe bidashira ? Ntivyari bwigere bikorwa mu bindi bihe, gushika muri kino gihe.

Ivyiyumviro vyacu vya mpwemu vyaraMutahuye. TuraMubona kandi twizeye Ijambo ryose. Ubu Butumwa, aya Mabande, ni Inzira Imana Yatanze yo gutahura kirya ciyumviro kiri hariya aho rurya rubuto rwatewe. Twarumvise rirya Jwi, n’Umuco waradukubise maze twakira Ubugingo.

Ritwicarika ahantu ho mw’Ijuru, UBU NYENE. Atari tuzoba, turi ubu. Twaramaze kuzuka, inkomezi hamwe n’ibikorwa vy’ubwenge bw’umuntu bigiye gukora. Vyatugize bazima mu Nyonga h’Imana, aho Mpwemu waYo ari. Si ivyo mugiye kuba, mwaramaze kuba. Ni umurwanizi gusa agerageza kubitwiba.

Ikibazo : Mbega mwaraje ku Bugingo ?
Inyishu : Ego
Ikibazo : Mbega Kristo Yacitse nyaWe kuri wewe ?
Inyishu : Ego
Ikibazo:Mbega Inkomezi z’Imana zaragaragajwe?
Inyishu:Ego
Ikibazo : Mbega uri muri rirya Shengero, Ishengero Imana Yatanze ?
Inyishu : Ego
Ikibazo : Umeze gute muri Ryo, uzi gute ko wagizwe muzima muri Ryo ?
Inyishu : Ivyiyumviro vyacu vyose, ukubaho kwacu kwose, biri muri Kristo. Kristo Ari hagati muri twebwe, Yemeza ubwiWe ko Ari Muzima, Yemeza ko Ari ng’aha.

Turi ubura bw’akara kiWe, n’igufa ryo mu magufa yiWe, umubiri w’umubiri wiWe, Izina ry’Izina ryiWe, Umugeni wiWe. Turi muri We. Turi umubiri wiWe n’amagufa yiWe.

Ntidushobora gupfa, twaragizwe bazima. Inkomezi zagizwe nzima zaratuzuye tuva mu buzima bw’icaha, kandi zahinduye ukubaho kwacu, zaratuzuye mu buryo butaraboneka muri Kristo Yesu, kandi, ukuzuka kuzotuzana ku kwera neza.

Twaravutse kandi twagizwe bashasha, twabatijwe na Mpwemu Yera, muri Yesu Kristo. Twagizwe bazima kw’Ijambo ryose. Tuvuga « amen » kw’Ijambo ryose.

Mu gihe dukoraniye hamwe muri Yesu Kristo, mu ciyumviro kimwe, n’inama imwe, ico dukeneye cose, namba tuzogira UKWIZERA maze tukizera, Azokiduha. Dutahure ko Azoba muri buri nzu zacu, amashengero yacu, canke aho hose dukoraniye, kuko turi abahungu n’abakobwa biWe, Ishengero Mugeni ryiWe.

Ndazi ko Ari ng’aha. Ndazi ntakekeranya ko Ari ng’aha. Ndazi ko hariho inkomezi zagizwe nzima zikwiye mw’Ishengero zo gukiza umuntu wese yicaye ng’aha.

Mbega murizeye Ubu Butumwa ? Mbega murizera ko ari Inzira y’Imana y’iki gihe ? Mbega murizera ko ari Umwana w’umuntu Yihishura ubwiWe mu mubiri w’umuntu ? Mbega murizeye Ijambo ryose ?

Namba mukeneye ugukira indwara kw’umubiri, ugukira kw’impwemu, canke IKINTU ICO ARI CO COSE mushobora kuba mukeneye, rero ndabasavye kwizera Ijwi ry’Imana ry’iki gihe cacu, ryasizwe kandi ryagaragajwe , Ijwi ry’Imana ry’igihe cacu:

Kora ku buryo ubu nyene izo nkomezi zitanga ubuzima, ziha ubuzima ukwizera kwabo, Mwami, mu vyo bariko barakora. Hariho uwizera yarambitse ibiganza vyiwe ku wizera, umubiri ku mubiri, inkomezi ku nkomezi. Kandi ni inkomezi z’Imana, z’umuhungu w’Imana canke umukobwa w’Imana, z’Umwana w’Imana. Ewe Mana, ese Satani yorekura aba bantu ! Bakire uyu muhingamo, mu nkomezi z’ukuzuka, inkomezi zitanga ubuzima z’Ukuba ng’aha kwamenyekanye, Yesu Kristo. Mw’Izina rya Yesu Kristo, bibe gutyo !

Muze dufatanirize hamwe munsi y’Ubutumwa : Ahantu ho gusengera Imana Yateguye, bwavuzwe kw’igenekerezo rya 25 ndamukiza umwaka wa 1965, kandi twakire ugukira indwara kwacu, dusigwe na Mpwemu Yera, tugire ubugingo bwacu bunezerewe mu gihe twicaye ahantu ho mw’Ijuru kandi twumviriza Umwana w’Umuntu Avuga kuri uyu w’iyinga isamunani ku muhingamo, isaha ya Jeffersonville..

MweneData Joseph Branham.

Ivyanditswe vyo gusoma imbere yo kwumviriza Ubutumwa :
Gusubira mu Vyagezwe 16 : 1-6
Malaki 4 :5
Matayo 1 :23
Mariko 16 :17
Luka 17 :30
Yohana 4 :23/10 :1-7
Abaroma 8:1-11

1 Ab’ikorinto 12:13
Abanyefeso 1:21
Abatesalonike 4:16
Abaheburayo 13:8
Ivyahishuriwe Yohana 22:19

Ubutumwa: 60-0522e Kugirwa Abana bImana #4

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

Bakunzi Nkukuma,
Muze dukoranire hamwe kugira ngo twumvirize Ubutumwa *Kugirwa Abana b’Imana #4 *
Bwavuzwe igenekerezo rya 22/05/1960 kumugoroba, kuri uyu w’Imana, isaha umunani kw’isaha ya Jeffersonville.

MweneData Joseph Branham

Ivyanditswe vyo gusoma imbere yo kumviriza Ubutumwa:

Abanyefeso1:8-22/2:1/4:30
Abaheburayo7:1-30
Itanguriro14:18-24
Matayo26:26-29
Yohana17:17
Ab’I Galatiya1:8
Yobu38

Ubutumwa: 60-0522m Kugirwa Abana bImana 3

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

Bakunzi Nkukuma,
Muze dukoranire hamwe kuri uyu w’Imana kugira ngo twumvirize Ubutumwa KUGIRWA ABANA B’IMANA #3 bwavuze kw’igenekerezo 60-0522 Isaha umunani kw’isaha ya Jeffersonville

MweneData Joseph Branham

Ivyanditswe vyo gusoma imbere yo kwumviriza ubutumwa :

Matayo 28:19
Yohana 17:7-19
Ivyakozwe n’Intumwa 9:1-6, Igice 18 hamwe na 19
Abaroma 8:14-19
1 Ab’i Korinto 12 :12-13
Ab’I Galatiya 1 :8-18
Abanyefeso 1
Abaheburayo 6:4-6, 9:11-12

Ubutumwa: 60-0518 Kugirwa Abana bImana 2

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

Bakunzi Nkukuma,
Muze dukoranire hamwe kuri uyu w’Imana kugira ngo twumvirize Ubutumwa KUGIRWA ABANA B’IMANA #2 bwavuze kw’igenekerezo 60-0518 Isaha umunani kw’isaha ya Jeffersonville

MweneData Joseph Branham

Ivyanditswe vyo gusoma imbere yo kwumviriza ubutumwa :

Itanguriro 1 :26
Abanyefeso 1
Abaroma 8 :19
Ab’I Galatiya 1:6-9
Abaheburayo 6
Yohana 1:17