Category Archives: Uncategorized

Uncategorized

24-0324 Kumenya Igihe Cawe n’Ubutumwa Bwaco

Ubutumwa: 64-0726m Kumenya Igihe Cawe n’Ubutumwa Bwaco

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi bantu b’agaciro kandi bakundwa,

Ese ukuntu ari igitangaza kumenya ko turi Umugeni Wiwe w’agaciro kandi mukundwa. Tugizwe n’abo kw’isi yose, dukoranira ubwacu hamwe kw’Ijambo RyiWe, twumviriza Ijwi ry’Imana Rigaburira ubugingo bwacu.

TwaraRyakiriye mu kunengesera kwaRyo, no mu bushobozi bw’ukugaragaza n’Uguhishura kwaRyo. Twacitse igice caRyo. Ni ikintu kiri muri twebwe. Kiruta ubuzima kuri twebwe.

Twaramenye : Intumwa Mumarayika waYo w’indwi.
Twaramenye : Ubutumwa bw’Umuco wo ku Kagoroba. Twaramenye : Abo Turi Bo.

Imana Yafashe Ijambo ry’umuhanuzi waYo maze Idukuramwo. Yaduconze muri Malaki 4, nk’uko Yasezeranye ko Yobikoze. Twizeye Ijambo Ryose n’umutima wacu wose.

Hariho umuvyuro uhambaye uriko uraba mu bantu. Nabo bariko baramenya akamaro ko kwumviriza rirya Jwi. Bariko barashaka kugaruka no kuvuza amabande mu mashengero yabo.

Barabimenyeshejwe na Mpwemu Yera ko iyi ari Inzira Imana Yatanze Muri iki gihe. Bamenye ko iri ari Ryo Jwi bakeneye kwumviriza. Ni Imfungurwa zabitswe zo gutunganya Umugeni WaYo.

Ijambo Ryarabisezeranye. Amabande arabitangaza. Baravyizera.

Ryakoze iki ? Vyazazaniye abaherezi, kubona abo bantu bava mu mashengero maze bakagenda. Yavuze ati, “Umwe muri mwebwe ni yaja mu gikorane ciwe, azocibwa. Tuzobaca ubwo nyene mw’idini.”

Biragoye kwemera, ariko vyabaye co kimwe muri iki gihe. Bazobirukana mu mashengero yabo ni muvuga muti, “Turabasavye, ni muvuze amabande.” Mwashobora kwiyumvira na rimwe ko ari ivyo vyotandukanije abantu ? Kuvuza Ijwi ry’Imana mu mashengero yacu ?

Ishengero ryaribagiye abahanuzi baryo. « Ntibakibakeneye » niko bavuga. Ariko Imana Irazi ko Itegerezwa kubagira ; Iconga ihanga ryaYo n’Ijambo RyaYo. Ariko kuri bo vyarataye igihe muri iki gihe.

Tuzogumana n’umuhanuzi wacu. Twizera ko ari Ryo Jwi Rihamagara Umugeni WaYo. Kuri twebwe, nta kintu na kimwe gifise akamaro gusumba GUFYONDA TUKAVUZA.

Yo, ntama z’Imana, mwumvirize Ijwi ry’Imana ! « Intama zanje zumva Ijwi RyaNje.

Muze mwumvirize kandi mumenye iryo Jwi hamwe natwe, kuw’iyinga isaha zitandatu ku mutaga kw’isaha ya Jeffersonville (isaha icumi na zibiri mu Burundi) mu gihe tuzokwumviriza : Kumenya igihe cawe n’ubutumwa bwaco, Ubutumwa bwavuzwe kw’igenekerezo rya 26 mu gitondo ukwezi kwa mukakaro, umwaka wa 1964.
MweneData Joseph Branham.

Uncategorized

24-0317 Kugenda Inyuma Y Insago

Ubutumwa: 64-0719e Kugenda Inyuma Y Insago

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Basoda b’abaKristo,

Muvyiyumvire. Ni igihe c’iherezo, Haleluya !Turi ng’aha. Umunsi uhambaye w’Ukuza kw’Umwami kubw’Umugeni WiWe uregereje. Ubwacu dukoranira hamwe kw’isi yose, dutunganywa mu kwumviriza Imana. Ducunze kandi turindiriye guseruka kw’abakunzi bacu… ni umunsi uwo ari wo wose ubu.

Ikintu conyene twashinzwe gukora ni « kugumana n’Ijambo. » Ivyo tubona vyose ni Yesu, kandi We Ni Ijambo Ryihaye umubiri. Uko ni Uguhishura kw’igihe cacu. Urwo ni Urusago rw’Imana rw’Umugeni WaYo.

Ubu Butumwa, Iri Jwi, aya mabande, ni vyose dukeneye kubw’Izamurwa. Nta kindi na kimwe dukeneye.Twarasohowe, twatandukanijwe n’ikintu cose atari rirya Jwi. Turemeza ko Rirya Jwi ari Inzira Imana Yatanze kubw’iki gihe.

Muvyiyumvire, Yaduhaye umuhanuzi ahambaye cane w’ibihe vyose. Uwo Inkingi y’Umuriro ubwiWe yifotoje nawe ku buryo Yashobora kubwira isi Ati, « Uyu ni umumarayika wanje w’inkomezi. Ni Ijwi RyaNje kuri mwebwe. Ico avuze kw’isi cumvikanira mw’ijuru. Nta n’umwe ameze nkawe ».

« Namujeje, kandi we wenyene, amabanga yaNje yose nahishije kuva kw’itanguriro ry’isi. Ni we natoranirije kubankurira mw’isi. Niwe Natoreye kubarongora, kubayobora no kubereka aho muca. Ndabatangarije, Mumwumvirize, kuko si we avuga, NI JEWE, NDIHO AHAMBAYE.”

Naragenye kandi narahamagaye abantu b’inkomezi gutangaza no kubwira isi bati, “Uyu munsi, Ivyanditswe vya Malaki 4, Ivyahishuriwe Yohana 10:7, na Luka 17:30 birashitse imbere y’amaso yanyu. Umumarayika wiWe w’inkomeze yaraje, nk’uko Ivyanditswe Vyatangaje. Imana Iri ng’aha muri twebwe, Yihishura mu mubiri w’umuntu nk’uko Yavuze ko Yobikoze.

Ni Yesu Kristo Wawundi ejo, uno munsi no mu bihe bidashira. Duhamagariwe kuMubereka, umumarayika w’Imana. Ni we Mpwemu Yera Yatoreye kurongora no gusohora Umugeni WiWe. Ntimuharire, ntimunane, ntimurwane kandi ntimuhwihwishe uwugiye kuba umuherezi mukuru; uwoba iki, kiriya canke ikindi. MUGUMANE NA RIRYA JWI. Kuko hari IJWI RY’IMANA Rimwe gusa Ryagaragajwe kandi izina ryiwe ni William Marrion Branham.

Dutegerezwa kwitondera cane kugumana na rirya Jwi, kuko hari menshi cane ashaka kubajana kure. Imigenzo yabo igumiza rirya Jwi ry’ukuri kure y’abantu. Ryacitse irinyamahanga kuri benshi cane muri bo. Ijwi ryabo ryarafashe ikibanza, ikibanza c’iryo Jwi, gushika aho Imana, mu buryo bw’amabande Ibagendeye, Iba umunyamahanga.

Ukuba ng’aha kw’Imana Guhambaye kw’iteka kuri hamwe natwe. Umuntu wese yitaho ivya Mpwemu ashobora kuvuga ko Rirya Jwi ari Ijwi ry’Imana. Ni Urusago rw’Imana ry’iki gihe.
Umuntu wese avuga ko ari Umugeni wa Kristo ategerezwa guhitamwo Urusago arimwo. Bategerezwa kwibaza iki kibazo gisanzwe : Ni irihe Jwi Umugeni Ashobora kubwira “AMEN” ?

Namba vy’ukuri uri Umugeni wa Kristo, hamwe n’Uguhishura kw’ukuri kw’Ijambo ry’iki gihe, hariho inyishu imwe yonyene : Ijwi ry’Imana ku mabande. Ata nkeka Satani agerageza kubigirako ubukorikori mu buryo bwinshi butandukanye, ariko nta yindi nyishu ku Mugeni. Biroroshe cane.

Twese turazi ko Satani akoresha irya nyishu kugira ngo adutandukanye. Ariko Ijambo Ritubwira ko Umugeni Atagerezwa kuba KWUNGA UBUMWE… TWUNZE UBUMWE, biciye mw’IJWI RYONYENE RITUGIRA UMWE.

Ni muze mwunge ubumwe natwe, kuko igihe kiriko kirarenga cane.

“Nshaka kugenda ntari kumwe n’urusago. Ntaco bitwaye ikiguzi vyontwaracose, nzofata umusaraba wanje maze ndawutware iminsi yose. Nzoja inyuma y’usago. Ntaco bitwaye ico abantu bamvugako, nshaka kuMukurikira inyuma y’urusago. Nditeguye kugenda.”

Namba ushaka kuba mu Rusago rwImana rw’iki gihe, UTEGEREZWA KWIZERA ko Ijwi ry’Imana ku mabande ari Ijwi ry’ingira kamaro kuruta ayandi utegerezwa kwumva.

Ni muze mwifatanye n’igice c’Umugeni kuri uyu w’iyinga isaha zitandatu ku mutaga, kw’isaha ya Jeffersonville (isaha icumi na zibiri mu Burundi) mu gihe twumviriza Ijwi Imana Yahisemwo kurongora Umugeni WaYo, mu gihe azana Ubutumwa, Kugenda Inyuma y’Urusago, Bwavuzwe kw’igenekerezo rya 19 ku mugoroba, ukwezi kwa mukakaro, umwaka wa 1964.
Si “urusago” ; ni RURYA RUSAGO.”

MweneData Joseph Branham.

Ivyanditswe vyo gusoma imbere y’Igikorane :

Abaheburayo 13 : 10-14
Matayo 17 : 4-8

Uncategorized

24-0310 Umunsi Mukuru WInzamba

Ubutumwa: 64-0719m Umunsi Mukuru WInzamba

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Bana b’Umuco,

Ese ukuntu dukenguruka kuba tugendera mu Muco WiWe. Kuba igice c’uwo Muco, twamenyekaniye hamwe n’uwo Muco. Guhamagarwa no gutoranywa naWe. Turi Umugeni wa Kristo, Yamenyekaniye hamwe naWe. Ubu abo babiri ni Umwe.

Sinoshobora na rimwe kuvyandika kenshi cane. Ntidushobora na rimwe kubivuga bihagije. Ubu Butumwa busigura VYOSE kuri twebwe. Kumenya ko dufise Uguhishura kw’ukuri kw’Ijambo RyiWe birengeye ikintu cose twoshobora gushira mu majambo.

Kuba tubayeho muri iki gihe no kuba igice c’ibiriko biraba, ni icubahiro gihambaye cane Imana Yoshobora kuduha. Nk’uko vyari bihambaye kuba twicaye mu bikorane kuri Branham Tabernacle, tubona kandi twumviriza umumarayika w’Imana azana ubu Butumwa, BIRANAHAMBAYE GUSUMBA kubaho muri iki gihe, n’iki kiringo, no kuba ugushitswa kw’iryo Jambo.

Imana mu Mugambi waYo uhambaye, Yaciye Inzira yuko twoshobora kuba dukoranye kw’isi yose, twumviriza Ijwi ry’Imana twese mu mwanya umwe, gutunganywa n’Ijambo RyaYo. Kuba turindiriye kwumviriza kw’isegonda iyo ari yo yose umumarayika ntumwa wacu w’indwi avuga ati:

“Ng’Uwo Umwagazi w’Imana Akura icaha co mw’isi !”

Ntihigeze haba ikintu na kimwe nkaco kuva kw’itanguriro ry’igihe. Uguherahezwa kw’Umugambi Uhambaye w’Imana uriko uraba, UBU NYENE, kandi turi igice cawo. Umunsi Uhambaye w’Umwami Uregereje.

Amabanga yose yarahishuriwe Umugeni n’umumarayika ntumwa w’Imana. Udushashara, Ibihe, Imituragaro, Ukwizera kw’Izamurwa, Ugukwegwa kwa Gatatu. VYOSE vyaravuzwe kandi biri kuma bande ku buryo Umugeni Ashobora kuvyumviriza asubira yiyongeza kandi BIRADUTUNGANYA.

Mpwemu Yera Yaragarutse mw’Ishengero ubugira kandi ; Kristo ubwiWe, Yihishuye mu mubiri w’umuntu, mu gihe c’akagoroba nk’uko Yasezeranye.

Ubu ni wumvirize neza Mugeni, bicakire.

Twarasohowe n’Ijambo ; Kristo ubwiWe Yaradusohoye. Yarishize ku mugararo ubwiWe kuri twebwe ; Abaheburayo 13 :8, Luka 17 :30 ; Malaki 4, Abaheburayo 4 :12, ibi Vyanditswe vyose Yasezeranye.

Ni Yesu, Umwana w’Imana, Yatwihishuriye ubwiWe muri ibi Vyanditswe vyari vyaratoranirijwe iki gihe, BISUBIRA KUBA BIZIMA.

Kandi kuVyizera, ni ikimenyamenya ca Mpwemu Yera.

Imana Yarungitse umuhanuzi waYo gusohora Umugeni waYo. Ijambo Ritubwira ko umuhanuzi ari Ijambo ry’Imana Rizima, Ryagaragaye. Ni ikimenyetso ca nyuma isi izoronka ; Yehova Avugira mw’ishusho y’umuntu.

Umuntu mu mubiri w’umuntu, nk’umuhanuzi, naho biri uko yari Elohim Ahishura iciyumviro cari mu mutima wa Sara inyuma yiWe. Kandi Yesu Yavuze Ati, « Nk’uko vyari mu gihe ca Loti, niko bizoba ku gushika kw’iherezo ry’isi, igihe Umwana w’Umuntu, » atari Umwana w’Imana, « igihe Umwana w’Umuntu Azoba ariko Arahishura. »

Umugeni Arabizi ko namba udahengeshanya kuba mw’Ijambo, ntuzomenya Uwo Ari We. Barazi akamaro ko kugumiza iryo Jwi imbere yabo buri munsi mu gufyonda bakavuza.

Ubu Umugeni Ategerezwa kuva mu nzira, maze Akaduga, kugira ngo ba bahanuzi babiri b’Imana bo mu Vyahishuriwe Yohana bashobore kugaragara ku rubuga kugira ngo bavuze Inzamba y’Indwi. Kubamenyesha Kristo.

Ni muze mube igice c’ubuvugishwa buriko burashitswa kuri uyu w’iyinga isaha zitandatu ku mutaga, kw’isaha y’i Jeffersonville, (isaha imwe yo ku mugoroba mu Burundi) mu gihe umuhanuzi w’Imana Azana Ubutumwa, Umunsi Mukuru w’Inzamba, Bwavuzwe kw’igenekerezo rya 19 mu gitondo ukwezi kwa mukakaro mu mwaka wa 1964, azobwira Data kandi avuga ati,

Nkumbure hariho bamwe mu bihugu, kw’isi yose, iyi bande ishobora guhurira nabo iwabo, mu mashengero. Turasaba, Mwami, ko mu gihe hariko haraba igikorane, ku—ku… canke ko ibande iriko iravuzwa, canke aho ari ho hose twoba turi, canke—canke uko twoba tumeze kwose, ko Imana Ihambaye Yo mw’Ijuru Yubahiriza ukuri kw’imitima yacu, muri iki gitondo, maze Igakiza ababikeneye.

MweneData Joseph Branham.


Ivyanditswe vyo gusoma imbere yo kwumviriza Ubutumwa :
Abalewi 16
Abalewi 23 :23-27
Yesaya 18 : 1-3
Yesaya 27 :12-13
Ivyahishuriwe Yohana 10:1-7
Ivyahishuriwe Yohana 9 :13-14
Ivyahishuriwe Yohana 17 :8

Uncategorized

24-0303 Igikorwa C Akaroruhore

Ubutumwa: 64-0705 Igikorwa C Akaroruhore

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi muryango w’igikorwa c’akaroruhore,

Mbega ukuntu ubu Butumwa buheruka bwabaye ubw’igitangaza ku mugeni wa Kristo. Imana yikurako umwitwikiro ubwayo imbere yacu, yihishura ku mugaragaro. Isi ntishobora kubibona, ariko kuri twebwe, umugeni waYo, nivyo gusa dushobora kubona.

Twaramenye igihuzu hanyuma turaMubona ku mugaragaro. Imana, mu rukoba rw’umubiri w’umuntu. Ijambo Ryihinduye umubiri, neza na neza nk’uko yabisezeranye muri Luka 17 hamwe na Malaki 4. Yinyegeje ubwiwe mu mwitwikiro w’umuntu, mu muhanuzi wiWe no mw’ishengero ryiWe.

Turi abantu ba mbere bahiriwe mw’isi igihe twumviriza Imana ivuga biciye mu ntumwa mumarayika wayo maze atubwira,

Ndabashimiye. Ndanezerewe cane kwifatanya namwe. Ndanezerewe cane kuba umwe muri mwebwe. Imana ibane namwe. Izobikora. Ntizobasiga. Ntizobaheba. Ntizobasiga. Mwaramaze kumena igihuzu ubu.

Twacitse utuzeze kuri buri muntu wese, mbere no mu kibano cacu, ariko turahimbawe cane, turashimye cane, kubwo uguhishurirwa kw’ijambo ryaYo yaduhaye kubw’iki gihe. kuba abasazi kubwa Kristo n’ijambo ryiwe ryagaragajwe. Twashize ukwizera kwacu mu kwizera kw’umuhanuzi wiWe kandi twiyunze turi hamwe, turiko tugira UBUMWE buhambaye bw’Imana. Nta kintu ashobora gukora tutahari; ntakintu dushobora gukora uwo muhanuzi adahari kandi ni nk’uko tutashobora gukora ikintu na kimwe n’Imana idahari. Kubw’ivyo twese hamwe tugira UBUMWE, Isano, Imana, Umuhanuzi wayo, Umugeni wayo. Twahindutse igikorwa c’akaroruhore.

Vyayitwaye imyaka ibihumbi bine kugira ireme igikorwa ca mbere cayo c’akaroruhore. Rero, vyayitwaye imyaka ibiri kugira ireme, ikindi gikorwa cayo c’akaroruhore, TWEBWE, Umugeni wayo, umuryango wayo uhambaye w’igikorwa c’akaroruhore, Adamu wa kabiri hamwe na Eva wa Kabiri. Turiteguriye ubu rya tongo, inganji y’imyaka igihumbi. Yaratubumbabumvye ubugira kandi kandi ubu turiteguye. Turi umugeni Jambo wiwe atunganye, igice c’ukurema kwiwe kw’inkomoko. Umutumba, intimatima n’igishishwa, bikoraniye mu rubuto ubu, vyiteguriye kuzuka kandi vyiteguriye kwimburwa. Alpha yahindutse omega. Urubuto rwatewe, rwaraciye mu ntambuko hanyuma ruhinduka urubuto ubugira kandi.

Urubuto, rwaguye mw’itongo rya Edeni, hanyuma rupfira hariya, rwaragarutse. Urubuto rudatunganye rwapfiriye hariya, rwahindutse urubuto rutunganye, Adamu wa kabiri.

Ubu twahindutse adamu wa kabiri, umugeni w’ukuri, urubuto, rwahindutse ijambo ry’inkomoko ubugira kandi. Dutegerezwa kugira ibisabwa vyose vy’ijambo kugira ducike urwo rubuto. Ntidushobora kugira igice c’urubuto ; ntidushobora gukura, dutegerezwa kuba urubuto rwose.

Hari ikintu kimwe gusa casigaye, iyimbura riri hano. Tureze. Twiteguriye ukuza. Mu gihe c’iyimbura. Urubuto rwasubiye ukwo rwari rumeze ubwa mbere. Umuryango w’igikorwa c’akaroruhore waragutse, Kristo n’umugeni wiwe. mu gutera intege umuhanuzi wiwe n’umugeni wiwe, Uhoraho yahaye umumarayika waYo ahambaye iyerekwa. Yamuhaye icijiji c’ico turi, umugeni wiwe. Mu gihe twaca iruhande yiWe yavuze, twari abigeme batoya baberewe. Yavuze ati, ‘’ twese twari tuberewe kuriwe mu gihe twarengana.

Mu mpera, bamwe baravuye mu mumurongo hanyuma bagerageje uko bashoboye gusubira mu murongo. Rero yaciye atahura ikintu kinaka ngirakamaro, bariko baritegereza hanze ahandi hantu, ntibariko baramwitegereza. Bariko baritegereza rirya shengero ryinjiwemwo n’akajagari.

Ese ukuntu tunezerewe kandi dushima , si twebwe, ari imbere, ntitwavuye mu murongo canke ntitwamukuyeko amaso.

Rero igikorwa c’akaroruhore hamwe n’umwana w’Imana, igikorwa c’akaroruhore ni umugeni kandi ni igice ciwe, gitegerezwa kuba ugushitwa kw’Ijambo. Ijambo ryarashikijwe kandi turiteguriye ukuza kw’Umwami.

Ese ukuntu duhimbawe no kumenya, ko turi umuryango waYo w’akaroruhore, umugeni w’ukuri waYo. Ijambo ryarashikijwe, kandi turiteguriye ukuza kw’Umwami.

Turabatumiye kuza kwifatanya natwe uyu w’iyinga isaha zitandatu z’umuhingamo, kwisaha ya Jeffersonville mu kwumvirizanya natwe ijambo hanyuma duhinduke igice c’umuryango w’Imana w’igikorwa c’akaroruhore mu gihe tuzokwumviriza Umuhanuzi atuzanira ubutumwa: Igikorwa c’Akaroruhore 64-0705.

MweneData Joseph Branham
Ivyanditswe vyo gusoma imbere y’ubutumwa:
Yesaya 53: 1-12
Malaki 3:6
Matayo 24:24
Mariko 9:7
Yohana 12:24/14:19

Uncategorized

24-0225 Akazeze

Ubutumwa: 64-0614e Akazeze

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bagenzi Bakundwa,

Ni isaha zitandatu z’umuhingamo i jeffersonville, isaha imwe y’ijoro muri africa, isaha zine zo mu gitondo muri Arizona ;umugeni yamye akoraniye hamwe kw’isi yose. Twarindiriye indwi yose iki gihe. Turindiriye ico twiteze gihambaye, turindiriye yuko Imana yovugana natwe biciye mu kanwa k’ikiremwa muntu mu nzira y’intumwa Mumarayika w’indwi wayo w’inkomezi. Turiko turasenga, dusenga tuti, ‘’ Mwami Ntegura, nsiga, kandi umpe uguhishurirwa kurushirije.’’

Turahagijwe, kuko tuzi tudakekeranya y’uko umuhanuzi, kandi ari Umuhanuzi wenyene afise amajambo y’Ubugingo kubw’iki gihe. Birashoboka ko vyose tutoshobora kubisigura, ariko turazi yuko twizera buri Jambo kandi turyumiyeko.

Turazi, nk’uko Uhoraho yakoranye na Mose, Imana yiteguriye gushira hejuru Umuhanuzi wayo imbere yacu. Ico gihe, yaranyiganyije imisozi. Iki gihe, anyiganyiza amajuru n’isi.

Igihe cashitse. Imitima yacu iriko iragurugumbira muri twebwe. Turiko turumva ururirimbo ruhayagiza Igihugu cacu rutanguye kuvuzwa. Mu guhuza imitima n’inama, umugeni wo kwisi yose arahaguruka hanyuma agatangura kuririmba, IZERE GUSA, Ibindi vyose birashoboka, Izere gusa. Imana yiteguriye kuvugana natwe.

Turumviriza:’’ Mwaramutse bagenzi.”

Imitima yacu iranezerwa mu kwumviriza aya majambo atatu gusa. Umuhanuzi yarampamagaye jewe umugenzi waYo. Rero aratubwira Ati,

Ndabakumbuye mwese. Ntaco bintwaye aho nja hose, jewe- jewe… si, si mwebwe. Ndafise abagenzi, kw’isi yose, ariko si- simwebwe mwese. Hariho ikintu kinaka cerekeye uyu mugwi mutoya… sindabizi. Ndabiyumvirako… nta mugwi mfise kw’isi, uko nshobora kumenya, ugumana nanje nk’uyu mugwi. Ese Imana yoduhezagira kugira ngo ntitube abotandukana, mu bwami bugiye kuza, ese twese twoba hariya niryo sengesho ryanje.

Ni ukuhe guhishurirwa guhambaye Imana iza kuduhishurira uyu munsi? Mbega tuza kwumviriza iki? Nkumbure twaravyumvirije incuro nyinshi imbere y’aho, ariko uyu munsi biza kuba ari ibitandukanye, gusumvya uko vyigeze kuba mbere.

Ni ibiki? Imfungurwa z’uwizera. Umutsima uvuye mw’ijuru tuzogaburirwa. Umutsima wa twebwe gusa, umugeni wayo. Ni ubwiza bwa Shekina kuri uyo mutsima udutuma tutononekara.

Abo hanze baratwitegereza maze bakavuga bati,’’ mbega mwebwe muriko mukora iki? Muriko murumviriza amabande gusa? Bantu mwe vyukuri muri utuzeze.”

Imana ishimwe!! Turanezerewe cane, kandi turashimiye uhoraho kubwo kuba utuzeze; turi utuzeze kubwiWe kandi kubwo Ijambo ryagaragajwe ryiWe. Turanezerewe no kubwira isi,” EGO, NDIZERA IVUGABUTUMWA RYA BANDE. NDIZERA GUFYONDA UKAVUZA. NDIZERA KO ARI RYO JWI NGIRAKAMARO GUSUMBA AYANDI MUSHOBORA KWUMVIRIZA. EGO, NDIZERA KUGARUKANA AMABANDE KURI ALUTARI.”

Igihe igihuzu c’imigenzo cakugwaho, murashobora kubona yuko Imana iguma ari Imana y’ijambo ryayo. Iracashitsa ijambo ryayo. Ni- ni Imana, mwene Ijambo ryayo.

Ntaco bitwaye ic’uwundi muntu wese yokora canke yovuga, turavyizera, hanyuma tukabikorerako. Namba mutabikora, rero ntimuvyizera. Ntimuri hirya y’igihuzu. Kirya gihuzu gikomoka k’umuntu umwe. burya Butumwa ni bumwe.

Ndizigiye kandi ndizera yuko mwumvise ugutahura kwa Mpwemu c’ivyo Imana yagerageje gushika mw’ishengero itabivuze hanze. Murabona? Ni ikintu, igihe kanaka, dutegerezwa kuvuga ibintu muri ubwo buryo uko vyotegerezwa, bamwe vyobatuma basohoka, abandi bagenda, abandi bagashinga inanga. Ariko bikorwa neza. Bitegerezwa gukorwa muri ubwo buryo.

Ijambo ryahishuriwe Umuhanuzi w’Imana. Si umugwi, abafarisayo, canke abasadukayo, canke agace kanaka, canke umuryango munaka. Ni UMUHANUZI! Imana yarondeye umuntu umwe. Ntiyarondeye babiri canke batatu. Yafashe umuntu umwe. Niwe afise Ijambo kandi wenyene.

Rero vyoshoboka yuko bamwe bashobora kuvuga bati, ‘’ ushatse kuvuga yuko Imana yokora nk’uko nibigirankana.” Ata nkeka yarabikoze. Irabikora nibigirankana.

Nk’uko bavuze haraciye imyaka amajana, twumva vyabintu nyene uyu munsi tuti,’’ ariko hariho abandi bantu hano Imana yahamagaye.” Uko ni ukuri. kandi mu gihe bakurikiye maze bagakurikiza, amen, ariko iyo umwe agerageje guhaguruka hama agafata ikibanza c’Imana Imana yahaye Umuhanuzi wacu yatoranirijwe maze akagenwa kubwo ico gikorwa, dutegerezwa kugumana n’ijambo ryagaragaje Ijwi ry’Imana kubwo igihe cacu.

Itegereze, urupfu, rube kure yavyo ubu. mutegerezwa kuvyinjiramwo biciye muri iki gihuzu, bitari uko ntibizoshoboka. Ni gute Imana yoshobora kutugirira Imbabazi, ariko mwibuke uko vyari biri igihe Imana yagaragaje ivyari inyuma y’ico gihuzu. Itegereze ivyari inyuma y’ico gihuzu, Ijambo! Vyatwikiriye iki? Ijambo! Vyari ibiki? Ryari Riri mw’ isandugu y’isezerano. Ryari Ijambo, ico gihuzu canyegeje. Murabona? Kandi Yesu yari iryo Jambo, kandi nubu ni iryo Jambo, hanyuma igihuzu c’umubiri wiwe caraRinyegeje.

Kuri twebwe, ni ukugaragazwa! Birengeye Ijambo, ni ukuri ! amen !
Turazi ko kubandi turi utuzeze, kandi vyokwumvikana ko turi abasazi kub’isi, ariko bikwegera abantu bose kuri we.

Ingo hanyuma mwiyunge n’Ijambo hamwe natwe uyu w’iyinga isaha zitandatu z’umuhingamo kw’isaha ya jeffersonville, mu gihe tuzokwumviriza umuhanuzi abwira isi ukuntu turi Utuzeze 64-0614E.

Turanezerewe kandi turahimbawe kuvuga ico turi.
MweneData Joseph Branham

Ivyanditswe vyo gusoma imbere yo kwumviriza Ubutumwa
1 Ab’Ikorino 1:18-25
2 Ab’Ikorinto 12:11

Uncategorized

24-0218 Ugukurwako Umwitwikiro KwImana

Ubutumwa: 64-0614m Ugukurwako Umwitwikiro KwImana

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni wo hirya ya ca gihuzu,

Kubera iki nguma, ‘’ ku GUFYONDA MUKAVUZA ko ari ikintu ngirakamaro mushobora gukora?” kubera iki nguma mbwira Abungere nti,” garukana mweneData Branham kuri Alutari zanyu.”
Ibi biroroshe. Mu kwumviriza ijwi ry’itumwa Mumarayika w’indwi kuri bande, ni ukumviriza IJAMBO RIZIMA. Imbere y’abantu, Imana yaritwikiriye ubugira kandi maze igaragaza Mose, kubw’umwitwikiro, yitwikira ubwiwe n’Inkingi y’umuriro, ya Nkingi y’umuriro yaciye Imanuka. Kuva ico gihe… kuri bo, kugira bashobore kwumviriza ijambo ry’Imana. Murabitahura ? ijambo gusa, barumvise ijwi ryiWe. Kuko Mose yari kuri bo Ijambo rizima.

Vuga ibijanye n’umukozi w’Imana w’ikibiriraho! Ijwi twumviriza kuri bande ni ijwi ry’ijambo rizima ry’Ijambo ryacu. Nta kindi kintu gihambaye kubiruta.

Mu gihe ca Mose, abana b’isirayeri bonyene abari mu nsango nibo bashobora kwumviriza ijwi ryiwe ariko uyu munsi Imana yashatse kwumviriza ijwi ryayo, NIYO MPAMVU YARIFASHE KURI BANDE, Kugira umugeni wayo ashobore kwumviriza ijwi ry’Ijambo rizima.

Imana Yitwikiriye ubwaYo mu muhanuzi wayo, kugira ibabwire amajambo yaYo. Ivyo nivyo yakoze. Mose yari iryo Jambo rizima ku bantu, yatwikiriwe n’inkingi y’umuriro.

Namba udafise uguhishurigwa kw’ivyo kubw’igihe cacu, ntushobora kuba umugeni wa Yesu Kristo. Namba ubishoboye, rero uri umugeni wa Yesu Kristo kandi uzotegerezwa kuvuga uti,” nta kindi kintu ngira kamaro gisumvya kwumviriza bande. Kubera ni ijwi ry’Imana rivuga umunwa ku gutwi.”

Benshi bagerageza gutera ubwoba abantu maze bakavuga ko dushingira cane ku vyerekeye Umuhanuzi; ko tumusenga, bagenzi, niwe yavuze ibi bintu, si jewe. Ndiko mvuga gusa iri jambo.

Nk’ukwo vyakozwe muri buri gihe Ubumana bwatwikiriye umubiri w’umuntu. Itegereze , yarabikoze. Abahanuzi bari ubumana. Batwikiriwe. bari Ijambo ry’Imana( uko ni ukuri?) batwikiriwe umubiri w’umuntu. Rero, ntibigeze bamenya Mose wacu canke ngo babone Yesu.

Ntituriko dusenga umuntu, ariko ni Imana itwikiriwe kandi yihishura ubwayo biciye mu muhanuzi. Kugira ngo utahure hanyuma wizere ivyo, utegerezwa gukora ibi. Ntukiri hirya ya ca gihuzu, mwebwe bantu bato, Imana yarabiyeretse ata nkeka.

Ntitukiri hirya ya ca gihuzu ukuntu, dushobora kubibona ko ari Imana iriko yihishura ubwayo ku mugaragaro. Vyarahishuwe ko kwumviriza iryo Jwi ku ma bande ko aba ari Imana iba Ivugana n’umugeni wayo. Turizera ko ari inzira Imana yateguye kubw’iki gihe.
Dushobora kuvuga AMEN kuri iryo Jwi, ntarindi. Iryo jwi rizokwamamaza ubutumwa, ryigishe kandi riduhishurire ikintu cose dukeneye kumenya. Iryo jwi rizotudondora ku mwami wacu Yesu Kristo. Ivyo dushaka kandi dukeneye ni iryo Jwi.

Turakengurutse kubw’ibikogwa bitanu vy’ivugabutumwa vy’Imana biriko birakoreshwa kugira ngo vyereke abantu iryo jwi; abungere bacakiye imbono kandi bafise ihishurigwa yuko kuvuza ama bande mu mashengero yabo ari ikintu ngirakamaro kubw’abo bantu babo .

Turabatumiye kuza kwumviriza hamwe natwe rya Jwi Jambo Rizima Ry’inkomezi uyu w’iyinga isaha zitandatu z’umuhingamo kw’isaha ya jeffersonnville mu gihe twumva rihishura: ugukugwako umutwikiro kw’imana 64-0614M

MweneData Joseph branham

Uncategorized

24-0211 Hindukiriza Amaso Kuri Yesu

Ubutumwa: 63-1229E Hindukiriza Amaso Kuri Yesu

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Rubuto Rwabanguriwe,

Woshobora kwiyumvira ukuntu bizoba ari igitangaza kwicara no kwumviriza intumwa mumalayika w’indwi w’Imana akubwira ukuntu adahengeshanije no kubatangariza umugambi wose w’Imana? Mukuja mw’ido n’ido ry’ibijanye n’ugukwerwa kwa gatatu, hamwe no kukwemeza ukuntu vyagaragajwe?

Ukuntu Imana yaremye inkezi zica ziraboneka; nka kurya nyene yaremye umwagazi kubw’Ijambo kuri Aburahamu. Ukuntu iryo Jwi nyene ryamubwiye kuvugisha mushikiwe yitonda yitwa Hattie, uwavuze ikintu c’ukuri, kandi yamubwiye ko rya Jwi nyene ryavuze inkezi zigaca zibaho ryamubwiye kumuha ico ari co cose yashaka hanyuma arabe ko kidaca gishika ubwo nyene.

Ukuntu umusi umwe igihe yariko arahiga mu bugararwa hamwe n’abagenzi biwe, igihuhusi c’inkomezi caraje kimutuma agenda. Ariko ukuntu Imana yavuganye nawe, umunwa kugutwi hanyuma Ivuga iti, “ Naremye Ijuru n’Isi. Ncecekesha uyu muyaga w’inkomezi mu kiyaga.”

Ukuntu yasimvye maze akura inkofero yiwe nk’uko Ijwi ryari ryamubwiye riti, “bwira gusa uwo muyaga, uca uhagarara. Ico uvuze cose nico kizoca gishika.”

Ntiyakekeranije iryo Jwi, ariko yikoze mugahogo maze avuga ati, “ Wa gihuhusi we, hagarara. Kandi izuba ryatse ibisanzwe imisi ine gushika tuvuye hariya.”

Amaze kubivuga imvura y’urubura, urubura rwaciye ruhagarara. Muri ico gihe izuba ryaciye rimwakira ari ryinshi. Umuyaga waciye uhinduka hamwe n’ibicu, nk’ikintu c’insigabwenge, uduga mukirere, hanyuma izuba ryaciye rica ibibatsi umwanya munaka.

Kandi yashoboye kukubwira ukuntu imbere y’imyaka 16 ivyo vyagaragajwe, Imana yamweretse ko hariho ikivyimba ku gasaho k’imbuto ya muka Branham, hamwe n’impamvu kashizwe hariya. Ukuntu basenze Imana cane kugira Igakuremwo burundu. Rero, ndashima ko yari Imana yariko irageza Ukwizera kwabo.

Rero imbere kategerezwa gukurwamwo n’ukubarwa, yariko avugana n’Imana ukuntu yamubereye umugore w’igitangaza. Ukuntu atigeze amwidogera igihe yari muhira. Ukuntu yamutegurira ikintu cose igihe yaba agomba aje guhiga, kwiha amahoro no kuvugana n’Umwami.

Rero yumvise ikintu mu cumba. Mu gihe yitegereza hejuru, rya Jwi ryavuze riti, “ Haguruka,” hanyuma ryavuze rirti, “ rero ico ari co cose uvuga, uko niko gica kiba.”

Yararindiriye akanya gato, hanyuma avuga ati, Imbere yuko ukiganza c’umuganga kimukorako, Ikiganza c’Imana kizokuraho ico kivyimba, kandi ntikizongere kubonekana.”

Mukanya gato imbere yuko ikiganza c’umuganga kimukorako, yari yamaze gukira. Ni uku umuganga yamubwiye, “ nagira ndakwemeze, muka Branham yuko ca kivyumba kitakihari ukundi. Ntugifise ikivyimba.”

Ese ukuntu Ijambo ry’Umwami ritunganye!

Mukumwumva akubwira ko atagukekeranya kukiri mu vyiyumviro vyiwe, arazi ico ugukwerwa kwa gatatu bisigura, kandi arazi ico gukora. Kubwiwe, kizoba ari ikintu kizotanguza ukwizera kw’izamurwa, mukwigira.

Twebwe mukwubaha no mugutekereza, aho vuba igihe kizoshika aho Imana izodukorera ibintu bihambaye. Igihe ico gihe kizozira, igihe ukudunerezwa kuzururukira, rero tuzobona ivyo twabonye igihe gito, bigaragazwa mu kunengesera mu bushobozi bwavyo.

Tuzoronka umuhezagiro uhambaye uwu w’iyinga isaha zitandatu z’umuhingamo, isaha ya Jeffersonville. Nashaka kubatumira kubana natwe mu gihe tuzokwumviriza : Hindukiriza amaso kuri Yesu 63-1229E.

Ntituzoba dukoraniye hamwe mukwumviriza Umuntu; hariho abantu benshi mw’ibarabara, kandi benshi bumvikanwa cokimwe. Ntituzoba turiko twitegereza kandi twumviriza Umuvugabutumwa canke umwungere, Tuzoba turiko twitegereza kandi twumviriza Yesu.

Tuzoba dukoraniye hamwe kw’isi yose twumviriza Uwo Muntu, Uwo Muntu w’Imana, Urya Yesu w’Inazareti mu mubiri, Imana, Ivugana n’Umugeni wayo.

Utegerezwa kwibaza, uriko witegereza iki uyu munsi? Ubona iki igihe witegereje? Ushobora kuMubona gusa mu gihe uMurabiye mw’Ijambo.

Ivyo yari afise igihe yagendagenda I Galilaya, nivyo bintu ariko arakorera Jeffersonville, niko Ameze aha muri Branham Tabernacle. Iyo witegereje ubona uwatanguje, umuntu w’Idini? Ntuzokwigera ubibona muri Yesu. Witegereje ubona umupatiri ahambaye? Ntuzokwigera ubibona muri Yesu. Oya. Ni gute ubona Yesu ? Kubwo Ijambo ry’Imana ryagaragajwe. Kuko yari We Jambo ry’Imana ryagaragajwe. Ico yari ico gihe , nico ari iri Joro kandi niko azokwama ibihe vyose.

Itegereze Yesu hanyuma ubeho; biranditswe biri mw’Ijambo, Halleluya!

Ni ukwitegereza hanyuma tubeho.

MweneData Joseph Branham

Ivyanditswe vyo gusoma imbere yo kwitegurira kwumviriza Ubutumwa :

Guharura 21:5-19
Yesaya 45:22
Zekariya 12:10
Yohana 14:12

Uncategorized

24-0204 Hariho Umuntu Ng Aha Ashobora Kwatsa Itara

Ubutumwa: 63-1229M Hariho Umuntu Ng Aha Ashobora Kwatsa Itara

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Shusho ya Yesu Kristo,

Abantu biyumvira ko turi abasazi, twicaye mu mazu yacu no mu mashengero twumviriza ama bande. Biyumvira ko ikigoyi kitwishe. Ntibatahura ko twicaye mu nyonga z’umuco, w’u kwezi kw’umunani, umwana ,yeze kandi agaburirwa imfungurwa zibitswe nk’inyana mu ruhongore.

Turi ingano zikuze ziteguriwe kujanwa. Namba bakeneye kubaho mu migenzo yabo ni babandanye. Si twebwe, tubaye mu muco w’igihe cacu.

Ni uwuhe muco w’igihe cacu? Imana yarungitse kwisi umumarayika w’indwi wayo w’inkomezi kugira arongore umugeni wayo. Yari igiki? Yari Umuhanuzi. Ivyo yavuze vyarashitse. Yari ijambo ry’Imana ryagaragajwe, yari ukugaragazwa kw’umuco w’Ijambo ry’Imana. Yari umuco w’Imana kubwo iki gihe.

Mose yarabandanije, uko biri kose, kuko yari ubugingo, yari umuco w’ico gihe. ico yari afise, cari igiki? Imana yagaragaje Ijambo ryayo ryasezeranwe biciye muri Mose, kandi Mose yari uwo muco.

Eliya yari uwo muco. Umuco! Haleluya! Yari umuco. Umuco! Yari ijambo ry’imana ryagaragajwe.

Yohana, igihe yaza kw’isi… Yesu yavuze ati,” yari umuco kandi umuco utamanzuye.” Haleluya! Kuki? Kuko yari ijambo ryagaragajwe.

Rero bijanye n’Ijambo, umuco w’Igihe cacu ni Umuhanuzi w’Imana, William Marrion Branham. Uwusemerera mu bugaragwa Bw’Ibabuloni ati ,’’ ni muve iwe mwa bantu banje mwe kugira ntimube abasangira ivyaha vyiwe.”

Yari ugushitswa kwa Malaki 4:5 n’ivyahishuriwe Yohana 10:7, yikoze mu gahogo maze avuga ati, “ bizoba.” Kandi vyarabaye ata kintu na kimwe kiri muri ivyo. Ntiyarafise inkezi, nta nimwe yari hariya, yavuze gusa ati,” nibeho kandi yarabayeho.”

Ijambo ry’Imana ntirinanirwa kandi ritegerezwa gushitswa. Twarabonye umuco; ijambo ryayo yasezeranye kubwo iki gihe. Ryaremejwe hanyuma rigaragazwa kwari ukuri. Ni umuco w’Igihe. Nta gisubirizi cuko ivyo turiko turumviriza bitoba ijambo ryagaragajwe kubwo iki gihe. Nta NYO ZIRI MURI RYO… NTANAMBA. Asangwa abandi bahagijwe n’ikindi kintu ni babandanye ariko twebwe suko.

Ntibisigura ko mudashobora kwumviriza umwungere wanyu canke kw’Ivugabutumwa ritokwigisha; suko, ariko mutegerezwa kuyungurura buri Jambo ryose mwumviriza biciye mu kayungiro gahambaye k’Imana, UBU BUTUMWA KURI BANDE.

Igihe bavuga ko iminsi y’ubutumwa bw’umuntu yarenganye, ivyo ni INYO. Igihe bavuga ko ubu butumwa atari icishimikizo ntanyiganyizwa cabo ivyo ni INYO. Igihe bavuga yuko kwumviriza ama bande bidakwiriye ivyo ni INYO.

Nta kintu gihambaye gusumba gufyonda ukavuza, uzi kushobora kuvuga AMEN Kuri buri Jambo. Nta handi hantu ushobora gukora ivyo atari kumviriza ubutumwa bw’Igihe.

Rero turi ishusho ya Yesu Kristo kubwo iki gihe. Turi ijambo ryiwe ryagaragajwe. Turi abo yahisemwo kugira turonke ugihishurirwa kwiwe guhambaye kw’Igihe ca nyuma. TURI UMUGENI WIWE.

Umugeni wayo gusa niwe azoronka uguhishurigwa kw’ukuri kw’umuco w’iki gihe. Bazobimenya, uyu muco uzobatunganya, uyo muco ni Mpwemu Yera avuga biciye mu ntumwa Mumarayika wayo.

Woba wifuza kwicara mu nyonga z’umuco w’Imana kubwo iki gihe? rero ndabatumiye kwifatanya natwe ku wiyinga isaha zitandatu z’umuhingamo kw’isaha ya Jeffersonville ( hakazoba ari isaha imwe y’ijoro mu Burundi) mu gihe tuzokumviriza, Hariho umuntu ng’aha ashobora kwatsa Itara 63-1229M

Mwenedata Joseph Branham
Ivyanditswe vyo gusoma imbere yo kwumviriza ubutumwa:

Itanguriro 1:3, igice ca Kabiri
Zaburi 22
Yoweli 2 :28
Yesaya 7 :14, 9 :6, 28 :10, 42 :1-7
Matayo 4 :12- 17, igice ca 24 ni ca 28
Mariko 16
Ivyahishuriwe Yohana 3

Uncategorized

24-0128 Ubwoko Butatu Bw Abizera

Ubutumwa: 63-1124E Ubwoko Butatu Bw Abizera

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Uwizera,

Ese ukuntu ari vyiza cane kuvuga uti, NDI UWIZERA. Atari muri nemera; Ijambo! Atari mw’idini; Ijambo ! atari ivyo uwundi muntu avuga ; ariko ivyo IJambo rivuga !

Ntitwibaza ikintu na kimwe ; turacizera gusa. Uko coba cumvikana kwose canke uko uwundi muntu yokivugako, Turi uwizera w’inkomoko. Dufise uguhishurirwa kwa Mpwemu kw’Ijambo.

Turabona igihe tubayemwo. Turabona Ubutumwa bw’igihe. Turabona intumwa y’igihe. Turabona Imana ubwayo yihishura mw’Ijambo ryayo. Turabona ko ata kindi kintu kihari kiretse Ubu Butumwa, Iyi ntumwa; Iri Jambo.

Uwizera w’ukuri nta kindi yumviriza kiretse iri Jambo. Ni ivyo gusa. Yitegereza Ijambo. Ntiyitegereza ibica biyonga. Ntiyitegereza amatangazo. Yizera Imana, kandi ivyo birahagije, kandi arabandanya gusa. Murabona ? Hariho uwizera.

Nta kindi kintu twokwumviriza kiretse Ijambo; Ijambo riza gusa ku muhanuzi. atari ku bigira, atari insobanuro y’umuntu uwo ari we wese, Ijambo ritunganye ryavuzwe maze rishirwa ku mabande kubwo Umugeni.

Mpwemu yahaye ubuzima iryo Jambo muri twebwe kandi ryacitse Rizima. Kubwo kwizera, turabibona kandi turaVyizeye. Hazoza Ijwi rivuye mw’Ijuru rizoshira uwo mubatizo wa Mpwemu Yera mu Mugeni, Rizodukura kw’isi, mu buntu bw’Izamurwa. Imana yarabisezeranye.

Dushirwa ku gipimo buri gihe, buri munsi, Satani agerageza kutubwira ibipimo n’ibigeragezo vyacu kwari Imana iriko iraduhana. Ariko IMANA ISHIMWE, Siyo, ni satani ariko arabikora maze Imana ikabireka.

Imana iriko itugira abitonda kandi Iduhingura kugira tubone ivyo tuzokora. Ibigerageza biraje kutunyiganyiza, kudushira hasi, kugira tubone aho duhagaze. Ariko turanesha buri ntambara , kuko turi ivyitegererezo ; Ijambo ry’Imana riba muri twebwe kandi biciye muri twebwe.

Mbega ukuntu turi abigiciro imbere y’amaso yiwe ?

Nta muntu yoshobora gufata ikibanza canyu, uko mwoba muri bato gute, muvuga muti, “ndi umugore ajejwe udukorwa two mu nzu.” Nta muntu yoshobora gufata ikibanza cawe. Imana, mu butunzi bwayo buhambaye, yarabitunganije, Umubiri wa Kristo, kugira ntihagire umuntu n’umwe ashobora gufata ikibanza cawe.

Ese ukuntu ivyo ar’ivyigitangaza? Umwe wese muri twebwe afise ikibanza. Umwe wese muri twebwe yari hano igihe Imana yarema isi. Yashize umubiri wacu hano no kubandanya. Imana yadushize kw’isi iki gihe kugira ngo dushitse Ijambo ryaYo hanyuma Iduhe Ubugingo budashira.

Umuntu wese ategerezwa gufata ingingo. Uhagaze kuvyerekeye Iri Jambo, Ubu Butumwa, iyi ntumwa? Ese ukuntu ari ngirakamaro kwumviriza Ijambo ryavuzwe kumabande?

Mubice vy’isi vyose, aya ma bande arajayo, ivugabutumwa ry’ama bande.

Ivugabutumwa rya bande ryarungitswe n’Imana ku Mugeni wayo kw’isi yose. Rikubwira neza na neza aho uri , uwo uri kandi namba uri uwizera mw’Ijambo.

Uri umwe mu migwi itatu, uko umeze ubu muri kubu, mu vyiyumviro vya kubu, hano muri ino mfashanyo igaragara, namwe muzoba muri muri mfashanyo itagaragara y’iyi bande, ivyiyumviro vyawe ubu umaze kwumviriza iyi bande, vyerekana umugwi urimwo.

Inyuma yo kwumviriza iyi bande, vyerekana umugwi w’abantu ukomokamwo. Bamwe bizera ko mukeneye vyinshi gusumba Ijambo ritunganye ryavuzwe ku mabande. Bamwe bizera ko Ubutumwa bw’umuntu umwe bwararenganye, mutegerezwa kwumviriza Umwungere wanyu canke mwarazimiye.

Ubutandukane buhambaye uyu munsi mu Butumwa bushingiye cane cane kukwumviriza Ama bande. Bamwe bigisha ko ari bibi kuvuza Ama bande mw’Ishengero; umwungere wenyene niwe ategerezwa kwigisha. Bamwe bavuga ko hoba kuba hagati na hagati, ariko ntihavuzwe bande mw’ishengero, canke asangwa naho bikozwe ni bikorwe gake cane.

Hamwe n’ibitekerezo vyinshi, ivyiyumviro vyinshi cane, insobanuro nyinshi cane z’Ijambo, ninde ari mukuri? Wokwizera nde? Ico nico kibazo umwe wese muri twebwe abwirizwa kwibaza.

Umuhanuzi yatubwiye kubisuzumisha IJAMBO, Atari ivyo umuntu wese avuga. Ivyo mwobikora gute? Hariho inzira gusa yo kubikora, GUFYONDA MUKAVUZA.

Hategerezwa kubaho inyishu y’ukuri, inzira nziza. Umuntu wese ategerezwa gufata ingingo ubwiwe. Uwu w’iyinga uzokwerekana kazoza kuri abo bose bumviriza Ubu Butumwa.

Ikintu wokwibaza ubwawe: Ni uwuhe muntu gusa afise Niko Uhoraho Agize? Ninde yagaragajwe n’inkingi y’umuriro? Ninde azotwerekana kuri Yesu? Ninde yavuze Ijambo ritananirwa? Ninde mwene amajambo yavuzwe kw;isi yari ngirakamaro, asamiranira mw’Ijuru?

Namba mushaka kuronka inyishu z’ukuri, nashaka kubatumira kuza kwumviriza uwu w’iyinga isaha zitandatu z’umuhingamo, Isaha ya Jeffersonville, ku Butumwa: 63-1124E- Ubwoko Butatu bw’Abizera.

MweneData Joseph Branham

Yohana 6:60-71

Uncategorized

24-0121 None Yesu Yitwa Kristo We Ndamugire Nte?

Ubutumwa: 63-1124M None Yesu Yitwa Kristo We Ndamugire Nte?

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi mukunda Bande,

Turakunda Ubu Butumwa n’umutima wacu wose. Ni uburyohe bw’umusigati w’Imana. Ni Ijambo ry’Imana ryemejwe vy;ukuri, kandi ryagaragajwe incuri n’incuro. Ubu Butumwa ni inyishu kw’Ijambo ry’Imana. Ni Kristo nyene Uwasizwe, Ijambo ryasizwe kubwo igihe cacu.

Turafise Ijambo ry’Imana ryagaragajwe hano, ryemejwe hanyuma rigarazwa na Mpwemu, yatwakiriye maze aduha umubatizo wa Mpwemu Yera. Twabatijwe mw’Izina rya Yesu Kristo. Bwa Butumwa bwiza nyene, vya bimenyetso nyene, vya bitangaza nyene, ca gikorwa nyene c’ivugabutumwa, na ya nkingi y’umuriro nyene igaragarira imbere yacu, yerekana ibimenyetso n’utwumiza. Nta citwazo ahantu na hamwe.

Ni igihe c’ukwegerana n’Imana n’Umugeni waYo. Umugeni wa Yesu Kristo yarahamagawe. Twashizweko ikimenyetso mu Bwami bw’Imana. Ibikorwa vy’ubwenge bw’abantu biri hano birindiriye ubushobozi buzodukura hano kw’isi butwinjiza mu bwiza, mw’izamurwa.

Ubwo bushobozi ni ukwuzura ubugira kandi Mpwemu Yera. Ibuye ry’agasongera rizomanuka hanyuma ryiyunge na wa mubiri. Rero, igihe umutwe n’umubiri vyiyunze, ubushobozi bwose bwa Mpwemu Yera buzotuzura kandi abapfiriye muri Kristo bazozukana ubwiza bw’Ukugororoka kwiWe, hanyuma bafate urugendo berekeza mu kirere.

Ico gihe kiregereje cane, igihe carangiye, ingingo zanyuma zitegerezwa gufatwa. Mbega uzokora iki hamwe n’Ijambo ryasizwe kubwo igihe cacu? uhagaze hehe kubwo Ubu Butumwa bw’igihe?

Uzovuga gusa uti, Ndizera Ubutumwa.Ndizera Imana ko yarungitse Umuhanuzi.”

Wivugira gusa ubu uti, « Ndizera Ubutumwa.” Ndubaha Intumwa.

Namba utegerezwa KUBAHA Intumwa; ITEGEREZE, yavuze kwubaha intumwa, ese ukuntu ari ingirakamaro kwizera no kwumviriza buri Jambo intumwa yavuze ?

Wavuze uti, “ Rero, ndizera buri Jambo Branham yavuze.” Ivyo ni vyiza, ariko ivyo vyarashoboye gusomwa.

Mbega ni kuki abantu badahazwa n amabande ? Umuntu wese ntashobora kuba umuhanuzi. Hariho gusa umuhanuzi umwe. Kandi Ijambo riva kuri uwo muhanuzi.

Ishengero ryarakoze gushika aho batangura kuvyibaza ; canke bashaka Ijwi ritandukanye ryo kubabwira, no kubasobanurira, ivyo umuhanuzi yavuze. Bashaka Kora na Datani b’iki gihe.

Murabona, vyatanguye buhoro mukwigisha nabi Ijambo, kandi ca kintu nyene, kiriko kirangiriza muri ya nzira nyene.

Namba vyaratanguye, bizorangira, gusa ukwigisha nabi Ijambo, Vy’ukuri mwaratahuye ukuntu mutegerezwa kugumana n’amabandes. Ata nkeka murabona impamvu Imana yashizeho Ubu Butumwa ngo bushirwe mu majwi kandi bubikwe kubwo Umugeni.

Sindiko ndavuga ibi bintu kugira nshire hasi abungere banyu, canke mukuvuga ko mudakwiye kwumviriza umwungere wanyu, OYA, ariko kubereka akamaro ko gufyonda ukavuza no kwumviriza Ubu Butumwa kuri bande.

Ukuntu ishengero ryotegerejwe kubisuzuma ubugira kandi , n’ubugira kandi n’bugira kandi ! Turindiriye ukuza kwiWe ubugira kandi. Turi maso, turindiriye ugukurwa kw’isi. Vyoba vyiza tubisuzumishije Ijambo, atari ivyo umuntu yavuze. Mwimenye vy ‘ukuri ubwanyu, nkabafise imigenderanire yiharije na Kristo. Bisuzume ubugira kandi mwongere mubisuzume.

Yavuze iki ? dutegerezwa kubisuzumisha Ijambo ubugira kandi nubugira kandi nubugira kandi . Ni gute ubisuzumisha Ijambo ? Ni irihe Jambo uyu munsi ? Ni rya Rindi nyene uhereye kw’itanguriro, Bibiliya.

Ni uwuhe Imana ivuga ko yoba umusobanuzi w’Ijambo ryayo ? Jewe ? Umwungere wanyu ? Oya, Umuhanuzi w’Imana yagaragajwe kubwo igihe niwe wenyene musobanuzi w’Ijambo. Rero, utegerezwa gusuzuma buri jambo umuntu wese yovuga ubugira kandi, nubugira kandi nubugira kandi hamwe N’AMA BANDE!

Namba iyo mvugo ari iy’ukuri, rero wokwizera ko ikntu cose ngirakamaro umuntu wese , canke umwungere yoshobora gukora, ari GUFYONDA UKUVUZA.

None ni kuki bigoye cane ku muntu wese avugako ko yizeye Ubutumwa kuvuga ivyo? Kuko batavyizera vy’ukuri.

Ni iyihe ngingo YAWE ya nyuma? Jewe hamwe n’inzu yanje, tuzogumana n’Ubu Butumwa hamwe n’intumwa y’Imana; Ama bande. Turizera yuko ata kindi kintu ngirakamaro gisumba kwumiririza Ijwi ry’Imana kuri Bande.

  • Hariho UMWE gusa avuga Ijwi rya Niko Uhoraho Agize.
  • Hariho Ijwi RIMWE gusa Inkingi y’umuriro yagaragaje.
  • Hariho Intumwa mumalayika w’indwi IMWE gusa.
  • Hariho Ijwi RIMWE gusa Umugeni ashobora guhurizako.
  • Hariho Ijwi ry’Imana RIMWE gusa kubwo uru runganwe.

Asangwa ufise uguhishurirwa nk’ukwo, ingo wifatanye nanje hamwe n’umugwi mutoya wo kw’isi yose yizera co kimwe, uwu w’iyinga isaha zitandatu z’umuhingamo, isaha ya Jeffersonville, mu gihe twumviriza hanyuma tugafata ingingo yacu yanyuma : None Yesu yitwa Kristo we ndamugire nte? 63-1124M.

MweneData Joseph Branham.