Obubaka: 63-0901M Akabonero
Empungu Abaagalwa, leka fenna tukuŋŋaanire wamu tuwulire Obubaka 63-0901M Akabonero Sande eno ku ssaawa 6 ez’omu ttuntu mu budde bw’e Jeffersonville (y’essaawa emu ey’ekiro e Uganda).
Ow’oluganda Joseph Branham
Obubaka: 63-0825E Okukkiriza Okutuukiridde
Omugole Ow’okukkiriza Okutuukiridde Omwagalwa,
Nate, nsanga nga tekisoboka kuteeka mu bigambo Obubaka buno, ebbaluwa za Katonda ez’omukwano eza ssekinnoomu, ezaawandiikibwa n’Omusaayi Gwe, ezaayogerwa n’Eddoboozi Lye, kye kitegeeza gye tuli. Ebirala byonna tebirina kye bitegeeza. Tumwagala okuva mu buziba bw’omutima gwaffe era Kituwadde Okwagala Okutuukiridde gy’Ali. Tewali kiyinza kutusigula kuva ku Kigambo ekyo. Tewali bumativu bulala mu bulamu bwaffe okuggyako okumuwulira ng’Assa ekimu naffe ng’Ow’omukwano ne mukwano gwe.
N’okuba si ffe, Ye y’Abeera mu ffe, ng’Akoowoola Ye Yennyini. Bwe buziba nga bukoowoola obuziba. Essanyu ery’amaanyi ery’okunyiga zannya n’okuwulira Katonda ng’Akozesa eddoboozi ly’omuntu okutugamba nti, ffe balonde be. Okutugamba nti Yatwagala nga ensi tennatondebwawo; kubanga Yali Akimanyi nti tulimwagala n’ebyo byonna ebiri munda mu ffe, era tulisigala nga tuli beesigwa gy’ali n’Ekigambo kye.
Byonna bye twetaaga, Abituwadde. Tewali kibulako. Yaganya Ekigambo kye okuwandiikibwa mu ngeri y’ennukuta era n’akikuuma okumala enkumi n’enkumi z’emyaka asobole okutubuulira Okwagala kwonna okwali mu mutima gwe ku lwaffe.
Olwo okwagala kwe nekweyongera nnyo okuba okungi gye tuli nga bw’Atugamba nti: “Ndijja nate mu mubiri Njogere nammwe mumwa ku kutu waleme kubaawo butategeeragana, kutabulwatabulwa, ewatali kwetaagisa kuvvuunula. Nja kutwala obudde bwange era mbalage Okwagala Kwange, era mujja kusobola okukiwulira emirundi n’emirundi. Njagala mumanye, Kitange ali mu Nze, nze ndi mu mmwe, mmwe muli mu Nze, tuli BUMU. Omubiri gwo gwe Mubiri gwange, eggumba lyo ly’ Eggumba lyange, omwoyo gwo gwe Mwoyo gwange.
Nja kubabuulira byonna ebiri mu Mutima Gwange mu bujjuvu ennyo. Nja kukifuula kya lwatu nnyo okutuusa nti mujja kumanya awatali kubuusabuusa,nti Ebigambo bye mpandiise era bye njogedde byammwe, era tebijja kulemererwa.
Nja kukuwa Okukkiriza Okutuukiridde, era Kujja kuba Mukama w’embeera zonna. Omulabe ne bw’anaaba ayogera ki, Kujja kukifuga nga bw’olina Okukkiriza Okutuukiridde mu ekyo Ekigambo kyange kyekigamba nti ky’oli. Omulabe ne bw’aba agezaako okukugamba ki, tomuwuliriza wadde. Amatu gammwe mazibe ku kintu ekirala kyonna wabula Omwoyo wange by’Amaze okubagamba. Kisudde ennanga mu mitima gyammwe, era tewali kigenda kubaleetera kusenguka okuva mu Kyo.”
Okukkiriza okwo okutuukiridde kwe tulina mu kumanya Obubaka buno nti buli Bwati bw’Ayogera Mukama, tukozesa OKUKKIRIZA OKUTUUKIRIDDE okwo kwekumu ku buli kisuubizo kye Yatugamba nti kyali kyaffe mu Kigambo kye. Bwe tuba balwadde nga twetaaga okuwona, kiba kyaffe. Bwe tuba n’obwetaavu bw’ekintu kyonna, tusobola okukifuna, kubanga tufuuse abaafukibwako amafuta n’Omwoyo we. Ffe bamasiya be abaafukibwako amafuta ab’olunaku olw’enkomerero, nga tulaga okuzuukira kwa Yesu Kristo.
Nsonga ya mukwano Ye nga Yeeyiwamu mu ffe. Tufuuka Omu naye olw’Ekyeggulo ekyo eky’embaga ekinene. Omwoyo we Ali wano naffe era Ali mu ffe. Tulina ekintu kimu kyokka eky’okukola, era ekyo kwe kukikkiriza, okukisembeza.
Siffe Mubaka Malayika wa Katonda ow’omusanvu, wabula tuli batabani be ne bawala be. Emikono gyaffe mikono gye. Tukkiriza ebyogerwa ku lutambi nti biri Bw’atyo Bw’Ayogera Mukama. Kye Kigambo ekiramu.
Nabbi we ye musumba waffe. Nga bwetuwuliriza Ekigambo ekyakwatibwa, tukkiriza nti Aba Katonda nga Ayogera naffe butereevu. Tulina Okukkiriza Okutuukiridde nga tukkiriza ekyo.
Nga tukuŋŋaana wamu okwetoloola ensi yonna okuwuliriza Katonda ng’Ayogera naffe ng’Ayita mu nnabbi we, okukkiriza kwaffe kweyongera waggulu nga Katonda bw’Agatta Omugole We okwetooloola Ekigambo kye ekikakasibbwa.
Olw’enkya lugenda kuba lunaku lwanjawulo ku ndala zonna. Tujja kutwala Okukkiriza kwaffe Okutuukiridde kw’Atuwadde era tujja kukukozesa ku kyonna kye twetaaga, era tujja kukifuna nga Empagi y’Omuliro bw’Eyogera ng’Eyita mu mubaka We gwe Yalonda era n’Etugambe nti:
Mumanyi kye mbakoze? Mumpise, “omusumba wammwe”; era mwogera bulungi, kubanga ekyo kyendi. Bwemba nga nze, omusumba wo, Ntegeezebbwa Yesu Kristo, nti nkola omulimu Gwe, olwo mukkirize Ekigambo kyange. Nga nkola ekikolwa kino eky’okukkiriza, nga nkuteekako emikono, nvumiridde obulwadde n’okubonaabona ebikutawaanya. Mukkirize ekyo, bwe mutyo bwe munaafunanga kye musaba, ka kibeere ki, kubanga byonna biyinzika eri abo abakkiriza. Era bw’o saba, kkiriza nti ofuna ekyo kye wasabye. Era nzikiriza mu mazima nti nkifuna, era mu mutima gwange nzikiriza buli kimu eky’okuwonyezebwa kwo, nkikkiriza, nti kikoleddwa. Nkikkiriza, nkikkiriza n’ebyo byonna ebiri mu nze.
Tukkiriza n’ebyo byonna ebiri mu ffe, nti Obubaka buno ly’Eddoboozi lya Katonda, eryayogerwa, nerikwatibwa, nerikakasibwa era nerikuumibwa olw’olunaku luno. Tukkiriza nti buli kye tusaba, tujja kukifuna, kubanga Kiri BW’ATYO BW’AYOGERA MUKAMA KYAFFE.
Jjangu otwegatteko Ssande ku ssaawa 6:00 ez’omu ttuntu mu budde bwa Jeffersonville (y’essaawa emu ey’ekiro e Uganda), okufuna kyonna kyeweetaaga nga bwe tuwuliriza nnabbi wa Katonda ng’atubuulira engeri y’okufunamu: Okukkiriza Okutuukiridde 63-0825E.
Ow’oluganda. Joseph Branham
Ebyawandiikibwa by’okusoma:
Makko Omutukuvu 11:22-26 / 16:15-18
Yokaana Omutukuvu 14:12 / 15:7
Abebbulaniya 11:1 / 4:14
Yakobo 5:14
1 Yokaana 3:21
Obubaka: 63-0825M Nnyinza Ntya Okuwangula
Abagattiddwa awamu Abaagalwa,
Ebiseera bijja kwebulungulira mu butaggwaawo nga Katonda n’abantu be beegatta wamu.
Mbaaniriza okujja mwegatte era mubulire munda mu Mugole wa Katonda muwulire Obubaka 63-0825m Nnyinza Ntya Okuwangula? Ssande ku ssaawa 6:00 ez’omu ttuntu mu budde bwa Jeffersonville (y’essaawa emu ey’ekiro e Uganda),
Ow’Oluganda. Joseph Branham
Ebyawandiikibwa okusoma nga Olukuŋŋaana tebunnabaawo biri
Okubikkulirwa 3 : 21 – 22.
Obubaka: 63-0818 Ekiseera Ky’Okwegatta n’Akabonero Kaakyo
Omugole Ow’obukulu Obusingayo Omwagalwa,
Bwetwabadde nga tutudde wamu mu bifo eby’omu Ggulu okuva mu nsi yonna ku Ssande, twabadde tuwuliriza Eddoboozi lya Katonda eryakakasibwa lyokka nga lyogera naffe. Nga bulijjo, twabadde tusuubira nnyo okuwulira bye yabadde agenda okutugamba. Omwoyo Omutukuvu agenda kutubikkulira ki leero?
Twandiba nga tuwulidde Ebigambo bye emirundi mingi emabega, naye twamanya nti olunaku olwo lwali lugenda kuba lwa njawulo. Twabadde baakuwulira ekintu kye tutawulirangako. Twabadde baakufuna Okubikkulirwa okusinga n’okusinga bwe twali tuyinza okulowooza. Yabadde Waakuggulawo emitima gyaffe, ebirowoozo byaffe n’omwoyo gwaffe, n’abikkula ekintu ekiri KATI, mu ntuuko zaakyo, okubikkulirwa.
Olwo neKibaawo. Ebigambo ebisinga obukulu Omugole Omusajja bye yali asobola okwogera n’okubikkulira Omugole we nti, “Ggwe kutuukirira kw’obulamba bwa Katonda mu mubiri, obukulu. Byonna bye Nnali, nabiyiwa mu Kristo; byonna Kristo bye yali, nabiyiwa mu mmwe. GGWE Mugole wange ow’Ekigambo gwe nnalonda atuukiridde.”
Obutonde bwaffe bwonna bwabuuka olw’essanyu. Taata Yaakatugamba nti, tuli Mugole We. Ffe b’Ayagala. Tulina olubuto lw’Ekigambo kye, era Ekigambo kye KYOKKA. Enda yaffe luggaddwa ku kintu ekirala kyonna. Atulinze, era Atuyaayaanira…FFE!!
Era teebereza ki? Tatumanga muntu mulala kutubuulira Bigambo bino, Yajja n’Abeera mu mubiri gw’omuntu omulundi omulala, Asobole okwogera obutereevu, mumwa ku kutu, n’OKUTUGAMBA nti: “Mbaagala, Omugole wange omwagalwa.”
Twagala nnyo okuyimba, twagala nnyo okussa ekimu, twagala nnyo okukuŋŋaana n’abakkiriza, naye kye tusinga okwagala kwe kuwulira Eddoboozi lya Katonda; Bw’ati bw’ayogera Mukama, nga Ayogera naffe butereevu. Buli Bubaka bbaluwa ya mukwano ewandiikiddwa mu buntu eri FFE. Buli Kigambo kye Yali Ayagala okutubuulira Yakiteeka ku lutambi lwa magineeti tusobole okubyewulirira.
Kiki ky’Agenda okutubuulira n’okutubikkulira ku Ssande eno nga tukuŋŋaana? Ntuuko ki?
Isaaya yayogera n’agamba nti, “Embeerera eliba olubuto n’ezaala omwana ow’obulenzi”, naye waayitawo emyaka 700 ng’entuuko zaakyo tezinnatuuka. Kabaka Dawudi yagamba nti, “Bafumita emikono gyange n’ebigere byange.” Yayogera ng’alinga agamba nti mikono gye na bigere bye, naye sizeezaali entuuko ekyo okutuukirira okutuusa nga wayiseewo emyaka emirala 1000.
Katonda Yayogera ng’ayita mu nnabbi waffe mu kiseera kyaffe n’agamba nti ebintu bingi ebitasobokera ddala kutuukirira okutuusa leero. Tulaba amawanga n’ensi nga byegatta nga bwe kitabangawo. Twalowooza nti obukomunisiti kintu kya dda era nga kimaze okusaanawo, naye kati tulaba nga bulamu nnyo era kikozesebwa mu mikono gya Katonda, nga bwe yalagula era n’atugamba nti bwe kyali.
Ensi yalowooza nti olutalo olunnyogoga lwaggwa, era tewakyali kutiisibwatiisibwa lutalo lwa nukiriya. Naye leero, obulabe bw’olutalo lwa nukiriya bufuuse bwannamaddala. Buli kimu kiteekeddwa mu lunyiriri nga bwe yatugamba nti bwekiriba. Entuuko zituuse.
Ssande, Ajja kuddamu OKWOGERA BUTEREEVU NAFFE, mumwa ku kutu, era tujja kuwulira ebbaluwa endala ey’omukwano eyayogerwa era n’eterekebwa ffe okugiwulira. Kiki ky’anaatugamba era n’atubikkulira? Entuuko ziri zitya? Kiki ekigenda mu maaso?
Katonda Agatta Omugole We. Ajja wamu, okuva mu Buvanjuba n’Ebugwanjuba, okuva mu Bukiikakkono n’Obukiikaddyo. Waliwo ekiseera eky’okugattibwa awamu, era ekyo kiri mu kiseera kino. Agattibwa lwaki? Okukwakkulibwa.
Kale Obubaka Buno bukola ki nga tuwuliriza Eddoboozi lya Katonda okuva mu nsi yonna? Bugatta Omugole n’Ekigambo. Ekigambo ye Katonda. Omugole Omusajja kye Kigambo. Omugole ye muwulizi w’Ekigambo ekyo, era tujja wamu mu Bumu. Tuli mu kwetegekera Embaga mwe tufuuka Omu n’Ekigambo.
Kyonna Kitaffe ky’Ali, kye ndi; era byonna bye ndi, mmwe bye muli; era byonna bye muli, bye ndi. Ku lunaku olwo mulimanya nga Ndi mu Kitange, Kitange Ali mu Nze, nange ndi mu mmwe, nammwe muli mu Nze.” Okiraba? Ku “lunaku olwo.” Ku lunaku ki? Olunaku luno! Tuzuula ebyama ebikulu ebikwekebbwa ebya Katonda nga bibikkulibwa. O, ekyo nga kinyumira nnyo!
Kino ky’ekiseera. Zino z’entuuko. Omugole Omukazi yeetegekedde Omugole Omusajja. Tuwuliriza nga tuwulira okukaaba okw’omu ttumbi nti “Laba, Anaawasa omugole Ajja!” Tuli ddala mu kiseera ky’enkomerero.
Jjangu otwegatteko nga bwe twegattira ku Kigambo, Ssande ku ssaawa 6:00 ez’omu ttuntu mu budde bwa Jeffersonville (y’essaawa emu ey’ekiro e Uganda), nga bwe tuwulira Eddoboozi lya Katonda nga litugamba nti ky’: Ekiseera Eky’okwegatta N’akabonero Kaakyo 63-0818.
Ow’oluganda. Yusufu Branham
Ebyawandiikibwa eby’okusoma
Zabbuli 86:1-11
Matayo Omutukuvu 16:1-3
Obubaka: 63-0728 Kristo Kyekyaama Kya Katonda Ekibikkuliddwa
Apo y’Omutima Gwe Abaagalwa,
Nnina ekitiibwa ekisingayo mu nsi. Katonda Anzikiriza okuMwanjula Ye Mwene gyemuli, bw’atyo Asobole okwogera butereevu gyemuli ng’Ayita mu kibya kyeYalonda ng’ensi tennatondebwa okwogera n’okubikkula Ekigambo Kye kyonna gyemuli.
Ssi musajja wa Katonda bubeezi, Ye Katonda Mwene, Empagi y’Omuliro, Omwoyo Omutukuvu nga Ayogera butereevu gyoli, kamwa ku kutu, era tulina ekitiibwa n’omukisa okuyita nnabbi We omulonde, OMUSUMBA WAFFE.
Tetukyewuunyanako oba nga gwetuli okuwulira muntu, birowoozo bye, kufumiitiriza kwe, oba kuvvuunula kwe okw’Ekigambo. Ye Katonda Mwene nga Ayogera gyetuli BW’ATYO BW’AYOGERA MUKAMA.
Mmanyi nti abantu ekyo kibalakira bulakizi, naye ffe tukinywa nekitukka. Kubanga ky’ekintu kyokka ekiwonya ennyonta yaffe ne kikkusa emmeeme yaffe. By’Ebigambo by’Obulamu Obutaggwaawo. Eri ffe, ly’Eddoboozi lya Katonda. Bw’Obubaka bw’Ekiseera. N’olwekyo, Ky’Ekigambo, Eddoboozi, Entambi, EKITALI EKYO TEWALI KIRALA!
Tugattiddwa wamu wansi w’omutwe gumu nga Isiraeri ow’edda. Katonda Omu, ng’Akakasiddwa n’Empagi y’Omuliro, era nga Yeebikkula okuyita mu nnabbi We okuba nga Ye Kigambo. Katonda y’Omu, Empagi y’Omuliro y’Emu, engeri y’emu ne leero. Katonda tAlikyusa butonde bwE. Enteekateeka Ye terikyuka kuva kw’eyo gyeYatandika nayo, kubanga tAggwawo n’enteekateeka zE n’ebirowoozo byE byonna bituukirivu.
Y’esonga lwaki tuli wansi w’okusuubira okw’amaanyi okuwulira ky’Agenda okutubikkulira ku Sande. Yagamba nti akikoonyeko ku buli ludda lwakyo, munda mwakyo n’ebweru, era n’akiraga nga akozesa ebyawandiikibwa n’engeri gyekizze kibaawo mu byafaayo, okutuusa nga tumanyi nti Obubaka Buno ge Mazima Ag’enkomeredde. Temuli nsobi.
Naye Sande, Omwoyo Omutukuvu Agenda kukwata Obubaka Abuteeke webuli kaakano. Ajja kuKizimba kuviira ddala gyeKyatandikira, era AKizimbire ddala okutuusa mu kiseera kyetulimu kati.
Katunywemu kko katono kw’ekyo Katonda ky’Agenda okutugamba n’okutubikkulira nga Ayita mu musumba waffe ku Sande:
Mmwe apo y’omutima gwange, abazaaliddwa Omwoyo n’Ekigambo ky’Amazima eri Mukama. Nsaba busabi era nneegayirira Mukama okubawa omukisa era Abakuume nga mulukiddwa wamu amaanyi g’okwagala kwa Kristo.
Katonda Yankozesa okubaterekera Emmere; enva endiirwa ezirabika obulamu, ennungi, wano mu kuŋŋaaniro lino. Era leero, mugenda kufuna oluwombo lwonna olw’olutambi. Lugenda kubabikkulira Yesu Kristo mu ssaawa gyetuli okubeeraamu kati. Obubaka buno bulibabeezawo era bubawe amaanyi. Bulibawa amaanyi ag’omwoyo olw’omulimu ogubali mu maaso.
Kankibagambe nate nga bwemmanyi nti mwagala okukiwulira: yemmwe muwendo ogwo ogwayawulibwa edda, omulonde, abo abanaakiwulira. Mmwe Mugole Omulonde Ataligwa naye Aryenywereza ku Kigambo ekyo ssi songa ensi yonna endala ky’ekyogerako. Mmwe Mugole Kigambo!
Katonda Ababikkulidde ekyama kino ekikulu, era okwo Kuzaalibwa kuggya. Kaakano abakuŋŋaanyiza awo okubikkulirwa wekukkiriziganyiza wamu butuukirivu ddala. Katonda nga Akyoleka okuyita mu Kigambo Kye nga Akozesa ebikolwa byebimu, ebintu byebimu byeYakola, nga Aleetera Ekigambo okwolesebwa mu ggwe.
Temwerabiranga, Omwoyo Omutukuvu , Yekka, Ye Mubikkuzi w’Okubikkulirwa kw’Obwakatonda okwa Kristo, era abadde Ye okuyita mu mirembe gyonna. Jjukira, emirembe gyonna! Ekigambo kya Katonda Kyajjanga eri ani? Nnabbi, yekka.
Nkizuula nti njogera eri enkumi z’abantu ku lutambi, tulina obuweereza obw’olutambi obw’ensi yonna. Era kirabika nga ffe abasobola okukolera wano olutambi olusinga ku lukoleddwa awalala emirundi kkumi. Kansuubire busuubizi nti buli musajja anaawulira olutambi luno, na buli mukazi, anaategeera.
Kati kiri gyebali oba nga baagala okuwuliriza olutambi lwonna, naye ssaagala mmwe okusubwa kino. Mmwe abantu b’olutambi; ebweru mu bibira ne wonna gyemuluwiririza, kati muwulirize.
Tulina entambi ezikwata ku kyetukkiriza. Tulina entambi ezikwata ku nneeyisa y’omukkanisa, engeri gyetweyisaamu mu kkanisa ya Katonda, engeri gyetulina okujjamu awamu wano ne tutuula mu bifo eby’omuggulu.
Nsuubira nti buli omu ku lutambi ekyo akifuna. Bw’olemwa, komawo ku lutambi luno nate. Ssimanyi bbanga lyenkanaki lyenkyabaawo nnamwe. Mujjukire, Gano ge Mazima, Aga BW’ATYO BW’AYOGERA MUKAMA. Ge Mazima. By’ebyawandiikibwa.
Omutwe n’omubiri bifuuse ekintu kimu. Ye Katonda nga Ayolesebbwa mu Mmwe, Abantu Be. Y’ensonga lwaki omwami ne mukyala we baba tebakyali babiri; baba omu. Katonda n’Ekkanisa Ye Ali omu, “Kristo mu mmwe,” okubikkulirwa kwa Katonda okw’ekitalo.
Ssi ndowooza yange; Mmaanyi Ge, Kigambo Kye. Yakisuubiza; kiikino wano. Yagamba nti kiribaawo wano, era kiikino. Mmwe baana ba Katonda. Ssi mulibeera; MULI KATI!
Jjuza ekikompe kyaffe Mukama, tukiwanika Mukama, jjangu owonye okuyontowala kuno okw’emmeeme yaffe. Omugaati ogw’Eggulu, katulye kuggwe, okutuusa nga tetwetaagenga . Jjuza ekikompe kyaffe, kijjuze otuwonye.
Nga kinaabeera kiseera kya kudda buggya kyetunaabaamu wonna mu nsi nga bwetukuŋŋaana ku Sande okuwulira : Kristo ky’Ekyama Kya Katonda Ekibikuliddwa 63-0728 ku ssaawa 6 ez’omu ttuntu mu budde bw’e Jeffersonville (y’essaawa emu ey’ekiro e Uganda) .
Owol. Joseph Branham
Ebyawandiikibwa by’okusoma:
Omut. Matayo 16:15-17
Omut. Lukka essuula 24 yonna
Omut. Yokaana 5:24 / 14:12
1 Abakkolinso essuula 2 yonna
Abaefeso essuula 1 yonna
Abakkolosaayi essuula 1 yonna
Okubikkulirwa 7:9-10
Obubaka: 63-0724 Katonda Tasalira Omuntu Musango Nga Tasoose Kumulabula
Bu seppulingi bwomumasaawa, oba obutambuza obulimi bw’essaawa, oba kyonna kyemuli abaagalwa:
Ffenna tuli Mubiri Gwa Kristo, mu kifo kyaffe, mu bumu, nga tugezaako okukola omulimu ogusinga obulungi gwetusobola okuMukolera. Mpaawo kirala kirina makulu gyetuli, wabula Ekigambo Kye, Obubaka buno.
Twagala bwagazi kuwulira nnabbi wa Katonda nga atugamba: “Waliwo ekintu ekibaliko mmwe abantu abamu. Muli bubeezi bantu banjawulo mu bulamu bwange. Waliwo n’ekintu ekirala nti kyo nkyagala okusisinkana nammwe nenjogera nammwe.”
“Ntunulamu mu buweereza bwange bwennyini obuwombeefu obutonotono; Yesu Kristo, aba obumu jjo, leero, n’emirembe gyonna, nendaba kyekiri mu kukola; nga kiyita era nga kigatta awamu ekibiina ky’Omugole. Kiri mu kujja nnamuziga emu okuva mu nnamuziga yennyini.
Tumanyi nti ssi muntu, Kigambo kya Katonda ky’ekiri mu kuleeta awamu Omugole We. Ebintu byetuli mu kulaba nga bikolebwa ssi kirala kyonna ekya wansiko ku Katonda. Tewakyali osanga ky’ekyo, kyandiba, kirabika nga ekiyinza okuba, KATONDA!!
Tutuuse ku ssa eryo nga Ye Luulu ey’omuwendo ogwawaggulu ennyo gyetuli. Tulekulidde ekintu kyonna omuntu yenna omulala ky’atugamba ekikontana naKyo. Tetutunuulira ekyo omuntu ky’atuuseeko ku ddaala eryawagguluko oba ky’agamba, tutunuulira ekyo Katonda ky’Agambye era kyeYasuubiza nti ky’Alikola mu lunaku lwaffe, era nga tuMulaba nga AKikola.
Ekyo ky’ekyokuntikko kyaffe. Buli kimu kyetuli, buli kimu kyetwali, buli kimu kyetusuubira okuba, kyesigamizibbwa ku Bubaka buno. Butusingira obulamu.
Nga bwekitabangawo emabega mu byafaayo by’ensi, tulaba Katonda nga Awa okulabula, mwetegekere omusango. Zi bbomu nnamuzisa ziri mu kulengejjera ku minaala, buli kimu nga kitegekeddwa.
Omulundi guno, tekiri bubeezi eri kabiina katono ak’abantu , nga bwekyali mu nnaku za Nuuwa, oba ennaku za Ibulayimu; Ye Katonda nga Ali mu kulabula bantu ab’okunsi, ng’Ayogera okuyita mu nabbi We, kuno kwe kulabula kwo okusemba.
Atugamba, “Nga ssinnaganya kintu kutuukawo, ndi mu kukola okuyita okusemba, ddala nga bweNnakola Sodoma, mukiveemu. Mwetegeke. Waliwo ekigenda okubaawo.”
Ensi yeesigamye ku by’amaanyi g’ebikulu by’etuseeko ebya ssaayansi; okutabika ensigo okukola maleeto ekireese okufa kw’emirembe (omulembe gw’abantu). Abagezigezi n’abayivu beekubidde ku ludda lw’eby’amagezi g’obwongo: UN, NATO, League of Nations. Buli lunaku tulaba omusango nga gwongera okusembera n’okusembera. Nnabbi kyeyalabira ewala n’atugamba nti kirituukawo, kiri mu kutuukawo: Russia, Olutalo, Amafuta, Vatican, Abayudaaya, Bbomu za nnuukiliya.
Tewakyali kwewuunya ekigenda okubaawo. Tukitunuulira nga kigenda mumaaso buli lunaku, era nga okutya mu nsi kwa nnamaddala era nga kweyongera bweyongezi buli lunaku.
Naye ddala nga bweYakola mu nnaku za Keezeekiya, Katonda bweYayogera nga Ayita mu nnabbi We n’Alabula abantu, “Mwetegeke, kubanga emisango ginaatera okugwa.” Nnabbi We yali ategeka abantu olw’ekiseera ekyali kijja.
Nuuwa yategeka abantu olw’ekiseera kye. Kwali kuyita okw’ekisa nga omusango tegunnabaawo. Katonda yagabirira ekkubo, nnabbi okubakulembera.
Era bulijjo Atuma Ekigambo Kye ng’Akozesa nnabbi We, nga bweYakola mu biseera bya Nuuwa. Yakola ekintu ky’ekimu mu nnaku za Nuuwa. Mu nnaku za Eli- … za Musa, tukizuula nti Yakola ekintu ky’ekimu. Yabatumira nnabbi We, era beeyawula okuva ku butakkiriza. Kaakati, abo ab’ekika ekyo beebaavaayo. Abo ab’ekika ekyo beebaakikkiriza.
Tweyawudde okuva ku butakkiriza bwonna. Katonda Alina ekkubo ly’Ataddewo kulw’Omugole We leero. Yatusuubiza mu Kigambo Kye, “Nga omusango tegunnabaawo, Ndibatumira nnabbi okuku??aanya Ekisibo Kyange ekitono ekiwombeefu, era Ndibatuuza erudda, era baliba mirembe, nga balindirira omusango ogugenda okubaawo n’okuwonawo.”
Yeffe Kisibo ekyo ekitono. Yeffe Kitaffe b’Ayagala era tulindiridde n’okusuubira okw’amaanyi okujja Kwe okubinabinda okubaawo. Ensi esasika wonna okutwetooloola, naye tuwummudde era tuli mirembe.
Tumanyi nti tuli mu Kwagala Kwe okutuukiridde. Ssi nsonga wa wetuli mu nsi, Katonda Agabiridde engeri gyetusobola ffenna okugattibwa awamu okwetoolola Ekigambo Kye, ku ddoboozi Lye. Ly’ekkubo lya Katonda ly’Ataddewo.
Era nnabbi ono yabakulembera eri ekkubo lya Katonda lyeyali Ataddewo. Kaakati, eyo y’engeri Katonda gy’Akolamu ebintu. Olaba?
Jjangu owone omusangu ogubindabinda okujja wamu naffe era owulire: 63-0724 Katonda Tayita Muntu Eri Musango Awatali Kusooka Kumulabula, Sande eno ku ssaawa 6 ez’omu ttuntu mu budde bw’e Jeffersonville (y’essaawa emu ey’ekiro e uganda).
Ly’eddoboozi lya Katonda nga Lyogera nga Litugamba: Lino ly’ekkubo lya Katonda ly’Ataddewo kulw’olwaleero.
Owol. Joseph BranhamIsaaya 38:1-5
Amosi Essuula 1
1Mu biro ebyo Keezeekiya n’alwala kumpi n’okufa. Isaaya nabbi mutabani wa Amozi n’ajja gy’ali n’amugamba nti Bw’atyo bw’ayogera Mukama nti Teekateeka ennyumba yo; kubanga ogenda kufa so togenda kulama. 2Awo Keezeekiya n’akyusiza amaaso ge ku kisenge ne yeegayirira Mukama n’ayogera nti 3Jjukira kaakano, ai Mukama, nkwegayiridde, bwe nnatambuliranga mu maaso go n’amazima n’omutima ogwatuukirira, ne nkola ebiri mu maaso go ebirungi. Keezeekiya n’akaaba nnyo amaziga. 4Awo ekigambo kya Mukama ne kijjira Isaaya nti 5Genda ogambe Keezeekiya nti Bw’atyo bw’ayogera Mukama, Katonda wa Dawudi kitaawo, nti Mpulidde okusaba kwo, ndabye amaziga go: laba, ndyongera ku nnaku zo emyaka kkumi n’etaano.
1Ebigambo bya Amosi eyali ow’oku basumba b’e Tekowa, bye yalaba ebya Isiraeri mu mirembe gya Uzziya kabaka wa Yuda, ne mu mirembe gya Yerobowaamu mutabani wa Yowaasi kabaka wa Isiraeri ng’ekyasigaddeyo emyaka ebiri okutuuka ku kikankano ky’ensi. 2N’ayogera nti Mukama aliwuluguma ng’ayima e Sayuuni, era alireeta eddoboozi lye ng’ayima e Yerusaalemi; kale amalundiro ag’abasumba galiwnubaala, n’entikko ya Kalumeeri eriwotoka. 3Bw’ati bw’ayogera Mukama nti Olw’ebyonoono bisatu ebya Ddamasiko, weewaawo, olw’ebina, sirikyusa kubonerezebwa kwakyo okukivaako; kubanga bawudde Gireyaadi n’ebintu ebiwuula eby’ebyuma: 4naye ndiweereza omuliro mu nnyumba ya Kazayeeri, kale gulyokya amayumba ga Benukadadi. 5Era ndimenya ekisiba kya Ddamasiko, ne mmalawo oyo abeera mu kiwonvu kya Aveni, n’oyo akwata omuggo ogw’obwakabaka ndimumalawo okuva ku nnyumba ya Adeni: n’abantu ab’e Busuuli baligenda mu busibe e Kiri, bw’ayogera Mukama. 6Bw’ati bw’ayogera Mukama nti Olw’ebyonoono bya Gaza bisatu, weewaawo, olw’ebina, sirikyusa kubonerezebwa kwakyo okukivaako; kubanga batwala nga basibe eggwanga lyonna okubawaayo eri Edomu: 7naye ndiweereza omuliro ku bbugwe w’e Gaza, era gulyokya amayumba gaakyo: 8era ndimalawo abali mu Asudodi, n’oyo akwata omuggo ogw’obwakabaka ndimumalawo okuva ku Asukulooni: era ndikyusa omukono gwange okulwana ne Ekuloni, n’ekitundu ekifisseewo eky’Abafirisuuti balizikirira, bw’a yogera Mukama Katonda. 9Bw’ati bw’ayogera Mukama nti Olw’ebyonoono bya Ttuulo bisatu, weewaawo, olw’ebina, sirikyusa kubonerezebwa kwakyo okukivaako; kubanga bagabula eggwanga lyonna eri Edomu ne batajjukira ndagaano ey’oluganda: 10 naye ndiweereza omuliro ku bbugwe w’e Ttuulo, era gulyokya amayumba gaakyo. 11 Bw’ati bw’ayogera Mukama nti Olw’ebyonoono bya Edomu bisatu, weewaawo, olw’ebina, sirikyusa kubonerezebwa kwe okumuvaako; kubanga yayigganyanga muganda we n’ekitala, n’asuula okusaasira kwonna, obusungu bwe ne butaagulataagula ennaku zonna n’aguguba n’ekiruyi kye emirembe gyonna: 12 naye ndiweereza omuliro ku Temani, era gulyokya amayumba ag’e Bozula. 13 Bw’ati bw’ayogera Mukama nti Olw’ebyonoono eby’abaana ba Amoni bisatu, weewaawo, olw’ebina, sirikyusa kubonerezebwa kwabwe okubavaako; kubanga babaaze abakazi abali embuuto ab’e Giriyaadi, balyoke bagaziye ensalo yaabwe: 14 naye ndikuma omuliro mu bbugwe w’e Labba, era gulyokya amayumba gaakyo, nga baleekaana ku lunaku olw’olutalo, kibuyaga ng’akunta ku lunaku olw’embuyaga ez’akazimu: 15 era kabaka waabwe aligenda mu busibe, ye n’abakungu be wamu, nw’ayogera Mukama.
(Soma essuula zino nga ozijja mu Baibuli yo)
Obubaka: 63-0721 Afaayo. Ofaayo?
Omugole ow’Okuva Omwagalwa,
Nga abaana Abaebbulaniya bwebaaku??aaaananaga ku makya mu matulutulu okufuna emmaanu eyali ebagabiriddwa okuyita mu kiro, okubabeezaawo mu lunaku olwali lujja, naffe bwetutyo tuku??aana okufuna emmaanu ey’omwoyo etuweereddwa okutubeezaawo mu lugendo lwaffe.
Omugole agattiddwa wamu mu bumu obw’ekitalo ennyo ne Katonda, okutuusa nga okwolesebwa kw’Omugole Omusajja kuli mu kwolesebwa mu Mugole Omukazi. Tunyweredde ku buli Kigambo ekyayogerwa era tufuuse Omu NAYE.
Obutali butuukirivu bw’amawanga bujjudde. Ejjudde empitambi. Kaakaano kiseera kya Kuva kywaffe tugende mu Nsi Ensuubize, mu Maka gaffe. Omugole Yeeteeseteese.
Nga bweYakola mu Kuva kwe okwasooka, mu Kuva kwe okw’okubiri, era kaakaano nga tuli mu Kuva kwe okw’okusatu, Katonda Yalonda n’atutumira nnabbi n’akabonero k’Amaanyi Agasusse Ag’obutonde ak’Empagi y’Omuliro, abantu baleme kukozesebwa nsobi, era bamanyenga nti y’Oyo gweYali alonze okukulembera Omugole We.
Ekyo nnabbi We kyeyayogera kyali Bw’atyo Bw’Ayogera Mukama. Yali Katonda, ng’Akkira mu Mpagi ey’Omuliro, ng’Akakasa er ng’Abikkula Ekigambo Kye. Empagi y’Omuliro eyo yafuka amafuta ku nnabbi We n’eyimirira nga Omujulizi ow’omuggulu okukakasa nti Oyo yeeyali alondeddwa okukulembera Omugole We okumutuusa mu Nsi Ensuubize.
Tukkiriza nti amakanisa gonna gasaanye okuba nga gassa kimu wamu wansi w’Eddoboozi Lino, era nga tegeeyawuddeyawuddeemu. Kiki ekyatwawula? Ssi langi za mibiri gyaffe. Ssi kika kya mmere gyetulya. Muntu y’avudde mu kkubo eryo eryakubibwawo ery’okubuulira okw’Enjiri, buli muntu.
Waliwo ENGERI EMU yokka okulaga ekituufu n’ekikyamu mu ngeri erabikirako ddala . Waliwo engeri emu yokka gy’oyinza okusobola okukikolamu, kiri kuyita mu butateeka nzivuunula yonna yonna ku Kigambo, wabula Kisome busomi era oKiwulirize, era okkirize buli Kigambo.
Naye yagamba nti tebali kukikola olw’obuggya, olw’obuzibe bw’amaaso obw’omwoyo. Tebaagala kulaba. Tebajja kuKiwuliriza.
Katonda ow’eggulu Aliyimirira, era eddoboozi lyange liriba ku lutambi lwa magineeti olw’ekiseera kya Katonda eyo, era lirinenya omulembe guno mu lunaku olusemba. Kubanga li-liri ku lutambi lwa magineeti, kw’olwo liriba ku lutambi Olutaggwawo.
Ye Katonda, Mwene, ng’Ayolesebbwa mu mubiri ogw’omuntu w’okunsi, ng’Ayita mu musaayi gwa Yesu Kristo, okwetukuliza Obulamu bw’Anaasobola okwelabisizaamu, era leero bakomerera Ekigambo kyekimu ekyolesebbwa.
Era olwo leka abo abali okuwuliriza nga bakozesa olutambi, ka bawuliririze kumpi. Era leka tusobole okufuna Omwoyo Omutukuvu ky’Agezaako okutubikkulira.
TUFUNYE Omwoyo Omutukuvu ky’Agezaako okutubikkulira, era ffena tugenda Munsi Ensuubize. Buli omu kuffe! Oba oli mukyala wa mumaka, oba nga oli mukozi wa mu nnyumba omutonotono, oba oba nga oli mukyala mukulu, oba musajja muto, oba omusajja omukulu, oba kyonna ky’oli, tugenda, mu buli ngeri yonna. Tewagenda kubaawo n’omu kuffe alekebwa. Buli omu kuffe agenda!!!
Teyinzika n’akatono Katonda obutakuumu Kigambo kye kyeYatuwa, bwetuba nga tukuumye ekigambo kyaffe kyetwalagaana ne Katonda. Oba nga mazima oKikkiriza, tewali kiyinza kukuleetera kuKibuusabuusa. Ebiseera, ebbanga, tewali kirala kisobola kukuleetera kuKibuusabuusa.
Afaayo nnyo gyetuli nnyo nnyini okutuusa nti Yatutumira nnabbi okutulagirira, ffe abantu Be Abalonde, ng’Ayita mu kuteekawo ekkubo ery’obuddukiro. Teyatufaako mu kutujjayo kyokka, Agabiridde buli kimu kyetwetaaga nga tuli mu lugendo lwaffe. Atuwangulidde buli mulabe. Atuwonya nga tuli balwadde. Yatereka Emmaanu enkusike ey’okutuliisanga buli lunaku; N’okuba awangudde n’okufa, ky’olina okukola kyokka kw’okubeera omwesimbu oKikkirize.
Twayawulibwa dda eri Obulamu Obutaggwaawo. TuKiwuliriza era ne tuKisanyukira. Kwe kubudabuda kwaffe. Ky’ekintu kyetuyaayaanidde obulamu bwaffe bwonna. Ye Ruulu ey’omuwendo etulesezza buli kimu. Tugyagala kubanga tumanyi nti kwe Kufaayo kwa Katonda okuwoomu gyetuli.
Oyina KYONNA kyeweetaaga, mu mwoyo, mu mubiri, oba kutambula butambuzi kumpiko naye, oba okujjuzibwa oba okujjuzibwa nate n’Omwoyo Omutukuvu? Jjangu weggatte naffe wamu ku Kigambo kya Katonda era ekkubo lye eryateekebwawo olw’olw’olwaleero era ofune kyeweetaaga, OBA NGA OFAAYO. Yasuubiza okuKituma, era Akikoze! Yakisuubiza mu Kigambo Kye, era kiikino wano! Ye Afaayo, kati olwo ggwe?
Wajja kubaawo ekintu ekimu mu mutima gwo ekinaakugamba, “emitawaana gyange giwedde. Ngenda kuba bulungi. Ngenda kujjuzibwa. Ngenda kubeera kumpiko naye. Ndi Mugole We.”
JJangu otwegatteko Sande ku ssaawa 6 ez’omu ttuntu mu budde bwe jeffersonville (y’essaawa emu ey’ekiro e Uganda) , nga bwetuwulira: Afaayo. Ofaayo? 63-0721.
Kigenda kuba kijjulo kyakitalo eky’Okwagala nga bw’oMuwulira ng’Akugamba nti Afaayo gy’oli, okuyita mu musana ne oba ekisiikirize, Afaayo gy’oli.
Owol. Joseph Branham
Omut. Yokaana 5:24 / 15:26
1 Peetero 5:1-7
Abaebbulanyi 4:1-4
Obubaka: 63-0714M Lwaki Okaaba Yogera
Obubaka: 63-0707M Okuvunaana
Obubaka: 63-0707E Okusembera
Omugole Omugatte Ayogera EKIGAMBO Omwagalwa,
Kino kye’ekiseera ekisinga obukulu eky’obulamu bwange mikwano! Tulaba Ekigambo nga kituukirizibwa butereevu mu maaso gaffe nga bwekitabangawo. Nga kicamula okutegeera Kiki ky’Ali, kiki omubaka gweYatuma ky’ali, olwo N’OKUMANYA KYETULI! Weebale Kitaffe. Tetwakirowoozaako nti ebintu bino binaabaawo bwebiti, naye kiikino kibaawo butereevu mu maaso gaffe, mu ngeri yennyini ddala nga nnabbi Wo bweyakyogera ku lutambi.
Ndi wansi wa okusuubira okw’amaanyi okulaba Omwoyo We Omutukuvu nga Atusembeza kumpi naYe nga bwekitabangawo emabega mu wiikendi ya Paasika eno. Nnandyagadde okwaniriza buli kinnoomu mu mmwe okussa ekimu naffe ku Bubaka buno, wamu n’Omugole We wonna mu nsi.
“Olwo, akantu akatono konna bwekayimukawo, lwaki weeyisa nga omuwere? Olina okubeera omusajja. Yogera eri abantu,” amiina, “olwo ogende mu maaso!” Amiina. Ky’ekyo. “Tokaaba. Yogera!” Amiina. O, ekyo nkyagala. Onkaabirira ku ki? Yogera bwogezi eri abantu era ogende mu maaso eri ekiruubirirwa kyo. Kyonna kyekiri, bwebuba bulwadde, oba kyonna kyekiri, okuzuukiza abafu, oba kyonna kyekiri, yogera! Nkikakasizza. Yogera eri abantu.”
Nga mukisa gwa maanyi gwetulina okucamula okukkiriza kwaffe, bwetutyo naffe tusobole okwogera EKIGAMBO. Jjangu oku??aane n’Omugole mu wiikendi ya Paasika eno, nga bwe twetegekera Okuva okusembayo. Obulamu bwaffe buteekwa kuba nga busaanira Enjiri, kubanga Omulembe guno gulina Omusango ogugulumirizibwako. Naye KAAKANO tewali nsonga ya Mugole We okukaaba, WABULA OKWOGERA! Genda mu maaso eri ekiruubirirwa kyo. Erinnya lya Mukama lyebazibwe!
Nga bwetukola bulijjo kulwa wiikendi ya Paasika, lekka tweggalire wala n’ensi nga bwetusobola nga tujjako amasimu gaffe okujjako okugakozesa mu kukuba ebifaananyi, okuwulira Okunokola kw’Olunaku, n’okuzannya entambi ku apu ya Layifulayini oba okuva ku mukutu oguwanurikika okuva ku mutimbagano. Leka tuweeyo wiikendi eno entukuvu mu bujjuvu eri Mukama, era tuleme kufuula Paasika eno nsonga ya kulabaganirako na bannaffe;, naye okwewaayo eri EKigambo, mu maka gaffe.Nnandyagadde ffena okwegattira awamu mu nnyanjulabudde eno, mu budde bwa Eastern Daylight Time (EDT) mpozzi nga tutegeezeddwa ekirala.
Lwali Lwakuna ekiro Mukama waffe Yesu lweyaliirako Ekyeggulo Ekisembayo n’abayigirizwa Be nga okujjukira n’okussaamu ekitiibwa Ekiro ky’Okuyitako nga okuva kw’abaana ba Isiraeli mu Misiri tekunnabaawo. Nga mukisa okussa ekimu ne Mukama waffe mu maka gaffe, nga wiikendi yaffe entukuvu tennatandika, era tumusabe okutuwa omukisa n’ab’amaka gaffe, n’okutuwa byonna byetwetaaga mu lugendo lwaffe.
Kitaffe ow’omuggulu, tweyanzeege olwa kino, akaseera akalala okuku??aana awamu, oludda luno olw’obutaggwaawo. Era tunoonya amakya galeero okuzzibwamu amaanyi okuva Gy’oli, okutuwa obuvumu kulw’olugendo olutuli mu maaso. Tuku??aanye nga abaana abaebbulaniya bwebaakolanga buli nkya, okufuna emmaanu eyali ebagabiriddwa mu kiro, okubabeezaawo mu lunaku olujja. Tuku??aanye olw’Emmaanu ey’omwoyo, amakya galeero,okutuwa amaanyi kulw’olugendo.
Lekka ffenna tutandike ku ssaawa 12 ez’akawungeezi. mu budde bw’ewammwe, era tuMuwulire nga Atugamba nti tuli mu kuva okuvannyuma, nga bwetuku??aana okwetooloola Nnamulondo Ye okuwulira Obubaka: Okuva Okw’okusatu 63-0630M.
Nga Obubaka buwedde, tujja kuku??aana n’ab’enju zaffe mu maka gaffe tube n’Ekyeggulo kya Mukama.
Mangu tujja kuba n’omukutu okuwanulayo olutambi n’oluku??aana lw’okussa ekimu byombiriri, oba, lujja kubaawo mu budde obwanjuddwa ku Voice Radio, ku apu ya Layifulayini.
Leka tugende mu kusaba n’ab’enju yaffe ku ssaawa 3 ez’okumakya, era nate ku ssaawa 6 ez’omuttuntu, nga twaniriza Mukama okuba naffe era wamu n’Omugole We wonna mu nsi ku wiikendi eno ey’enjawulo; n’okujjuza amaka gaffe n’Omwoyo We Omutukuvu nga bwetwewaayo Gy’ali okuMusinza.
Leka ebirowoozo byaffe biddeyo ku Lunaku olwo e Kaluvaariyo, emyaka gisukka mu 2000 emabega , era tulabe Omulokozi waffe nga Alengejjera ku musaalaba, olwo tweweeyo naffe bwetutyo okukolanga bulijjo ebyo ebisanyusa Kitaffe:
Kati wekkaanye. BweYajja mu nsi, nga waaliwo, obutakkiriza bungi ddala mu nsi mu biseera ebyo n’okusingawo nga bwebwali bubaddewo, n’okukendeeza tebwaMukendeeza bwangu. Yagenda bugenzi mu maaso nga Abuulira kyekimu, era nga Awonya kyekimu. TekyaMutawaanya na kumutawaanya. Waaliwo abeekennenyi b’ensobi. Omusajja oyo yakubwamu ebituli kuva nga akyali muwere okutuusa lweYafa ku musaalaba. Kyamuyimiriza? Nedda, ssebo. Ekiruubirirwa Kye kyali kiki? “Bulijjo okukola ekyo Kitaffe ky’Awandiise. Bulijjo okukola ekyo ekiMusanyusa Kitaffe. “?
Olwo ku ssaawa 6.30 ez’omuttuntu. leka tulowooreze ddala ku kubuuzo ekikulu ennyo mu bulamu bwaffe, nga bwetuku??aana okwetooloola Nnamulondo Ye okuwulira Obubaka: Obulamu Bwo Busaanira Enjiri? 63-0630E.
Olwo lekka nate twegattire wamu mu kusaba ku ssaawa 9 : 00 ez’akawungeezi mu kujjukira okukomererwa kwa Mukama waffe.
Nate leka tukuŋŋaanire wamu mu kusaba ku ssaawa 3 ez’okumakya, n’essaawa 6 ez’omuttuntu, era tutegeke emitima gyaffe kulw’ebintu eby’ekitalo by’Anaatukolera mu masekkati gaffe,
“Oluvannyuma lw’okuleeta Omusango Ogulumiriza eri mi-mikwano gyange bannaddiini ebweru eyo, era nga ebintu bino ebikalubo nnina okubyogera, naye, Mukama, nkikoze na kulu??amizibwa Kwo. Mpulira nti Ggwe wa??ambye okukikola. Kati kinvudde ku bibegabega, Mukama. Ndi-ndi musanyufu nti ntowolokose. Leka bakikozese kyonna kyebaagala, Kitaffe. Nsaba nti banaakikkiriza. Nsaba nti on’Olokola buli omu, Mukama. Leka wabeewo okudda obuggya okw’abaggyibwako omusango, n’Amaanyi Ag’ekitalo gakke ku kkanisa nga tennagenda. Nze… Ssi kizibu okusaba ekyo, kubanga wakisuubiza. Era nga tunoonya, Mukama, okusika okwo okw’okusatu kwetumanyi nti kujja kutukolera ebintu eby’ekitalo mu masekkati gaffe.”
Olwo ku ssaawa 6.30 ez’omuttuntu, ffenna tujja kujja wamu okuwulira EKIGAMBO: Omusango Ogulumiriza 63-0707M. Luno nga lwa kuba Lunaku lwa Bbaluwa Myufu kulw’Omugole We mu nsi yonna.
Olwo lekka ffenna twegattire wamu nate mu kusaba ku ssaawa 9 : 00 ez’akawungeezi mu kujjukira okukomererwa kwa Mukama waffe.
Nga lunaku lwa kitalo obutaddamu kukaaba, wabula OKWOGERA! Nga makya ga mazuukira! Lekka tuzuukuke nga bukyali nga Ow’oluganda Branham bweyakola ku makya ago mukwano gwe omutono, kaamukuukulu, bweyamuzuukusa ku ssaawa 11 ez’okumakya.. Leka twebaze bwebaza Mukama olw’okuzuukiza Yesu okuva mu bafu:
“Ku ssaawa 11:00 enkya yaleero, mukwano gwange omutono n’ekifuba kye ekimyufu yabuuse n’ajja ku ddirisa n’anzuukusa. Kyalabise nga otutima twe otutono twagala kwabika, tugambe, “Azuukidde.”
Ku ssaawa 3 ez’okumakya. nate leka twegattire wamu mu bwesimbu mu kusaba kwaffe okw’akajegere, nga tusabiragana era nga twetegekera okuwulira Eddoboozi lya Katonda.
Ku ssaawa 6.30 ez’omuttuntu, tujja kujja wamu okuwulira Obubaka bwaffe obwa Paasika: Lwaki Okaaba? Yogera! 63-0714M.
Oluku??aana luno nga luwedde, lekka nate twegattire wamu mu kusaba, nga tuMwebaza olwa WIIKENDI EY’ENJAWULO GY’ATUWADDE OKUBA NAYE N’OMUGOLE WE WONNA MU NSI.
Eri baganda bange ne bannyinange ebusukka gassemayanju, nnandyagadde okubaaniriza okwegattira wamu naffe olw’eby’okubaawo bino mu budde bwa Jeffersonville, olw’emirundi gyonna gyetujja okuba nga tusaba Katonda ku nnyanjulabudde eno n’olw’olutambi olunaaba luzannyibwa ku makya ga Sande. Nkitegeera, naye, nti okuzannya entambi ku lw’okuna, olw’okutaano, n’olw’omukaaga akawungeezimu budde bwe Jeffersonville kyandibadde kizubu nnyo kulw’abasinga obungi mu mmwe, kale nno muwulire eddembe okuzannya Obubaka obwo mu budde bwonna obw’olunaku obukwanguyira. Nnandyagadde, naye, twegattire wamu Sande ku ssaawa 6 : 30 ez’omu ttuntu mu budde bwe jeffersonville (y’essaawa emu n’eddakiika asatu ez’ekiro e uganda) ,okuwulira Obubaka bwaffe obwa Sande wamu.
Era nnandyagadde okubaaniriza n’abaana bammwe okubeera ekitundu ku mirimu gy’okuyigirizibwa okukuba ebifaananyi n’okuwandiika ebinyuma egiyitibwa Creations, n’obubbinkano bw’Entambi obwa Young Foundations (ekivvuunulwa nti Emisingi Emito), ab’amaka go bonna byebasobola okunyumirwa awamu. Tulowooza nti munaabyagala ngeri byonna gyebyesigamiziddwa ku KIGAMBO kyetunaaba tuwulira ku Wiikendi eno.
Okufuna ennyanjulabudde ya Wiikendi eno, okutegeezebwa ku ngeri y’okwetegekeramu oluku?aana l’okussa ekimu, ebintu ebineetagisibwa okukola emirumu gya Creations, Obubbinkano bwa Paasika, n’okutegeezebwa okulala, laba emikutu gino wammanga.
Mpulira ekitiibwa kingi nnyo okubaaaniriza n’ab’enju yammwe okujja awamu n’Omugole wonna mu nsi olwa wiikendi ejjudde OKUSINZA, OKUTENDEREZA N’OKUWONYEZEBWA. Nzikiriza nti mu butuufu egenda kuba wiikendi enaakyusa obulamu bwo lubeerera.
Ow’oluganda Joseph Branham