Obubaka: 63-0901M Akabonero
- 23-1217 Akabonero
- 22-0605 Akabonero
- 21-1219 Akabonero
- 20-0315 Akabonero
- 19-0825 Akabonero
- 17-0820 Akabonero
Swiitimutima wange Omwagalwa,
Omutima gwange guvulula buvuluzi bwe mbalaba mwenna nga mukuŋŋaana okwetooloola Eddoboozi lyange, nga muwulira Ekigambo kyange, nga bwe njogera nammwe nga mpita mu malayika Wange.
Kinsanyusa nnyo okumanya nti mulina Okubikkulirwa kw’oyo gwe nnalonda okubeera Eddoboozi lyange gyemuli. Okukkiriza nti buli Kigambo kye yayogera tekyali kigambo kye, wabula Ekigambo kyange gyemuli.
Kyali kikulu nnyo gyendi, nnasiima Kikwatibwe ku lutambi era Kiterekebwe kulwammwe, musobole Okukiwulira emirundi n’emirundi. Ssaayagala mwerabire nti bye Nnayogera byava ku mutima gwange. Nakimanya nti Y’eyandibadde ngeri yokka gye Nsobola okubawa Okukkiriza okwo okutuukiridde kwe mwetaaga, tusobole okubeera ffenna.
Bulijjo Nkozesezza omusajja omu okwogera n’okubikkulira Omugole Wange Ekigambo kyange. Nga bwe nnakola ne Musa. Kye yayita, ekyo kye yafuna, kubanga yayogera Bigambo Byange byokka. Natuuka n’okumugamba nti, nja kukufuula katonda. Ggwe beera katonda, ne Alooni anaabera nnabbi wo. Nja kutwala eddoboozi lyo, era Nja kukukozesa okutonda. Nja kwogera, era abantu tebalisobola kukyegaana. Kyonna KY’OYOGERA, kijja kubaawo.
Kati nga bwe mufunye Okukkiriza Okutuukiridde mu Kigambo kyange, temukoma ku kutegeera butegeezi gwe nabatumira okuba Eddoboozi lyange, naye kati mukitegedde nti Ekigambo kyange kibeera mu MMWE era kituula mu MMWE, era kibawadde OKUKKIRIZA OKUTUUKIRIDDE.
Mumanyi kyemuli. Mweyongedde okusigala mu Nze, n’Ekigambo kyange kyeyongedde okusigala mummwe. Musabe kyemwagala; kijja kubaweebwa. Mu Linya lyange MMWE muligoba dayimooni; si, nze nja okuzigoba, MMWE MULIZIGOBA. MMWE bwemwogera eri olusozi luno; si nti nze bweNjogera, MMWE bwemwogera eri olusozi luno.
Omulabe wammwe takyabalinako buyinza. Mmwe n’Ekigambo kyange muli OMU. Bwemuba mulina abaana oba abaagalwa bammwe abatali we balina kubeera, mubammanje. Bwe kuba nga kwabakolako, olwo muteeke OKUKKIRIZA kwammwe OKUTUUKIRIDDE mu KIGAMBO KYANGE EKITUUKIRIDDE ekibeera mu mmwe mu nkola, era munaasobola okufuna byemusaba.
Oh, mbalindidde ebbanga ddene nnyo okutegeera kyemuli. Okubalaba nga mweetegeka nga muwulira Ekigambo kyange. Ndi mucamufu nnyo nti ekiseera ekyo kituuse.
Ekigambo ekyo ekituukiridde kye njogedde era kye mbaterekedde, kabonero kange eri buli mukkiriza leero. Ye Mwoyo Omutukuvu; si musaayi, ebiragala-lagala ebitabule, wabula Gwe Mwoyo Wange Omutukuvu, Ekigambo kyange, nga Abeera era nga Awangaalira mu mmwe.
Essaawa y’ Evumbo eyo okussibwa w’erabikira obulungi eri kumpi. Olina okutambula n’Envumbo eyo emisana n’ekiro; si ku lwa Ssande lwokka, olina Okunyiga Zannya buli kiseera.
Ategeera Aka—kabonero kokka. Obwo bwe Bubaka bw’ekiseera! Obwo bwe Bubaka bw’olunaku luno! Obwo bwe Bubaka bw’ekiseera kino! Mu Linnya lya Yesu Kristo, Bufune!
Obubaka obw’enjawulo bungi nnyo ebweru eyo, naye Eddoboozi lyange bwe Bubaka bw’ekiseera. Olina okusembeza n’okukkiriza buli Kigambo. Kiteekwa okusiigibwako mu budde obw’akawungeezi.
Mmwe okwetoloola ensi yonna, abawuliriza entambi, akabonero k’essaawa kaakano. Waliwo Envumbo erina okusiigibwako, era tewali kiseera kirala mweYandijjidde …. okifuna?
Jjangu osiigeko Envumbo Yange mu bulamu bwo wamu n’Omugole wange Ssande ku ssaawa 6:00 (mukaaga) ez’omuttuntu, mu budde bwa Jeffersonville (z’essaawa bbiri ez’ekiro e Uganda), nga bwe tuwulira Obubaka Bwange eri Omugole: Akabonero 63-0901M.
Owol. Joseph Branham
Ebyawandiikibwa by’olina okusoma nga tonnawulira Bubaka:
Olubereberye 4:10
Okuva essuula ey’ekkumi n’ebbiri
Yoswa essuula ey’ekkumi n’ebbiri
Ebikolwa by’Abatume 16:31 / 19:1-7
Abaruumi 8:1
1 Abakkolinso 12:13
Abaefeso 2:12 / 4:30
Abaebbulaniya 6:4 / 9:11-14 / 10:26-29 / 11: 37 / 12:24 / 13:8, 10-20
Omut. Yokaana 14:12