Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Busho bwo ng’aha,
Nipfuza ko tugira Isangira Ryera ubugira kandi mu mihana yacu ku Munsi Mukuru w’Umw aka Mushasha, kw’igenekerezo 31 kigarama. Amabwiriza y’ukuntu turonka umuvinyu, n’ukuntu ducumba umukate w’Isangira Ryera bishobora kuboneka ku mbuga zikurikira. Urubuga rushobora kuvomamwo ijwi ry’igikorane ruzoboneka vuba ku rubuga rwacu. Canke, ushobora kuvuza ijwi ry’igikorane murikuye ku rubuga rwa Lifeline.
Ku bo ng’aha mu micungararo ya Jeffersonville, mushobora gutora umuvinyo w’Isangira Ryera ku wa gatanu, igenekerezo rya 30 kigarama, hagati y’isaha indwi n’isaha icumi ku muhingamo, munsi y’igisenge c’Ijwi ry’Imana.
Tuzokwumviriza Kunyinyurana, Ubutumwa Bwavuzwe kw’igenekerezo rya 31 kigarama 1962, guhera isaha icumi n’imwe ku muhingamo ku wa gatandatu(isaha 6 z’ijoro hano mu Burundi) igenekerezo rya 31 kigarama. MweneData Branham amaze kuzana Ubutumwa bw’Ugukesha kw’Umwaka Mushasha, tuzohagarika ibande maze tugire nk’iminota icumi y’indirimbo zo gutazira mu gihe twitegurira Isangira ry’Umwami. Tuzosubizamwo ibande aho mweneData atangurira igikorane c’Ingaburo Yera. Kuri iyi bande, yakuyemwo igice c’igikorane c’ukwozanya ibirenge, ari vyo natwe tuzokurikiza.
Mu gihe duhindukiriye ku wundi mwaka mu Gikorwa CiWe, dusubire kuMushikanira ubuzima bwacu gushasha mu kubanza kwumviriza Ijambo RyiWe, hanyuma gusangira rero Isangira Ryera RyiWe. Mbega akaryo k’igiciro dufise ubugira kandi kugira imihana yacu Igicaniro co guha kaze Umwami w’Abami kugira ngo Yinjire maze Afatanye natwe.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Bakunzi ba Mesiya batoya,
Turi abasizwe n’Imana ; basizwe na Mpwemu WaYo umwe, n’ibikorwa bimwe, n’Ubushobozi bumwe, n’ibimenyetso bimwe. Vyava ku nkukuma bija ku nkukuma, biva kw’Ijambo bija kw’Ijambo, gushika aho ukunengesera kwa Yesu Kristo kugaragazwa mu mibiri yacu yose, mu vy’umubiri, mu vya mpwemu, canke ico dukeneye cose. Burya Bushobozi buzana ubuzima bwibera kandi bugerera muri twebwe. Turi ba Mesiya batoya b’Imana.
Icipfuzo gihambaye gusumba ibindi c’umutima w’uwizera wese ni ukuba mu BUGOMBE BUTUNGANYE bw’Imana. Nta na rimwe dushaka kuba mu ruhusha rutari ubugombe bwaYo. Imitima yacu iramanyagurika kandi turajanjagurwa iyo twumva ko twakoze ico ari co cose kitoYihimbara. Turazi ko Imana Ifise Ubugombe Butunganye, kandi dushaka gusa kuba mu MUGAMBI W’UBUGOMBE BWAYO BUTUNGANYE.
Mu buzima bwanje, nafashe ingingo ikomeye mu kuvuga ko nizeye ko ikintu c’ingira kamaro kuruta ibindi uwugize Umugeni wese ashobora gukora, bose hamwe abaKristo basanzwe n’abakozi b’Imana, ni UGUFYONDA UKUVUZA. Nizeye ko ari Ijwi ry’Imana Rwagaragajwe RYONYENE ry’iki gihe cacu dutegerezwa kwumviriza no kugamburukira Ijambo Ryose.
Navuze ko nizeye ko umukozi w’Imana akeneye kugarukana mweneData Branham kuri alutari zabo no kuvuza amabande mu mashengero yabo, mu gihe ari ryo Jwi rimwe ry’ingirakamaro gusumba ayandi abantu bategerezwa kwumviriza.
Nararonse abanegura benshi mu buzima bwanje kubera kuba narerekanye aho mpagaze ku vyo nizera ko ari Umugambi waYo n’Ubugombe bwaYo butunganye. Ntivyatahuritse kandi bavuze ko ntizeye amabango atanu yo mu Banyefeso 4.
Hategerezwa kuba ukuri kw’Ijambo rya Bibiliya. Namba uvuga ko wizeye ubu Butumwa, rero dutegerezwa gufata ivyo umuhanuzi yavuze, mu gihe ari insiguro nyene y’Ijambo ry’Imana. Kuko we ni umusiguzi WENYENE w’iryo Jambo.
Iyo mba nategerezwa kubaza umwe wese muri mwebwe nti, “Ni nde ashaka kuba mu bugombe bw’Imana butunganye?” Umwe wese muri mwebwe yovuga ati, “EGO, ico ni icipfuzo c’umutima wanje.” Rero dutegerezwa kuraba ku co umuhanuzi yavuze ko ari Ubugombe bw’Imana Butunganye.
Benshi cane bashaka guca iruhande no kuja mu yindi nzira kanaka. Ni wabikora, Imana Izoguhezagira, ariko uriko ukorera mu ruhusha rutari Ubugombe bwaYo, kandi atari mu Bugombe bw’Imana Butunganye. Imana Izokwemerera gukora ikintu kinaka, kandi Inaguhezagire mu kubikora, ariko ntibuba buraba Ubugombe bwaYo butunganye.
Imana Yarungitse intumwa mumarayika w’indwi waYo kw’isi gusohora Umugeni waYo. Twizeye ko yari Umwana w’Umuntu Yihishura ubwiWe mu mubiri w’umuntu. Ni Ijwi nyene ry’Imana Ryafashwe kw’ibande kandi Ryabikiwe Umugeni WaYo.
Imana ubwaYo yabwiye umuhanuzi waYo, ngo “ni wazana abantu kukwizera WEWE, nta na kimwe kizohagarara mu nzira yawe.” Yari uwatorewe n’Imana kurongora Umugeni WaYo. Nta n’umwe ashobora gufata ikibanza ciwe. Uko ba Kora bahaguruka bangana , canke ba Datani uko bangana, yari William Marrion Branham Imana Yahamagariye kurongora Umugeni waYo.Uyu ni Umugambi w’Imana n’UBUGOMBE BWAYO BUTUNGANYE.
Abungere bategerezwa gukora iki kugira ngo babe mu BUGOMBE BWAYO BUTUNGANYE : Gufyonda Bakavuza.
Ni igiki umuhanuzi w’Imana yakoze igihe yaja mu bikorane ? Gusengera abarwaye gusa, n’ibintu nk’ivyo ? Yavuga ibintu mu buryo buziguye ku buryo intama zovyumva, kuko tuzi Ico Yavuga. Ahandi ho, cari icambu kw’igera. Yaberetse ibimenyetso nko gusoma ivyiyumviro, kandi yari azi amabanga yari mu mitima yabo, kugira ngo akabure abantu gusa. Ariko rero yavuze ikintu c’ingirakamaro gusumba ibindi :
Ikintu ca mbere mwomenya, ibande yakorokeye mu nzu yabo. Biratahuritse, rero. Namba ari intama, izoza neza hamwe nayo. Namba ari impene, izoterera ibande hanze.
Mbega uri intama canke uri impene ? Umugwi mutoya w’Imana utumbereye kuri iryo Jambo. Turi mu Bugombe bwaYo Butunganye mu Gufyonda Tukavuza nk’uko vyamye, kandi biri, umugambi waYo w’inkomoko.
Gumana neza n’Ijambo RyaYo, kuko ivyo ni vyo bigiye kuzosohoka kw’iherezo, Ijambo, Ijambo kw’Ijambo. “Uwo ari we wese azokurako Ijambo Rimwe kuri Ryo, canke yongereze ijambo rimwe kuri Ryo!” Ritegerezwa kuguma ari, rirya Jambo.
Ndakengurukira Umwami cane kumenya, mu Guhishurirwa kwa mpwemu, ko ndi mu Bugombe bwaYo Butunganye bijanye n’Ijambo RyaYo. Sinongerako insiguro yanje kuri Ryo, canke ugutahura kwanje kuri Ryo, ariko numva n’amatwi yanje bwite ico ari co UKO NIKO UHORAHO AGIZE hamwe n’Ubugombe bwaYo Butunganye .
Ndabatumiye kuza no gusesengura hamwe natwe kuri uyu w’iyinga isaha zitandatu ku muhingamo kw’isaha y’i Jeffersonville (isaha imwe y’ijoro mu Burundi), mu gihe tuzokwumviriza : Mbega Imana Irigera Ihindura Iciyumviro caYo kw’Ijambo Ryayo ? Ubutumwa bwavuzwe kw’igenekerezo rya 18 ndamukiza ku mugoroba, umwaka wa 1965. Harimwo utuvunguka twinshi tw’izahabu muri ubu Butumwa, mugiye kuba ABATUNZI muri Mpwemu Yera WaYo ni twabikora. MweneData Joseph Branham.
Ivyanditswe vyo gusoma : Kuvayo igice ca 19 Guharura 22:31 Matayo 28:19 Luka 17:30 Ivyahishuriwe Yohana igice ca 17
Ibikorwa vy’ubwenge bw’umuntu, Inkomezi, Ubushobozi butanga ubuzima, Kristo Yazutse, Abana b’Imana Bagaragajwe. Iyo mpwemu nyene yaba muri Kristo iba muri twebwe. Ubwo Buzima nyene, inkomezi zimwe, benevyo nyene, Yari Afise, turabifise. Icemezo ntasubirwamwo c’itongo. Urubuto rwa mbere Rweze Rwazungagijwe imbere y’abantu. Ubu turi ubura bw’ubura bwaYo, igufa ry’igufa ryaYo; Ubuzima bw’Ubuzima bwaYo, Inkomezi z’Inkomezi zaYo ! Turi Yo!
Yesu Kristo Yazutse; Melekisedeki UbwiWe, Azosemerera maze ATUbwire Ati, “Mfise Ijwi RyaNje Ryafashwe mu majwi kandi Ryashizwe kw’ibande ku buryo Noshobora kubakwegera kuri Jewe, kandi Noshobora kuvugana namwe nk’uko Navuganye na Aburahamu. Nshaka ko muNyumviriza bidaciye ku ruhande.
Muri Ishengero RyaNje Ryatoranijwe, Ryagenywe mbere! Imibiri yanyu ni urusengero rw’Inkomezi, kuko kuva mbere na mbere mwari igice c’ibikorwa vy’ubwenge bw’umuntu.
Ukwo ni kurya guhishura kuvuye ku Mana kw’Ijambo Ryihaye umubiri. Namba Ryari umubiri muri kirya gihe mu Mwana, Umukwe, Ni umubiri uno munsi mu Mugeni. Murabona ?
Aba bantu, abenegihugu b’Ubwami, bene Ubushobozi buzana ubuzima, Bugire buzima kuri bo, Mwami, ubu nyene. Kandi ese Mpwemu Yova ku nkukuma Ija ku nkukuma, Yova kw’Ijambo Ija kw’Ijambo, gushika aho ukunengesera kwa Yesu Kristo kugaragara mu mibiri yose, mu vy’umubiri, vya mpwemu, canke ico bakeneye cose, mu gihe turambikanyeko ibiganza. Mw’Izina Rya Yesu Kristo.
Kuva ku nkukuma uja ku nkukuma, Ijambo kw’Ijambo, ukunengesera kwa Yesu Kristo kuzogaragazwa mu mibiri yacu yose. IMANA ISHIMWE !
Ibi gusa bishobora gushika mu GUFYONDA UKUVUZA, rero muze mufatanye natwe kandi dusangire muri yubire y’ugufungura ku Mfungurwa Zabitswe, mu gihe tuzokwumviriza Rirya Jwi, kuw’iyinga isaha zitandatu ku muhingamo, kw’isaha ya Jeffersonville, (isaha imwe mw’ijoro mu Burundi) Rizotuzanira Ubutumwa, Ni Uguseruka kw’Izuba, Bwavuzwe kw’igenekerezo rya 18 ndamukiza mu gitondo umwaka wa 1965.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Ciyumviro c’Imana,
Nizigiye ko mwiteguriye uyu w’iyinga kuvuga ivy’ukuntu imitima yacu igiye kuzogurugumbira muri twebwe mu gihe Izovugana natwe mu nzira tugiye mu mihana yacu no mu mashengero… RINDIRA GUSA.
Muri uku kwezi guheze, Yatubwiye kugira twinjire mu bwato bw’ukuri… kandi niho turi. Yatubwiye ko Urubuto Rw’Imana Rw’ukuri Rutazoraganwa n’igishishwa… rero Yavuze ko, TURI RURYA RUBUTO. Hanyuma, twumvise n’amatwi yacu, Imana Ivugira mu muntu kandi Idutangariza ngo, Uyu Munsi, Iki Canditswe Kirashitse imbere y’amaso yacu nyene. Yatubwiye ku munsi w’iyinga ukurikira ko turi Ahantu Imana Yatoranije ho Gusengera, kandi kubera ari ho turi, NTITWASAMBANYE n’Ijambo ryaYo. Rero, turi Umugeni Jambo WaYo w’Inkumi Atagira agatosi.
Kuri uyu w’iyinga, Izoduhuza rindi rimwe kandi Ivugire mu muhanuzi mumarayika waYo ahambaye kandi Itubwire ngo, NDI UYU MELEKISEDEKI, kandi Nzobihishurira ubwaNje mu mubiri w’umuntu, neza nk’uko Navuze ko Nobikoze mw’Ijambo RyaNje.
IMANA ISHIMWE! Muranezerewe? Murahezagiwe birushirije? Rero, HARI NA VYINSHI BIGIYE KUZA. Igiye guheraheza iyi nkuru ihambaye.
Muvyiyumvire gusa, TWARI mu vyiyumviro nyene vy’Imana kuva mbere na mbere. Imyaka ibihumbi bine imbere yuko Yesu aza kw’isi, n’imyaka ibihumbi vyinshi imbere yuko muza kw’isi, Yesu, mu Vyiyumviro vy’Imana, Yapfiriye ivyaha vyacu. KANDI RERO, AMAZINA YACU yashizwe mu Gitabu C’Ubugingo C’Umwagazi W’Intama.
Mbega biriko birinjira mu bwenge bwanyu ? Amazina yacu yagenywe n’Imana kandi yashizwe mu Gitabu C’Ubugingo C’Umwagazi W’Intama itanguriro ry’isi ritarashirwaho. Yari Azi amaso yacu, igihagararo cacu, ico turi cose. Twari mu vyiyumviro vyaYo mbere na mbere… mu vyiyumviro vy’Imana! Rero, ikintu turi cose ni Ijambo Ry’Imana Ryavuzwe. Inyuma y’ukuRyiyumvira, YaraRivuze, kandi niho turi.
Biragoye gutahura. Imana Itubwira ibi bintu vyose. Yaradukunze cane rwose kandi Yashatse kumenya neza ko twoRyumviriza Rivuye kuri Yo ubwaYo Ridaciye ku ruhande, rero Yakoze ku buryo Rifatwa mw’ijwi kugira ngo ku w’iyinga, igenekerezo rya 4 kigarama, umwaka wa 2022, Yoshobora guhuriza hamwe ubugira kandi Umugeni waYo kandi Itubwire Iti : “Ibi vyose nabikoreye mwebwe. Nashatse ko muRyumva Rivuye kuri Jewe Ridaciye ku ruhande. NDABAKUNDA. MURI UMUGENI WANJE. NZOZA KUBWANYU VUBA CANE.”
Ni yo mpamvu tuzi ko igihe tugiye mu Nyonga h’Imana, ikintu kinaka muri twebwe kitubwira ko tuva ahantu hanaka, kandi tugiye gusubirayo ubugira kandi muri burya Bushobozi Budukwega.
Nta na kimwe dufise co gutinya na gatoya. Nta na kimwe co gutuma duhagarika umutima, n’urupfu. Iyo tuvuye ng’aha, nta n’ubwo tuba dupfuye. Namba uru rusago rwo kw’isi ruzimanganye, dufise rumwe RWAMAZE kuturindira, Rwihinduye.
Ndindiranye igishika kuMwumva Atubwira kandi Ahishura ibi bintu vyose kuw’iyinga isaha zitandatu ku mutaga kw’isaha y’i Jeffersonville (isaha imwe z’ijoro mu Burundi). Muze dufatanirize ahantu honyene mushobora kwumva IJWI RY’IMANA Ryagaragajwe Ritubwira umunwa ku gutwi Uwo Ari We, abo TURI BO, n’aho tugiye. FYONDA MUVUZE.
Uyu Melekisedeki Ni Nde ? Ubutumwa bwavuzwe kw’igenekerezo rya 21 Ruhuhuma ku mugoroba, umwaka wa 1965.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Busho bw’Umuhanuzi,
Mwibuke, mvuga ibi ku mugwi wanje wonyene. Hamwe n’abumviriza bari kure, mvuga ibi ku bankurikira bonyene. Ubu Butumwa bugenewe abo bonyene, n’ivyo ngiye kuvuga ng’aha.
Umukozi w’Imana wese, u , ni ivyiwe, ego, ni umwungere w’ubusho bwiwe, akore ico ashaka cose. Ni hagati yiwe n’Imana. Umupatiri wese, umuvugabutumwa wese, ni ahawe, mweneData.
Mvugira ng’aha honyene muri Jeffersonville, ahantu honyene novugira ibi, ni ukubera ari ubusho bwanje bwite. Ni ubusho Mpwemu Yera Yampaye gutahura ko mbereye umugenduzi kandi Azobumbaza. Kandi aba ni bantu banje baronkeye agakiza ng’aha mu gihugu cose, narongoreye kuri Kristo.
Mbega ibuye ry’ukunengesera ku mpera y’iyinga ry’amashimwe. Ndakenguruka cane kuba igice c’ubwo busho butoya Akigenzura hamwe n’umwe wese muri mwebwe. Nta handi hantu twoshobora kuja.
Data Yaraturungikiye inkukuma ihambaye iguruka yo kurongora Umugeni WiWe. Hariho amajwi menshi atera intege abantu kandi avuga Amajambo Yavuzwe n’umuhanuzi wiWe, ariko hariho IJWI RIMWE ryonyene ryarungitswe kurongora no guhuza Umugeni.
Amajambo umuhanuzi w’Imana yavuze kw’ibande ni Icishimikizo Ntanyiganyizwa cacu. Ntidutahurika kuko tuvuga ko twizeye IJAMBO RYOSE, ariko twategetswe n’Umuhanuzi w’Imana gukora ivyo neza na neza.
Niko mvuze, mw’Izina Rya Yesu Kristo : Ntimwongereko ikintu na kimwe, ntimukureko, ntimushireko ivyiyumviro vyanyu bwite muri Ryo, muvuge gusa icavuzwe kuri ayo mabande, mukore gusa neza na neza ico Umwami Imana Yategetse gukora ; ntimwongere kuri Ryo !
Ikangure wa si we. Igihe kiregereje, Amajambo umuhanuzi w’Imana yavuze, IMANA YADUTEGETSE : kwizera, kuvuga no gukora, NEZA NA NEZA ivyo yavuze ku mabande. Si ivyo mvuga, si ivyo umupatiri wawe canke abavugabutumwa bawe bavuga, ariko ivyo umuhanuzi w’Imana yavuze KW’IBANDE.
Nta na kimwe c’ingirakamaro gusumba kwumviriza Rirya Jwi kw’ibande, NTA NA KIMWE. Tugiye kuzocirwa urubanza n’ivyavuzwe KU MA BANDE. Si ivyo jewe navuze, ariko ivyo WE YAVUZE.
Ndabaronderera VYIZA CANE GUSUMBA IBINDI. Amajambo yanje makeya ni ayo kubahimiriza, neza nk’uko umwungere uwo ari we wese yobikora, kwizera Ijambo Ryose. Sindabigisha : gukekeranya ico ari co cose mwumva kw’ibande, ko hariho amakosa ku ma bande, ko mutegerezwa kunyumviriza co kimwe n’uko mwumviriza umuhanuzi. Ndabandikira amajambo makeya yo kubahimiriza KUGUMANA N’IJAMBO RY’INKOMOKO, GUFYONDA MUKAVUZA. Nshaka ko muba Umugeni Jambo Atagira agatosi kandi Atiyanduje.
Imana Yashize Amajambo YaYo kw’ibande muri iki gihe ku buryo icaremwe kizima cose coshobora kwumviriza Ijwi RyaYo. Mu gihe ca Paulo, bari bafise gusa abanditsi bo kwandika ivyo yigisha, ariyo Bibiliya. Ariko MURI IKI GIHE, Imana Yashatse ko biba IBIHAMBAYE BIRUSHIRIJE. Dushobora gufyonda tukavuza no kwumviriza n’amatwi yacu bwite Yesu Kristo Yazutse Avugana natwe, umunwa ku gutwi.
Mbega umunsi tubayemwo. Hamwe n’isi isenyagurika bimwe biboneka hirya no hino yacu hose, dufise ahantu hatanzwe dushobora kuja no kwisanzura gusa. Tuharonka kw’IBANDE. Twicara ahantu hapfutse ho mu vyumba vyacu maze tukagirira umunsi mukuru ku Bifungurwa Vyabitswe mu kigega. Umuhanuzi wacu ashobora kuba yaragiye kuva kera, ariko turacibuka ko ibi bintu ari ukuri, kandi dukora nyene nk’uko Imana Yadutegetse gukora, KUGUMANA N’AMABANDE.
Ni muze muronke umunsi mukuru w’amashimwe mutigeze gufungura kuri uyu w’iyinga isaha zitandatu ku mutaga kw’isaha y’i Jeffersonville (isaha imwe y’ijoro mu Burundi), mu gihe Ijwi Ry’Imana Rivugana natwe mu Butumwa : Ukurongora n’Ukwahukana, Ubutumwa Bwavuzwe kw’igenekerezo rya 21 ruhuhuma mu gitondo, umwaka wa 1965. MweneData Joseph Branham.
Hariho abagore b’abaKristo benshi beza mw’isi iki gihe, abagore b’inyankamugayo; ariko hariho Umupfasoni Umwe gusa wa Yesu Kristo. Turi Abatahana Muhira na We. Turi Umukenyezi WiWe Yatoranije.
Yatubwiye mw’Ijambo RyiWe ko Yogaruka rindi rimwe, neza mu buryo Yaje mbere. Kandi Yari hariya, Yihishura ubwiWe mu mubiri w’umuntu, Asoma Ijambo kandi Atubwira Ati, “Uyu munsi ibi Vyanditswe birashitse mu maso yanyu,” kandi twaraMumenye, kandi twacitse Umugeni WiWe Umupfasoni wa Yesu Kristo.
Twarabihishuriwe ko uwo M-w-a-n-a Nyene w’Imana Yaje mu buseruko kandi Yigaragaje nk’Imana mu mubiri, Ari Wa M-w-a-n-a w’Imana nyene mu karere k’uburengero, Yimenyekanishije ubwiWe hagati mu Mugeni WiWe. Umuco Wo ku kagoroba w’Umwana Waraje.
Kandi namba nobaza ikibazo cerekeye ico ari co cose, hategerezwa kuba inyishu y’ukuri. Hashobora kuba ikintu kinaka kivyegereye; ariko hategerezwa kuba inyishu y’ukuri, irashe ku kibazo cose. Rero, kubw’ivyo, ikibazo cose cadutse mu buzima bwacu, hategerezwa kuba inyishu y’ukuri, itomoye.
Mu gihe cacu hariho ibibazo vyinshi n’impari mu bantu. • Ni ingirakamaro gute kwumviriza amabande y’umuhanuzi w’Imana ? • Ni ingirakamaro gute kwumviriza no kwizera Ijambo Ryose? • Ni ikihe Cishimikizo Ntanyiganyizwa Cacu ? Ni ico yavuze kw’ibande, canke Mpwemu Yera Arongora umuntu wese gufata ingingo y’ikiri Ijambo canke ikitari Ijambo? • Mbega dutegerezwa kuronka umuntu, canke umugwi w’abantu, bo kuRidutomorera ? • Mbega Ijambo Rivuga ko inyuma yo kurungika Eliya umuhanuzi, Azorungika umugwi w’abantu bategerezwa kuRibasigurira? • Mbega dukeneye umuntu munaka wo gusigura Ijambo canke kuRidutomorera ? • Twotegerejwe kwumviriza gusa amabande mu mazu yacu, mu modoka, n’aho kunywera igitoro honyene, no kwumviriza umukozi w’Imana igihe tugiye kw’ishengero? • Twotegerejwe kwumviriza amabande mu mashengero yacu? • Mbega ni Ijwi ry’Imana ryo mu gihe cacu canke si Ryo?
Rero, namba ari ikibazo co muri Bibiliya, gurtyo hotegerejwe kuboneka inyishu yo muri Bibiliya. Ntiyotegerejwe gushobora kuva mu mugwi w’abantu, mu gufatanya kunaka ukwo ari ko kwose, canke mu murezi munaka, canke idini rinaka. Yotegerejwe kuza ivuye neza mu Vyanditswe…
Rero namba dushaka kuronka inyishu itomoye ku bibazo vyacu, dutegerezwa kuja mu Vyanditswe. Igikurikira, dutegerezwa gufata ingingo, y’umusiguzi w’Ivyanditswe ava ku Mana munaka. Mbega umuntu wese afata ingingo yiwe ubwiwe ?
Umuhanuzi ntibisigura gusa kuvuga Ijambo, ariko vyongeye ni ugutangaza, kandi ni umusiguzi ava ku Mana w’Ijambo, Ijambo Riva ku Mana Ryanditswe.
Kubw’ivyo namba umuhanuzi ari umusiguzi w’Ivyanditswe ava ku Mana, rero ico uwo muhanuzi yavuze ni Ijambo ry’Imana Ryamaze gusigurwa, NTA KINDI.
Namba ubu Butumwa bwavuzwe n’umuhanuzi w’Imana atari Icishimikizo Ntanyiganyizwa cawe, ariko ari ivyo umuntu munaka canke abagabo bavuga ko ari Ijambo, rero amerekero yawe y’Ibihe Bidashira ashimikiye ku co BAVUGA.
Amajambo yanje asa n’ayarwanya cane bimwe canke ibikorwa vy’Imana vyose. Si vyo. Nizera ko Imana Yashize abagabo b’ukuri mw’Ishengero RyaYo no ku busho bwaYo bo kugumya Ubu Butumwa imbere yabo. Nibaza ko bigisha kandi bizera Ubu Butumwa. Ariko ni kuki badasubiza mweneData kuri alutari zabo nk’Ijwi Rihambaye gusumba ayandi ryo kwumviriza ? Ni kuki bashira igikorwa c’Imana cabo ku rugero rumwe na Rirya Jwi, kandi nk’aho gihambaye nka Ryo?
Malaki 3 havuze hati, « Umve ngira Ntume integuza imbere yaNje, indoranirize inzira imbere yaNje. » Kandi uwatumwe kuroranya inzira, yaramenye ko aho ahantu, yari We. « Ni We ! Nta kosa rihari. Ni We ! Ndabona ikimenyetso kiMukurikira. Ndazi ko ari We ; Umuco Umanutse Uvuye mw’Ikuru kandi Ugiye kuri We. » Vyari vyo, yari We.
*Rero, mweneData, nshaka kukubaza ikintu kimwe, mu guheraheza. Twoshobora kuvuga ibi. Muri Malaki 4, naho ntitwasezeraniwe iyindi nkukuma, Inkingi y’Umuco yokurikira, yo kwerekana ishengero riri mu kinyoma iki gihe ko We Ari Abaheburayo 13 :8, « Wawundi ejo, uno munsi no mu bihe bidashira » ? Ntitwasezeraniwe uwundi azoza aguruka ava mu bugaragwa ?
Tuzoba dukurikira iki ? Irya Nkingi y’Umuco. Ni nde irya Nkingi y’Umuco ? Irya nkukuma, Malaki 4. Ni nde yari afise Inkingi y’Umuriro hejuru ku mutwe wiwe yo kugaragaza uwo yari we ? William Marrion Branham.
Uwo niwe muntu Imana Yatoranije wo kurongora Umugeni WaYo. Urya muntu ni we mugabo Imana Yatoranije gusigura Ijambo RyaYo. Urya muntu ni we muntu Imana Yatoranije guhishura amabanga yaYo yose. Urya muntu ni we Imana Yavuze Iti, “Uzane abantu KUKWIZERA”, SI UWUNDI MUNAKA CANKE ICO UWUNDI MUNAKA AVUGA, WEWE, WILLIAM MARRION BRANHAM. Urya muntu niwe azotumenyekanisha kuri Yesu Kristo.
Umugabo canke umugore uwo ari we wese yongera ico ari co cose kuco Mvuga, ntiyizera ico Mvuga.
Muze kandi mucike Umupfasoni wa Yesu Kristo hamwe natwe kuri uyu w’iyinga isaha zitandatu ku mutaga, kw’isaha ya Jeffersonville, (isaha imwe mw’ijoro mu Burundi) mu gihe tuzokwumviriza akanwa k’Imana katoranijwe kandi katubwira ngo : Ahantu Imana Yatoranije Ho Gusengera, Ubutumwa Bwavuzwe kw’igenekerezo rya 20 ruhuhuma, umwaka wa 1965. MweneData Joseph Branham.
Ivyanditswe vyo gusoma :
Gusubira mu Vyagezwe 16:1-3 Kuvayo 12:3-6 Malaki Ibice vya 3 na 4 Luka 17 :30 Abaroma 8 :1 Ivyahishuriwe Yohana 4 :7
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Ruvyaro Cami rwa Mpwemu rwa Aburahamu,
Ni irihe shengero ushobora kujamwo kandi ukamenya, ata gukekeranya na gatoya, ko Ijambo Ryose wumviriza ari Uko Niko Uhoraho Agize ? Nta na hamwe, kiretse wumviriza Ijambo Ry’Imana Rivuganira nawe ku mabande.
Turi inkukuma z’Imana kandi zitogira imyumvikano kw’Ijambo na Rimwe. Dushaka Manu Nshasha Yonyene kuri buri gikorane kandi ntishobora kuza ari nshasha gusumba kuYumviriza Ivuye neza ku Mana ubwaYo. Turushiriza kuguruka twatiriye ijuru uko twumviriza buri Butumwa. Uko tuduga hejuru, niko dushobora kubona birushirije. Namba ata Manu iri muri iri shengero, inkukumaz’Imana ziraduga hejuru gatoya birushirije gushika ziYibonye.
Ese ukuntu imitima yacu isimbishwa n’umunezero igihe twumva Imana Itubwira ko turi Ishengero Ry’Imana RyiWe ry’inkomoko, Ryavutse ubwa kabiri, Ryizeye Ijambo Ryose ry’Imana imbere y’ikintu ico ari co cose, tutaravye ico ari co, kuko turi Umugeni Jambo wiWe w’inkumi Atavanze.
Hari uruzazane hagati mu bantu iki gihe. Nk’uko vyari mu gihe ca Yesu, abo bigira abizera bafata insiguro y’ivyo umuherezi yavuga ku Vyanditswe. Bizera insiguro y’umuntu kw’Ijambo. Ni yo mpamvu bananiwe kubona Ukuri kw’Imana, kuko hariho insiguro nyinshi birenze z’abantu kw’Ijambo ry’Imana. Imana Ntikeneye umuntu n’umwe wo gusigura Ijambo RyaYo. Ni umusiguzi waYo Bwite.
Wibaza ko iyo uba warabayeho mu gihe ca Yesu, woba warizeye Ijambo Ryose Yavuze, utaravye ico umuherezi wawe yavuze ? Woba warabwiye umuherezi wawe ko kwumviriza Yesu ko cari ikintu c’ingira kamaro gusumba ibindi ushobora gukora ? Woba waramubwiye ko Amajambo ya Yesu adakeneye insiguro ? Iyo baba bari bafise amabande ya Yesu Avuga Ubutumwa, woba warabwiye umuherezi wawe ko ushaka ko afyonda akavuza ku buryo ushobora kwumviriza neza na neza ico Yesu Yavuze n’ukuntu Yakivuga ?
Yemwe, nticari igihe cawe ; iki ni igihe cawe, uyu ni umwanya wawe. Bibiliya Yavuze ngo, Ni Wawundi ejo, uno munsi no mu bihe bidashira. Ico ukora n’ico uvuga ubu ni co woba warakoze neza na neza ico gihe.
Twizera ko U-m-w-a-n-a w’Imana nyene Yaje mu buseruko Yigaragaje ubwiWe nk’Imana Yagaragaye mu mubiri, ari uwo M-w-a-n-a w’Imana nyene mu kirere c’uburengero Yimenyekanishije ubwiWe muri twebwe. Twizeye ko uno munsi Iki Canditswe Gishitse imbere yacu.
Ndizera vy’ukuri ko uyu ari umwaka w’ubuntu, umwaka wa yubire. Namba wipfuza kuguma uri umuja kandi utizera ko Ubu Butumwa ari Uko Niko Uhoraho Agize; namba Ubutumwa bwiWe atari Icishimikizo Ntanyiganyizwa cawe; namba wizera ko hategerezwa kuba umuntu wo gusigura Ubutumwa; namba wizera ko ari bibi kuvuza amabande mw’ishengero ryawe; Rero utegerezwa gufatwa maze bagatoboza ugutwi kwawe uruhindu, hanyuma rero uzotegerezwa gukorera urya mutware iminsi yawe yose isigaye.
Ariko Ishengero Mugeni nyaRyo Ry’inkomoko Ryizera Ijambo Ry’Imana Ryose mu kunengesera kwaRyo n’inkomezi zaRyo. Turi Ishengero Ryatoranijwe Ryavuye muri ivyo bintu kandi Rija ku ruhande, n’ukugaragara kw’Imana kwatumye tumera magabo. Turi Rurya Ruvyaro Cami Rwa Mpwemu Rwa Aburahamu.
Turabakengurukiye kubwo kuba ng’aha kwanyu no munezerererwa aka karyo k’uku gufatanya natwe, turindiranye igishika c’ivyo Imana Igiye kuduha muri iki gikorane.
Kubw’ivyo turabatumiye kwifatanya natwe kuw’iyinga isaha zitandatu ku mutaga, kw’isaha ya Jeffersonville, (isaha imwe y’ijoro mu Burundi) mu gihe tuzokwumviriza Uyu munsi Ibi Vyanditswe Birashitse, Ubutumwa Bwavuzwe kw’igenekerezo rya 19 ruhuhuma, umwaka wa 1965. Dufise igishika c’ivyo Imana Igiye gukora muri ibi bikorane. Umuco w’akagoroba w’Umwana Waraje.
MweneData Joseph Branham.
Ivyanditswe vyo gusoma imbere yo kumviriza Ubutumwa
Turi inkumi kw’Ijambo. Ntidushobora kandi ntizokora ku kindi kintu ico ari co cose. Hamwe n’Ubutumwa bwose twumva, ni Bushasha kandi Bw’iki gihe; Manu Nshasha Ihejeje gukoroka Ivuye mw’Ijuru.
Ariko Yaratugabishije ko mu gihe c’iherezo hobaye impwemu zibiri zoba zegeranye cane, zozimiza n’abatoranijwe, namba vyari gushoboka. Rero, dutegerezwa kuba maso kuri iyo mpwemu mu gihe izoba imeze nk’Umugeni ubwayo.
Mwitegereze, murabe ukuntu isa n’iyiri hafi. Matayo yavuze, Uwera Matayo 24:24, yavuze ko, “Izo mpwemu zibiri mu minsi ya nyuma,” impwemu y’ishengero y’abantu b’ishengero, n’Impwemu y’Umugeni y’abantu b’Umugeni “zoba zegeraniye cane hamwe gushika aho vyohenda Uwatoranijwe nyene namba bishoboka.” Ni uko kuntu vyegeranye.
Yavuze IMPWEMU y’abantu b’ishengero n’IMPWEMU y’abantu b’umugeni bizoba vyegeranye cane. Ivyo vyosigura ko impwemu y’abantu b’ishengero botegerejwe kuvuga ko bizeye Ubutumwa bw’igihe kugira ngo bibe IVYEGEREYE CANE.
Ntiboba ari aba Metodisiti, Batisiti, Peresipiteriyano, canke n’aba Pentekoti; bari kure cane y’Ijambo kandi barananse Ubutumwa. Nta n’umwe muri bo afise impwemu yegeranye n’iy’Umugeni.
Satani yaragerageje, kandi yarabishoboye cane, kuba umubeshi cane. No kuva kw’itanguriro, yavuze gusa ati, “Ata nkeka,” abwira uko Eva gukoresha ukwiyumvira kwiwe kandi ko yotegerejwe kumwumviriza kandi ntiyumvirize Ijambo gusa. Hariho ikintu kimwe conyene yategetswe gukora : kugumana n’Ijambo.
Ibiriho :
Namba ufise ikibazo, hategerezwa kuba inyishu. Ivyo ni vyo umuhanuzi yatubwiye. Inyishu itegerezwa kuva mw’Ijambo. Ijambo Riza ku muhanuzi wenyene. Umuhanuzi ni we musiguzi wenyene w’Ijambo. Namba hari umugabo canke umugore abo ari bo bose baguhaye inyishu, itegerezwa kuba ico umuhanuzi yamaze kuvuga. Ntibishobora kuba insiguro yabo, iciyumviro canke ugutahura vyabo. Bategerezwa kubishigikiza n’Ijambo Ryavuzwe n’umuhanuzi yagaragajwe n’Imana. Si ijambo ry’umuhanuzi ryongeweko, ni ico umuhanuzi yavuze gusa.
Hariho imigwi ibiri ihuza ivyiyumviro.
1: Mutegerezwa kwizera Ijambo Ryose Riri ku ma bande nk’Ubutumwa nyamukuru buruta ubundi mutegerezwa kwumviriza.
2: Ntimutegerezwa kwizera Ijambo Ryose Riri ku ma bande, kandi igikorwa c’Imana ubu gifise ubutumwa nyamukuru buruta ubundi mutegerezwa kwumviriza.
Hariho ubwoko bwinshi, bwinshi butandukanye ku ciyumviro ca kabiri : Mpwemu Yera Azondongora canke umwungere wanje ategerezwa kutubwira ikiri canke ikitari Ijambo. Dukeneye vyinshi gusumba ivyo mweneData Branham yavuze gusa kw’ibande. Utegerezwa kuronka igikorwa c’Imana co gusigura canke gucagagura Ijambo. Ata gikorwa c’Imana ntushobora kuba Umugeni.
Hariho ukudasenyera ku mugozi umwe kwinshi, ariko ntibishoboka kubidondagura vyose. Ariko nta bitandukanye canke ukudasenyera ku mugozi umwe ku ciyumviro ca mbere. Ni WIZERE IJAMBO RYOSE, gusa.
1: Urizera ivyo umuhanuzi yavuze ku ma bande ko ari Icishimikizo Ntanyiganyizwa cawe, canke wizera ko ari Mpwemu Yera muri wewe canke umwungere wawe?
2: Urizera ko igikorwa c’Imana kirimwo bitanu gifise ubutumwa nyamukuru gusumba ubundi Umugeni Akeneye kwumviriza, canke ni Ubwo Butumwa buri ku ma bande ?
Namba umwungere wawe, umuvugabutumwa, umwigisha, umuvugabutumwa canke umuhanuzi atakubwira ko kwumviriza amabande ari UBUTUMWA NYAMUKURU GUSUMBA UBUNDI utegerezwa kwumviriza, ni UW’IKINYOMA, KANDI IMPWEMU UMUHANUZI YATUGABISHIJE YOBA YAJE.
Namba avuga ko ARI Ubutumwa nyamukuru gusumba ubundi ushobora kwumviriza, ariko akanka kuvuza amabande mw’ishengero ryiwe, HARIHO IKINTU KINAKA KITAGENDA NEZA. Namba vy’ukuri yizeye ko kwumviriza amabande ari co kintu nyamukuru mushobora gukora, rero yovuza amabande UBWA MBERE, hanyuma akavuga ubutumwa namba yumva arongowe.
Akarorero gasanzwe :
Namba nababwiye, ko kunywa amazi atagira agatosi ari co kintu kimwe nyamukuru mushobora gukora kubw’amagara yanyu, kandi hariho ubwoko BUMWE bw’amazi yemewe kandi yemejwe ko ari amazi yo kunywa atagira agatosi… ariko iyo muje mu nzu yanje gufungura, sindabahe ayo mazi yemewe. Ndababwira nti, “mushobora kunywa arya mazi iwanyu ariko iwanje, mutegerezwa kunywa ivyo ndabahaye.”
Namba arya mazi ari co KINTU CIZA GUSUMBA IBINDI nshobora kubaha kubw’amagara yanyu, azobaha ubuzima, rero ikintu ca mbere ndabaha iyo mwinjiye mu nzu yanje ni arya mazi yo kunywa atagira agatosi.
Mbega mfise amakosa mu kuvuga nti, “VUZA AMABANDE MU MASHENGERO YANYU, ni co kintu ciza kuruta ibindi mushobora gukorera abantu banyu. Ni Uko Niko Uhoraho Agize.”
Watubwiye ko dutegerezwa kugira ICISHIMIKIZO NTANYIGANYIZWA KIMWE, naco ni Ijambo RyaWe. Watubwiye ko Ijambo Ryawe Riva ku muhanuzi waWe, WENYENE. Watubwiye ko ari we WENYENE ashobora gusigura Ijambo RyaWe. Watubwiye ko umukozi w’Imana wese, umuKristo asanzwe, umuntu wese, ashobora KUVUGA ICO YAVUZE CONYENE. Ijwi RyiWe ni ryo JWI RYONYENE ryagaragajwe n’Inkingi y’Umuriro ko ari Uko Niko Uhoraho Agize.
Sindiko ndavuga ko ari ab’ibinyoma canke batovuga ubutumwa. Nta n’ubwo ndiko ndavuga ko Umwami Atari kumwe nabo, canke ko batasizwe kandi bahamagariwe kuvuga ubutumwa, ariko ntegerezwa kubavugiriza induru igihe batazobwira abantu babo ko kwumviriza amabande ari co kintu c’ingira kamaro gusumba ibindi bashobora gukora.
Guhindura akanyuguti kamwe canke akarongo kamwe ni urupfu. Waratanze uburyo ku Mugeni WaWe bwo kwumviriza Uko Niko Uhoraho Agize n’amatwi yabo bwite. Bashobora gute kutigisha abantu babo ko ari bwo Butumwa bw’ingirakamaro gusumba ubundi bategerezwa kwumviriza? Ni bwo Butumwa Bwonyene nshobora kuvuga AMEN kw’Ijambo Ryose, mu gihe atari Ijambo ry’umuntu canke insiguro y’umuntu y’Ijambo RyaWe, ni Ijambo RyaWe Ritagira agatosi.
Wavuze ko Ubutumwa n’intumwa ari co kimwe. Umuhanuzi wawe yaraRivuze kandi ko Worishikije. Ijambo RyaWe Ryavuzwe n’umuhanuzi waWe Ntirikeneye insiguro mu gihe ari Umwana w’Umuntu Avugana n’Umugeni WiWe Adaciye ku ruhande.
Ntegerezwa kwinginga abantu, nimugaruke ku rukundo rwanyu rwa mbere. Mugaruke ku co muzi ko ari UKO NIKO UHORAHO AGIZE. Namba mwamye mwibaza inzira yo kujamwo canke ico mutegerezwa gukora, muje ku bwato hamwe natwe iri joro. Tumanutse i Ninewe, gusemerera. Dufise inshingano imbere y’Imana, n’ubu Butumwa kw’ibande.
Twizeye ko Ukuza k’Umwami kuri hafi, kandi Agiye kugira Umugeni, kandi turiteguye. Nta kindi dushaka kiretse Ijambo Ritagira agatosi ry’Imana Ryavuzwe n’umuhanuzi waYo. Tugiye mu Bwiza, muze tujane mu bwato bwacu.
Namba mwizeye ko ubu Butumwa ri Ukuri, kandi bibereye kububamwo, bibereye kubupfira, muze dufatanye kuri uyu w’iyinga isaha zitandatu ku mutaga kw’isaha y’i Jeffersonville,(isaha icumi na zibiri z’umugoroba mu Burundi) mu gihe tuzokwumviriza Ubutumwa twizera ko ari ngirakamaro kandi bwihutirwa kuri twebwe kwumviriza : Umuntu Ahunga mu Nyonga z’Uhoraho, bwavuzwe kw’igenekerezo rya 17 Ruhuhuma umwaka wa 1965.
