Nsango: 62-0204 ELAMBO
All posts by admin5
24-0324 Koyeba Mokolo Na Bino Pe Nsango Na Yango
NSANGO: 64-0726M Koyeba Mokolo Na Bino Pe Nsango Na Yango
- 24-0324 Koyeba Mokolo Na Bino Pe Nsango Na Yango
- 22-0904 Koyeba Mokolo Na Bino Pe Nsango Na Yango
- 21-0418 Koyeba Mokolo Na Bino Pe Nsango Na Yango
- 19-1110 Koyeba Mokolo Na Bino Pe Nsango Na Yango
- 17-1015 Koyeba Mokolo Na Bino Pe Nsango Na Yango
- 16-0626M Koyeba Mokolo Na Bino Pe Nsango Na Yango
Balingami ya motuya mpe ya bolingo,
Boni ezali bikamwa koyeba ete tozali Mwasi na Ye ya libala ya motúya mpe ya bolingo. Tosalemi longwá na mokili mobimba, komiyanganisa elongo zingázingá ya Liloba na Ye, koyokaka Mongóngó ya Nzambe koleisa bomoto na biso.
Tondimi Yango na mobimba na yango, mpe na nguya ya kondimisama mpe Emoniseli na Yango. Tokómí eteni na Yango. Ezali eloko oyo ezali kati na biso. Ezali mingi koleka bomoi mpo na biso.
Toyebi: Motindami na Ye Mwanje ya Nsambo.
Toyebi: Etindá ya Pole ya Mpókwa.
Toyebi: Tozali banani.
Nzambe azwi Liloba ya mosakoli na Ye mpe akáti kobimisa biso. Apapí biso na nzela ya Malaki 4, lokola alakaki ete Akosala. Tondimi Liloba moko na moko na mitema na biso nyonso.
Ezali na kolamukisa monene ezali kosalema kati na bato. Bango mpe bazali koyeba litómbá ya koyoka Mongóngó wana. Bazali na mposa ya kozonga mpe koyokisa ba bande na mangomba na bango.
Eyebisamelí bango na nzela ya Molimo Mosanto, ete oyo ezali Nzela Nzambe apesi mpo na lelo. Bayebi oyo ezali Mongóngó basengeli koyoka. Ezali Bilei ya zambe bibómbamáki mpo ya bobongi be ya Mwasi na Ye ya libala.
Liloba lilakáki Yango. Bande isapí Yango. Bazali kondima Yango.
Esalaki nini? Etungisaki banganga-nzambe, komona bato kotika mangomba mpe kokende. Alobaki, “Soko moko kati na bino ekei na likita na Ye, akolongolama na Bondeko. Tokobimisa yo mbala moko na ebongiseli.”
Ekokí kondimama te, kasi ekómi eloko yango moko lelo. Bakobwaka yo libanda na mangomba na bango soko olobi: “Nabondeli yo, tiela biso ba bande.” Tokokaki ndèle kobánza ete yango nde ékabola bato? Koyokisa Mongóngó ya Nzambe kati na mangomba na biso?
Lingomba libosani basakoli na bango. Bazali “lisusu na bosenga na bango te,” elobí bango. Kasi Nzambe ayebi ete Asengeli kozala na bango; Apapaka bato na Ye na nzela ya Liloba na Ye. Kasi Ezali makambo ya kala mingi mpo na bango lelo oyo.
Tokotikala na mosakoli na biso. Tondimi Ezali Mongóngó mozali kobianga Mwasi na Ye ya Libala. Epai na biso, ezali na yango kaka na eloko moko te ya litómbá koleka KOFINA PLAY.
Oo, bampate ya Nzambe, boyoka Mongóngó ya Nzambe! “Bampate na ngai bayokaka Mongóngó na Ngai.”
Boya koyoka mpe koyeba Mongóngó wana elongo na biso, mokolo mwa Lomingo na 12:00 nsima ya nzángá., ntango ya Jeffersonville, lokola tozali koyoka, Koyeba Mokolo na Yo Mpe Etindá Na Yango 64-0726M.
Ndeko. Joseph Branham
24-0317 Kobima Na Moláko
Nsango: 64-0719E Kobima Na Moláko
- 24-0317 Kobima Na Moláko
- 22-0828 Kobima Na Moláko
- 21-0411 Kobima Na Moláko
- 17-1011 Kobima Na Moláko
- 15-1216 Kobima Na Moláko
Balingami Basoda Baklisto,
Bokanisa yango! Ezali nsuka ya ntango, Aleluya! Tozali awa. Mokolo monene ya Boyéi ya Nkolo mpo ya Mwasi na Ye ya libala ebelemi. Tozali komiyanganisa elongo útá na mokili mobimba, na bobongísámáká be na boyóki Mongóngó ya Nzambe. Tozali kotalela mpe kozila ete balingami na biso bámónana…ezali na yango kaka mokolo sé mokolo sikawa.
Eloko bobele moko topesámáki lotómo kosala ezali “kotikala na Liloba”. Nyoso tomónaka ezali Yesu, mpe azali Liloba likómí mosuni. Yango nde Emóniseli mpo na mokolo ya biso. Yango nde Moláko ya Nzambe mpo ya Mwasi na Ye ya libala.
Etindá eye, Mongóngó moye, bande iye, nde nyoso tozali na yango bosenga mpo ya Konetolama. Tosengeli na eloko mosusu te. Tobiangámákí kobima, tokabwaní na nyoso longólá sé Mongóngó wana.
Tondimísamí Mongóngó wana nde nzela epésami na Nzambe mpo ya lelo.
Bókanisa yango, Apesaki biso mosakoli monene koleka ya ntango nyoso. Ye oyo Likonzi ya móto Ye moko azali na elílí na ye elongó mpo Ákoka koyebisa mokili: “oyo nde mwanje na ngai ya nguya. Azali Mongóngó na Ngai epai na bino. Oyo elobí ye na mabelé Nakoyóka yango na Likoló. Moko te azali lokola ye”.
“Natieli ye motema mpe ye kaka, mabombami ma ngai manso Nabombaki longwa na bozalisi ya mokili. Ye nde oyo Nabongísáki kobianga BINO kobima na mokili oyo koya epai na Ngai. Ye nde Naponaki kokamba, kotámbwisa, mpe kotálisa bino nzela. Nalobeli bino, Boyóka ye, mpámba te ezali ye koloba te, EZALI NGAI, NAZALI YA MONENE!”
Nabongísákí mpe Nabiangákí mibali ya ngúya kosangela mpe koyebisa mokili: “Lelo oyo, makomí ya Malaki 4, Emóniseli 10:7, mpe Luka 17:30 makokisámi libosó na míso ma bino. Mwanje na Ye ya nguya akómí, lokola elobaki Makomi. Nzambe Azali awa kati na biso, komimónisa kati na mosuni ya moto lokola Alobáki Akosala.”
Ezali Yesu Klisto lolenge moko lobi, lelo mpe libela. Tobiangamí kotalisa bino epai na ye, mwanje ya Nzambe. Ye nde Molimo Mosanto aponáki kokamba mpe kobianga Mwasi na Ye ya libala kobima. Kobéndana maloba te, koswana te, kobunda to kosilika te soko nani nde akozala nganga monene; nani akozala oyo, oyo kuna, to mosusu. BOTIKALA NA MONGÓNGÓ WANA. Zambi ezali na Mongóngó ya Nzambe sé moko mondimisami mpe nkombo na ye ezali William Marrion Branham.
Tosengeli tózala na bokébi kotikala na Mongóngó yango, lokola ezali na ebelé balingí kotangola bino na nzela. Mimeseno mia bango mizali kobatela Mongóngó wana mosika longwá na kati na bato. Akómí mopaya epai na mingi mpenza na bango. Mongóngó mwa bango mozuí esika ya Mongóngó wana, kino ntango Nzambe, na nzela ya ba bande, atámbolélí bango, Azali mopaya.
Bozali bonéne bozalí elongó na biso. Moto sé moto oyo asimbamaka na Molimo akoki koloba ete Mongóngó wana nde Mongóngó ya Nzambe. Ezali Moláko ya Nzambe mpo ya lelo.
Moto na moto oyo abéti tólo ete azali Mwasi ya libala ya Klisto asengeli ákána soko Azali kati ya Moláko nini. Basengeli bámítúna motuna moye mua petee: Na Mongóngó nini nde Mwasi ya libala nyoso akoki koloba “AMEN” na yango?
Soko ya solo ozali Mwasi ya libala ya Klisto, na Emóniseli ya soló ya Liloba mpo na lelo, eyano ezali bobele moko: Mongóngó ya Nzambe likoló ya ba bande. Ezali solo ete Satana amekaka kosimba-simba yango na nzela mingi mpenza ikeseni, kasi ezali na eyano mosusu te mpo ya Mwasi ya libala. Ezali na yango kaka petee.
Biso banso toyebi ete Satana azali kosalela eyano yango mpo ya kokabola biso. Kasi Liloba liyebisi biso Mwasi ya libala asengeli ÁSANGISAMA…TOZALI, na nzela ya MONGÓNGÓ SÉ MOKO MOZALI KOSANGISA BISO.
Bóya kosangisama na biso, zambi ngonga elekí koleka.
“Nalingí kobima na moláko. Ata ésenga ngai nini, Nakozua ekulúsu ya ngai mpe Nakomema yango mokolo nyoso. Nakobima na moláko. Ézala nini bato bakoloba na ntina na ngai, Nalingi kolanda Ye libándá na moláko. Namilengeli kokende.”
Soko olingi kozala kati ya Moláko ya Nzambe mpo ya lelo, OSENGÉLÍ KONDIMA ete Mongóngó ya Nzambe likoló ya ba bande nde Mongóngó ya litoómbá koleka osengeli koyoka.
Yaka komibakisa na eténi ya Mwasi ya libala Lomingo loye na 12:00 nsima ya nzángá ntango ya Jeffersonville, lokola tozali koyoka Mongóngó Nzambe aponaki kokamba Mwasi na Ye ya libala, lokola azali komemela biso Liteya, Kobima Na Moláko 64-0719E
Ezali te “moláko moko boye”; ezali” MOLÁKO.”
Ndeko Joseph Branham
Makomi ya kotanga liboso ya losambo:
Baebele 13:10-14
Matai 17:4-8
24-0310 LIPATI YA MINDULE
Nsango: 64-0719M LIPATI YA MINDULE
Balingami Bana Ya Pole,
Boniboni tozali na botóndi tozali kotambola kati na Pole na Ye. Kozala eteni ya Pole wana, toyebámi kati na Pole na Ye. Kobiangama mpe koponama na Ye. Tozali Mwasi ya libala ya Klisto, oyo toyebami elongoó na Ye. Bango mibale bazali sikawa Moko.
Nakokaki kokoma yango mingi koleka soko moké te. Tokoki koloba yango mingi koleka soko moké te. Etíndá oyo elingi koloba NYOSO epai na biso. Koyeba ete tozali na Emoniseli ya solo ya Liloba na Ye eleki eloko nyonso tokokaki kotia na maloba.
Kozala kobika na mokolo oyo mpe kozala eteni ya oyo ezali kosalema, ezali lokumu monene koleka Nzambe akokaki kopesa biso. Monene bobele lokola ezalaki na bofándáká na makita na Eyanganelo ya Branham, komona mpe koyoka mwanje ya Nzambe komema Mateya maye, ezali kútu MONENE KOLEKA kozala kobika na mokolo oyo, mpe ntango oyo, mpe kozala bokokisami ya Liloba yango.
Nzambe, kati ya Manáka ma Ye manene, abongisaki Nzela ete tókoka koyanganisama útá na mokili mobimba, koyokaka Mongóngó ya Nzambe banso na ntango moko, kobongisama bé na Liloba na Ye. Kozila koyoka na segɔnde sé segónde motindami na biso mwanje ya nsambo koloba:
“Talá Mwana-Mpate ya Nzambe molongoli ya lisumu ya mokili!”
Eloko ya ndenge wana ezalaki naino te útá ebandeli ya ntango. Bosilisi ya Mwango monene koleka ya Nzambe ezali kosalema, SIKAWA MPENZA, mpe tozali eteni na Yango. Mokolo monene ya Nkolo ekómi pene.
Mabombami manso mamónisami epai ya Mwasi-libala na nzelá ya motindami mwanje ya nsambo ya Nzambe. Bilembo, Bileko, Nkáké, Kondima ya Konetolama, Bobéndami ya Misato…NYOSO elobamaki mpe ezali likolo na ba bande mpo Mwasi ya libala ayoka yango mbala na mbala, mpe EZALI KOBONGISA BISO.
Molimo Mosanto azongi kati na Lingómbá lisusu; Klisto, Ye moko, amonisami kati na mosuni ya moto, na ntango ya mpokwa lokola Alakáki.
Bóyóka na bokéngi sikawa Mwasi ya libala, bósímba Yango.
Tobiangami kobima na nzela ya Liloba; Klisto Ye moko abiangaki biso kobima. Amimonisaki polele epai na biso; Baebele 13:8, Luka 17:30, Malaki 4, Baebele 4:12, Makomi manso maye malakákí Ye.
Ezali Yesu, Mwana ya Nzambe, Oyo amimonisaki epai na biso na nzela ya Makomi mabongísámákí liboso mpo na mokolo oyo, KOBIKA LISUSU.
Mpe kondima Yango, nde elembetele ya Molimo Mosanto.
Nzambe atindaki mosakoli na Ye kobianga Mwasi na Ye ya Libala kobima. Liloba liyebisi biso mosakoli azali Liloba ya Nzambe ya bomoi, limónísámí. Nde elembo ya nsuka mokili mokozua; Yawe koloba na lolenge ya moto.
Moto kati ya mosuni ya moto, lokola mosakoli, nzokande Ezalaki Elohim kososola likanisi lizalákí kati na motema ya Sala, nsima na Ye. Mpe Yesu alobaki, “Lokola ezalaki na mikolo ya Lota, ekozala mpe bongo na koya ya nsuka ya mokili, ntango Mwana ya moto,” Mwana ya Nzambe te, “ntango Mwana ya moto akozala komónisa. ”
Mwasi ya libala ayebi ete longola sé soko ozali ntango nyonso kati na Liloba, okoyeba te Azali nani. Bayebi ntina ya kobatela Mongóngó wana liboso na bango mikolo nyonso na Bofináká Play.
Sikawa Mwasi ya libala asengeli kolongwa na nzela, mpe komata, mpo ete basakoli mibale ya Nzambe na Emoniseli bakoka komónana na mosala koyúla Kelelo ya Nsambo. Koyebisa bango Klisto.
Boya kozala eteni ya lisakoli kokokisama Lomingo loye na 12:00 nsima ya nzángá ntango ya Jeffersonville, lokola mosakoli ya Nzambe azali komema Liteya , Lipati Ya Mindúle 64-0719M, mpe azali koloba na Tata mpe alobi,
Ekoki kozala na basusu libanda kati na bikólo, na mokili mobimba, ete ata bande oyo ekokuta bango kati na bandako na bango to na mangomba na bango. Tolingaki kobondela , Nkolo, ete ntango losambo lozali kokende liboso, na —na…to bande ezali koyókisama, to etemelo ata nini tokoki kozala na yango, to —to lolenge, tika ete Nzambe monene ya Lola ákumisa bosembo oyo ya mitema na biso na ntongo oyo,, mpe ábíkisa bato ya boséngá. Ápesa bango oyo bazali na yango bosengá.
Ndeko. Joseph Branham
Makomi ya kotánga liboso ya koyoka Liteya:
Lewitiko 16
Lewitiko 23:23-27
Yisaya 18:1-3
Yisaya 27:12-13
Emoniseli 10:1-7
Emoniseli 9:13-14
Emoniseli 17:8
24-0303 MOSALA MOBONGI
Nsango: 64-0705 MOSALA MOBONGI
Balingami Libota Mosala mobongí,
Boniboni Mateya maye ma nsúka mazalaki bobongi be epai na Mwasi ya libala ya Klisto. Nzambe, komizipola liboso na biso, komimonisa polele Ye moko. Mokili mokoki komona Yango te, kasi epai na biso, Mwasi na Ye ya libala, Ezali nyoso oyo tokoki komona.
Topasoli na kati ya ezipelo mpe tomoni Ye na miso polele. Nzambe, nsima ya mposo ya bato. Liloba likómi mosuni, mpenza lokola alakaki na Luka 17 mpe Malaki 4. Amibombi na kati ya ezipelo ya moto, kati ya mosakoli na Ye mpe na kati ya Lingomba na Ye.
Tozali bato ya esengo mingi koleka na mokili ntango toyoki Nzambe koloba na nzela ya mwanje na Ye motindami mpe koyebisa biso,
Nazali na botondi mingi mpo na bino. Nazali na nsai mingi kozala elongó na bino. Nazali na nsai mingi kozala moko na bino. Nzambe ázala na bino. Akosala yango. Akotika bino soko moké te. Akosundola bino soko moké te. Akotika bino te. Bosili koleka kati ya ezipelo sikawa.
Tokomi bato ndéngé epai na moto nyonso, ata na kati ya milongó na biso moko, kasi tozali na lipambú mingi, na botondi mingi, mpo na Emoniseli Apésí biso ya Liloba na Ye mpo na lelo. Kozala magbómá mpo na Klisto mpe Liloba na Ye limonisámí.
Totíí kondima na biso na kondima ya mosakoli na Ye, mpe tosangani elongo, kosala LISANGÁ monene ya Nzambe. Akoki kosala eloko te soki na biso te; tokoki kosala eloko te soki na mosakoli wana te; tokoki mpe kosala eloko te soki na Nzambe te. Na boye elongó, TOSALI LISANGÁ, Ekanganeli; Nzambe, mosakoli na Ye, Mwasi na Ye ya libala. Tokómi Mosala na Ye mobongí.
Ezwaki Ye bilanga nkoto minei mpo na kosala Mosala mobongí na Ye ya liboso.
Sikawa, ezwaki Ye bilánga nkoto mibale mpo na kosala Mosala mobongí na Ye mosusu, BISO, Mwasi na Ye ya Libala, libota monene Mosala na Ye mobongí, Adama ya Mibale mpe Ewa ya Mibale. Tomílengéli sikawa mpo na elanga, Bokonzi ya mbula nkóto. Abongisi biso lisusu mpe tomilengeli sikawa.
Tozali Mwasi Liloba na Ye oyo Abongí be, eteni ya Bokeli na Ye ya EBANDELI.
Mobímbí, nkásá, mpe Ezipelo, izali sikawa koyangana kati ya Mombóto, pene mpo na lisekwa, mpe pene mpo na bobúki mbuma. Alifa akómí Oméga. Mombóto moye mokótaki, mosili koleka na matámbé manso mpe mokómi Mombóto lisusu.
Mombóto, oyo ekweaki na elanga ya Edene, mpe ekufaki kuna, ezongi. Longwá na mombóto wana ezangi kobonga be ekufaki kuna, ezongi na Momboto mobongí be, Adama ya Mibale.
Tokomi sikawa Adama ya Mibale, Mwasi ya Libala ya solo, Mombóto, mobongí na Liloba ya ebandeli lisusu. Tosengeli kozala na Liloba nyoso mpo na kozala Mombóto. Tokoki kozala na ndambo ya Mombóto te; tokoki kokóla te, tosengeli kozala Mombóto mobimba.
Etikali kaka eloko moko, ntango ya kobúka yango oyo. Totelí mpenza kotela. Tomilengeli mpo na Boyei. Ezali ntango ya bobúki mbuma. Mombóto mozóngi na lolenge na yango ya ebandeli. Libota Mosala mobongí liyei lisusu, Klisto mpe Mwasi na Ye ya libala.
Koyikisa mosakoli na Ye mpiko mpe Mwasi na Ye ya Libala, Nkolo apesaki mwanje na Ye emononeli monene. Apesaki ye komóna galasísi ya BISO, Mwasi na Ye ya libala. Wana elekákí biso pembeni na ye, alobaki, tozalaki na kotala na miso bilengé basi miké balingami. Alobaki ete biso banso totálákí ye alimá wana elekaki biso.
Na nsuka, basusu babimaki na molongó, mpe bazalaki komeka na makasi na bango nyonso mpo na kozonga na molongó. Na nsima amonaki likambo moko ya litómbá mingi, bazalaki kotala libanda esika mosusu, kotala ye te. Bazalaki kotala lingomba wana libimakí mpe likendeki kokóta kati na libebí.
Boni natondi na lipambú mpe na botondi koloba ete, BISO te, baoyo ya liboso, tobimaki ata moke te na litámbé soko ete tolongolaki miso ma biso na ye.
Bongo, Mosala mobongí mpe Mwana ya Nzambe, Mosala mobongí mpe Mwasi ya Libala, mpe Ezali eteni na Ye, oyo esengeli kozala kokokisama ya Liloba. Liloba lisili kokokisama, mpe tobelemi mpo na Boyei ya Nkolo.
Boni tozali na botondi koyeba, tozali Libota na Ye Mosala mobongí, Mwasi na Ye ya Libala ya solo. Liloba lisili kokokisama, mpe tobelemí mpo na Boyei ya Nkolo.
Nabiangi bino boya komibakisa na biso Lomíngo loye na 12:00 nsima ya nzángá., ntango ya Jeffersonville, koyoka Liloba elongo na biso, mpe kokóma eteni ya Libota Mosala mobongí ya Nzambe, lokola tozali koyoka mosakoli komemela biso Liteya: Mosala mobongí 64-0705.
Ndeko. Joseph Branham
Makomi ma kotánga liboso ya losambo:
Yisaya 53:1-12
Malaki 3:6
St. Matai 24:24
St. Malako 9:7
St. Yoane 12:24 / 14:19
24-0225 Moto Ndenge
Nsango: 64-0614E Moto Ndenge
Baninga balingami,
Ezali 12:00 nsima ya nzángá na Jeffersonville, ngonga ya 7:00 nsima ya nzángá na Afrika, ngonga ya 10:00 ya ntóngó na etúká ya Arizona; Mwasi ya libala ayangani elongó útá na mokili mobimba. Tozilaki mpóso mobimba mpo na ntango oyo. Tozali na nse ya bozili na etíngia monene, kozila Nzambe áloba na biso na nzela ya mbɛbu ya moto na nzela ya mwanje na Ye ya nsambo, motindami na Ye ya nguya. Tozali kobóndela, “Nkolo bongisa ngai, pakola ngai, mpe pesa ngai Emoniseli koleka ya Liloba na Yo.”
Tosepeli, mpo toyebi solo mpenza, ete mosakoli, mpe bobele mosakoli nde, azali na Maloba ya Bomoi mpo na ngonga oyo. Tokoki kozala na makoki ya kolimbola Yango nyonso te, kasi toyebi ete tondimi Liloba nyonso mpe tozali kopema likolo na Yango.
Toyebi, kaka lokola Nkolo asalaki na Mose, Nzambe azali kobelema kokumisa mosakoli na Ye liboso na biso. Na ntango wana, Aningisaki kaka ngómbá. Mbala oyo, Azali koningisa lola mpe mabelé.
Ntango ekómi. Mitema na biso mizali kobéta noki-noki kati na biso. Toyoki Loyembo ya Ekólo na biso kobanda kobeta. Na boyokani, Mwasi ya libala útá na mokili mobimba atelemi na makolo mpe abandi koyemba, NDIMA KAKA, makambo manso makoki, Ndima kaka. Nzambe azali kobelema koloba na biso.
Toyokaka boye: “Mbote baninga.”
Mitema na biso misepelaka kaka koyoka maloba maye 3 ya pete. Mosakoli aúti kaka kobianga ngai moninga na ye. Na nsima, ayebisi biso, .
Nazangi bino nyoso. Na—Etáli ngai te nákende wapi, Na—Na…ezali te, ezali bino te. Nazali na baninga, bisika nyonso na mokili mobimba, kasi ezali —ezali te —ezali bino nyoso te. Ezali na eloko moko na ntina na mwa libóké oyo kaka…nayebi te. Nakanisaka mpo na bango…Nazali na —libóké moko te na mabelé, oyo nayebi, ekangami na ngai lokola libóké oyo. Ézala—ézala ete Nzambe Ásála ete tókabwana te ete, na Bokonzi bokoyá, tózala kuna elongo; libondeli na ngai.
Emoniseli nini monene oyo Nzambe akomónisa biso lelo? Tokoyoka nini? Mbala mosusu toyokaki Yango mbala mingi, mingi liboso, kasi lelo ekokesene, mpe lokola mokolo mosusu liboso te.
Ezali Nini? Bilei ya Mondimi. Lipa litandámi útá na Lola oyo tokosala na yango lipati. Lipa litandámi lizali kaka mpo na biso, Mwasi na Ye ya Libala. Ezali Nkembo ya Shekinah likolo ya Lipa liango litandámi nde ezali kobatela biso tobéba te.
Bato ya libanda batalaka biso mpe batunaka, “Bino bato oyo bozali kosala nini? Bozali kaka koyoka ba bande? Bino bato oyo bozali mpenza Bato ndéngé.”
Nkembo!! Tozali na esengo mingi, mpe tozali na botondi mingi na Nkolo kozala Bato ndéngé; magbómá mpo na Ye mpe Liloba na Ye lindimísámí. Tosepelaka koyebisa mokili, “IYO, NA NDIMI LOTÓMO YA BANDE. NA NDIMAKA KOFINA PLAY. NA NDIMI EZALI MONGÓNGÓ YA LITÓMBÁ KOLEKA BOKOKI KOYOKA.. IYO, NA NDIMAKA KOZONGISA BA BANDE NA ETÉYELO.”
Ntango ezipelo ya mimeseno elongolami, okoki komona ete Nzambe azali naino kaka Nzambe ya Liloba na Ye. Azali naino kaka kobatela Liloba na Ye. Azali—Azali Nzambe, Mokomi ya Liloba na Ye.
Ata moto mosusu nani ásala nini, to áloba nini, tondimaka Yango, mpe na nsima tosalaka likolo na yango. Soko osali Yango te, boye ondimi Yango te. Ozali nsima ya ezipelo te. Ezipelo wana ezali ya moto moko. Etindá yango ezali moko.
Nalikíí mpe natii motema ete—ete bozalaki na bososoli ya molimo ya eloko nini Nzambe wana azalaki komeka kopesa na Lingómba na bozangáka koyebisa yango polélé. Bomóni? Ezali eloko, ntango mosusu, tosengeli koloba makambo na lolenge ete ekoki kokóndisa, ekoki komema basusu kobima, basusu kolongwa, mpe basusu ko—ko —kobánza likolo na yango. Kasi esalemaka na ntina. Esengeli ésalema ndenge wana.
Liloba limónisamelaki mosakoli ya Nzambe. Ezali na libóké ya bato te, Bafalisai te, to Basadukai te, to lingomba moko boye to ekángá moko te. Ezali MOSAKOLI! Nzambe Azali na moto moko. Azwaki te makanisi mibale to misato makeseni. Azwaki moto moko. Azali na Liloba, mpe ye kaka.
Na nsima, ekoki kozala ete bamosusu bakoloba ete, “Olingi koloba ete Nzambe akosala likambo ya ndenge wana na nko?” Asalaki yango mpenza, Azali kosala yango naino.
Lokola balobaki eleki mbula nkámá na nkámá, tozali koyoka likambo yango moko lelo oyo: “Kasi ezali na bato mosusu awa oyo Nzambe abiangi.” Ezali solo. Mpe ntango nyonso balandi mpe bakei libosó, Amen, kasi ntango moko ameki kotelema mpe kozwa esika ya Nzambe oyo Nzambe apesaki mosakoli na biso, oyo Akanaki liboso mpe abongisaki na mosala wana, tosengeli kotikala na Liloba lindimisami , Mongóngó ya Nzambe mpo na mokolo na biso.
Boyeba, kufa, kotikala mosika na Yango sikawa. Esengeli okota na Yango na nzela ya ezipelo oyo, soki te okokóta te. Lolengé nini Nzambe akokaki koyokela bango mawa, kasi bókanisa ezalaki nini, ete Nzambe azali komonisa oyo ezalaki nsima ya ezipelo wana. Botala oyo ezalaki nsima ya ezipelo, Liloba! Ezipaki nini? Liloba! Ezalaki nini? Ezali na kati ya sandúku. Ezalaki Liloba oyo ezipelo yango ebombaki. Bomoni? Mpe Yesu azalaki Liloba yango, mpe Azali Liloba yango, mpe ezipelo ya mosuni na Ye ebombaki Yango.
Epai na biso, ezali bomónisami! Ezali lisusu liloba ya monoko te, ezali likambo mpenza! Amen!
Toyebi epai na basusu tozali Bato ndéngé, mpe tokoki koyokama lokola elémá epai na mokili, kasi ezali kobenda bato banso epai na Ye.
Yaka mpe kótisámá bó nsinga ya botongi kati ya Liloba elongo na biso Lomingo loye na 12:00 nsima ya nzángá ntango ya Jeffersonville, lokola tozali koyoka mosakoli koyebisa mokili lolenge nini tozali Bato Ndéngé 64-0614E. Tozali na lipambú mingi mpe na botondi mingi koloba ete tozali yango.
Ndeko. Joseph Branham
Makomi ya kotánga liboso ya koyoka Liteya:
I Bakolinti 1:18-25
II Bakolinti 12:11
24-0218 Kozipolama Ya Nzambe
NSANGO: 64-0614M Kozipolama Ya Nzambe
- 24-0218 Kozipolama Ya Nzambe
- 22-0731 Kozipolama Ya Nzambe
- 21-0516 Kozipolama Ya Nzambe
- 19-0630 Kozipolama Ya Nzambe
- 19-0623 Kozipolama Ya Nzambe
- 16-1127 Kozipolama Ya Nzambe
Molingami Mwasi Ya Libala Nsima Ya Ezipelo, .
Mpo na nini nakobaka koyebisa bino mbala na mbala, “KOFINA PLAY ezali likambo ya litómbá mingi oyo bokokí kosala”? Mpo na nini nazali kokoba koyebisa babáteli, “Bózongisa Ndeko Branham na bitéyelo na bino”?
Ezali na yango kaka petee. Na boyókáká Mongóngó ya motindami mwanje ya nsambo likoló ya bande, ezali kozala koyoka LILOBA YA BOMOI.
Liboso ya bato, Nzambe azipáki lisusu mpe andimisaki Mose, na ezipelo , na bomizipáká na Móto yango moko, Likonzí ya Móto yango moko likitákí. Longwá —longwá wana…Longwá na bango, boye bakokaki koyoka kaka Liloba ya Nzambe. Bosimbí yango? Kaka Liloba, bayokaki Mongóngó na Ye. Mpo, Mose azalaki, epai na bango, Liloba ya bomoi.
Bosili boyóká Motéi mpenza ya ntango! Mongóngó oyo tozali koyoka likoló ya bande ezali Mongóngó ya Liloba ya Bomoi mpo na mokolo na biso. Ekoki na yango kaka te kozala monene koleka Yango.
Na mikolo ya Mose, kaka bana ya Yisalaele oyo bazalaki kati na moláko nde bakokaki koyoka Mongóngó na Ye. Kasi lelo, Nzambe alingaki MOKILI eyoka Mongóngó na Ye, YANGO WANA ASALAKI ETE ÉTIAMA LIKOLO YA BANDE, ete Mwasi na Ye ya Libala ayoka Mongóngó ya Liloba ya Bomoi.
Nzambe amizipaki kati ya mosakoli na Ye, koloba Maloba na Ye epai na bango. Yango nde Asalaki. Mose azalaki Liloba wana ya bomoi epai ya bato, ezipámáki na Likonzí ya Móto.
Soko ozali na Emoniseli na yango te mpo na mokolo na biso, okoki kozala Mwasi ya libala ya Yesu Klisto te. Soko ozali na yango , boye OZALI Mwasi ya libala ya Yesu Klisto mpe okosengela koloba, “ezali na eloko moko te ya litómbá koleka koyoka ba bande, mpo Ezali Mongóngó ya Nzambe koloba na yo mbɛbu na litoi.”
Mingi balukaka kobangisa bato mpe balobaka ete tozali kotia lokúmu mingi likolo ya mosakoli; tozali kosambela ye. Baninga na ngai, Ye nde alobaki makambo maye, ngai te. Nazali kaka kozongela Liloba.
Lokola esalemáki na eleko moko na moko, Bonzambe ezipamaki kati na mosuni ya moto. Botala, Asalaki. Basakoli bazalaki Bonzambe, ezipámí. Bazalaki Liloba ya Nzambe (ezali bongo?) ezipami kati na mosuni ya moto. Na bongo , bayebaki kútu ata Mose na biso te, bomoni, Yesu.
Tozali kosambela moto te, kasi Nzambe, Oyo azipami mpe azali komimonisa na nzela ya mosakoli. Mpo na kososola mpe kondima yango, osengeli kosala oyo.
Bozali lisusu nsima ya ezipelo wana te, Bana miké, Nzambe ayei na miso na bino polele.
Tozali lisusu nsima ya ezipelo wana te, tokoki komona Ezali Nzambe komimonisa polele. Emónisámí ete koyoka Mongóngó wana likolo ya ba bande ezali Nzambe koloba na Mwasi na Ye ya libala. Tondimi Ezali Nzela na Ye epesami mpo na lelo.
Tokoki koloba kaka AMEN na Mongóngó wana, mosusu te. Mongóngó wana, ekoteya, kolakisa mpe ekomónisa biso nyoso esengeli na biso koyeba. Mongóngó wana ekotálisa biso Nkolo na biso Yesu Klisto. Mongóngó wana ezali nyoso tolingi mpe nyoso tosengeli na yango.
Tozali na botondi mpo na bótano ya lotómo Nzambe azali kosalela kotálisa bato na Mongóngó wana; epai na babáteli baoyo basímbí emónoneli mpe bazali na emóniseli ete koyoka ba bande kati na mangómbá na bango ezali likambo monéne koleka bakoki kosala mpo ya bato na bango.
Tobiangi bino boya koyoka elongo na biso Mongóngó wana ya nguya Liloba ya Bomoi Lomingo loye na 12:00 nsima ya nzángá, ntango ya Jeffersonville, lokola tozali koyoka yango komonisa: Kozipolama Ya Nzambe 64-0614M.
Ndeko. Joseph Branham,
24-0211 Bobongola Miso Epai Na Yesu
Nsango: 63-1229E Bobongola Miso Epai Na Yesu
- 24-0211 Bobongola Miso Epai Na Yesu
- 22-0724 Bobongola Miso Epai Na Yesu
- 20-0531 Bobongola Miso Epai Na Yesu
- 18-0325 Bobongola Miso Epai Na Yesu
Molingami Mombóto Motówisámí,
Okoki bobele nde kokanisa boniboni ekokaki kozala bikamwa kofanda na nsé mpe koyoka mwanje ya nsambo motindami ya Nzambe koyebisa yo boniboni azangaki te koyebisa yo toli nyoso ya Nzambe? Kokende na bolaí bonene ya likambo na ntina ya Bobéndami ya Misato, mpe kotalisa yo lolenge nini endimisami sikawa?
Boniboni Nzambe Alobaki bisendé bíkelama; bobele lokola elobaki Ye ete mpate ékelama mpo na Abalayama. Boniboni Mongóngó yango moko moyebisaki ye áloba na ndeko mwasi moké ya komisókisa abiangamaki Hattie, oyo aútaki kaka koloba eloko esengelaki, mpe koyebisa ye ete Mongóngó yango moko mokelaki biséndé molobaki kopesa ye ézala eloko nini elingaki ye mpe komona soko ekómaki bobele na ntango wana te.
Boniboni mokolo moko ezalaki ye na bokila na zamba elongo na baninga na ye, ekumbaki ekasi eyaki oyo ekokaki kopusa ye kolongwa.
Kasi Boniboni Nzambe Alobaki na ye, mbebu na litói, mpe alobaki: “Nakelaki likoló mpe mabelé. Natilimisaki mipepe mikasi likolo ya Mbú.”
Boniboni apumbwaki mpe alongolaki ekoti na ye wana Mongóngó yango molobaki na ye: “ Loba kaka na ekúmbákí, mpe ekosila. Nyoso ekoloba yo nde ekokóma.”
Atíkálá kobete Mongóngó wana ntembe te, kasi alobaki mpe asolóláki boye: “Ekúmbaki, tiká. Mpe, yo mói, bimá bó esengeli mpo na mikolo minei, kino ekosila biso kobima awa.”
Koloba kaka bongo, mbula ya mabángá, mbula mpembé mpe nyoso etélemaki. Boni bobele na mwa ntango mói ya molungé mongengaki na mokongo na ye. Mipepe mibongwanaki mpe mapata, lokola eloko moko ya libombami, komata na mipepe, mpe mói mongengaki nsima ya mwa minúti.
Nambisa akoyebisa yo boni kútu mbula 16 liboso emonisama, Nzambe Amonisaki ye ete ezalaki na ebímbá na ebombelo ya mwasi epai ya loboko ya mwasi ya Ndeko Mwasi Branham, mpe mpo ya nini etiámaki wana. Boniboni babondelaki mpe babondelaki ete Nzambe álongola yango.
Bongo, basosolaki ete ezalaki kaka Nzambe kotia kondima na bango na emekeli.
Na nsima liboso kaka élongolama na lipasó, azalaki koloba na Nzambe mpe koyebisa Ye boni azalaki mwasi malamu mingi epai na ye.
Boni atikálá Soki moké te kolelalela na ntina na ye kozanga kozala na ndako. Boni azalaki ntango nyoso na makambo manso mabelemi mpo na ye wana elingaki ye kokende bokila, komipemisa mpe koloba na Nkolo.
Na bongo ayokáki eloko moko kati na eteni ya ndako. Lokola atómbolaki miso, Mongóngó yango molobaki: “Telema,” mpe moyebisaki ye: “Eloko ata nini ekoloba yo, ekozala sé bongo.”
Azilaki bobele monúti moko, nsima alobaki: “Libosó ete loboko ya mónganga lómama ye, Lobóko ya Nzambe lokosila kolongola ebímbá, mpe ekozuama kútu te.”
Ndambo ya ntáká moko ya sekónde libosó loboko ya mónganga lómama ye, abikisamaki. Boni mónganga ayebisaki ye: “Nalingi koyebisa yo solo, Mama Branham, ete ebímbá yango ezali wana te. Ozali na ebímbá moko te.”
Boni Liloba ya Nkolo libongí be!
Koyoka ye koyebisa yo ete ntembe ezali lisusu te na makanisi na ye, ayebi oyo Bobendami ya Misato ezali, mpe ayebi oyo esálaka. Mpo na komona na ye, ekozala eloko oyo ekobanda Kondima ya Konetolama, mpo ya bolongwi.
Mpo na biso kaka kozala na bokóndé mpe kimia, lokola ngonga ekokóma noki epai wapi Nzambe akosala makambo manéne mpo na biso.
Wana ntango yango ekómi, wana kokámolama ekokita na nsé, na bongo tokomóna oyo emónaki biso mpo na ntango moké, komonisama na litóndi na nguya na yango.
Tokozala na lipamboli yango monene Lomíngo loye na 12:00 nsima ya nzángá, ntango ya Jeffersonville. Nalingi kobianga yo kozala eteni elongo na biso lokola tozali koyoka: Bóbóngola Miso Epai Na Yesu 63-1229E.
Tokozala te koyangana elongó koyoka moto; bato batóndi ebelé na balabála, mpe nyoso bazali na lolaká lolengé sé moko. Tokozala te kotalela mpe koyoka kaka motéi moko boye, to mobateli, tokozala kotálela mpe koyoka Yesu.
Tokosangisama elongo zingázingá ya mokili mobimba koyoka Moto Yango, Moto na Nzambe yango, Yesu wana ya Nasalète ya mosuni, Ye Nzambe, koloba na Mwasi na Ye ya libala.
Osengeli komituna, ozali kotala nini lelo? Omónaka nini ntango otálaka? Okoki bobele komona Ye lokola ozali kotala Ye na nzela ya Liloba.
Oyo ezalaki Ye ntango atambolaki kati na Galilai, nde eloko yango moko ezali Ye na Jeffersonville na mpokwa oyo, eloko yango moko ezali Ye na Eyanganelo ya Branham. Olukaka komona nini, mobandisi moko, moto moko ya ebongiseli? Okomona yango kati na Yesu soki moké te. Olukaka nde komóna bonganga moko monéne? Okomona yango kati na Yesu soki moké te. Te. Okomona Yesu ko boni?
Na nzela ya Liloba ya Nzambe limonisami, mpo ete Azalaki Liloba limónisámi ya Nzambe. Oyo ezalaki Ye ndèle, Azali yango na mpokwa oyo, mpe Akozala libela.
Tala epai na Yesu sikawa mpe biká;
Etiami kati na Liloba na Ye, Aleluya!
Ezali kaka ete to “táli mpe tobiki.”
Ndeko Joseph Branham
Makomi ya kotanga kati ya bomíléngeli koyoka liteya:
Mituya 21:5-19
Yisaya 45:22
Jekalia 12:10
St. Yoane 14: 12
24-0204 EZALI NA MOTO MOKO AWA OYO AKOKI KOPELISA POLE
Nsango: 63-1229M EZALI NA MOTO MOKO AWA OYO AKOKI KOPELISA POLE
- 24-0204 EZALI NA MOTO MOKO AWA OYO AKOKI KOPELISA POLE
- 22-0717 EZALI NA MOTO MOKO AWA OYO AKOKI KOPELISA POLE
- 20-0524 EZALI NA MOTO MOKO AWA OYO AKOKI KOPELISA POLE
- 18-0318 EZALI NA MOTO MOKO AWA OYO AKOKI KOPELISA POLE
Molingami Elembetele Ya Yesu Klisto,
Bato bakanisi ete tozali ligbómá, kofanda kati na ba ndako na biso mpe na masámbo na biso, koyoka ba bande. Bakanisi ete tozali kokufa na nzala. Bazali nde na boyebi moké koyeba ete tozali kofanda kati na bozali ya Pole ya Mwana ya Sánzá ya Mwambe, kotela, mpe koleisama na Bilei Bibombamaki lokola bana na ngombe kati na lopango.
Tozali lisángó likembi koleka, pene ya kozwama. Soko balingi kobika kati na mimesano ya bango, bokende liboso. Biso Te, tozali kobika kati na Pole mpo na mokolo na biso.
Pole mpo na mokolo na biso nde nini? Nzambe Atindi na mokili mwanje na Ye ya nsambo ya nguya kokamba Mwasi na Ye ya libala. Azalaki nani? Azalaki mosakoli. Oyo elobaki ye ekokisami. Azalaki Liloba ya Nzambe limonisami. Azalaki komonisama ya Pole ya Liloba ya Nzambe. Azalaki Pole ya Nzambe mpo na lelo.
Mose akendeki na ye kaka liboso, ata bongo, mpo ete azalaki Bomoi, azalaki Pole ya ngonga. Oyo azalaki na yango, ezalaki nini? Nzambe komonisa Liloba na Ye lilakamaki na nzela ya Mose, mpe Mose azalaki Pole.
Eliya azalaki Pole… Pole! Aleluya! Azalaki Pole. Pole! Azalaki Liloba ya Nzambe limonisami.
Yoane, ntango ayaki na mabelé… Yesu alobaki: “Azalaki Pole makasi mpe ya kongenga.” Aleluya! Mpo na nini? Azalaki Liloba limonisami.
Na bongo kokokana na Liloba, Pole mpo na mokolo ya biso nde mosakoli ya Nzambe, William Marrion Branham. Ye oyo azali kogánga kati na lisobé ya Babele: “Bobima kati na ye, bato na Ngai, ete bosangana te na masumu na ye.”
Azalaki bokokisami ya Malaki 4:5, mpe Emoniseli 10:7. Alobaki kaka mpe asololaki: “Ekozala wana,” mpe ezalaki wana, na eloko moko te kati na yango. Azalaki na esénde soki moke te; ata moko ezalaki wana te. Asololaki kaka: “Tika ete ezala,” mpe ezalaki.
Liloba ya Nzambe liyebi kokweya te, mpe esengeli likokisama. Tomoni Pole; Liloba na Ye lilakaki Ye mpo na lelo oyo. Litalisami mpe lindimisami ete ezali Solo. Ezali Pole ya ngonga.
Ezali na eloko ya kokitana te kati na koyeba ete oyo ezali biso koyoka ezali Liloba limonisami mpo na lelo.
Ezali na NYAMA MIKÉ YA MIKONDÓ KATI NA YANGO TE… ELOKO TE. Soko basusu basepeli na eloko mosusu, bokende liboso, kasi biso te.
Elingi te koloba ete okoki koyoka mobateli na yo te, to moteyi akoki koteya te; soko moke te, kasi OSENGELI kokongola liloba nyoso ozali koyoka na nzela ya ekongoleli monene ya Nzambe, ETINDA OYO LIKOLO YA BANDE.
Ntango balobaka ete mikolo ya Etindá ya moto moko mileki, yango nde NYAMA MIKÉ YA MIKONDÓ.
Ntango balobaka ete Etindá oyo ezali Etemelo ya bango te, yango nde NYAMA MIKÉ YA MIKONDÓ. Ntango balobaka ete koyoka ba bande ekoki te, yango nde NYAMA MIKÉ YA MIKONDÓ
Eloko monene oyo eleki kaka Kofina Play ezali te, na boyebáká ete okoki koloba AMEN na Liloba moko na moko.
Ezali na esika mosusu te okoki kosala yango longolá sé boyoki Etindá ya ngonga.
Sikawa tozali Elembetele ya Yesu Klisto mpo na lelo. Tozali Liloba na Ye limonisami. Tozali baoyo Aponaki koyamba Emoniseli na Ye monene koleka na ntango ya nsuka.
TOZALI MWASI NA YE YA LIBALA.
Bobele Mwasi na Ye ya libala nde akozala na Emoniseli ya Pole mpo na lelo. Bakoyeba, ete Pole oyo ekobongisa bango be.
Pole oyo ezali Molimo Monsanto koloba na nzela ya mwanje na Ye motindami.
Okolinga kofanda kati na bozali ya Pole ya Nzambe mpo na ngonga? Boye nabiangi yo oyo komibakisa na biso mokolo mwa Lomingo na 12:00 nsima ya nzángá, ntango ya Jeffersonville, lokola tozali koyoka Ezali Na Moto Moko Awa Oyo Akoki Kopelisa Pole 63-1229M.
Ndeko Joseph Branham
Makomi ya kotanga liboso ya losámbo:
Genese 1:3, Mokapo ya 2
Njembo 22
Yoele 2:28
Yisaya 7:14, 9:6, 28:10, 42:1-7
St. Matai 4:12-17, Mikapo 24 mpe 28
St. Malako Mokapo 16
Emoniseli Mokapo 3
24-0128 NDENGE MISATO YA BANDIMI
Nsango: 63-1124E NDENGE MISATO YA BANDIMI
Molingami Mondimi, .
Ezali kitoko boni koloba, NAZALI MODIMI. Na kati ya endimeli moko te; Liloba! Na ebongiseli moko te; Liloba! Oyo moto mosusu alobi te; kasi oyo Liloba elobi!
Tobeteke ntembe na eloko moko te, tondimaka Yango bobele kondima. Ata Éyókana lolenge nini to nini moto ata nani mosusu ásengela koloba na ntina na Yango, tozali mondimi ya solo. Tozali na emoniseli ya molimo ya Liloba.
Tomoni ngonga tozali kobika kati na yango. Tomoni Etindá ya ngonga. Tomoni motindami ya ngonga. Tomoni Nzambe komimonisa kati na Liloba na Ye. Tomoni eloko mosusu ezali te kasi bobele Etindá Oyo, motindami Oyo, Liloba Oyo.
Mondimi ya solo ayokaka eloko mosusu te kaka Liloba. Nsuka wana. Atálaka Liloba. Alukaka bikweli te. Alukaka mindondó te. Andimi Nzambe, mpe ekáti likambo, mpe akóbaka na ye kaka libosó. Bomoni? Wana nde mondimi.
Tokoki koyoka eloko mosusu te kaka Liloba; Liloba oyo eyaka kaka epai ya mosakoli. Bikweli te, ndimbola ya moto moko te, Liloba Peto lilobámáki mpe litiamáki na ba bande mpo na Mwasi ya Libala.
Molimo ayeisi Liloba yango na bomoi na kati na biso mpe akómi na bomoi. Na nzela ya kondima tomoni Yango mpe tondimi Yango. Ekoya makelele moko útá na Lola oyo ekomema libatisi ya Molimo Mosanto ya lolenge wana kati ya Mwasi ya libala, ete ekolongola biso na mabelé, kati na Ngolu ya Konétolama. Nzambe alakaki yango.
Tozali kotiama na emekeli ntango nyonso, mikolo nyonso. Satana amekaka koyebisa biso ete bomekami mpe bitumba na biso ezali nde Nzambe kotúmbola biso. Kasi LOKUMU EZALA EPAI NA NZAMBE, ezali bongo te, ezali nde Satana kosala yango mpe Nzambe kolingisa yango.
Nzambe azali kopesa biso komipekisa, mpe koyema biso ámóna tokosala nini. Momekano eyáka koningisa biso, kotia biso na nsé mpenza, komona soko tokotelema wapi. Kasi tolongaka etumba moko na moko, mpo tozali ndakisa ya bomoi; Liloba ya Nzambe ezali kobika kati na biso mpe na nzela na biso.
Boni tozali na litombá na miso na Ye?
Moto moko te akoki kozwa esika na yo, ézala moke lolenge nini. Olobi, “Nazali kaka mama ya ndako.” Moto moko te akoki kozwa esika na yo. Nzambe, kati na nkita na Ye monene, atandaki ézala bongo, Nzoto ya Klisto, na molongó, kino moto moko te akoki kozwa esika na yo.
Yango ezali bikamwa boni? Moko na moko na biso azali na esika. Moko na moko na biso azalaki awa ntango Nzambe alobaki ete mokili mózala. Atiaki nzoto na biso awa kaka na ntango wana. Nzambe atii biso awa na mabelé na ntango oyo kokokisa Liloba na Ye mpe kopesa biso Bomoi ya Seko.
Moto nyonso asengeli kozua mokáno. Otelemi wapi likolo ya Liloba oyo, Etindá oyo, motindami oyo? Boni ezali na litómbá koyoka Liloba lilobami likoló ya ba bande?
Na bisika nyoso bekeseni ya mokili, bande izali kozunguluka, na nzela ya ntómo ya ba bande.
Ezali lotómo ya bande lotindámi utá na Nzambe epai ya Mwasi na Ye ya libala na mokili mobimba. Ezali koyebisa yo mpenza esika ozali, nani ozali, mpe soko ozali mondimi kati ya Liloba.
Ozali kati na moko ya mabóké másato. Na motindo na yo ya eleko beébeé sikawa mpenza, motindo beébeé ya likanisi, ete, yo awa kati na litongi oyo ya bayóki awa bazali komonana, mpe yo oyo okozala na litongi ya bayóki bakoki komónana te ya bande oyo, motindo ya makanisi na yo sikawa nsima ya boyóki bande oyo, eyebisi yo ozali na libóké nini.
Nsima ya koyoka bande oyo, etálisi soko ozali kati ya libóké nini ya bato. Boko bandimi ete ozali na bosenga kaka te ya Liloba Péto lilobamáki likolo ya ba bande. Boko bandimi ete mikolo ya Etindá ya moto moko misilá koleka, osengeli koyoka mobateli na yo soko boye te obúngí.
Bokabwani monene koleka kati na Etindá lelo ezali litómbá litiami likoló na boyóki ba bande. Basusu bateyaka ete ezali mabe koyokisa ba bande na kati ya losambo; kaka mobateli nde asengeli koteya. Basusu balobaka ete kati-káti ezali, kasi koyokisa ba bande kati ya losambo ata moké te, to soko basali yango ezali mpenza kaka mbala moko- moko.
Na mabanza ebele boye, makanisi ebele, ndimbola ebele boye ya Liloba, nani azali na solo? Osengeli kondima nani? Nde motuna moko moko na biso asengeli komituna.
Mosakoli ayebisaki biso totála-tala yango na LILOBA, kasi te oyo moto ata nani alobi. Okosala yango boni? Ezali kaka na NZELA MOKO ya kosala yango, KOFINA PLAY.
Esengeli kozala na eyano malamu moko, nzela malamu moko. Moto na moto asengeli kozwa mokano mpo na ye moko. Lomingo loye lokokata likambo na ntango ekoya mpo na nyoso baoyo bakoyoka Liteya oyo.
Eloko moko osengelaki komituna: Nani nde moto sé moko oyo azali na yango Elobi Nkolo? Likonzí ya Móto lindimisáki nani? Nani akotalisa biso epai na Yesu? Nani alobaki Liloba lizangi kokwea? Maloba ya nani malobamáki na mabelé mazalaki mpenza na litómbá, kino mayókamáki kati na likoló?
Soko olingi kozala na biyano bilámu, nalingi kobianga yo oya koyoka Lomingo loye na 12:00 nsima ya nzángá, ntango ya Jeffersonville, Liteya: 63-1124E- Ndenge Misato Ya Bandimi.
Ndeko. Joseph Branham
St. Yoane 6:60-71