Ubutumwa: 65-0418E Mbega Imana Yoba Yigera Ihindura Ivyiyumviro VyaYo Kw Ijambo RyaYo?

• 26-0412 Mbega Imana Yoba Yigera Ihindura Ivyiyumviro VyaYo Kw Ijambo RyaYo?
• 24-0707 Mbega Imana Yoba Yigera Ihindura Ivyiyumviro VyaYo Kw Ijambo RyaYo?
• 22-1218 Mbega Imana Yoba Yigera Ihindura Ivyiyumviro VyaYo Kw Ijambo RyaYo?

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi bagizwe bazima,

Ese ukuntu imitima yacu yagurutse nk’Inkona muri iyi mpera y’iyinga ya Pasika. Uko bukeye uko bwije, ugusigwa kwiWe kwarushiriza kwiyongera. Ingaburo Yera, Uguhamba, Ugutungana, hanyuma n’ugusozera guhambaye Yari Yaduteguriye: Ni Uguseruka Kw’Izuba…IMANA ISHIMWE, YARAZUTSE kandi Ni Muzima muri umwe wese muri twebwe. Yariko Arahishurira Ijambo RyiWe umwe wese muri twebwe nk’uko tutari bwigere twumva mbere. Ugusigwa kwuzuye mu mitima yacu, ikirere cose yari Yaciharije; vyasa n’aho Izamurwa ryagira ribe.

Yatubwiye ivyabaye mu myaka 2000 iheze, hanyuma rero n’ivyariko biraba ubu muri 2026. Yesu Yari Urubuto rwa mbere rw’Ingano rw’Imana Rwari Rwazutse mu bapfuye. Yari Yazuwe n’Ubushobozi bw’Imana Butanga Ubugingo Budashira. Imana Yagarukanye ubugingo bwiWe, IMuzura mu bapfuye, kandi Yari umushuzo w’abari basinziriye. Yari uwambere Yashitse mu gukura, Umushuzo w’Imana wazungagizwa nk’icibutso co gutanga amashimwe ku Mana, twizera ko twebwe abasigaye tuzoza. Cari ikimenyetso.

HANYUMA YADUHISHURIYE IBIRIKO BIRABA UNO MUNSI. Nk’uko Yazungujwe ku munsi wa Pentekote igihe haza igihinda kivuye mw’Ijuru nk’uguhuhuta kw’umuyaga w’inkomezi cazunguruka hejuru y’abantu. Cariko kirazunguruka ubugira kandi imbere y’abantu nk’uko Yasezeranye muri Luka 17:30 na Malaki 4, igihe U-m-w-a-n-a w’umuntu Azohishurwa kandi Akazungagizwa hejuru y’abantu.

None, Umwana w’umuntu ni nde? “Mu ntango Jambo Yariho, kandi Jambo Yahoranye n’Imana, kandi Uwo Jambo Yari Imana, kandi Jambo Yihaye umubiri, Abana natwe.” Kandi nimba inyigisho zose dufise, n’ukwemezwa kw’Ijambo ry’Imana; mw’Ijambo ry’Imana, mu bimenyetso, mu bitangaza, tubona uno munsi, ko mu Gitabu ca—ca Luka hano, ko nk’uko duhejeje gusubiramwo, canke i—Luka igice ca 17 no ku murongo wa 30; na Malaki 4, n’Ivyanditswe bitandukanye tumenyereye, ko iryo Jambo Ryongeye guzunguzwa hejuru y’abantu, ko imigenzo y’abapfuye yapfuye, kandi Umwana w’Imana Yongeye kuba Muzima mu mubatizo wa Mpwemu Yera nyene hagati yacu, kandi Ariko Araduha Ubugingo.

Mpwemu Yera Yaguma gusa Azungagiza kandi Azungagiza hejuru yacu, Ahishura kandi Ahishura Ijambo RyiWe… Inguvu, ubuhinga, Ububasha butanga ubugingo…

Maze, igihe vyasa nkaho Bitoshobora kuba bihambaye kuruta, Yatubwiye Ati:

Yarandetse ndaba hejuru y’igihuzu, maze ndababona mwese hariya…Abo wakunze bose, kandi abagukunze bose, baraguhawe.” Murabona? Narababonye bose hariya gutyo. Vyari ibiki ? Ubushobozi butanga ubugingo bushasha.

YARATUBONYE HARIYA !! Hirya y’igihuzu c’igihe….twari HARIYA hamwe na we; abakunzi bacu bose batwitangiye imbere…ba dawe, ba mama, abana. Twari hariya hamwe na bo n’abo bose tutigeze duhura: Mose, Eliya, Petero, Pawulo….twese twari kumwe hariya.

Maze, nk’uko Mpwemu Yera w’urukundo Ari, Ntiyashatse kutwibagira twebwe abarwaye, abafise agahinda gakabije n’abakubiswe, rero Yarongeye kwizungagiza hejuru yacu kugira ngo umuntu wese ashobore kuronka ivyo twari dukeneye vyose.

Aba bantu, dusangiye Ubwami, bafise Ubushobozi butanga ubugingo, Bubahe Mwami, ubu nyene. Kandi Mpwemu Ashobore kugenda Ava ku nkona Aja ku yindi, Ava kw’Ijambo Aja kw’Ijambo, gushika ukunengesera kwa Yesu Kristo kugaragaye mu mibiri yose, ku bijanye n’ivyo bakeneye mu mubiri, mu vy’impwemu, canke mu vyo bakeneye vyose, mu gihe turambikanako ibiganza. Mw’Izina rya Yesu Kristo.

Iryo Jambo. Iryo Jwi. IVYO dukeneye VYOSE biri ku ma bande, Mugeni. Imana Ntihindura ivyiyumviro vyayo ku bijanye n’Ijambo RyaYo. Nta n’akadome na kamwe canke akarongo kamwe gashobora guhindurwa, kubw’ivyo Yateguye inzira Umugeni WaYo Yoshobora kwumva n’amatwi yabo NEZA NA NEZA ivyo Yashaka kubabwira.

Imana Yavuganye n’Umugeni WaYo kandi Irahishura VYOSE. Vyarafashwe amajwi. Umugeni Ategerezwa kuza ku Mukwe; iyo ni yo Nzira yaYo Itunganye Yatanzwe Yakozwe ku bw’uyu munsi. Ni UKO NIKO UHORAHO AGIZE.

Mbega Imana Yoba Yigera Ihindura Ivyiyumviro vyaYo kw’Ijambo RyaYo? OYA. Ifise UBUGOMBE BUTUNGANYE N’UBUGOMBE BWO KWEMERA. Umugeni Ategerezwa kuba mu BUGOMBE BwaYo BUTUNGANYE. Nta Bugombe butunganye, canke ahantu hatunganye, kuruta kwumviriza Ijwi ry’Imana Rivuye ku Mana ubwaYo.

Ubutumire bwanje kuri umwe wese muri mwebwe ni uko mwokwifatanya natwe ku munsi w’iyinga isaha zitandatu ku mutaga kw’isaha ya Jeffersonville (isaha icumi na zibiri ku mugoroba mu Burundi), kugira ngo twumvirize Ijwi ry’Imana Ritagira agatosi. Nta kwibaza ibibazo bisabwa, wicare gusa uvuge AMEN KW’IJAMBO RYOSE….nta handi hantu ivyo bishobora gukorekera, atari mu GUFYONDA NO KUVUZA gusa.

MweneData Joseph Branham.

Ubutumwa: 65-0418E — Mbega Imana Yoba Yigera Ihindura Ivyiyumviro vyaYo kw’Ijambo RyaYo?
Tuzotangurira ku murongo wa 61.

Ivyanditswe vyo gusoma imbere yo kwumviriza Ubutumwa:

Kuvayo igice ca 19
Guharūra 22:31
Matayo Mweranda 28:19
Luka 17:30
Ivyahishuriwe Yohana igice ca 17

Bakunzi Bagenzi Benegihugu b’Ubwami,

Iyi Pasika yasezeranywe kuba Pasika ihambaye kuruta izindi zose Umugeni Yigeze kugira. Twamye twicaye imbere y’Umwana, turiko turakura, tumenya abo turi bo. Ukunengesera kwa Yesu Kristo kuriko kuragaragazwa muri umwe wese muri twebwe mu gihe Ijambo RyiWe, Ijwi RyiWe, Ririko Rirasemerera, Inkona ku yindi, Riduhamagarira ku Mazimano Yacu y’Ubukwe.

Uko umwaka utashe muri iki gihe Umugeni Arindirana igishika ukuza kw’impera y’iyinga ya Pasika. Igihe Azoduhuza kw’isi yose iminsi ine ikurikirana, tuMusenga, tuMushimira, tuMushemeza; kubera ko Yazutse Akaba muri umwe wese muri twebwe. Umukwe n’Umugeni bariko baracika UMWE.

Ariko Araduha uyu mwanya udasanzwe wo kwegeza kure ibintu vyose vyo mw’isi bidukikije maze tukamarana umwanya na We gusa. Nta bisamaza vy’iyi si, mu gihe turema isi yacu bwite turi kumwe na We. Twugara inzugi zacu, tuzimya ibikoresho vyacu vyose vy’ubuhinga bwa none n’ikintu cose codusamaza ngo kidukure kuri We.

Icipfuzo gikomeye umwe wese muri twebwe afise ni ukuMwegera birushirije. Turashaka kubaho ubuzima bwo kuMwiyegurira kuruta; kwama turi mu bugombe bwiWe butunganye. Turiteguriye Ukuza kwiWe. Nta kintu na kimwe muri iyi si, canke mu buzima bwacu, gihambaye kuruta ibi.

Yaduhaye aka karyo kadasanzwe ko kumarana umwanya na We gusa, kuMuvuga no kuMuzirikana. Kwinjira mu bwiza bwiWe no kuMwugurira imitima yacu, BIZOBA ARI UBUZIMA BUHINDUTSE KU MUGENI WIWE!
Arazi ko bishobora kuba bigoye kuri bamwe muri mwebwe mufise abana, umuryango, n’ibindi dutegerezwa gukora, ariko nitwakoresha isegonda yose dufise kugira ngo tuvugane naWe, tuMwegere, tuMwugururire imitima yacu, hazoba impinduka mu kugendana na We, gushika aho tutazosubira kuba nk’uko twari tumeze.

Nk’uko Yabigize mu gihe ca Mose igihe Yinjiza abana biWe mu ngo zabo, amaraso yari yarashizweko kandi bariko baritegurira Ukuvayo kwabo; ni ko n’iyi mpera y’iyinga idasanzwe ya Pasika Yateguye kuba kuri umwe wese muri twebwe.

Urutonde rwacu ruzoba uku gukurikira :

KU WA KANE

Hari ku munsi wa kane mw’ijoro aho Umwami Yesu Yafungura Ifunguro rya nyuma ari kumwe n’abigishwa biwe, mu kwibuka Pasika imbere y’ukuvayo kw’abana b’Isirayeli. Mbega akaryo dufise ko gusangira n’Umwami mu mihana yacu, imbere y’impera y’iyinga ihezagiye, kandi tukaMusaba ngo Aduharire ivyaha vyacu, kandi Aduhe ivyo dukeneye vyose mu rugendo rwacu.

Data wo mw’ijuru, turakenguruka kuri ivyo, uwundi mwanya wo gukoranira hamwe, muri uru ruhande rw’Ubugingo Budashira. Kandi turindiriye muri iki gitondo ugusubirana kw’inkomezi ziva kuri Wewe, zidutere intege mu rugendo ruri imbere. Twakoranye nk’uko abana b’Abaheburayo babigira mu gitondo ca kare, kugira ngo baronke manu yari yarabaronkejwe mw’ijoro, kugira ngo ibafashe ku munsi ukurikira. Dukoraniye kuri Manu ya mpwemu, muri iki gitondo, kugira ngo iduhe inkomezi z’urugendo.

Twese dutangure isaha icumi na zibiri ku mugoroba ku masaha y’aho tuba kugira ngo twumvirize Isangira Ryera 62-0204, hanyuma umuvugishwa azotujana mu Gikorane kidasanzwe c’Isangira Ryera n’Ukwozanya Ibirenge mu mpera y’iyo bande, izoba iriko iravuzwa ku rubuga rwa Lifeline (mu congereza), canke ushobora kuvoma ico gikorane mu congereza canke mu zindi ndimi mu gufyonda kuri uyu muhora uri munsi.

KU WA GATANU

Reka tuje gusenga n’imiryango yacu isaha zitatu zo mu gitondo, (isaha icenda ku mutaga mu Burundi) hanyuma rero dusubire isaha zitandatu ku mutaga (isaha icumi na zibiri ku mugoroba mu Burundi), dutumire Umwami ngo Abane natwe, Yuzuze inzu zacu Mpwemu Yera mu gihe tuMwishikanira.

Ese ivyiyumviro vyacu vyosubira kuri urya munsi i Kaluvariyo, ubu hakaba haciye imyaka irenga 2000, kandi tubone Umukiza Wacu Amanitse ku musaraba. Twibuke igiciro kinini Yarishe kubwacu. Yari Umwana w’Imana atagira icaha, ariko Yategerezwa kubabara kurusha ukwo uyundi muntu yoba yarashoboye kubabara, kuko ivyaha vyacu vyari kuri We.

Yategerezwa kuMurungika mu kuzimu aciriwe urubanza (Murabona?), kuko Yatwaye ivyaha vyacu. Kandi Kristo Yarapfuye, Ari umugororotsi; Kristo Yapfuye Ari umunyavyaha. Murabona? Kristo ubwiWe Ntiyigeze Akora icaha, ariko Yikoreye ivyaha vyacu.

Hanyuma isaha zitandatu n’igice ku mutaga (isaha icumi na zibiri n’igice ku mugoroba mu Burundi), twifatanye mu mihana yacu kugira ngo twumvirize: 57-0419 Ugutungana.

Hanyuma dufatanirize hamwe gusenga ubwo nyene inyuma y’igikorane, mu kwibuka kubambwa kw’Umwami Wacu.

KU WA GATANDATU

Reka twongere twese twifatanye mw’isengesho isaha zitatu mu gitondo (isaha icenda ku muhingamo mu Burundi) n’isaha zitandatu ku mutaga (isaha icumi na zibiri ku mugoroba mu Burundi), maze dutegure imitima yacu kubw’ibintu bikomeye Azodukorera hagati yacu.

Nshobora kuMwumva Avuga Ati: “Satani, ingo ng’aha!” Ni Shebuja ubu. Arashika, Akura urwo rufunguzo rw’urupfu na kuzimu kw’ifyinga ryiwe, Arumanika kw’ifyinga ryiWe bwite. “Ndashaka kukumenyesha. Wamaze igihe kirekire uri umunyaruyeri. Ndi Umwana w’Imana nzima Yavutse ku nkumi. Amaraso yanje aracatose ku musaraba, kandi umwenda wose wararishwe! Nta burenganzira ugifise. Urambuwe. Mpa izo mfunguruzo!”

Hanyuma isaha zitandatu n’igice ku mutaga (isaha icumi na zibiri n’igice ku mugoroba mu Burundi), twese tuzohurira hamwe kugira ngo twumvirize Ijambo: 57-0420 Uguhamba.

Mbega UMUNSI W’INTIBAGIRANA Ugiye kuba ku Mugeni WiWe kw’isi yose.

Hanyuma tuje hamwe mw’isengesho ubwo nyene inyuma y’igikorane.

KU W’IYINGA

Reka tubanze tuvyuke kare nk’uko MweneData Branham yabigize mu gitondo igihe umugenzi wiwe mutoyi, akanyoni gafise igikiriza gitukura, kamuvyura isaha icumi n’imwe zo mu gitondo. Gusa reka dushimire Uhoraho kubera Yazuye Yesu mu bapfuye:

Isaha icumi n’imwe z’igitondo, umugenzi wanje mutoyi afise igikiriza gitukura yaragurukiye hejuru kw’idirisha maze aramvyura. Vyasa n’aho umutima wiwe mutoya woturika, avuga ati, « Yazutse. »

Kw’isaha zitatu zo mu gitondo (isaha icenda ku muhingamo mu Burundi) twongere twifatanye mu ruhererekane rw’amasengesho yacu, dusengeranire kandi twitegurire kwumviriza Ijwi ry’Imana.

Kw’isaha zitatu n’igice zo mu gitondo (isaha icenda n’igice z’umuhingamo mu Burundi), tuzohurira hamwe kugira ngo twumvirize Ubutumwa bwacu bwa Pasika: 65-0418M Ni Uguseruka Kw’Izuba.

Kw’isaha zitandatu ku mutaga (isaha cumi na zibiri ku mugoroba mu Burundi), tuzoduza amajwi yacu tuMushimire kubw’Inkomezi zitanga Ubugingo.

Kw’isaha y’icenda ku muhingambo (isaha zitatu z’ijoro mu Burundi), twongere tuje hamwe mu gusenga, tuMushimire IMPERA Y’IYINGA Y’IGITANGAZA YADUHAYE TURI KUMWE NAWE HAMWE N’UMUGENI WIWE KW’ISI YOSE.

Kuri beneData bo mu mahanga, nk’umwaka uheze, ndipfuza kubatumira ngo mwifatanye natwe ku masaha ya Jeffersonville, ku bihe vyose vy’amasengesho biri kuri uru rutonde. Ariko rero, ndabona ko kuvuza ama bande ku wa kane, ku wa gatanu no ku wa gatandatu ku muhingamo kw’isaha ya Jeffersonville vyoba bigoye cane kuri benshi muri mwebwe, rero ndabinginze mugire umwidegemvyo wo kuvuza ubwo Butumwa ku gihe kibabereye. Ariko rero, noshima ko twese dufatanya ku munsi w’iyinga isaha zitatu n’igice mu gitondo, isaha ya Jeffersonville, (isaha icenda n’igice z’ijoro mu Burundi) kugira ngo twumviririze hamwe Ubutumwa bwacu bwo ku munsi w’iyinga.

Ndipfuza kandi kubatumira mwebwe n’abana banyu ngo mube mu migambi ya Creations, mu kwandika ibinyamakuru no mu gutegura ibikoreshwa, ivyo umuryango wanyu wose ushobora kuryoherererwa hamwe. Twibaza ko muzobikunda kuko vyose bishingiye kw’IJAMBO tuzoba turiko turumviriza muri iyi mpera y’iyinga.

Ku bijanye n’urutonde rw’impera y’iyinga, amakuru yerekeye ugutegura igikorwa c’Ingaburo Yera, ibikoresho bizokenerwa mu migambi ya Creations, n’ibindi, rabe umuhora uri hepfo.

Reka twugare amatelefone yacu mu mpera z’iyinga rya Pasika kiretse gufata amafoto, kwumviriza Umutsima wa Buri Munsi, no kuvuza ama bande ari kuri rubuga The Table, Lifeline, canke umuhora ushobora kuvomwako.

Ni iteka rininiya kuri jewe kubatumira wewe n’umuryango wawe ngo muze hamwe n’Umugeni kw’isi yose mu mpera z’iyinga yuzuye UGUSENGA, UGUTAZIRA NO GUKIRA INDWARA. Nizera ko vy’ukuri ari impera y’iyinga izohindura ubuzima bwawe ibihe vyose.

MweneData Joseph Branham

Ubutumwa: 65-0221E Uyu Melekisedeki Ninde

• 26-0329 Uyu Melekisedeki Ninde
• 24-0630 Uyu Melekisedeki Ninde
• 22-1204 Uyu Melekisedeki Ninde
• 19-0707 Uyu Melekisedeki Ninde
• 17-1105 Uyu Melekisedeki Ninde

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Ubugingo Budashira,

Rirya Jwi Rivugana natwe kuma bande ni Nde?

Inyishu y’ico kibazo dushobora kuyimenya gusa biciye ku Guhishurirwa kuva ku Mana. Umugeni waYo Yatoranijwe ni We Wenyene Azogira uko Guhishurirwa. Gutyo, dutegerezwa gusesa Ijambo RyaYo kugira ngo dutahure Uwo Yavuze ko Ari: Umusobanuzi Rudende w’Ijambo RyaYo. Ni nde Yagira Amene Anahishure utwo Dushashara Indwi? Ni nde Yagira Ahishure amabanga yose yanyegejwe yo muri Bibiliya? Ni nde Azohamagara kandi Arongore Umugeni WaYo? Ni nde Azoba afise Ijwi Ritigera Ryihenda ?

Bijanye n’Ijambo, nta wundi atari Melekisedeki, ubwiWe. Umuntu Atagira se canke nyina, Atari Afise intango canke iherezo ry’iminsi. Imana, Yiyambitse umubiri kandi Yariye inyama n’umutsima w’ibigori, Yanyoye amata y’ikivuguto, kandi Yavuganye na Aburahamu. Yari Umuntu afise kamere k’umuntu, Aba mu mubiri w’umuntu.

Iryo Jambo nyene Ryavuze ko Melekisedeki, ubwiWe, uwo Muntu, iyo kamere y’umuntu, Azobaho kandi Azokwihishura ubugira kandi mu mubiri w’umuntu nyene nk’uko Yabigiriye Aburahamu, hanyuma ubugira kandi muri Yesu Kristo; ariko muri iki gihe, mu ntumwa mumarayika waYo w’indwi wo mu Vyahishuriwe Yohana 10:7.

Mpwemu WiWe Yari gukoresha iryo hema ryo kw’isi kugira ngo Ashobore kuvuga no kwihishurira Umugeni WaYo. Imana ubwaYo Ibaho kandi Ivugira mu mubiri w’umuntu. Urubuto rwaYo rwa mbere rwasubijwe itoto burundu rwari rwarashitse mu gukura kwuzuye. Integuro yuzuye y’Imana yari yashitse; Imana n’umuntu bari Umwe. Imana Yariko Iravugana n’Umugeni WaYo umunwa ku gutwi nk’uko Yabigize kuri Aburahamu.

Yaraje kandi Iba muri ivyo, mu Muntu wa Melekisedeki, hanyuma mu nyuma ntitwigeze dusubira kwumva ivya Melekisedeki, kuko Yahindutse Yesu Kristo, Melekisedeki Yari Umuherezi ariko Yahindutse Yesu Kristo, ubu, mwavyirengagije, kuko muri iyo shusho Yari Azi ibintu vyose, kandi ntimwigeze mushobora kubimenya.

N’UBU…!! None turi bande?

Amaso yacu, igihagararo cacu, ico twari cose, twari mu vyiyumviro vyaYo mu ntango. Imbere y’uko habaho Umumarayika, inyenyeri, Abakerubi, canke ikindi kintu cose. Yaravyiyumviriye, Yarabivuze, hanyuma natwe duca tubaho.

Ivyo nta ntango n’iherezo bifise. Ntidushobora kubitahura mu vyiyumviro vyacu, ariko iyo ni Imana. Imana, Itagira intango n’iherezo!

Kuko twari muri Yo mu ntango, bizogenda gute ubu buzima bupfa bwa hano kw’isi burangiye?

Igihe iyi mpuzu y’umubiri izimanganye, hariho umubiri usanzwe, tewofani, umubiri utaremwe n’amaboko y’umuntu, canke utavyawe n’umugore, ni wo twinjiramwo. Hanyuma uwo mubiri uragaruka maze ukarondera uwo mubiri w’ubwiza.

Mbega ibintu vy’igitangaza vyabikiwe Umugeni WaYo. Raba ibiriko biraba ubu nyene mu gihe Iriko Iraduhishurira Ijambo RyaYo nk’uko bigeze bibaho mbere. Muvuge ivy’ikete ry’urukundo Yandikiye Umugeni WaYo! Mbega umunsi tubayemwo.

Turafise Uguhishurirwa kandi turazi ko ari Melekisedeki, Ijwi ry’Imana, Rivugana natwe ku ma bande. Turafise uguhishurirwa ko ari ubugombe bw’Imana bwatanzwe kandi butunganye muri iki gihe. Gutyo, TURAZI UWO ARIWE KANDI TURI UMUGENI WAYO.

Uko Guhishurirwa kugenda kurushiriza kuba ugukomeye buri munsi. Ukwo umunsi wose urarengana utuzanira umunezero mwinshi, Uguhishurirwa kwinshi. Umugeni Ariko Aritegura mu kwicara imbere y’Ijwi RyaYo, mu gihe Itubwira abo turi bo, ingene Idukunda, ingene Ifise igishika co kubana Natwe!!!

Ngwino, witegure isaha zitandatu zo ku mutaga, kw’isaha ya Jeffersonville (isaha icumi na zibiri ku mugoroba mu Burundi), ku bigiye gushika, mu gihe twumviriza Ijwi Rya Melekisedeki.

MweneData Joseph Branham

Ubutumwa: 65-0221E “Uwo Melekisedeki Ni Nde?”

Ivyanditswe vyo gusoma:

Itanguriro Igice ca 18
Kuvayo 33:12-23
Yohana Mweranda 1:1
Abaroma 8:1
2 Ab’i Korinto 5:1
1 Ab’i Tesalonike 4:13-18
1 Timoteyo 3:16 / 6:15
Abaheburayo 7:1-3 /13:8
Ivyahishuriwe Yohana 10:1-7 / 21:16

Ubutumwa: 65-0221M Ukurongora n Ukwahukana

• 26-0322 Ukurongora n Ukwahukana
• 24-0623 Ukurongora n Ukwahukana
• 22-1127 Ukurongora n Ukwahukana

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Wahiswemwo, Watowe kandi Watoranijwe,

Ndibuka nkiri umusore ndiko ndakura, ngerageza guhitamwo bande yo kwumviriza. Mu gihe naba ndiko ndasoma amazina y’ibitabu nama niyumvira nti: sinzokwumviriza Ukurongora n’Ukwahukana, mu gihe ivyo ataho bihuriye nanje; ari ivy’abubatse gusa.

Maze umunsi umwe, ndiko ndumviriza Ukurongora n’Ukwahukana, Data Yampaye Uguhishurirwa kw’ubwo Butumwa. Ugusigwa kwiWe kwaje mu mutima wanje. Yariko Aravugana nanje. Ubu butumwa NI ubwanje. YARIKO Arambwira ko Yantoye imbere y’uko isi iremwa. Uyu ni umunsi mukuru w’ubugeni bwanje. Nta wundi nshaka atari We. Ndi imvugakuri hamwe n’umwizigirwa kuri We, no kw’Ijambo RyiWe, no kw’Ijwi RyiWe, GUSA. Turi UMWE.

Mu vy’ukuri ubu Butumwa bwari ubwa beneData na bashikibacu bari barakoze ubukwe ubu bahukanye, kandi We Yarababwira ivyo bari bakwiye gukora; ariko hariho insiguro YIKWIJE IKOMEYE CANE, kandi ihambaye cane gusumba, y’inkomezi rwose zidasanzwe.

Hariho Umugabo umwe, kandi Yariko Arahamagara kandi Avugana n’Umugeni WiWe Yatoranijwe ari benshi. IJWI RY’IMANA RYARIKO RIRAHAMAGARA UMUGENI WIWE JAMBO W’INKUMI ATAGIRA AGATOSI, ATAVANZE. Uwutakozweko canke ngo Yanduzwe n’umuntu. Umwe w’imvugakuri kandi w’umwizigirwa kuri We no kw’Ijambo RyiWe vyonyene. Umwe Yari Ahagijwe rwose na We n’Ijwi RyiWe.

Kubera Ubuntu n’Imbabazi vyiWe, uno munsi turashobora kuvuga, ata gitutu na kimwe c’ugukekeranya, ko TURI UMUGENI IJAMBO WIWE W’INKUMI. UMWAMI ASHIMWE I!!

Yashaka kumenya neza ko hatoba ibintu bidasobanutse igihe hazoba hageze guhamagara Umugeni WiWe, ku buryo Yiyiziye ubwiWe kandi Yabaye mu mubiri w’umuntu kugira ngo Ahishurire Ijambo RyiWe kandi Ahamagare Umugeni WiWe Aze iWe. Ni We Yari Eliyezeri yagira aze guhitamwo Umugeni WiWe bwite.

Kugira ngo habeho ukumenya ata nkeka ko tutazoshikirwa n’ukuzazanirwa mu kumenya uwuriko araturesha, We ubwiWe Yaremeje igikoresho ciWe yatoye mu kuvugana na we ari mu gashururu kari mu giti. Hanyuma Yavuganye na we mu buryo buboneka ku ruzi Ohio imbere y’abantu ibihumbi.

Mbere Yarifatishije ifoto ari kumwe na we yo kwerekana no kubwira isi ati: NAKUBWIYE KO NOGARUKA KANDI NKABA MU MUBIRI. NAHISEMWO UYU KUGIRA MBE MURI WE, KUGIRA NGO NDAGUHAMAGARE NGO UBE UMUGENI WANJE. SI WE; NI JEWE MVUGIRA MURI WE. NKORESHA GUSA IJWI RYIWE KUGIRA NGO RIBE IJWI RYANJE KURI MWEBWE. NDI UWAGUHAMAGAYE NDAGUTUNGANYA KUGIRA NGO UBE UMUGENI WANJE ATUNGANYE.

Uguhishura kw’Ubu Butumwa, Ijambo RyiWe, Ijwi RyiWe, hamwe n’abo TURI BO ubu, birarengeye amajambo y’abantu kugerageza kubivuga. Ndazi ko uzi neza ivyo ndiko ndavuga. Izamurwa mu Kwizera biriko biraba. Umugeni Ariko Aritegura mu kwicara mu nyonga h’Imana ubwaYo, Atunganywa.

Mbega akaryo isi ifise ko kwumviriza Ijwi ry’Imana Rivugana na bo; kwicara no kwumviriza Ijambo ku Rindi igihe Avuga kandi Ahishura Ijambo RyiWe Atubwira abo turi bo. Nta kintu gishobora kugereranywa no kwicara imbere yiWe, rero n’uze wifatanye natwe ku munsi w’iyinga isaha zitandatu ku mutaga, kw’isaha ya Jeffersonville, (isaha icumi na zibiri ku mugoroba mu Burundi) mu gihe twumva Avugana n’Umugeni WiWe, Ubutumwa, “Ukurongora n’Ukwahukana” 65-0221M.

MweneData Joseph Branham

Ivyanditswe vyo gusoma imbere yo kwumviriza Ubutumwa:

Matayo mweranda 5:31-32 / 16:18 / 19:1-8 / 28:19

Ivyakozwe n’Intumwa 2:38

Abaroma 9:14-23

1 Timoteyo 2:9-15

1 Ab’i korinto 7:10-15 / 14:34

Abaheburayo 11:4

Ivyahishuriwe Yohana 10:7

Itanguriro igice ca 3

Abalewi 21:7

Yobu 14:1-2

Yesaya 53

Ezekiyeli 44:22

Ubutumwa: 65-0220 Ahantu Ho Gusengera Imana Yatoranije

• 26-0315 Ahantu Ho Gusengera Imana Yatoranije
• 24-0616 Ahantu Ho Gusengera Imana Yatoranije
• 22-1120 Ahantu Ho Gusengera Imana Yatoranije

BranhamTabernacle.org

Mukunzi Mugore wa Yesu Kristo,

Uyu ni wo munsi. Iki ni co gihe. Imana Yarungitse inkona yaYo y’inkomezi kw’isi kugira ngo ihamagare umugore waYo wa Yesu Kristo, kugira ngo Ivuge kandi Imubwire iti: “Uri UWO Natoye. Uri UWO Nkunda. Uri Umugeni Wanje w’inkumi w’Ijambo Ritunganye. Turi UMWE. »

Kwumviriza ayo majambo gusa, imitima yacu irasimba kubera umunezero. Kwiyumvira, ko mw’isi yose, hamwe n’amamiliyoni n’amamiliyoni yayo y’abantu, hariho Umugore wa Yesu Kristo UMWE Wenyene, kandi ni WEWE, UWO Ariko Araza kurondera.

Hariho ahantu HAMWE honyene hatoranijwe ho gusengeramwo. Hariho Ubutumwa BUMWE Bwonyene Bwatoranijwe butunganye. Hariho UMUGENI ATUNGANYE UMWE Wenyene Yatowe…KANDI NI TWEBWE!!

Data Afise ahantu HAMWE yatoranije ho gusengeramwo, ni Umwami Yesu Kristo; Ni We Jambo. Uyu munsi, hariho ahantu HAMWE honyene urupfu rwa mpwemu rudashobora gushika: Ijambo. Urupfu ntirushobora gushikira Ijambo, kuko Ni Ijambo ry’Imana Rizima.

Uguhishurwa kwose kw’iryo Jambo Rizima kwahishuriwe gusa Umugore wa Yesu Kristo. Hariho ahantu HAMWE honyene hatoranijwe aho Umugore wa Yesu Kristo Ashobora kuja kugira Yumvirize IJAMBO RYAVUZWE RITUNGANYE. Hariho umuvugishwa UMWE gusa yatorewe kuba Ijwi ry’Imana. Hariho ahantu HAMWE honyene Umugore wa Yesu Ashobora kuja kugira Yumvirize, UKO NIKO UHORAHO AGIZE: GUFYONDA AKAVUZA.

Hazoba Umuco nko mu gihe c’akagoroba, ahantu honyene Imana Yatoranirije gusengera. Yooo, ubu Butumwa Bwaziye iki, Agiye gukora iki? Kandi muri iki gihe ciWe hazoba Umuco mu gihe c’akagoroba kandi (iki?) kugira asanganire abana biWe bagarutse i muhira mu Gihugu casezeranywe c’ukuri, mu kimenyetso nyene c’Inkingi y’Umuriro Yarongoye abana b’Isirayeli mu bugaragwa.

Mbega ukuntu Umugeni wiWe Ategerezwa kwitwararika gukurikira no kwumviriza Ijwi ry’Umugabo WiWe Rivugana na We. Hariho ahantu HAMWE honyene dushobora kuja kandi tudakekeranya 100%. Hariho Ijwi RIMWE Ryonyene twashizeko amerekero yacu y’Ibihe Bidashira.

Umugore wa Yesu Kristo Yizera ko Amajambo Yumviriza ku ma bande ari Amajambo y’Umugabo WiWe. Yizera ko Ijambo Ryiwe Ridakeneye insobanuro. Gutyo, Yizera ko hariho ahantu HAMWE honyene hatanzwe Ashobora kuja kandi Akavuga AMEN kw’Ijambo Ryose, ni Ijwi ry’Umugabo WiWe ku ma bande.

Ubugira kandi, Umugore wa Yesu Kristo, kw’isi yose, Arashobora kuvuga Ati: «Uyu munsi, iri Jambo Ryavuzwe, Rirashitse».

Mana Mukunzi, hepfo hariya mu bugaragwa bwo muri Tucson, hariya muri California, haruguru yo muri Nevada na Idaho, hariya mu Buseruko no mu micungararo, hepfo muri Texas; mu gihe ubu butumire butanzwe, abantu bicaye mu—mu masengero matomato, aho bagurishiriza ibitoro, mu mihana, bariko barumviriza.

Muratumiwe kuza kwumviriza hamwe na Branham Tabernacle isaha zitandatu ku mutaga, kw’isaha ya Jeffersonville, (isaha icumi na zibiri zo ku mugoroba mu Burundi) mu gihe twumviriza Imana Ivugana n’Umugeni WaYo Yatoye, Ubutumwa: “Ahantu Ho Gusengera Imana Yatoranije” 65-0220.

MweneData Joseph Branham

Ivyanditswe : Gusubira mu vyagezwe 16:1 gushika kuwa 3.

Ubutumwa: 65-0219 Ivyo Vyanditse Birashitse Uyu Muns

• 26-0308 Ivyo Vyanditse Birashitse Uyu Muns
• 24-0609 Ivyo Vyanditse Birashitse Uyu Muns
• 22-1113 Ivyo Vyanditse Birashitse Uyu Muns
• 19-0616 Ivyo Vyanditse Birashitse Uyu Muns

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Rubuto Cami Ruhambaye,

Igihe twarindiriye n’igishika cinshi kandi twipfuza cane kirashitse. Twarashitse. Turabibona biriko biribonekeza imbere y’amaso yacu. Buri munsi ubugishwa buriko burashika, kandi turashobora kuvuga duti: UYU MUNSI IKI CANDITSWE KIRASHITSE IMBERE Y’AMASO YACU.

Mbega ugukaburwa n’Uguhishurirwa kuriko kuraba mu Mugeni. Hamwe n’Ubutumwa bwose twumviriza, twumva mu mitima yacu no mu bugingo bwacu ngo, “Bishoboka gute kuronka ubundi buhambaye kandi butangaje kuruta, Mwami?” Hanyuma Aza hagati yacu ubugira kandi maze Akadusiga mu gihe twumviriza Ijwi RyiWe Riduhamagara kandi Rivuga Riti: “Uri Umukunzi WaNje. Naguhisemwo ngo Ube Umugeni WaNje. Nk’uko Nagusezeraniye, Ndaje kubwaWe. Ndi mu nzira. Vuba tuzoba hamwe Ibihe Bidashira.”

Turasemerera kw’isi yose, dutera Ijuru n’ama Haleluya yacu, ubwiza, amashimwe, no kuMusenga. Satani yaratsinzwe. Data Yaratwaye amakenga yacu yose, ugukekeranya kwacu kwose, kwibaza ku bintu vyose. Turashobora gutangaza n’umutima wacu wose n’ubugingo bwacu bwose ko, TURI Urubuto Cami rwo ruhambaye rwa Aburahamu. Umugeni w’Umwami kubw’Umwana w’Umwami yasezeranywe.

Ukubaho ng’aho kw’Umwami kwabaye igitangaza cane mu gihe Yaduhishurira Ijambo RyiWe nk’uko bitigeze bibaho mbere. Yarahurije hamwe Umugeni WiWe n’Ijambo RyiWe, maze Adushira mu Mpwemu imwe n’inama imwe nk’umuce umwe, twumviriza Ijwi ry’Imana Rivuga kandi Ridutunganya biciye mw’Ijambo RyiWe.

Ubutumwa bwose twumviriza bumeze nk’iriba rya arutwaze ry’amazi ritembera mu bugingo bwacu; ritemba, risunika, no kubiragira gushasha riva ku Ntebe y’Imana. Turanywa tugasubira tukanywa tugasubira tukanywa, dusubiza itoto ubugingo bwacu.

Bene Data na Bashiki bacu, turi ugushitswa kw’Ivyanditswe bivuga ko Azogira Umugeni Jambo w’Inkumi. Turi: Uyu munsi iki Canditswe Kirashitse.

Imana ubwayo Yabwiye umumarayika waYo w’indwi Iri mw’ijuru Iti: “Nk’uko Yohana Umubatizi yarungitswe gutegura Ukuza kwa Kristo kwa mbere, Ubutumwa bwawe buzotegura Ukuza kwiWe kwa kabiri, mw’isi yose.” Umugeni Arashobora kuvuga ati: Uyu munsi iki Canditswe Kirashitse.

Mbega turashobora gutahura ko Ijwi ry’Imana nyene Ryavuzwe mu gihe cacu biciye mu kanwa k’umuntu, Ryafashwe mw’ijwi, Rikabikwa, Rikazigamwa kugira ngo Rishobore kubwira umwe wese muri twebwe, Uko ni ko Uhoraho Agize? Yaratumye bishoboka ko tudakeneye gufata ijambo ry’umuntu n’umwe, ivyiyumviro vy’umuntu n’umwe, ivyo umuntu n’umwe yibaza, turicara gusa maze tukumviriza Ijwi RyaYo Ritubwira Ridaciye ku ruhande Ijambo RyaYo Ritagira agatosi.

MBEGA N’IKI KIRIKO KIRABA UYU MUNSI?

Kandi uwo M-w-a-n-a nyene w’Imana aza mu buseruko maze Akiyemeza nk’uko Imana Yagaragaye mu mubiri, ko ari We M-w-a-n-a nyene w’Imana mu gice c’isi co mu burengero ng’aha, uwo YImenyekanisha mw’ishengero muri iri joro, Wawundi we nyene ejo, uno munsi, n’ibihe bidashira. Umuco wo ku kagoroba w’Umwana Waraje. Uyu munsi iki Canditswe Kirashitse imbere yacu.

MBEGA TURI MU BUGOMBE BW’IMANA BUTUNGANYE MU KUVUGA NO KWIZERA NGO : “KUVUZA AMABANDE NI INZIRA IMANA YATANZE KU MUGENI WAYO”?

NONE HARI IKINTU GIHAMBAYE KIRUTA KWUMVIRIZA AMABANDE?

Igihe cose muri bitatu, nk’uko nabivuze ejo mw’ijoro, Imana Iraserukirwa. Hari abanyasodomu, abo kwa Loti n’abo kwa Ababurahamu. Isi iteye ukwo nyene muri rino joro, ni aho iri neza na neza.

Murabe, Umwe Yagumanye na Aburahamu Yari Imana ubwaYo. Abandi babiri bari Abamarayika ntumwa.

NONE NINDE AVUGANA NATWE KUMA BANDE ?

Reka ndabaBaze ikintu kimwe. Raba uko bimeze bino, ubu. Aburahamu yise uwo Mugabo yavugana na we, “Elohim.” Ijambo ry’igiheburayo Elohim risobanura “Uwihagije, Uwuhoraho,” Elohim, Imana ubwayo!

BIFISE AKAMARO KI GUFYONDA UKAVUZA ?

… “umusi umwe Mpwemu Yera Azoza Akore ivyo nyene, kandi kuvuga ijambo rimwe ryo kubirwanya ntibizokwigera biharirwa.” Ivyo, ni muri kino gihe, aho Ijambo Ryose Ritegerezwa kuba kimwe. “Kuvuga ijambo ry’ukuYirwanya; ntibizokwigera biharirwa muri iyi si canke mw’isi izoza.”

Haleluya zacu z’iyinga riheze no guha icubahiro Umwami vyari gusa ukwitegurira ivyari bigiye gushika kuri uyu w’iyinga, mu gihe Umugeni Azosubira kuja hamwe no kwumviriza IMANA Idutera intege kandi Ituremesha ko turi abatowe baYo, kandi ko Iriko Iraza vuba kugira ngo Idutware mu Mazimano y’Ubukwe bwacu buhambaye hamwe n’Imuhira hacu ho muri Kazoza inyuma y’aho.

Uyu ni umusi Uhoraho Yashizeho; turawunezererwako tukawuhimbarirwako.

MweneData Joseph Branham

Ubutumwa: 65-0219 – ” Ivyo Vyanditse Birashitse Uyu Munsi”

Ivyanditswe:
Yohana Mweranda igice ca 16
Yesaya 61:1-2
Luka Mweranda 4:16

Muribuka ihinduka ry’amasaha i Jeffersonville, mu mpera y’iyinga.