All posts by admin5

23-0321 Nutrenu Enelia

Gbedasi: 63-0321 Nutrenu Enelia

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Hɔ̃vi Lɔlɔ̃tɔwo,

Mawu ƒe Gbe le míakɔm yi kɔkɔƒewo si míeyi kpɔ tsã o, hele Eƒe Nya ɖem fia. Míeku míaƒe adɔ̃ sueawo ɖe Eƒe Aʋala sesẽawo me esime Wòle míakɔm yi ɖe dziŋgɔli me. Míele dzodzom ƒo xlã le alilikpo dziŋgɔliawo tame ɖaa. Míele mavɔmavɔnyenye me kpɔm ɖa. Enye Ɖeɖefia yeye na mí keŋkeŋ. Ga wu Wòkɔ mí yi dzi la, nenema ke Eme gakɔa wu. Míedoa ɣli sesĩe be: MEKPƆE…MEKPƆE.

Etsɔ Eƒe Aʋala sesẽawo azɔ, ʋuʋuwo ŋutɔ hegblɔ na mí be, “MIDZO VINYE SUEWO, MIDZO.” Gbã la míevɔ̃ alegbegbe. Futɔ la nɔ míaƒe susuwo me yɔm fũ kple ɖikeke sɔgbɔ alegbegbe. Nyemateŋui o, ɖeko nyemateŋui o. Emegbe la míese Eyama wòdoɣli sesĩe hegbugbɔ ɖe gbe abe dziɖegbe ene ɖo ɖe mí be, “MIATE ŊUI, NYE HƆ̃VIWO MIENYE, MIDZE MIAƑE AƲALAWO ƑOƑO KO!!”

Emegbe la, kasia míaƒe aʋala sueawo dze ƒoƒo nenema ko. Ne míele Eƒe Nya sem wu wòle kakaɖedzi nam mí kuɖe amesi míenye, kple nusi míawɔ ŋu la, míaƒe aʋalawo sẽanu ɖe dzi wu. Flap, flap, flap….Mizi Play, Mizi Play, Mizi Play…emegbe kasia, míele dzodzom. Hɔ̃viwo míenye.

Ne vɔvɔ̃ vi aɖe dze agbagba be yeage ɖe míaƒe susuwo me la, ɖeko míetsana ŋku hedzea Eƒe Gbe sese. Eyae nye Esi, le dzodzom tẽ gbɔna míagbɔ be yealé mí ne míedze gege. Míede dzesi be naneke meli si wòle be míavɔ̃ o, Papa Hɔ̃ le afisia kpli mí tututu. Ele ŋku lém ɖe zɔɖeɖe ɖe sia ɖe si wɔm míele la ŋu. Maɖe mɔ be naneke nàdzɔ ɖe míadzi o.

Ablɔɖe aɖe kple kakaɖedzi aɖe Ƒomevi si ŋkɔ míese kpɔ tsã o. Ekpɔtɔ le gbɔgblɔm na mi be, Nye hɔ̃viwo mienye. Miele toɖom hele nusi tututu megblɔ na mi be miawɔ le anyinɔnɔ kple Nye Gbe si megblẽ ɖi na mi la wɔm.

Enyae bena ne Yegblɔ nane na mí le nyaƒokawo dzi la, míeyi ge awɔe, elabena míenyae be Eƒe Nya Wònye. Anɔ tsitre ɖe Emegbe tututu. Ne womeŋlɔe ɖi ɖe Biblia me gɔ hã o la, Anɔ tsitre ɖe megbe Nɛ, alekeke hã.

Míenyae be, ne wòle Ema godo la, Aɖee Afia Eƒe nyagblɔɖila. Míede dzesi be wona Eƒe nyagblɔɖila nya Mawu ƒe nyaɣaɣlawo katã, ke eya ɖeka ko, eyata nu sia nu si míehĩa be míanya la, Ele nyaƒoka dzi.

Ɖeɖefia ƒe ŋusẽ si hea dzoxɔxɔ va ƒe Nya gblɔm mielea. Míedi be míado ɣli kple míaƒe gbewo le dzi boo. Míedi be xexeame nanyae be, Nyaƒoka ƒe hɔ̃ menye!

Mawu ƒe susuwo zu nuwɔwɔ esime woɖe wo gblɔ, to Nya aɖe dzi. Emae nye esime Wòɖoe mo na—na wò abe susu ene, Eƒe susu, ke woɖee fia wò. Gake, ekpɔtɔ nye susu sẽ ɖe esime nàɖee gblɔ.

Wole eɖem fia mí. Ŋutikɔkɔe. Azɔ míedi be Míaɖee agblɔ. Míenye Yesu Kristo ƒe Ŋugbetɔ. Enyam ɖi, eɖom ɖi doŋgɔ na xexeame ƒe gɔmeɖoɖoanyi. Menye Eƒe Nya agbagbe si zu ŋutilã. Egblɔ nam be BIA eye nàxɔe. Ƒo ʋɔtrua, woaʋui. Nukake míehĩa la, MÍEƉENƐ GBLƆNA.

Hɔ̃ ƒe Agbenɔɣi lae nye Esi eye míenye Eƒe Hɔ̃viwo. Míekpɔ dzidzɔ wu alo kɔɖiɖi wu le míaƒe agbe me kpɔ o. Vɔvɔ̃ aɖeke o. Nuxaxa aɖeke o.

Mele wò kpem be nàva dzo yi kɔkɔƒe yeyewo kpli mí Kɔsiɖagbe sia le ŋdɔ ga 12 me, Jeffersonville ƒe game, esime Mawu ƒe hɔ̃ sesẽa ado ɣli sesĩe ɖo ɖe mí eye wòaɖe Nutrenu Enelia 63-0321 fia mí.

Nɔvi. Joseph Branham

Ŋɔŋlɔ siwo woaxlẽ le dzadzraɖo me na Nutrenu Enelia 63-0321 ƒe Mawunya sese.
Mateo Kɔkɔe 4
Luka Kɔkɔe 24:49
Yohanes Kɔkɔe 6:63
Dɔwɔwɔwo 2:38
Nyaɖeɖefia 2:18-23, 6:7-8, 10:1-7, 12:13, 13:1-14, 16:12-16, 19:15-17
Mose I 1:1
Psalmowo 16:8-11
Samuel II 6:14
Yeremia 32
Yoel 2: 28
Amos 3:7
Maleaxi 4

23-0806 Nutrenu Etɔ̃lia

Gbedasi: 63-0320 Nutrenu Etɔ̃lia

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Ŋugbetɔ Lɔlɔ̃tɔ Si Me Wodo Dzo,

Midzraɖo, Kɔsiɖagbe sia miele Dzoxɔxɔ to Ɖeɖefia me aɖe xɔ ge wu alesi miexɔ kpɔ le miaƒe agbe me. Ɖeko miele mumu ge le Nya la ŋu. Anyo alegbegbe, eye eme akɔ wu…eye eme agakɔ ƒã gɔ hã wu esime Wòɖe Esia gblɔ. Ke mɔnu ɖeka koe li be wòase Egɔme, elebe Nàzi Play!

Mixɔ nyaƒokawo, miɖotowo nyuie ŋutɔ. Elabena, miele egɔme se ge le nyaƒoka la dzi, elabena wogbugbɔ nɔ nyaƒoka mawo ƒom, eye wonyo ŋutɔ eye womekɔ ƒãa. Alea, miase eme akɔ ƒãa wu le afima.

Nukae Mawu ƒe dɔla gbedeasitsɔla adrelia gblɔ fifi laa ko? Amesi Mawu tia be yeaɖe Biblia me nyaɣaɣlawo katã fia;
amema si Wòtia be yeatsɔ Nutrenu Adreawo ƒe Ɖeɖefia ana, Dziɖegbeawo, kple Eƒe Nya katã. Dɔla si Wòtia be wòayɔ Yeƒe Ŋugbetɔ la do goe. Amema si Wòtia be Wòanye Yeƒe Gbe le ŋkeke mamleawo me.

Mina míagaxlẽ numegbe ma zi ɖeka ake be míakaɖe edzi be míese nusi wògblɔ na mí fifia be míawɔ gɔme ko.

“Miele Exɔge le”, AFIKA?
“Miele Egɔme se ge eme akɔ ƒãa wu le “, AFIKA?

Alesi gbegbe Play Zizi kple Nyaƒokawo sese le vevie ƒe nyae gblɔm mielea. ŊUTIKƆKƆE!!
Esia menye nye nyae o, esiae nye MAWU ƑE NYA si le gbɔgblɔm na Eƒe Ŋugbetɔ la be, XƆE LE AFIMA…LE NYAƑOKAWO DZI. Mawunyagblɔlawo, Miɖe asi le ŋunye.

Aleke ame aɖe si le gbɔgblɔm be yewoxɔ Gbedeasi sia dzi se la le gbɔgblɔm be nyaƒokawo ƒoƒo menye nu GÃTƆ KEKEAKE si Ŋugbetɔ la ate ŋu wɔ mahã? Aleke pastɔ aɖe ate ŋu tsɔ eƒe subɔsubɔdɔ de nyagblɔɖila tɔ ta mee? Menye be wòaxlẽ ko o…Eyae wɔm mele fifia tututu hã, gake be wòaƒo Gbe ma na eƒe alẽha la alebe woate ŋu “SE EME WÒAKƆ ƑÃ WU LE AFIMA”.

Subɔsubɔdɔ gãtɔ kekeake le xexeame yenye Nyaƒoka Subɔsubɔdɔ la. Naneke mele gã wu Play Zizi o. Gbe ɖeka dzi ko Mawu da asi ɖo be wòanye Ale Aƒetɔ La Gblɔ Esi na Yeƒe Ŋugbetɔ la, Gbe si le nyaƒokawo dzi ye.

Mina mana eme nàgakɔ ƒãa zi ɖeka ake. Nyemetsitre ɖe mawunyagblɔla aɖeke ƒe mawunyagbɔgblɔ ŋu O, nenema ke nyemese be mawunyagblɔla aɖeke mate ŋu agblɔ mawunya alo afia nu o.
Gake na nyea kple nye subɔsubɔdɔ la, woyɔm be magblɔ na xexeame be nese Nya si dzɔ hezu ŋutilã, si wolé ɖi hedzraɖo ɖi ɖe nyaƒoka mɔ̃ dzi. Mexɔe se be Enye Mawu ƒe Gbe, eye EYA, kple EYA ɖeɖeko, ɖoa míaƒe biabiawo katã ŋu. Atsɔ nu sia nu si nèhĩa na wò, Kɔkɔdzoe ƒe Xɔse le me, elabena ALE AƑETƆ LA GBLƆ ESI Ye Wònye.

Ŋugbetɔ la mehĩa nye nya o, ɖeko mele Nya la xlẽm abe mawunyagblɔla mamleawo katã ene. Miexlẽnɛ eye miegblɔna alesi gbegbe wòle vevie be woase miaƒe subɔsubɔdɔ kple miaƒe yɔyɔ, woakafu Mawue. Nyea mele gbɔgblɔm na amewo be subɔsubɔdɔ VEVIETƆ KEKEAKE lae nye Mawu ƒe Gbe le Nyaƒoka dzi. Naneke mele gã wu ema o. Mele be woaɖo nu bubu aɖeke o.

Nyemele nusiawo gblɔm be amewo naɖo gbɔgbɔ baɖa alo nuwɔna baɖa aɖe ɖo ɖe mawunyagblɔla aɖe gbɔ alo subɔsubɔdɔ aɖe gbɔ o, Mawu megadzro o. Melɔ̃na wo. Nɔvinyeŋutsuwo wonye. Mawu de yɔyɔ aɖe woƒe agbewo dzi. Ɖee makatse aƒo nu tsitre ɖe Mawu ƒe amesiaminawo ŋua, GAKE dzizizi wònye nam be maƒo nu eye be magblɔ be geɖewo tegbe ɖe WOŊUTƆ ƒe subɔsubɔdɔ dzi eye womeɖo Mawu ƒe Gbe le nyaƒoka dzi abe GBE VEVIETƆ KEKEAKE si Ŋugbetɔ la ate ŋu se o.

Ɖeko megblɔ be, “Migbugbɔ Nɔviŋutsu Branham va miaƒe nyagblɔtiwo dzi,” eye mawunyagblɔla geɖewo dee woɖokuiwo dzi be yewoagblɔ na yewotɔwo alesi Nɔviŋutsu Branham megblɔ nya ma kpɔ gbeɖe le nyaƒoka dzi o, ke WOyɔ yewo be yewoatsɔ Nya la ana amewo; le taflatsɛ dom ɖe NYAƑOKAWO MAƑOMAƑO LE WOƑE HAMEAWO ME ta.

Wogblɔ be MENYO ne pastɔ aɖe le nyaƒokawo ƒom le woƒe hame me o, le nyahem ɖe amewo ŋu le gbɔgblɔm be, ne nyaƒokawo ko sem wole le woƒe hamewo me, ke menye subɔsubɔdɔ o la, womenye Ŋugbetɔ la o.

Mese taflatsedodo geɖe siwo wozã alegbegbe eye wogblɔe na amewo. Gblɔeɖe la womele egblɔ ge na wotɔwo be, “NYAƑOKAWO NYE NU VEVIETƆ KEKEAKE SI WÒLE BE MIAƉO TO” O. Ne wowɔ ema la, ekema amewo abia be… “ekema nukatae míeƒoa nyaƒokawo le míaƒe hamea me ne o ne wònye VEVIETƆ kekeake hã?”

Amesi se ge míele le Kɔsiɖagbe yenye esi:

Mawu ɖe Eɖokui ɖe go le Amegbetɔ aɖe me, eye wògblɔ amesi nɔ megbe na Eyama; ke nusi Sara wɔ, nɔ nukom le agbadɔ la me. Ke Maleaxi ƒe, Ŋɔŋlɔ siawo katã, kple etɔeawo, gblɔe ɖi do ŋgɔ le ŋkeke mamleawo me. Hebritɔwo 4 gblɔ be, ne “Nya la” trɔ gbɔ va. Maleaxi 4 gblɔ be Atrɔ gbɔ va to amegbetɔ aɖe dzi.

Nya Ma trɔ gbɔ va to amegbetɔ aɖe dzi eye Eƒe Gbe si wolé ɖe Nyaƒoka dzi la le míasi eye míele ese ge KƆSIƉAGBE ƉESIAƉE.

Dzidzɔm be magaɖegbeƒã ema zi ɖeka ake, Kɔsiɖagbe sia le ŋdɔ ga 12 me, Jeffersonville ƒe game be, míele Nya si dzɔ hedo ŋutilã kple si wolé ɖe nyaƒoka mɔ̃ dzi se ge. Enana mí Ɖeɖefia kuɖe: Nutrenu Etɔ̃lia 63-0320 ŋu.

Ɣeyiɣi ka mee to ge míala, Ŋugbetɔ. Dzidzɔ kae le míaƒe dziwo yɔ ge fũ. Ŋutifafa kae le akɔfa ge na míaƒe luʋɔwo, esime míase nusi Mawu Ŋutɔ gblɔ na Satana be: “Ɖe asi le woŋu. Ne nèlé wodometɔ ɖeka la, Nye Alẽha sue si yɔ fũ kple Nye Ami kple Nye Nya dzadze ƒe Wein la, mègazĩ wodzi be woagblɔ be, ‘Medo gbe na wò Maria’ aɖeke, alo miaƒe dzixɔse aɖewo o. Ɖe wò asi ɖa le woŋu. Wonya afisi yim wole, elabena wosi ami na wo kple Nye Ami eye dzidzɔ ƒe wein le wosi, ‘elabena wonya Nye ŋugbedodo ƒe Nya. ‘Me’gale wo fɔ ge ɖe tsitre ake. Mègawɔ vɔ̃ Ema o! Mègatee kpɔ be yeatsaka wo o…nɔ adzɔge le wogbɔ ko.”

Mele be míavɔ̃ naneke o. Nya la le Míasi. MÍENYE NYA LA. Míetɔna le naneke ta o. Míenye Mawu ƒe Viŋutsuviwo kple Vinyɔnuviwo. Satana, na ta, NUSIANU nye míatɔ. Mawu ye Gblɔe Nenema. Woŋlɔe ɖi!

Nɔvi. Joseph Branham

Ŋɔŋlɔawo
Mateo Kɔkɔe 25:3-4
Yohanes Kɔkɔe 1.1, 1:14, 14:12, 17:17
Dɔwɔwɔwo Ta 2lia
Timoteo I 3:16
Hebritɔwo 4:12, 13:8
Yohanes I 5:7
Mose III 8:12
Yeremia Ta 32lia
Yoel 2:28
Zaxaria 4:12

23-0730 Nutrenu Evelia

Gbedasi: 63-0319 Nutrenu Evelia

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Ŋugbetɔ Lɔlɔ̃tɔ,

Ŋugbetɔ mebia nya aɖeke eɖokui kuɖe Gbedeasi sia alo Eƒe gbedeasitsɔla ŋu tso keke 1933 me, esime Dzo Lilikpo la dze le Ohio Tɔsisi la gbɔ gbemagbe o. Míenyae be William Marrion Branham nye Mawu ƒe dɔla gbedeasitsɔla sesẽ si Wòdɔ va anyigba dzi be wòayɔ Yeƒe Ŋugbetɔ la do goe.

Tso gbemagbe dzi la, Mawu le Eƒe Ŋugbetɔ la nu ƒom ɖe du na Eƒe Vava. Míele mɔkpɔkpɔ gã aɖe me; elabena míenyae bena anye ŋkeke ɖe sia ɖe azɔ.

Ele míaƒe Xɔse tum ɖo wu gbeɖe tsã, le gbɔgblɔm na mí, le kakam ɖe dzi na mí be, míenye Yeƒe Ŋugbetɔ wɔnuteƒe la. Míenyae be le anyinɔnɔ kple Eƒe Nuɖuɖu Si Wodzraɖo Ɖi la, nukake míehĩa la le AFIMA, LE NYAƑOKAWO DZI.

Aleke wɔ míenya ema kple kakaɖedzi? Nya la gblɔ bena Mawu mawɔ NANEKE O negbe ko Wòaɖe Esia fia Eƒe dɔtsɔla nyagblɔɖilawo hafi. Alea míenyae be ne Mawu le nane ɖe ge afia, alo le nane wɔ ge, le kɔkɔdzoe ƒe Xɔse na ge mí la, Ele Eɖe ge agblɔ abe dziɖegbe ene to míaƒe nyagblɔɖila dzi, ke Eƒe nyagblɔɖila ɖeɖeko dzi.

Nyabiabia ameɖokuise ƒe ŋkekewo ŋu va yi. Ŋugbetɔ la xɔ eƒe tsitrenɔƒe. Naneke megale vevie wu be woase Mawu wòaƒo nu na Eƒe Ŋugbetɔ le nyaƒokawo dzi o. Eyae nye Nyawo ɖeɖe si dzi Mawu Ŋutɔ ɖo kpe be enye Ale Aƒetɔ La Gblɔ Esi.

Gaƒoƒo la yi boo eye míate ŋu ase míaƒe futɔ la ƒe nume ʋeʋe ƒo xlã mí katã. Aʋawo le gbesɔsɔ eye Satana le ƒoƒom ɖe ame dzi le mɔ sia mɔ dzi, gake kafukafu na Mawu Gbɔgbɔme Nuɖuɖu le míasi, eye míenɔ anyi ɖe Nufiala ƒe Kplɔ̃ ŋu ŋkeke kple zã, le azã ɖum le Mana Ɣaɣla ma ŋu. Ekpɔtɔ le geɖe geɖe ɖem fia mí wu gbesiagbe esime Wòle gbɔgblɔm na mí be, “Nu sia nu le nyuie nye lɔlɔ̃tɔ. Meli kpli wò. Megblɔe na wò be nyemadzo le gbɔ wò alo agblẽ wò ɖi kpɔ gbeɖe o. Kpɔtɔ yi dzi. Nya gbɔgbɔvɔ̃ mawo katã do go. Metsɔ Nye tuwowo gã, Nye Nya la na wò, Zãe. Mesusui Ye. Emegbe la Woŋlɔe Ɖi, ke azɔ, le miaƒe ŋkeke me la, Meɖe Hegblɔ alebe miate ŋu ase NYE magblɔ na MI be, Ale Aƒetɔ La Gblɔ Esi. Mienye Nya si zu ŋutilã.”

Mawu ƒo nu to amegbetɔ ƒe nuɣiwo dzi eye wòna mí Eƒe Nya; mele be míavɔ̃ nane o. Menye míaƒe Nya, míaƒe susuwo, míaƒe nuŋububukpɔ ye o, Mawu ƒe Nya wònye Wòna MÍ. Míaƒe XƆSE le Eƒe Nya me eye Eƒe Nya mate ŋu DAƑU KPƆ GBEƉE O!

Azɔ, esi míele Nutrenu Siawo ʋuʋu sem la, Gbɔgbɔ Kɔkɔe la gale nuƒom na mí zi ɖeka ake eye míate ŋu kpɔ míaƒe ŋkɔwo si woŋlɔ ɖi ɖe afima le Alẽvi ƒe Agbe ƒe Agbalẽ me. Bebli hafi míete ŋu le míaɖokuiwo…Ẽ, nye ŋkɔ ye woŋlɔ ɖe afima. Ele nuƒom kuɖe ŊUNYE.

Va wɔ ɖeka kpli mí Kɔsiɖagbe sia le ŋudɔ ga 12 me, le Jeffersonville ƒe
game, eye míase Nutrenu Evelia 63-0319, esime Mawu ƒe Gbe anɔ gbɔgblɔm na mi be woŋlɔ miaƒe ŋkɔwo ɖe Alẽvi La ƒe Agbe ƒe Agbalẽ me.

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedeasi la sese:

Mateo Kɔkɔe 4:8 / 11:25-26 / 24:6
Marko Kɔkɔe 16:16
Yohanes Kɔkɔe 14:12
Tesalonikatɔwo II 2:3
Hebritɔwo 4:12
Nyaɖeɖefia 2:6 / 6:3-4 / Ta 17lia / 19:11-16
Yoel 2:25
Amos 3:6-7

23-0723 Nutrenu Gbãtɔ La

Gbedasi: 63-0318 Nutrenu Gbãtɔ La

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Lɔlɔ̃tɔwo…Mele miayɔ ge be Ŋugbetɔ,

Mawu, Wɔla Gã, Alpha eye Omega, Dzogbenya tso balime, Saron ƒe Rosa, Ŋke Ɣletivi Keklẽ la, Fofo la, Vi la, kple Gbɔgbɔ Kɔkɔe, Dzo Lilikpo la, Mawu Ŋutɔ, va anyigba dzi heƒo nu to ame ƒe nuɣiwo dzi na mí, ŊUTIKƆKƆE!, Hedee nyaƒoka dzi, ale be miase EYAMA wòayɔ mi… “MI” YEƑE ŊUGBETƆ.

Mibu ema ŋu kpɔ xɔ̃nyewo. Míaƒe Aƒetɔ Yesu Kristo, le miaƒe ŋkume kpɔm hele gbɔgblɔm na mi be: “Nye Ŋugbetɔ mienye. Melɔ̃a mi. Melala kpɔ mi eteƒe didi. Na Nyea la, miede blibo. Mienye ŋutilã tso Nye ŋutilã me, ƒu tso Nye ƒu me. Metia mi hafi Mewɔ Anyigba alo ɣletiviwo. Melɔ̃a mi alegbegbe. Mianɔ Mavɔmavɔ me ɖe du. Azɔ, Megbɔna ɖe miata.”

Ema ɖeɖe ko ana míadometɔ ɖe sia ɖe Kɔkɔdzoe Le Xɔese. Nukae abosam ate ŋu ƒu gbe ɖe mia ŋu, agblɔ na mi, ada ɖe mia dzi si awɔ vɔ̃ mi mahã? NANEKE O, KRISTO ƑE ŊUGBETƆ YE MIENYE! Mienye Eƒe Nya si zu ŋutilã, míenye Aƒn. Yesu Kristo.

Aleke wɔ ame aɖe, le gbegbɔgblɔ aɖe me, aŋlɔ nu eye wòaɖe nusi gɔme wònye na mí ? Ɖeko miate ŋu awɔe o.

Teƒe aɖeke meli le xexeame si me miate ŋu axɔ bubu kple gomekpɔkpɔ le be miase Nya siawo o negbe ko mieɖo Ɖeɖefia nyuietɔ la eye MIEZINA PLAY.

Nudzɔdzɔ gãtɔ kekeake siwo xexeame le lalam kpɔ tso ɣeyiɣia ƒe gɔmedzedze me ke la, le mevam fifia tututu, eye míekpɔ gome le Eme. Elala kpɔ ŋkeke sia, gaƒoƒo sia, ame siawo; MIAWO, be yeawu Yeƒe Ɖoɖo Gã ŋu eye yeana wòava me.

Nutrenu Adreawo ƒe nyaɣaɣla ƒe Ɖeɖefia, Dziɖegbeawo ƒe ɖeɖefia, míaƒe blibodede, Eƒe Adam si wogbugbɔ ɖɔɖo keŋkeŋ, Eƒe Vava, wole nusiawo katã ɖem ɖe go eye wole emevam FIFIA, le MI, EƑE ŊUGBETƆA me!

Menye le Mose ƒe ŋkeke me o. Menye le Noa ƒe ŋkeke me o. Menye le Yesu ƒe ŋkeke me o, menye le Yohanes alo Paulo gɔ hã ƒe ŋkeke me o; Ele emevam fifia, FIFI LA TUTUTU, KPLI MI.

Miedi be Míadae ƒu o. Míedi be míanɔ gbesɔsɔ na Eƒe Vava la. Be miawɔ ema la, wode se na mí be míayi ɖe NYA la gbɔ na míaƒe ŋuɖoɖowo. Menye nye tamesusu, alo ame aɖe ƒe tamesusu alo susuwo o, gake nusi gblɔm Mawu ƒe Nya si dzi woɖo kpe la le ye.

Míenyae be elebe Ŋugbetɔ naɖe “Amen” ɖe Nya ɖe sia ɖe dzi eye Wòawɔ ɖeka ɖe du abe Ɖeka ene. Eyata elebe míakpɔ Mawu ƒe Nya me be míakpɔ nusi le Ŋugbetɔ la wɔge ɖekae ɖe du la ɖa.

Ke emegbe la Dziɖegbe nyaɣaɣla adre siwo womeŋlɔ ɖi gɔ hã kura o la gbɔna. Esɔ gbe. Ke mexɔe se be, to Dziɖegbe Adre mawo dzi la, wole ɖe ge ɖe go le ŋkeke mamle siawo me alebe wòaƒo Ŋugbetɔ la ɖe du hena Kɔkɔdzoe ƒe xɔse.

Ele Nya Me le Afima tututu. Wole Dziɖegbe Adreawo ɖe ge afia le miaƒe ŋkeke me alebe wòaƒoƒu Ŋugbetɔ la ɖe du hena Kɔkɔdzoe ƒe xɔse.

Ekema biabia evelia si wòle be míanya yenye esi: Nukae nye Dziɖegbeawo?

Esime, wo “ɖegbe la.” Miɖo ŋku dzi be, Dziɖegbe aɖe ƒe gbeɖiɖi sesĩe ƒe howɔwɔ lae nye Mawu ƒe Gbe. Nusi gblɔm Biblia le ye ma, mikpɔea, “Dziɖegbe ƒe gbeɖiɖi.” Wosusui dziɖegbe ye, gake Mawu Wònye. Ese Egɔme, elabena Woɖe fia Eyama. Mikpɔea? Dziɖegbe ye Wònye.

Eyata Dziɖegbeawo la nye Mawu ƒe Gbe si le Ŋugbetɔ la he ge ava ɖe du eye wòana wo (MÍ) kɔkɔdzoe ƒe xɔse. Míaƒe ŋuɖoɖo lae ma.

Amekae nye Mawu ƒe Gbe na Ŋugbetɔ la? William Marrion Branham ye.

Azɔ, míanɔviŋutsu ko menye, to Mawu ƒe amenuveve me, gake ne Aƒetɔ la ƒe Dɔla ɖiɖi va la, ezua, ekema, Mawu ƒe Gbe na mi… Nyemateŋu agblɔ naneke le ɖokuinye si o, negbe nusi Wòfiam ko, ye megblɔ na. Mixɔe se eye milé ŋku ɖe nusi adzɔ la ŋu.

Mixɔe Se eye milé ŋku ɖe nusi adzɔ kple ava me Kɔsiɖagbe sia ŋu, esime míaƒo ƒu ɖe du, anɔ kɔkɔdzoe ƒe xɔse xɔm, anɔ toɖom Eyama wòa ɖegbe abe Dziɖegbe ene na Eƒe Ŋugbetɔ la.

“Anyinɔnɔ ɖe Dziƒo nutowo me” ƒe nya gblɔm mielea? Nukae wòanye! Ne míate ŋu ase le míaɖokuiwo me alea, esime míenɔ anyi ɖe afisia le anyigba dzi, hafi Kɔkɔdzoe la nava, le nɔnɔme sia si me míele fifia; eye miate ŋu ase vivi, anɔ tsitre ɖe gliawo ŋu ƒo xlãae, kple anɔ tsitre le tsidzadza me, be míase Esia ko ɖe; nuka gɔ̃ wòanye ne míekpɔ Eyama wònɔ anyi ɖe afima! Oo, míatɔwo! Oo, anye ŋutikɔkɔe ƒe ɣeyiɣi aɖe.

Migada ŋutikɔkɔe ɣeyiɣi sia ƒu o. Mekpe mí be míaƒo ƒu kpli mí esime míase: Nutrenu Gbãtɔ La 63-0318, le ŋdɔ ga 12 me, Jeffersonville ƒe game.

Nɔvi. Joseph Branham

Mateo Kɔkɔe 10.1 / 11:1-14/ 24:6 / 28:19
Yohanes Kɔkɔe 12: 23-28
Dɔwɔwɔwo 2: 38
Tesalonikatɔwo 2: 3-12
Hebritɔwo 4:12
Nyaɖeɖefia 6:1-2 / 10:1-7 / 12:7-9 / 13:16 / 19: 11-16
Maleaxi 3lia kple Ta 4lia
Daniel 8:22-25 / 11:21 / 9:25-27

23-0716 Gbagbãƒe Si Le Hame Ƒe Agbenɔɣi Adreawo Kple Nutrenu Adreawo Dom

Gbedasi: 63-0317e Gbagbãƒe Si Le Hame Ƒe Agbenɔɣi Adreawo Kple Nutrenu Adreawo Dome

Xɔe ɖe mɔ̃ dzi OGG
Xɔe ɖe mɔ̃ dzi MP3

BranhamTabernacle.org

Ta Me Dzogbenya Lɔlɔ̃tɔwo,

Míehe míaɖokuiwo va tsiba ta me hekeke míaƒe aʋalawo. Míaƒe aŋgba susueawo do eye wole Balime Dzogbenya la ɖem ɖe go azɔ. Míekɔ míaƒe agbewo ŋuti na Mawu kple Eƒe Nya la keŋkeŋ.

Míele nuwuɣi, hetso Ɣedzeƒe kple Ɣetoɖoƒe, Dziehe kple Nyiehe, le dzadzram ɖo na Kɔkɔdzoe ma. Míele míaɖokuiwo lém sesĩe hena miniti ʋe aɖewo sẽ ɖe esime lãwɔekui ɖe sia ɖe nayɔ fũ kple Gbɔgbɔ Kɔkɔe la. Míele dzadzraɖo wɔm be MÍAYI DZI.

Ŋkeke la va ɖo. Ele Etɔwo yɔm ƒoƒu ɖe Eɖokui gbɔ, le ɖekanyenye vavãtɔ la me kple Eɖokui. Enye Yesu Kristo si le agbe kple Eƒe Gbɔgbɔ le míaƒe ŋutilã me, le numawo ke si Wòwɔ la wɔm abe dzesifiati aɖe na xexeame ene.

Nu si de ŋgɔ wu ɖe sia ɖe le Ŋɔŋlɔa me la le mevam le míaƒe ŋkeke me.
Nuwɔna aɖe, si Mawudɔla aɖe gɔ hã, naneke, mete ŋu wɔe o, negbe Alẽvi la. Eva hexɔ Agbalẽ la le Amesi nɔ anyi ɖe Fiazi la dzi ƒe Nuɖusi me, Ʋui, ʋu Nutrenuawo, Heɖowo ɖo ɖa anyigba dzi, ɖo ɖe Eƒe dɔla adrelia, be Wòaɖe afia MÍ, Eƒe Ŋugbetɔ la.

Nusiwo le dzɔdzɔm la; Nya si ɖem Wòle fia mí gbe sia gbe la, gbɔgblɔ mele ŋu o. Míele míaƒe gbewo kɔm dzi hele ɣli dom hele ɣli dom sesĩe be, Aleluya! Amisisi la, ŋusẽ la, ŋutikɔkɔe la, ɖeɖeɖego la, Eƒe Nya ƒe Ɖeɖefia la lolo wu alesi Wònɔ kpɔ tso gɔmedzedzea me ke.

Kple nuwɔwɔ ɖe sia ɖe si le Dziƒo, kple le anyigba dzi, kpakple le anyigba te, le atsiaƒu me, kple nusiwo katã le wo me la míedo ɣli sesĩe be: yayrawo, bubu, ŋutikɔkɔe, ŋusẽ, na Amesi nɔ anyi ɖe fiazi la dzi, kple Alẽvi la yi ɖe mavɔ mavɔ me, amen! Amen, kple amen!

Nuwɔwɔ ɖe sia ɖe, ame ɖe sia ɖe tso ɣeyiɣi ƒe gɔmedzedze me la lala kpɔ ŋkeke sia be wòava. Gɔ hã Eŋutɔ lala sẽ ɖe esime Eƒe dɔla tiatia va anyigba dzi hafi Wòdo va be yeaxɔ Agbalẽ la, Aʋui eye wòaɖe Eƒe nyaɣaɣlawo katã fia Eƒe Ŋugbetɔ tiatia la.

Azɔ míenya nusi ame aɖeke le anyigba dzi menya o, tso ɣeyiɣi ƒe gɔmedzedze me, ke. Nu sia nu si woɣla ɖe Eƒe Nya me.
Nu sia nu si Ŋugbetɔ la hĩa la wolé ɖe mɔ̃ dzi hedae ɖe Mawu ƒe nudzraɖoƒe sue la.

Efia ɣeyiɣi xɔmetsovɔ la godo mí eye míele míaɖokuiwo kpɔm kple Eyama le Go kemea dzi. Ŋugbetɔ la dzra Eɖokui ɖo vɔ xoxo to Nya la sese dzi.

Míenɔ tutuɖo me. Míekpla Mawu ƒe aʋawɔnu la katã. Naneke mate ŋu ʋã mí o. Naneke mate ŋu do vɔvɔ̃ na mí o. Naneke mate ŋu na míaŋɛ ŋku ƒu Nya ɖeka dzi o. MÍENYE NYA LA.

Míele lalam kpɔ Eyama kple míaƒe seƒoƒotihe. Gaƒoɖokui xoxoa le ʋuʋum. Míele sɔwo ƒe du sisi sem, ke le mimlim le ʋufɔtiawo te. Tasiaɖam xoxoe la le tɔtɔ mɔ dzi.

Ne Wòva ɖo la míele kpo dzo ge tso xexe xoxo sia me ayi ɖe Eƒe Abɔwo me tẽ. Alé mí sesĩe agblɔ be, “Medzo be madzra nɔƒe aɖe ɖi na mi, gake fifia la evɔ vɔ, lɔlɔ̃tɔ”.

Eƒe Vava tu aƒe alegbegbe. Míele mɔkpɔkpɔ me wu gbeɖe tsã. Dzi le míadzɔm alegbegbe esime Wòle didim be míase Nutrenu Adreawo zi ɖeka ake. Míenyae be míegale Ɖeɖefia geɖe xɔ ge wu, elabena Gbedeasi ɖe sia ɖe si míesena la le abe ɖee Míesee gbeɖe kpɔ o ene.

Be woanɔ agbe egbe eye woase Gbedeasi sia la lolo gɔ hã wu ɣeyiɣi ma si me Wolée ɖe mɔ̃ dzi. Ele geɖe ɖem fia mí wu ŋutɔ gɔ hã fifia. Nuka ate ŋu dzɔ?

Miva ƒoƒu kpli mí le ŋdɔ ga 12 me, Jeffersonville ƒe game, eye míase vivi le : 63-0317E Gbagbãƒe Si Le Hame Ƒe Agbenɔɣi Adreawo Kple Nutrenu Adreawo Dome sese me. Enye Nuɖuɖu si Aƒetɔ la Dzra Ɖo Ɖi na Ŋugbetɔ la be wòaɖu.

Nɔvi. Joseph Branham

Ŋɔŋlɔ siwo woaxlẽ le dzadzraɖo me na Gbedeasi la sese:

Mose III 25:47-55
Yeremia 32: 1-15
Zaxaria 3: 8-9/ 4:10
Romatɔwo 8: 22-23
Efesotɔwo 1:13-14 / 4:30
Nyaɖeɖefia 1:12-18 / Ta 5lia / 10:1-7 / 11:18

23-0709 Mawu Si Le Eɖokui Ɣlam Le Gblɔenyenye Me, Emegbe Le Eɖokui Ɖem Fia Nenema Ke

Gbedasi: 63-0317M Mawu Si Le Eɖokui Ɣlam Le Gblɔenyenye Me, Emegbe Le Eɖokui Ɖem Fia Nenema Ke

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Dukɔ Tɔxɛ, Saga, Tutɔ, Gbɔgbɔme Nunɔlanyenye, Fiaƒome Dukɔ Lɔlɔ̃tɔ,

Ŋutikɔkɔe ƒe ɣeyiɣi kae nye esi Wòle Eƒe Ŋugbetɔ la nam, hele Eƒe Nya ɖem fia wu gbeɖe tsã. Gbedeasi Ɖe sia ɖe si sem míele la dze ko abe ɖe Míese doŋgɔ kpɔ gbeɖe o ene. Míaƒe dziwo kple luʋɔwo yɔ fũ kple dzidzɔ esime míele azã ɖum le Mana Yeye si le ɖiɖim tso Dziƒo ŋu. Míele sesem abe ŋgɔdonu na míaƒe Srɔ̃ɖeɖe Ŋkekenyuie ene esime Wòle míanyim Ɖeɖefia ɖe Ɖeɖefia megbe.

Míele gbɔgbɔme vɔsasãwo sam na Mawu, to míaƒe nuɣiwo ƒe kutsetsewo dzi, le kafukafu tsɔm na Eƒe Ŋkɔ. Míexɔ míaƒe tsitrenɔƒe abe dziƒo ɣletiviwo ene.

Eƒoƒu mí ɖe du le dziƒo nutowo me, le Eƒe Gbɔgbɔ Kɔkɔe kɔm ɖe míadzi, le míadzram ɖo na Eƒe Vava kpuie la. Numa ŋu ko míate ŋu abu susu ku ɖo. Esi ɖeɖe le míaƒe susuwo me ye ma. Nusi míedi be míawɔ lae nye MÍASE NYA LA. Egbugbɔ le egblɔm na mí gale egblɔm na mí be míenye Yeƒe Ŋugbetɔ. Esiae nye Eƒe Lɔlɔ̃nu Deblibo be míanɔ anyi kple Eƒe Mɔ si wota la.

Asrafowo míenye le Eƒe Nyaƒoka Subɔsubɔdɔ Dɔwɔƒe la me, eye edze míaŋu ŋutɔ. Enye bubu ƒe akɔtagbalẽvi. Míedi be míade ɣli sesĩe aɖagblɔe na xexeame be, Ẽ, MÍENYE WODOMETƆ ƉEKA.

Edzra Nuɖuɖu ɖo na mí be míaɖu. Mawu Ŋutɔ ƒe Mana ŋutɔ le nuƒom na Eƒe Ŋugbetɔ la, le míanam míele nyanyam be míele le Yeƒe aʋakɔ me.

Míele ƒuƒom ɖe du le dziƒo ƒe avɔgbadɔ gã la te le ɖekawɔwɔ ƒomevi aɖe me, wɔe be Gbɔgbɔ Kɔkɔe la na ɖoƒe Ŋutilã la me ƒe ŋutinu ɖe sia ɖe sẽ ɖe esime luʋɔ kple ŋutilã siãa ƒe dɔyɔyɔ kpatawo le emevam.

Míetsɔa Mawu ƒe Nya la hele abosam kple eƒe ŋusẽ dzi ɖum. Míele evuvum ʋayaʋaya abe avɔka ene kple Nya ma. Míaƒe Aʋafia Gã la gblɔ na mí bena: “Mienye Nya la. Migavɔ̃ o. Mizɔ tẽ yi abosam gbɔ aɖagblɔ be, “WOŊLƆE ƉI BE.”

Etia mí be míanye Yeƒe asrafowo. Míenɔ tutuɖo me, wotsɔ Eƒe Nya la tɔ kpɔtɔ do mí. Míedo awu azɔ hele gbesɔsɔ na aʋawɔwɔ. Míaƒe Aʋafia si xɔ ka ɣletivi atɔ̃ la de nusi míawɔ la ƒe se na mí be: Minɔ anyi kple Nye nyaƒoka ƒe nufiafia la tututu.

ke miawo la mikaɖe edzi, migblɔ nusi gblɔm nyaƒoka la le ko. Migagblɔ nububu aɖeke o. Mikpɔea? Elabena, nyemele Ema gblɔm le ɖokuinye si o. Eyae Ye le Egblɔm, mikpɔea. Eye zi geɖe alegbegbe la, tsakatsaka, amewo tsona hegblɔna be, “Enyo, Asi me Si gblɔ be Egɔme yenye alea kple alea.” Miɖe asi le Eŋu alesi Wòle la ko.

Menye nusi William Branham le gbɔgblɔm na mí le nyaƒokawo dzi ye o, nusi gblɔm MAWU le na Eƒe Ŋugbetɔ le nyaƒokawo dzi Lae. Eƒe GBEƉEƉEWOE Esiawo nye. Mɔnu ɖeka koe li be miaɖo to Gbeɖeɖe siawo tso miaƒe Aʋafia si xɔ ka Ɣletivi atɔ̃ gbɔ eye miaɖe asi le Eŋu alesi Wòle la, MIZI PLAY.

Míele Mawu ƒe aʋakɔ me, alea la elebe míaɖo míaƒe gbeɖeɖewo Nya ɖe Nya dzi. Míele taɖom ŋgɔgbe. Míenye kalẽtɔwo, xɔsemewo, ŋusẽmewo, nugɔmeselawo, Ɖeɖefiamewo.

Le kadede deblibo me kple Fofo la, esime míele tsitre le ʋea ƒe akpa kemea, kple nuvɔ̃ aɖe si tsitre ɖe míaŋu ƒe ŋkuɖoɖodzi aɖeke o la míele. Eƒe Adam si Wogbugbɔ ɖo te la zum.

Eganye Mawu le gblɔenyenye me zi ɖeka ake. Menye ame sia ame tɔ ye o, Eƒe Ŋugbetɔ la ɖeɖe tɔe, azɔ míele Ekpɔm emekɔ ƒã eye wòle gaglagbe.

Mele mɔkpɔkpɔ gã aɖe me be magase Nutrenu Adreawo zi ɖeka ake. Ele Eƒe Nya ɖe ge afia mí wu gbeɖe tsã. Míele Eƒe Nya ƒe Ɖeɖefia gã wu aɖe xɔ ge.

Elala sẽ ɖe ŋkeke sia me be yeaɖe geɖe fia mí wu. Nusianu si míehĩa la wolé ɖe mɔ̃ dzi eye wòle asitsɔƒe na mí le esime míatsɔ míaƒe asibidɛ aka asi nu ŋu ko.

Gbedeasi sia nye Dziɖegbe Adre mawo siwo ana be Ŋugbetɔ la adeblibo; elabena WOLE NYAƔAƔLAWO KATÃ ƉE GE AFIA TO MÍAƑE GBEDEASITSƆLA DƆLA 7LIA DZI NA ŊUGBETƆ LA.

Ŋutikɔkɔe ɣeyiɣi kekeake le xexeame ƒe ŋutinya me yenye esi. Eƒe Vava na Eƒe Ŋugbetɔ la gogo na mí. Xexeame le mɔkpɔm na nusiawo katã siwo woɖe gblɔ le Ŋɔŋlɔawo me; abe ɣe si ŋu atsi le ŋdɔ me ene kple nu ƒomevi vovovowo be woadzɔ evɔ edzɔvɔ ke womenyae o.

Miɖo ŋku dzi be, Wotre eŋu kple Dziɖegbe nyaɣaɣla Adre mawo. Mikpɔea?

Nu gãwo le dzɔdzɔ ge esime míele gale ƒuƒo ge zi ɖeka be míase Mawu Wòaɖegbe aɖe geɖe fia Eƒe Ŋugbetɔ la kuɖe Nutrenu Adreawo ŋu.

Mele miakpem be miawɔ ɖeka kpli mí le ŋdɔ ga 12 me, Jeffersonville ƒe game, esime míadze takpekpe fɔ ɖe wonɔewo ŋu gã sia gɔme kple Gbedeasi: 63-0317M Mawu Si Le Eɖokui Ɣlam Le Gblɔenyenye Me, Emegbe Le Eɖokui Ɖem Fia Nenema Ke.

Esime Nɔviŋutsu Branham agbugbɔ nɔ Branham ƒe Agbadɔ la kple amewo ŋuti kɔm na Mawu la, mina míagbugbɔ kɔ míaɖokuiwo, míaƒe aƒewo, míaƒe hameawo, alo afikakee míeƒoƒu ɖo ŋu, na Eyama.

Nɔvi. Joseph Branham

Kronika I 17:1-8
Yesaya 35:8 / 40:1-5 / 53:1
Maleaxi Ta 3lia
Mateo Kɔkɔe 11:10; 11:25-26
Yohanes Kɔkɔe 14:1-6
Korintotɔwo Ta 13 lia
Nyaɖeɖefia Ta 21

23-0625 Ɖee Esiae Nye Nuwuwu Dzesi laa, Amegã?

Gbedasi: 62-1230e Ɖee Esiae Nye Nuwuwu Dzesi laa, Amegã?

PDF

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR
Xɔe ɖe mɔ̃ dzi OPUS

BranhamTabernacle.org

Nya Ɖe Nya Dzi Ŋugbetɔ Lɔlɔ̃tɔ,

Nyagblɔɖila aɖeke, apostolo aɖeke, gbeɖe, le ɣeyiɣi aɖeke me, menɔ agbe le ɣeyiɣi tɔgbe aɖeke me kpɔ abe alesi míele agbenɔm fifia ene o. Nuwuwu lae nye esi. Dzo Lilikpo la trɔ gbɔ. Dzo Lilikpo la kplɔ Israel-viwo; Amema ke Si mu Saul ƒu anyi le eƒe mɔ dzi yina ɖe Damasko. Amema Ke va kple Ŋusẽ ma ke, le numawo ke wɔm, hele Nya ma ke ɖem fia, hele anyi nɔm kple Nya la ɖe Nya dzi kple Biblia!

Woɖe nyaɣaɣlawo katã fia eyama. Ɖe miede dzesia, nyaɣaɣlawo KATÃ. Nu yeye aɖeke o, womegble naneke ɖi o, womele naneke ɖe ge fia tso ame bubu aɖeke gbɔ o; woɖe nuwo KATÃ fia Eƒe dɔla kple gbedeasitsɔla adrelia eye wotsɔe na MÍ, Eƒe Ŋugbetɔ la, le Nyaƒoka dzi.

Nusi KO Ŋugbetɔ la hĩa ye ma; MIGADE DZESI AKE, NUSI KO ŊUGBETƆ LA HĨA. Bubuwo hĩa nu bubuwo, eye wotsɔe na wo. Gake nusi míehĩa la wolé ɖe mɔ̃ dzi hetsɔe na mí ɖe Nyaƒoka dzi eye ELE Kɔkɔdzoe ƒe XƆSE nam mí.

Míawoe nye hame si Aƒetɔ Mawu na eyama. Eƒe tanɔƒe lae nye esi. Afisi Wògblɔ na mí be míanɔ yenye esi. Menye xɔtutu aɖe o, NYAƑOKAWO. Míawoe nye amehatsotso ma si xɔse eye dɔ le míawum eye míelé Nya ɖe sia ɖe me ɖe asi. Egblɔ na mí be míanɔ afisia eye míakpɔ Kpe Ɣi, Kpe ɣi tititi aɖe, NYA ƉE NYAƑOKAWO DZI DZI.

Gbe aɖe tso Dziƒo ƒo nu nɛ hegblɔ be, “He Nuɖuɖu vɛ. Dzrae Ɖo. Mɔ ma ɖeka dzi ko nàte ŋu aléwo ɖe afisia, eyae nye be nàna wo Nuɖuɖu”. Megblɔ be woadi nububu, alo be ɖeɖefia yeyewo atso amebubu gbɔ o; mikpɔ NUƉUƉU SIA SI WODZRAƉO ƉE NYAƑOKA DZI LA DZI, MITSI AFIMA.

Gake tututu ko abe alesi wowɔ le drɔewo katã si Wòɖe fia me ene la, ɖewo tsɔ mɔ ɖeka, eye ɖewo tsɔ bubu. Ʋee aɖe ŋutɔ koe tsi anyi hekpɔ nusi Wògblɔ na wo la dzi.

Azɔ mitsɔ esia gɔ̃ hã sɔ kple ame mamleawo tɔ, drɔ̃eawo. Esia nye ŋutega. Nuɖuɖu la, Eyae nye si. Afisiae nye teƒe la.

Eƒe nya me magate ŋu kɔ wu nenema na Eƒe Ŋugbetɔ o. Esia ŋutega ye, menye drɔ̃e o, ŊUTEGA. Nuɖuɖu la le afisia: NYAƑOKAWO. Afisiae nye teƒe la: NYAƑOKAWO. Nusi Wògblɔ na mí be míawɔ la wɔm míele tututu: Mise NYAƑOKAWO!

Ehĩa Gbɔgbɔme Ɖeɖefia aɖe be míase nusiawo gɔme. Ele Gbɔgbɔme Ɖeɖefia hĩa ge be woaxɔse eye be woase nusiwo katã gblɔ ge Wòle na mí Kɔsiɖagbe sia. Anye ŋutikɔkɔe ɣeyiɣi na Ŋugbetɔ la.

Nu geɖewo li alegbegbe si Mawu le gbɔgblɔm hele ɖeɖem fia mí le Gbedeasi sia me. Medi be ma kɔpi numegbe ɖe numegbe megbe eye Matsɔe na mi, gake menyae be Aɖe Sikakɔ̃ ɖe sia ɖe afia mi elabena amesi Wògblɔ be mienye yenye esi:

Esia enye hame si Aƒetɔ Mawu nam. Afisiae nye nye tanɔƒe. Afisiae menɔna…elabena ame hatsotso aɖe le afisia si xɔe se, eye dɔ le wo wum eye woku ɖe eŋu.

Míawoe nye hatsotso ma si dɔ le ewum kple le kukum ɖe eŋu. Geɖewo le egɔme sem baɖa hele feŋu ɖum le mía ŋu, gake ema nyo, míelɔ̃na wo hedoa gbe ɖa ɖe wo ta; gake GBE ƉEKA ko dim míele be wòakplɔ mí.

Mitsɔe kem lo, gake elebe mana mí numegbe sia.

“Esime wòde asi kpẽ kuku la, woawu nyaɣaɣla la nu.” Azɔ, mide dzesii, ekema ɣeyiɣia nye ma, be Nyaɖeɖefia 10, ƒe Nutrenu Adreawo ƒe gbewo la, woaɖe afia. Mise egɔmea? Esime wowu Agbalẽa me ƒe nyaɣaɣlawo katã nu! Eye Biblia gblɔ, le afisia, bena awu nyaɣaɣlawo nu.

Amekae awu nyaɣaɣlawo nu mahã? Wò pastɔa? Hatsotso aɖea? Nyea? Dɔla Kple Gbedeasitsɔla Adrelia: William Marrion Branham ye. Ame aɖeke do ŋgɔ na eya, le eƒe ŋɔli me, alo le eya megbe o. AWU NYAƔAƔLAWO NU.

Ate ŋu anye nuwuwu ƒe game. Ate ŋu anye game si anyieʋɔwo ado ɖe dziŋgɔli me, eye gbeƒãɖeɖe aɖe atso dziƒowo, agblɔ be, “Game megali o.” Nenye nenemae la, mina míadzra mía ɖokuiwo ɖo, xɔ̃wo, be míakpe míaƒe Mawu.

Ẽ Aƒetɔ, míedi be míadzra míaɖokuiwo ɖo be míakpe Wò. Míedi be míawɔ nusiwo katã míate ŋu. Míedi be míanɔ Wò Lɔlɔ̃nu deblibo me. Míeɖe kuku Fofo, nuka wòle be míawɔ be míadzra míaɖokuiwo ɖo mahã?

Woli kɔ nuɖuɖu sɔgbɔ ɖi fifia. Mina míawɔ Eŋudɔ. Mina míawɔ Eŋudɔ azɔ.

Akpe na Wò Fofo ɖe Nuɖuɖu si nèli kɔ ɖi na Wò Ŋugbetɔ la kple ɖe Eƒe Ɖeɖefia la ta. Míele Eŋudɔm wɔm gbe sia gbe.

Medo gbe ɖa bia tsɔtsɔke na nye hame sue sia, si Èdɔm ɖe afisia, be—be—be—be manɔ ŋgɔ akplɔ wo la. Yra wo, Aƒetɔ. Mewɔ ɖe alesi ŋutegawo kple drɔ̃ewo gblɔ la nu, ale, le nye nunya ƒe nyuitɔ kekeake me. Meƒo ƒu Nuɖuɖu la katã alesi ko menya, na wo, Aƒetɔ. Ɖesiaɖe wònye la, Aƒetɔ, Tɔwò míenye.

Akpe na Wò Aƒetɔ, Ega gblɔ na mí zi ɖeka ake be Nèƒoƒu Nuɖuɖu si ɖeɖe míehĩa na míaƒe mɔzɔzɔ la.

Mele tsɔtsɔm nam be mase, Amegã, Nuwuwu Ƒe Dzesie Nye Esia? 62-1230E, kple miadometɔ ɖe sia ɖe Kɔsiɖagbe le ŋdɔ ga 12 me, Jeffersonville ƒe game o. Menyae be wole nuwo ɖe ge afia mí geɖe wu tsã. Esia ate nu anye zi mamletɔ si míele Ese ge.

Nuka nenye be enye nane si ana míanya alesi míage ɖe Kɔkɔedzoe ƒe Xɔse me? Eya yea? Ɖe míaʋu du, aflɔ gliwoa? Eye ne nane di be yeadzɔ, eye ŋutilã xoxo, gbegblẽ, gbɔlo siawo le tɔtrɔ ge ɖe? Ɖe manɔ agbe akpɔ eteƒea, Oo Aƒetɔ? Etu aƒe ale gbegbe be makpɔea? Ɖe dzidzime lae nye siaa? Amegãwoe, nɔvinyewo, game kae nye si? Afika míeɖo?

Nɔvi. Joseph Branham

23-0618 Laodikea Hame Ƒe Agbenɔɣi La

Gbedasi: 60-1211E Laodikea Hame Ƒe Agbenɔɣi La

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Nya Si Medanaƒu O La Xɔsetɔ Lɔlɔ̃tɔwo

Alegbegbe wòwɔ nuku esi míenɔ Hame ƒe Agbenɔɣi Adreawo sem kple xlẽme. Kple Gbedeasi ɖe sia ɖe si miesena, ta ɖe sia ɖe si míexlẽna la, Ele Ɖeɖefia geɖe nam mí wu. Míele míaɖokuiwo kpɔm to hame ƒe agbenɔɣi ɖe sia ɖe me…Eƒe Ŋugbetɔ la, si nɔ anyi kple Nya gɔmedzetɔ la.

Le agbenɔɣiawo me la míele gbɔgbɔ eve kpɔm emekɔ ƒã; Satana ƒe amebeble kple alakpawo, le asi trɔm le Mawu ƒe Nya ŋu ƒo xlã, le amewo blem, gblẽm hele wodzi ɖum. Gake ɣe sia ɣi la Mawu ƒe amehatsotso sue wɔnuteƒe la le, Eƒe Ŋugbetɔ la, le kukum ɖe Nya ɖe sia ɖe ŋu.

Toklãnana aɖe li kokoko si wona amewo, elebe mianɔ ANYI KPLE NYA LA. Ɣeyiɣi si me tututu miadzo ɖa le Nya ma ƒe megbe la, woalé mi ɖe Satana ƒe ɣiɖɔka gã la me; abe alesi Xawa wɔe tso gɔmedzedze la me ene. Eda Nya la zazã ƒu. Adam da ƒu le tomaɖomaɖo Nya la me tẽ. Gake Yesu, le Eŋutɔ ƒe Agbe tɔxɛa me, esime wònɔ ʋiʋlim kple Eɖokui la, eɖudi to toɖoɖo Mawu ƒe Nya la dzi me.

Egblɔ be ne míedi be míanɔ anyi ɖe Yeƒe fiazi me la, elebe míanye Nya gbagbe ma. Míaƒe gbedodoɖawo, ŋutsitsidɔ, alo míaƒe dzimetɔtrɔwo gɔ hã la mana mí gomekpɔkpɔ ma o. NYA Ŋugbetɔ la ko woatsɔe ana.

Geɖewo li si medi be magblɔ alegbegbe, kple numegbewo si malɔ̃ be mamã kple miadometɔ ɖe sia ɖe; nuwuwu meli nɛ o. Menyae be Gbedeasi sia le bibim le miadometɔ ɖe sia ɖe ƒe dziwo me eye mielɔ̃na Nya ɖe sia ɖe, tututu ko abe alesi mewɔnɛ ene. Nusi míedi be míawɔ la koe nye be míaƒo nu aɖadeka tso Eŋu. Míedi be xexeame nenyae be: Ẽ, míenye nyaƒokatɔwo. Ẽ, Míezina Play.
Ẽ, míexɔe se be Gbe si le Nyaƒokawo dzi lae nye nusi awɔ Ŋugbetɔ la ɖekae. Ẽ, Play Zizi lae nye Mawu ƒe Lɔlɔ̃nu Deblibo la. Ẽ, menye Eƒe Ŋugbetɔ la.

Menyae be nya ɖeka ko gblɔm mele le leta geɖewo me, gake dzi le dzɔnyem alegbegbe, meda akpe alegbegbe, mekaɖe edzi alegbegbe…ɖeko womateŋu keɖi ke eŋu o, Mawu ƒe Ɖoɖo na Eƒe Ŋugbetɔ lae nye esi.

Kple Gbedeasi ɖe sia ɖe si míesena la, ewɔa mo yaa na mí le biabia wɔwɔ na míaɖokuiwo me be, aleke womate ŋu akpɔ, axlẽ alo ase nusi sem míele o la mahã? Ele afima tututu, le nyaƒoka dzi, ɖe nyaƒoka dzi, ɖe nyaƒoka dzi. Ewɔa be mese le ɖokuinye me abe ɖe wòle be magblɔ na wo abe alesi Yesu gblɔ na Nikodemo ene be: “Wò nènye Israel ƒe nufiala, eye menya nusiawo oa?”

Miɖo to alesi dɔla wɔnɛ gblɔeɖe la ko.

Le agbetɔ ƒe nuwɔna ɖeɖeko ƒe gɔmeɖoɖoanyi dzi la, ame sia ame nyae bena afisi ame geɖewo le la nukpɔsusu vovovowo kuɖe nufiafia gã aɖe si me wokatã wolé ɖe asi ƒe nya suewo ŋu nɔa afima

Le agbetɔ ƒe nuwɔna ƉEƉE ŋu, gbɔgbɔme nugɔmesese aɖeke mehĩa o, ame sia ame nyae bena ame eve woaɖo nukpɔsusu vovovowo le nufiafia gã aɖe ƒe NYA SUEWO ŋu.

Woakatã woateŋu alɔ̃ ɖe edzi aɖagblɔ bena ne amewo mewɔ nusi yewogblɔ dzi o, alo ne wodzo le yewogblɔ la, ekema tsɔtsrɔ̃ adze woyome. Gake nyagblɔɖila vavã aɖe la akplɔ ame aɖe yiɖe Nya la gbɔ kokoko eye wòabla amewo ɖe Yesu Kristo ŋu eye magblɔ na amewo be woavɔ̃ ye alo nusi gblɔm yele o, gake be woavɔ̃ nusi gblɔm Nya la le.

Nukae gblɔm Nya la lee? Madɔ Nyagblɔɖila Eliya ɖo ɖe mi. Le GBE la ƒe ŋkekewo me. Nya nyagblɔɖila Ɖeka anɔ anyi…ƉEKA KO…Elabena Mawu de Ɖeɖefia asi na AMEMA ƉEKA KO. Eyae wòle be wòaɖɔ Nye Ŋugbetɔ la ɖo.

Gbe geɖewo alegbegbe kple nukpɔsusu geɖewo kple numegbewo alea la, aleke ame aɖe ate ŋu akpɔ KAKAƉEDZI BLIBO?

Amekae aɖo madamada ƒe ŋusẽ si wòle be woaɖɔ ɖo le agbenɔɣi mamlɛ sia me, elabena agbenɔɣi mamlɛ sia agatrɔ gbɔ va Nya Dzadze Ŋugbetɔ la ƒe ɖeɖeɖego gbɔ ake mahã?

Amema ye Ŋugbetɔ la di be yeaɖo to, amesi ɖo madamada ƒe ŋusẽ la; elabena eyae anye amesi AƉƆ Ŋugbetɔ la ɖo. Maɖo nukpɔsusu tovovowo o, Enye Nya la.

Biabia: Aƒetɔ, míedi be míanya, amekae nye amema si aɖo Nya madamadawo?

_Magblɔ amesi si wòanɔ la na mi. Anye nyagblɔɖila si dzi woɖo kpe vavã, alo si dzi wogaɖokpe vavã geɖe wu nyagblɔɖila ɖe sia ɖe le agbenɔɣiwo katã tso Enox dzi sẽ ɖe egbe sia, elabena ŋutsu sia aɖo tatsyɔkpe ƒe nyagblɔɖi subɔsubɔdɔ la godoo, eye Mawu aɖe eyama afia. Mahĩa be wòaƒo nu le eɖokui ŋu o, Mawu aƒo nu le eyama ŋu to dzesi la ƒe Gbe dzi. Amen.

Ŋuɖoɖo lae nye: William Marrion Branham.

Na malé dzi ɖe ƒo na wò egbea Ŋugbetɔ Tiatia. MÀTE ŊU, EYE WOMELE, WÒ BLE GE O. Ɖee nèse ema gɔmea? Ame aɖeke màte ŋu able wò o. Paulo mate ŋu able ame tiatia aɖeke o, ne ɖe etɔ medzɔ o. Ŋutɔ gɔ hã le Efeso ƒe hame ƒe agbenɔɣi gbãtɔ la me, womete ŋu ble ametiatiawo o. Wodo apostolo kple nyagblɔɖila alakpatɔwo kpɔ eye wokpɔwo be wonye aʋatsokalawo eye wonya wo do go.

ŊUTIKƆKƆE ŊUGBETƆ…EƑE alẽwo mienye eye Mise Eƒe Gbe hele EYAMA yome dzem. MIENYE ŊUGBETƆ NYA GBAGBE LA!!

Gblɔeɖe la naneke mele gã wu be woanya Nya siawo o. Be nànyae le wò dzi kple luʋɔ me be, ènye Eƒe Ŋugbetɔ la. Ŋkeke siwo xexeame nɔ lalam kpɔ la va ɖo. Ŋugbetɔ la le sidzem Eɖokui eye ele ƉEKA zum KPLE EYAMA; míenye MAWU ƑE NUWƆWƆ YEYE.

Zi ɖeka ake la mele koko ƒom na mi be, MISE MAWU ƑE GBE Kɔsiɖagbe, le afikake ye miele ƒuƒo ge le. Meka Gbedeasi si sem miele o esi wònya nye Mawu ƒe Gbe si dzi woɖo kpe sem miele ko. Gbe Ma nye Gbe si Mawu yɔ hetia be wòaɖɔ Yeƒe Ŋugbetɔ la ɖo aɖa ƒo eyama nu ƒu.

Na hameawo katã, amewo katã la, míele miakpem be míava se kpli mí, Kɔsiɖagbe sia le ŋdɔ ga 12 me, Jeffersonville ƒe game, esime míase: Laodikea Hame Ƒe Agbenɔɣi La 60-1211E.

Nɔvi. Joseph Branham

23-0611 Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo

Gbedasi: 60-1211M Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Mana Lɔ̃la Lɔlɔ̃tɔwo,

Dzidzɔmí elabena míate ŋu ɖu Nuɖuɖu si Me ƒu alo nuku mele o. Abolo siwo le ɖiɖim tso Dziƒo, si woyɔ be “Mana,” tsyɔ nu sia nu dzi kple Dziƒo ƒe vivisese.

To Gbɔgbɔme Ɖeɖefia dzi la Eɖe fia mí be teƒe ɖeka koe li afisi míate ŋu xɔ Mana Yeye sia nukuwo manɔmee le: to Mawu ƒe Gbe si Wòna Eƒe Ŋugbetɔ sese dzi.

Enye Eƒe kukuɖeɖe ɣesiaɣi le agbenɔɣi ɖe sia ɖe me bena hameawo nase Aƒetɔ la ƒe Gbe. Le agbenɔɣi mamlɛ sia me la, Eƒe kukuɖeɖe la ga sesẽ wu agbenɔɣi bubu ɖe sia ɖe gɔ hã; elabena esiae nye Aƒetɔ la ƒe Vava ƒe ŋkeke. Ena toklã mí, kple nɔnɔme kpata ɖe sia ɖe, bena elebe míase Eƒe Gbe, si dzi woɖo kpe, nyateƒetɔ la.

Oo, gbe geɖewo li ale gbegbe le xexeame — kuxi kple hĩahĩawo geɖewo li le ɣli dom be woakpɔ yewogbɔ; gake gbe aɖeke mele anyi nɔ ge si le vevie alegbegbe hedze na toɖoɖo abe Gbɔgbɔ la ƒe gbe ene o. Eyata, “Amesi ke tosenu li nɛ la, ne se nusi Gbɔgbɔ la le gbɔgblɔm na hameawo.”

Eyae nye ema, Eƒe toklã na hameawo, alegbegbe wòle vevie be woase Gbɔgbɔ la ƒe GBE. Kakaɖedzitɔe la afimae futɔ la aƒo ame le, anɔ agbagba dzem be yewoale GBE MA sese ƒe asixɔxɔ dzo ɖa le amewo gbɔ.

Egblɔ na mí be GBE GEƉEWO li. Kuxi kple hiahĩa geɖewo li, le ɣli dom be woakpɔ yewogbɔ, gake migaŋlɔ be kpɔ gbeɖe o, ele be miase EƑE GBE SI DZI WOƉO KPE la.

Ne medze agɔ le miadzi le ema gbɔgblɔ me la, mitsɔe kem, gake, mese be ate ŋu ave ame, gake, menye Mawu ƒe Gbe na mi.

Ŋuɖoɖo lae ma: MENYE MAWU ƑE GBE NA MI.

Eme kɔ alegbegbe na Eƒe Ŋugbetɔ la. Mele ɣaɣla o, Ele afima tututu le gaglagbe; ame sia ame ate ŋu Xlẽe.

Nyemele nane Eya megblɔ o la na amewo o…Nyemele ekpam ye o. Ele nu vevietɔ si wòle be míawɔ la gblɔm na mí eme kɔ.
Mawu ƒe lɔlɔ̃nu deblibo lae nye be WOASE EƑE GBE EYE EYAE NYE MAWU ƑE GBE NA MÍ.

Nɔviŋutsuwo kple nɔvinyɔnuwo, nyemele gbɔgblɔm be miate ŋu ɖo to miaƒe pastɔwo o. Nyemele gbɔgblɔm be wonye alakpatɔ alo wotɔ me dzɔ ne wole subɔsubɔ wɔm o. Emekɔ be Aƒetɔ la ɖo mí afisia be míanye kpeɖeŋutɔ na Ŋugbetɔ la aɖa fia asi mi GBƆ va Nya gɔmedzetɔ la gbɔ; be míada Gbe ma ɖe miaŋgɔ abe vevietɔ kekeake si miate ŋu ase ene. Elebe míatrɔ GBƆ va Mawu ƒe LƆLƆ̃NU DEBLIBO gbɔ. Adam si Wogbugbɔ ɖo te bliboe, si wotsɔ Nya la tɔ glikpɔ do. Mawu ƒo nu gbe sia gbe ɖe to me na Adam le Abɔ la me, eye egbe la, Ele numa ke wɔm.

Ɖe wòle be míanɔ tsitre le gbagbãƒe anɔ gbɔgblɔm be, “Nɔviwo míenye!”
Míemã o, Ŋutilã ɖeka Míakatã míenye; Ɖeka le mɔkpɔkpɔ kple Nufiafia me, (Biblia ƒe Nufiafia La.)

Nɔviwo míenye. Nyemele agbagba dzem be mamã Hameawo dome o, mele agbagba dzem be mahe míakatã va ɖe du kple nu ƉEKA si ate ŋu he Ŋugbetɔ la va ɖe du. Míakatã míate ŋu lɔ̃ ɖe dzi kple AME AƉE, ALO MAWUNYAGBLƆLAWO ƑE HATSOTSO o; wokatã tovo, eye wòle nuvovowo gblɔm. Dɔla gbedeasitsɔla adrelia ƉEKA koe li. Mawu ƒe Gbe ɖeka koe li. Gbe Si Mawu na Eƒe Ŋugbetɔ la le nyaƒoka dzi.

Mana nye nya me nakɔ. Nye Ɖeɖefia yenye be: toɖoɖo Mawu ƒe Gbe le nyaƒoka dzi lae NYE MAWU ƑE LƆLƆ̃NU DEBLIBO.

Abe le Samuel ƒe ŋkekewo me ene, esime amewo gogo eyama hegblɔ na eyama be yewodi fia aɖe be wòaɖu fia ɖe yewodzi. Ede abi eƒe dzi ŋu. Eyi ɖe Mawu gbɔ hegblɔ nusi wodi na Eyama.
Mawu gblɔ na Samuel be, womegbe nu le gbɔwò o, Samuel, Gbɔnyee wogbe nu le, be Nyemaɖu fia ɖe yewodzi o.

Aleke Wònɔ fia ɖum ɖe wodzi ɖo? TO EƑE NYAGBLƆƉILA, SAMUEL DZI. Eƒe LƆLƆ̃NU DEBLIBO ye ma, eye wogbenu le egbɔ. Be nànye Eƒe Ŋugbetɔ la elebe nàtrɔ GBƆ va Mawu ƒe Lɔlɔ̃nu Deblibo gbɔ. Màte ŋu aɖo LƆLƆ̃NU DEBLIBO 2 o.

Aleke wòadzrom be Ŋugbetɔ la katã na va ƒoƒu ɖe du le xexea katã me be wòase Mawu ƒe Gbe ɖe du le game ɖeka dzi. Menye le esi “Me” le egblɔm ta o, gake le esime Mawu LE EWƆM tae. Eyae nye nu ɖeka be woahe Eƒe Ŋugbetɔ la va ɖe du.

Mele miakpem be miava ɖo to kple Ŋugbetɔ la ƒe akpa aɖe, kɔsiɖagbe le ŋdɔ ga 12 me, Jeffersonville ƒe game, be míase: Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo 60-1211M.

Ne miate ŋu awɔ ɖeka kpli mí o la, mide dziƒo na miaƒe pastɔ be miaɖoto Mawu ƒe Gbe Kɔsiɖagbe ŋdi sia le miaƒe hamea me. Ɖee miate ŋu abu eŋu kpɔa, Ŋugbetɔ le xexea katã me, le hame ɖe sia ɖe me, aƒe ɖe sia ɖe me, alo afikake ye miele, le Mana Yeye la sem tsyɔ afisiafi dzi kple Dziƒo ƒe vivisese.

Nɔvi. Joseph Branham