Category Archives: Uncategorized

24-0121 None Yesu Yitwa Kristo We Ndamugire Nte?

Ubutumwa: 63-1124M None Yesu Yitwa Kristo We Ndamugire Nte?

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi mukunda Bande,

Turakunda Ubu Butumwa n’umutima wacu wose. Ni uburyohe bw’umusigati w’Imana. Ni Ijambo ry’Imana ryemejwe vy;ukuri, kandi ryagaragajwe incuri n’incuro. Ubu Butumwa ni inyishu kw’Ijambo ry’Imana. Ni Kristo nyene Uwasizwe, Ijambo ryasizwe kubwo igihe cacu.

Turafise Ijambo ry’Imana ryagaragajwe hano, ryemejwe hanyuma rigarazwa na Mpwemu, yatwakiriye maze aduha umubatizo wa Mpwemu Yera. Twabatijwe mw’Izina rya Yesu Kristo. Bwa Butumwa bwiza nyene, vya bimenyetso nyene, vya bitangaza nyene, ca gikorwa nyene c’ivugabutumwa, na ya nkingi y’umuriro nyene igaragarira imbere yacu, yerekana ibimenyetso n’utwumiza. Nta citwazo ahantu na hamwe.

Ni igihe c’ukwegerana n’Imana n’Umugeni waYo. Umugeni wa Yesu Kristo yarahamagawe. Twashizweko ikimenyetso mu Bwami bw’Imana. Ibikorwa vy’ubwenge bw’abantu biri hano birindiriye ubushobozi buzodukura hano kw’isi butwinjiza mu bwiza, mw’izamurwa.

Ubwo bushobozi ni ukwuzura ubugira kandi Mpwemu Yera. Ibuye ry’agasongera rizomanuka hanyuma ryiyunge na wa mubiri. Rero, igihe umutwe n’umubiri vyiyunze, ubushobozi bwose bwa Mpwemu Yera buzotuzura kandi abapfiriye muri Kristo bazozukana ubwiza bw’Ukugororoka kwiWe, hanyuma bafate urugendo berekeza mu kirere.

Ico gihe kiregereje cane, igihe carangiye, ingingo zanyuma zitegerezwa gufatwa. Mbega uzokora iki hamwe n’Ijambo ryasizwe kubwo igihe cacu? uhagaze hehe kubwo Ubu Butumwa bw’igihe?

Uzovuga gusa uti, Ndizera Ubutumwa.Ndizera Imana ko yarungitse Umuhanuzi.”

Wivugira gusa ubu uti, « Ndizera Ubutumwa.” Ndubaha Intumwa.

Namba utegerezwa KUBAHA Intumwa; ITEGEREZE, yavuze kwubaha intumwa, ese ukuntu ari ingirakamaro kwizera no kwumviriza buri Jambo intumwa yavuze ?

Wavuze uti, “ Rero, ndizera buri Jambo Branham yavuze.” Ivyo ni vyiza, ariko ivyo vyarashoboye gusomwa.

Mbega ni kuki abantu badahazwa n amabande ? Umuntu wese ntashobora kuba umuhanuzi. Hariho gusa umuhanuzi umwe. Kandi Ijambo riva kuri uwo muhanuzi.

Ishengero ryarakoze gushika aho batangura kuvyibaza ; canke bashaka Ijwi ritandukanye ryo kubabwira, no kubasobanurira, ivyo umuhanuzi yavuze. Bashaka Kora na Datani b’iki gihe.

Murabona, vyatanguye buhoro mukwigisha nabi Ijambo, kandi ca kintu nyene, kiriko kirangiriza muri ya nzira nyene.

Namba vyaratanguye, bizorangira, gusa ukwigisha nabi Ijambo, Vy’ukuri mwaratahuye ukuntu mutegerezwa kugumana n’amabandes. Ata nkeka murabona impamvu Imana yashizeho Ubu Butumwa ngo bushirwe mu majwi kandi bubikwe kubwo Umugeni.

Sindiko ndavuga ibi bintu kugira nshire hasi abungere banyu, canke mukuvuga ko mudakwiye kwumviriza umwungere wanyu, OYA, ariko kubereka akamaro ko gufyonda ukavuza no kwumviriza Ubu Butumwa kuri bande.

Ukuntu ishengero ryotegerejwe kubisuzuma ubugira kandi , n’ubugira kandi n’bugira kandi ! Turindiriye ukuza kwiWe ubugira kandi. Turi maso, turindiriye ugukurwa kw’isi. Vyoba vyiza tubisuzumishije Ijambo, atari ivyo umuntu yavuze. Mwimenye vy ‘ukuri ubwanyu, nkabafise imigenderanire yiharije na Kristo. Bisuzume ubugira kandi mwongere mubisuzume.

Yavuze iki ? dutegerezwa kubisuzumisha Ijambo ubugira kandi nubugira kandi nubugira kandi . Ni gute ubisuzumisha Ijambo ? Ni irihe Jambo uyu munsi ? Ni rya Rindi nyene uhereye kw’itanguriro, Bibiliya.

Ni uwuhe Imana ivuga ko yoba umusobanuzi w’Ijambo ryayo ? Jewe ? Umwungere wanyu ? Oya, Umuhanuzi w’Imana yagaragajwe kubwo igihe niwe wenyene musobanuzi w’Ijambo. Rero, utegerezwa gusuzuma buri jambo umuntu wese yovuga ubugira kandi, nubugira kandi nubugira kandi hamwe N’AMA BANDE!

Namba iyo mvugo ari iy’ukuri, rero wokwizera ko ikntu cose ngirakamaro umuntu wese , canke umwungere yoshobora gukora, ari GUFYONDA UKUVUZA.

None ni kuki bigoye cane ku muntu wese avugako ko yizeye Ubutumwa kuvuga ivyo? Kuko batavyizera vy’ukuri.

Ni iyihe ngingo YAWE ya nyuma? Jewe hamwe n’inzu yanje, tuzogumana n’Ubu Butumwa hamwe n’intumwa y’Imana; Ama bande. Turizera yuko ata kindi kintu ngirakamaro gisumba kwumiririza Ijwi ry’Imana kuri Bande.

  • Hariho UMWE gusa avuga Ijwi rya Niko Uhoraho Agize.
  • Hariho Ijwi RIMWE gusa Inkingi y’umuriro yagaragaje.
  • Hariho Intumwa mumalayika w’indwi IMWE gusa.
  • Hariho Ijwi RIMWE gusa Umugeni ashobora guhurizako.
  • Hariho Ijwi ry’Imana RIMWE gusa kubwo uru runganwe.

Asangwa ufise uguhishurirwa nk’ukwo, ingo wifatanye nanje hamwe n’umugwi mutoya wo kw’isi yose yizera co kimwe, uwu w’iyinga isaha zitandatu z’umuhingamo, isaha ya Jeffersonville, mu gihe twumviriza hanyuma tugafata ingingo yacu yanyuma : None Yesu yitwa Kristo we ndamugire nte? 63-1124M.

MweneData Joseph Branham.

24-0114 Uri Muri Mwebwe

Ubutumwa: 63-1110E Uri Muri Mwebwe

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Bizera b’Ukwizera gutunganye,

Buri munsi imitima yacu idundadundana ivyitezwe bihambaye. Turindiriye igihe ko gishika c’ukuza kwiwe kuri hafi. Ubwoba bwose bwarakamanganye. Nta kwibaza tuti, “ Turi Umugeni wiwe”? Vyashinze inanga mu mitima yacu gusumba mbere, TURI UMUGENI WIWE.

Twarashitse ahantu ho mw’Ijuru, twumviriza ubutumwa bwa Yesu Kristo, Yambaye umubiri mw’Ishengero ryiWe. Ubu Butumwa vy’ukuri bwemejwe n’Ijambo ry’Imana, Ntiyoshobora kuba umuntu, Itegerezwa kuba Imana ivugana n’Umugeni wayo umunwa ku gutwi.

Turizera yuko Atari umuntu avugana natwe kuri izi Bande, ni Imana.

Ivyo ndiko ndageregeza kuvuga, “ Ntimutakaze icizere canyu.” Ntimureke Satani ngo ababwire ikibi kuri jewe; kuko, hariho vyinshi. Ariko gumana ico cizere; kuko mutagifise , ntibizoshika. Ntimundabe , nk’umuntu; ndi umuntu, mfise amakosa menshi. Ariko hanga amaso kubiMwerekeye. NiWe. Ni Wa wundi.

Mutegerezwa kugira icizere no kwizera ivyo IVUZE BITARI UKO NTIBIZOSHIKA. Ntitwitegereza umuhanuzi w’Imana nk’umuntu, nk’uko abenshi bibaza ko ariko tubikora. Turi inyuma y’igihuzu c’umubiri w’umuntu, kandi ivyo tubona vyose n’ivyo twumva ni Imana iba iriko ivugira mu kanwa k’umuntu maze TUKAGIRA ICIZERE NO KWIZERA BURI JAMBO.

Ukwo nikwo guhishura kwa Yesu Kristo muri iki gihe. Kwizera ari Imana, Atari umuntu avugira kuri aya mabande. Asangwa uhushije ibi , mugenzi, uba uhushije Ubutumwa bw’igihe kandi ntushobora kuba Umugeni.

Satani yishirira kuri ivyo insobanuro yiwe, kandi ibice mirongo icenda n’icenda kw’ijana avuga Ubutumwa nka kurya yabikoze kuri Eva, ariko yari yategetswe kugumana n’Ijambo, ivyo Adamu yamubwiye nivyo Imana yari yaravuze, atari ivyo umuntu uwo ari we wese yavuze vyasigura. Yategerezwa kugumana n’Ijwi ry’Imana.

Iki ni igihe gihambaye isi itigeze imenya. Ubuzima bwa Yesu Kristo, yabayeho maze akihishura ubwiwe mu buzima bw’umuhanuzi wiwe, ubu ariko abana natwe mu mubiri, Umugeni wiwe.

Turiko turakora neza na neza ivyo yadutegetse gukora : Gumana n’Ijambo mukugumana n’Ijwi ry’Imana ku mabande. Ni ivugabutumwa rya Bande n’umugambi w’Imana kubwo iki gihe.

Asangwa vy’ukuri wizeye ko William Marrion Branham yari Intumwa mumalayika w’indwi yatoranijwe n’Imana , uwo Imana yahisemwo kugira avuge kandi ahishure amabanga yose yari yaranyegejwe mw’Ijambo, Ijwi ry’Imana kuri uru runganwe, umuntu yarafise ukwizera guhebuje, uwo umumalayika w’Umwami yabwiye ati, « Niwatuma abantu bakwizera, nta kintu na kimwe kizohagarara imbere y’amasengesho yawe » Rero uwu w’iyinga azoba ari umusi w’ikete ritukura gusumba iyindi minsi.

Nta kindi kintu gishobora gukura uku guhishurirwa kw’Ubu Butumwa muri twebwe, NTA NA KIMWE. Ntitwoshobora NA RIMWE kubikekeranya. Namba yarabivuze, turavyizera. Turashobora kutobitahura vyose, ariko turavyizera uko biri kwose.

Yesu ubwiwe yatubwiye ati, « Uwuri muri mwebwe aruta uwuri mub’isi. » Reka ivyo vyinjire mu mitima yanyu. Mpwemu wiwe aba muri twebwe. Twoshobra gutahura ivyo ? Ubu , mu gihe muriko murasoma iri kete, Mpwemu Yera, Imana ubwayo, Inkingi y’umuriro, iri kandi igerereye muri twebwe ? Mbega tumenya gute ko ivyo ari ukuri ? IMANA NIKO YAVUZE !

Satani yama atubwira ko turi abananiwe. Kandi ari mu kuri, niko turi. Atwibukije ko tutari aho twotegerejwe kuba mw’Ijambo. Ubugira kandi, siho turi. Dukora ibintu tuzi neza ko tutotegerejwe gukora, Duharire Mwami, ari mu kuri.

Ariko hamwe n’amakosa yacu yose, intege nke zacu zose , ukunanirwa kwose kwacu, ntibihindura ukuri, TURI UMUGENI, TURIZERA BURI JAMBO !

Ntituriko twiraba ubwacu canke ikintu twoshobora gukora, dufise akajagari, Turazi ko yaduhisemwo hanyuma aduha uguhishurirwa kw’Ijambo ryiwe kandi nta kintu na kimwe codutwara ukwo guhishurirwa. Bimase mu mutima no mu mushaha wacu.

Yatubwiye ko dutegerezwa kugira UKWIZERA GUTUNGANYE, turakeneye Mwami , UKWIZERA GUTUNGANYE mw’Ijambo ryawe. Turafise ukwizera kw’ivyo umuhanuzi wawe yavuze ko ari Niko Uhoraho Agize. Si Ijambo ryiwe, ariko ni Ijambo ryaWe kuri twebwe.

Umuhanuzi wawe yatubwiye ko ivyo dukeneye vyose, nitwizera hanyuma tukagirira ukwizera Ijambo ryawe, turashobora kuronka ivyo dukeneye vyose. TURIZEYE.

Mwami, hari ico nkeneye, ndaje imbere yawe n’ukwizera kwose mfitiye Ijambo ryawe, kuko ntirishobora kunanirwa. Ariko uyu munsi, Mwami, sinje gusa imbere yawe hamwe n’ukwizera kwanje, ariko mfise n’ukwizera wahaye Intumwa mumalayika w’indwi wawe w’inkomezi.

Ewe Mwami Mana, ndagusavye utugirire imbabazi. Kandi ese buri mugabo n’umugore bicaye hano, bafise indwara canke umubabaro ; kandi nkuko Mose yitaye ubwiwe hagati, kubwo abantu, iri joro, ndambitse umutima wanje imbere yawe, Mwami. Hamwe n’ukwizera kwose mfise, kuri muri wewe, yuko wakumpaye ngo ndakubahe.

Kandi mvuze : ukwo mfise, ndaguhaye iri koraniro ! Mw’Izina rya Yesu Kristo w’Inazareti, irukana indwara yawe, kuko uwuri muri wewe arahambaye cane gusumba umurwanizi ariko aragerageza gutwara ubuzima bwawe. Muri abana b’Imana. Muri abacunguwe.

Birarangiye, Ijambo ryiwe ntirishobora kunanirwa. Ivyo dukeneye vyose, turashobora kubironka.

Ingo mwifatanye natwe kuw’iyinga isaha zitandatu z’umuhingamo, kw’isaha ya Jeffersonville, mukwakira uwu muhezagiro uhambaye hamwe n’ugusirwa kuvuye ku Mana mu gihe igice c’Umugeni azoba akoranye kw’isi yose yumviriza Ijwi ry’Imana rishira UKWIZERA kwiwe hamwe n’UKWIZERA kwacu.

MweneData Joseph Branham

Uwuri muri mwebwe 63-1110E

24-0107 Impwemu Ziri Mw Ibohero Ubu

Ujume: 63-1110M Impwemu Ziri Mw Ibohero Ubu

Kuvoma Ubutumwa

BranhamTabernacle.org

Bakunzi hanga ryitandukanije,

Imana yaje mu gihe cacu hanyuma yihishura ubwaYo mu mubiri w’umuntu, umuntu yitwa William Marrion Branham, rero yashoboye gushitsa ijambo ryaYo. Ukwo niko guhishura kwa Yesu Kristo mu gihe cacu.

Kwumviriza rirya Jwi maze tukizera buri Jambo kwariyo nzira yonyene y’Imana Yateguye kubw’ iki gihe. Yarungikiye isi abantu benshi basizwe na Mpwemu Yera waYo, ariko yararungitse hanyuma avugira mu muntu umwe kugira ahishure ijambo ryaYo hanyuma arongore Umugeni waYo.

Ntiyigera Ihindura umugambi waYo canke uburyo bwaYo bwo Gukora ibintu. Ukwo yabikoze ubwa mbere, niko ibikora buri gihe. Irongora ihanga ryaYo ubwayo, kubwo inkingi y’umuriro.

Ntimwibagire, MURI Umugeni yatoranijwe w’Imana kandi nta kintu na kimwe umugwanizi ashobora gukora canke yoshobora kuvuga ngo kibake ivyo , NTA NA KIMWE! Yabatoranije imbere yuko isi ishirwaho. Yabamenye ico gihe, kandi mwari kumwe naWe. Yari azi izina ryanyu. Yari azi ikintu cose kiberekeye. Yari azi ibibi n’ivyiza kuri mwebwe. Yari azi ukunanirwa kwanyu, amakosa yanyu, kandi yagumye abakunda hanyuma yabahisemwo kuko mwari igice ciWe.

Ubugingo bwanyu bushobora gusa kugaburirwa n’Ijambo ryiWe. Nta kintu na kimwe gishobora kubahaza kiretse Ijambo ryaYo. Murakunda gusoma Ijambo ryaYo hanyuma mukamwiyumvirako, mugasenga bivuye I bwina mu mutima wanyu igihe mwumvirije IJwi ryaYo rivugana nawe neza na neza, ribaduza Hirya ya ca Gihuzu c’igihe. Kuko mwoba muzi ko mwicaranye naWe ahantu ho mw’ijuru mu gihe avugana namwe umunwa ku gutwi, ahishura Ijambo ryiWe, abibutsa ati, MURI UMUGENI WANJE.

Umugwanizi ashobora kudodagura akadodagura kandi akadodagura kuri mwebwe. Mushobora kumva mudendebukiwe rimwe na rimwe maze mukwumva ko mwananiwe vy’ukuri; mu kwumva ko mwamutetereje kurushiriza. Muri abanyantege nke cane, ariko ahantu hanaka, imbere I bwina mu bigingo bwanyu, mwumva rirya jwi ritoya ritekereje ribabwira riti, “ Nta kintu na kimwe gishobora kubatandukanya NANJE, MURI IJAMBO RYANJE. Nashize izina ryanyu mu gitabu canJe c’ubugingo c’umwagazi w’intama, jewe ubwanJe.”

N’igiki novuga co kubatera intege uyu munsi?

Guma gusa mw’Ijambo. FYONDA MUVUZE buri munsi hanyuma mwumvirize ijwi ry’Imana rivuga Niko Uhoraho Agize kandi ribabwira; ndiko ndabakoraniriza hamwe kw’Ijambo ryanJe.

Murashobora kunesha IKINTU COSE, kuko Ijambo ryanJe riba kandi rigerereye muri mwebwe. Narabibagaragarije, mufise UKWIZERA GUTUNGANYE. Mwarashizeko ikimenyetso, kandi vyabashize mu guhererwa. Nzohagarara inyuma y’Ijambo ryanJe. Nzokora ivyo navuze ko nokoze.

Ese ukuntu ari amajambo meza yaYo atubwira biciye ku maBande. Turazi ko Atari umuntu munaka, umuntu w’umubiri ari muri twebwe. Ni Imana Ihoraho ivugana natwe, umugeni waYo.

Muratumiwe kwifatanya n’umugeni uwu w’iyinga isaha zitandatu z’umuhingamo kw’isaha ya Jeffersonville (Akazoba ari isaha imwe y’ijoro mu Burundi), mu gihe tuzoba dukoranye twumviriza rirya jwi ritoya ritekereje: Impwemu Ziri mw’Ibohero Ubu 63-1110M

MweneData Joseph Branham

Ivyanditswe vyo gusoma imbere y’ubutumwa:

Itanguriro 15:16
Matayo 23:27-34
Yohana 4:23-24/6:49/14:12
1 Petero 3:18-22
2 Petero 2:4-5
Yuda 1:5-6

23-1231 Uguhererwa

Ubutumwa: 63-0901E Uguhererwa

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Data,

Twarafyinye bihagije. Twaragiye kw’ishengero bikwiye. Kuva twumvirije Ubutumwa , Ikimenyetso, vyashiburiye Umugeni wawe mu guhererwa.

Turazi ko ikintu kinaka citeguriye gushika. Igihe kiri hafi. Turagukeneye uze maze udukure muri iyi si. Dushaka kubana naWe. Twiyumva duherewe ibwina mu Bugingo yacu.

Twoba tuja kuvuga ibivyerekeye? Twoba twaraherewe bihagije? Twoba turiko turagutakambira nk’uko vyotegerejwe umurango n’ijoro?

Yooo, Shengero, haguruka hanyuma mwinyiganyize mwebwe ubwanyu! Kabura agatimanama kanyu, ikangure, muri iki gihe! Dutegerezwa guhererwa canke dupfe rubi! Hagiye kuza ikintu kivuye ku Mwami! Ndakizi NIKO UHORAHO AGIZE. Hariho ikintu kigiye kuza, kandi vyoba vyiza duherewe. Kiri hagati y’ubugingo n’urupfu. Kizoca hagati muri twebwe kandi ntituzokibona.

Turaziko bisaba uguhererwa kugira bibazane ku gikorwa. Dutegerezwa kubigira canke dupfe rubi. Mwami, reka duhinduke abaherewe gusumba ubwa mbere, hanyuma uzoza ku gikorwa maze uze gutora Umugeni wawe arindiriye.

Dufashe Data kugira twinjire muri vyo, Atari gusa kubigenderamwo, vyoroshe, ariko kubibamwo. Atari kubivugako gusa ariko no kubibandanya mu buzima bwacu bwa minsi yose. Dukeneye ku kurondera n’imitima yacu yose, n’ubugingo bwacu bwose hamwe n’ubwenge bwacu bwose. Mwami, dufashe.

Turazi ko twagutetereje kenshi, Mwami, ariko watubwiye igihe tunaniwe, ivyo ntasano bifitaniye, tuba turi abananiwe kuva ku ntango, ariko turaguufise uhagaze hariya ufise ikiganza c’inkomezi kandi kirashobora kudushikira hanyuma kikaduterurira hejuru y’amazi.

Umuhanuzi yaratumenyesheje ko uzoturengana igihe ubonye twashizeko ikimenyetso. Mwami, twarakurikije ivyo udusaba kandi twarashizeko ikimenyetso hanyuma tugira inzu zacu ishengero rya Bande, twumviriza kandi twizera ijambo ryose.

Imenya gusa i—ikimenyetso. Naco ni Ubutumwa bw’igihe! Ni Ubutumwa bw’iki gihe ! mw’izina rya Yesu Kristo turavyakiriye !

Nta kitwagira kandi turizera maze tugashira ikintu cose bijanye n’ivyo umuhanuzi yatubwiye.

Twizera yuko ikintu kiba kandi gishika mu gihe canyu gitunganye. Nta kintu gihari hariya twarabonye ibitangaza vyose vyanyu, kandi twarumvise munyuma tuza munsi y’ikimenyamenya c’Ikimenyetso.

Rero mu gihe turi munsi y’ikimenyemenya c’Ikimenyetso, tuzogira isangira ryera uwu w’iyinga mu Guhererwa. Ko tuzi yuko witeguriye guhushura ukoresheje urubanza.

Ese twobifata nk’Ikimenyetso ca Pasika, igihe vyafatwa mu kwihuta, mu gihe co Guhererwa. Turi mu Guhererwa ubugira kandi uyu munsi Data.

Turashimye, Mwami ko dushobora kwitegereza inyuma muri uyu mwaka hanyuma tukabona ibintu vyose wakoze kubwacu. Waduhishuriye Ijambo ryaWe, hanyuma uduha uguhishurirwa ku kundi guhishurirwa nk’uko bitigeze bimera mbere.

Rero turazi yuko turi abahungu n’abakobwa bawe. Turi umugeni wawe Jambo atunganye warindirije igihe kirekire. Ni wewe ubaye kandi ugerereye muri twebwe. Waraduhisemwo, waradutoranije kandi ubu uriko uraza kubwacu.

Mwami, ese twokurondera umurango n’ijoro. Ese twocika abaherewe tukakuborogera. Ese twobandanya muri vyo gusumba mbere. Ese uwu mwaka woba umwaka uzoziramwo kubwacu.

Turagukunda Data kandi dukeneye kuba ubugombe bwawe butunganye, ingo ubane natwe igihe dukoranira hamwe kw’isaha cumi n’imwe z’umuhingamo isaha ya Jeffersonville, iruhande y’ijwi ryawe hanyuma tukumvirize utubwira ukuntu twokwinjira mu Guhererwa 63-0901E. hanyuma bana natwe mu gihe dukoranira hamwe mu Guhererwa, maze Amazimano y’Umwami.

Iyi ni iminsi ihambaye mu buzima bwacu Data kuko tuzi yuko ugiye kutujana vuba I muhira hacu ho muri kazoza kubana nawe. Turindiranye igishika gihambayhe buri munsi kubwo abera batwitangiye imbere. Turazi igihe tubabonye, igihe c’ukuza kwawe kiba gishitse… Imana Ishimwe!!!

Turi mu Guhererwa kubwo ico gihe, Data.

MweneData Joseph Branham

Ivyanditswe vyo gusoma imbere y’Ubutumwa:

Kuvayo 12:11
Yeremiya 29:10-14
Luka 16:16
Yohana 14:23
Ab’ I Galatiya 5:6
Yakobo 5:16

23-1224 Kubera Iki Betelehemu Ntoya?

Ubutumwa: 58-1228 Kubera Iki Betelehemu Ntoya?

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni washizweko Ikimenyetso,

Nipfuza y’uko twokwitegura ubwacu kubwo Igikorwa c’Isangira ryera ryo mu miryango ryiharije ku munsi buca ari umwaka mushasha, kuw’iyinga, itariki 31 za Kigarama. Tuzokwumviriza Ubutumwa, Uguhererwa 63- 0901E, aho MweneData Branham Akora Isangira ryera hamwe no kwozanya ibirenge ku mpera ya Bande.

Ubutumwa buzovuzwa kuri Voice Radio (mu congereza gusa) , hanyuma dukurikize urutonde rw’igikorwa nk’uko twabikoze mu bikorane vy’Isangira ryera mu miryango biheruka, dushizemwo umuziki wa Piano mu gice c’igikorwa c’isangira ryera, n’indirimbo z’uguhimbaza Imana mu gihe c’ukwozanya ibirenge. Tuzotangura igikorane isaha cumi n’imwe z’umugoroba , kw’isaha ya Jeffersonville(akaba ari isaha zitandatu z’ijoro mu Burundi). Kuri mwebwe abo hakurya y’amazi, ndabasavye mwiyumve amahoro mu kuvuza Bande no kugira Isangira ryera mwisunze isaha yo mu karere k’iwanyu kugira mugire Isangira ryera imbere y’isaha zitandatu z’ijoro z’umwaka wa 2023.

Sinoshobora kwiyumvira ukuntu twashoboye kurangiza neza uyu mwaka wa 2023 hanyuma tugatangure umwaka mushasha w’igikorwa mu Mwami, umwaka wa 2024, mu gutekerereza imbere yiWe, guhererwa kubwiWe, Gusangira naWe Amazimano yiWe, gusenga no guharirana, kwoza ibirenge vy’Abera biWe, no kwumviriza Ijambo ryiWe. Mbega ingene uzoba ari umugoroba w’igitangaza.

Ibiraro biri munsi ni ivyo, ukuntu mutegura Umukate n’umuvinyu w’Isangira ryera.

Ndashimye ko Umwami yaduteguriye inzira kugira dukoranire hamwe kubwo aka karyo kubashwe. Ndindiranye igishika vy’ukuri guhura namwe mwese ku Meza yiWe.

Uyu w’iyinga, tuzokwumviriza ubutumwa bwa Noheli: Kuki Betelehemu ntoya? 58-1228 isaha zitandatu ku muhingamo isaha ya Jeffersonville(akaba ari isaha imwe y’ijoro mu Burundi).

Imana Ibahezagire.

MweneData Joseph Branham

Uw’iyinga, italiki 24 Kigarama, 2023
Kuki Betelehemu ntoya? 58-1228
Isaha zitandatu z’umuhingamo, isaha ya Jeffersonville(isaha imwe y’ijoro mu Burundi)

Uw’iyinga, italike 31 Kigarama,2023
Uguhererwa 63- 0901E /Isangira ryera mu miryango no kwozanya ibirenge
Isaha cumi n’imwe z’umugoroba, Isaha ya Jeffersonville(isaha zitandatu z’ijoro mu Burundi).

Instructions for Baking Bread / Making Wine

Instructions to obtain Communion Wine / Feet Washing Bins

23-1217 Ikimenyetso

Ubutumwa: 63-0901m Ikimenyetso

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukundwa mukunzi wanje.

Umutima wanje urabiragira gusa igihe ndababonye mwese mukoraniye hamwe hirya no hino y’Ijwi ryanje, mwumviriza Ijambo ryanJe, mu gihe Mvugana na mwebwe biciye mu mumarayika wanJe.

Birampimbara cane kumenya yuko mufise uguhishurirwa kw’uwo nahisemwo kugira abe Ijwi ryanJe kuri mwebwe. Mu kwizera yuko Ijambo ryose yavuze ritari IJambo ryiwe, ariko ryari Ijambo kuri mwebwe.

Vyari ngirakamaro kuri Jewe, narabifashe amajwi kandi ndabibika kubwanyu, kugira ngo mushobore kuvyumviriza incuro n’incuro. Sinashatse ko mwibagira ko ivyo navuze vyari bivuye ku mutima wanJe. Nari nzi y’uko yari iyo nzira yonyene nari gushobora kubaheramwo kurya Kwizera gutunganye mwashaka, kugira ngo dushobore kugumana hamwe.

Namye nkoresha umuntu umwe mu kuvuga hamwe no mu guhishura Ijambo ryanJe k’Umugeni wanJe. Nk’uko nabikoze kuri Mose gusa. Ivyo yahamagiriWe, n’ivyo yaronse, kuko yavuga amajambo yanje gusa. Naranamubwiye nti nzokugira imana. Uzoba imana, kandi Aroni azoba umuhanuzi wawe. Nzofata ijwi ryawe hanyuma nzorema ndarikoresheje. Nzovuga kandi abantu ntibazoshobora kuvyanka. Ivyo ari vyo vyose WOVUGA, bizoshika.

Ubu mwaramaze kuronka ukwizera gutunganye mw’Ijambo ryanJe, ntimwatahuye gusa uwo narungitse kugira ngo abe Ijwi ryanJe, ariko ubu mwatahuye ko Ijambo ryanJe riba kandi rigerereye muri MWEBWE, hanyuma yarabahaye UKWIZERA GUTUNGANYE.

Murazi abo muri, muri muri jewe kandi Ijambo ryanJe riri muri mwebwe, musabe ico mushaka cose, muzogihabwa. Muzosenda amadayimoni mw’Izina ryaNJe; Atari, nzo, MUZO. Nimwabwira uwu musozi; Atari ninabwira, nimwabwira uwu musozi.

Uwansi wanyu ntabushobozi akibafiseko. Mwebwe n’Ijambo ryanJe ni KIMWE. Namba mufise abana canke abakunzi batari aho botegerejwe kuba, nimubabohoze . Namba vyarakoretse kuri mwebwe, rero shira mu ngiro UKWIZERA GUTUNGANYE kwanyu mw’IJAMBO RYANJE RITUNGANYE riba muri mwebwe, kandi muzoshobora kuronka ivyo mwasavye.

Yooo, nabarindiriye ikiringo kirekire kugira ngo mutahura abo muri. Mukubabona mwitegurira kwumviriza Ijambo ryanje. Ndanezerewe cane yuko igihe camaze gushika.

Rirya Jambo ritunganye navuze hanyuma nkaribika kubwanyu ni ikimenyetso canje c’uwizera wese uyu munsi. Ni Mpwemu Yera; si amaraso, si amaraso buraso, ariko ni Mpwemu Yera wanJe, Ijambo ryanJe, riba kandi rigerereye muri mwebwe.

Igihe c’ico kimenyetso c’uko gishirwa ahagaragara kiri hafi. Mutegerezwa gutwara ico kimenyetso umurango n’ijoro; Atari kuw’Imana gusa, mutegerezwa gufyonda mukavuza igihe cose.

Atahura gusa ico kimenyetso. Ico ni Ubutumwa bw’igihe! Ico ni Ubutumwa bw’iki gihe ! ico ni Ubutumwa bw’iki kiringo ! mw’Izina rya Yesu Kristo vyakire !

Hariho Ubutumwa bwinshi hariya hanze, ariko IJwi ryanJe ni Ubutumwa bw’Igihe. Mutegerezwa kwakira kandi mukizera iri Jambo. Bitegerezwa gushirwa mu ngiro mu gihe c’akagoroba.

Mwebwe mwese kw’isi yose mwumviriza ama Bande, igihe c’ikimenyetso kiri hano. Hari ikimenyetso gitegerezwa gushirwaho kandi nta kindi gihe gishobora kuza… muriko murabitahura ?

Ingo hanyuma mushireho ikimenyetso canJe mu buzima bwanyu hamwe n’Umugeni wanJe uyu w’iyinga isaha zitandatu z’umuhingamo, isaha ya Jeffersonville(Akaba ari isaha imwe y’ijoro mu Burundi) mu gihe twumviriza Ubutumwa bwanJe k’Umugeni : Ikimenyetso 63-0901M.

MweneData Joseph Branham

Ivyanditswe vyo gusoma imbere yo kwumviriza Ubutumwa :

Itanguriro 4 :10
Kuvayo 12
Yosuwa 12
Ivyakozwe n’Intumwa 16 :31/ 19 :1-7
Abaroma 8 :1
1 Ab’ I Korinto 12:13
Abanyefeso 2:12/4:30
Abaheburayo 6:4/9:11-14/10:26-29/ 11:37/12:24/13:8, 10-20
Yohana 14:12

23-1210 Ukwizera Gushitse

Ubutumwa: 63-0825E Ukwizera Gushitse

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Kwizera gutunganye,

Ukwizera kwacu kuza kubwo kwumva, Kwumva Ijambo ry’Imana. Ijambo rizanana ku Muhanuzi.

Umuhanuzi ni:

Ijambo ryambaye umubiri! Haleluya! Ijambo rikorera mu mubiri w’umuntu, kubwo ibimenyetso vy’umubiri, kubwo ibimenyetso biboneka, kubwo ibimenyetso vy’ivyanditswe, neza na neza, mukubazanira ukwizera gutunganye kubwo Ukuzamurwa gutunganye.

Turiko turakora neza na neza ivyo Ijambo ritubwira gukora mu kwumviriza Ijwi ry’Imana gusa ryemejwe Rivuga kandi rihishura Ijambo ryaYo biciye mu mubiri w’umuntu kugira ngo riduhe Ukwizera gutunganye.

Mutegerezwa… Amatwi yanyu ntiyumva ikintu na kimwe kiretse ico Mpwemu avuga. Murabona? Uwuri n’ugutwi (Niyumvirize) raba ivyo Mpwemu abwira amashengero” uwufise aho kwumviririza, uwacakiye ivyo Mpwemu abwira amashengero. Murabona?

Twebwe turi ahantu haYo ho kwumviririza aho baRironkera kandi bakizera buri Jambo. Igihe iduhaye amategeko, “ Vuga gusa ibiri kumabande. NDI Ijwi ry’Imana kuri mwebwe. Munyita umwungere wanyu, kandi mubivuga ko.”Kuko ari ko ndi. Turabikora. Ico ari co cose avuga, nta gukekeranya, turabandanya. Ico ari co cose Umwami avuze biciye mu Muhanuzi wayo, nta muntu kw’isi ashobora kukivuguruza, tubandanya co kimwe.

Rero muriko muraza mu Kwizera gutunganye, Ugutungana kutagira agatosi ntigushobora kunanirwa. Ukwo Kwizera ntigushobora kunanirwa.

Ubu dufise Ukwizera gutunganye mw’Ijambo ryiWe. Ntituriko twitegereza twebwe ubwacu . Ntaco dutinya, nka Yobu. Ntidutinya iyo twitegereje imikuba myinshi hamwe no gusoma nturi mu mazi nka Petero. Iyo minsi yararenganye.

RERO twitegereza iryo Jambo ritunganye riba kandi rigerereye muri twebwe. Turiko twinjira mu gikoresho c’Umugeni. Turiko twinjira mu gihe c’Izamurwa.

Igihe dusenga, tuba twizeye ko ivyo twasavye tubironka, kandi tuzobironka, tuzobihabwa. Caba Igihe, ikirere, nta kintu na kimwe kizobihindura. Turaziko vyakoretse. Vyararangiye. Tubimenya gute? Kuko si Ijambo ryacu, ariko ni IJAMBO RYIWE, ryavuzwe hanyuma turarihabwa. Turafise UBUSHOBOZI N’UKWIZERA GUTUNGANYE KWO KUBIVUGA.

Nkuko Yesu yabikoze ubwiWe, turiko turatahura igihagararo cacu; abo turi, ikintu co nyene dutegerezwa gukora, ni ukugira ukwizera kw’ico turi. Gira ukwizera kuco Ijambo rivuga ko turi! Hanyuma Ijambo ry’Imana rica riza muri twebwe maze Rikigaragaza ubwaRyo; Kuko turi uwizera, Kandi uwizera i. “ Ukwizera kw’Imana kugendagendera muri twebwe.”

Kandi rero, twahindutse abasizwe kubw’Iyo Mpwemu, bamesiya basizwe, bamesiya b’igihe ca nyuma, kwakaka kubwo ukuzuka kwa Yesu Kristo, Mu kwerekana yuko atapfuye, ariko mw’ishusho ya Mpwemu Yera, ko Ari mw’ihanga ryiWe, agendagendera hagati mu Mugeni wiWe, n’urukundo kuri We, amugaragarako ubwiwe. Bariko bahinduka umwe kubwo Amazimano y’ubukwe, na vyabimenyetso nyene, vyasezeranywe na ya Mana nyene, muri rya Jambo nyene, Ariko arerekana kwa kugaragara nyene.

Nta kindi gisigaye kuri twebwe Atari kuvyizera; hamwe n’ukwizera kwari We arema Ukwizera gutunganye. Umviriza ivyo ubugira kandi, MU KWIZERA KWARI WE AREMA UKWIZERA GUTUNGANYE.

Hoba hariho n’urugingo na rumwe mu mubiri rukekeranya Ijambo na Rimwe: Oya
Urizera Ijambo ryose: Ego
Yoba yaraguhaye Uguhishurirwa kw’ubu Butumwa : Ego
Mbega ni Umugeni gusa azoronka ukwo guhishurirwa kw’ukuri? Ego.
Urazi ko uri Umugeni wiwe: Ego.
Yoba yaravuze ko mukwizera Ijambo ryose muzoronka ukwizera gutunganye: Ego.
RERO MURI JAMBO MUGENI KWIZERA GUTUNGANYE!!

Yoo Mwami nudutegure gusumba mbere mu gihe tuzoba dukoraniye hamwe kuw’iyinga twumviriza Ijambo ryawe. Dufashe ntidusubire kwiraba ubwacu, Atari kwizera Ijambo ryawe watubwiye. Twarabonnye ugukwerwa kwa gatatu kuriko kurakoreka kandi turazi ko kugerereye muri twebwe. Dutegerezwa kuvuga kandi twizere Ijambo ryaWe.

Turazi ko ugiye kuza vuba kubwo Umugeni Jambo waWe atunganye. Ivyo dukeneye vyose , Data, IVYO DUKENEYE VYOSE, turaziko tuzobironka. Kuko ni Ijambo ryawe wamaze kutubwira. Nta kindi co gukora Atari KURYIZERA. Turabikora Data, turabikora. Rero reka dukorere kw’IJAMBO RYAWE.

Turihanye ukunanirwa kwacu kwose, ivyaha n’ibigabitanyo. Twitegereze biciye mu Maraso y’Umwana wawe aho dutsindanishirizwa n’Ubuntu bwaWe n’imbabazi zaWe.

Reka habeho amahinduka mu Mugeni wawe gusumvya uko bitegeze kuba mbere. Ese wodusukako Mpwemu Yera wawe hanyuma aduhe ivyo dukeneye vyose.

Abarwayi bazokizwa imibabaro yose. Abasubiye inyuma bazogaruka kw’Ijambo. Umugeni wawe kw’isi yose azobona inzira yawe wateguye kubwo iki gihe hanyuma yizere.

Asangwa udafise uwukurambikako ibiganza… Irambikeko ibiganza ubwawe… Uri uwizera. Warahindutse Ijambo. Wahindutse Ijambo; kuko wakiriye Ijambo.

Ingo Mwami Yesu, Umugeni wawe ariko aritegura ubwiwe mu kurambarara imbere y’Ijambo ryawe, kugira ngo abe uwutunganye rwose. Dushaka gusharizwa no kwambikwa kubwo Ijambo ryawe.

Ingo udusige gusumvya uko bitegeze biba mbere uyu w’iyinga isaha zitandatu z’umuhingamo, isaha ya Jeffersonville(akaba ari isaha imwe y’ijoro mu Burundi), mu gihe igice c’Umugeni wawe azoba akoranye kugira akwumvirize uvuga hanyuma Uduhishurire uko tworonka: Ukwizera gutunganye 63-0825E.

MweneData Joseph Branham

Ivyanditswe vyo gusoma imbere y’ukwumviriza Ubutumwa:

Mariko 11:22-26/16:15-18
Yohana 14:12/15:7
Abaheburayo 11:1/4:14
Yakobo 5 :14
1Yohana 3:21

23-1203 Noshobora Kunesha Gute

Ubutumwa: 63-0825M Noshobora Kunesha Gute

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Kirungu co mu kidengeri,

Imitima yacu yasimbasimbanye umunezero kuw’iyinga igihe twumviriza Umwami wacu avuga yongera atubwira ibiriko birashika ubu. Turiko twiyunga n’Ijambo kandi turiko ducika UMWE hamwe naWe. Vuba cane tuzoba dukoraniye hamwe n’abera batwitangiye imbere kugira tubane nabo. Rero twese tuzoba twiyunze na Kristo turi umwe kubw’ Amazimano y’Ubukwe bw’Umwagazi w’Intama.

Mbega umunezero wuzuye mu mitima yacu igihe yatubwira kuvyiyumvirako akanya gatoyi , mu kanya nkako gukubita urugohe, isi ntizonamenya ibiriko biraba; ariko twese ubwo nyene, tuzobona n’amaso yacu abakunzi bacu bagiye, hanyuma tuzosubira gukoranira hamwe nabo.

Mbega ivyo twiteze ukuntu vyuzuye mu mitima yacu. Mu kanya gatoyi, tuzobona duhagaze imbere ya Badata, ba Mama, Benewacu, bashikibacu, abagabo bacu, abagore bacu, abana bacu mbere n’umuhanuzi wacu. TUZOBABONA, MU MUBIRI!!

Tuzomenya ico gihe, kwari Ibi; igihe cashitse, twarabikoze, vyarangiye. Vuga ibijanye n’ugukaburwa kubwo uguhishurirwa!! Iyumvire gusa hanyuma muvuge ibivyerekeye ubu, ndashobora kubumva muvuza induru, IMANA ISHIMWE, HALELUYA, IZINA RY’UMWAMI RISHIMWE.

Mbega igihe tubayemwo, tugirira umusi mukuru aya makete y’urukundo twasigiwe. Amakete y’urukundo dushobora gusokorora igihe cose dushakiye hanyuma tukayasoma bihagije. Sivyo gusa, ARIKO NIBIRENGEYE IVYO, turashobora KWUMVIRIZA Umwami wacu ubwiwe avuga biciye mu kanwa k’ikiremwa muntu hanyuma atubwira, “ Nabitse aya makete y’urukundo kubwawe, mukunzi wanje. Narinziko hazoza igihe aho uzokenera kunyumviriza ndakubwira ukuntu nkukunda kandi uri uwanje.”

“ Nashatse kukubwira buri gihe umwansi aguteye, igihe uciye mu bipimo n’ibigeragezo vyose, URI UWANJE. Naramaze kuriha ikiguzi. Naramaze kunesha ico ari co cose… Waranyumvise mukunzi wanje? ICO ARI CO COSE ukeneye, narakuneshereje, kuko ndagukunda.”

“ Nakumenye imbere yuko n’isi ishirwaho. Wari igice canje ico gihe.. Ntuvyibuka ubu, ariko jewe ndavyibuka, Ntiwibagire ivyo nakubwiye, uri akara ko mu mara yanje, Impwemu yo mu mpwemu yanje, igufa ryo mu magufa yanje.”

“ Igihe namye ndababwira ubu carashitse. Ntihazongera kubaho imibabaro, ibipimo hamwe n’ibigeragezo, iyo minsi izoba yararenganye. Rero twese tuzoba turi kumwe mu bihe bidashira. »

« Gira Umwete. Bandanya mufyonda. Ugutamanzura k’urya munsi kuri hafi. Uruhagarara rwose mucamwo buri munsi ni urubatuma munyegera. »

« Igihe ikintu kinaka, kibajeko, hanyuma mukiyumva nkaho mudendebukiwe, murushe kandi munaniwe cane, maze bikagaragara nk’uko umenga ntimwoshobora kubandanya, ntimwibagire, ko mba ndi kumwe namwe hariya. Ijambo ryanje riba muri mwebwe. Muri Ijambo ryanje. »

« Narababwiye, vuga Ijambo. Ibintu vyose mukenera, igihe musenga, mwizere ko muzobironka hanyuma muzobihabwa. Muzobironswa, narabibaneshereje. »

Mbega ivy’ aya majambo asigura kuri twebwe. Aradufasha buri munsi. Ashira hejuru impwemu yacu hanyuma akadushira ahantu ho mw’Ijuru hamwe naWe. Tubayeho gusa kubw’ Imana n’Ijambo ryayo. Dufise intumbero imwe, ni Yesu Kristo, iruhande yivyo, nta kindi kintu ngirakamaro.

Twaracakiye imbono. Igihuzu carakuweho kandi turaMubona, Ijambo ryiwe ryihaye umubiri, rivugana natwe biciye mu kanwa k’umuntu. Dufitaniye urukundo n’Iri Jambo, Ubu Butumwa, Iryo Jwi.

Ingo mwiyunge hamwe natwe kuw’iyinga isaha zitandatu kw’isaha ya Jeffersonville,(Hakazoba ari isaha imwe y’ijoro mu Burundi), hanyuma mugire imigenderanire ihambaye y’ubuzima bwanyu. Mwumvirize ukuntu mwonesha buri ntambara Satani ateza mu nzira yanyu. Umutima wanyu wuzure umunezero n’uguhimbarwa muzi yuko muri Umugeni wa Yesu Kristo.

MweneData Joseph Branham

Noshobora kunesha gute 63-0825M

Ivyahishuriwe Yohana 3:21-22

23-1126 Igihe c’Ukwegerana.n’Ikimenyetso Caco

Ubutumwa: 63-0818 Igihe c’Ukwegerana.n’Ikimenyetso Caco

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi kara ko mu mara yiWe, Jambo w’Ijambo ryiWe, Bugingo bw’Ubugingo bwiWe, Mpwemu wa Mpwemu wiWe,

BeneData na bashiki bacu b’igiciro, Soma gusa rirya tangazo ubugira kandi murisubiremwo. Soma ico Imana yaguhamagariye gukora. Ni gute umuntu yoshobora kwandika mu majambo y’umuntu ico ivyo bisigura kuri twebwe. Ntibishoboka kubitahura. Namba twoshobora kubitahura neza maze tukabishira mu ngiro, n’imitima yacu yose, ubwenge n’imishaha, Vy’ukuri ndizera y’uko Izamurwa Ryociye riba.

Mbega mwotinya iki ? Ni igiki mwoshirako umwikomo ? Satani araturwanya, akaduturubika, akadushiburirako indwara, atera ubwenge bwacu hamwe n’ivyiyumviro vy’ikibi, ariko nta kintu coshobora kutubabaza. Hoba hariho ikintu coshobora kubabaza Yesu ? Oya, ni nuko ata kintu coshobora kutubabaza. Yavuze gusa ati, « Turi akara kiwe, Ijambo ryiWe, Ubugingo bwiWe, Impwemu yiWe.

Mbega uguhazwa n’umunezero dufise mu mutima wacu mu gihe twiyumvira kuvyo yatubwiye . Uguhishurirwa Imana yamye iduhishurira. Agakemanyi ka bande, n’akandi gakemanyi ka bande hamwe n’akandi gakemanyi ka bande. Mpwemu Yera ariko aradudubiriza imbere muri twebwe nk’iriba rya Arutwaze.

Twaratoranirijwe kubibona no kuvyumviriza. Ntituzokwigera kandi ntituzoshobora kurwa canke ngo turongorwe nabi. Turi mu nzira yacu yo guhura n’uburongozi bwacu, Umucunguzi wacu, Umugabo wacu, Umwami wacu, Uwuhoraho, Umukunzi wacu, Umukiza wacu, mu kibanza co guhuriramwo categuwe !

Umviriza Ibi ubugira kandi, ukunengesera kw’Ubumana mu buryo bw’umubiri kugerereye muri twebwe, mw’Ishengero ryiwe, ubukuru bwose. Ivyo Imana yari vyose, yabishize muri Kristo, Kandi ivyo Kristo yari vyose, vyashizwe mw’Ishengero ; twebwe, Umugeni wayo. Si ikintu kigiye kuzoshika umunsi umwe, YARABIVUZE KO KIRIKO KIRASHIKA MURI TWEBWE UBUNYENE.

Mwoshobora kwiyumvira, kuva ku ntango y’igihe, Imana ntiyigeze ibwira ibanga ryayo rihamabaye ryari mu vyiyumviro vyayo umuntu n’umwe, gushika uyu munsi. Kuki yakoze ivyo ? Kuko yari irindiriye kubitumenyesha muri iyi minsi yanyuma nkuko yabisezeranye. Yariturindiriye. Yarizi yuko ari twe twenyene twoshoboye kandi TWOBITAHUYE VY’UKURI…IMANA ISHIMWE !!!

Yaduhisemwo kugira tube Umugeni wayo kuko yarizi yuko tutorwa. Twogumye kuri iryo Jambo tutitayeho ivyo abandi boRivugako. Twogumye kuri iryo Jambo kandi iryoJAMBO GUSA ! Twatoranirijwe guhagarara hariya. Turi abararwa hamwe na Yesu Kristo.

Hariho benshi. Umviriza mwitonze… Iyegeranye ubwanyu. Uburongozi (Imana) hamwe n’Umubiri (twebwe) twacitse umwe. Ni Imana yigaragaje muri twebwe.

  • Imana n’Ishengero ni KIMWE, « Kristo muri MWEBWE.
  • TURI Uguhishurirwa kw’Imana guhambaye
  • Twitirirwa Izina ryiwe; Izina ryiwe ni Yesu, Uwasizwe.
  • Turi Umubiri wa Kristo wasizwe
  • Turiko tugaragaza Imana nk’uko wa Mubiri wabikoze

  • Turi Umugeni wayo, Yibungeze Mpwemu wayo. Ishengero, rivyara abana, bibungenze Mpwemu Yera bakitirirwa Izina ryiwe; bakavyara/bakerekana Ubuzima bwiwe. Dufise inyishu ya Satani. Uburongozi buri hano. Kristo, Umwami yazutse, ari hano muri bwa bushobozi nyene bw’ukuzuka kwiwe nk’uko yari Ari, yigaragaza ubwiwe muri twebwe, Umugeni wiWe Jambo ryavuzwe .

Imana ubu iriko irashira hamwe Umugeni wayo. Iriko irabakoranirizahamwe kw’isi yose kubwo Ijambo ryaYo, nico kintu gusa gishobora gushira hamwe Umugeni wayo. Mpwemu Yera ariko ararongora kandi yegeranya Umugeni wayo. Muri buri gihe, Umuhanuzi yari Mpwemu Yera kubwo igihe cabo.

Nimuvyiyumvireko. Igihe abantu bavuga ko dushimikira cane ku Ntumwa mu malayika w’indwi, nimwibuke, Imana ubwayo yugururiye amabanga yayo yose yarifise mu vyiyumviro vyayo imbere yuko isi inabaho, ku ntumwa mu malayika wayo w’indwi. Imana ubwayo yagiriye icizere ijana kw’ijana uwo muntu, yari yashize mu biganza vyiwe umugambi wayo uhambaye w’igihe c’iherezo. Yamuhaye… NIMWUMVIRIZE, YAHAYE Ihishurirwa ry’amabanga yose uwo muntu. Yahaye uwo muntu Ihishurirwa ry’ibintu bitari binanditse.

Yavuze ko ikintu cose yavuze kw’isi cari ingirakamaro, caca cumvikanwa mw’Ijuru.

Nta nkeka Imana yarungitse abantu buzuye Mpwemu Yera Muri iyi si. Ariko umwe wese muri aba bantu, naho boba buzuye Mpwemu Yera boshobora gukosha. Imana ntiyemeje ko ivyo bavuga ko vyoba ari Niko Uhoraho agize, Kandi nababwiye kwizera Ijambo ryose. Hariho umuntu umwe gusa yari afise ububasha buvuye ku Mana, intumwa mu malayika w’indwi wayo.

Murashobora, kandi mwoba mufise umwungere. Ariko namba uwo mwungere atariko arababwira yuko iRyo JWI RY’IMANA ku ma Bande ari IJWI NGIRA KAMARO CANE RYO KWUMVIRIZA, hanyuma akarishira imbere yanyu UBWAMBERE mu kwumviriza ama Bande hamwe namwe, siwe yobabwira ivyo Umuhanuzi Yavuze, mwoba mufise umwungere Atari we.

Uwo ari we wese abarongora naho mwovuga yuko ari Mpwemu Yera, nivyiza ko yobahuriza kuri ubu butumwa. Iryo jwi, nkuko ari ryo jwi ryonyene rishobora kuvuga riti, “ NDI IJWI RY’IMANA KURI MWEBWE”.

Asangwa mwaratoranirijwe kubibona, muzobibona. Namba muto, ntimuzigera mubibona; ntimwatoranijwe kubibona.

Turabona amahanga ariko ariyunga, turabona isi iriko iriyunga turabona amashengero ariko ariyunga. Turabona umugeni ariko ariyunga yiyunga n’Ijambo. Kuki ? Ijambo ni Imana. Kandi nkuko Ijambo… nkuko umukwe (ari Ijambo), kandi umugeni( ari uwumviriza Ijambo), bishira hamwe mu bumwe. Biyunga nk’ubukwe. Murabona, biteguriye ubukwe, kandi ba-bazoba umwe. Ijambo rihinduka mwebwe, namwe muhinduka Ijambo. Yesu yavuze ati, “ Kuri uwo munsi muzobimenya. Ico Data arico cose nico ndi, kandi icondi cose nico muri; kandi mwese ico muri nico ndi. Kuri uwo munsi muzomenya ko ndi muri Data, Data ari muri jewe nanje ndi muri mwebwe, kandi namwe muri muri jewe.”

Ndabatumiye kuza kwifatanya kw’ijwi ry’Imana uwu w’iyinga isaha zitandatu z’umuhingamo kw’isaha ya Jeffersonvike (akaba ari isaha imwe y’ijoro mu Burundi) mu gihe tuzokwumviriza, Igihe c’Ukwegerana N’Ikimenyetso Caco 63-0818

MweneData Joseph Branham

Ivyanditswe vyo gusoma imbere yo kwumviriza ubutumwa:

Zaburi 86:1-11
Uwera Matayo 16:1-3

23-1119 Kristo Ni Ibanga Ry Imana Ryahishuwe

Ubutumwa: 63-0728 Kristo Ni Ibanga Ry Imana Ryahishuwe

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Wakunzwe n’umutima w’Umuhanuzi,

Nibo – nibo bavyawe na Wewe, kubwa Mpwemu, n’Ijambo ry’Ukuri. Ndasenga ngo ubahezagire, Mwami, kandi ubagumize hamwe bungishijwe ubumwe n’imigozi y’urukundo rwa Kristo.

Nimwitegure, tugiye kuronka imihezagiro, ugusirwa hamwe n’uguhishurirwa tutigeze turonka mbere. Turashobora kuvyumva mu mishaha yacu, ikintu citeguriye gushika. Igihe kirashitse. Turahimbawe cane kandi ivyo twiteze birahambaye cane. Umugeni akoraniye kw’isi yose yumviriza Ubutumwa buvuye ku ntebe y’Imana bugiye kuzodutwara mu birere bishasha kandi twuzure, twuzure, twongere twuzure Mpwemu Yera.

Ivyanditswe bigiye gushitswa, ukugabishwa kwaramaze gushika. Urubanza ruri hafi. Umwami agiye guhamagarira Umugeni wiwe ku mazimano y’Ubukwe. Umuhamagaro wanyuma warangiye. Ukuza kw’Imana kwashitse. IJE KUBWACU.

Turi urubuto rwiwe rwabibonye kandi rwavyakiriye. Ivyaha vyacu vyarasenyaguwe , vyaragiye, vyatawe muri wino y’Amaraso ya Yesu Kristo, kandi ntibizokwibukwa ukundi. Imana yaravyibagiye VYOSE. Duhagaze nk’umuhungu n’umukobwa w’Imana, mu nyonga h’Imana. UBU turi… si tuzoba, ubu turi abahungu n’abakobwa b’Imana.

Turatahura ikintu kimwe, IJAMBO, AMABANDE, UBU BUTUMWA. ni bimwe.

Kandi igihe kimwe, igihe giheze, igihe werekana iyerekwa, ikoraniro ritoyi hano, kuvyerekeye kuziganya ibifungurwa, aho hazogera igihe aho ibi vyose bizokenerwa… Ziganya ibi bifungurwa kubwo igihe kinaka.

Kandi iki nico gihe. Ibi nivyo bifungurwa. Turi abo bantu. Dufise uguhishurirwa.

Abandi bashobora kubura akamaro k’ivugabutumwa rya Bande. Ntidushobora, ni ubuzima bwacu, ni ibintu vyose kuri twebwe. Birengeye ubuzima kuri twebwe. Igihe dufise ikibazo ku kintu kinaka, ntitugenda kubaza umuntu ngo akidusigurire, canke akituronkere. Dukora neza na neza uko umumalayika w’Imana yatwigishije gukora asangwa tunaniwe gutahura canke tukagira ikibazo.

Murabitahura? Asangwa munaniwe , nimugaruke kuri iyi bande ubugira kandi. Sinzi igihe tuzomarana namwe. Nimwibuke, uku ni ukuri, NIKO UHORAHO AGIZE. Ni ukuri. Ni ivyanditswe.

Asangwa munaniwe, garuka kuri bande.

Ntimudushavurire, ivyo nivyo YAVUZE… IKIGERETSEKO, uku ni UKURI KWA NIKO UHORAHO AGIZE. Ntiyavuze igice cavyo, bimwe, canke igihe umuntu asiguye ivyarivyo kandi atari Ijambo ryasizwe. AMABANDE NI NIKO UHORAHO AGIZE.

Murashobora kutavyumva canke ngo mubitahure canke ngo mubihishurirwe. Ariko kuri twebwe, ibi nivyo Iriko iratubwira biciye mu muhanuzi wayo.

Murazi ukuntu mubwira abagore banyu ibintu, urazi, umukobwa mutoyi ugiye kuzorongora. Uramukunda cane, uranamubwira amabanga, ukamushira hafi yawe kandi akagukunda n’ibindi. Urazi uko bimeze.

*Ivyo nivyo Imana, Kristo, ariko arakorera Ishengero. Murabona? Amumenyesha amabanga, amabanga gusa, Atari ya migani, nshatse kuvuga umugore wiwe.

Kandi vyose tubifashe nkama. Yoo ese ukuntu Umugeni anezerewe kandi ahimbawe no kuba imbere y’ubukwe bwiwe. Vyotugora kuguma duhagaze. Turiko duharura iminota… Imisegonda. Abandanya atubwira ukungene adukunda.

Satani abandanya adutera birushirije mbere, ariko ivyo atazi, nuko ubu tuzi abo turi. Ntagukekeranya, TURI IJAMBO RYAVUZWE, turashobora, kandi dushobora, kuvuga Ijambo. Dufise inyishu ya Satani. Imana yarigaragaje ubwayo. Imana yariyemeje ubwayo. Turi Ijambo rizima ryiwe kandi tuvugana ububasha bwose yaduhaye.

Kandi ari hano uyu musi, mw’Ijambo ryiwe, agaragaza ca kintu nyene yakorera hariya. Ntashobora gutahura ubundi burongozi. Oya, mugenzi. Nta Bishop, nta na kimwe. Atahura uburongozi bumwe, nabwo ni Krsto, kandi Kristo ni Ijambo. Yoo, Mana! Whew! Ndakunda ivyo. Uh! Ego, mugenzi.

Dukomoka mu Bwami, kandi ubwo Bwami ni Ijambo ry’Imana ryigize Mpwemu hamwe n’Ubugingo mu buzima bwacu bwite. Kubw’ivyo, turi Ijambo rizima ryiWe.

Ibi vy’ukuri birabivuga vyose bagenzi, NAMBA MUFISE UGUHISHURIRWA KW’UKURI RERO NIMUKWIZERE.

Itegereze ubu, Nimwiyunge mu burongozi bumwe, muri ubwo buryo, ikigereranyo ca Isirayeli ya Kera. Ubu murabitahura? Nka Isilayeli ya kera; Imana imwe, igaragajwe n’inkingi y’umuriro, maze ikihishura ubwayo mu muhanuzi, kuba Ijambo. Ya Mana Nyene, ya nkingi y’umuriro, bwa buryo nyene, Ntishobora guhindura uburyo bwayo . Nuko … Gusa biratunganye uko bishoboka.

Umuhanuzi… Reka ivyo vyinjire ibwina. Imana imwe, yagaragajwe n’inkingi y’umuriro, biciye mu Muhanuzi, mu kuba Ijambo kubwo ico gihe , kandi ntishobora guhinduka.

Nari gushobora kubandanya kandi nkabandanya, kandi twari gushobora guhimbarwa no gukoranira hamwe kw’Ijambo ku rindi, kandi tuzokoranira hamwe , kw’isi yose uwu w’iyinga isaha zitandatu z’umuhingamo, isaha ya Jeffersonville(akaba ari isaha imwe y’ ijoro mu Burundi), mu gihe tuzokwumviriza : Kristo ni Ibanga ry’Imana ryahishuwe 63-0728.

MweneData Joseph Branham

Ivyanditswe vyo gusoma imbere yo kwumviriza Ubutumwa:

Matayo 16-15-17
Luka 24
Yohana 5:24/14:12
1 Abikorinto 2
Abanyefeso 1
Abikolosayi 1
Ivyahishuriwe Yohana 7:9-10