Nsango: 63-0707M KOFUNDAMA
Balingami Mwasi na Libala, tika ete toyangana biso nyoso elongo lelo mpe toyoka Liteya Kofundama 63-0707M. Ekozala koleka na Voice Radio na 12:30 sima ya nzanga, ntango ya Jeffersonville, kasi bomiyoka nsomi koyoka yango na ntango ebongi na libota na bino.
Ndeko Joseph Branham
NSANGO: 63-0630E Bomoi Na Yo Elongobani Na Nsango-Malamu?
Balingami Mwasi na Libala, tika ete toyangana elongo lelo mpe toyoka Liteya Bomoi na Yo Elongobani na Nsango Malamu? 63-0630E. Ekozala koleka na Voice Radio na 12:30 sima y’a nzanga, ntango ya Jeffersonville, kasi bomiyoka nsomi koyoka yango na ntango ebongi na libota na bino.
Ndeko Joseph Branham
Nsango: 63-0630m ESODE YA MISATO
Molingami Mwasi na Libala oyo ayanganisami Oyo Azali koloba Liloba,
Oyo ezali ntango monene ya koleka na bomoi nan gai baninga nan gai! Tozali komona Liloba kokokisama liboso na miso nab iso mpenza lokola nano tomoná liboso te. Boni ezali kopesa kosepela koyeba Oyo Ye Azali, nani nani motindami Atindelaki biso azali, mpe na sima KOYEBA BISO TOZALI BANANI! Matondi Tata. Tokanisa soko moke te ete makambo oyo ekokoma na motindo oyo, kasi yango oyo ezali kokoma liboso na miso nab iso mpenza, kaka ndenge mosakoli na Yo alobaki yango likolo na bande.
Nazali kozila na etingia monene komona Molimo Mosanto na Ye kobenda biso pene na Ye koleka liboso na nsuka ya mposo oyo ya Pasika. Nalingaki na benga moko na moko na bino kozala na boyokani elongo na biso zingazinga na Etinda oyo, elongo moko na Mwasi na Ye na Libala na mokili mobimba.
“Na sima, ntango mwa eloko moke emonani, mpo na nini ozali kosala lokola mwana moke? Osengelaki kozala moto mobimba. Lob ana bato,” amen, “bongo kende liboso!” Amen. Yango nde likambo. “Koganga te. Solola!” Amen. Oo, Nalingaka yango. “Mpo na nini ozali koganga epai na Ngai? Solola kaka na bato mpe kende liboso na lotomo nay o. Ezala nini, soko ezali bokono, to ezala eloko nini, kosekwisa bakufi, to soko ezali nini, solola! Nakokisi yango. Solola na bato.”
Libaku malamu nini oyo tozali na yango kolamukisa kondima nab iso, ete biso mpe lokola tikoka koloba LILOBA. Boya koyangana elongo na Mwasi na Libala na nsuka ya mposo oyo ya Pasika, wana ezali biso komibongisa mpo na Esode ya nsuka. Bomoi nab iso esengeli ekokana na Nsango Malamu, mpo ete libota oyo ezali na nse ya kofundama. Kasi ntina ezali SASAIPI te mpo na Mwasi na Ye ya Libala koganga, KASI LOBA! Kende liboso nan tina na yo. Lokumu na Nkombo na Nkolo!
Lokola tokosalaka yango na nsuka ya mposo ya Pasika, tika ete tomikanga mosika na mokili ndenge tokokoka na bo kangaka ba telephone soko kaka te mpo ya kokanga bilili, koyoka eteni ya Liloba ya Mokolo, mpe koyoka bande likolo na app ya Lifeline to longwa na bikanganeli ya internet oyo ekosunga kozwa liteya. Tika ete topesa nsuka ya mposo oyo mobimba epai na Nkolo, mpe tokomisa Pasika oyo likambo ya kokutana na bato te, kasi komibonza na Liloba, kati na ba ndako na biso. Nalingaki ete biso nyoso toyangana kokokana etandelo oyo, kokokana na Ntango ya Moi ya Monyele (NMM) bobele soko boyebisami ndenge mosusu.
MOKOLO YA MINEI
Ezalaki Mokolo ya Minei na mpokwa nde Nkolo Yesu azalaki na Elambo naYe ya nsuka elongo na bayekoli na Ye kati na ekaniseli ya Elekeli liboso ya Esode ya bana na Yisalaele. Libaku malamu nini oyo kozala na boyokani elongo na Nkolo kati na ba ndako na biso, liboso na nsuka ya mposo mosanto na biso, mpe kosenga Ye ete Apambola biso mpe mabota na biso, mpe kopesa biso nyoso oyo tozali na yango bosenga kati na mobembo na biso.
Tata na Likolo, tozali na matondi mpo na oyo, ntango mosusu kozwama elongo, nan gambo oyo ya Seko na Seko, mpe tozali kotalela na ntongo oyo mpo ya bozwi nguya ya sika kouta epai na Yo, kopesa biso mpiko mpo na mobembo mozali liboso. Toyangani lokola bana Baebele na ntongo ntongo nyoso, kozwa mana oyo epesamelaki bango kati na butu, mpo esunga bango na mokolo oyo ezalaki koya. Toyangani mpo na Mana ya molimo, na ntongo oyo, mpo ya kopesa biso makasi mpo ya mobembo.
Tika ete tobanda na ngonga ya 6:00 sima ya nzanga na ba ntango nab iso ya mboka na mboka, mpe toyoka Ye koyebisa bison a ntina na Esode ya nsuka, awa ezali biso koyangana zingazinga ya Kiti na Ye ya Bokonzi koyoka Liteya: Esode ya Misato 63-0630M.
Sim ana Liteya, tokoyangana na mabota nab iso kati na ba ndako na biso mpo ya kozwa Elambo ya Nkolo.
Ekoumela te tokozwa ekanganeli moko ya internet mpo ya bande mpe molulu ya Elambo, to, ekozwama nan tango oyo esili kotandama likolo na Voice Radio, likolo na app ya Lifeline.
MOKOLO YA MITANO
Tika ete tokened na mabondeli elongo na mabota na biso na 9:00 ya Moi, mpe lisusu na 12:00 na nzanga na bobiangaka Nkolo azala elongo na biso mpe Mwasi na Libala longwa na mokili mobimba na ntango malamu oyo ya koleka na nsuka ya mposo; mpe kotondisa ba ndako nab iso na Molimo na Ye Mosanto wana ezali biso komikaba na bosambelaka Ye.
Tika ete makanisi na biso ezonga na mokolo wana na Kalvari, mibu 2000 esili koleka, mpe tomona Mobikisi na biso azali kodjembela likolo na ekulusu, mpe bongo tomipesa na lolenge yango moko mpo tosalaka ntango nyoso oyo ekosepelisaka Tata:
Botala sikawa. Ntango ayaki na mokili, nan tango oyo azalaki na kozanga kondima, ya koleka ndenge etikaláká komonana nan tango wana, yango ekitisaki Ye ata ndambo te. Akobaki na Ye koteya kaka ndenge moko, mpe kobikisa babeli kaka ndenge moko. Etungisaki ye te. Bato ya koloba mabe bazalaki. Moto wana alobamelaki mabe longwa na ntango Azalaki kaka mwana moke kino na ntango abomamaki na ekulusu. Yango etelemisaki nde Ye? Te mobali. Ntina na Ye ezalaki nini? “Ntango nyoso kosala oyo Tata akomaki. Ntango nyoso kosala oyo esepelisaki Ye.
Na sima tika ete na 12:30 ya Moi, na motema mobimba tokanisa nan tina na motuna ya litomba monene kati na bomoi na biso, wana tozali koyangana zingazinga na Kiti na Ye ya Bokonzi koyoka Liteya : Bomoi Na Yo Ekokani Na Nsango Malamu? 63-0630E.
Na sima tokutana elongo kati na mabondeli na 3:00 sima ya nzanga kati na ekaniseli ya kobakisama na ekulusu ya Nkolo na biso.
MOKOLO YA MPOSO
Tika ete mbala moko lisusu toyangana kati na mabondeli na 9:00 ya Moi, mpe na 12:00 mpe kolengela mitema nab iso mpo na eloko monene Akosala mpo na biso na kati nab iso,
“Sima ya koyeisa efundeli oyo kotemela—baninga nan gai bayangeli kuna libanda, mpe kotala ete esengelaki naloba makambo makasi oyo, kasi Nkolo, Nasalaki yango na pemelá na Yo. Nazali koyoka ete Yo olobaki nan gai ete nasala yango. Sasaipi elongwi na mapeka nan gai, Nkolo. Na—Nazali na kosepela ete elongwi. Tika ete basala na yango nyoso balingi kosala, Tata. Nazali kobondela ete bandima yango. Nazali kobondela ete obikisa moko na moko, Nkolo. Tika ete kolamukisa ya bayengebene, mpe nguya monene eya katikati na Lingomba kaka liboso na kokende na yango. Na…Ezali mpasi te kobondela bongo, mpo ete Olakaki yango. Mpe tozali kotalela, Nkolo, mpo na lotómo wana ya misato oyo toyebi ekosala makambo minene mpo nab iso na kati na biso.”
Na sima na 12:30 sima ya nzanga, tokoya biso nyoso elongo koyoka LILOBA: KOFUNDAMA 63-0707M. MOKOLO YA MOKANDA YA BOLINGO ya ndenge nini oyo ekozala mpo na Mwasi na Ye ya Libala na mokili mobimba.
Na sima tika ete toya elongo kati na mabondeli na 3:00 sima ya nzanga kati na ekaniseli ya kobakama na ekulusu ya Nkolo na biso.
MOKOLO MWA LOMINGO
Mokolo monene nini oyo esengeli koganga lisusu te, kasi LOBA! Ntongo nini oyo ya lisekwa! Tika ete tolamuka na nta ntongo lokola Ndeko Branham asalaki na ntongo oyo mining ana ye moke, ndeke ya ntólo motane, alamukisaki ye na 5:00 liboso na nzanga.. Tika bobele ete totonda Nkolo mpo na kosekwisa Yesu longwa na kati na bakufi:
“Na ngonga na mitano na ntongo oyo, moninga nan gai moke oyo ya ntólo motane apumbwaki na lininisa mpe alamusaki ngai, eyokanaki lokola nde mwa ntólo ye elingaki epasuka, na bolobaka ete, “Asekwi.”
Na 9:00 na Moi, tika ete na bosembo tokutana lisusu kati na bomoko na libondeli, kobondela ba moko mpo na ba mosusu mpe komilengela mpo na koyoka Mongongo na Nzambe.
Na 12:30 sima na nzanga, tokoya elongo mbala moko lisusu mpo na koyoka Liteya nab iso ya Pasika: Mpo na nini Koganga? Loba! 63-0714M.
Sim ana losambo oyo, tika ete mbala moko lisusu toya elongo kati na libondeli, kotonda Ye mpo na NSUKA YA MPOSO YA KOKAMWA APESI BISO ELONGO NA YE MPE NA MWASI NA LIBALA ZINGAZINGA NA MOKILI.
Epai na bandeko nan gai mibali mpe basin a ngambo na bibale binene, nakolinga kobianga bino ete bpyangana nab iso elongo kati na makambo oyo na ntango ya Jeffersonville, mpo na ntango nyoso ya libondeli kati na etandelo oyo mpe mpo na bande oyo ekoyokama na Mokolo mwa Lomingo na ntongo. Nazali ata ko bongo, koyeba ete, koyoka bande na Mokolo ye Minei, ya Mitano, mpe ya Mposo sima ya nzanga nan tango ya Jeffersonville ekozala mpasi mpenza mpo na mingi kati na bino, na bongo bomiyoka nsomi koyoka Mateya wan ana ntango nse ntango ya moi oyo ekokoka na bino. Nde ata ko bongo, nakosepela ete, biso nyoso elongo toyangana na 12:30 sima na nzanga na ntango ya Jeffersonville, koyoka Liteya na biso ya Mokolo mwa Lomingo elongo.
Nakosepela mpe kobianga bino ete bino mpe bana na bino bozala kati na bobongisi misala ya boyekoli oyo ezwami na ba nkasa ya kolakisama, mpe mimekano ya YF, oyo libota na bino mobimba bokosepela na yango elongo. Tozali kokanisa ete bokosepela na yango lokola nyoso na yango ezali likolo na moboko ya LILOBA oyo tokozala koyoka na nsuka ya mposo oyo.
Mpo na etandelo ya nsuka ya mposo, nsango mpo ya komibongisa mpo na molulu ya Elambo, bisaleli mpo na bobongisi misala ya boyekoli, mimekano ya Pasika, mpe nsango mosusu, botala bikanganelo na nse awa.
Ezali mpo nan gai lokumu monene mpo nan gai kobianga bino mpe libota na bino ete boya elongo moko na Mwasi na Libala na mokili mobimba mpo na nsuka ya mposo etondi na LOKUMU, MASANZOLI MPE LOBIKO NA NZOTO. Nandimi ete ekobongola solo mpenza bomoi na yo mpo na libela.
Ndeko Joeseph Branham
NSANGO: 62-1014E Mokambi
Balingami ba Mpate ya Nzambe Bakambami,
Etumba ya nsuka yango oyo ebelemi. Tozali kokende esika tokma naino liboso te. Tozali kokende kati na lisobe, mpe tozali na nzela na biso kokende esika moko, mpe tokoki kokende te na kozanga Mokambi. Botungisama te etonga moke, Nzambe apesaki Mokambi mpo ya kokamba biso.
Mokambi oyo akomonisa biso makambo, mpe akoyebisa makambo mayokaki Ye; Akoki kozongela maloba na biso mpe koloba mpenza oyo biso tolobaki. Esengeli na biso kolanda Mokambi oyo, mpo ete bobele Ye nde ayebi nzela.
Ntango Yesu azalaki na mabelé, ayebisaki bayekoli na Ye ete azalaki na makambo mosusu mingi ya kolobela mpe komonisa biso, na bongo Akotinda Molimo ya Solo epai na biso, mpe Akokamba biso kati na Solo oyo. Alobaki ete Mwasi na Ye ya Libala akoyeba Ye wana Akomimonisa mpe komindimisa kaka ndenge Asalaki ntango Ayaki kati na mosuni mbala ya liboso.
Akoyeba likanisi moko na moko ya motema na biso. Akoyeba tozali ban ani mpe oyo tosalaki. Akoyeba makambo nyoso na ntina na biso. Azali Mokambi ya Nzambe. Molimo Mosanto oyo azali kobika mpe komimonisa Ye mpenza kati na mosuni ya moto.
Kaka ndenge Yesu Ye moko alobaki, “Ezali ngai te nde nazali kosala misala; ezali Tata na Ngai oyo azali kofanda kati na Ngai. Solo solo Nazali koloba na bino ete Mwana akoki kosala eloko na Ye moko te; kasi oyo emoni Ye Tata kosala, Mwana akosala yango mpe lokola. Tata Azali kosala, Ngai mpe Nazali kosala motindo moko.” Bobele bongo mwanje na Ye Akoloba mpo na ye moko te, kasi nyoso ekoyoka ye, yango nde akoloba. Akozwa makambo nyoso oyo kouta na Tata, mpe bongo akotalisa yango epai na biso. Akofungola mabombami nyoso oyo ebombamaki kati na Liloba.
Tata ayebisaki biso ete akozala na MOTO MOKO oyo akotelema nae sika na Ye awa na mabelé, Mokambi, mpe ete Mwasi na Ye ya Libala akoyeba Ye na petee mpe akolanda ye.
Akokumisa bobele Nzambe. Akoloba polele ete, ezali ye te, mwanje ya sambo, ezali komonisama ya Mwana na Moto. Ezali libombami ya Nzambe kozipolama. Ezali moto te, ezali Nzambe. Azali Mwan na Moto te; azali motindami kouta epai na Mwana na Moto. Mwana na Moto ezali Klisto. Likolo na Ye nde tozali koleisama.
Mingi bakoloba ete bango nde bapakolami mpo ya kokamba Mwasi na Libala, kasi Nzambe alingaka te ete botelema likolo na makanisi na bino, soko makanisi ebongisami na moto ata nani. Nzambe atindi Mokambi, mpe Nzambe alingi ete yo okanisa ete oyo wana azali Mokambi Ye atindi.
Mokambi na biso akozwa te moko na nzela moko, moko na nzela mosusu mpe koloba: esengeli koyoka motei oyo, na sima oyoka motei oyo kuna; bayokanaka kutu te kati na bango. Yango ekokomisa yon a kobonga be ndenge nini?
Ezali bobele na LILOBA MOKO OYO EBONGI BE oyo ekomema biso mpe kobatela biso elongo, MONGONGO NA YE LILOBA OYO EZALI LIKOLO NA BANDE OYO ENDIMISAMI EBONGI BE.
Bazali koloba lelo ete Molimo Mosanto azali kokamba moko na moko na biso lokola bato, yango ezali solo. Kasi mpo na nini kozala na motei soko Molimo Mosanto azali kokamba yo? Yoka ndenge ozali komilobela yo moko: Nakosepela ete motei akamba ngai mpe alakisa ngai mpe mosakoli ya Nzambe te oyo andimisami? Nakosepela nazala na ndimbola na ye ya Liloba nae sika ete nayoka Mongongo ya Nzambe Ye moko lokola ye akoki kolimbola yango malamu mingi na koleka?
Nazali komeka kokweisa batei te, to koloba ete bazali lokuta, to koloba ete esengelaki te oyoka batei. Nabondeli yo ete olimbisa ngai soko nazali koloba yango malamu te. Nazali kaka koloba ete esengeli te ete bango bazala etemelo na yo, liloba ya nsuka, Mokambi na yo. Bato bakoki koyokana soko moke te kati na bango. Moto na moto azali na oyo ya ye likanisi ekeseni, bokambami bokeseni. Yango ekokomisa Mwasi na Libala na kobonga be ndenge nini? Soko ozali koyoka bango nyoso, mpe oyebi ete bango nyoso bakoki kozala na boyokani te ete oyo bazali koloba ezali Liloba ya Nzambe ebongi be, yango ekokoka kobongisa be Mwasi na Libala ndenge nini? Yango ekoki kozala Mokambi na yo ndenge nini?
Soko tokokaki kaka kotika Molimo Mosanto kobatela biso esika moko elongo na Liloba na Ye, mbele tokozala motema moko, likanisi moko, boyokani boko, na nzela na Molimo moko, Mokambi ya Nzambe oyo akokamba biso kati na Solo nyoso. Kasi esengeli na yo kolanda Mokambi na yo.
Meka kobeta ntembe na Liloba ya Mokambi na yo te. Landa Ye. Soko bongo te, okosuka na kobunga. Mpe , kanisa, ntango otiki Ye, okotikala yo moko, na bongo tolingaka kozala ntango nyoso pene na Mokambi.
Molimo Mosanto azali kokamba biso kolanda Mokambi, oyo azali Molimo Mosanto kosolola na nzela ya motindami na Ye mwanje ya sambo. Ezali Liloba ya moto te, Ezali Mongongo ya Nzambe epai na Mwasi na Ye ya Libala mpe Ezali NSE YOKO EKOKI KOKOMISA MWASI NA LIBALA NA BOBONGI BE.
Boya tokutana Mokolo mwa Lomingo na 12:00 sima ya nzanga, ntango ya Jeffersonville, lokola tozali kobanda to mposo ya Pasika koyoka Mokambi na biso. Akokamba biso epai wapi tokomá nano liboso te.
62-1014E
Ndeko Joseph Branham
Makomi ya kotanga liboso ya losambo:
St. Malako 16: 15-18
St. Yoane 1: 1 /16: 7-15
Misala 2: 38
Baebele 4: 11-13 / 4:30
2 Petelo 1: 21
Esode 13: 21
Nsango: 63-0623E KOPELAPELA YA MWINDA MOTANE YA ELEMBO YA KOYA NA YE
Bato Nyoso Na Kati,
Nkembo na Nzambe, mokolo nini oyo tozali kobika kati na yango. Tozali koyoka Etinda oyo ekokisami, na ekela moko na moko, kozala Yesu Klisto lolenge moko lobi, lelo, mpe libela. Esali eloko yango moko oyo Asalaki ntango Azalaki awa na mokili; abikisaki babeli, ayebaki makanisi ya mitema, alaki makambo oyo esengelaki kokoma, asekwisaki bakufi, mpe mbala nyoso, Ezalaki oyo ebongi be.
Mai esukolaki mabelé nyoso longwa na likolo na songé ya ngomba. Ezalaki na eloko mosusu etikalaki te kaka Libanga. Ezalaki na Nkomá ya kokamwa likolo na Libanga, na bongo Nzambe atindelaki biso mosakoli na Ye ya nguya kolimbola Nkomá epai na Mwasi na Ye ya Libala. Sasaipi Biblia elimbolami mobimba.
Amemaki mwanje na Ye ya nguya likolo na ngomba mpe atiaki MOPANGA YA NKOLO KATI NA LOBOKO NA YE. Mwanje na Ye akataki bongo songé ya ngomba yango mpe atombolaki yango likolo. Na kati na yango ezalaki na libanga pembe, eloko moko na lolenge ya libanga ya motuya ya granite oyo ekomamaki kutu likolo te.
Ayebisaki biso kotala Oyo wana ekendeki ye na Elimwelo na ntango. Amemamaki bongo na katikati ya banje Sambo mpe azongaki mpe amonisaki biso yango NYOSO OYO EKOMAMAKI KUTU TE KATI NA LIBANGA.
“Oyo azali mosali na Ngai. Mpe nabengaki ye kozala mosakoli ya eleko, kokamba bato kaka ndenge Mose asalaki. Mpe apesamelaki bokonzi, akokaki kokela biloko na maloba na ye.” To eloko moko ya ndenge wana, lokola Mose asalaki, lokola koyeisa nzinzi na maloba. Mpe toyebi na ntina na bisende, mpe bongo na bongo, mpe makambo oyo esili kosalema. Hattie Wright moke na sima kuna, nabanza boyebi oyo ekomaki na ndako na ye.
W-I-L-L-I-A-M M-A-R-R-I-O-N B-R-A-N-H-A-M azali moto na Nzambe Aponaki mpo na kokamba Mwasi na Ye ya Libala mpo na lelo. Azali mosuni oyo Aponaki kosolola na biso lokola esalaki Ye ntango Ayaki na nzoto esili koleka 2000. Likomi moko na moko ezali kokokisa Yango. Molimo Mosanto Amonisaki Yango. Sasaipi ezali na kondimisama lisusu ete tozali na EMONISELI YA SOLO ya oyo Ye AZALAKI, oyo Ye AZALI mpe oyo biso TOZALI: Mwasi na Libala na Ye molingami ya motema.
Toyebi ete tozali kati na Mokano mwa Ye mobongi be na botikalaka na Liloba na Ye. Ezali komema esengo mpe kosepela ya ndenge wana. Ekoka soko te kolimbola na maloba kaka oyo yango elingi koloba epai na biso.
Toyebaka ntango nyoso na bozindo ya mitema mpe bomoto na biso ete ezalaki na eloko moko ya kokesene kuna. Toyebaki, ata nano ezalaki biso kati na masumu, ezalaki na eloko moko kuna oyo tokokaki kolimbola yango te, kasi Ezalaki na yango kaka wana. Sasaipi TOYEBI. Totikálá komiyoka boye liboso te, ezali lisusu na ntembe te, komituna-tuna lisusu te, kobeta ntembe lisusu te, Ekomami na bozindo mpe ekomami na bomoto na biso. NKEMBO NA NZAMBE!!
Tozali libota oyo ekoleka te kino makambo nyoso oyo ekokokisama. Tozali libota oyo emoni libebi kokoma liboso na miso na biso mpenza. Ntango ebelemi. Kopelapela ya mwinda motane ya Koye na Ye esali awa. Ekebiseli na Ye ya suka ezali kokokisama.
Kufa mpe kobebisama nyoso ezali nyoso zingazinga na biso. Tozali kobika kati na Sodomo na Gomola. Bosoto, masumu, mitema ya bato kokwea na nsomo, bombi ya atomiki, makambo ya mpasi kati na bikolo, mpe ntango mobimba toyangani mpe tozali kofanda elongo kati na bisika na Likolo lokola Nzambe Ye moko ezali koyebisa biso, BOBANGA TE, BOZALI BAOYO NA NGAI YA MOTEMA. Eloko moko ekokomela bino te. Botika kaka mitema na bino mipela kati na bino lokola nazali kosolola na bino na molai na nzela mpe nazali koyebisa bino, BOZALI MWASI NA NGAI YA LIBALA.
Boya komibakisa na biso Mokolo na Lomingo oyo na nzanga, ntango ya Jeffersonville, wana ezali na makelele oyo ezali kokoma. Ekangeli ezali kokita. Mwinda motane ebandi kopelapela. Soko bozali kotalela kolongwa elongo na biso, epusi malamu bobwaka liboke wana ya nguba na nse, botika masolo na bino, bomema mikumba na bino, mpe bobelema to bokotikala sima, mpo ete Azali kotelema awa kaka mpo nan tango moke. Azali koya kosolola: Kopelapela Ya Mwinda Motané Ya Elembo Ya Koya Na Ye 63-0623E.
Ndeko Joseph Branham
Makomi ya kotanga liboso ya Liteya:
St. Matai 5:28/ 22:20/ Mokapo ya 24
2 Timote Mokapo ya 4
Yuda 1:7
Genese Mokapo ya 6
Nsango: 63-0623M Kotelema Na Katikati
Balingami Basembwi,
Ndambo ya ba poso oyo eleki ezalaki ntango na Nkembo ya koleka na bomoi na biso mobimba. Ezalaki moko na na likambo monene ya koleka koyangana elongo na Mwasi na Ye na Libala zingazinga na mokili, koyoka Nzambe komonisa Bilembo Sambo.
Toyanganaki biso nyoso elongo koyoka nini?
“Na kati na Piramidi wana, ezalaki na Libanga pembe oyo ekomamaki likolo na yango te.” Nde ntina esengelaki nakende na Elimwelo nan tango, kokutana na Etinda ya Banje oyo, kozonga awa komungola Yango epai na lingomba.
Asengelaki akende na elimwelo nan tango kokutana na Bange yango 7, kozonga komonisa biso Oyo ekomamaki kutu te; kasi sikawa, na nzela ya Emoniseli, emonisameli biso mpe ezali kopesa biso Kondima ya Konetolama.
Toyokaki Mateya oyo na bomoi nab iso mobimba, kasi emonisameli biso sasaipi ndenge esalemi nano liboso te; sasaipi ezali mokolo, sasaipi ezali ntango. Tozali komono mpe koyoka oyo Ayebisaki biso ekokoma, nyoso kati na mokili mpe kati na Etinda oyo, mpe ezali sasaipi komonana na miso na biso mpenza.
Mwanje na biso ya sambo azalaki nde kaka mosakoli lokola basakoli na kala? Te, abengamaki nae sika moko ya likolo koleka basakoli mosusu nyoso liboso na ye. Mpo Ezalaki Mwana na Moto komimonisa Ye moko kati na mosuni na moto ndenge moko asalaki esili koleka mbula 2000.
Mosakoli na biso abiangamaki ko KAMBE MWASI NA LIBALA na molai na nzela kino na Ndako na biso ya sika, mpe akokoka kolakisa biso epai na Nkolo.
Alobaki na biso ete lotómo na ye ekokanaki na elilingi ya bomoi na Mose mpenza-mpenza. Wana ezalaki Mose na mobembo na ye kolandaka Likonzi na Moto, bato batelemaki mpe batelemelaki ye. Mibali oyo babengamaki mpe bazalaki na nzela na bango kokende na mokili na elaka. Batelemelaki Mose na bolobaka ete azalaki komimona mingi; azalaki kaka ye moko nde mosanto te, bango mpe bazalaki basanto mpe bazalaki na makoki ya koteya eloko moko.
Alobaki ete bazalaki bato basanto, mpe ete ya solo bazali na eloko moko ya kosala, kasi Nzambe abiangaki YE, MOSE, MOTO MOKO, kokamba bato.
Bazalaki na esika na bango. Bapakolamaki. Bazalaki kosala oyo babengamaki mpe babongisamaki kosala na boyebisaka bato, “boyoka Mose”, kasi balingaki koloba ELOKO MOKO KOLEKA, TO KOLIMBOLA OYO MOSE AZALAKI KOLOBA. Basepelaki te kaka kolakisa bato koyoka Mose. Balingaki kokamba bato. Balingaki kosala eloko moko ya koleka, to oyo ekeseni, koleka oyo bapesamaki lotomo kosala.
Soko esili kokomela yo kobeta ntembe soko mosakoli na biso azalaki nani, to oyo abengamaki kosala, nazali kopesa yo mbela ete okende na elimwelo nan tango kotala kotandana ya ngomba oyo Nzambe Ye moko asalaki lokola elembo ya seko na seko awa na mabelé, na botiaka nkombo ya mosakoli na biso, B-R-A-N-H-A-M, likolo na ngomba wana.
Bino bozali Mwasi ya Libala ya Yesu Klisto. Aponaki mpe Abongisaki bino. Liloba na Ye ezali kobika mpe kofanda kati na bino. Bozali Liloba na bomoi ekomi mosuni. Apesi bino Emoniseli ya Liloba na Ye. Satana azali na nguya te likolo na bino. Kondima wana ya Konetolama ezali kobika mpe kofanda kati na bino.
Molimo Mosanto Azali kokamba Mwasi na Ye na Libala na nzela naYe kaka moko epesami mpo na lelo, Liloba na Ye elobami na nzela ya mosakoli na Ye mwanje na sambo. Mosakoli yango azali mobateli na biso.
Mobateli na biso alakaki biso ete bande nyoso ya sika ekouta naino na Ndako ya ebombelo, kino Nkolo Akobongola yango. Mpo ete wana nde ba bande ya kobombama ekosalema.
Apesaki mpe lilako epai na mobateli na ye mokitani, Ndeko Neville, mpe sasaipi na nzela na Ngolu na Ye, ngai moko, tokokaki kosala nini kati na losambo.
Nazali kobondela ete osunga mobateli na biso molingami, Ndeko Neville. Zalisa ye, Nkolo, kotonda na ngolu mpe kotonda na nguya, mpe na lisosoli, ete akoka kozwa Bilei oyo ebombami mpe aleisa bam pate na Nzambe.
Ba bande oyo ezali mpo na baoyo mosakoli abiangamaki kobatela. Soko bokolinga koyoka YANGO ELOBI NKOLO, boya koyoka elongo na biso Mokolo mwa Lomingo na nzanga, ntango ya Jeffersonville, Kotelema Na Kati-Kati 63-0623M, wana ekoyoka biso Bilei bibombamaki oyo epesameli Mwasi na Libala.
Tokobanda Liteya na molongo ya 27.
Ndeko. Joseph Branham
Nsango: 63-0324e ELEMBO YA SAMBO
Molingami Mwasi na Libala oyo ya Sembo,
Mpe wana efungolaki Ye elembo ya sambo, kimia ezalaki na Lola penepene na ntáká ya ndambo ya ngonga.
Bosenga na motema na biso ezali kozala mwana mobali to mwana mwasi ya Nzambe ya solo. Kobelema mpo na Konetolama na Ye ezali koya noki. Na bongo esengeli na biso kosenga Nkolo: “Nini nde ekopesa Mwasi na Libala kondima ya Konetolama oyo ezali na yango bosenga”?
Molimo Mosanto, na nzela ya lotomo, akomonisa epai na Mwasi na Ye ya Libala Emoniseli ya Nkaké Sambo oyo ekopesa bango kondima ya Konetolama?
EZALI PETE NDENGE OYO:
Libombami na nzela ya Nkaké yango Sambo ekopesa Mwasi na Libala Kondima ya Konetolama. KAKA Nzambe, na nzela na mwanje na Ye ya Sambo motindami, ekomonisa NKAKE SAMBO epai na Mwasi na Libala.
Soko bokolinga ete Nkaké Sambo emonisamela bino, kopesa bino Kondima ya Konetolama, ezali na nzela mosusu te ya kozwa Emoniseli yango kaka kozwa Yango longwa na Mongongo ya Nzambe kaka oyo endimisami mpo na mokolo na biso; longwa na ngai te, longwa na mobateli na yo ya mboka na mboka te, mopalanganisi ya Sango malamu , to molakisi, kasi logwa na mobateli na Nzambe epai na mokili, na nzela ya KOFINA PLAY.
Boya koyoka mabombami nyoso komonisama; kozwa Kondima ya Konetolama mpe kotondisa miinda na bino na Mafuta, Mokolo na Lomingo na nzanga, ntango ya Jeffersonville, wana ezali biso koyoka Nzambe kosolola mpe komimonisa Ye moko mpe komemela biso; Elembo ya Sambo 63-0324E.
Ndeko Joseph Branham
Makomi ya kotanga liboso ya koyoka Liteya:
Dutelonome 29:16-19
I Mikonzi 12:25-30
Ezekiele 48:1-7, 23-29
Matai 24:31-32
Emoniseli 7
Emoniseli 8:1
Emoniseli 10:1-7
Emoniseli 14
Nsango: 63-0324m MITUNA MPE BIYANO LIKOLO YA BILEMBO
Molingami Mwasi na Libala oyo azali kopema,
Lelo mokili ezali kotanga mitó na makambo na zoloná mpo na koyeba nini ekomaki kati na mokili lobi: Kobanga, Kolenga, Mandóki ya kobwakanela na mosika, Bombi ya mipepe, Libebi, nkutá, Lipengwi, Mopelengano, Kufa.
Kasi Mwasi na Libala azali Kofina Play, mpe koyoka Mongongo na Nzambe kosolola na Bango mpe koloba: Bilamba Pembe, Kolongisama, Kobongisama liboso, Kolamukisa, Emoniseli, Solo, Konetolama, Bomoi na Seko.
Bobanga te molingami na Ngai ya motema, Nazali elongo na bino, na sekonde nyoso ya mokolo na mokolo. Oyo ezali etandelo na Ngai monene nasololaki na bino nan tina na yango. Sasaipi botala yango kofungolama liboso na miso na bino mpenza.
Bango: Oyo ezali mikolo ya mabe ya koleka na bomoi na biso; makambo nyoso ekoki kosuka lobi.
Biso: Oyo ezali mikolo minene yakoleka na bomoi nab iso; makambo nyoso ekoki kosuka lobi.
Nzambe azali na Nzila ebongisami, LILOBA NA YE. Atindaki mwanje mosakoli mwanje na Ye na Liloba na Ye kobenga Mwasi na Ye ya Libala kobima mpe kokamba bango na NDAKO na bango ya sika oyo Abongiseli bango.
Soko bokolinga komiyoka malamu yango moko, kimia mpe kondimisama oyo biso tozali na yango; soko bokosepela koya mpe kobika kati na NDAKO yango Abongisi mpo na Mwasi na Ye ya Libala; boya komibakisa na biso Mokolo mwa Lomingo na nzanga, ntango ya Jeffersonville, mpe koyoka nzila moko kaka ya Nzambe ebongisami mpo na lelo, mpe boyoka Mongongo na Ye endimisami kongulumisela biso nkaké: Mituna Mpe Biyano Likolo Ya Bilembo 63-0324M.
Mwa komona liboso ya mitó ya likambo bokoyoka Mokolo mwa Lomingo.
Nini yango ekoyanganisa Mwasi na Libala: LIloba.
Liloba eyaka epai ya Nani: Mosakoli.
Nani nde Mongongo na Nzambe epai na bino: Mosakoli.
Tokosambisama na Maloba ya Nani: Maloba ya Nzambe masololami na nzela ya: MOSAKOLI.
Ndeko Joseph Branham
Nsango: Elembo Ya Motoba 63-0323
Balingami ba Mpate ya Nzambe,
Eloko monene nini nde ekokaki kozala, tokokaki kozala bato ya libaku malamu mingi ya koleka lisusu, soko te bobele kozala na liboso na biso Mokonzi na bakonzi, Nkolo na ba nkolo?
Bokanisa yango kaka. Bozali ya Mokonzi na bakonzi, Nkolo na ba nkolo, elongo na biso. Amonisaki biso ete TOSILI TOKOMI. Tozali awa! Emoniseli apesaki biso euti na Nzambe. Ezali Solo. Tozali Mwasi na Libala na Ye Mpate oyo aponami.
Tozali koyoka mikanda na Ye ya bolingo poso na poso koyebisi biso: “Ba Mpate na ngai balingami ya motema, Na tindaki ebyangeli na Ngai ya ba mPate. Ntaba bakoyebi yango te, kasi bino bososolaki yango. Botikalaki sembo, mpo ba Mpate na Ngai bayebi Ngai mpe bakolanda mopaya te. Esengeli ezala Mongongo na Ngai KAKA oyo endimisami na elembo ya molimo.”
Bolekisaka ntango na kolinga makambo ya mpamba te soko kutu kotala mosusu; botikalaki sembo na Mongongo na Ngai. Bino nde Baoyo Nazalaki kozila. Nayebi ete bosekami mpe bososolami mabe, kasi nayebisaki bino ete nakozonga pona bino soko bino BOTIKALI ELONGA NA LILOBA NA NGAI, mpe bosali yango. SASAIPI NAZALI KOYA MPONA BINO lokola nalakaki bino ete Nakosala yango. Liloba oyo bozalaki kosopela mai ezali koya komema bino na Ndako na Biso ya Sika.
Bamosusu bakoki kozala na emoniseli te oyo biso tozali no yango mpe bazali koloba ete tozali komemia bato; to kosambela moto kasi Nkolo na biso te. Boni bakufi miso. Soko yango ezali solo bongo, boye Mwasi na Libalo ya Klisto na ngambo kuna na ezipelo ya ntango bazalaki mpe na miko.
Ntango mosakoli amonaki Mwasi na Libala koya mbangu epai na ye mpe koloba, “ndeko na biso ya motuya”, bayambaki ye mpe batiaki ye na Esika ya Likolo. Nini… Mwasi na Libala ya Klisto ezalaki kotalisa limemia ya bato epai na mosakoli na botiaka ye na Esika na Likolo? Bozali nde koloba ete esengelaki basala yango te?
Na bongo sima na yango, Mwasi na Libala ye mobimba ezalaki kotelema wana na bilamba ya bango milai pembe mpe babandaki koganga, “Soko okendeki na Sango malamu te, mbele biso tozali aw ate.” Soko ye akendeki te mbele bakokaki kozala kuna te?
Na bongo Mongongo kouta na likolo elobaki ete tokosambisama kokokana na LILOBA oyo ateyaki biso, mpe bongo akotalisa biso epai ne ye.
Mongongo elobaki te ete tokosambisama na oyo moto mosusu alobaki to oyo moto moko boye alimbolaki koloba ete ye alobaki, kasi oyo ye alobaki. Na mbisa ye akotalisa biso epai na Ye.
Tika na zwa bosomi mpe na solola na ntina na ndambo ya Mwasi na Libala oyo azali na Emoniseli ndenge moko na ngai, mpe naloba ndege tozali koyoka. Soko toko SAMBISAMA, mpe SEKO NA SEKO na biso ezali kotelema likolo na Liloba Nzambe asololaki na nzela ya mosakoli na Ye, na bongo tozali na motindo ya koyoka BOBELE Liloba longwa na Mongongo na Nzambe na mokolo na biso. Tokokoka te, mpe tokotelemisa te Seko na Seko na biso likolo na oyo moto songola pakala ezali kolimbola, to koloba, kasi oyo YE ALOBAKI. TOKOKI KOYOKA KAKA MONGONGO NA NZAMBE, and William Marrion Branham nde kaka azali MONGONGO YANGO NA ZAMBE…NZAMBE ALOBAKI BONGO.
Nabetisi bino libaku na bolobaka bongo, bolimbisa ngai, kasi, nayokaki ete yango ebetmi ntembe, kasi, Nazalai Mongongo na Nzambe mpo na bino.
Boye tozali na esengo mpe na matondi epai na Nkolo ete tozali kaka kosala eloko oyo Mwasi na Libala azalaki kosala na ngambo mosusu. Nkembo nyoso, Lokumu mpe Masanzoli ezali kokende epai na MOKO MPE BOBELE MOKO NKOLO YESU KLISTO. Lokola mosakoli ya Emoniseli 22:9 ayebisaki biso, bosambela Nzambe…TOZALI KOSALA YANGO mpe tolingi Ye mingi nakoleka.
Ntango eleki. Makomi mazali kokokisama na lombangu koleka ndege tokoki kotanga makambo nyoso oyo ezali kokoma. Azali koya mpo na Mwasi na Ye ya Libala na noki. Mokili ezali koyangana. Mwasi na Libala azali koyangana. Ematelo ezali kobongisama mpo na Konetolama.
Totondi Nkolo mpo na mibali oyo babengami na Nzambe oyo bazali koteya Liloba, kasi basali, botiya Mongongo yango oyo bino mpe bato na bino bokosambisama na nzela na yango libosi. Boyangana kati na biyanganelo na bino mpe boyoka Mongongo ya Nzambe bobele moko oyo endimisami koloba. Bofina Play.
Tozali kobianga bino nyoso baoyo bakolinga koya na Masua mpe kobikisama elongo na biso awa ezali biso koyangana mpe koyoka Mongongo na Nzambe kosolola Maloba oyo tokosambisama na yango, na nzanga, ntango ya Jeffersonville, mpe koyoka Elembo Ya Motoba 63-0323.
Ezali Bilei ya ba Mpate mpo na ba Mpate ya Nzambe. Eloko ebakisami te, eloko elongolami te mpe eloko elimbolami te, kaka BILEI YA BA MPATE mpeto ezangi kobebisama.
Ndeko Joseph Branham
Esode 10:21-23
Yisaya 13:6-11
Danyele 12:1-3
Matai 24:1-30
Matai 27:45
St. Yoane 10:27
Emoniseli 6
Emoniseli 11:3-6
Nsango: Elembo ya Mitano 63-0322
Molingami Nzoto Moko Monene ya Klisto,
Eloko nini ezali kokoma lelo? Liloba na Nzambe ezali kokokisama. Mikolo Mwasi na Libala azalaki kozila mpo na ntango molai ezali sasaipi komonana liboso na miso na biso mpenza. Mikolo oyo mosakoli na biso akebisaki biso mpo na yango ete ezali koya, yango oyo ekomi.
Elembo efungwani. Ezali nini ? Libombami efungolami. Bomoni ? Mpe ntango libombami lifungolami, kelelo eyuli. Ekoyebisa mpo na etumba. Bolozi bokokwea, mpe eleko moko ya lingomba efungolami.
Ntango Russia akiti kuna mpo ya kozwa Pitoló wana, bokeba.
Russia, Komunisimi, ekokonza eloko moko te. Liloba na Nzambe liyebi kokwea te. Lomanisimi nde ekokonza mokili.
Mwanje na kobebisa azali kosimba loboko na Russia, elongo na ba bombi ya atomiki ; kino Lingomba likoya elongo, mpe lokola nzoto Moko Monene ya Klisto. “Nakoki kosala eloko moko te kino ekosila yo kokende mosika.” Oo, soko yango ezali elikia epambolami te !
Lingomba, Mwasi na Ye ya Libala, azali koya elongo kouta na mokili mobimba lokola Nzoto Moko Monene ya Klisto, koyoka Nzambe kosolola mpe kozipola Liloba na Ye. Tozali komona Liloba kokokisama kati na mokili zinga-zinga na biso, kasi tozali mpe komona Liloba kokokisama mpe komonisama na kati na biso.
Tozali kozwa kolamukisa na nzela ya Emoniseli lokola liboso te wana masakoli maye mazali kokokisama.Mokili mozali kati na kolenga mpe kobanga. Bazali kozila, kotala, mpe kotungisama, nini ekokoma sima ? Eloko nini ekokoma lobi ? Oyo nyoso elingi koloba nini ? Russia akolonga nde nyoso ? Makambo ya nkita ndenge nini ?
Na ntango yango moko, Mwasi na Libala azali kati na KIMIA. TOZALI KOPEMA, totondi na Molimo Mosanto, koyoka Ye kosolola na nzila na mwanje na Ye monene ezali Ye koyebisa biso : Bobanga eloko moko te etonga moke na ngai, bozali moponami na ngai wa bolingo ya motema. Bozali :
Oyo aponami liboso na bozalisi na mokili. Amen ! Mpe bazali sembo na Liloba. Amen! Whew! Nalingi oyo wana. “Babiangami, baponami liboso ya kozalisama na mokili.” Mpe sima, sembo na Liloba, na nzela ya kopona na bango, banso balamukisami na vinyo mpe Mafuta ya sika, kaka kokoba mobembo, koya kokutana na ye. Bayebi ete Nkake ekobimisela biso eloko, ekoumela noki noki.
Ayebi ete tozali sembo na Liloba na Ye. Tosali yango na kopona na biso moko. Sasaipi tozali kaka kokoba mobembo, na boyebaka ete Nkake ikobimisela biso eloko noki noki, mpe Akoya mpe Akomema biso na Ndako nab iso ya sika.
Ezali kutu na mingi oyo Alingi biso toyeba. Eloko moko ezali kopela kati na motema na ye alingi koyebisa biso. Alingi kozila molai telokola ayebi ete ekopesa biso Kolamukisa. Na ngolu na Nzambe, Atikaki mosakoli na Ye komona biso, bato na ye, kuna nan gambo mosusu elongo na ye. Alobaki, “Ntango namonaki bino, bolataki bino nyoso BILAMBA YA PEMBE.”
Toyanganisamaki na ye elongo. Tozwaki ye mpe totiaki ye likolo na eloko moko monene likoló. Tolobaki na ye, ” na mabelé, ozalaki mokambi na biso. “
Ezalaki na milioni na milioni na biso kopota mbangu likolo epai na ye mpe koyamba ye mpe kobenga ye “ndeko “. Nyoso na mbala moko Mongongo longwa na likolo elobaki, ” Baoyo bazali bandimi na yo oyo okambaki. Okosambisama kokokana na oyo oyebisaki bango. “
Mosakoli asololaki polele mpe alobaki, ” Soko baoyo ya Paulo bakoti, baoyo ya ngai mpe bakokota, mpo ete nateyaki mpenza kaka Liloba yango moko. ” Mpe biso nyoso togangaki makasi NYOSO NA MBALA MOKO, NA MONGONGO MOKO :
“Tozali kopema likolo na yango ! “
Lokumu na Nkombo na Nkolo, tozali kopema likolo na Liloba moko na moko Alobaki na nzila ya mosakoli na Ye. Tokosambisama na Liloba yango. Tozalaki bato ya mosakoli. Azalaki mokambi na biso oyo azali kokamba biso epai na Klisto. Tolataki bilamba ya pembe. Tozalaki kopema te likolo yao yo moto mosusu alobaki ete ye alobaki, to oyo moto moko alobaki ete elingaki koloba, tozalaki kopema likolo ya Liloba moko na moko ye alobaki.
Mokolo mpe ntango nini oyo kozala kobika kati na yango, Mwasi na Libala. Soko boyoki nsango na zoloná lelo, bokoyeba eloko ekomaki lobi. Bofina Play, mpe bokoyeba eloko nini ekokoma lobi, mpe mokolo mokolanda, mpe mokolo mokolanda, mpe mokolo mokolanda.
Boya koyangana elongo na Nzoto Moko Monene ya Klisto na nzanga, ntango ya Jeffersonville, lokola tokoyoka : Elembo ya Mitano 63-0322. Na kotungisama te, na kolikia te, kasi NA BOYEBAKA etebozali koyoka OYO ELOBI NKOLO mpeto longwa na Mongongo na Nzambe mpo na mokolo na biso.
Ndeko Joseph Branham
Makomi ya kotanga liboso ya koyoka Liteya :
Danyele 9 :20-27
Misala 15 :13-14
Baloma 11 :25-26
Emoniseli 6 :9-11 / 11 : 7-8 /22 :8-9
