Ubutumwa: 65-1125 Ubumwe Butaboneka Bw Umugeni Wa Kristo

• 25-0615 Ubumwe Butaboneka Bw Umugeni Wa Kristo
• 23-0326 Ubumwe Butaboneka Bw Umugeni Wa Kristo
• 21-1125 Ubumwe Butaboneka Bw Umugeni Wa Kristo
• 17-1226 Ubumwe Butaboneka Bw Umugeni Wa Kristo
• 15-1220 Ubumwe Butaboneka Bw Umugeni Wa Kristo

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mupfasoni Watoranijwe n’Imana,
Nta buryo bwo kubica hirya, uri Akaremangingo ka Mpwemu k’Imana, insiguro y’ibigize ivyiyumviro vyaYo, kandi wari muri Yo imbere y’uko isi iremwa.

Ntidushobora kuja kure, turi neza na neza urutete nyene rwagiye mw’ivu. Turi uwo Yesu nyene, mw’ishusho y’Umugeni, dufise ububasha bumwe, Ishengero Rimwe, Ijambo Rimwe Ribayeho kandi Rigerera muri twebwe Ryakuriye muri twebwe, RYITEGUYE KUZAMURWA.

Yatubwiye ko twatandukanye n’ubumwe bwacu bwa mbere, mu rupfu rwa mpwemu, kandi ubu twavutse ubwa kabiri, canke twasubiye kurongorwa, mu bumwe bwacu bushasha bwa Mpwemu. Ntidugifise ubugingo bwacu bwa kera bw’akameremere n’ibintu vy’isi, ahubwo Ubugingo Budashira. Akaremangingo kari muri twebwe mu ntango, Karadutoye !

None ivyo bisigura iki? Bisigura ko igitabu cacu ca kera cajanye n’ubumwe bwacu bwa kera, carimuwe. UBU buri mu “Gitabu Gishasha” c’Imana; si igitabu c’ubuzima… oya, oya, oya… ariko mu Gitabu c’Ubugingo c’Umwagazi w’Intama. Ivyo Umwagazi w’Intama Yacunguye. Ni icemezo c’ubugeni bwacu aho Akaremangingo kacu k’Ibihe Bidashira k’ukuri gafata.

Mbega muriteguye? Ng’ibi biraje. Ni vyiza ko wirya urwara maze ukitegurira gusemerera no kuvuza induru uti Imana Ishimwe, haleluya, Umwami Ashimwe, n’ikirwanisho gikomeye kandi ikirwanishwa gihambaye kiva mw’ijuru.

“Ushaka kumbwira ko igitabu canje ca kera kirimwo amakosa yanje yose, ivyo nananiwe vyose…”

Imana Yabishize mu Kiyaga c’Ukwibagira kwaYo, kandi ntuharirwa gusa, ahubwo uratsindanishirizwa… Imana Ishimwe! “Abatsindanishirijwe.”

None ivyo bisobanura iki? Bisigura ko utigeze mbere ubikora mu Maso y’Imana.

Uhagaze mu buryo butunganye imbere y’Imana. IMANA ISHIMWE! Yesu, Ijambo, Yafashe ikibanza cawe. Yabaye wewe, kugira ngo wewe, umunyavyaha yanduye, ushobore guhinduka We, IJAMBO. Turi IJAMBO.

Ivyo bitugira akaremangingo kiWe gatoyi kari karatoranijwe. Turi Ijambo kw’Ijambo, kw’Ijambo, kw’Ijambo, kw’Ijambo, kandi turiko dushika mu gihagararo cuzuye ca Kristo kugira ngo Aze kuturondera ngo tube Umugeni WiWe.

Ni igiki kiriko kiraba UBU?

Ni Ubumwe Butaboneka Bw’Umugeni Wa Kristo Bukoranira hamwe kw’Ijambo, Buva kw’isi yose.

Yavuze ko bwari ubumwe bwo muri mpwemu bwa Kristo n’Ishengero Ryiwe, kandi buriko buraba UBU NYENE. Umubiri uriko urahinduka Ijambo, kandi Ijambo ririko Rirahinduka umubiri. Turagaragazwa, kandi turatsindwa; ivyo nyene Bibiliya Yavuze ko vyoshika muri iki gihe, kandi Biriko biraba ubu, umunsi ku munsi muri umwe wese muri twebwe.

Kandi ubwo ni Ubutumwa bwanje kuri mwebwe, Shengero, mwebwe mugize ubumwe, ubumwe bwa mpwemu biciye mw’Ijambo.

Imana igiye kugira Ishengero ry’ingeso nziza. Umugeni Jambo Wiwe w’ukuri, w’umwizigirwa. TURI UMUPFASONI YATORANIJWE w’Umwami wacu Yesu Kristo.

Ni Igihe ki, ga Mugenzi?

Twararonse uguhishurirwa muri iyi misi ya nyuma, kw’Ubutumwa bw’Umwami Imana bwo gukoraniriza hamwe Umugeni WiWe. Nta kindi gihe vyari vyarasezeraniwe. Vyasezeranywe muri iki gihe: Malaki 4, Luka 17:30, Uwera Yohana 14:12, Yoweli 2:38. Ayo masezerano ni nk’uko nyene Yohana Umubatizi yimenyekanishije mu Vyanditswe.

Ni nde yashikije ibi vyanditswe?

Umumarayika wiWe w’indwi w’inkomezi, William Marrion Branham. Yamye abikora akurikije icitegererezo. Yabikora igihe cose ku citegererezo. Arabikora ubugira kandi mu gihe cacu, ahamagarira gusohoka kandi akoraniriza hamwe Umugeni WiWe w’ingeso nziza akoresheje umuvugishwa wiWe.

Mbega igihe c’ubwiza Umugeni ariko aragira. Ikoraniro ryose rigenda rirushiriza kuba rininiya kandi rirushiriza kuryoha. Nta gihe nk’iki cari bwigere kibaho. Ugukekeranya kwose kwarazimanganye.

Nimuze mwifatanye natwe mu gihe twumviriza Ijambo ry’isezerano ry’igihe cacu Rivuga, kandi Ritubwira abo turi bo n’ibiriko biraba mu gihe cacu. Ubumwe Butaboneka bw’Umugeni Wa Kristo 65-1125.

MweneData Joseph Branham.

Ivyanditswe :

Uwera Matayo 24 : 24
Uwera Luka 17 :30/23 :27-31
Uwera Yohana 14 :12
Ivyakozwe n’Intumwa 2 :38
Abaroma 5 :1/7 :1-6
2 Timoteyo 2 :14
1 Yohana 2 :15
Itanguriro 4:16-17/25-26
Daniyeli 5:12
Yoweli 2:28
Malaki 4

Ubutumwa: 62-1014e Umurongozi

• 25-0608 Umurongozi
• 22-0403 Umurongozi
• 20-1011 Umurongozi
• 18-1202 Umurongozi
• 16-1026 Umurongozi

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Wishira Hamwe,

Ubu Imana Yamye Irungika abarongozi baYo. Ntiyigeze Ibura umurongozi, mu bihe vyose. Imana Yamye Ifise umuntu munaka aYiserukira kuri iyi si, mu bihe vyose.

Imana Ntishaka ko twishimikiza ugutahura kwacu canke ivyiyumviro vyose vyakozwe n’abantu. Ni co gituma Irungikira Umugeni waYo Umurongozi; kuko Afise ugutahura, ingene Agenda n’ico Akora. Imana NTIYIGEZE NA RIMWE IHINDURA gahunda yaYo. NtiYigeze na rimwe Inanirwa kurungika Umurongozi Kw’ihanga ryaYo, ariko wewe utegerezwa kwemera uwo Murongozi.

Utegerezwa kwizera Ijambo Ryose Ivuga biciye ku Murongozi WaYo. Utegerezwa kugenda mu buryo Umurongozi WaYo Avuga ko ugenda. Niwashika ku kwumviriza no kwizera ayandi majwi nk’umurongozi wawe, uzoba uriko urazimira.

Uwera Yohana 16 havuga ko Yari afise vyinshi vyo kutubwira no kuduhishurira, niyo mpamvu Yorungika Mpwemu Yera WiWe ngo Atuyobore kandi Abitubwire. Yavuze ko Mpwemu Yera ari umurongozi muvugishwa umurongozi w’ibihe vyose. Gutyo, abavugishwa biWe barungitswe guserukira Mpwemu Yera kugira ngo barongore Umugeni WaYo.

Mpwemu Yera Yarungitswe kurongora ishengero, si umugwi w’abantu. Mpwemu Yera ni ubwenge bwose. Abagabo baba ab’imigenzo, ntibagire ico bitaho.

Si uwo muntu, ahubwo ni Mpwemu Yera MURI uwo muntu. Umuntu yatoye ngo aMuserukire ubwiWe kandi abe umurongozi wacu wo kw’isi ni uwurongowe n’Umurongozi wacu wo mw’Ijuru. Ijambo Ritubwira ko dutegerezwa gukurikira uwo Murongozi. Ivyo twiyumvira vyose, ivyumvikana ko bibereye, canke ivyo uwundi muntu avuga, ntituri abo kugira ico tubizeko, ni igikorwa c’umurongozi kandi we wenyene.

Imana Irungika Umurongozi, kandi Imana ishaka ko wibuka ko uwo ari we Murongozi yashinzwe.

Umurongozi muvugishwa wacu yashinzwe n’Imana kugira ngo avuge Ijambo RyaYo. Ijambo RyaYo NI IJAMBO RY’IMANA. Umurongozi muvugishwa, kandi we wenyene, afise insobanuro y’Imana y’Ijambo. Imana Yamubwiye Ijambo RyaYo umunwa ku gutwi. Gutyo, ntushobora kwigera uhakana, ngo uhindure canke ngo uharire Ijambo ry’Umurongozi wawe.

Utegerezwa kumukurikira, kandi ni we wenyene. Niwaba utabikora, uzosanga wazimiye. Ibuka, iyo umuhevye, Umurongozi Imana Yashinze, uba uri ku ruhande rwawe, rero dushaka kuguma twegereye umurongozi Yatoye, kandi tukwumva no kwumvira Ijambo Ryose Ivuga biciye kuri we.

Umurongozi wacu yatwigishije ko isezerano rya kera ryari igitutu c’isezerano rishasha.

Igihe Isirayeli yava muri Egiputa ija mu gihugu c’isezerano, mu Kuvayo 13:21, Imana Yari Izi ko batigeze bagenda muri iyo nzira mbere. Hari ibirometero mirongo itandatu na bitanu gusa, ariko naho vyari ukwo bari bakeneye ikintu co kujana na bo. Botaye inzira yabo. Ni co gituma Yo Imana Yabarungikiye Umurongozi. Kuvayo 13:21, ikintu nk’iki, “Ndarungitse Umumarayika Wanje imbere yanyu, Inkingi y’Umuriro, kugira ngo Ibazigame mu nzira,” kugira ngo Abayobore muri iki gihugu c’isezerano. Kandi abana b’Isirayeli bakurikiye uwo Murongozi, Inkingi y’Umuriro (ijoro), Igicu ku murango. Igihe Yahagarara, na bo barahagarara. Igihe Yagenda, na bo baragenda. Kandi amaze kubashikana hafi y’igihugu, kandi batari babereye kujabuka, Yongeye kubasubiza mu bugaragwa.

Yavuze ko ari ryo shengero ry’uyu musi. Twari kuba twamaze kugenda iyo twikosora gusa tukaja mu rutonde, ariko Yategerejwe kutuyobora hirya no hino no hirya no hino.

Bategerezwa gusa gukurikira umurongozi wabo nk’uko YAKURIKIYE INkingi y’Umuriro kandi akaYumviriza Ivuga. Yababwira ivyo Imana Yavuze kandi bategerezwa kwumvira Ijambo Ryose Yavuze. Yari Ijwi ry’Umurongozi. Ariko barabajije bongera baraharira n’umurongozi Imana Yashinze, gutyo bayerera mu bugaragwa imyaka 40.

Hariho abakozi b’Imana benshi mu minsi ya Mose. Imana yari Yabashinze gufasha abantu, mu gihe Mose atashobora kubikora vyose. Ariko igikorwa cabo cari co kwerekeza abantu ku vyo Mose yavuze. Bibiliya ntaco Ivuga kuvyo abo bagabo bavuze, Ivuga gusa ivyo Mose yavuze ko ari Ijambo ryo kuyobora iryo hanga.

Igihe Imana Yakura Mose ku rubuga, Yosuwa yashinzwe kurongora abantu, ivyo bikaba bigereranya Mpwemu Yera muri iki gihe. Yosuwa nta kintu gishasha yigishije, canke ngo agerageze gufata ikibanza ca Mose, canke ngo agerageze gusobanura ivyo uwo murongozi yavuze; yasomye gusa ivyo Mose yavuze maze abwira abantu ati: «Nimugume kw’Ijambo. Nimugume kuvyo Mose yavuze». Yasoma gusa ivyo Mose yavuze.

Mbega ikigereranyo c’uyu munsi. Imana Yaragaragaje Mose Ikoresheje Inkingi y’Umuriro. Umuvugishwa wacu yagaragajwe n’iyo Nkingi y’Umuriro nyene. Amajambo Mose yavuze yari Ijambo ry’Imana kandi Ryashizwe mw’Isandugu. Umuvugishwa w’Imana yaravuze mu gihe cacu kandi vyashizwe ku mabande.

Igihe Mose yakurwa ku rubuga, Yosuwa yashinzwe kurongora abantu mu kuzigama Amajambo Mose yavuze imbere yabo. Yababwiye kwizera no kugumana n’Ijambo Ryose umurongozi w’Imana avuga.

Yosuwa yama asoma ivyo Mose yanditse Ijambo ku Rindi mu mizingo. Yashize Ijambo imbere yabo iminsi yose. Ijambo ry’iki gihe cacu Ntiryanditswe, ariko Ryafashwe mw’ijwi kugira Mpwemu Yera Ashobore gutuma Umugeni WiWe Yumva Ijambo kw’Ijambo ivyo Yavuze, mu Guyonda Akavuza.

Imana Ntiyigera Ihindura gahunda yaYo. Ni Yo Murongozi wacu. Ijwi RyaYo ni Ryo Ririko Rirarongora kandi Rihuza Umugeni WiWe uno munsi. Turashaka gusa kwumviriza Ijwi ry’Umurongozi wacu mu gihe Riturongora n’Inkingi y’Umuriro. Ni ubumwe butaboneka bw’Umugeni wa Kristo. Turazi Ijwi RyiWe.

Iyo umurongozi wacu ashitse kuri alutari, afatwa na Mpwemu Yera kandi ntaba akiri we, ahubwo ni Umurongozi wacu. Arangamiza umutwe hejuru mu kirere, asemerera ati: «Uko ni ko Uhoraho Agize, Uko ni ko Uhoraho Agize, Uko ni ko Uhoraho Agize !» Kandi uwugize Umugeni wa Kristo wese kw’isi yose aza kuri we nyene. Kubera iki? TURAZI UMURONGOZI WACU NEZA UKO AVUGA.

Umurongozi wacu = Ijambo
Ijambo = Riza ku muvugishwa.
Umuvugishwa = Umusobanuzi w’Imana wenyene; Umurongozi waYo wo kw’isi.

Guma inyuma y’Ijambo! Ego cane, mugenzi! Gumana n’uwo Murongozi. Guma inyuma yaRyo nyene. Ntuje imbere yaRyo, uguma inyuma yaRyo. Reka Rikurongore, NtuRirongore. Urireke Rigende.

Namba udashaka kuzimira, n’uze wumvirize Umurongozi wacu mugihe Avuga biciye ku murongozi wiwe yashinzwe wo kw’isi kuri uwu w’iyinga isaha zitandatu ku mutaga kw’isaha ya Jeffersonville (isaha icumi na zibiri ku mugoroba mu Burundi).

MweneData Joseph Branham.

Ubutumwa : 62-1014E Umurongozi.
Ivyanditswe :
Uwera Mariko 16:15-18
Uwera Yohana 1:1/16:7-15
Ivyakozwe n’Intumwa 2:38
Abanyefeso 4:11-13/4:30
Abaheburayo 4:12
2 Petero 1:21
Kuvayo 13:21

Ubutumwa: 60-0522e Kugirwa Abana bImana #4

• 25-0525 Kugirwa Abana bImana #4
• 21-0711 Kugirwa Abana bImana #4
• Ijambo ry’Umunsi / Umutsima wa Buri Musi
• 18-0708 Kugirwa Abana bImana #4
• 16-0228E Kugirwa Abana bImana #4

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi bahindutse,

Mu gufyonda tukavuza, twumviriza Ijambo ry’Imana Ritananirwa. Ni Ukuri kw’Ijambo Ryose, iryungane ryose ryaRyo. Twarahamagawe kandi twarazigamwe, turuzuzwa kandi twashizwe ku ruhande; twuzuye Mpwemu Yera, kandi ubu twaramaze gushika mu Gihugu ca Kanani. Ntidutinya na kimwe…NA KIMWE, turazi abo turi bo.

Kubera ko twagumanye n’Ijambo RyiWe, nk’uko Yadutegetse gukora, Agiye kutubwira ko Yadusigiye umugabane. Ivyo Wabikoze ryari ga Data? Igihe Nabahitamwo maze Nkashira amazina yanyu mu Gitabu c’Ubugingo c’Umwagazi w’Intama imbere y’ukuremwa kw’isi.

Igihe c’ukunengesera c’igihe caza, Narungitse Yesu Umwagazi w’Intama, Yishwe kuva isi iremwa, kugira ngo mushobore kuronka umugabane wanyu kuba abahungu n’abakobwa baNje, imana ntoya.

Nategerezwa kubasuzuma kugira ngo ndabe ko ata rwamo muvuza canke hari ibintu bijegajega imbere y’uko Ndabashira mu bibanza vyanyu.

• “Mwizera ko kuvuza Ijwi RyaNje ku ma bande mw’ishengero ari bibi?”
• “Ego, ntimukwiye kuvuza amabande mw’ishengero.”
• “Muzicireko iteka. Muravuza urwamo.”
• “Mwizera ko Ijambo Ryanje Riri ku mabande Rikeneye insobanuro?”
• “Ego, Rikeneye umuntu aRisigura.”
• Muravuza urwamo. Muzite hanze. Ntimuritegura.”

Igihe muzoba mwiteguye, muzovuga ngo “Amen” kw’Ijambo Ryose.

“Murizera ko Ndi Wawundi ejo, uno munsi n’ibihe bidashira?”

• “Amen.”
• “Murizera ko Ijwi RyaNje riri ku mabande ari Ryo JWI RIHAMBAYE CANE mutegerezwa kwumva?”
• “Amen.”
• “Murizera ko Ijwi Ryanje Riri ku mabande Rizohuza Umugeni?”
• “Amen.”
• “Mwizera ko umumarayika wanje w’inkomezi azobaNyereka ?”
• “Amen.”

Muriko muregerana ubu. Narabasuzumye ko ata rwamo muvuza canke ata bintu bijegajega. Nditeguriye kwugara urugi. Nzobashirako Ikimenyetso CaNje. Mwararenganye isuzuma ryaNje.

Ubu reka ndababwire ikintu kimwe, bantu banje bakundwa b’agaciro bo mu bihugu vy’amabande; mu mahanga n’aho muri hose, ntimutinye. Vyose ni vyiza. Narabamenye imbere y’ukuremwa kw’isi. Nari nzi ko ivyo vyose vyobaye.

Ndaje kubwanyu vuba kandi ndabajane Ahantu hatagira urupfu, hatagira agahinda, hatagira ishari, hatagira na kimwe; hari ugutungana gusa, urukundo rutunganye.

Gushika ico gihe, ntimwigere mwibagira, Ndabahaye Ijambo Ryanje, MURI IJAMBO RYANJE Ryihaye umubiri. Namba mukeneye IKINTU COSE, mukivuge, hanyuma mucizere; Ni umugabane wanyu.

Ngiye gusubira kubarungikira Ijwi Ryanje kuri uyu w’iyinga kandi Ndabasigurire vyose. Ngiye gusubira kubabwira abo muri bo, aho muriko muraja, n’ingene hariya hameze, ubu nyene.

Ni muze mwifatanye n’Umugeni WaNje mu gihe Ndabicarika hamwe ahantu ho mw’Ijuru kuri uyu w’iyinga isaha zitandatu ku mutaga kw’isaha ya Jeffersonville (isana icumi na zibiri ku mugoroba mu Burundi), maze muNyumvirize ndabashira mu kibanza canyu n’Ijambo RyaNje. 60-0522E Ukugirwa Abana b’Imana #4.

MweneData Joseph Branham

Ubutumwa: 60-0522m Kugirwa Abana bImana 3

• 25-0518 Kugirwa Abana bImana 3
• 21-0704 Kugirwa Abana bImana 3
• 18-0701 Kugirwa Abana bImana 3
• 16-0228M Kugirwa Abana bImana 3

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Nkumi Itunganye,

Iyo Dufyonda Tuvuza, ni ubuki mu gitandara, ni umunezero utavugwa, ni ivyizigiro bihezagiye, ni inanga y’ubugingo bwacu, ni ivyizigiro vyacu hamwe n’ugushigikirwa kwacu, ni Igitandara c’Ibihe, ni ikintu cose ciza, ni Inzira Imana Itanga y’iki gihe.

Kubera ko Dufyonda Tukavuza, Ijwi ry’Imana Ryaratureheje; Ryaturehereje kuri Kristo, nk’Inkumi Itunganye kw’Ijambo RyaYo. Turafise ariko Umurezi umwe, Ijwi Rimwe, umuvugishwa umwe, ariko araturongora na Mpwemu Yera.

Ariko iri ni ishengero, ndiko ndabigisha. Ivyo bija ku ma bande. Ndashaka ko abantu bumviriza ama bande bibuka ko ivyo ari ivy’ishengero ryanje.

Mbega ukuntu ari icemezo kuri twebwe ko turi mu Bugombe BwaYo Butunganye. Ama bande ni ay’ishengero ryiwe. Ariko aratwigisha. Ariko aratubwira ngo, ni mwumvirize ama bande.

Yatanguye uru Rukurikirane rw’Ukugirwa Abana b’Imana mu kutubwira ivyabaye iminsi mikeyi gusa imbere y’aho. Hanyuma, ku Butumwa bwose, avuga ivy’igihe yari yajanywe. Ese ukuntu bitegerezwa kuba bihambaye ko Umugeni Yumva ivyabaye n’ivyo Umugeni Yamubwiye.

Umuvugishwa wacu azocirwa urubanza n’Ijambo yigishije kandi yasize ku ma bande. Umugeni wo hariya Yamubwiye ko azokwemerwa n’Umwami Wacu. Hanyuma azoMutwereka nk’ikamba y’igikorwa c’ibango ryiwe, hanyuma tuzosubira kw’isi kugira ngo tubeho ibihe bidashira.

Ijambo Ryose twumva ni utuvunji tw’inzahabu. Tuguma gusa tuRisukura kandi tuRisukura uko ahishura vyinshi mu gihe dusoma hagati y’imirongo.

Ese ukuntu dukunda kuRisangira na beneData na bashikibacu tuti, “Ibi mwavyumvise?”

«Mbega ntiyaduhisemwo muri We imbere y’uko isi ibabaho»? Iryo ni iragi ryacu. Imana Yaraduhisemwo, kandi Irareka Yesu Araza maze Ariha ikiguzi. Ivyo ni ibiki? Ugusesa kwiWe kw’Amaraso YiWe, kugira ngo ntihagire icaha coharurwa kuri twebwe. Ntana kimwe muvyo mukora.

Hanyuma, neza inyuma y’ivyo, warumvise ibi?

« Uwera, Uwera, Uwera ni We Uhoraho. » Muhanze amaso kuri Kaluvari, kandi nta na kimwe kizobahagarika! Ukuntu mwigenza mu buzima bwanyu nyene, mugendera mu Nzira Nkuru y’Umwami, musizwe Amavuta y’agaciro y’ugusigwa, mugendera Ahera h’Ahera. Fiuuu! Amen.

Twari nk’inkoni ya Aroni, inkoni y’umusaza yumye yari yaragendanye imyaka mirongo ine mu bugaragwa. Ariko ubu, kuko twagumye aho Hantu Hera twumviriza Ijwi ry’Imana Rivugana natwe ku ma bande, turatutuje kandi twashuritse, twuzuye Mpwemu Yera WaYo, kandi turi Umugeni WaYo Asemerera n’impwemu zacu zose ziri mu mahaha yacu tuti :

• Uwera, Uwera, Uwera, Uwera, ni We Uhoraho, ama bande ni yo yambere mu mitima yacu.
• Uwera, Uwera, Uwera, Uwera, ni We Uhoraho, Yaduhisemwo isi itararemwa.
• Uwera, Uwera, Uwera, Uwera, ni We Uhoraho, turi Umugeni wa Yesu Kristo.
• Uwera, Uwera, Uwera, Uwera, ni We Uhoraho, ivyo abantu bavuga, ntaco bihindura, ntituriko turakura ama bande ku rubuga, turiko turayavuza birushirije.
• Uwera, Uwera, Uwera, Uwera, ni We Uhoraho, duhanze amaso yacu Kaluvariyo, kandi nta nakimwe kigiye kuduhagarika.

Ndanezerewe cane no gufatanya imitima na benshi hano bazi ko Iri Ari Ijambo ry’Imana Ritihenda. Hanyuma Ni—Ni Ukuri, Ijambo Ryose ni Ukuri, Iryungane ryose, akanyuguti kose. Kandi hamwe n’ubuntu bw’Imana, twaragiriwe ibakwe ryo kubona Igihugu tuzojamwo umunsi umwe.

Nimuze mwifatanye natwe ku munsi w’iyinga isaha zitandatu ku mutaga kw’isaha ya Jeffersonville (isaha icumi na zibiri ku mugoroba mu Burundi), mu gihe umuvugishwa afata Ijambo Ryose akaguma gusa arisukura, kandi AzoRijana mw’Itanguriro maze Arisukure, Arishire mu Kuvayo yongere Arisukure, mbere no mu Vyahishuriwe Yohana; kandi vyose Ni Yesu!

MweneData Joseph Branham

Ubutumwa:
Kugirwa Abana b’Imana igice ca 3 #3 60-0522M Bwavuzwe kw’igenekerezo rya 22 ukwezi kwa gatanu mu gitondo umwaka wa 1960

Ivyanditswe:

Matayo 28:19
Yohana 17:7-19
Ivyakozwe n’Intumwa 9:1-6, Igice ca 18 n’ica 19
Abaroma 8:14-19
1 Ab’i Korinto 12:12-13
Ab’i Galatiya 1:8-18
Abanyefeso Igice ca 1
Abaheburayo 6:4-6, 9:11-12.

Ubutumwa: 60-0518 Kugirwa Abana bImana 2

• 25-0511 Kugirwa Abana bImana 2
• 21-0627 Kugirwa Abana bImana 2
• 18-0617 Kugirwa Abana bImana 2
• 16-0224 Kugirwa Abana bImana 2

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Buherezi bw’Ubwami,

Reka abantu bose bihekenye, bakomantaze ubugingo bwabo, bagumye umutima. Uyu munsi, Umugeni wa Yesu Kristo Ariko Arasemerera Ati :

Uyu Munsi, ubu buvugishwa burashitse imbere y’amaso yacu.

Nizera ko, umwe muri iyi minsi y’ubwiza, igihe iri shirahamwe mpuzamashengero rizoja hamwe, maze papa mushasha agakurwa muri Leta Zunze Ubumwe za Amerika kandi agashirwa ngaho bijanye n’ubuvugishwa, ico gihe bazogira igishushanyo ca ca gikoko.

Ijwi ry’umugishwa w’Imana ryarabivuze kw’igenekerezo rya 19 ukwezi kwa cumi na kabiri 1954, maze haciye amezi 9, Robert Prevost, ubu azwi nka Papa Léon XIV, yaravutse. Ubu ni we papa mushasha w’i Roma. « Uko ni ko Uhoraho Agize » Yarashitse.

Igenekerezo rya 7 ukwezi kwa gatanu, 1946, IMANA Yashize umuvugishwa waYo muri Green’s Mill, Indiana, kugira ngo Imuhe igikorwa caYo no gutangariza isi Iti : iyi ni intumwa mumarayika waNje w’indwi ikomeye, Ijwi RyaNje kw’isi. Ni mumwumvirize.

Igihe Umumarayika w’Uhoraho Yahura nanje hanze ng’aho i Green’s Mill, Indiana, haraheze imyaka umunani, amaze kuba ankurikira kuva nkiri umwana, nkanerekwa, igihe nagenda kuri We, Yavuze Ati: “Ni waba imvugakuri, ugatuma abantu bakwizera, nta kintu na kimwe kizohagarara imbere y’isengesho.”

William Marrion Branham ni Ijwi ry’Imana Ryatowe kw’isi. Umuvugishwa w’inkomezi uwo Ijambo ry’Imana Rizako. Bijanye n’Ijambo, ni we WENYENE musobanuzi w’Ijambo ry’Imana ava ku Mana.

Yaragaragajwe n’Imana ubwaYo, n’Inkingi y’Umuriro.
Igenekerezo rya 7 ukwezi kwa gatanu 2025, SATANI yashize Inama yiwe y’abakaridinali mu rusengero rwitwa Sixtine i Roma kugira ngo batore Icariho ca Kristo, kugira ngo bashitse Uko Niko Uhoraho Agize.

Yaremejwe n’umuntu hakoreshejwe UMWOTSI WERA.

Umugeni Wa Kristo kw’isi yose Ariko Aranezerwa, Avuza induru, Asemerera kandi Ashima Umwami nk’uko twumva, kandi tukabona n’amaso yacu, ubuvugishwa bw’umuvugishwa buriko burashika.

Ni nk’aho twoba turiko turabona Ikiyaga Gitukura cugurutse imbere y’amaso yacu. Manu nshasha igwa ivuye mw’ijuru. Amamiliyoni y’inkware zigaburira Umugeni. Amazi ava mu Rutare. Umuriro umanuka utongora ikimazi hamwe na Eliya.

Ubugishwa buriko burashika ku munsi ku munsi. Ijambo Ry’Imana Ry’isezerano Ririko Riragaragara mu buzima bwacu. Ibintu biriko biraba hirya no hino yacu. Umugeni Yariteguye mu kwumviriza no kwizera Ijambo. Turi Ijambo Ryihaye umubiri.

Vy’ukuri, twashitse. Igihe kiri hafi. Umugeni Ariko Aranezerwa kandi Ariko Afataniriza hamwe kw’isi yose nk’uko bitigeze biba mbere. Umuvugishwa ariko arahumuriza Umugeni mu kutubwira ko turi ubuherezi bw’ubwami bw’Imana, ihanga ryera, abantu badasanzwe bahamagawe, batoranijwe, batowe, bashizwe ku ruhande.

UBU TURI Abahungu n’Abakobwa b’Imana, barongowe na Mpwemu w’Imana; atari umuntu, ariko na Mpwemu. Turazi, ata gukekeranya na kumwe, ko TURI UMUGENI WAYO. UKWIZERA kwacu kuriko kurashika ku rundi rwego rushasha ku munsi ku munsi. Nta kiduhagarika canke kidutevya, Imana Yarabihishuye kandi Yarabiteye mu mutima wacu no mu bugingo bwacu.

Umugeni Yaramenye neza abo turi bo. Turi mu Gihugu cacu c’isezerano ca mpwemu, dufise vyose. Turafise amahoro yo mw’Ijuru, imihezagiro yo mw’Ijuru, Mpwemu wo mw’Ijuru. VYOSE NI IVYACU. Turiko turitegurira gusa ivyo Itubikiye.

Inzamba y’Umwami izovuga, abapfiriye muri Kristo bazobanza kuzuka. Iyi mibiri yo mw’Ijuru izomanuka maze yambare imibiri yo kw’isi, y’ubwiza kandi izohindurwa mu kanya nk’ako gukubita urugohe. Tuzozamurirwa hamwe na bo, gusanganira Umwami mu kirere.

Mbega umunsi. Mbega igihe. Nta buryo nshobora kuvuga mu majambo y’abantu ivyo twese turiko turumva mu bugingo bwacu. Imitima yacu iriko iratera. Ntituriko turatuma biba, Mpwemu Yera Ameze nk’iriba rya arutwaze Ribiragira imbere muri twebwe. Umugeni Yararindiriye uyu mwanya kuva mu minsi ya Adamu…KANDI UBU TURI NG’AHO.

Turabahaye ikaze. Turabatumiye. Turabinginze. Ngw’ino mwifatanye natwe mu gihe c’igitangaza isi yigeze kumenya, mu gihe twumviriza Ijwi ry’Imana Riduhishurira Ijambo RyaYo kuri uwu w’iyinga isaha zitandatu ku mutaga kw’isaha ya Jeffersonville, (isaha icumi na zibiri ku mugoroba mu Burundi) mu gihe twumviriza: 60-0518 Ukugirwa Abana b’Imana 2,

MweneData Joseph Branham.

Ivyanditswe vyo gusoma imbere y’Ubutumwa :
Itanguriro 1:26
Abanyefeso Igice ca Mbere
Abaroma 8:19
Ab’ Galatiya 1:6-9
Abaheburayo Igice ca Gatandatu
Yohana 1:17

Ubutumwa: 60-0515e Kugirwa Abana bImana

• 25-0504 Kugirwa Abana bImana
• 21-0620 kugirwa Abana bImana
• 18-0603 Kugirwa Abana bImana
• 16-0221 Kugirwa Abana bImana

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Mwagizwe Abana b’Imana,

Ubu dufungura ibintu bikomeye vy’Imana kandi dufise ugutahura gutomoye kw’Ijambo RyaYo. Imana Yaduhaye Uguhishurirwa kw’ukuri kw’Ijambo. Ivyiyumviro vyacu vyose vya mpwemu nta ruzazane na rutoya bifise.

TURAZI neza na neza Uwo ari We. TURAZI neza na neza ico Ari co. TURAZI neza na neza aho turiko turaja. TURAZI neza na neza abo turi bo. TURAZI Uwo twizeye kandi turazi neza ko Ashobora kuzigama ivyo twiyemeje kuri gushika uwo munsi.

Yaravuze kandi Yarahishuye amabanga yose yari yaranyegejwe kuva ku kuremwa kw’isi. Yaratubwiye ingene abandi bama banse inzira yiWe Yatanze kandi bipfuza uburongozi butandukanye, ariko ko Yogira umugwi mutoyi uzoguma ari umwizigirwa kw’Ijambo RyaYo.

Kw’isi yose, ntibazokoranira ahantu hamwe kugira ngo bagire ibintu bahuriyeko. Ariko utugwi dutoduto two muri bo tuzosanzara kw’isi yose.

Imana Ishimwe, dusanzaye kw’isi yose, ariko twunze Ubumwe nk’umuntu umwe mu Gufyonda Tukavuza no kwumviriza Ijwi ry’Imana Rivugana natwe.

Reka gusa dushike ku rwego rwo hejuru maze tubone imbere y’igihe ivyo Izoba Iriko Iratubwira biciye ku mumarayika waYo w’inkomezi ku munsi w’iyinga.

Bakunzi batowe nanje, ubu mwicaye hamwe ahantu ho mw’Ijuru. Si hanze gusa aho ari ho hose, ariko ahantu ho “ mw’Ijuru”; ni ikibanza cawe nk’uwizera. Warasenze kandi witeguriye Ubutumwa. Mwakoraniye hamwe nk’abera, mwabatijwe muri Mpwemu Yera, mwuzuye imihezagiro y’Imana. Mwarahamagawe, mwaratoranijwe, impwemu yanyu yinjira mu kirere co mw’Ijuru.

Ivyoshobora kuba, Mpwemu Wanje Yera Azoba Ariko Aragendagenda hejuru y’umutima wose. Mwaravutse bushasha kandi mwabaye ikiremwa gishasha muri Kristo Yesu. Ivyaha vyanyu vyose biri munsi y’Amaraso. Muri mu gusenga gutunganye, amaboko n’imitima yanyu bidugijwe kuri Jewe, munsengera hamwe ahantu ho mw’Ijuru.

Mwaratoranijwe, mwarahiswemwo mu Kumenya Kwanje Imbere y’igihe. Abatowe, Abejejwe, Abatsindanishirijwe kubw’ugutoranywa. Ntibishoboka ko muhendwa. Narabashizeho imbere y’itanguriro ry’isi. Muri Imana ntoya, Mwaradomweko ikimenyetso ca Mpwemu Yera w’isezerano; si abavukiye mu muryango gusa, abagizwe Abahungu n’Abakobwa banje.

Nzobahezagira n’ugukira kuvuye ku Mana, ukumenya imbere y’igihe, uguhishurirwa, iyerekwa, inkomezi, indimi, insobanuro, ubwenge, ubumenyi, n’imihezagiro yose yo mw’Ijuru, hamwe n’umunezero utavugwa kandi wuzuye Ubwiza.

Umutima wose uzokwuzura Mpwemu waNje. Muzoba mugendana, mwicaranye, ahantu ho mw’Ijuru. Nta ciyumviro kibi na kimwe muri mwebwe, nta n’itabi na rimwe ritumuwe, nta n’impuzu ngufi, nta n’iki, kirya canke ikindi, nta ciyumviro kibi na kimwe, ata n’umwe afise ikirwanya uwundi, bose baganira mu rukundo no mu guhuza, bose bafise umutima umwe ahantu hamwe.

Maze giturumbuka hazoza ijwi rivuye mw’Ijuru nk’umuyaga uhinda ukomeye kandi Nzobahezagira imihezagiro yose ya mpwemu. Ico gihe muzoba nka Dawidi, mutamba imbere y’Isandugu, mubwira isi ko mudaterwa isoni, MURI UMUGENI WANJE W’IBANDE ! Mufyonda mukavuza kandi mwizera IJAMBO RYOSE Mvuga. Ntimuzo, kandi ntimushobora kunyiganyiga !

Abandi boshobora Kuvyanka, canke ntibabitahure, ariko kuri mwebwe, Ni Umwambaro w’Iteka wanyu. Nk’uko Dawidi yabwiye umugore wiwe ati, “Mwibaza ko iki cari ikintu, rindira ejo, tuzoba turiko twumviriza n’ayandi ma bande, dutazira Umwami, twuzuye Mpwemu waYo; kuko tuba muri Kanani, turi mu nzira ija mu gihugu c’isezerano.”

Ico gihe Nzoraba hasi ndi mw’Ijuru maze Ndababwire nti:
“Uri Umugeni uhuje n’umutima Wanje.”

Iyi mihezagiro irashobora kuba iyawe nawe. Ngw’ino, wifatanye natwe kuri uwu w’iyinga isaha zitandatu ku mutaga, kw’isaha ya Jeffersonville, (isaha icumi na zibiri ku mugoroba mu Burundi) maze ubone ukuhaba kw’Uhoraho nk’uko bitigeze bibaho mbere mu gihe twumviriza Ijwi ry’Imana ry’iki gihe Ritubwira kandi Rituzanire Ubutumwa: Kugirwa Abana b’Imana #1, 60-0515E

Mwibuke, ibi ni ivy’ishengero, si ivy’umuntu wo hanze. Ni ibanga mu mvugo ifobetse kuri we, ntashobora kubitahura, bimuca hejuru y’umutwe, biramusiga ntaco abiziko. Ariko, kw’Ishengero, ni ubuki buri mu rutare, ni umunezero utavugwa, ni ivyizigiro bihezagiye, ni inanga y’umutima, ni ivyizigiro vyacu hamwe n’imfashanyo yacu, ni Igitandara c’Ibihe, yooo, ni vyose vyiza. Kuko ijuru n’isi bizovaho, ariko Ijambo ry’Imana Ntirizokwigera Rivaho.

MweneData Joseph Branham.

Ivyanditswe vyo gusoma imbere y’Ubutumwa :

Yoweli 2:28
Abanyefeso 1:1-5
1 Ab’i korinto 12:13
1 Petero 1:20
Ivyahishuriwe Yohana 17:8
Ivyahishuriwe Yohana 13

Ubutumwa: 60-0515m Umwami Yanswe

• 25-0427 Umwami Yanswe
• 21-0613 Umwami Yanswe
• 18-0527 Umwami Yanswe
• 16-0217 Umwami Yanswe

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bagenzi nkunda b’agaciro,

Bakunzi banje, bakundwa banje b’Ubutumwa Bwiza, bane banje navyaye kubw’Imana.

Mbega impera y’iyinga y’igitangaza twagiranye n’Umwami Wacu. Vyari nk’aho ata bindi bihe, kumarana umwanya gusa na We, tuMubwira, twumviriza Ijwi RyiWe, tuMusenga, tuMushimira, tuMubwira ingene tuMukunda.

Ese ukuntu ari iteka kuba muri iki gihe no kuba igice c’Ivyanditswe biriko birashika. Amajambo apfa yoshobora gute guserura ibiri mu mutima wacu vyose? Nk’uko umuvugishwa yabivuze, si jewe, hariho nyene Ikintu Kinaka kiri imbere cane, Kinsunika kandi Kibiragira muri jewe; iriba rya arutwaze rya Mpwemu Yera. Ni Umugeni Yitegurira Umukwe.

Ese ukuntu umugeni Agira umunezero imbere neza y’ubugeni bwiwe. Umutima wiwe utangura gutera ningoga cane uko amasegonda make ya nyuma agenda ararenga….arazi ko amaherezo igihe cashitse. “Nariteguye, araza kubwanje. Ubu tuzoba UMWE.”

Mu vy’ukuri turi mu bihe vya nyuma vy’iherezo ry’ibihe. Umugeni Azozamurwa vuba Ahamagarwe mu Mazimano yacu yo mu nkinga. Ariko Aratujana mu bibanza vyo hejuru bishasha. Nta kibazo kindi kiriho; nta kundi kwibaza; TURI UMUGENI.

Kandi ntavyo Arakora. Aracashaka guhezagira no kuremesha Umugeni WiWe Mukundwa Yahisemwo. Ese ukuntu Akunda kuMuremesha no kuMubwira ingene AMukunda. Ese ukuntu AMwishimira.

Arafise n’ukundi Guhishurirwa kudasanzwe cane Azomuha. Igihe hari amajwi menshi cane kw’isi yanka kuvuza amabande, Arashaka ubugira kandi kuremesha Umugeni ko bari mu Bugombe BwiWe butunganye no mu Nzira YiWe Yatanze.

Integuro yiWe yama yanswe. Umugeni WiWe yama Ahamwa. Abantu bama bashaka ivyiyumviro vyabo, ibintu uko babibona. Bashaka umurongozi atandukanye wo kubarongora. Ariko Imana Yarungitse umurongozi UMWE kurongora Umugeni WaYo, Yo ubwaYo, Mpwemu Yera, kandi Mpwemu Yera w’iki gihe, nko mu BINDI BIHE VYOSE, NI UMUVUGISHWA W’IMANA.

Bama bashaka ko abantu babarongora. Mu gihe ca Samweli, Imana Yavuze ko bariko barayanka mu kudashaka ko Samweli abarongora. Bisa n’ibitangaje mu gihe Samweli nawe yari umuntu, ariko itandukaniro ryari ko Samweli yari umuntu Imana Yahisemwo ngo abarongore. Ntiyari Samweli, Ni Imana Yakoresha Samweli. Yari IJWI HAMWE N’UMUNTU Imana Yabahisemwo KUBARONGORA, ariko bo bari bashaka ayandi majwi.

Sauli yari azi ko abantu batinya Samweli, ni co gituma yategerezwa gutangaza ati: “Sauli NA Samweli”. Yategerezwa gutera ubwoba abantu kugira ngo bamukurikire. Vy’ukuri, yari yarahamagawe. Vy’ukuri, yari yararobanujwe amavuta na Samweli ngo abe umwami wabo, ariko Imana YARI IGIFISE Inzira Yatanze, n’umuvugishwanu Yahisemwo kubarongora, mbere no kurongora Sauli. Imana Yavuganye n’umuvugishwa waYo, Ibwira Sauli ico ategerezwa gukora. Igihe Sauli yafata ingingo y’uko nawe yari yararobanujwe amavuta, kandi ko Atari agishaka kwumviriza umuvugishwa gusa, Imana Yaramwatse ubwami bwiwe.

Nuko rero bamaze gukora ivyo, igihe ukuneshwa gukomeye kwashika, Sauli yaciye abaga inka zibiri niniya, azirungikira abantu bose. Kandi nipfuza ko mubona hano, igihe Sauli yarungikira Isirayeli yose ibice vy’inka, kandi akavuga ati: «Umuntu wese atazokurikira Samweli na Sauli, ko uwo ahinduka nk’iyi nka.» Murabona ubwiganyi, ingene yagerageje kwerekana ko yagendana n’umuntu w’Imana? Ese ukuntu—ese ukuntu bitari ubuKristo! Ubwoba abantu bari bafise kwari kubera Samweli. Ariko Sauli yabatumye bose bamukurikira kuko abantu batinya Samweli. “Baze bakurikire Samweli na Sauli.”

Umunsi umwe Sauli ahagarika umutima cane. Ntiyashobora kuronka inyishu iva ku Mana. Ntiyashobora kuronka ihumure. Yashaka inyishu. Yari azi aho ategerezwa kuja kugira aronke inyishu yashaka; hari ahantu hamwe gusa, UMUVUGISHWA W’IMANA, SAMWELI. Yari yarapfuye, ariko yari akiri IJWI RY’IMANA, NO MURI PARADIZO.

Data Yashaka ko Umugeni WiWe amenya uwo Yahisemwo kurongora Umugeni WiWe muri iki igihe ca nyuma, ni co gituma yatwaye umumarayika wiWe w’inkomezi hirya y’igihuzu c’igihe kugira ngo asubire atubwire, aduhumurize, kandi aturemeshe ko turi mu Bugombe BwiWe Butunganye kandi Bwatanzwe.

Umviriza cane ivyo umuvugishwa ariko aravuga VYOSE.

Ubu, sinshaka ko ibi mubisubiramwo. Ibi ni ivy’ishengero ryanje, canke intama zanje mbereye umwungere.

Imbere y’uko atubwira ikintu cose, abanza gushaka ko tumenya ko ivyo ari IVYACU GUSA, ISHENGERO RYIWE, INTAMA ZIWE, IZO ABEREYE UMWUNGERE. Rero, nimba udashobora kuvuga ngo, “MweneData Branham ni umwungere WANJE,” narabivuze mbere, ariko gusa ntaco bimaze kubandanya usoma, ivyo si ivyawe, yongeyeko ko atagomvye ko mbere tubisubiriramwo umuntu n’umwe kiretse abizera kandi bakavuga bati, “MweneData Branham ni umwungere wanje”.

Aho nyene ni ho hari inyishu yacu ku kibazo tunegurwako cane kubera tuvuga ngo: “MweneData Branham ni umwungere wacu.” (Ivyo, ni abo bantu bavuza amabande.) Bavuga ukuri, ni we, natwe turi abiwe.

Ndagusavye ntunshavurire, ivyo sindiko ndabivuga kugira ngo nshavuze n’umwe, ivyo vyoba ari bibi, ariko ni ivyo Ariko Arabwira Umugeni. Sindiko ndashirako insobanuro yanje, arabivuga neza…Ijambo ry’Imana nta nsobanuro Rikeneye.

Hamwe noba nari muri uyu mubiri canke hanze yawo, canke iyoba ari ukujanwa, ntivyasa n’iyerekwa iryo ari ryo ryose nigeze kugira.

Rero atubwira ko ibi bitari bimeze nk’iyerekwa ryose yigeze kugira. Yagiye ahantu atari bwigere aja. Mbere ryari RIHAMBAYE kuruta iyerekwa ryose yigeze kubona. Ntiyariko ararota, yabonye umubiri wiwe ku buriri; YARI HARIYA.

Mugeni wa Yesu Kristo, ivyo vyinjire neza cane. Yari Umugeni wa Yesu Kristo wo hakurya, mu gihe c’ubu, Baje Biruka kuri we, Basemerera, Baramvura amaboko kandi Baramuhobera, bamubwira bati: «Yoo, mweneData w’agaciro!»

Yari hariya; yashobora kuvyumva; yashobora kubumva. Bariko bavugana nawe. Yarahagaze maze araraba, yari akiri muto. Yasubiye kuraba umubiri wiwe wa kera wari uryamye hariya amaboko yiwe ari ku mutwe wiwe.

Ubu twaremeje ko YARI HARIYA, kandi ko Yari Umugeni wa Yesu Kristo yariko arabona. None rero reka twumve ivyo ijwi rivuye hejuru ryariko riramubwira.

Kandi rero iryo Jwi Ryariko Riravugira hejuru yanje, Ryavuze riti: “Urazi, vyanditswe muri Bibiliya ko abavugishwa bari kumwe n’abantu babo.”

Imana Ntiyariko Irerekana no kuremesha umuvugishwa waYo gusa, ariko hari n’ibindi vyinshi vyari muri ivyo. Yari kugaruka maze akatubwira atari gusa aho turiko turaja honyene n’uko bizoba bimeze, ariko akanatubwira ko turi mu Bugombe BwiWe butunganye mu Gufyonda Tukavuza kandi ko uko ariko ushikira ahari Umugeni.

MweneData Branham yavuze ko yipfuza kubona Yesu bikomeye cane. Ariko bamubwiye bati:

“Ubu, Ari hejuru gatoya gusa, neza hejuru gutya.” Bavuze bati: “Umunsi umwe Azoza kuri wewe.”

Babandanije kumubwira UWO YARI WE.

“Warungitswe, kugira ngo ube umurongozi. Kandi Imana Izoza. Kandi ni Yaza, Izogucira urubanza bijanye n’uko wabigishije, nimba bazokwinjira canke batazokwinjira bizovana n’ivyo. Tuzokwinjira bijanye n’inyigisho zawe.”

Ni nde yarungitswe nk’umurongozi? Tugiye gucirwa urubanza bijanye n’ivyo nde yatwigishije? Tuzokwinjira mw’Ijuru bijanye n’inyigisho ya nde?

Umwe ashobora kuvuga ngo, nigisha abantu banje ivyo nyene MweneData Branham yavuze…amen, nivyo mukwiye kandi nizera ko bamwe babikora, ariko ntimubigire “MweneData Branham na jewe.”

Tubandanye dusoma mu gihe Ashaka KUMENYA NEZA ko dutahura neza cane.

Kandi abo bantu barasemerera, kandi bavuga bati: “Ivyo turabizi. Kandi turazi ko tuzojana nawe, umunsi umwe, dusubire kw’isi.” Bavuze bati: “Yesu Azogaruka, kandi uzocirwa urubanza bijanye n’Ijambo watwigishije.

Tuzocirwa urubanza n’Ijambo YATWIGISHIJE. Gutyo, urubanza ruva ku vyo Ijwi ry’Imana Ryavuze ku mabande. Ni gute umuntu avuga Ijwi riri ku mabande atari IJWI RIHAMBAYE KURUTA AYANDI ushobora kwumviriza?

“Kandi rero niwemerwa muri ico gihe, ivyo uzoba,”

Mbega muriteguye. Ivyo bizohadikiriza ku biri Ubugombe butunganye b’Umwami kubw’Umugeni wa Yesu Kristo. Umugeni Ariko Arabwira umuvugishwa ivyo AZOKORA. Nta wundi. Si umugwi. Si uwundi mwungere, umuvugishwa w’Imana, WILLIAM MARRION BRANHAM.

“hanyuma niho uzoMudushikiriza, nk’ikamba y’igikorwa c’Imana cawe.”

Ni nde agiye kudushikiriza Umwami Yesu?
Iminsi yo kwumviriza umuvugishwa gusa yaraheze?
MweneData Branham ntiyigeze avuga ngo bavuze amabande?

Umugeni Ariko Arasemerera ati niwaba ushaka kuba Umugeni vyokubera vyiza Gufyonda Ukavuza.

None n’ubu ntimuvyemera? Ego cane, hariho n’ibindi.

Yavuze ati: “Uzoturongora atujana iWe, kandi, twese hamwe, tuzosubira kw’isi, kugira ngo tuyibeho ibihe bidashira.”

Ni nde ategerezwa kuturongora tuja iWe? Ni nde ariko ararongora Umugeni? Umugeni Ariko Aramubwira Ko AZOJANA UMUGENI KURI WE, hanyuma tuzosubira kw’isi tubeho ibihe bidashira.

Nimba hariho Uguhishurirwa UKO ARI KWO KWOSE muri wewe na gutoya. Namba wemanga ko wizera Ubu Butumwa, ndasenga ngo Imana Iguhishurire ko UTEGEREZWA gushiramwo Ijwi RyaYo, ama bande, MU KIBANZA CA MBERE.

Bungere, musubize umuvugishwa kuri alutari zanyu. Amabande ni Ijwi Rihambaye kuruta ayandi utegerezwa kwumviriza mu gihe mugiye gucirwa urubanza n’IRYO JWI.

Bijanye n’Ijambo, turi mu Bugombe BwiWe butunganye kandi Bwatanzwe mu gihe cacu mu kwumviriza Ijwi ry’Imana ku mabande.

Nimba Imana Yaruguruye amaso yawe ku Guhishurirwa kw’ukuri kw’Ijambo RyaYo, ndagutumiye ngo wifatanye natwe ku munsi w’iyinga isaha zitandatu ku mutaga kw’isaha ya Jeffersonville (isaha icumi na zibiri ku mugoroba mu Burundi), mu gihe tuzokwumviriza 60-0515M Umwami Yanswe.

MweneData Joseph Branham.

Ubutumwa: 63-0324E Agashashara k Indwi

• 25-0420 Agashashara k Indwi
• Pasika 2025 – Igikorane Kidasanzwe C’Isangira Ryera Hamwe N’Ukwozanya Ibirenge
• 23-0910 Agashashara k Indwi
• 22-0320 Agashashara k Indwi
• 21-0314 Agashashara k Indwi
• 19-0512 Agashashara k Indwi
• 17-0423 Agashashara k Indwi

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Ubutumwa: 63-0324m Ibibazo N Inyishu Ku Dushashara

• 25-0419 Ibibazo N Inyishu Ku Dushashara
• Pasika 2025 – Igikorane Kidasanzwe C’Isangira Ryera Hamwe N’Ukwozanya Ibirenge
• 23-0903 Ibibazo N Inyishu Ku Dushashara
• 22-0313 Ibibazo N Inyishu Ku Dushashara
• 21-0307 Ibibazo N Inyishu Ku Dushashara
• Inkona Zirakoranira Hamwe
• 17-0422 Ibibazo N Inyishu Ku Dushashara

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle