Nneeyanzeege nnyo nti Mukama Atuteereddewo ekkubo okuyita Kabaka wa bakabaka mu buli maka gaffe ku lunaku olw’enjawulo ennyo naye. Mazima ddala nneesunga okubasisinkana mwenna ku Meeza Ye.
Watugamba nti, nga Tonnazza Kkanisa Yo mu ntegeka ennuŋŋamu, Ojja kwetaaga okusooka okutukuŋŋaanya, mu kifo kimu, era mu mwoyo gumu. Olwo n’osindika Omwoyo wo Omutukuvu gye tuli okukulembera; si olukiiko olumu olugatta amasinizizo ag’ensi yonna, si ekibinja ky’abantu ekimu, wabula Omwoyo Wo Omutukuvu okwogera naffe kamwa ku kutu.
Wayogera ng’oyita mu malayika Wo n’otugamba nti:
“Njagala musigale n’omusumba wammwe era musigale n’Enjigiriza eyigiriziddwa wano. Musigale n’Ekigambo kino, temuKivaako! Musigale butuukirivu n’Ekigambo ne bwe kiba ki ekijja oba ekigenda, musigale n’Ekigambo ekyo!”
Kitaffe tuli mu kugondera Ekigambo Kyo era tuli mu kusigala n’omusumba waffe. Lye Ddoboozi lya Katonda ery’olwaleero eryogera Ekigambo Kyo ekirongoofu kyokka, ekyo ekikakasiddwa era ekyoleseddwa olw’olunaku lwaffe.
Watugamba nga bwe kyali mu nnaku za Sodomu, bwe kityo bwe kiriba ku kujja kw’Omwana w’omuntu; nti tuliba n’ebintu bibiri ebitukulembera, n’ekitundu ky’ensi ekisigalidde kijja kuba n’ebintu bibiri. Ebintu byabwe ebibiri baali babuulizi babiri.
Naye ku lw’Ekkanisa Yo ey’omwoyo, Omukyala ddala Omugole wo eyategekebwa, eyalondebwa, ebintu byaffe ebibiri byali bya kuba Ggwe, nga Oyoleseddwa mu mubiri ogw’omuntu ow’oku nsi, ng’Otukulembera nga okozesa Empagi y’Omuliro.
Leka kikuŋŋunta akuŋŋunte. Embuyaga zikankane. Tutebenkedde, luberera. Tuwummulidde awo wennyini ku Kigambo Kyo. Ekiseera kituuse. Okuva okw’omwoyo kutuuse. Tutambula era nga twogera naaWe buli lunaku, nga tuwulira Eddoboozi Lyo. Tuli mu kussa ekimu naawe buli kiseera.
Weerage kyo’li ng’oyita mu ffe, Kitaffe, okutwala mu maaso omulimu Gwo n’okutuukiriza Ekigambo kyo ekyasuubizibwa. Ekiruubirirwa kyaffe kwe kubeera ababaka bo ab’olwaleero, okutuukiriza obutuukirivu bwonna.
Twagala okuKuwulira ng’otugamba nti:
Essaala yange eri, eri abo abali ku leediyo oba mu…mu nsi y’Olutambi, n’abo abaliwo mu buliwo. Leka Katonda ow’ekisa kyonna, ow’omu Ggulu, ayase Omwoyo we Omutukuvu ow’omukisa ku ffe ffenna, ffe, okuva ekiro kino, okutuuka mu maaso yonna, tusobole okutambulira mu bulamu Katonda bw’Asobola okugamba nti, “Mbusanyukidde nnyo. Yingira mu masanyu agataggwawo agaakutegekebwa okuva ku kutondebwa kw’ensi.” Leka Katonda ow’eggulu asindike emikisa gye ku bantu mmwe mwenna.
EKITIIBWA…abo ye ffe Kitaffe, Omugole wo ali mu nsi y’Olutambi. Mazima, Oli mu kutusindikira emikisa gyo era Otubikkulira Ekigambo kyo, ng’Otugamba buli Bubaka bwe tuwulira nti, Otusanyukira nnyo, FFE MUGOLE WO.
Bw’oba nga wandyagadde okuwulira omusumba waffe, omusumba wa Katonda eri ensi gwe Yatuma okuyitayo n’okukulembera Omugole we, jangu otwegatteko Ssande ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), okumuwulira ng’ayogera Ebigambo by’Obulamu obutaggwaawo, nga bw’atuleetera Obubaka okuva eri Katonda: Obulamu Bwo Busaanidde Enjiri? 63-0630E.
Yatwala nnabbi waffe, n’Amutendeka, oluvannyuma n’Amututumira nate nga alina Empagi y’Omuliro, Ye asobole okwekakasa gye tuli, era Atuwe Okubikkulirwa okujjuvu okw’Ekigambo kye kyonna.
Bwe tuba twagala okugenda mu Nsi eyo ensuubize, tetulina kwerabira, Katonda tayinza, era tajja kukyusa nteekateeka ye. Ye Katonda, era tasobola kukikola.
Yatugamba nti Talikolaganako na kibinja. Takikolangako. Akolagana naffe nga ba ssekinnoomu. Yatusuubiza mu kigambo kye nti ajja kutusindika Malaki 4 atukulembere okuyingira Nsi eno, era Akikoze.
Naye, olaba, Akabu yalina enkola gye yalowooza nti ya Mukama. Yagamba nti, “Nninawo ebikumi bina eby’abo, abaasomesebwa era abaatendekebwa.” Era beeyita bannabbi Abebbulaniya, ng’ebibinja by’abaweereza bwe bikola leero.
Bangi tebaagala kukikkiriza, naye nga Eriya ow’edda, omubaka malayika wa Katonda ow’omusanvu, omusumba waffe, ye musumba w’ensi yonna okukulembera Omugole we.
Ye Malaki 4:5, ne Okubikkulirwa 10:7. Ye kutuukirizibwa kw’Ebyawandiikibwa byonna Baibuli bye yamulagulako. Buno bwe Bubaka, Eddoboozi lino, lye ddoboozi lya Katonda eriyita Omugole we. Y’endagiriro ya Katonda ey’olwaleero.
By’Atukolera mu kiseera kino; nga Akutuwa Okubikkulirwa n’Okubikkulirwa, ng’Atubuulira kye tuli.
Era byonna by’agenda okutukolera… Okujja okutwetwalira nga Omugole we era Atutwale mu maka gaffe ag’omu maaso ge Yatukolera, okubeera naYe emirembe gyonna.
Kyonna kye twetaaga, mukaabirire. Ekyo ky’Ayagala abaana be bakole. Mukaabire okutuusa lwe tunaamatira ne tufuna bye twetaaga.
Jjangu mwegatte n’ekitundu ku Mugole We ku Ssande ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), owulire omusumba wa Katonda eri ensi, William Marrion Branham, ng’atubuulira byonna ebikwata ku: Okuva Okw’Okusatu 63-0630M.
OKULABULA!! OKULABULA!! Ekimyanso ekimyufu eky’ekitaala kiri mu kumyansa. Okujjawo kwa kateni ebisse omuzannyo ogugenda okuba ku siteegi kutuuse. Tulina okuteeka buli kimu ku bbali, BULI KIMU, era tubeere beetegefu. Tuli ku nkomerero. Ekiseera kye tubadde tulindiridde okuva ku lubereberye kituuse. Obunnabbi kati butuukirira.
Katonda yatwala omubaka-mpungu we ow’amaanyi waggulu mu ggulu okutunula emyaka nkaaga mu maaso ga 1963 okutuuka leero, September 2023, okulaba byonna ebiriba bigenda mu maaso mu kiseera kyaffe… Embeera ensi gy’eribeeramu, obugwenyufu bw’omukazi, ekkanisa mu embeera yaayo, obugu bw’eddalu mu bantu; babi, bazibe b’amaaso, abali obwereere, omwenzi omukulu mu matabi gonna aga gavumenti, obuli bw’enguzi mu by’obufuzi, era atulabudde ku byali bigenda okubaawo.
Kati tukiraba nga kyeyolekera mu maaso gaffe ddala nga bwe yatugamba nti bwe kinaaba. Ffe abaalabye ebintu bino byonna nga bituukirira. Buli kimu weekiri mu kifo kyakyo. Efuuse ntamu ennene ejjudde kazambi.
Ensi yonna eri mu mbeera ya katengo. Bakimanyi nti tewakyali ssuubi. Buli lunaku byeyongera kusajjuka. Okutya kumaamidde ku bwenyi bw’Ensi. Ebyenfuna biweddewo, ettemu awatali nsonga, abakazi baagala kubeera basajja, abasajja baagala kubeera mukazi. Ekintu kyonna na buli kimu kikkirizibwa. Kiki ekiyinza okubaawo mu kiseera kyonna? Bakimanyi nti kiringa olusozi oluvulula; lugenda kuwnadula omuliro akatikitiki konna. Okiraba ku maaso gaabwe, mu bikolwa byabwe, TEWALI SUUBI, KUTYA.
N’ageeyita amakanisa g’Abakristaayo gaanirizza abantu abasala eddiiro ne besssaako ebitundu by’ekyama ebitali bya butonde bwabwe ne babawa obusumba, n’obukulembeze bw’abantu obw’omwoyo. Kifuuse kibi nnyo okusukka ku Sodomu ne Ggomola. Sitaani n’obwakabaka bwe bali mu kwegatta era bafuuse bumu. Atuukirizza ekiruubirirwa kye.
NAYE EKITIIBWA ERI KATONDA, wakati mu kavuyo kano konna n’okutya, Kitaffe Atukuumye FFE, ekibinja ky’abantu kye yalonda, Omugole we swiitimutima, butebenkevu mu mikono gye era tulina okwegatta okw’Omwoyo naye nga bwe kitabangawo. Kino kye kiseera ekisinga obukulu mu bulamu bwaffe. Kya kitalo nnyo. Kya kitiibwa. Tekinnyonnyoleka maanyi ga butonde. Kisukka ebigambo bye tusobola okulaga.
Omubiri gwaffe guli mu kufuuka Kigambo, n’Ekigambo kiri mu kufuuka omubiri; nga kyoleseddwa, nga kikakasiddwa. Ekyo kyennyini Baibuli kye yagamba nti kiribeerawo mu lunaku luno, kigenda mu maaso, buli lunaku.
Ebintu bigenda mu maaso era bigenda mu maaso mangu nnyo okutuusa nga tetusobola na kwekuumira ku bwangu bwebituukirirako. Tusemberedde nnyo okujja kwa Mukama waffe Yesu; okwegatta naye, Ekigambo gye kifuukira Ekigambo.
Nga ebintu bino byonna bigenda mu maaso okutwetooloola wonna, TETUBEERANGAKO BASANYUFU, abamativu ekisingako oba abafunye ekibamala obulungi ekisingako. Emitima gyaffe n’emyoyo gyaffe gibugaana essanyu eritoogerekeka era gijjudde ekitiibwa. Kintu ekirimu ebintu eby’emirundi ebiri ebitakkirizikika nti bisobola okutuukawo mu kaseera keekamu (paradox).
Tuddako awo netuba mu mirembe gyaffe nga bwe kitabangawo, nga tumanyi nti okuviira ddala ku lubereberye, twategekebwa okuba mutabani ne muwala wa Katonda.
FFE Mugole wa Kristo omwegendereza, eyanaazibwa mu Musaayi gwa Kristo. Omwana wa Katonda ow’omuwendo, omwegendereza, atalina kibi ng’ayimiridde n’Omugole-Kigambo atatabikiddwamu birala omulongoofu gwe Yanaaza n’Amazzi g’Omusaayi Gwe Yennyini. Twateekebwateekebwa mu kifuba kya Kitaffe ng’ebiseera tebinnatandika; nga tuli nga Ye was….EKITIIBWA!! HALELUUYA!
Tetuli ekyo kyokka, naye mu bbanga ttono nnyo tuli ba kugenda ku Mbaga y’obugole mu bbanga, nga twambadde empeta y’abaateekerwateekerwa. Yatumanya FFE…ekyo kiworoozeeko okumala akabanga, YATUMANYA nga ensi tennatondebwawo, kale bw’Atyo n’Atukwangirawo empeta AWO n’ateeka ERINNYA LYAFFE KU KITABO KYE EKY’OBULAMU EKY’OMWANA GW’ENDIGA, si kusonyiyibwa busonyiyibwa kyokka, wabula OKUGGYIBWAKO OMUSANGO.
Waliwo engeri emu yokka ey’okuba na bino byonna, olina okujja nga oyita mu Kkubo lya Katonda lyokka lye Yateekawo. Ekigambo nnakabala, NYIGA ZANNYA.
Tweyanzeege nnyo nti tulina Okubikkulirwa kuno. Kutegeerekeka bulungi nnyo gye tuli. Omubiri n’omusaayi tebyaku tubikkulira, wabula Kitaffe ali mu Ggulu era tewali bigambo mu bigambo byaffe byetukozesa ebisobola okuMulaga engeri gye tumwagala olw’ekyo….EKISA EKYEWUUNYISA.
Tewali kiringa okuwulira Eddoboozi lya Katonda nga Lyogera naawe kamwa ku kutu. Essanyu erijjula emmeeme zaffe nga amataba. Mpaawo kwewuunya, mpaawo kuteebereza, TEBIRIIWO, wadde okusuubira, TUKIMANYI, KIRI BW’ATYO BW’AYOGERA MUKAMA. Tosobola kuba na bukakafu kikumi ku kikumi obwo mu kifo ekirala kyonna okuggyako ku lutambi.
Nnandyagadde okubaaniriza okujja okutwegattako nga tuwulira Eddoboozi lya Katonda nga litubuulira byonna ebikwata ku lunaku lwe tulimu, nga bw’Ayogera ng’Ayita mu nnabbi-mpungu we ow’amaanyi n’Atuleetera Obubaka: Ekimyanso Ekimyufu Eky’Ekitaala Eky’Akabonero Ak’Okujja Kwe 63-0623E.
Tugenda kukuŋŋaana okuva mu nsi yonna ku Ssande ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda). Bw’oba tosobola kutwegattako, yonna gy’oli, kyonna ky’okola, Nyiga Zannya owulire Ebigambo by’Obulamu Obutaggwaawo.
Owol. Joseph Branham
Ebyawandiikibwa by’olina okusoma nga tonnawulira Bubaka:
Mukama waffe Yesu Atwagala nnyo, okutuusa nti kyaMusanyusa okutusindikira nnabbi mu kiseera kyaffe. Oyo gweYalinamu obwesige kikumi ku kikumi. Oyo gwe yali asobola okujja n’abeeramu, bw’Atyo asobole okwebikkula ng’Ayita mu mubiri ogwo ogw’omuntu ow’okunsi okuyitayo Omugole We.
Nabbi we yatwagala nnyo okutuusa nga yakola ekisuubizo, gye tuli, ne eri Katonda, nti Obubaka bwonna obupya bwa kujja nga buva mu weema eno entono. Yali wa kubukwatanga ku lutambi, abutereke, bw’atyo Omugole wa Katonda asobole okuba n’Emmere ey’Omwoyo ey’okulyanga ku lujjuliro, ne bw’aliba nga takyaliwo.
Katonda nga Amaze okwogera ng’Ayita mu malayika we ow’amaanyi era n’Abikkula mu bujjuvu n’okuvvuunula n’avvuunula Baibuli yonna gyetuli, olwo Yasabuukulula entikko y’Olwazi luli oluli mu kikula kya piramidi, olwali teruwandiikiddwako wadde, n’Alubikkulira malayika we, bw’atyo asobole okutuwa ebyama bye byonna ebikusike, ffe Omugole we.
Katonda yatuuka n’okuwa Ow’oluganda Roberson okwolesebwa, gye yalaba Empagi y’Omuliro ng’esitula nnabbi we n’emutwala e Bugwanjuba, olwo n’emukomyawo n’amuteeka waggulu ku Emmeeza awo ngai akyusiddwa.
Awo Omwoyo Omutukuvu n’ayogera n’amugamba nti, “Ono ye muweereza wange. Era mmuyise abeere nnabbi eri omulembe, okukulembera abantu era ddala nga Musa bwe yakola. Aweereddwa obuyinza okwogera ekintu ekitaliiwo ne kibeerawo.”
Okuyitibwa kwa Musa kwali ki? Kiki kye yali alina okukola? Katonda yali alagidde Musa okukulembera abantu okutuuka mu nsi ensuubize. Wabula waasituka abasajja abaali basazeewo nti bagenda kuyingirira okutumibwa Katonda kwe yali awadde Musa, nga bagamba nti, “Ggwe weeyitiriza okole ebisukka ku by’olina okukola. Ogezaako okwefuula nti ggwe wekka mu kibiina gw’alina eky’okwogera.”
Ekikolwa kino kyanyiiza nnyo Katonda okutuusa lwe yagamba Musa nti, “Mweyawule okubavaamu. Nja kutta bussi ekibinja kyonna, era ntandikewo omulembe omupya nga nsookera ku mmwe.” Era Musa n’agwa mu Maaso ga Katonda n’agamba nti Yalina kukigezeseza ku ye.
Katonda singa Abadde wa kusanyawo bantu mu kiseera kyaffe, ani yandiyimiriddewo nga Musa ku lw’abantu? Twandimujje wa eyandiyimiridde, oba eyandisobodde okuyimirira, oyo Katonda gwe yandikkirizza nga bwe yakkiriza Musa?
Waliwo obulamu bw’omuntu omu yekka ku nsi obutegeeza ekinene nnyo eri Katonda okusobola okumuleetera okukwatiriramu ku busungu bwe, oyo ye malayika we ow’ekitalo omusanvu.
Katonda bulijjo abadde n’enteekateeka. Omugole we ajja kutegeera enteekateeka eyo era ajja kusigala nayo Kigambo ku Kigambo.
Bakimanyi nti balina okusigala n’Eddoboozi eryo Katonda lye yalonda okubakulembera okutuuka mu Nsi Ensuubize.
Katonda yayogera ng’Ayita mu nnabbi we era n’Alekawo omwagaanya munene omuntu okugenda mu makubo ery’enjawulo, era nga Nuuwa bwe yakola mu Lyato ku jjiba ne namuŋŋoona. Naye nga ejjiba eryaddangayo bulijjo mu Lyato, Omugole bulijjo ajja kuddayo ku Bubaka, Eddoboozi eryo, THE TAPES.
Nabbi w’olunaku lwaffe yali ani? Wabaddewo bannabbi ab’amaanyi emabegako Katonda be yayita n’atuma okukulembera abantu be mu mirembe gyonna: Ibulayimu, Musa, Eriya, Erisa, naye tewali n’omu ku bo yali nga nnabbi ow’amaanyi ow’omulembe gwaffe. Yayitibwa okukolera mu office eya waggulu-ko ennyo okusinga bonna. Ye yali oyo Katonda gwe yalonda okubikkulira ebyama bye byonna. Ye yali oyo Katonda gwe yalonda okwogera ekigambo ekintu ekitabaddewo ne kibaawo. Ye yalondebwa okubikkula Okusika okw’okusatu. Ye yali oyo Katonda gwe yalonda okukulembera Omugole we.
Nga tuli bantu ba mukisa, Omugole Katonda gwe yalonda. Tuyinza tutya okuggwamu amaanyi? Tuyinza tutya okuba abanakuwavu? Sitaani agezaako okutumalamu amaanyi, naye tulina obuwanguzi, tuyingiziddwa munda n’envumbo n’essibwako, nga tutebenkedde mu Lyato. Enzigi ziggaddwa. Tewali kiyinza kutukola bulabe. Ffe Adamu we eyazzibwawo.
Ajja okutucima, Omugole we omulonde. Waliwo abamu ku ffe abatajja kulega ku kufa, wabula tulikyusibwa mangu ago, nga kutemya kikowe. EKITIIBWA!!
Nga buli omu ku mmwe, nange nsanyuse nnyo, nga buli lunaku, Ekigambo kye, Okubikkulirwa kwange kwe yampa, bwe kweyongera obunene. Ndi wansi w’okusuubirwa okunene. Bwaba tajja leero, mpozzi enkya, naye nkimanyi nti ajja mangu nnyo era ajja KUCIMA NZE NAAWE.
Jjangu twegatteko ku Ssande ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda, nga tuwulira Emmere ebadde eterekeddwa mu kifo ekimu ekitono nga bwe tutunuulira era nga tuwulira: Okuyimirira mu Muwaatwa 63-0623M. Tujja kutandikira Obubaka ku katundu nnamba 27.
Tuli mu kugambibwa lunyiriri Ku lunyiriri, Kiki ekigenda okubawo. Atugambira ddala my butangaavu ki kye tuli, ani anabayo eyo, naki kyetunakola. Emitwalo Kimi Nena ajja Bayidaaya, ekanisa eyasonyibwa olwo kuyita mu kibonyobonyo, abakozi mu nimiro ze mizabibu abo abanaleta abitibwa byabwe n’okuyimusibwa kwabwe mu kibuga.
Naye ate olujila atugamba nti abo tabajja kubera mwe. Oh Nedda, emwe multi Mugole Wange, multi nange mu kibuga ekyo. Mwe temugenda kubeera wabweru nga mukola mi nimiro z’emizabibu, Ye mwe bagalwa bange abo Ku mutima. Ye mwe Nabakyala Wange nga nange ndi Kabaka wamwe. Ye mwe omu Ku – kikumi eky’ekimu Ku kyokutano kye nalonda nga n’emisinji gy’ ensi tejinaberewo. Kino ekiffo nakitekatekela mwe ddala. ERA MU NGERI GYE MUKYAGALA MU.
Okulowoozako obulowooza, effe tukunganye okwetoloola Emeza Ye nga bw’Ayoger gyetuli wiki Ku wiki, lunaku Ku lunaku, sawa Ku sawa, nga Atubikulila Ekigambo Kye kyona ekyekitalo. Atugamba bulijjo bulijjo ki kyetuli, butya enyo bw’Atwagala; Kiki ekyali, Kiki ekiri, nakiki ekigenda okuberawo.
Teriyo bigambo bimala okwoleka ki kyekitegeza gyetuli. Bwe tunyiga zanya era nwtuwulila Edoboozi eryo, tuva mu nsi eno era mbagirawo nga tutude mubiffi eby’ omuguluawamu na Ye. Emeeme z’affe zibudabudibwa. Tuwulila Omwoyo omutukuvu ng’ajjuza emiburi gy’effe n’Omwoyo We. Ly’esanyu eli tayinza kunyoyerwa. Katonda ng’ Ayogera jetuli. Buli Kigambo ekyogerwa Ku ntambi eso Ya kyogera jetuli. Ye amanyi Kiki ddala kye twalyetaaze okuwulila na ddi lwe twetaaga okukiwulila…era ebiseera bingi twetaaga okukiwulila olutata… era nga kubili mulundi kiba KIBUTIKIRA NEKIJJUZZA EMEEME YA FFE.
Tetukoowq Ku My wulula nga atugamba Ku kwolesebwa, ebirooto, Bwatyo bwayogera Mukama, okusika okwo kusatu, okutonda bu kamujje, Ekitala kya Katonda nga kitukide ddala mu mukono gwe, emere eterekedwa, okubera ng’otekedwa ku ntiko ye meeza, Ebibwatuka, bamalayika ab’ekitalo nga baka ne bamusitula wagulu, oyo malayika ow’enjawulo owo musanvu eya yina amakulu amangi enyo gyali, akabonero akawangade abanga edene ak’obusozi Omusanvu okwandikibwa erinya BRANHAM, nga kyogera kyoka ekiri ku ntambi, nina Ebigambo ebitalemerelwa, ayitidwa ku Ku yitibwa okwa wagulu enyo, mbagamba OKUBIKULIRWA KWANGE, Y’enze Edoboozi lya Katonda je muli, musigale ku njigiriza y’olutambi, Ngenda ku bayita MUGOLE, Ezo zi hain’t, zi tote, zi fetch, …ffe tuzagala nazo zona.
Kuno kwe kwolesebwa Kwange. Edoboozi lya Katonda ku ntambi kwe Kwagala Kwa Katonda Okutukiride, TEKYONGERWAKO ERA KIMALA. Okuzanya entambi kwe Kwagala Kwa Katonda Okutukiride, TEKYONGERWAKO ERA KIMALA. Osobola okuwulila ababurizi, abasomesa, abatume, ba nabbi, abasumba, NAYE entambi Ze zi singa, era nga ze zirina okuba , Edoboozi erisingayo ely’omugaso lye musobola okuwulila, EKYO KIMALA ERA TEKY’ONGERWA KO. Edoboozi elyo kuntambi ly’ Edoboozi lyoka Katonda kenyini we Yayogerera nagamba, MU MUWULIRE MWE, NEKYO KIMALA ERA TEKY’ONGERWAKO.
Baganda bange ne banyinaze, teri n’omu gwe nwanyisa, Nze ndiwo kuwagila Doboozi eryo. Tuteekwa era nze nkikola eky’okwagala abo bona abagala era abakiriza obubaka buno. Era nebwoba ng’owulila nti nze nkoka kikyamu okugamba abantu okunyiga zanya, nze mbagala era nzikiriza nti namwe munjagala. Fena twagala okubera mu Kwagala Kwa Katonda Okutukiride. Bambi genda mu maaso ng’okola ekyo ekyakuyitilwa okukola; okubulila, okuyigiriza, bwoba nga oli musumba, gamba bugambi ekisibo kyo Edoboozi erisingayo ely’omugaso lye basobola okuwulila.
Nga njogera ebigambo bino mpulide okuva mu buwereza bungi obwenjawulo nga bagamba nti Nga njogera ebigambo bino mpulide okuva mu buwereza bungi obwenjawulo nga bagamba nti ngamba abantu obutawuliliza basumba babwe era nokuva mu makanisa gabwe, KINO SI KITUFU.Ekyo sili kyogera era sikiriza. Kitufu bangi bogera ebintu byesogerabganako ne byesikirizanganako. Ekyo tekiyinza kubambalirwako, okujako ekyo kyoka kyenjogede era kyenzikiriza. Njogerede ddala mu bwerufu era nejogera kaate n’enzisa me mu buwandike ekyo kyenzikiriza. Bo oba gwe mwekaliliza ekyo kyenjogera era kyenzikiriza.
Omugole yena aliba ayogera ekintu kyekimu. Si basajja babiri nga boogera ekintu kyekimu. Edoboozi limu. Nabbi omu. Omugole omu.
Sikiriza nti mulina okuwuliza mu sawa yenyini y’emu, nga abakiriza okwetoloola ensi bwebakola okubera Omugole We. Naye nzikiriza nti mulina okuwulila Edoboozi ly’omubaka malayika owo musanvu Ku Sandé ku makya…MUSOKENGA kutekako Doboozi eryo.
Mwanirizibwa okuwulila awamu naffe Akabonero Ak’omusanvu 63-0324E, Ku Sande Ku sawa mukaaga ezomutuntu nga bwe budde bwe Jeffersonville nga ye sawa emu eya kawungeezi e Uganda nga ekintu ky’Omugole kiwulira Edoboozi eryo mu budde bwebumu bwenyini.
Ow’oluganda JOSEPH BRANHAM.
Ebyawandikibwa ebyo kusoma nga okuwulila obubaka tekunatandika.
Kiki ekinakunganya Omugole n ‘okutuwa okukwakulibwa mu kukiriza kwe twetaaga?
Nzikiriza nti, okuyita mu Bibwatuka ebyo Omusanvu, kijja kubikulwa mu naku ezisembayo okusobola okukunganya Omugole olwo kukiriza okw’ oKukwakulibwa.
Owoluganda Branham, Ebibwatuka Omusanvu eby ‘enkana n’ebyama Omusanvu bya bikulwa dda? Byabikulwa mu bubonero Omusanvu, naye nga tebinamanyisibwa gyetuli nga Ebibwatuka?
Nedda, byabikulwa mu bubonero Omusanvu; ekyo Ebibwatuka Omusanvu kye byaliko. Byali bilina okubikula…. Ebibwatuka Omusanvu ebyayogera amoloboozi ga byo era nga tewali n’omu eyali ayinza okukola kyebyali… Yokana ya manya kyebyali, naye ya ganibwa oku kiwandiika. Ya gamba, “Naye malayika owo musanvu, mu nakku ez’ okufuwa kwe, ebyama omusanvu eby’ Ebibwatuka Omusanvu bijja kubikulwa.” Era malayika ow’ Omusanvu ye mubaka ow’ Ekanisa ey’ Omulembe gw’ Omusanvu.
Ekitibwa kidde eri Katonda, kiky’ awo ekyokudibwamu kyange. Ekyama ky’ Ebibwatuka Omusanvu kibikudwa. Ly’ Edoboozi lya Katonda ku ntambi era kati nga li kunganya Omugole wamu era nga lituwa OKUKIRIZA OKW’ OKUKWAKULIBWA, kwe twetaaga.
Webale, Owoluganda Branham, olwo kudamu ekibuuzo kyange. Namanya nti kyokudamu eri ekibuuzo kyembadde nina ku mutima gwange kyandiba ku ntambi.
Ekyo kyekyoka kyenetaaga okumanya. Nja kugenda mu maaso nga Nyiga Zanya buli lunaku era nfune n’ okufuna OKUKIRIZA OKUSINGAWO okw’ oKukwakulibwa.
Jangu ofune Okukiriza okw’ oKukwakulibwa naffe ku Sand’ eno ku sawa mukaaga ez’ omutuntu., nga zezinaaba esawa z’obudde bwe Jeffersonville, nga bwe tuwulila Ebibuuzo N’ Ebyokudamu Ku Bubonero 63-0324kumakya.
Tusobola okuKyogerako, ne tuBuyigiriza, n’okubuBuulira ne tubuBuulira, naye waliwo EDDOBOOZI LIMU LYOKKA eririna “Bw’Atyo Bw’Ayogera Mukama,” era muteekwa okukkiriza buli Kigambo. Waliwo Eddoboozi limu lyokka ly’osobola okwesigamyako enkomekkerero yo ey’omubutaggwawo. Waliwo EDDOBOOZI LIMU LYOKKA Katonda lyeYalonda okukulembera Omugole We, era MUGOLE WE YEKKA Y’AJJA OKUBA N’OKUBIKKULIRWA OKWO.
Waaliwo nnabbi mpungu omu yekka gweYalonda nga ensi tennatondebwa okumubikkulira EKIGAMBO KYE KYONNA….WILLIAM MARRION BRANHAM, era ye, era ye yekka, ye mubaka mpungu wa Katonda ow’omulembe guno. Ye, era ye yekka, ye yatumibwa okukulembera Omugole wa Katonda.
Okuyitibwa kwange, oba okuyitibwa kw’abaweereza bonna abalala, kuli ekintu kimu kino: OKUBAKULEMBERA NGA BABATWALA ERI YE, OYO EMPUNGU YA KATONDA EY’EKITALO. Oyo gweYalonda. Oyo gweYakakasa n’Empagi Ey’Omuliro. Oyo gweYalonda bwe Yabikkula Akatabo ako, n’Akayuzaako Obubobero obwo, n’AKasindika wansi ku nsi, okuKatubikkulira, ffe abantu Be.
Ebigambo byeyayogera ku lutambi si bigambo bye, bye Birowoozo bya Katonda byennyini nga byogeddwa ne bikwatibwa ku lutambi Omugole We asobole okubiwulira; era MMWE mwekka, Omugole WE mmwe mulina Okubikkulirwa okutuufu kw’ekyo.
Omugole, kirowoozeeko! Tutuuse. Kiwedde. Okunoonyereza kwa ssaayansi kuKikakasizza. Okukakasibwa kw’Ekigambo kuKikakasizza. Era tuutuno! Era Okubikkulirwa kuno kuva eri Katonda, era ge Mazima. Era kubanga muKitegeera, TULI batabani Be era Bawala Be abaziddwawo mu bujjuvu.
Tewakyali kwewuunya. Mpaawo bya kwebuuza bibuuzo. FFE MUGOLE KIGAMBO WE ATUUKIRIDDE. Tutegedde kiki kyetuli. Yeffe abo, olw’Ekisa kya Katonda, be Yaganya empungu Ye okulaba nga twambadde ebyambalo ebyeru.
Muddeemu amaanyi Omugole. Kumpi Tutuuse. Tusobole okuKiwulira. Kitubikkuliddwa n’okukirawo kati ku bwekyali kitubikkuliddwa. Omulabe atukyawa, NAYE KATONDA ATWAGALA. Tali bubeezi naffe kyokka, wabula ALI MUFFE. YEFFE KIGAMBO KYE NGA KIFUUFE OMUBIRI.
Ali mu kukakasa Sitaani nti, TETUYINZA, ERA TETUJJA KULEMERERWA. Eriyo KUKKIRIZA na kubuusabuusa. Ffe tulina KUKKIRIZA kwokka. Si okwekkiririzaamu, wabula OKUKKIRIRIZA MU KIGAMBO KYE, era EKYO teKiremererwa. FFE KIGAMBO. Katonda Bw’Atyo Bwe yagamba!!
Si ggwe waMulonda, YE YE YAKULONDA. Sitaani ayinza atya okubaako ky’akukola, KATONDA YAKULONDA. Yakulonda kubanga YAKUMANYA nti toliremwa kukkiriza Kigambo Kye. Sitaani akugamba nti, “naye olemererwa, n’olemererwa, n’olemererwa”…oli mutuufu, ddala nnemererwa mu mubiri gwange, NNAJIBWAKO OMUSANGO, era sijja kulemererwa kukkiriza BULI KIGAMBO.
Tutuuka ne tugezesebwa ne tuyita mu bigezo olwa KATONDA, Ye asobole OKUKAKASE OMULABE WE, ERA OMULABE WAFFE… nti TULI MUGOLE KIGAMBO WE ATUKIRIDDE.
Leka Omwoyo Omutukuvu ow’Ekitalo Ajjule amaka gammwe, amasinzizo gammwe, oba wonna gyemunaabeera Sande eno ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), nga bwe tuwulira empungu ya Katonda ey’ekitalo nga ereeta Okubikkulirwa kwa Akabonero Ak’okutaano 63-0322.
Owol. Joseph Branham
Ebyawandiikibwa eby’okusoma nga nga tonnawulira Bubaka:
Eddoboozi lya Katonda liri mu kututwala ku mitendera gyetutabangako, era nga Libikkula Ekigambo Kye. Tulobye obumwa bwaffe mu Biwawaatiro Bye eby’ekitalo nga bw’Atuyimusa mu bwengula. Tuli mu kuseeyeeyeza waggulu eyo wala nnyo okuva ebire by’omu bbanga webikoma. Tusobola okulengera wala nnyo eyo mu butaggwaawo. Kubikkulirwa okulambirira okuggya gyetuli. Gy’Akoma okututwala waggulu, gyekikoma okutubeerera ekitangaavu okulaba. Tusobola okuleekaana nti: NKIRABA…NKIRABA.
Kati Addidde Ebiwawaatiro Bye eby’ekitalo, n’Abiwuuba okuwuuba okunene n’Atugamba nti, “MUBUUKE OBUTO BWANGE, MUBUUKE.” Mu kusooka twali tutidde nnyo. Omulabe yali ajjuzza ebirowoozo byaffe n’okubuusabuusa okungi kutya. Sisobola, siyinza na kusobola. Awo ne tuMuwulira nga Aleekaana era nga Abwatuka nga Atuddamu nti, “MUSOBOLA, OBUWUNGU BWANGE OBUTO, MUTANULE BUTANUZI KUKUBA BIWAWAATIRO BYAMMWE!!”
Awo, amangu ago obuwawaatiro bwaffe obutono ne butandika okupepeya bwebutyo nga eky’obutonde. Gyetukoma okuwuliriza Ekigambo Kye nga kiddiŋŋana okutugamba kyetuli, na kiki kyetulina okukola, ebiwawaatiro byaffe gyebikomye okubeera eby’amaanyi. Papa, papa, papa….Nyiga Zannya, Nyiga Zannya, Nyiga Zannya…olwo ogenda okwekanga nga, tuli mu kubuuka. Tuli Mpungu.
Okutya okutonotono bwekugezaako okuyingira ebirowoozo byaffe, twatunula butunuzi wonna ne tutandika okuwuliriza Eddoboozi Lye. Wuuyo awo, nga Abuukira awo wennyini okumpi naffe Asobole okutubaka bwetutandika okugwa. Tukizuula nti tetulina kintu kyonna kya kutya, Taata Mpungu ali awo wennyini naffe. Ali mu kwetegereza buli lutambula lwetukola. Tajja kubaako ky’Aganya kututuukako.
Emirembe nga egyo n’okukakasibwa byetutawulirangako. Agenda Atubuulira bulijjo, yemmwe Buwungu bwange obuto. Muli mu kugondera era nga mukola kye nnabagamba okukola nga musigala n’Eddoboozi lyange lye nnabalekera.
Akimanyi nti bw’Atugamba ekintu kyonna ku ntambi, tujja kugenda tukikole, kubanga tukimanyi nti kiba Kigambo Kye. Ajja kuyimirira ddala emabega wa kyo. Ne bwe kiba nga tekiwandiikiddwa mu Baibuli, era Ajja kuyimirira emabega wa kyo mu buli ngeri yonna.
Tumanyi, bwe kiba nga kiri wabweru wa Yo, Ajja kuKibikkulira nnabbi We. Tukizuula nti ebyama bya Katonda byonna bitegeezebwa eri nnabbi We, era ye yekka, kale oba nga waliwo ekintu kyonna kyetwetaaga okumanya, kiri ku lutambi.
Yogera ku maanyi ag’Okubikkulirwa agaleeta okucamusibwa. Twagala okukileekaana nga amaloboozi gaffe tugamazeeyo. Twala ensi emanye, ndi mpungu ya lutambi!
Ebirowoozo bya Katonda byafuuka okutondebwawo bwe byayogerwa, mu ngeri y’Ekigambo. Awo w’Akileetera eri—eri ggwe nga ekirowoozo, ekirowoozo Kye, era ne Kikubikkulirwa. Awo, kisigala nga kirowoozo okutuusa nga okyogedde.
Kitubikkuliddwa. Ekitiibwa. Kati twagala kuKyogera. Yeffe Mugole wa Yesu Kristo. Yammanya, n’Anjawulirawo nga n’ensi tennatondebwa. Yenze Kigambo Kye ekiramu nga kifuuse omubiri. Yaŋŋamba SABA onaawebwa. Konkona, onaggulirwawo. Buli kyetwetaaga, TUKYOGERA.
Guno gwe mulembe g’Empungu era ffe buwungu Bwe obuto. Tetubangako basanyufu kusingawo oba abamativu okusingawo mu bulamu bwaffe. Mpaawo kutya. Mpaawo bya kwelariikirira.
Mbaaniriza okujja okubuuka okutuuka mu bwengula obwa waggulu ko wamu naffe Sande eno ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), nga empungu ya Katonda ey’ekitalo bw’ereekana gyetuli n’ebikkula Akabonero Ak’okuna 63-0321.
Owol. Joseph Branham
Ebyawandiikibwa eby’okusoma mu kwetegekera okuwulira Akabonero Ak’okuna 63-0321.
