వర్తమానము: 63-0825E పరిపూర్ణ విశ్వాసము

PDF

• 23-1210 పరిపూర్ణ విశ్వాసము
• 22-0529 పరిపూర్ణ విశ్వాసము
• 19-0908 పరిపూర్ణ విశ్వాసము

BranhamTabernacle.org

ప్రియమైన పరిపూర్ణ విశ్వాసపు వధువా,

మన విశ్వాసము వచ్చేది వినుట ద్వారాయైయున్నది, అది వాక్యమును వినుటద్వారా యైయున్నది. వాక్యము ప్రవక్త వద్దకు వస్తుంది.

ప్రవక్త అనగా:

శరీరధారియైన వాక్యము! హల్లేలూయా! ఒక పరిపూర్ణమైన ఎత్తబడుట కొరకు మీకు ఒక పరిపూర్ణమైన విశ్వాసమును తీసుకువచ్చుటకు, భౌతికమైన సూచనలు, వస్తుపరమైన సూచనలు, లేఖన సంబంధమైన సూచనల ద్వారా, వాక్యము పరిపూర్ణముగా, మానవ శరీరంలో పనిచేయుటయైయున్నది.

మనకు పరిపూర్ణమైన విశ్వాసమును ఇచ్చుటకు దేవుని యొక్క నిర్ధారించబడిన ఏకైక స్వరము మాట్లాడి మరియు మానవ శరీరముగుండా తన వాక్యమును బయలుపరచుటను వినడం ద్వారా వాక్యము మనకు ఏమి చేయమని చెప్పినదో సరిగ్గా దానినే మనము చేయుచున్నాము.

మీరు…ఆత్మ చెప్పేది గాక మరేదియు మీ చెవులకు వినపడదు. చూశారా? “చెవిగలవాడు (వినేవాడు), ఆత్మ సంఘములతో చెప్పుచున్నదానిని చూస్తాడు”; వినే సాధనమును కలిగియున్నవాడు, ఆత్మ సంఘములతో చెప్పుచున్నదానిని పట్టుకుంటాడు. చూశారా?

మనమే ప్రతీ వాక్యమును పట్టుకొనుచు మరియు నమ్ముచున్నటువంటి ఆయన యొక్క వినికిడి సాధనమైయున్నాము. ఆయన మనకు ఇట్టి ఆజ్ఞలను ఇచ్చినప్పుడు: “కేవలం టేపులలో ఉన్నదానినే చెప్పండి. నేను మీకు దేవుని స్వరమునైయున్నాను. మీరు నన్ను మీ యొక్క సంఘకాపరి అని పిలుస్తారు, నేను అదే గనుక, మీరు అట్లు పిలవడం యుక్తమే.” మనము వాటిని పాటిస్తాము. ఆయన ఏమి చెప్పినను, ఎక్కడ కూడ ఎటువంటి సందేహపు ఛాయ లేదు; మనము ముందుకు కొనసాగుతాము. ప్రభువు తన ప్రవక్త ద్వారా ఏమి మాట్లాడినను, ఏమి చెప్పికూడా దానినుండి మనలను మార్చగలిగేవారెవ్వరూ ఈ ప్రపంచములోనే లేరు, మనము కేవలం అలాగే కొనసాగిపోతాము.

ఇప్పుడు మీరు విఫలము కాలేని పరిపూర్ణమైన విశ్వాసము, పరిపూర్ణమైన పరిపూర్ణతలోనికి వచ్చుచున్నారు. ఆ విశ్వాసము ఎన్నడూ విఫలమవ్వదు.

ఇప్పుడు ఆయన వాక్యముపట్ల మనము పరిపూర్ణ విశ్వాసమును కలిగియున్నాము. మనము మనవైపు చూసుకోవడం లేదు. మనము యోబు వలె, దేనికీ భయపడటం లేదు. పేతురులాగా మనము పెద్ద పెద్ద అలలను చూసి భయపడుతూ నీళ్ళలో మునిగిపోవడంలేదు. ఆ రోజులు పోయినవి. ఇప్పుడు మనలో జీవిస్తూ మరియు నివసిస్తున్న పరిపూర్ణమైన వాక్యము వైపు మనము చూస్తున్నాము. మనము వధువు పదార్ధములోనికి వెళ్ళుచున్నాము. మనము ఎత్తబడు స్థితిలోనికి వెళ్ళుచున్నాము.

మనం ప్రార్థించినప్పుడు, మనం అడిగినదానిని మనము పొందుకుంటామని మనము నమ్ముచున్నాము, మరియు మనం దానిని పొందుకుంటాము; అది మనకు అనుగ్రహించబడుతుంది. కాలము, శూన్యము, మరేదియు దానిని ఎన్నడూ మార్చలేదు. అది జరిగినదని మనకు తెలుసు. అది ఇదివరకే ముగించబడినది. మనకు ఎలా తెలుస్తుంది? ఎందుకనగా అది మన వాక్యము కాదు గానీ, అది ఆయన పలికి మరియు మనకు ఇచ్చినట్టి, ఆయన యొక్క వాక్యమైయున్నది. దానిని పలుకుటకు మనము శక్తిని మరియు పరిపూర్ణ విశ్వాసమును కలిగియున్నాము.

సరిగ్గా యేసు తన విషయంలో చేసినట్లే, మనము ఎవరమైయున్నామని; మన స్థానమును మనము గుర్తించుచున్నాము. అప్పుడు మనము చేయవలసిన ఒకేఒక్క కార్యమేదనగా, మనమేమైయున్నామనే దానిలో విశ్వాసము ఉంచడమే. మనము ఏమైయున్నామని వాక్యము చెబుతుందో దానిలో విశ్వాసమును కలిగియుండండి! అప్పుడు దేవుని యొక్క వాక్యము మన లోపలికి వచ్చి మరియు దానినది ప్రత్యక్షపరచుకుంటుంది; ఏలయనగా మనము ఒక విశ్వాసియై యున్నాము. మరియు ఒక విశ్వాసి అనగా “మనలో కదలాడుచున్న దేవునియొక్క విశ్వాసమే.”

మరియు ఇప్పుడు, మనము అదే ఆత్మతో అభిషేకించబడుచున్నాము, యేసు క్రీస్తు యొక్క పునరుత్థానమును ప్రకాశింపజేయుటకు; అభిషేకించబడిన మెస్సీయాలమై యున్నాము; అంత్య దినమందు మెస్సీయాలమై యున్నాము, ఆయన మృతునిగా లేడు కాని, పరిశుద్ధాత్మ రూపంలో, ఆయన తన ప్రజలలో ఉన్నాడనియు; తన వధువుకు, ఒక ప్రేమ వ్యవహారముతో, తననుతాను ఆమెలోనికి కుమ్మరించుకుంటూ, ఆమె మధ్యన సంచరించుచున్నాడనియు చూపించుటకైయున్నది. వారు పెండ్లి విందు కొరకు ఒక్కటగుచున్నారు; మరియు అదే దేవుని ద్వారా, అదే వాక్యములో, వాగ్దానము చేయబడిన అవే సూచనలు, ఆయన యొక్క అవే కార్యరూపణలను చేయుచున్నవి.

దానిని నమ్మడం తప్ప మనము చేయుటకు ఇంకేమియు లేదు; మరియు ఒక పరిపూర్ణమైన విశ్వాసమును సృష్టించే పదార్థము అదేనని నమ్మటం తప్ప మరేమియు లేదు. దానిని మరలా వినండి, పరిపూర్ణమైన విశ్వాసమును సృష్టించే పదార్థము అదేనని నమ్మడమైయున్నది.

ఒక్క వాక్యమునైనా సందేహపడునట్టి ఒక్క అణువైనా మీ శరీరములో ఉన్నదా: లేదు
మీరు ప్రతీ వాక్యమును నమ్ముచున్నారా: అవును
ఈ వర్తమానముయొక్క ప్రత్యక్షతను ఆయన మీకు అనుగ్రహించాడా: అవును
వధువు మాత్రమే నిజమైన ప్రత్యక్షతను కలిగియుంటుందా: అవును
మీరు ఆయనయొక్క వధువైయున్నారని మీకు తెలుసా: అవును
ప్రతీ వాక్యమును నమ్ముటద్వారా అది మీకు పరిపూర్ణమైన విశ్వాసమును ఇస్తుందని ఆయన చెప్పాడా: అవును
అప్పుడు మీరు పరిపూర్ణమైన విశ్వాసపు వాక్య వధువైయున్నారు!!

ఆదివారమున నీ వాక్యమును వినుటకు మేము కూడుకొనుచుండగా ఓ ప్రభువా ముందెన్నడూ లేనట్లుగా మమ్మల్ని సిద్ధపరచుము. ఇక ఎన్నడూ మేము మావైపు చూసుకోకుండా, కేవలం నీవు మా కొరకు పలికినట్టి నీ వాక్యమును నమ్మునట్లు మాకు సహాయము చేయుము. మూడవ ఈడ్పు పనిచేయుటను మేము చూశాము మరియు అది మాలో నివసించుచున్నదని ఎరిగియున్నాము. మేము నీ వాక్యమును పలుకుచు మరియు నమ్ముచుండవలసియున్నది.

నీ యొక్క పరిపూర్ణమైన వాక్య వధువు కొరకు నీవు త్వరలో వచ్చుచున్నావని మేము ఎరిగియున్నాము. మాకు అవసరమైయున్నది ఏదైనా, తండ్రీ, మాకు అవసరమైయున్నది ఏదైనా, మేము దానిని పొందుకుంటామని మాకు తెలియును. ఏలయనగా అది నీవు ఇదివరకే మా కొరకు పలికినట్టి నీ వాక్యమైయున్నది. కేవలం దానిని నమ్మడం తప్ప చేయడానికి మరేదియు లేదు. మేము నమ్ముచున్నాము తండ్రీ, మేము నమ్ముచున్నాము. ఇప్పుడు మమ్మల్ని నీ వాక్యముపై పనిచేయనిమ్ము.

మా వైఫల్యాలను, పాపములను మరియు అతిక్రమములన్నిటినీ మేము ఒప్పుకొనుచున్నాము. ఎక్కడైతే నీ కృప మరియు కనికరముల ద్వారా మేము నీతిమంతులుగా తీర్చబడినామో అట్టి నీ కుమారుని రక్తముగుండా మమ్మల్ని చూడుము. ముందెన్నడూ లేనటువంటి మార్పు నీ వధువులో జరుగును గాక. నీ పరిశుద్ధాత్మను మాపై కుమ్మరించి మరియు మా అవసరతలన్నిటినీ నీవు మాకు అనుగ్రహించుదువు గాక.

రోగులు వారికున్న బాధలన్నిటి నుండి స్వస్థత పొందుదురు గాక. పడిపోయినవారు తిరిగి వాక్యము వద్దకు వచ్చుదురు గాక. ప్రపంచ వ్యాప్తంగా ఉన్న నీ వధువు ఈ దినముకై నీవు ఏర్పాటుచేసిన మార్గమును చూసి మరియు నమ్ముదురు గాక.

మీ పైన చేతులు ఉంచుటకు మీకు ఎవరూ లేనట్లైతే…మీ పైన మీరే చేతులు పెట్టుకోండి…మీరు ఒక విశ్వాసియై యున్నారు. మీరు వాక్యముగా మారినారు; మీరు వాక్యమును స్వీకరించియుండగా, మీరు వాక్యముగా మారినారు.

ప్రభువైన యేసూ రమ్ము, నీ వాక్యము యొక్క సన్నిధిలో పడియుండి పరిపక్వమగుచూ, నీ వధువు తననుతాను సిద్ధపరచుకొనుచున్నది. మేము నీ వాక్యముచేత అలంకరించబడి మరియు వస్త్రధారణ చేసుకొనగోరుచున్నాము.

ఈ ఆదివారము వచ్చి ముందెన్నడూ లేనివిధంగా మమ్మల్ని అభిషేకించుము, జఫర్సన్ విల్ కాలమానము ప్రకారంగా 12:00 P.M., గంటల సమయమప్పుడు, నీ వధువులోని భాగంగా మేము కూడుకొని మరియు నీవు మాట్లాడుటను వినుచుండగా: పరిపూర్ణమైన విశ్వాసము 63-0825E ను ఎలా పొందుకోవాలో మాకు బయలుపరచుము.

సహోదరుడు. జోసఫ్ బ్రెన్హామ్

కూడికకు ముందు చదువవలసిన లేఖనములు:

పరి. మార్కు 11:22-26 / 16:15-18
పరి. యోహాను 14:12 / 15:7
హెబ్రీ 11:1 / 4:14
యాకోబు 5:14
1 యోహాను 3:21

ప్రియమైన కొలను లిల్లీ,

ఆదివారమున మన ప్రభువు మాట్లాడి మరియు ఇప్పుడు ఏమి జరుగుతుందన్నదాని గూర్చి మనతో చెప్పుటను మనం విన్నప్పుడు మన హృదయములు ఆనందముతో ఎలా గంతులు వేసినవి కదా. మనము వాక్యముతో ఐక్యమవుతూ మరియు ఆయనతో ఏకమగుచున్నాము. మనకు ముందుగా వెళ్ళిన పరిశుద్ధులతో ఏకమగుటకు మనము త్వరలోనే వారితో ఐక్యమవుతాము. పిదప గొఱ్ఱెపిల్ల పెండ్లి విందు కొరకై మనమందరము ఒక్కటిగా క్రీస్తుతో ఐక్యమవుతాము.

ఒక క్షణములో, కనురెప్ప పాటులో అనే దాని గూర్చి ఆలోచించమని, ఆయన మనతో చెప్పినప్పుడు మన ఆత్మలు ఎటువంటి ఆనందముతో నిండినవి గదా, లోకానికి అసలు ఏమి జరుగుతుందో తెలియదు; కానీ అకస్మాత్తుగా, ముందుగా వెళ్ళిన మన ప్రియులను మనము మన కన్నుల యెదుట చూస్తాము, మరియు మనం వారితో మరలా ఐక్యమవుతాము.

ఒక్క క్షణములో, మన తండ్రులు, మన తల్లులు, అన్నదమ్ములు, అక్కచెల్లెళ్ళు, భర్తలు, భార్యలు, పిల్లలు, ఇంకా మన ప్రవక్త కూడా మన యెదుట నిలబడియుడుండుటను మనము చూస్తామన్నదాని గూర్చి ఆలోచించడానికి, ఎటువంటి ఎదురుచూపులు మన హృదయములో నిండుచున్నవి కదా. మనము వారిని, శరీరంలో చూస్తాము!!

సరిగ్గా అప్పుడే, ఇది అదే; సమయం వచ్చేసింది, మనము సాధించాము, అది ముగిసింది అని మనము తెలుసుకుంటాము. ప్రత్యక్షత వలన కలుగు ఉత్తేజం గురించి మాట్లాడండి!! కేవలం ఇప్పుడు దాని గురించి ఆలోచిస్తూ మరియు మాట్లాడుతుంటేనే, మహిమ, హల్లేలూయా, ప్రభువు నామము స్తుతింపబడును గాక అంటూ, మీరు కేకలు వేయడాన్ని నేను వినగలుగుచున్నాను.

మన కొరకు ఉంచబడిన ఈ ప్రేమలేఖలపై విందు చేసుకొనుచు, మనము ఎటువంటి ఒక సమయమును కలిగియుంటున్నాము కదా. మనము కోరిన ఏ సమయములోనైనా బయటకు తీసి మరియు వాటిని మళ్ళీ మళ్ళీ మళ్ళీ చదువుకోగలిగే ప్రేమలేఖలు. అది మాత్రమే కాదు గాని, ఇంకా గొప్ప విషయమేమిటంటే, మన ప్రభువు స్వయంగా తానే మానవ పెదవుల గుండా మాట్లాడి మరియు మనతో ఇట్లు చెప్పడాన్ని మనము వినగలుగుచున్నాము, “నా ప్రియమైన వారలారా, నేను ఈ ప్రేమలేఖలను కేవలం మీ కొరకే భద్రపరిచాను. నేను మిమ్మల్ని ఎంతగా ప్రేమిస్తున్నాననియు మరియు మీరు నావారనియు నేను మీకు చెప్పుటను మీరు వినడం మీకు అవసరమయ్యే ఒక సమయము వస్తుందని నాకు తెలుసు.”

“శత్రువు మీపై దాడి చేసినప్పుడు, మీరు మీ పరీక్షలు మరియు శ్రమలన్నిటిగుండా వెళ్తున్నప్పుడు, మీరు నావారై యున్నారని ప్రతీ రోజు నేను మీకు చెప్పగోరుచున్నాను. నేను ఇదివరకే వెలను చెల్లించాను. నేను ఇదివరకే అది ఏదైనా గాని దానిని జయించాను…నా ప్రియమైనవారలారా నేను చెప్పేది మీకు వినిపించిందా? మీకు అవసరమైయున్నది ఏదైనా, నేను దానిని ఇదివరకే మీ కొరకు జయించాను, ఎందుకనగా నేను మిమ్మల్ని ప్రేమిస్తున్నాను.”

“ఒక ప్రపంచమనేది లేకమునుపే నేను మిమ్మల్ని ఎరిగియున్నాను. అప్పుడు మీరు నాలో ఒక భాగమైయున్నారు. అది మీకిప్పుడు జ్ఞాపకము లేదు, కాని నాకు జ్ఞాపకమున్నది. నేను మీకు చెప్పినదానిని మర్చిపోవద్దు, మీరు నా మాంసములో మాంసము, నా ఆత్మలో ఆత్మ, నా ఎముకలో ఎముకయై యున్నారు.”

“నేను మీకు దేని గూర్చియైతే చెప్పుచున్నానో ఇప్పుడు ఆ సమయము వచ్చియున్నది. బాధలు, పరీక్షలు మరియు శ్రమలు ఇకమీదట ఉండవు; ఆ రోజులు గతించిపోయినవి. ఇక ఇప్పుడు కేవలం మనమందరము కలిసి నిత్యత్వములో గడపడమేయైయున్నది.”

“ధైర్యము తెచ్చుకోండి. ముందుకు కొనసాగుతూ ఉండండి. ఆ దినము ఉదయించుటకు సమయమైనది. అనుదినము మీరు ఎదుర్కుంటున్న ఒత్తిడంతయు కేవలం మిమ్మల్ని నాకు ఇంకా దగ్గరగా తెచ్చుటకేయైయున్నది.”

“మీ మీదికి ఏదైనా వచ్చినప్పుడు, మరియు మీరు ఎంతగానో కృంగిపోయినట్లు, అలసిపోయినట్లు మరియు సోమ్మసిల్లినట్లు మీకు అనిపించుచు మరియు మీరు అసలు ఇక కొనసాగలేనట్లుగా అగుపించుచున్నప్పుడు, నేను సరిగ్గా మీతోనే ఉన్నానని, మీరెన్నడూ మర్చిపోకూడదు. నా వాక్యము మీలో జీవించుచున్నది. మీరే నా వాక్యమైయున్నారు.”

“మాట మాత్రము పలుకుడి, అని నేను మీతో చెప్పియున్నాను. మీరు కోరినవి ఏవైనా, మీరు ప్రార్థన చేసినప్పుడు, మీరు వాటిని పొందుకుంటారని నమ్మండి మరియు మీరు వాటిని పొందుకుంటారు. అవి మీకు ఇవ్వబడతాయి. నేను ఇదివరకే మీ కొరకు వాటిని జయించాను.”

ఈ మాటలు మనకు ఎంత విలువైనవి కదా. అనుదినము అవి మనలను పోషించుచున్నవి. అవి మన ఆత్మలను ఉత్సాహపరిచి మరియు మనలను ఆయనతో కూడ పరలోక స్థలములలో కూర్చుండబెడతాయి. మనము కేవలం దేవుని కొరకు మరియు ఆయన వాక్యము కొరకు బ్రదుకుచున్నాము. మనకు ఒక్క లక్ష్యమున్నది, అది యేసు క్రీస్తే. దానికి వెలుపల, ఏదియు లెక్కలోనికి రాదు.

మనము దర్శనమును పట్టుకున్నాము. తెర తొలగించబడినది మరియు మనము ఆయనను, ఆయన వాక్యము శరీరధారియై, మానవ పెదవులగుండా మనతో మాట్లాడుటను చూస్తున్నాము. మనము ఈ వాక్యముతో, ఈ వర్తమానముతో, ఆ స్వరముతో ప్రేమలో ఉన్నాము.

ఆదివారము జఫర్సన్ విల్ కాలమానము ప్రకారంగా 12:00 P.M., గంటల సమయమప్పుడు, వచ్చి మాతో చేరి మరియు మీ జీవితములోని అతిగొప్ప అనుభవాన్ని పొందుకోండి. సాతానుడు మీ మార్గాములోకి విసిరే ప్రతీ పోరాటమును ఎలా జయించాలో వినండి. మీరు యేసు క్రీస్తు యొక్క వధువైయున్నారని ఎరిగియుండి ఆనందముతో మరియు సంతోషముతో మీ హృదయములను నింపుకోండి.

సహోదరుడు. జోసఫ్ బ్రెన్హామ్

63-0825M నేనెలా జయించగలను?

కూడికకు ముందు చదువవలసిన లేఖనములు:

ప్రకటన 3:21-22

వర్తమానము: 63-0818 కాలమును మరియు సూచనను ఐక్యము చేయుట

PDF

• 23-1126 కాలమును మరియు సూచనను ఐక్యము చేయుట
• 22-0515 కాలమును మరియు సూచనను ఐక్యము చేయుట
• 19-0811 కాలమును మరియు సూచనను ఐక్యము చేయుట
• 17-0702 కాలమును మరియు సూచనను ఐక్యము చేయుట
• 15-0909 కాలమును మరియు సూచనను ఐక్యము చేయుట

BranhamTabernacle.org

ఆయన మాంసములో మాంసము, ఆయన వాక్యములో వాక్యము, ఆయన జీవములో జీవము, ఆయన ఆత్మలో ఆత్మయైయున్న ప్రియమైనవారలారా,

నా ప్రశస్తమైన సహోదరీ సహోదరులారా, కేవలం ఆ ఒక్క వాక్యమును మరలా మరలా చదవండి. దేవుడు తానే మిమ్మల్ని ఏమని పిలిచాడో చదవండి. అది మనకు ఎంత విలువైనదని కేవలం మానవ మాత్రమైన పదాలలో ఎవరైనా ఎలా రాయగలరు. దానిని వ్యక్తపరచడం అసాధ్యం. మన పూర్తి హృదయములతో, మనస్సులతో మరియు అంతరాత్మలతో మనము దానిని పూర్తిగా గ్రహించి మరియు దానిని అనువర్తించిన యెడల, ఎత్తబడుట జరగవలసియుంటుందని నేను నిజముగా నమ్ముచున్నాను.

భయపడటానికి ఏమి ఉన్నది? చింతించడానికి ఏమి ఉన్నది? సాతానుడు మనతో పోరాడుతాడు, మనలను పీడిస్తాడు, మనపై వ్యాధులను విసురుతాడు, ప్రతివిధమైన దుష్ట తలంపులతో మన మనస్సులపై దాడి చేస్తాడు, అయితే మనకు హాని చేయగలిగేది ఏదియు లేదు. యేసుకు ఏదైనా హాని చేయగలిగిందా? లేదు, అటువంటప్పుడు మనకు కూడా ఏదియు హాని చేయలేదు. ఆయన ఇప్పుడు ఇట్లు చెప్పాడు: మనము ఆయన మాంసము, ఆయన వాక్యము, ఆయన జీవము, ఆయన ఆత్మయైయున్నాము.

ఆయన మనకు చెప్పుచున్నదానిని ధ్యానిస్తున్నప్పుడు మన హృదయములో ఎటువంటి ఒక సంతోషము మరియు ఎటువంటి ఒక సంతృప్తి ఉంటున్నది కదా. దేవుడు మనకు బయలుపరచుచున్న ప్రత్యక్షతలు, టేపు వెంబడి, టేపు వెంబడి టేపు. ఒక పెద్ద బుగ్గ బావి వలె పరిశుద్ధాత్మ మన అంతరంగములో ఉబుకుచున్నాడు.

దానిని చూడటానికి మరియు వినడానికి మనము ముందుగా నిర్ణయించబడ్డాము. మనము పడిపోము మరియు పడిపోజాలము లేదా తప్పుదోవలో నడిపించబడజాలము. కలుసుకొనుటకు ఏర్పాటు చేయబడిన స్థలములో, మన శిరస్సత్వమును, మన విమోచకుడిని, మన భర్తను, మన రాజును, మన ప్రభువును, మన ప్రియుడిని, మన రక్షకుడిని కలుసునే మార్గంలో మనము ఉన్నాము!

కేవలం దీనిని మరలా వినండి: దైవత్వము యొక్క సర్వపరిపూర్ణత శరీరముగా ఆయన సంఘమైయున్న, మనయందు నివసించుచున్నది, ప్రధానత్వము. దేవుడేమైయున్నాడో దానంతటినీ, ఆయన క్రీస్తులో కుమ్మరించాడు; మరియు క్రీస్తు ఏమైయున్నాడో అదంతయు, సంఘములోనికి; అనగా మనలోనికి, ఆయన వధువులోనికి కుమ్మరించబడినది. అది ఏదోఒక రోజు జరగబోయే ఒక కార్యము కాదు, అది సరిగ్గా ఇప్పుడే మనలో జరుగుచున్నదని ఆయన చెప్పాడు.

మీరు ఊహించగలరా, కాలము ప్రారంభమైనది మొదలుకొని, ఇప్పటి వరకు, దేవుడు తన మనస్సులో కలిగియున్న తన యొక్క గొప్ప మర్మయుక్తమైన రహస్యమును ఎవ్వరికీ తెలియజేయలేదు. ఆయన ఎందుకని అలా చేశాడు? ఎందుకనగా ఆయన వాగ్దానం చేసినట్లు ఈ అంత్య దినములలో దానిని మనకు తెలియజేయడానికి ఆయన వేచియున్నాడు. ఆయన మన కొరకు వేచియున్నాడు. మనము మాత్రమే దానిని పూర్తిగా గ్రహించగలమని, మరియు గ్రహించుతామని, ఆయనకు తెలియును….మహిమ!!!

మనము పడిపోమని ఆయన ఎరిగియున్నాడు గనుక తన వధువుగా ఉండుటకు ఆయన మనలను ఎన్నుకున్నాడు. మిగతా ప్రపంచమంతా దాని గూర్చి ఏమి చెప్పినా గాని మనము ఆయన వాక్యమునే పట్టుకొనియుంటాము. మనము ఆ వాక్యమును మరియు ఆ వాక్యమును మాత్రమే పట్టుకొనియుంటాము! అక్కడ నిలబడటానికి మనము ముందుగా నిర్ణయించబడినాము. యేసు క్రీస్తు ద్వారా మనము దత్తపుత్రులమైయున్నాము.

ఇంకా ఎంతో ఉన్నది. చాలా జాగ్రత్తగా వినండి…మిమ్మల్ని మీరు గిచ్చుకోండి. దైవత్వము (దేవుడు) మరియు శరీరము (మనము) ఒక్కటయ్యాము. అది దేవుడు మనలో ప్రత్యక్షపరచబడుటయై యున్నది.

•  దేవుడు మరియు ఆయన సంఘము ఒక్కటే, “క్రీస్తు మీలో ఉండుట.”
•  మనము దేవుని యొక్క గొప్ప ప్రత్యక్షతయై యున్నాము.
•  మనము ఆయన నామమును కూడా భరించుచున్నాము; ఆయన పేరు యేసు అయ్యున్నది, అభిషిక్తుడు.
•  మనము క్రీస్తు యొక్క అభిషేకించబడిన శరీరమైయున్నాము.
•  ఆ శరీరము చేసినట్లే మనము దేవుడిని ప్రత్యక్షపరచుచున్నాము.

మనము ఆయన యొక్క వధువైయున్నాము, ఆయన ఆత్మతో గర్భము ధరించియున్నాము. సంఘము, ఆయన నామమును భరించి ఆయన యొక్క ఆత్మచేత గర్భము దాల్చినది, ఆయన జీవమును కలిగియుండి; పిల్లలను కనుచున్నది. సాతనుడికి కావలసిన సమాధానము మన వద్దనున్నది. శిరసత్వము ఇక్కడున్నది. క్రీస్తు, తిరిగి లేచిన ప్రభువు, ఆయన ఎప్పుడూ ఉన్నట్టి తన యొక్క అదే పునరుత్థానపు శక్తిలో ఇక్కడ ఉన్నాడు, ఆయన యొక్క పలుకబడిన వాక్యపు వధువైయున్న మనయందు తనను తాను ప్రత్యక్షపరచుకొనుచున్నాడు.

దేవుడు ఇప్పుడు తన వధువును ఏకముగా సమకూర్చుచున్నాడు. తన వధువును సమకూర్చే ఒకే ఒక్క కార్యమైయున్న, తన వాక్యము ద్వారా ప్రపంచమంతటి నుండి వారిని ఐక్యపరచుచున్నాడు. పరిశుద్ధాత్మ ఆయన వధువును నడిపించుచు మరియు సమకూర్చుచున్నాడు. ప్రతి కాలములో, ప్రవక్తయే వారి దినమునకు పరిశుద్ధాత్మయైయున్నాడు.

దీని గూర్చి ఆలోచించండి. మనము ఏడవ దూత వర్తమానికుడికి ఎక్కువగా ప్రాధాన్యతను ఇస్తున్నామని ప్రజలు అన్నప్పుడు, గుర్తుంచుకోండి, ప్రపంచమనేది లేకముందే తన మనస్సులో కలిగియున్న తన రహస్యాలన్నిటిని స్వయంగా దేవుడే తన ఏడవ దూత వర్తమానికుడికి అప్పగించాడు. స్వయంగా దేవుడే ఈ మనిషిలో 100% నమ్మకాన్ని కలిగియున్నాడు, తద్వారా తన యొక్క గొప్ప అంత్య-కాల ప్రణాళికను అతని చేతుల్లో పెట్టాడు. ఆయన అతనికి ఇచ్చాడు…వినండి, ఆయన అతనికి తన రహస్యములన్నిటిని గూర్చిన ప్రత్యక్షతను ఆ మనుష్యునికి అనుగ్రహించాడు. అసలు వ్రాయబడని సంగతులను గూర్చిన ప్రత్యక్షతను కూడా ఆయన ఆ మనుష్యునికి అనుగ్రహించాడు. అతడు భూమిమీద చెప్పినది ఏదైనా ఎంతో ప్రాముఖ్యము, ఎంతగా అంటే అది పరలోకములో ప్రతిధ్వనిస్తుంది అని ఆయన చెప్పాడు.

దేవుడు ఈ లోకములోనికి పరిశుద్ధాత్మ చేత నింపబడిన గొప్ప వ్యక్తులను పంపాడనుటలో ఎటువంటి సందేహం లేదు. అయితే వీరిలో ప్రతియొక్కరు, పరిశుద్ధాత్మతో నింపబడి కూడా, తప్పైయుండవచ్చును. వారు చెప్పేది యెహోవా ఈలాగు సెలవిచ్చుచున్నాడు అని దేవుడెన్నడూ నిర్ధారించలేదు, మరియు వాటిలో ప్రతీ మాటను నమ్మమని మీకెన్నడూ చెప్పలేదు. దేవుని యొద్ద నుండి ఆ అధికారము కలిగిన ఒక్క వ్యక్తి మాత్రమే ఉన్నాడు, అదే ఆయన యొక్క ఏడవ దూత వర్యమానికుడు.

మీరు, ఒక సంఘకాపరిని కలిగియుండవచ్చును, మీరు కలిగియుండవలసియున్నది. అయితే ఆ సంఘకాపరి ఈ టేపులలో ఉన్న దేవుని స్వరమే వినవలసిన అత్యంత ప్రాముఖ్యమైన స్వరము అని మీకు చెప్పనియెడల, మరియు ప్రవక్త దీనిని చెప్పాడు అని కేవలం అతడు దానిని మీకు చెప్పడం కాకుండా, మీతో కలిసి ఆ టేపులను వినుట ద్వారా మొదటిగా అతడు వాటిని మీ ముందు ఉంచనియెడల, మీరు తప్పుడు సంఘకాపరిని కలిగియున్నారు.

మిమ్మల్ని నడిపించుచున్నది ఎవరైనా గాని, అది పరిశుద్ధాత్మ అని మీరు చెప్పుకున్నా గాని, అది మిమ్మల్ని ఈ వర్తమానముతో, ఆ స్వరముతో ఐక్యపర్చడం మంచిది, ఎందుకనగా, “నేను మీకు దేవుని స్వరమునైయున్నాను,” అని చెప్పగల ఏకైక స్వరము అదేయై యున్నది.

దానిని చూడటానికి మీరు ముందుగా నిర్ణయించబడియుంటీ, మీరు దానిని చూస్తారు. మీరు నిర్ణయించబడనట్లైతే, మీరు దానిని ఎప్పటికీ చూడరు; దానిని చూడటానికి మీరు ముందుగా నిర్ణయించబడలేదు.

దేశాలు ఐక్యమగుటను మనము చూస్తున్నాము, లోకము ఐక్యమగుటను మనము చూస్తున్నాము, సంఘాలు ఐక్యమగుటను మనము చూస్తున్నాము. వధువు ఐక్యమగుటను, వాక్యముతో ఐక్యమగుటను మనము చూస్తున్నాము. ఎందుకు? వాక్యము దేవుడైయున్నాడు. మరియు వాక్యము…పెండ్లి కుమారుడు (వాక్యమైయుండగా), మరియు పెండ్లి కుమార్తె (వాక్యమును వినేదానిగా ఉండగా), వారిరువురూ ఒక ఐక్యతలోనికి కూడివచ్చెదరు. ఒక వివాహమువలె వారు ఐక్యమగుదురు. చూడండి, ఒక వివాహము కొరకు వారు సిద్ధపడుచున్నారు, మరియు వారు—వారు ఒక్కటౌతారు. వాక్యము మీరుగా, మరియు మీరు వాక్యముగా అవుతారు. యేసు ఇట్లు చెప్పాడు, “ఆ దినమున మీరు దానిని తెలుసుకుంటారు. తండ్రి ఏమైయున్నాడో అదంతయు, నేను అయ్యున్నాను; మరియు నేను ఏమైయున్నానో అదంతయు, మీరు అయ్యున్నారు; మరియు మీరు ఏమైయున్నారో అదంతయు, నేను అయ్యున్నాను. నేను తండ్రియందును, తండ్రి నాయందును, నేను మీయందును, మరియు మీరు నాయందును ఉన్నారని ఆ దినమున మీరు ఎరుగుదురు.

ఈ ఆదివారమున జఫర్సన్ విల్ కాలమానం ప్రకారంగా 12:00 P.M., గంటల సమయమప్పుడు మేము, ఐక్యమగు కాలము మరియు సూచన 63-0818 అనుదానిని వినుచుండగా, వచ్చి దేవుని స్వరము చుట్టూ మాతో ఐక్యమవ్వవలెనని నేను మిమ్మల్ని ఆహ్వానిస్తున్నాను.

సహోదరుడు. జోసఫ్ బ్రెన్హామ్

కూటమునకు ముందు చదువవలసిన లేఖనములు:

కీర్తన 86:1-11
పరిశుద్ధ. మత్తయి 16:1-3

ప్రవక్తకు ఎంతో ప్రియమైనవారలారా,

ఆత్మచేత మరియు సత్యవాక్యముచేత నీకు పుట్టినది—అది వారేయైయున్నారు. మరియు ప్రభువా, నీవు వారిని ఆశీర్వదిస్తావని మరియు క్రీస్తు యొక్క ప్రేమ బంధముతో వారిని దగ్గరగా కట్టియుంచుతావని నేను ప్రార్థిస్తున్నాను.

సిద్ధపడండి, మనము ముందెన్నడూ లేనట్టుగా ఆశీర్వాదములను, అభిషేకములను మరియు ప్రత్యక్షతను పొందుకొనబోవుచున్నాము. మనము దానిని మన అంతరాత్మలలో అనుభూతి చెందగలుగుచున్నాము, ఏదో సంభవించనైయున్నది. సమయము సిద్ధంగా ఉన్నది. మనమెంతో ఆసక్తిపరులమై మరియు ఎంతో గొప్ప ఆశలను పెట్టుకొనియున్నాము. మనల్ని క్రొత్త ఎత్తులకు తీసుకొనివెళ్ళి, మరియు పరిశుద్ధాత్మతో మనలను నింపి, నింపి, మరియు పిదప మరలా నింపబోవుచున్న ఒక వర్తమానము దేవుని యొక్క సింహాసనము నుండి వచ్చుటను వినడానికి ప్రపంచమంతటి నుండి వధువు కూడుకొనుచున్నది.

లేఖనము నెరవేరబోవుచున్నది. హెచ్చరిక ఇవ్వబడియున్నది. తీర్పు సమీపమున ఉన్నది. మన పెండ్లి విందు కొరకు తన వధువును పిలువడానికి ప్రభువు వచ్చుచున్నాడు. ఆఖరి పిలుపు బయలు వెడలినది. దేవుని రాకడ వచ్చియున్నది. ఆయన మనకొరకు వచ్చుచున్నాడు.

మనము దానిని చూసి మరియు దానిని స్వీకరించినట్టి ఆయన యొక్క ముందుగా నిర్ణయించబడిన విత్తనమైయున్నాము. మన పాపములు తుడిచివేయబడినవి, గతించిపోయినవి. అవి యేసు క్రీస్తు యొక్క రక్తపు సిరాలో వేయబడినవి, మరియు అవి ఇక ఎన్నడూ జ్ఞాపకము చేసుకొనబడవు. దేవుడు వాటన్నిటినీ మర్చిపోయాడు. దేవుని సన్నిధిలో మనము, దేవుని యొక్క ఒక కుమారుడు మరియు ఒక కుమార్తెవలె నిలుచున్నాము. మనము ఇప్పుడు అయ్యున్నాము…అవుతాము కాదు; మనము ఇప్పుడు దేవుని కుమారులము మరియు కుమార్తెలమైయ్యున్నాము.

మనము ఒక్క విషయమును గుర్తిస్తాము, అది వాక్యమే. ఈ టేపులు. ఈ వర్తమానము. అవి ఒక్కటేయైయున్నవి.

మరియు ఒకసారి, కేవలం కొద్ది కాలం క్రితం, నీవు ఆ దర్శనమును చూపించినప్పుడు, ఇక్కడున్న ఈ చిన్న ఆలయములో, ఆహారమును నిలువచేయుటను గూర్చి, ఇది మాత్రమే అవసరమయ్యే ఒక సమయం వస్తుందని చూపించావు…“ఆ సమయము కొరకు ఇక్కడ ఈ ఆహారమును నిలువ చేయము

ఇదే ఆ సమయము. ఇదే ఆ ఆహారము. మనమే ఆ ప్రజలము. మనమే ఆ ప్రత్యక్షతను కలిగియున్నాము.

ఇతరులు ఈ టేపు పరిచర్యయొక్క ప్రాముఖ్యతను తప్పిపోవచ్చును. మనము తప్పిపోము. ఇదే మన జీవితమైయున్నది, మన సర్వము ఇదేయైయున్నది. ఇది మనకు జీవము కంటే విలువైనది. మనకు దేని గూర్చియైనా ఒక ప్రశ్న ఉన్నప్పుడు, దానిని మనకు వివరించమని, లేదా దానిని మన కోసం వెదకిపెట్టమని మనము ఎవరిని అడుగము. మనము గ్రహించడంలో విఫలమైనా లేదా మనకు ఒక ప్రశ్న ఉన్నా దేవునియొక్క దూత ఏమి చేయమని మనకు సూచించాడో సరిగ్గా దానినే మనము చేస్తాము.

మీకు అది అర్థమైనదా? మీరు విఫలమైతే, తిరిగి మరలా ఈ టేపుయొద్దకు రండి. నేను ఎంతకాలం మీతో ఉంటానో నాకు తెలియదు. గుర్తుంచుకోండి, ఇది యెహోవా ఈలాగు సెలవిచ్చుచున్నాడు యొక్క, సత్యమైయున్నది. ఇది సత్యము. ఇది లేఖనమైయున్నది.

మీరు విఫలమైతే, తిరిగి టేపు వద్దకు రండి.

మా మీద కోపానికి రాకండి, ఆయనే దానిని చెప్పాడు…అదియేగాక, ఇది యెహోవా ఈలాగు సెలవిచ్చుచున్నాడు యొక్క సత్యమైయున్నది. దానిలో ఒక భాగము, దానిలో కొంచెము, లేదా దానిలో ఏది అభిషేకించబడినది మరియు ఏది అభిషేకించబడలేదని ఎవరైనా అనువాదం ఇచ్చినవి మాత్రమే అని ఆయన చెప్పలేదు. ఈ టేపులు యెహోవా ఈలాగు సెలవిచ్చుచున్నాడు అయ్యున్నవి.

మీకు అది అర్థం కాకపోవచ్చును, లేదా దానిని గ్రహించలేకపోవచ్చును, లేదా ఇంకా అది మీకు బయలుపడి యుండకపోవచ్చును. కాని మాకైతే, ఆయన తన ప్రవక్త ద్వారా మాకు చెప్పుచున్న విషయము ఇదేయైయున్నది.

మీరు మీ భార్యకు, మీరు వివాహం చేసుకోబోయే అమ్మాయికి విషయాలను ఎలా చెప్తారో మీకు తెలుసు కదా. మీరు ఆమెను ఎంతగానో ప్రేమిస్తారు, మీరు ఆమెకు రహస్యాలను చెప్తారు, మరియు ఆమెను అక్కున చేర్చుకొని, మరియు ప్రేమింపజేసుకొని మరియు ఆ విధంగా ఉంటారు. అది ఏ విధంగా ఉంటుందో మీకు తెలుసు.

దేవుడు, క్రీస్తు, సంఘానికి దానినే చేయుచున్నాడు. చూశారా? ఆయన ఆమెకు రహస్యాలను, సరిగ్గా ఆ రహస్యాలను తెలియజేయుచున్నాడు. ఈ సరసాలాడేవారికి కాదు; ఆయన భార్యకి అని నా ఉద్దేశ్యమైయున్నది.

మరియు మనము దానంతటినీ పొందుకొనుచున్నాము. ఓ ఒక పెండ్లి కుమార్తె తన వివాహానికి ముందు ఎంత సంతోషంగా మరియు అత్యుత్సాహంగా ఉంటుంది కదా. మనం అసలు కుదురుగా ఒక చోట నిలబడలేము. మనము నిమిషాలను….క్షణాలను లెక్కబెట్టుచున్నాము. ఆయన మనలను ఎంతగా ప్రేమించుచున్నాడన్నది ఆయన మనకు మళ్ళీ మళ్ళీ చెప్తూనే ఉన్నాడు.

ముందెన్నడూ లేని విధంగా సాతానుడు మనపై దాడి చేస్తూనే ఉంటాడు, అయితే వాడు సిద్ధంగా లేని ఒక విషయమేమిటంటే, మనమెవరమో మనకు ఇప్పుడు తెలుసు. ఇక ఎటువంటి సందేహము లేదు, మనము పలుకబడిన వాక్యమైయున్నాము. మనము వాక్యమును పలుకగలము, మరియు మనము పలుకుచున్నాము. సాతానుడికి జవాబు మన దగ్గర ఉన్నది. దేవుడు తనను తాను నిర్ధారించుకున్నాడు. దేవుడు తనను తాను ఋజువు చేసుకున్నాడు. మనము ఆయనయొక్క సజీవ వాక్యమైయ్యుండి మరియు ఆయన మనకిచ్చిన అధికారమంతటితో పలుకుచున్నాము.

మరియు ఈనాడు ఆయన ఇక్కడ, తన వాక్యములో ఉన్నాడు, అక్కడ చేసిన అదే కార్యమును నెరవేర్చుచున్నాడు.. ఆమె వేరొక శిరసత్వమును గుర్తించదు. లేదు, అయ్యా. ఏ బిషప్పు లేడు, వేరెవ్వరు లేరు. ఆమె ఒక్క శిరసత్వమును మాత్రమే గుర్తిస్తుంది, అది క్రీస్తే, మరియు క్రీస్తు వాక్యమైయున్నాడు. ఓ, మై! ఫ్యూ! నేను దానిని ప్రేమించుచున్నాను. హ! అవును, అయ్యా.

మనము ఒక రాజ్యానికి చెందియున్నాము, మరియు దేవునియొక్క వాక్యము మన స్వంత జీవితములో ఆత్మయు మరియు జీవమునైయుండుటయే ఆ రాజ్యము. కావున, మనము ఆయనయొక్క జీవించుచున్న వాక్యమైయున్నాము.

నా స్నేహితులారా, దానిని స్వీకరించి మరియు దానిని నమ్మడానికి మీరు నిజమైన ప్రత్యక్యతను కలిగియుంటే ఇదే దానంతటిని చెప్పుచున్నది.

ఇప్పుడు గమనించండి, ప్రాచీన ఇశ్రాయేలుకు మాదిరిగా, ఒకే విధంగా, ఒక్క శిరసత్వము క్రింద ఐక్యమైయ్యుండుట. ఇప్పుడు దానిని మీరు పొందుకొనుచున్నారా? పాతకాలపు ఇశ్రాయేలు వలె; ఒక్క దేవుడు, తాను వాక్యమైయున్నాడని, అగ్నిస్తంభముచేత నిర్ధారించబడి, మరియు ఒక ప్రవక్త ద్వారా తనను తాను బయలుపరచుకున్నాడు. అదే దేవుడు, అదే అగ్నిస్తంభము, అదే విధానం; ఆయన తన విధానాన్ని మార్చుకోలేడు. అది…అది ఎంతో పరిపూర్ణముగా ఉన్నది.

ప్రవక్త…అది బాగుగా అర్థమగును గాక. ఆ దినమునకు వాక్యమైయ్యున్నాడని, ఒక్క దేవుడు, ఒక ప్రవక్త ద్వారా, ఒక అగ్నిస్తంభముచేత నిర్ధారించబడినాడు, మరియు ఆయన మారజాలడు.

నేను ఇలా చెప్పుకుంటూ పోవచ్చు, మరియు కొటేషన్ వెంబడి కొటేషన్ ను తీసుకొని మనము ఆనందించుచు సహవాసము చేయగలము; మరియు ప్రపంచవ్యాప్తంగా ఈ ఆదివారము జఫర్సన్ విల్ కాలమానం ప్రకారంగా 12:00 P.M., గంటల సమయమప్పుడు దీనిని వినుచుండగా, మనము సహవాసము కలిగియుంటాము: బయలుపరచబడిన దేవుని యొక్క మర్మము క్రీస్తే 63-0728.

సహోదరుడు. జోసఫ్ బ్రెన్హామ్

కూటమునకు ముందు చదువవలసిన లేఖనములు:

పరిశుద్ధ. మత్తయి 16:15-17
పరిశుద్ధ. లూకా 24వ అధ్యాయము
పరిశుద్ధ. యోహాను 5:24 / 14:12
1 కోరింథీ 2వ అధ్యాయము
ఎఫెసీ అధ్యాయము 1
కొలొస్సీ అధ్యాయము 1
ప్రకటన 7:9-10

ప్రియమైన చిన్న బ్యాలెన్సు స్ప్రింగు, ముఖ్యమైన స్ప్రింగు, రైతు మరియు గృహిణి,

మీరు చేయవలెనని దేవుడు మీకిచ్చినదేదైనా, మీరు దానిపై గృహనిర్వాహకత్వమును కలిగియున్నారు. మీరు దాని విషయమై దేవునికి జవాబునివ్వవలసియున్నారు. మీరు ఎంత అల్పమైనవారని శత్రువు మీకు చెప్పినా గాని మీరు దేవునికి ఎంతో ప్రాముఖ్యమైయున్నారు, ఎంతగా అంటే మీరు లేకుండా ఆయన యొక్క గొప్ప గడియారము నడువదు.

ఆయన మిమ్మల్ని పిలిచాడు, మిమ్మల్ని ఎన్నుకున్నాడు, మిమ్మల్ని ముందుగా నిర్ణయించుకున్నాడు, మరియు తన గొప్ప అంత్యకాల వర్తమానము యొక్క ప్రత్యక్షతను మీకు అనుగ్రహించాడు. ఆయనకు మీపై 100% నమ్మకమున్నది. మీరు ఖచ్చితంగా యేసు క్రీస్తు యొక్క వధువైయున్నారు, ఆయన యొక్క ప్రియురాలైయున్నారు, మరియు ఆయన మిమ్మల్ని ఎంతగానో ప్రేమించుచున్నాడు.

దేశములన్నిటిలో ఉన్న ప్రజలను ఆయన స్థిరంగా ఇట్లు హెచ్చరించాడు, “పశ్చాత్తాప పడుడి, లేదా నశించిపోతారు”, “వాక్యమునొద్దకు తిరిగి రండి”, “సిద్ధపడండి, ఏదో సంభవించనైయున్నది.” చిట్టచివరకు ఆ ఘడియ వచ్చియున్నది. సరిగ్గా ఆయన వస్తాడని మనకు వాగ్దానం చేసినట్లే, దేవుడు తన వధువు కొరకు వచ్చుచున్నాడు. ఆయన చక్రము నుండి తన చక్రమును పిలిచాడు.

“ఆయన జరుగుతుందని ఏదైతే చెప్పాడో, అది జరగలేదు. సమస్త కార్యములు అలాగే ఉన్నవి,” అని చెప్పుచూ, ఈనాడు అనేకులు దేవుని యొక్క గొప్ప అంత్య-కాల వర్తమానము నుండి పడిపోయారు. దేవుని ప్రవక్తల యొక్క అనేక ప్రవచనములు నెరవేరడానికి ముందే అనేక తరములు గడిచిపోయినవి. మరి అయిననూ, అక్షరాల, సరిగ్గా వారు చెప్పినట్లే, అవి సంభవించినవి.

ఆయనయొక్క బైబిలు గ్రంథము మనకిట్లు చెప్పుచున్నది: “నోవహు దినములలో జరిగినట్లు, మనుష్య కుమారుని రాకడలో జరుగును”. దేవుడు ఆ గొప్ప జలప్రళయ కాలములో ప్రపంచమును నాశనము చేయడానికి తీర్పును పంపుటకు ముందు, దేవుడు లోకానికి ఒక ప్రవక్తను పంపాడు. ఆ ప్రవక్త ఏమి చేశాడు?

ఆయన ప్రజలను ఆ సమయము కొరకు సిద్ధపరిచాడు. నోవహు ప్రజలను సిద్ధపరిచాడు, మరియు అది తీర్పుకు ముందు ఒక కనికరపు పిలుపైయున్నది.

నోవహు దేనిగూర్చియైతే ప్రజలను హెచ్చరించాడో ఆ తీర్పు రావడానికి ముందే అతడు వారిని సిద్ధపరిచాడు. అది ఆ దినమునకు దేవుడు ఏర్పాటు చేసిన మార్గమైయున్నది.

దేవుడు ఎన్నడూ తన ప్రణాళికను మార్చుకోడని దేవుని ప్రవక్త మనకు చెప్పాడు. ఆయన అప్పుడు ఏమి చేసాడో, దానినే ఈనాడు చేస్తాడు. మనము కేవలం ఈ దినము కొరకు దేవుడు ఏర్పాటు చేసిన మార్గాముతో నిలిచియుండి మరియు ప్లేను నొక్కుతాము.

అప్పుడన్నట్లే, మనము దేవుని ప్రవక్తను అధికంగా హెచ్చిస్తున్నామని ప్రజలు అంటారు; అయితే అది విలియమ్ బ్రెన్హామ్ కాదుగాని, అది పరిశుద్ధాత్మయైయున్నాడు. మనము, ఆమేన్, అని చెప్తాము, మనము మనుష్యుడు చెప్పేది వినము, మనము కేవలం ఆయన చెప్పినదివింటాము.

పరిశుద్ధాత్మయే ఈ ఘడియకు ప్రవక్తయైయున్నాడు; ఆయన తన వాక్యమును నిర్థారించుచూ, దానిని ఋజువు చేయుచున్నాడు. మోషే యొక్క ఘడియకు పరిశుద్ధాత్మయే ప్రవక్తయైయున్నాడు. మీకాయా యొక్క ఘడియకు పరిశుద్ధాత్మయే ప్రవక్తయైయున్నాడు. వాక్యమును వ్రాసిన పరిశుద్ధాత్మయే, వచ్చి, మరియు వాక్యమును నిర్థారిస్తాడు.

అయితే గడిచిన వారమే సహోదరుడు బ్రెన్హామ్ దీనిని మీకు చెప్పారు;

ఇప్పుడు, చూడండి, మీరు ఏమి వినుచున్నారో దాని విషయమై జాగ్రత్తపడవలెనని నేను ఎల్లప్పుడూ మిమ్మల్ని కోరాను. చూశారా? దానిలో కేవలం మానవ దృష్టినుండియైనవి అనేకములున్నవి.

దేవుడు నాకు దానిని చెప్పాడని నేను చెప్పడంలేదు. “నేను” దానిని నమ్ముచున్నాను, చూడండి. మరియు ఆ విధంగా చేయకూడదని నేను నమ్ముచున్నాను.

నాకు మరియు నా ఇంటివారి కొరకైతే, ఏ ఇతర సేవకుడు, బిషప్పు, లేదా ఏ మనుష్యుని కంటెను దేవుని యొక్క ఏడవ దూత వర్తమానికుడు ఏమి నమ్ముతాడో, ఏమి తలంచుతాడో లేదా కనీసం ఏమి అనుభూతి చెందుతాడో, దానినే నేను తీసుకుంటాను.

దేవుని ప్రవక్త నమ్ముచున్నది, అనుభూతి చెందుచున్నది, లేదా కనీసం తలంచేది, ప్రేరేపించబడినదో కాదో అని చూచుటకు దేవుడు ఎన్నడైనా ఎవరిని పంపాడు?…ఎవరని నేను అనుకొనుచున్నానో మీకు చెప్పనివ్వండి.

కోరహును చూడండి, దేవుడు ఒక వర్తమానముతో మోషేను పంపిన దినములలో, కోరహు మరియు దాతాను ఆలోచించి, మోషే వద్దకు వచ్చి, మరియు ఇట్లన్నారు, “ఇప్పుడు, ఒక్క నిమిషము ఆగుము, నిన్ను నీవు అధికముగా హెచ్చించుకొనుచున్నావు! సముద్రతీరాన ఉన్న ఏకైక స్పటికము నీవొక్కడివే అని; నీటి గుంటలోని బాతు, నీవొక్కడివే అని నీవు అనుకొనుచున్నావా. పరిశుద్ధులైన ఇతర ప్రజలు కూడా ఉన్నారని, నేను నీకు తెలియజేసెదను!”

హెచ్చరిక, తీర్పు సమీపమున ఉన్నది. అసలైన వాక్యము నొద్దకు తిరిగి రండి. మన దినమునకు నిర్థారించబడిన దేవుని స్వరమునొద్దకు తిరగి రండి. దేవుని ప్రవక్త వద్దకు తిరిగి రండి. ఈ వర్తమానమునొద్దకు, ఆయన స్వరమునొద్దకు తిరిగి రండి. అది మీకు మొట్టమొదటి విషయము మరియు అత్యంత ముఖ్యమైన విషయమై ఉండవలసియున్నది.

ఈ వర్తమానమును బోధించుటకు మరియు ప్రసంగించుటకు, ఇతరులు ఒక స్వరమును, మరియు ఒక పిలుపును కలిగియున్నారనుటలో ఎటువంటి సందేహము లేదు. అయితే మీరు దేవుని వధువైయ్యుండగోరిన యెడల, మీ గృహములలో, మీ కారులలో, మరియు ముఖ్యంగా, మీ సంఘాలలో మీరు వినగలిగే ఈ టేపులు, ఆ స్వరము, మీకు ప్రాముఖ్యమైన స్వరమైయ్యుండవలసియున్నది.

ప్రభువు రాకడ సమీపంలో ఉన్నదని దేవుని ప్రవక్త లోకాన్ని హెచ్చరిస్తుండగా, ఆదివారమునాడు, జఫర్సన్ విల్ కాలమానము ప్రకారంగా 12:00 P.M., సమయమప్పుడు, వచ్చి మాతో కలిసి ఆ స్వరమును వినండి. ఇదే చివరి సారి కావచ్చును.

సహోదరుడు. జోసఫ్ బ్రెన్హామ్

ముందు అతడిని హెచ్చరించకుండా దేవుడెన్నడూ మనుష్యుని తీర్పులోనికి పిలువడు 63-0724.

కూటముకు ముందు చదువవలసిన లేఖనములు:

యెషయా 38:1-5
ఆమోసు 1 అధ్యాయము

ప్రియమైన సువార్త పిల్లలారా,

మనము భూమి మీద నడిచినవారిలో అత్యంత ధన్యులైన ప్రజలమైయున్నాము. దేవుని చేత ఎన్నుకోబడిన ఏడవ దూత వర్తమానికుడు మనతో ఈ మాటలను చెప్పుటను మనము అసలు ఊహించగలమా:

నేను మిమ్మల్ని ప్రేమిస్తున్నాను. ఓ, మీరు నా స్వంత పిల్లలు అన్నట్లుగా నేను మిమ్మల్ని ప్రేమిస్తున్నాను, మరియు మీరు సువార్తలో నా పిల్లలైయున్నారు. సువార్త ద్వారా, క్రీస్తునకు నేను మిమ్ములను కనియున్నాను.

దేవుడు మన పట్ల ఎంతగా శ్రద్ధవహిస్తున్నాడంటే మనతో నడుచుచున్నది కేవలం ఈ వ్యక్తి కాదు గాని అది సరిగ్గా ఆయన పైన ఉన్నది దేవుడే అని మనకు తెలియజేయుటకు, ఆయన యొక్క నిర్ధారించబడిన ప్రవక్తను ఒక అగ్ని స్థంబపు సూచనతో మన వద్దకు పంపియున్నాడు. మార్గమున నడిపించుచున్నది ఆయనేయైయున్నాడు.

ఆయన మన పట్ల శ్రద్ధ వహిస్తున్నాడు గనుక, ఆ గొప్ప తీర్పు రావడానికి ముందే, రానున్న తీర్పులన్నిటి నుండి మనము విడిపించబడునట్లు ఆయన ఒక మార్గమును కలుగజేసెను. ఆ తప్పించుకునే మార్గము కేవలం ఎన్నుకొనబడిన, మనకు మాత్రమేయై యున్నది. మనము మాత్రమే ఈ జీవ కణమును అంగీకరించియున్నాము. దానిని చూచుటకు మనము మాత్రమే ముందుగా నిర్ణయించబడినాము. మనము మాత్రమే ఈ గొప్ప టేపు పరిచర్య యొక్క ప్రత్యక్షతను కలిగియున్నాము.

ఆయన ఈ పరిచర్య కొరకు మరణించాడు. ఈ దినమున పరిశుద్ధాత్మ ఇక్కడ ఉండి ఈ కార్యములను చూపించుట కొరకు ఆయన మరణించాడు. ఆయన మిమ్మును గూర్చి శ్రద్ధ వహించాడు. ఆయన దానిని ఇక్కడికి తేసుకొనివచ్చుటకు శ్రద్ధ వహించాడు. ఆయన ప్రకటన చేయుటకు శ్రద్ధ వహించాడు. ఆయన మిమ్మల్ని ప్రేమించాడు గనుక ఆయన మిమ్మును గూర్చి శ్రద్ధ వహించాడు. ఆయన దీనిని చేసేంతగా, దీని కొరకు, ఈ దినమున ఈ పరిచర్యను జరిగించుటకు పరిశుద్ధాత్మను పంపేంతగా ఆయన శ్రద్ధవహించాడు.

మీరు నిత్యజీవమునకై ముందుగా నిర్ణయించబడిన యెడల, మీరు దానిని వింటారు మరియు దానిలో ఆనందిస్తారు. ఇది మీకు ఆదరణయై యున్నది. ఇది మీ జీవితమంతా మీరు తృష్ణగొనిన విషయమైయున్నది. ఇది అమూల్యమైన ముత్యమైయున్నది. మనము ఈ వర్తమానము కొరకు, ఈ స్వరము కొరకు సమస్తమును విడిచిపెడతాము. ఇది మన ప్రభువైన యేసు క్రీస్తు మనతో మాట్లాడుటయైయున్నది.

ఎవ్వరూ మనల్ని బుజ్జగించనక్కర్లేదు, మనము విశ్వాసులమైయున్నాము, మనయొద్ద నుండి దానిని వేరుచేయునది ఏదియూ లేదు. ఎవరేమి చెప్పినా గాని మనము లెక్కచేయము, మనము ప్రతీ మాటను నమ్ముచున్నాము.

ఆయన మనకొరకు ఎంతగానో శ్రద్ధ వహిస్తున్నాడు; మనకు స్వస్థత అవసరమైన యెడల, మనం కేవలం ఆయన వాక్యమును మన హృదయ లోతులనుండి నమ్ముతాము. అప్పుడు ఇక ఏ సలహాదారుడు, ఏ ఆదరించువాడు, ఏ వైద్యుడు, ఏ ఆసుపత్రి, ఏ పరిశీలన ఏమి చెప్పినా లెక్కలేదు గాని, మనము కేవలం ఆయన వాక్యమును నమ్ముతాము. మనము దానిని ఎరిగియున్నాము! దాని విషయమై ఇంకేమియు చెప్పనవసరంలేదు; మనము దానిని ఎరిగియున్నాము.

ఆయన తన ప్రవక్త చేత తన వధువు కొరకు ఆహారమును భద్రము చేపించేంతగా ఆయన మన పట్ల శ్రద్ధవహించాడు. ఆయన ప్రతీ కాపరికి, సేవకునికి, మరియు ప్రపంచవ్యాప్తంగా ఉన్న ప్రజల గుంపుకు వారి సహవాసములో లేదా వారి గుంపులలో ఆయన సూచనలను వెంబడించి మరియు ఈ టేపులను ప్లే చేయమని కూడా ఆయన సూచించాడు.

ఈ ఉదయము, ప్రార్థన చేపించుకోబోయే మీరు, మరియు ప్రపంచవ్యాప్తంగా, ఈ టేపును వినుచున్న మీరు, దీనిని చేస్తే చాలు, మరియు ఈ టేపు ప్లే చేయబడిన తర్వాత, మరియు ఒక సహవాసములో, అడవులలో ఉన్న గుంపులు లేదా మీరెక్కడున్నా గాని అక్కడ దానిని ప్లే చేయుచున్న ఆ సేవకుడు లేదా ఆ వ్యక్తి, మొదటిగా మీ యొక్క ఒప్పుకోలును స్పష్టంగా తెలియజేసి, మరియు పిదప మీ హృదయములో, విశ్వాసము తప్ప, మరేదియు లేకుండా వచ్చి, మరియు ప్రార్థన చేపించుకున్నయెడల, మరప్పుడు ఆ ఔషదము పని చేస్తుంది.

సంఘములో టేపులను ప్లే చేయమని ప్రవక్త ఎన్నడూ చెప్పలేదని మన విమర్శకులు చెప్తారని నేను అనుకున్నాను? వారి సంఘాలలో మాత్రమే కాదు గాని, అడవులలోనైనా లేదా మీరు ఎక్కడున్నా గాని…టేపులు ప్లే చేయండని ఆయన చెప్పాడు.

దేవుడు తన నిర్ధారించబడిన ఏడవ దూత వర్తమానికుడి ద్వారా పలికినదానికి మీరు లోబడి మరియు ఖచ్చితంగా దాని ప్రకారంగా చేసినయెడల, అప్పుడు మీరెన్నడూ కలిగిలెనటువంటి ఘనమైన విశ్వాసమును మీరు కూడా పొందుకోగలరు.

నేను, నేను…దీనిని సమీపించడానికి, మొదటిగా, ప్రజలు విశ్వాసముతో అభిషేకించబడవలసియున్నది. మీరు—మీరు, మీరు విశ్వాసమును కలిగిలేనియెడల, అప్పుడు అసలు—అసలు ప్రార్థన చేపించుకొనుటకు రావలసిన అవసరమే లేదు, ఎందుకనగా దానికి మీ విశ్వాసము మరియు నా విశ్వాసము అవసరమైయున్నది; ఆయనను నమ్ముటకు నా విశ్వాసము, ఆయనను నమ్ముటకు మీ విశ్వాసము అవసరమైయున్నది.

మనము అట్లు ఊహించుట లేదు, లేదా అంచనా వేయడం లేదు, లేదా ఆశించుట లేదు. టేపులు ఈ దినము కొరకై దేవుడు ఏర్పాటు చేసిన మార్గమైయున్నది. అది విలియమ్ మారియన్ బ్రెన్హామ్ అను పేరుగల ఒక మనుష్యుని యొక్క మాటలు కావుగాని, అవి మన ప్రభువైన యేసు క్రీస్తు యొక్క బయలుపరచబడిన మాటలైయున్నవి. అది ఖచ్చితంగా, “ఆమేన్!” అది మన యొక్క అంతిమమైయున్నది. అది సత్యమైయున్నది మరియు అది సత్యము గాక మరొకటి కాదు.

మరియు మీరు దేవుని యొక్క అంతిమమును, ఆయన వాక్యమును, ఒక ఫలానా విషయముపై ఒక వాగ్దానమును మీరు కనుగొనినయెడల మొదట అది దేవుని యొక్క వాక్యమని మీరు తెలుసుకోవలసియున్నది, నెరవేర్చబడుచున్నట్లు మీరు చూస్తున్న ఆ విషయము దేవుడే అని మీరు తెలుసుకోవలసియున్నది. అక్కడ—అక్కడ—ఇక “బహుశా అట్లుండవచ్చును, అది ఆ విధంగా జరుగవచ్చును, అది జరుగుతుంది అన్నట్లు అగుపించుచున్నది,” అనేవి ఇక ఉండవు. “అది దేవుడే!” పిదప మీరు ఆ స్థానమునకు వచ్చినపుడు, మరప్పుడు అది అమూల్యమైన ముత్యమైయున్నది, దానికి వ్యతిరేకంగా మీకు చెప్పుచున్న దేనినుండియైనా లేదా ఎవ్వరినుండియైనా మీరు దూరమవ్వవలసియున్నది. మనుష్యుడు ఏమి సాధించాడన్నదానివైపు మీరు చూడకూడదు.

ఈ ఆదివారము మనము ఒక గొప్ప పెద్ద ప్రేమ విందును కలిగియుండబోవుచున్నాము. దేవుని యొక్క నిర్ధారించబడిన ఏడవ దూత మనకు చెప్పినదానిని మనము చేయబోవుచున్నాము: ప్లే నొక్కి మరియు లోబడతాము.

మనకు అవసరమైనది ఏదైనా, మనము దానిని పొందుకుంటాము. ఆయనను నమ్మేందుకు ఆయన విశ్వాసముతోపాటు మనము మన విశ్వాసమును ఉంచుతున్నాము గనుక మనము దానిని పొందుకోబోవుచున్నాము. అప్పుడు మనమందరము ఇట్లు చెప్తాము:

ఈ సమయము నుండి, నా సమస్యలు తీరిపోయినవని నా హృదయములో ఏదో చెప్పుచున్నది. నేను—నేను బాగయ్యాను, నేను బాగవ్వబోవుచున్నాను అనియా”? మీరు దానిని నమ్ముచున్నారా? మీ చేతులను పైకెత్తండి, “నేను దానిని నమ్ముచున్నాను!” దేవుడు మిమ్మల్ని దీవించును గాక.

దేవుడు శ్రద్ధవహించుచున్నాడు గనుక, మీరు వచ్చి మాతో చేరవలెనని నేను మిమ్మల్ని ఆహ్వానిస్తున్నాను; లేదా మీ కాపరిని, మీ నాయకుడిని, ప్రవక్త యొక్క సూచనలను వెంబడించుటకు ప్రోత్సహించండి, మరియు ఈ ఆదివారము జఫర్సన్ విల్ కాలమానము ప్రకారంగా 12:00 P.M., సమయమప్పుడు మేము దీనిని వినుచుండగా దేవుని యొక్క ఏడవ దూత వర్తమానికుడు దేవుని యొక్క వాక్యమును పలుకుటను విని మరియు మీకు అవసరమైయున్న ప్రతిదానిని పొందుకోవలెనని కోరుచున్నాను: 63-0721 ఆయన శ్రద్ధ వహించుచున్నాడు. మీరు శ్రద్ధ వహించుచున్నారా?

సహోదరుడు. జోసఫ్ బ్రెన్హామ్

కూటముకు ముందు చదువవలసిన లేఖనములు:

పరిశుద్ధ. యోహాను 5:24 / 15:26
1 పేతురు 5:1-7
హెబ్రీ 4:1-4

గమనిక: నవంబర్ 5న, ఈ ఆదివారముతో జఫర్సన్ విల్ కు DST సమయము ముగిసిపోతుంది. దయచేసి మీ ప్రాంతములో టేపును ప్రారంభించుటకు మీ స్థానిక సమయమును సరిచూసుకోండి.

వర్తమానము: 63-0714M మొర్రపెట్టనేల? మాట్లాడుము!

• 23-1022 మొర్రపెట్టనేల? మాట్లాడుము!
• 22-0417 మొర్రపెట్టనేల? మాట్లాడుము!
• 20-0426 మొర్రపెట్టనేల? మాట్లాడుము!
• 19-0804 మొర్రపెట్టనేల? మాట్లాడుము!
• 17-0604 మొర్రపెట్టనేల? మాట్లాడుము!

BranhamTabernacle.org

ప్రియమైన దేవుని యొక్క ఆలయములారా,

నేను ఆయన సంఘమునైయున్నాను. మీరు ఆయన సంఘమైయున్నారు. మనము దేవుడు నివసించునట్టి ఆలయమైయున్నాము. మనము సజీవ దేవుని యొక్క సంఘమైయున్నాము; జీవముగల దేవుడు మనయందు జీవించుచున్నాడు. మన క్రియలు దేవుని యొక్క క్రియలైయున్నవి. మహిమ!!

ప్రపంచమంతటి నుండి చిన్న చిన్న స్థలములలో, మనమందరమూ కూడుకొనుచున్నాము; అందరమూ దేవుని యొక్క స్వరము చుట్టూ, ఈ దినము కొరకైన ఆయన వాక్యము చుట్టూ కూడుకొనుచున్నాము.

అది ఎంతో అద్భుతంగా ఉన్నది. దేనితో ఎటువంటి బంధాలు లేవు, కేవలం యేసు క్రీస్తు మరియు ఆయన వాక్యమునకు మాత్రమే కట్టుబడియున్నాము. అంతే, విరామ చిహ్నము. సాక్షాత్తు దేవుని స్వరము ద్వారానే పరిపూర్ణము చేయబడుతూ మనము కలిసి పరలోక స్థలములలో కూర్చొనియున్నాము.

మనము వెళ్ళుచున్నాము. మనమందరము వాగ్దాన దేశములోనికి వెళ్ళుచున్నాము. మనలో ప్రతీ ఒక్కరము! నీవు ఒక గృహిణివైనా గాని, ఒక చిన్న యువతివైనా గాని, ఒక వృద్ధురాలు, ఒక వృద్ధుడు లేదా ఒక యౌవ్వనస్థుడు, నీవెవరవైనా గాని, మనమందరమూ వెళ్ళుచున్నాము. మనలో ఒక్కరు కూడా విడిచిపెట్టబడరు. మనలో ప్రతీ ఒక్కరము వెళ్ళుచున్నాము, మరియు “మనము దేని కొరకును ఆగబోవడం లేదు.”

మనమందరము కలిసి ఉండాలని మనము నమ్ముచున్నాము. ఆ మహిమకరమైన రాకడ కొరకు ఎదురుచూస్తున్న, యేసు క్రీస్తు శరీరము యొక్క ఒక ఐక్యమైన గొప్ప గుంపైయున్నాము. మనము విడిపోకూడదు, కాని సువార్త బోధన యొక్క ఆ ఏర్పాటు చేయబడిన బాటను మానవుడు తప్పియున్నాడు.

ఏది సరియో ఏది తప్పో ఖచ్చితంగా చూపించుటకు ఏదో ఒక మార్గము ఉండవలసియున్నది. మరియు మీరు దానిని చేసే ఏకైక విధానమేదనగా, వాక్యమునకు ఎటువంటి అనువాదమునైనా ఇవ్వకుండా, కేవలం అది ఉన్న రీతిగానే దానిని చదివి మరియు ఆ విధంగానే దానిని నమ్మడమైయున్నది. ప్రతీ వ్యక్తి తన స్వంత అనువాదమును, మరియు అది దానిని ఏదో భిన్నమైనదిగా చెప్పునట్లు చేస్తుంది. వధువుకు దేవుని స్వరము కేవలం ఒక్కటి మాత్రమే ఉన్నది. ప్లే ను నొక్కండి!

నేను దీనిని ఈ టేపుపై చెప్పుచున్నాను, మరియు ఈ ప్రజల కొరకు చెప్పుచున్నాను, నేను పరిశుద్ధాత్మ ప్రేరేపణ క్రింద దీనిని చెప్పుచున్నాను: దేవుని పక్షమున ఉన్నవాడు ఎవడో, అతడు ఈ వాక్యము క్రిందకు వచ్చును గాక!

మన దినమునకైన వాక్యము ఒక స్వరమును కలిగియున్నది. మన ప్రవక్తయే ఆ స్వరమైయున్నాడు. ఆ స్వరము మన దినమునకు జీవించుచున్న వాక్యమైయున్నది. ఆ స్వరమును వినుటకు మరియు ఈ ఘడియను చూచుటకు మనము ముందుగా నిర్ణయించబడినాము, మరియు ఆ స్వరమును వినకుండా మనలను ఆపగలిగేది ఏదియు లేదు.

మన విశ్వాసము దానిని చూస్తుంది మరియు ఎవ్వరు ఏమన్నాగాని దానిని వినుటకు ఎంచుకుంటుంది. మనము వేరొక వైపుకు చూచుటకు మన గురిని మరల్చుకొనము. మనము మన గురిని ఖచ్చితంగా వాక్యము మీదనే ఉంచుతాము మరియు మన చెవులు ఆ స్వరమునకు శృతిచేయబడియున్నవి.

ప్రభువా, ఒక సమర్పణ భావముతో, మా హృదయముల నుండి నీ చెవుల యొద్దకు ఇది మా యొక్క యధార్థమైన ప్రార్థన.

అదేమిటనగా మా జీవితములు మారును గాక, ఈ దినము మొదలుకొని, మా ఆలోచనలో మరి ఎక్కువ సానుకూలముగా ఉందుము గాక. మేము దేవుడిని అడిగినది, దేవుడు ప్రతీ ఒక్కరికి అనుగ్రహిస్తాడని నమ్ముచు, మేము అంతటి మాదూర్యత మరియు సామాన్యతలో జీవించుటకు ప్రయత్నిస్తాము. మరియు మేము ఒకరికొకరమైనా లేదా, ఏ వ్యక్తికైనా వ్యతిరేకముగా కీడు పలుకము. మేము మా శత్రువులను ప్రేమించి మరియు వారి కొరకు ప్రార్థిస్తాము, మాకు కీడు చేయువారికి మేలు చేస్తాము. ఎవరు సరియో ఎవరు తప్పో అనుదానికి దేవుడే తీర్పరియైయున్నాడు.

ఆదివారమున, జఫర్సన్ విల్ కాలమానము ప్రకారము 12:00 P.M., సమయమప్పుడు వచ్చి మాతో కలిసి దేవుని స్వరమును వినుట ద్వారా మీ విశ్వాసమును అభిషేకించుకొనమని నేను మిమ్మల్ని ఆహ్వానిస్తున్నాను, అది మేము దీనిని వినుచున్నపుడైయున్నది: మొఱ్ఱపెట్టనేల? పలుకుము! 63-0714M.

సహోదరుడు. జోసఫ్ బ్రెన్హామ్

వర్తమానము: 63-0707M నేరారోపణ

PDF

• 23-1015 నేరారోపణ & సహవాసము
• 22-0416 నేరారోపణ
• 21-0404 నేరారోపణ

BranhamTabernacle.org

ప్రియమైన గృహ సంఘపు వధువా, ఈ ఆదివారము, జఫర్సన్ విల్ కాలమానము ప్రకారంగా 5:00 pm, సమయమప్పుడు, మనమందరము కూడుకొని మరియు, నేరారోపణ 63-0707m అను వర్తమానమును విందాము.

వెనువెంటనే మనము, 63-0707e సహవాసము అను వర్తమానమును వినుచుండగా మన గృహములలో ప్రభురాత్రి భోజనములో పాల్గొనే పరిశుద్ధ అవకాశము కొరకు మనల్ని మనము సిద్ధపరచుకుందాము. పిదప ప్రభురాత్రి భోజనము మరియు పాద పరిచర్య కార్యక్రమములో పాల్గొందాము. నేరారోపణ టేపు లాగానే, సహవాసము టేపు కూడా వాయిస్ రేడియోలో (ఆంగ్లములో మాత్రమే) ప్లే చేయబడుతుంది, అటు తర్వాత పియానో సంగీతం, పాద పరిచర్యను ప్రారంభించుటకు ఒక కొటేషన్, మరియు సాధారణంగా మనము గృహములో ప్రభురాత్రి భోజనపు కూడికలలో చేసినట్లే, సువార్త గీతములు ప్లే చేయబడతాయి.

ప్రభురాత్రి భోజనపు ద్రాక్షారసమును మరియు రొట్టెను పొందుకునే/తయారుచేసే విధానాలను గూర్చిన లింకులు క్రింద ఇవ్వబడినవి.

ఆయనతో చాలా ప్రత్యేకమైన ఒక దినమును గడుపుటకు మనలో ప్రతి ఒక్కరి గృహములోనికి రాజులకు రాజును ఆహ్వానించుటకు ప్రభువు మనకు ఏర్పాటు చేసిన మార్గమును బట్టి నేను ఎంతో కృతజ్ఞుడనైయున్నాను. మీ అందరినీ ఆయన బల్ల వద్ద కలుసుకొనుటకు నిశ్చయంగా నేను ఎదురుచూస్తున్నాను.

దేవుడు మిమ్మల్ని దీవించును గాక,

సహోదరుడు జోసఫ్ బ్రెన్హామ్

రొట్టెను చేయుటకు / ద్రాక్షారసమును తయారు చేయుటకు సూచనలు

ప్రభురాత్రి భోజనపు ద్రాక్షారసమును / పాదములు కడుగు పాత్రలను పొందుకొనుటకు సూచనలు