All posts by admin5

21-1121 Inyota

Ubutumwa: 65-0919 Inyota

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

INKUKUMA ZIRAKORANIRA HAMWE

Mukunzi Mupfasoni Watoranijwe,
Ukuba umwe kwa nyuma kuriko kurashika kubw’Izamurwa. Mpwemu Yera Ariko Arashira hamwe Umugeni waYo mu bihugu vyose ; kuva ku Nkengera y’Uburengero gushika ku Nkegera y’Ubuseruko, kuva mu Buraruko gushika mu Bumanuko, kuva ku mfuruka zine z’isi.

Adukoraniriza hamwe mu mashengero yacu no mu ngo zacu biciye mu kwumvikana neza cane kw’amajwi. Ni na vyiza gusumba ikiganiro. Ni umuhora w’itelefone. Dushira amaradiyo canke amamikoro, canke ico ari coc ose, mu cumba, kandi ni co kimwe nyene nko kuba mu cumba hamwe n’umuhanuzi wiWe. Ni inzira Imana Yatanze yo muri iki gihe yo gufatanya no gushira Umugeni hamwe na « Uko Niko Uhoraho Agize ».

Haheze imyaka mirongo itanu n’itandatu, Imana Yatanguye umugambi waYo wo gukoraniriza Umugeni waYo hamwe ku buryo bashobora kuYumva Ivugira mu mumarayika w’inkomezi waYo bose mu mwanya umwe. Yari Yanahagaritse ibikorwa vyaYo bitanu gukora kandi Yakoraniriza hamwe abantu babo, no gushira umuhora w’itelefone mu mashengero yabo, mu gihe Yashaka ko Umugeni waYo Yumva Ijwi ryaYo, bose mu mwanya umwe. Umugambi waYo uhambaye wari watanguye. Ntivyari bwigere na rimwe bishoboka muri kahise k’isi. Umuhanuzi waYo Yarabimenye kandi yari anezerewe cane. Rero Imana Yashobora kuvugana ata guca iruhande n’abagize Umugeni WaYo bose mu mwanya umwe. Bashobora kwiyumviririza ubwabo, Imana Ivugana na bo Idaciye ku ruhande, kandi ntihari hakenewe uwusigura.

Iki gihe, isi iratangara. Ni kuki abantu bo kw’isi yose mu burere bw’ibihe bitandukanye ; isasita, isamunani zo ku muhingambo, isaha zibiri zo mw’ijoro, mu gicugu, bakoranira hamwe bose mu mwanya umwe kugira ngo bumvirize Ubutumwa bashobora kwumviriza igihe ico ari co cose. Ni ukuhe gukwega ?

Vyarabahishuriwe ko uyu ari umugambi w’Imana, inzira Imana Yatanze yo kubagira umwe mu buryo bwa Mpwemu. Ni Imana Yiteguriye kuvugana n’Umugeni waYo mu mwanya umwe.

NTA NA KIMWE kindi atari Ijwi ry’Imana, Ijambo ryaYo, Ubu Butumwa, Bwavuzwe n’umuhanuzi waYo bwoshobora gukora ivyo. Nta n’umwe, canke ikindi ico ari co cose, Umugeni waYo bose bashobora kwumvikanirako.

Umuntu umwe yoshobora kuvuta ati, « Numviriza umwungere wanje mu gihe avuga kandi yigisha Ijambo neza nk’uko mweneData Branham yavuze ko yokora. » Umwami Ashimwe. Ivyo ni igitangaza kandi urahezagiwe cane kugira umwungere agumana n’Ijambo. Yahamagariwe kugumiza ubusho hamwe no kubaha no kubereka Ijambo, ariko ivyo si vyo ndiko ndavuga. Utegerezwa kugira Icishimikizo Ntabanduka, Ijambo rya nyuma. Amajambo TWESE DUSHOBORA KWUMVIKANIRAKO. Nk’uwahamagawe kandi yasizwe nk’uko umuntu uwo ari we wese ashobora kuba ameze, nta jambo ry’umuntu rishobora kuba ritunganye, kandi nta gikorwa c’umuntu gishobora kugira umwe Umugeni.

« Ico ni iciyumviro cawe gusa n’ico wiyumvira. Vyemeze n’Ijambo, mweneData Joseph ».

Kuko ufise abantu babiri, ufise ivyiyumviro bibiri. Kandi bitegerezwa gushika ku cishimikizo ntanyiganyizwa kimwe ca nyuma kandi icishimikizo ntanyiganyizwa canje ni Ijambo, Bibiliya. Kandi nk’umwungere w’ishengero ng’aha, icishimikizo canje ntanyiganyizwa ni Ijambo, kandi nshaka… Ndabazi, beneData, musa n’abandaba nk’icishimikizo ntanyiganyizwa canyu ku co…mu gihe nkurikira Imana, nk’uko Paulo yavuze mu Vyanditswe, « Munyigane, nk’uko nigana Kristo. »

Rero, igihe umuhanuzi avuze, ni Icishimikizo Ntanyiganyizwa ku Mugeni. Ubutumwa bwiwe si ijambo ryiwe, nta n’ubwo ari insiguro yiwe y’Ijambo. Ni Imana Isigura Ijambo ryaYo Bwite mu nzira Yatanze yonyene yo kubikora : biciye mu muhanuzi waYo.

Namba uvuga ko wizeye Ubu Butumwa. Namba uvuga ko wizeye iki canditswe. Namba uvuga kandi wizeye ko uri Umugeni wa Kristo, rero ibivugira ku ma bande bitegerezwa kuba Icishimikizo Ntanyiganyizwa Cawe.

None, ni ikihe kindi gishobora gukoraniriza hamwe Umugeni wa Kristo atari Icishimikizo Ntanyiganyizwa cacu? NTA NA KIMWE. Amabande ni Ijwi ryiWe, Ijambo RyiWe., Icishimikizo Ntanyiganyizwa Cacu. Umuhanuzi yatubwiye ko umuhanuzi w’iki gihe ari Mpwemu Yera. Mpwemu Yera Yatoye umuntu UMWE, Ijwi RIMWE ryo guhishura Ijambo ryiWe kandi rirya Jwi Ririko Rirahuriza hamwe Umugeni WiWe mu nzira yatanzwe y’iki gihe, MU GUFYONDA UVUZA.

Ndiko ndagerageza uko nshobora kugumana neza n’Ijambo, kuko ibi vyashizwe mu biganza vyanje kubera Imana, kuko intama zishaka imfungurwa z’intama, mu bisanzwe. “Intama zanje zumva Ijwi RyaNje.” Kandi ivyo ni vyo bitubeshejeho, Ijambo Ryose Riva… Si vyose. Si Ijambo gusa ubu ariko no hanyuma ; ariko Ijambo Ryose Riva mu kanwa k’Imana, ivyo ni vyo vyotegerejwe kubeshaho abera.

Twotegerejwe kubeshwaho n’Ijambo ryose Riva mu kanwa k’Imana. Ni akahe kanwa k’Imana kagaragajwe k’iki gihe? Jewe ? oya Si ndi umumarayika ntumwa w’indwi w’Imana yagaragajwe, nta n’ubwo ari umwungere wanje canke umuntu uwo ari we wese; Ni Imana Ikoresha ijwi rya WILLIAM MARRION BRANHAM.

Tuzocirwa urubanza n’Ubutumwa yigishije buri kuri bande. Atari insobanuro y’uwundi muntu, Atari n’ivyo umuntu yigisha kuvyo yavuze ariko kubwo Ijambo riri kuri bande, naho hoba gusigwa na Mpwemu mu buryo bushoboka, twoshobora kuba mw’ikosa. Simvuze ko umukozi w’Imana Ari uw’ikinyoma canke ari mw’ikosa, twahamagariwe kuvuga ubutumwa, kwigisha, no kuguma turi abizigirwa kw’Ijambo, ariko umuhamagaro wacu ni uwo kubarongorera kw’Ijambo. Kandi Ijambo ryonyene ritunganye, ryemejwe, riri ku ma bande

Dufise vyinshi, nk’Umugeni wa Kristo, vyo gukenguruka.

Twoshobora kwuzuza wino ikiyaga, Kandi naho amajuru yogirwa impapuro Icatsi cose wo kw’isi kikaba ikaramu N’umuntu wese akaba umwanditsi Kwandika urukundo rw’Imana yo mw’Ijuru Vyokamya ikiyaga Nta n’ubwo umuzingo woshobora kwuzura vyose, Ijuru ryose ribaye impapuro

Turi hafi kugira iyinga ihambaye ya Thanksgiving yo mu buzima bwacu.

Umunsi mukuru w’Ibifungurwa vya Mpwemu vyo kwuzuza ubugingo. Umunsi mukuru aho Umugeni Azoba Yabaye umwe kandi Yicaye hamwe yaratunganye mu Nyonga h’Izuba .

Imana Igiye kuvuga biciye mu ntumwa yaYo maze Itubwire ko :

  • Turi Umupfasoni waYo Yatoranije.
  • Dufise amazina yacu mu Gitabu c’Ubugingo c’Umwagazi w’Intama.
  • Ko ata vyaha dufise.
  • Twaratsindanishirijwe imbere y’itanguriro ry’isi.
  • Turi abahamagariwe gusohoka n’abatowe.
  • Turi abo umugambi wose w’Imana wari urindiriye.
  • Turi Umugeni Atagira agatosi, w’ingeso nziza, ata caha w’Umwana w’Imana Nzima

– Turatunganye mu maso yaYo.

Nta herezo rihari ryo kwandika vyose ivyo Mpwemu Yera Agiye kuduhishurira no kudukorera.

Tuvuge ivy’umunsi wa Thanksgiving!!!

Numvise nsunitswe muri Mpwemu Wanje bivuye ku Mwami
kubwacu gushikanira iyinga yose, guhera kuri uyu w’iyinga, kubwa Thanksgiving.

Nashizeko ng’aha ikirangaminsi hamwe n’iminsi, igihe n’Ubutumwa tuzoba twumviriza.

Nk’uko mushobora kubibona, kuw’iyinga twese tuzofataniriza hamwe kw’isaha isanzwe ya samunani ku muhingamo, isaha ya Jeffersonville, kwumviriza Ubutumwa : Inyota, bwavuzwe kw’igenekerezo rya 19 ukwezi kwa nyakanga umwaka wa 1965.

Kuwa mbere gushika kuwa gatatu, nipfuza ko twese twumviriza Ubutumwa 3 bukurikira mweneData Branham yavuze bukurikirana, muri 1965. Tuzoba twabushize kw’iradiyo bwose isaha zitatu mu gitonda twongere kandi isaha imwe y’ijoro, kw’isaha ya Jeffersonville.

Ndazi ko bizoba bigoye kuri benshi kwumviriza kw’isaha yashinzwe bitewe na gahunda z’ibikorwa vyabo canke izindi nshingano, ariko nizigiye ko mushobora kwumviriza kuri bimwe muri ivyo bihe hamwe n’imiryango yanyu.

Hanyuma kuwa kane, igenekerezo rya 25 munyonyo, nipfuza ko twoba hamwe isamunani ku muhingamo, kw’isaha ya Jeffersonville, gutangura impera yacu y’iyinga y’igitangaza ya Thanksgiving mu gihe tuzoba dufatanije ku muhora ubugira kandi kugira ngo twumvirize Ijwi ry’Imana Rituzanira Ubutumwa bwa mbere bw’impera y’iyinga yacu “ Ubumwe Butaboneka bw’Umugeni wa Kristo Bwavuzwe kw’igenekerezo rya 25 munyonyo umwaka wa 1965.

Wabaye umuhezagiro udasanzwe kuri jewe kubona ko hazoba haheze imyaka 56, kuri uwo munsi, Imana Yavugiye mu muhanuzi waYo kutuzanira urukurikirane rw’Ubutumwa. Vyongeye hari haciye imyaka 56 kuva kw’ivuka rya mweneData Branham muri 1909, gushika 1965, yavuze ubu Butumwa.

Twokora iki tumenye ko mweneData Branham yari agiye kuba i Shreveport, Los Angels iyi mpera y’iyinga kugira ngo atuzanir ubu Butumwa? Nta na kimwe… Nshaka kuvuga ko ATA NA KIMWE coshobora kuduhagarika kugenda. Imana Ifitiye umugambi Umugeni waYo iki gihe, kandi NTA NA KIMWE kigiye kuduhagarika.

Ndasengera umwe wese muri mwebwe afise igishika cinshi c’iri yinga ry’igitangaza tuzoba twaronkeye hamwe n’Umwami; tuMushima, tuMutazira kandi tuMusenga kuvyo Yakoze vyose, n’ivyo vyose Agiye gukorera umwe wese muri twebwe, UMUPFASONI WIWE YATORANIJE.

MweneData Joseph Branham.

21-1114 Ubushobozi Bw Imana Bwo Guhindura

Ubutumwa: 65-0911 Ubushobozi Bw Imana Bwo Guhindura

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Nkukuma , reka twese tuze dukoranire hamwe kugira twumvirize ubutumwa Ubushobozi bw’Imana bwo guhindura 65-0911 kuri uwu w’iyinga Isamunani kw’isaha y’i Jeffersonville

MweneData Joseph Branham

Ivyanditswe vyo gusoma:

Itanguriro 4

Yesaya 9:6/ 14:12-14

Matayo 5:6/ 24:24

Yohana 1:1

Abaroma 12:1-12

2 Ab’I Tesalonike 2:3-4

Abaheburayo 10:26-27

Ivyahishuriwe Yohana 3

21-1107 Edeni Ya Satani

Ubutumwa: 65-0829 Edeni Ya Satani

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Wamurikiwe,
Mu gihe umunsi wari ugeze kure, twariko turumviriza maze Yarinjiye mu nzu zacu kandi Yabanye natwe. Mu bihugu vyose, igice c’Umubiri wa Kristo, Uwo muhanuzi waYo Yari Yahaye uburenganzira bwo kubagurira, bicaranye hamwe ahantu ho mw’Ijuru mu gihe Yavugana natwe biciye mu mumarayika waYo w’inkomezi Yarungitse ; kumurikira isi muri Mpwemu Yera waYo biciye muri we, guhamagarira Umugeni waYo gusohoka.

Imana Yarungitse, muri iki gice ca 18, umumarayika w’inkomezi, rirya banga rimaze kumenyekana, umumarayika w’inkomezi cane, intumwa… Imana Yarungitse umumarayika, intumwe ku (iki ?) guhamagarira gusohoka, (“Musohoke! Ubutumwa bw’igihe !… Muve iwe ! Imana Yarungitse benshi… umumayika w’inkomezi, canke, intumumwa. Kandi Umuco waYo ntiwari mu mfuruka. Wakwiragiye kw’isi… Kumurikira isi, no guhamagarira Ihanga ryaYo kuva iwe… Ubu, murazi ko ari Ukuri. Intumwa yararungitswe ivuye mw’Ijuru, guhamagarira ihanga ry’Imana gusohoka i Babuloni. Kandi Umuco waYo wamurikiye isi, Mpwemu Yera Ahambaye.

Mw’iyinga riheze umukozi w’Imana yabwiye ikoraniro ryiwe ko nashaka ko abantu bizera ko MweneData Branham yari wa mumarayika wo mu Vyahishuriwe Yohana 18, ariko yarerekanye ko yari umumarayika avuye mw’Ijuru, kandi ntiyashobora kuba mweneData Branham. Iyo uwo mweneData yoba yarakoze gusa ivyo umuhanuzi YAMUBWIYE gukora, kubisuzuma n’Ijambo, kandi ATARI ugutahura kwiwe, YARI KUBA YUMVISE, KO MU BISANZWE, YARI MWENEDATA BRANHAM YAVUZE KO YARI URYA MUMARAYIKA.

…Murabe, uyu ni umumarayika w’Umuco, mwibuke, umumarayika wa nyuma, ni umumarayika mu gihe c’ishengero kuri Lawodikiya. Ni intumwa ya Lawodikiya, uwo, ni uwanyuma, kuko igice gikurikira nyene ni igice ca 19, ariko kuza kw’Umugeni.

BeneData na Bashiki bacu, NDANKA kuvuga ibi bintu no kuvyerekana. Nk’uko MweneData Branham avuga, « Sintahurwa namba. » Sinshaka kuvuga ko ari abakozi b’Imana bose bavuga ibi bintu, nk’uko nizeyeko atari abakozi b’Imana bose ari ab’ikinyoma, canke batotegerezwa gukora igikorwa c’Imana. OYA, ariko benshi cane bahenda abantu mu guha ikibanza kininiya cane igikorwa cabo mu kwigisha Ijambo, mu gishingo co gufyonda bakavuza bari kumwe n’abantu babo maze bakumviriza NEZA NA NEZA ico umuhanuzi yavuze.

Namba waratoranijwe, uraBibona. Nta buryo bwo kuBikunyegeza. Uraraba maze ukavuga uti, “Biragaragarira imbere y’amaso yanje ! Ndiko ndaBiraba neza. NdaBibona. Ng’Iri, Ijambo, Ijambo Ryose, Ijambo ku Rindi. Vyagaragariye imbere yanje kandi ubugingo bwanje bwose budwibijwe muri Ryo.

Mureke ndabahe iki canditswe beneData bakozi b’Imana, cerekana neza ico jewe, n’ishengero Umwami Yampaye kubera umwungere, ryizeye ku vyerekeye kuvuza amabande mw’ishengero.

Namba ibi biriko birafatwa kw’ibande, ku bakozi b’Imana b’ahantu aho ari ho hose, igihe ico ari co cose, ibi ntibitangwa mu ntumbero yo gusuzugura inyigisho zanyu, ibi nta n’ubwo bihabwa intama zanyu. Ubu Butumwa, n’Ubutumwa bwose bundi mvugako, bwerekeye ikoraniro ryanje. Si ubw’ikoraniro ryanyu kiretse bashaka kuBwakira. Ariko bwerekeye aba bantu ng’aha. Abantu baragura aya mabande. Abantu mw’isi yose barayagura maze bakayavuza. Kenshi baranyandikira. Kandi nama ndababwira, namba ari abanywanyi b’ishengero rinaka, nti, « Murabe umwungere wanyu. »

Bambona nk’umwungere wabo aho baherereye, rero ndababwira nti, « NIZERA KO MWAKIRA AMABANDE MAZE MUGAFYONDA MUKAVUZA. MweneData Branham ni umwungere wacu. Tugize ikoraniro ryiwe. »

Rero, pasitori, ndashaka ko umenya, ivyo, ko, ibi ari ivy’ikoraniro ryanje ryonyene mbwira ibi bintu. Kandi ndafise uburenganzira bwo kubikora, kuko nashizweho na Mpwemu Yera kugira ngo ndagire izi ntama. Kandi noba ngowe ni ntababwira ico niyumvira ko ari Ukuri, kandi n’uburyo niyumvira ko Biza. Ariko Si ivy’isi canke ayandi mashengero. Ukora ico ari co cose Imana Ikubwira gukora. Sinshobora kwisigura mu gishingo cawe, nta n’ubwo ushobora kwisigura mu gishingo canje . Ariko umwe wese dutegerezwa kwisigura imbere y’Imana, kubw’ibango ryacu.

Ntegerezwa kwisigura ku Mana kw’ibango Yampaye. Hamwe n’ibimbamwo vyose nizeye ko mutegerezwa kuvuza Ijwi ry’Imana mw’ishengero mu buryo bw’Ubutumwa bwo ku mabande. Ni Inzira Yatanzwe n’Imana y’iki gihe yo gutungana kw’ Umugeni waYo. Ni bwo buryo BWONYENE bw’Umugeni bwo kuba umwe no gutunganywa.

Ubutumwa tugiye kuzokwumviriza ku w’iyinga Bwavuzwe kandi bwafashwe kw’ibande kubw’IKI GIHE. Ni Ivyokurya vya Mpwemu mu Gihe Gikwiriye. Ni muze twugurure imitima yacu ku buryo Mpwemu Yera Ashobora kudusigurira kwumviriza Ico Atugabisha kumera magabo muri iyi minsi ya nyuma.

Yatubwiye ko izo mpwemu zompi zizogaragara neza mu iri iki gihe ca nyuma. Yatubwiye ko zizoba zegeranye, kuburyo zozimiza n’abatoranijwe iyo biba vyoshoboka. Kirya gihe kiri ng’aha.

Murabe, igihe Yesu Yaza, Satani yari muri urya mugwi w’abigisha b’Abayuda, na ba rabi n’abaherezi, bagerageza kubabwira kugumya ivyagezwe vya Mose, igihe Ijambo nyene Ryavuga ko muri kirya gihe Umwana w’umuntu Yohishurwa, murabona, ko Yokwihishuye We ubwiWe. Rero baragerageza, mu gihe babagumiza ari abanyedini, no ku vyagezwe vya Mose… Murabona ico yakoze ? Yagerageza kubabwira ati, « Kirya gice c’Ijambo ni co neza na neza, ariko uyu Mugabo si urya Muntu. » Murabona ukuntu ari uw’uruhendo ? Ico ni ico gihe c’uruhendo nyaco.

NTIDUSHOBORA guhendwa, turi Umugeni. TURI abana b’Imana. TURI igice c’ibigize Imana vyari muri We, twagizwe umubiri nk’uko Yihaye umubiri, rero dushobora gufatanya umwe wese nk’umuryango w’Imana kw’isi. Ntituvyibuka ubu, ariko twari hariya. Yarabimenye. Kandi Yashaka ko dusubira kuba gutyo ku buryo Yashobora guhura natwe, kuvugana natwe no kudukunda no kudukora mu minwe, IMANA ISHIMWE !!!

Ntibizigera bisubira ngo, « NIBAZA ko ndi Umugeni waYo. NIZIGIYE ko ndi Umugeni waYo. » TURAZI KO TURI UMUGENI WAYO.

Mpwemu Yera Ari ku gikorwa muri twebwe. Ni Ubugingo, si ibishobisho; si ikintu kinaka nk’ikimenyamenya c’umubiri, ariko Ni Umuntu, Yesu Kristo, Ijambo ry’Imana Ryagerereye mu mitima yacu, kugira Rizima Ijambo Ryose ry’iki gihe.

Murahawe ikaze gufatanya natwe kuw’iyinga isamunani ku muhingamo kw’isaha y’i Jeffersonville, mu gihe Mpwemu Yera Azotumurikira n’Ijambo ryiWe Ryavuzwe biciye mu mumarayika wiWe, kandi Atuzanire Ubutumwa : Edeni ya Satani, Bwavuzwe kw’igenekerezo rya 29 myandagaro mu mwaka wa 1965.

MweneData Joseph Branham.

Ivyanditswe vyo gusoma :
2 Timoteyo 3:1-9
Ivyahishuriwe Yohana 3:14
2Ab’i Tesalonike 2:1-4
Yesaya 14:12-14
Matayo 24:24