All posts by admin5

25-0907 Ukuvayo Kwa Gatatu

Ubutumwa: 63-0630m Ukuvayo Kwa Gatatu

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Ukuvayo kwa Gatatu,

Iyo udafise ijisho rya mpwemu, ntubitahura. Ariko ijisho rya mpwemu rishobora kubona Ububasha bw’Imana bugenda kuko Buri kumwe neza na neza n’Ijambo. Ni Jambo, kandi Ijambo ry’Imana Ntiryigera Rihinduka. Ivyo Yakoze mu ntango, Iriko Irabikora n’ubu kandi ijisho rya mpwemu rirabibona, riravyizera, kandi RIRAVYUMVA.

Isi yoshobora kutavuga rumwe nanje ku vyo nizera ko ari inzira Imana Yatanze ku bwa kino gihe : Ijwi Rihambaye kuruta ayandi yose utegerezwa kwumviriza ni Ijwi ry’Imana Riri ku ma bande. Mutegerezwa kuvuza ama bande mu mashengero yanyu, ariko NIMBA mwizera vy’ukuri ubu Butumwa, rero ntimushobora kutemeranya n’ivyo umuvugishwa w’Imana avuga.

Kuri uyu w’iyinga tuzokoranira hamwe nk’uko abana b’Abaheburayo babigira kugira ngo baronke manu yaba yabahawe mw’ijoro, yobazigama umunsi uza. Tuzokorana kubwa Manu yacu ya Mpwemu Izoduha inkomezi z’Ukuvayo kwacu guhambaye kugiye kuza vuba.

Nta buryo namba bwiza buriho kuruta kureka Ijwi ry’Imana Rikabivuga ubwaYo, kuvyerekeye Yo nyene, n’ubu Butumwa tugiye kwumviriza BURAKWIYE !

Imana Yafashe umuntu umwe mu bugaragwa, Iramwigisha. Iraheza Iramugarura, afata ibintu mu minwe, maze asohora abantu. Urabona ico nshaka kuvuga? Ntishobora guhindura umugambi waYo. Ni Imana.

Rero aha Iratubwira neza ko Itigera Ihindura umugambi waYo. Ivyo Yakoze kuva mu ntango, Izobisubiramwo mu mpera, Yarabisezeranye. Rero ubu dutegerezwa kumenya Umugambi waYo w’ico gihe kuko uzoba ari uwo Mugambi nyene ubu.

Ntizokwigera Ikorana n’umugwi. Ntiyigeze Ibigira. Ikorana n’umuntu ku giti ciwe; kandi Yarabikoze, kandi Izobikora. Yarasezeranye, no muri Malaki 4, ko Yobikora.

Nta na rimwe Ikorana n’umugwi. Rero, Yasezeranye ko mu gihe cacu Izorungika umuntu Umwe, Malaki 4, afise Uko Niko Uhoraho Agize.

Uko ni ko biri. Hariho rero isezerano ryaYo, ivyo Yasezeranye, ivyo Yavuze ko Izokora, rero ng’ibi. Mbega abantu bahimbawe, twotegerejwe kuba; Ibaha ikimenyetso, ikimenyetso casezeranywe mw’Ijambo RyaYo, Ijambo Ryasezeranywe. Yasezeranye ko Izobikora.

None Imana Yahisemwo gute kurongora Umugeni WaYo ico gihe?

Imana Yahisemwo, mu gihe c’Ukuvayo. Yahamagaye umugwi. Kandi muri uwo mugwi, ndashaka ko mubona ikintu, Yaronse babiri bonyene bagiye mu gihugu c’isezerano. None Yahisemwo kubasohora akoresheje iki?

Ng’ibi. Ibi birahambaye cane kugira ngo ubwenge bwa mpwemu bubitahure. Ni gute Imana Yahisemwo kurongora no kujana Umugeni mu Gihugu c’Isezerano?

Politike? Idini? Yahisemwo umuvugishwa, afise ikimenyetso c’insigabwenge c’Inkingi y’Umuriro, kugira ngo abantu ntibazokwihende. Ivyo umuvugishwa yavuze vyari Ukuri. Kandi Imana Yaramanutse, mu Nkingi y’Umuriro, maze Irigaragaza, Yerekana Ijambo RyaYo. Ni vyo ? Ivyo ni vyo Yakoze mu kuvayo kwaYo kwa mbere. Ukuvayo kwa kabiri kwaYo…

Rero, kugira ngo abantu ntibakore ikosa, Yabarungikiye umuvugishwa afise ikimenyetso c’insigabwenge c’Inkingi y’Umuriro kubera ukuvayo kwabo guhambaye.

None Yakoze iki mu kuvayo kwa mbere? Yarungitse umuvugishwa, asizwe afise Inkingi y’Umuriro, aca ahamagara abantu. Uko kwari ukuvayo kwaYo kwa mbere…

Ukuvayo kwa kabiri. Yazanye Umuvugishwa, Yasizwe, uwo ari Umwana WaYo, Imana-Umuvugishwa. Mose yavuze ko azoba Umuvugishwa; kandi Yari Afise Inkingi y’Umuriro, Akora ibimenyetso n’ibitangaza…

Kandi ng’aha Yarasezeranye ivyo nyene mu kuvayo mu minsi ya nyuma, kandi Ntishobora kubihindura…

Benshi bazovyemeza mu kuvuga ngo, ego, yarungitse umuvugishwa guhamagara Umugeni, ariko ubu Mpwemu Yera Azorongora Umugeni biciye mu gikorwa c’Imana; ariko ivyo Ntiyabivuze…reka tubandanye gusa gusoma.

Raba Inkingi y’Umuriro Yarabahamagaye, Ibajana mu gihugu c’isezerano, bari munsi y’ugusigwa kw’umuvugishwa. Inkingi y’Umuriro bashobora kuraba, Ibajana mu gihugu c’isezerano, barongowe n’umuvugishwa yasizwe. Kandi baguma bamuhakana. Si vyo? Ego cane.

Iyi Nkingi nyene y’Umuriro iriko Irarongora abantu ubugira kandi mu Gihugu c’isezerano, Inganji y’Imyaka Igihumbi.

Inkingi y’Umuriro, munsi y’uburongozi bw’Imana…Imana yari Umuriro, kandi Inkingi y’Umuriro yasize gusa amavuta umuvugishwa. Inkingi y’umuriro yari guhagarara nk’icabona co mw’Ijuru c’uko Mose yahamagawe.

Ubu, mwibuke, Mose ntiyari Inkingi y’Umuriro. Yari umurongozi yasizwe, munsi y’iyo Nkingi y’Umuriro, kandi iyo Nkingi y’Umuriro Yemeza gusa Ubutumwa bwaYo n’ibimenyetso n’ibitangaza.

Nta kosa ririho bagenzi. Si ivyo ndiko ndavuga; ndi mweneSo gusa. Ariko, n’ico Imana Iriko Irabemeza, n’ico kibigira Ukuri. Iyo Inkingi y’Umuriro nyene Yakoresheje mu kundi kuvayo kubiri, Yarayizanye muri mwebwe iki gihe, kandi YaYigaragaje biciye mu vy’ubumenyi.

Imana Ntiyigera Ihindura umugambi waYo. Imana Irafise inzira Yateguriye Umugeni WaYo iki gihe : Inkingi y’Umuriro, munsi y’uburongozi bw’Imana…Imana Yari uwo Muriro, kandi Inkingi y’Umuriro Yasize amavuta gusa umuvugishwa.

Hariho Ijwi Rimwe Ryonyene, umuvugishwa umwe, afise Uko Niko Uhoraho Agize, William Marrion Braham. Si we Inkingi y’Umuriro, ariko ni we murongozi yasizwe munsi y’iyo Nkingi y’Umuriro.

Twese twipfuza kuba mu Bugombe bw’Imana BUTUNGANYE. Ijambo RyaYo Ryemejwe NI Ryo bugombe bwaYo butunganye. Ijambo Ryemejwe ry’iki gihe cacu ni ubu Butumwa. Umuvugishwa waYo Yatorewe kurongora Umugeni waYo. Namba utavyizera, ntushobora kuba Umugeni waYo.

Ni muze maze mwitegurire Ukuvayo kwacu guhambaye mu kwumviriza Ijambo ry’Imana Ritunganye hamwe natwe kuw’iyinga isaha zitandatu ku mutaga kw’isaha ya Jeffersonville (isaha icumi na zibiri ku mugoroba mu Burundi), mu gihe twumviriza : Ukuvayo Kwa Gatatu, 63-0630M.

MweneData Joseph Branham.

25-0831 Kuki utaka? Vuga!

Ubutumwa: 63-0714m Kuki utaka? Vuga!

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Shengero ry’Imana,

Imana Yaravuze kandi Yavuze Iti: “Sinkorera kw’isi, kiretse biciye mu bantu. Ndi—Ndi—Ndi Umuzabibu; muri amashami. Kandi Nzokwimenyekanisha gusa igihe Nshobora kuronka umuntu UMWE. Kandi naramuhisemwo, William Marrion Branham. Namurungitse guhamagara Umugeni Wanje. Nzoshira Ijambo RyaNje mu kanwa kiwe. Ijambo Ryanje Rizoba ijambo ryiwe. Azovuga Amajambo YaNje kandi avuge ivyo Mvuga vyonyene.”

Ijwi ry’Ivyanditswe Ryavuze biciye mu Nkingi y’Umuriro maze riramubwira riti: “Naraguhisemwo, William Branham. Uri uwo muntu. Naguhagurukije kubw’iyi ntumbero. Nzobikwemeza nkoresheje ibimenyetso n’utwumiza. Uzomanuka guhishura Ijambo RyaNje no kurongora Umugeni Wanje. Ijambo RyaNje Ritegerezwa gushitswa Riciye kuri WEWE.”

Umuvugishwa wacu yari azi ko yarungitswe kubw’iyo ntumbero nyene yo guhishura amabanga yose yo muri Bibiliya no kurongorera Umugeni w’Imana mu Gihugu c’Isezerano. Yari azi ko ivyo yavuze, ko Imana Yovyubahiriza kandi Ikabishitsa. Ndashaka ko utigera wibagira iryo Jambo. Ivyo umuvugishwa wacu yavuze, Imana Izovyubahiriza, kuko Ijambo ry’Imana Ryari muri William Marrion Branham. Ni Ijwi ry’Imana kw’isi.

Yari azi ko ari intumwa mumarayika w’indwi w’Imana yasizwe. Yari azi mu mutima wiwe ibintu vyose Imana yari yamuvuzeko mw’ijambo RyaYo. Ivyariko biraturira ibwina mu mutima wiwe vyari vyacitse ukuri. Yari yasizwe kandi yamenye ko yari afise UKO NIKO UHORAHO AGIZE. Nta kintu na kimwe cari kigiye kumuhagarika kuja kuvuga Ijambo ry’Imana.

Imana Yamubwiye Iti: «Ijambo ryanje, nawe, intumwa yaNje, muri ikintu kimwe.» Yari azi ko ari we yatowe ngo avuge Ijambo ry’ukutihenda. Ivyo ni vyo vyonyene yari akeneye. YOVUGA, MAZE IMANA IKABISHITSA.

Uguhishurirwa kw’ubu Butumwa HAMWE n’intumwa y’Imana kwasize ukwizera kwacu nk’uko bitigeze bibaho mbere. Kwadusohoye mw’izinguzingu rikomeye. Kwadutandukanije n’ibintu vyose kiretse ubu Butumwa BwaYo, Ijambo RyaYo, Ijwi Ryayo, Amabande yaYo.

Naho twoba turi inkekwa gute, naho twoba dutwengwa gute, dukekezwa gute, nta tandukaniro na ritoya rihari. TURABUBONA. TURABWIZERA. Hariho ikintu kiri muri twebwe. Twari twaratoranirijwe kuBUbona kandi nta na kimwe kizoduhagarika kuBWIzera.

Twibuka ivyo iryo yerekwa ryavuze, “subirayo ubike Imfungurwa”. Ni hehe hari iyo nzu y’ububiko? Branham Tabernacle. Ni hehe hari ico ari co cose mu gihugu, canke kw’isi yose aho ari ho hose, kizogereranywa n’Ubutumwa dufise? NI Ijwi Ryonyene Ryemejwe n’Imana ubwaYo ngo Ribe Uko Niko Uhoraho Agize. IRYO JWI RYONYENE!

Ni hehe handi twoshobora, canke twoshaka kuja, igihe yavuga ati;

Aha niho Imfungurwa zabitswe…
Zabitswe ng’aha. Ni ku mabande. Zizoja kw’isi yose ku ma bande, aho abantu bari, mu mazu yabo.
Izo bande zizogwa nyene mu minwe y’abatoranijwe b’Imana. Irashobora kurongora Ijambo, Izorongora ikintu cose neza na neza mu nzira yaco. Ni co gituma yansubije gukora ibi: “Bika Imfungurwa ng’aha”.

Turi Umugeni Jambo WaYo Atunganye Yagumanye n’Imfungurwa ZaYo Zabitswe. NtiDukeneye gusubira gutaka, Tuvuga Ijambo gusa maze Tukabandanya Tuja imbere, kuko TURI Ijambo.

Nta na kimwe co kwiganyira. Nta bikorane vy’amasengesho vy’ijoro ryose dukeneye kugira ngo tumenye abo turi bo, Ijambo Ryarabiduhishuriye. Turazi abo turi bo, neza nk’umuvugishwa w’Imana, kandi yaramaze kutubwira ko yariko aragenda.

Umwe wese muri twebwe! Waba uri umugore wo mu nzu, canke waba uri umukozi wo munzu mutoya, canke waba uri umutamakazi, canke umusore, canke umutama, canke ico uri cose, turagiye, uko biri kwose. Nta n’umwe muri twebwe azosigara.” Amen! “Umwe wese muri twebwe aragiye, kandi nta kindi na kimwe kigiye kuduhagarika.”

Muravuga ivyo kuduha UKWIZERA kw’Izamurwa !!!

Ni uze wifatanye n’igice c’Umugeni w’Imana mu gihe dukoranira hamwe kw’Ijwi ry’Imana Ryemejwe, mu gihe Ivugana natwe kandi Itubwira Iti: Mukunzi wanje, Uwo Naisemwo, Umugeni Wanje, Kuki Utaka ? Vuga, maze ubandanye imbere.

MweneData Joseph Branham

Ubutumwa: 63-0714M Kuki Utaka? Vuga!

Igihe: isaha zitandatu ku mutaga kw’isaha ya Jeffersonville (isaha icumi na zibiri ku mugoroba mu Burundi)

Ikibanza: Ariko hariho Ishengero Rimwe Ryonyene Nyaryo, kandi ntiwifatanya na Ryo. Urivukiramwo. Murabona? Kandi iyo urivukiyemwo, Imana Nzima Irakora ubwaYo biciye muri wewe, kandi Ikimenyekanisha. Murabona ? Aho ni ho Imana Igerera, mw’Ishengero RyaYo. Imana Ija mw’Ishengero iminsi yose, Iba mw’Ishengero. Iba muri wewe. Uri Ishengero RyaYo. Uri Ishengero RyaYo. Uri Ihema Imana Igereramwo. Uri Ishengero ry’Imana Nzima, wewe ubwawe.

25-0824 Ingaburo Yera

Ubutumwa: 65-1212 Ingaburo Yera

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Ijambo Ryemejwe Ryonyene,

Ese ukuntu dushimira Mpwemu Yera kubera Uguhishura kw’ukuri kw’Ijambo RyiWe Ryemejwe kubwa kino gihe. Benshi bavuga ko bizera ko MweneData Branham ari umuvugishwa w’Imana ashitsa Ivyanditswe vyasezeranywe kuri we nyene, ariko Uguhishura kw’ukuri kw’Ijambo n’umugambi w’Imana bihishijwe bo.

Mu Butumwa bwose, ikete ryose ry’urukundo Umugeni yumviriza, Imana Iratwemeza ko turi mu Bugombe BwaYo butunganye mu kwumviriza Inzira Yatanze y’iki gihe, Ijwi ry’Imana Riri ku ma Bande.

Kandi dutegerezwa kuMukurikira, ni yo nzira yonyene yo kuronka Ubugingo Budashira. Rero uburongozi bw’Imana ni ubu: gukurikira Ijambo ry’igihe Ryemejwe na Mpwemu Yera.

Inzira YONYENE iguha Ubuzuma Budashira ni: Mpwemu Yera Akurongorera gukurikira Ijambo Ryemejwe. Ni nde afise Ijambo Ryemejwe ry’iki gihe ? Ni nde Imana Yatoye ngo asobanure Ijambo RyaYo? Ni nde Imana Yavuze ko ari Ijwi RyaYo ry’iki gihe? Ni nde Imana ubwo Yavuze ko ari umurongozi yemejwe kurongora Umugeni WaYo iki gihe? Igikorwa c’Imana ?

Ni nk’ivyo navuze ku giswi c’inkukuma, igihe cumva Ijwi ry’Umukwe, kaganye kuri Ryo, Ijambo ry’Imana Ryasizwe, Ryemejwe Ry’igihe ca nyuma.
Nowa yari Ijambo Ryemejwe ry’igihe ciwe.
Mose yari Ijambo Ryemejwe ryo mu gihe ciwe.
Yohana yari Ijambo ryemejwe.


Bashobora kuRihindukiza nkuko bashaka, canke bakaRiha insobanuro iyo ari yo yose bashaka, ariko:

WILLIAM MARRION BRANHAM NI IJAMBO RY’IMANA RYEMEJWE RY’IKI GIHE !!

Rero uburongozi bw’Imana ni ubu: gukurikira Ijambo ry’igihe Ryemejwe na Mpwemu Year.

Kandi kuvuza Ijwi ry’Imana Ryemejwe mw’ishengero ryawe si co kintu gihambaye kuruta ibindi vyose Umugeni ashobora gukora? Birahambaye cane kwumviriza Ijwi Ritandukanye?

Mbega ni umugwi w’abagabo n’ibikorwa vy’Imana vyabo bizohuriza hamwe kandi birongore Umugeni? Mbega Umugeni azohurizwa hamwe n’ivyo umuvugabutumwa avuga? Bose bavuga ikintu gitandukanye, none twokurikira nde?

Mbega insobanuro yabo y’ubu Butumwa ni yo tuzocirirwako urubanza? Mbega barafise Inkingi y’Umuriro Yemeza igikorwa c’Imana cabo? Mbega insobanuro yabo y’Ijambo ni Icishimikizo Ntanyiganyizwa cawe ?

Umuvugishwa yavuze ko Umugeni YOHURIZWA HAMWE. Niwibaze, ni igiki kizotuma ubu buvugishwa bushika kugira ngo Umwami Aze maze Azamure Umugeni WiWe?

Kandi rero, iyo abantu b’Imana batanguye gusubira gukoranira hamwe, haba ubumwe, haba ububasha. Murabona? Kandi igihe ihanga ry’Imana rizokoranira hamwe bimwe bishitse, nizera ko izuka rizoca riba. Hazoba igihe co kuzamurwa aho Mpwemu Yera Azotangura kurikoranya. Ba—bazoba ari inkehwa, ata gukeka, ariko hazoba ugukoranira hamwe guhambaye.

Mbega hazoba ikoraniro rikomeye ry’igikorwa c’Imana c’umuntu umwe, atari umuvugishwa w’Imana yemejwe? Mbega hazoba UMUGWI w’abakozi b’Imana kuko bamwe mu bakozi b’Imana b’igikorwa kirimwo bitanu bavuga ko mutokwigera NA RIMWE muvuza Ijwi ry’Imana mw’ishengero ryanyu, ko ari bibi. None rero bazorongora Umugeni?

NDABASAVYE MUMFASHE! NI UWUHE MUKOZI W’IMANA NOKURIKIRA, MU GIHE NSHAKA KUBA MURI IRYO KORANIRO RIHAMBAYE.

Bamwe bavuga ko abakozi b’Imana b’igikorwa kirimwo bitanu bizera uguhishurwa kw’Imituragaro Indwi bazoshikana Umugeni ku gutungana. Bamwe mu bakozi b’Imana b’igikorwa kirimwo bitanu bavuga ko iminsi y’igikorwa c’Imana c’Umuntu umwe yarangiye. Bamwe mu bakozi b’Imana b’igikorwa kirimwo bitanu bavuga ko dutegerezwa gusubira kuri Pentekote. Bamwe bavuga ko ubu Butumwa ATARI Icishimikizo Ntanyiganyizwa. Bamwe bavuga ko iyo uvuza ama bande uba uri uwizera ubumana. Bose bavuga ikintu gitandukanye, kandi BOSE bafise insobanuro zitandukanye, ivyiyumviro bitandukanye, ariko umwe wese avuga ko BArongowe na Mpwemu Yera.

NI UWUHE MUKOZI W’IMANA W’IGIKORWA KIRIMWO BITANU NOKURIKIRIRA? Igihe cose nzoba nkurikiye umwungere “WANJE” ari mu bafise igikorwa c’Imana kirimwo bitanu, nzoba Umugeni? Hariho “Imigwi” myinshi cane itandukanye y’abakozi b’Imana b’igikorwa kirimwo bitanu. Abo bakozi b’Imana 20 bahurira hamwe bagakora amakoraniro yabo, ariko ntibemeranya rwose n’abandi bakozi b’Imana 20 bafise amakoraniro atandukanye…ni irihe koraniro nojamwo kugira ngo nshike kugutungana kandi mbe mu bumwe…na bamwe muri bo…bose?

Kandi abantu bizera ko URU RUZAZANE RUZOHUZA NO GUSHIKANA UMUGENI KU GUTUNGANA ? Bose bavuga ko ari UMUKOZI W’IMANA W’UKURI W’IGIKORWA KIRIMWO BITANU YAHAMAGAWE N’IMANA. Ariko ntibariko barabajana ku BURONGOZI BW’UKURI BWA MPWEMU YERA, BARIKO BABIRONGORERAKO UBWABO NO KU GIKORWA C’IMANA CABO.

Kubwanje, ntukeneye mbere n’uguhishurirwa kugira ngo umenye ko ivyo bitoshobora kwigera BIHUZA canke BIRONGORA Umugeni wose. IJAMBO RYONYENE niRyo Rizohuza Umugeni, hakoreshejwe IJWI RY’IMANA UBWAYO RIRI KU MABANDE.

BeneData na bashikanje, vyoba vyiza mwikanguye nimba muriko murakurikira umwungere ariko aravuga ubutumwa gusa kandi asubiramwo Ijambo, ivyo bikaba ari vyiza cane kandi NICO NYENE yari akwiye kuba ariko arakora , ariko atababwira, kandi igihambaye kuruta vyose, ATAvuza IJWI RY’IMANA RIRI KU MABANDE MW’ISHENGERO RYANYU.

MweneData Branham yatubwiye ati:

Ubu, twasigiwe amabwirizwa atatu gusa y’Imana ya kamere : rimwe muri yo ni—ni isangira ryera, ukwozanya ibirenge, umubatizo wo mu mazi. Ivyo ni vyo bintu bitatu vyonyene. Ukwo ni kwo gutungana, muri ivyo bitatu, murabona.

Ndipfuza ko tugira Isangira Ryera n’Ukwozanya Ibirenge kuri uwu w’iyinga, Umwami Abishatse. Nk’uko twabigize muri kahise, ndabahimiriza gutangura isaha icumi n’imwe ku muhingamo kw’isaha y’aho uba. Naho MweneData Branham yavuze ko intumwa zagira Isangira Ryera igihe cose zakoranira hamwe, we yahisemwo kuyigira mu gihe c’umugoroba, kandi yavyita Ameza y’Umwami.

Ubutumwa n’igikorane c’Isangira Ryera bizoba biri kuri Voice Radio mu congereza, kandi hazoba n’umuhora wo kuvomamwo ico gikorwa, ku badashobora gushikira Voice Radio kuw’iyinga ku mugoroba.

MweneData Joseph Branham

25-0817 Uburongozi

Ubutumwa: 65-1207 Uburongozi

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni wa Kristo,

Reka twese dukoranire hamwe kuri uno w’iyinga isaha zitandatu ku mutaga kw’isaha ya Jeffersonville (isaha icumi na zibiri ku mugoroba mu Burundi), kugira twumvirize 65-1207 Uburongozi.

MweneData Joseph Branham

25-0810 Matukio Ya Sasa Yanadhihirishwa Na Unabii

Ubutumwa: 65-1206 Matukio Ya Sasa Yanadhihirishwa Na Unabii

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Ukuri kandi Muzima,

Igihe Yesu, Jambo ubwiWe, Yaza kw’isi haraheze imyaka 2000, Yaje nk’uko Yari Yavuze ko Yoza, nk’Umuvugishwa. Ijambo Ryiwe Ritangaza, ko imbere y’uko Agaruka, ukugaragara kwuzuye kw’Umuntu wa Yesu Kristo kuzosubira kugaragara mu mubiri, mu muvugishwa. Uwo muvugishwa yaraje, izina ryiwe ni William Marrion Branham.

Ni gute umuntu yoshobora kutamenya ko kwumviriza Ijwi ry’Imana Rivugana na bo ku ma bande Ridaciye ku ruhande atari Ubugombe bw’Imana butunganye? Turazi ko Ijambo Ryama Riza ku muvugishwa waYo ; Nta yindi nzira Rishobora kuzamwo. Ritegerezwa kuza biciye mu muhora w’Imana Yatubwiye mbere. Ubwo ni bwo buryo bwonyene Rizozamwo. Imana Igendera mu nzira Yasezeranye ko Izokoresha. Nta na rimwe Inanirwa kubikora nk’uko Yama Ibikora.

_Umwe wese muri bo afungura ikintu kimwe, bose batamvye muri Mpwemu, bose bari bafise vyose bahuriyeko; ariko igihe bashika ku gihe co gutandukana, Ijambo ni Ryo Ryakoze ivyo gutandukanya. No muri iki gihe ni ko biri! Ijambo Ryakoze ivyo gutandukanya! Igihe kigeze…

Turabona ko igihe kiriko kiraba ubu, Ijambo Ririko Riratandukanya. Umugeni aregwa kwishimikiza cane ku muvugishwa iyo bavuga ngo, “hariho abandi Imana Yahamagaye, abagabo buzuye Mpwemu Yera kugira ngo barongore Umugeni iki gihe. Ukeneye vyinshi gusumba ayo mabande gusa. Imana Yashizeho abagabo iki gihe kugira ngo barongore ishengero.”

“Ugerageza kwiyumvira ko ari wewe wenyene uri mu mugwi. Ikoraniro ryose ni iryera!” Imana Ntiyigeze Ikora gutyo. Yari akwiye kuba yamenye neza ibiruta ivyo. Kandi yavuze ati, “Ego, ishengero ryose ni iryera. Ugerageza kwigira… » Namba twobivuga uno munsi, imvugo yo mw’ibarabara ngo, « Ibuye riri ryonyene ku musenyi. »

Mose yamenye ko Imana Yamurungitse hariya kubera ivyo.

Imana Irafise vy’ukuri abagabo buzuye Mpwemu Yera kugira ngo barongore Umugeni WaYo; babarongorera KURI UKO NIKO UHORAHO AGIZE, INTUMWA MUVUGISHWA. Kuko Ubutumwa n’intumwa ari kimwe. Iyo ni yo nzira Imana Idahinduka Yatanze y’iki gihe, kandi iminsi yose.

Kubera ko bumvirije ikosa. Igihe Mose, uwagaragajwe n’Imana, akaba n’umurongozi wo kubereka inzira ija mu gihugu c’isezerano, kandi bari bashitse kure cane, ariko rero ntibari kubandanyana na we…. None, abizera barashobora kubibona, ariko abatizera ntibashobora kubona Ivyo vyagaragajwe.

Si wewe gusa watowe ngo uronke uku Guhishurirwa guhambaye kw’igihe c’iherezo ry’iki gihe, ariko Imana, biciye ku mabande yaYo y’Imfungurwa Zabitswe, Ivuganira n’Umugeni waYo Mukundwa hagati y’imirongo.

Rero namba uri umuhungu w’Imana canke umukobwa w’Imana, wari mu Mana ibihe vyose. Ariko Yari Azi uburiri n’igihe wari gushirwamwo. Rero ubu waragizwe ikiremwa, umwana w’Imana, umuhungu canke umukobwa w’Imana yagaragajwe kugira ngo uhangane n’ingorane y’iki gihe kugira ngo ugaragaze Imana y’ukuri kandi nzima y’iki gihe, Ubutumwa buriko burasohoka muri iki gihe. Ni ko biri! Wahinguriwe hariya itanguriro ry’isi ritarashirwaho.

Mbega ikete ry’urukundo riri hagati y’imirongo k’Umugeni waYo, IMANA ISHIMWE!!! Si uko gusa Yatumenye kandi Akaduhitamwo imbere y’uko itanguriro ry’isi rishirwaho, ariko hano Aratubwira ko Yaduhisemwo ngo tube abahungu n’abakobwa biWe bagaragajwe ku bw’ IKI GIHE. Yadushize hano kw’isi iki gihe, hejuru y’abandi bera bose kuva mu ntango, kuko Yari Azi ko twohura n’ingorane y’iki gihe yo kugaragaza Imana y’ukuri kandi Nzima y’iki gihe, Ubutumwa Buvugwa muri iki gihe.

Twari mu Mana, uruvyaro, ijambo, ibiYigize kuva kw’itanguriro, ariko UBU twicaye HAMWE ahantu ho mw’Ijuru muri Kristo Yesu, tuvugana na Yo mw’Ijambo RyaYo, biciye mw’Ijambo RyaYo; kuko turi IJAMBO RYAYO, kandi Rigaburira imishaha yacu.

Ntidushobora, kandi ntituzokwinjiza ico ari co cose mu buzima bwacu atari Ijambo ry’Imana Ritavanze. Turazi kandi twizera ko ari inzira Imana Yatanze y’iki gihe.

Twokunda ko mwifatanya natwe kuri uwu w’iyinga isaha zitandatu ku mutaga, kw’isaha ya Jeffersonville, (isaha icumi na zibiri ku mugoroba mu Burundi) mu gihe twumviriza iryo JWI RYONYINE, Ijwi ry’Imana ku mabande, mushobora kuvuga AMEN kw’Ijambo Ryose mwumviriza.

MweneData Joseph Branham

Ubutumwa: Ibintu Bishika Muri Iki Gihe Bisigurwa
N’Ubuvugishwa 65-1206

Ivyanditswe vyo gusoma imbere yo kwumviriza
Ubutumwa:
Itanguriro 22
Gusubira mu Vyagezwe 18:15
Zaburi 16:10/22:1/22:18/22:7-8/35:11
Yesaya 7:14/9:6/35:7/50:6/53:9/53:12/40:3
Amosi 3:7
Zekariya 11:12/13:7/14:7
Malaki 3:1 / 4:5-6
Uwera Matayo 4:4 / 24:24 / 11:1-19
Uwera Luka 17:22-30 / 24:13-27
Abaheburayo 13:8 / 1:1
Uwera Yohana 1:1
Ivyahishuriwe Yohana 3:14-21 / 10:7

25-0803 Ibintu Bitegerezwa Kuzobaho

Ubutumwa: 65-1205 Ibintu Bitegerezwa Kuzobaho

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Ibigize Imana,

Ijambo Ryose Ryavuzwe muri ubu Butumwa ni ikete ry’urukundo Yandikiye Umugeni WaYo. Kwiyumvira ko Data wa twese wo mw’Ijuru Adukunda cane, ko Atashatse ko dusoma Ijambo RyiWe gusa, ariko ko Yashatse ko twumviriza Ijwi RyiWe Rivugana n’imitima yacu kugira ngo Atubwire ati: “Muri ijambo Ryanje Rizima, ibingize bizima, Nshobora kwereka isi.”

Rero kwiyumvira ko inyuma y’utwigoro twiWe twose Yakoze hano kw’isi, ubuzima Yabayemwo, inzira Yaciyemwo, Yasavye ikintu kimwe conyene:

“Ngo aho Ndi, namwe abe ari ho muba.” Yasavye ugufatanya kwacu, ico ni co kintu conyene Yasavye Data mw’isengesho, ukwamana naWe kwawe ibihe vyose.

Aho Ndi, “Ijambo RyiWe”, natwe niho dutegerezwa kuba turi, kugira ngo turonke ugufatanya kwiWe, ukwamana naWe kwiWe ibihe vyose. Kubw’ivyo, dutegerezwa kubaho twisunze Ijambo Ryose Yatubwiye ku ma bande kugira ngo tube Ijambo Mugeni sugi WiWe, ivyo bikaba bitugira igice c’Umukwe.

Ukwo ni kwo GUHISHURA kwa Yesu Kristo muri iki gihe. Si ivyo Yari mu kindi gihe, Uwo Ari We UBU. Ijambo ry’iki gihe. Aho Imana Iri iki gihe. Ukwo ni kwo Guhishurirwa kw’iki gihe. Ubu rero Ririko Rirakura mu Mugeni, Rikatugira Igihagararo cuzuye c’abahungu n’abakobwa batunganye.

Twibona mw’Ijambo Ryiwe. Turazi abo turi bo. Turazi ko turi muri nteguro yiWe. Iyi ni Inzira Imana Yatanze y’iki gihe. Turazi ko Izamurwa Riri hafi. Vuba abakundwa bacu bazoboneka. Ni ho tuzomenya: Twarashitse. Twese tugiye mw’Ijuru…ego, Ijuru, ahantu h’ukuri nyene nk’aha.

Tugiye ahantu nyaho aho tuzokorera ibintu, aho tugiye kuba. Tugiye gukora. Tugiye kuryoherwa. Tugiye kubaho. Tugiye mu Bugingo, mu Bugingo Budashira nyakuri. Tugiye mw’Ijuru, mw’iparadizo. Nka kurya nyene Adamu na Eva bakora, kandi bakabaho, kandi barya, kandi bararyoherwa, mw’itongo rya Edeni imbere y’uko icaha cinjira, turi mu nzira yacu nyene yo gusubira hariya, gusubira hariya nyene. Adamu wa mbere, biciye mu caha, yaradukuyeyo. Adamu wa kabiri, biciye mu kugororoka, Adusubizayo ; Aradutsindanishiriza kandi Akadusubizayo.

None umuntu yoshobora gute gushira mu majambo ico ibi bisigura kuri twebwe? Ukuri ko tugiye mw’iparadizo aho tuba mu Bihe Bidashira turi kumwe. Nta gahinda, umubabaro canke intuntu bizobayo, ugutungana gusa ku gutungana.

Imitima yacu iranezerwa, umushaha wacu ururumbira imbere muri twebwe. Satani arushiriza kudushirako umukazo ku munsi ku munsi, ariko turanezerewe. Kubera iki:

  • TURAZI, ABO TURI.
    •TURAZI, KO TUTAZONANIRWA N’IVYO TWAMWEMEREYE, KANDI KO TUTAZOBIKORA.
  • TURAZI, KO TURI MU BUGOMBE BWIWE BUTANGANYE.
  • TURAZI, KO YADUHAYE UKURI KW’IJAMBO RYIWE.

MweneData Joseph, wandika ikintu kimwe buri yinga. IMANA ISHIMWE, nzovyandika buri yinga kuko Ashaka ko umenya ingene Agukunda. Uwo uri we. Aho uriko uraja. Ibibi biriko birahinduka ivyiza. Uri Ijambo Rihinduka Ijambo.

Mukunzi mw’isi yose, nimuze mwifatanye natwe kuri uyu w’iyinga isaha zitandatu ku mutaga, isaha ya Jeffersonville (isaha icumi na zibiri ku mugoroba mu Burundi), dufatanije ku muhora umwe wa terefone, atari kubera ari “Jewe” ndabatumiye, ariko kubera “WE” Abatumiye. Atari kubera “jewe” natoye iyo bande, ahubwo ni ukugira ngo wumvirize Ijambo hamwe n’igice c’Umugeni kw’isi yose twese mu gihe kimwe.

Turashobora gutahura ko bishoboka ko Umugeni yumviriza Ijwi ry’Imana kw’isi yose, bose mu mwanya umwe? Bitegerezwa kuba Ari Imana. Imana Yatumye umuvugishwa abikora igihe umumarayika waYo yari ng’aha kw’isi. Yahimirije Umugeni gufatanya mu gusenga, BOSE KU MWANYA UMWE WA JEFFERSONVILLE, isaha zitatu mu gatondo, isaha icumi na zibiri ku mutaga, isaha icenda ku muhingamo ; none ubu birarushirije, abagize Umugeni bashobora kuba UMWE kugira ngo bumvirize Ijwi ry’Imana Rivugana na bo mu mwanya umwe?

MweneData Joseph Branham

Ubutumwa: Ibintu Bitegerezwa Kuzobaho 65-1205

Ivyanditswe:
Uwera Matayo 22:1-14
Uwera Yohana 14: 1-7.
Abaheburayo 7:1-10.

25-0727 Izamurwa

Ubutumwa: 65-1204 Izamurwa

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Ata Bisabwa,

Umwami Yaduhaye igihe nk’ico ciza mu ndwi iheze mw’ihuriro mugihe Yaduhishurira Ijambo RyiWe. Yaremeje, kubw’Ijambo RyiWe, ko Icishimikizo cacu Ntanyiganyizwa ari : Ijambo RyiWe, Ubu Butumwa, Ijwi ry’Imana ku mabande ; vyose ni bimwe, Yesu Kristo wa wundi ejo, uyu munsi n’ibihe bidashira.

Twarumvise ukuntu umurwanizi agerageza gutandukanya Ubutumwa n’intumwa, ariko Umwami Ashimwe, Imana ubwaYo Yavugiye mu mumarayika waYo w’inkomezi hanyuma Iratubwira Iti :

Turabona yuko iyo umuntu aje, arungitswe n’Imana, yagenywe n’Imana, afise NIKO UHORAHO AGIZE y’ukuri, ubutumwa n’intumwa ni umwe kandi ni ikintu kimwe. Kuko arungikwa guserukira NIKO UHORAHO AGIZE, Ijambo ku rindi, ku buryo we n’ubutumwa bwiwe ari ikintu kimwe.

Ntushobora gutandukanya Ubutumwa n’intumwa, ni bimwe, UKO NIKO UHORAHO AGIZE. Ntaco bitwaye uko uwo ari we wese yasizwe w’ikinyoma yovuga, Imana Yavuze ko ari bimwe kandi bidashobora gutandukanywa.

Rero Yatubwiye ko tudakeneye akayungiro kugira dufate imigera iyo turiko turumviriza amabande, kuko nta migera canke umutobe urimwo umugera muri Buno Butumwa. Ni iriba ryiWe rya Arutwaze ryama ritemba ata birohe kandi rikeye. Ryama ridudubiza, ntiryigera rikama, ribandanya ryisukiriza, riduha Uguhishura kurushirije kw’Ijambo RyiWe.

Yatwibukije KUTIGERA TWIBAGIRA ko isezerano ryiWe kuri twebwe ari ntakekeranywa, ridaharirwako, ariko ahanini, ni akaburarugero.

Asangwa ari urukundo, imfashanyo, canke uguheba, iyo ikintu kitagira ibisabwa ni ICISHIMIKIZO NTANYIGANYIZWA kandi ntigishimikiye ku bintu vyiharije canke ibisabwa : kizoshika uko vyogenda kwose.

Kubw’ivyo Yashatse kuvyemeza ashimitse, rero Yatubwiye uyu munsi ko Ivyanditswe VyiWe Biriko Birashika imbere y’amaso yacu.

Rirya z-u-b-a nyene riserukira mu buseruko niryo z-u-b-a nyene rirengera mu burengero. Kandi urya M-w-a-n-a w’Imana Ava mu buseruko hanyuma Akigaragaza ubwiWe nk’Imana Yiyerekanye mu mubiri, ni We M-w-a-n-a w’Imana mu gice c’uburengero hano, Ariko Arigaragaza ubwiWe hagati mw’ishengero rino joro, wa wundi ejo, uyu munsi, n’ibihe bidashira. Umuco w’akagoroba w’Umwana Waraje. Uyu Munsi iki Canditswe Kirashitse imbere yacu.

Umwana w’Umuntu Yaragarutse mu mubiri w’umuntu mu gihe cacu, nk’uko Yasezeranye ko Yobikoze, guhamagarira Umugeni gusohoka. Ni Yesu Kristo Ariko Avugana natwe Adaciye ku ruhande, kandi ntihakenewe insobanuro y’umuntu. Ico dukeneye gusa, ico dushaka gusa, ni Ijwi ry’Imana Rivugira kuri bande Rivuye ku Mana ubwaYo.

Ni uguhishurirwa kw’ukugaragazwa kw’Ijambo Ryagizwe ukuri. Kandi tubayeho muri ico gihe; Imana Ishimwe; uguhishurwa kw’ibanga ryaYo ubwaYo.

Mbega igihe c’ubwiza Umugeni Ariko Aragira, Ahagaze mu nyonga z’Umwana, Yeze. Urugano rwasubiye ku rugano ubugira kandi, kandi nta mwambiro hagati muri twebwe. Ni Ijambo gusa Ritanduye Ry’Imana Rivugana natwe, Ritubumbabumba kandi Rikaturemamwo ishusho ya Kristo, Ijambo.

Turi abahungu n’abakobwa b’Imana, ibimugize vyiWe Yatoranirije kuza muri kino gihe, igihe gihambaye mu mateka y’isi. Yari Azi ko tutozimiye, tutogize imyumvikano, ariko twobaye Ijambo Mugeni WiWe w’ukuri kandi w’umwizigirwa, Urubuto Cami rw’Aburahamu RwiWe Rwasezeranywe ko Ruzoza.

Izamurwa riri hafi. Igihe carangiye. Araje kubw’Umugeni WiWe Yateguye ariko Aracari mu Nyonga z’Umwana, Yumviriza Ijwi RyiWe Ryambika Umugeni WiWe. Vuba tuzotangura kubona abakunzi bacu bari hirya ya ca gihuzu c’igihe, barindiriye kandi bipfuza kubana natwe.

Amabande ni inzira y’Imana yateguwe gutunganya Umugeni WaYo. Aya mabande ni co kintu conyene kizohuriza hamwe Umugeni WaYo. Aya mabande ni Ijwi ry’Imana ku Mugeni WaYo.

Ndabatumiye kuza kandi mwifatanye natwe, igice c’Umugeni WiWe, uyu w’iyinga isaha zitandatu ku muhingamo kw’isaha ya Jeffersonville (isaha cumi na zibiri ku mugoroba mu Burundi), mugihe twumviriza twese ikintu citeguye gushika vuba bidatevye: Izamurwa 65-1204.

MweneData Joseph Branham.

25-0720 Ku Mababa Y Inuma Yera Nka Shelegi

Ubutumwa: 65-1128e Ku Mababa Y Inuma Yera Nka Shelegi

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni wa Kristo, reka dukoranire hamwe kuri uyu w’iyinga isaha zitandatu z’umuhingamo kw’isaha ya Jeffersonville (isaha icumi na zibiri ku mugoroba kw’isaha yo mu Burundi) kugira twumvirize 65-1128E Ku Mababa Y’Inuma Yera Nka Shelegi

MweneData Joseph Branham

25-0713 Ahantu Honyene Imana Yatanze Ho Gusengera

Ubutumwa: 65-1128m Ahantu Honyene Imana Yatanze Ho Gusengera

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Muryango wa Yesu Kristo,

Ikintu kimwe kiriko kirashika nkuko bitigeze bibaho mbere ku Mugeni wa Yesu Kristo kw’isi yose. Ibintu twumvise kandi twipfuje kubona biriko birashitswa ubu imbere y’amaso yacu.

Mpwemu Yera Ariko Akoraniriza hamwe Umugeni WiWe nkuko We Yabivuze ko Yobikoze, kubw’inzira yiWe YONYENE Yateguwe kubw’uyu munsi, Ijwi ry’Imana ku ma bande.

Ariko Arahishura kandi Yongera Yemeza Ijambo RyiWe kuruta uko vyari mbere. Nk’iriba rya arutwaze, Uguhishura kuriko kuradudubiriza imbere muri twebwe.

Yooo, ubwo bumwe bwa Kristo muri Mpwemu hamwe n’Ishengero ryiWe ubu, igihe umubiri uhinduka Ijambo, kandi iryo Jambo rihinduka umubiri, ryaragaragaye, riremezwa. Ivyo gusa Bibiliya Yavuze ko bishobora kuba muri iki gihe, biriko biraba, umunsi k’uwundi. Yemwe, birarundanye ningoga hariya muri buriya bugaragwa, n’ibintu biriko birashika kuburyo binandengera.

Buri munsi, Uguhishura kurushirije kubandanya guhishurwa kandi kugaragazwa muri twebwe. Nk’umuvugishwa, ibintu biriko biraba kandi bishika vyihuta cane, biranaturengera…IMANA ISHIMWE !!!

Igihe cacu cashitse. Icanditswe kirashitse. Umubiri uriko uhinduka Ijambo, kandi Ijambo Ririko Rihinduka umubiri. Ivyo umuvugishwa gusa yavuze vyoshitse biriko birashika ubu.

Kuki twebwe ?

Nta mwambiro, nta jwi ritamenyekana, nta gusobanura kw’umuntu gukenewe hagati muri twebwe. Turiko turumviriza gusa Ijambo ata Gatotsi Ritunganye Rivuye mu kanwa k’Imana nk’uko Ivugana natwe umunwa ku gutwi.

Rero turabona ko rya Jambo nyene Ryasezeranywe, rya Luka, rya Malaki, ayo yandi masezerano yose y’uno munsi, yagizwe umubiri, abana na twebwe, yuko twumvise n’amatwi yacu ; rero turaMubona ubu ( n’amaso yacu) Asobanura Ijambo RyiWe, ntidushaka insobanuro iyo ari yo yose y’umuntu.

Mugeni, gusa ntibikeneye gusobanurwa gusumba aho. Ni Imana, Ihagaze imbere y’Umugeni WaYo mu mubiri w’umuntu, dushobora kubona n’amaso yacu bwite, Ivuga kandi Isobanura Ijambo RyaYo Bwite, kandi Irishira kuri bande. Ijambo Ritunganye kandi Rifatwa amajwi n’Imana ubwaYo, kubw’ivyo ntiRikeneye insobanuro iyo ari yo yose y’umuntu.

• Imana Ivugana n’Umugeni WaYo idaciye ku ruhande, ku ma bande.
• Imana Isobanura Ijambo RyaYo Bwite, ku ma bande.
• Imana Yihishura ubwaYo, ku ma bande.
• Imana Ibwira Umugeni WaYo Iti, ntukeneye insobanuro iyo ari yo yose y’umuntu, Ijambo RyaNje ku ma bande niRyo UKENEYE RYONYENE MUGENI WANJE.

Mwibuke, nimwava ng’aha, mutangure mugendagendere inyuma y’igishishwa ubu; muraja mu rutete, ariko mwibere mu Kubaho kw’Umwana. Ntimwongereko, kuvyo navuze; ntimukureko, ivyo navuze. Kuko, Jewe mvuga Ukuri uko ndaKuzi, nkuko Data YaKumpaye. Murabona?

Imana Yateguye INZIRA YONYENE ITUNGANYE kubw’Umugeni mu gukora ivyo Yadutegetse gukora. Ibi ntivyigeze bishoboka kugeza uyu munsi. Nta kwibaza, kwiyumvira, nta kibazo, nta kibazo namba ikintu kinaka cokwongerwako, cokurwako, canke cosobanurwa. Umugeni Yarahawe Uguhishura kw’ukuri : KUVUZA AMA BANDE NI INZIRA Y’IMANA ITUNGANYE.

Kandi yamara, reka nsubire kubivuga. Uguhishura kwaNje ni ukw’Umugeni wa Yesu Kristo, si abandi, UMUGENI, NTAKINDI KINTU Akeneye kiretse Ijwi ry’Imana ku ma bande.

Ariko igihe kimwe uwo Mpwemu Yera vy’ukuri…Ijambo ry’inkomoko Rije muri wewe (Ijambo, Yesu), rero, mweneData, Ubutumwa si ikinyegezwa kuri wewe maze ; uraBuzi, mweneData, Bwose bwagaragariye imbere yawe.

Ubutumwa si ibanga kuri jewe. Yesu Kristo uko Yari ejo ni ko Ari n’ubu kandi niko Azokwama ibihe bidashira. Ijuru n’isi vyitwa Yesu. Yesu Ni Ijambo.

Kandi Izina Riri mw’Ijambo kuko We Ni Ijambo. Amen! None rero We Ni igiki? Ijambo Risobanuye nikwo kugaragazwa kw’Izina Ry’Imana.

Imana Iriko Ikoraniriza hamwe Umugeni WaYo hamwe n’Ijwi RyaYo, Iryo Yafashe amajwi maze Aribikira uno munsi, kugira Ashobore gushira hamwe Umugeni WaYo nk’ikintu Kimwe. Umugeni Azobibona hanyuma ABitahure NK’INZIRA YONYENE Ishobora gukoraniriza hamwe Umugeni WaYo.
Yarabikoze imyaka 60 iheze kugira Itwereke ukuntu Yari Igiye kubikora uyu munsi. Turi « rimwe mu mashengero yiwe dufatanije ku muhora umwe wa terefone »

Namba ntizeye kuja ku rusengero, ni kuki mfise urusengero ? Turayafise mu gihugu cose, dufatanije ku muhora w’itelefone rya joro, kuri buri birometero kwadarato amajana atatu, hariho rumwe mu masengero yanje.

Abakozi b’Imana benshi babwira amashengero yabo ko gukoranira ku « muhora umwe wa terefone » canke « gukurikira ikibiriraho », « kwumviriza Ubutumwa bumwe mu mwanya umwe », atari ukugenda ku rusengero. WE YARABIVUZE KO VYARI IVYO ! Ntibazi gusa Ijambo canke ntibashobora gusoma ikete ry’urukundo nk’uko Umugeni Abishobora.

Ishengero n’iki ? Reka gusa turabe ukwo MweneData Branham yavuze uko ishengero ryari.

Amashengero menshi, menshi yararonse ibikoresho nk’ivyo mufise hano muri Tabernacle. Turafatanije ku muhora umwe wa telefone kandi n’ab’i Phoenix, ahantu hose igikorane kiri, bararonka neza mu… Kandi bakoranira mu mashengero, no muhira, n’ibintu nk’ivyo, biciye mu mirongo myiza.

MweneData Branham abwira abantu vy’umwihariko mu « miryango yabo » hamwe « n’ibintu nk’ivyo » bari rimwe mu mashengero yiwe dufatanije ku murongo umwe wa terefone. Imihana, ibituro vy’ibitoro, inyubako, imiryango ikoraniye hamwe ku murongo umwe wa terefone yaca iba ishengero.

Reka dusome ubugira kandi IKETE RY’URUKUNDO.

Turasengera amashengero yose n’amakoraniro akoraniye hirya no hino y’i—y’i—y’izi mikoro ntoya ahantu hose, mu gihugu cose, mu nzira yose gushika mu Gice c’Uburengero, gushika mu misozi ya Arizona, no hepfo mu biyaya vya Texas, ukereza no mu Gice c’Ubuseruko, mu gihugu cose, Mwami, aho bakoraniye. Amasaha menshi atandukanye, turi hamwe, ariko, Mwami, dukoraniye hamwe iri joro, nk’ikintu kimwe, abizera, turindiriye Ukuza kwa Mesiya.

Rero gukoranira hamwe ku murongo umwe wa terefone, twumviriza MweneData Branham TWESE MU MWANYA UMWE ; dukoraniye hamwe nk’ikintu kimwe, abizera, barindiriye Ukuza kwa Mesiya.

Ariko uvuga uti asangwa ukora ivyo uyu munsi, ukwo si ukuja ku rusengero, sivyo, si ugukoranira hamwe birushirije kugira tubone umunsi wegereje, mbega si ukuja kw’ishengero ?

Reka ndababaze ikibazo kimwe kandi mwishure ikoraniro ryanyu. Hamwe MweneData Branham yoba ari hano uno munsi, mu mubiri, kandi mugashobora kumwumviriza ikibiriraho canke ku murongo umwe wa terefone buri w’iyinga mu gatondo, mwese mu mwanya umwe hamwe n’Umugeni wo kw’isi yose, abungere, mwokwifatanya KU MUHORA UMWE WA TEREFONE hanyuma mukwumviriza MweneData Branham canke mwokwigisha ?

MweneData Branham aravuga vy’ukuri ko inshingano yanyu ni ishengero ryanyu. Asangwa mwoba mwari hano imyaka mirongo itandatu iheze maze MweneData Branham akaba yariko agirisha igikorane, ariko ishengero ryanyu ntiryocitabiriye yamara bogira ibikorane vyabo (ivyo abakozi b’Imana bakoze ico gihe), mwogenda kw’ « ishengero ryanyu », canke mwogenda kw’ishengero « Branham Tabernacle » kumviriza MweneData Branham ?

Ndabaha inyishu yanje. Nohagarara ku gishimaryango mu mvura, urubura canke umuyaga mwinshi kugira ninjire mu Rushengero kwumviriza umuvugishwa w’Imana. Namba NARI ngiye kuri rurya rundi rushengero, nohindura amashengero iryo joro.

Ariko urya mugore, yari azi yuko ubushobozi bwari muri ico kintu canke butari muri co, ariko yari azi ko Imana Yari muri Eliya. Aho ni ho Imana Yari : mu Muvugishwa waYo. Yavuze ati, « Ndahiye uguhoraho kw’Uhoraho, nawe nyene ndakurahiye, sintandukana nawe. »

Ndabatumiye kwifatanya natwe hamwe no kuba rimwe mu mashengero ya MweneData Branham dufatanije ku muhora umwe wa terefone uyu w’iyinga isaha zitandatu ku muhingamo kw’isaha ya Jeffersonville (isaha cumi na zibiri ku mugoroba mu Burundi), mu gihe tuzokwumviriza Ijwi ry’Imana Rizotuzanira Ubutumwa : Ahantu Honyene Imana Yatanze Ho Gusengera 65-1128M.

MweneData Joseph Branham

25-0706 Nari Narumvise Ariko Noneho Ndiboneye

Ubutumwa: 65-1127e Nari Narumvise Ariko Noneho Ndiboneye

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Dufatanije ku Muhora Umwe wa Terefone,

Uyu munsi, aya Majambo Imana Yavuze biciye mu Ntumwa Mumarayika waYo w’Indwi AraCashitswa muri TWEBWE, UMUGENI WA YESU KRISTO.

Namba ntizeye kuja ku rusengero, ni kuki mfise urusengero ? Turayafise mu gihugu cose, dufatanije ku muhora w’iterefone rya joro, kuri buri birometero kwadarato amajana atatu, hariho rumwe mu masengero yanje.

Bari mu mashengero, mu mihana, mu nyubako ntoya, eka mbere no mu gituro c’ibitoro ; bakwiragIye muri Reta Zunze Ubumwe, bumviriza, mu mwanya umwe Ijambo Ryariko Rirashikirizwa.

Kandi uyu munsi, turacari RIMWE MU MASHENGERO YIWE. AraCARI UMWUNGERE WACU. Ijambo RyiWe NTIRIKENEYE INSOBANURO, kandi turacakoraniye kw’isi yose, KU MUHORA UMWE WA TEREFONE, twumviriza IJWI ry’Imana Ritunganye ry’Umugeni wa Yesu Kristo.

Uyu munsi, iri Jambo Rirashitse.

Ni kuki bakoze ivyo ico gihe ? Ni kuki abungere bugaye amashengero yabo kugira bumvirize Ubutumwa ico gihe ? Boshobora kuba bararindiriye kugira baronke ama bande, hanyuma bigishe Ubutumwa ubwabo ku bantu babo mu nyuma ; kandi ndazi ntakekeranya ko benshi babikoze hatabayemwo uguhishurirwa.

Canke nkumbure bamwe babwiye amakoraniro yabo bati, « Ubu nimwumvirize, turizera ko MweneData Branham ari umuvugishwa w’Imana, ariko ntiyavuze yuko twotegerejwe kumwumviriza mu mashengero yacu. Nzovuga ubutumwa uyu w’iyinga, kandi buri w’iyinga ; fate ama bande gusa hanyuma muyumvirize mu miryango yanyu. »

Umugeni w’ico gihe yari afise Uguhishurirwa co kimwe nk’Umugeni w’ubu, kandi bashaka kwiyumviririza Ijwi ry’Imana ubwabo. Bashaka gufatanya n’Umugeni mu gihugu cose mu kwumviriza Ijwi ry’Imana mugihe Ryariko Rirasamirana. Bashaka kugereranywa nka rimwe mu mashengero yiwe, canke mu mihana, canke aho ari ho hose bari bari, hamwe n’Ubutumwa, Ijwi, n’ubu, ama bande.

Uyu munsi, iri Jambo Rirashitse.

Kubera iki ba/twaRibonye hanyuma abandi ntibaRibone ? Kubw’ukumenya mbere, twatoranirijwe kubona Ibi. Ariko ntimwaBitoranirijwe, ntimuzoBibona. Ururo ruraBibona kandi Vyaratanguye kuja ahabona.

Ntibisigura ko mwohagarika kuja kw’ishengero ryanyu. N’umwungere wanyu ntibisigura ko yohagarika kuvuga ubutumwa. Bisigura gusa ko ibikorwa vyinshi vy’ivugaButumwa n’abungere bibagiye IKINTU NYAMUKURU, kandi ntibabwira abantu babo IJWI NGIRA KAMARO RIHAMBAYE utegerezwa kwumviriza ni IJWI ry’Imana ku ma bande.

Kuja kw’ishengero buri munsi ugize iyinga ntibikugira Umugeni ; ico sico gisabwa c’Imana. Abafarisayo n’Abasadukayo bari bafise iyo nyigisho nka nkama. Bari bazi urudome rwose rwa buri Jambo, ariko Ijambo Rizima Ryahagaze HARIYA NEZA mu mubiri w’umuntu, ariko bakoze iki ? Ikintu nyene benshi bakora uyu munsi.

Bazovuga bati, « Arya yari amadini yariko avugako. Ntibazoreka MweneData Branham yigishe mu mashengero yabo. Ariko twigisha Ijambo kandi tuvuga ivyo yavuze gusa. »

Ivyo ni vyiza cane. Umwami Ashimwe. Ivyo ni vyo twotegerejwe gukora. Ariko rero bavuga, uyu munsi ko bitandukanye, ko ari amakosa kuvuza ama bande ya MweneData Branham mw’ishengero ryanyu. Ntimutandukanye n’Abafarisayo n’Abasadukayo, canke amadini.

Muri indyarya.

Nkuko vyari biri ico gihe, Ni Yesu, Ahagaze ku rugi ariko Aradodora, Agerageza kwinjira kugira Avugire neza na neza mw’Ishengero RyiWe, kandi ntibazokwugurura imyango yabo, kandi ntibazovuza ama bande mu mashengero yabo. « Ntaza mw’ishengero ryacu maze Yigishe».

Umwansi azogerageza kubihindura no kuvyerekeza ahatandukanye henshi kuko YANKA kwerekanwa, ariko yamara, yaragaragajwe imbere y’amaso yacu kandi vyinshi biriko birashirwa ahagaragara.

« Ubwa mbere na mbere hari i» [ Ikoraniro rivuze riti, “Ijambo,”—Umwanditsi] « Kandi Ijambo ryari kumwe na » [ « Imana, »] « kandi Ijambo ryari » [« Imana. »] « Kandi Ijambo Yambaye umubiri, Abana natwe. » ivyo nivyo ? Rero turabona ko rya jambo nyene ryasezeranywe, rya Luka, rya Malaki, ayo yandi masezerano yose y’uno munsi, yagizwe umubiri, abana na twebwe, yuko twumvise n’amatwi yacu ; rero turamubona ubu ( n’amaso yacu) ashitsa Ijambo Ryiwe, ntidushaka insiguro z’abantu. Yooo shengero ry’Imana Ibaho, ngaha ku ma telephone, ikangure vuba, imbere yuko harengerana !

Ugurure imitima yanyu hanyuma mwumvirize ivyo Imana Yababwiye, amashengero yose yiwe. Ubu turaMUbona, n’amaso yacu, ASOBANURA IJAMBO RYIWE BWITE. Ntidukeneye insobanuro n’imwe y’umuntu !! NIMWIKANGURE HATARENGERANA CANE !!

Twarumvise ibi bintu mu buzima bwacu bwose ivyari bigiye gushika mu gihe c’iherezo. Ubu tubibonesha amaso yacu bishika.

Yaratubwiye, hariho INZIRA GUSA, IYO NI INZIRA Y’IMANA YATEGUYE KUBW’UMUGENI WAYO. MUTEGEREZWA KUGUMANA N’IJWI RY’IMANA KU MA BANDE.

Ndatumiye isi kuza kwifatanya natwe k’uw’iyinga isaha zitandatu z’umuhingamo kw’isaha ya Jeffersonville (isaha icumi na zibiri ku mugoroba mu Burundi), maze twumvirize Inzira Imana Yateguye kubwa kino gihe. Rero namwe mushobora kuvuga muti, « Nari naruKwumvise Ariko Noneho NdaKwiboneye ».

MweneData Joseph Branham

Ubutumwa : 65-1127E Nari Narumvise Ariko Noneho Ndiboneye

Ivyanditswe

Itanguriro 17
Kuvayo 14:13-16
Yobu Igice ca 14 hamwe 42:1-5
Amosi 3:7
Mariko 11:22-26 hamwe 14:3-9
Luka 17:28-30